عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - um shaheen

صفحات: [1]
1
اهلنه الطيبين
أزف لكم خبر سفر اخويه الغالي وعائلته الكريمه حسين الجبوري ابو ديمه يوم 15 ووصوله حاليا الى ولايه نيويورك أنتظار رحلته الى ولايته ميزوري ادعوا له ولعائلته الغاليه بسلامه الوصول
ويارب لكل الصامدين الفرج بالقريب العاجل
معلومات لفائده اهلنه الطيبين
الامنيه اكتملت مع بقيه الاخوه والاخوات بالفتره القريبه الماضيه
جوازه انتهت صلاحيته بدخوله للدبي من لبنان
وجود خطأ بأسماء اثنين من بناته بالجواز ومع هذا توكل على رب العالمين وطلع بخير وسلامه
اخويه العزيز حسون
الف مليون ترليوناااااات مبرووووك ويارب موفق بكل حياتك ويوميا اشكر رب العالمين لان اكرمنا بمعرفتكم
وصيتي للعوائل الصامده بسوريا اكوللهم تعبتوا هوايه وان شاء الله تعبكم ميضيع يارب
دعواتي لكل اهلنه الطيبين العينكاويين بالفرج القريب ويارب الكل ترتاح
تحياتي
اختكم ام شاهين

2
هسه احجيلكم بوقت خروجنا من سوريا عندما اتصلوا بينه علمود استلام الفيزه لم يذكروا كوكي بالموضوع واحنه كان سفرنه يوم الاحد الصبح نطلع بري الى لبنان ومن هناك نسافر بالطائره واستلامنه للفيزه كان يوم الخميس
عندما سألتهم ما هي طريقة سفر كوكي اتعجب (محمد ابو الفيز الي بسوريا)وكان جوابه اتركوا
صراحه هنا احنه منعرف شنسوي وهاي اسولفلكم هو صاير عمره (10سنوات) صراحة معرفت شسوي حجيت هوايه وكال محمد اتصل بيكم غدا قصده الجمعه وانطيكم خبر
طبعا احنه انتظرنه الجمعه الى العصر بفارغ الصبر ولم يتصل انجبرت اتصلت اني وحجيت وياه وكال دزولي اوراقه ادزها وارجعلكم خبر
طبعا احنه من يوم الخميس للجمعه حايرين اندزه لبغداد ومناك للامارات ويوصلوا النه جماعه لو انطلعه للاردن ومناك يصير سفره
المهم بعد مدزينه اوراقه اتصل محمد ابو الفيز وكال حصلنه موافقه دائره الهجره بامريكا ومنظمتكم موافقه باقي بس على موافقة الطيران طبعا هنا جانت الفرحه لان الطيران ما اتوقع رح يرفض لان على حسابنه
طبعا اخر ليله قضيناها بسوريا حجزنه بفندق الجلاء علمود الوضع وتركنه كوكي عند الاخ حسين الجبوري بارك الله بي ويفرجها عليه ان شاء الله
ووعدنه انه الصبح يجيبه النه للفندق لان بالفندق مقبلوا كوكي
صار سفرنه (سوريا -لبنان )كان طريقنا بري وكان كوكي معنا
طريق (لبنان -تركيا )كان كوكي في مكان وليس معنا ولكن طول الطريق نسمع نباحه وكل الموجودين بالطائره حزنوا عليه (التكلفه كانت على ما اذكر 360دولار)بس اعذرني ممتاكده لان ناسيه
في تركيا كان ترانزيت فترته طويله فذهبت لمكان الشحن وطلبت رؤيته ولكن الموظفه رفضت وقالت انتوا ترانزيت ميحقلكم تدخلون لمنطقة الشحن الا تاخذين فيزه يله نكدر اندخلج (هنا بصراحه اني ظليت حايره اخاف اخذ فيزه وادخل والطياره تفوتني واصير اني بجهه وعائلتي بجهه ثانيه )المهم اجه موظف وشاف اني دا أسال فطمني وكال هسه طلعته مشيته شويه وانطيته اكل سألته على مواصفاته وانطاني مواصفات كوكي بالكامل هنا ارتاحيت ورجعت كعدت
طريق من (تركيا -نيويورك ) ايضا بمكان منشوفه بس نسمع صوته ومبين من صوته كلش كان خايف
بنيويورك عندما بتنا في فندق المنظمه الحمد لله رجع كوكي بينه ثاني يوم بالمطار اخذتله حقيبه هنا عدهم بامريكا المسافر يصعدها وياه بالطائره يعني حيوانه يكون بجانبه (بنيويورك تكلفة الحقيبه كان تقريبا 80دولار)
من نيويورك الى دالاس
من دالاس الى كليفورنيا والحمد لله
اوراق الي طلبوها من عدنه
1-بعد مقابله المحلف طلبوا ورقه بيها صنف الدم مالته وهاي بسوريا اخذوا العينه بس دزوها لغير دوله بيها هذا الاختصاص وصراحه ناسيه تكلفتها
هاي الورقه تنزل على كل حاسبات المطارات بالعالم (يعني بس يدكون الرقم تطلع مواصفاته ونوعه)
اهم ورقه واكرر اهم ورقه
2- ورقه بيها تلقيحات واهم تلقيح (مال داء الكلب ولازم ممار عليه سنه وايضا لازم يكون ماخذه قبل 40يوم من سفره)
هاي كل الي صار ويه كوكي وطبعا بهذه المناسبه احب اشكر الاخوه والاخوات الي ساعدوني ولو بكلمه طيبه خلال رحلتي
الاخت الغاليه ساوند اوف سول
الاخ ماكس من كندا لانه يعرف الكثير عن شحن الحيوانات
الاخ حسين الجبوري الذي استضافه ورعاه ليلة خروجنا من سوريا



