الأخ العزيز فراس. والأخ الكريم الي سال السؤال انت تعرف أمريكا. كله عباره خليط من كل العالم يعني لتتخيل البقاء بيه بهل الصعوبة وماكو يصعدوك بأول طياره ويدزوك. هايه بس بالدول العربيه وصدك أني سامع الي ان ليكل الي باقين بيه مثل المكسيكان وغيرهم بل20مليون ارقام مو طبيعيه وباقين ان ليكل مو لانه الحكومه رفضتهم لانه ممصوبين أوضاعهم واني بلنسبه الي ناس أعرفهم طلعو من بغداد ومن دبي وبفيزه زياره عاديه وبقو واللجوء قدومو عليه وره 3اشهر جماعه جتهم مواقفه وجماعته دبي وره 10اشهر. وأتمنى ان أكون فدتكم بشي. بس المهم الي يريد يطلع بهل طريقه مأمن نفسه من الناحية المادية على الأقل فد سنه
اني اشكر مداخلتك الرائعة حبيبي الغالي
بس انت دتخلط الامور خلطآ مبرحآ على كولة عادل امام . ورح اجاوبك على شكل فقرات
1- موبس الدول العربية ترجع اللاجئي باول طيارة حياتي. باوربا لزموا اللاجئيين المرفوضين دك جلاليق من شققهم للمطار وصعدوهم بالطيارة راشديات ( لأن الجلاليق مترهم على درج الطيارة 
) . وهاي قصص معروفة اسأل بيها.
2- اني داحجي عن فيزة سياحة وانت دتحجي على فيزة زيارة. فرق من السما للكاع. وحتى اذا تقدم فيزة سياحة وتريد تقدم اقامة هم ميصير من أول يوم بالزيارة. لأن القاضي حيكلك النية مبيتة للبقاء. لازم على الاقل ثلاث ارباع مدة الزيارة تمر حتى تكول بالطلب مالتك البلد عجبتني اني والعائلة ونريد نبقى اقامة ( كرين كارد). لأن انت من تقدم زيارة ياخذون منك تعهدات بالعودة أو ممتلكات لازالت لديك في بلدك او اطفال او وظيفة ..... الخ .
3- حضرتك ذكرت جماعة راحوا من دبي. واني اكدت هذا الشي وكلت للأح اذا تطلع من غير بلدك الاصلي بيها مجال. على الاقل تكول هربت من العراق.
4- حضرتك تتكلم عن سهولة البقاء في امريكا. ومنو كلك صعب البقاء في امريكا. أصلا هي امريكا بلد المهاجرين . حبيبي هو ميريد اقامة هو يريد لجـــــــــــــــوء . الرجاء التمييز بين اللي يريد اقامة (كرين كارد) واللاجـــــــــــــــــــــــــــــــــــــــــــــــئى
5- هو رايح سياحة والقاضي يريد ادلة على اضطهاد رهيب لايحتمل وهذا اللي دفع به الى تقديم سياحة ثم طلب لجــــــــــــوء وليس اقامة ( للمرة المليون)
وبعد بكيفكم حبيبي الغالي. اني داحجيلك عن معظم التجارب العامة وليس الخاصة والنادرة.
تحياتي
اخويه العزيز فراس أجي على مداخلتك نقطه نقطه بلنسبه للنقطة الأولى وأوربا. رجعت الاجئين هايه حقك بيه لانه الناس جتي وكعدت وقدمت وبقت سنه وسنتين وياهم رفض وصعدوهم طيارات ودزوهم وهم يعني هم مو ثاني يوم بلنسبه للنقطة الثانية أمريكا عده ابلكيشن الزياره والسياحه هوه واحد الي يسموه b1b2
بس بلنسبه انه شوكت تقدم أكيد مو ثاني يوم يعني وره فتره من أسبوع أو اسبوعين. والجماعة الي كلتلك عليهم عائله طلعت من بغداد وعائله طلعت من دبي وللأمانة. اكولك جماعه بغداد كان قبولهم كلاجئين اسرع لانه جايينمن قلب الحدث مثل مكلت انت وبالنسبة للجوء والكرين كارد هوه أي لاجئ بعد مرور سنه حياخذ الكرين كارد ومن صار عنده كرين كارد بعد أي منظمه ماله علاقه بيه هوه يعتمد على روحه يعني الاجئ يعتمد على ألمنظمه لفتره ال8اشهر فقط وراهه يصير مقيم لانه أخذ الكرين كارد يعني ماعرف الي تقصده شنو وشنو الفرق هو من أخذ الإقامة بعد ماعدنه مشكله حتى صفه لاجئ بعد ماله علاقه. ومع خالص التحيه
عرض المشاركات