منتدى الهجرة واللجوء => الهجرة و واللاجئين => الموضوع حرر بواسطة: سبع صنايع في 05:21 23/07/2009
العنوان: وصلنا والحمد لله
أرسل بواسطة: سبع صنايع في 05:21 23/07/2009
اخوتي احبتي
قبل قليل وصلنا الى دالاس تكساس والحمد لله استقبلني خالي بالمطار والمنظمة اتاخروا وخالي اخذني وكان مجضرلي حفلة بسيطة وعشة وعافني وراح وهسة اني دا اكتبلكم مقتطفات من الرحلة الصعبة جدا
الرحلة طولت عندي 48 ساعة من البيت للبيت وكانت شاقة جدا جدا البوري الي انظربناه في عمان كان ممتوقع اذ كان الترانزيت 14 ساعة وكان لازم نبقى بالمطار وليس الذهاب الى فندق عالية وتخيلوا الحالة ولغوة الاطفال والنومة على الكراسي واخونة بلاك ووتر مشكور اتكفل بترتيب امور الطعام مع المنظمة
بعدين طرنة الى فرانكفورت وبقينة 4 ساعات وتفاجئنا باسعار الطعام والماء الغالية طرنة الى شيكاغو وطولت الرحلة 8 ساعات ومناك توزعنة الكل على الولايات المقصودة
اني جدا تعبان وراح انام لأن اسد كسر ظهري من الركض وراه بس رغم ذلك هم لكة ناس تحبه ههههههههههههههه
تحياتي الى كل اخوتي وخواتي اللي سافروا وياية واكلهم حمد الله على السلامة والله يسهل امركم
اخوكم ابو اسد
العنوان: رد: وصلنا والحمد لله
أرسل بواسطة: angie-dawood في 05:25 23/07/2009
الف الحمداللة على السلامة انشااللة تكون ولاية الخير والرزق وانشااللة تشوفون كل الخير يارب
العنوان: رد: وصلنا والحمد لله
أرسل بواسطة: ام يلدا في 05:32 23/07/2009
الله يبشرك بالخير ويفرح قلبك وتستقرون وتبدون لكم حياة سعيدة بس يا ريت من تكعد بعدين من النوم تسولف لنا من طق طق لسلام عليكم وشنو صار بالرحلة واشلونه وضعك النفسي اليوم ;D
- الله يوفق الجميع محبة
المخضرمة أم يلدا – مترجمة - عمان الأردن 2005 – في انتظار التجييك الأمني - الأسبوع الأول من السنة الخامسة انتظارا
العنوان: رد: وصلنا والحمد لله
أرسل بواسطة: فحامي في 05:34 23/07/2009
الحمد لله على السلامة وان شاء الله نسمع عنك اخبار كلهة حلوة اخوك الفحامي
العنوان: رد: وصلنا والحمد لله
أرسل بواسطة: ابو لانا في 06:15 23/07/2009
مبروووووك والف الحمد لله على سلامة وصولكم والله يخليلك اسد والعائلة ان شاء الله الاستقرار وراحة البال
العنوان: رد: وصلنا والحمد لله
أرسل بواسطة: nana09 في 06:21 23/07/2009
مبروك والف الحمد الله ع السلامة لكل الي وصلوا اليوم ويلكوم تو اميريكا :-* :-* مثل مايكول عمك هنا اشو بلاك ووتر لهسة مامبين لازم ملتهي ب الاكل
العنوان: رد: وصلنا والحمد لله
أرسل بواسطة: مصطفى السيماتي في 06:25 23/07/2009
الف الف الف الحمد لله على سلامتكم ... وان شاء الله راح ترتاحون بهاي الولاية
بالتوفيق
العنوان: رد: وصلنا والحمد لله
أرسل بواسطة: المهاجر 2009 في 06:50 23/07/2009
الف الحمدلله على سلامتكم الله يكتبلكم الرزق ببلدكم الجديد امين
العنوان: رد: وصلنا والحمد لله
أرسل بواسطة: starxb في 07:04 23/07/2009
الف الحمد لله على سلامت الوصول اخي سبع صنايع تعب الرحله هسه ايزول . اتمنالك حياة جديده خاليه من المتاعب ومليئه بالاءمل والامان والاستقرار لك ولي عائلتك الكريمه .