على فكره هنا بامريكا لم يضعوه في حجر وانما هو ساكن معنا فقط سويناله (قطعة حديد بيها رقم تلفون وتلبس برقبته)في حال اذا ضاع لا سامح الله وهذه تكلفتها (50دولار)

واكيد هنا تبنيت كلبه امريكيه وغيرت اسمها وسميتها ميكي وتزوج كوكي وعاش عيشه سعيده
تحياتي
اختكم ام شاهين




3
اخواني واخواتي الاعزاء
عندما كنت في سوريا وفي ظل ضروفها التعيسه قمت بأعطاء وكاله عامه لشخص بدولة الامارات
بعد وصولي الى امريكا حبيت ألغي الوكاله فأتصلت بالقنصليه الاماراتيه في واشنطن دي سي والشخص الجاوبني كان متعاون معي بشكل كبير وانطاني الاجراءات الي اسويها
ولكن من ضمنها اصيغ صيغه مكتوبه بألغاء الوكاله
ما اعرف هل توجد صيغه ثابته للالغاء
لان صراحه ما اعرف الصيغه الي اكتبها
مع العلم انه عندي نسخه ثانيه من الوكاله وعندي الايصال
ياريت مساعده لاهل الخبره بهاي المواضيع
تحياتي
اختكم ام شاهين

4
الى الاخوه والاخوات الاعزاء في ولايه كليفورنيا
هذه نماذج الاسئله النظري لامتحان السياقه ويارب الكل تنجح ان شاء الله
تحياتي
اختكم ام شاهين

5
رمضان كريم على الجميع ويارب الفرج بالقريب العاجل لكل المنتظرين
اعتذر عن التاخر في انزال اسئله الخاصه بامتحان النظري (اسئلة الاشارات ) ويارب يستفاد كل الذين في بالهم الامتحان
طبعا بالنسبه للامتحان النظري بخصوص السياقه ان شاء الله بس ارتب الاوراق انزل غدا ان شاء الله
طبعا احب انبه انه هذا الامتحان اذا لا سامح الله الشخص رسب بي يستطيع اعادته بنموذج ثاني بنفس اللحظه ودائما يصير تكرار بالاسئله وان شاء الله باجر انزلهم
اما نصيحتي بالامتحان العملي (الشارع) هي
الذهاب الى دائره dmv
وانتظار احد الممتحنين يطلع مع المشرف للاختبار والسير خلفهم ومعرفة الخطه هاي اسهل طريقه وبكل منطقه توجد خطتين وبعض المناطق فيها خطه واحده فقط
ويارب الكل تنجح وموفقين ان شاء الله
تحياتي
اختكم ام شاهين

