عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - LORCA

صفحات: [1] 2
1
ياريت تحجيلنا انت شوية عن هل جانب
لان كلام كاتب الموضوع بيه نقاط مو دقيقة مثلا انت من حقك ان تغضب وتصيح على ابنك
اذا كانت الغاية هو توجيهه للصح وماكو اي قانون يعاقبك لانك صيحت على ابنك حتى تثنيه عن شي غلط سواه ودتريد توجهه للشي الصحيح .( طبعا مع اختلاف الاراء بخصوص الصح والخطأ وفق مفاهيمنا الشرقية والمفاهيم الغربية ) لازم تراعي هل نقطة ايضا .
اما اذا تريد مثل ببلدانا العربية مجرد ابنك يخالفك الراي تعنفه وتضربه فلا طبعا
هنا متكدر تسوي هل شي والضرب ممنوع نهائيا والتعنيف لمجرد التعنيف اكيد ياخدون منك الطفل وهذا القانون مو بس بامريكا بكل البلدان الغربية نفس الشي .
وحتى الزوجة متكدر تعنفها لان القانون يحفظلها كامل حقوقها كأنسان واعرف عائلة  رحلو الرجال  بسبب تعنيفه  لعائلته وضربه لابنه ولزوجته فخلوه بالسجن 6 شهور ووراها للتسفيرات كبل  للعراق .


اني ضارب بنتي ضربه بسيطة على ضهرها لان ركضت على سيارة ورادت تندعم وركضت وراها وسحبتها ومن خرعتي ضربتها وبالمناسبة صارت بكراج الوالمارت وكدام الشرطة و السكيورتي ومحد وصل يمي، الشرطي اجاني كلي: you have to watch over her next time

2
اموري الوردة، ممشتاقين لذيج الايام، يارب امورك بخير

3
الحمدلله اخي .... شكرا على السؤال
 8 اشهر بعد المقابلة و حاليا بالتجيك الامني وما ادراك ما التجييك الامني للي ما يدري
ربي يسهلهة على الجميع

ميخالف اخوية بالنهاية تسافر وتصير سوالف، بعدك بالرينج الطبيعي

4
شلونكم شباب، مشتاقين، يارب اموراتكم كلها بخير؟

5
لا ويكول عايش 23 سنة، عمي زين انت اذا عايش 23 يوم بامريكا

الكهرباء اقل شيء يدفع 90 دولار
البل الي راح 65 ودفعته اول بارحة واني التبريد ميطفى عندي حتى لتكول عايش عيشة فكور  ;D

والموبايل 40 عالاقل
يابو 23 سنة اكو شي اسمه (Plan) يعني مثلا اني ادفع 25 بالشهر على انلمتد داتا والي يسأل يا شركة فهي مترو بي سي اس التابعة لتي موبل وخدمتها تخبل والكفرج مالتها زين

وتامين السيارة 350 دولار شهريا
لازم الحجي لاعب خلقة بالحوادث  ;D بالمناسبة خالي اكو شي اسمه لايبلتي اذا انت من اهل الله ومتدور سيارات طاكه و فاينانس وليس وهالسوالف فميعبر الخمسةوستين بالشهر ( هاي سالفة لاجئ وتوه جاي لامريكا) اما وره سنة بلا حوادث فتحصل كوت 3 اشهر بين السبعين والثمانين،وهاي مو حجي تسفط هاي تجربة شخصية ويايه والي يريد يراسلني عالخاص واني ادليه الدرب

كارت صحي مجاني
 ليش خالي جايين نعيش مجادي هنا لو نبني روحنه ونشتغل ونعيش عيشة كريمة، محد اجه لاميركا اشتغل سفير تره،اني مثلا اول مجيت اجيت عايف محلاتي وفلوس وشغل خير من الله بالعراق، وتخيل من هالهوسة الى عامل بويرهاوس، بس الحمد لله وره سنة من وصولوي لاميركا اشتغلت بكوكل ووضعيتي وراتبي خير من الله ومنصبي يخبل، بس اكو ناس شمرتها تاخذ فود ستامب وتضرب نراكيل بالكهاوي العربية ومتشتغل، وهم امريكا تصرف عليهم، بس بالنهاية يكلك لا عمي متفيد امريكا مال فكر، اشتغل اخوية وطور روحك وعود سولفلي اذا دورت تأمين صحي بلاش، ولو انت صارلك 23 سنة بامريكا حسب متكول وتدور بلاش فشترجى مثلا، بالمناسبة خال تره اكو عالم بسنة سوت روحها، تعرف ليش سوت روحها، لان ابتعدت عن اصحاب الطاقة السلبية واصحاب تعميم فكرة الفشل ( اي اني واحد منهم) مصار براسي خير اله من عفت المجتمع العربي (العراقي).
الي يريد يضوج من حجيي بكيفه، والي يريد يزعل عليه بكيفه، بس اخوان هذا الحجي مال اخوية العزيز غلط بغلط بغلط ( للانسان الي يريد يصير) اما اذا جاي تدور مساعدات وتعيش براس الدولة فمن هسه اكلك راح تتفق وياه. امريكا مو مال كعدة رصيف وجاي وسوالف
تحياتي


6
السلام عليكم اخواني واخواتي
اني مشترك قديم في عينكاوا منذ 2014 واستلمت فيزا SIV 2016 وسافرت الى امريكا ,وها انا قد رجعت الى العراق قبل ايام والاسباب كثيرة, اتمنى منكم ان لا تظلموني في التعليقات لان بالمختصر المفيد من لم يسافر الى امريكا لن يقدر ما تفاجئة به وما صدمني من صعوبات منذ اول يوم الوصول ابتداءً
بالمنظمة السراق ونهايتاً بعدم وجود الاعمال الجيده (يعني من الاخير تشتغل 40 ساعة بالاسبوع يادوب تكفيك ايجار وبلات ) يعني ننسآ حياتنا في العراق الا اذا عملت 18 ساعة في اليوم فممكن ان تسيطر على مصاريفك وممكن تترفه انت وعائلتك, الصراحة ما دفعي اليوم للكتابة ليس لاحباطكم وانما للنصيحة لا اكثر ولا اقل, ونصيحتي هي ان لا تستقيلو من وظائفكم او اعمالكم هنا وان لا تبيعو منزلا او مشروعكم الخاص( مصدر الرزق الخاص) والسبب راح تعرفوا من توصلون لهناك لان لن تقتنعوا مهما قلت (الي براسكم راح تسوو مثل ما صار ويايه ومسمعت النصيحة وخسرة وظيفتي وفوكاها 23 الف دولار علما اني لا اشرب ولا اقامر وبعيد كل البعد عن ملذات الحياة يعني مصرفتهن على سوالف تعبانه) لذلك سافرو ولكن اعتبروها كسفرة سياحيه وجربوا حظكم والتوفيق من الله.
في امان الله وحفظه
اخوكم علي

علاوي الله يعوضك صديقي، الحياة اكيد صعبة بس حاول ان ترجع بوحدك لاميركا وتشتغل هناك وبعدين تدز على عائلتك، الفرصة تره صعب تعويضها. تحياتي

7
تحياتي اخ  chad على المعلومة [/color]
وهذا بالفعل يشغل بالي منذو البداية
كفيلي طلع حشاكم مو كد المسؤولية وتنصل تماما عن الموضوع
وللاسف بينة الشغلة في اخر اسبوع قبل السفر
المهم
نتمنى من الاخ LORKA ان يجيب عن هذا التسائل
كيف تدبرت موضوع العنوان حتى يرسلولك الكرين كارد وباقي الوثائق
؟؟؟؟


حبيبي اني هم نفس الشي، اولا الكرين كارد مالتي استلمته على المنظمة وره عشرين يوم من وصولي

ثانيا الكرين كارد مال اهلي تاخر فترة طويلة بس اني مجنت مستعجل عليه لان كلش مخبوص جنت بس من فرغت رحت لليو اس سي اي اس بنفسي و استفسرت عنه و انطيتهم عنواني وارسلولياه للبيت يعني ماكو خوف بس مشوار زايد (بالمناسبة جانوا دازين الكرين كارد على عنوان غريب لا سامع بيه ولا حاطة ولا اعرفه، والكرين كارد راجع عليهم وتالفيه ورجعوا سوولي كرين كارد جديد لاهلي ودزولياه خلال 20 يوم من تاريخ روحتي عليهم، وجانوا كلششششش متعاونين وراقين وسريعين)
اتمنى اكون افدتك وبالمناسبة عادية تره مال كفيل يتنصل
 welcome to the united states


بالنسبة للسوشال اني رحت قدمت عليه واستلمته المنظمة وارسلتلياه للفندق

8
السلام عليكم
الاخ LORKA
مثل ما كلت اخي نتحمل و الله كريم ماكو غير حل, كفيلي يكول اني ما اكدر اصير كوساينر
 لان الدخل مالته اقل من 35000$ بالسنة ولازم يصير اكثر من هذا الرقم.
 الاخ Mahateer
شكرا لمشاعرك يوم تفرحنه بأخبارك الحلوة
تحياتي


كلامه صحيح، لازم الدخل مالته عالي يالله يكدر، عموما اخوية باوع تره هي بالبداية شدتها واحمد الله واشكره لان فيزتك طلعت اما شغلات الفلوس فهاي بالريش لان الفلوس تروح وترجع، توكل على الله وارضى بالي ربك قسملكياه

9
الاخوة الاعزاء السلام عليكم ورحمة الله

الاخ LORKA خاصة (نفس تجربتك راح تنعاد معي)

اخيرا تم حديد موعد السفر في منتصف الشهر القادم
لكن للاسف كالعادة المنظمة بعد الاتصال بها من قبل الكفيل
لم تهيئ مكان سكن لحد الان و ابلغت الكفيل بأن السكن سوف يكون في فندق
 بعد الوصول لمدة 1-2 اسبوع لحين العثور على سكن !!!!!!
على الرغم من استلامي الاشورنس فورم قبل عدة اشهر وفيه تعهد من المنظمة
بتوفير السكن عند الوصول ؟؟؟
اعتقد اني راح امر بنفس ظروف الاخ LORKA
ارجو من لديها الخبرة عن
الاجراءات التي ممكن اتخاذها من الان قبل السفر لغرض اجبار المنظمة على
المباشرة بالبحث عن سكن ؟؟؟؟؟؟
علما ان لكفيل منذو البداية اتفق مع المنظمة بأنه لن يقدم اي مساعدة لظروف العمل (بالاتفاق معي)؟؟؟
هل يمكن تغير الكفيل في هذا الوقت ؟ علما ان فيزا تنتهي يوم 25 ايار؟؟؟؟؟
افيدونا بأرائكم اخوتي الاعزاء تحياتي

الولاية مشيكان
خط الرحلة عمان - شيكاغو
السفر منتصف ايار


جاوبتك بموضوعك صديقي، وماكو شي يكدر يجبر المنظمة لو تكوم تكمزلهم هم ميفيد، فكدامك اما تتحمل وتسكت مثل مصار ويايه اما كفيلك يحصلك سكن ويصير هو الكو ساينر مالتك
تحياتي

10
الاخوة الاعزاء السلام عليكم ورحمة الله

الاخ LORKA خاصة (نفس تجربتك راح تنعاد معي)

اخيرا تم حديد موعد السفر في منتصف الشهر القادم
لكن للاسف كالعادة المنظمة بعد الاتصال بها من قبل الكفيل
لم تهيئ مكان سكن لحد الان و ابلغت الكفيل بأن السكن سوف يكون في فندق
 بعد الوصول لمدة 1-2 اسبوع لحين العثور على سكن !!!!!!
على الرغم من استلامي الاشورنس فورم قبل عدة اشهر وفيه تعهد من المنظمة
بتوفير السكن عند الوصول ؟؟؟
اعتقد اني راح امر بنفس ظروف الاخ LORKA
ارجو من لديها الخبرة عن
الاجراءات التي ممكن اتخاذها من الان قبل السفر لغرض اجبار المنظمة على
المباشرة بالبحث عن سكن ؟؟؟؟؟؟
علما ان لكفيل منذو البداية اتفق مع المنظمة بأنه لن يقدم اي مساعدة لظروف العمل (بالاتفاق معي)؟؟؟
هل يمكن تغير الكفيل في هذا الوقت ؟ علما ان فيزا تنتهي يوم 25 ايار؟؟؟؟؟
افيدونا بأرائكم اخوتي الاعزاء تحياتي

الولاية مشيكان
خط الرحلة عمان - شيكاغو
السفر منتصف ايار

اخوية سمارت الف مبروك الموعد ويارب تصل بأقرب وقت
شوف اخوية لو كفيلك يضمنك ويأجرلك شقة على ضمانته لو تقبل بالفندق وتكون اجور الفندق من الويلكم مني، اني هيج صار ويايه كفيلي مأجرلي وضليت بالفندق مدة اسبوعين تقريبا ودفعت بي الف دولار (اول صك من الويلكم موني طار بالفندق) يعني الموضوع مجرد خسارة كم فلس لان لو مأجريلي شقة من البداية جان صار ايجار الشهر 800 دولار وبجيبي 200، لان يمنه مثلا السوبر 8 الي هو كلش تعيس ايجار اليوم 85 دولار واذا تسوي وياه ديل اسبوعي يصير تقريبا اليوم 65 دولار فانت اذا مرهمتها ويه كفيلك فأجر ديل لان يطلع اصرف عليك، اني بالبداية ضليت فتره ادفع يوم بيومة وكلش تأذيت لان جنت بوحدي ومحد دلاني الدرب مال الديلز اله بعدين حجيت  ويه ام الفندق وكالت اي اكو هيج شي واجرت ديل. فتوكل اخوية وحاول تخلي كفيلك يلكالك شقة على ضمانته يعني يصير Co-Signer

11
اخوية اني صارلي شهر من دزيتلهم جوازي الجديد ويه الفحص الطبي.... من صار 12 يوم كان ماكو اي تحديث بعدها دزيتلهم انكوايري وبعدها صار تحديث واحد والى الان نفس ذاك التحديث لهسة ماكو شي

اعتقد هذا التحديث مال الانكوايري، شوف اخوية مو هو وقت تقديمي يختلف عن وكت تقديمك حسب القوانين الجديدة وملاعيب ترامب فمحد يدري، بس تره انت لحد الان بالوضع الطبيعي، اني مقدر ضروفك لان اني جنت مار بنفس حالتك واعصابي جانت محروكة وجنت ما اعرف راسي من رجلية،تالي بيوم وليليه فرجت، بس كون الله يفرجها عليك بهالايام الجاية وتسمعنه احلى خبر
تحياتي

12
شكرا اخت ساوند على نقل الخبر

الاخ حمادة (تسلم يا بطل) اسلوب واضح وجميع ويبين الكثير من النقاط الي كانت غامضة
تحياتي

13


حبي اني رجعولي الجوازات لان كان اكو جواز يحتاج تعديل وتبديل، فعدلته وبدلته وارسلته الهم ووره شهر فيزولي

14
السلام عليكم اخوني الاعزاء
اني SIV
ارسلت الجواز والفحص الطبي الى السفارة قبل شهر ,,, الى الان تحديث واحد صار على ملفي ,, علماً انو انا مجدد جواز سفري قبل ما اسوي الفحص ودزيتلهم ايميل حول ذلك .
اكو احد مشابه لحالتي ؟ وشكد يمكن تتأخر اصدار الفيزا ؟ ممكن جواب دقيق حول ذلك ؟
حبي ماكو شي اسمه جواب دقيق، لان العلم عند الله وعدهم، بس هي عادة متتاخر، وهذا التحديث معناه استلموا جوازك يعني صار بايدهم، من تصير عندك تحديثات متتالية معناها بدوا يشتغلون عالفيزا، اني طولت بالاول 20 يوم، وراها صارت تحديثات وراها رجعولي الجوازات بيهن مشكلة وراها رجعتلهمياه وره تصليح المشكلة وراها طولت عدهم تقريبا شهر يالله فيزولي، واكو صديقنه ابو ريم طولت عدهم سبعة وخمسين يوم، واكو شباب طولت اسبوع، فيعني ماكو قياس بس ان شاء الله تفرج عليك بسرعة

15
اهلا بكم اخوان، والله درجة الاحباط مو طبيعية، انتظر الوالدة على احر من الجمر، بس شنسوي مابيدنا شي، ياريت نبقى على تواصل حتى نعرف شديصير ويانه

16
السلام عليكم من جماعة SIV قابلت بشهر11 وانتضر الفحص الطبي قبل كم يوم صار تغير بملفي تحولت ال / الى or
ماذا يعني ذالك ارجو من الجماعه المساعذه علما اني من جماعه2011 وشكرا

التحويل من سلاش الى اور (في وقتنا سابقا) يعني قرب موعد الفحص الطبي (الكليرنس اتى من يو اس سي اي اس) بس حاليا بعد قرار ترامب لا اعرف، على الاكثر انتظار لفترة

17
شكرا لردودكم اصدقاءي بالنسبة للفيزا صارت اكسباير من البارحة وان شاء الله ما اتندم والخير باللي اختاره الي رب العالمين

بالتوفيق اخوية، وان شاء الله حياتك تصير احلى واحلى

18
للاسف اليوم العصر اجاني اتصال تلفوني من IOM بلغتني الموظفة بأن مقابلتي الثانية اللي كانت من المقرر ان اجريها مع المحلفين منتصف الشهر اذار،قد تم الغائها تنفيذا لقرار ترامب.
والغريب ان تحديد المقابلة الثانية هذه كانت قد جائتني بعد قرار ترامب  بثلاثة ايام،واليوم بلغوني بالغائها لاجل غير معلوم.
تحياتي للجميع
اختكم كروان

لتضوجين اختي، حالج من حال الجميع، نفس الشي حصل مع الوالدة، موعد مقابلتها ببداية اذار وايضا تحديد الموعد اتى بعد قرار ترامب

19
السلام عليكم
اليوم وصلني ايميل من المنظمة يعلمني بتاجيل مقابلة المحلفين لوالدتي والي كان مقرر ان تكون يوم ثمانية من الشهر الثالث، ياريت الاخوة والاخوات الي حصلوا على تأجيل ان نشارك بهذا الموضوع حتى نعرف شراح يصير ويانه
تحياتي

20
أخي لوركا
اطلب موعد لمراجعة دائرة الهجرة عن طريق infopass.gov وعند المقابلة استفسر عن التأخير واطلب تحديث عنوان زوجتك لديهم الذي غالبا سيكون غير صحيح وأن كانت رسالة الترحيب تصلكم.
نفس المشكلة حدثت معي قبل تسعة سنوات.

تحياتي

شكرا على المساعدة اخي، ان شاء الله اعمل بنصيحتك

21
اخوان بعد مقابلة القنصل وتعاطف جميع من في السفارة معي كالووووو ماعندك اي مشكلة والقنصل بالحرف الواحد كلي انه اليوم احنه ماعدنا غيرك لان انت تعبت صار ست سنين تأخير بدون معنى  وكانت المقابله كلش سهله ومتعاونين ويايه بعد ما طلعت خابروني ع موعد سفر يوم ٣ بالشهر وبالليل خابروني من السفارة انه كلشي تمام وان شاء الله رح يتم سفرك  ثاني يوم رحت المطار واستقبلني الموظف وكمل اوراقي وأخذت تكسي خليت بيه الجنط بعدني مواصل للصاله خابرني نفس الموظف وكالي انلغى السفر اني بعد هنا خليت السفر خارج قوس وكلت لو يملكوني امريكا بعد ما اطلع على هالبهذله طبعا جهالي اثنينهم اتمرضوووووو من البرد واحتاريت بالأطباء لليل تلفوني مسكت كل شويه يخابر عليه واخد يا جماعة عمان يا الموظف اللي هنا واني كتلهم بعد سفر ما اسافر اخير شي اتصل عليه القنصل اللي قابلني بالسفاره وكان كلش متعاطف ومقهور ع البهذله اللي تبهذلتها لان اني شرحتله كل شي بالمقابلة وطول الاتصال تقريبا ٤٠ دقيقة وحاول بكل الطرق يقنعني انه اذا سافرت هالمره مرح ارجع وقرالي ايميل واصل من الأمن الداخلي الامريكي انه هذا الشخص من حقه يصعد الطائرة الى امريكا وهذا الايميل واصل لمطار تركيا ونفس الشي المطارات بأمريكا انه محد يعترضني بس اني اخذت قرار البقاء بالعراق وانتهاء كابوس السفر وبعد ما اييس من إقناعي كال فكر عندك فرصه ليومين لان فيزتي سته بالشهر تخلص يعني اليوم والبارحة كان اخر اتصال اللي بأخر فرصه للحجز ورفضته وانتهى مووووضوووع السفر من بالي نهائيا اللي اريد اكوله يا اخوان تره كل شي بيد الله مجنت أتصور ارفض حلم حياتي ولا جنت أتصور الحلم يصير كابوس كرهت السفر والساعه اللي فكرت بيه وقدمت عليه ياريت اكدر أبدي هنا واوكف على حيلي مرة ثانيه

كول يا الله صديقي/ انت دتكول حلم السنين، لازم شويه تتحمل، وللتخذ القرار بلحظة عصبيه تندم عليها بعدين، توكل على ربك وسافر

22
شباب صارلي اربع اشهر في امريكا (تكساس) واستلملت الكرين كارد في منتصف شهر ال12، لكن الكرين كارد لم يصل لزوجتي وابنتي، ماهي طريقة المراجعة لمعرفة سبب التأخير علما اني siv؟ تحياتي

23
اني كلش بالي يمك تدري، بلكي الله يكون هذا الموظف غلطان بعمله او شي من هالقبيل ويارب السفارة تتفهم هذا الشي، اعتقد مقابلتك حتى يتأكدون من موضوع التليفون ومن الموظف لان اخوية الظاهر انت ماعندك اي مشكلة بس صار خطأ (مقصود او غير مقصود) عموما طمنه عنك اول متقابل وعسى ان تكرهوا شيئا فهو خير لكم حبيبي الغالي

24
الف مبروك اختي، طبعا الخطوات الي دتمرين بيها هي نفس الخطوات الي دتمر بيها الوالدة حاليا، مواعيدكم كلش متقاربة وهي هم تحددلها مقابلة حلفين بشهر 3 ويارب تكونون هنا قبل متخلص هاي السنة
تحياتي

25
شباب اموري وتارزا، تعالوا لتكساس (فورت وورث)اذا تحبون ، الامور مرتبه هنا حيل ترهوانسب من غير ولاية.
نسولفلكم شويه:
اذا عدكم لغة وشويه كومبيوتر سكلز، اقل شي 10 دولارات بالساعة، وبيها اوفرتايم
حاليا اني دا اشتغل بمعمل تصليح موبايلات، من ستة الصبح للثنتين الظهر، والاوفر تايم من الاربعة الصبح للثنتين الظهر. شغل مريح كلش (بس سكانر) والدفع مالته عشرة بالساعة، يعني زينه اذا عائلة قليلة، لان الفود ستامب يساعد كلش، واذا عائلة جبيرة بيها اكثر من واحد يشتغل فالامور لوز تصير، مثل عائلة ويايه بالشغل رجال ومرته وبنته يشتغلون بنفس المعمل و مرتاحين كلش حسب ميحجي طبعا.
كبداية هو خوش مكان بس هذا مو طموحي وناوي اكمل وادرس بمجال الحاسبات والعافية بالتداريج.
بالنسبة للايجارات هنا اني مأجر ب800 شقة قريبة عالشغل والايجار شامل المي (والنفايات) اجلكم الله. اكو ارخص طبعا بس مو ارخص هواية. فاتورة الكهرباء بعز الشتا من جانت التدفئة مفتوحة دائما 158 دولار، و طبعا اكدر اغير الشركة مال الكهرباء وتقل الفاتورة حسب ميحجون للنص تقل، بس لان اني عالمنظمة حاليا وهي تدفع البلات فمداير بال.
الانترنت 40 دولار ويخبل (115 ميكا بالثانية). الاكل والمارت طبعا نفس الاسعار، بالاضافة اكو محل عربي بصف شقتي يبيع لحم حلال و صمون وهالسوالف، واسعارة زينة بس ببعض المواد غالية، يعني مرتب.
البانزين رخيص هنا (1.99) الكالن، صاعد نازل. الجو حار بالصيف (بوخة) وبالشتا عالاغلب اني نص ردن، بس ايام ينزل ثلج.
واي سؤال اني حاضر

26
والله ما اعرف اذا جان اكو سبب للرفض لان لا عندي مشكله أمنية ولا بطيخ ولا عندي اي مشكله اثناء شغلي معاهم بس هو كل من وحظه وانتظر والله كريم

الله يفرجها عليك عزيزي، والله شغلة تشك الكلب، بس خلي ايمانك بالله جبير بلكي تفرج هاليومين

27
الاخ LORCA الاف تحية ان شاء الله تكون بأفضل صحة وكلش تمام
تحياتي يا طيب

اخوية الورد سمارت، مشتاقين لذيج الايام الحلوة ويارب امورك بخير يا غالي


28
اخوية العزيز اني صدرت الفيزا يوم 24-8 و استلمتها يوم 2-9 وارسلتها ثاني يوم، واستلمت ايميل الاسئلة الخمسة يوم 22-9 وسافرت يوم 23-10
الوزن كان كل شخص حقيبتين (وزن الحقيبة 20 كيلو) طبعا ممكن يمشولكيها اذا 3 كيلوات زايدة، واكو ناس تكول حتى خمسة بس اني ممجرب.
خط الرحلة بغداد - عمان (مبيت يوم كامل في فندق المطار) - شيكاغو (طريق 13 ساعة مباشر) - وبنفس اليوم الى فورت وورث تكساس 3 ساعات.

نصائح عامة
1- سوي اسنانك اذا عندك وقت
2- حاول تشتري حثائب خفيفة لان تفرقلك بالوزن
3- البس تراكسوت وهدوم فضفاضة، لان الجينز راح كلش يضايقك وكذلك بالنسبة (تكرم) للحذاء، اني بالنسبة الي سافرت (تكرم) بحذاء رياضي و كملتها ب (تكرم) نعال وهدومي جانت كلش مريحة.
بس اهم من هذا كله حاول تتاكد ويه كفيلك من ايجار البيت الي راح تسكن بي، تره اذا ممضبط تتبهذل ماديا ومعنويا
تحياتي

29
والله اخوية ارجع وكمل معاملتك، لتصير عليك طويلة،
مابقالك شي وتسافر ان شاء الله

30
عزيزي لوركا اشكرك على ترحيبك الحار واتمنى تكون بخير وصحة وسلامة ويارب تكون وصلت الى امريكا بسلامة

حبيبي دكتورـ نعم الحمد لله وصلت اميركا قبل اكثر من شهرين، بالتوفيق بحياتك عزيزي وان شاء الله نشوفك دائما

31
حبيبي دكتور كل الهلا بيك، والله جانت ايام حلوة
يارب امورك بخير دائما

32
السلام عليكم
اخوكم كمال الترجمان
اني مقدم على اس اي في (SIV) يعني فيزا هجرة خاصة ... اخبروني ان اقصى فترة بعد المقابلة الاولى والوحيدة هي مابين 120 الى 150 يوم .... الحمدلله اليوم عبرت حاجز 210 يوم من اخر مقابلة .... سؤالي اكو احتمال ان اطول المدة لحين الاشعار الطبي ..علما اني خاطبت السفارة عدة مرات .... ولا على بالوا ومنطين الطرشة ... لي مار بهيك حالة يعطينا ولو بصبوصة امل .
اخوية طول بالك، تره الربع حبالهم طويلة وحجايتهم مو راس مال، اكو ويانة شباب عبروا المدة الي انت انتظرتها بهواية وتالي طلعوا وسافروا، اتمنالك الموفقية وحاول تستمتع بوقتك بين الاهل والاصدقاء لان تحسب حسابك بعد متشوفهم لفترة طويلة
تحياتي

33
فحص الامراض المعدية والسكر حتى الاطفال بعد عمر سنة
 وايضا للأطفال دون سن 10 سنوات لقاح شلل الاطفال والاكسباير 3 اشهر فقط

الفحص للتيبي ( السل) والامراض المعدية
الاطفال مياخذون اشعة فقط ابرة، والاكسباير 6 اشهر (بوقتي) يعني قبل 6 اشهر، واصلا الفيزا يتحدد اكسبايرها حسب مدة الفحص

34
اخوان انا تقديم 2011 وقابلت 1/2 اول يوم من شباط 2016 ولحد هسة لاحس ولاخبر ولا فحص طبي وكلما ابعثلهم انكوايري يحدثون ولازلت / المهم انا قابلت ببغداد وانا حاليا بالاردن فراجعت السفارة الامريكية بعمان وشرحتلهموضعيتي وما فادوني باي شي بس كالو انتظر وحرامات تحول الكيس لعمان وهنا اكو مكاتب الهجرة راجعتهم هم ما فادوني بشي كالو هذاbackground check بس هما بعد المقابلة ب10 ايام اتصلو بية من السفارة وكالو انطينا عنوان كفيل وانا نطيتهم اسم كفيل هو طالب عراقي وما عندة حتى كرين كارد بعدين عرفت فياترى هو هذا سبب التاخير !!!!!

صديقي العزيز لتضرب اخماس بأسداس، هذا الموضوع ماله علاقة، كفيلك عنده عنوان (هاي هي) لان عنوان الكفيل علمود استلام الكرين كارد عليه (فقط) وبحالات مثلي واني منطي عنوان كفيل، دزوا الطرين كارد مالتي للمنظمة

36
السؤال المفروض يكون، ماهي افضل دولة لانتظار السفر، من حيث سهولة المعيشة والعمل، الجواب هو اذا عندك مصدر دخل ثابت فتروح لتركيا وتنتظر وتكرط بفلوسك، واذا ماعندك مصدر دخل ثابت فتروح لعمان لان تكدر تشتغل هناك ( بصورة غير رسمية)
اني هسه لو يخيروني بين الدول، فأختار عمان لهواية اسباب
تحياتي

37
هل تعلم اخي اذا قال الكفيل انا غير مسؤل ومالي أي شغله بأي شيء ولم يوقع الاوراق راح يلوصه ويرجع الملف الى من حيث أتى.
مو بكل ولاية استاذي الكريم
مثلا عندك بتكساس، صديقي قال انا متملص من اي واجب مالي او خدمي تجاه الوافد
والمنظمة قامت بكل شيء، وايضا نفس الشيء بكاليفورنيا. ثانيا هو راح يوقع اوراق اول وتالي مالي ولا معنوي، بس اذا دك صدر وطلع مو كدها راح ياكلها المهاجر اكله (مثلي) ما انزل الله بيها من سلطان

38
هسه صدك لاصت
واحد يرقع وواحد يكبس يشبه برلمان العراق

يخسى عن اي واحد من الموجودين ان يتشبهون باي شخص داخل البرلمان
كل ما بالموضوع تجميع اراء وانت تقيم من تشوف اراء متشابهة

39

  شلونكم شباب .... بينما انتظر ان استلم جوازي بعد اصدار الفيزا منذ 20 يوم مضت .... وبعد تاخر استلام الجواز  ارسلت عدة استفسارت الى السفارة واخرها كان ليلة البارحة حول استلام الجواز بعد اصدار الفيزة ... وكتبت لهم باني اتطلع لجواب ... اليوم العصر اتصلوا بي السفارة واخبروني بان هناك Dealy في قضيتك  من واشنطن بعد ان كان الموقع يشير الى انه ملفي أصبح ISSUED وعائلتي اجراءات ادارية ... حينها سألتهم انا اعلم بأن عائلتي لازالوا إجراءات إدارية واسئل عن جوازي بعد اصدار الفيزة ... أجابوني بأن حتى ملفي طاله ال Dealy !!!!!!!!!!! وسألوني اذا كنت ارغب في ارجاع الجوازات او أبقائها عندهم وطلبت ان تبقى عندهم وبعدها اعتذروا عن التاخير و  شكرتهم وانتهت المكالمة وتحول ملفي من Issued الى اجرات أدارية ....

  !!!!!!!!!!!!!!! الحيرة والله شاهد ما اعرف شكول  واسأل الله تفرج قريباً كلمح البصر او اقرب لي وللجميع يارب أمين .

هل لأحدكم خبرة في مثل هذه الحالة ..... تحياتي شباب



الله يساعدكم اخوية، قلبنا معكم ويارب تفرج وتتفيز الجوازات بأسرع وقت
الخيرة في ما اختاره الله صديقي متعرف شمكتوبلك

40
اخوية مع احتراماتي لكل الاراء، الكفيل معنوي او مادي فيأثر على بدايتك بأميركا، ويأثر كلش همين، مثلا كفيلي جان مرعبل ويهمبل، تالي اني اكلتها اكله الله ليشوفكياها، مثلا المنظمة راح تسأل الكفيل انت شنو ممكن تقدمه ويكوللهم اني اكدر اساعد بفلان شي وفلان شي، يعتمدون عليه ويغلسون ويجرون تغليس بتغليس، فأخوية العزيز كله لكفيلك من يلتقون بي يكوللهم اني مالي اي شغلة باي شي وحتى استقبال المطار يكوللهم اني ما اكدر اروحله، يعني خلي المنظمة تاخذك من ايدك للشقة بوجهك
الله يسهل امورك ان شاء الله

41
اخواني سؤالي هو من تصير التحديثات المتتاليه مو المفروض تتغير الأور الى سلاش وتتحول الاجراءات الاداريه الى.ردي بالنسبه اليه فقط الاطفال صارو ردي لمده ساعه ورجعو اجراءات اداريه وأني وزوجتي بقينا اجراءات اداريه فقط تحولت الأور الى سلاش فسوالي قبل لا تصدر الفيزه من نجيك الموقع المفروض يكون ردي لو اجراءات اداريه
اني بالنسبة لي مشفت كلمة ready، من or الى / الى issued
صارت عندي / ساعة بال11 الصبح يوم 24 -8 وصارت issued يوم 25-8 ساعة بال10 ونص الصبح

42
اخوتي الاعزاء وصلني اميل الفحص الطبي بدايه شهر العاشر وانطوني موعد بالمستشفى أسبوعين فكملت الفحص الطبي وارسلتهم للسفاره يوم واحد بشهر الدعش وصلت الجوازات يوم خمسه بالشهر الدعش فصار تحديث اول والتحديث الثاني يوم السبت والثالث يوم الاحد والتحدث الرابع يوم امس فتغيرت الحاله عند أطفالي الى ردي واني وزوجتي تحولت الأور الى سلاش وما صرنا ردي وبعد مرور ساعه وحده رجعو الاطفال اجراءات اداريه وأني وزوجتي نفس الشي والاور بقت سلاش  اخوان أرجو منكم ان تفهموني شنو الي ديصير
الف مبروك، مباقي شي ان شاء الله وسنمع اخباركم الحلوة
تحياتي

43
سان انتونيو مدينة مال سكن وونسة وبيها شغل، دالاس مدينة مال شغل و كلهن بيهن مدارس زينة حسب المنطقة الي تكعد بيها

44
ربي يسهلها عليك صديقي جاجيك الورد ويارب تسمع اخبار حلوه عن قريب

45
اخویة و صدیقي العزیز جاجیک مرحبا بک یا عراقي الاصیل ... انا اسف علی انقطاعي عنک و کان السبب هو بقائي في المستشفی لاکثر من ٢٠ یوم... حيث عملوا لي استئصال الزائدة الدودیة في امریکا و بالگوة بقیت علی الحیاة، حیث ان دکتور حین سوی العملیة، لم یقم بقطع الزائدة الدودیة بشکل کامل، و بعد ٥ ایام من العملیة الاولی شفت الویل  و الالم ما لها مثيل ، و عند فحصي بواسطة سي دي سکان في الطوارئ، شافوا بان العملیة کانت فاشلة و ١٠% من الزائدة الدودیة متبقیة في جسمي و ادی الی التسمم في جسمي مما اضطروا لاجراء عملیة الثانية ... اسف لاني طولت علیک، بس کن متاکدا بان اللە عز و جل یحبک و یرید ان ینظم امورک بشکل جید لانک انسان ممیز و راقي و تحب الخیر... مرات اتشوف بان الامور لا تمشي کما تریدها، بس بعد مدة تتوضح الامور لک و تری بان کانت الامور تمشي لصالحک... کن متاکدا بانک رجل ذو قلب ابیض و تکون مستقبلک انشاء اللە ابیض ایضا یا اخویة الکریم...

مع تحیاتی و حبي


صديقي العزيز تارزا، حمد لله على سلامتك ويارب متشوف شر يا طيب

46

صديقي العزيز كل اللي صار انهم سألوني على إسم وعنوان الكفيل فأرسلت لهم الجواب  بعدين اجاني ايميل انهم اضافوا الكفيل الى الملف مالتي
اخيراً اجاني ايميل انهم حددوا لي رحله بتاريخ كذا وعلى الخطوط الجويه التركيه ومعلومات الوزن وهذه  كل شيء
هذا الفورم الاشورنس ما جايني ، ياريت تنورني شنو هذا ومنو يرسله لي  مع خالص الشكر والاحترام

هذا الاشورنس فورم تدزه المنظمة الي تكفلك، والي تكلك انها راح تستقبلك وتوفرلك المسكن و الترتيبات الاخرى، انت لحد هسه مثل سالفتي اني مستلمته ومن وصلت لامريكا الصراحة تبهذلت ولازلت متبهذل. هل اتصلوا بكفيلك واجرولك بيت لو لا؟

47

والله صديقي العزيز LORCA. الوزن خير من الله كل نفر اربعين كيلو عدا الهاند باك واللاب توب ،
كفيلي والحمد لله انسان رائع بكل معنى الكلمه بس مع الاسف  هسه مر بيه ضرف محزن  والحمد لله على كل حال  ان شاء الله ما يقصر
اشلون اكدر اتصل بالمنظمه مباشرةً واني ما أعرف  اي شي عنهم
فد اشكم يوم واتصل بصاحبي والله كريم
ممنون منك استاذنا العزيز على هذه النصيحه  وأسأل الله سبحانه وتعالى ان ييسر أموركم  ويعوضك خير انه على كل شيء قدير

صديقي دزولك الاشورنس فورم؟

48
في قرى الجن
صديقي شكد كايليلك الاوزان المسموح بيها؟
لان ترى تكدر تتملعب بالوزن بكيفك خصوصا بالهاندباك

49

أشكرك اخي العزيز على هذه النصيحة  واتمنى لك التوفيق والسعاده بكل ايامكم
اذا بعد عندك نصائح وتوصيات اتشرف بالاستفاده من تجربتك صديقي العزيز
تحياتي وسلامي
النصيحة الاولى لتعتمد عالكفيل، اذا كفيلك نص ردن (حشاه) لان اني سبب اذيتي الكفيل
موضوع الشقة لازم تفضه وانت ببغداد، اذا كالولك تجي والله كريم كوللهم حجي يفيدكم، وحتى اذا تطلب الموضوع تاجل سفر علمود الشقة فأجله، لان اني لحد الان كاعد بموتيل ويه عائلتي ودافع تقريبا 1000 دولار لحد الان مابين اكل جاهز (لان الفندق مابيه طباخ) ومابين ايجار الفندق، وشغلة ثانية لتخلي كفيلك يدك صدر كدام المنظمة وذبهن كلهن براس المنظمة

50
الله يبارك بيك  حبيب قلبي امير علي  على كولتك ينراد الها صبر ......بس كلش طولت وان شاء الله تخلص بسلامة  ولاتنسى بعد ورانا انتظار لحد ما نطير بالطيارة يالله نستقر كلشي يصير ،
 انت شخبارك؟.  اتمنى لك كل الخير والتوفيق

استمتع بهاي الايام الاخيرة صديقي العزيز
نصيحة الك

51
وعليكم السلام ورحمة الله
صديقي العزيز امير علي  الحمد لله والشكر تقريباً خلصت وتم تحديد موعد سفر نهاية هذا الشهر بعون الله
أشكرك جداً على السؤال تحياتي لك وتمنياتي بالتوفيق  صديقي طيب الاصل

مبروك اخوية وربي يسهل عليك وتوصل بالسلامة

52
شكرا اخي لوركا الحمد لله على سلامتك والله يفتحها بوجهك واهم شي لاا تنسانة بالكلام من طرت لحد ما وصلت
صار حبيبي راواد، بس استقر اكتبلك كلشي بموضوع منفصل
تحياتي

53
شلونكم اخوان حبيت افرحكم البارحة تحولت عندي / الى اور شوكت تتوقعون يجيني ايميل الفحص

مبروك اخوية رواد، ان شاء الله سرعة باقي الاجراءات وتسافر وترتاح
تحياتي

54
ابو ريم --- تارزا
شكرا اخوتي وبارك الله بيكم وبالتوفيق للجميع بالحياة الجديدة

55
اخ LORCA طمننا عنك .. و توصل بالف سلامه خلينا نعرف شنو صار معاك ..ربي يسهل عليك

اخوية علاوي ممنون عالسؤال
للاسف المنظمة فعلا لم تؤمن شقة وانا اسكن في موتيل حاليا منذ ثلاثة ايام
والمحاولات قائمة للعثور على شقة تقبل بكو ساينر مثل ما ذكر اخي تارزا
ان شاء الله متتبهذلون مثلي بس هي اميركا تسوى معليك بالحجي، وان شاء الله تفرج قريبا
تحياتي

56
السلام عليكم اصدقائي
الحمد لله وصلت لأميركا ولاية تكساس مدينة فورت وورث
واي احد يحتاج اي شي او يسأل اي سؤال انا حاضر
تحياتي

58
اخوان اني شاكر فضلكم ومجهودكم ويايه
ان شاء الله تنردلكم بالافراح

59
الاخ الكريم
لو كفيلك كفيل مادي فهو ملزم اما يستقبلك ببيته او يأجرلك غرفة بموتيل لحد ما تأجر
اما لو كفيل معنوي فالمنظمة بهل حالة ملزمة توفرلك مكان سكن مؤقت لحد ما تأجرلك شقة .
 ، حاول انت تخابر الكيس وركر مالتك وتتفاهم معه بشنو اليناسب وضعك العائلي ، ماعندك غير حلول
بالتوفيق
تحياتي .