ابو مريم
العنوان: رد: وصلنا والحمد لله
أرسل بواسطة: Sasy في 07:56 23/07/2009
الف الف مبروك اخي العزيز وانشاءالله ترتاح ويوفق ربي انشاءالله ويخليك اسودي
تحياتي ساسي
العنوان: رد: وصلنا والحمد لله
أرسل بواسطة: pro77 في 07:58 23/07/2009
سبع صنايععععععععععععع الف مبروكككككككككككككككككككككككككككككككككككككككككك
ابو هدى
العنوان: رد: وصلنا والحمد لله
أرسل بواسطة: روزماري في 08:18 23/07/2009
ألف الحمدلله على وصولكم ويارب تلكون كل الراحة والموفقية
روزماري
العنوان: رد: وصلنا والحمد لله
أرسل بواسطة: suzie83 في 08:25 23/07/2009
الف مبروووك .. اخوية العزيز تستاهل كل خير والله ..ان شاء الله ترتاح بحياتك الجديدة ..ويا ريت من تكعد وانت شوية نشط تكتب لنا تفاصيل عن الرحلة واول انطباعاتك عن الحياة هناك
العنوان: رد: وصلنا والحمد لله
أرسل بواسطة: toofy في 08:37 23/07/2009
الف الحمد لله على السلامه ... ان شاء الله فاتحة خير الك ولعائلتك ....تمنياتي لك بالتوفيق بحياتك الجديده بس من تكعد نريد منك كل التفاصيل عن الرحلة والولايه تحياتي toofy
العنوان: رد: وصلنا والحمد لله
أرسل بواسطة: roea في 08:50 23/07/2009
مبروك أخوية العزيز ألف ميروك و شايف كل الخير في بلد الاحلام و مستاهلها :) أتمنالك التوفيق و الراحة و الاستقرار السريع
أختك روية \ عمان
العنوان: رد: وصلنا والحمد لله
أرسل بواسطة: lisaa في 09:20 23/07/2009
الحمدالله على السلامة اخوية سبع صنايع انشالله الجميع بخير .بس حبيت تسولفنة بخصوص الحقائب سلمتها بعمان و استلمتها بتكساس لو شلون ؟؟؟ و على نوع التفتيش بالمطارات الي مريت بيها؟
سلامي Lisaaaaa
العنوان: رد: وصلنا والحمد لله
أرسل بواسطة: سيزر في 10:41 23/07/2009
الف مبروك اخونه العزيز ابو أسد ... انشاء الله بداية خير الك ولاهلك وتعيش بخير ورزق وفرح وسعاده ومي وكهرباء وتكييف وكلشي وكلاشي ... تستاهلون كل خير انته وبلاك ووتر الطيب النصوح ... على فكره ... كان وياكم بالرحله صديق اليه اسمه سمير ... خطيه بس لا انضرب بنفس البوري مال 14 ساعه بالمطار... يله كل تعب وراه راحه ما طول اطلعت ووصلت بسلامه .. بس من تفرغ نريد تفاصيللك وملاحظاتك بالرحله الطويله اللي عشتها بــ 48 ساعه ... لكي الكل يستفادون ... مع خالص شكري وتقديري الك ولكل الاعضاء اللي وصلوا بسلامه ..
اخوك ســـــــيزر
العنوان: رد: وصلنا والحمد لله
أرسل بواسطة: AbU-SaRa في 11:04 23/07/2009
الف الحمد الله عالسلامة وانشاء الله تتحقق كل امانيك يا وردة تحياتي للعراقيين الي وياك...بس من تكعد سولفنه تفاصيل أكثر عن الرحلة ...
أخوك أبو ســــــــــارة
العنوان: رد: وصلنا والحمد لله
أرسل بواسطة: Iron_man في 11:41 23/07/2009
مبروك لك اخي سبع .. على سلامة الوصول وانشاء الله تجد الراحة والطمأنينة في حياتك
اخوكم Iron_man
العنوان: رد: وصلنا والحمد لله
أرسل بواسطة: NOOR 2 في 11:48 23/07/2009
مبروك لك سلامة الوصول
نتمنى لك النجاح
NOOR 2
العنوان: رد: وصلنا والحمد لله
أرسل بواسطة: القرش في 12:10 23/07/2009
السلام عليكم
مليون مبروك عليكم والف الحمد لله على السلامه اخويه ابو اسد وان شاء الله تشوف كل الخير بحياتك الجديده . وان شاء الله نترقب مواضعيك بعد ان تستقر وترتاح .الف الف الف مبروك .
