عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - كوكي 2004

صفحات: [1]
1
السلام عليكم جميعآ

واخيرآ رب العالمين فرجها علينا ويارب يوم الألكم جميعيآ
حاليآ دا اكتبلكم من المطار وتحديدآ من صالة اﻷنتظار وبعد اقل من ساعة تقلع طائرة الخطوط الجوية اﻷلمانية
والرحلة من عمان الى فرانكغورت ومنها الى نيويورك ومن ثم الى تكساس
وان شاء الله رح اظل على تواصل وياكم بمنتدانا وبيتنا الثاني عنكاوا

أمانة الله ابروني الذمة اخاف بيوم من اﻷيام زعلت احد منكم وبدون قصد
اخوان نصيحة لوجه الله التزموا بالتعليمات بالنسبة لموضوع الوزن ﻷن احنا اكلناها وتأذينا ﻷن طلع عدنا وزن زايد وضطرينا نشتري جنطة وفرغنا قسم من اﻷغراض بيها ودفعنا عليها ( 69 دينار اردني )
يعني 100 دولار الا دينار  ;D والحمد لله على كلشي 

ادعو من الله ان يسهل امركم ويفرج همكم ويعجل بسفركم ويكتبلكم بكل خطوة ألف سلامة
وااستودعكم الله الذي لاتضيع ودائعه


          أختكم كوكي / عمان

2
السلاااام عليكم
شلوووون الحلوووين ياااارب الجميع بخير

حباااايب نززززلن الخشناااات  :D :D :D
تصرفوهن بالهنا والعاااافية ان شاء الله


       تحيااات الناطق بأسم بنك النقد الدولي  ;D ;D / أختكم كوكي

3
شلون الحلوووين والحلوووات ياااارب الجميع بخير

حبايب نزززلن الخشناااات و وياهن زيااادة   :D :D :D

تصرفوهن بالهنااا والعاااافية

بس آني ما اكدر اسحب الخشنان الا يوم 28 بالشهر  :'( يله ميخالف ماكو فرق المهم انتوا تستلمون  :D


     تحيات الناطق بأسم بنك النقد الدولي / اختكم كوكي

4
حبااااييبي الحلوووين

قبل ساعات قليلة غادرنا أخونا العزززيز مؤيد العبيدي أبو علاوي الورد وعائلته الكريمة الى أاااامريكاا وطبعآ من ضمن المسافرين على نفس الرحلة شقيقة أخونااا العزيز علي النعيمي

من مطار الملكة علياااء الدولي الى شيكاغووو ومنها الى تكسااااس
اخونا مؤيد من جماعة استلام الموافقة شهر 3 / 2012

دعواتكم الحلوة بسلامة وصولهم الى وطنهم الجديد ويااااااارب يااااااارب نفرحك بسفر كل الحلوووين والطيبيين




        أختكم كوووكي / عمااان


5
السلام عليكم جميعآ

وصل أخونا العزيز دمروني هو والعائلة الكريمة الى مطار عمان بحدود الساعة 3 العصر وبعد الأنتهاء من الأجراءات اخذوهم  لفندق المطار
اتصل بييه الأخ دمروني وطمني على وصولهم وطبعآ رحنا آني والعائلة لزيارتهم بفندق المطار  وكان هو وعائلته بأنتظارنا وصارت كعدة حلوة وتعارف أحلى وللأمانة عنده عائلة رائعة
ومن خلا تبادل الحديث عرفت منهم بأنه كان وياهم أكثر من 50 شخص من بغداد منهم 6 أو 7 عزاب وكانوا مابين siv و iom
ورح يبقون بالفندق الى باجر بل 7 الصبح يجيهم الباص ياخذهم للمطار

أما أخونا العزيز دمروني رح يكون سفره من عمان الى شيكاغو مباشر ومن ثم الى ولايته تكساس

أدعو من الله الرحمن الرحيم ان يوفقك ويكتبلك بكل خطوة سلامة ويفتحها بوجهك ويجعلها ولاية الخير والسعادة والرزق ان شاء الله
ويااااارب يااااارب يوم النفرح بسفر الجميع بأذنه تعالى



      أختكم كوكي / عماااان

6
شلوووووون الحلوووووووين

حبايب نزززززززززلن الخشنااااااات  :D :D

بس اليوم خوووووووش خشناااات وخوش زيادة  :D :D

ما أكول شكد اريدها مفاجئة  ;D ;D ألكم



           تحيات الناطق بأسم بنك النقد الدولي / أختكم كوووووكي

7
الله بالخيررر للحبايب جميعآ

صباح هذا اليوم غادر أخونا العزيز شنايزر مطار الملكة علياء متوجهآ الى أرض الولايااااات المتحدة الأمريكية

وطلب مني اخونا أبو أحمد أن احجيلكم الصار ويا

يكول وصلنا للمطار الفجر وظلينا ننتظر الأخ موظف ال iom الى أن اجه الساعة 8 وشوية الصبح وسلمنا الأكياس وكلشي تمام الى أن وصلت الى الوزن وما أشوف إلا وبلغوني ( أخونا أنت عليك تجيك أمني واجانه الخبر من أمريكا والشغلة تخص أسمك وأحتمال تسافر وأحتمال متساقر اليوم على هذه الطيارة ) :'( :'( :'( يكول من كلولي هيج لو بس تجون تشوفون حالي بهذه اللحظة وكلنا واكفين وندعي وره شوية كلولي أنتظر عسى وأن يجينا الرد من أمريكا يكول واحنا واكفين وناس تبجي ونا تدعي الى أن أجا الموظف وكااااااال ( يله أخويه جيب جنطك للوزن ) والحمد لله مشت الأمور على خيررررررررر

الله وياااااك أخويه الغالي أبو أحمد محروسيين ياطيب وتوصلون بألف سلامة

يااااااارب يوم النفرح بسفركم جميعآ ان شاء الله





            أختكم كوووكي / عمااان

8
ألف ألف مبروووك دكتورنا العزيز  :D :D

تستحقها وبجدارة وان شاء الله من تقدم الى تقدم وتبقى دائمآ منورنا بمواضيعك  المتميزة وأرشاداتك ونصائحك المستمرة للجميع وللفائدة العامة

ولو مسجليك غياب من زمان بس أكيد الغايب عذره وياااا




         تحياتي واحترامي والله يوفقك ويسهل أمرك أينما كنت


              أختك كوكي / عمااان

9
ألف مليون مبروووك اخويه العزيز Wingo  :D :D
تستحق التمييز بجدارة ويارب من تألق الى تألق ومن نجاح الى نجاحات في كل مجالات الحياة
وان شاء الله البدلة الحمراء فأل خير عليك وتبشرنا بموعد سفرك بالقريب العاجل بأذن الله

عيد سعيد عليك وكل عام وأنت بألف خير


         تحياتي وبالتوفيق ان شاء الله

         أختك كوكي / عمان

10
حباييبي الحلوووين

نزززلن الخشناااااات  ;D ;D تصرفوهن بالهنا وألف عاااافية على كلوبكم

       عيد سعيد وكل عاااام وأنتووووا بأاااالف خير


      تحياتي الناطق بأسم بنك النقد الدوووولي  ;) ;) ;) / أختكم كووووكي

11
ألف مبروووووك اخويه ابو فهد  :D :D
لايكتلك بدلة الأعدام أقصد بدلة التميز  :D :D ان شاء الله نهنيك ونباركلك بيوم سفرك بأذن الله
وأنت متميز من زمان بأخلاقك الحلوة قبل متكون متميز بمشاركاتك
يارب من تألق الى تألق بأستمرار