لا اختي كفيلي معنوي واني متأكد من هذا الشي، ومثل مشرحت فوك، ابو المنظمة كايله استقبله انت ببيتك لحد منأجرله كايله ما اكدر وهذاك مغلس، علما هسه خابرته اني ودزيتله اكثر من رساله ومرد عليه

60
ممنون منكم شباب، يعني اذا عندي صديق وصار كو ساينر ماكو مشكلة لو شنو اقصد مشكلة قانونية عليه او عليه؟
زين اكو حل اخر منا نكدر نسويه قبل لنوصل لو خلص لازم نروح هناك ونحجز موتيل؟
علما ان المنظمة كايلتله هو مكان واحد نكدر نأجرله بي وميفرغ بي شقه منا لاكثر من شهر
شاكر فضلكم مسبقا

61
لو اعرف شي من بطن عيني احجي بس طبيت ادعيلك بالخير وربي يوفقك يا احلى دبس وراشي بالدنيا

62
مرحبا اخواني واخواتي
انا حصلت على فيزا اس اي في و لدي موعد سفر في نهاية شهر العاشر
طبعا ممستلم لحد الان ايميل الاشورنس فورم من المنظمة. لكن اتصلوا بكفيلي
الي هم كاثوليك تشارتي في دالاس فورت وورث، كايليلة لكفيلي كعدة يمك احنه ماعدنه مكان خالي هذا الشر والشهر القادم. كفيلي كايللهم ما اكدر اني بوحدي وشقتي صغيره وصاحبتي اربعة وعشرين ساعة يمي والولد (اني) عنده عائلة، كايليه مندري شلون لعد وسادين التليفون كايله الكيس ماناجر اني طالع وما اكدر احجي وساده للتليفون
اخوان اني بعد 6 ايام اكون باميركا، شنو ننام اني واهلي بالشارع لو شنو الفلم؟ اكو احد عنده صرفه يفهمني شنو اسوي؟

63

   يارب نخلص ونرتاح ... والسفر للجميع انشاء الله ....

   ما اعرف اذا الفحص طبي يصير اكسباير او لا ؟؟


عندك 6 اشهر من تاريخ اجراءه فلتخاف ميصير عليه شي ومراح تطول هلكد

64

   ممنون يا خويي منك على جوابك .... اما عن ايميل الفحص الطبي جاء فيه كالتالي :-
        note that in order for us to proceed to the final step of  visa issuance for you and your family, we need you to  provide us with the followings;

 انا ارسلت ايميل والي صار تحديث فقط .... الله كريم ونستغفر الله .... الانتظار !!!



المفروض متطول تدري، اني ايميلي يختلف عنك
مو اكلك لتدوخ نفسك وتدزلهم ايميلات الا اذا جان عندك فد شي متعلق بالكيس
بالنسبة الي اول مرة ضلت الجوازات يمهم 13 يوم ورجعولي كل الجوازات علمود غلط بجوازي
ووره ما اكل الجواز 25 يوم معاملات ولغاوي، رجعت ارسلتهن الهم، وكلت هاي هي هس بس ادزها تصدر وتالي انشتلت شهر بالضبط يالله صار اصدار، بهاي الفترة حركتهم حرك بالايميلات وميردون اصلا، مجرد تحديثات، فمن الاخير لتدوخ نفسك وهي تصير وداعتك بس شوية صبر، ادري صعبة لان اني هم سمعت هذا الحجي ومسويته، بس تاليها حسيت على روحي من لكيت لحيتي وشواربي كلها شيب من وره الاس اي في
ياريت متمر بالي مريت بيه اني

65
ارسلت لهم الفحص الطبي مع الجوازات .... وهل ترى بأن الأيميل سيكون مع التفاصيل مهم وذو جدوى  ؟؟؟ ممنون للاهتمام

موضوع الايميل مجرد راح تحرك اعصابك وتترقب وتتعب نفسك عالخالي بلاش
اذا عندك موضوع مهم او تحديث على ملفك فدزلهم ايميل، غيره للتعب نفسك ومجرد تحديث فقط راح يجيك، يكملون الاجراءات ويدكولك الفيزا، تره اخوك انحمس فوك الشهرين بسبب خربطة بجوازي، وعندك ابو ريم انتظر 57 يوم يالله فيز، فلتشيل هم وابدي رتب امورك وشوف متعلقاتك فضهن، اني بهاي الفترة حتى سيارتي بعتها يعني صارلي 3 اشهر بلا سيارة  ;D
المهم تبرد اعصابك واطمأن ماكو شي مجرد روتينهم القاتل
بالمناسبة اكو نوعين بالفحص الطبي
النوع الاول الي يذكرولك بالرسالة مال الفحص الطبي كلمة issue او issuance وهاي تكون بسرعة بعد ارسال الفحص الطبي
والنوع الثاني الي ممذكور بي issue او issuance وهاي تاخذ وقت بسيط، واعتقد انت من هاي الحالة الثانية (مثلي)

66
1-هل سيتم اعلامنا باسم ومعلومات المنظمة الي ستتولى شونا في امريكا وهل سيتم هذا قبل السفر او باي مرحلة؟

هذا الشي اكدر اجاوبك عليه
نعم سيتم اعلامك بأسم المنظمة. بعد متستلم الفيزا راح ترسل نسخ من الفيز والجوازات الى الاي او ام عمان (اذا كنت مقدم عالبنفت) : تروح لاخر ايميل ارسلولكياه ويكون عنوانه الكيس نمبر مالتك مال الاي او ام، الايميل الي كايليلك بي ارسل نسخ الفيز من تستلمهن من السفارة، وبعد مترسلها المفروض فترة متطول يرسلولك 4ايميلات
الاول يكولولك بدينه نشتغل على اوراقك
الثاني يدزولك فد شي اسمه اشورنس فورم وهو هذا الي راح تلكه بي اسم الكفيل واسم المنظمة
الثالث الاسئلة الخمسة
الرابع ايميل موعد وخط الرحلة
هذا الترتيب الطبيعي للايميلات بس طبعا اكو استثنائات حسب الولاية
مثلا اني استلملت كل هذني الايميلات ومستلمت ايميل الي يحدد المنظمة
ومنتظر هذا الايميل الاكشر دا اعرف راسي من رجليه
اما باقي الاسئلة فاسف ماعندي اجابة عليها ولا مفكر بيها اصلا
لان مثلا اذا كعدوك ببيت مو زين فببساطة لتوقع عقد وكللهم ما اريد هذا المكان، وهم اول وتالي راح يخلوك يومين او 3 يالله يجوك على توقيع العقد مال الشقة، يعني من الاخير محد يكدر يجبرك على شي انت متريده

67
اخوان انتو نسيتوني وانا كاتب المهاجر ولحد الان ماصرت مهاجر صارلي اليوم 250 يوم بعد المقابلة والتحديثات بس من ابعث انكوايري ولازال / ما تحول الى or كل الارقام اللي يم رقم الكيس مالتي issued بس ظليت انا شنو السبب ما ادري؟؟؟؟؟؟

شلون ننساك اخوية بس انت مختفي وحقك لان اكيد عندك حالة ملل، بس صدكني تفرج بين ساعة وساعة وعلى غفلة تلكه ايميل الفحص جاهز وجايك وتسافر وتخلص
تحياتي

68
شباب اني سطروني ذولة جماعة الاي او ام
احجيلكم شديصير ويايه بلكي احد عنده تفسير:
* الفيزا صارت ايشود بتاريخ 24-8 طبعا بدون ايميل ترحيب
* استلمت الفيزا بتاريخ 29 -8
* ارسلت الفيز ونسخ الجوازات بتاريخ 1-9
* استلمت ايميل الترحيب من السفارة بتاريخ 5-9 يعني بعد 11 يوم على صدور الفيزا بالموقع
* استلمت ايميل (الاوتو ريبلاي) من الرابسنت بتاريخ 5-9
* استلمت ايميل من RSC MENA SIV بتاريخ 15-9 يكولون ان الاي او ام يشتغلون عالبنفت وانهم راح يتصلون بيه من انحط على جدولة السفر
* استلمت ايميل الاسئلة الخمسة من اس اي في عمان بتاريخ 25-9 وارسلت الرد لهم بتاريخ 26-9 علما انهم محددين الوجهة النهائية بالايميل
* ارسلت ايميل للاي او ام عمان واس اي في عمان بتاريخ 29-9 اسألهم عن الاشورنس فورم لأني مستلمتها لحد الان، كلتلهم اكو خطأ لو شنو، جاوبوني وره يوم وكالولي انو ماكو اي خطأ او نقص بالمعاملة وراح يتصلون بيه من انحط على جدولة السفر (مغذي)

الفقرة الي دايخ بيها اني محددلهم موعد 20 بالشهر اني اريد اسافر، وهم كايلين 10 ايام قبل السفر راح ندزلك خط الرحلة مالتك، ولحد الان كلشي مدازيلي والشغلة الاهم انهم لم يتصلوا بالكفيل ولم يرسلوا الاشورنس فورم واني كلش دايخ وبصراحة حيل متندم اني قدمت على مساعدات الاي او ام، لان شكلهم ذوله راح يلعبون عليه ويشلعون كلبي واني مناقص شلعان كلب
شباب اكو احد عنده تفسير لحالتي او سامع عن هيج شي صاير وياه او ويه احد لاخ؟

69
مشكور الاخ عراقي هواي على المداخلة
والف شكر للاخ لوركا على التوضيح ، راح اتوكل وامشي على رأيك واطلب يكملون اجرائات الفيزا الي ومنا ل٦ اشهر ربك يحلها
ممنون اخواني واتمنالكم كلكم السفر والتوفيق بحياتكم

بالتوفيق اخوية

70
صلاحيه الفيزة تقسم الى قسمين اخي العزيز منهم من استلم فيزة 6 اشهر ومنهم 3 اشهر لاتنسى انه يجب عليك بعد استلام الفيزة ترسلها الى الاي او م خلال 10 ايام والا ستسافر على حسابك فهذه هم خليه بالحسبان انا من رايي ان تنتظر الى ان تكتمل اجراءات زوجتك الاداريه وتسافرون سويه افضل لكم وان شاء الله بالتوفيق
استاذي بعد ماكو 3 اشهر صلاحية فيزا، كلها 6 اشهر (من تاريخ اجراء الفحص الطبي) بس الي يرسلها وتطول هناك، مثلا سويت الفحص الطبي اليوم وارسلتها للسفارة وضلت هناك شهرين مثلا، وفيزولك، فتستلمها بيها اربع اشهر، بالنسبة للأي او ام وقرض السفر، حتى اذا ارسل الفيزا اول مستلمها من السفارة، راح تاكللها على الاقل شهر يمهم، ومن يدزوله الاسئلة الخمسة مال السفر يكدر ينطيهم موعد سفر بعيد قبل انتهاء الفيزا

71
شكرا لردك اخوية زين المشاهدة اونلاين هم عليه مشكلة او فقط التحميل
مابي ربع مشكلة

72
شوف صديقي العزيز
عندي ولد صديق جان ويايه بالدوام وما اخيره عنك ابن اوادم
هم نفس حالتك قرر ينتظر زوجته لان هو كمل بوقتها وراسلوه كالولة نطبلعلك الفيزا وتسافر لو تنتظر، كاللهم انتظر، عموما انتظر تقريبا من شهر السادس الى شهر التاسع بوقتها، بس بذيج الفترة جانت فترة اصدار الفيز سريعة لان على اساس ينسد الاس اي في، وبعد ما ادري هسه شكد تطول، هو قرار صعب، بس احنه هنا نتساعد، اني لو بدالك غير، اكللهم اطبعولي الفيزا مالتي واخليها بجيبي وانتظر، هي هيج هيج بيها فترة انتظار  6اشهر من تاريخ اجراء الفحص الطبي، وبعدين تنتظر المدام بلكي تطلعلها بهاي الفترة فيزتها، مطلعتلها تحط جنطتك بجتفك وتروح هناك ترتب وضعك وتنتظر
هاي اني لو بدالك اسوي هيج وبعد ما ادري القرار قرارك
تحياتي

73
اي والله اخويه اني هم مشفتها مال تحديث اكثر من مره بس سمعت بيها اني تحول السلاش الى or دزولي ايميل الفحص هسه يعني لازم يرجع يصير سلاش لو شنو ومثل ماكلتلك اول بارحه وصلت الجوازات للسفاره والبارحه صار عندي تحديث
وشكرا الك اخويه
حبيبي الغالي، التحديث المتتالي بنفس اليوم يصير باخر يوم قبل اصدار الفيزا، وغالبا بنفس اليوم يصير اصدار. بالنسبة للسلاش والاور، قبل ايميل الفحص من يصير or، فأنت تعرف انه راح يجيك ايميل الفحص، والعكس صحيح، بعد متسلم الفحص الطبي والجوازات للسفارة راح تصير عدة تحديثات وراها الor تتحول الى سلاش ومعناها ان الفيزا راح تصدر اما بنفس اليوم او ثاني يوم. بالنسبة لأول تحديث فمعناها انهم استلموا الجوازات والفحص، هسه اعتقد تنطيها كم يوم يالله يبدن التحديثات عندك ووراها تبشرنه باحلى خبر. اتوقع تطول بين 10 ايام الى 25 يوم
تحياتي

74
السلام عليكم اخواني واخواتي عندي سؤال حتى المسلسلات والبرامج العربية لو بس الاجنبية لان احنة اهنا نحملهة وبدون اي تبعات قانونية تحياتي لكم اخوكم د. سلام الربيعي
اي تحميل عيني، بالنسبة للمسلسلات العربية فشغلتها محلولة ، اما عن طريق تطبيق شاهد mbc او باليوتيوب موجودات، وميحتاج تحملهن لان مينمسحن وشوكت متريد تتفرج عليهن تكدر، وحتى اذا ردت تحملهن، فتكدر تحملهن ببرنامج internet download manager

75
عيني حسب الشركة مال النت، اذاAT&T يلكفوه التورنت، اكو شركات تغلس، هاي حسب الي سامعة من اصدقاء اثنين هناك، اني دازلهم بنفسي دعوات لمواقع تورنت، والفي بي ان ما اعتقد بي شي

76
خويي الله يسهل عليك اليوم صار 41 من استلموا الجوزات وبعدني ببعض الاجرات الادارية كما يقولون و رسلولي أيميل مع بعض الاستفسارات وجاوبتهم والامل بالله كبير
المدة مالتك اكثر من الوقت المعتاد بس طبيعي لا تقلق، لان دزولك اسئلة، اني جانت عندي مشكلة بالجواز فطولت العملية تقريبا من 18-6 الى 24-8، وعدنه ابو ريم طولت جوازاته يم السفارة 57 يوم ومجان عنده اي مشكلة بس جانت اكو عطله، القصد ماطول دزولك اسئلة فهاي الاسئلة جانت نقص بملفك او شي يحتاج يتوضح الهم، مجرد متخل بالكيس مالتك راح تصير اصدار. شوكت جان عندك اخر تحديث؟

77
بصراحة هاي مال الملف يتحدث باكثر من يوم سمعت بيها بس مشفتها بعيني  ;D
اصلا حتى مسألت وحتى اصدار الفيزا عندي صار ساعة ب12 الظهر
بس انت اعرف من الor  تتحول سلاش يعني راح تفض سالفتك
اني تحولت الى or ثاني يوم بال12 الظهر صار اصدار

78
الله يوفقك ويسهل عليك اخويه ارسلتهم بالدي اتش ال اسبوع طولت والبارحه وصلت طبعا من 2012 اني على اعصابي مرتين انرفضت تعبت فـ لذلك تشوف اسال هوايه من الخوف
وشكرا الك اخويه الطيب
حقك حبيبي اني هم من 2013 واعرف معاناتك و ربك شفت حرك اعصاب بفترة تسليم الجوازات متتخيلها شنو ولا مارة على بشر لان جانت كلها عواجات، بس هسه على غفلة تلكه الموقع issued. عندي نصيحة بس كلش صعبة. شوفلك صديق (كصته خير) وسلمه الكيس نمبر وخلي يجيكلك، لان اذا تكابل الموقع راح تتخبل، تخيل اني 24 يوم مكابل الموقع يومية اجيك الف مرة، حتى بالليل وهو اصلا بالليل ماكو دوام هههههههه. تحياتي صديقي وربي يوفقك ان شاء الله

79
الا والله اخويه ممكتوب كاتبين نحتاج منك الفحص الطبي وعدم المحكوميه والجواز للاستكمال
الله يوفقك اخويه ويكتب الك الخير
ان شاء الله متشوف الي شفته اني بهاي الفترة، عموما من ترسل الجوازات ويه الدي اتش ال اعتقد وره 3 او 4 ايام يالله يوصل للسفارة، وراها يصير عندك تحديث ووره اسبوع او عشر ايام تصير تحديثات متتالية ويصير Issued

80
مرحبا اخوان شلونكم
سؤالي اذا ارسلت الفحص والجوازات الى السفاره متى تصدر الفيزا يعني كم يوم وتصبح الحاله issued ومتى يتم اعاده ارسال الجوازات اللي مر بهذه المرحله ياريت ينطينا معلومات اخواني الطيبين وشكرا الكم

اخوية حسب الملف، وحسب ايميل الفحص الي جاك، اذا مكتوب بي issue  او  issuance، فميطول نهائيا يعني يومين والثالث او اربع ايام بالزايد، اما اذا ممكتوب فهم ميطول بس مو بسرعة اول حالة، يعني بين 10 الى 25 يوم كمعدل، اني بالنسبةدزيته اول مرة ورجعولي الجوازات لان جان عندي خطأ بالجواز، وصلحته، ووره معدت ارساله طول عندي 24 يوم، من تاريخ استلامهم للجواز

81
مرحبا اخوان.
جدا اسف على الانقطاع . مريت بظروف من اصعب ما شافت عيني طول فترة حياتي . والحمد لله بدت غمامة الظروف الصعبة تنجلي.

حبيت اشارككم اخر مستجدات ملفي .  جنت داز رسالة للسفارة بشهر السابع اسئل عن حالة ملفي . ولكيتهم مجاوبيني في بداية الشهر الثامن بان ملفك يحتاج اجراءات ادارية ( أضافية ) ..و بمنتصف شهر اب صار عندي تحديث بس الي .وبعدها الـــ / موجودة. وفردين من عائلتي بعدهم OR.

اعتذاري الشديد مرة ثانية  من حضراتكم على الانقطاع. وجزيل الشكر لكل من سئل عني. ربي يوفقكم ويحفظ عوائلكم ويقدملكم كل ماهو في صالحكم.

تحياتي


اخوية جاجيك بالي يمك والله، عسى ربي يفرجها عليك ودائما نشوفك بأحسن حال

82
اخویة LORKA یمکن قبل السفر بفترة قلیلة، راح یخابرون کفیلک ... ما اتصور بانە هناک اي مشکلة، فکن متاکد بان الامور بین شخص و شخص اخر، بین ولایة و ولایة اخری،  بین منظمة و منظمة اخری یختلف... کلها ایام و انشاء اللە تسافرون بالسلامة و التوفیق...

مع تحیاتي


شكرا اخوية تارزا عالمساعدة، خلي احدد وقت وادزه ونشوف وين تصفة
تحياتي

83

اخویة لورکا هل ارسلت الفورم Refugee Benefits election form  و طلبت مساعدة للاستطان لو لا؟


طبعا اخوية لعد شلون 

84
حبيبي تارزا انت صح،لان قريت هواية عالبروسيجرز والي ذاكره انت هو الصح، بس الظاهر اكو غلط ويايه ومدا افتهمه شنو، اني من النوع الي كلش اجيك الايميل ومنظم بهاي السالفة جدا، واؤكدلك مدازيلي اي شي متعلق بهذا الموضوع، اقصد الاي او ام يعني ما اعرف يا منظمة راح تستقبلني ولا اي شي متعلق بكفالتي هناك، و ايضا قبل شوية سديت التليفون ويه كفيلي وأكدلي انه ممستلم اي تليفون او ايميل من المنظمة علمود هاي الترتيبات،وحتى ما اعرف منو الجهة الي اراسلها علمود سالفة المنظمة لان المنظمة بأميركا حسب ما اعرف. يعني الي صار وياية كالاتي
1- ارسال الجوازات والفيزا الى   siv_ope@iom.int - siv@wrapsnet.org - nvcsiv@state.gov بتاريخ 1-9
2- استلام ايميل من siv_ope@iom.int يكولون انهم بدو يشتغلون عالكيس مالتي بتاريخ 15-9
3- استلام ايميل الاسئلة الخمسة من sivamman@iom.int بتاريخ 25-9
وماكو اي ملف مرفق وياهن مال الكفالة ولا اي ايميل متعلق بالكفالة الي هو المفروض يجي قبل الاسئلة الخمسة وايضا محد اتصل بالكفيل، شنو رأيك اخوية؟


85
سؤال لأخوية تارزا واخوتي الي سافروا
ايميل الاسئلة الخمسة وصلني بعد 25 يوم من ارسال الجوازات والفيز
لكن لم تتصل المنظمة بكفيلي ولم يرسلوا الي المنظمة اي شيء
اكو احد صاير وياه هيج شي، اني وجهتي النهائية دالاس- تكساس
تحياتي

86
حجي هنا هم الملاهي مفتحة اربعة وعشرين ساعة والعالم ولا عبالك تره، بس كول احنه المتهددين ماكليها هاي اكلك الك حق بيها. بالنسبة للسوريين، تره سوريا مو بس دمشق، المحافظات مالتهم متأذية كلش خلي ابالك، بعدين هم نفس الشي اكو ناس مثلنه شبعانة ضيم وقهر واكو ناس فسكانه حالها حال الي هنا يريدهن كلهن، يعني هنا موظف وراتبه يشك شك وكاعد بالمنطقة الخضراء ويكلك اني متهدد وبعد مالي عيشة هنا، فالوضع نفس الشي اخوية، اثنينة عدنه منكوبين واثنينه عدنه فسكانين
تحياتي

87
الحمد لله اخوية راواد، طمنتنه عنك ويوم الي ان شاء الله تحصل الفيزا عن قريب

88
والله اخوية راواد ما ادري، ارسللهم والله كريم لان ماعندك غير حل وربي يصبرك، بلكي الله الشغلة تفض بسرعة وحاول تكللهم انك ترسل انكوايريات وانتوا متردون  اخاف جايك الايميل وانت ماسحة بالغلط؟

89
شباب البارحة فتحت الموقع لكيت اكسباير ويكولون انت صار سنة ما دزيلنة شغلات وما اعرف شنو ممكن المساعدة

هلو اخوية راواد، يمعود انت مو مقابل؟ ودتنتظر ايميل الفحص لو اني غلطان؟!
اخوية راسلهم وشوف شنو الي ممكن تسويه لان اعتقد دازيلك على طلب معلومات او شي والله اعلم

90
حبيبي اذا لمدة قصيرة ولدولة صديقة لأمريكا (عدا سوريا وايران) فما اعتقد بيها اي مشكلة، هواية سافروا سياحة او علاج بعد المقابلة مثل اخونه جاجيك

91
اشكرك ياطيب ياورده الله يوفقك ياربي ويكتب لك الخير بحياتك  شوف هذي بموقع التجييك مال فيزا  هذا النص
حسب قانون الولايات الأمريكية المتحدة للهجرة و التجنس، فإن تأشيرة الهجرة التنوع (الاقتراع) لا يمكن إصدارها بعد تاريخ ٣٠ من شهر سيبتمبر من السنة ااتي تم اختيارك للمشاركة فيها. للتوضيح, المتقدمين إلى الإقتراع للهجرة في العام ٢٠١١ م سيتم إختيارهم للهجرة لعام ٢٠١٢
 يتوجب على المتقدمين ان يقدمو طلباتهم قبل تاريخ ٣٠ من شهر سيبتمبر من العام ٢٠١٢ م و ما عدا ذلك فإنهم سيفقدوا أهليتهم للحصول على تأشيرة الهجرة, بغض النظر عن الإجراءات الإداريه.

اي حبيبي هاي الدايفرستي فيزا مالها علاقة بالاس اي في

92
السلام عليكم اخوان يارب تكونون بخير
اخوان اريد استفسر عن فيزا SIV اكو احد فيزته صدرت بعد ٣٠ سبتمبر حسب ماقريت بموقع siv انه بعد ٣٠ سبتمبر متصدر فيزا  هالسنه اني تأخرت عندي عدم المحكوميه وDHL كلي  اسبوع يوصل البريد للسفاره بهاي الحاله راحت عليا هالسنه لو شنو يعني لازم ارجع اعيد كل شي فهموني الله يخليكم اي واحد اساله من المعارف ماينطيني جواب شافي
ويارب يوفقكم

حبي هاي الي ديقصدون عليها فيزا اللوتري مو الاس اي في
ما اعتقد راحت السنة عليك كول يا الله الفرج قريب بس كمل اوراقك وارسلهن وحتى الدي اتش ال مو شرط اسبوع، اني بأربع ايام وصلت اوراقي عن طريقهم
بس بنص شهر ال12 تتأجل لورة العطلة مالتهم الي هي اعتقد وره 10 من شهر الواحد
وطمننه عنك عود
تحياتي

93
اخویة LORCA یدزون لک ایمیل فیها موعد السفر و یطلبون منک تاکید استلام الایمیل و قراءة الایمیل و بعدها راح یتصلون بک بواسطة التلفون للتاکد باستلام الایمیل ... و بعد ذلک یتصل بک ممثل ال IOM في بغداد للتاکد و اعطائک موعد السفر ... و یوم السفر راح ینتظرک ممثل الIOM في المطار و یعطیک التذاکر ..

مع تحیاتی


ممنون يا ذهب

94
اخویة LORCA نعم تگدر ان تحدد مدة السفر عن اقرب مدة الي تریدها بس المدة لازم یکوم هکذا من ٥-١٠-٢٠١٦ الی مثلا ١٥-١٠-٢٠١٦ ...و المنظمة یشتري لک التکت في هذە المدة او بعدها بچم یوم، و اني اشتروها بچم یوم قبل المدة الي اني حددتها....

مع تحیاتي


شكرا صديقي تارزا
زين ششلون نعرف موعد السفر النهائي هم يدزون التكت لو ميدزوه؟
لو يتصلون بالتليفون او يرسلون ايميل يعلموك بالموعد النهائي للسفر؟

95
مشتاقين شباب، الكل اله وحشة والله يصبر باقي الشباب الي دينتظرون الفحص الطبي
ايام كلش صعبه لكن لمتنه هي الي هونت المدة علينا وان شاء الله عليكم جميعا
اني حاليا دا انتظر ايميل الاسئلة الخمسة، ارسلتلهم يوم 1-9 وردوا عليه يوم 15-9 كالوا استلمنه الرسالة ودنشتغل على الكيس، وهسه دا انتظر والله كريم، بس سؤال، افرضوا استلمت ايميل الاسئلة الخمسة يوم 1-10، هل اكدر احدد موعد سفر قريب يعني مثلا 5-10 او لازم اكو فترة محددة ووراها يالله اكدر احدد؟

96
اشكرك خويي .... القلق شاغلني ..... ونسال الله تخلص وتصدر الفيزة يارب .

وعيونك اني جبتها جلاليق بكل مرحلة روحي طلعت ورجعت وتالي هم فضت
فلتقلق وحاول لتخلي الموضوع يأثر على نفسيتك مثلي لان اني كلش تأذيت صحيا من وره هالسالفة
تحياتي وكل عام وانت بخير

97
اخوية الاجراءات الادارية الاضافية بس الك
اما عائلتك فجاهزين للفيزا، يعني مجرد تخلص انت يصيرلكم اصدار ان شاء الله

98
عادي حبيبي اني مليتها وره ايميل الفحص الطبي مو فد مشكلة

99
السلام عليكم
الاخوة جميعا مرحبا بكم بداية بالاخ Tarza  و Aboreem و smart و جاجيك و هشام هشام و locra و وبقية الاعضاء الذين شاركو في هذه الصفحة.
اخوكم عضو جديد، وتقزيبا صار اسبوع متابع الردود واحسب واتابع واقيس وارجع احسب وتقريبا عرفت مجمل ما اشار اليه معظم الاعضاء جزاهم الله خير
كما احب ابارك لكل الاعضاء الذين سافروا والذين فيزوا والذين فحصوا والذين استلموا الاشعار الخاص بالفحص.

زوجتي قدمت معاملة لم شمل من امريكا على ال iv (احنا بدون اطفال فقط زوجتي بامريكا واني بالعراق)
ملفي يبدي BGH وعشرة ارقام بعدها ..
مقابلتي في السفارة كانت في نصف شهر ٣  -٢٠١٦
وحصل تحديث واحد (اعتقد) وهو يوم ١٧ -٤- ٢٠١٦ لانه منظمة خاصة بالsiv اتصلوا على زوجتي وصارت كفيلي وراحت وقعت اوراق بالمنظمة.
ولغاية الان صار ١٨٠ يوم على المقابلة ولم استلم ايميل الفحص .
جميع اوراقي ومعاملاتي يوم المقابلة كانت كاملة وسالت الموظفة وكلتلها هل معاملتي مقبولة كالت "يس"، لانه شفت او لمحت كلمة approved وتواقيع وطلبت مني توقيعي وكتبت اسمي.
طبعا المقابلة كانت قصيرة وكانت عبارة عن دردشة حلوة واخذوا بصمات اصابعي .
وبعدها طلبت عقد الزواج الاصلي (كالت اذا تگدر)، فكلتلها عقد زواجي سوري واخذته مديرية الجنسية العراقية لانه تاشير خارجي، فكالت لعد ميحتاج والموضوع اوكي عادي. وخلصت مقابلة وطلعت .
بس اني صار ١٨٠ يوم ولغاية الان فقط تحديث واحد ولا يوجد ايميل الفحص، علما اني لم اكن على علم بامكانية تجييك ملفي على السفارة الا من قبل شهر،  واني عرفت وزرت بعض المواقع اللي اخوتي رافعيهة عرفت انه تتاخر المعاملات بالربع الرابع لسنة ٢٠١٦.
اسالكم الاسئلة التالية؟
١.هل من المرجح ان استلم ايميل الفحص خلال الايام القادمة؟
٢.السفارة ما طلبت مني شهادة عدم محكومية، هل من الممكن اعملها وارسلهة للسفارة مع الفحص والجواز احتياطا؟
٣.ماهو الانكوايري؟
٤.كيف اراسل السفارة؟ وماهو الايميل الخاص بالمراسلة؟ واذا راسلتهم ممكن يصير او يتحدث شي جديد؟ وممكن اكتب الرسالة بالعربي؟
٦. هل انه اني دايخ كلش لو اجراءات السفارة طبيعية؟ هههه
واشكركم وارجو للي ايريد يفيدني يرد عليه بس بشرط ؛ ارجوكم بدون احباط هههه.
تحياتي

هلا بيك حبيبيـ، الي اعرفه ان معاملة لم الشمل يكون الفحص الطبي والعدم محكومية ويه المقابلة، الا اذا صارت مثلنه siv. عموما اعتقد المفروض متتأخر هالشكل وخلي المدام تجيك ايميلها اخاف واصللها شي ومرادة عليه هي.
عموما حاول تستفسر من الموقع الي كتبه اخوية تارزا وطمنا عنك
تحياتي

100
السلام عليكم اخوان

عندي صديق المفروض يسافر يوم 8 بهذا الشهر والبارحة اتصلت المنظمة بيهم وكالت انه اتاجلت الرحلة واحنا نتصل بيكم هذا كلام المنظمه ياريت من الاخوان الي عدهم خبرة شنو الموضوع هذا التاجيل بسبب شركات الطيران او تجيك امني لو شنو وتقريبا شكد يطول هذا التاجيل

جزيل الشكر

اعرف ولد اجاه نفس التليفون وعنده موعد سفر بنفس التاريخ وتأجل السفر وجان السبب تجييك امني اضافي

101
لا هو بس دا اكوللهم الفحص رح يتأخر شهرين

والله الافضل ان متكوللهم بصراحة اولا مالهم شغلة هم ثانيا اخاف تفتح عليك باب
عوفهم لان هم ممحدديلك وقت applicant control

102
غيرت متصفح وعفت الحاسبه فتحت من التلفون ومن الايباد ونفس المشكله هاي منوالبارحة لليوم النوب هسه كامت تطلع عندي الأحرف ادخلها يكولي غلط شنو المشكله مدّا اعرف

اخاف كاتب هواية؟

103
السلام عليكم
صفحة الانكوايري اريد ادز إيميل للسفارة بس مدتطلع احرف التأكيد احد يعرف شنو المشكله لان الايميل مينرسل الا احرف التأكيد

بدل متصفح وشوف تشتغل عندك لو لا
او اذا انت من الكومبيوتر حاول من التليفون

104
اخوية العزيز LORCA راح ینتظرك موظف الIOM بالمطار و راح یسلمک التذاکر، و کن مطمئن بانهم ینتظروك في کل المطارات و یوصلوک حتی بیتک في امریکا ... و اذا عندک اي شئ للاستفسار اني بالخدمة یا اخي العزیز.

مع تحیاتي


شكرا اخي العزيز خادم ربك ان شاء الله ويجعلها بميزان حسناتك

105
الحمد اللە علی هالخبر الحلو یا اخویة LORCA ... من هس حضر نفسک للسفر و خلي الجنط مالک لایزید عن  ٢٠-٢٢ کیلوگرام، و ترجم شهادات المدارس لاطفالک و ای سؤال عند اني حاضر و بالخدمة یا اخویة

مع تحیاتي


ا

شكرا اخوية ورفيق الدرب تارزاوان شاء الله اعمل بنصيحتك. كلي حبي بلا زحمةالتذاكر شلون استلملتها؟ اونلاين لو سلموكياها بالمطار؟

106
اخوانی الکرام بشکل عام ( بدون ذکر اي اسم)، ما اسمع اخبارکم و مرورکم، شنو صار ویاکم و اللە گلبي معاکم؟؟؟؟؟؟

مع حیاتی

اخوية تارزا احنه (تقريبا مو كلنه) موجودين بغير موضوع
http://www.ankawa.com/forum/index.php/topic,819645.0.html

اني بالنسبة الي الحمد لله فيزت واستلمت الجوازات وحاليا بانتظار ايميل الاسئلة الخمسة حيث دزيت الفيز قبل 3 ايام ونشوف بعد شوكت يرجعولنه جواب

107
اشكرك اخويه انتم نعم الاخوة ونعم المعين.
ومبروك على استلام الفيزة بصراحة ما عندي معلومة عن اخطاء الحروف بلكت الاخوة اللي سافروا يساعدوك بيهه
اني صحيح ما اشارك هوايه لكن صدكني متابع اخبارك وكل اخبار اخوتي واخواتي وان شاء الله تحصد نتيجة التعب والصبر والانتظار اللي مريت بيه وتوصلون بخير وسلامة. :) :) :)

اخوية العزيز اشكر كلماتك الطيبة ويوم لألك وتستلم وتسافر وتخلص
عادي راح اغلس مو فد مشكلة شسويلهم، اسافر وعود بالمطارات يحلها ربك
بالنسبة للنقص بالاسم فهم ملزمين ب18 حرف بالنسبة للاسماء الطويلة فعادي ينكطع
اما غير شي فبعد ما ادري، هي تصفى ;D

108
الف الف مبروك يعني مليون مبروك اخي العزيز
 اللهم صل على محمد وال محمد
هسه سوي سكان وارسل والله يوفقك

الله يبارك بيك صديقي ويوم الي نفرح بيك

109
لا اخوية العزيز التوصيات اللي عندي ولا وحدة مكتوب بيها اللقب فقط الاسم الثلاثي.. لكن اني من قدمت ع كوم اوف مشن كتبت اللقب لان بوكتها ما كنت مطلع جواز لكن من طلعت الجواز شفت بدال اللقب مكتوب اسم جدي وحست نصائح الاخرين وكلامهم مشيت ويه الجواز بأستمارة
I-360 وما كتبت اللقب .. شنو نصيحتكم اللي امشي في الخطوات القادمة مثل ما مشيت ويه استمارة I-360 ؟ او اذا شافوا في صورة القيد 57 بي اللقب ما راح يأثر ؟ علماً اني من دزيت فورم I-360 كتبتلهم كتوضيح على مسألة اللقب وسبب كتابة اسم جدي بدال الزبيدي .. شتنصحوني اخوان في الخطوة القادمة امشي ويه الجواز؟ او من اجدد الجواز اتأكد على كتابة اللقب او يبقى كما هو؟
انت بيك مجال تجدد الجواز؟ اذا بيك مجال جدده اخوية وسوي اللقب مالك واخلص، باجر عكبة اذا تريده بالكرين كارت تره يمشون عالجواز، وبالبطاقة الموحدة من تطلعها (لان لازم تطلعها يالله تجدد) أكد على اسم اللقب ينكتب،حتى توحد مستمسكاتك، لان حرامات يطلعلولك لوله بالمراحل النهائية، ماطولك بمرحلة الترتيبات فرتبها من هسه اما ال1-360 راح تنساها بعد لان مرحلة وخلصت عندك، هسه راح تجي مرحلة الدي اس 260 (اللغوة)
تحياتي

110
الله يبارك بيك اخويه العزيز والله هاي رجعتي من الطبيب وسوالي أشعه وكلشي طبيعي اني حتى كحة ماعندي بس هو الحظ من يعكس ويجوز أشعه غيري صارت الي بعد عند الله العلم لان ممعقوله بين يومين أشعه تختلف ع العموم بقت يم الله بس عندي سؤال اني بعد شهرين او اكثر يلله استلم الفحص تاريخ الفحص او الاكسباير رح يصير لأربع اشهر لو لسته وبالنسبه للعدم محكومية اكسبايرها كم شهر
لا حبي الاكسباير من تاريخ اجراء الفحص النهائي، لان انت مستلمت نتيجة ايجابية هسه، فمن تستلمهاوانت تمام (بجاه هو ربي يسهلها عليك) وتدزها عاد تبدي تحسب.
بالنسبة لعدم المحكومية الي مكتوب عدنه اكسباير 3 اشهر هاي عند العراقيين ، عند الامريكان اعتقد سنة، فأنت لتستعجل بيها وقت عندك، اله يطلبوها منك يالله ترسلها

111
الله يبارك بيكم شباب، بالنسبة للغلط الي بالاسم شسويلة؟ هاي مال ادزه واكللهم عليه فلم هندي اخاف هم تنام الشغلة

112
اليوم استلمت الفيز الحمد لله من مكتب دي اتش ال
بس اخر حرف بأسم الجد مالتي غلط ، هو E كاتبي I
هذا امر عادي لو شنو؟
شغلة ثانية ايميل ترحيب لي حد هسه ممستلم من السفارة

113
اخواني شنو اخباركم ووين وصلت ملفاتكم ؟
بالنسبة لملفي بانتظار الفحص الطبي صارلي 47 يوم من قابلت
حبيبي هلا بيك بنص اخوتك وربي يسهل امرك وتستلم ايميل الفحص

