ankawa

منتدى الهجرة واللجوء => الهجرة و واللاجئين => دردشة منتدى الهجرة واللاجئين => الموضوع حرر بواسطة: Odisho Youkhanna في 22:30 30/08/2016

العنوان: من سوالف اخوكم أبو شذى ألوردة / أكو سيد من أهل ألسماوة
أرسل بواسطة: Odisho Youkhanna في 22:30 30/08/2016

اكو سيد من اهل السماوة


يكول ايام حرب إيران طلعت بالليل اريد التحق للجبهة وصعدت بسيارة الريم والسايق يصيح بغداد بغداد بغداد طالع بغداد وجان ماكو عبرية والسيارة عايزه بحدود 10 نفرات
وجان يصعد واحد شحنتي ومبين عليه شلايتي ولاعب جقه وشبر
وكف اول السيارة يم القنبورة وصاح...
كواهم الله خالي
يكول السيد ردينة عليه السلام
كال،،، منو بيكم يصلي خل يرفع ايده
قسم من العبرية رفعو اديهم
رجع هم كال
منو بيكم يصوم خل يرفع ايده
قسم من العبرية هم رفعو اديهم
يكول السيد كتلة خالي شتريد بالضبط
احجي بسرعة
يكول كال اسكت معليك خل نشوف شغلنه تره شايف الف مثلك،،
رجع هم سأل وكال
منو بيكم سيد؟؟؟؟
يكول رفعت أيدي واكو بعد سيد هم رفع ايده نهاية السيارة،،،
هالنوب سأل وصاح منو بيكم يشرب عرك
يكول السيد كلها سكتت ومحد رفع ايده بس واحد طرفاني كاعد
كالة اني اشرب عرك شعندك!!!!
يكول هذه الشلايتي التفت لباب السيارة وصاح تعالي بابا صعدي وكعدي يم عمج
لأن هذه مضبوط وماعده دغش وذولة الباقين كلهم كلاوجية لأن صارو متدينين براسي،،،
والد البنت كالة لابو العرك هاي بنتي أمانة توصلها لباب الكلية،،،
رد عليه ابو العرك وكالة
ابشر مايتعده بس الهوه عليها،،،،،
رباط السالفة،،،،،
لا ابو الصلاة نفع الشعب
ولا ابو الصوم نفع الشعب
خلصوها أقوال وليس افعال. عمي خل يحكمنا كافر عادل ولا مسلم ظالم.
العنوان: رد: من سوالف اخوكم أبو شذى ألوردة / أكو سيد من أهل ألسماوة
أرسل بواسطة: الفرج2 في 03:16 04/09/2016
   رغم ان هذه الحكاية قلبت موازين الأمور في قيمنا ومبادئنا وما نؤمن به , الا انها كانت تمثل نظرة واقعية عما شائع انتشاره في الآونة الأخيرة وما يقوم به اغلب الجلاوزة واللصوص في السلطة الحاكمة الان , لا حول ولا قوة الا بالله العلي العظيم .
العنوان: رد: من سوالف اخوكم أبو شذى ألوردة / أكو سيد من أهل ألسماوة
أرسل بواسطة: Odisho Youkhanna في 04:00 08/09/2016
  رغم ان هذه الحكاية قلبت موازين الأمور في قيمنا ومبادئنا وما نؤمن به , الا انها كانت تمثل نظرة واقعية عما شائع انتشاره في الآونة الأخيرة وما يقوم به اغلب الجلاوزة واللصوص في السلطة الحاكمة الان , لا حول ولا قوة الا بالله العلي العظيم .

عزيزي ابوتبارك لن اقول غير حسبي الله ونعم ألوكيل في كل من سعى ويسعى الى الحاق الأذى بعراقنا العزيز وشعبنا الأبي الطيب
ودمت في رعاية الباري