ankawa

منتدى الهجرة واللجوء => الهجرة و واللاجئين => مواضيع الحياة العامة في بلاد المهجر (امريكا) => الموضوع حرر بواسطة: مازولا في 19:19 10/03/2010

العنوان: البنوك و الكردت و الهستري
أرسل بواسطة: مازولا في 19:19 10/03/2010
اخواني الاعزاء ... و اخواتي العزيزات ... اني مثل ما تعرفون (و اذا ما تعرفون عرفو) ان شاء الله ما باقي على سفرتي غير ايام قليله الله يسهله ان شاء الله ... اليوم رحت للبنك مالتي ... البنك اسمه HSBC في قطر ... كلتلهم اريد افتح حساب بالبنك بامريكا لان اني راح اروح و يجوز ما ارجع ... هاي الموظفه من سمعت هيجي اشو راسا كالتلي انو اني اتدلل و ما يصير خاطري الا طيب ... لا صدك ... اهتمت بالموضوع و كالت لي انو من الممكن ان يفتحولي حساب هناك و ينقلون رصيدي و ينقلون كل الهستري مال التعامل وياهم الى هناك ... و هذا كلام اني متاكد منه عن لسان الموظفه في البنك ... بس كالت لازم كرين كارد حتى يفتحولي الحساب ... كتلهه بسيطه كلهه كم اسبوع ان شاء الله و يصير بجيبي الكرين كارد ...
المقصد من الكلام انو الهستري مال التعامل ويه البنك ممكن ان ينتقل وياك الى بنكك الجديد ... و هذي راح تسهل هوايه شغلات مثل الحصول على قرض لشراء سيارة او بيت او حتى بدايه مشروع ... يعني ماكو داعي تنتظر فترة طويله حتى تبنيلك كردت باميركا ...
بس بالنسبه اليه كانت المشكله انو بنك الـ HSBC ما عنده فرع باريزونا هههههههههههه ... لهذا من اروح اشوف و الله كريم ....
هاي اليوم صارت ويايه و ردت اشارككم بهاي المعلومه اللي يجوز ان يكونون البعض ما يعرفوهه و احتمال احد يستفيد منهه ...
مع تحياتي ... اخوكم مازولا
العنوان: رد: البنوك و الكردت و الهستري
أرسل بواسطة: Leroy Jethro Gibbs في 08:22 20/01/2014
موضوع مفيد ورائع جدا
العنوان: رد: البنوك و الكردت و الهستري
أرسل بواسطة: FIVE-STAR في 08:12 21/01/2014
معلومات قيمه اكيد استفادينا منها وبعد لو تستمر و تخبرنا بامورك من توصل بالسلامه تكون افضل.
تحياتى لك، بالمناسبه وين وجهتك؟
العنوان: رد: البنوك و الكردت و الهستري
أرسل بواسطة: mohammed1955 في 12:09 21/01/2014
اني اصلا عندي حساب جاري في Bank Of America  من سنه 2009وما عندي اي مخالفه ولازال الحساب فعال بشكل طبيعي.وايضا منتظر سفر قريب .
هل راح ايفيدني الهستوري بشي؟
العنوان: رد: البنوك و الكردت و الهستري
أرسل بواسطة: FIVE-STAR في 21:08 21/01/2014
سلامي لك ووصولك بالسلامة،
طبعا هنا كلما كنت عميل قديم للبنك ومحرك حسابك بصورة مستمرة ستكون معاملاتك المصرفيه اسهل وتستطيع الحصول على قروض بفوائد اقل او حتى بدون فائده لمده سنه او سنتين. لذلك ينصح للقادمين الجدد بالحصول على CREDIT CARD او STORE CARD مثل TARGET ,WALMART واستخدامه بصوره مستمرة افضل من الدفع بالكاش. لان هنا في اميركا CREDIT HISTORY كلش مهم ويحتاج وقت طويل لكي تبنيه.
وبالموفقيه
العنوان: رد: البنوك و الكردت و الهستري
أرسل بواسطة: Kemo_sulli في 19:46 26/01/2014
سلامي لك ووصولك بالسلامة،
طبعا هنا كلما كنت عميل قديم للبنك ومحرك حسابك بصورة مستمرة ستكون معاملاتك المصرفيه اسهل وتستطيع الحصول على قروض بفوائد اقل او حتى بدون فائده لمده سنه او سنتين. لذلك ينصح للقادمين الجدد بالحصول على CREDIT CARD او STORE CARD مثل TARGET ,WALMART واستخدامه بصوره مستمرة افضل من الدفع بالكاش. لان هنا في اميركا CREDIT HISTORY كلش مهم ويحتاج وقت طويل لكي تبنيه.
وبالموفقيه