114
السلام عليكم وينكم جماعةsiv
اني كلها تعرفني من جماعة الطابوكه الذهبيه صارلي من ٢٠١٢ مقابل وأخيرا الله فرجها ودزتلي على فحص وعدم محكوميه بس يافرحة ماتمت
وره يومين من الفحص خابروني وكالو اكو قشع بالأشعة لازم اسوي تحليل يطّلع وره شهرين تحليل مال شنو  ما اعرف منو مار بهاي الحاله هسه ضَل بالي  يعني اكو مشكله عندي ويحتاج أراجع طبيب لو شنو فهموني رحمة لأهلكم
حبيبي الف مبروك عالفحص، ان شاء الله ماكو شي، الفحص مراح يأثر على منحك للفيزا، مجرد تتعالج وتسافر بأذن الله، وماعندك غير العافية، بالنسبة للعلاج لازم تشوفهم هم شيكولولك
اما اذا تريد تروح لطبيب فأعتقد الافضل تخابرهم وتسألهم اكدر اتعالج واعيد الفحص

115
صار 3 ايام وبعدهم مراسلين ايميل الترحيب، شنو حتى هاي هم لازم شلعان كلب  ;D
لا وفوك القهر فتحت الايميل الصبح لكيتهم رادين على رسالة قديمة اني راسلها ويكولولي :
DEAR APPLICANT
YES WE HAVE RECEIVED YOUR PASSPORTS
THANKS

116
اشكرك على جوابك الوافي اخويه العزيز .. بس اذا تتذكر من فضلك شنو المستمسكات المطلوبه في المرحلة القادمة يعني مثلاً حسب ما سمعت صورة قيد ولادة او البديل صورة قيد النفوس 57 وايضاً عدم محكومية ؟ زين هذني الوثائق تترجم عند مترجم معتمد في نفس المحافظة اللي بيها او لازم تصدق بوزارة الخارجية؟؟

حبي هم راح يطلبوهن من عندك بأيميل
بس راح اجاوبك عن بعض الاسئلة حول الامور الشائعة الي يريدوها
- جنسية- شهادة جنسية - عقد زواج - صورة قيد (family book) وهذني مترجمات
- شهادة عدم المحكومية مترجمة ايضا
- دفتر الخدمة مترجم (ان وجد)
- بالنسبة لصورة القيد، تطلع من النفوس وتترجم يم مترجم معتمد او من دائرة النفوس بكيفك، اني  اخذت الورقة الزرقاء مال القيد وبوجهي على مكتب نادر ترجمتها ودزيتها وكلش كافي، يعني مرحت للسنك ودوخت نفسي وبعدين هي نفس التكلفة تقريبا
- بالنسبة لعدم المحكومية هم يترجموها ويدزوها
- بالنسبة لتصديق الخارجية فلتتعب نفسك اني بالنسبة الي لا صدقت ولا رحت، اكو هواية شباب تعبوا نفسهم وراحوا صدقوا، بس نصيحة اذا انت من سكنة بغداد فروح لمكتب نادر (حصرا) لان معترف بي من قبل السفارة الامريكية، واذا انت مو من بغداد بقت يمك، كملهن وترجمهن وصدقهن من الخارجية

اما بالنسبة للوقت فصدكني من الصبح لي هسه ادورلك بالايميل ومدا الكه تاريخ معين، حتى المرحلة ناسيها والله وعيونك، بس سؤال هي هاي قبل التشيف اوف مشن لو وراها ;D ؟

117
بفضل الله ومنه وصلني ايميل الان وتم تحديد موعد مقابله قسم  بعد شهر تقريباً
وكذلك رجعت حالة الملف مراجعة ادارية
شكراً جزيلاً لكم اصدقائي الاعزاء اتمنى لكم كل التوفيق والسلام

مبروك صديقي العزيز، مو كتلك مبقى شي، ويارب ربي يتممها على خير وتسافرون بأسرع وقت،وهو هذا الي راح يصير، بعد ماكو اجراءات ادارية واخذها مني، عدا الانتظار الروتيني فقط مثل ما صار ويايه وجنت قلق عبالي رجعت للاجراءات الادارية

118
الحمدلله والشكر البارحه استلمت اميل الفحص الطبي ويوم سويت الفحص وارسلته مع الجوازات

ها اخوية مو كتلك  :)
الف مبروك يا طيب ويارب تكمل اجراءاتك البقية بسرعة

119
الف الف مبروك اخ لوركا والله تستاهل لان تعبت هوايه وانتظرت هوايه ربي انشالله يوفقك وتوصل بخير وسلامه لارض الاحلام

ممنون يا طيب ويوم لألك وتفرحنه

120


اي والله صديقي يوم لألك وصدك اذبح، اني نذرت صارت بس بعدني مذابح :D
والله يا اخي فتو كلبي يالله فيزولي، اني اول ارسال جان 18 - 6 ورجعولي الجوازات 3-7 علمود اصلح تاريخ الولادة، وراها وبعد حرك الاعصاب وكت الفلوس، رجعتهن يوم 26، واليوم صدرت وبعدني ممستلم ايميل الترحيب وتفاصيل الارسال، يعني 30 يوم ترس من تاريخ الارسال والف الحمد لله والشكر على كل حال

121
الف مبروك وان شاء الله السفر بسلام و الوصول بأمان
اخيراً خلصت من البحر الظلمات ....شايف الف خير

اشكرك اخوية سمارت وبارك الله بيك، يوم لألك حبيبي وترتاح من هالهم
تحياتي

122
هذا خبر حلو الله يسهل امرك ويفرح ايامك

ممنون اخوية راواد، ربي يفرحك ويبشرك بأستلام ايميل الفحص عن قريب

123
الف الحمد لله وبركة الصلاة على محمد وال محمد وبعد معاناة 3 سنوات (بالضبط) لا ناقصة يوم ولا زايدة يوم صدرت الفيزا بتاريخ 25-8
يارب يسهلها عليكم اخوتي وتحصلون الفيزا وترتاحون من حرك الاعصاب، وصدكوني تعبنه جميعا مراح يروح
طبعا اي تفاصيل واي سؤال تحبون تسألون عليه اني حاضر
تحياتي

124
الاخ LORCA تحياتي
اني قدمت شهر التاسع 2014
حصلت الكوم شهر الرابع 2015
المقابلة شهر 12    2015
ولحد الان انتظر ايميل الفحص  و الله كريم
ان شاء الله الكل تسافر
تحياتي

هانت اخوية سمارت ان شاء الله مبقى غير القليل
اني قبلك سنة وشهر تقديم وهم دا انتظر والله كريم

125
السلام عليكم .....
أولا ادعوا من الله الكل تسافر عن قريب ...
اخواني الاعزاء أني من جماعة ال SIV تقديم 2010 وسافرت في 2016 ... أريد أكول لكل ألأخوة المنتظرين أصبروا و أنشاء الله الكل تسافر عن قريب ..... بالنسبة ألي مرات عديدة فقدت صبري وفقدت ألأمل... وبعد ما جان عندي أمل بالسفر و أهملت الموضوع و بعدين رجعت وراسلتهم من  جديد ... أني مريت بنفس الظروف ألي أنتوا جاي تعيشونها هسة و أعرف مرارة ألأنتظار و حرك ألأعصاب ... بس تأكدوا أخواني بالأخير راح تهون و راح تسافرون و راح تصير سوالف ...( ما ضاقت وألا فرجت ) ... كتبت هذه السطور القليلة حتى أبعث روح ألأمل فيكم و هذا أقل شي أقدمه للأخوة ألأعزاء في هذا المنتدى ..... ألأخوة اللذين ساعدوني و بعثوا في روح الأمل و الصبر ... لا تيأسوا من رحمة الله ..
تحياتي .

هذا من اصلك الطيب يا ذهب

126

 وين المشكلة اخويا ابعث انكواير وراح ترجع اجراءات ادارية

ايوب اخوية شخبارك، وين وصل ملفك؟

127
زين اخي موضوع اعادةالمقابله اشلون اشكد تتوقع ويجاوبوني او يحددون موعد

والله اخي ماعندي علم ليش افتيلك بالموضوع بس ما اعتقد يتأخر لان المقابلة بطلبهم هم مو بطلبك انت

128
مرحبا اخوان اسمحوا لي انضملكم تحياتي للكل و خاصة الاخ لوركا و ايوب و في قرى الجن (احنه اخر ناس بقوا من الوجبة القديمة)
تفاصيل الكيس
المقابلة : 2015/12/09
جرت عدت تحديثات و لا شئ جديد
مر على المقابلة تقريبا 255 يوم و لله الحمد
الله كريم

اخوية سمارت صارلك هواية انت، شوكت مقدم؟

129
استاذي العزيز
ال ds-260 حدثته وخلص
والعدم محكوميات استلمتهن
والفحص. كذلك استلمته اليوم الظهر
والجوازات جددتهن ومابيهن نقص
وصور جاهزات
وارسلت ايميل للسفاره ربلي على ايميلهم اللي ارسلوه لي  طلبت بيه تحديد موعد مقابله
وكذلك ارسلت انكوايري اطلب به المساعده لدخول الخضراء للمقابله
 لكن المفاجأة القاتله هسه

اجاني تحديث ما أعرف اشلون استوعب الصدمة  تحولت حالة الملف الى. Expiring soon

هل هذا يعني كلشي راح يبدأ من جديد لو شنو تفسيركم 
اخواني اشكركم على المشاركة والنصيحه
اعتقد وضع طبيعي يجي Expiring soon لان عندك لدي اس 260 اكسبايرد،  بس ما اعتقد راح تبدأ من جديد، طبعا هذا رأي شخصي حسب الي دا اشوفه منك

130
اخي العزيز انت حاليا المفروض تطمن على الكيس مالتك من طلبوووو منك الفحص الطبي يعني الموافقه الامنيه الك وللعائله صدرت باستثناء ابنك ربي يحفظه لان عمره عبر ١٦ سنه يحتاج اجراءات اداريه اطول فمساله الفيزه الك وللعائله صارت مجرد انتظار وقت وتحديد موعد اعاده قسم فيا اخي أني برايي اطمن وعن قريب تكون الفيزه على جوازاتكم اتوكل على رب العالمين وارسل الجوازات والفحص واعاده المحكوميه بالدي اج ال وربي يسهل امورك باسرع وقت انشاء الله

اضيفلها شغلة، اذا ممكن اصدار فيزكم قبل الولد فتوكل على الله اخوية حتى لتنتظر مدة اطول

131
الله يوفقك يا طيب ويسهل امرك
بس سؤال  اذا حددوا لي موعد مقابله والجوازات يمهم عادي ادخل بالسفاره لو راح تصير صعبه

وصل الدي اتش ال وياك اعتقد يكفي، كوللهم فقط عندك اعادة قسم، وبالمناسبة اعتقد اذا يرفضوها يرجعوهن عليك فلتقلق من هاي السالفة. وللاحتياط استنسخهن وخليهن وياك اذاف يطلبهن احد منك

132
استاذي، خاطب الان في سي هاي اول شي، اطلب منهم الانفويس ايدي لان هم فتحولكياها حتى تعدلها واعتقد علمود ولدك
 NVCSIV@state.gov  and NVCInquiry@state.gov
وراها تحدث الاستمارة مالتك وترسلها اونلاين
صورتين جدد لكل افراد العائلة
عدم محكومية الك وللمدام ولولدك الله يحفظهم
اما بالنسبة للتوقيع والقسم فهي شغلة طبيعية تره، تروح مجرد تقسم وتوقع على صحة الاوراق، ولتخاف تره مراح تطول وره اعادة المقابلة، كل الي اعادوا المقابلة مشوهم بضرف اسبوع الى اسبوعين، يعني ماكو بعد اجراءات ادارية بأذن الله.

اما بالنسبة لشغلة الجوازات، فكمل كلشي وارسلها بالدي اتش ال (العدم محكومية والصور والجوازات والفحص الطبي)
قبل لتروح لان مكايليلك جيبهن وياك بالمقابلة وماطول مكايليك يعني عادي
ومراح تطول شغلتك بس انت خف ايدك شويه واستعجل بتكميل المعاملات
تحياتي وربي يسهل امرك وامرنه جميعا

133
الاخ عمرو والاخ لوركا البارحه دزيت انكوايري للسفاره واليوم لكيت تحديث لكل العائله فما اتصور هذا تحديث وانما رد على الانكوايري الي دزيته،، الاخ لوركا والاخ عمرو ما صار شي جديد على ملفاتكم

حبيبي صحيح هذا تحديث مال انكوايري، اذا تحب تعرف ان تحديثك هو تحديث فحص طبي، فيبدي بالبداية للكبار يجي تحديثات وبعدين يجي للاطفال، طبعا تحديثين او 3 متتالية او بفترة قصيرة
اني بالنسبة الي صار عندي تحديث بس كلشي ماكو صارلي 25 يوم انتظر والله كريم (ملت روحي)

134
لا تحديث ولا رد الي
يعني بعدهم مشايفي، اعتقد راح يوصلك رد قريبا، لان هذا مو استفسار عن كيس يعني يجاوبون، اني ذاك اليوم ارسلتلهم انكوايري ردوا عليه وره 3 ايام
فالاحسن تنطيها لاسبوع الجاي مردوا عليك ارسلهن بالبريد
بس هم محددولك موعد مقابلة لو ينتظروك انت ترسالهم

135
اي والله ارسلت لهم ايميل وماكو جواب وارسلت انكوايري وماكو اي تغير
قصدك ارسلهن حتى الجوازات
وانتظر

صار عندك تحديث من ارسلتلهم انكوايري؟

136
صديقي العزيز اعتذر ما اعرف ليش الموضوع مينطبع كامل
اكملت المقابله بتاريخ 24-8-2015
بعد انتظار سنه كامله اجاني ايميل الفحص الطبي بتاريخ 7-8-2016
رغم انه لا يشمل ولدي علي لبلوغه سن ال 16 عام وانهم يحتاجون معلومات اضافيه ارسلتها لهم  وجراءات اداريه جديده
فرحت كثيرا ولم تدم الفرحه
بعد مرور عشرة ايام اجاني ايميل يقول انني بحاجه الى مقابله اعادة قسم لأنه الفورم DS-260  اصبح اكسباير
ويجب ان احدثه واوقعه امام القنصليه
اكملت الفحص والعدم محكوميه والصور
واني في حيره هل ارسلها بال dhl ؟
لو انتظر يحددولي موعد مقابله واخذ هاي المستمسكات باليد ؟

نصيحتكم تهمني  عايش بقلق مو طبيعي

اول شي انت خلصت اخوية ومبقالك شي، ومسألة اعادة المقابلة والتوقيع مال استمارة شغلة كلش طبيعية(جيب الي يصبر لان حالك من حالي)، يمكن تأخرك شوية (مو هواية) مثل مصار بأغلب الولد الي ارسلوا عدم محكومية جديدة او جوازات جديدة(مثلي وصارلي شهر على هالحطة). بس لا تقلق ان شاء الله ربي يسهلها عليك
زين شغلة؟ انت دزيتلهم ايميل سألتهم انو تدزهن لو تجيبهن وياك؟! هاي وحدة، الثانية المفروض هم يحددولك موعد مو انت، فهم شسوا على هاي السالفة، حددولك موعد جديد؟!
شوف هو الطبيعي انوا ترسلها بالدي اتش ال، لان هم مذكرولك تجيبهن كلهن وياك بالمقابلة بس اني اشوف ان ترسللهم احسن


137
[/اصدقائي الاعزاء  انا في حيرة ومحتاج نصائحكم SIV
مثلما يعلم حضراتكم كانت مقابلتي بتاريخ 24-8-2015

صديقي مفتهمت عليك، قصدك فترة الانتظار؟! لو شنو؟ وشمحتاج نصيحة حاضرين اخوتك احنه

138
اني مقابلتي كانت 15/9/2015 ولسة ماكو شي والحمد لله على تمامة الخلقة

رواد اخوية انت بنفس فترة جاجيك مو؟

139
شباب هسه فتحت الموقع لگيت البارحه محدثي بس ماكو ايميل منهم

يا الله، بشرى خير ان شاء الله
شوكت كان اخر تحديث؟

140
السلام عليكم ....
شلونكم شباب انشاء الله تكونون بخير جميعا ... شنو اخباركم منو سافر ومنو بعده باقي ؟؟؟ أنشاء الله الكل تسافر عن قريب ....
تحياتي .


اموري الورد، يارب امورك بخير، بعدنه على حطة ايدك بس تارزا سافر

141
الأخ لوركا أنشالله ما ظل شي اعتقد بان إصدار الفيزه راح تكون الك بوقت قريب

ممنون منك عزيزي ويوم لألك

142
اخي لوركا الاخ جاجيك دبس وراشي شنو اخباره أتذكر اخر شي اجته تحديثات لعائلته وصار قسم منهم اور بس هو كان بعده سلاش هذا الي اذكره وبعدها ما عرفت شنو الي صار وياااا أتمنى يشارك ويانااا حتى نعرف اخباره

صحيح اخوية، كان عنده حالة مرضية لاحد اقرباءه او اهله وسافر لخارج لعراق علمود علاجه، وياريت يكون عنده تحديثات او تطور بالملف لان هذا الرجال شريف وادمي ويستاهل

143
اخ عمرو شغلتك نفس شغله الأخ سندباد مهاجر  كان عنده ابن عبر عمره ٢١ سنه واتذكر دزو رفض فقط لابنه واتصور الأخ سندباد مهاجر بعده بانتظار الفحص الطبي لان هو مقابلته كانت بشهر شباط واتصور باي يوم راح يشارك ويانااا بهذه الصفحه لان قبل شهر كان مستمر بالصفحات السابقه

صحيح اتذكر هاي الحالة بالاضافة لابو ريم وجاجيك بس ما ادري اذا صار عدهم رفض ورجعوا اجراءات ادارية

144
الأخ عمرو والاخ لوركا اني بالنسبه للكيس مالتي بعده سلاش/ ماكو اي تحديث عندي جديد فقط اربع تحديثات كانت بنفس شهر المقابله بشهر شباط والتحديثات الي بعدهااا كول ما ادز انكوايري يجيني ثاني يوم تحديث وراح أكون متواصل وياكم باي شي جديد يصير بملفي علما أني عبرت حاجز 190 يوم الحجي بيناتنااا نامت عليه طابوكه لان عندي صديق مشتغل ويايه ومقدم ويايه ومقابلتنا بنفس اليوم كملت الاجراءات مالته واستلم الفيزه وسافر قبل شهر وأني بعدني منتظر الفحص الطبي

ربي يسهل امرك يا رب، وتستلم ايميل الفحص والفيزا، كل كيس اله ضرفه، اكو ناس سافرت بخلال 3 اشهر واكو ناس طولت سنين، اني عندك تقديم 2013 وماقابلت غير شهر 3 -2016

145
الله يسمع منك
وصديقي انشاءالله تكمل قضيتك وكلنه نسافر وعسى ان تكرهوا شيئاً وهو خير لكم صدكني الي بي خير الله يقدمه
بس اني بقضيتي صارت شغله غريبه اني عندي ابني قبل المقابله جان عمره عشرين وقابل وماكو مشكله ورا مصار واحد وعشرين تحدث الموقع وبس هو انرفض وبعدين ورا تحديث الاميل رجعت administrative process  ف انت سامع انو اكو احد انرفض بعد المقابله

 الاخ جاجيك السلام عليكم...
اني ابني الكبير من قابل معي كان بعدلة شهرين ويكمل 21 والقنصل سالة عن عمرة وكلة (لا تتزوج لحد متروح لامريكا ووقعة على الاستمارة 1810 مال عسكرية ) اني اتشاقيت وية القنصل وكتلة (لا ما اخليه يتزوج لحين 25 سنة ) فمن هذا الكلام يبين ان الامور طبيعية وما بيها اي قلق وطبعا ابني هسة اصبح 21 وشهر ... والله يسهل للجميع

    رد
    اقتباس
    تنبيه

http://www.ankawa.com/forum/index.php/topic,785226.msg7447387.html#msg7447387

الاخوان جاجيك وابو ريم نفس حالتك، واحد منهم بأميركا والاخر بأنتظار ايميل الفحص الطبي
تحياتي

146
شباب اهل الاس اي في المتبقين، جيتوا هنا خلينه نسولف مثل قبل عسى ربي يسهل امورنه جميعا

147
الله يبعدنا
شنو هذا البند السابع

هذا رفض لاسباب مجهولة واغلبها اسباب امنية.

148
الله يسمع منك
وصديقي انشاءالله تكمل قضيتك وكلنه نسافر وعسى ان تكرهوا شيئاً وهو خير لكم صدكني الي بي خير الله يقدمه
بس اني بقضيتي صارت شغله غريبه اني عندي ابني قبل المقابله جان عمره عشرين وقابل وماكو مشكله ورا مصار واحد وعشرين تحدث الموقع وبس هو انرفض وبعدين ورا تحديث الاميل رجعت administrative process  ف انت سامع انو اكو احد انرفض بعد المقابله

اتذكر اكو حالة مشابهة لحالتك من ناحية الابن وان عبر الواحد وعشرين بعد المقابلة بس الصراحة مدا اتذكر بيا موضوع واعتقد مشت بوقتها (الصراحة مو كلش متأكد) اما من ناحية الرفض فيا اخوية اذا عالسمع فكلشي سامع، حتى سامع واحد مفيز ومكمل كلشي وبايع حتى اثاثه وبعدين انرفض قبل موعد السفر. اما بالنسبة للشوف، فشايف حالة وحدة (صديقي) وبعيني قريت الايميل، رفض بعد 27 يوم من المقابلة والاشارة على مربع البند السابع. و الله يبعدنه جميعا عن الرف يارب.

149
بعدها ويوم ١٦ صار تحديث

واضحة صديقي، كملت قضيتك واكتشفوا انهم مدققوا بهذه النقطة، ولازم يسوون اجراءات اضافية عليها. بس موضوع انها تحولت لأور شغلة ايجابية بالملف، واعتقد بعد فترة قصيرة راح نسمع منك اخبار تفرح بأستلام الفحص الطبي، وصدكني صديقي الانتظار قبل الفحص يختلف عن الانتظار بعد الفحص، قبل الفحص حالة عادية لان الكل دينتظر، بعد الفحص اذا تنتظر راح تكول شمعنه بس اني

150
يجوز مثل متكول
اني اخر ايميل دزو هدا يوم واحد بالشهر


Your application is still pending at our office. In order to proceed further, we need all the passport numbers you have used. Please provide this information as soon as possible by replying to this email. Thank you.

هذا قبل الاور لو بعده؟ وصار عندك تحديث وراها؟

151
السالفه مو يم nvc يم السفاره والسافره دتكلك احنه استلمنه جوازاتك عنطريق dhl وراح نتصل بيك من تصير عدهم معلومات جديده
يعني ديستغلون عليها بس السالفه شويه يحتاجلها صبر
 وبس سؤال انتي على سفاره بغداد مقدم ؟

اي حبي على بغداد، وقبل لا اعيد ارسال الجوازات( يعني بأول مرة ارسلت بيها الجوازات) الامور مشت بصورة طبيعية وخلال عشر ايام بدت التحديثات المتتالية عندي بأخر تحديث كالولي صلح محل الولادة مالتك ووره متكمل اعيد ارسالهن النه، وكملته ودزيته مرة لخ والسنطة سنطة. صديقي اني الي مدوخني انهم المفروض خلصوا هذا الروتين بالمرة الاولى لأرسال الجوازات، يعني المفروض المرة الثانية ميطولون هلكد. اني مدا الكه الها غير تفسيرين، لو ديسوون صحة صدور بالجوازات والي المفروض متطول هلكد، لو الشغلة اجراءات ادارية اضافية من DHS

152
الله يعينك ويعينه  واحد لازم يصبر بس كتلك انشاءالله قضيتك كملانه بس همه مرات يطولون ياله يدزون الجوازت حسب ما قريت بالمنتدى فعادي لتخاف

صديقي اني معاشر 3 وجبات اس اي في هنانه بالمنتدى
الوجبة الاولى الي كانوا ينتظرون الفيز واني بعدني املي الاوراق
والوجبة الثانية الي كنا سويه ننتظر الفيز
وهاي وياكم الوجبة الثالثة بعد مأخذوا ربعنا القديمين الفيز

الجميع استلموا الفيز بمعدل عشر ايام بعد ارسال الجوازات
فقط العزيز ابو ريم 57 يوم بعد ارسال الجوازات، وبالفترة الاولى صارت عنده تحديثات وسنطة الى ان استلمهن، والخ العزيز هشام هشام اخر مرة حجيت وياه بيها كان اله خمس اشهر وممستلمهن وهم صارن عنده تحديثات وتحولت الاور الى سلاش وضلت لاطشة، ولحد الان ماكو خبر منه عسى الله سهل امره

اني بالنسبة الي سنطة سكوت لا تحديثات ولا صخام
ذاك اليوم دزيتلهم رساله وجاوبوني جواب غريب ومدا اعرف افسره
Dear Sir or Madam,

We have received the passports and DHL airway bill  you sent us. We will contact you as soon as we have news about your case.

Sincerely,

وطبعا نفس الاستفسار اني دازه للان في سي وهذا كان جوابهم:
Dear Sir/Madam:

    We received your Refugee Benefit Election Form, and Form DS-0234, and forwarded them to the appropriate agency on June 10, 2016.  Any further inquiries about resettlement benefits should be directed to siv@wrapsnet.org.

    We are writing to confirm that the National Visa Center (NVC) completed the processing of your case.

Any further inquiries regarding this case should be sent to the U.S. Embassy or Consulate in Baghdad via website at http://iraq.usembassy.gov/ivform.html.


زين الشغلة الي مدا افتهمها ان الان في سي تكول احنه مخلصين الكيس مالتك والسفارة تكول من توصلنه اي اخبار عن الكيس مالتك راح نبلغك

السؤال هو: منين هاي الاخبار الي منتظريها؟ شلون ديشتغلون والله ما ادري؟



153
يومية افتح عيني اكول الكه ايميلهم
وهاي راح يصير شهر من ارسال الجوازات ولي هسه كلشي ماكو

154
نعم صارت ٣ تحديثات  وتغيرت لكل افراد الملف

حبي راح يجيك ايميل الفحص الطبي ان شاء الله هذا الاسبوع
بس هو المفروض يجي لو بنفس اليوم لو ثاني يوم ليش هالتاخير ما ادري


155
اني تغيرت /  لل or  قبل اسبوعين وليهسه ماكو شي شنو السالف ما ادري
استاذي هل صارت تحديثات متتالية ثم تغيرت ام لا؟
وهل تغيرت لكل افراد الملف ( ان وجد) ام لا؟

156
الاخ لوركا انشالله اصدار الفيزا قريبا وبالنسبه للاخ ابو سفيان يا ريت لو تكتبلنا التحديثات الي صارت بملفك قبل ان يبعثولك اميل الفحص الطبي حتى نكدر نقارنه ويه ملفاتنا
ممنون منك يا طيب
اني هاي التحديثات الي صارت عندي قبل ايميل الفحص الطبي بلكي تساعدك بالمقارنة

احنه عائلة من 3 نفرات اني وزوجتي وبنتي الصغيرة
صار عندي تحديث اني وزوجتي ثاني يوم المقابلة8-3 (بدون بنتي)
وصار عندي تحديث اني وزوجتي ثالث يوم المقابلة 9-3 (بدون بنتي)
وصفنت الكيسات بدون اي تحديث لفترة 90 يوم
وراها صار عندي تحديث بتاريخ 5-6 هم اني وزوجتي (بدون بنتي)
وراها صار عندي تحديث اني وبنتي وزوجتي الثلاثة مع بعض يوم 7-6
الاور تحولت الى سلاش الي ولزوجتي وبنتي بقت نفس الشي
6-8 استلمت ايميل الفحص الطبي وايضا صار عندي تحديث للعائلة كلها وبنتي صارت أور
طبعا حتى لتدوخون هذني التواريخ الفوك هي شهر السادس حزيران
اذن مجموع التحديثات كما يلي
1- اني 5 تحديثات
2- زوجتي 5 تحديثات
3- بنتي 3 تحديثات

تحياتي

157
يا ريت لو ننجمع كولناا siv بهاي الصفحه ونتواصل على الأقل نواسي بعضنا ونعرف اخر اخبار التحديثات اتمنى الكل تشارك اعرف الحاله النفسيه لاغلبيتنا المتبقين صفر بسبب تاخير اميلات الفحص الطبي وتاخير بالكيسات بس انشالله الكل تجيهم اميل الفحص والي منتظر الفيزا انشالله تصدر وصدكوني الكل راح تسافر بس مساله وقت مو اكثر ارجو من كول الاخوان بالتواصل بهذه الصفحه

والله يا اخي الحالة النفسية مو بس صفر وانما تحت الصفر، شلعوا كلبنه بالقران ماكو هيج اذية
واحد مشلول حالة لا يعرف هل هو مرفوض ام هل هو مقبول، بس واحد يكول الله الي صبرنا كل هاي الفترة يكدر يصبرنه على الجاية ويارب تفرج عالجميع

158
ما اتوقع اكو اجراءات اضافيه لان هسه جوازاتك الجديده يمهم  لو اكو اجراءات اضافيه جان رجعولك الجوازات انت تدري بيهم شكد سريعين ماشاءالله فعادي انشاءالله كم ويوم ويدزولك الجوازات ومختومه بيها الفيزا اطمئن
الله كريم حبي، ربي يسمع منك، بس وعيونك اليوم عليه بسنة، وصدكني اصعب من ايام قبل الفحص الطبي، قبل جان حالي حال العالم، هسه تقريبا بوحدي دتاخذني موجة وترجعني روجة، ويارب يسهل امورك وتستلم الفحص الطبي ومتمر بالي دا امر بي حاليا

159
هلا بيك حبيبي
لتخاف ماطول دزولك اميل الفحص الطبي يعني الاجراءات الامنيه خلصانه بس هم يجوز ديچيكون الجوازات الجديده ويارب متطول عليك وتسافر عن قريب
اني يوم ١-٨ دزولي اميل رادو ارقام الجوازت القديمه المستخدمها  ودزيتها ولليوم ماكو شي

والله حبي ما ادري شأكلك، اني بأول مرة من دزيت الجوازات سارت الامور كلش طبيعية، وره عشر ايام من استلام الجوازات بدت التحديثات المتتالية وبالاخير رجعولي الجوازات، هالمرة النومة نومة، المشكلة ان جوازي فقط الي بي الغلط بس هم رجعوهن كلهن مااعرف ليش، اعتقد اني حاليا بأجراءات ادارية اضافية والله اعلم، مع العلم راسلت الان في سي كالوا احنه كملنه الكيس مالتك، وبقى عالسفارة

160
هلا بيكم شباب
تقديم شهر 8 2013
تاريخ المقابلة 7-3- 2016
استلام ايميل الفحص الطبي بعد 90 يوم اي بتاريخ 7-6-2016
ارسال الفحص الطبي للسفارة تاريخ 17- 6 - 2016
ارجاع الجوازات من قبل السفارة بتاريخ 3-7 2016 لوجود خطأ في جوازي
تصليح الخطأ وارسال الجوازات بتاريخ 26-7 - 2016
ولي حد هسه كلشي ماكو اي صارلهن 24 يوم بالضبط لا بتحديث ولا بشي
فقط تحديث عند ارسال استفسار، يعني الطابوكة الزينة
تحياتي

161
اني وبعد ما الله فتحهة بوجهنة و سافرنة على ال اي او ام قبل شهرين ...البارحة السفارة الامريكية بعمان دزولي ايميل يكلون بأنه يحتاجون جوازاتنة لختم الفيزة :) .....هاي شتحطلهة واطيب :) .

بالله ذولة مو بطرانين ههههههههه

162
السلام عليكم اخواني .
الف مبروك لكل من وصل الى امريكا ولكل من استلم ايميل الفحص . وان شاء الله السفر العاجل لباقي الاخوة.

بصراحة الفترة الماضية جنت ملتهي بين مشاكل الحياة و بين مرض احد افراد عائلتي .مما اضطرني للسفر خارج القطر لغرض العلاج.( كفاكم الله شر الامراض ).

بالنسبة لملفي لا جديد اخر تحديث جان بشهر الخامس. وقبل اكثر من شهر دزيتلهم ( انكوايري ) على موقع السفارة . وقبل يومين لكيتهم دازيلي مسج لايميلي كاتبين بيها ( ان قضيتك تحتاج الى اجراءات اضافية ) !!!!!!!!!. فتذكرت احد الاخوة اجاه نفس هذا الايميل قبل اكثر من سنتين. يعني اخوكم جاجيــك نامت على الفيزا مالته الطابوكــة الماسية وملفه دخل بمنطقة الثقب الاسود مثل ما سماه احد الاخوة ههههههههههههه.

اشكر كل من سئل عني .

تحياتي


ربي يعافي مريضكم ومتشوفون شر اخوية جاجيك
حمد لله على السلامة وربي ييسر امرك

163
مرحبا اخوان, اشلونكم ؟ انشالله بخير...
حبيت ابشركم انه البارحة اجاني ايميل الفحص الطبي.
طبعا اني مقابل بالسفارة بانقرة واجاني ايمي الفحص بعد 190 يوم من تاريخ المقابلة.

الف مبروك اخوية ابو سفيانـ، ربي يوفقك بحياتك ويسهل باقي الاجراءات
تحياتي وتمنياتي بالخير للجميع

164
اخي العزيز لو تجيك الوصل مال مكتب ال DHL و تشوف الظرف استلموا جماعة السفارة لو بعد؟ اكيد انت تعرف الطريقة لكل ظرف رقم تسلسلي و عن طريقة تشوف السفارة استلموا لو لا ؟
كل شئ جائز لربما متأخر الظرف اللي بي جوازاتك؟ لا سامح الله بس الواحد يتأكد احسن ؟
و تحياتي

حبيبي سمارت هذا التاريخ يطلعلي وهذه التفاصيل
Sunday, July 31, 2016 at 12:30
Delivered - Signed for by : PERREE

يعني حسب ما اعتقد واصلات والان في سي البارحة دزولي رسالة كالولي احنه مكملين ملفك
بس اريد اعرف الاجراءات الادارية بيد منو (الان في سي لو السفارة)؟

165
الاخ LORCA تحياتي و الله يكون بعونك
اخي لا ترهق نفسك بالتفكير الزايد اللي بي خير الله يقدمه
اترك الموضوع ع السفارة وانطيهم كل اللي يردوا
انت صبرت هواية لا تفقد اعصابك... تحياتي
وان شاء الله قبل نهاية الشهر تصدر الفيزا مالتك ان شاء الله

صديقي العزيز سمارت شكرا على ردك
المشكلة يا اخي ان صارت عندي بنهاية شهر 6 تحديثات مشابهة لتحديثات الاصدار الي هي التحديثات المتتالية، يعني ماكو شي يأخر (المفروض) وتالي من دزيتلهم البايو داتا الجديدة مال الجواز الجديد كالولي احنه ننتظر جوازاتك توصل، وهاي الحجي صارله 18 يوم من استلموا الجوازات ولا حس ولا خبر، طبعا دزيت انكويريات اثنين صار يوم 3 تحديث وره مدزيت انكوايري، والبارحة دزيتلهم هم والان في سي، هم لا حس ولا خبر والان في سي ردوا عليه كالولي احنه كملنه ملفك وشغلتك يم السفارة
ما ادري بعد ربك كريم واعلم بالحال والي صار
تحياتي صديقي وربي ييسر امرك

166
اني بالنسبة الي صدك برج من راسي راح يطير، ادري شنو صارة 18 يوم من استلموا الجوازات (للمرة الثانية) ولحد هسه كلشي ماكو، مرة دزيتلهم استفسار صار تحديث والبارحة دزيتلهم استفسار كلشي ماكو لا تحديث ولا صخام بعينهم، من انعل ابو السفارة لابو هالشغل التعبان

167
الاخ تارازا الف سلام ويارب تكون اوضاعك في بلاد العم سام تماما التمام!
و تحياتي لكل الاخوة الكرام
الحمد لله لا جديد سوا تحديثات متباعدة
شكرا للسؤال بصراحة اشتاقيت للمة الحلوة في خانة الSIV  يارب يكون كل الاخوة اللي سافروا بخير و عايشين براحة
ننتظر مشاركاتكم بفارغ الصبر تحياتي

الخ جاجيك صار فترة طويلة ماكو اخبارة يارب يكون بخير

سلامي للجميع

والله اخوية سمارت اني هم مشتاق لذيك الايام، عسى الله بس نتذكرها بالخير

168
هشام هشام
اخوية شنو اخبارك شصار وياك، شكلي اني طبكت عالسرة وياك
الشتلة الزينة من السفارة، بلكي الله اكو خبر زين منك تفرحنه باستلامك للفيزا او سفرك

169
اخوانی الکرام بشکل عام،  الاخ جاجیک و LORCA و smart_eng1980 و......الخ، ما اسمع اخبارکم و مرورکم، شنو صار ویاکم؟؟؟؟؟؟

مع حیاتی


اخوية تارزا الورد، حمد لله عالسلامة ومشتاقين صديقي العزيز
اسف على الانقطاع وعدم التواصل وياك بس الضروف الي مريت بيها جانت حيل صعبة
اني قصتي قصة اطول من يوم السبت (من جان مو عطلة)
اني وصلت اوراقي يوم 18-6 مثل ما تدري انت بوقتها جنت بعدك ممسافر
يوم 29-30-1-2 صارن عندي تحديثات متتالية
يوم 3-7 اجاني ايميل من السفارة يكول اكو غلط بجوازي بتاريخ الميلاد(الان في سي)
طبعا اني مبلغهم عليه سابقا وكلتلهم يحتاج اعدله، كالولي ميحتاج، وبالسفارة بالمقابلة كلتلهم يحتاج اعدله وهم كالولي ميحتاج
المهم يوم 3-7 اجاني ايميل منهم كالولي لازم تعدل الجواز واحنه دزينه جوازاتكم بالدي اتش ال حتى تعدل جوازك، اني صفنت بوقتها زين لمن ما هو جوازي فقط الي يحتاجلة تعديل، زين ليش دزوا الجوازات البقية!؟
عموما رحت استلمت الجوازات وبلشت بمعاملة تعديل الجواز الي صارت قصة عنتر لان لازم اطلع بطاقة وطنية، وطلعتها (بفلوس) حتى استلمها بسرعة ها واحسب اسبوع عيد صادف بنص الاجراءات، المهم استلمتها ورحت ايضا عدلت الجواز (هم بفلوس) حتى ليتأخر واستلمته يوم 26 وسويتله سكان للبايو داتا مال الجواز ودزيته وكلتلهم اني دزيت الجوازات برسالة، وراها رجعولي ايميل بنفس اليوم كالولي اوكي اخذنه ملاحظة على جوازك واحن بأنتظار جوازاتكم. وصلت الجوازات يوم 31-7 وراها اني ارسلت رسالة بتاريخ 3-8 اسألهم عن الجوازات، صار تحديث الي وهذاك يوم وهذا يوم وما احجيلك الحالة النفسية شنو هسه. بالمناسبة اني ما ادري هل هو تحديث عالرسالة مالتي ام هل هو تحديث انهم استلموا الجوازات، الصراحة دايخ ومدا اعرف شأسوي، علما اني جيكت عالتسلسلات (case numbers) الي جواية وفوكاية، وصار عدهم تحديث بنفس هذا التاريخ تقريبا اربع كيسات، واثنين من عدهم صار اصدار.
الصراحة اني ساكت جنت وما اريد احجي حتى لا احبط احد بس انتوا اخوتي وما اعرف وين انطي وجهي وكلت استشيركم شنو الي اسوي والله ما اعرف؟

تحياتي للجميع

170
الاخ العزيز  بما انه انت مكمل المقابله والاستماره ds. 172.  فمن الافضل انه تغير الجوازات التي بها اختلاف بالاسم
والاحسن ان تسأل المكاتب بقرب دائرة الجوازات بدل التالف شنو اجراءاته والضائع  شنو الاسهل 
ويمكنك تصحيح الاسم من خلال كتابة الاستمارة وتقدر تغير بالانكليزي مثل ما تريد

استغل الوقت ما دام انت بعدك مراجعه اداريه
تحياتي
+1، واخاف سألت او تريد تسأل الان في سي فلتعتمد على اجاباتهم ولا اي جهة اخرى غير السفارة لان من تكللهم كالولي هيج سوي راح يكولولك مالنه علاقه سوي الي نريده احنه ومعلينه بالان في سي ، فيأما تسويها رأسا وهو الخيار الافضل حتى اصلا متوصل للسفارة او راسل السفارة وكوللهم اكو مشكلة لو لا اذا بقن اسمائي بهالسبيلنك، اذا كالولك ماكو مشكلة تمشي السالفة وهم يصلحوها من يمهم، اما اذا كالولك بيها مشكلة فغيرها وتره تتغير لان اكو مليون طريق تكدر تغيرهن عن طريقة (رسمي وغير رسمي)

172
استاذي الكريم هي المفوضية السامية للاجئين بعد اجراءات طويلة وانتظار قاتل عود دتحولك على اي او ام، واصلا مراح يقبلوك لان عندك ملف بالاي او ام. اما اذا تريد تسافر فسافر وكمل الاي او ام مالتك من الاردن او تركيا (اذا يصير تكمل من تركيا)
فعوفه لملفك وهو يجيك، اني حالي حالك هم اي او ام من 2013 ولحد هسه حتى مقابلة اولية ممقابل، بس عندي ملف اس اي في وكاعد انتظر رحمة رب العالمين
تحياتي

