مواضيع

1

الهجرة و واللاجئين / **SIV** الجماعه الواصلين سؤال بالنسبه لأشعة الفحص الطبي

« في: 16:24 20/10/2013  »

السلام عليكم..

شباب أشعة الفحص الطبي اللي سويناها بعيادة أور (مو الفحص الطبي) وين وشوكت بالضبط يطلبوها منا يعني من نوصل لامريكا لو بأول مطار أمريكي لو وين بالضبط ؟؟؟
وإذا هاي الاشعه تلفت أو ضاعت بالعراق لسبب ما ,,شنو تأثير هذا الشي ؟؟؟

مشكورين شباب مقدما والله يوفق الجميع

تحياتي
سامي75

2

الهجرة و واللاجئين / SIV بخصوص ال Benefits

« في: 09:30 30/09/2013  »

السلام عليكم..

 يوم 22-9 دزيت نسخه من الفيزا الهاي الايميلات :
siv_ope@iom.int
nvcsiv@state.gov,
 siv@wrapsnet.org

بعد 3 ايام وصلني رد من siv@wrapsnet.org  ,,طبعا هذا هو الايميل اللي دائما يجاوبوني عليه من بداية تقديمي ع البنفتس 2010..يعني بخصوص تغيير الكفيل أو الولايه ومن صدرت الفيزا وبلغتهم جاوبوني معلوماتنا تشير الى اصدار فيزكم الرجاء ارسال نسخه منهن حال استلام جوازاتكم ..

وهذا نص الايميل اللي وصلني منهم :
Dear Sir,
 
Thank you for your email. We have received copies of your family’s visas.
 
We are working to complete your case processing. Please advise Mr. .............. that a resettlement agency may contact him regarding your case.
 
Once your case processing has been completed, we will refer your case to the International Organization for Migration (IOM) for travel arrangements. IOM will then contact you directly to discuss your travel plans, and you may speak with them about any travel requests or concerns you may have, including your preferred departure date and airport.
 
We will notify you when your case has been assigned to an agency and referred to IOM. Please note that this process may take approximately 1 - 2 weeks.
 
Kind regards
 
Refugee Processing Center

 طبعا من نفس هذا الايميل هم مأكدين لي سابقا بانهم سبق واتصلوا بكفيلي وكذلك كفيلي أكد لي كلامهم وانطاني اسم الوكاله اللي تستقبلني وعنوانها وهو على اتصال مستمر بيهم..

بالنسبه للايميل الاول siv_ope ,,من دزيتلهم الفيزا وصلني منهم اوتو ربلاي,,وجيكت كل الايميلات اللي واصلتني منهم من بداية تقديمي من اراسلهم لكيتها فقط أوتو ربلاى ..
يعني ليش أكو جماعه يجاوبوهم ال siv_ope   ...

وقسم يجاوبوهم جماعة ال siv@wrapsnet.org

شنو الفرق ؟؟؟

علما يمكن أغلبكم لاحظ الكليشه المكتوبه أسفل ال Refugee benefits election form..اللي ذاكرين بيها انه الفيزا وال DS-234 والبنفتس فورم لازم يندزن الى siv@wrapsnet.org   وال NVCSIV@state.gov

مذاكرين أي شي بخصوص هذا الايميل siv_ope@iom.int

ياريت اللي عنده معلومات أكيده ينورنا بيها

سامي75
تحياتي

3

الهجرة و واللاجئين / **SIV**سؤال للاخوه اللي أستلموا الفيزا وسافروا واللي بعدهم ممسافرين..

« في: 20:15 21/09/2013  »

السلام عليكم أخوان..
 
من أستلمتوا الفيزا أكيد كلكم شفتوا هاي الورقه اللي كابسيها ع الظرف الاصفر اللي المفروض مينفتح بأعلى الورقه مكتوبImmigrant data summary.. أكو خانه بيها اللي هي Final address ..هذا العنوان مال شنو ؟
هل هو العنوان اللي يدزون عليه ال Green card ؟ وهل يصير نغير هذا العنوان من نوصل أول مطار بأمريكا؟
لو هذا العنوان مال الكفيل ؟بالنسبه إلي العنوان اللي شفته اليوم مكتوب بهاي الورقه اني مزودهم بي من 2009 !! وغيرت عنوان الكفيل مرتين من 2010 لغاية 2013 ..وبلغت المنظمه بهذا الشي وايضا السفاره من سألوني قبل اصدار الفيزا اذا أكو اي تغيير ب US contact information هم بلغتهم ..

ياريت أخوان اللي عنده معلومه عن هذا العنوان يفيدنا بيها..ومشكورين شباب مقدما

سامي75 تحياتي

4

الهجرة و واللاجئين / استلام الجوازات من ال DHL أكو أحد مار بهيجي شي SIV ؟

« في: 12:45 18/09/2013  »

السلام عليكم

يوم الخميس الماضي تغير الموقع الى ISSUED والسفاره ثاني يوم الحمعه دزتلي إيميل يكولون دزينا جوازاتكم بال DHL ومن يوم السبت أني أجيك ويا مكتب ال DHL وماكو شي واليوم رحت بنفسي لمكتبهم بالمنصور ونفس جوابهم ما وصلنا شي باسمك !!!

