ankawa

المنوعات => استراحة المنتديات => منتدى في الاعادة افادة => الموضوع حرر بواسطة: susu80 في 20:54 14/06/2007

العنوان: الاسئلة الوزارية لهذا العام دخلو واقروها بلكت يجي منها بالامتحانات خخخخخخخ
أرسل بواسطة: susu80 في 20:54 14/06/2007
 جمهورية العراق 
 وزارة التربيه 
الاسئله الوزاريه للعام الدراسي الحالي
الفيزياء
الوقت :3 ايام
ملاحظه :الاجابه على ستة اسئله على ان يكون الاول والثاني والثالث والرابع والخامس والسادس من ضمنها..
السؤال الاول :رواد فضاء صعدوا الى الفضاء واخذو معم ثلاجه بيهه اكل وعلى مسافة كيلو ونص من القمر خلص الاكل وشمروا الثلاجه مناك ..احسب سرعة سقوط الثلاجه علما ان الماطور دنفص ..


السؤال الثاني :واحد ديمشي هوه وصديقه ..(يعني هوه ديمشي ووراه صديقه)والمسافه بينه وبين صديقه متران فقط ..التفت الى الوراء بعد مرور 10 ثوان ولم يجد صديقه ..اين ذهب صديقه؟


السؤال الثالث:سياره تمشي عالقناه نوع اوبل اومكا بسرعة 120 كم / سا صادف مرور كلب سائب امامها على مسافة 20 مترا من السياره ..داس السايق بريك فوقفت السياره على مسافة 2 متر من الكلب (لتخافون ما راح اسألكم شنو نوع الدهن بريك)....اجتي سياره همر مال امريكان ضربت الاوبل من وره ..شكد جان يمشي ابو الهمر؟ علما ان الجندي السايق من ولاية اريزونا الامريكيه..


السؤال الرابع:ولد يمشي في شارع الربيعي على الجهه اليمنه وبنيه عله الجهه اليسره من الشارع انتبه الولد عالبنيه واندعم بتيل .. البنيه ضحكت ..كم عدد البنات صديقات هاي البنيه اللي راح هاي البنيه اتسولفلهن الصار بالولد من وراهه؟ علما ان الولد مضروب بوري قبل 20 دقيقه في نفس الشارع؟


السؤال الخامس :ارسم مؤشرا على الاجزاء طريقة عمل الدولمه..


السؤال الاسادس والاخير:
علل ما ياتي:
1:السوني اركسون يخلص شحن بسرعه ..
2:المولده التايكر تطلع دخان..
3:لايوضع الصاص والعمبه معا في لفة الفلافل..
4:الفقير ما يعيش بالدنيه..
************ *******
مع تمنياتنا لكم بالموغفية والرسوب خخخخخخخخخ
العنوان: رد: الاسئلة الوزارية لهذا العام دخلو واقروها بلكت يجي منها بالامتحانات خخخخخخخ
أرسل بواسطة: 86sweet_angel في 21:56 14/06/2007
هههههههههههه عاشت ايدج ياوردة على هاي الاسئلة التعجيزية  
العنوان: رد: الاسئلة الوزارية لهذا العام دخلو واقروها بلكت يجي منها بالامتحانات خخخخخخخ
أرسل بواسطة: shakar في 11:16 15/06/2007
ههههههههه حلوة يسلمووو
العنوان: رد: الاسئلة الوزارية لهذا العام دخلو واقروها بلكت يجي منها بالامتحانات خخخخخخخ
أرسل بواسطة: hewy في 11:31 15/06/2007
منورة المنتدى يا سوسو وننتظر منك كل جديد ومميز
العنوان: رد: الاسئلة الوزارية لهذا العام دخلو واقروها بلكت يجي منها بالامتحانات خخخخخخخ
أرسل بواسطة: susu80 في 12:37 15/06/2007
شكرا ياورود على الردود والمنتدى منور بيكم