173
لا اخوان ما دزولي اعادة فحص

والله استاذي العزيز ما اعتقد اكو اصدار فيزا بدون فحص طبي وعدم محكومية جديدة واعادة قسم، هذا الي اعرفة، الي مثل حالتك يسوولهم اعادة مقابلة بعدم محكومية جديدة وفحص طبي جديد، تجيبهم وياك بيوم المقابلة (بدون اجراءات ادارية يعني تجييك امني) ويكون اصدار الفيزا بخلال اسبوعين (تقريبا) وهذا مو رأيي هذا بحكم الي سامعه وشايفه هنا ومن اصدقاء اخرين بره المنتدى، ويارب تتغير هاي السالفة على كصتك ويطكوك بأصدار للفيزا بلا هالشلعان كلب
اعتقد ملفك جاهز بس بعد ملف زوجتك لان تحديثاتك مال ملف جاهز
تحياتي ويارب يسهل امرك

174
اخويا بالك امين فقط اجراءات ادارية اضافية على ملفك داخل السفارة
تحياتي

ايوب بشر شخبارك شصار من ملفك؟

176
اخوية نصيحتي الك اكعد واسكت بمكانك، فات الكثير وبقى القليل. بالنسبة للتأثير فنعم العودة تأثر على ملفك. هاي شغلة شغلة اخرى تره تكدر تشتغل بلا اوراق عمل، بس حاول تشوفلك مكان عرف. اني 3 سنوات بعمان ولا دقيقة كعدت شغل من اول يوم لأخر يوم ومحد كلي على عينك حاجب، فتوكل على الله واشتغل وربك يسهل الباقي

177
اخي العزيز لازم يجيك اوتو ريبلاي ومثل ماكال اخوية قسم الايميل وحاول تحول الصور الى بي دي اف حتى حجمهن يصغر، اذا متعرف شلون تسويهن فسوي للصور drag drop عال office word وراها سيفها الى بي دي اف

من تريد تحسب الفترة الزمنية بين هاي المرحلة والمقابلة احسبها من وقت ما يرسلولك رسالة انهم استلموا الاوراق مو من تاريخ ملئ الدي اس 260، مثلا اني من وقت الدي اس 260 لغاية المقابلة طولت 8 اشهر، بس من وقت استلامي لايميل انهم استلموا الاوراق لغاية المقابلة طولت 10 ايام

تحياتي وارجو اني فدتك

178
اخي العزيز
سويت ربلاي عالايميل اول مرة ووراها دزيت مرتين الاتاجمنت مال المعلومات وماكو اي تحديث عالكيس ... انه استلموا او رد  من قبلهم

حبيبي اذا الايميل جايك من السفارة فلترد عليه مباشرة، رد عالموقع مالتهم
وخلي العنوان other وراح يردون عليك بسرعة ويصير عندك تحديث ان شاء الله
هذا الموقع
 http://iraq.usembassy.gov/ivform.html
تحياتي

179
مرحبا اخوان اني من جماعة المقدمين 2011 ولحد الان نايمة البلوكة عليه المهم اتحولت الحالة  من / الى or  بس الغريب بالموضوع انه اجاني ايميل طلب معلومات كما هو موضح وجاوبتهم عليه وابد مدا يصير تحديث عالكيس وصار تقريبا 8 ايام على هذا الحال وعدت الايميل مرتين داسئلهم انه استلمتوا الاتاجمنت مال المعلومات ومحد ديبجاوب ولايصير تحديث عالكيس ارجو ان تفهمونه شنو القصة واني الممنون
هذا الايميل
We are still processing your case and hope to complete the process as soon as possible. Please answer all questions listed below for you ,your wife and your daughter , also fill the attached documents for all of you .then send it to us as soon as possible:
 
 
FATHER (full name and year of birth):
MOTHER (full name and year of birth):
CHILDREN (full name and year of birth):
BROTHERS (full name and year of birth):
SISTERS (full name and year of birth):
TRIBE NAME:
POLITICAL PARTY MEMBERSHIP (previous or current):
EDUCATION HISTORY:
EMPLOYMENT HISTORY:
GOVERNMENT EMPLOYMENT:
HAVE YOU SERVED WITH THE MILITARY:
HAVE YOU INVOLVED IN ANY COMBAT:
HAVE YOU BEEN FIRED FROM ANY JOB:
WERE YOU DENIED BASE ACCESS:
HAVE YOU BEEN EVER FINGERPRINTED:
HAVE YOU EVER APPLIED FOR REFUGEE STATUS:
HAVE YOU BEEN ARRESTED BEFORE FOR ANY REASON:
HAVE YOU EVER HAD PROBLEMS WITH THE POLICE:
PASSPORT NUMBERS OF ALL YOUR OLD PASSPORTS:
PHONE NUMBERS:
HAVE YOU LENT YOU CELL PHONE:
HAVE YOU THREATEN OVER CELL PHONE:
COUNTRIES VISITED:

اخوية اتوقع هاي اعادة مقابلة لان الاسئلة كلها اسئلة مال مقابلة، بس غريبة اول مرة اشوف هيج حاله! انت وين ارسلتلهم الرسالة عالموقع مال السفارة لو عالايميل الي طلبوا بي منك الاجابة على هاي الاسئلة؟

180
اخواني الله يخليكم بس كلولي هذا الرفض يشمل الكل لو بس احد افراد العائلة لأن رقم اربعة انرفض وهو نفس تاريخ ميلاد ابني اللي صار 21 سنة فيا ترى هو هذا السبب لو شنو لو اني ابو الكيس رقم اربعة والبقية هم وياية انرفضو بس هما ممأشريها ارجو التوضيح وشوفو الصورة

حبي اذا انت صاحب الكيس يعني المقدم الرئيسي فأنت رقم واحد بالكيس يعني اول اسم
السؤال هو، شكالولك بالايميل؟ رفض الكيس لو شنو؟

181
السلام عليكم ورحمة الله وبركاتة
اولا ايامكم سعيدة وكل عام وانتم بخير واسف على الانفطاع لانشغالاتي الكثيرة وايضا ابارك الاخ تارزا على موعد السفر وانشاء الله توصل بالسلامة
ثانيا والحمد لله والشكر وييركة الصلاة على محمد وال محمد تم اصدار الفيزة بتاريخ 6/7 بعد ثلاث تحديثات متتالية بمعدل تحديث واحد كل يوم اما اليوم الاخير وهو يوم 6/7 حدثت ثلاث تحديثات في التحديث الاخير تحول الor الى / بالنسبة للبالغين فقط ثم بعد ذلك تحول الموقع من معالجة ادارية الى اصدار
تمنياتي لجميع الاخوة المتاخرة معاملاتهم بالفرج العاجل وانشاء الله تتيسر امورهم ونسمع اخبار مفرحة منهم
اخواني الاعزاء اي سؤال او استفسار اني حاضر
بالمناسبة ردت اسال للي عندة خبرة اشكد مسموح ان يحمل مبلغ للشخص الواحد
تحياتي

الف مبروك اخوية كلكامش، ربي يسهلها عليك وعلينا اجمعين يارب
بالتوفيق

182
شكرا صديقي العزيز تارزا على المعلومات
بالنسبة لي لم يحدث اي تغيير ولا تحديث
كل عام وانت بالف خير صديقي ويارب السفر السهل والتوفيق بأميركا

183
كل عام وانتم بألف خير شباب، لا جديد يذكر بعدنه على حطة الايد والله كريم

184
اخوان ربي يعيد عليكم رمضان بالصحة والبركة
مدنكدر نعيد احد على خلفية احداث الكرادة
بس يارب يسهل امورنه جميعا

185
الاخوة الاعزاء في المنتدى
ارجو نصيحتي بالتالي .. بعد حصولي على الكوم ابروفل احاول الان ارسال جميع الوثائق لنبراسكا .. لكن جوازي العراقي منتهي الصلاحية
وقمت بالتقديم على جواز جديد .. هل تنصحوني بالانتظار لحين استخراج الجواز الجديد وارساله ام ارسل الوثائق مع الجواز القديم؟
هل تتم الموافقه على جواز منتهي الصلاحية؟

لتستعجل لتصير عليك الشغلة شغلتين، حقك محفوظ ماطول محصل كوم ابروفال، استخرج جواز جديد وارسله افضل

186
الأخوة الأعضاء
استاذ جوزيف ما يريد كفيل لأن إستمارة DS260 ما تحتاج كفيل
هوه يريد عنوان بريدي وإسم فقط حتى يرسل عليه الكرينكارت وبس
لا كفالة ولاشي بس عنوان بريدي لمنزل وليس لشركة أو ما شابه
وراجعو الأخوة الي بالمنتدى من أهل الخبرة وهم يطمنوكم
الست ساوند أرجو مساعدة الأستاذ جوزيف
وتحياتي

اخوية العزيز هذا عنوان الكفيل والكفيل نوعين مادي او معنوي واغلبيتهم معنويين، وهذا العنوان هو نفسه الي راح يذكره بالفحص الطبي ونفسه راح يذكره باستمارة المساعدات، شلون يعني قابل يحط عنوان من كيفه، غير كفيله ( مو شرط نفس الشخص الي كتبله الريكومنديشن) ممكن يكون صديق اله او عرف حتى بعدين يستلم الكرين كارد على عنوانه، ويكون بالولاية الي هو يريد يروح عليها عليها

187
ها يريد كفيل والله لوما عندي اثنين اشخاص اتكفلتهم اجان ماعندي مانع اتكفلة شكو بيها

ان شاء الله ربي يسهلها عليه ويلكه كفيل من الطيبين هنا من المنتدى، للاسف انا في العراق حاليا بالانتظار، لو كنت بأميركا كان ساعدته

188
عليكم السلام..
عيني اني ارسلت الجوازات للسفارة ووصلت يوم 15-12 وصار عندي تحديثين بعدها  17,18 -12 وبعدا صارت سكتة استمرت 57 يوم بعدها صار تحديث وبعد يومين صار عندي ثلاث تحديثات مال اصدار الفيزا ... تحياتي


ممنون منك اغاتي ربي يسهل امرك

190
اخویة LORCA هم في یوم الجمعة اکو تحدیثات ... اني چم مرة صاییر تحدیثات في ملفي و جایلي ایمیلات في ایام جمعة ... في الکیس مالي اکو تطورات و راح اکتبها بخطوات الکم و احط المدة ما بین الخطوات  حتی تستفادون منها... انشاء اللە نسمع منکم اخبار مفرحة و راح یکون العید عیدین.

مع تحیاتي


ان شاء الله خير اخوية بلكي تطورات ملفك ايجابيه

191
اخواني الاعزاء ماکو اي شئ یمکم ....اخوية LORCA  فرحنا، انشاء اللە عندک تحدیثات....

مع تحیاتي


لا صديقي كلشي ماكو واعتقد باجر وعكبة اوف السفارة ماكو شغل، يعني ليوم الاحد ونرجع ننتظر من جديد والله كريم

192
استاذي هاي معلومات الكفيل، لازم يكون عندك كفيل للن راح تنطلب منك في المراحل القادمة، ماعندك اي عرف بأميركا؟ ممعقولة ماعندك ولا واحد هناك!

193
ها اخویة LORCA بشرنا، ماکو اي شئ جدید... لو ننتظر حتی باچر و یجیلک التحدیث الاول ؟؟؟؟

مع تحیاتی


والله اخوية على حطة ايدك بلكي الله صدك باجر

194
الحمد لله على سلامة الوصول اخ امير بالتوفيق انشاء الله , عود ارسلي رقم تلفونك برسالة... تحياتي
ابو ريم


ابو ريم اخوية بلا زحمة، انت جوازاتك بقت 56 يوم بالسفارة يالله استلمتها، هم كانت فترة الانتظار بلا تحديثات بعدين بالنهاية صارت تحديثات، لو صارت عندك تحديثات اول ما ارسلتهم؟ يعني شكد وصارت اشود؟

195
طلب الاخ الا ان يكون مواطن حامل الجنسية . واما الكرين كارد فقط الزوج او الزوجه والاطفال والام والاب

أسمك بشدة  ;D

196
السلام عليكم اخوان
اني اخوكم يمكن اقدم واحد بالكروب بس مشاركاتي كلش محدودة اني الكيس مالتي يقرا 2010 صار اكثر من شهر من اتحولت من /الى or صدكوني مليت من كثر الانتظار بس ما اعرف شنو اسوي .ادز ايميل او انكيوري
صار اكثر من 6 سنين حرب نفسية والله كريم اخوان الي عنده نصيحة ارجوكم لا تبخلون علينا بيها

استاذي انتوا كم نفر بالكيس؟ اذا اكثر من نفر فجيك بقية الاشخاص احتمال بعدهم، واذا بوحدك فمالك غير ان ترسللهم وتستفسر منهم، هو اول تالي يحقلك استفسار كل اسبوع، زين من ترسللهم يصير تحديث على ملفك؟

197
حبيبي لوركا بالموقع صار أيشيود لو لا ؟؟؟
أذا صار أيشيود لا تخاف مرات تتأخر بالسفارة ... مثل ما تتذكر أخونة أبو ريم أتأخرت الجوازات مالته بالسفارة تقريبا شهرين حسب ما أتذكر ...
تحياتي .


اموري بالنسبة لابو ريم، تتذكر المدة بين ارسال الجوازات وبين مصارت اشود؟ لو طولت 57 يوم يالله صارت اشود؟

198
وره ميتجنس يكدر يقدملك معاملة لم شمل وعاد تشوف شكد تستغرق بالنسبة للاخ ، بوضعه الحالي كلشي ميكدر يقدملك عدا ان يصير الكفيل مالتك والشخص الكفيل لا يقدم ولا يأخر من ناحية التسريع.

199
حبيبي لوركا بالموقع صار أيشيود لو لا ؟؟؟
أذا صار أيشيود لا تخاف مرات تتأخر بالسفارة ... مثل ما تتذكر أخونة أبو ريم أتأخرت الجوازات مالته بالسفارة تقريبا شهرين حسب ما أتذكر ...
تحياتي .

لا اموري مصارت اشود، بعدها على اخر تحديث قبل ايميل الفحص الطبي، اني صار اخر تحديث عندي يوم 8 بالشهر، بنفس اليوم اجاني ايميل الفحص الطبي، الموعد تأخر سبوع بسبب الزخم بالعيادة، رحت يوم الخميس المصادف 16 - 6 وراها بيومين استلمت الجوازات والفحص وبنفس اليوم رحت للدي اج ال دزيتهم (18-6)، وراها بيومين وصلن للسفارة اي بتاريخ 20 -6، ومن ذاك اليوم لهذا اليوم الامور باقية مثل ما هي، مصار اي تحديث ولا اي تغيير بالموقع، يعني بعدني على اخر تحديث بتاريخ 8 بالشهر، رأيك اخوية؟

200
حبيبي لوركا بالنسبة للأوزان كل شخص يحق له جنطتين ابو العشرين كيلو أي كل شخص يحق له 40 كيلو زائد جنطة ظهر 7 كيلو زائد لابتوب 5 كيلو هاي تاخذها وياك بالطائرة ... هاي بالنسبة للخطوط الجوية التركية ...  اما بالنسبة للمبلغ أعتقد كل شخص يحق له أقل من 10000 دولار ... نصيحة مني لا تاخذ مبلغ جبير وياك لأن مثل ما أتذكر أحد ألأخوة ذكر بالمنتدى أنه أحد ألأشخاص ضاع منه مبلغ 2000 دولار بالمطار في ألمانيا ...أعتقد أنخمط بالفلوس ...  :D :D :D
تحياتي .

ممنون اموري الورد، اكلك امير انت اول مدزيت الفحص الطبي والجوازات صار رأسا عندك تحديث لو بعدين صارن تحديثات متتالية عندك، لان اني صار اسبوع من دازهن ولي حد هسه كلشي ماكو، يعني اي تحديث مصارلي مع العلم بالموقع مال دي اتش ال كايلين انو الشحنة وصلت للوجهة يوم 19 بالشهر ؟! هل هذا الموضوع عادي لو الجماعة لابسين الكيس؟

201
مرحبا  استاذ اني صارلي 158 يوم وكلشي جديد ماكوا ويمكن سبعة الاف انكواير دزيت وبلا جدوى بس قبل يومين صار تحديث على ملفي فقط والزوجة والجهال باقيين على التحديث القديم والله المستعان
تحياتي

يا الله بلكي الله اخوية يعوض صبرك خير، انت ابد مو مال تعيد الفحص، اتذكر كلفك بوكتها فوك العشرين ورقة، بلكي يارب متحتاج تسويه بجاه شهر رمضان وتحص الفيز بأسرع وقت

202
مرحبا اخوان.
اسف على الانقطاع بس اشوية جنت مشغول وهم ماجان اكو شي جديد بملفي. اليوم صار 137 يوم من قابلت ولحد الان بانتظار ايميل الفحص الطبي.
الف الف مبروك للاخ ته رزه و لوركا وجاجيك  يارب نسمع اخبار وصولكم لامريكا عن قريب ويارب الفرج العاجل لبقية الاخوة .

حبيبي الورد، ربي يبارك بيك ويسهل امرك بجاه السميع العليم

203
اخوية العزيز LORCA, كلامك كله صحيح و سالتهم ان تنتهي الاجراءات الادرارية يلة يرسلون طلب الفحص الطبي زين ليش هالتاخير و ماكو رد. لو مكشلة بالفحص الطبي كان على الاقل مطول خمسة اشهر.
ان شاء الله قريبا تصبح عندك الفيزا issued بجاه هو السميع العليم.


لا اخوية ماكو مشكلة بالفحص الطبي، لان جان كلولك وقت استلام النتيجة، مثل مذكر تارزا وهسه هم تأكدت لان خابرت على شخص بعيادة اور وكلي هالحجي هذا، ما اعرف شكلك صديقي بس ربي يفرجها عليك وعلينه جميعا، لان هاي اول حالة يمكن نصادفها هنا بعد متحول الفحص الطبي وره المقابلة

204
اخویة LORCA اني لما رحت الی الفحص الطبي، و الستاف الي یسوون الفحص هم من موظفي الIOM, قبل الفحص شرحولنا کافة تفاصیل عن االفحص، و گالوا اذا لا سمح اللە انکشفت بانە عدکم مرض شئ، ما راح تنرفض السف مالک، گال بس تتاجل تسلیمک نتائج الفحص لثلاثة الاشهر حتی تاخذون العلاج و..الخ. قصدي انە اذا رجعوا نتیجة الفحص الیک، هذا یعني ان الفحوصات کلها ناجحة ....

مع تحیاتي


عاشت ايدك اخوية على هالمعلومة
يعني ميكتشفون ان اكو مشكلة بالانسان بداخل السفارة، من واحد يسلم الفحص يعني كلشي مابي

205
السلام عليكم اخواخوية شكرا على مرورك
اني بعدني ممقدم واريد اقدم هسه
واكو شي مفتهمته شنو رسالة اتش ار مال تاكيد العمل شلون احصلهه اني
اتعاقدت ويه شركه امريكية من ٢٠٠٦-٢٠٠٨ وعندي صور باجات الشركة والخضراء ومجموعة ركمندشنات من الشركة والجيش بسس هاي الرسالة ما عندي
اضافة اني ساكن ابغداد اشو الرابط مال حضرتك مكتوب اي او ام اردن ممكن توضيح مع الشكر
حبي باوع، الرابط الثاني هو مال تجييك ملفات مو مال تقديم، وكلنه نجيك عليه، لان موقع المنظمة بالاردن، اما الاHR LETTER  فهي رسالة تأكيد عمل وراح يطلبوها منك عاجلا ام اجلا
هذا الي اعرفه اني، لازم يتأكدون انك مشتغل والريكومنديشن بوحدة ميكفي فأنت راسل الشركة او الوحدة واطلبها منهم (لازم) لان ليش تسوي عليك الشغلة شغلتين،أو اذا تحب بس حتى تخلص مرحلة، ارسللهم الباجات والريكومنديشنات على الايميل الي كتبتلكياه وهم بعدين راح يجاوبوك يكولولك دزلنه الhr letter

الي صار ويايه شخصيا، دزيتلهم الباج والريكومنديشن وبعد 6 اشهر دزولي كالولي دزلنه الاتش ار لتر وهم رجعت نامت وراها كالولي دنتصل بالايميل المكتوب بالاتش ار ومديرد علينه وهم رجعت نامت، كول الى ان وصلت لل HR ماكلتلها سنة ونص بالضبط، وهاي اني تقديم 2013 وبعدني مقابلة اولى ممقابل لحد الان من وره هالخرابيط هاي، فأنت اختصرها اخوية ومن هسه راسل الوحدة او الشركة وجيب الاتش ار ودزلهمياه كاملات حتى ليكعدون (يطلعولك بلتيقات) اني هيج افضل

206
اخویة العزیز LORCA، بس لما ترجع علی الجدول مالي، اني کتبت بانە ما متاکد من المدة ما قبل اول تحدیث. گلت یمکن هالمدة مال الکیس مالي الي کانت حوالي ١٠ ایام، کان بسبب المشاکل الي چان عندي بسب التعلیق. بس هس انت احسب حوالي ١٠ ایام بعد الوصول الجوازات بیدهم حسب الموعد مال الDHL، و انشاء اللە راح تفرحنا باخبار حلوة في الاسبوع القادم. اخویة العزیز، اني عند وصول جوازاتي و الفحوصات الطبية بید السفارة، رأسا و بعد یوم واحد ارسلوا الي ایمیل و گلولي بان عندي نقص و العدم المحکومیات مال اطفالي لازم اغیرهن، یعنی اذا ما عندک مشکلة، ما راح یرسلون اي ایمیل لک، و الجواز یخلوە علی ماکنة شویة بطیئة، یمشي داخل غرف و بالاخیر یطلع من الماکنة ویا الڤیزا. ( بس اکو ناس یگولون بانە یطول ما بین اسبوعین الی ٢٥ یوم و تگدر تشوف هل لنک بفیس بوک https://www.facebook.com/photo.php?fbid=1162000683863027&set=gm.601264623375629&type=3&theater)

مع تحیاتي


صحيح اخوية رجعت قريت الجدول مالتك، عموما ربي يقدم الي بي الخير ولو المعنويات هسه عندي صفر وره مقريت رد اخوية هشام وشكد صارله لحد الان بدون فيزا

207
السلام عليكم

اصدقائي شلونكم؟
هاي عبرت تقريبا ٥ اشهر بعد اكتمال الفحص الطبي و ها ابشركم لح يصير اكسباير و ماكو ولا تحديث و لا رد. اكو احد صاير وياه هيجي؟ شنو فايدة الفحص اذا ماكو فيزا و صار اكسباير؟ والله العن ابو ال SIV الي جابلنه الاحباط و الاذية هيجي حظ مشايف.

تحياتي


اخوية هشام وعيونك بطني كامت توجعني من قريت الي كاتبه، شنو هاي يمعود شنو خمس اشهر؟!! اكو شي غلط لان مستحيل هالتأخير، هم اصلا سووا الفحص الطبي بعدين حتى العالم لتخسر فلوس مثل قبل، لان جانوا يسوون فحوصات قبل المقابلة ويتأخرون أو ينرفضون ويخسرون فلوس، هسه العالم دتسوي الفحص الطبي وره المقابلة كدليل على انتهاء الاجراءات الادارية، زين سؤال، سألت على نتائج الفحص الطبي مالتك، يعني لا سامح الله اكو شي غلط بي؟!

209
اخوية موقع جديد شنو، انت تريد تقدم لو مقدم وتريد تجيك
اذا ممقدم
فأرسللهم ايميل على هذا العنوان  ic@iom.int  بي تفاصيلك الي هي الباج والركومنديشن ورسالة الاتش ار مال تأكيد العمل
واطبك عالسرة وانتظر، عاد شوف هم شيطلبون منك وعادة يراسلوك اول مرة بعد عشر ايام يكولولك شصار وياك

اما اذا مقدم وتريد تتابع ملفك
فهذا الرابط مال تجييك الملف
https://www.jordan.iom.int/refinfo/Login.aspx

تحياتي

210
والله يا صديقي حسب علمي ان الترانيزت ماله علاقة لان انت اصلا مراح تختم دخول، مجرد تروح وتنتظر بالقاعة، يعني مراح يشوفهم جواز اصلا، ثانيا هو الوجهة مالته مو تركيا الوجهة مالته امريكا فأعتقد المنظمة عدهم علم وميطيروه على تركيا اذا اكو مشكلة عليه
هاي شغلة، شغلة ثانية شو متكررة سالفة ترانزيت تركيا، اخونه علي طلع ترانزيت تركيا، وهسه صديقك، زين هي مو على عمان لو اني غلطان؟ وبالمناسبة Ali2014 الي هو علي سافر على تركيا وعانى من مشاكل وياهم هناك حتى نصحنه كال لحد يطلع على تركيا، تكدر تستفسر منه
تحياتي

211
یا عیونی LORCA, انی بعد وصول کل شئ الی السفارة ب ١٠ ایام یلا صارت اول تحديث، فکن متاکد بانە بنص الاسبوع الجاي ( الثلاثاء او الاربعاء) راح یصیر تحدیث اول ....... و اراهن علی هذا.

مع تحیاتی


ريحتني صديقي ممنون منك، اني لان قست عالتواريخ الي انت كتبتها بالبداية كلت تاخرت

212
ارجو من الاخوة الي ارسلوا الفحص الطبي والجوازات يكولولي شكد وصار عدهم اول تحديث بعد ارسال الجوازات والفحص الطبي
تحياتي

213
صديقي تارزا الجوازات والفحوصات صارلهن اربع ايام بالسفارة ولحد الان ماكو اي تحديث، وما اعرف هل هذا الشي عادي ام لا لان اني الي اعرفه يصير تحديث رأسا وره ارسال الجوازات والفحوصات، علما اني جيكت بالموقع مال دي اج ال وكالوا انه يوم 20 وصلت الاوراق للوجهة المطلوبة، وشغلة الكفيل قررت انتظر الى تصير الفيزا اشود واستلم الجوازات وبعدين احير بيها

214
تارزا صديقي، الولد الي كلتلك عنه جان عنده مشكلة ويه جندي امريكي ( ضاربه) ولهذا السبب انرفض التشيف اوف مشن مالته، وبعدين قدم استئناف وهراهم هري بالرسائل لحد موافقوله عليه وطلع بس مكدرت اعرف دزوله اوتو ريبلاي ووره شكد يالله وافقوا عليه

215
جاجيك صديقي، لازم الكل يصير OR عدا الاطفال
بحالتك اعتقد التجييك الامني خلص لأفراد العائلة الي صاير عدهم OR بس انت بعدك، طبعا تستثني الاطفال ان وجد، لان هم ماعدهم تجييك امني والسلاش متتحول
بالنسبة الكم من تتحولون كلكم الى OR يعني معناها فحص طبي، وراها من تتحولون الى سلاش يعني تستلم الفيزا
وهم نشوف رأي اخونه علاوي وبقية الشباب

216
علاوي صديقي حمد لله عالسلامة اخوية، مفتقديك جدا، يارب تتوفق وتتهنى اخوية
علاوي انت سافرت على حسابك؟! لان الي اعرفه خط الرحلة هم يفرضوه عليك مو بكيفك تختاره
وشغلة ثانية عادي تكدر تغير البيت؟!
تحياتي اخوية

217
ماكو شي اسمة 99 بالمية مع احترامي لصاحب الرأي
الفحص الطبي معناه موافقة المحلف المبدئية وهاي خطوة جيدة جدا بالملف بس مو معناها السفر لان السفر يعتمد على موافقة دائرة الامن الوطني الامريكي، لان وراك تجييك امني وعند استكمال التجييك الامني عود وقتها تكدر تكول الموضوع شبه منتهي، وان شاء الله ربي يفرجها عليك عزيزي وتفحصون وتسافرون جميعا

218
للاسف اخوية تارزا اخباره مقطوعة عني بس راح احاول اسأل معارفي عليه بلكي احد ينطيني رقمه

219
صديقي ماطول قبل المدة ليخاف وربك كريم، بالنسبة للاوتو ربلاي فأعتقد عادي المهم هو دزلهم وهسه راح يردولة خبر بس المهم يكون دازلهم اتش ار لتر و ريكومنديشن (الاثنين سوه)
عندي ولد انرفض التشيف اوف مشن مالته وقدم استئناف طبيعي وهسه هو باميركا، وايضا ننتظر نشوف الاخوة

220
و اللە صدیقي العزیز، حسب رأی ارسلها لکلاهم، الsiv_ope@iom.int و السفارة ... بس لا تطلب منهم، اول شئ استفسر عن القضیة، ثم قرر...بس گول لي، هذا صدیقک (کفیلک) صارلنا سنین و ننتظر و ما لگی الشغل، الا عند حصولک علی الڤیزا لگی شغل جدید و بولایة اخری... اخ منە ....؟
انشاء اللە ما یصیر الا الخیر و تتعدی هالمسالة.

مع تحیاتي


صارله تقريبا اربع سنين بهاي المنطقة وهسه اجاه شغل، دتشوف اخوية اخوك شلون عليه رجل خضرة  ;D
ما اعرف والله راح انتظر اصدار الفيز وبعدين اشوف شلون احل هاي القضية

221
صديقي تارزا حسب ما اعتقد ان السفارة مالهم علاقة بمواضيع الكفيل، اعتقد الي عليه بسالفة الكفيل هو الاي او ام لو شتكول؟

222
اخویة LORCA ما عندي تجربة شخصیة علی هالمسألة، بس الي قریتها بالمنتدی و الگروپات، یگولون راح یأخر السفر مالک اذا تطلب هس التغییر، بس اذا تدور علی کفیل اخر بنفس الولایة یکون احسن ..... و اللە اذا تسأل کفیلک علی ان لا یسافر حتی انت تسافر یکون احسن ...

مع تحیاتي


صديقي شكرا عالجواب، المشكلة انه اجاه عقد عمل بغير ولاية واني ما اكدر اكله لتروح، وتعرف انت المنظمة راح تتصل بي علمود ترتيبات الانتقال
 اضافة الى الكرين كارد راح يوصله على عنوانه واني ما اريدها لهاي الولاية الي راح يحولها، نعم عندي كفيل بنفس الولاية وبنفس المدينه همين، فشلون اغير من اوصل وهو اصلا راح يطلع قبل لا اوصل اني؟!


223
حبيبي اموري بالنسبة للاوزان شكد اخذت وياك للنفر، وبالنسبة للمبلغ المالي شكد مسموح لكل نفر، تحياتي

224
السلام عليكم ....
شلونكم أخواني أنشاءالله بخير و صحة ؟؟؟؟
أولا أخواني أنا أسف عن الانقطاع عنكم بهاي الفترة ....
و ثانيا انا الان موجود في الولايات المتحدة الامريكية .... حبيت أسلم عليكم و أعرف أخباركم .... منو حصل الفيزة ومنو بعده بالانتظار ؟؟؟ و الله أخواني مشتاق ألكم هوايه و أريد أعرف أخباركم ...
و أي سؤال أو أستفسار أنا حاضر وبالخدمة ....
أخوكم امير علي .
تحياتي للجميع .


مبروك اخوية امير وحمد لله على السلامة، اني بالنسبة الي استلمت ايميل الفحص الطبي، وارسلت الجوازات والفحص الى السفارةتقريبا صار يومين ولحد الان دا انتظر والحمد لله

225
الاخ كلكامش الف تحية
الف مبروك استلام ايميل الفحص الطبي ويوم اصدار الفيزا ان شاء الله .
بالنسبة الي بعد مرور تقريبا 200 يوم على المقابلة ارسلت يوم الجمعة استفسار والاحد صار تحديث لكل العائلة ولا شئ يذكر, علما اخر تحيث كان يوم 30/3/2016

يارب صديقي تسهل امورك وترتاح بأقرب وقت

226
شباب اذا واحد يحول كفيل شنو الي يصير وشلون يحوله
لان كفيلي جايه شغل بغير ولاية واني ما اريد اروح لولايته

227
اني بتاريخ 18 بالشهر دزيت الاوراق للسفارة من مكتب الدي اتش ال (منصور)
يوم 19 بالشهر وصلت الايزي لمكتب الفرز التابع للدي اتش ال
يوم 20 بالشهر تحولت لقسم التوصيل التابع للدي اتش ال
نفس اليوم وصلت للسفارة ساعة 1 الظهر
بس لحد الان ماكو اي تحديث يعني بعدهم ممشتغلين عالكيس والله كريم ننتظر ونشوف شوكت تفرج عليه وعليكم جميعا ونفرح كلنه بجاه شهر رمضان المبارك

228
ااخواني السلام عليكم ورحمة الله وبركاته
اولا اعتذر لكم لعدم المشاركة في الفترة الماضية وذلك لانشغالاتي الكثيرة واود ان ابارك لجميع الاخوان الي صار عدهم تحديثات في ملفاتهم
الاخ العزيز تارزا الف مبروك لصدور الفيزة اويارب يتصلون بيك باقرب وقت لتحيد السفر وكذلك الف مبروك للاخ لوركا وانشاء الله اصدار الفيزة وايضا الاخ جاجيك او يارب يوصلك ايميل الفحص الطبي واصدار الفيزة
الخ في قرى الجن والاخ سمارت انشاء الله كل التوفيق او يارب يسهل امركم
اني بالنسبة الي قبل خمسة ايام وبفضل الله وحمده وببركة الصلاة على محمد وال محمد استلمت ايميل الفحص الطبي وحجزة على عيادة اور قبل الايميل بيومين صار عندي تحديث الاول في الساعات الاولى من الفجر فقط لي ولزوجتي ثم في اليوم الثاني صار تحديث لجميع افراد العائلة بعدها مباشرتا اجاني ايميل الفحص الطبي تحياتي للجميع اويارب الكل اتسافر باسرع وقت

ايييييييييييييي اخيرا اخوية العزيز، الف مبروك واشكرك على هالخبر الحلو، يارب يسهل امرك


229
حبي لازم يحققون وياه

230
مساء الخير عليكم اخواني واخواتي الاعزاء
اليوم كملت خمس شهور من مقابلتي بسفارة امريكا بعمان لطلب دخول فيزا ايفاد رسمي والموقف جان بالمقابلة اجراءات ادارية وبعدها نخبرك بالموافقة؟؟ ولحد اليوم  لاخس ولاخبر منهم ودزيتلهم عدة رسائل بدون فائدة اجابتهم برد الي من الكمبيوتر . الرجاء مساعدتي برايكم وخبرتكم شسوي انتظر لو اعيد المقابلة ببغداد على فيزا سياحية؟؟؟ يصير يعني اعيده لو لا؟؟ شاؤكوني رحمة لوالديكم

اخوية حسب رأيي مو من مصلحتك تسوي تقديم من بغداد لان هم نفس السيستم فراح يكولوك انت مو مقدم هناك شنو جاي تريد تلعبنا!

ثانيا الاجراءات الادارية هي عبارة عن تجييك امني ما الها علاقة باي شي اخر، يريدون يتاكدون منك يالله ينطوك الفيزا وهاي جماعة  الاس اي في يعرفوها، وطبعا مالها وقت معين، يمكن شهر يمكن سنة.
ثالثا انت اعتقد دترسللهم عالايميل الي يراسلوك بي، الي اعرفه ببغداد اكو موقع نراسل منه مو من الايميل الي يخاطبونه بي، انت اذا تحب تعرف ورينه شكاتبيلك بالايميل حتى نعرف نجاوبك
شغلة لخ، انت تريد تقدم ايفاد وتبقى هناك، فعوف شغلة الغيزا السياحية لان اذت قدمت عليها تفقد مصداقيتك واذا فقدت مصداقيتك بعد انسى امريكا، تحياتي وربي يسهل امرك
ملاحظة: الي دا اكوله الك ممبني عن تجربة بس اني لو محطوط بهيج موقف اتصرف مثل مكتلك وايضا ننتظر رأي باقي الاخوان

231
اخویة العزیز LORCA، اولا الف مبروک علی ارسال الفحوصات و الجوازات الی السفارة. و ثانیا اني راح اسویلک الجدول التالي حسب توقعاتی:

١. یوم ١٩-٦-٢٠١٦ راح تصل الاوراق الی السفارة(انشاءاللە).
٢. یوم ٢٢-٦-٢٠١٦ راح یصیر اول تحدیث (انشاءاللە).
٣.یوم ٢٣-٦-٢٠١٦ راح یصیر ثاني تحدیث (انشاءاللە).
٤.یوم ٢٤-٦-٢٠١٦ راح یصیر ثالث تحدیث (انشاءاللە).
٥.یوم ٢٦-٦-٢٠١٦ راح یصیر تحدیثين و اخر تحدیث یتحول ال or متغیر الی / (انشاء اللە).
٦. یوم ٢٧-٦-٢٠١٦ راح یصیر ISSUED (انشاء اللە).
٨.یوم ٢٨-٦-٢٠١٦ راح تستلم ایمیل من السفارة (انشاء اللە).
٧. یوم ٢٩-٦ او ٣٠-٦-٢٠١٦ راح تستلم الجوازات (انشاء اللە).

المدة و الیوم مال اول التحدیث ما متاکد منها، بس الایام و  المدد الاخری اني متاکد منها، لان اول التحدیث عندي اتاخرت بسبب النقوصات في العدم المحکومیة مال اطفالي...