ابو انس
العنوان: رد: وصلنا والحمد لله
أرسل بواسطة: أبــو دجـــلة في 12:18 23/07/2009
السلام عليكم
أغاتي الكريم .. سبع صنايع
تحياتي .. الحمد لله على سلامة وصولكم , مبروك خبر فرح وسعادة .. خبر حلو أتمنى لكم الموفقية والنجاح .. واللهم ييسر لكم سبل السعادة والخير والرفاهية ويعزز ثقتكم ويقوي عزيمتكم بما فيه نجاحكم في الحياة الجديدة .. موفقين مع تقديري
أخوكم .. أبـــو دجــــلة
**
العنوان: رد: وصلنا والحمد لله
أرسل بواسطة: البحار68 في 12:18 23/07/2009
مبروك الوصول والحمد لله على سلامتكم وان شاء الله الموفقية والنجاح والاستقرار الدائم ربي يحفضلك أسد وتشوفه خريج هارفرد
امنياتي الحلوة
العنوان: رد: وصلنا والحمد لله
أرسل بواسطة: geb في 12:30 23/07/2009
الحمد لله على السلامة ابو اسد همزين طمنتنة عليكم وهمزين عرفت منك انه وصلتوا لان اخوية هم وياكم على نفس الرحلة الي اسمه بلاك ووتر لان بصراحة ضل بالي عليه كلش لان ما خابرنة المهم بلاك ووتر جان مفيد الكم لان هذا اخوية الطويل بلاك ووتر اعرفة رجال مفيد و يحب يساعد الجميع ...الف الحمد لله على سلامة الوصول
العنوان: رد: وصلنا والحمد لله
أرسل بواسطة: ضايج في 12:37 23/07/2009
الحمد لله على السلامة ان شاء الله بالتوفيق اتمنالك الموفقية بحياتك الجديدة وان شاء الله تشوفون كل الخير سلامنه الى الاهل كلهم والى اسد خصوصاً ان شاء الله يوم نكتب قصة وصولنه وكل اعضاء المنتدى
العنوان: رد: وصلنا والحمد لله
أرسل بواسطة: يوجد امل في 12:52 23/07/2009
اخي ابو اسد نشكر الله على سلامتك ان شاء الله الموفقية والنجاح سلام الله معك اخوك يوجد امل
العنوان: رد: وصلنا والحمد لله
أرسل بواسطة: show في 13:11 23/07/2009
الحمد لله على سلامه الوصول اخي ابو اسد اتمنى لك النجاح و الاستقرار الدائم
بالتوفيق للجميع
العنوان: رد: وصلنا والحمد لله
أرسل بواسطة: Radio-Amateur في 13:20 23/07/2009
الحمد لله على سلامة الوصول.. وادعوه سبحانه وتعالى لك بالتوفيق والسؤدد
العنوان: رد: وصلنا والحمد لله
أرسل بواسطة: عكعك التطوى في 13:26 23/07/2009
العنوان: رد: وصلنا والحمد لله
أرسل بواسطة: Banah09 في 13:29 23/07/2009
اخونا سبع صنايع الف الحمد لله على سلامة الوصول، الله يعينك على البهذلة مال المطارات وهذا اللي اني شيله همه بالسفر اتمنه اتسولف النه بعدين من ترتاح شنو اهم الاشياء اللي لازم انحطه ابالنه للاطفال واشلون انساعدهم وانساعد نفسنه على تخطي الرحله والحمد لله على سلامتك مره ثانية
ام ياسر
العنوان: رد: وصلنا والحمد لله
أرسل بواسطة: ماستر في 13:43 23/07/2009
الحمد لله على السلامة
العنوان: رد: وصلنا والحمد لله
أرسل بواسطة: البصير في 13:49 23/07/2009
الحمد لله على سلامة الووصول
حياة سعيده هانئه مليئه بالأمان و الأستقرار و راحة البال
العنوان: رد: وصلنا والحمد لله
أرسل بواسطة: good sniper في 13:49 23/07/2009
الاخ ابو اسد الحمدلله على سلامتكم اتمنى لكم حياة سعيد وعيش رغيد
ابو فهمي
العنوان: رد: وصلنا والحمد لله
أرسل بواسطة: john85 في 13:51 23/07/2009
الحمد لله على السلامة اخوية ابو اسد الوردة...يارب ان شاء الله الاستقرار و الموفقية
اخوك ابو داليا
العنوان: رد: وصلنا والحمد لله
أرسل بواسطة: AbEr SbiL في 14:33 23/07/2009
ااااااااااالف مبروووك والحمد الله عل السلامه وانشاء الله فاتحت خير عليك يارب
العنوان: رد: وصلنا والحمد لله
أرسل بواسطة: ShadowMan في 14:47 23/07/2009
اخوية سبع صنايع
الف الحمد لله على السلامة وان شاء الله الموفقية والحياة السعيدة الهانئة الهادئة.
