عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - New Day

صفحات: [1]
3
شكرا اخوية outtoother على الرد .... راح اتصل بالكفيل ونشوف شصار من الموضوع وإن شاء الله خير

4
السلام عليكم اخوان وأسف على الانقطاع
طبعا كالمعتاد لاجديد بخصوص التوطين واصلا صار عندي احباط ويأس لان عبرت السنتين وكلشي ماكو حتى صار شهرين ممتصل بيهم لان كل ما اتصل مغثة شكل مرة غير مؤهل مرة بدك تنتظر وعلى هالرنة
الله كريم
بس اريد اعرف وين نودي المناشدات هسة دير غبار لو خلدا
وبالنسبة لمفوضية دير غبار صحيح نقلوها لخلدا وصارت كلها اهناك لو ماكو هيجي حجي

5
خلال ستة اسابيع لازم ينطون خبر للجمعية و يتضمن رقم الملف وبعدها تعتمد انت الان في اي دولة
لان هناك اختلاف في الفترات بين الدول طبعا هذا الكلام اذا كانت اوراق المعاملة كاملة و مطايقة لشروط التقديم و خالية من الاخطاء

تحياتي

شكرا للرد اخوية العزيز
اني لاجئ في عمان وبلشت أجرائات الكفالة والعقد بين الكفيل والجمعية وتسليم صك بمبلغ الكفالة يوم 5/11/2015 بعدها ارسلت الفورمات والمستمسكات والقصة مترجمة وكاملة ووصلت للمنظمة بتأريخ 17/11/2015
فحسب رأيك ورأي ألأخوان شنو المتوقع

6
اخواني عندي سؤال
بس حبيت اعرف كم المدة لأستلام الفايل نمبر وشنو ألأجراء الي بعد استلام الفايل نمبر
علما ان الكفالة عن طريق كفيل و جمعية بمدينة شيربروك مقاطعة كيبك وليست كفالة كنائسية وعموما هي نفس الخطوات بالضبط
مع الشكر لكم

7
تحية طيبة اخواني
حبيت استفسر منكم وتهل الخبرة .... اتصلت بصديقي بخصوص موضوع الكفالة الى كندا بعد ماضاقت السبل وغسلت ايدي من المفوضية في عمان .
جواب صديقي وهو سافر الى كندا بنفس الطريقة الي راح اشرحها الكم.
1- توكيل محامي
2-ايجاد كفيل لان صديقي كافل 3 عوائل
3-الكفالة تتم عن طريق جمعية والمطلوب احول مبلغ ينزل بحساب الجمعية او هيج شي بأسمي ويرجع المبلغ كراتب شهري علما احنا عائلة 3 اشخاص والمبلغ مع اتعاب المحامي والكفيل يصير بحدود اقل من 30000 دولار .
4- نسبة قبول طلب الهجرة وكذلك مدة الطلب والاجرائات لحين السفر ان شاء الله
5- للعلم الولد صديق جدا وكال راح احاول اسعى بالموضوع واستفسر اكثر واحاول اخفض من السعر
6- ماهي نوع هذه الكفالة بالضبط لان بصراحة مسألت الولد لان كان بالشغل بس كلفتة يستفسر ونخيتة بالموضوع

مع الشكر والاحترام لكم 


8
اي والله يا اخوية اخر 3 اتصالات كالو ملفك غير مؤهل للتوطين حاليا وبدك تنتظر اذا صار شي جديد والاسبوع الجاي هم اتصل واشوف شنو الموضوع لان الاحباط والحالة النفسية الي دنمر بيهة ما احجيلك شلون عايشين

الله كريم ارحم الراحمين

9
هذا كروب عمان أهلا وسهلاً بيك

http://www.ankawa.com/forum/index.php/topic,744724.0.html

10
تحية طيبة جماعة عمان ألي مختفين .... طال ألصبر وألأنتظار ولحد ألأن بدون توطين بالنسبة الي

ألله كريم .... أن شاء الله تفرج عالجميع

11
الله يكون بعونج اختي العزيزة .... طبعا اني هم اتصلت بيهم قبل 4 اسابيع ونفس الشي كالو ملفك غير مؤهل للتوطين حاليا ورجعت اتصلت بيهم الاسبوع الماضي نفس الحجي .
بالنسبة لحضرتج انت اتصلتي بيهم لو همة اتصلو بيج وبالنسبة لكلامهم معناه شنو غير مؤهل قطعيا يعني حسب ما افتهمتي ماكو امل بالموضوع.
وبالنسبة لموضوع كندا يكدر زوجج يراجع احدى الكنائس في كندا لغرض اجراء معاملة الكفالة الكنائسية الكم واجرائاتها ان شاء الله متطول عليكم واستفسري من كروب كندا في اذا تحبين في موقع عين كاوا

وان شاء الله تفرج عليكم يارب

12
أخواني هذا الاستفتاء للي مسجلين بمفوضية عمان واتصلو بخط المعلومات وبلغهم الموظف بأن الملف غير مؤهل للتوطين حاليا
مع ذكر تأريخ اعتراف اللجوء

اعتراف اللجوء 4/2014

13
السلام عليكم يا اخواني المختفين

طبعا الاسبوع الفات اتصلت على التوطين كالولي ملفك قيد الدراسة واحنة نتصل بيك .... واليوم هم اتصلت بيهم وبعد 223 محاولة اتصال يمكن يلة حصلت وزفتلي الموظفة البشرى السارة وكالتلي ملفك غير مؤهل للتوطين حاليا .
للعلم ملفي بالتوطين من سنة و اربعة شهور .... وما احجيلكم السعادة الي احنا بيهة حاليا

حسبنا الله ونعم الوكيل

14
الله يسهل امرك اخوية وان شاء الله تتوطن وتخلص من هالعذاب
اني اليوم هم اتصلت بيهم واخيرا اجة الخبر وكالتلي ملفك غير مؤهل للتوطين حاليا
للعلم صارلي سنة واربعة شهور ملفي بالتوطين قيد الدراسة والاسبوع الفات هم اتصلت بيهم وكالتلي ملفك عدنا بالتوطين ومن يصير جديد نتصل بيك

حسبنا الله عليكم يا UNHCR عمان

15
صديقي عندة الجيك الامني مكتمل اتصلو بي يوم 29/7  انطو موعد سفر الى ديترويت على يوم 17/8 وبعدين اتصلو بي يوم 4/8 بلغو بتأجيل الرحلة ولحد الان ماكو جديد  والجيك الامني رجع عندة انتظار والملف فعال

17
اصدرت المفوضية السامية لشؤون اللاجئين في عمان قرار جديد بخصوص طلبات اللجوء الخاصة بالعراقيين واليكم الاعلان

18
تحية طيبة اخواني الاعزاء ..... هذا قرار المفوضية الجديد يخص الاجرائات الجديدة لطالبي اللجوء العراقيين في الاردن

19
السلام عليكم
أني حبيت ادخل كمشاركة جديدة بالكروب أني انشاء الله ناوية أجي لعمان أني وعائلتي اقدم على UN شتنصحوني على البدء بالتقديم وشكد الفترة علما أني عندي أقارب في امريكا من الدرجة الاولى وشكرا ألكم

اهلا بيج ست ندى وعيدكم مبارك شرفتي الكروب
بالنسبة للمفوضية في عمان حاليا مفتوح التسجيل ولايتوقف وماشية الامور بس ببطئ بسبب الزخم والاعداد الكبيرة المسجلة .... وبالنسبة للمدة هذا الامر لايعلمه الا الله يعني الموضوع والتسهيل بيد رب العالمين وقناعة الموظفين والحظ وبالنسبة للاقارب الدرجة الاولى شي اكيد يفيدون ولازم تبلغين الموظفين باول مقابلة انه عندج اقارب من الدرجة الاولى في البلد الفلاني ومن الله التوفيق

20
عيد سعيد عليكم اخواني واصدقائي وكل عام وانتم بالف خير وصحة وسلامة واتمنى للجميع تحقيق امنياتكم بالسفر والاستقرار بأذن الله تعالى إن شاء الله

21
الف مبروك اخت ساوند ... اتمنى لك النجاح الدائم ان شاء الله ... ومن نجاح الى نجاح اجمل وبالتوفيق في حياتك الاجتماعية والمهنية والدراسية 

22
تحية طيبة الكم ومسائكم خير
طبعا اليوم كنت بالمفوضية بدير غبار بقيت بحدود ساعتين او اكثر واكف بالشمس وكلشي ماكو محد طلع ولاموظف واصلا ممنوع اي استفسار بخصوص التوطين فقط تكدرون تستفسرون عن التوطين عن طريق خط المعلومات كل يوم أثنين من الاسبوع وممنوع اي احد يدخل بدون موعد
بقيت واكف بدون فائدة وخليت مناشدة بالصندوق ورجعت ... وشفت عائلة ام و 3 اطفال معاقين الله يباوع بحالهم ويشافيهم جانت عدهم مقابلة توطين واكو ناس جانو جوة سوريين وعراقيين بس ما اعرف شنو مقابلاتهم... انتهى

الله يسهل امر الجميع وطبعا الروحة مابيها اي فائدة غير بس الي عندة مناشدة يخليها بالصندوق

23
يعني ابسطها اكثر .... لو فرضنا انه اليوم اتصلو بيك المفوضية على التوطين وكالتلك الموظفة عندك مقابلة توطين للبلد الفلاني راح تكوللها اوكي راح تكولك خلاص تعال بكرى الصبح لديرغبار حتى تعمل مقابلة توطين.
يعني العملية من يتصلون بيك على التوطين تروح ثاني يوم تسوي مقابلة توطين

24
والله يا اخي ماكو شي عالتوطين لحد الان وصحيح التوطين مفتوح حاليا وصار يومين توطنو ناس لامريكا حسب ماقريت بالفيسبوك واحد صارلة سنة ونص على المقابلة الثانية وواحد صارلة سنة و3 اشهر كامل المدة بعمان وبالنسبة لكروبنا لاجديد واخ ليث مبروك علية توطن وبلغنا وفرحنالة وان شاء الله الباقي بالطريق واني صارلي سنة و3 اشهر عالمقابلة الثانية ولحد الان بدون توطين 

25
مرحبا اخوية
حاليا ديخابرون يبلغوك بالتوطين والمقابلة ثاني يوم مباشرة

26
اهلا وسهلا بيك اخ ضياء مثل مانكول البيت بيتك وشرفتنا وان شاء الله واحد يساعد الثاني بالمعلومات

27
الف شكر اخ ليث الورد عالتوضيح .... الله يسهل امرك ويوفقك ان شاء الله

28
السلام عليكم.... بعد انتظار سنتين وشيرين من مقابلة التوطين البارحة اجاني اتصال من iom بانه عندي مقابلة على اليوم وبالفعل رحت قابلة وكان الانتظار طويل بس المقابله سهله الحمدلله طبعا شفت عائلة صارلها 4 سنوات تنتظر توطين اليوم قابلو ويانه واكو عائلة من اخوانه المسيح بشهر 10 _ 2014 مقدمين على اليوان اليوم ايضا قابلو ويانه وتقريبا 10 عوائل جان عدهم دوره تثقيفية الى استراليا اغلبهم تحويل يوان وأغلبهم عدهم اقارب درجه اولى هذا الي شفته اليوم تحياتي الكم وان شاء الله تفرحون بالقريب العاجل

حبيبي ليث .... الحمد لله ثم الحمد لله والف الف مبروك اتمام المقابلة ان شاء الله يوم سفرك ونفرحلك مثل مافرحت الكروب اليوم وان شاء الله فأل خير عالجميع بعد صيام طويل عن الاخبار المفرحة
بس اذا تحب تذكرلنة تواريخ المقابلة الثانية مال ال UNHCR وكذلك تأريخ مقابلة التوطين

الله يوفقك ياورد ... تقبل تحياتي

29
لاجديد ... لاجديد ... لاجديد .. كل ما اخابر نفس الشي وماكو شي جديد على ملفك
الله كريم ان الله مع الصابرين

30
الف مبروك اختي الإزيزة ام قمر اتمنى لكم كل التوفيق
وتحياتي للاخ ابو قمر ... الله يسعدكم ويوفقكم بحياتكم الجديدة ان شاء الله

31
تحية طيبة اخي اسبيرو رمضان كريم وكل عام وانت بالف خير ... نورتنا بوجودك على صفحتنا
بالنسبة لسؤالك ... القوانين تغيرت والكارت الازرق انلغى هسة بعد ماكو هاي الامور
حاليا الية العمل صارت مقابلة اولى تتسجل بيهة البيانات والقصة بفرع المفوضية بمنطقة خلدا بعدين يحددون موعد لمقابلة ثانية في دير غبار وتكون مع قسم تحديد وضع اللاجئ RSD وبعد متنتهي المقابلة الموظف راح يحدد اما تم الاعتراف بيك لاجئ رسميا او مينطي قرار يحددون موعد مقابلة ثالثة يعني .
بالنسبة لورقة الحماية حاليا الناس ديطلعهلم توطين ويقابلون توطين وبيهم قسم تحولو لل IOM والورقة مالتهم بعدها طالب لجوء .... اني بشهر الثامن عندي تجديد وبالنسبة لورقتي لحد الان طالب لجوء وصارلي سنة وشهرين من قابلت المقابلة الثانية واخذت اعتراف اللجوء.

