ankawa

المنوعات => استراحة المنتديات => استراحة الخواطر => الموضوع حرر بواسطة: نادر البغـــدادي في 12:11 18/06/2012

العنوان: ✄ ✄ أنــــا وحماتـــــي : شــــعر شـــــــــعبي ✄ ✄
أرسل بواسطة: نادر البغـــدادي في 12:11 18/06/2012



  8)         ???           ::)     

     بقلم الشّاعر / وسـيم جبر :

 جبتي الغضب عالبيت وعبوسك بدا
 متل الكأنو الهم عالبــــــيت اهـــتدى
 انشا الله اله الخلـق عني ياخـــــــذك
 و مش هم لولا بيشمتو فـينا العِـــــدا

 شو خصني لولا الزمن فيكي غــــدر
 وصارت حياتــــــك كلها هــم وكدر
 لبستي ع وجهك ورقة النعوة دليــل
 وابليس ذاتو شــاف بوجودك خطـر

 يا مكشري و ما بيعجبك كل العجـب
 حتى صيامي لو بديتــــــو في رجب
 وبتبرمي بوزك متل بومة خــــراب
 وبتغضبي وبتزعـلي وما في سـبب

 كان الهنا بالبيت من أغلى الضيوف
 لما دخـلتي فل من جـــــور الظروف
 بتعلمي بنتــك على شـن الحــــــروب
 وكل الضحايا صحون كانو عالرفوف

 صارت حياتي كلها قهـر ونكــــــــد
 بحل عقده ، بتخلقي الوف العُــــــقد
 ريتو اله الكون عني ياخـــــــــــــذك
 الصبر انتهى ما عـاد في عندي جلد

 ومتلك نزار نصير زامم شــــــــفتـو
 وأيوب متلو افعــــــــتك في قفــــتو
 وهايل تخبى خلف متراس الحـجـار
 وكتر الالم و الهـــــــم رجَّـح كفـــتو

 يا بومة الايـــــــــام طفشتي الطـــيور
 انتي حماتي وكيف رح عـيش بسرور
 جبتي الالـــم و الهــــم عالبيت الهني
 و الخير فل و ما بقي غــــير الشرور

 انشا الله الفــــرح بالعمر كلو تشتهي
 وتتجـــــــوزي و عني لحــتى تلتهي
 الغراب منك هـج ما بــــدو عــــروس
 خايف حياتو ان شاف وجهـك تنـتهي .

              > منقول <
العنوان: رد: ✄ ✄ أنــــا وحماتـــــي : شــــعر شـــــــــعبي ✄ ✄
أرسل بواسطة: مــودي في 14:05 18/06/2012
 :D :D :D شعر حلو يسلموووو ع النقل ,,تحياتي وتقديري
العنوان: رد: ✄ ✄ أنــــا وحماتـــــي : شــــعر شـــــــــعبي ✄ ✄
أرسل بواسطة: نادر البغـــدادي في 22:11 18/06/2012



  جزيل الشـــكر للمشاركة !

    وافر تقديرنـا وآعتـزازنــا .