ankawa

المنتدى الثقافي => نتاجات بالسريانية => الموضوع حرر بواسطة: خاميس كيوركيس في 15:28 03/08/2019

العنوان: ܣܵܗܕܵܐ ܕܐܵܫܘܿܪ شهيد آشور
أرسل بواسطة: خاميس كيوركيس في 15:28 03/08/2019

ܣܵܗܕܵܐ ܕܐܵܫܘܿܪ

ܛܘܼܒ̣ܵܐ ܥܲܠܘܼܟ̣ ܝܵܐ ܣܵܗܕܵܐ ܕܐܵܫܘܿܪ ܝܵܐ ܕܒ̣ܝܼܚ ܢܲܦ̮ܫܵܐ
ܒܸܕ ܕܲܟ̣ܪܸܚ ܠܘܼܟ̣ ܡ̣ܢ ܙܪܲܩܬܵܐ ܘܗܲܠ ܓܢܵܝܬܵܐ ܕܫܸܡܫܵܐ
ܟܠ ܝܵܘܡܵܐ ܘܒܟܠ ܥܸܕܵܢܵܐ ܕܨܲܦܪܵܐ ܘܛܲܗܪܵܐ ܘܪܲܡܫܵܐ
ܗܵـܝ̇ ܐܲܪܥܵܐ ܕܒܕܸܡܘܼܟ̣ ܡܘܼܫܬܝܼܵܐ ܠܘܼܟ̣ ܣܵܟ̣ ܠܵܐ ܝܵܒ̣ܫܵܐ
ܨܪܲܚܬܘܼܟ̣ ܐܲܝܟ̣ ܢܸܗܡ̱ܬܐ̣ܵ ܕܐܲܪܝܵܐ ܡܘܼܪܥܸܫ ܠܵܗ̇ ܐܵܦ ܠܚܲܪܫܵܐ
ܡܹܐܙܲܠܬܵܐ ܕܣܵܗܕܘܼܬ̣ܵܐ ܕܲܡܫܘܼܪܝܵܐ ܠܘܼܟ̣ ܠܲܩܲܕܼ̄ܡܵܐ ܒܸܕ ܪܵܚܫܵܐ
ܡܓܘܿܒܹܐ ܠܘܼܟ̣ ܣܵܗܕܘܼܬ̣ܵܐ ܚܠܵܦ ܡܵܘܬܵܐ ܕܣܲܝܒܘܼܬ̣ܵܐ ܘܓܸܕܫܵܐ
ܡܸܛܠ ܐܘܼܡܬ̣ܘܼܟ̣ ܡܩܘܿܒܸܠ ܠܘܼܟ̣ ܙܘܼܠܗܵܙܵܐ ܥܲܡ ܚܲܫܵܐ
ܫܸܡܘܼܟ̣ ܓܵܘ ܬܲܫܥܝܼܬ̣ܵܐ ܠܥܵܠܲܡ ܥܵܠܡܝܼܢ ܒܦܵܝܸܫ ܡܩܲܕܫܵܐ
ܓܵܘ ܣܘܿܓ̣̈ܝܵܬ̣ܐܵ ܘܨ̈ܠܵܘܵܬ̣ܵܐ ܡܫܲܒܲܚ ܠܫܸܡܘܼܟ̣ ܥܲܡܵܐ ܘܟܸܢܫܵܐ
ܚܫܝܼܚܬܵܐ ܝܠܵܗ̇ ܕܦܵܝܫܵܐ ܒܢܝܼܬ̣ܵܐ ܩܲܒ̣ܪܘܼܟ̣ ܒܫܵܡܝܼܪܵܐ ܘܟܸܠܫܵܐ
ܘܡܣܘܿܩܲܠܬܵܐ ܩܲܒ̣ܪܘܼܟ̣ ܒܲܟܠܝܼܠܹ̈ܐ ܕܘܲܖ̈ܕܹܐ ܡ̣ܢ ܟܠ ܐܵܕܼܫܵܐ

ܟ̣ܵܡܝܼܣ ܓܝܼܘܲܓܝܼܣ
ܐܵܒ̇ 2019