ومن أسوي track بالموقع مالتهم يطلعلي No result
 
سؤالي أكو أحد تأخرت جوازاته بالدي اج ال هاي المده يعني 6 أيام ؟؟

مشكورين شباب مقدما ويارب الفرج القريب لكل المنتظرين

سامي75
تحياتي

5

الهجرة و واللاجئين / ***siv BGH2010XXXXXX*** أخيرا صدرت الفيزا ..الحمد لله

« في: 17:47 12/09/2013  »

بعد معاناة مايزيد على الاربع سنوات من انتظار للمجهول والكثير من التضحيات وإهدار للفرص الثمينه في سبيل الامل المنشود..أخيرا ولله الحمد صدرت فيزتي مع فيز العائله اليوم..
طبعا مثل مكتلكم الاحد الماضي اتصلوا بيه من السفاره لغرض اعادة الفحص الطبي والبارحه عدنا الفحص واليوم رحت سلمته للسفاره وهسه قبل شويه جيكت الموقع ولكيتها ISSUED ...طبعا يمكن والله أعلم اني اخر واحد باقي لحد هسه بالمنتدى من الجماعه اللي قابلوا ب 2010 بس الحمد لله اللي مضيع تعبنا وكانت خاتمة الرحله صدور الفيزا..بالمناسبه احنا عائله 5 اشخاص كان طفلين حالتهم Ready وكان اكو نقص بمستمسكاتهم شهادة الجنسيه مدازها مترجمه للسفاره فاليوم سلمتهن مع الفحص الطبي وتحولت حالتهم الى administartive processing وبعدها بساعات تحولت الى issued ..

تاريخ التقديم شهر السادس 2009
تاريخ المقابله شهر العاشر 2010
إعادة القسم 5-7-2013
إعادة الفحص الطبي 11-9-2013
صدور الفيزا 12-9-2013

اسأل الله العظيم أن يمن عليكم جمعيا بالفرج القريب

تحياتي
سامي 75

6

الهجرة و واللاجئين / SIV ....اسئله بخصوص استمارة DS-230

« في: 18:30 29/06/2013  »

السلام عليكم

بدون زحمه إخوان اني مقابلتي كانت بشهر العاشر 2010 وموصلني منهم اي شي من ذاك التاريخ لغاية قبل كم يوم طلبوا مني أن أعيد ملء الاستماره DS-260 وإعادة القسم يوم 5-7 ..بما انه مضى على مقابلتي مايقارب  السنتين و8 اشهر نسيت هوايه أشياء بخصوص قضيتي ,عندي كم سؤال أكون ممنون اذا جاوبتوني ..
بالنسبه لل إنفويس نمبر وال بنفشيري نمبر هذني وين الكاهن؟ لان جيكت كل ايميلات ال NVC وماكو ,راسلت جماعة ال NVC ولحد الان مجاوبوني...

اني المتقدم الرئيسي أكيد أختار I`m the principal applicant ,وباقي أفراد عائلتي شختار ؟

ال  NVC case number هو نفسه رقم الكيس مالتي حاليا لو الرقم اللي حصلنا عليه من إنطونا ال chief of mission ؟

أشكركم مقدما ويارب يسهل أمر الجميع

7

الهجرة و واللاجئين / سؤال عن الكفيل*******SIV ********

« في: 16:50 17/11/2011  »

تحيه طيبه

شباب مثل متعرفون إنه أغلب اللي مقدمين على برنامج ال SIV لديهم كفلاء في امريكا......سؤالي هو :

هل تم الاتصال بكفلائكم من قبل المنظمه ؟؟؟ خصوصا بالنسبه للاشخاص اللي مضى فتره طويله على مقابلتهم(يعني مثلي سنه وشهر) أو مايقارب هذه الفتره؟؟؟

ملاحظه:شباب تأكدوا من انه كفلائكم لايزالون يقيمون في نفس الولايه لانه اني اكتشفت انه كفيلي صارله 5 أشهر من غير ولايته بسبب ظروف عمله وأيضا إنه على مدى 13 شهر مضت بعد المقابله لم يتلقى أي إتصال من المنظمه علما بأنه عنوان كفيلي قد تغير منذ 5 أشهر لكن بريده الالكتروني لم يتغير كما ولم تخبرني المنظمه بأي حال من الاحوال بأنها حاولت الاتصال بكفيلي

8

الهجرة و واللاجئين / طلب كفيل في ولاية تكساس ***SIV***

« في: 11:32 17/11/2011  »

اخواني واخواتي ........تحيه طيبه وبعد

طبعا مثل ميعرف البعض منكم اني SIV ومقابلتي كانت بشهر العاشر 2010 يعتي صار سنه وشهر ولحد الان ماكو شي  ,المشكله انه كفيلي كان ساكن بولاية  North Carolina لكن طلع مغير عنوانه  صار تقريبا 5 اشهر بسبب ظروف عمله ولم يعد يقيم في تلك الولايه.

الغريب بالامر انه طيلة هاي الفتره اللي كان ساكن بيها بهاي الولايه ولا احد من المنظمه اتصل بيه بخصوص قضيتي!!!!!! هذا طبعا حسب ما اخبرني بيه هو.

المهم اخواني واخواتي اني حاليا صفيت بدون كفيل........واتمنى اذا اكو اي احد من الاخوه الاعضاء المقيمين في تكساس يكدر يكفلني كفاله معنويه واكون شاكر جدا لفضله.
بالمناسبه احنا عائله مكونه من 3 اشخاص.

تقبلوا خالص تقديري