العنوان: رد: وصلنا والحمد لله
أرسل بواسطة: سبع صنايع في 14:51 23/07/2009
اخوتي احبتي
اني هسة كعدت من النوم وكان نوم عميق وكنت افز بس من يفصل التبريد عبالي طفت الكهرباء واسد يكللي بابا كوم شخل المولدة ههههههه
اني اشكركم جميعا على التهنئة واتمنالكم كل الخير وتسهيل السفر
احاول اجاوب على اسئلتكم
اخت ليسا الحقائب شحناهه ابغداد واستلمناهه بعمان بس ضاعت جنطة كبيرة لاحد اخوتنة وكلشي مكدر يسوي لأن كنا رح نطير لالمانيا واستلمناهن بشيكاغو وكلمن شحنهن على ولايته واستلمتهن بدالاس عموما للمتزوج العملية مو سهلة وينرادلهه متابعة دائمة بالنسبة للتفتيش فكان روتيني ومتكرر بكل المطارات بس كان جدا دقيق بمطار شيكاغو وخاص بالنسبة النة وتنزعون حتى تكرمون الاحذية بس بدالاس محد كلك وين رايح ولا احد شاف حتى الجواز بالنسبة للفلوس محد يكلك شكد شايل بس يتحسسوهن وبس الاردني اباب الطيارة كال هاي فلوس كتلة اي ولا اي شخص امريكي سالك شكد شايل
اخوية سيزر اني تعرفت على سمير عن طريق الاخ حداد السيوف لان طلع صديق الطفولة مالتة والاخ سمير ذكي ومتعاون وساعدنة هواية بتصليح حاسباتنة وخطية كان يريد يتصل بامه باي طريقة بس مكدر ورغم انه باربع عيون بس خوش يبصبص ههههههههههه تحياتي اله اذا يقرة كلامي
اخوية ماجلان اني كان المفروض اروح للشقة الجديدة بس المنظمة اتاخرت ومن اجوا كنت صاعد بسيارة خالي اخذنة منهم المفتاح والعنوان وبعد شوية نروح نشوف شنو الفلم وان شاء الله اكدر اتواصل وية اخوتي بعد ما احصل انترنت بالشقة بس هنا خالي ممتزوج وهو بعمري يعني صديقي واصدقائة كلهم فرحانين باسد لان اول مرة يشوفون طفل عراقي لان تقريبا كلهم ممتزوجين وهواية عرضوا المساعدة علية
اخويةgeb
الاخ بلاك ووتر بصحة جيدة بس كان معوز معطر ههههههههه ومثل مكلت كان جدا متعاون حتى ابغداد كان واكف على البوردنغ واخر واحد صعد للطيارة وكان يحاول يتصل بيكم بالمانيا وبشيكاغو بس مكدرنة حتى تليفوني الثريا مشتغل بامريكا
بالنسبة لتفاصيل الرحلة فراح اذكر الشغلات الجديدة
احنة طرنة من بغداد على عالية واباب الكاونتر اردني خبث وياية وكال الة تقرير من الطبابة مال المطار علمود حالة زوجتك الصحية رحت للطبابة الي بالمطار اللي تبعد مسافة ربع ساعة مشي كالوا هاي اله نسائية والنسائية خارج المطار واله تاخذ تكسي هاي كلة والطيارة بعدلهه ساعة والله سهلهه وسخرلنة ابو اسعاف بعشر دولارات ودانة وجابنة ومن رجعنة ملكينة الاردني ومحد اخذ التقرير لعد شكد خبيث
بعمان اذا كان عدكم ترنزيت طويل فكبل روح للمصلى وطكلك نومة لان ماكو مكان تنام والانترنت مفتوح بعمان واسيا سيل وعراقنا يشتغل وخابرنة اهلنة والاكل اسعارة مناسبة ومقاربة اذا مو ارخص من بغداد
بالمانيا كلشي غالي بطل المي بسبع دولارات واتريكت 2 نسكافي و2 كرواسو ب20 دولار
العنوان: رد: وصلنا والحمد لله
أرسل بواسطة: عاشق تراب العراق في 21:54 23/07/2009
الف مبروك اخونة ابو اسد و بلاك ووتر على سلامة الوصول اللللللللله شكد حلو من نسمع احد الاعضاء وصل بخير و سلامة و تعوض صبرهم خير ,يوم للجميع و اني من ضمنهم طبعا ان شاء الله
العنوان: رد: وصلنا والحمد لله
