ankawa

المنوعات => استراحة المنتديات => ابداعات اعضاء استراحة المنتديات => الموضوع حرر بواسطة: حامد الجبوري في 12:36 07/07/2011

العنوان: روحي هامت
أرسل بواسطة: حامد الجبوري في 12:36 07/07/2011
روحي هامت
                                                                                                          حامد كعيد الجبوري
بيك روحي هامت وحكها التهيم
أبصبري يا عمر العمر ووروده
جنت كبلك ميت وتوني أحتييت
وردت أيام الفرح وسعوده
عيون عندك لا ولا كل العيون
كحل رباني وحوار  وسوده
وحاجبك سيف وتعطّش لليعيل
أمنين أخلص ركبتي الممدوده
خاف أشبه شفتك كوثر زلال
روحي جمره ومي لماك أبروده
لحك رمانك تفطر من حلاه
أمنين نوصل حارسات أزنوده
خنيبت1 روحك عسل فاض الخدود
وذبل عودي وتقبل أبصيهوده2
أحسب وياي الدرب خلص ونين
وكل مفاتيح الفرج مسدوده
آنه علمت اليتامه أعله الدموع
ومن لطمها أشحصلت شمهوده
أفتحلي كلبك وأخذ مني أشما يكون
وهاك عمري الحضرتك مكصوده
أبشارة اليمه وبيارغ أعتنيك
وخبزة العباس نذري أبزوده
من أشوفك أطفي كل شوك الزمان
وأعتني القاسم وأنخي أجدوده
أشموع خضر الياس أضويها الشطوط
ونذر للكاظم عليّ أشهوده
أيلوح طولك وأحضنك شوك الفطيم
وبيدي أشيلك وألكط أبعنكوده
هناك وبتالي العطش أسبح وأهيم
وأصعد أتلال وأرد ردوده
خوفي أشمك وأسبح ابماي الوصال
وكلبي أسمعك دكته ومنكوده
وتحت ظلك أشم كل ريح الجنان
وساعة الموت أصبحت مريوده
----------
1 خنياب : النهر الطافح بالماء
2 صيهود : جفاف النهر
العنوان: رد: روحي هامت
أرسل بواسطة: nasir yako في 18:13 19/07/2011
كلمات جميله جداعاشت ايدك .....اخي العزيز حامد ..
العنوان: رد: روحي هامت
أرسل بواسطة: malak.ali في 18:52 13/03/2012
روووووووووووووووعه عاااااشت الاياااااااادي
العنوان: رد: روحي هامت
أرسل بواسطة: yasir fakhri في 01:15 15/07/2012
كلمات رائعة وخطت بانامل لاتقل روعة عنها
تسلم اخي وبارك الله فيك