ankawa

منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: Abnaa Al-Iraq في 23:52 08/06/2012

العنوان: المخلصون لا يطلبون مكافئة
أرسل بواسطة: Abnaa Al-Iraq في 23:52 08/06/2012
أرجو من الاخوة والاخوات ... ان يكون هناك تلام مستمر في منتدانا الرائع ولا نقوم بتخريبه بسبب بعض الذين يتقصدون ذلك ممن هم دون المستوى الاخلاقي ولا الرقي الفكري وان يعم نكران الذات فيما بيننا وعندما نقدم خدمة ان نجعلها في رضاء الله مع طيب اللسان وحلاوة المنطق والاحتفاظ بالقيم التي تربينا عليها وان تكون هي السائدة ولا نسمح لمن هم دون ذلك بان يكونوا صاحبي القرار وان تطفوا مواضيعهم السطحية على المواضيع الجادة المعبرة ...

واني اذكر بالخصوص مع احترامي للاخوات والاخوة ولا يهونو الاخ فارس العراق90 الذي كان يقضي اليل والنهار في التحليل ولكنه لم يقل يوماً بان تحليلاته مطلقة بل كان يعتمد على تجربة الصواب والخطأ وكان يطلعنا على ملفه اول باول ونشاركه الرأي بكل صغيرة وكبيرة ونخطأه تارة ونصدقه تارة اخرى فما زعل يوماً ولا اصابه الغرور ... بل كان صدره واسع وقلبه رحب لاي استفسار حتى وان كان السؤال ساذج كان يجيب بموضوعية واحترام .

الله شاهد لا اقصد الدعاية لاحد ولا هو يرضى بذلك انما احببت ابرز صورة شخص محترم في جمعيتنا كي يكون نموذج يقتدي به الاخرين وان نذكر كل من هو جيد من الاخوات والاخوة كي يكون منتدانا مثلما كان في السابق اسف للاطالة وتمنياتي لكم بالأخوة الصادقة والاحترام المتبادل
 
العنوان: رد: المخلصون لا يطلبون مكافئة
أرسل بواسطة: ArUsH في 00:05 09/06/2012
صح لسانك اخي
العنوان: رد: المخلصون لا يطلبون مكافئة
أرسل بواسطة: *George* في 00:09 09/06/2012
الف الحمد لله همزين وضحت الصورة كدامكم
تحياتي وعاشت ايدك على الموضوع
جورج
العنوان: رد: المخلصون لا يطلبون مكافئة
أرسل بواسطة: ألن في بلاد العجائب في 00:09 09/06/2012
+1 عاشت ايدك اخويه فعلا لا يجوز طلب المكافئه مقابل الاخلاص و الا ذهبت قيمة الاخلاص
العنوان: رد: المخلصون لا يطلبون مكافئة
أرسل بواسطة: Abnaa Al-Iraq في 00:10 09/06/2012
اختي العزيزة الحق يقال رغم اختلافي وياج بتسمية الموضوع بس واحد هم يلاحظ بشكل واضح التهجم وطريقة الكلام الغير لائقة ومن اسماء مبينة جديدة ومتقصة الاساءة للموضوع ...ثم عدة مرات يساء للاخ دزمند من قبل الاخوة والاخوات ومجان يرد ليش هسة وصلت الى حد السب والشتم معقول ؟؟؟!

ما اعرف لهذا المستوى واذا صار اختلاف زين اذا صاحب الموضوع نفسه مكان رده مسيء ليش اللي يدافع عنه يسب ويشتم وعلى فتاة ؟؟ وين الاخوة وين التراحم وين الرجولة كلها راحت ؟؟!! الف ياحيف

ومع هذا اني اسف اذا اخطئت وظنيت ظن بالسوأ للاخ دزمند مثل مكال ... لكن احب اكله مو صدفة يدخلون اسماء جدد ؟؟ ولا صدفة يكون كلامهم بهذا المستوى ومع عضوة اقدم منه جميعاً ؟؟؟ والاكثر اهمية عندما الاخ جورج والحمد لله اجه بوكته والاخ فارس والاخوة القدماء صدك والمعروفين بموضوعيتهم واحترامهم والاخت تقوى الله ردوا البقية سكتوا ومبين منهم رد ؟؟؟ وين صاروا ؟؟؟ اذاً المسألة جانت للاسف ولية مخانيث