      تحياتي لأخويه ابو فهودي وربي يوفقك ويسهل امرك يارب

         أختك كوووكي

12
حبايبي الحلوووين وبعد انتظار طووووووووويل نزلن  :D :D :D الناعمات  ;D أقصد الخشنات


       تصرفون بالعافية والهنا

         أختكم كوكي

13
الله بالخيررر عالحلوووين جميعآ ··

أخواني وأخواتي سافر فجر هذا اليوم أخونا العزيز { عبااادي } من مطار الملكة علياء الأردني متوجه الى فرانكفورت ألمانيا ومنها الى سان ديغو كالفورنيا
وطبعآ للأمانة بلغني وبالنيابة عنه ان اعتذر للجميع انه ماكدر ينزل الخبر هو بنفسه لأنه سلم الشقة قبل أيام من سفر وماكان عنده نت

وللفائدة رح أكتبلكم معلومات ملفه

التقديم لل un سنة 2007
أستلام ظرف الموافقة 24 / 12 / 2011
الفحص الأول    شهر   1 / 2012
الأتصال بالكفيل         3 / 6 / 2012
أكتمال الأمنية بالموقع  13 / 7 / 2012
اعادة الفحص - الثاني    25 / 7 / 2012

الدورة التثقيفية يوم     2 و 3 و 4 و 5 / 9

أستلام خط الرحلة بآخر يوم للدورة التثقيفية ويكول احنا 90 واحد بالدورة 89 واحد استلم خط الرحلة بآخر يوم
بنفس يوم السفر الصبح يعني البارحة يكول والله والله يحدود ال 60 كيس دياخذون الحباية والفحص مال يوم السفر
وتقريبآ من 7 الى 10 كيسات اعادة فحص
وكلهم نفسهم راحوا وقعوا على مبلغ الطائرة ويكول شفت اعداد كلش هواية ديجون يستلمون خط الرحلة
وحسب ماشاف البارحة بل iom بأنه دينطون يوم واحد دورة تثقيفية لأن عدهم زخم كلش هواية ومديلحكون وايضآ جماعة كندا يوم واحد دورة تثقيفية

واخيرآ وليس آخرآ البارحة شاف ( 3 أعضاء من عنكاااوا دياخذون الحباية مال قبل السفر وطالعين ويا بنفس الرحلة بس ماقبلوا يكولون أسمائهم  ;) ;) )

وكال اخونا عبادي بأنه مارح ينسى يدعيلنه نلحكه بأسرع وقت كتله يمعود عبادي أمانة لتنسى اخونااا ( سهم التميمي ) ادعيله بلكي تنفك الجبسة ويسحبنا كلنه وراه  :D :D

ادعوله اعزائي ربي يسهل امره ويفتحها بوجها ويكتبله الخير والسعادة وين ميتوجه وان شاء الله يوصل بألف سلامة يارب
عبادي طيب وحباب ويستاهل كل خير

( الله ليضيع صبركم ويوم سفركم جميعآ بأذن الله )

          أختكم كوووكي / عمان

14
شلون الحلوووين جميعآ

اخواني واخواتي ··
غادر اخونا العزيز ابو مريومة فجر هذا اليوم من مطار القاهرة متوجه الى مطار فرانكفورت ومنه الى أمريكا

تمنياتنه القلبية له وللعائلة الكريمة بسلامة الوصول والراحة والأستقرار ببلده الجديد بعد عناء وطول أنتظار

وان شاء الله يوصلون ويستقرون ويرجع ينورنا من جديد بتفاصيل الرحلة من الألف الى الياء


          تحياتي ودعائي لجميع المنتظرين بالسفر السريع وتحقيق الأماني بأذن الله

         ( ارجو من ادارتنا الكريمة بعدم نقل الموضوع لأن ابو مريومة يستاهل وحقه علينا )


              أختكم كووكي

15
شلون الحلوووين ان شاء الله بخير

حبايب نزززلن الحلووووات  ;D ;D   وين أخونا اليريد يسوي الربيع العربي على كوكي  :D :D

العوائل زيادة 50 دينااار
العزاب زيادة 30 دينااار

تصرفون بالهنا وألف عااافية على كلوبكم


              الناطق بأسم بنك النقد الدولي / أختكم كوووكي

16
السلام عليكم
اخواني واخواتي حلآ للأشكال وحتى لنظل بين مصدقيين ومكذبيين هل صحيح اكو تسريع لو ماكو وكلها دعايات رح انطيكم مثال بسيط

معظمكم يعرفون اخونا ( SIRAQS ) احد اعضاء المنتدى وصاحب جمعية منتظري المحلفين والسفر جماعة عمان
طبعآ اخونا استلم ظرف موافقة المحلفين يوم 18 / 6 يعني قبل شهرين ونص تقريبآ وايضآ بنفس اليوم استلم الموافقة الأمنية يعني مكمل كلشي تقريبآ
واليوم كملوا الفحص الطبي ( واخذوا حباية ماقبل السفر ) وباجر موعد سفرهم بأذن الله ويوصلون بالسلامة

اعزائي الموضوع مو موضوع ليش ناس وناس ولا موضوع ليش فلان بسرعة وفلان صارله كذا سنة ينتظر
الموضوع انه بعض الناس يستلمون الموافقتين سوة يعني موافقة المحلف + الموافقة الأمنية ولهذا لحد يستغرف اذا شفتوا ناس بالفحص الأول واخذ الحباية لأن همه اصلآ مكملين كلشي واهم شي هي الأمنية واستلموها مع موافقة المحلف يعني كل واحد وحسب ملفه

بصراحة آني نزلت الموضوع فقط لأن شفت بموضوع الأخ اسبيرو البعض يكول شنو الدليل ومنو يكول ولهذا كلت خلي نقطع الشك باليقين
وتصير مصداقية بالموضوع يعني الي اخذ الحباية بأول فحص هو زميل النه ومو غريب يعني ( شاهدك من بيتك )  ;D ;D    



       تحياتي وتمنياتي للجميع بسفر عاجل غير آجل بأذن الله

17
ألف مبروك حبيبتي ام عصام التميز  :D
أنت متميزة بأخلاقج قبل كل شئ
أتمنالج كل التوفيق والخير والسعادة وان شاء الله يوم النباركلج بأستلام موعد السفر بالقريب العاجل بأذن الله


      أنت طيبة وتستاهلين كل الخير ام عصومي
       تحياتي وبالتوفيق يارب  :-*

18
ألف مليون مبروووك التميز اخويه  :D :D
والله طالع تخبل بالبدلة الحمرة  ;D ;D لايكتلك
ان شاء الله فال خير عليك يارب ويتصلون بيك عن قريب وتبشرنا بموعد السفر أنت طيب وتستاهل كل خير


      الله يوفقك ويسهل امرك يارب

19
ألف مليون مبروك حبيبتي زحليكه  :D :D :D وصولج بالسلامة
ان شاء الله بلد الخير والسعادة والأستقرار يارب
ادعو من الله ان يقر عينج بوصول الأهل بأقرب وقت بأذن الله  :D :D :D



         تحياتي وبوساتي من عماااان لأمريكا  :-* :-* :-*
             شايفة كل الخير حبيبتي والله فرحتلج من كل كلبي

20
واخيرآ نزززلن ااالخشناااات ;D ;D ;D

ألف عافية على كلوبكم وتصرفوهن بالهنا  :D :D :D



         أختكم كوووكي / الناطق بأسم بنك النقد الدولي  :D :D

21
وينك اخويه xxlm569 تعال هنا
ألف ألف مبروك التميز تستاهل ياطيب  :D :D
ان شاء الله دائمآ بروحك الحلوة ومبادراتك الطيبة بمساعدة أخوانك وأخواتك تبقى متميز على طول