احتراماتي للاخ
 بس اني ما انصح بفتح الكريدت من المحلات العملاقة الا في حالة انه اذا عنك محل. ليش؟ لان الفوائد عالية بشكل لا تصدق اذا واحد يريد يحاسبة حساب زين. المكان الوحيد برأي المتواضع هو Federal Credit Union. لان هذا النوع من البنوك يعتمدون على زبائنهم, مو مثل البنوك ما يهتم بوبائنهم..
العنوان: رد: البنوك و الكردت و الهستري
أرسل بواسطة: ماجلان في 06:14 27/01/2014
اخوان هذا الكلام مال (ما قبل السفر) لكن بعد الوصول و البقاء كم سنة هاي النظريات رح تتغير ... شرط الحصول على اي قرض مو بس الكردت هستوري الجيد لكن الاهم هو مقدار الدخل الشهري .. فالمعادلة (لغرض الحصول على قرض جيد بفائدة قليلة) هي كردت هستوري جيد و سكور عالي + دخل شهري معقول من وظيفة صارلهه اقل شي سنة.

مسألة ثانية انه الحساب الجاري في اي بنك امريكي ماله اي علاقة بالكردت .. لأن و بكل بساطة الكردت ينحسب من تاريخ اخذ قرض او كردت كارد .. يعني من اول ما الواحد يكون مديون لبنك.
العنوان: رد: البنوك و الكردت و الهستري
أرسل بواسطة: FIVE-STAR في 09:02 27/01/2014
كل شخص يكون له credit وهو بمثابه رقم يبداء تقريبا من 550 و ينتهى 860 و الcredit الجيد يبداء من 750-800 وبعد 800 هاي تدخل في حسابات اخرى للحصول عليها، لذلك تلاحظ من 550 الى 750 هناك 200 نقطه لازم تحصل عليها حتى تصل الى الcredit الجيد. CREDIT معناه انت ماعندك مشاكل بالدفع او شكد هى درجه الثقه الى عندك حتى البنوك او شركات الcreidt (وهى ثلاث رئيسيه Master, Visa, AmericanExp ) تقدر تعطيك بالدين حتى ترجعها بعد ذلك. يعنى الcredit لايبداء من تاخذ قرض من البنك لكن يبداء من تبدى تدفع قوائم الكهرباء والتلفون والايجار لذلك من تاجر شقه يكلولك راح نسوي credit check  لانه في الcredit مراح يطلع بس الرقم وانما اذا انت فد يوم متاخر بالدفع او مدافع اصلا وشركات الخدمات في البدايه ياخذون deposit عندما ما يكون عندك credit history وحتى الcredit card الجديد من تفتح حساب يكون secured credit يعنى اكو مبلغ يغطى استعمالك له. بعد ذلك من يصير الcredit جيد راح تكدر تحصل على كل انواع credit cards.
نقطه مهمه عندما تستخدم أي نوع من الكارتات ان كانت لستور او بنك وتجيك القائمه مثلا $100 لازم تدفعها كلها حتى تخلص من الفائده لانه اذا دفعت جزء منها مثلا $50 راح تجيك الشهر القادم $50 زائد الفوائد. فالاحسن ان تدفع كل المبلغ من تاتى القائمه. القرض تكدر تحصل عليه بمفردك من يكون عندك credit score جيد واكيد لازم تكون دتشتغل لانه من تقدم على قرض لازم تراوي اوراق عديده وتوقع على كومه اوراق، والحل الثانى لازم يدخل وياك شخص ثانى يسموه co-signer  او كفيل. البنوك بصوره عامه جيده دون تحديد اسماء لان الخدمة هنا هى اساس اميركا ويحاولون قدر الامكان الحصول على زبائن جدد دائما. انى انصح دائما وعن خبره حاول باسرع وقت تستخدم الكارت وتبتعد عن الدفع بالكاش او سويها تدريجيا حتى تشوف نفسك دتكدر تتماشى وياها. والتوفيق للجميع