6
رجاء للاردارين المحترمين ترك الموضوع لحين رد الاخ ضوء النهار مع احترامي لشخصكم (حبيتي ساوند رجاء خليلنه الموضوع لفائده جماعة سوريا الله يبارك بيج )
اخواني واخواتي الاعزاء الصامدين
اخويه العزيز ضوء النهار مع الاسف متعرفنه عليك واحنه بسوريا يمكن كان اكو شغلات ورح تعذرنه بيها واكيد تمشي على خطاناه ويارب يفرجها عليك وتوصل بخير وسلامه انت وكل عائلتك وكل الصامدين
اخويه العزيز رح احجيلك ألي صار ويايه واتمنى انه تفهمني لان اني اختك
ملفي من صار فعال احد الاخوه الي اسمه بالمنتدى تيم (ابو غيث) صار ملفه فعال مباشره كتب جماعتنه بسوريا ملفي فعال منو صار فعال اني دخلتله على الخاص وكتله اخويه لا تذكرني على العام ملفي ايضا فعال
اني وصلت يوم 24 بشهر الثاني وهو وصل يوم 2بشهر الرابع طبعا اتصل بي وكال اني حاليا يم اختي بس هو بعد مدخل للمنتدى ويارب الاستقرار للكل
طبعا انت حجيت عليه باحد المواضيع واني عذرتك بس عندي رسائل خاصه وقرتها بوقتها ام راما والاخ حسين الجبوري يعرف بيها وماريلونا تعرف بيها واميرالد تعرف بيها والمهندس قاريها وطبعا هوايه من جماعتنه بسوريا اني باجر يومين على ما اذكر حتى ويه الاخت العجيلي تكلمت معاها ويارب تفرج عليها يعني كل شخص قريب اما قريتها اله او سولفتها اله واذا تحب ابعثها الك
زين الي يطلع اما هو بالطريق وانطه خبر انه ينشر خبره او وصل وكتب موضوعه يعني اي تاخير ماكو فرجاء اخويه واعرف انت من القهر دتكتب كلام قاسي مرات واعذرني بس انطوه مجال للناس تطلع سلامات وره ساعات الكل رح يعرف يعني ما اشوفها مشكله
اني جدا اسفه منك بس والله لان دا اشوفك حاير واتمنى انه ترتاح لان تقهر نفسك وعائلتك وانتو بنص القهر مال سوريا
انطيكم بشاره اخواني واخواتي الاعزاء
طبعا الكل يعرف بوقت سفري كان الا الملف فعال حاليا لالالالالالالالا الملف بانتظار نتيجه ودينطون مواعيد واني على اتصال ببعض الاخوه الاعزاء ويارب سفرهم قريب ان شاء الله يطلعون بالف سلامه ويارب يوم لكل المنتظرين
اخوان اني ما اكدر اتكهن بالفتره الي رح تصمدون بيها بس يارب يقويكم ويهديها بوجهكم واحب بس اكوللكم كل لاجيء بسوريا لازم يطلع وهذا الكلام الي دائما حجيت بي ويه الاخ ابو سلسبيل وزوجته والحمد لله بشرني بصعود ملفه للتوطين ويارب يطلع لرومانيا ومناك لدولة الاستقرار
هاي بس حبيت انطيك فكره اخويه ضوء النهار ويارب تعتبرني اختك وصدكني وداعت شاهين هو كله لمصلحتكم يعني انت لو تفكر بيها اني اصلا مختفيت من المنتدى الا ساعات وتفاجئت انه موضوعي نزل واحب اكولك اني بصراحه هوايه من جماعتنه بسوريا كانوا يعرفون بسفري فقط مقلت للي يترددون بالمقاهي خوفا من ان الموعد ينتشر ويارب اتمنى من كل قلبي انه فهمتني صح ولولا معزتكم واعرف الضروف الي تمرون بيها بروح ابويه مجان كتبت الموضوع بس علمود تطمنون
أأأاكووووووووو سفر وخير من الله
تحياتي لكل الصابرين
اختكم ام شاهين


