ankawa
منتدى الهجرة واللجوء => الهجرة و واللاجئين => الموضوع حرر بواسطة: مثنى خالد في 15:53 26/07/2011
-
اول شي احب اسلم عليكم وادعيلكم بالتوفيق والنجاح
اخوان اني قبل كم يوم نزلت موضوع عن قلقي وخوفي من مقابلة المحلف
وكانت يوم الاحد الماضي 24 / 7 / 2011
المهم اني توكلت على الله وورتبت وضعي وراجعت كلشي مع عائلتي
ومع نفسي وصارعت الخوف الذي كان قد كاد يتمكن مني حتى بدأت اتغلب عليه وازدادت ثقتي بنفسي والحمدلله
وذهبت صباح يوم الاحد برفقة عائلتي وانا مفعم بالامل وبمعنويات عالية
وكان موعدنا في الساعة 8 ونصف صباحا وجلسنا الى الساعة 10:45 تقريبا عندما بدأت مقابلتنا
حاولت بالبداية ان استوضح سبب العصبية التي بدت من المحلف ولكنه كان بين الحين والاخر يباردنا بابتسامه
فاعود واقول في نفسي ربما هو غير عصبي وهذا طبعه فقط
المهم اختصارا للقصة ولانني لست خبير في امور المنتديات وكتابة المواضيع
فالمحلف الذي قابلني كان شديد الشك ومتشعب في الاسئله يستدرجك للتشعب في القصة
حتى يطيح بك في ابسط لخبطه او خطأ طبعا الحمدلله اني ما اخطئت ولا خربطت
بس التعامل كان بالضبط كتعامل قاضي التحقيق مع المتهم واني محامي وخريج قانون جامعة بغداد
وعندي خبرة بهاي الامور بالضبط كان المحلف يتعامل معنا كتعامل المتهم بجريمة مخله بالشرف
ولكن للامانه كان يكسر هذا التصرف ببعض الابتسامات مع اطفالي ومعي احيانا
علما ان الاخوان الذين كانو موجودين بنفس اليوم وقابلو معنا كان اوضاعهم اصعب من وضعنا
وخرجوا من المقابلات بوجوه شاحبة وحزينه لاكلام على لسانهم سوى اسلوب المحلفين
وشدتهم واستفزازهم لمشاعر الناس واستهانتهم بالضروف القاسية التي يعيشها العراقي
وتركيزهم على تحسن الاوضاع بالعراق وكأن العراق اصبح سويسرا ونحن لانعلم
وانا الان اعيش بقلق اكبر واعمق من الذي كنت عليه قبل المقابلة ولا اعلم ماذا افعل
سوى ان افوض امري الى الله فهو اعلم بعباده
-
اتمنالك القبول و راح انتظر نتيجة المحل وياك
تحياتي
سارة
-
شكرا اخت سارة والله يوفقج عيوني
واعتقد هي تبين بيوم استلام الضرف
وسيكون يوم 10 / 9 / 2011 حسب الاعلان بiom
-
يا رب يسهلها علينا كلنه بحق السميع العليم ويجعل بشارتك بالايام الي ذكرتها بس قول ااااااااامين
-
ونعم بالله العلي القدير
شكرا اخي العزيز مثنى على مشاركتنا مقابلتك
ويارب الله يوفقك وتجيك الموافقه وتسافر باقرب وقت
ولو اني هسه صرت خايفه اكثر من قبل
الكل يكول المحلفين صعبين ويخوفون
وخصوصا اني خربطت بالمقابله الاولى والثانيه
بس منكول غير يا الله
اختك تقوى الله
-
شكرا اخ مثنى على التوضيح وان شاء الله مقبول وسفرك قريب والفرج للجميع يارب
اختك ام حنين
-
الله يسهل اموك يارب
-
اخي ان شالله القبول والتوفيق ............
لاتستغرب هذا الاسلوب لان من خلال قراءتي لكثير من المواضيع ومايحدث في المرحلة الراهنة فان المحلفين اصبحوا اكثر شدة ودقة بالتعامل مع اللاجىء وطبعا الاسلوب النفسيي هو واحد من اكبر العوامل المؤثرة متبوعا بالاستفزاز وطبعا اكثريتهم كما علمنا هم ضباط تحقيق وعلى دراية كاملة بالاساليب المستعملة لذلك لايستعملون اشخاص عاديين بل محققين لانتزاع الحقائق والهدف الضغط على الشخص باتجاه الوصول الى مايريدون ...........