تحياتي لحضرتك ياورد

32
تحية طيبة اخواني واخواتي الاعزاء
رمضان كريم عليكم وكل عام وانتم بالف خير وان شاء يعم الخير على الجميع ببركة الشهر الفضيل ونسمع اخبار جيدة
بالنسبة الي لاجديد لحد الان صار سنة وشهرين من اخذت اعتراف اللجوء وملفي لحد الان قيد الدراسة بالتوطين
ماكو بس الصبر والفرج من رب الكون العظيم ان شاء الله
إن مع العسر يسرا

33
اخوان رحمه لوالديكم وانشاء الله تفرج عليكم وعلينا
اني اليوم قدمت عل unبيروت وانطوني موعد مقابله اولى بعد شهرين ،اني وزوجتي واطفالي الاثنين،شنو توقعكم،ابقى انتظر لو ل
ارجع لوظيفتي ببغداد

لاحبيبي نصيحة ارجع لوظيفتك وخلي اللجوء للناس الي محتاجتة واحق بي وكافي تخربطون شغل العالم الي صارلها سنين تنتظر توطين وسفر ... شعبالكم الUNHCR لعبة لو دائرة حكومية بالعراق تجون تفتحون ملفات وتحجزون مكان وورة شهرين ترجعون
بعدين اذا حضرتك متكدر تصبر شهرين لموعد المقابلة شلون راح تصبر سنين حتى تحصل توطين وتسافر
اخذ نصيحتي على محمل الجد وصدكني ممتهجم عليك مع احترامي وتقديري لحضرتك والعائلة الكريمة بس هذا الموضوع ينرادلة خلك طويل وخزينة فلوس اذا كان بلبنان او الاردن او تركيا او مصر وين متروح نفس الموضوع

تقبل تحياتي واعتبرني اخوك الصغير ونصحتك

34
مساء الخير عليكم شباب

طبعا على نفس الحال وحالي من حالكم صار سنة وشهرين انتظر توطين وكلشي ماكو لحد الان
بس من خلال متابعتي مسمعت لحد الان اكو احد توطن على امريكا ابدا صار اشهر كل التوطين حاليا على كندا ... بلكي تفتح امريكا هالايام الجاية وتاخذ ملفاتنا

والله كريم ارحم الراحمين 

35
الاخ New Day  باعتبارك مؤسس هاي الجمعية ممكن نعرف الجواب من خلال حضرتك ؟
هل من الممكن ان يكون لدى طالب اللجوء اقامة وشغل بالاردن بدون ما يدرون جماعة الUN ؟؟
يعني يكون عندة اقامة رسمية واقامة مال ورقة الحماية هل هذا الشي ممكن ؟؟؟


اهلا وسهلا بيك اخي ياسر وتحية طيبة الكم جميعا
بالنسبة لموضوع الاقامة وخلال متابعتي لامور اللاجئين في السابق وحاليا
قبل كانت الاقامة متأثر على ملف اللجوء والدليل هواية اكو ناس طلع الهم توطين وسافرو وهم مقيمين وعدهم املاك وسيارات وارصدة بالبنك
حاليا الوضع اختلف حسب اعتقادي والسبب انه الدول المانحة للجوء قلصت الاعداد المقبولة بالنسبة للعراقيين فاصبح الافضلية لطالبي اللجوء غير المقيمين ... وكذلك باعتبار الاقامة هي حل انساني لصاحبها يعني يكدر يشتغل ويمتلك ويشتري سيارة ويدبر امورة ويعيش فبهالحالة راح تقل فرصتة بالتوطين لبلد ثالث
وطبعا ممكن تجمع بين الاثنين الاقامة الانسانية في الاردن وكذلك ورقة الحماية الدولية من المفوضية وايضا تكدر تشتغل بصفة رسمية اذا كنت حامل اقامة انسانية ... وتكدر تشتغل بس على مسؤوليتك لان تحاسب من قبل شرطة العمل لو مسكوك لاسامح الله اذا كنت مقيم على ورقة الحماية الخاصة بالمفوضية
وبالنسبة لعلم المفوضية بالاقامة بصراحة ما اعرف شي عن هذا الموضوع

وكتلك هذا حسب اعتقادي ومعلوماتي من خلال متابعة الحالات الي شايفها من اصدقاء ومعارف وعن طريق النت

36
خبر منقول ومنشور على باب المفوضية في دير غبار .... وتأكيد على ما نشرتة يوم امس اي قبل هذا الرد

37
خبر منقول من بعد اذن الادارة

38
والله ياصديقي كلشي ماكو لاحس ولاخبر ... الامور تعبت حيل وتعبتنا وياها وماكو غير بس رب العالمين ارحم الراحمين يباوع علينة ويرحم بحالنا ويسهل امورنا
الاخوان ويانا بشرو ماكو شي جديد خبر منا منا
ان شاء الله تتسهل عالجميع يارب

39
ماشاء الله موضوعك كلش يسوي واهس ... صديقي امسح الموضوع لتسوي احباط للعالم الله يخليك خلي العالم  تروح تشوف طريقهة وتشتغل وتكون نفسهة وتعلم اطفالها ... بعدين شوف الاحصائيات بالعراق لو سوي احصائية للعراقيين بالاردن وتركيا وغيرها شوف العالم خطية شلون متبهذلهة حتى تحصل لجوء وتخلص من العراق والضيم الي بي
بعدين حضرتك مو مقدم من تركيا وكفيلك ب يوتا الامريكية ويجوز سافرت لامريكا ما اعرف بعد
اذا الفرصة معجبتك فأكو غيرك يتمنوها واحوج الها من حضرتك وخلي اللجوء لاهلة
مع احترامي وتحياتي

40
على هذا الوضع اذا حالة الملف تحولت عندك من انتظار النتيجة الى فعال معناه .... راح يكتمل عندك التجييك الامني ويتحول السفر عندك فعال ويحددولك موعد سفر
يعني حالة الملف هسة عندك فعالة وديمشون بالاجرائات التحضيرية للسفر

وان شاء الله تتذكرني بهذي الحجاية واتمنى لك الخير والتوفيق

41
جيكت الموقع قبل شوية ولكيتة متوقف بلكي تحديث خير لجماعة IOM

42
اشكرك اخي العزيز الكندي
ان شاء الله تقوم المفوضية بدراسة طلبات اللجوء الخاصة بينا وتسهل امرنا ونخلص من الهم ونرتاح من تعب الانتظار المجهول والتوفيق من الله سبحانه وتعالى وبلكي الايام الجاية ضامتلنا اخبار حلوة

الله كريم ارحم الراحمين

43
مرحبا اخوية الكندي

طبعا مقابلة التجديد شي سهل جدا ... اني قابلت السنة الماضية وسألتي سافرت خارج الاردن انت وعائلتك كلتلها لا وشلون عايشين منين تصرف منو عندك من اقربائك باوربا بوحدة من دول اللجوء وشوكت دخلت للاردن باي تاريخ وبس وهذا هو فلاتهتم ان شاء الله سهلة

44
مساء الخير شباب شلونكم اخباركم

بشرو ماكو جديد عالتوطين منا منا صديق معارف ... اني ماكو جديد بالنسبة لملفي لحد الان

الله كريم

45
بس حبي بلكت اللنك تنزلة مرة لخ لان اظاهر مو كامل

تم التعديل على الرابط

46
هاي الصفحات المعنية باللاجئين العراقيين بالاردن ... من بعد اذن الادارة

47
هذا الفيديو اليوم بالاعتصام امام المفوضية في دير غبار من تصوير قناة البابلية
https://youtu.be/FOFE0JTdc38

48
نعم اخي اكو عوائل طلعلهم توطين الى كندا حسب ما قريت بصفحات اللاجئين على فيس بوك بس مسمعت احد طلعتلة امريكا لحد الان
واني بالنسبة الي عبرت سنة وكم يوم من المقابلة الثانية الي حصلت بيها على اعتراف اللجوء ودا انتظر التوطين طول هالسنة والله كريم ان شاء الله ماينسى عبده

49
بشرونا شباب شنو القصة ... التوطين مشتغل للعالم الف عافية والله يوفقهم وكروبنا كلشي ماكو لاحس ولاخبر
وطبعا التوطين على كندا وهواية كلش

يارب احنا صبرنا وتوكلنا عليك وانت نعم الوكيل
ان مع العسر يسرا

50
تحية طيبة اخواني
هذا الخبر منقول من احدى الصفحات على فيسبوك بأدارة ناشطين ولاجئين في عمان الاردن قامو بحملة #تاك وشعارات بصالح اللاجئين العراقيين في عمان واتمنى يكون الكلام صحيح وتفرج عالجميع

51
هذا حال ال 147 ... محصلت تأكيد العمل وحاليا بعمان مسجل بالUNHCR وصار سنة انتظر توطين

52
صباح الخير عليكم حبايب
طبعا اليوم خابرت المفوضية حتى استفسر على التوطين ...واكيد عادلي نفس الكليشة ملفك بعدة ماعلية اي اجراء حاليا ومن يصير جديد نتصل بيك وسألتة على التوطين مفتوح كال اي طبعا بس دمرني بهاي الكليشة الي تقتل طبعا ياسيدي هو التوطين مو حق لكل لاجئ يعني اكو ناس الهم حق التوطين واكو لا وكال ماعليك بس الانتظار بقيت صافن بالتليفون كتلة اشكرك وجزاك الله خير على هاي المغثة من الصبح
هاي انتو من تخابرون هم يكولون نفس هذي الكليشة لو لا اني صارت بية كم مرة 

53
تحية طيبة اخواني الاعزاء

طبعا لاجديد بخصوص ملفي لحد الان قبطت سنة من المقابلة الثانية مال اعتراف اللجوء ووقعت على ورقة التفويض بالملف وكالتلي راح نحول الملف للتوطين وكلشي ماكو دننتظر بلكي الله يصير خير بعد هذا التوقف مثل ما اتفضل زميلنا ليث سعد

54
تحية طيبة اخواني

بالنسبة للرمز RSD معناه Refugee Status Determination اي بالعربية تحديد وضع اللاجئ وهذا هو الاجراء الي يتم بالمقابلة الثانية حسب النظام المعتاد انه من خلال المقابلة الثانية الموظف المختص يحدد اما رفض طلب اللجوء او الموافقة والقبول وتحويل الملف للتوطين او التريث واعادة المقابلة والنظر بالقضية مرة ثانية

تقبلو تحياتي

55
طبعا اخواني لاجديد عالتوطين قبل شهرين خابرتهم كالو راح نبعث استفسار لقسم التوطين ونخابرك ولحد الان كلشي ماكو لاحس ولاخبر بنج عام ههههههههههههه

الله كريم ان شاء الله كلنا نتوطن

56
مساء الخير عليك حبيبي
اول شي تروح بخلدا تاخذ موعد تجديد قبل شهر من تاريخ نفاذ ورقة الحماية وتروح وحدك طبعا تنطي الورقة وراح ينطيك كرت بي موعد مقابلة التجديد
وبيوم موعد المقابلة لازم يحضر كل افراد العائلة الي موجودين بالورقة وتاخذ مستمسكاتك كلهم واهم شي جوازات السفر طبعا والمقابلة هم بخلدا لان هو مركز التسجيل والتجديد وطبعا الاسئلة الموجهة روتينية مابيها شي
والله يسهل الامور ان شاء الله

57
صباح الخير اختي مغتربة
بالنسبة لسؤالج مع الاسف ماكو فرق بالكليشتين يعتي من يكولون ماكو اي اجراء معناها الملف قيد الدراسة بقسم التوطين

تقبلي تحياتي

58
تحية طيبة اخواني واخواتي ومساء الخير عليكم

طبعا لاجديد عالتوطين لحد الان مر على المقابلة الثانية 11 شهر وكم يوم

الله كريم وان شاء الله يتم توطينا صبرنا ونتحمل ما باليد حيلة

59
Up… لحد الان لاجديد يذكر بخصوص التوطين مرت 11 شهر على المقابلة الثانية

61
Up…ماكو توطين منا منا ياشباب

62
تحية طيبة شباب

طبعا لاجديد يذكر أبداً صارلي سنة وشهرين من سجلت ... وسنة على المقابلة الاولى ... وتسعة اشهر وخمسة ايام على المقابلة الثانية

وبأنتظار ألتوطين

وكل ما أخابر نفس البنج راح نرفع الاستفسار لقسم ألتوطين ويخابروك وكلشي ماكو

ألله كريم ألله كريم

63
مساء الخير ... وتحية طيبة الكم
شلونكم وية البرد والثلوج .... طبعا بالنسبة لملفي لحد الان ماكو شي ولا احد اتصل بية ابدا دا انتظر التوطين
انتو شنو اخباركم ماكو احد توطن بهالايام بشرونا
الله كريم ومسهل الامور ان شاء الله

64
تحية طيبة لكم أخواني واخواتي

أسف على الانقطاع بسبب مشاغل الحياة وصعوبتها ...
طبعا ماكو كل اخبار على التوطين وكل ما اتصل بيهم يكون الرد ملفك قيد الدراسة بالتوطين وبصراحة مسمعت شخصيا احد توطن بهالفترة ومبقى بس الصبر وطبعا بعثت مناشدات هواية عن طريق الايميل وبصندوق المناشدات في دير غبار وملفي بالتوطين من شهر الرابع 2014 ومحد اتصل بية لحد الان

تقبلو تحياتي

65
ويستمر مسلسل ألصبر وألأنتظار ونفس ألشي لاتوطين ولاجفية ولاحامض حلو ولا شربت

ألله كريم ... ألله كريم

66
بالنسبة للتوطين .... أكيد لاحس ولاخبر والملل اشتغل ناس بشهر توطنو وناس نايمة والله كريم

وهذا الحال

تقبلو تحياتي

67
لاجديد يذكر ... كلنا في الهوى سوى

الله كريم

68
UP

تحية طيبة الكم اصدقائي
نفس الموضوع مستمر بالانتظار حصلت الاعتراف من الرابع لحد الان وماكو شي

ألله كريم

69
ان شاء الله بشارة خير عالجميع

70
تحية طيبة الكم حبايب وجمعة مباركة
بالنسبة لملفي لحد الان ما اجاني توطين حاضن الموبايل من الصبح لليل وكلشي ماكو
الدول المفتوحة حسب ماسمعت وناس توطنو هي نيوزلندا وهولندا وكندا واستراليا واكيد امريكا
ونبقى طبعا تحت رحمة رب العالمين أرحم الراحمين وان شاء الله تبشرونا وابشركم بالتوطين

تقبلو تحياتي

71
UP...... بشرو أصدقائي شنو أخبار ألتوطين

ألف شكر للأخ Apple على الجواب ألشافي لسؤال أخونا أبو توفي وشكراً لأبو توفي ولمرورك ألكريم على تجمعنا وأن شاء الله نكون حاضرين لأي سؤال وأستفسار

تقبلو تحياتي

72
دا هو ألأحد ... ياألله اجعله فأل خير على الجميع أن شاء الله ... اللهم يسر امورنا أجمعين بحق لا اله الا الله محمد رسول الله ويفرج عنا وعنكم ... كولو أمين يارب ألعالمين

