ankawa

منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: P AS في 00:13 13/02/2012

العنوان: ابليــــس يغادر‏الوطن العربي.
أرسل بواسطة: P AS في 00:13 13/02/2012
ابليس قرر الرحيل عن الوطن العربي


ابليــــس يغادر‏الوطن العربي.

كان في ‏غرفته، يلملم ملابسه في حقيبة إلى جانبه وباقي متعلّقاته على المنضدة القريبة.

كانت ‏استقالته موقّعة ومختومة حسب الأصول، وبجوارها تيكت ون-واي إلى أوروبا.

‏كانت ملامح وجهه في تلك اللحظات تنطق بالحزن و‏الكآبة والإحباط واليأس وقلّة الحيلة...
مع دهشة مزمنة ارتسمت عليه منذ فترة ليست ‏بالقريبة مع الاعتراف بالعجز والفشل....
‏إبليس راحلٌ عن الوطن العربي إلى غير ‏رجعة... فليفرح المؤمنون...

- ‏وين يامهون؟ ليش عم بتضب ‏اغراضك؟
- ‏يازلمة ما ضلّلي قعدة عندكو، إلي سنين عاطل عن العمل وقرّبت أموت من ‏الجوع..
ما بلاقي معك سيجارة يا أخوي ؟ مو مأثر فيكو لا وسواس ولا خنّاس!!!

كنت ‏زمان بوسوس للوحدة تترك ابنا يبكي وهي بتحكي مع جاراتها، هلأ صاروا لحالهم يرموا ‏اولادهم في الحاوية أوّل مايجوا!
‏كنت أوسوس للواحد أنو ينسى يسمّي بالله قبل ‏ماياكل، هلأ بطّل حدا يلاقي شي ياكلو !!!! يازلمة إذا أنا إبليس وتسمّمت ‏بالشاورما!!!
‏كنت كمان بوسوس للشب يرميلو كلمة ع البنت وهي ماشية ‏بالشارع، صاروا البنات يعاكسو الشباب بكلام أنا نفسي بخجل ‏أحكيه!‏
إنتو بدكو إبليس ‏إنتو؟! خلوني أبعد عنكو وارتاح!!!
‏صار عندكم فائض في الفساد بكفّي 30 سنة لقدّام، صرت خاف على حالي ‏منكو!!!!

‏يازلمة مرّات بضطرّ أوسوس بالمقلوب وأقول للمسؤول إرحم، وللحرامي ‏بكفّي خلّي شويّ للحراميّة يلي رح ييجوا من ‏بعدك!
‏يعني إذا إنتو لحالكو بتعملوا كل هالبلاوي، أنا إبليس شو بدي ‏أعمل؟؟؟؟ أشتغل شوفير تكسي يعني ولاّ أفتح صالون حلاقة؟؟؟؟

ماضلّ عليً غير أقدّم للأوقاف ‏يعيّنوني واعظ أو إمام جامع!

‏ثمّ فتح إبليس الباب وانطلق خارجاً إلى غير ‏رجعة!!!!

 

العنوان: رد: ابليــــس يغادر‏الوطن العربي.
أرسل بواسطة: messi10 في 00:19 13/02/2012
الله وياه ::)
العنوان: رد: ابليــــس يغادر‏الوطن العربي.
أرسل بواسطة: كوكي 2004 في 00:29 13/02/2012
كلش قوية   ;D
 عاشت ايدك بس هاي السالفة وين أكيد بعمان مبينه من اللهجة
تحياتي دائمآ اقره مواضيعك وتعجبني