ان شاء الله نباركلك يوم التبشرنا بموعد سفرك عن قريب بأذن الله


    تحياتي وبالتوفيق يارب

     أختك كوكي

22
ألف هلا ومية مرحبا بالغالية سلطانة  :D :D
أشرقت وأنورت والله والج وحشة وكنت وستبقين أخت عزيزة ونبقى دائمآ مجتمعين بهذا البيت الرائع
الي مهما كان ومهما حصل يبقى يلمنه عالحب والتعاون والسلام


      والله ونورتي ام كركم حبي  ;) ;)  :D :D

23
ألف مبروك اخويه العزيز أبو عبد الله
دائمآ متميز بحضورك ومواضيعك وروح المساعدة والمبادرات الطيبة الي تعم بالفائدة عالجميع
الله يوفقك ويفتحها بوجهك


    تحياتي وأحترامي

24
الله بالخير ياعسل

حبي ميمي اخونه المتميز العراقي ( ابو علاء ) نزل موضوع بس الظاهر محد انتبه للموضوع
سؤاله يريد يعرف شلون يتم تغيير الأسم بالنسبة للعضو يعني مثل حضرتج واختنا ماكنتوشة


     تحياتي ياغالية

25
الحمد لله على سلامة الوصول وعودة ميمونة ان شاء الله
اخونا العزيز الناسك والله وألك وحشة
الله يجعله بلد الخير والسعادة عليك وقرة الأعين بشوفة الأهل والله ليحرمكم من بعض بجاه النبي

أنت طيب وتستاهل كل خير


    تحياتي ياورد والله يوفقك ويفتحها بوجهك

26
السلام عليكم جميعآ أخواني وأخواتي

بعد ان حق الحق وزالت أسباب الأنسحاب وتم حضر العضو المتجاوز
اصبح من الطبيعي العودة الى بيتنا الثاني الي بي كل لحظات الفرح والحزن والقلق والأنتظار الي مرينا ونمر بيها
وكان ومايزال أحلى ماموجود بهذا الصرح هي اللمة الحلوة وابداء المساعدة في مابيننا وحتى ولو بالكلمة الطيبة

والله والله عن نفسي آني ما أشوف اهلي واقاربي واتكلم وياهم او أشاركهم آلامي وأفراحي بكد ما أتشارك وياكم هذه اللحظات
والأيام لأن احسكم اهلي وناسي


لتخلون شي يفرقنا واحنه كلنا بقارب واحد ودنمر بنفس المحنة
ولهذا اوجه ندائي بل رجائي وابوس راسكم واحد واحد بأن تنسوون كل الي صار ونرجع حبايب وأخوه وخوات مثل قبل واحسن

اقدم شكري وامتناني للأدارة المتمثلة بالأخ أمير المالح والأخ أنور بهنام على احقاق الحق ورد أعتبار الأخوة والأخوات المنسحبيين
وايضآ كل الشكر والتقدير للأخوه والأخوات المشرفيين على كل مابذلوه من جهد في سبيل تهدئة الوضع وتوصيل آراء وشكاوى الأعضاء

                      أخويه العزيز والغالي أبو مريومة الورد
  اترجاك واتوسل بحضرتك ان تعدل ان القرار التخذته لأن غيابك او مجرد التفكير بأنه نخسرك بيوم من الأيام هذا شي كبير بالنسبة النا جميعآ
  وآني أعرفك أنت ابو قلب الحنين والطيب وانت الأصيل وابن الأصول واكيد مارح تخيب ظن الجميع ولا راح ترد طلبي بالعدول عن انسحابك النهائي
                                    والمثل يكول (( ميرد الكريم الا البخيل )) وآني أعرف أنت الكريم وأبن الكرام ان شاء الله


ارجو من الأدارة والمشرفيين المحترميين ان يبقون الموضوع حتى لو لباجر وعدم حذفه او نقله حتى اكبر عدد من الأغضاء المعنيين يطلعون علييه ( ولخاطر ابو مريومة ) حتى يدخل ويطلع علييه

تحياتي للجميع
وبالتوفيق يارب

                        أختكم كوكي

27
السلام عليكم جميعآ ·· أخواني وأخواتي
اليوم فريقنا محتاج دعائنا ان شاء الله الفوز والفرح من نصيبنا

الله يفرح شبابنا وشعبنا الصابر والله ليضيعلنا تعب ان شاء الله
المباراة الساعة 5:45 دقيقة عصرآ

يا الله يا الله

ارجو من الأدارة ان تخلي الموضوع كم ساعة للأطلاع وشكرآ

             أختكم كوكي

28
السلام عليكم جميعآ احبائي

تذاكر المبارات تباع في ( مطعم الأوائل ) قرب المختار مول وسعر التذكرة 5 دنانير للشخص الواحد
وسوف تباع التذاكر يوم ( السبت الساعة 10 صباحآ )
والتذاكر محدودة ل 1500 شخص فقط

تحياتي للجميع ودعائي بالفوز لأسود الرافدين ان شاء الله


             أختكم كوكي

   الرجاء من ادارتنا العزيزة ان تبقي الموضوع لفترة بس حتى اكبر عدد من الأخوة والأخوات يطلعون علييه مع جزيل الشكر

29
حبيبتي مريم
مليون مبروووك على المنصب الجديد دائمآ متألقة ومتميزة بمشاركاتج
ومتميزة بأخلاقج الراقية ومساعدتج لأهلج قبل تميزج بمشاركاتج

ان شاء الله تبقين دائمآ متميزة والله يوفقج ويسهل أمرج

تحياتي لحضرتج وبالتوفيق يارب


              أختج كوكي / عمان

30
السلام عليكم جميعآ

صارلنه شهر ونص نحاول ويه موقع ال iom وكل يوم ويجاووبونه بنفس الجواب

نشكر تعاونكم خلال اسبوع نرد على طلبكم ومن هالسوالف

المهم قبل شوية دزوولنه الباسوورد الجديد ومن انفتح الموقع عدنه ··· هنا المفاجئة عدد افراد العائلة غلط

يعني احنه 5  همه مسوينه بخانة عدد الأفراد 4

وآني خايفة يعني شنو السالفة معناها الشغلة مو مضبوطة وعدهم هوايه خربطة لو شنو رأييكم

تحياتي للجميع

31
اخوان الخشنات نزلن افلتوا على اقرب صراف يم بيتكم  ههههههههههه وتصرفوها بألف عافية

32
السلام عليكم جميعآ

أذا ممكن محتاجة موقع ال iom
اريد اسجل بي حتى اكدر اتابع ملفنه يعني شلون نسجل وشنو الخطوات بالتسلسل الله يرضى عليكم



    تحياتي للجميع
     
                 أختكم كوكي / عمان

33
السلام عليكم جميعآ ···

أخواني وأخواتي الأعزاء
                    قبل نصف ساعة أتصلت بل iom دا أسأل على ملفنه لأن أحنه دننتظر مقابلة المحلفين

                     جاوبني موظف خط المعلومات وطلب مني رقم الكيس نمبر و وره شوية كلي والله أختي

                    بعد ما حاطيكم على جدول المقابلات كتله طيب أذا ممكن سؤال همه المحلفين وصلوا لو بعد

                   جاوبني وكلي ( نعم المحلفين وصلوا قبل كم يوم ) كتله الحمد لله على سلامتهم  شكرآ مع السلامة

                 (  أخواني وأخواتي انتبهووووا لتلفوناتكم من يوم الأثنين القادم لأن يوم الأحد القادم عطلة رسمية بمناسبة
                    عيد العمال وبدل ان تكون العطلة يوم الثلاثاء قدموهه الأحد حتى تصير ويه الجمعة والسبت )

                  ارجوكم ارجوكم انتبهوا لتلفوناتكم لأن رح يتصلون لتحديد مواعيد المقابلات واليجي ويكول شفت اتصال
                  على تلفوني وماسمعت الرنه لو مالحكت علييه ····· تره أموت نفسي  ;D ;D

               اكعدوا احفظوا قصصكم والله المستعان
              تحياتي وان شاء الله التوفيق للجميع


                        أختكم كوكي / عمااان

34
ألف مليون مبروك لأخونا العزيز أبو فهد  :D

القاط الأحمرررر وبجدارة وان شاء الله يوم النباركلك بسفرك لأرض الأحلام  :D  :D

35
 السلام عليكم للحلوين ...