تقبلو تحياتي ونسألكم الدعاء

73
والله ما اعرف اذا كانت وجبتين او لا بس ابشركم نقلا عن صديقي ..... اكثر الملفات استلمو موافقات كاملة بدون تجييك امني وكالولهم مبروك وانتظرو من عدنا موعد سفر

تحياتي والتوفيق للجميع

74
خبر منقول للاطلاع .... والتوفيق للجميع يارب

75
احد الاصدقاء استلم اليوم موافقة مشروطة وبالتوفيق يارب

78
تحة طيبة الكم اصدقائي وعساكم بخير

بشرونا ماكو أحد توطن لأن أليوم سمعت كانت مقابلات توطين في دير غبار

بشرونا ألله يبشركم بكل خير

79
تحية طيبة لكم اخواني واخواتي
عيد سعيد وكل عام وانتم بالف خير اعاده الله علينا وعليكم بالصحة والسلامة وتسهيل الامور ان شاء الله والموفقية للجميع
طبعا وصلتني اخبار منقولة تفيد بأن التوطين في عمان انفتح واعطو مقابلة توطين لاشخاص في دير غبار يوم الاربعاء القادم الساعة 8 صباحا اول يوم بعد عطلة العيد

تمنياتي لكم بالتوفيق وتسهيل الامور ان شاء الله

80
تحية طيبة للجميع وأسعد ألله مسائكم
ألف شكر للأخوة ألأعضاء ألذين أبدو ألمساعدة وألرد على جميع ألأسئلة وأتمنى لكم ألموفقية و تسهيل ألأمور أن شاء الله
بالنسبة للتوطين لحد ألأن ماكو شي جديد ولاسمعت بأي شخص توطن هالأيام ونأمل أن شاءألله بالأيام ألجاية نسمع أخبار حلوة وألتوفيق من ألله عز وجل وماكو بس ألصبر وألله يسهل علينا وعليكم أجمعين

تقبلو تحياتي وشكراً لكم

81
تحية طيبة اخ عمار

بالنسبة لأوضاع المفوضية بالاردن نوعاً ما أفضل وأسرع من ناحية ألمقابلات يعني بعد وصولك للأردن تسجل بالمفوضية وأعتقد حالياً يعطوك المقابلة الاولى بعد أيام من التسجيل وبعدها ينطوك موعد المقابلة الثانية ورة 3 أشهر تقريباً وبهاي المقابلة اذا حصلت على أعتراف أللجوء راح يتحول ملفك للتوطين وتبقى تنتظر اتصال من قسم التوطين وتختلف من حالة لحالة يعني ما أكدر أكلك شكد الفترة حتى تتوطن لبلد ثالث لأن هاي أمور وأولويات ألمفوضية تحددها
وهذا رابط خاص للاجئين في عمان بي مواضيع وتفاصيل تستفاد منها أن شاء الله
http://www.ankawa.com/forum/index.php/topic,744724.0.html

تقبل تحياتي

82
تحية طيبة اخواني واخواتي

بالنسبة لسؤال ألأخت هيا ... جواب ألأخت مغتربة في الاردن مشكورة طبعا جداص مضبوط لازم يقدم على فيزا من السفارة الاردنية في تركيا ومن تطلع الفيزا يسافر لعمان ويبدأ التقديم من جديد على ألمفوضية UNHCR ويكمل باقي التفاصيل الي ذكرتها ألأخت مغتربة .
وبالنسبة لملفي لحد الان ماكو توطين ولا اي شي جديد ولاسمعت احد توطن هالايام ونبقى ننتظر ونصبر ونتوكل على الله ارحم الراحمين

تقبلو تحياتي

83
السلام عليكم
لقد سجلت في هذا الكروب اختي قابلت اول مقابلة يوم ١١/ ٩ / ٢٠١٤
وكانت المقابلة عبارة عن اخذ المعلومات فقط بدون اسئلة مجرد سرد للمعلومات والتفاصيل وسبب خروجهم من بغداد
واعطوهم ورقة حماية اللي يكتبون عليها طالبي لجوء
والموعد الثاني حددوا لهم في شهر الثاني من سنة ٢٠١٥
ويارب الموفقية للجميع

اهلا وسهلا بيكم اخت لونة ... ألله يسهل أمركم وبلكي يتصلون بيكم لتقريب موعد المقابلة الثانية ان شاء الله مثل ماصار وية بعض الاخوة

تقبلي تحياتي

84
اسمع نصيحتي ياحبيبي وروح باجر اسحب شريحة جديدة برقمك القديم ... ليش تدوخ وتبقى بشك وأشكالات لأن الجماعة باليو ان تايهة السالفة يمهم وماكو شي يضمن انه رقمك الجديد راح يوصل وشلون راح تتأكد من وصولة أتوكل على الله باجر وطلع رقمك القديم

85
تسلم حبيبي تعبتك وياية .. بس شنو سبب تأخيرهم معقولة تركيا ام الزخم يطلعون منها ويسافرون,, وعمان الزخم عليها قليل يتأخرون ؟؟ والله عجبة
[/color]

تحية الك اخوية حمزة
كلامك صحيح اهنا الزخم اقل بس اكو شي مهم انه اسأل الي مقدم من تركيا كلة شوكت سجلت باليو ان وشوكت سافرت متأكد اني راح تطلع المدة مو أقل من سنتين او ثلاثة وبعدينألسفر موجود من تركيا ومنا وماشي طبيعي بس شي أكيد هذولة الي ديسافرون مثل حالنة مقدمين صار مدة تتجاوز السنةونص على الاقل بحيث هسة يلة اجاهم سفر
عالعموم ماكو غير بس الصبر ونكول الله كريم والتوفيق للجميع

86
اخوية ليش مارحت لاي مكتب تابع لشركة الاتصالات الي مشترك بيهة(زين-اورنج-امنية) وبلغت على فقدان الشريحة حتى ينطوك شريحة جديدة بنفس الرقم أحسن من هالدوخة كلها

87
تحية طيبة الكم اخواني

بالبداية الله يكون بعونك اخي علي محسن وبعون الاخت مغتربة في الاردن لأن صارلكم فترة بألأنتظار ويكون بعون ألأخوان الباقين وكلنا على هالطريق وماكو بس الصبر الي هو مفتاح الفرج أن شاء الله عالجميع
وبالنسبة للاخ حمزة ماكو هيجي خبر اطلاًقا  ومسمعت بهيجي شي ومن المستحيل يصير لأن اولوية توطين العراقيين الى امريكا . وأمريكا مستمرة بأستيعاب اللاجئين العراقيين
وبالنسبة لأيميل أل UNHCR وطبعاً كلنا نرسل علية مناشدات بس بدون جدوى وهذا هو ألأيميل وتدلل
 joram@unhcr.org

تقبلو تحياتي

88
تحية طيبة اخي الغالي ويسعد مساك
حبيت اشاركك بالموضوع وانطيك خير نصيحة وارجو ان تتقبلها مني ... موضوع الاحرف هذا صدكني مبهم وممعروف ومابي اي دلائل حتى ان وجدت تكون من باب الصدفة فأرجو منك ومن الجميع ان لاتعطوها اهمية كبيرة ولاتشغلون نفسكم وتفكيركم بيها اطلاقا واترك الموضوع على رب العالمين وتوكل على الله وهو نعم الوكيل وماكو بس الصبر والله يسهل امركم اجمعين

تقبل مروري ياغالي

89
Up ....ينصركم ويحفظكم ماكو احد توطن هالايام يارب فرجها علينا

90
يابة ليش مدوخين روحكم بموضوع لايقدم ولايأخر ولا ألة علاقة بالملف اطلاقا ومجرد احرف مكررة اجتي للكل وبيهم سافرو وبيهم انرفضو وتعلقت ملفاتهم وبيهم ينتظرون وبعدين ليش دايخين يا اخوان السالفة تجيكم اول وتالي وكلكم تسافرون بس ينراد صبر بلا تحليل ولا اقتراحات ولا أفتاء لان محد يعرف هاي الاحرف بس العاملين اهناك وممكن تكون مختصر لاسمائهم او اقسام المنظمة او احرف عشوائية كل فترة تتغير 
اتوكلو على الله وكولو يا الله وماكو بس الصبر وكلمن ياخذ خبزتة

91
السلام عليكم ورحمة الله وبركاته 

شلونكم اخواني اخواتي  تحياتي للجميع مقدما  ...

اني تقديم  15/2/2014 مقابلة اولية 16/4/2014 مقابلة ثانية 4/6/2014   >>  التفاصيل تعرفوها  ;D ;D ماكو داعي احجي بيها 

و الحمد لله و الشكر وبتسهيل رب العالمين  >>>>>  واكف سرة وياكم ع  اتصال التوطين  هههههه  ??? دعواتي للجميع بالتوفيق وتسهيل اموركم   

اخوكم حسون

اهلا وسهلا اخوية العزيز الله يسهل امرنا اجمعين ونبقى على درب الصبر وماكو غير الصبر 

تحياتي

92
الله يبارك بيك اخي new day ويارب يوم الالك ونفرحلك

بس شنو صار بقضيتك بشرني

تحياتي الك

مرحبا اخت ضياع تحية طيبة
والله يا اختي لحد الان ماكو شي دا انتظر التوطين ودزيت مناشدات و خابرتهم قبل عشرين يوم كالو راح ندز استفسار لقسم التوطين ولحد الان انتظر ومن اتصل بيهم اضغط رقم 6 قسم التوطين ومياخذ ميحول والله كريم ماكو بس الصبر الله يفرجها وممنون عالسؤال 
تحياتي الكم

93
جمعيه خلي نتواصل اتمنا لكم الاخبار السعيده والسفر وحبيت واتشرف ان اشارك في هذه الجمعيه الرائعه وانا من المقدمين سابقا من سوريا والان في عمان وتحياتي لجميع الاعضاء وكان عندي سؤال اتمنا الكه الاجابه من حضرتكم هل يوجد فترة محدده يتم فيها التوطين على استراليا من قبل الامم المتحده في عمان
وشكرا للجميع اخوكم ابو يوسف

أهلا وسهلا بحضرتك اخوية العزيز وأن شاء الله تجمعنا يكون فأل خير عليك .... وبالنسبة لسؤالك بصراحة وحسب ألأطلاع على تجارب الاعضاء والاصدقاء لايوجد فترة محددة للتوطين
تقبل تحياتي 

94
السلام عليكم كيف الحال
 
اليوم اتصلو بزوجي كالو الاربعاء الجاي موعد بصمة

ورة البصمة شنو يجي يعني المحلف وراها بشكد

لان منعرف التفاصيل

تحية طيبة اختي 
ألف مبروك اختي العزيزة وخطوة ممتازة وأن شاء الله بعد فترة قريبة وحسب معرفتي من بعض التجارب بعد شهر بهالحدود تقابلون محلفين أن شاء الله

تقبلو تحياتي

95
مرحبا   -   جانت جمعية hope  way واختفه والغت
وبعدين جمعية الاخ   dn dn وهم انتركت
وهسه new day لنفس الغرض
وبكل الردود ولا  واحد كال توطنت
متكلولي شنو القصة  ؟؟ يعني شنو ماكو امل
,

تحية طيبة واهلا وسهلا بحضرتك
طبعاً بالنسبة للاخوة الاعضاء المذكورين كلهم متواجدين بهذه الجمعية ....وأكيد كلنا دننتظر رحمة ألله وأن شاء الله نبقى متابعين أخر التطورات أول بأول طول ما أحنة بخير وصحة وعافية .... وبالنسبة للتوطين ألأكثرية دننتظر طبعاً وأثنين من ألأخوة ألأعضاء ( ألأخت ضياع - وألأخت ماضي أنتهى ) أتوطنو ألحمد لله ألف مبروك ألهم وأن شاء الله يوم ألنا وألتوفيق من رب العالمين وألله يسهل أمورنا أجمعين وأن شاء ألله يكون هذا ألتجمع فأل خير على ألجميع يارب
أمين يارب ألعالمين

تقبلو تحياتي 

97
اخوان ماكو شي جديد محد توطن هالايام بشرونة الله يخليكم ويبشركم بالف خير

102
UP ..... بشرونا اخوان ماكو احد اتصلو بي عالتوطين ؟

103
مرحباً لجميع اخواني وأخواتي بعينكاوا  :)
بالنسبة لتوطينا بعد اخر اتصال من اليوان والي اتصلت هي المترجمة الاردنية الي كانت ويانة بآخر مقابلة مع الموظفة الامريكية وهي الي قالتلنا ان اتحول فايلنا للسفارة الكندية بس حتى هذه اللحظة وحيصير ٣شهور محد خابر من السفارة ومن اتصل على اليوان يكولولي ممتحوله اي مكان وحتى من رحت لخلدا للشؤون الاجتماعية قالي الموظف ان ماراح يحولني للشؤون لان بعدني ممعترف  بينا كلاجئين رسميين مع اني احنا بالمقابلة الثانية قالوا ان اعترفوا بينا كلاجئيين  وورقة الحماية انتهت وراح أجدادها نهاية الثامن واسأل شنو القصة والله ييسر للجميع يارب 
تحياتي

مرحبا اختي شلونكم عساكم بخير ان شاء الله
بالنسبة لموضوع الاتصال على خط المفوضية ... طبعاً راح احجيلج عن تجربة ألموظف ألي يرد على الاتصال ماعندة علم بالملف أذا كان متوطن لبلد او لا ميبين عندة اي شي فقط راح ياخذ اتصالج ويسجل غرض الاتصال ويبعثة استفسار الى قسم التوطين لأن حسب اعتقادي السستم الي عندة ميبين بي متوطن الملف او لا ودا احجيلج عن تجربة كررناها اكثر من مرة مع اصدقاء متوطنين لبلدان من سنة ونص ومن يخابرون يكلة مطالع يمي توطينك وين بس كلي شنو الاستفسار واني ابعثة لقسم التوطين
وطبعاً أكيد قسم الشؤون الاجتماعية هم ماعدهم اي علم بالموضوع ... فقط قسم التوطين لأن الفايل يمة حصراً وموبكيفهم يكولون انتو ممعترفين بيكم لاجئين بس هذا درب جديد محتمل لأن مديطون رواتب حالياً من ورة الاخوة السوررين وأعدادهم الكبيرة
نقطة مهمة ... أنت بالوضع الحالي المفروض بعد متتصلين بالمفوضية ... لازم تتصلين مباشر بالسفارة الكندية وتطيهم رقم الملف مال UN الي موجود بورقة الحماية وهمة راح يكولولج واصل عدنا الملف لو لا أو راح يبلغوج أنه واصل يمهم وهمة يتصلون بيج ..