أرسل بواسطة: free2ea في 21:57 23/07/2009
الف مبروك حبيبي والحمد لله على السلامة وبالتوفيق
العنوان: رد: وصلنا والحمد لله
أرسل بواسطة: traveler في 21:58 23/07/2009
مبروك حبيبي سبع صنايع اني هم جاي الدالاس ان شاء الله بس انت وين عايش هسه يعني بيا مدينة فورت وورث لو وين ؟
تحياتي.......traveler
العنوان: رد: وصلنا والحمد لله
أرسل بواسطة: رامي سلام في 22:04 23/07/2009
الف الحمدالله علاالسلامه نتمنالك السعاده والتوفيق بحياتك اخي اني راح اكون جيرانك عن قريب بس اريدك تسئلي خالك او اي عراقي يمك عن مدينة ابلي كتبت موضوع بس ماكو اي عراقي بيه واني خايف مدينه مو زينه وانشالله تكتب التفاصيل نسمع اخبارك الحلوه تحياتي :-*
العنوان: رد: وصلنا والحمد لله
أرسل بواسطة: عراقي بلبنان في 00:58 24/07/2009
الف مبروك الوصول
العنوان: رد: وصلنا والحمد لله
أرسل بواسطة: blackwater في 01:15 24/07/2009
ما ادري شكتب بعد ..بالاول الحمد لله على سلامتي لان وصلت ;D
طبعا اخوية سبع صنايع ما قصر بالشرح ...وطبعا احلى شي بوري عمان لان ما طرنا على الملكية الاردنية مباشرة لشيكاغو لذلك ما ودونة فندق ضلينا بصالة الترانزيت 14 ساعة هية بس هاي اللي تهد الحيل
يعني اللي يطير دايركت على الملكية احسن بهواي ولو هوة مو بكيف الواحد
المهم ...كعدنا بشقة ويانا رووم مايت room mate زميل وياك بالشقة عبارة عن غرفة نوم مشتركة و هول وهوة مطبخ على صفحه يعني شي مرتب واكيد نضيف ...الحي كلش حلو هاديء جدا جدا جدا جداجدا للصبح
اللي يطير لازم ياخذ وياه عطر بالجنطة المحمولة ..مو معطر ..عطر لان مطار بغداد ما يخلون المعطر يصعد بالجنطة المحمولة ...لان ساعات طويلة بلا دوش شوية زحمة ولو يعني متصير حيل ..بس للضرورة القصوى
الرحلات الدولية ما تكدر تشيل وياك سوائل مثل بطل ماي لو موطة بكلاص ...
اما عن امريكا .....فكل شي مباح بالطيران ...يعني الناس جايبة لفات و ببسي وموطة وشرابت ويدخل للطيارة ...
اما المنظمة والحباشات بعد لحد الان كلشي منعرف ....بس اول ما تدخل مكان سكنك راح تلكة محضريلك هواي حباشات منها
فرشة اسنان ومعجون ... معجون طماطة.. بطل زيت ..كبس صغير طحين صفر ..كيس شكر ..ملح ...صابون وشامبو وزاهي
العنوان: رد: وصلنا والحمد لله
أرسل بواسطة: احلى بابليه في 07:06 24/07/2009
الف حمد الله على السلامه اخونه سبع صنايع وان شاءالله ترتاح وتلكي كل الخير بوجهك و حمدالله على سلامة اخونا بلاك وتر وعاشت ايدك على طريقة عمل تبسي الدجاج الي مبين كلش طيب هههههههههههههههههههههههههههه وهمزين منسيت تحط الفلفل الاسود ;D
العنوان: رد: وصلنا والحمد لله
أرسل بواسطة: سبع صنايع في 12:38 24/07/2009
اخوتي احبتي
مشاعركم طيبة وتخجل الواحد
اني اشكركم اخوتي ايوكا siv2007 الكابوي العراقي محمد 2009 ونغو الشذر مستر نيو هوبفورال عاشق تراب العراق فري عراقي بلبنان
خواتي العزيزات ام انس ايات ام تبارك احلى بابلية الله يبارك بيكم وشكرا على الكلمات الجميلة وان شاء الله راحة البال
الاخ المناضل ترافلر اني هسة كاعد بمنطقة كلش حلوة وراقية اسمهه ارفنغ ورح افتح موضوع بعد شوية حول ظروف سكني بهاي المنطقة