أخواني وأخواتي نزلن  ;D ;D ;D الخشنات وتصرفوهن بالهنااااا ان شاء الله


بس آني ما أكدر أسحب أله يوم 28 بالشهر

ألف عافية على اليستلمون  :D


                   تحيات الناطق بأسم بنك النقد الدولي  :D :D \ كوكي

36
 مساكم الله بالخير جميعآ ..

 أخويه العزيز أبو خالد مختفي صارله كم يوم وهسه شفته موجود وحبيت أسلم واطمأن عليه

يااااارب تكون بأاااالف خيررررر وان شاء الله نسمع خبر يفرحك ويفرحنه عن قريب .. وهو يوم سفرك

                                  ياااااااااااااااااااااااااااااااااااااااااااارب

                                 أنت وجميع المنتظررررررررررررررن



                تحياتي لأطيب أبو خالد .... بالمناسبة شأخبار التانكو  :D :D

37
مراحب للحلوين جميعآ

               عيوني نزززز ;Dلن اااالخشناااات وألف عااااافية على كلووووبكم

                              خوووووش وقت ويه المنخفض :D :D





                             تحيات الناطق بأسم بنك النقد الدولي / كوكي  :D

38
السلام عليكم جميعآ
أخواني وأخواتي بصراحة ماحبيت أكتب هالموضوع ولكن من دا أشوف الناس تعبانه ومقهورة وقلقه كلت لازم ولابد أن أوضح
بعض الأموربالنسبة (( للمساعدات المادية من ال UN \ الراتب ))

قبل فترة وبأحد المواضيع كلت والله لو تدرون شنو التعليمات الجديدة على سنة 2012
وتكلمت عن بعض الأمور منها أنه أصحاب الأقامات السنوية بعد ميستحقون التوطين وهذا الكلام مو آني الي أكوله ولكن دول التوطين
ورد عليه أحد الأخوان وكال ماكو هيج شي وبوقته كلت أوكي والأيام القادمة رح تثبت كلامي وان شاء الله أطلع غلطانه

هسه نجي على موضوع الراتب
بداية شهر ( 1 \ 2012 ) نزلت قائمة بأسماء ( 1000 ) عزب تقريبآ وكانت التعليمات أعادة تقييم للوضع المادي
وبعد ماكمل التقييم ( أنقطعت المساعدات \ الراتب ) عن 90 % منهم أي العزاب وفقط ألي عنده تقرير طبي مصدق من مستشفى لوزميلا والأيطالي وتكون الحالة ( أنزلاق غظروفي بفقرات أسفل الظهر والأعاقات مثل بتر الساق أو اليد وطبعآ القلب والسرطان والفشل الكلوي )
هذه الأمراض فقط ألي ما أنشملت بالقطع

هسه نرجع على أستلام الفيزا كارت من مكتب المفوضية
أعزائي لاحظتوا كانوا من يسلمون الفيزا الموظفة تسأل أسئلة على سبيل المثال
أنت وين ساكن بنفس العنوان لو غيرت والشخص لا أرادي مثلآ لاوالله أنتقلت لمنطقة ثانية
أولادك بالمدارس طبعآ أذا تاركين الدراسة ينقطع الراتب وأذا مدارس خاصة ينقطع الراتب وأذا واحد تارك والآخرين يداومون أيضآ ينقطع الراتب

عندك أحد بالخارج أذا كال الشخص نعم زوجتي أو أختي أو والدتي معناها ينقطع لأن يعتبرون أنه الأقارب ديساعدون ماديآ

العراقيات المتزوجات من أردنيين  تم قطع الراتب عنهم لأن بزواجهه من الأردني يعني بأستطاعتهه أن تحصل على الأقامة ومن ثم الجنسية
وسبق وأن أجتمعوا بيهم ال UN وبلغوهم بأن أي سيدة عراقية ترغب بالحصول على الجنسية تجي تبلغ المفوضية وهمه رح يتكفلون بالمصاريف والي هي ( 350 دينار أردني ) والي مترغب همه ميجبروهه ولكن في كل الأحوال ينقطع عنهه الراتب

وحاليآ بدوا يطبقون نفس القرار على الأخوة العراقيين الي متزوجيين من الأردنيات
لأن بزواجه من الأردنية يستطيع أن يحصل على أقامة سنوية بكفالة الزوجة ومعناها يستطيع أن يعمل ويقوم بأسرته

أخواني وأخواتي كل هذه الأمور سببها أنه التمويل من دول الأتحاد الأوروبي قل بسبب الظروف والضغوط المشاكل الأقتصادية ألي ديتعرضولهه الدول الكبرى

اتمنى أن أكون وضحت ولو الشئ البسيط من الأشكالات الي دتصير بهاي الفترة
تحياتي للجميع ودعائي لكم بالموفقية

39
 السلام عليكم ياطيبين
طبعآ اليوم العصر الساعة 5 رحنه لمطار الملكة علياء بعمان حتى نزور بنت العائلة أصدقائنه الي بأمريكا وشفناها وكعدنه وياها
وكانت موجودة وياها ( موظفة ال iom ) في عمان وتعرفنه عليهه والحق يقال كانت جدآ خلوقه وحبابه ومتعاونه ورح تبقى ويه
البنية بنفس الغرفة وتوصلهه باجر الصبح لباب الطيارة

وخلال كعدتنه بصالة الفندق كانوا موجودين عوائل وعزاب بس العزاب أكثر وكانوا ( مشكل يالوز  :D  )
يعني قسم siv وقسم iom 

بس صارت شغلة كدامي ونقهرت عليهه وهي أنه كانت سيدة عراقية كاعدة يمنه هي وأطفالهه ثنين وزوجهه
جابوهه هي وأطفالهه للفندق يرتاحون لباجر الصبح بس زوجهه مخلوا يوصل للفندق لأن كان قبل عايش بالأردن ومن رجع
للعراق مادفع الغرامات يعني سووله أبعاد ولهذا ماقبلوا يطلع خارج ورح يظل كاعد لباجر بصالة المطار  :'(

علمآ أنه موظفة ال iom الشهادة لله شكد حاولت اطلعة وتجيبه يم عائلته للفندق حتى يرتاحون لباجر الصبح بس ماقبلوا وكالوا هذه
تعليمات >:(

المهم وأحنه كاعدين ظلينه نسولف ويه موظفة ال iom  وطبعآ هي أختصاصهه حجز التذاكر لكل المسافرين يعني الي على ال iom وال un وكلت بالحرف الواحد
( وصلتنه تعليمات بأن نتهيئ لسفر أعداد كبيرة هذه السنة وأكثر التركيز رح يصير على أصحاب الكيسات القديمة والي يعتبروهه متأخرة )
وأكيد تعذروني من عدم ذكر أسم الموظفة وبالمناسبة أخذنه وياها صور وكالت ان شاء الله آني الي أحجزلكم تذاكر السفر بأيدي  :D