تقبلي تحياتي

104
UP........ بشرووووونا هل من جديد ؟

105
السلام عليكم اخواني الاعزاء
اني اخوكم عندي مثابلة ثانية نهاية هذا الشهر وما اعرف اي شيء عنها فارجوكم ساعدوني واسردو لي ما سيدور بها
مع التقدير


اخي العزيز ألمقابلة الثانية نفس الاولى بس راح تكون مركزة اكثر يعني راح تتعرض لأسئلة من قبل الموظف عن قصتك وألتواريخ اهم شي تحفظهم مع تاريخ دخولك لعمان مهم جدا ومن اي معبر حدودي او طيران ولتدير بال لأن مقابلة سهلة بس كون مركز جداً وبدون ارتباك لان ماكو شي يخوف وتتكلم نفس الكلام انت وعائلتك بالضبط حتى لايصير اختلاف بالاقوال وأكيد تنسأل على الخدمة العسكرية تسولفلهم بالتفصيل واذا اكو دفتر خدمة بعد احسن واذا ماكو عادي وتاخذ كل اوراقك وياك بس لاترتبك ولاتسوي حركات بايدك وبرجلك اكعد اعتيادي ومبتسم وجاوب على قدر السؤال واذا اكو اضافة ضيف وخلص ومن الله التوفيق

تقبل مروري

106
الحمد لله والشكر على كل حال..... دفع الله ماكان اعظم والحمد لله على سلامتكم وثق بالله تعوضها بالاحسن أن شاء الله

107
Up.....ابشرونا الله يبشركم بالخير ماكو توطين....؟

109
Up... بشرونة اخوان ماكو احد توطن هاليومين .... اني اليوم جان عندي تجديد الوثيقة وماكو شي على ملفي بعدة بالتوطين والله كريم

تقبلو تحياتي

والف مبروك اخت ضياع على اتمام المقابلة الاولى وان شاء الله السفر القريب للجميع

110
Up..... بشرونة اخوان اليوم ماكو احد توطن ...؟

111
الاخ نيو دي الكريم
بالنسبة للناس اللي عندك اتصال بيهم او تعرفهم بالاردن عموما واللس تحديدا هسة ديسافرون ....من شوكت مقدمين ؟
شغلة لخ هي الخطوات الرئيسية بالاردن شلون تصير ؟
يعني اول شي تروح يو ان لو وين تروح ؟مرورا بباقي الخطوات ووصولا للسفر ؟؟
والاهم انت وبقية الاخوان اللي بالاردن ليش اختاريتو عمان وفضلتوها على تركيا اللي العراقيين صارو بيهة ههههههه يمكن حاجة بربع

اخوية العزيز ياسر تحية طيبة لحضرتك ولكل الاخوة الاعضاء

-بالنسبة للسفر طبعاً هذا الموضوع ماكو شخص يكدر يعرف شكد الفترة للسفر وما احب اكلك فترة محددة لأن كل ملف وقضية والها خصوصياتها وكل ملف يختلف عن الثاني من كل الجوانب ويبقى التسهيل من رب العالمين
-الخطوات سهلة جدا اول متوصل لعمان تشتري خط موبايل اردني وثاني يوم تروح لل UN صايرة بمنطقة خلدا تركب بأي تكسي يوصلك يمهة وتدخل تكوللهم اني عراقي واريد اسجل راح يفوتوك وتنتظر السرة من ييجيك تنطي بس الجوازات راح ينطوك موعد مقايلة وتروح عالموعد وطبعاً البارحة واليوم مواعيد المقابلة الاولى تروح تسجل وثاني يوم تقابل وباقي الخطوات سهلة من تخلص المقابلة الاولى هم يدلوك عالثانية وهكذا واحنا موجودين نساعدك أكيد

وكلها سهلة ان شاء الله بعد التوكل على الله سبحانه وتعالى

تقبل تحياتي

112
السلام عليكم

اليوم خابرو زوجي وكالولنة طلعتلنة امريكا وكالو الاحد لازم نروح على ال iom

 وناخذ كل اوراقنة والمستمسكات واذا عدنة كفيل نجيب عنوانة وكالو هلمرة بتلاع العلي مو بخلدا

حبيت ابشركم ويارب يتصلون بلجميع ب اقرب وقت وهاي شنو هسة مقابلة محلفين لو شنو

حتى نحضر نفسنة كدام المحلف

تحياتي للجميع

اختكم - ضياع

الف الف مبروك ألتوطين أختي ضياع وأن شاء الله يوم ألسفر ونفرحلج وألله يبشرج بكل خير ان شاء الله

تقبلي تحياتي لحضرتج وللعائلة الكريمة

113
الله يبشرك بالخير اخوية علي محسن الله يسهل امرنا اجمعين

114
جزيل الشكر لمروركم الجميل الحلو ويخبل ههههههه هذا الموضوع احب احدثة دائما حتى نبقى متفائلين والضحكة متفاركنة وصدكوني بيوم من الايام تصير نسافر وتصير سوالف ونكول شجنة نسوي بروحنة وشكد نفكر ومنفارك التليفون والنومة عالنص عين مفتوحة وعين مغمضة ههههههه

اللهم بحق سيدنا محمد وال بيته واصحابه والانبياء والرسل اجمعين يفرج همومنا ونسافر ونرتاح ونبدي صفحة جديدة ونربي اولادنا ونعلمهم والممتزوز يتزوج ويعزمنة ونركصلة للصبح 
اللهم امين يارب العالمين

تقبلو تحياتي اصدقائي

115
Up.... بشرونة شباب ماكو توطين فد شي جديد ....؟

الاخ ياسر اني اجاوبك بالليل لان دا اكتب من الموبايل ومزعج جدا

تحياتي الكم جميعا

116
هل من جديد جماعة عمان سمعتو بأحد توطن .... up

117
تحية طيبة معطرة بعطر الورود ...عيد سعيد وكل عام وانتم بالف خير وصحة وسلامة ان شاء الله

طبعاً حبيت اجدد الموضوع وبنفس الوقت ادعوكم لبداية جديدة وأمل جديد خصوصا ويوم غداً هو أول يوم أحد بعد عطلة ألعيد وأن شاء الله صباح ألغد راح نسمع أخبار طيبة على ملفاتكم وألله يسهل أمورنا أجمعين وألسفر ألقريب أن شاء الله

تقبلو تحياتي وكل عام وانتم بألف خير

118
اعلن طيران الملكية الاردنية اليوم السبت عن توقف رحلاته الى العراق لمدة 24 ساعة فقط ... الخبر منقول من قناة Jordan Now الاردنية وهذي القناة اخبارها مضبوطة مليون بالمية .

تحياتي

119
اختي العزيزة يحقلج التقديم على المفوضية السامية للاجئين UNHCR من الاردن او تركيا طالما انت غادرتي بلدج الام بسبب الاضطهاد ولايمكنك العودة القسرية لبلدج و متأثر على ملف ال IOM لان اني مثل حالتج بالضبط محصلت تأكيد عمل واضطريت اسافر لعمان وقدمت على المفوضية وبلغتهم  انه عندي ملف بال IOM بس متوقف بسبب تأكيد العمل وانطيتهم الرقم وماكو داعي للقلق لان كل منظمة مسؤولة بواجباتها والقضايا الي عندها

120
اخي هذا كلاوووو
يوم عطلة ومنظمة بعمان مكاعدة
زين شنو قدم على غير منظمة وليش مطوك اسمه شنو هو حب رقي
انت مشتغل وية الامريكان وهذا حقك وان مخلص كل شي
ولاتسمع هذا المطي احتمالات يفسر بكيفة ماكو هيج فلم ارسل رسالة الهم وااشرهم انو اجاك اتصال تلفوني يدعي من منظمة وشرح لهم شكاللوك بضبط هسة يجيك الرد بسرعة

تحية طيبة اخي نمرو

بالنسبة للمنظمة بعمان شغالة اليوم واتصلو بأبن خالتي الصبح وسألو سؤال بخصوص وضعهم الحالي ... وصايرة حالات هواية من قبل المنظمة خلال ايام الاعياد والعطل ومتصلين بالناس شي عادي وبسبب الزخم الحاصل 

تقبلو مروري

121
تحية طيبة اخي العزيز ومشكور للاجابة السريعة

الشركة سعودية اسمها (ساتكو) وموضوعها انطرح اكثر من مرة بالمنتدى وكل الموظفين مالتها يعانون من نفس المشكلة ويتصلون وماكو حل ولا فائدة ولا اي رد ولا اي احد حصل على تأكيد عمل منهم واكثر واحد يمكن بحوش وراهم اني حتى عالفيس بوك هم لكيت مدير HR والمدير الاقليمي ودزيتلهم رسالة وطلبت منهم هالشي ومجابو ابداً وأعتقد الموضوع ميؤس منة للتالي

تحياتي الك والف شكر تعبتك وياية 

122
السلام عليكم تحية طيبة الى مؤسس هذا الكروب والى كل الاعضاء الكرام
احنة دخلنا للاردن بتاريخ 24/8/2013 ومقابلة اليو ان الاولى بتاريخ 8/12/2013 والمقابلة الثانية بتاريخ 20/1/2014 تحولنا بيهه على قسم التوطين ومن ذاك اليوم لهذا اليوم ماكو اي خبر والحمدلله... لحد قبل يومين اتصلنا على ال iom وكالو بعد ما واصل ملفكم يكولونة راجعو اليو ان واليون اتصلنا بيهم قبل شهر كالو احنة نتصل بيكم وبعد كلشي ماكو ... بس رب العالمين يحلهه والله يسهل علينا وعليكم امين ربي

تحية طيبة اختي مغتربة 
ألله يكون بالعون وعلى كولة المصريين الحال من بعضو نصبر والله كريم .. بس عندي سؤال شلون تتصلون بال IOM حتى تعرفون انه الملف تحول يمهم لو لا هو مو المفروض تصير مقابلة توطين بال UN يبلغوكم بيهة انه فلان دولة قبلتكم حتى تعرفون وين تراجعون على اي سفارة او على ال IOM بالنسبة لامريكا

تقبلي تحياتي واهلا وسهلا بحضرتج 

123
تحية طيبة لك اخي العزيز ولكل ألأخوة ألاعضاء الكرام

لدي أستشارة من حضرتك أرجو منك ومن ألأخوة ألأعضاء ألمساعدة ... واليكم التفاصيل لحالتي حتى تتوضح الصورة .
تقديم IOM بتاريخ 8/2013
السفر للاردن بتاريخ 11/2013
التسجيل بال UNHCR بتاريخ 11/2013
أستلام الكيس نمبر من IOM بتاريخ 1/2014 وبنفس اليوم بعثت ايميل لل IOM لنقل الملف الى عمان
مقابلة UNHCR بتاريخ 2/2014 وأبلغتهم بالمقابلة أنه استلمت كيس نمبر بال IOM واعطيتهم نسخة من الايميل الي وصلني من IOM الي بي الكيس نمبر وسجلتة الموظفة واخذت الورقة مال الكيس نمبر ورفقتهة بالملف مع باقي الاوراق وتمت مقابلة UNHCR بنجاح .
ألمقابلة الثانية UNHCR  بتاريخ 4/2014 تمت المقابلة بنجاح وبعد مخلصت المقابلة صاحت علينة الموظفة بغير غرفة كالت احنة اعترفنة بيكم لاجئين ووقعت ورقة وكالت ملفكم راح يتحول للتوطين وطبعاً لحد الان ما أتصلو بينة عالتوطين .
ألأستشارة الي أطلبها / اني من استلمت الكيس نمبر لحد الان اراسل الشركة الي كنت اشتغل بيهة ومترد وال IOM دزولي اكثر من ايميل يكولون الشركة مالتك مترد ولازم تأكيد عمل حتى نكمل الاجرائات وبصراحة جربت كل الحلول وية الشركة وماكو فائدة وأيست من موضوع أل IOM وماكو أمل نهائيا .
عندي مقابلة تجديد  بال UNHCR الشهر القادم 8/2014 وأطلب مشورتكم ورأيكم أخي العزيز والاخوة الاعضاء الكرام أبلغ ألمفوضية أنه الكيس نمبر مابي فائدة وراح اغلقة وأطلب منهم سحب الورقة الي بيها الايميل الي بعثولي بي الكيس نمبر مال IOM من الملف حتى أبقى على ألمفوضية هي توطني لأي بلد ثالث . وهل ان الموظفة قادرة على هالشي بمقابلة التجديد لأن بصراحة خايف جداً من هذا الموضوع لاتروح المفوضية تنسى ملفي ومتنطي اي اهمية على استناد أنه عندي ملف بال IOM وعبالهم ماشية بي الاجرائات طبيعي .