7

اخواني واخواتي الاعزاء
كثير من الرسائل الخاصه الي استلمتها تسأل على الرمز الي اجاني واني بصراحه شفت بي الخير وياربي ياألهي تشوفون الخير بأذن الله به
طبعا اني خفت من ال pending وعند الاتصال بالمنظمه بسوريا وتكلمت مع (ريحانه)طبعا هي الموظفه الي دائما جنت استفسر منها سألتها ليش علقوا ملفنه كان جوابها
ماتخافي ملفكم فعاااااااال وماشي منيح مباقي شي اصبروا
ياربي ياألهي يكتبها لكل واحد بيكم لان بصراحه الي شفته هنا يستاهل التعب والانتظار فأصبروا الله يخليكم لخاطر مستقبلكم ومستقبل عوائلكم
طبعا هذا الرمز اجاني يوم 6/1/2013 واني سفري كان يوم 24/2/2013 يارب يفرجها عليكم وترتاحون
تحياتي الكم ياغالين
اختكم ام شاهين من كليفورنيا سان دييغو



Thank you for your email,

               

A careful review of our records indicates that your case is currently pending U.S. Government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you with update accordingly.

 

For general case status inquiry, we encourage you to visit IOM website at https://www.jordan.iom.int/refinfo/ to receive an instant case status update.

 

Kind Regards,

 

IOM Information Center


8
رجاء ما اعرف الي ديصير صح ام السبب مني
الرسائل على الخاص من ابدي اجاوب اذا عبرت الخمس رسائل يكولي انتظري وره ساعه هل هاي حاله طبيعيه ما اعرف
ارجو زياده عدد الرسائل بالساعه اذا امكن يارب
ويارب يوفقكم وييسر امركم وبكل خطوه الف سلامه
تحياتي ياغالي
اختكم ام شاهين

9
في البدايه اشكر منتدانا الرائع ويارب يحفظ كل اعضاءه وان شاء الله يبقى منتدانا الشمعه المضيئه لدرب كل مظلوم وكل من له سؤال واستفسار ويارب يكبره
اخواني طبعا تفاجئت بموضوع الاخت العزيزه ام اديان
مع العلم كان المفروض اما الاخ الن او الاخ المهندس همه الي يكتبون الموضوع ولكني اتصلت بهم من الطريق وقلت للاخوين انتظروا ولا تكتبوا شي لاني انا اريد ان اكتب كل تفاصيل ملفي ومعاناتي وانواع الرسائل وكل قصتي مع الهجره
بس رب العالمين راد انه يصير من قسمه الاخت ام اديان وهي مشكوره طبعا وعزيزه عندي اختي الغاليه بس استعجلتيهههههه ماكو مشكله
المهم اخواني الاعزاء واخواتي العزيزات هناك كلام بيننا فقط لانني الان مرتبكه كون الاتصال من الطائره وما اعرف شنو الي اسوي وبصراحه تعبنه هوايه اكثر مما تتوقعون خاصه بالترانزيت بس الحمد لله
ان شاء الله غدا اكل الموضوع وحسب عنوانه
لكني كتبت الان فقط للتوضيح لبعض الاخوه والاخوات
تحياتي
اختكم ام شاهين في طريقها الى نيويورك