المهم باجر الساعة 7 صباحآ الجماعة رح يتوجهون للمطار والساعة 10 رح تقلع الطيارة ورح تكون ( الرحلة من مطار عمان الى مطار شيكاغو مباشرة ومن شيكاغو رح يفترقون كلمن الى ولايته )
يعني ماكو ترانزيت والي رايحين لتكساس عددهم 12 مسافر

وان شاء الله ان شاء الله الرحلات القادمة تكون من نصيب أعضاء عنكاوه وكل المنظرين بجاه كل الأنبياء  :)


                                      مراسلتكم من مطار الملكة علياء الأردني   :D / كوكي

40
مراحب للحلوين
أخواني وأخواتي قبل شوية كنت دا أحجي ويه عائلة أصدقائنه كلش وهم الي رح يكفلونه بتكساس
وبشروني بأنه البارحة كانوا بالمنظمة وخبرهم المسؤول بأن تبلغوا أن يحضرون نفسهم ويتهيئون
لأستقبال أعداد كبيرة بالفترة القادمة القريبة والأعداد هاي تشمل بغداد وباقي الدول الي بيهه لاجئين عراقيين
وكال صحيح كانت الفترة السابقة بيهه شوية ركود ولكن الفترة القادمة رح يعوضون هذا الركود والبطئ ورح يسرعون
بالمعاملات

والخبر الثاني أنه باجر رح توصل طيارة من بغداد الى مطار الملكة علياء بعمان الساعة 4 عصرآ وبيهه عوائل وشباب وشابات
عراقيين مسافرين الى أمريكا وبنت العائلة أصدقائنه رح تكون من ضمنهم
ويوصلون بألف سلامة

حبيت أنقل الخبر لرفع المعنويات شوية بس تره مابيه حيل أشيلهه وحدي لازم تساعدوني  ;D
تحياتي وان شاء الله السفر والفرج القريب للجميع

41
ياجماعة ياجماعة أكو وحدة أسمهه كوكي تسلم عليكم ودكول
                 
         نززززلن الخشنااااااات وألف عافية على كلوبكم  ;D




                                  تحيات الناطق بأسم بنك النقد الدولي  ;D/ أختكم كوكي

42
ألف مليون ترليون مبروك لأخونه العزيز أبو علاوي وجميع الأخوه والأخوات ألي تم الأتصال بيهم
لأجراء الفحص الطبي في بلازا الخالدي
الله يتممهه على الجميع بالخير وان شاء الله يتصلون بكل الي قابلوا بهذه الوجبة
ويارب القبول للجميع ان شاء الله
تحياتي وبالتوفيق



                                        أختكم كوكي / عمان

43
أنتباه بعد قليل سيصدر بيان حول وضع اللاجئين العراقيين في سوريا من قبل السفارة العراقية في سوريا

44
     أشرقت وأنورت يامليون مرحبا بأختنه الغلية ريم عبد أكول اليوم المنتدى زايد نور على نوره
      تبين حضرتج اليوم مشرفتنه والله مكانج أنت وكل الغايبين الطيبين خالي والله ليخلي مكانكم
                          أأأأألف أهلآ وسهلآ وأكيد البيت بيتج وأحنه الضيوف

       تحياتي ياوردة

45
الله بالخير جميعآ
اليوم كانت مقابلة المحلفين ويه أخونه أبو علاوي وأشو ليهسه مامبين وينه شصار بالمقابلة ان شاء الله تكون مقابلة سهلة ويبشرنه بالموافقة هو وجميع ألي قابلوا وديقابلون
آمين يارب العالمين

46
أخواني وأخواتي ممكن أعرف موقع ال iom بس حتى أكدر أجيك ملفنه
وشكرآ لتعاونكم

47
السلام عليكم أخواني وأخواتي
مثل وتعرفون أحنه وقعنه البطاقة الزرقاء يوم 23 / 1 وبلغنه الموظف أنه تم تحويل ملفنه لل iom يوم 22 / 1
والبارحة تفاجئنه بأتصال من ال iom  بلغونه بأنه عدنه  مقابلة أولى باجر يعني 31 / 1
بصراحة تفاجئت وماأعرف شأسوي يعني معقولة بين تحويل الملف والمقابلة الأولى بس 8 أيام
بدون زحمة اكو واحد مر بهيج شي لو بس أحنه لأن كولش قلقة
تحياتي والله يوفق الجميع




                  أختكم كوكي

48
السلام عليكم
اليوم وصلتنه رسالة تكول
(لقد تم أصدار رقم سري جديد يرجى مراجعة فرعك لأستلامه )
أخواني وأخواتي يعني كل واحد يروح لبنك القاهرة الي بمنطقتة حتى يستلم الرقم السري الجديد ومعظم الناس أستلموا هذه الرسالة
وبالتوفيق ان شاء الله و وراها ابشركم بنزول الخشنات  ;D

49
السلام عليكم أخواني وأخواتي
حبيت تشاركوني فرحتي وصبري بعد أنتظار 8 سنوات أتصلوا بينه ال UN يوم الأحد وبلغونه بأن نحضر الى مبنى المفوضية
للتوقيع على ( الكارت الأزرق ) مع أحضار صورة شخصية لكل فرد من أفراد العائلة ورحنه يوم الأثنين وكان رقمنه 8 سبحان الله
8 سنوات أنتظار وبيوم التوقيع سرانه رقم 8  ;D  المهم دخلنه مع الموظف و وقعنه وبعد ماكملنه أخبرنه بأنه المفروض نستلم البطاقة بعد شهرين ولكن ديصير تأخير بوزارة الداخلية وأحتمال أطول 4 شهور .
وبلغنه الموظف بأنه ملفنه وصل من بيروت قبل 10 أيام وتحول الى IOM قبل 3 أيام

وآني مانزلت الخبر يو الأثنين يعني أول البارحة كلت خلي أخابر على ال IOM وأحصل الكيس نمبر وبعدين أبشركم
وطبعآ الكيس نمبر مالتنه يبدي ( JO 125XXX )
ويارب الفرج للجميع ولكل المنتظرين ..... آمين يارب العالمين





                          أختكم كوكي

50
السلام عليكم ..
أخواني وأخواتي تتذكرون يوم( 29\ 11 )نزل الراتب يعني مساعدات ال UN وكان بيهه زيادة 40 دينار يعني مثل الشهر الماضي
المشكلة الي صارت هذا الشهر هي معظم العوائل الكبيرة ماكدروا يسحبون لأن الصراف الآلي أعلى مبلغ بي للسحب هو 250
يعني مثلآ العائلة المتكونة من 6 أفراد يستلم ( 245 دينا أردني ) زائد 40 دينار الزيادة يصير 285 دينار وبهذه الحالة لازم الشخص يسحبهن على مرتين وصارت ويايه نفس الحالة وبنفس الدقيقة أتصلت على خدمات بنك القاهرة عمان وكتله للموظف أنه من دا أسوي أستفسار عن الرصيد ديطلع المبلغ بس من أريد أسحب ما أكدر وبنفس اللحظة فحص الفيزا وكلي ..
أختي أنتوا الشهر الفات سحبتوا على مرتين يعني صار حركتين على الفيزا وكانت يوم 29 وهذا الشهر نزللكم الراتب يوم 20 بالشهر يعني بعدكم مامقبط الشهر على السحبتين الفاتوا كتله لعد شوكت نكدر نسحب كال لازم ( يوم 28 \ 12 )