شكرا لكم أخي حسين ألجبوري وألأخوة الاعضاء المحترمين

تقبلو تحياتي

 
 


124
UP..... ماكو شي جديد اخوان ماكو احد خابرو على توطين هالايام؟

تحياتي لكم

125
تحية الى الاخ مؤسس الجمعية والاعضاء المحترمين جهد تشكرون عليه ان شاء الله تستفاد الناس الي تريد تجي ويكون عدها فكرة قبل لتقدم على هذه الخطوة المصيرية جعلها الله في ميزان حسناتكم تحياتي

تحية طيبة لحضرتك أخي العزيز أنفزبل
أهلاً وسهلاً بيك ونتشرف بحضرتك وألله يسهل أمرنا أجمعين أن شاء ألله

تحياتي

126
السلام عليكم
اخواني واخواتي ولو ضوجتكم بس الله يعلم حرقة القلب شلون تخلي الواحد يلوب
اذا واحد يتعرض لمشاكل بالاردن ومن ضمنها سرقة الجوازات وميكدر يقدم على السفارة علمود الجواز حتى متلحكه المشاكل
وهو يكون مسجل باليو ان هذا الشي شنو تأثيره على ملفي وسيره  علما اني اتصلت بقسم الحماية وبلغتهم انو انسرق جوازي وما اكدر اراجع السفارة العراقية تخوفا من مشاكل ارجو من اصحاب الخبرة يفدوني

تحية طيبة 
بالنسبة لسرقة الجوازات امر طبيعي ووارد بكل مكان بالعالم وألأجرائات أولا تقدمين بلاغ لمركز الشرطة طبيعي وثانياً تبليغ ألمفوضية وأنت بلغتيهم وهذا ألأمر أنتهينا منة وثالثاً تاخذين ورقة الشرطة وجميع المستمسكات الثبوتية الباقية ومن ضمنها ورقة أللجوء وتراجعين السفارة ألعراقية بعمان وتشوفين شنو ألأجراءات ألمتبعة للحصول على جواز سفر بدا ضائع وأكيد ألسفارة راح توجهج على الخطوات

تحياتي

127
عندي ملاحضة صغيرة بلنسبة للغاز بل شتاء الصوبة

اني كنت ساكنة بل جاردنز وبعز البرد وثلوج والدبة تمشيني ٧ ايام طبعا تشغيل ١٤ ساعة متواصلة الصوبة

لان عندي طفلة ومرات تخلص ٦ ايام مو يومين مستحيل احتمال صوبتكم تصرف هواية

وهسة بل صيف شغلت سبلت طن واحد عدد ٢ نشغلهن بس بليل

وبلشقة ثلاجتين وتلفزيونات ٣ واضوية وسخان عند الحاجة هوة ومايكرويف اجتي ٧٠ دينار يعني ١٠٠$

هاي لان سبالت ٢ احنة شفناها كلش زين

لان بلعراق اذا اشغل سبلت ع المولد يرادلي ٦ امبير والامبير ب ٢٠ الف ف هاي ورقة ١٠٠$ وهاي فقط سبلت

من غير سحب البيت الباقي

اني شفت هواية شغلات هنا ارخص من بغداد

وهذا الي صار وياية تقبلو مروري وتعليقي البسيط

تحياتي

اختكم - ضياع

شكراً لمرورج اختي العزيزة

بالنسبة للصوبة كنت احجي بالايام الي نزل بيها الثلج ومشتغلة 24 ساعة ببيت صديقي طولت عدهم القنينة من بحدود 3 ايام وبالنسبة للكهرباء كلامج مضبوط اني هسة دا اصرف 30 دينار تقريبا معدل ثابت 

تحياتي

128
ما شاء الله عليك اخي وبارك الله بيك على الكلام المضبوط 100%
بس اذا بيها مجال شوية نتحارش بيك ههههههههه
اول شغلة اني اعتقد الكهرباء شوية انت تصرف اكثر من اللازم بالشتاء
يعني مال 150$ والله هواية يا اخوية وعالعموم لو تجي تقارنها بالكهرباء الي ببغداد ههههههههههههه
ماكو مقارنة من ناحية السعر .....
الشغلة اللخ اني مو مقيم يمكن فد 1000 مرة رحت للاردن ورجعت بس ما فد يوم واحد شرطي استوقفني وطلب مني ورقة حماية او جواز سفر "" طبعا هالكلام داخل عمان ""
بس عندك مثلا من تطب للعقبة لو تنتقل بين المحافظات...لا هاي اكيد يستوقفك ويطالبك بهالشي
وعالعموم سلام الله عليك من ناحية الوصف فعلا ما قصرت يا طيب

تحية طيبة الك اخي ياسر

كلامك صحيح مكان اكو قبل هيجي شي بس حاليا وبالاخص هاي الايام القليلة الماضية لاحظت هالشي بالشارع عدة مرات ومنهم اصدقاء الي موكفيهم وطالبين هوياتهم وهالشي اجراء طبيعي وبكل ادب طبعاً مجرد تدقيق وتعرف ألأوضاع متأزمة بالوطن العربي كلة 

تقبل تحياتي

129
اتمنالكم التوفيق بجمعيتكم ويارب السفر للكل وباقرب وقت ياااااااااااارب

اتمنى ان تقبلوني صديق معاكم

تحياااااتي

اهلا وسهلا بيك اخي فيكتور تحية الك والله يسهل امرك وامر الجميع

تقبل تحياتي

130
بالتوفيق للجميع .. بس اكو ملاحظة صغيرة بالنسبة لمنظمة IRD  هاي مالها علاقة لابتوطين ولا بسفر هاي بس لغرض اعطائك بعض المساعدات المادية والعينية
اذا قرروا انك مستحق لها والزيارة هي لغرض تقرير مدى حاجتك للمساعدات .. وبالتوفيق

كلامك صحيح اخي احمد وحالياً مسمعت احد قدم على مساعدات مالية للمفوضية وحصل بهالوقت بسبب زخم ألأخوة السوريين ألي أكثرهم وضعهم تعبان وألله واحد كلشي ميريد منهم بس يمشون المعاملات ويسهلون امر العالم بدل الانتظار الطويل 

تقبل تحياتي وشكرا للمعلومة

131
New Day....
انا اعجز عن تقديم الشكر على ما تفضلتم به علينا من خدمة ومعلومة. كنت في امس الحاجة لشخص موجود فعلا ويتمتع بنفس كريم ليفيدنا بتجربته.
فأنا لا أخفيكم خوفي من المجهول الذي سأقدم عليه. سيما وانا اب لعلئلة من ستة افراد. والمسؤلية أجدها عظيمة خصوصا في قرار يخص تغغيرا جذريا في شكل مستقبلهم وحياتهم كلها.
نحن بين نارين. نار البقاء وانتظار المجهول والرضا بما يريده لنا صنّاع الموت. ونار الهروب الى المجهول الذي سيغير كل مفاهيمنا وسلوكنا وكل ما تعلمناه ربما في حياتنا.
اكرر شكري لحضرتك New Day وعسى ان تتحقق كل امانيكم في العيش الكريم الآمن. واشكر ايضا كل الاخوان والاخوات الذين ساهموا في الرد على سؤالي. ولا أنسى طبعا الرائعين المقيمين على رعاية وإدارة هذا المنتدى الرائع والزاخر بالفائدة والمنافع.
لا حرمنا وجودكم

الف شكر لحضرتك اخي العزيز وألله يوفقنا لفعل الخير للجميع وأي معلومة اضافية تحتاجها راح نقدمها الك وبمساعدة الاخوة العضاء

تقبل تحياتي والف هلا بيك وبالجميع

132
أخوان .. لمن لديه أية معلومة عن الحصول على فيزا (تأشيرة دخول) للأردن أن يساعدنا ويدلنا على الطريقة ..
لأنني قد اتصلت باحدى شركات السفر اليوم وقد أبلغوني بأن السفارة الأردنية في بغداد ترفض طلب الحصول على تأشيرة دخول..!!
المساعدة أخواني أخواتي الأفاضل..
مع كل الشكر والتقدير

تحية طيبة لك اخي العزيز

والله بصراحة حاليا ماكو طريقة غير بس الي ذكرها ومشكور ألأخ العضو ياسر وهي ضربة حظ اكو ناس انطوها فيزا والاكثر اجاهم رفض طبعا بس واحد يبقى يحاول من قبل شركات الطيران بلكي تنفتح الفيز وترجع طبيعية

تقبل تحياتي

133
سلام عليكم

رمضان كريم على الجميع

اخي احنة نفس وضع

بس قدمنة وراك. ب شهر وهم قابلنة ورة كل مقابلة الك بشهر

ولحد الان ماكو شي لا كالو قبلتكم اي دولة ولا شي

بلكت ورة رمضان يبشرونة بخبر حلو

تحياتي وياريت الكل يتواصل

اختكم - ضياع

تحية طيبة 
أختي العزيزة ماكو غير بس الصبر أن شاء الله ر العالمين يسهل أمورنا اجمعين والف شكر للمشاركة بهذا التجمع

تقبلو تحياتي

134
تحية طيبة الكم اخواني

بالبداية راح اعطيكم بعض التفاصيل عن المعيشة بعمان حتى تكونون على بينة بالموضوع .

-اولا بالنسبة للسكن ... اهنا اكو شقق مفروشة وأكو فارغة بدون فرش وأكيد ألمفروشة تكون أغلى من الفارغة طبيعي .... نصيحتي لطالبي اللجوء الجدد أن يستأجر شقة فارغة ويشتري أثاث مستخدم بسيط من وسط البلد او شارع الاردن كل شخص حسب امكانية راح تسألوني (ليش) لأن سالفة أل UNHCR غير معلومة ألمدة أبداً ممكن سنة وممكن سنتين وتوصل لخمس سنوات كل شخص وحظة وقوة ألملف وسرعة عمل المفوضية فأذا أجرتو شقة مفروشة فأكيد راح يكون فرق ألأيجار عن الفارغة مو أقل من 100 أو 150 دولار
يعني مثال هسة اكو شقة فارغة بدون فرش بالطابق الثالث بدون مصعد ايجارها مو أقل من 375 دينار =535 دولار وممكن تتحصل ارخص شوية وشقة كبيرة غرفتين وحمامين وصالة كبيرة ومطبخ امريكي وغرفة غسيل وبالجاردنز ومخدومة بصفها اسواق وكصاب وفندق ومطعم ولوندري وخياط وكلشي وكلاشي وتبعد عن الشارع دقايق ...طبعا اذا ردتو تأجرون مثل هالشقة بس مفروشة فأكيد متتحصل أقل من 700 دولار بالشهر واحتمال اكثر لان المفروشة وية موسم السياحة تصعد وتنزل ودائما مرغوبة
يعني أذا نجي نحسب فرق ايجار الفارغة عن المفروشة أذا بالشهر 100 دولار × 12شهر = 1200 دولار هاي تشتري بيهة اثاث على مزاجك ويصير مالتك ومن تسافر تبيعة حتى لو بنص القيمة ألمهم يرجعلك مبلغ .
-ثانيا أول ميوصل المهاجر لعمان خلي يأجر شقة مفروشة لمدة شهر بأي منطقة زينة مخدومة بالبداية حتى ليدوخ بالنقل وثاني يوم يطلع يشتري خط موبايل ويفعلة ويرتاح وثالث يوم يكتب رقم موبايلة بورقة صغيرة ويروح للمفوضية بخلدا ياخذ الجوازات كلها ويسجل راح ينطو موعد مقابلة اولى هسة حاليا وصل للشهر التاسع او العاشر حسب اخر معلوماتي بس هذا الموعد قابل للتقريب يعني ممكن يخابروكم ويقابلوكم ورة شهر او شهرين واحتمال اقل حسب الضغط بالمفوضية وبعد متخلص اول مقابلة راح ينطوكم موعد للمقابلة الثانية حاليا ما اعرف بس بحدود شهرين او ثلاثة من تاريخ المقابلة الاولى وتبقى مثل ماكلتلكم كلمن وحظة وقوة الملف واكو عوامل هواية ومعايير خاصة بيهم يقيمون اللاجئ على اساسها
بعد المقابلة الثانية اذا مشت الامور تمام وتحصلون اعتراف باللجوء ان شاء الله من تخلص المقابلة راح توقعون اوراق وتكللكم الموظفة ملفكم راح يتحول للتوطين واحنا نتصل بيكم ... اهنا بعد راح يصير عندك معايير بالتوطين تعتمدها المفوضية مثلا حالة الملف وقوة الاحداث الي تعرضت الها أو اقارب الدرجة الاولى ام اب اخت اخ الي موجودين خارج العراق اي في اي بلد فاتح توطين امريكا وغيرها .
-ثالثا المصروف للعائلة / طبعاً اهنا ما اكدر احددلكم لان كل شخص وامكانيتة ودخلة يعني ممكن العائلة من 3 افراد زوج وزوجتة وطفل يصرفون 300 دولار أو أكثر شوية طبعاً عدى الكهرباء وبعض الدعافيس بالشهر وممكن أقل حسب الاشخاص والدخول الخاصة بيكم يعني ممكن واحد يقتصد وممكن يصرف براحتة .
طبعاً بالنسبة للكهرباء غالية شوية يعني بالشتاء اذا تشغل صوبة كهربائية راح تصرف هواية وممكن القائمة تطلع بحدود 150 دولار خاصة بالفترة الي ينزل بيها ثلج لأن تصير جحيل ههههههه وغاز ماكو من ينزل ثلج لان السيارة بعد متمشي وحتى اذا اكو القنينة متمشيك يومين وسعرها 10 دنانير فتتجمعون بمكان واحد وتفتحون صوبة كهربائية اقتصادية وتتلفلفون كلمن ببطانية بس بالصيف لا طبيعي معدل صرف الكهرباء 20 دينار او اكثر شوية وممكن اقل حسب الحاجة وبالمعتاد الثلوج تنزل بمعدل يومين ومن تذوب تاخد اسبوع بس يبقى الجو بارد
-رابعاً / ألمدارس الحكومية للاجئين مجانا طبعاً وتسجلون الاولاد بأي مدرسة طبيعي فقط ألروضة بفلوس رياض الاطفال يعني وتكاليف الروضة تترواح بين 70 دينار =100 دولار ألى 100 دينار = 135 دولار تقريبا
خامساً/ شغل أكو بس طبعاً الشغل للعراقي ممنوع اهنا بس ممكن واحد يشتغل بالختلة يم عراقي أو بوجود صاحب الشغل وفي حالة لزموك وزارة العمل راح ياخذوك تكتب تعهد انه بعد متشتغل واذا لزموك مرة ثانية لاسامح الله غرامة 2000 دينار يمكن وتسفير ماكو ومسمعت عراقي سفرو لأن مشتغل بدون تصريح عمل لأن اللاجئ محمي من قبل المفوضية ويمنع من العودة القسرية الى بلده ألا اذا كان متهم بقضية الله يبعدكم وهذا مذكور بورقة الحماية الي تنطيها المفوضية الكم وكذلك مكتوب لاتعتبر هذه الورقة تصريح عمل .
سادساً / ألعلاقة بين المواطن الاردني والمواطن العراقي طيبة ومحترمة جداً لأن الاردنيين يحبون العراقيين ويعاشروهم ويصادقوهم بس لكل قاعدة شواذ وهذا الشي ممكن أكيد بس دائماً ألمهاجر لازم يتمتع بأخلاق طيبة ويجامل ويعاشر المجتمع ويكون محبوب والعراقي اهنا محبوب جداً لأن ماعندة مشاكل وحقاني ونظيف .
سابعاً / ألسلطات ألأردنية محترمة جداً جداً وخدومة بنفس الوقت وتحس بالامان بكل مكان وممكن تتعرض بالشارع ألى شرطي يطلب هويتك أو أقامة أو جواز فهذا اجراء اعتيادي لأن ناس تحب بلدها وتخاف علية فياخذون الهوية منك يدققون أسمك بالكمبيوتر ويرجعوها ويتأسفون منك وهذا شي حلو وورقة الحماية مال المفوضية تثبت اقامتك بالمملكة بصفة لاجئ وماشية ومعترف بيهة . بس اهم شي واحد ميخالف القانون ويحترم القانون

رأيي ألشخصي ألأردن أفضل من تركيا لأسباب كثيرة منها ... قرب ألمسافات يعني اذا انت بعمان تكدر توصل للمفوضية بدقايق وبأقل كلفة وتراجع وتقابل اما تركيا فحسب علمي لازم ينطوكم محافظة وتروحون تسكنون بيها واكيد اقرب محافظة عن مكان اليو ان مو اقل من 3 ساعات ... سهولة التسجيل واجراء ألمقابلات وتشوف المفوضية وتحاجيهم وتتعرف عليهم ويسجلوكم وتستلم ورقة حماية أما بالنسبة لتركيا ألمواعيد وصلت لحد 2019 يمكن وألعالم نايمة صارلهم سنين واشهر حتى ممقابلين ولا مقابلة حسب معلوماتي من بعض الاصدقاء ... اهنا بلد عربي وسهولة المخاطبة والتحدث ومتحتاج لامترجم ولاشي ولاتدوخ من تريد تسأل .