بس خليك انت اقوى واكثر ثباتا ........ ولاتقلق
-
والله يا اخوان اني اشكر مشاعركم الطيبه وبلكي خير
ولو الوضع النفسي الذي نعيشه حاليا اني وافراد عائلتي
وضع جدا صعب ولا اتمنى لاحد ان يمر بما نمر به نفسيا
شكرا لكم جميعكم
-
شكرا اخونه على هذا التوضيح وياربي تستلم موافقه المحلف ولا تخاف اهم شي قطعت مرحله وخليه يم رب العالمين وياربي يسهل للجميع
تحياتي للجميع
الأعظمي
-
الله يكون بعون الجميع؟ ها اخت تقوى الله شلون معنوياتج؟؟؟؟؟؟؟؟ خومو مثل معنوياتي؟؟؟؟؟؟؟؟؟
-
>:( :( :o ??? :-\ :'(
-
الله يكون بعون الجميع؟ ها اخت تقوى الله شلون معنوياتج؟؟؟؟؟؟؟؟ خومو مثل معنوياتي؟؟؟؟؟؟؟؟؟
والله يا ابو علي المعنويات تصعد وتنزل بنفس اللحظه >:(
صار 2 مقابلين محلفين وممرتاحين
بس نرجع ونكول كل شي بيد رب العالمين الي قاسمه يصير
بس اني ضايجه لان خربطت شويه بالمقابله الاولى
ويارب الفرج
-
السلام عليكم اخواني اخي العزبز مثنى خالد ان شاء الله يارب الله يبرد قلبك ويسهل امرك بس سوال اذا امكن تعطينا مثال اشلون المحلف من يتشعب بالموضوع يوصل لنقطة يحاول يوكعك بيهةاذا مابيهة احراج الله يخليك حتى نفتهم فدوة وبقية العائلات اللي اشتكو ا قابلوا نفس المحلف مالتك لو غيرة
-
يارب سترك ..
اليوم ابن خالي قابل وطلع من المحلفين يركل مثل التاير الخالع ههههههههههه
يكول دمرتني المحلفه كانت امرأه سوداء .
بس احنه طمناه وكلناله كلشي بيد الله و بالقسمه والي كاتبه الله سبحانه لازم يصير
واتمنى من الجميع ان يخلون ايمانهم بالله كبير ويتوكلون على القادر العظيم
وان شاءالله مايضيع تعبنه وصبرنه. حاشى لله.
واتمنى للاخ مثنى خالد التوفيق ويارب تستلم موافقة المحلف وتتيسر عليك على الجميع
-
المحلف الذي قابلني كان طويل اشقر عنده لحية خفيفة الى متوسطة
الله يجفيكم شره وشر هاي الوجبة وتبقى كلمن وحظه
-
ان شاء الله القبول وتوكل على الله
-
مرحبا جميعآ
ومبروك للأخوة اللي قابلوا محلفين وأكوللهم أنتوا اللي عليكم سويتوا وخلي على الله ولتفكرون بشي هو بيد رب العالمين وكلمن ياخذ نصيبه . واللي أطلبه وأترجاه من جميع اللي قابلوا محلفين رجاء أخوي بأن يحاولون يكتبون الأسئلة اللي أنطرحت عليهم بالمقابلة الله يبارك بيكم جميعآ لأن أنتوا تكولون المحلفين غير الوجبة اللي راحت كأسلوب وأسئلة فياريت تكتبون الأسئلة حتى نكدر نحضر نفسنا ونتهيئ عالمقابلة أخاف يجينا النصيب ونقابل .
شاكر تعاونكم ويانة ورمضان كريم عالجميع
تحياتي وأحترامي للجميع
الأعظمي
-
مرحبا جميعآ
ومبروك للأخوة اللي قابلوا محلفين وأكوللهم أنتوا اللي عليكم سويتوا وخلي على الله ولتفكرون بشي هو بيد رب العالمين وكلمن ياخذ نصيبه . واللي أطلبه وأترجاه من جميع اللي قابلوا محلفين رجاء أخوي بأن يحاولون يكتبون الأسئلة اللي أنطرحت عليهم بالمقابلة الله يبارك بيكم جميعآ لأن أنتوا تكولون المحلفين غير الوجبة اللي راحت كأسلوب وأسئلة فياريت تكتبون الأسئلة حتى نكدر نحضر نفسنا ونتهيئ عالمقابلة أخاف يجينا النصيب ونقابل .
شاكر تعاونكم ويانة ورمضان كريم عالجميع
تحياتي وأحترامي للجميع
الأعظمي
ياريت والله لتعم الفائدة على الجميع