يعني باجر روحوا سحبوا الراتب وأأأأأأأأأأأأأأأأأألف عافية
يله الي سحبوا لحكوا يصرفوا وأحنه بعدنه ماساحبين الراتب يعني الي يريد أداينه وعلى الراتب الجاي بس وياهه عموله  ;D ;D


             أختكم كوكي \ عمان

51
السلام عليكم .. شلونكم ياطيبين
الله يرضى عليكم محتاجة عنوان السفاااااارة المصرية في بغداد يعني سفارة الكدعان  ;D ;D
ورجاء حار أريد العنوان مضبوط يعني ما أريد يمكن \ أظن \ أعتقد

لأن محتاجين العنوان لمسألة أنسانية لجماعة أقرباء
وجزاكم الله خير الجزاء




             أختكم كوكي \ عمان

52
 أخواني وأخواتي .. طبعآ دا ألاحظ من أول البارحة لليوم كل شوية واحد من الأخوة أو الأخوات يكول آني ما اجتني رسالة حتى أروح أستلم ال 400 $ علمآ أنهم راحوا عبوا الأستمارات برمضان يعني ناس دتجيهم رسائل للأستلام وناس لا طيب ليش ؟؟؟؟؟؟؟؟؟

السبب أنه وزارة الهجرة والمهجرين و وزارة المالية لعبوا لعبتهم بألغاء ( 800 أستمارة ) يعني هذه ال 800 أذا معظمهم عوائل معناها البوكة (320000) دولار وأذا نصهم عزاب يعني على 200 دولار رح تطلع البوكة ( 80000 ) يعني هذه المبالغ مال 800 أستمارة راحت ببطونهم والدليل أنه جماعة يشتغلون وياهم والمساكين حال الضيم حالهم وأصلاآ يستلمون راتب من اليو أن و وضعهم جدآ تعبان وعبوا أستمارة برمضان وأسمهم بحرف ( أ ) وليهسة ماكو واليوم جيكو على الكومبيوتر مال اللجنة طلع أسمهم ماكوووووو يعني مشطوب .

ولو تشوفون هذه الموظفة الي جاية من وزارة المالية والموظف أبو وزارة الهجرة ( مع أحترامي ألكم ) ذرة أخلاق ماعدهم جان كلتوا العوض على الله .

وعلى العموم أنشاء الله الكل يستلم .



                   أختكم كوكي

53
روحوا أسحبوا الراتب نزلن الناعمات ههههههههه  أقصد الخشنات
وزيادة 40 دينار وأأأأأأأأأأأأأأأأأأأأأأأأأأأأأأأأألف عافية على كلوبكم






                     الناطق بأسم بنك النقد الدولي  ;D ;D ;D أختكم كوكي

54
السلام عليكم .. أرجو أن تنتبهون لتلفوناتكم اليوم لأن من بعد العصر رح يبدون يبعثون رسائل لأستلام ال 400 $
لأن أتصلوا بالمتطوعين وأجتمعوا بيهم وأنطوهم التعليمات بأن كل يوم رح يتم التسليم ل ( 500 كيس ) يعني أرسال ( 500 رسالة باليوم ) يعني لحد يتعب نفسة ويروح من كيفة لأن الكل رح يستلم وبالسرة .

والتوفيق للجميع .

هاي شنو آني أشو بس أبلغكم على الأمور المالية يلة من تستلمون ألي بقشيش من كل واحد منكم ;D ;D ;D ;D ;D ;D ;D عموله يعني ;) ;) ;) .تصرفوهن بالعافية أنشاء الله



                     أختكم كوكي \ عمان

55
السلام عللللللللللللللللللللللليكم جميعآ ..
طبعآ اليوم مدا أصدك عيوني لأن شفت أبو علاوي الورد مشرفنه بحضوره .. آنستنه ونورتنه ياأبو علي والله أشرقت وأنورت ومكانك جان خالي والله لا يخلي يارب و ولا يهونون أخوتنه البقية .

حللتم أهلآ ونزلتم سهلآ والله ليحرمنه من طلتك علينه أخي لأن وجودك معنا وبيننا أنت والخيرين من الناس يعني لنا الكثير

                                     أأأأأأأأأأأأأأأأأأأأأأأأأأهلآ وسهلللللللللللللللللللللللللللللللللللآ

 :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D :D 


                                               أختك كوكي \ عمان

56
مساء الخيرات على عيونكم الحلوة ..

                                         نزلن الخشناااااااااااااااااااات  ;D ;D ;D ;D

حبايبي روحوا أستلموا الراتب نزل وأأأأأأأأأأأأأأأألف عافية على كلوبكم ياحلووووووووووووووووووووووووين .





                       النطق بأسم بنك النقد الدولي  :D :D :D :D :D أختكم كوكي \ عمان

57
السلام عليكم أحبابي ..
يله روحوا أستلموا ... نزلن الناعمات  ;D ;D ;D ;D ;D  أقصد نزلن الخشنات .
وووووأأأأأأأأأأأأأأأأأأأأأأأألف عافية على كلوبكم وتصرفوهن بالهنا أنشاء الله .




                               المتحدث بأسم بنك النقد الدولي  :D :D :D :D :D :D

                                       أختكم كوكي \ عمان

58
مساء الخير جميعآ...
حبايبي جماعة عمان .. الراتب نزل يعني نزلن الخشنات  ;D وأكو زيادة للعوائل كل نفر 15 دينار تقريبآ والعازب 30 دينار على فوك الراتب .


وأأأأأأأأأأأأأأأأأأأأأأأأأأألف عافية على كلوبكم وعيد سعيد وكل عام وأنتوااااااااااا بأأأأأأأأأأأأأأأألف خير .



                              أختكم كوكي \ عمان ... الناطق بأسم بنك النقد الدولي . :D :D :D :D :D :D :D

59
السلام عليكم..
أخواني وأخواتي ... نزلن الخشنات  ;D يعني راتب المفوضية نزل روحوا أستلموا وتصرفوا بأأأأأأأأأأأأأأأأألف عافية .



                        الناطق بأسم بنك النقد الدولي  ;D ;D ;D ;D ;D ;D




                                              أختكم كوكي \ عمان

60
السلام عليكم .. شلون الحلوين
حبايبي .. نزلن الخشنات يعني ( راتب المفوضية نزل ) وبأأأأأأأأأأأأأأأأأأأأألف عافية وتصرفوا بالهنا والعافية . :D :D :D :D :D :D :D :D





                                         أختكم \ كوكي عمان

61
مساء الخيرات والأنوار على الجميع ..
أأأأأأأأأأأأأأأأأأأأأأأأأأأأأبشركم ( نزلن الخشنات ) هههههههههههههههههههه
يعني راتب المفوضية ..


وبأأأأأأأأأأأأأأأأأأأأأأأأألف عافية على كلوبكم .




                                    أختكم كوكي \ عمان

62
   الله بالخير ..
الله يرضى عليكم محتاجة ( ايميل IOM ) بغداد ضروري
مع جزيل الشكر .




                                     أختكم كوكي

63
السلام عليكم جميعآ ..
الى أصحاب الخبرة .. عندي أخويه أبغداد يشتغل ويه القوات الأمريكية من سنة 2005 وهسه ضاقت الأمور بي وبعد ميكدر يبقى أبغداد ويريد يقدم على السفر لأمريكا ويكول عنده ( بصمة عين وأسمه موجود بكل القواعد الأمريكية بالعراق ) هل يحقله التقديم على ال ( IOM ) لو على ( SIV ) وشلون يروح يقدم و وين علمآ أنه عنده عائلة وأطفال . وآسفة أذا طولت عليكم .