طبعاً اسف جداً اذا قصرت بمعلومة أو اذا كانت عندي معلومة غير دقيقة هذا كل الي اعرفة اهنا وطبعاً واحد من ييجي ويتعايش وية المجتمع راح يتعلم ويعرف هواية تفاصيل ويتأقلم وية ألناس سواء اردنيين أو عراقيين الي متواجدين بكثرة ... وطبعاً ممكن واحد يسكن بالمحافظات القريبة أو بمناطق تبعد مسافة قريبة عن سنتر عمان وكل شخص حسب امكانياتة المتوفرة أكو ناس ناس ساكنة بالهاشمي الشمالي واكو ناس بماركة وأكو بجبل الحسين واكو بالجاردنز أو الرابية أو اي مكان اخر كلها قريبة على بعضهة بس تبقى كل شخص وقناعتة وألمكان المناسب الة ولعائلتة وطريقة معيشتة 

تحياتي ألكم وأسألكم ألدعاء لي ولعائلتي من قلوب صافية بتسهيل أمرنا وألسفر وألتسهيل من ألله سبحانه وتعالى رب ألعرش ألعظيم ويوم ألكم أن شاء الله

تقبلو تحياتي

136
نعم يتكفل لقاحات الاطفال والعلاج المجاني بالمراكز الصحية الحكومية وبعض المستشفيات الحكومية المخصصة من قبل المفوضية هسة اني مسجل بالمركز الصحي مركز عمان الشامل بدوار الداخلية وبي ادوية ولقاحات اطفال 
الله يبعدكم عن المرض

137
UP شنو ماكو لاجئين بعمان .....؟

138
وألله يا أخي أنت أمبين عليك مترهي عالسفر جداً ... وأكيد مو منطقي موضوع سألت جماعتي وكالو ماكو طريق ... أطلع بنفسك وروح دور حجز طيران أو سيارة أو أي طريقة ترجع بيهة لبغداد ... وأسمحلي عالرد ألخشن بس هذا من حرصي وفرحتي ألك لأن أنت تعرف فرصة السفر لاتعوض خاصة بالوقت ألحالي وألأف يتمنون هذي أللحظة

أتمنى لك كل ألتوفيق

139
أخي ألعزيز
ألمعدل ألمحسوب لتحويل ألملف من UN ألى IOM مو أقل من 6 أشهر حسب معلوماتي من بعض ألتجارب ... بس أنت أبقى كل فترة أتصل على IOM وأعطيهم رقم ملفك راح يكولولك وصل عدهم أو بعدة وبكل ألأحوال من يوصل لل IOM راح يتصلون بيك ويعطوك كيس نمبر (رقم ملف)

تقبل مروري

140
وألله يا أختي ... ألوضع بعمان بالنسبة للمقابلات ماشي الحمد لله بس ألتوطين ديتأخر وهذا شي عادي وعموماً أفضل من تركيا ولبنان ومصر حالياً لأن ألمقابلات ماشية بصورة طبيعية وتبقى كل ملف وخصوصيتة بسرعة ألتوطين

أتمنى أفدتك بالمعلومات ومن ألله ألتوفيق وأنصح بعمان بصراحة

141
تحية طيبة لكم حبايب ... وعذرا للأنقطاع

رمضان كريم علينا وعليكم وكل عام وانتم بألف خير ... أتمنى أن تتيسر ألأمور وتتسهل علينا وعليكم بحق الشهر الفضيل الكريم وألتوفيق من ألله  سبحانه وتعالى ... وأليكم تفصيل ألتقديم على  UN JORDAN حتى نتواصل مع بعض ونطرح أخر ألمستجدات وألأخبار .
تقبلو تحياتي

142
اخوية بالنسبة لساتكو أيس بصراحة تامة لان ما اتصور تحصل منهم شي وجربت كل المحاولات وماكو رد و iom هم اتصلو بيهم وماكو رد ودزولي ايميل يكولون الشركة مالتك satco مترد على تأكيد العمل وملفي متوقف حاليا 

والله يكون بالعون هذا قدرنا وياهم 

143
مرحباً للجميع :)
اخي حسين اخبارك صدك ليش هذا الانقطاع الحمد الله على كل حال (اخي مقابلة مقابلة التوطين)
 ان شاء الله يخابروك وييسر أمورك كلها
تحياتي

مرحبا اختي ماضي انتهى كيف حالكم عساكم بخير ان شاء الله والله احنة الحمد لله ماشي الحال والانقطاع بسبب مشاغل الحياة وبصراحة الروتين والانتظار ممل بس شنسوي نصبر ورب العالمين يفرجهة ان شاء الله 
والله لحد الان متصلو بية على توطين ابد دا انتظر والتسهيل من رب العالمين للجميع ان شاء الله 
تحياتي لحضرتج والعائلة الكريمة ولجميع الاخوة الاعضاء

144
تحية طيبة الكم اخواني وعذرا للانقطاع
بس حبيت استفسر اكو احد قابل وياية بنفس الفترة واتصلو بي على توطين وهاي تفاصيل التقديم 
التسجيل 11/2013
مقابلة اولى 2/2014
مقابلة ثانية 4/2014 وتم الاعتراف بينا لاجئين
زيارة ال IRD للبيت 5/2014 همة من كيفهم خابروني واجوي
ولحد الان كلشي ماكو بعد

تقبلو تحياتي

145
تحية طيبة أخي ألعزيز
بالنسبة لقوانين الطيران المدني حسب معلوماتي ... تمنع ألعطور والمعطرات وألشامبو ومعجون ألأسنان  من الصعود ألى الطائرة بالحقيبة أليدوية واذا شافوها بالتفتيش وأعتقد بجهاز ألسونار تبين قبل الصعود بالطائرة يتلفوهة ... وشي أكيد مسموح أن توضع في الحقائب ألكبيرة ألي راح تصعد في غرف الشحن بالطائرة
وطبعاً حبيت أشكرك على جوابك ألمميز ألأخير  وما أعرف ليش ألأخ يدخل للمنتدى يمكن بس لل UP حتى تزيد مشاركاتة ويصير عضو منفلق جداً مع ألأسف

146
بارك الله بجهودكم والف مبروك على التحديث الجميل وان شاء الله مستمرين بخدمة ومساعدة اعضاء ومشاهدي هذا المنتدى الرائع

تقبلو تحياتي

147
والله يا اخي DN DN صدك تدوخ وقلقتني كلش مخليت محاولة مسويتهة ونفس الشي

148
اني صارت عندي شغلة ودوختني كلش ... جنت اتصل عالمفوضية واحصل واحجي وياهم عالرقم الجديد كلة تمام واخر مرة اتصلت قبل شهر واستفسرت وماكو مشكلة ... أول البارحة اجيت دا اتصل يطلعلي الرقم غير مستعمل مسحت الرقم ودكيت وطفيت الجهاز وشغلت ونفس الشي ... اتصلت من تليفون زوجتي حصلت رأسا وحجيت وياهم ولليوم أتصل عليهم من تليفوني يطلعلي الرقم غير مستعمل حتى خابرت شركة اورنج وسألتهم كالو خطك مابي اي مشكلة

فهموني شنو الموضوع الله يخليكم

149
هذا اخر ايميل وصلني بعد ما استفسرت منهم على حالة الملف
نشكر لكم إرسال هذا الخطاب إلى بريدنا الإليكتروني.
لقد تعذر علينا التحقق من عملكم مع إحدى المؤسسات التابعة للولايات المتحدة، وذلك لواحدٍ من الأسباب التالية:

1. أن عنوان البريد الإليكتروني لصاحب العمل الخاص بك غير صالح.

2. أن الشخص الذي قام بالرد على عنوان البريد الإلكتروني الذي قدمته لنا لم يؤكد عملك.

3. لم نتلق أي رد لأكثر من أسبوعين.

150
والله ياغالي دزيتلهم كل العناوين مال الشركة وللاسف همة اتصلو بيهم واني اتصلت بيهم وميردون
وبالنسبة الك دزلهم ايميل استفسر عن حالة الملف اذا اجاك الرد pending EV او كليشة بالعربي ومكتوب لم يتم تأكيد العمل للاسباب التالية وذاكرين 3 اسباب معناها العمل ممتأكد لحد الان

151
أتصل بال un وبلغهم كللهم اني خابرت iom وملفي ماكو شوفولي حل همة راح يتأكدون من ألموضوع

تحياتي الك

152
أكو بس سلامتكم .... يابسة وتمن

153
تقديم 8/2013
استلام كيس نمبر 1/2014
ونقلت الملف لعمان وانقل اوكي
ودزولي ايميل لم يتم تأكيد عملك لان الشركة مترد والملف كلة انتظار وغير فعال

154
خلي تروح لوسط البلد سوق سقف السيل بي صناعة محلية رخيصة وتمشي الحال اني اشتريت منها غرفة نوم وتخم قنفات ... وبالنسبة للكهربائيات المستخدمة اشتريتها من شارع الاردن كلها نظيفة اخت الجديدة تركب بأي تكسي يوصلها لهالمكانات و بالنسبة للنقل سيارات حمل اكو يمهم تستأجر وحدة وعمال يوصلوها للمكان الساكنة بي

تقبلي تحياتي وبالخدمة

155
اكو واليو ان تستقبل لاجئين والمقابلة ثاني يوم من التسجيل يعني اليوم تسجل وباجر تقابل

156
اشكرك اخوية ليث على نقل الخبر بارك الله بيك والله يسهل امرك

157
اليوم صديقي اتصل بالسفارة ديكلهم شخبار ملفي راح تسفروني لو لا ..كالتلة الموظفة بعدة ملفك SRS وتجيك امني والاطار الزمني ممعلوم شوكت نخلص من هالاجرائات

بس فهموني الله يخليكم شنو SRS وبيا مرحلة واصل الملف وشكد بعد لان يريد يشوف امة راح يتخبل ..مع العلم صارلة 6 اشهر من خلص كلشي من مقابلات واوراق مطلوبة باقي عالسفر
الله يخليكم طمنوني بخبراتكم

158
اوف من تأكيد العمل وشركة ساتكو السعودية مترد لاعلية ولا على المنظمة حسبي الله ... الله كريم بلكي تسهلالامور عالجميع

159
ماكو تأكيد لعملك من قبل الجهة الي جنت تشتغل وياها

160
اختي اذا الورقه ماغيروها معناها بعدكم بال يو ان ماتحولتوا للهجرة ....!
ارجعي لليو ان واكتبي مناشده وخليها بصندوق البريد الي في باب المفوضيه

اخوية اسبرو تحية الك

بالنسبة لورقة الحماية مو شرط يتغير عنوانهة الى صفة لاجئ لان اكو ناس بعدها الورقة ممستحقة تجديد وتحمل صفة طالب لجوء وتم توطينهم

161
تحية طيبة الكم والله يسهل امركم

اخواني اكو احد اتصل بالسفارة الاسترالية هالايام لان صديقي ديتصل يطلعلة انسر مشين ويفصل هو مخلص كلشي وباقي تجييك امني
بشرونة بلكي اكو خبر منكم او اكو احد انطو موعد سفر حتى ابشرة خطية الله يفرحكم

تقبلو تحياتي

162
اخوية العزيز بالنسبة ل UN عمان ماعدهم موقع عالنت اتابع بي حالة الملف للاسف انت وياهم تبقى فقط على الاتصال الهاتفي ... بس UN تركيا عدها موقع عالنت بالنسبة للمتقدمين من تركيا فقط
ان شاء الله اذا وطنوك على امريكا راح ينطوك كيس نمبر خاص بالمنظمة الدولية للهجرة IOM وتكدر من خلال الموقع مالهم اتابع قضيتك عالنت

163
توصل بالف سلامة اخوية الله يفتحهة بوجهك ويسهل دربك واتمنى لك التوفيق بحياتك الجديدة

164
المقابلى الثانية مع قسم تحديد وضع اللاجئ S.RSD هاي المقابلة مهمة ومركزة اكثر واذا عبرتها ان شاء الله بنجاح راح تنطيك المفوضية صفة الاعتراف كلاجئ رسميا وبعدها يتحول ملفك الى قسم التوطين

165
اخي وحبيبي وصديقي نيو دي شاكرا تعاونك معي

نعم ظلما وحسد عيشة وحقد طائفي ولكسر وجودي ومحبة الناس لي  واعتقد انت تعرف ان المخبر السري (الذي استحدث في العراق من الناس التي ليس لها لا ذمة ولا ضمير وانما فقط كسر الناس و توجيه التهم لهم باي طريق من اجل كسب المال الحرام وهذا الشخص مقدس عند حكومة بغداد ولا يحاسب سواء كان الامر صحيحا او كذبا)

