ankawa

المنوعات => استراحة المنتديات => منتدى في الاعادة افادة => الموضوع حرر بواسطة: أحزان بغداد في 23:38 05/03/2010

العنوان: عراقي شارك في برنامج من سيربح المليون
أرسل بواسطة: أحزان بغداد في 23:38 05/03/2010




هلوووووو شباب بنات شلونكم
يا رب دوم بخير
هذا واحد من ( جماعتنا ) راح لبرنامج من سيربح المليون
طبعا تعرفون انه الاسئلة بالبداية كلش سهلة وعيب واحد يعلّس بيها
صاحبنا مشى باول سؤال بس فضحنا بالثاني
تعالو شوفو شسوّه بدنياته :
جورج قرداحي : السؤال التاني بميتين ريال هو :
عصفور باليد ولا عشرة على ................. ؟؟؟؟؟
الشجرة
البقرة
الصفراء
الحمراء
گله لجورج قرداحي : اهووووو بدينا بالصعبات
زين ناخذ رأي الجمهور
طبعا جورج انصدم المسكين !!!
فكان جواب الجمهمور 100% الجواب الأول ( الشجرة )
اخونا گله لجورج : تره مو على طول يصدگ الجمهور ،
فأفضـّل لو نحذف اجابتين اذا متصير زحمة
وتخيلو حالة المگرود جورج !!!!
حذفله إجابتين فبقه الجواب الأول الشجرة والجواب الثاني البقرة.
فگله لجورج : مستفادينا شي لأن بقن الجوابين اللي آني شاكك بيهن
( آني لو من جورج طلقة براسه واخلص البشرية منه )
فگال اخونا : ماكو غير الاتصال بصديق
اتصل بصديقي حمزة الچايچي
مثل متعرفون انه جورج يسأل عن وظيفة الصديق
گله جورج : شو بيشتغل صديئك حمزة الچايچي ؟
جاوبه : يبيع لبن
الحاصل .. خابروله الصديق و طلعله حمزة :
الو .. الو .. لك ليش متجاوبون .. ماعدكم خوات ماعدكم بنات
لا يا متستحون .. والله إلا اشتكي عليكم
جورج : طوّل بالك يزلمة شو بك نحنا من الأم بي سي
برنامج من سيشگ هدومه أأأ ئصدي من سيربح المليون
حمزة : هاها العفو .. بالخدمة آني يدلل فاهم ( فاهم اسم صاحبنا .. غير لايگله صلوات )
جورج : معكن تلاتين سانيه لمّا بيبدا الأخ فاهم بالكلام .. تفضل فاهم :
فاهم : ها خويه حمزة شلونك شكو ماكو ؟ گلي خو ماكو تفجيرات هاليوم ؟
سلملي على أمي وگلها مالگيت دشداشة كودري .. ميخالف كشمير ؟؟؟
طوط طوط .. خلصت التلاثين ثانية و مثل مشفتو .. كلشي مفتهم فاهم سوده عليّه
فسأله جورج قرداحي : وهلأ شو بدك تعمل ؟
فجاوب : والله يا استاذ جورج ما اگدر اجازف بصراحة
انسحب احسنلي وآخذ الـ 100 ريال مال سؤال الأول
خاف اجاوب ويطلع غلط وهالنوبة تروح الـ 100 همّات
وعلى گولت أبو المثل : عصفور في اليد ولا عشرة على الشجرة
( فاهم .. وما غلطت امه من سمته فاهم )
ها نسيت اگلكم .. جورج قرداحي أعلن اعتزاله بذيچ الحلقة الگشرة  
العنوان: رد: عراقي شارك في برنامج من سيربح المليون
أرسل بواسطة: shahad_m في 01:09 06/03/2010
ههههههههههههههههههههههههههههههههه
العنوان: رد: عراقي شارك في برنامج من سيربح المليون
أرسل بواسطة: haigo في 02:03 06/03/2010
يسلموا احزان على الموضوع ;) ;) ;) ;)
العنوان: رد: عراقي شارك في برنامج من سيربح المليون
أرسل بواسطة: ღ♥ღ LoVely__87ღ♥ღ في 02:57 06/03/2010
لووووول

يســلموو علــ موضوع
العنوان: رد: عراقي شارك في برنامج من سيربح المليون
أرسل بواسطة: أحزان بغداد في 03:25 06/03/2010
شكرا يا شهد و haigo و lovely  على مروركم والله نورتوا صفحتي  :-* :-* :-* :-*