وشكرآ جزيلآ مقدمآ .



                                أختكم \ كوكي عمان

64
مساء الخير على الحلوين ..    الراتب نزل ..... وأأأأأأأأأأأأأأأأأأأأأأأأأأأأأأأأألف عافية .




                           أختكم \ كوكي

65
السلام عليكم ..

نزل الراتب ( راتب المفوضية ) وأأأأأأأأأأأأأأأأأأأأأأأأأأأأأأأأأأألف عافية .


                               أختكم كوكي

66
 


































































                  (( أنار الله جمعتكم بالقرآن .. وزادكم عافية واطمئنان ))

                  (( ووهبكم الشفاعة ... وسكنى الجناااااااااااااااااااااان))

                  ((ورضى عنكم وأرضاكم .. وزاد لكم في رزقكم وكفاكم ))

                  (( وجمعكم مع من ..............تحبون وهنااااااااااااااااكم ))

                  (( وبلغكم الفلاح وبارك ..... في عمركم وعااااااااااااافاكم))

                  (( ورفع شأنكم وهداكم .... وجمعنيييييييييييييييييييييييي))

                  (( برسوووووووووووووووله .... وأأأأأأأأأأأأأأأأأأأأأأأأأأأأأأأأأياكم ))


                 (( جمعة مباااااااااااااااااااااركة عليكم جميعااااااااااااااااااااااااااآ ))



                           أختكم كوكي .

67
السلام عليكم جميعآ ..

الخبر الحلو هو ( أنشاء الله بشهر 11 \  القادم من تنزل المساعدات المالية \ يعني رواتب المفوضية رح تستلمون مع الراتب زيادة 100  دينار فوق الراتب ) وطبعآ هذا المبلغ مقطوع يعني 100 دينار لكل فيزا كارت بغض النظر عن عدد الأفراد يعني أذا كانت الفيزا كارت لشخص واحد أو الفيز كارت لعشر أشخاص و أنشاء الله رح ينزلون ( الراتب قبل العيد ) وايضآ بشهر 12 \ القادم رح تنزل 100 دينار أضافة على الراتب ورح أفسرلكم شنو هذه 200 .

قبل جنه نستلم 50 دينار لمدة أربعة شهور والي يسموهه بدل محروقات لشتاء .. هسة شافوا أنه ينطوهه 100 على شهرين بدل 50 على أربعة شهور والمهم رح تنزل مع المساعدات \ الراتب قبل العيد ..

                    وأأأأأأأأأأأأأأأأأأألف تاااااااااااااالاف عافية مقدمآ .. ومن تستلمون أتذكروني بالدعاء ( الله يسهل أمر أولادي )


                             وشكرآ جزيلآ للمفوضية السامية .


                                   أختكم كوكي .

68
                 السلام عليكم جميعآ.

أعزائي ألي ينتظرون تحديد المقابلة الأولى وألي يبدأ رقمهم ( JO 122 ) .

أول البارحة قمنه بزيارة لعائلة أصدقائنة بمنطقة الهاشمي الشملي طبعآ همه ناس كبار بالعمر زوج وزوجته وبعد ماكعدنه ورتاحينه ( فاجأونه بخبر مفرح ) وهو ( تم مقابلتهم قبل يومين من زيارتنة) يعني أحنه زرناهم يوم (السبت ) وهمه مقابلين بل IOM يوم ( الثلاثاء أو الأربعاء ) وألي مقابلتهم بنت أردنية وحسب ماكالوا جانت كلش حبوبه وخوش بنيه وكانت الأسئلة بسيطة ومحصورة ( بالقصة وسنوات الدراسة من الأبتدائية الى المرحلة ألي كل واحد ذاكرهه يعني الى وين واصل بالدراسة وأسماء المدارس + أسم الأم والأب ومواليدهم + أسماء الأخوة والأخوات ومواليدهم + الأمراض المزمنة أن وجدت مع تقارير طبية ...حتى الموظفة الي أجرت المقابلة سائله الزوجة عن الأمراض المزمنة مجاوبتهه المره وكاليلتلهه عندي ( سوفان بالركبة ) راجعة الموظفة سائلتهه شنو تقصدين بالسوفان لأن كثير عراقيين يجون يكولون عدنه سوفان فالمره مفهمتهه وتكول مباشرتآ كامت الموظفة وسوت اتصل ويه جماعة وتكلمت بالأنكليزي ومن كملت المكالمة كالت أني رح أكتب ملاحظة حتى من توصلون يحضرولج كرسي متحرك بالمطار ( وطبعآ هذه مبادرة حلوة من هذه الموظفة طيبت خاطر امرأة كبيرة حتى لو بالكلام ) وبأخير المقابلة كايلتلهم أنشاء الله عن قريب نتصل بيكم على المقابلة الثانية .وهذا ألي صار وحبيت أبشركم واطمأنكم وأنشاء الله عن قريب الكل يقابل والله يسهلهه على الجميع .


                          وآسفة أذا طولت عليكم بس والله فرحت من سمعت الخبر لأن أعرف الكل دينتظر سماع


                         أي خبر من جماعة ال 122 .    أختكم كوكي .

69
    السلام عليكم جميعا .
         اخواني واخواتي الأعزاء . قبل كم يوم احد الأخوه نزل موضوع حول ( اعادة بعض اللاجئين العراقيين من بعض دول أوروبا قسرا والموضوع كان يوصف كيف تم استقبالهم بمطار بغداد بالضرب والأهانة وايضا الموضوع بي تصريحات ( وزير الهجرة الله ينتقم منه من يكول هذه المجموعة الي رجعوا قسرا فقدوا كل حقوقهم بالعراق )

                    الله يخليكم اني جدا محتاجة هذا الموضوع الي محتفظ بي خلي ينزله من جديد

                     لأن اليوم زاروني منظمة كبيرة من الأتحاد الأوروبي للبيت حول موضوع يخصني

                     و تطرقنه لموضوع اللاجئين الي تم اعادتهم للعراق قسرا وحجيتلهم عن المقالة

                    وكالوا ياريت تحصلينياها حتى نكدر نشتغل من خلاله ونشوف تصريحات ألأفندي

                     وزير الهجرة التعبان .

                            اخواني اريد همتكم بالموضوع عسى وان نطلع بنتيجة ومثل ميكول المثل

                               ( العيار الميصيب يدوش ) واسعى ياعبدي واني اسعى معاك .
                       
                     

70
     مرحبا جممممممممممممممممممميعا ..

                  اعزائي واخيرآ اجه الفرج ...شلون ؟

                            نزلت رواتب المفوضية ..... وبي زيادة . وبالعافيةةةةةةةةةةةةةةةةةةةةةةةةةة.

71
مرحبا اخواني واخواتي .


                  اذا ممكن عندي سؤال ومخصص لأخوانه واخواتنه الي بأمريكا والي عنده علم يجاوبني الله يخليكم

                  اريد اعرف شوكت بالضبط يبدأ الدوام الرسمي في جامعات امريكا وبكل الولايات . وشكرا جزيلا مقدما .

                 اختكم كوكي .



























