ankawa

المنوعات => استراحة المنتديات => استراحة الخواطر => الموضوع حرر بواسطة: wesam Bajoka في 07:50 14/03/2008

العنوان: رسالة احتجاج من زاويت الشباب...........سيدنه
أرسل بواسطة: wesam Bajoka في 07:50 14/03/2008
الى كل الشرفاء في العالم

الى كل الطيبين  ومن يحملون معاني الانسان الشريف

وليس القتله الكفار

نتقدم باسم العراقي الشريف والمسيحي الصادق باعز التعازي لسيدنا المطران

ونعزي منتدانا منتدى الفكر  

منتدى عين كاوه
من خلال زاويت الشباب

باسم زاويت الشباب نتقدم بل التعازي ونقدم هذه القصيده الى سيدنا المطران وعائلته وكل محبيه  رحمه الله وسكنه فسيح جناته

     رسالة احتجاج من زاويت الشباب

دمعتي نزلت على الخد صدكوني

دمعتي احس بيه تيزاب من تنهال تحرك اعيوني

تسيل على الجفون سيدنه وخبر استشهادك الم الناس كوله والمني

كل الطوائف والمسيحين صارت بحر من ادموع وانت مركب حزن يبجيني

نورك عله بل السمه ويانور ارجوك ضويلي

انه ايامي كوله حزن واليوم  القدر فوك الحزن تبجي وتبجيني

شيل ياحمال شيل

شيل ياحمال شيل من بيته الجديد وعدل مكانه ولاتخلي التابوت يميل

تابوتك سيدنه مو من خشب تابوتك من ذهب وصغناه ومكانه بارض الجليل

عذبوك والعذاب اختاره الك رب العالمين

اختارك سيدنه بيام درب الصليب

تكون قدوه وعزه وهيبه للمساكين

اختارك شهيد وصرت معاني النصر الاكيد الكل المسيحين

ياحيف ياحيف الشرف والمبادء تموت بيد مجرمين

كلاب من مزبله يصيرون خطافتك ويدعون الايمان بعون الله مكسورين

انه متحيف بس مابست ايدك قبل متودعنه ودموعي تشد الحنين

كل شعب المسيح وياك يدعي ضلامك يصيرون بجحيم

ولو طالت الايام باجر ثارك نجيب وحق الجليل الرحيم

عذبوك وانت البلسم الكل الجروح

هددوك وانت صدق الكلام مثل طير السلام الينوح

دمك جره وسال على الارض وكل هذا يمهم  مسموح

ياعراق تكولون بيه الامان وبيه الدين والحريه وبابه للكل مفتوح

ياضلم يجري على العراق ومسيحين العراق يوميه شهيد ينوح

والله الشرف تبره منكم

والله الغيره ماتقبل تكون يوم عدكم

والله دم الشهيد اشرف من كل بلدكم

والله ماتستاهلون الحياة يل بعتو شرفكم

والله شعره من المطران تسوه كول نسوانكم واطفالكم وملوكم وزلمكم

والله الغيره عدكم خطف والدين لعب مكصرين الدشاديش ومطولين ازلوفكم

عار على الوطن انتو والشرف مايوم سكن بيتكم

انتو شلة عصاباة عفنه ولحيه متعفنه وين تصيرون نلزمكم

الزمن يدور ونسحق راسك الي خلفكم

سيدنه الحبيب مطرانه النجيب كل العراق وياك اليوم يصلي

كل الشرفاء بل العالم اصواته الك تعلي

دكت نواقيس الكنائس وبسمك تمجد وتحجي

عنوان الشرف والغيره وحامل صليب الحق بيك تسولف الدنيه ومنو مايبجي

نضرت وصورتك على الموقع تبجي الحيد وشكد  صلب الحديد كام يبجي  وشكد صلب الحديد وكام يبجي


من موطن الموت

الكاتب والملحن وسام بجوكا

نتقدم بازكا التعازي لعائلة المرحوم  سيدنه المطران