ankawa

المنتدى الثقافي => أدب => الموضوع حرر بواسطة: ناصر الثعالبي في 19:18 20/12/2019

العنوان: الوطن ثانية
أرسل بواسطة: ناصر الثعالبي في 19:18 20/12/2019
الوطن ثانية
ناصر الثعالبي
1
يصعب عليه وطن صار القتل ساحه له

مثل السفينه ابحر مايوس من ساحله

ولجفة الموت ياوسفه النذل ساحله

لكن وحك (الكضو) ارواحنا سد اله

دينه علينا ودمنا بالوفه سد اله

او لوصاح الارهاب جفنه بالحلك سد اله

وشكثر دم ابغضب هذا الوطن ساح له
2
العمر يمشي

ودم اطفالنا مثل المطر

يتسابك اويه الريح

سنه اومالم حلك طفله

صراخ اعيونها

امن اتصيح

سنه وشما كبرعدنا طفل

يتعارك اويه الجوع

من ايطيح

مسكونه مدنا ابموت

بين اعيونها اوتسليح

هيبتها بدت ذله

وسراج ادروبها نيران

فوك الريح

3
يا ذلة كلب

ما مس رفيف الروح

ولا ملكاه

والم شوك خلانه

مثل فزة نبض

لودم يخنكه ابليل

روحه امعلكه

ابدفكات شريانه

تشتت
بين هاي او ذيج

واتلملم

مثل الذيب

حار ابغنم جفلانه

تعب رمشه

برفيف الناطر الفرحه

هدل

وتلفلف بنظرات شمتانه

غفى

يسترجع اللي فات من عمره

ثكل حمله

وتمزك متن شكبانه

ولون عادت

اسنينه اتعاتب اسنينه

لبد منها الحلو

بعثرات خجلانه


4
فنتازيا

الرمل شالته الغيره

او فزز عيون الندى

والريح سمعت صوتها
يثغب

ابخوذات الجنود

ورشاد بر.. من حركته

بسنونه عض دبابه

حتى الجمه مرعوب
فز
هذا البرك من جابه

واتحيرت طلعه ابحلك جماره

مشكوله ذمته الما يشيل حجاره

والصحرا صارت ماي

من كثر الخجل

والضب ركض

خايف تضيع اسراره

ماصفك الطير ابسما

وتساوه عصفور او حجل

كلمن برد منكاره

وهاي الصكور العاليه

لبدت ابسد حباره

وياما شكى العاكول للخرنوب

جار الجاره
ظهرت عكارب

ترطن ابنص الوطن واكتاره