72
الأخوة والأخوات المحترمين . اليوم حصلت على موقع مهم وعسى ان يكون باب فرج للبعض وبالأخص اليجاهم رفض من امريكا او حتى اليحبون يقدمون . وهذا الموقع تستطيعون ان تطلعون عليه وطبعا اليريد يقدم على لجوء انساني او اليريد هجرة ومن نفس الموقع تكدرون تسحبون ( الأبلكيشن ) الطلب وتعبوا وتبعثوا لنفس الجهة ولازم تكتبون اسباب قوية للجوء او الهجرة تكون مقنعة وحتى اذا تريدون اكو محامين للهجرة بنفس الموقع يلتزمون هذه المعاملات وتكون عن طريقهم اسرع وطبعا الشغلة ما بيهه نصب واحتيال لأن المحامي ما رح ياخذ ولا فلس الى ان يكمل معاملتك ويدخلك ( كندا ) بس لازم ترسل الطلب والقصة الى المحامي واذا اقتنع بالقصة رح يلتزم القضية وبالمناسبة اليريد يذكر السفر لأسباب الدراسة ممكن يحصل موافقة ولكن احتمال تتأخر من سنتين الى ثلاثة سنوات يعني اللجوء الأنساني اسرع واحسن وحسب معرفت انه اجور المحامي بحدود ( 4000 دولار ) تقريبا ومن توصل يعني مو مقدما يعني احنه بكل الأحوال مخسرانين شي . واتمنى ان اكون قد قدمت الى اخوتي وخواتي بعائلتنة الحلوة عنكاوا الشي المفيد . اختكم كوكي 2004 .
                                             
                              وهذا هو الموقع (www.cic.gc.ca )

73
شلونكم حبايبي الحلوين . اليوم محتاجة مشورتكم اني دخلت للأردن بل 2004 بالجواز n ومابين 2004 و بدايات 2006 يعني اقل من سنة ونص كانت عندي بعض المعاملات الي تستوجب اروح كم يوم لبغداد واخر مرة رحت لبغداد الشهر التاسع بل 2006 واني ببغداد لاحظت انه جوازي انتهت صلاحيتة فقدمت على الجواز وكان بوقتة s ومن استلمت الجواز اخذ موظف الجوازات الجواز n وقام بألغائه بس ما قبل يرجعليا ومن سألته ليش اخذه كال احنه من نصدر جوازات جديدة ناخذ القديمة الي كانت صادرة قبل السقوط ومفبل ينطينيا واجيت للأردن بل s ومن 2006 ولحد الأن بعد ما غادرت الأردن . وسؤالي هو انشاء الله اذا وصلنه للمحلفين وسالني عن الجواز القديم والختومات البي وطبعا كلكم تعرفون انه كلشي مستنسخ وموجود بالملفمناول الدخول والتواريخ من يسألني على السفرات وتواريخهه شرح اجاوب ارجو المساعدة من ذوي الخبرة ومعتمدة عليكم من بعد رب العالمين . اختكم كوكي 2004 .

74
 مرحبا اخي العزيز شلونك بالبداية اني جدا معجبة بردودك واجاباتك للأخوة والأخوات بالمنتدى والله يوفقك لعمل الخير . اخي طبعا انت سيد العارفين بس اذا ممكن تفتح على صفحة كوكل وتكتب ( طائفة المورمون ) ورح تقرأ كلشي عنهم وبأي ولاية يعيشون وعاداتهم العجيبة والغريبة علما انهم يسكنون ولاية ( يوتا ) القريبة من نيفادا مع فائق احترامي وتقديري . اختك كوكي 2004 .

75
 مرحبا اختي العزيزة دزيتلج الجواب على الخاص وشكرا . اختك كوكي  2004

76
 مرحبا اخي العزيز شلونك وكل عام وانت بخير . اني اختك كوكي 2004 واني وعائلتي بعمان وبطريق الصدفة قرأت ردك لأحد الأخوة وذكرت بعض المعلومات عن ولاية كوينتكت فأرجو واذا ممكن محتاجة معلومات اكثر عن ولاية كوينتكت يعني وبالتحديد مدينة نيو هافن من ناحية فرص العمل ومن ناحية المنظمات والمساعدات والأيجارات وهل موجود بيها نظام بيوت الحكومة لأصحاب الدخل المحدود وهل تعتبرمن الولايات الغالية ام الوسط ام الرخيصة علما انه احنه عائلة وعددنه 6 . ومع جزيل الشكر والتقدير مقدما . اختك كوكي 2004

77
 مرحبا حبيبة عمري انجي عليج الله اطلب منج طلب بس لتضحكين عليه لان اني مااعرف والميعرف مو عيب والموضوع هو شلون اراسلج على الخاص مع فائق الشكر والتقدير . اختك كوكي 2004

78
 السلام عليكم ياوردة الله يرضى عليج ويخليج للمنتدى اريد ارتاح بجواب مظبوط وبدون مجاملة يعني لتخافين علينه من الصدمات لان العراقيين متعلمين على كلشي . حبيبتي جاوبتي الاخ mrwan 2 على موضوع السنة المالية وكلتيلة انهم يردون يوفون بوعودهم ويكملون الى شهر التاسع يعني الميلحك يكمل وملفه بعده ما متحول الى iom الى شهر التاسع يعني بعد تتوقف معاملتة وميكدر يطلع لامريكا . ارجوك ارجوك ريحيني وردي عليه لان اني عندي ضغط ومن قريت الموضوع ما اعرف شصار بيه . واشكرج على كل المواقف النبيلة الي قدمتيهة وتقدميهة للاعضاء وللجميع ويارب يخليج النه. اختك كوكي 2004 .

79
 مرحبا حبايبي الحلوين ارجو مساعدتي باي معلومات عن ولاية كوينتكت من ناحية الجو وفرص العمل والمنظمات والمساعدات وهل هي ولاية غالية ام رخيصة من ناحية المعيشة. مع شكري الجزيل مقدما لكل المتعاونين . اختكم كوكي 2004 .

80
 مرحبا اخواني واخواتي الاعضاء . احب اكلكم انه نزلت المساعدات المادية في عمان ( يعني راتب المفوضية ) ومثل ميكولون بعض الاخوة العراقيين في عمان . نزلن الخشناتتتتتتتتتتتتتتتتتتتتتت . تحياتي للجميع اختكم كوكي 2004

81
حبيبتي انجي السلام عليكم اني اختك العضوة الجديدة كوكي 2004 حبي بخصوص الرسالة او المناشدة الموجهة للرئيس الامريكي اوباما . اني عن نفسي وعائلتي مقدمين من الاردن منذ سنة 2004 ولحد الان ماكو اي شي حول موضوع التوطين او السفر يعني اني اقدم وحدة بالموجودين والمشكلة مدا اعرف شلون اراسلج على الخاص ولا اعرف طريقة الاتصال . وشكرا جزيلا للهمة والمساعدة المقدمة من قبلج ( يا عراقية يا اصيلة ). اختك كوكي 2004

82
  السلام عليكم ورحمة الله الاخوة والاخوات المحترمين كل عام وانتم بالف خير بمناسبة حلول شهر رمضان اعاده الله على الجميع بالخير والبركات. اعزائي حبيت اكون عضوة جديدة بهذا المنتدى الرائع واكون اخت وصديقة للجميع. هذا اذا قبلتوني طبعا واكون شاكرة الكم . احبائي عندي سوال للاخ الورده عكعك واذا اكو احد من الاخوه سبق وان مجاوب على هذا السوال خلي خبرنه واكون ممنونه . الاخ عكعك كال باسئلة المحلفين اكو سوال يكول ( كيف كان وضعك المادي قبل السقوط وكيف صار بعد السقوط ) طبعا الواحد لازم يسال اهل الخبرة لان اخاف يكون الرد مو بصالح الشخص وهو ميدري . والكم مني فائق الشكر والاحترام . للعلم اني وعائلتي بعمان.

صفحات: [1]