مع تحیاتي


ان شاء الله صديقي العزيز، ربي يسمع من حلكك ويسهلها عليك وعلى بقية اخوتنه واصدقائنه بالكروب

232
اليوم الحمد لله استلمت نتيجة الفحص وارسلتها مع الجوازات للسفارة
عدد الكيسات بعيادة اور كثيرة جدا وكلها اس اي في، سالت ولد هناك تعرفت عليه كتله شو هواية، كايلي صاير تسريع بالملفات و هواية فحص طبي ديجوهم هالفترة، اتمنى من الله تفرج عليكم شباب ويارب تسرع كل قضاياكم

طبعا تكلفة الارسال من بغداد الى السفارة ١٢ دولار ونصيحة اخذوا وياكم ١٢ دولار يعني عشرة ويكتين لو خمستين ويكتين تره اذا يكسرولكمياها بالعراقي تدفعون بال٣٠ الف للبكج يعني فرق بال ١٥ الف

بالنسبة للاخوة الي ارسلوا جوازاتهم، شوكت برأيكم يبدون السفارة يشتغلون بالكيس؟ يعني تتحول الاور الى سلاش مره اخرى وشكد يطول اصدار الفيزا؟

تحياتي

233
السلام عليكم اخوتي الاعزة انا اخوكم تقديم iom بغداد سنة 2011 ورقم ملفي iz-137xxx نقلت ملفي سنة 2014 الى مصر هربا من الحالة الامنية المتردية في العراق وتهديدي من الجماعات الارهابية وبعد حصولي على بعثة دراسية عسكرية لانني عسكري وعند وصولي لمصر تم منحي اقامة من مكتب جوازات القوات المسلحة المصرية بصفة عسكرية ولمدة الدورة فقط وهي ماجستير اي سنتان وبالنسبة لملفي فقد تحرك بصورة احسن من ما كان بالعراق واكملت كل شي في شهر العاشر من سنة 2015 حيث تحدد لي موعد سفر وهذا المضحك المبكي بالقصة حيث خيرت اما بغلق الملف واكمالي للماستر الذي كنت سأحصل عليه بعد شهران فقط ومعه أفك ارتباطي بالجيش والكفالة المالية المقدرة ب50 مليون دينار اللتي وقعت عليها قبل سفري كونها بعثة حكومية او السفر ودفع تلك الكفالة ورغم طلبي من المنظمة تعليق ملفي او تأجيل السفر قالو لي ان ملفي اصبح اكسباير ولا يمكن تأجيل سفري فقط ان اغلقت الملف واعدت فتحه بعد ان انهي ارتباطي بالجيش حينها ممكن ان اسافر مطمئنا وان اجراءات اعادة فتح الملف لن تأخذ اكثر من شهران الى 3 شهور كون ملفي كامل من كل النواحي وهذا ما حصل حيث اغلقت الملف في شهر 10 سنة 2015 وطلبت اعادة فتحه في شهر 1 سنة 2016 بعد فك ارتباطي بالجيش واسقاطي الكفالة المالية غير انني فوجئت والى الان بأن ملفي تحول من مكتمل بكل الحقول الى فقط رسالة تقول ان ملفي قيد الدراسة من الخارجية الامريكية والمنظمة ولحد الان ولا جديد بعد مضي ست شهور ولا أمل والمصيبة الكبرى ان الجانب المصري يرفض اعطائي اقامة في مصر لي ولعائلتي ومنذ 6 شهور الان بدون اي اقامة قانونية بسبب كوني عسكري سابق وانني حصلت اقامتي من مكتب جوازات عسكري بمصر اي بصفة عسكرية فرفضت الجهات المدنية المتمثلة بمصلحة الهجرة والجوازات المصرية بمجمع التحرير اعطائي الاقامة وانا حاليا اواجه خطر الترحيل انا وعائلتي وضياع صبر 5 سنين بسبب امور كانت خارج ارادتي حيث اردت ان يكون موعد سفري مع موعد انهائي للماستر لكي اتخلص من الكفالة المالية وارتباطي بالجيش لكن وكما يقال تجري الرياح بما .... أرائكم أخوان؟؟؟

رأيي ان تغير مكانك وتختل الى ان تطلع الموافقة مالتك وتسافر عاد بعدها لو تدفع غرامات لو تدك منع
لان انت اصلا عندك كيس متكدر تاخذ ورقة حماية مال UNHCR، او تخابر المنظمة ينطوك ورقة حماية.
انت جتك الفرصة عزيزي وفضلت تكمل امورك المتعلقة كلها يالله تسافر
وحسب خبرتي بالحياة الواحد لازم يغتنم الفرصة وانت مغتنمتها
فالحل اذا تريد تسافر تختل وتتحمل نتيجة قرارك السابق الى ان ربي يفرجها عليك او تراسل ال اي او ام
واني اسف اذا كلامي معجبك بس ردت رأي شخصي وهذا رأيي الشخصي
تحياتي

235
الاخوة لوركا وتارزا مبروك عليكم الخطوات الجميلة والتقدم الحاصل ان شاء تسافرون بخير وسلامة
وأشكركم على المعلومات المفيدة اللي دتنشروها عن ملفاتكم والامور اللي تحدث معاكم
ان شاء الله احنا هم نلحق بكم قبل لا ترامب يسويها تراب 
الجماعة ذبولهم دبل طابوق على ملفنا وراحو ناموا
الله يسهل اموركم ونتمنى لكم كل التوفيق

حبيبي تدلل هذا اقل واجب ، واي معلومات تحتاجها ارجو ان لا تتردد بالسؤال عنها
واشكر لطفك وكلامك الجميل، واحب اكلك لا تقلق لو مو ترامب لو ابو ترامب ميكدر يمنعك، انت محصل موافقة ومابقالك شي ان شاء الله وتخلص من هالعذاب وتصير سوالف

236
الاخ لوركا
الف مبروك ان شاء الله السلامة و الصحة
اخيرا فحصت و راح تصير سوالف الف الف مبروك و ان شاء الله يوم صدور الفيزا ...تستاهل يا ورد

الاخ العزيز سمارت، شكرا لك على كلماتك الطيبة، يارب تفرحنه بالفحص الطبي انت وباقي الاخوة بأقرب وقت

237
یا اخوية LORCA من جهة فرحت هوایة لما عرفت بانە خلصت الفحوصات، بس اصبت بالحزن لما عرفت بانک عندک السکري (بس لا تیأس لانني هم عندي السکري) ... انشاء اللە نلگاک بالمطار و نسافر سویة ... بس اني مستغرب علی اسعار المستشفایات بغداد، لاننا في اربیل دفعنا ١٦٠ دولاو للکبار و ١٠٠ دولار للصغار بدون ان ندفع حق فحوصات الدم و...الخ.

مع تحیاتي



اخوية تارزا اشكر شعورك النبيل، هذا المرض نتيجة التهديدات والضغط السابق، الحمد لله على كل حال ويارب صحتك من افضل لأفضل

238
السلام عليكم
الحمد لله اليوم كملت الفحص الطبي بعيادة اور وشكر خاص لاخوية تارزا عالمعلومات
هسه نجي لمعلومات تفيد اخوتي الي راح يجيهم الفحص الطبي ويارب تسرع ملفاتهم

١- مكان العيادة صاير بالعرصات داخل فرع مجاور فندق فرح الجديد( يختلف عن المكان القديم)
٢- المستمسكات ( صورة واحدة لكل شخص - جنسية وجواز مستنسخ واصلي - دفتر لقاح ان وجد اصلي ومستنسخ- تقارير طبية اصلية ومستنسخة ان وجدت) ومن توصل هناك تملي استمارة معلومات فخلي عنوان الكفيل وياك اذا محافظة
٣- وصلت ساعة عشرة الا ربع وخلصت ساعة وحدة الظهر
٣- الاجراءات الطبية ( سحب دم - لقاح - اشعة صدر ( للكبار فقط) - قياس الوزن والطول والنظر للكل - اسئلة روتينية من الدكتور لكل شخص عن العلامات الفارقة وعن العمليات السابقة )
٤- النتائج اذا عندك اطفال تستلمها وره يومين واذا بلا اطفال فتستلمها بنفس اليوم
٥- المبلغ ١٥٠ دولار للكبار + ٤٠ دولار دم + ٢٠ دولار لقاح ، واني عندي مرض سكري فأخذوا ٢٥ دولار اضافية لتحليل السكر
بالنسبة للاطفال فتكلفة الفحص ٧٠ دولار للطفل بالاضافة الى ٤٠ دولار دم

تحياتي ويارب يجي ايميل الفحص لكل الشباب ونخلص جميعا


239
اخواني بشکل عام و اخویة LORCA بشکل خاص، مذا عدکم من اخبار... هل عدکم اي تحديثات ... صدیقي لورکا شسویت  ویا الفحص ؟؟؟ خلصتە لو لا؟  انشاء اللە نسمع منکم اخبار حلوة

مع تحیاتي



صديقي العزيز مثل ما قلت سابقا كان عندي موعدين فحص طبي، واحد يوم الثلاثاء الي مضى بأبن البيطار بس مرحت، وعندي باجر موعد فحص بعيادة اور وان شاء الله باجر اروح، اليوم كملت كل الاوراق الي محتاجيها، ما اعرف اذا مستشفى الي سويت بيها الفحص باربيل نفس الاجراءات، بس اني طلبوا مني صورة وحدة مو صورتين و ايضا ورقه بيها عنوان الكفيل هل طلبوا منك نفس الورقة؟ شغلة اخرى متى يتم تسليم النتائج؟ حسب مقريت انت استلمتها بعد يومين، هل ببغداد نفس الشي لو الاستلام بنفس اليوم؟

240
یا اصدقائي الحلوین و الغالیین، الحمد اللە و الشکر، و بعد عناء الانتظار و الترقب و العذاب لسنین الطویلة، و بعد اخذ الڤیزا الامریکیة لي و لعائلتي، لقد جاء الفرج و راح اسافر الاسبوع القادم ... طبعا هذا السفر الي راح اسویه هو مع اعز اصدقائي... ادعولي یا اخواني ... فهس ارید ان ابشرکم بشری سارة ما سامعین بیها ابدا.... انا ارید ان اقول لکم بانني راح اسافر الثلاثاء القادم الی اربیل، و ارجع السلیمانیة بنفس الیوم ...  ;) :D :).

مع تحیاتي الترفیهیة الحارة


 ;D   ; ;D  ;D

شلون لعبني نعلى على ابليس

241
حبيبي Tarza.
اشكر ياورد على الدعاء والتمنيات. ولا تخاف حبيبي حتى لو دزولي أيميل الفحص مراح اكطع سفرتي واجيهم طاير.. الا اشبع ونسة وتفرفر اني وعائلتي يالة ارجعلهم ;) ;).. ( صابرلهم سنين .. خلي يصبرولي كم شهر ههههههههههه 8) 8)). العام هم دزولي ايميل يريدون اترجم مستمسكات وادزها الهم وهم جنت مسافر سياحة خارج البلد.. خلصت الونسة والتفرفر مالتي يالة رجعت وجاوبتهم.. ( يعني الجماعه يعرفون أمووون عليهم ههههههههه ;) ;) )

ممنون منك مرة ثانية والف مبروك التطورات الدتصير بملفك , والله تستاهل كل الخيــر يابو قلب الطيب.

تحياتي


اني هم جنت مسافر من دزولي ايميل المستمسكات وجانت بداية المشوار  ;D

242
الاخ تارازا
الف مبروك وصولك الى نهاية مشوار ال SIV  وان شاء الله بداية حياة جديدة تتحقق فيها كل الاماني وتملئها الافراح

الاخ لوركا
ان شاء الله نسمع اخبار استلامك الفيزا عن قريب وتحياتي

الاخ جاجيك
 ان شاء الله كل ال / تتحول ل Or وتستلم ايميل الفحص الطبي في اقرب وقت , وسفرة سعيدة ..تحياتي

حبيبي سمارت الورد، شكرا على دعواتك، اخي افضل شي ان تنسى الموقع، اني جنت باليوم افتحة 5 مرات ، صدكني لبسته ومن قريت ردود جاجيك و تارزا بوقتها فتحته لكيت هاي التطورات، تحياتي الك وتمنياتي بسرعة ايميل الفحص

243
صدیقي العزیز LORCA, حتی الان ما حددنا موعد السفر و لا اي شئ، بس لما دزیتلهم الڤیزا قبل حوالي ١٠ ایام، هذا اول جواب من عدهم یتاکدون بانهم استلموا الڤیزا ... حسب قول اخونا 3ali2014, هس بعد اسبوع راح یخابرون کفیلي، و بعدها راح یرسلون الي خمسة اسئلة، و عند جوابي لاسئلتهم الخمسة، راح احدد متی اکون حاضر للسفر، و هس دا انتظر هذە الاجراءات...
اخویة لورکا اني اکتب هالتفاصیل للاصدقاء، و خاصة انت، لانک انشاء اللە بعد چم یوم تتوصل الی هذە المراحل.

مع تحیاتي


ممنون منك يا ذهب وربي يوفقك بهاي المراحل

244
اخواني الاحباء الیوم اجاني ایمیل من ال IOM کالتالي، اي بعد حوالي عشرة ایام هم یتاکدون بانهم استلموا الوثائق الي ارسلتها لهم ( الڤیزا):

RSC MENA SIV <siv_ope@iom.int>  Today at 1:55 PM

............ To   

Dear Sir
Thank you for your email
 
We have received the documents attached to this email, and they have been added to your case file
 
You will be contacted in the near future regarding your departure details
 
Best Regards

IOM SIV Applications
Resettlement Support Center (RSC), Middle East/North Africa (MENA)
International Organization for Migration | Amman, Jordan
siv_ope@iom.int | http://www.iom.int
 
مع تحیاتي

الف مبروك التطور اخوية تارزا، فرحانلك من كل قلبي، ان شاء الله على شوكت حددت موعد السفر؟!

245
اخویة LORCA بالنسبة للفقرة الاولی، هذا هو، و راح تنتظر اصدار الڤیزا، و ترسلها الهم ... و اما بخصوص الاطفال تحت السن ١٠، انت راح تعطي کل التفاصیل و ماکو اي مشکلة لانهم راح یکتبون التاریخ الطبي لکل واحد من العائلة، و یرسلوها الی امریکا، و اذا اکو واحد عندە مرض مزمن او اي مرض، ما راح تکون مشکلة، ممکن انهم راح یاخذون الاجرائات الطبیة لتلقي الدواء في امریکا...

و مبروک لک علی هالتطورات و انشاء اللە تتحسن بنتک


ممنون صديقي ويارب يسهل امروك

246
شباب بعد مدزيت  (nvcsiv@state.gov و siv@wrapsnet.org) رجعولي ايميل بي كيس نمبر وكالولي استلمنه كامل اوراقك الي ارسلتها وضفناها للملف مالتك ومن تستلم الجوازات ارسللنه نسخه منها، هاي هي؟ لو بعد لازم اسوي شغلة اخرى

هاي شغلة شغلة اخرى بالنسبة للفحص الطبي للاطفال تحت 10 سنوات، شيتضمن، وهل الاطباء متسامحين من هالناحية لان عندي بنتي وضعيتها Special Need فراح تكلب الدنيا على راسي لان اني اعاني منها كلش من ناحية الاطباء ويرحم والديكم مسبقا

247
العزيز الغالي ابو ريم
الف مبروك اخويه ويارب تتوفق بحياتك دائما

248
LORCA
اخي الكريم
 اولاً :احب اباركلك من كل قلبي على استلام ايميل الفحص الطبي و ان شاء يوم صدور الفيزا في اقرب وقت والسفر بأمان و الوصول بسلام الى بلاد العم سام... و انت طيب وتستاهل كل خير
ثانياً : اني اشكرك جدا على كتابة تفاصيل التحديثات الخاصة بالكيس مالتك ويارب الموفقية واني على حساب التحديثات اللي صارت عندك باقيلي تحديث او اكثر الله اعلم .... اشكرك مجدداً ويارب تتوفق بمشوارك
تحياتي

شكرا صديقي سمارت، ربي يوفقك ويسلمك ايميل الفحص باسرع وقت
ويارب كل المجموعة تسافر وترتاح

249
شكرا صديقي العزيز تارزا وبارك الله بيك

250
صديقي العزيز تارزا، شكرا على ردك، يعني ارسل للانفي سي لو للعنوان اللاخ مال SIV استفسر عن الكيس نمبر مالتي وره ميجي البريد؟ وشوكت بالضبط اكدر اراسلهم؟

251
شباب هسه دزيت الريفيجي بنفت فورم والدي اس 234
شنو المفروض هسه يصير، يعني اكو رد منهم لو هاي هي بس استلموها؟

252
السلام عليكم
اصدقائي الاعزاء اعتذر عن قلة المشاركة والتواصل لانشغالي ولعدم وجود اي تطور في ملفي  تمنياتي للجميع بالتوفيق والسعاده
اخ تارزا الف مبروك الفيزه
اخ لوركا الف مبروك الفحص الطبي
تحياتي للجميع

حبيبي في قرى الجن شكرا عالمباركة وربي بجاه الشهر الفضيل ييسر امرك

253
بارك الله بيك عزيزي

254
اشكرك كلش هواي صديقي العزيز لوركا. ان شاء الله تفرحنا باكمال الفحص الطبي.
تحياتي

حبيبي الورد هشام ربي يعلم الفرحة متكمل اذا مو الكل هنا بالبيج مسافرة وخلصانة من هالقلق وحرك الاعصاب هذا

255
شكر اخوية  العزيز Tarza.
كلشي مكمل.  لكن فقط اتصلت بيهم كلت بلكي احصل على جواب لان الجماعة ماكو ميردون.

صديقي هشام ما اعتقد الان في سي بيدهم شي، يعني مسألة الادمنشتريتف بروسيس بيد السفارة، بالمناسبة اذا تتذكر اخونه ابو ريم الي حاليا هو بأميركا، بوقتها جوازاته بقت يم السفارة لمدة 57 يوم وبوقتها هم مر بحالة صعبة بس تاليها ربك فرجها عليه وحاليا هو بأميركا، اسأل ربي بجاه الشهر الفضيل يسهل امورك وتستلم جوازاتك بهذا الشهر

256
السلام عليكم شباب,
اور مواعيدها اقرب و تقريبا اثنينهن نفس الشيء. بالتوفيق ان شاء الله.

صديقي هشام ممنون على جوابك، اني اتصلت بيهم اليوم اثنينهم
اور انطتني على يوم الخميس و ابن البيطار على يوم الثلاثاء
اور كلي جيب صورة وحدة
وسويلي ورقة مطبوعة بيها بعض التفاصيل
بينما ابن البيطار كلي جيب صورتين و هيج امور
ما اعرف الي بي الخير ربي يقدمه ويارب يسهل امورك يا ورد

257
اخویة LORCA قبل ما تروح الی المستشفی، حضر دفتر التلقیحات لبنتک، و سجل یمک بورقة، الارشیف الصحي مالک و مال زوجتک، اذا لا سمح اللە مسوي عملیة، سجل التاریخ، او اذا داخل مستشفی و بقیت بیە، سجل السبب و التاریخ... و اذا تسسال امک او ابوک بیا سنة صار عندک مرض الجذري... لانە ممکن اثناء المقابلة الدکتور، ما راح یکون عندک مجال للتفکیر و السؤال ... اذا عندک اي سؤال علی الفحص الطبي، اخوک حاضر یا صدیقي...

مع تحیاتي


حبيبي تارزا شاكر اصلك الطيب وممنون منك يا ذهب
اليوم اتصلت على العيادتين اور و ابن البيطار وحددت موعد يمهم اثنينهم
ابن البيطار يوم الثلاثاء واور يوم الخميس
وحاليا ما اعرف ليا وحدة اروح، بلكي الاخوه الي فاحصين فحص طبي يكولولي شنو الفرق وايهما اسهل من ناحية الاجراءات

258

هاااي الاخبار الي تفتح النفس..وتخليك تنزل زاااايد بالفطوووور  ;D ;D

الف الف مبروك اخوية لوركا. والله يسهل باقي الاجراءات عليك وان شاء الله سرعة اصدار الفيزا يارب.

مبروك مرة ثانية ياورد الورود.

تحياتي


 :D  الف شكر اخوية جاجيك والف عافية عالفطور
يوم لألك صديقي ونسافر جميعا سوه يارب

260
smart_eng1980

اخوية سمارت راح اكلك على التحديثات الي صارت ويايه
احنه عائلة من 3 نفرات اني وزوجتي وبنتي الصغيرة
صار عندي تحديث اني وزوجتي ثاني يوم المقابلة8-3 (بدون بنتي)
وصار عندي تحديث اني وزوجتي ثالث يوم المقابلة 9-3 (بدون بنتي)
وصفنت الكيسات بدون اي تحديث لفترة 90 يوم
وراها صار عندي تحديث بتاريخ 5-6 الي هو قبل 3 ايام هم اني وزوجتي (بدون بنتي)
وراها صار عندي تحديث اني وبنتي وزوجتي الثلاثة مع بعض يوم 7-6 الي هو البارحة
الاور تحولت الى سلاش الي ولزوجتي وبنتي بقت نفس الشي
اليوم استلمت ايميل الفحص الطبي وايضا صار عندي تحديث للعائلة كلها
اذن مجموع التحديثات كما يلي
1- اني 5 تحديثات
2- زوجتي 5 تحديثات
3- بنتي 3 تحديثات

وشتحتاج صديقي اني حاضر

261
يارب يا صديقي تارزا نسافر سويه جميعا
ان شاء الله باجر اتصل بيهم واشوف موعد
تسلم صديقي على شعورك النبيل

________________

هشام هشام
ممنون منك جدا صديقي العزيز

262
السلام عليكم شباب,
الف مبروك اخي لوركا استلام ايميل الفحص الطبي. ان شاء الله يسرلك ربي كل امورك. والله فرحتلك ان شاء الله نفرح باخوتنا الاخرين الي بعدهم ينتظرون.

بالنسبة لاسئلتك اخي العزيز:
     - اتصل علمود تسوي موعد فحص طبي من عيادة "اور" او "IOM" و استلمه.
     - ارسل نتائج الفحص الطبي و جوازاتكم كلكم الى عنوان السفارة عن طريق ال DHL
     - نعم تكدر تملي استمارة المساعدات و ترسله هسه ماكو مشلكة.
ملاحظة: لا تحتاج الى شراء اي ظرف (الظروف الي اعطيتها للسفارة في يوم المقابلة سوف تستخدم لارجاع الجوازت مع الفيزا الكم بعد اكتمالها ان شاء الله). لكن تحتاج الى دفع مبلغ ارسال فحص الطبي و الجوازت الى ال DHL.



ربي ييسر امرك اخوية ويفض شغلتك بجاه شهر رمضان
يعني قصدك لمن استلم الفحص الطبي اخذها ويه الجوازات واروح لمكتب دي اتش ال كتقديم جديد ويحطوها بضرف واحد مو 3 مثل لمن رحت علمود المقابلة، يعني مالها علاقة بالضروف الصفر الي هسه هي يمهم ؟

263
الف الحمد لله والشكر اليوم استلمت ايميل الفحص الطبي
يارب بجاه الشهر الفضيل يسهلها على اخوتي وعليه بجاه هو السميع العليم
شباب هسه شنو المفروض اسويه؟
اشتري ضروف دي اج ال جديدة لان اني الضروف مالتي (الصفر) اخذوها بالسفارة
علما احنه 3 نفرات؟
هاي شغلة وشغلة اخرى اني بعدني ممسوي استمارة الاستفتاء مال مساعدات، فأكدر اسويها هسه؟

264
اني صارت بيه بعمان سنة 2008، رجعت زوجتي للعراق واني بقيت بعمان، خابروني علمود اعادة توطين وهيه ببغداد، كلتلهم اني بوحدي واحنه كيسنه متصل وهم بي، جان تكول اعادة توطين ميحقلك ولازم تعيد من جدة وجديد، ما اعرف اذا الامور باقيه مثل قبل او لا

265
الف الحمد لله والشكر اليوم استلمت ايميل الفحص الطبي
يارب بجاه الشهر الفضيل يسهلها على اخوتي وعليه بجاه هو السميع العليم
شباب هسه شنو المفروض اسويه؟
اشتري ضروف دي اج ال جديدة لان اني الضروف مالتي (الصفر) اخذوها بالسفارة
علما احنه 3 نفرات؟
هاي شغلة وشغلة اخرى اني بعدني ممسوي استمارة الاستفتاء مال مساعدات، فأكدر اسويها هسه؟

266


ايوب اخوية ربي يسهل امرك ان شاء الله واعتقد راح تستلم خبر جميل قريبا لان اكو تسريع

267
اخوية العزيز لوركا.
الف شكر حبي على الرد. ربي يسهل امرك ونسمع هلال وصول ايميل الفحص لجنابك العزيز.وأن شاء الله بأيدي اوصلك لباب الطيارة ياغالي.

تحياتي


تسلملي يا غالي، وضروري اشوفك بالمطار يا رفيق درب المعاملات
بس كون اثنينة على نفس الطيارة

268
السلام عليكم في البداية اعتذر عن المشاركات بسبب الاحباط
اخوان شنو سالفة التحديثات التي اتصير على الاطفال فقط هاي صار 7 تحديثات على الاطفال واني وزوجتي الى حد الان 3 تحديثات
تحياتي

اخوية ايوب هذا موقع السفارة مال انقرة لو ceac؟

269
شكرا لكلماتك الطيبة ان شاء الله يسر امرك و امرنا كلنا بحق هذا الشهر الكريم.
   التحديث القادم من السفارة و بعدها بساعات قليلة من التحديث تستلم ايميل الفحص ان شاء الله. اني هيجي صار وياي.


ممنون منك يا طيب ورحم الله والديك

270
السلام عليكم شباب,

الف مبروك للصديق العزيز Tarza.  و نشكرك لبث روح التفائل.
الصديق لوركا, الف مبروك  التحديث, ان شاء الله تستلم ايميل الفحص الطبي قريبا بعد التحديث القادم.

شكرا صديقي هشام ربي يبارك بيك وييسر امرك، اني حاليا السلاشات تحولن الى اور، يعني انتظر تحديث اخر قبل الفحص الطبي؟

271
مرحبا اخ هشام.
حقيقة ما فهمت عليك شنو تقصد ( في حالة ماصارت عندك تحديثات منذ اشهر) ؟؟
ومع ذلك راح انطيك فكرة بسيطة عن ملفي.
مقابلتي بنهاية شهر نوفمبر 2015. التحديثات ( ومجموعهن 4 صارن بشهر الخامس 2016)
واخر تحديث بتاريخ 28 من شهر الخامس 2016.ومثل ما كتلك بهذا التاريخ تغيروا ملفين من \ الى OR.


تحياتي

حقيقة ما فهمت عليك شنو تقصد ( في حالة ماصارت عندك تحديثات منذ اشهر) ؟؟

جاجيك صديقي يعني نايمة عالملف طابوكة بدون اي تحديث مثل الي صار ويايه ووياك
انت تحديث واحد فقط بالبداية وسكت الملف بدون اي تحديثات لغاية مبدت التحديثات تصير بالملف
اني هم نفس الشي صار بالبداية تحديثين الي ولزوجتي عدا بنتي و سكتن الملفات الى قبل يوم فتحت الملف وره مكتبت انت ردك لكيت اكو تحديث و ثاني يوم لكيت اكو تحديث اخر والسلاشات تحولن الى or
وربي يسمع من حلكك بجاه السميع العليم و نفحص وكلنه باقرب وقت لان اعصابنه تدمرت من القلق

272
الف الف مبروك لكم اخوتي الاعزاء
ترازا و لوركا
ان شاء الله موفقين بحياتكم و يوم توصلون الى بلاد العم سام
تحياتي

مشكور اخوية سمارت، والله العظيم فرحتنه متكمل اله الكل تسافر ان شاء الله بجاه شهر رمضان

273
مبروك اخي لوركا كل التوفيق ان شاء الله اذا تكدر تجاوبني انت هم مسافر قبل لو لا

حبيب قلبي راواد الورد، ربي يوفقك وييسر امرك بجاه رب العالمين.
بالنسبة لسؤالك اخي نعم اني مسافر وهواية مسافر يعني تكدر تكول ماجلان
من ضمنهن دول بعيدة جدا

274
الف ترلیون شکر یا اخي و ملیون مرة مبروک یا صدیقي ... بس حبیت ان اقول لک بان ابنک اذا عمرە قلیل ما راح یصیر تغیر السلاش الی ال or. اني ابني کان عمرە ١٠ سنین ما صار تغییر لانە ماکو تچییک امني الهم... انشاء اللە راح یجیک الایمیل الفحص الطبي باسرع وقت ممکن..

مع تحیاتي


نعم صديقي العزيز، بنتي اصغر من 10 سنوات
سؤال، شكد المدة بين الايميل وبين تغير السلاش الى or؟
ياريت من كل الشباب الي مروا بهالمرحلة يجاوبون تره اخوكم على نار

275
ايضا بعد مقريت رد اخوية تارزا فتحت الموقع  ;D
لكيت تحديث اخر بتاريخ اليوم الي ولزوجتي ولبنتي علما ان اخر تحديث كان اول بارحة
بنتي من يوم المقابلة مصايرلها اي تحديث بس اليوم تحديث
السلاش صارت or  الي ولزوجتي
بس بنتي بعدها سلاش
ما اكول بس يا ربي انت عالم بحالي وعالم بيش مريت
بجاه الشهر الفضيل تمشي قضيتنا كلنا ونسافر
تحياتي

276
اخواني الاعزاء خلي اعطیکم اخبار الکیس مالي:

٣١-٠٥-٢٠١٦ صایر اول تحدیث
١-٠٦-٢٠١٦ ثاني تحدیث
٢-٦-٢٠١٦ ثالث تحديث
٣-٦-٢٠١٦ صایر تحدیثين و اخر تحدیث ال or متغیر الی /
٤-٦-٢٠١٦ کان یوم عطلة السفارة
٥-٦-٢٠١٦ ISSUED  طلع لکل افراد اسرتي
٦-٦-٢٠١٦ استلمت ایمیل من السفارة یگول انهم ارسلوا الجوازات بواسطة DHL. و گایلین انهم مرسلین ظرف مغلق اصفر مع کل جواز، ما لازم ینفتح الا من قبل موظف امریکي عند دخول امریکا.
و اخر تحدیث صار یوم ٦-٦-٢٠١٦ و هذا بعد ارسال الایمیل، یصیر اخر تحدیث.

هذه معلومات اخذتها من صدیقي المقرب بي گوة، هو چان یگول اني وعدتک بان لا اعطیک خبر حتی یجیک الجوازات الی السلیمانیة... و اني چنت اگول یابة اني چنت غلطان و البشر یغلط  :D ;) :)
و في الاخر اگول انشاء اللە کلکم راح تستلمون و تاخذون الڤیزا باسرع الوقت

مع تحیاتي


الله شلون اخبار تفرح وتشرح الكلب، الف مبروك صديقي العزيز، صبرت ونلت صديقي، يارب تسهل عليك و تتوفق باميركا ونشوفك اعلى واعلى

277
اخویة العزیز لورکا، و اللە اني عندي مشکلة في مسالة الخزن و التذکیر، هس چنت ادور علی ارشیفي، بس ما حصلت علی شئ، بس اعرف بانە بعد تحویل ال / الی ال or بایام قلیلة اجاني ایمیل الفحص الطبي ... اني قررت  بان لا اچییک الکیس مالي، بعد هالاخبار الحلوة منکم اخذت جولة في التچییک و شفت بانە هناک تحدیث صاییر یوم ٣-٦-٢٠١٦... بس عندي صدیق هو متابع قضیتي، بعدین اشوف صدیقي و اخذ منە المعلومات الکاملة ...
مع تحیاتي


يا الله، يوم الي تسمعنه اخبارك الحلوة صديقي العزيز ونفرح بسفرك

278
بشر اخوية تارزا انت وين وصلت؟
بس سؤال، كم تحديث صار عندك قبل استلام ايميل الفحص الطبي؟

279
شباب اليوم فتحت الموقع مال Ceac لان صارلي هواية مفاتحة
لكيت بي تحديث الي ولزوجتي بتاريخ 5 JUN، التحديث صاير بس الي ولزوجتي بس بنتي تحديث واحد بعد المقابلة فقط، لحد الان اني 3 تحديثات واحد بعد المقابلة بيوم وواحد بعد المقابلة بيومين وهسه واحد وكذلك زوجتي، بس السلاش بعدها ممتحولة الى or
بس حبيت اشارككم الي ديصير ويايه ويارب بجاه الشهر الفضيل ربي يسهلها عالجميع
ياريت شباب تكتبولنه عدد التحديثات الي صارت عدكم حتى نعرف نقارن بين الملفات
تحياتي

280
طبعا وره مقريت لاخوية جاجيك قررت افتح الموقع مال Ceac لان صارلي هواية مفاتحة
لكيت بي تحديث الي ولزوجتي بتاريخ 5 JUN، التحديث صاير بس الي ولزوجتي بس بنتي تحديث واحد بعد المقابلة فقط، لحد الان اني 3 تحديثات واحد بعد المقابلة بيوم وواحد بعد المقابلة بيومين وهسه واحد وكذلك زوجتي، بس السلاش بعدها ممتحولة الى or
بس حبيت اشارككم الي ديصير ويايه ويارب بجاه الشهر الفضيل ربي يسهلها عالجميع
تحياتي

281
مرحبا شباب,

صارلي فترة ما فاتح موقع تجيك الملف على موقع الــ(CEAC) فاليوم كلت خلي امر واشوف شكو ما كو. لكيت التالي :

صاير تحديث بملفي بتاريخ 28 \5 وبعدها الـــ \ موجودة
تحديث لملفين بعائلتي بتاريخ 28\5 وثنينهم صايرين OR
تحديث لبنتي الصغيرة  بتاريخ 31 وبعدها \


فما اعرف شنو رايكم بكل هذا الصاير !!!
وهل صاحب الكيس ضروري يصير OR ؟؟
وشكد ممكن يطول حتى يتحول ملف صاحب الكيس من  \ الى  OR ؟؟

ياريت اسمع ارائكم وتجاربكم.

تحياتي


مبروك اخوية جاجيك، مؤشر جيد جدا،الor للكيسين الي بملفك معناها خلصوا وباقي بس انت، الاطفال مالك شغلة بيهم هم الردي اشود بس متعلقين بيك، ملفك يشبه ملف اخونه علي بمرحلة التحديثات،اعتقد صار هم عنده or لاحد افراد العائلة، رأيي الشخصي مابقه شي ونسمع احلى هلاهل بالبيج

282
اخویة rowad, اني چان عندي صدیق  و هو کان SIV لما راح الی المقابلة اخذ معاە الفحص و السفارة اخذه منە، اي قبل ان یسوي المقابلة عمل الفحص الطبي، و هو هس بامریکا... فما ادري، اذا ما تخسر فلوس و اتصور انت ما عندک عائلة، تگدر اتحاول اتسوي الفحص و ترسلها الی السفارة... ما ادري الاخوان شیگولون علی هذا الاقتراح...

مع تحیاتي


صديقي هاي الاجراءات قبل جانت هالشكل، جان ميصير يقابل اله يفحص وياحخخذ الفحص وياه وجانت تسبب مشاكل مادية للمقدم بعد مطولت الاجراءات الادارية لان عندي صديق مثلا عاد فحص 3 مرات وهو عائلة من 6 نفرات وتخيل شكد صرف   ;D

283
السلام عليكم اخوتي الاحبة حبيت اشارك معكم ولا اترككم لوحدكم لان الظاهر احنه اللي بقينه ننتظر الفحص الطبي 3 او 4 اشخاص واكيد اني واحد منهم و الكأبة فول ...بس الله كريم
اني اليوم صار بالظبط 6 اشهر من المقابلة قابلت يوم 2/12/2015
 مر تقريباً 180 يوماً علىى المقابلة
الله كريم تحياتي اخوتي الاعزه
راود و ترازا
ولا يهونون باقي الاخوة


طول بالك اخوية ويارب الله يفرجها عليك عن قريب، تتذكر اخونه علي عبر حاجز 200 يوم وتالي حصلها

284
و اللە یا اخویة LORCA اني صار لي حوالي شهر اروح للسباحة و فیتنیس بس خسرت حوالي ٥ کیلوات، اذا چنت اعرف بان هذا یخسر الوزن، چنت یومیا اچییک الکیس مالي و انقهر نفسي  :) :) :).

مع تحیاتي


يمعود والله وداعتك قدمت اس اي في وزني 95 هسه 75  ;D
احسن من الفتنس على الاقل تنزل وزن بس متتعب

285
و اللە یا اخویة LORCA اني اختاریت کولورادو ... و ما اعرف منوا من جماعتنا راح علی کولورادو، دینڤر. و انت یا صدیقي یا ولایة راح یکون ابنصیبک انشاء اللە ؟

صديقي اني ان شاء الله بيدفورد تكساس كون بس الله ترهم لان صدك حرك اعصاب، المشكلة حتى وزني نزل  ;D

286
اخویة LORCA مرحبا بک، مثل ما تفضلت بە، اني دزیت الجوازات من زمان، و قد قررت ان لا اچییک الکیس مالي و اهملتها، و قد اعطیت رقم الکیس مالي الی صدیق قریب مني، هو یچییکلي الکیس مالي و قد قلت لە ان لا یعطیني اي خبر، حتی یخابروني من ال DHL و یگولولي تعال اخذ الجوازات... بس طلبت من صدیقي ان یسجلي التحدیثات اول باول علی ورقة ... هس اني حوالي اکثر من اسبوع، ما عندي علم بالکیس مالي و مرتاح کلش، لاني ما افتح النت و اشوف الاجراءات الادارية باقیة... و انشاء اللە مع کل الاصدقاء نستلم جوازاتنا عن قریب و نشوفکم بامریکا و تحچیلي بانک کان عندک حساب فی منتدی عنکاوا و کان اسمک هناک لورکا و اني اگول کان اسمي تەرزە و نفتکر هذە اللحظات و نضحک و نگول و اللە کانت ایام ...


مع تحیاتي


مع تحیاتي

ان شاء الله صديقي العزيز تصير سوالف، انت يا ولاية متوجه ان شاء الله؟

287
اخواني یا ریت ترجعوا الی منتدانا، و نعرف شنو اخبارکم ... خلي نرجع و نتشارک و بسبب المشارکات و التساؤلات شویة ننسی هم التچییک الاداري ...

مع تحیاتي


اخوية تارزا احنه موجودين وين نروح قابل، بس الاغلبية طلعوا من التجييك الاداري وهسه بمرحلة الترتيب لقبل السفر، شصار من قضيتك، انت مو دزيت الجوازات للسفارة؟

288
تحياتي اخوتي الاعزاء
اني اضم صوتي لا صوتكم صحيح و الله من يوم اللي قدمت على الهجرة ولحد هاذي اللحظة ما شفت طعم الراحة الف حسبة تجيبني و الف حسبة توديني يوم فوك و100 جوة الكأبة فول حتى الموضوع مأثر على عملي ما مرتاح ابد احس نفسي ورطت نفسي بدوامة مالها نهاية يوم احس بالتفائل و شهر مغندب و روحي طافرة ...الله كريم تهون ان شاء الله و تصير سوالف
حبيت اشارك همومي معاكم
تحياتي لكم


المشكلة صديقي ان كل مشاريعي موكفها بأنتظار السفر، حتى ابسط التصليحات بالبيت موكفها اكول اضم فلوس تفيدني باجر عكبة هناك، وهاي الباجر عكبة من 2013 لي هسه  ;D

289
حبي صعبة تحصل على العقد، اني مريت بنفس حالتك، حاول تحصل على (رقم العقد) عن طريق اي صديق سافر عبر المنظمة او واحد من الي تعرفهممن الامريكان، وراح تمشي، بوقتها اني ضليت سنة بهالشدة الى ان حصلت رقم العقد من واحد من اصدقائي لانهم رفضوا ينطوني العقد (شركة ريثيون) فمشت اموري برقم العقد وكلتلهم وقتها مينطون العقد لانه تعتبر سر من اسرار الشركة.
تحياتي

290
اخواني الاعزاء بهذا المنتدى والله هذا المنتدى هو المتنفس الوحيد ليه من قابلت ولحد الان ثلاث  شغلات اسويها يومية بس افتح الايميل وموقع التجييك وهالمنتدى   وما اكو اي جديد نفس الصفحة وصدق الاخ رواد مو ملينا من الانتظار انا مقدم من سنة 2011 ورجعت الموضوع جددته بسنة 2015 شهر الثاني ولحد هسة كاعد انتظر اي والله فعلا عمرنا خلص

اني تقديم شهر عاشر 2013 ولي هسه، المشكلة انه مابيدنه شي نسوي، ماعدنه غير بس الانتظار، بصراحة اني هذا الموضوع كلش مأثر على نفسيتي بحيث لا ليلي ليل ولا نهاري نهار

291
ادري صار 254 يوم من قابلنا مو بلغ السيل الزبى من قدمت كان شعري اسود وهسة صار ابيض  وكان عقلي متروس عصافير هسة باقي عصفور واحد اخاف يطير وبمكان ما اسافر لامريكا اروح للشماعية

حالي حالك اخوية بس اني مقابل بعدك يعني ما ادري شراح يصير بيه وره ما اوصل للمدة الي انت بيها هسه

292
اها اوكي ممنون منك انا دزيتها بالايميل وننتظر والله كريم ولو ما وصل اوتو ريبلاي منهم

اذا تحب ضل كرر عليهم بس اول تالي هم تره يشلعون الكلب

293
Due to the availability of this online status check option, the Immigrant Visa Unit will no longer reply to email inquiries requesting a case status update.
 
Sincerely,
 
Immigrant Visa Unit
U.S. Embassy Baghdad, Iraq

راواد حبي ديكلولك لان اكو موقع يجيك الحالة مال الكيس، بعد دائرة الاس اي في مترد على اي ايميل متعلق بالتقدم والتطور بالكيس، لهذا مديردون عليكم

294
حبيبي رواد هذا رد الي اوتوماتيكي ودائما يجي اذا دزيت ايميل الى وحدة IV الهجرة بالسفارة بس انا هاي صاير كم مرة داشوف هذا الاعلان بعد 10 / 4 / 2016 بموقع السفارة انو SIV انسدت من هالتاريخ وبعد محد يقدم عليها وفعلا محد اجاه طلب فحص طبي بعد هالتاريخ
April 10, 2016

The deadline to apply for the Iraqi SIV program has passed.  You may be eligible for resettlement in the United States with your family under the U.S. Refugee Admissions Program (USRAP) as the eligibility criteria are very similar to those of the SIV program. For more information on the USRAP, please visit http://iraq.usembassy.gov/refugeesidpaffairs.html.