وعندي كل الاوراق التي تثبت ذلك من اوامر قضائية تبين براءتي

وحتى عندي ملفات استشهاد اخواني

فماهو رايك هل اقدمها لهم كلها ؟؟؟؟؟؟؟؟؟؟؟؟؟

مع بالغ تحياتي لشخصكم الكريم


توكل على الله وسولفلهم الحقيقة مع الاثباتات لان هذا الكلام راح يكون بصالح قضيتك واني بعثتلك رسالة على الخاص وضحتلك اكثر ولتنسى تعريف اللاجئ هو من غادر بلده الام بسبب الاضطهاد الفكري او الديني او الطائفي او السياسي او اسباب شخصية اخرى خاصة بالحريات الشخصية وتدلل ياورد

166
اذا سبب الاعتقال ظلم وتحس نفسك مظلوم بي وعنك وثائق تثبت هالشي كول راح يكون بصالحك

167
جزاااااااااااااااااكم الله خير الجزااااااااااااااء ويارب يفرررررررررررررررج عن الكل يارب يارب يارب
وتحياتي لكل من ساهم بهذا الموضووووووووووووووووووع

حبيبي تدلل بالخدمة الله يوفقك

168
ميحتاج تستنسخ اخوية هم الورقة الي يريدوهة يستنسخوهة وبالنسبة للفيديو اخذة بفلاش او سيدي لان الحاسبة والتليفون متدخل للمفوضية

169
اخوية الغالي انت من العراق اول شي اطلع بفيزا عادية سياحية ام ال 80 دولار ومن توصل وتتعالج قدم من الداخلية على فيزا متعددة لغرض العلاج وانطيهم التقارير الطبية حتى يوافقولك  ومتكلف يمكن بس رسوم

170
اهي العزيز اول شي تقدم على فيزا ... اذا كنت جاي على البر تسويهة من شركة جت بالمنصور او مكاتب السياحة بالمنصور مقابل معرض بغداد
واذا جاي طيران نفسة مكتب الحجز السياحي يسويلك فيزة
من توصل بخير وسلامة تروح للدكتور تكمل فحوصات وتتعالج وتخلي الدكتور يكتبلك تقرير يذكر بي تحتاج الى زيارات متعددة لغرض اتمام العلاج بعدين تاخذ التقرير وتروح للداخلية الاردنية تقدمة الهم وتقدم على فيزا متعددة اسمهة لغرض العلاج وتدفع الرسوم
هذي معلوماتي عن الموضوع واذا اكو احد عندة معلومة يضيفهة ان شاء الله حتى تكتمل الصورة عندك

171
يرفع موضوعي السابق بخصوص المقابلة الاولى UN عمان ... للاخوان الي راح يقابلون بالايام القريبة

تحياتي

172
طبعا هذا موضوعي نزلتة قبل فترة بي تفاصيل كاملة عن المقابلة الاولية اذا تحبون اطلعو علية واستفادو منة
http://www.ankawa.com/forum/index.php?topic=725815.0

173
الله يوفقكم اجمعين اخوية المحيط الهادي تدلل وبالخدمة بأي وقت

174
تحية طيبة الكم واتشرف بمساعدتكم

بالنسبة للمقابلة الاولية هي مقابلة مهمة وتعريفية يعني الكلام الي راح تكولو بهاي المقابلة راح يتسجل عند المفوضية ويصير مال عليكم ثابت لايتغير في المقابلات القادمة قابل للاضافة فقط اذا صارت احداث جديدة الكم او عوائلكم بعد تاريخ المقابلة الاولى فحاولو تكونون مضبطين كلامكم والتواريخ مع كل افراد العائلة البالغين
تأخذون معاكم كل الاوراق والمستمسكات الثبوتية والشخصية منهم عقد الزواج او سند بيت او عدم محكومية بالاضافة الى الاربعة والجوازات طبعا تاخذوهن كلهن للاحتياط لان مو كلهن مطلوبات المهم بيهم الاربعة والجوازات
تحفظون تاريخ الدخول الى عمان لكل البالغين مهم جدا ومن اي منفذ حدودي دخلتو او اذا كنتو جايين طيران لان هم راح تنسألون هالسؤال
التواريخ الباقية للاحداث مهمة جدا جدا راح تنسألون اكثر من مرة بيهة ومرات تحاول تنطيكم تغلطكم بالتواريخ فركزو وية موظف المقابلة وبدون اي ارتباك باوع علية عين بعين وجاوبة ولتلعب بايدك ولاتلتهي باي شي خلي تركيزك على الاسئلة  

طبعا اطلعو من وقت الصبح واخذو وياكم اكل للاطفال بسكت وكيك وهالشغلات الخفيفة راح توصلون لباب المنظمة انطو الكرت مال التسجيل للموظف بالباب راح ينطيكم رقم سرة ادخلو بالقاعة والزمو سرة راح ينطوكم استمارات للافراد البالغين بيهة معلومات تملوها ومن ضمن المعلومات قصة التهديد او ليش غادرت بلدك تكتب الاسباب كلها مع التواريخ وكل افراد العائلة الي عدهم استمارة يكتبون نفس الحجي وتملي باقي المعلومات وتسلمهة الهم بعدين راح يصيحوك لغرفة المقابلة طبعا تكون الموظفة مستلمة الاستمارات ومطلعة على الكلام الي كتبتو وراح تبدي تسألكم وتجاوبون حاولو تركزون وياها
احفظو تاريخ التخرج من اخر دراسة الكم وراح تسالكم عن اهلكم وين وباي بلد واحد واحد

وكان الله يحب المحسنين المقابلة سهلة ومابيهة اي مخاوف بس ضبطو كلامكم حتى انتو لاتتخربطون بعدين بالمقابلات الجاية ولتنسون التواريخ اهم شي واذا عدكم اي اثبات للتهديد سلمو الهم

واتمنى لكم كل التوفيق واذكركم المقابلة سهلة سهلة

175
اذا أمريكا مو اقل من ستة اشهر ويتصلون بيك الIOM ويعطوك كيس نمبر واذا غير دولة اقل من هالمدة وتتصل بيك سفارة الدولة الي وطنتك

اني قابلت مقابلة ثانية 4/2014 وحصلت اعتراف باللجوء وهسة دا انتظر توطين بلكي الله ميتأخرون علية

176
اخي جاوبتك على موضوعك الاول اقرة الرد وبالنسبة للسكن اسكن بالكاردنز مبدئيا وبعدين دور سكن مناسب على راحتك

177
الهجرة و واللاجئين / رد: موضوع
« في: 08:08 12/05/2014  »
ام الجود تحية الج

طبعا هذا الشي طبيعي اكيد وبسبب الزخم ومن ردو عليج بأيميل كالو انه راح يتم تحديد مقابلة لكم معناها الوضع طبيعي وغير مقلق والملف بهاي المرحلة كامل ونازل على جدول المقابلات وانتظرو ييجي دوركم والله كريم

178
اخوية العزيز

بس وضحلنة منو الي قابلك توطين ... محامي من اليو ان ... او وفد من بلد التوطين وعلى اي دولة توطنت حتى اشوف شنو الاجراء الي بعد هاي المقابلة

179
تحية طيبة اخوية العزيز

اول شي توصل بالسلامة ان شاء الله وحبيت انطيك بعض النصائح ... اول متوصل لعمان اشتري خط موبايل اهم شي طبعا
ثاني يوم الصبح تركب تكسي وتاخذ كل اوراقك واهمهم الجوازات وتكتب رقم تليفونك الجديد بقصاصة صغيرة وتكلة لابو التكسي وصلني للمفوضية بدير غبار كلهم يندلوهة
من توصل كلهم بالباب اني عراقي واريد اسجل جديد راح ينطوك رقم سرة ويدخلوك تنتظر يصيحون رقمك تروح يم موظفة التسجيل تنطيهة الجوازات ورقم موبايلك الاردني وتردة الهة بالمضبوط لان هذا وسيلة الاتصال الوحيدة بينك وبينهم بعدين راح تنطيك كرت اصفر بي اسمك وموعد المقابلة وعدد افراد الاسرة
وتبقى تنتظر موعد المقابلة حسب مامكتوب بالكرت واحتمال يخابروك يقربو والله كريم وتدلل

180
شغال حبيبي ماكو كل مشكلة

181
اخي توطين مفتوح وممكن يتأخر صح بس يبقى كل قضية ومحتواها وقوتها قدم وحصل اعتراف كلاجئ والباقي على الله والله كريم

182
هذا الموظف يكتب تقرير عن وضعك المعاشي والحالة الصحية ويشوف اذا كنت محتاج مساعدات مالية اذا كان وضعك تعبان يخصصولك راتب او محتاج علاج يوجهوك للمستشفيات والمراكز الصحية المختصة او اي مساعدة قانونية او مساعدة اخرى وبالتالي يرفع التقرير لل un وينرفق بملفك

وماعندي علم اذا كان يأثر على الملف او لا بصراحة ... بس اعتقد مياثر بشي

183
بس توقع كبير هذا الاتصال من موظف الاغاثة IRD ديستفسر عن وضعك المعاشي وسأل أسألة مبدئية ديشوف وضعك تعبان ييجوك زيارة للبيت وضعك اوكي ماشي مييجوك او يأجلون الزيارة بالوقت الحالي لان هاي الاسئلة ممكن تنطرح من هذا القسم لتقدير الوضع المعاشي زين هم سألوك عن الصحة او عندك احد بي مرض مزمن او مريض لاسامح الله

184
غريب جدا جدا .... مصايرة قبل اني هم قابلت الثانية واعترفو بية لاجئ وقبل اسبوع اتصلو بية قسم الاغاثة IRD ومسألوني شي بس دليتهم البيت واجوني ورة يومين زيارة اعتيادية اخذو معلومات وشافو السكن واي سؤال من الي كلتهن مسألوني ابد

وبعدين اليوم عطلة

اخي جيك رقم التليفون ببرنامج TRUE CALLER شوفة بأسم منو راح يطلع واذا تحب اساعدك ماكو مشكلة

185
قدمهة الهم وهمة راح يستنسخوهة ويرجعوها الك

186
بارك الله بيكم اخواني ... ابو الامراء ... ديفد ... صبيحة  الله يتقبل دعائكم

187
عمر النعيمي الورد المقابلة الثانية بدير غبار

مستمسكاتك كلها وياك والمقابلة سهلة  ادخل وانت مسترخي وضبط كلامك مع العائلة وساعة 7 ونص انت اهناك حتى تدخل اول واحد ومن تخلص المقابلة تنتظر فد نص ساعة لحد متطلع النتيجة وتوقع الاعتراف وتخويل المفوضية حتى توطنك توكل على الله وكول يا ألله

تحياتي الك وطمني باجر

188
اكيد بلشتو من هسة بالتفائل لان باجر أحد وماكو بغلاتكم أحد ان شاء الله (وهم كولو ممسويهة) يلا سووهة وتأملو خير وعلى كولة المثل القائل (((تفائلو بالخير تجدوه))) وان شاء الله يوم غدا خير عالجميع

(((اللهم تقبل دعواتي للجميع بتسهيل الامور والاخبار الحلوة ان شاء الله اللهم امين يارب العالمين)))

تقبلو تحياتي 

189
اخي العزيز التسجيل مفتوح والمقابلات عموما ماشية بصورة جيدة بس حاول ترتب امورك وبالنسبة للتوطين بالغالب امريكا بس الموضوع يحب صبر والله يسهل امرك

190
تم تعديل الوقت عفوا الساعة السادسة 6 مساءا

السلام عليكم
اخي اني مقدم لاخوية وصديقي يعني لاثنين بس من ادخل على اللنك وادخل الرقم التاكيدي يكلي الرقم غلط وينطيني مثال لرقم يبدء 2014 عندك حل لهذ المسئلة لانه الارقام اللي عندي تبدء ب 2015 وشكرا جزيلا


اخي العزيز هسة جيك الارقام انفتحت 2015 تمنياتي لك بالتوفيق

193
تحية طيبة لكم

تبقت ساعات قليلة لاعلان نتائج القرعة العشوائية او مايعرف DV Lottery اليانصيب الامريكي للهجرة علما ان النتائج تعلن في تمام الساعة 6 مساءا بتوقيت بغداد تمنياتي لكل المسجلين بالفوز ان شاء الله

اليكم رابط الموقع الرسمي للنتائج


https://www.dvlottery.state.gov/

194
طبعا مثل متعرفون اني مقدم واستلمت كيس نمبر من iom وراسلت شركة ساتكو اكثر من مرة واتصلت بيهم بخصوص تأكيد العمل وماكو فائدة اطلاقا وقبل ايام بعثت ايميل لساتكو ونسخة من ل iom بخصوص تأكيد العمل وطبعا قبلهة بعثت جميع الايميلات وارقام الهواتف الخاصة بالشركة لل iom واليوم استلمت ايميل من iom يهلهل ويكول
نشكر لكم إرسال هذا الخطاب إلى بريدنا الإليكتروني.

 

لقد تعذر علينا التحقق من عملكم مع إحدى المؤسسات التابعة للولايات المتحدة، وذلك لواحدٍ من الأسباب التالية:

 

1. أن عنوان البريد الإليكتروني لصاحب العمل الخاص بك غير صالح.

2. أن الشخص الذي قام بالرد على عنوان البريد الإلكتروني الذي قدمته لنا لم يؤكد عملك.

3. لم نتلق أي رد لأكثر من أسبوعين.

 

لذا، يرجى تزويدنا بعنوان بريد إلكتروني آخر لمدير أو موظف الشركة الحالي والذي يمكنه التحقق من وظيفتك.