10
تحيه طيبه
اخواني واخواتي الاعزاء الصامدين في سوريا وكل الاعضاء المحترمين
أبشركم بان الاخ عمار اللامي خرج في يوم 14/12/2012من حلب وقد امسكت به جهات غير حكوميه وقد خرج قبل يومين من ازمته واليوم اتصلت به وأطمئنيت عليه وعلى عائلته المكونه من امه واخته فأبلغ تحياته وشكره للمنتدى العزيز وكل شخص دعا له بالفرج
يارب يحفظ جميع العراقيين
لقد خرج معه شخص عراقي اخر وكان محجوز لمدة 260بوم فألف الحمد لله والشكر على كل حال
نصيحه لكل العراقيين في سوريا من اختكم لا تخرجوا من مناطقكم الا للضروره وبعد التاكد من سلامة الطريق
تحياتي
اختكم ام شاهين من سوريا

11
اخواني واخواتي الاعزاء الصامدين في سوريا
ارجو من الي عنده معلومات عن الاخ عمار اللامي الساكن في حلب وكان ناوي الانتقال الى اللاذقيه
رجاء الي عنده معلومات عليه يكتبها
صار 3أيام احاول الاتصال به دون جدوى
رجاء خاص للاخوه الاعضاء ابقاء الموضوع في بداية الصفحه فقط للاطمئنان على الاخ عمار مع شكري وامتناني للكل
اختكم ام شاهين من سوريا

12
اخواني واخواتي الاعزاء
سلام من الاخ همام الى كل من يسأل عنه فهو في طريقه الى كندا بعد خروجه من ازمة سوريا سالما ويارب يوصل بالسلامه والموفقيه بأذن الله وان شاء الله السفر القريب والعاجل لكل المنتظرين
تحياتي
اختكم ام شاهين من سوريا

13
اخواني الأعزاء
لكل شخص عندة موعد طيران على يوم 29 من سوريا احب أن أكُلكم ان الطيران تأجل إلى اشعار أخر وهذا الكلام أكيد وتأكدت من عنده من الأخ المهندس لأن عنده أصدقاء  كان سفرهم يوم 29 وتأجلوا إلى اشعار اخر..

وبذلك يستطيع الأح زيد 55 الحضور إلى سوريا واستلام الفيزا باقصى سرعة
فياريت لو كُل واحد يعرف رقم موبايله يبلغه أو يدزلياه حتى آني ابشره

وراح يفتح اخويه @المهندس@ اليوم وإذا يحب حل يتواصل وياه أول بأول

أختكم ام شاهين من سوريا

14
اخواني واخواتي الاعزاء اريد رأيكم بموضوعي
الاربعاء عدنه اعادة فحص
والخوف قتلنه الى حد الان الامنيه مخلصانه مع العلم كلتلكم اني من 2009 واتصلت اليوم بالiomوماخذت نجده منهم بس كلتلهم رح اترك سوريا وصدوووكسالنه على الشحن كلها مسدوده بس من جرمانه الى بغداد واحنه صارلنه 6سنوات بسوريا فسوف اشحن الي اكدر علينه واترك الباقي بس اني مدا ارجع لبغداد دنحاول على فيزه عمان لو تركيا بلكي شويه تصفى ونرجع لو اكملها من عمان اذا صارت بس تعبنه ابني صار بي بدايه صرع وهو كل عمر 7سنوات والله القهر كتلني اليوم من البارحه اني مدا اكدر انام وعندي بنات اثنين بعمر الورود الله يخليكم نصحوني مع العلم احنه سكنه قدسيا ياريت لو اخواني وخواتي بسوريا تنصحوني رجاء اختكم ام شاهين والله اني بالعراق اكبر سباعيه جنت والكل يشهدلي بس الغربه تضعفنه ما اعرف لان بنتي كبرن الله ارحم الراحميناشكركم هوايه واشكر المنتدى الي ساعدني هوايه لكي افرج عن نفسي ياغالين

15
مساء الخير اخواني
اليوم تحدد موعد الفحص الطبي نهايه الاسبوع
وهسه اجتني رساله من iomمكتوب بيهاsecurity check ads-jo
مع العلم قبل هاي الفتره كان يجينه الاميل ومكتوب فيه case status  rkh-jo
ممكن تشرحولي الي ديصير
مع العلم احنه طلعلنه التوطين من 2009

صفحات: [1]