ankawa

المنتدى الثقافي => زاوية الشعر الشعبي => الموضوع حرر بواسطة: اسحاق القس شليمون في 16:19 23/06/2013

العنوان: قصيده بعنوان حاتم الأوطان
أرسل بواسطة: اسحاق القس شليمون في 16:19 23/06/2013
                


حاتم الأوطان

اسحق القس شليمون

ليش انت من وگعت محد طبطب عليك
وليش انت من غرگت محد ايده نطاك      
وليش انت بنص محنتك محد وگف وياك
كلمن انت ساعدت أولهم ظهره نطاك
وسهام الغدر جتك من اقرب من والاك
وتفرهدت باالعلن وبالسر قسموك
قرعه على كل شبر بعدالة وزعوك
معروفك بأكمل وجه بالعكس رجعوك
ارهاب ومفخخات من كل حدب دزوك
كل الالهم امنت برخص الثمن باعوك
 ياحاتم الأوطان ليش هو هذا جزاك
باالثقة انت عملت همه بغدر لاگوك
ياعراق انت الأصل لترابك كل العشگ  
يعادل كل جنة عدن  شبر واحد من گاعك
مي الحياة شربت من دجلتك وفراتك
مهما عنك بعدت مستحيل بيوم أنساك
يرتاح قلبي ويدگ بشمه نسمه من هواك

العنوان: رد: قصيده بعنوان حاتم الأوطان
أرسل بواسطة: Odisho Youkhanna في 04:42 23/07/2013
ويبقى العراق عزيزاً وكريماً في نفوس كل الخييرين الطيبين