سلامي للجميع
العنوان: رد: المخلصون لا يطلبون مكافئة
أرسل بواسطة: abo shams في 00:16 09/06/2012
شكو خير ؟؟؟
اليوم جمعة والصلاة على النبي .. هو مال مشاكل يمعودين
العنوان: رد: المخلصون لا يطلبون مكافئة
أرسل بواسطة: جورجيا في 00:20 09/06/2012
شكو غير نفتهم من سب ومنو غلط
وتحياتنه الفارس العراق اخ عزيز ويانه
تحياتي
العنوان: رد: المخلصون لا يطلبون مكافئة
أرسل بواسطة: فارس العراق 90 في 00:29 09/06/2012
انشاء الله ابقى عزيز الكم واشكركم جزيل الشكر وهذا شي من انسويه للكل مساعده بيناتنه لان واحد يحتاج الاخر وكل واحد مار بمرحله اتمر بشخص ثاني بمعنى فيد وستفيد وانشاء الله نبقى اخوه دووم ومحد ايفرقنه باذن الله  لازم نساعد بيناتنه ونشارك الاراء لان كلنه مارين بهاي الحالات من البدايه للنهايه
تحياتي لاخويه ابناء العراق وكل الموجودين
العنوان: رد: المخلصون لا يطلبون مكافئة
أرسل بواسطة: كوكي 2004 في 00:31 09/06/2012
عاشت أيدك وصح لسانك أخي أبناء العراق
والله ملينه من القال والقيل يعني احنه بيا حال وكلنه دنكول يا الله وكلمن حاير وبشغلته
ومندري وين رح يرسي بينه الحال
بس عندي سؤال ديدور ببالي يعني احنه ابيناتنه ومع بعضنا هيج زين ويه الغريب شلون ؟

تحياتي لحضرتك وللجميع
الله يهدي النفوس وان شاء الله ماكو أله الخير
العنوان: رد: المخلصون لا يطلبون مكافئة
أرسل بواسطة: يمتة الفرج في 00:54 09/06/2012

بس عندي سؤال ديدور ببالي يعني احنه ابيناتنه ومع بعضنا هيج زين ويه الغريب شلون ؟


لا عاب حلكج والله اذا عراقيين وكلنا قضيتنا وحدة وهيجي بيناتنا اتخيلي وية الغربة شراح نسوي  ??? ???

مشكور اخوية ابناء العراق وعاشت ايدك يا ذهب
العنوان: رد: المخلصون لا يطلبون مكافئة
أرسل بواسطة: Abnaa Al-Iraq في 01:38 09/06/2012
أشكر اخواتنا واخوانا الاعزاء على المشاركة البناءة وللاسف لان الموضوع يعكس واقع حال وكلمة حق قامت الادارة بنقله في بداية تفاعل الاعضاء حوله مع هذا ميهم ماطول يوجد طيبين مثلكم شاركوا وهم بمستوى المسؤولية والله ينور طريقكم وزيد منكم يارب
العنوان: رد: المخلصون لا يطلبون مكافئة
أرسل بواسطة: الريم 2000 في 07:41 09/06/2012
ولا يهمك اخي المهم مو الموضوع الاهم بتفاعل اعضاءه وربي يبارك بيك على كلامك الرائع ويارب الكل تقتدي بي لان الكل في حيره من امرها ويارب الفرج العاجل للجميع امين-----زينب
العنوان: رد: المخلصون لا يطلبون مكافئة
أرسل بواسطة: Attum Rose في 19:45 09/06/2012
بارك الله بيك اخونا العزيز على الموضوع المفيد و القيم، لكن للاسف الشديد بعض اخوتنا ديصدكون كلشي اللي يسمعوه و يحطون املهم بالخبر من ورا الصيغة المتبعة للكلام، مهما يكون الانسان خطاء و حلو اذا نبدي اراءنا لكن مو حلو من نجي نكول اني اكول كذا و عندي الدليل كذا و اثنينهم بعيدين كل البعد عن الحقيقة. و بالاونة الاخيرة رحتشوفون تناقض كبير بالكلام و مع ذلك ماشي بالاصرار بالخطأ و الاسلوب اللي يثير حفيظة الاخوة و الاخوات.


اتمنى انه تنتهي هالمهزلة قريبا و يا رب نستمر بالعطاء و الحب و الاحترام.

روز