فشنو هذا الاعلان والله ما ادري؟؟؟؟؟

حبي احنه مقابلين شلنه شغلة بهذا الاعلان! مابي شي جديد هو الاس اي في مسدود التقديم اله من 2014 ، واعتقد اخونه Ali2014 جاله ايميل الفحص الطبي بعد هذا التاريخ الي انت ذاكره

295
السلام عليكم .... طبعا مثل ما تعرفون انه اني مقابل بداية شهر الواحد و حيصيرلي اربعة اشهر و نص علة المقابلة و بعدني اجرات ادارية .... اليوم اتصلو بيه ال iom وكلولي عدك موعد سفر بداية السادس و اني ناسي شغلة ال اي او ام نهائيا و مئيس منها و كل اعتمادي جان علة ال اس اي في ...... هسة اني حاير ..أأجل شغلة ال اي او ام و انتظر ال اس اي في لو مثل ميكول المثل عصفور في اليد  :)))) .... تحياتي للجميع و تمنياتي انه الله يفرجها على كل الاعضاء

الف مبروك اخوية جنكو فيكس، حالتك ذكرتني بواحد من الاخوة ويانة هنا بالبيج اسمه 
No Time
همين بعد المقابلة بفترة اجاله سفر اي او ام، وطبعا سافر، لان مباله يروح يرجع، الفرق هو بس بمسألة انتظار الكرين كارد، لا اكثر ولا اقل، تدري انت الاس اي في ياخذ الكرين كارد اسرع ، واذا انت مبالك ترجع فتوكل على الله اخوية وسافر، هاي وجهة نظري وانت حر صديقي
مع تمنياتي بالموفقية والف مبروك مرة ثانية

296
مشكور حبي وما قصرت بس انا دخت بشغلة الارسال ناس تكول على صندوق بريد نبراسكا وناس دازتها لايميل
NCSI360SIVApp@uscis.dhs.gov

انا ما اعرف بالاجراءات هسه لان متوقف من 2011 وكل اللي اعرفه قديم ويجوز بيه تحديث ويجوز تغيرت الايميلات... بلا زحمه عليك اذا تعرف جاوبني وانا ممنون منك

تحياتي

حبي ميحتاج تدزها بالبريد السريع وتخسر فلوس، دزها عالايميل وكلنه تقريبا سوينه نفس الشكل
واعتقد كاتبيلك الايميل الي ترسلها عليه

297
هههههههه تسلم وردة... اي انتبهت لازم الجناسي مترجمة ترجمة قانونية وركمنديشن ونسخة من الجيف اوف مشن وغيرها من الامور بس بيناتنه الحجي انلاصت علي بالفورمة مال I-360  لان بيها هواي تفاصيل اعتقد اغلبها مو انا امليها... يعني شفت بس الصفحة الاولى بيها يمكن امليها والباقي تخص غير اشخاص... بس ما كتلي امليها لكل واحد من العائلة لو بس اللي... وادزها على صندوق البريد اللي ذاكريه اللي هو بنبراسكا مو يعني عن طريق DHL???

مشكور وتبعتك وياي

ابو شهاب حبي ومن تطبعها وتوقعها وتسويلها سكان و تدزها، لازم تحتفظ بالنسخة الاصلية المطبوعة الموقعة ، لان تحتاجها يوم المقابلة ويارب تسهل امورك حبيبي

298
السلام عليكم ,, اني تقديم سنه 2011 قابلت اولى بل العراق 2015 وللحد لان ماكو شي كول ماادز ايميل يكولون با انتضار مقابله محلفين بس اني من خلال متابعتي داشوف الاخوان ميطولون بين المقابله الاولى والمحلفين فقط كم شهر اكو سبب بل التأخير ؟ وعندي سؤال ثاني ومهم بس اريدمن الاخوان الي عدهم معلومات يجاوبني جواب شافي (هل صحيح الي دافع فديه ينرفض لان اني بل الماقبله الاولى كلت ابويه انخطف ودفعنا فديه يعني اني ماكذبت عليهم حجيت الصحيح)ارجو الاجابه واني اسف طولت عليكم

استاذي الكريم راح اجاوبك على سؤال الفدية، عندي ولد صديقي كال اني دفعت فدية لابوية وهسه هو باميركا صارله ٣ سنوات، لان اعتقد من الطبيعي واحد ابو مخطوف يطلعه بفلوس ، ومعتبره بوقتها المحلف دعم للارهاب
تحياتي

299
اخواني الاعزاء، صار فترة الویبسایت مال check my Visa statues ما یسوي اي تحدیثات ... حسب تجربتکم في الایام الاخیرة، صار یمکم ایتها تحدیث؟ او هناک مشکلة بالویبسایت؟

و شکرا


اخوية تارزا ممعلومة هاي الشغلة، يعني عندك اني تحديثات اثنين متتالية ورة المقابلة بيوم وهاي هي، وجاجيك تحديث واحد بعد المقابلة بأسبوع وهاي هي علما اني مقابل شهر 3 يعني مو من فترة طويلة وجاجيك مقابل شهر 11 اعتقد

300
السلام عليكم اخوان
اخوكم حاله من حالكم ويجوز اقدمكم مقدم من سنة 2010 ومقابل ب 2011 واعادة قسم ب 2013 ولحد الان كلشي ماكو حتى الانتظار مل منا قبل شهر صار الكيس مالتي Expire Soon واني متعود عليه لان كلما يصير عندي ادزلهم انكيوري وره يومين يتحول للاجراءات الادارية بس هل المرة دزيتلهم كومة وما اتغير وما اعرف شسوي اتمنى اللي عنده فد معلومة يفيدنا بيها ويا رب الفرج للجميع والله لا يضيع تعبكم بجاه محمد وال محمد
اخوكم ابو علي

الله يساعدك يا اخوية يا ابو علي، متعاطف وياك جدا، احنه هنا شهرين و ثلاثة مدنتحمل شحال انت خمس سنوات! عموما ماعندك غير ان تراسلهم، بس شو دا اربط كلامك ويه كلام اخوية تارزا لان ديعتقد اكو مشكلة بالويب سايت، انت ضل راسلهم لان ماكو غير طريقه حسب رأيي

301
اخوان عندي ولد صديق بس وحدة مو عائلة اجاه الفحص الطبي
خلال شهرين من المقابلة

السنكل اسرع صديقي، تفاصيل وتشعبات ماعنده

302
و اللە اخویة LORCA جوازاتي محجوزة في السفارة لمدة اکثر من شهر و النصف و اللە یستر .....

مع تحیاتي


والله يا صديقي ملينه من الانتظار

303
تتوقعون راح تبقى سفارة وره هالاحداث؟

304
اخواني قبل اگول ان شر البلیة ما یضحک ...و لازم اضحک قبل ما احچي علی مأساتي ...  و بعد  ارسال الفحص الطبي الی السفارة ب٣٩ ایام، و حتی هذه اللحظة ماکو اي تحدیث في الکیس مالي ... بعد عناء طویل، سویت العدم المحکومیة لاولادي في اربیل، و لما رحت ارسلها بواسطة DHL الی السفارة، الموظف في الاوفیس DHL گلي بانە بسبب الاوضاع الامنیة في بغداد، انتهت عقودنا مع الخطوط الجویة و نرسل الاوراق بواسطة السیارة الی بغداد و ما نعطیک الگرنتي لوصول الوثائق الی بغداد بالسلامة، و بعد هالعناء لم اگدر ان اعطي العدم المحکومیات الی DHL, و قد اعطیت ١٨٠ الف دینار الی سیارة اجرة و بعثت الاوراق الی بغداد. و السایق اعرفە راح الی مکتب ال DHL في شارع الفلسطین و ارسلها الی السفارة و رجعلي الوصل. و هس صار حوالي اسبوع واصل الی السفارة، بس لما اچییک الکیس مالي اری بانە ماکو اي تحدیث و اخر التحدیث کان في ٥-٥-٢٠١٦.....

مع تحیاتي


اخوية تارزا طول بالك وكول يا الله
ماباقي شي بحيل الله وكلها فترة بسيطة وتنحل قضيتك، المهم انت طلعت من معمعة الاجراءات الادارية الي احنه بيها هسه، انت طيب يا صديقي وتستاهل كل الخير وربي ينطيك على كد نيتك

305
شباب مقابلتي جانت بسنة 2012 ,
وطول هالفترة اجراءات إدارية ,

قبل عشر أيام دزولي ايميل يگولون الكيس مالتي بالمرحلة النهائية ولازم
أحدث الDS-260 وباقي الوثائق , شهادة ميلاد , عدم محكومية ..... ولما تكمل دزلنه إيميل
واطلب موعد مقابلة , دزيت ايميل طبعا يرجع الرد التلقائي انه ميجاوبون إلا عن طريق الاون لاين فورم بموقع السفارة ., اليوم دزيت طلب ع الاون لاين فورم , وانتظر النتيجة شنو.

تحياتي.
[/size][/font][/color]

اهلا بيك اخوية، حسب الي شايفه هنا من اغلب الي اعادوا مقابلة القسم
مسألتك ايام وتفض ان شاء الل بعد المقابلة، لان اجراءات ادارية ماكو
بالنسبة لرد الموقع ميطول عليك ان شاء الله لان اكو لود عدهم
وجيك بالموقع دائما حتى تشوف التحديثات

306
Service Unavailable

HTTP Error 503. The service is unavailable.

بلكي ديصلحون بي لان واصلني رسالة تفعيل منهم ومديدخل

307
شنو الفرق بين الفحص بأبن البيطار ومستشفى بغداد الأهلي من حيث اهميه الملف او القبول والرفض لو ماله علاقه بس لان زخم ديوزعون الاعداد لان يومياً اكو فحص بكلى المستشفيين

ماله اي علاقة عزيزي

308
السلام عليكم .....
أخواني و أصدقائي ألأحباء أني راح أسافر في بداية الشهر السادس ... أني محتاج دعواتكم ألي بسلامة الوصول ... و أنشاء ألله الكل تسافر في أقرب وقت ...
أخوكم أمير علي ...
تحياتي .


بالسلامة اخوية امير، وان شاء الله تتوفق بحياتك الجديدة

309
اخوان آني بعد حوالي ١٥٠ یوم اجالي ایمیل الفحص الطبي، و اتصور ماکو اي واحد اقل من هاي المدة اجالە الفحص الطبي، فلا تخلوا نفسکم بهاي الحالة النفسیة الغیر المریحة ... کونوا متاکدین راح یجیلکم الفحص الطبي بس یرادلة شویة الصبر یا اخواني الاحباء.

مع تحیاتي


اخوية تارزا الورد، شكرا على تشجيعك، ان شاء الله ربي يوفقك ويسهل امورك ويسهل امورنا جميعا

310
السلام عليكم اخوتي الاحبة
تحية طيبة ...
ان شاء الله الكل بخير وسلامة ...
حبيت اسلم على كل الاخوة الموجودين في هذا الكروب الرائع
صار فترة طويلة من كتبت اخر مشاركة
تحياتي لكل الاخوة اللي سافروا و اللي بعدهم ينتظرون مثلي
اليوم كملت 166 يوم على المقابلة و انتظار الفحص الطبي
ان شاء الله خير تحياتي و تقديري
ِ


حبيبي سمارت شلمت عليك العافية، مالنه غير الصبر والدعاء اخوية
يارب تفرج علينه جميعا

311
والله استاذي اكيد خير، واعتقد طلعت من التعليق
ونبقى ننتظر رد الاخوة للتأكيد
بس حبيت اطمنك
تحياتي

312
لالا اقصد الكيسات مو مال عائلتي يعني الرقم قصدي اللي قبل الكيس مالتنا واللي بعدها ضمن العشرة اللي اخر رقم يكون هو للكيس وحتى الفحص الطبي بعد مادزولي ايميل الفحص وصارلي 110 يوم من المقابلة انا خوفي لايجي رفض بس الله كريم وما النا غير الصبر

عادي اخوية كلنه خايفين من الرفض ، بلكي الله يبدد الخوف مالتنه ويدزولنه ايميل الفحص الطبي ونخلص، مسألة الانتظار طبيعية وصايرة ويه اغلب الشباب هنا
انت قابلت شهر 2 مو؟

313
اخي لوركا والله انا هم مو من هواة البيجات والفيسبوك بس هذا اقتراح الاخ رواد وطبعا نبقى بهذا المنتدى هوايه احسن وشخبارك اخ LORCA  الارقام اللي يم رقم الكيس مالتي كلها صارت Isseued ما عداي انا الكيس مالتي اعتقد بيها مشكلة لأن اثنين من العائلة ما راحو عالمقابلة والله كريم

حبيبي سندباد، اني لازلت اجراءات ادارية
هسه انت كبال اسمك  ISSUED؟

314
السلام عليكم شباب
حبيت اسلم عليكم واطمئن بسماع الاخبار الزينة منكم واتمنالكم كل الخير وقبل كل شيء اني اسف لبعدي عنكم في الفترة السابقة ولكن صدقوني ملتهي هواية وحاير بترتيبات السفر وحاليا اني بأنتظار ايميل الاسئلة الخمسة والله كريمو شباب اتمنى من كل قلبي ان تتوفقون من الله عز وجل واطمئنوا اخوان على كولة اخونه امير الكل راح تسافر والي افتهمته من بعض الاصدقاء ان اكو لوووود في عمل المنظمات والتأخير هو هذا سببه لا اكثر ولا اقل والله كريم هانت كلنه انتظرنه فترة طويله وانتو اعلم بحالي عبرت بوكتها 220 يوم انتظار للفحص الطبي ولليم صار سنتين وشويه اني انتظر السفر والحمد لله والشكر على كل حال ان شاء الله السفارة متنسه احد وتساعد الكل.
تحياتي
اخوكم وصديقكم علي


معذور اخوية علاوي، كانت النه احلى ذكريات بهذا الموضوع الي سويته انت
لحد الان كلما اضوج اكلب بي صفحة صفحة واقراه رد رد اتذكر ايام التقديم
ويارب الكل يسافر ويخلص ويارب تتوفق انت وبقية اخوتي بحياتكم بأميركا
واطلب من الكل ان بين فترة وفترة واحد يطب يشمر سلام ويروح لان هاي الخوة الحلوة صعب تتعوض
تحياتي

315
اسللام عليكم  ،، انه الحمدلله سجلت ونفتح الموقع بس هواي متغير ومو كلشي افتهمت بي يعني ال Us TIE  شـنــــــو هذاا'؟! وكلشي كاتبلي غير متاح في هذا الوقت وانه كان بالموقع القديم حاله الملف فعل والفحص الطبي والمقابله الاولى بانتظار ليش هسه تغيرت!؟! وبخصوص العمل كاتبين تم استلام الوثائق المطلوبه وجاري النظر فيها يعني هالشي يخوف لو عادي؟!!؟  وخانه رقم الهاتف فارغه مع العلم انه دازلهم رقمي ادزه مره ثانيه ؟! ارجو الرد

Us TIE
 يعني الكفيل حسب ما افتهمتها

وبخصوص العمل كاتبين تم استلام الوثائق المطلوبه وجاري النظر فيها يعني هالشي يخوف لو عادي؟!!؟

بعني ديتحققون من الاتش ار او الريكومنديشن، معناها رجعت من فعال الى البداية والله اعلم
اذا اوراقك صحيحة لتخاف مجرد يراسلون الجهة الي انطتك الركومنديشن ويرد عليهم وتتحول بأنتظار المقابلة الاولى prescreening

وخانه رقم الهاتف فارغه مع العلم انه دازلهم رقمي ادزه مره ثانيه ؟! ارجو الرد

هاي علمي علمك لان اني هم نفس الحالة

316
مرحبا اخ ameerali.

اشكرك على السوأل ياورد. أخوك جاجيــك موجود وباله ابد مو صافي  :(. وبصراحة ماكو جديد بملفي بعدني بمرحلة الاجراءات الادارية.
شكرا مرة ثانية على السوأل ياورد.

تحياتي


جاجيك اخوية الله يصفي بالك يا ورد، تسهل وربك كريم ، العام هيج وكت حايرين اني وياك بالدي اس ٢٦٠ والعدم محكومية
وهسه كاعدين ننتظر، الله كريم وهي تصفى خويي

317
بالضبط اني نفس الحالة وسويت نفس خطواتك وارسلولي الباسورد هو نفسه الي اني سجلت بي بس ماكدر ادخل ننتظر وان شاء الله خير شكرا على ردك

+

318
السلام عليكم
شكرا للاخ LORCA على اجابته على سؤالي وبالنسبة لسؤال الاخ رواد اني فعلا سويت صفحة عالفيسبوك باسم (اللي باقين SIVولازالوا تحت الاجراءات الادارية)وبالنسبة لأسمك بالفيس اخ رواد السهم المكسور فعذرا الف واحد اكو السهم المكسور فاذا تحبون تنضمون لهاي الصفحة مع التحيات

للاسف ماعندي فيسبوك اكاونت، ليش منبقى هنا مو احسن؟!

319
السَلام عليكم اخواني واخواتي الاعزاء...قدمت لأخي مع عائلته قبل سنتين ونص على برنامج IOM ولحد الان لم يحصل على موعد للمقابلة الاولى مع العلم انا سافرت لامريكا عن طريق SIV...سؤالي الاول هل تعتبر هذه الفترة من الانتظار طبيعية حسب رأيكم, مع العلم راسلت ال IOM اكثر من مرة والرد كالمعتاد قضيتك ما زالت قيد الدراسة.سؤالي الثاني كيف اقوم بتسريع القضية؟

حبي عادي جدا
اني مقدم طلب رئيسي ولحد الان ممحصل على مقابلة اولى، علما اني تقديم شهر 3 2013
وما اعتقد تتسرع واذا اكو طريقة تتسرع بيها الله وايدك لتنسى اخوك  ;D

320
اخوان حبيت اسألكم انا دزيت استفسار من خلال الفورم لأن اثنين من العائلة ما يريدون يجون وممقابلين اصلا فصار تحديث واحد وواحد من افراد العائلة اعتقد الطفل صار بيه and or وليش بقية العائلة باقية / والله ما افتهمت من هذا شي يا ريت الاخوان اللي عدهم خبرة يوضحولي مع شكري وتحياتي الكم

بالنسبة للطفل الي صار بلا سلاش يعني and or معناها جاهز للفيزا واجراءاته كامله وهذا شي طبيعي بس مرتبط بيكم من تكملون تجييك امني تصيرون مثله، اني وره المقابلة بيوم صار تحديث الي ولزوجتي بس بنتي مصارلها تحديث، لان اصلا هم اطفال ماعدهم تجييك امني

322
شباب شنو سافرتوووووووو شو لا حس ولا نفس يمعودين

على حطة ايدك صديقي وكلبنه تقريبا راح يخلص :D

323
اخ سندباد مهاجر
استمارة الرفض المؤقت تتضمن مهلة 12 شهر اي سنة واحدة لاكمال الاجراءات وهذا واضح تماما في الاستمارة واللي استلمتها باللغتين العربي وانجليزي اما نموذج الاستمارة اللي نشرتها مع موضوعي فهي من الانترنيت فقط للتوضيح..والمعروف انه المقابلة لا تتم الا اذا حصلت جميع الموافقات الاساسية مثل ما نعرف كلنا وعلى هذا الاساس ينطون نتيجة قرار القنصلية اما رفض (وهذا الك الحق ان تستأنف طلبك مرة اخرى بعد ما توفر النقص في اوراق طلبك وتثبت ان موقفك الامني صحيح وايجابي) او موافقة مع رفض مؤقت ( لحين اكمال الاجراءات الاخرى مثل الفحص الطبي او الوثائق الثبوتية او ترجمتها القانونية الخ وهذا هو المحدد في الاستمارة 221g)

اخوية العزيز اسولفلك (بالنسبة للعراق) (مقابلة اولى)

* مقدم الطلب الرئيسي لا يجري الفحص الطبي الا بعد استلام ايميل من السفارة تفيده بأجراء الفحص الطبي ثم ارسالها مع الجوازات.

*بالنسبة لجماعة اعادة المقابلة، يبلغوهم بيوم المقابلة انهم يرسلون الفحص الطبي والجوازات لانهم استوفوا الاجراءات الادارية.

*بالنسبة للاجراءات الادارية الي هم يذكروها موافقة مشروطة لحين اكمال الاجراءات، فخلي اسولفلك عليها، هاي فيكة اخترعوها هم (قانونية) لان ميصير الفيزا تنتظر اكثر من اسبوعين لأي مواطن من غير دولة (لو رفض لو موافقة) لهذا طلعولك هذا القانون، وهي تجيك امني شامل ومكثف على مقدم الطلب، لا الها علاقة بنقوص اوراق ولا الها علاقة بأي شي روتيني واداري، هي عبارة عن تجييك امني فقط.



324
اولا شكرا على اهتمامك اخ لوركا
لا اخويه الطلب اجاني مباشرة اثناء المقابلة والموظف المسؤول طلب مني ان ارسل الجوازات واكمل الفحص الطبي وايضا هناك اشارة بهذا في استمارة الرفض المؤقت لحين اكمال الاجراءات وهو نموذج 221g

استاذي الكريم اني الي اعرفه انه لازم ايميل فحص طبي يالله تبلش بالفحص الطبي الا اذا كانت اعادة مقابلة، هل انت مقابلة ثانية؟

325
اخي راغب شكرا لانضمامك الى هذا المنتدى الرائع اما بخصوص اضافة العائلة فعند تجييك الكيس هل يظهر جميع افراد العائلة في الكيس لو انت فقط وكان من الضروري ابلاغ الموظف القنصلي في المقابلة عن حالتك
ملاحظة هل المقابلة تمت في بغداد لو وين لأن النموذج 221g تابع للسفارة في الفلبين.
 
شكرا على ردك وترحيبك أخي
نعم المقابلة تمت في بغداد وعند تجييك الكيس الكترونيا يظهر معي جميع افراد العائلة والحقيقة كان التخطيط للهجرة متفق عليه ولكن الخلاف وقع بعد المقابلة وانا في حيرة من امري لانه مدة الـ 12 شهر قاربت على الانتهاء ولحد الان لم اكمل اجراءات افحص الطبي وارسال وصل البريد السريع كما طلبوا من علما انه طلبي قديم ويعود الى بداية 2013 ارجو النصيحة واذا هناك اجراء ممكن اتبعه لاعرف هل من الممكن تاجيل اجراءات باقي افراد العائلة والذهاب لوحدي في البداية لانه حتى اجور الفحص واللقاحات تتطلب مبلغ كبير من الصعب علينه تدبيره الان

اخوية انت اجاك ايميل منهم يكلك دزلنه الفحص الطبي والجوازات لو لا؟

326
السلام عليكم ...
أخي العزيز لوركا قول يا ألله .... ما ضاقت و ألا فرجت ... بس ينرادله شوية صبر ... أنشاء ألله نسمع أخبار حلوة منك ... لا يأس مع الحياة و لا حياة مع اليأس ...
تحياتي .


الله يسمع منك اموري العزيز
الله كريم

327
السلام عليكم اخواني التسجيل ميصير بالحساب القديم وانما دخلون على الموقع الجديد وتسوون اكاونت جديد برقم الكيس والرقم السري القديم او تغيروه بكيفكم المهم جدا انه لازم تنتظرون التفعيل يجيكم على الايميل واني اجاني وره 4 ايام يعني لاتحاولون الدخول الا يجيكم التفعيل واي سؤال اني حاضر

حبي هو اصلا مدتجي الرسالة الي يكول تم التسجيل بنجاح

328
السلام عليكم ....
هاي وينكم جماعة أل SIV ؟؟؟ شصار وياكم و ين وصلت ملفاتكم ؟؟؟ شو صنطة ليش ؟؟؟ بس نصيحة ألكم أخواني لا تيأسون من رحمة ألله ....
شنو أخبار أخي علي ؟؟ و شنو أخبار أخي تارزا ؟؟؟
تحياتي .

والله اخوية امير على حطة ايدك انتظار بأنتظار

329
السلام عليكم ... أني عضو جديد وياكم ... أذا تحبون أسمعكم قضيتي ! أني حصلت على الركمينديشن من الجنرال في بداية البرنامج ودزيت أوراقي ولكن في منتصف الطريق أوقفت المعاملة لضروف خاصة .. رجعت بعد كل هاي الفترة قدمت من جديد على الكوم أبروفال ورفقت وياها الركمينديشن مال الجنرال ولكن كلولي هاي من ع البرنامج الأول ونريد نوعية خاصة من الركمينديشن بيها معلومات خاصة مثل ماتعرفون تذكر بأي ركمنديشن .. الصراحة أستحيت أراسل الجنرال لأن زحمة تراسلك جنرال أمريكي تكله بلكي تسويلي هيجي !! فراسلت مدير مكتبه جان ويانا يشتغل طبعآ جان برتبة مقدم الأن الله وفقة صاير عقيد .. المهم الرجال كال تريد أدزهن من أميلي ! أني الصراحة كيفت لأن ماجان عندي VOE .. الرجال دزها هو وحصلت على COM APPROVAL .بشهر الثالث من هاي السنه .. أني جمعت الأوراق المطلوبه دزيتها لنبراسكا بعد يومين من أستلامي COM APPROVAL وأستلمت أيصال منهم انه هم استلموها .. من هذاك اليوم وأني ممستلم أي تحديث منهم ..دزيت أستفسار بس أتو ربلاي يجيني .. أني قريت بهذا المنتدى الكريم ان المدة هي 2 أسبوع الى شهر ونص أشو اني عبرت هاي المدة وماكو شي..شنو تعتقدون أخوان شنو أسوي؟ وشكرآ جزيلا

هلا بيك صديقي،  صديقي نصيحة لالله، لتعتمد على تاريخ وتوقيت منهم، مثلا اني بمرحلة الاوراق الي حضرتك هسه بيها طولت تقريبا شهرين ونص، وراها مليت دي اس 260 وضليت انتظر ايميلهم الي يكول المستمسكات كاملة وانت بانتظار موعد تقريبا شهرين وشوية، وراها دزوا عليه يردون مني عدم محكومية من الاردن، وطبعا نامت الشغلة تقريبا 5 اشهر، وراها بشهر الثاني دزيتها الهم بتاريخ 18 -2، وبتاريخ 29-2 دزولي على موعد مقابلة بتاريخ 7-3 وقابلت وبعدني انتظر، يعني من الاخير كلها صبر بصبر وانتظار قاتل، فنصيحة يا صديقي شوفلك شغلة التهي بيها لان مراقبة العملية والاجراءات راح تخبلك وتخلي حالتك النفسية بالكاع

330
جانت عايزة وتمت

اخوان الاخبار اللي ما تسر عن السفارة الامريكية لا راح يضل SIV ولا IV والله الي يستر وهاي ما خوش نهاية وحتى ما كلونا باي

اخر خبر سمعته ان موظفين السفارة باقين وانهم مستمرين بعملهم، اكو شي جديد؟

331
السلام عليكم
الاخ  Steve leader شكرا على السؤال وتحياتي القلبية
الكيس على حطت ايدك كلشي ماكو و الحمد لله والشكر اخر تحديث قبل اكثر من شهر و صابرين و نكول على الله
نصيحتي لك و لكل الاخوة الاعزاء ان تعيش حياتك الطبيعية و اذا اكو خير الله يقدمه
تحياتي للجميع


والله خلف الله عالدولة خلتني حاير بالكهرباء صارلي كم يوم
حتى ممجيك الموقع من وره الحر  ;D

332
الاخوة سمارت و رواد و في قرى الجن و لوركا و كلكامش و جاجيك .... هل من جديد اشو سنطه ؟؟؟

لا ابو علي ولا مسحاته  ;D
سموه كروب الطابوكة البلوكة اي شي ثكيل وهاي هي، بلكي تفرج ههههههههههههه

333
٣١/١ المقابله وشكرا

ممنون اختي وبالموفقية ان شاء الله بأميركا

334
السلام عليكم اريد اشكر كل الي ساعدوني من جماعة الsiv صدرت الفيزا بس الجواز بعده مواصل النا وشكرا الكم هوايه ساعدتونا
بـس استفسار وراها شنو الاجراءات

مبروك اختي، بس حبيت اعرف مقابلتج شوكت جانت؟

335
طبعا اولا السلام عليكم  ثاني شي صدرت الفيزا مالتنا اليوم واشكر مساعدتكم النا وشكرا

مبروك اختي، بالموفقية

336
اخویة سندباد، الاستفسار لە اهمیتە، بس کل اسبوع مرة واحدة فقط... اني ما سویت الاستفسار حتی بعد اکثر من ١٢٠ یوم، و بعد هالمدة بدیت بالاستفسار و بعد ٢ استفسار اجالي التحدیثات المتتالیة في عدة الایام ... انشاءاللە یجیکم هالتحدیثات عن القریب...

مع تحیاتي


اخوية تارزا هل كان الاستفسار عن شيء معين ام مجرد استفسار عن مجريات الكيس؟

337
والله استاذي العزيز هاي مشكلة عامة
اني حتى من اميركا حاولت اسجل ونفس المسج
اعتقد اكو خلل بالموقع

338
اخوية تارزا هو هذا الحجي الصحيح، توكل على الله ويارب امورك تمشي

339
اخوان السلام عليكم هسة احنا اللي باقين siv وتحت الاجراءات الادارية نريد نعرف كم واحد احنا باقين وكل واحد رجاءا يذكر تاريخ المقابلة والتحديثات  وارجو من كل من بنفس المرحلة ان يشارك حتى اللي بمراحل تسبق هذه المرحلة هم يا ريت يشارك ويانا حتى تعم الفائدة اخوان شاركوا وخلي نتساعد بيناتنا .....تحياتي

اخوية سندباد اني وياك
مقابل يوم سبعة بشهر الثالث وعندي تحديثين باول يومين فقط
بالمناسبة اكو موضوع مشابه لموضوعك والي باقين من الاس اي في كلنه ملمومين بي وكاتبين تواريخ المقابلات
تكدر تطلع بنفسك تشوف الشباب وين واصلة ملفاتهم
تحياتي ويارب يعجل بسفرك

340
اخويا جنكوفيس اني هم مثلك  راح اتحمبط بالفحص الثاني ولو اني بوري معدل لان الاطفال ضايع دفتر اللقاحات وشبعوهم لقاحات وبالاخير حاجيتهم بكل برود وراسي حار وطلعت المحفظة كتلا شكد صار حساب الفحص حجت وياي بالانكليزي كلتلي المبلغ كذا كتلها ما اعرف انكليزي رجعت حجت وياي بالتركي كتلها مدا افتهم لزمة ورقة وكتبت المبلغ 21 ورقة كتلها مابيها مجال ماحجت شي بس هزت براسها يعني لامابيها مجال
هم راح ارجعلها مرة ثانية بس ان شاء الله السعر اقل لان مابيها لقاحات
تحياتي

اويلي يابه
الله يكون بالعون اخوية ايوب، ان شاء الله ربي يعوضك خير ويسفرك بأسرع وقت

341
\\

لا اخي لان الايميل اصلا اجاني من راسلتهم على هذا الايميل اشكرك

اي حبي مو ذاكرلك تراسلهم من نفس ايميل صاحب الكيس لان ميصير من ايميل ثاني

342
والله يا اخوية لوركا اني قابلت بيوم سبعة بشهر الواحد و ليهسة كلشي ماكو .... صار عندي بعد المقابلة يمكن اربع تحديثات و بعدهة كلشي ماكو والحمد لله على كل حال .... المشكلة انه الفحص الطبي راح يخلص :)) و شكلي راح اتحمبط بفحص ثاني الي و لعائلتي ههههه

اويلي الله انتوا جماعة عمان فحص قبل المقابلة :D
الك الله صديقي كول يا الله بلكي تملص قبل ميخلص الفحص
اني تحديثين بعد المقابلة وراها سنطة
هاي واني مصارلي هواية من مقابل(7-3)يعني بشهر الثالث والايام مدتمشي :)

343
الحمد لله على كل حال .. وان شاء الله ربنا يعوض صبرنا ... مشكورين احبتي امير و ابو سفيان ..تحياتي

اخوية الي سووا الفحص الطبي مروا بهالحالة واحنه الي بعدنه دنمر بهالحالة
خلي اتكالك على الله واصبر لان مالها غير جارة، اني اسف جاوبت هيج جواب وقلقتك
بس صدك واعتقد اني هم دا امر بحرك الاعصاب هذا بس عندي ايمان بالله انه مراح يخذلني بالنهاية وراح تصير سوالف، وتره تطول عادي وانت بعدك بالرينج مال الاجراءات الادارية

344
السلام عليكم
اولا احب ارحب بيج بدوامة معاملة الـ SIV,
ثانياً الاسئلة هاي مرت عليه بوكتها وجاوبتهن بملف وورد يعني لازم تكتبوها منظمه ومرتبه بملف microsoft office word وبعدها   تكتبولهم بالرسالة وتنبهوهم بوجود ملف مرفق وورد يحتوي الاجابات على جميع الاسئلة وان شاء الله تنحل مشكلتكم بس ياريت لو تتأكدون من الاجوبة ومن ترتيبها بالشكل الصحيح يعني من الشخص الاكبر سناً الى الشخص الاصغر سناً .
تحياتي


اني هم مرت بيه هاي الحالة مال طلب المعلومات، وكانت بالتحديد عن السفر والخدمة العسكرية
وبصراحة ذكرتها كتابة بالايميل مو بملف وورد مرفق، بس نصيحة طريقة اخوية علي ارتب واحسن، ويارب الله يعدي مدة الانتظار القاتلة عليج بخير
تحياتي

345
السلام عليكم ... كيف الحال اخي امير ... ولو مداخلة صغيرة .. بشنو تقصد مرحله الخطر .. هل هناك رفض اثناء المراجعه الادارية او شنو الخطورة ممكن توضح .. تحياتي لك و للجميع

اخي ستيف، عذرا على المداخله لان السؤال موجه لأخي امير، لكن نعم يوجد رفض اثناء المراجعة الادارية( رفض لاسباب امنية) فيسحب التشيف اوف مشن من المقدم، وحصل هذا الامر مع احد اصدقائي. فور استلام ايميل الفحص الطبي، تعتبر القضية منتهية بنسبة 99 بالمية مالم يكن هناك ( حالة طبيه) تمنعك من الدخول الى امريكا وهي نادرة جدا بل لم اسمع عنها من قبل
اتمنى اكون افدتك

346
احنة من قابلنة بعمان انطونة ورقة بيهة هاي الاسئلة و طلبو مني ان ارسل الاجابات عن طريق الايميل و اكدو علية انه ارسل المعلومات اللي تخص صاحب الملف فقط وليس لكل افراد العائلة و دزيتهة و جاء الرد بأنه همة استلمو المعلومات و سوف يتم الاتصال بي مرة اخرى اذا همة احتاجو اي معلومات اضافية ........وهذه يوم و ذاك يوم ههههههه

مرحبا اخوية جنكوفيكس، طمنا عنك وين وصل ملفك؟

347
لسلام عليكم

دزيت رساله استفسر بيها عن كيس نمبر وجاوبوني هيج



In accordance with the laws and policies governing the confidentiality of Department of State refugee processing records, we are unable to provide information to you regarding specific refugee cases, including the case you are interested in The refugee applicant may obtain information about his or her case by inquiring directly to the processing center handling the case. We appreciate your understanding of the Department‘s need to ensure confidentiality in the U.S. Refugee Program.


يكولون اسال الجهه التي يمها القضيه زين شنو يقصون ويا ايميل الواحد يكدر يستفسر بيها منهم اذا مو هذا لللي دزيت علي


تحياتي

اعتقد الجهة الي المفروض ترسللها الايميل هي العنوان التالي
ic@iom.int
واعتقد همين لازم بنفس ايميل التقديم مو ايميل ثاني

348
السلام عليكم شباب و اعتذر من صاحب الموضوع بس ملاحظة اصغيرة على المشاركين اشوفهم طلعو من الموضوع وانفتح موضوع كيفية التسجيل بالموقع اصدقائي تره هذا الموضوع الفتحه الاخ كلش مهم ماكو داعي للمواضيع الجانبية تكدر تسال اموضوع منفصل في النتدا و مرح ايقصرون وياك الاعضاء

طبعا المقصود اني لهذا راح ارد على جنابك الكريم:
اولا مابيها شي ان تنحسر المواضيع المتعلقة بمرحلة قبل المقابلة كلها بموضوع واحد.
ثانيا مراح ينقص من الموضوع شي اذا خليت استفسار بي واذا تلاحظ حتى صاحب الموضوع رد علي ولو شايف الموضوع خارج عن الاطار كان هو تكلم.
ثالثا مأخذت من الموضوع اكثر من اربع ردود حتى يصير تشنج بالقضية.
رابعا اني مشمول بعنوان الموضوع الي هو الي (ممقابلين ولا مقابلة.
خامسا (موضوعي الجانبي) من ضمن مرحلة الكيس يعني مو جاي اني هجرة عشوائية علمود تنحسب بره الموضوع.
سادسا اعتذر لصاحب الموضوع عن المشاركة مرة اخرى واعتذر لباقي الشباب عن الدخول مع حضرتك (بنقاش جانبي) ماله داعي.

349
السلام عليكم .... اخوان منو من القدماء مثلي الي ما اجاه تحديث بدايه هذا الشهر و بعده ينتضر ايميل دخول الجنه ههههههه خلي نعرف اخر المستجدات ... تحياتي للجميع

اني  :D

350
سلام عليكم اخوان مشتاقلكم
وتحيه طيبه لجميع الاخوه الطيبين والف مبروك الي ستلم فيزا وسافر ويا رب لجميع ان شاء الله اسف لعدم المشاركات  الحمد الله استلمت ايميل فحص وفحصت ودزيت الجواز والفحص  من مكتب ال dhl المنصور صار ٥ ايام وبنتظار النتيجه ويا رب تعدي على خير وبصراحه حيل تعبت من هل شي حسب خبره الاخوه الي سافرو شكد ويجي تحديث بعد ارسال الجواز مع الفحص بصراحه اني حتى مليت من الانتظار اخاف ذوله هم نامو مثل قبل شكرا
تحياتي

الف مبروك اخوية وان شاء الله مباقي شي وتستلم الجوازات والفيز، اعتقد متاخذ فترة طويلة يعني اسبوع بالاكثر حسب تجارب الشباب هنا، كلي بلا زحمة شكد طولت المدة بين المقابلة وايميل الفحص؟

351
الحمد لله على سلامة الوصول ...
بفضل من الله تعالى وصلنا بسلام الى الولايات المتحدة ولاية تكساس - اوستن بعد مغادرة العراق يوم 11-4-2016 متوجهين الى الاردن في الساعة العاشرة ليلا وقد استقبلنا ممثل المنظمة في مطار الملكة عاليا , ثم غادرنا الاردن الساعة الثانية والنصف بعد منتصف الليل متوجهين الى فرانكفورت وتم استقبالنا ايضا من قبل المنظمة , ثم غادرنا المانيا الساعة العاشرة صباحا متوجهين الى هيوستن في رحلة استمرت عشرة ساعات لنصل في الساعة الثانية ظهرا , كان هنالك اشكال في قضيتي لا اعلم ما هو فقد احتجزنا لمدة ساعتين في المطار وكاننا مجرمين او سيء من هذا القبيل وفي اخر المطاف جاء احدهم وقال للظابط لقد دققنا في الاسماء وتبين انها صحيحة في الوقت الذي تمنيت ان اعود ادراجي الى العراق ومن ثم غادرنا هيوستن متوجين الى وجهتي الاخيرة مدينة اوستن , كان في استقبالي كفيلي والكيس وركر وهي امراة امريكية جورجية الاصل تسكن تكساس كانت في غاية الودية والاستقبال الحار لي ولعائلتي ثم توجهنا الى المسكن وهو عبارة عن شقة غرفتين نوم وصالة في منطقة جيدة وراقية عكس ما كنت اتوقع ولكن اجارها 1100 دولار شهريا
اخيرا اشكر ادارة المنتدى وجميع الاعضاء على مساعدتهم وتعاونهم معي واخص بالذكر الاخ العزيز الشهم "جاجيك" الذي قدم لي جميع التسهيلات في اجراءات المطار , انشاء الله الجميع يسافر في اقرب وقت ... مع وافر تقديري واحترامي لكم . 


الف مبروك ابو ريم الورد، اخوية نصيحة الك راح تواجه هواية صعوبات، لتيأس صديقي ولتخلي عزيمتك تهبط، ومرة اخرى الف مبروك وياريت متكطع على اخوتك وتطمنا عنك كل فترة
تحياتي

352
الف هلا باخوي LORCA سألت عليك العافية والله ياخويا حالي مثلكم بعدي اجراءات ادارية ودا افكر انقل ملفي على بغداد لان الشغلة احتمال طويلة والله المستعان
تحياتي

الله كريم صديقي، يارب تسهل الامور، نصيحة لترجع للعراق، احنه هنا عاصين، انت بلشت بلشت كملها للاخير، طبعا هاي نصيحة الك صديقي وما اعرف بعد

353
 :P
نعم الاخ LORCA كلامه صحيح الخلل من الموقع نفسة اكو مشكلة من يمهم .المشكلة مو بالنت المشكلة من يمهم مية بالمية.

