ankawa

المنوعات => استراحة المنتديات => ابداعات اعضاء استراحة المنتديات => الموضوع حرر بواسطة: حامد الجبوري في 12:25 21/06/2012

العنوان: أبو ذيات وموال
أرسل بواسطة: حامد الجبوري في 12:25 21/06/2012
أبو ذيات وموال
حامد كعيد الجبوري
حبيبي نار هجرانك وبالي / الوباء من المرض
وعليمن ماخذ الروحي وبالي / عقلي
يلوموني الشعر أبيض وبالي / قديم
شتريد أتلوم وآنه النار بيه
-----------------
وحك الله عليك عيون صبيت / بجيت
وألك تمثال وسط الروح صبيت / عملت
يلوموني أكبرت حبيت صبيت / متصابي
وآنه أباب الكبر روحي طريه
---------------
سلام الله على خدودك وشافك / الشفاه
أحط عيون بكليبي وشافك / يراك
طبيبك واعرف ابعلتك وشافك / الشفاء
أطيبك بس تمر شفتك عليه
-------------------
قليتو مودتي وتميت ما قال / لم أكره
ترخصوني وعليت ابزود  ما قال / لا أقل ، لا أنقص
ضعت بين البخت والقيل ما قال / القيل والقال
آنه بيا قال يالتحجون بيه
--------------
وكِّر يطير الكلب جم غصن جنحك فار / يجوب ، يتنقل
 ناعورك الياوكت يلهم ونين وفار / يغلي
هجيت ما تلزم الياحضن تنوي  فار / يهرب
أنصحك ما تنصح ما طاوعتني قط / أبداً
تبريني مثل القلم متولي عمري قط / أخذ الزيادة
لعابه بيدك صرت لعبه ولعبها قط / القط
ما يكضي وكتي أبسعد بزون يطرد فار / الفأرة
------------------

العنوان: رد: أبو ذيات وموال
أرسل بواسطة: Sound of Soul في 06:55 09/02/2014

رائع بمعنى الكلمة
شكرا على الابوذيات الجميلة
تحياتي .
العنوان: رد: أبو ذيات وموال
أرسل بواسطة: dr.eva في 03:44 06/08/2014
جميل جدا