ankawa

المنوعات => استراحة المنتديات => ابداعات اعضاء استراحة المنتديات => الموضوع حرر بواسطة: ziad bedary في 16:22 11/09/2011

العنوان: منو يعوضج يايمة..بقلمي .... زيــاد البيــــــداري
أرسل بواسطة: ziad bedary في 16:22 11/09/2011
منو يعوضج يايمة

 

 

منو يعوضج يا يمـــــــة وكلمتج طيبة وتطفي نيراني


هسة صدى صوتج يدفيني وشلون لو نمتي بأحضاني

مشتاقة لكعدتج يمي وانثر بدروبج حب كلبي وحناني

يا ارقى اسم بالكون يهلهل بأسمج لساني

خجلت وردتي من صحت يمة وذابت بيدي اغصاني

شلون البعد ينطاك واموت بفركتج اني

كلبي ينطر شوفتج وبصدري تنام الاحزان

والي ما يشوفج يضل دومة تايه وخسران

اهديلج سنيني ترخص واضل اني ربحان

لمست الطيب منج شوصفج حتى الوصف خجلان

جفت حروف الشوك بشفافي وضل الكلب ضماَن

لو صحت يمة مادريتج ملاك انتي لو انسان

دورت ومالكيت بس بمنفى الروح نسيان

الشاعر

زياد البيــــــــداري

 


 
 
العنوان: رد: منو يعوضج يايمة..بقلمي .... زيــاد البيــــــداري
أرسل بواسطة: جواهر بغداد في 22:23 11/09/2011
عاشت ايدك اخون على كل كلمة رائعه بحق اعظم امرآه وأم
اكيد شكد منكتب منوفي ذره من حقها تجاهنا بس كل الي نكدر نكوله
ربي يخلي كل الامهات ويطول بعمرهم  

تقبل مروري
أختك ,, جوجو
العنوان: رد: منو يعوضج يايمة..بقلمي .... زيــاد البيــــــداري
أرسل بواسطة: ziad bedary في 15:22 12/09/2011
اكيد كلامج ذهب ومنورة بمرورك العطر يا شاعرة الانوثة
العنوان: رد: منو يعوضج يايمة..بقلمي .... زيــاد البيــــــداري
أرسل بواسطة: جواهر بغداد في 03:08 14/09/2011

تسلم اخوية الغالي الله يخليك
العنوان: رد: منو يعوضج يايمة..بقلمي .... زيــاد البيــــــداري
أرسل بواسطة: نادر البغـــدادي في 13:55 22/09/2011


    الأخ العزيز
    زياد البيداري
    عاشت اياديكم على هذه الكلمات
    الرّائعـــة بحق الأمّ !
    التي  لولاهــا
    لما رأينــا نور الحياة !
   
    ملاحظة : اذا اردتم الحصوب على حرف
                 ( چ ) ! سهل جدّاً ...
                 اولاً اضغط على كلمة
                 ( Alt Gr  ) في اسفل الكيبورت ..
                 واكتب رقم { 0141 }
                 من الجدول ـ علي يمين   
                 الكيبورت !
                  فيطبع لكم حرف
                 ( چ ) بدون ارقام !

                 مع ودّنــــا ...

                         
العنوان: رد: منو يعوضج يايمة..بقلمي .... زيــاد البيــــــداري
أرسل بواسطة: malak.ali في 17:59 13/03/2012
روووووووووووووووعه عاااااشت الاياااااااادي