اخوية رامي اليوم اسألك خالي حول المنطقة وتدلل
اخوية بلاك ووتر
الف حمد الله على السلامة وان شاء الله راح التعب بعد الشاور هههههههه وعاشت ايدك على التبسي الطيب
اخوية وصديقي حداد السيوف
الله يبارك بيك ومشكور على كلامك الطيب يا طيب اتمنى سمير يكون وصل لان اعتقد هو على ولايتك حاول اتدزلي رقمك لان مدري وين صار
تحياتي
العنوان: رد: وصلنا والحمد لله
أرسل بواسطة: mongoose في 13:17 24/07/2009
الحمدلله على سلامتك اخونا سبع وبلاك وتر الله يسهل عليكم بيتكم الجديد ويرزقكم ويوفقكم اني يوم 4-8 راح اطير الى هيوستن تكساس بس راح ابات بالفندق مال مطار عالية هههههههههههههه واخذ انواع المعطرات بالطيارة الحمدلله على سلامتكم
العنوان: رد: وصلنا والحمد لله
أرسل بواسطة: سبع صنايع في 15:57 24/07/2009
الحمدلله على سلامتك اخونا سبع وبلاك وتر الله يسهل عليكم بيتكم الجديد ويرزقكم ويوفقكم اني يوم 4-8 راح اطير الى هيوستن تكساس بس راح ابات بالفندق مال مطار عالية هههههههههههههه واخذ انواع المعطرات بالطيارة الحمدلله على سلامتكم
العنوان: رد: وصلنا والحمد لله
أرسل بواسطة: lionofiraq في 16:06 24/07/2009
الف الحمد لله على سلامتك اخوية العزيز و ان شاء الله اتشوف الخير بدربك و ميخالف التعب انت بعدك شاب و الله ينطيك الصحة و اتشوف مستقبلك هنالك و تكترث للمصاعب لأن دائما الظروف الصعبة تصنع الرجال و تقبل مرور اخوك طيف السعد
العنوان: رد: وصلنا والحمد لله
أرسل بواسطة: vincenzo في 19:36 24/07/2009
الحمد لله على سلامة الوصلوا والله اخوان اعزاء ويستاهلون كل خير بس شنو هالمعاناة يكلك 48 ساعة بلا كهرباء ;D من ضمنهه 14 ساعة بالمطار (سوده عليه) يهفون لان الكهرباء كل يومين تجيلهه 5 دقايق والحرارة 55 مئوي والعواصف الترابية تلعب بيهم لعب وماكو اكل غير فلافل بالذبان المملح ;D والله يا جماعة السفر مزعج ;D واحسن شي واحد يضل ببغداد ويشبع نوم على السبلت ;D دكولوا يا الله شنو معانات اشو هي عمان عبالك مصيف بكردستان جوهه يخبل والمطارات كلهه تبريد بلاك ووتر هاية مالة هادئه هادئه....للصبح خلتني اقلق عليك يعني شلون جارعهه بلا موسيقى المولدات ؟؟؟ ;D وبلكي تفاصيل اكثر على سكن العزاب واني ادري بيك متقصر
العنوان: رد: وصلنا والحمد لله
أرسل بواسطة: شقندح في 20:51 25/07/2009
الحمدلله على السلامة اخونا العزيز اني وعائلتي وصلنا بسلامة للسكن بفلوريدا بس ابني حمودي لهسة يتحلف بابنك اسد هههههههههههههههه ان شاء الله تكون بداية خير لكل العراقيين يا رب
تحياتي شقندح
العنوان: رد: وصلنا والحمد لله
أرسل بواسطة: سبع صنايع في 22:02 25/07/2009
ابو حمودي
حمد الله على السلامة وان شاء تكون مرتاح
سلام خاص من ام اسد لام حمودي وابقة تواصل ويانة
العنوان: رد: وصلنا والحمد لله
أرسل بواسطة: blackwater في 01:54 26/07/2009
احبابي سكن العزاب
شقة بيهة غرفة نوم شيرنك ..يعني وياك واحد ..وحمام لطيف و هول كبير نسبيا ومطبخ
كلشي مدفوع الثمن بس الكهرباء عليك ...مبرد و مدفيء
اني حاليا كاعد وية ولد حباب اسمه محمد ....ومسواك كل اسبوع بلاش المنظمة لو تنطيك فلوس لو همة يرحون وياك