اذا هذا تأكيد على كلامي، شكرا اخوية مارك على التأكيد

354
اخي العزيز (  LORCA ) اذا تريد تعرف انو كافة اجراءات التسجيل صحيحة التي انت ادخلتها سوف تظهر هذه الرساله لك ادناه واذا الاجراءات غير صحيحة لم تظهر لك هذه الرسالة ..
ملاحظة في نفس هذا الموضوع اني منزل طريقة مبصطة للتسجل في الموقع الجديد عن طريق الصور ارجع للخلف وشوف الصور وتأكد من كتابة نفس رقم الكيس مالتك في خانة اليوزرنيم على سبيل المثال ( IZ 123456 ) والباسوورد نفسه في الموقع القديم واذا لم تنجح اكتب الباسوورد الاقدم مالتك ولا تحاول اكثر من مرتين في الساعة كي لا يتم تعطيل حسابك وتصير االشغلة اصعب

                                      اخوك ابو محمدعلي

اخوية ابو محمد كل الاجراءات صحيحة الي مسويها وراجعت طريقتك
بس نفس الرسالة دتجيني

355
ردت اسأل على اخونه ايوب، الي هو اعتقد بتركيا، وين صفه بيه الوكت؟

356
مرحبا lORCA
بحسب كلامك المشكلة بالاتصال مالت الانترنت وماله أي علاقة بالبيانات ... تحياتي
ملاحظة: هل أدخلت جميع البيانات باللغتين العربية والإنكليزية ... انتهى

اهلا عزيزي، اكيد ادخلت المعلومات كاملة بالعربي والانكليزي
بالمناسبة هذا الموضوع ما اعتقد اله علاقة بخدمة الانترنت ليش
لان سجلت من حاسبات اثنين هنا بالعراق ومن خطين مختلفين
ووره مأيست انطيت البيانات لصديقي بأميركا ودخلياهن ونفس المسج اجه
لهذا دا اسأل، ممعقولة بأمريكا الاتصال ضعيف!

357
سلام عليكم اخوان
كلما احاول اسجل بالموقع ووره ما اكمل كلشي صحيح يطلعلي هذا
Unable to register your account. You lost your internet connection, please try again.
مع العلم حتى من اميركا حاولت اسجل عن طريق صديق وماكو فايدة
اكو حل؟

358
الاخ LORCA تحية طيبة
اني وياكم طابك على السرة و انتظر الفحص الطبي
الله كريم خليهم براحتهم ما مستعجلين

حبيبي  سمارت الورد، هلا بيك ويارب الله يسهلها علينه وعليك

شوكت قابلت؟

359
السلام عليكم ...
أخواني ألي المنتظرين الفحص الطبي .... أخي لوركا و جاجيك ( دبس و راشي ) و رواد و سمارت و في قرى الجن .. ماعندي أخبار عن كوست ليد و ستيف ليدر أذا مستلمين الفحص لو لا ... وسؤالي أيضا عن أخي خفاجي ( أنت جددت الجوازات لو لا ؟ ) ....و أنا أسف أذا ما أتذكرت بعض ألأسماء ...
أخواني أنشاء ألله كلكم راح تستلمون الفحص الطبي و راح تسافرون بأذن ألله ...
تحياتي أخوكم أمير علي .

والله اخوية امير علمي علمك وياريت يطبون يطمنونه عليهم

360
السلام عليكم
شباب كلما اريد اسجل يكلي
Unable to register your account. You lost your internet connection, please try again.

شنو الفلم؟!

361
اختي الكريمة ameerali من اين لك هذه المعلومة حول انتهاء العمل مع SIV في 30 - 9 - 2014 ياريت الرابط

استاذي الكريم اني واحد من الناس الي استلمت ايميل بوقتها ياكد على انتهاء البرنامج

362
يوم ١٣الفحص وننتظر والله كريم مـاكو شي جديد

الف مبروك فرح على ايميل الفحص، تمنياتي بالتوفيق

363
شباب حاليا منو باقي من الشلة القديمة مجاه ايميل الفحص الطبي
اعتقد اني وجاجيك وراواد.... اكو احد بقه؟

364
الاخ Tarza نحن بخير والحمد لله تنقصنا الفرحة بقدومكم جميعا اخي العزيز...طبعا في البداية اعتذر لقلة المشاركات لان بصراحة مشغول جدا مع المواعيد المختلفة ومتطلبات الحياة ...اخي العزيز الحمد لله بعد تقريبا ثلاثة اسابيع من وصولنا استلمنا الكرين كارد وحاليا الامور مستقرة نوعا ما ,الاطفال في المدارس وانا ادرس لغة في مدارس الكبار عموما اخي الامور طيبة ان شاء الله ......تحياتي لك ولجميع الاخوة 


الاخ العزيز متفائل جدا، مشتاقيلك وعذريك لان مشاغل الحياة كثيرة، احلى ايام قضيناها سوه هنا بهذا الموضوع ويارب نتذكرها دائما بخير، وياريت كلما يصير عندك مجال تطب على اخوتك تطمنهم عنك لان انت عزيز وغالي.... ومرة اخرى الف مبروك اخوية على الكرين كارد

365
اخ امير ياريت تراجع الرسائل الخاصة او تدخل عالجات منتظرك اريد احجي وياك

366
السلام عليكم
حبيت ابشركم بأستلامي رسالة الفحص الطبي وان شاء الله راح اباشر بأجراء معاملة اعادة العدم محكومية لان طلبوها مني بسبب انها اكسباير والله كريم.
تحياتي وتمنياتي للجميع بالتوفيق


ألف مبروك علاوي الورد

367
عزيزي نحن ايضا ارسلوا لنا رسالة تفيد باننا لسنا مؤهلين لبرنامج ال SIV  و على ضوء هذا تم رفضنا و سحب الكوم ابروفال. ألان الموقع مكتوب فيه REFUSED بعد عناء و تقديم منذ ٢٠١٠.  لا يسعني سوى قول  (  وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ) و الحمد لله رب العالمين على كل حال.


والله يا اخي ياريت تبينلنه الي صار وياك ، راعي اكو اكثر من شخص اعصابه متدمره من وره الانتظار، شنو سبب الرفض الي صار وياك، وما هي المدة بين المقابلة والرفض، وهل قدمت استئناف لو لا؟

368
اخت فرح اما تقدميلهم IOM او تنتظرين تحصلين على الجنسية وتقدميلهم معاملة لم شمل
او يقدمون على فيزا زيارة بعد وصولج ويبقون هناك، بالنسبة لفيزا الزيارة اذا     ما كان عدهم ملف IOM ففرص اعطائهم الفيزا تكون قليلة

369
طبعا احنا خابرنا على نبراسكا والي ردت علينا انطتنا ايميل نستفسر منا ودزينا اني اريد رقم اتصل عليه بغداد هنا السفاره لان موعد المقابله اندز من بغداد والايميل الي قبله اندز من askيريدون اوراق ومستمسكات اندزها على ايميل همه معينيه وقبل خمسه بهذا الشهر اندزهم  شي غريب واحنا كلها دازيها والاغرب دزولنا المقابله للكفيل وبدون موعد يعني معقوله مقابله ثانيه واحنا siv ما ادري اريد مساعده ورقم اكدر اوصللهم بيه للسفاره لهنا شكرا

ايميل مباشر هم ميردون، اني صارت ويايه ومردوا عليه، واعتقد اكو بواحد من الردود هنا رقم تليفون كتبه احد الاخوة، بس يمكن من تتصلين عليه يطلع انسر مشين، يبقى موقع السفارة تدزين عليه ايميل ويتأخر الرد، وياريت اكو احد عنده رأي اخر

370
السلام عليكم دزولنا رساله غريبه وهي مقابله واحنا اصلا مقابلين  والاغرب بدون يوم او تاريخ للمقابله وقبلها دزولنا رساله من ask انو نحضر المستمسكات والى اخره من اشياء دزيلنا استفسارات على اماكن مختلفه قصدي ايميلات اريد نعرف شنو السالفه لان احنا ننتظر فحص طبي وصارلنا شهرين من قابلنا  والاغرب دزولنا الرساله عن طريق الكفيل وشكرا ارجو المساعده
بلا متتعبين نفسج، اذا كفيلج انكليزيته زينه باجر ساعة سبعة ونص مساءا بتوقيتنه يخابرهم ويفتهم منهم أو اذا انتوا انكلزيتكم زينه خابروهم، لان بصراحة رد الايميل يطول و رد التليفون بنفس اليوم، خرابيط تصير عادي لا عبالج مرتبين، احتمال على ايميل قديم ارسلولكم الرسالة

371
اخواني و اصدقائي، قبل شویة فتحت الایمیل مالي و الحمدالله وصلني الایمیل من السفارة العراقیة، و طلبوا مني ارسال الجوازات و الفحوصات الطبیة و کذلك اعادة عدم المحکومیة للکل عدی طفلي ١٠ سنوات ... اتمنی ان یکتمل سعادتي مع التحدیثات القریبة انشاءاللە لکیس مالکم، و انشاءالله السفر للکل ... اخویة ameerali ممکن ان تعطیني بعض المعلومات عن الفحص الطبي رجاء...

مع تحیاتی


الله على هالخبر الحلو اخ تارزا، الف مبروك فرحتلك من كل قلبي
ان شاء الله اصدار الفيزا والسفر بأسرع وقت
تحياتي

372
الف مبروك اخوية علاوي والف مبروك لتارزا ولبقية الشباب الي اجاهم تحديث
يارب نفرح بيكم وتخلصون من ضغط الاعصاب ويجيكم ايميل الفحص بأسرع وقت

373
يا الله اخير صار تقدم بملفاتكم شباب، يارب نسمع الاخبار الحلوة باقرب وقت

374
انشاء الله فاتحة خير على الجميع , تم تحديد موعد السفر تقريبا في منتصف الشهر الرابع , دععيا المولى العزيز ان يعوض صبركم خيرا وان يفرجها على الاخوة المنتظرين انه سميع مجيب
الف الحمد لله يا رب، الف مبروك عزيزي ابو ريم الورد، صبرت ونلت، يارب بالموفقية وننسلت واحد واحد وراك
امانة الله لتنسه اخوتك من توصل واذا نسيت فمعذور مقدما، حاول بعدين تطمنة عنك

376
السلام عليكم .احب ان اشكر الاخوان الذين شاركوا في هذا الموضوع وشكرالى الاخ العزيز ( فايرفوكس 1 )لانه احسن من المنظمة وذكرني اني تقديم يمكن شهر الثامن 2013 والله حتى نسيت شوكت رقم الملف IZ-147 وليهسة كلشي ماكو ولا حتى مسكول واني اخابرهم هههههه المشكله انه اتصل بالمنظمة ايكلولي بانتضار التاكد من وضيفتك ارجع اتصل بالشركة ايكلولي الله وكيلك لا واحد اتصل بينة ولا منظمة ولاشي يعني بين قوسين عصفور كفل زرزور واثنينهم طيارة مواني ملت كبل محد صدكني الجماعة 56 اصلي .

وتحياتي شلع قلع

حبي اني وياك نفس الوقت تدري، فرق 3 ارقام بين كيسي وكيسك
اللقطة وين، اني تأكدوا من عملي 2014 لأن هم جنت اعاني من نفس هاي اللغوة مال تأكيد العمل، ولي هسه لا ابو علي ولا مسحاته، كلما ادزلهم يكولولي بعدنه اجراءات ادارية

اعتقد ذولة يتبعون السنين، سنة بطيئة وسنة سريعة، لهذا تلكة هواية تقديم 2013 نايمة عليهم طابوكة وهواية كيسات 2014 فلتوا

377
صديقي اني ابتركيا  عندي ملف من 2010 بالأردن بس الي افتهمته مالي حق انقل ملفي من الأردن .الى تركيا . فكلت اجي للاردن وسوي أقامه ورجع الى تركيا وشوكت ما ايطلبونب اجي هاي هي القصه

زين اولا هم عدهم علم بيك انت بتركيا؟
هاي شغلة وشغلة لخ انت بيا مرحلة واصل، مقابل لو لا؟
يعني مثلا جنت بتركيا واتصلوا بيك قبل علمود مقابلة ورحت قابلت ومشت الامور عادي؟



378
اقامة الاردن ايداع مبلغ بالبنك وتحصل الاقامة
ودخول لبنان اعتقد ميحتاجلها فيزا مسبقة بس تذكرة طيران ومبلغ من المال تسأل عنه بالمطار
بس سؤال، انت شتسوي بأقامة الاردن، تبقى هناك تجاوز ومن يطلع لو تدفع لو متدفع واذا مدفعت يصير عليك منع 5 سنوات وابوك الله يرحمه، ها ومحد يكدر يرحلك لان عندك ورقة حماية.

اكو شغلة ... انت ملفك تكول بالاردن وتريد تحولة الى تركيا، زين شلون انت ملفك بالاردن وشلون تدور اقامة بالاردن؟! ملفك بالاردن يعني انت موجود بالاردن صح لو غلط؟!
خوية فهمنة بموضوع واحد ولتتشعب حتى نكدر نساعدك...
تحياتي.

379
لا جديد اني تقديم شهر رابع 2013 وتم التثبيت شهر 8 2013 ولحد هسه لا مقابلة اولى ولا كل شي، بطرك الكيس نمبر (143) الي استلمته بشهر 8 2013 وكلما ادزلهم رسالة يكولولي الملف تحت الاجراءات الادارية، عفيه اجراءات ادارية الي مدتخلص من 2013 الى 2016

381
اختنا الغالية الكريمة
اخواني الرائعين في هذا المنتدى الرائع
السلام عليكم

طبعا شكرا الى كل من ينقل تلك الاعداد ومن ينقل تلك الارقام الينا وبعث السرورالى القلوب والتقليل من من مرض الانتظار حتى وان لم تكن صحيحة او مظبوطة المهم هو عامل حركة السفر المستمر الذي لم ينقطع من قبل المنظمة
الاعداد متفاوتة ففي يوم تجده يصل الى عدد مذهل ويوم يصل الى نفر واحد فقط وليس لكيس فيه 7 نفرات

سلامي الى اخونا الغائب عن العين لكنه حاضر في القلب الاخ دبس وراشي من خلال موضوعكم الكريم لان له مواقف جليلة تخص مثل هذه المواضيع
اخوكم علي ليو ابو ايليا

الاخ دبس وراشي موجود بالمنتدى حاليا تحت اسم (جاجيك)

382
السلام عليكم شباب
بالنسبة الي كملت ١٩٦ يوم انتظار والله كريم، انتوا شنو اخباركم؟؟.
تحياتي

علاوي اخوية اول مأجاني اشعار ايميل وقريت اسمك كلت الله فرجها عليك
ميخالف اخوية اتحمل وكلنه نتحمل لان ماعدنه غير حل انو نصبر وهاي هي
ربي يسهلها عليك وتستلم ايميل الفحص بأقرب وقت

383
اخوي سندباد المهاجر، احب ان اسأل الاخوان بان یوم المقابلة (٢-١١-٢٠١٥) القنصل گلي A few month و راح تستلم الڤیزا، بس هو هم گلي ابنک راح یصیر عمرە ١٦ سنة في یوم ١٢-٢-٢٠١٦، و طلب مني ان ارسل ال finger print مال ولدی مع الفحص الطبي بس حتی الان لم استلم ایمیل الفحص الطبي و انني لم ارسل ال finger print مال ولدي... فما ادري هل هذا یاثر علی تاخیر الکیس مالي؟

مع تحیاتی


اخوية تارزااعتقد يأثر واني من رأيي تسويها وترسلها ومتنتظر الايميل
لأن هو كلك عليها بالمقابلة، مجرد ان تسويها وترسلها وتجيك ومن تشوف اكو تحديث بملفك معناها انضاف وهم نسمع رأي الاخوة

384
رقمي 2072وممقابل ولا مقابله وملفي فعال فقط وعدد الأفراد فقط نازل بالجدول مال موقع عمان سابقا. وهسه ماعرف افعل الموقع الجديد. ارجو ألمساعده. ed Jabbar / Case update /NAN / IZ

This message hasn't been delivered yet. Delivery will continue to be attempted.

The server will keep trying to deliver this message for the next 1 days, 19 hours and 55 minutes. You'll be notified if the message can't be delivered by that time.
وهذي البارحه دزولي رساله طلبت منهم تفعيل الموقع وجاوبوني شيقصدون
يقصدون ان الرسالة مالتك موصلت وأن محاولات ايصال الرسالة مستمرة، والسيرفر راح يضل يحاول ارسال الرسالة خلال المدة الي ذاكريها. وسوف يتم اعلامك اذا الرسالة مراح تتوصل بهذا الوقت

385
والله اكو اشخاص قالو لهم في المقابله كبل مانث يعني شهرين واكو اشهر قليله واكو انتظر وخلص اًًٍنًٍّـــــــ

بيوم مقابلتي كلنه كالولنه 200 يوم تقريبا، يعني هاي تصرفاتهم تخلينه نكول انو ماكو ثوابت بالموضوع (على كطعان العقل) والله الصراحة الشغلة الاحسن ان الواحد يغلس ويعوفها هي تجي ( بس يا بطل يسويها :D)

386
السلام عليكم شكد صارلكم تنتظرون لو سمحتم اريد اعرف لان سمعت تسريع بالقضايا
عزيزتي ما اريد احبطج بس الحقيقة اكو تبطيء بالقضايا وليس تسريع
جان معدل مدة الانتظار 120 يوم وهذا ما حصل ويه دكتور رومي + متفائل جدا + اميرالي

بعدين صار 201 يوم ( حسب مكالتلي الموظفة بالسفارة)
وعندج اخونه علي صاحب الموضوع خير مثال

بعدين حاليا سمعنة صارت 300 يوم او هيج شي

عموما ياريت صدك اكو تسريع بالقضايا بصراحة لان مو مال هالفترة

بالمناسبة اني مصارلي من مقابل غير 10 ايام

تحياتي

387
حبي رواد راسلهم مثل ما كال اخوية مارك
اني دا انتظر رسالة تفعيل من الموقع مدتوصلي فراسلتهم سألتهم على الكيس
جاوبوني هسه وره اسبوع تقريبا من ارسالي للرسالة كالولي ان الملف بعده اجراءات
والله كريم

388
انت راسللهم تأكيد عملك مع الامريكان؟

اخوية رواد اعتقد انت اس اي في دنتنظر بعد المقابلة، او ماشي بالمعاملة حسب ما اتذكر
شعجب جايك غير مؤهل؟!

389
اخواني ( لورکا و فی قری الجن) و الله راح  صبرنا من طول الانتظار، فلازم من بين فترة و فترة نسوي مزحة و شوية نضحك....طبعا انا اسف علی هذه المزحة بس ردت شویة ننسی همومنا.

مع تحياتي

ليش تتأسف صديقي، بالعكس والله بوكتها، لان صدك حالة الترقب والقلق والخوف كتلتنا كتل، وهاي المزحة طلعتنا من هذا المود المؤذي
بصراحة كلما اتذكرها اضحك هههههههههههه
تحياتي صديقي

390
الاخ العزيز( LORCA ) اذا قمت بالتسجيل الصحيح لاشيء امامك سوى الانتظار لان اللود الي صاير على المنظمه مو طبيعي واني من سجلت على الموقع الجديد وره شهر ياله اجتي رساله التفعيل وكدرت ادخل على موقعي الجديد احوك (ابو محمد علي ).

ممنون ابو محمد رحم الله والديك عالاجابة

391
رسالة تأكيد التسجيل تتأخر على الموقع الجديد وهاي وحدة من مشاكلنه متى اخر مرة سجلت بيهة؟ انتظر يجوز تاخذ اسبوع او اكثر والله المستعان... بالمناسبة شكد رقم ملفك (اول ثلاثة ارقام فقط) وسجل ويانة بهاي المجموعة
حبيبي اخر مرة سجلت بيها اعتقد قبل سنتين او هالشي هذا، بس تركت الحساب فترة ورجعت عليه وره فترة صارلها تقريبا سنة وشوية ومن ذاك اليوم لي هسه مدا اكدر لا احصل كلمة سر جديدة ولا اي شي، اخر شي عالموقع الجديد دخلت ايميلي علمود كلمة السر جديدة كالي الايميل مموجود عدنه فسجلت مرة لخ وصارلي اسبوعين تقريبا دا انتظر التأكيد، رقم الكيس مالتي 143 وذكرت بمشاركة سابقة اني احب انظم وياكم
شكرا عالاجابة عزيزي

392
شباب دا احاول اسجل بالموقع ولحد الان مدتجيني رسالة تأكيد، اكو احد مر بهالحالة أو شنو الحل مالتها؟

393
اخواني و اصدقائي الاعزاء الحمدالله اليوم الصبح ساعة 7:30 رحت على مود الفحص الطبي و حتى الساعة 9:30 انتظرت و حصلت على البطاقة و انشاء الله راح اسوي الفحص الطبي اليوم في ساعة 1 بعد الظهر... شگد فرحان بعد انتظار خمس سنين، الیوم راح اسوي فحص العیون لتجدید الاجازة السیاقة ...  :) ;) :D ;D، ......

مع تحیاتي


نعلى على ههههههههههه واني غير كيفت عبالي دزوا عليك عالفحص

394
مبروك اموري ويارب تتوفق بحياتك

395
السلام عليكم
ارجو تقبلوني وياكم
رقم الكيس IZ-143
تاريخ التقديم 04-2014
تاريخ الحصول على الكيس نمبر 09-2014

لحد هسه ماكو اي اتصال والمشكلة كنت مشترك بالموقع سابقا وجانت الخانة الاولى مكتمل، بس تركت الدخول للموقع لفترة وبعدين مكدرت ادخل مرة ثانية، سجلت حاليا بالموقع الجديد ولازلت صارلي اسبوع انتظر ايميل التأكيد وماكو نتيجة، يا اخوان الموضوع طبيعي لو لا؟

تحياتي

396
مبروك اخوية اميرالي وان شاء الله المستقبل الباهر في اميركا

397
الاخ لوركا
اني قدمت استمارة DS-260 واجاني ايميل بيه CHECK LIST وكلامك صحيح صورة قيد 57 غير مطلوبة لكل افراد العائلة بالنسبة للمتزوج.
اما صورة قيد ولادة فهي مطلوبة للزوجة والاولاد فقط يعني مقدم الطلب غير مطالب بيهه.

ارجو تحديث الموضوع لان الموضوع قديم واكثر الناس طلعت قيد 57 وصور قيد ولادة اعتمادا على موضوع المشاركة.

هاي بالنسبة لملفي وياريت من بقية الاعضاء اللي وصلو لهاي المرحلة ان يذكرون شنو المطلوب منهم حتى  نستفاد اكثر

اخوية العزيز أكد على كلام اخوية جنكوفكس، المستمسكات كلهن مطلوبة منك بمرحلة الان في سي بس مو كلهن مطلوبات بوقت المقابلة

عيني هسه استنادا على كلامك انطيك النصيحة التالية حتى لتدوخ

1- صورة القيد
تروح للجنسية، تاخذ الورقة الزرقاء الي بيها كل افراد الاسرة (الورقة الزرقاء) الي بيها صوركم (افراد الاسرةالي مقدمين عالاس اي في) يكلولك تروح للسنك علمود تترجمها هناك، عوفك من هاي اللغوة، تاخذ الورقة الزرقاء وبوجهك لمكتب نادر تترجمها وفضت وراحت، وبالمناسبة هاي صورة القيد تغنيك عن بيان الولادة لان اني لا دزيت ولا أخذت ويايه بيان ولادة

2- مقدم الطلب مشمول بصورة القيد ومثل ما كتلك هي وحدة بيها كل افراد الاسرة (الورقة الزرقاء)
اذا رحت الصبح للجنسية مراح تتأخر اكثر من ساعة، وراها لمكتب نادر تترجمها هناك وتدزهاوترة مطلوبة منك وقت المقابلة

3- جنسية وشهادة جنسية مترجمة الك ولأفراد الاسرة الكريمة (لازم ومطلوبة في مرحلة الان في سي) بالسفارة مراح يكلولك وينهن لأن الردي عدهم، بس هم اخذها وياك احتياط

4- عقد الزواج الاصلي الي استخرجته من المحكمة وقت عقد القران تاخذه وبوجهك لمكتب نادر ولا يحتاج تصديق خارجية ولا هاللغوة

5- عدم محكومية الك ولزوجتك ولأبنائك (فوق 16 سنة) اكرر عليك الابناء فقط الي متجاوز (16 سنة)

6- عدم محكومية من اي بلد كنت بي ومتجاوز بي مدة (سنة) اني هاي صارت بيه وأخرتني من الاخير 6 اشهر ويمكن لو تراجع الصفحات تلكة معاناتي بهذا الموضوع، لان مطلبوا مني عدم محكومية من عمان بالبداية و مشيت المعاملة وضليت انتظر ووره شهرين من الانتظار زركوني بأيميل يطالبوني بيها، فعموما هاي شغلة مطلوبة منك. اذا جنت بسوريا اكثر من سنة ما اعرف بعد حسب الان في سي بناء على ضروف سوريا، بس اذا غير دولة فبلش طلعها من هسه

7- دفتر الخدمة مترجم واصلي (ان وجد)

اعتقد هاي كلها الامور الي مطلوبة منك
واي شي تحتاج اخوتك برسم الخدمة

تحياتي


398
الأخ لوركا.  مبروك. إكمال المقابله.  نتمنى لك سرعة السفر والتوفيق   هسه  اهم شيء عندك  الانتظار  والدعاء  والله يسهل. امورك

يبارك بعمرك حبيبي مالنا غير الدعاء النا والكم
تحياتي ويارب تسهيل الامر للجميع

399
الف مبروك اخي لوركا وان شاء الله يوم موعد السفر يا رب .
بالنسبة للمستمسكات نفس الشي صار وياية ...كلشي مرادو مني بس عدم المحكومية و الجواوات ... لا رادو بيان الولادة ولا كلشي ..من رويتهم بيان الولادة كلي هاي متفيدنة لا مطموغة ولا بيعة كلشي ..كلتلة هوة المستشفى هيج ينطيهة فكلي اطيني جنسيتك و خلص.
حرامات على الترجمة والفلوس الحلوة اللي راحت بمكتب الترجمة ههههههه
هههههههههههه طرحونة زواج، لا اني بس الجناسي وشهادات الجناسي مرادوها، اخذوا صورة القيد وبيان الولادة
حبي الله يبارك بيك ويارب امورك تتسهل

400
الاخ لوركا مبروك اتمام المقابلة وان شاء الله صدور الفيزة والسفر القريب لك ولكل الاعضاء.

اني وصلت للمرحلة الثالثة وهي تصديق المستمسكات الاخرى اريد منك ومن بقية اخواني الاعضاء يكللولي شسوي وبيش ابدي

الايميل وصلني اليوم بتاريخ 8-3-2016 وشكرا لكم ولكل المنتدى ادارة واعضاء.

حبيبي ربي يبارك بيك. اي ايميل تقصد؟ وشنو تصديق المستمسكات، هل كملت استمارة ال260، لو شنو، فهمني شأجاك بالضبط حتى اعرف اساعدك

401
اميرالي + حيدر
شكرا على مشاعركم الطيبة شباب
ان شاء الله الكل مسافرة وخلصانة من القلق والانتظار

402
سمارت انجن - متفائل جدا

ممنون جدا منكم شباب، يارب يسهل كل اموركم

اخوية متفائل الف مبروك، فرحتلك من كل قلبي

403
مبروك اخ لوركا على اتمام المقابلة ...بالتوفيق ان شاء الله

ابو ريم الورد ممنون منك يا ذهب

404
السلام عليكم
مبروك والف مبروك والحمد لله على انجازك المقابلة وان شاء الله السفر القريب وتسهيل الامور من الله عز وجل وربنا يوفقنا اجمعين، خوية هسه كلشي ممطلوب منك غير الانتظار والدعاء.
تحياتي


امين يا رب، واتمنالك السفر السريع صديقي العزيز لان انت حيل طولت شغلتك

405
اخوان تارزا و ابو سفيان
الف شكر عالترحيب وان شاء الله امورنه كلها تفض بسرعة

406
السلام عليكم
حبيت اشارك وياكم اخوتي
تاريخ المقابلة اليوم 7-3-2016

407
اخوية علاوي ممنون منك يا ذهب ربي ييسر امرك، للاسف مشفت البوست مالتك اله هسه عموما
رحت اليوم للمقابلة
طلعت من البيت ساعة خمسة تكسسين مثل ما كال اخوية علاوي
وصلت للبوابة ساعة خمسة ونص وخمسة، شافني الجندي كالي (ها خوية شو من وكت)
كتله مقابلتي ساعة 7 فلازم اكون هنا قبل وقت، كال انتظر، وخلاني اني وزوجتي ننتظر تقريب الربع ساعة كبال السيطرة، تالي جتي سيارة بيجو مال واحد من المنتسبين صعدنه بيها بهالاثناء اجه واحد هم اس اي في وصلنه اكو كرفان صغير مسويها مثل القاعة مال الانتظار، كعدنه بيها انتظرنه عاد بدوا يجون العالم هواية عوائل بحيث اني افتر راسي، المهم اجه وراها واحد كال راح ناخذ ال IOM بالبداية عالساعة سبعة بعدين نجي عالSIV ساعة ثمانية، بده عاد يذيع الاسماء، تالي اخذ IOM و SIV سوه، من الاخير مرعبلين. وصلنه للسفارة وره الاجراءات الروتينية الي الكل يعرفها كالتفتيش وهالترتيبات وطبينهلقاعة الSIV احنه فقط (6 كيسات)، اخذوا من عندي الجوازات بالشباك الاول ووراها كالولنه اكعدوا، صاحوني عالشباك الثاني اخذوا المستمسكات ، الغريب بالسالفة مأخذوا مني لا الجناسي ولا شهادات الجناسي لا الاصلي ولا المترجم، وسألتها للبنية كالت منحتاجها، وراها انطوني الورقة مال الايميلات والتليفونات امليها بين ما القنصل يكول (حلال) ههههههههههههه.
واني دا انتظر القنصل وكل عقلي راح يجيني واحد شايب ولابس مناظر، جان تجي الحاته تتكلب هههههههههه، قابلتني سألتني اسئلة بس.... ماكو اسئلة عالثريتن ستيتمنت نهائيا، كل الاسئلة جانت شوكت اشتغلت (المد)، طبيعة العمل،الخدمة العسكرية (ماعندي)، ليش ماعندك، (جنت طالب)، اسباب السفر للبلدان الي رحتها، هي جاوبتها اصلا بالنيابة عني (سياحة)، وراها سؤالين غريبات انسألن للكل، الاول هل اجاك تهديد عالتليفونـ، والثاني اكو احد استخدم تليفونك يعني كان السؤال انو هل صادف وطلب احد يسوي اتصال بتليفوني واني انطيتهياه، الصراحة السؤال فاجئني واني جاوبت طبيعي، كلتلها الحقيقة ما اتذكر هيج موضوع بس اعتقد بالعراق عدنه عادي اذا صديق طلب يسوي اتصال بأهله او هيج شي، بس على العموم اني ما اتذكر وما اعتقد طلبه احد مني
وراها سألتنه عالدراسة وطبيعتها، اخير شي انطتنه الورقة مال الرفض ورجعتلنه الجوازات
كلتلها تريدين تخليها يمكم اني ممحتاجها، فكالت لا ما اخليها يمي اخذها وياك وبعدين تدزلياها عالDHL، كلتلها شلون كالت هم يعرفون شلون
المهم سألتها عالمدة كالت تتراوح بين كيس واخر، كلتلها اني قريت الريبورتات مالتكم انتوا مزيدين المدة التقريبية جانت 120 يوم صارت 201 يوم، وكالت صحيح نظرا للاوضاع الحالية فالكيسات تحتاج مراجعات ادارية اطول، وخلصت وانتهت المقابلة

هاي بس حبيت اذكر التفاصيل اخاف اكو بعدهم ممقابلين فحبيت اكتب للافادة

والشكر موضول لاخوية علاوي واميرالي و دبس وراشي وحيدر وبقية الشباب عالمساعدة
وادعيلكم من كلبي يا احلى اخوة بالدنيا ان ربي يفرجها عليكم وعليه وياكم :)

تحياتي

409
دبس وراشي
تسلم يا شريف، كفو ومن اهلها صديقي العزيز، بدون متحلف ادري بيك توسيها
حبي بالنسبة للاسماء اني ما عندي اخوات او اخوان
بس زوجتي عدها اخ واخت، يحتاج ايميلاتهم هم؟
وبالنسبة للام والاب هم يحتاجون ايميلات و ارقام تليفونات؟

410
مساء الخيــر اخي لوركا.

الف مبروك موعد المقابلة.ربي يتممها بالخير عليك وعلى عائلتك.
شوف حبيبي.. اني مقابلتي جانت بشهر نوفمبر .اتفقت وية صديق الي من سكنة منطقة القادسية انتظرني يم نقطة تفتيش المنطقة الخضراء من جهة جسر القادسية انطيته سيارتي .واني والعائلة دخلنه المنطقة الخضراء من بعد ان انطيت نقطة التفتيش انطيتهم الهويات الاصلية ورسالة السفارة للحضور للمقابلة جيكوها وسمحولنا بالدخول. ومن خلصت المقابلة خابرت على صديقي  جابلي السيارة اخذتها منه ورجعت للبيت... القصد من هااي القصة.. اذا عندك اخ او صديق ( ثقة ) سوي مثل ما اني سويت.واذا تريد تعرف معلومات بعد اكثر اكتبلي رقم تلفونك على الخاص واني مستعد اتصل بيك واشرحلك كل تفاصيل المقابلة.

مبروك مرة ثانية . وان شاء الله سرعة اجراءات السفر .

تحياتي \ اخوك دبس و راشي


ممنون صديقي الغالي جاجيك او دبس وراشي، للاسف ماعندي صديق بالقادسية ومقابلتي صارت من وكت، بس عموما اطلع الصبح اتوكل على الله اخذ تكسي، اني بيتي بالغزالية يعني المسافة مو ذيج البعيدة ومناك ادكها مشي، بالنسبة للمقابلة اخوية بصراحة قريت مشاركاتك هنا كلهن وترتيب الفايلات مالتي صارت بناءا عالمشاركة الي كتبتها انت وان شاء الله خير ويارب نلتقي صديقي بالخير
بصراحة من اقرأ اسمك اتذكر ايام التقديم بالبداية مال NVC لان قدمنه اني وياك بنفس الشهر هههههه
ويارب امورك كللها تتيسر صديقي العزيز
اخوك حيدر

411
أخي لوركا أني بس ردت أساعدك بالشي ألي أعرفه ... على العموم أنشاء ألله الموفقية .. باي ..
تحياتي .


حبيب قلبي اموري اني جدا ممنون منك ومن مساعدتك، بارك الله بيك اخوية ويارب سفرك يتسهل

412
أخي لوركا شوف لك تكسي عرف و كلله وديني لباب السفارة هي تقريبا ربع ساعة من ساحة التحرير بأتجاه كرادة مريم أكو سوبر ماركت صغير مقابل باب السفارة .... أخي لا ترتبك ترة كلشي ما كو الطريق أمان و لا تنسى لازم تطلع من وكت ...
تحياتي .

اموري شجاب كرادة مريم عالنسور؟!

413
من يم ساحه النسور تصعد الجسر وتكله اريد بوابه المنطقه الخضراء لتجيب طاري السفاره اذا تحب وعادي كله عندي طلب اريد احاول اطب اوصله لجوه وكلولي روح من الصبح يعني حاول ترتب فلم من تنرل من التكسي تكله حمايه عراقيين تكلهم عندي موعد مقابله وتراويهم تصريح الدخول واطب مشي طريق واحد ميقبل غلط واذا انت هسه ابغداد،تكدر هسه تاخذ تكسي وتروح للبوابه وتجيك المكان والله يسهلك

ممنون حبيبي بارك الله بيك

414
حيدوري واميرالي، ممنون منكم شباب، اني دا اسأل على البوابة الخارجية منين اوصللها، لان ما اكدر اكله لابو التكسي وديني للسفارة الامريكية، اريد اعرف شلون اوصللها
كول وصلت لساحة النسور، بعدين وين اروح؟

415
السلام عليكم ....
أخي لوركا أنت من يامحافظة .....


اني من بغداد

416
شباب شلون اوصل للسفارة، وهل ممكن واحد يروح بسيارته يعني اكو كراج لو تكسي، اني ذاكريلي انو مجدولين المقابلة باجر ساعة سبعه الصبح يعني بيش ساعة لازم اكون موجود هناك، ارجو الرد شباب الوقت كلش ضيق

417
السلام عليكم ....
شلونك أخي لوركا ... أنت وين صار ملفك ؟؟؟ ما أفتهمت قصدك شنو ناسي أرقام تليفون و أيميل ؟؟؟؟
تحياتي .


اخويه امير اني مقابلتي باجر ان شاء الله، وعندي رقمين تليفون بأسمي بس ممستخدمهم، ومدا اتذكرهم وهم طالبين ارقام تليفونات اخر ٣ سنوات، الحل شنو؟

418
شباب اذا واحد ناسي رقم تليفون او ايميل شنو الي ممكن يسوي؟

419
اموري اخوية مبروك وشايف كل الخير ويارب تتوفق بحياتك الجديدة

420
شباب هسه عرفت المشكلة، المشكلة صايرة بالدي اس 260
الها حل لو شنو؟

421
السلام عليكم
اولا مشكور اخوية لوركا على الدعاء وثانياً ليضل بالك برقم الانفوويز لان ميهم بشي, تحياتي وان شاء الله تمشي مقابلتك بكل سهولة ويسر وتتوفق بالسفر العاجل بعونه تعالى, تحياتي


حبيبي علاوي الورد اني اعرف بي ميهم بوقت المقابلة بس ردت اتذكر بيا ايميل يجي حتى اجيك اسمي بالدي اس 260

422
حبيبي جاجيك يا طيب ممنون منك صديقي، واشكرك عالرد وان شاء الله يتسهل امرك
اكلك جاجيك الــ Invoice ID Number ياهو؟

423
شباب مشتاقين، اسف صارلي هواية ماكو والسبب الحالة النفسية الزفت من وره الاس اي في، علما اني مقدم من 2013 ولحد هسه جيب وودي لان يومية مطلعيلي بلتيقة، اخرها عدم محكومية عمان ووره مكملت ودزيتها الهم ليكت اسمي الوسطاني غلط حرف بي، خابرتهم كالولي دزلنه ايميل النه وللسفارة ودزيتلهم ولبسوني، وثاني يوم حددولي موعد مقابلة واسمي الوسط غلط، وما اعرف شأسوي بصراحة كلت اروح وهاي هي.
وياريت الي عنده خبره يفيدني شأسوي بهالموضوع

424
السلام عليكم
لغاية اليوم صار منتظر ١٧١ يوم وان شاء تفرج بأذنه تعالى.
تحياتي


ًصارلك هواية اخوية علاوي
يارب تفرج عليك وعلى غفلة تلكة الايميل واصلك

425
حبيبي LORCA لازم تروح بنفسك لان ياخذون بصماتكم اطلع لا تاخر نفسك

صديقي نو تايم، مشتاقلك كلش، باوع حبي الكليشة الي جتني بالتشيك لست مال الان في سي
 Go to the Jordanian Government's website at www.jordan.gov.jo/wps/portal/ to download the
application
 or
 Call the National Call Center at 06-500-8080
or
Go to the local court (mahkamet al bedaya) or the ؤ


الاستمارة الالكترونية الظاهر الموقع معطل




426
بعد شهرين ونص من انتظار رد الان في سي على الوثائق
ومليون تليفون وايميل، ردولي كلولي جيب عدم محكومية من عمان
زين شباب بلا زحمة يصير اسويها واني بالعراق لو لازم اروح لهناك
لأن بصراحة راح تصير عليه البطانة اغلى من الوجه لان احنه 3 نفرات، ياريت احد عنده جواب؟

427
مبروك اخوية تارزا على المقابلة وان شاء الله السفر القريب

428
مرحبا اخوان.

حبيت أبشركم اليوم لكيت السفارة دازتلي أيميل يبلغوني بي بتحديد موعد مقابلة بنهاية شهر نوفمبر . ودازيلي اتاجمنت بي بعض الطلبات والارشادات .

وبالطبع هااي اجابة ضمنية لتساؤل الاخ  no time بان المقابلات مستمرة والحمد لله.

تحياتي


الف مبروك صديقي الغالي ويارب السفر القريب باذن الله

429
السلام عليكم اخوان انشاءالله الكل بخير والسفر العاجل الى الجميع
طبعا ردت اشرح حالتي عسى يمر بها احد الاخوة والاخوات اني تحول الكيس الى السفارة من 3\9 ولغاية 22\10 ماكوا شي يعني تقريبا خمسين يوم دزت اكثر من 10 استفسارات الى السفارة وخابرت ال NVC الذي اكدوا ان الكيس ارسل الى السفاره من 2\9 ويوم 23\10 خابروني السفارة وحددولي موعد يوم 26\10 واليوم قابلت يعني اسرع مقابلة اي بعد ثلاث ايام من الموعد .
       تحياتي الى الجميع

الف الف الف مليون مبروك يا غالي ويارب السفر القريب

430
الف ترليون زرليون مبروك للدكنور رومي وان شاء التوفيق ويفتحهه بوجهك ياطيب

دكتور احنة منجوز منك والاخوه هم ميقصرون دكتور صار شهرين ماكو اميل تحديد موعدالسفر شنو الموضوع اخاف عندي خطئ الاون لاين مليته وصارت كومبليت بكل الحقول مالتي ومال العائلة اكو غير شي نسيته لو هية اوتو ماتيك وصلتهم علما دزيتهه للان في اس واجتني جيك ليتر بس باجات نقص وكتلهم معندي حركتهن
شنو ماكو مقابلات ارجوا الرد اخوك حسام الظاهر

اخوية حسام اني مليت الدي اس بتاريخ 23-8، ولحد هسه ماكو ايميل اكتمال المستمسكات ولا ايميل تحديد موعد سفارة

431
حبيت اشكر كل الاخوة الي هنوني على تحويل اوراقي للسفارة .واريد اكول لو انتوا ومساعدتكم يمكن جان الى هسه اني دايخ بمعاملة الــ NVC  . فشكرا جزيلا وبارك الله بيكم وربي يحفظكم ويحفظ عوائلكم .

أخوية LORCA الرقم الي أتصلت بي هو   0016033340828 ( طبعا هذا رقم الــ NVC )وجان الوقت حوالي بالتسعة وربع مساء. طلعتلي بنية كتلها اني استلمت منكم بالتاريخ الفلاني مسج تطلبون بيها مستمسكات محددة واني بالتاريخ الفلاني جنت دازها الكم.. فممكن تأكديلي ان ملفي مابي اي نقص.. فسئلتني على اسمي ورقم الكيس ومواليدي..وكلتلي خليك وياية على الخط. وبعد حوالي 5 ثواني كالت مستمسكاتك كلها موجودة.. واي نقص ماكو.. واذا احتاجينه اي شيء منك راح نبعثلك مسج.. عندك سوال او استفسار ثاني؟؟ كتلها لا ماعندي وشكرتها وانتهت المكالمة ( جانت حوالي 5 دقايق وجانت البنية جدا جدا جدا متعاونة وتحس بنبرة صوتها تريد تقدملك اي خدمة ممكن تساعدك). باعتقادي البنية من جيكت ملفي دفعته من يمها لخطوة الى الامام ( هذا راي الشخصي طبعا).

اتمنى ان اكون وضحتلك طبيعة الاسئلة والوقت الي ممكن تتصل بي ورقم الهاتف .

ربي يسهل أمرك وامورنا كلنا .

تحياتي ياورد


ممنون منك يا ذهب، ربي يسهل امرك وامرنا جميعا

432
حبيبي LORCA السفارة ماعدهم رقم اتصال بس NVC عدهم اني فعلا دزيت ايميل الى NVC  ردوا الكيس دزينا الى السفارة ودزيت اسفسار الى السفارة كالوا الكيس بعد ما وصل ومادري بعد بس على كل حال هذا رقم ال NVC اذا تريد تتصل 6033340828 من السابعة الى التاسعة ليلا واذا تريد خابرني افهمك شدكول

بالتوفق حب

ماشي صديقي واني الممنون

433
اخوية جاجيك ممنون منك يا ذهب، راح اتصل بيهم باجر بس ممكن الرقم صديقي بلا زحمة عليك
وشغلة اخرى ممكن مختصر مفيد عن طبيعة التليفون يعني من قدمت نفسك ذكرتلهم الكيس نمبر وهاي الترتيبات مثل الايميل لو شلون؟

434
مبروك للاخ جاجيك وبالتوفيق بس اعتقد المقابلات متوقفة لان اني تحول الكيس من يوم 3 \ 9 ولحد الان ما اجاني اميل تحديد مقابلة يعني صار 38 يوم

صديقي خابرهم لان اني هم راح اخابرهم على مشورة اخوية جاجيك، او عندي فكرة
نتشاوف باجر ونزركهم بتليفون اني وياك

435
مبروك جاجيك الورد وان شاء الله عن قريب يتحددلك موعد المقابلة
انتم السابقون ونحن اللاحقون

436
مبروك طبينه الصفحة الثانية، ان شاء الله قبل متخلص الكل مسافرة

437
ببركة الصلاة على محمد وآل محمد وفضل عظيم من الله عز وجل اولاً واخراً وبعد انتظار دام لمدة سنتين صدرت والحمد لله الفيزا لي ولعائلتي وان شاء الله يوم الكم ولكل المنتظرين بحق الحبيب محمد. اخوان حبيت اشاركم الفرحة وابعث روح الامل فيكم واطمئنوا الكل ان شاء الله راح تسافر بس شوية صبر . اشكر كل الاخوة الافاضل في هذا المنتدى والله يسهل اموركم جميعاً.
ويارب الكل تسافر


الف مبروك دكتور فرحتني والله وتستاهل كل الخير وخلينة نسمع اخبارك الطيبة مناك
بالتوفيق بحياتك عزيزي

438
وين صارت هاي الشركه ؟ بعدها تشتغل ؟؟؟؟؟؟؟؟

اي بعدها تشتغل بس وضائف مابيها لانها تعتمد على الكادر القديم الي جان يشتغل بيها يعني (rehire) فقط

439
ايوب اخوية السؤال كالاتي: هم طلبوا منك عدم المحكومية لو انت على الي قريته هنا وبغير مكان؟ لان الصراحة مثلا اخوك (الي هو اني) خايط الدول خوط (ماليزيا، تركيا، سوريا، عمان، لبنان بالاضافة الى العراق) وكلهن فوك ال6 اشهر، على حجيك هذا وحجي (الاس اي في ) ينرادلي فوك الدفتر علمود اسافر دا اراجع اصدر عدم محكوميات من هاي البلدان، ووقت الي طلبوا مني المستمسكات محددولي الدول هذولة علمود عدم المحكومية، خوب جان ذكروا هاي الدول، وبعد ما اعرف اذا بالمقابلة راح يطلبون مني هيج شي (اصلا هم بعدهم ممحدديها) يعني اعتقد تتصل بيهم وتسألهم وتشوف قبل متخطي هيج خطوة، ليش تعبك يروح بالشط، وهم يكولولك يا من العراق يا من تركيا ياما اثنيناتهن والله اعلم
تحياتي

440
كل عام وانتم بالف خير شباب يارب ينعاد علينا جميعا بالصحة والعافية وتحقيق الاماني
اخوكم حيدر تقديم SIV 2013 والله كريم

441
والله ياخوية LORCA اني اجتني هيج رسالة بوكتها بس مجان اسمها جك لست . بس رسالة اليوم ده يطلبون اشياء محددة ( يعني عقد زواجي + طبعات اصابعي ) وبالنسبة لابني شهادة ولادة + طبعات اصابعه) يعني كل واحد من عدنه المطلوب منه يختلف عن الثاني !!! مع العلم اني كل المستمسكات دزيتهن بوكتها و هذا الي خلاني اضوج واشيل هم . لان مابية حيل للتاخير ( اخوكم مقدم من سنة الــ 2010  :'( :'( :'()
وبالنسبة للاخ علي صاحب الموضوع بصراحة كتبتله رسالة على الخاص اتمنى ان يشوفها ويجاوبني عليها بحكم تجربته لان هو مر بنفس حالتي تقريبا..

تحياتي ياورود المنتدى.


صديقي العزيز حسب وجهة نظري احب اكلك اتطمن
لان اني الرسالة بوقتها من جتني جان اسمها checklist letter  بنفس يوم الي دزوا بي ايميل علمود الاستمارة وهالسوالف، بوكتها اجتني 3 رسائل وحدة وره اللخ
وهم مخسران شي انت (بس الرصيد هههههههههههه ) اتصل بيهم وشوف شيكولوك

442
حبيبي LORCA الورد.
الرسالة مال المستمسكات المطلوبة للتقديم للحصول على موعد المقابلة + املاء الاستمارة 260 اجتني قبل شهرين تقريبا. ومليت الاستمارة 260 ودزيتلهم المستمسكات المطلوبة واجاني منهم اوتو ربلاي باستلام المستمسكات. بس اليوم اجتني هااي الرسالة وكاتبين كادم اسمي ( دزلنه شهادة الولادة+ طبع الاصابع+ عقد الزواج) وكدام اسم ابني الجبير ( دزلنه شهادة الميلاد + طبع الاصابع) وكدام ابني الثاني الصغير ( دزلنه شهادة الميلاد) !!!! واني كل هااي الشغلات دازها مثل ماكتلك قبل شهر من ضمن باقي المستمسكات !!!!!!!!!!. يعني لو تلاحظ كل شخص من عدنه رايدين منه اشياء محددة!!.

فياريت لو واحد من الاخوة مر بهيج حالة واتصل بيهم  خلي بس ينطيني رقمهم حتى اخابرهم واكعد اجرش سوالف وياهم ههههههههههههه.

تحياتي لجنابك الراقي وان شاء الله اني وياك نبقى لطش لحد ما ننزل باول مطار بامريكا كوول ( أمييييييييييييييييييين)  :)


ههههههههههه امين اخوية
شوف صديقي العزيز
اني مو دزولي المطلوب مني وعلمود اسوي الدي اس 260، وره دقيقتين من الايميل وقتها انزركت بتشيك لست لتر يعني اني استلمتها منهم ويه الوقت الي رادو بي المستمسكات، هم صارت وياك هيج شي؟ اتذكر اخونه علي صارت بي نفس الحالة مالتك اذا تلاحظ شوف اول رد بالموضوع هذا راح تلكه علي صار وياه هيج
تحياتي اخوية ويارب السفر القريب  :)

443
مرحبا اخويةsmart_eng1980

الف شكر والف رحمة على روح أهلك.. بصراحة من اجتني هااي الرسالة كلللللللللش ضجت .. لان شفت الويل من بعثتلهم المستمسكات . فمن اجتني هااي الرسالة مال اليوم حيييل ضجت . على العموم شاكر فضلك وتوضيحك الي .. شنو رئيك اذا ( ;) أجكهم ;) ) بتلفون وأسئلهم .. حتى يطمئن قلبي لا اكثر ولا اقل؟؟!!

والف شكر لجنابك مرة ثانية


حبي جاجيك انت هاي الرسالة جايتك قبل، يعني من كلولك املي الاستمارة 260؟ لان اني جتني بالبداية من كلولي دزلنه الاوراق و الاستمارة، بالمناسبة اني وياك لطش نفس التوقيت و حتى نفس الاوراق (اني هم مداز بيان الولادة)
وكولتك جكهم :) بتليفون احسن حتى ترتاح

444
مرحبا اخوان ، انا SIV ولدي بنت عمرها فوق 21 سنة ومتزوجة ، انا ادرجت اسمها واسم زوجها في I-360 ، لكن لم يتم ادراج اسميهما في DS-260 ، وبالتالي لا اعرف كيف يمكن ان اقدم لها وزوجها ونحن نريدهم معنا وانتم تعرفون مدى صعوبة ترك ابن او ابنة ، اذا يوجد اي مساعدة توصية رأي اكون شاكر وممنون لكم

للاسف اخوية ميحقلها اس اي في، فقط للابناء تحت 21 سنة، ما كدامك غير IOM تكدر تقدملها غير هذا ميحقلها

445
شباب ممكن اللي عندة معلومة حول شغل المعالجة الادارية شنو اللي يسوو

راواد اخوية بشر شخبار مقابلتك؟

446
أخوية LORCA خلي أگلك بأن كل واحد و حسب وضعه. هناك عشرات من أصدقائنا سافروا وهم من جماعة 2015 أي بعد تقديمهم باقل من كم اشهر خلصوا كل شئ   و سافروا  .اتصور لانه آني من السليمانية والوضع الامني جيد , لهذا السبب هم غير مستعجلين في قضايانا. و شكرا

اخوية TARZA ممنون على جوابك، اخوك تقديم 2013 هههههههههه يعني صدك صارت IOM
حبيبي الله يسهل امورك يارب بجاه هو الله انت وباقي الشباب
تحياتي

447
أخوية LORCA شكرا حبيبي . اني دزيت الDS260 في يوم 18-12-2014...  و كان الجواب بان كل اوراقي خلصانة  كان في يوم 22-4-2015. علما ان  اول أيميل دزيتها  الى  NSCI360SIVAPP@uscis.dhs.gov كان يوم 26\10\2013  وشكرا.

ممنون منك حبيبي بس اربع اشهر تقريبا وردولك الجواب وهسه رجعوا ردولك الجواب، هاي فترة طويلة، عاد هي هيج اجرائاتها تطول لو حالة استثنائية هاي؟ يعني على هالحجي هذا اني باقيلي سنتين وشويه يالله تطلع الفيزا مالتي ههههههههههههه صارت الاس اي في مالتي اي او ام

448
شباب انا شاكر جدا لتعاونكم بس حبيت استفسر منكم عندي مقابلة بعد كم يوم وردت اعرف منكم تفاصيل المقابلة او الاسئلة اللي تتذكروها

الف مبروك اخوية وان شاء الله الامور تصير سهلة عليك امين يا رب

449
Tarza
الف مبروك اخوية ان شاء الله الموعد القريب والتسهيل بالسفر
بس سؤال اخوية بلا زحمة عليك، وره شكد من تقديم المستمسكات و الDS260 اجاك الايميل الي يكلك اكتملت اوراقك؟
تحياتي

450
الف مبروك اخوية علاوي ويارب السفر القريب

451
اخي الغالي الموضوع متعلق بالتقديم وليس بالكوم ابروفال، طيب انا اجتني الكوم ابروفال شهر ٣ ، ٢٠١٥، ولازلت استكمل الاجرائات  وبطلب من الان في سي وليس من تلقاء نفسي، وحاليا بانتظار موعد مقابلة،  والكثير تحصلوا على الكوم ابروفال بعد غلق البرنامج، طيب المفروض ان الجانب الامريكي يلغي هذه الا جراءات من اساسه ويحصره بالي تحصلوا على الكوم ابروفال قبل غلق البرنامج، اعتقد صديقك لو يتصل بيهم هاتفيا لتفهم الموضوع يكون افضل، لان بصراحة مبقى موضوع بالمنتدى عن الاس اي في مقريته اني وهاي اول مرة اسمع بيها هيج شي
تحياتي

453
اخ لوركا حبيبي اني نفس الكليشة مالتك اجتني وضليت انتظر وره شهرين تقريبا كلولي كملت الاجراءات وحددو موعد مقابلة بس لتاخذ تأخيري بالحسبان لان بوكتي جان اكو خلل فترة شهر بسيرفراتهم . وبالتوفيق خويي

حبيب قلبي علاوي اشكرك عالاجابة ياورد، زين انت هذا الايميل جاك بعد الchecklist letter مو، يعني قصدي خلص اني بعد ماعندي مشكلة بالاوراق فقط بأنتظار ان يحددون موعد مقابلة لو لا؟


454
الاخ المحترم ali2014  نعم وصلتني الرساله وان شاء الله توصل لكل من ينتظرها بالقريب... تحياتي

الف مبروك اخوية، ان شاء الله السفر القريب

455
اليوم 2/9 تمت المقابلة مع القنصل والحمد لله ... استغرقت حوالي نصف ساعة ...كانت المقابلة سهلة نوعا ما  وكانت الاسئلة عامة ...مع تمنياتي للجميع بالتوفيق والسفر العاجل

الف مبروك ابو ريم الغالي، ربي ييسر باقي اجرائات السفر

456
شباب قبل ١٠ ايام دزيت دي اس ٢٦٠ وقبلها دزيت اسأل عالبنفشري نمبر
اليوم ودوا انطوني ارقام البنفشري الي ولافراد عائلتي
بالاضافة لهاي الكليشة
We received documents and this case is currently under review. When the review is complete, the points of contact for this case will be notified with further instructions.

انا اعرف الترجمة لكن هل هذا يعني انهم استلموا  الاوراق وبأنتظار الموعد، للمقابلة، اي هل استلمتوا مثل هذا الكليشه ؟
تحياتي

457
السلام عليكم اخواني الاعزاء . اني قابلت قبل يومين في السفارة الامريكية siv وتم اعطائي ورقة الرفض 221g لحين اكمال الاجراءات الادارية بعدها بيوم وصلني ايميل انةو عندك نقوصات عقد الزواج الاصلي واستمارة 57 الاصلية لكل فرد من العائلة طبعا مع العلم انه اني سلمت عقد الزواج الاصلي واستمارة 57 الاصلية الهم بالمقابلة ومرجعوها الي سؤال رحمة الله والديكم هسة شسوي يعني برايكم وال57 هي بس وحدة ورقة زرقاء اكو غيرها لو لكل نفر لازم اطلعلة
صديقي انت سلمتلهم الزرقاء بس؟ واعتقد تمشي لان مشت عند هواية ناس بس بعد ما اعرف اذا تغير شي

458
السلام عليكم
اختي طلعت لأمريكا عن طريق ال IOM من خلال العمل من الشركات الامريكية وصارلهة كم شهر
سمعت يحقلي اني هم اقدم على IOM عن طريقهة هية
اريد اقدم من الاردن اني وزوجتي...
سؤالي شكد طول العملية تقريبا كم سنة؟؟
ويصير ارجع للعراق كل ماتخلص اقامتي وارجع لعمان لان مااريد اقدم يو ان واخذ ورقة حماية..ويأثر على قضيتي اذا رجعت؟
وهل يتحاج تأكيد عمل اختي من خلال مراسلة الشركة الاجنبية. لو ماكو داعي لان هية موجودة بأمريكا بعد
ارجوا افادتي بخبراتكم وشكرا جزيلا الكم

اول شي يحقلك
ثاني شي تطول وحسب اكو ناس سنتين واكو ناس خمسة واكو ناس بسنة طلعت، مثلا عندك اني مقدم 2013 شهر رابع ولي هسه ممقابل مقابلة اوليه، واول تالي انت مخسران شي فقدم

ثالث شي هاي مالها علاقة باليو ان وما اعتقد يأثر يعني تكدر ترجع وتسافر انت حر

رابعا طبعا يحتاج تأكيد عمل

واخيرا خلي اختك تقدملك مو انت تقدم

تحياتي


459
ممكن الخطوات الاولى لتقديم على لجوء لامريكا انا وعائلتي افيدونا يرحمكم الله

اخوية اول شي انت وين، ثاني شي مشتغل ويه الامريكان لو لا؟

460
اخي ال siv  عزل من 30-9-2015 و اخير واحد قدم جان اني قدمت قبل نص ساعة
 من ما يعزل

قصده 2014

461
لالنكي اكعد واستنكي، يعني ياهي الي تجي بأيدك جيت بيها
لأن وحدة احسن من الخ

462
الف مبروك اخوية وان شاء الله بالتوفيق بالحياة الجديدة

463
حبي تقدم مثلا من تركيا واذا امريكا ترفضك غير دولة تنطيك استيطان مثل استراليا او كندا او شو وين مثلا عندك اقارب بالسويد (درجة اولى او ثانية) وكلشي بي صالح وهاي كلها تعتمد على قصتك وقناعة اللجنة بيك
بس الشغلة ومابيها ان هذا الموضوع يطول، ويحتاجلة فلوس حتى تدعم بيها روحك هناك وتكدر تعيش لان صعب تحصيل الشغل بتركيا اله اذا عندك لغة او لكيتلك عرب عدهم مشروع تكدر تشتغل وياهم

464
يعني بعد submit راح تجيني الوصولات مال العائلة كلها على ايميلي؟؟
طيب والنسخ مال الاستمارات الي استنسختهن؟؟ راح احتاجهن بيوم المقابلة؟؟


نعم اخي وره متكمل هاي الامور راح توصلك الوصولات الك ولافراد العائلة مثل مصار ويايه اني بالمناسبة اني يوم الاحد الي راح سويتها

اما النسخ مال الاستمارات الي مليتهن اني هم مثلك ما اعرف بالموضوع بس حسب مديحجون الشباب (نعم) نحتاجها بيوم المقابلة وراح من هسه اطبعهن اني

تحياتي

465
شباب اكو احد يصادف مشكلة عند التسجيل او تغيير الباسوورد في موقع عمان ؟!

466
مرحبا شباب.
فدوة على كيفكم ويايه.
يعني هسه اني طابعهن للاستمارات ( كل فرد من العائلة استمارته صارت تقريبا سبع صفحات مطبوعه) هذني الي راح احتاجهن بيوم المقابلة؟؟
طيب شنو موضوع الــ submit الي كالة اخونهTarza ؟؟؟
وشنو موضوع الوصل الي كال عليه الاخ متفائل جدا ؟؟ وين الكاه ؟؟
تريدون الصدك,, راسي أفتر شوية !!!!!!!!!


جاجيك الوردة، اذا انت مسيف ماعندك مشكلة اذا ممسيف راح تضطر تعيد من جديد
ترجع عيني على الصفحة وتدخل على كل ملف من ملفات العائلة
next next next next
ورة متكمل كلشي
راح توصل لمراجعة او هيج شي
وراها اكو شي اسمه
اكو شي اسمه submit وراها تحط الايميل الي تريد الوصل يجيك عليه
وراها CONFIRMATION
وتخلي ايميل الك وللافراد الي مقدملهم
وراها على هذا الايميل راح تستلم وصل الاستلام لكل نفر
وابوك الله يرحمة واني بالخدمة

467
نعم تسحب استمارة التعبئة وتحتفظ بيها ويوم المقابلة تاخذها ويياك
ملاحظة كل فرد من العائلة له استمارة

يعني ليس وصل التأكيد، بارك الله بيك اخوية على هذا التنبيه، اعتقد اكدر ادخل واسحبها بالطابعة؟

468
اخويا العزيز جاجيك
استمارة 260 تمليها اون لاين وبعدين تسحب استمارة الاملاء وتطبعا وتخليها يمك يوم المقابلة يردوها منك
تحياتي

زين اخوية اني مسحبتها بس مليتها ودزيتها واستلمت الكونفرميشن لترز الي ولافراد العائلة
هسه لازم اسحبها يعني لو شنو؟

469
مبروك اخوية وان شاء الله السفر القريب

470
اخ لوركا... مدة الاكسباير الي تتكلم عليها تبدا من تاريخ اصدار العدم محكومية ولغاية ارسالها الى الـــ NVC  ...فاذا ارسلتها قبل المدة تكون قد استوفيت الشرط ... اما في المقابلة فهي تقديم كافة الوثائق الاصلية التي سبق وان بعثتها بالايميل ...اما التصديق فاغلب الاخوة الذين قابلو لم يقوموا بتصديقها في الخارجية


تسلم ابو ريم الغالي بارك الله بيك

471
مرحبا شباب، استلمت عدم المحكومية وارستلها يوم الاحد، مثل منعرف المقابلة وهاي اللامور الاخرى تطول ، يعني ممكن بعد سنة من اليوم تصدر الفيزا بحسب الاجراءات الادارية او رفض او او او او
السؤال هو، العدم محكومية الي استلمتها الي ولزوجتي اكسبايرها 3 اشهر؟ هل هذا الامر طبيعي ام راح يكولولي روح طلع عدم محكومية اخرى
زين الموظف هناك كالي تروح تصدقها من الخارجية
اني مصدقتها وارسلتها الهم، فهل هذا الامر عادي ام لا؟

472
حبيبي الفيزا يعني بصمات والبصمات يعني متنقبل كلاجئ وكلمن يكلك فيزا بلا بصمات كله خلي يولن سوالفك
يعني مثلا تاخذ فيزا شنكن لفرنسا او ايطاليا او التشيك او اي وحدة من الي تنطي
راح تبصم بالسفارة اصلا بالعراق
وراها حبي تروح وتوصل بألف سلامة، وراها على اساس شنو تريد تروح لفنلندا، فأول متوصل هناك يستقبلوك حسب الاصول ومن هالسوالف، اول ميكشفون بصماتك تطلع عدهم انك طاب بصورة شرعية لاوربا عن طريق فيزا شنك، شيسوون عاد، يرجعوك للدولة الي انت جاي منها، والدولة الي انت جاي منها وطابلها بصورة قانونية متنطيك لجوء انساني، لان واحدة من شروط اللجوء الانساني وقبوله انك طاب للدولة بصورة غير شرعية
يبقى كدامك شنو، انك تروح تهريب، وهو للكبار صعب النوب اطفال! ما اعتقد تخاطر بحياتك لان انت اصلا حياتك بخطر
شبقى عندك اخوية، تروح لو لتركيا او الاردن لو لبنان لو مصر لو ماليزيا وتقدم مناك UNHCR وتنتظر حالك حال العالمواتوقع اذا انت متهدد وحياتك بخطر فهذا احسن خيار
تحياتي اخوية

473
اخي الغلط صار بالجواز من بدلت الجنسية وضل التاريخ 3/10/1982 فمن طلبو مني قيد الولادة لكيت التاريخ 30/10/1982 فحاولت اغير تاريخ قيد الولادة ما قبلواوما اكدر اغير الجواز لان مقدم اوراقي كلها على هذا التاريخ

والله اخوية ما اعرف شاكلك، الصراحة اني لكيت عندي غلط بصورة القيد قبل لا ادزه، والدة زوجتي متوفية وكاتبيها هم حية واني بالds 260  كاتبها متوفية
تريد تعرف شسويت، غلست ودزيتها الصراحة وبعد ما اعرف شلون تصير الامور

اكو شغلة لخ مخربطة عندي، باوع اخوية احجيلك شغلة من واقع تجربة
بنتي انولدت بعمان
و الجنسية مالتها وشهادة الجنسية تقرأ محل ولادة بغداد
هم مثلك انسطرت ولعبت روحي والصراحة كلت هاي هي
راسلت هذا العنوان
 SIVTranslator.NSC@uscis.dhs.gov
فهمته بالقصة وانه قانون ومن هالملاعيب، طبعا هذا القانون كل سنة شكل
يعني هالسنة ينكتب محل الولادة حسب مسقط الرأس الحقيقي، والسنة الثانية لا ميصير وين مجاي تنكتب بغداد حسب قانون مجلس قيادة الثورة 1993، وهذا حجي مو من عندي هذا من موظف بالجنسية

وره يومين رد عليه واحد، كال اكتب ياهو الجان وتكدر تنسخ رسالتي وترسللهمياه اذا عرقلوك

فبعد ما ادري، شوف اخوية بالفلوس كلشي يصير بالعراق، ما اعرف بس قانونيا ممنوع منعا باتا اللعب بصورة القيد، فكدامك كم حل
الاول - تروح تدورلك واحد يلوز الامور ويه الجنسية (ما احبذ هذا الشي اني)
الثاني - تغلس وتنتظر وانت وحظك
والثالث وهو الاسلم حسب وجهة نظري - تراسل هذا العنوان الي كتبتلكياه وتفهمة وتكوله انك رحت وسألت ومقبلوا يبدلون جوازك لانهم ميعترفون ان الخطأ من عدهم والموظفين ضد الناس ومن هالحجي هذا
وتكوله ياهو تاريخ ولادتك الحقيقي (الي هو مذكور بصورة القيد) وان شاء الله ربي ييسر امرك
وبعد ما ادري اني هاي وجهة نظر اخوية ممكن تصيب وتخيب بس حبيت اشاركك هاي المشكلة واحاول اوصل وياك لحل
تحياتي

474
الله يسهل امورك دكتور عزيزي ويارب السفر القريب للكل
الي اعرفه ان كثرة التحديثات معناها اقتراب الامور

475
الف رحمة على والديكم الي عندة معلومات حول كيفيت اللجوء الامريكا للذي تعرض للتهديد من قبل جماعات ارهابية لانهم عرفو باني كنت اعمل مع جيش الامريكي مترجم ماهي اول الخطوات لكي اقدم للجوء افيدوني باسرع وقت اكون ممنون الي عندة معلومة ليبخل علينا لينقذ ارواح ناس من الارهاب المجرم

مترجم مع الجيش ومتعرف الخطوات والطريقة؟
حبي قدم IOM

476
الاخوة الاعزاء وصلتني الرسالة ورقم Beneficiary I.D. Number(s): غير موجود شنو عادي لو اكو نقص

تحياتي

اخوية حسام يا رسالة الي وصلتك، تقصد الموافقة المشروطة قبل ملئ DS 260؟

477
شباب اني دزيت قيد الولادة بالمعاملة وهسة طلبوا مني القيد مع المستمسكات الاخرى بس القيد يختلف تاريخ عن الجواز وحاولت اسويه ما يقبلون يكولون لازم تبدل جنسية والجواز يعني بالمقبلة يسويلي مشكلة باختلاف التاريخ ما بين القيد مع العلو اني ترجمتة ودزيتة سابقا ارجو الرد شباب واذا اكو حل هنا بالعراق طريقة اكدر ابدل بيها تاريخ القيد مو الجواز اسعفوني بيهااكون ممنون

حبي هو الغلط اصلا وين بالجواز لو بالقيد؟

478
عيوني لوركا بعد الاستمارة تبعث كل مستمسكاتكومن ضمنهن العدم محكومية وبيانات الولادة وبعدها بفترة يحددولك موعد مقابلة وبالمقابلة ان شاء الله يكولولك شتسوي.

بارك الله بيك اخوية

479
اي اخوية بعد وكت وحاليا لتسوي شي اله يكتبولك همه بالحالة انو لازم تطلب الورقة وراها عود تعال كلي وتدلل.

ممنون يا طيب، كلي اخوية علاوي سؤال، شوكت يحددون موعد مقابلة بعد ارسال الدي اس 260، وشراح يصير بعد الارسال اي شراح يطلبون مني؟

480
اخوية لوركا تدلل بس كلي بالضبط شتقصد شنو الي سويته بالضبط,طبيت للموقع وسويت sign in  لو لا ؟ واذا سويت شطلعلك؟ وين وكفت بالضبط حتى اشرحلك شلون تكمل.وسويت check status الخاص بموقع uscis وشطلعلك؟
واني حاظر لخدمتكم


العفو اخوية من اخلاقك هاي
باوع حبي سويت ساين اب مو ساين ان لان اني ممسجل بي
وراها ضغطت على هذا الرابط
Check your Case Status
وراها طلعتلي عبارة
CASE STATUS
ONLINE
Enter a Receipt Number  Help for Receipt Number

ومن دخلت الريسيبي نمبر

On June 24, 2015, we sent your case, Receipt Number LINْْْXXXXXXX, to the Department of State for visa processing. Please visit our website for general information on Consular Processing. If you move, go to www.uscis.gov/addresschange to give us your new mailing address.

اني هستوني مالي الدي اس 260 وممستلم منهم رد، ممكن يكون بعد وكت على هاي الخطوة؟

481
السلام عليكم
شباب اكو موضوع ضروري ومهم جداً وهو بخصوص استمارة I-360 وبالخصوص I-797 notice اي ورقة الموافقة APPROVAL  وكلامي موجه لكل شخص لم يتسلم كفيله ورقة الموافقة الاصلية بالبريد اما من استلم كفيله الورقة الاصلية للموافقة فلا يخصه الموضوع.
ارجو منكم ان تدخلو على موقع WWW.USCIS.GOV وتعملو SIGN IN لحسابكم(والي ناسين هذا الموقع الي يخص استمارة الـ I-360 )بعد ان تعملو sign in  اعملو Check status ومن يجد ملاحظة مفادها ( قد فشل مكتب البريد بأيصال ورقة الموافقة الاصلية اليك ويجب عليك ان تطلب نسخة فوراً وهذه الحالة قد تؤثر فعلياً على قضيتك).
فلا تقلق يا اخي ممكن ان تعمل طلب من خلال الموقع الي تلكا برسالة check status وهو www.uscis.gov/e-request وتملي الطلب بأنتباه وتضع عنوان كفيلك كما مطلوب وتعمل submit للطلب وبعد فترة قليله لا تتعدا الاسبوعين سيتم ارسال الورقة الاصلية للموافقة الى بريد كفيلك.
شكراً لأنتباهكم واتمنى الموفقية للجميع والله الموفق.
تحياتي


اخوية ابو حسين ولو اتعبك شويه بس ممكن تشرح عنها لان اني سويت الي كاتبة انت يدزني عالبيج الي ادخل بي الــ LIN NUMBER وشوية افتر راسي اذا مو زحمة عليك اخوية

482
مشتاقين شباب البيج صارله كم يوم مابي احد ان شاء الله اموراتكم بخير!

483
ارجوا من جميع الاخوة الدخول والاستماع الى ارائكم
    اخوان صورة القيد 57 ضروري اتروح على النفوس العامة لو بس الورقة الزقاء تترجم
    لان اني دزيت الورقة الزرقاء مع الترجمة بعد 20 يوم اجاني رد بان الترجمة غير دفيفة
    والمشكلة الترجمة كانت من مكتب في  تركيا وليس مكتب نادر
      ارجوا الاستماع الى ارائكم
       تحياتي

والله حبي اني على الورقة الزرقاء وترجمتها يم نادر وبعدني مدازها ودكتور رومي داز الورقة الزرقاء نفسها والقنصل على ما اتذكر كايله MORE THAN ENOUGH

484
شباب رحمة لوالديكم اريد اعرف زوجتي وياي بالمقابلة لو كل شخص على حدة واسئلة الزوجة في المقابلة شلون واي شي يتعلق بالموضوع اكون ممنون

اي حبي وياك بنفس المقابلة

485
شباب سؤال بلا زحمة عليكم
اني عايش بسوريا 9 اشهر وبعمان سنتين ونصف، هل يريدون عدم محكومية من عندي من هالدول، بالله عمان وافتهمنة سوريا شلون؟!

سؤال ثاني، اني عايش بماليزيا شهرين، هل اذكرها بالDS260

رحم الله والديكم مقدما

486
السلام عليكم / انا موظف في هيئة النزاهة العراقية ومهدد بسبب عملي سؤالي هو : اذا قدمت طلب لجوء على اساس تعرض حياتي للخطر بسبب عملي هل يقبل ؟ واي الدول تقبل ذلك ؟ وكيف يتم التقديم ؟ وما هي الشروط ؟ يرجى ممن يعرف الاجابة الرد على رسالتي بالسرعة القصوى ولكم كل الاحترام والتقدير

اخوية من داخل العراق متكدر تقدم من الاخير، لان البرنامج للعاملين مع القوات او البعثة الامريكية
الحل اذا انت صدك مهدد او بس تريد تطفر
تسافر للاردن او لبنان او مصر او تركيا او ماليزيا وتقدم مناك عالــ UNHCR وتنتظر مدة (طويلة) ووراها تتحول عالــ IOM اذا اقتنعوا بيك وينزلك اعادة توطين، ووراها هم تنتظر مقابلة محلفين واذا وافق عليك تتحول للاجراءات الادارية والموافقة الامنية وتسافر
بس الاهم من هذا قصتك لازم تكون بالمستندات والادلة والصور على اي نوع تهديد حتى تسرع سالفتك
تحياتي

487
اخي العزيز
اخواني الافاضل
السلام عليكم

لا يمكن للمنظمة مطلقا ان تضعك على جدول المقابله الا بعد الحصول على تاكيد العمل وهذه الخطوه تتحقق من خلال الاتصال بالعنوان الرسمي للسوبرفايزر وفق القنوات الرسمية والحصول على تاكيد العمل ( اللي هوه احنه نكول عليه صحة الصدور ) بعد هذا تتصل المنظمة تخابرك او ترسلك ايميل وتخبرك بانه تم التأكيد من عملك وسنضعك على جدولة المقابلة الاولى بالقريب العاجل وبعدها   وسيتم تحديد موعد مقابلة اولى لك مع تقديري ...

اخوك ابوميس

ابو ميس العزيز، اني جنت هم عبالي هالشكل اني تقديم شهر الرابع 2013، وايضا طلبوا اوراق اثبات العمل ووصلتهم شهر الخامس 2014 اي صارت خانة الاولى فعال، لكن لغاية الان لم يرسلوا اي تحديد لموعد مقابلة علما اني راسلتهم اكثر من مرة ويخبروني ان ملفي تحت الاجراءات الادارية

488
بالخير عليك اخوية ويارب السفر القريب

489
زين والشخص الي يحصل رقم IZ شنو راح يستفاد بيه ؟؟

+1

491
السلام عليكم...
اخوان (جاجيك , لوركا ) اللي واصلين مرحلة ملئ الفورم 260 عليهم ملئ ايضا الفورم 234 واستمارة الاستفتاء الخاصة بتنظيم عملية السفر والحصول على ال iz نمبر .


وعليكم السلام ابو ريم الورد، ماهي استمارة الاستفتاء؟

492
اليوم انجزت معاملة العدم محكومية الحمد لله كانت سهلة و الدائرة مرتبة (بقياسات العراق)
الشكر موصول للاخوة جاجيك والاخ متفائل جدا و الاخ كلش متأخر وابو ريم
بصراحة موضوع الاخ جاجيك ساعدني جدا بالمعاملة
بالمناسبة اكو هناك مكاتب استنساخ ومصور اخاف مستقبلا اكو احد ممستخرجها لحد الان

تحياتي

493
ممنون منك ياورد على النصيحة وعلى الاجابة وعلى الدعاء.

يعني هسه لازم اترجم  ( عقد الزواج+ دفتر الخدمة + هويات الاحوال + شهادات الجنسية لباقي افراد العائلة ) ؟؟ هههههههههههههه خوش رزق الله جابة لمكاتب الترجمه !

ممنون مرة ثانية ياورد


ههههههههههه هو هذا المثل الي يكول رزق البزون عالمعثرات

494
حبيبي وأخويــة الورد LORCA

اني وثائقي ( طبعات الاصابع + صورة القيد لسنة 57 + هوية الاحوال وشهادة الجنسية ) كملتهن من قبل شهرين وضامهن جوة المخدة بالبيت. وباقي عندي بس دفتر الخدمة وعقد الزواج حاير وين اترجمهن !!.
وأي سوال حول ترجمة الوثائق الي اني مترجمهن اني حاضر للاجابة .

وربي يسهل امرك وامور كل المتقديم
تحياتي


جاجيك الورد مثل مكتلك، مكتب نادر وتوكل على الله، بالنسبة الي ترجمت عقد الزواج الاصلي الي اخذته من المحكمة وقت الزواج يم مكتب نادر ومجان غالي لو 25 الف لو 15 ممتأكد بس كتلك على دفتر الخدمة صديقي ترجمه يمهم وهو IOM فعيني عليك بمكتب نادر قفاصة ويطبرون بس شغلهم معتمد والسفارة تعرفهم ومتعودة عليهم

495
دكتورنا الغالي ,, والله العظيم انته الورد.
بصراحة سويت باقتراحك وصارن عدد الفايلات المرفقة ( الاتاج فايل ) 21 فايل اكبر واحد بيهن حجمه 278KB كيلو بايت  فشنو رايك بالموضوع؟؟ وبصراحة ما اريد اضغطهن لان مراح يكونن واضحات.
وبالنسبة لترجمة دفتر الخدمة وعقد الزواج شنو رايكم؟؟ وين أشـله دشداشتي واركـض اترجمهن؟؟!!

ربي يسهل اموركم وربي يجمعنا بنفس الطيارة  ونشلع شلعة وحدة بالقريب العاجل 

تحياتي ياورود


حبي بالنسبة لدفتر الخدمة وعقد الزواج ماكو غير مكتب نادر، وبالمناسبة ترجمة دفتر الخدمة لهدة فلوس، صديقي ترجمه ذاك الاسبوع طبروه ب170 الف هههههههههه

بالنسبة للفايلات، اني وقتها سويتهن كلهن PDF وحدة وره وحدة وصغرت الصور ومراح شي من الوضوح مالتهن ، لان اعتقد يكونون احسن لو بملف واحد وكل نفر يصير بملف، اخاف هاي سالفة الواحد وعشرين ملف تأخرك وبعد ننتظر رأي الباقين

496
جاجيك حبي انت وثائقك كاملة يعني عندك عدم محكومية لو عندك نقص بشي معين؟

497
جاجيك اخوية اني وياك تقريبا نفس تسلسل الاجرائات، اني هم جنت دايخ ارسل عدم المحكومية لو لا لان بعدها مصادرة، بس سامع اكثر من رأي يكول دزوا الاستمارة اهم شي حتى لو عدم المحكومية مكاملة وبعدين تاخذها وياك للمقابلة والصراحة دايخ لان اسبوع الجاي يالله استلمها

498
ددير بالك لتتأجل المقابلة بسبب الاوضاع الامنية!

499
الله يساعدك اخوية مالك غير الانتظار الى ان تفرج، حاول تلهي نفسك بشي

500
اخي العزيز
سياق nvc يختلف على كل دولة اذا كان الشخص خارج العراق لاتتم المقابلة الا بعد ارسال عدم محكومية العراق والفحص الطبي
اما في العراق يختلف كان سابقا كل الاخوة يحضرون عدم محكومية عند المقابلة وحاليا اعتقد اكمال المستمسكات حتى ينم تحديد المقابلة
انت راسلهم وكلهم اني راح اجيب عدم المحكومية يوم المقابلة وان شاء الله تمشي الشغلة لانك في العراق
لو عليك حكم او مطلوب  مو جان هس انت تفتر بالسوك بس اللي خارج العراق احتمال مطلوب وعليه حكم ولهذا يردون العدم محكومية قبل المقابلة

الف شكر يا طيب على ردك
تحياتي وبالموفقية

صفحات: [1] 2