وهسة شنو الحل واعتقد ماكو حل وياهم ... اكو احد بيكم يعرف ضابط امريكي كان مسؤول على عمل الشركة افيدونا بأي معلومة

195
اختي على الاكثر راح يقابلج محامي مختص بالتوطين من un وراح توقعين على اوراق التوطين وبعدين وراها حسب علمي راح يقابلج وفد الدولة الي راح تقبل ملفكم

والتسهيل من رب العالمين ان شاء الله

196
تحية طيبة اختي والف مبروك عليج وان شاء الله السفر القريب

طبعا مقابلة التوطين حالها حال اي مقابلة قابلتيهة سابقا يعني تحجين نفس الحجي والتواريخ واعتقد الاسئلة الموجهة لحضرتج نفسها بالسابق ماكو اختلاف اهم شي التركيز على الاحداث والتواريخ وراح تكون مقابلة سهلة ان شاء الله وبالتوفيق يارب امين

بس حبيت اسال سؤال كم مقابلة قابلتي واذا تحبين تعطينس بعض التفاصيل لان اني مثل حضرتج قابلت اولى شهر الثاني وقابلت الثانية الشهر الرابع وكالولي انقبلت لاجئ وملفك راح يتحول للتوطين وانتظر اتصال من عدنا بخصوص التوطين وهم كالولج بالتليفون التوطين لاي بلد

اتمنى ان شاء الله كل التوفيق لحضرتج تحياتي

197
حبيبي اطلع لأي مكتب معتمد للخطوط الجوية العراقية او الملكية الاردنية احجز من يمة وهو يسويلك الفيزا
وبالنسبة للطريق البري اكو شركة بالمنصور مقابل معرض بغداد اسمهة ظل البقيع يسوون فيزا عالبر

198
شكرا جزيلا لردودكم الله يطمنكم وان شاء الله السفر القريب يارب

تحياتي الكم اجمعين

199
شكرا جزيلا للاخوان ابو وطن (بلاد العجائب) وللأخ Kojak على ردهم وان شالله الموفقيه للجميع  :)
بالنسبة للاخ New Day اني معرف بالضبط اذا تفيدك المقابلة او لا !! بس شغلة ال VOE من تسأل بيها IOM عمان
 يكلك هاي مو من يمنا وهاي اختصاص IOM واشنطن  واكو قسم بواشنطن هم يتاكدون من صحة العمل !!
 بس انت اذا تحب تعال قابل والله كريم وان شالله الاخوان والاخوات واللي عدهم خبرة بال voe من
 يقروون الموضوع يجاوبوك وينطوك معلومات اكثر!! وبالتوفيق...


شكرا جزيلا عالرد iraq love تقبل تحياتي

200
تحية طيبة الكم

افيدوني لان دخت وكتلني الندم ... اني قدمت على iom واستلمت كيس نمبر 1/2014 سافرت لعمان ونقلت الملف لهنا اوكي طبعا بعدني لحد الان ممحصل تأكيد عمل واتصور مراح احصل ابد ... زين سجلت بالمفوضية بعمان وقابلت اول مقابلة وكلشي تمام بس المشكلة كتلهم عندي كيس نمبر ب iom ونطيتهم رقمة ... وقبل ايام قابلت مقابلة ثانية هم بالمفوضية وهم مشت تمام وكلت للموظفة بالمقابلة انه كيس iom هو والمتوقف سوة لان محصلت تأكيد عمل بس ما اعرف سجلت هاي الملاحظة او لا وبعد مخلصت المقابلة تم الاعتراف بية لاجئ ووقعت التخويل للمفوضية وكالت الموظفة راح يتحول ملفك مني هسة للتوطين وتنتظر اتصال من قسم التوطين بعد وللعلم انه انطيتهم نسخة من ايميل iom الي دزولي بي الكيس نمبر ورفقو بملف المفوضية والورقة موجودة شفتهة بالملف وهسة دايخ
ويمكن غلطت وغلطة الشاطر بألف اخاف دول التوطين تشوف ورقة الكيس نمبر مال iom وتكنسل ملفي او متصيرلة اولوية

201
اخواني اني اريد اروح استفسر منهم واريد احجي وياهم بخصوص الشركة الي جنت اشتغل بيهة لان الشركة مترد على تأكيد العمل ... شتنصحوني اروح علما اني قابلت بالمفوضية هم واوتم الاعتراف بية كلاجئ وصعد ملفي للتوطين والمشكلة اني مبلغ المفوضية وكايللهم عندي كيس نمبر بال iom بس متوقف لان يريدون تأكيد عمل من الشركة والشركة مترد
وشنو احتاج من اروح للاستفسار

202
الف الف مبروك وان شاء الله التوفيق بحياتكم الجديدة وتسهيل الامور والوصول بالف سلامة

203
تحية طيبة الكم اخواني

بالنسبة لارقام الكيسات اعتقد انحصرت الارقام من 150 - 200 للكيسات المحولة من ال un  الى iom بالفترة الاخيرة لان اكو بعض الاخوان تم توطينهم بالجديد على امريكا

وهذا اعتقاد وتحليل بس قابل للخطأ

تحياتي

204
ولاتتأسف ياورد ... مصار شي خلينا نتلاطف لان الكأبة تقرة فول وبانين امال عالتحديث
ان شاء الله يتسهل امري وامرك والجميع يارب

تحياتي الك ياورد

205
وليش منو كال اكو تغيير؟؟

حبيبي احباب الروح علقت بالنسبة لملفي مالكيت تغيير ..... بس اعصابك شوية خوفتني والله ههههههه

206
ماكو اي تغيير

207
صحيح حتى الموقع الرسمي مال iom هم واكف شكلها من السيرفر الرئيسي بس هم نكول بلكي تحديث ان شاء الله خير

208
اني يطلع عندي This webpage is not available بلكي تحديث يبشر بخير يارب

209
اخوية الغالي بعثتلك الارقام برسالة وطبعا بالنسبة لل iom نادر ميجاوبون رأسا لازم تكرر المحاولة اكثر من مرة يعني قبل كم يوم قبل لايخلص الدينار حصلتهم ها وقبلهة مخلص دينار وشوية ومحصلتهم المهم هي زالكة الدينار والدينارين مراح تسوي شي خسرنة الاقوى منهة والعوض على الله فدوة للصغار وداعتك

تقبل تحياتي

210
الف مبروك اخوية العزيز نفس الايميل وصلني بوقتها شهر الواحد واستلمت الكيس بس كان مكتوب طلبك مكتمل واوراقك مكتملة ...وطلبت نقل الملف بعدها لعمان وانقل وكلشي تمام واول البارحة خابرتهم يكلي الملف كامل واوكي بس منحددلك مقابلة الا ييجي الرد الايجابي من الشرحة الي كنت تشتغل بيها وطبعا اكيد شركة (ساتكو) مغلسة عالموضوع ومترد لان مليون مرة خابرتهم وايميلات وماكو فايدة

الله كريم الله كريم

تث
قبل تحياتي اخي العزيز الله يسهل دربك

211
شكرا لك استاذنا الفاضل

بارك الله بيك وبمجهودك وبكل ماقدمتة من مساعدة لمن كان محتاجا لها اللهم اجعل عملك هذا في ميزان حسناتك واتمنى لك كل التوفيق والسعادة والراحة والعيش الرغيد

تقبل تحياتي

212
اخوية عمر الورد
تحية طيبة الك بالنسبة للكفيل بعد سابق أوانة والتسهيل من الله وتحديد الكفيل يتم بعد التحويل الى ال iom في اخر مقابلة الي هي مقابلة المحلف حسب معلوماتي في وقتها ان شاء الله بلكي اكو احد من الخيرين من الاعضاء يتكفلك سواء في تكساس او اي ولاية مناسبة الك ولعائلتك

تقبل تحياتي

213
تحية طيبة

اتقدم بجزيل الشكر والامتنان لكل من ساهم في تأسيس هذا البيت الرائع من الاخوة الاداريين واعضاء ومشاهدي عين كاوا الذي جمعنا وتشاركنا فيه همومنا وافراحنا نسال الله العلي القدير ان يرزقنا ويوفقنا ويسهل دروبنا ان شاء الله

تقبلو تحياتي

214
تحية طيبة

اتقدم بجزيل الشكر والامتنان لكل من ساهم في تأسيس هذا البيت الرائع من الاخوة الاداريين واعضاء ومشاهدي عين كاوا الذي جمعنا وتشاركنا فيه همومنا وافراحنا نسال الله العلي القدير ان يرزقنا ويوفقنا ويسهل دروبنا ان شاء الله

تقبلو تحياتي

215
اهلا وسهلا بيج بهذا البيت الجميل وتشرفنا بحضرتج

تحياتي

216
تحية طيبة الكم
حبيت اوضحلكم بعض الامور بخصوص هذا الموضوع وراح ابدي من المنظمة الدولية للهجرة (IOM)وبرنامج الهجرة الى الولايات المتحدة فقط حصرا للاشخاص العراقيين الذين عملو مع القوات الامريكية مباشرة او مع احدى الشركات التي كانت متعاقدة معها واسم البرنامج المختصر (USRAP)
اهنا راح نجي اي شخص يملك باج او توصية او شهادة تقديرية من الجيش الامريكي او السوبر فايزر المسؤول علية اثناء العمل او مدير الشركة الي كان يعمل معاها يحقلة يقدم على هذا البرنامج مباشر من بغداد ودول الجوار
بعد ارسال المستمسكات الخاصة بالعمل والمستمسكات الشخصية راح تقوم المنظمة بمراجعة اوراق العمل ومعرفة مدى صحتها وطبعا المنظمة تملك قاعدة بيانات لكل اسماء الشركات واسماء الوحدات العسكرية وكذلك الاماكن الي كانت متواجدة بيها في العراق فلذلك راح تتأكد مباشرة من المعلومات الي ارسلناها الهم ... بعدهاراح تقوم المنظمة بمخاطبة الشركة التي كنت تعمل معها او الضابط الامريكي او السوبر فايز للتأكد من عملك
**اهنا راح نجي لملحوظة مهمة ( ممكن للمنظمة ان تعطيك كيس نمبر بمجرد التاكد من اسم الشركة او اسم الوحدة العسكرية او اي مؤسسة ثانية كنت تعمل بيهة قبل الاتصال بالسوبر فايزر او الضابط او مدير الشركة من خلال قاعدة البيانات المتوفرة عدها وبعدها تطلب تأكيد العمل من مسؤولك المباشر بالعمل وكذلك ممكن ان تسلمك الكيس نمبر بعد التأكد من عملك اي بعد ما مسؤولك بالعمل يرسل خطاب للمنظمة يكولهم فعلا هذا الشخص اشتغل معي بالفترة الفلانية)

وبالنسبة للاجئين  (المضطهدين والمهددين والمهجرين )المسجلين لدى مكاتب المفوضية السامية للشؤون اللاجئين UNHCR
والمتواجدين خارج البلد الاصل اي في دول الجوار تقوم المفوضية بأجراء مقابلة اولى تعريفية وبعدها مقابلة ثانية لمطابقة الاقوال مع المقابلة الاولى وتحديد وضع اللاجئ النهائي اما القبول او الرفض وفي حالة القبول يحول الملف الى قسم التوطين المسؤول عن اعادة توطين الاجئ الى بلد ثالث حيث يعرض الملف الى دول التوطين وعند قبول الملف من قبل دولة معينة سوف يقوم قسم التوطين بأجراء مقابلة معك والتوقيع على اوراق البلد المضيف واكمال بقية الاجراءات
بالنسبة الى التوطين في اوربا وكندا واستراليا سوف تتم المقابلات في السفارة التابعة للدولة
وكذلك تزودك السفارة برقم ملف كيس نمبر

(اما اذا توطنت الى الولايات المتحدة سوف يتحول الملف الى منظمة الهجرة IOM في عمان ومصر او ICMC في تركيا وتزودك المنظمة بكيس نمبر خاص لملفك ولكن بدون الحاجة الى باجات او توصية او عمل مع الامريكان لكون وضعك لاجئ لسبب معين خارج حدود بلدك الام)

تقبلو مروري

تحياتي

217
عاشت ايدك والله كلامك صح والله يوفقك

شكرا لمرورك اخوية ايرثلنك الله يوفقك ويسهل امرك ودربك

218
افضل الاسماء ما عبد و حمد.. الله يباركله بابنه
بالنسبه للاخ new day احب اكله ايليا اللي ذكر في الانجيل  و في روايه اخرى الياهو هو نبي من انبياء اليهود وليس
علي بن ابي طالب رضي الله عنه.. بالمناسبة اخي العزيز هذه المعلومه لم تأتي للجدل بل من دراسة لسنين طويله في علم تطور و مقارنة الاديان.
مع التقدير

شكرا اخي ابو مصطفى .... بالنسبة لهذه المعلومة اني قريت عنها بالانترنت بصراحة ومن عدة مصادر ... فأن كانت معلومتك صحيحة ومتاكد منها فأشكرك على التصحيح وطبعا خير الاسماء ما حمد وعبد .... واسماء الصحابة والاولياء والصالحين

تقبل تحياتي وشكرا الك اخي العزيز


219
حبيبي راح اساعدك بحل منطقي وسهل

اسم الامام علي عليه السلام خير الاسماء واسم جميل جدا ... ورد ذكر اسم الامام علي في الانجيل عند اخوانا المسيحيين ويسمونه (( إيليا )) وطبعا هذا الاسم دارج عند الغرب ومعروف فصديقك رابح بهذي التسمية لان بيها صورتين الصورة الانكليزيةوالعربية

تحياتي الك

220
والله هذا ميستحق امريكا وشغل مقعد من هو احوج للجوء ... لان في ناس فعلا تضررت وتعبت وهاجرت وتهجرت واتبهذلت بدول الجوار ... وبالتالي حضرتة يريد ياخذ كرين كارت ويرجع يعني اصلا هذا الشخص مثل مانكول وعذرا للكلمة فايخ واجتة عالحاضر بدون تعب ولا عناء

تقبل مروري اخي العزيز صاحب الموضوع

تحياتي

221
الف مبروك ان شاء الله السفر القريب العاجل

222
ان شاء الله خير وتسمع الاخبار المفرحه  اخ حسين

شكرا اختي راي الله يحفظج وشكرا لمرورج الجميل تحياتي الج

223
تحية طيبة اخي نيو دي ولكل الأعضاء الكرام والله يومية من ادخل على موقع عين كاوا واشوف واحد ناشر خبر يوم ...... اسافر اقسم لكم بالله الفرحة متتخيلوهه عبالك اني راح اسافر والله اتمنى الموفقية والسفر القريب للجميع ويلي نزل عدهم موعد سفر اتمنى لهم النجاح والوصول سالمين غانمين الى الديار الجديدة اسأل من الله العلي القدير ان جميع الأعضاء الكرام تسافرون وترتاحون وانشاء الله الموفقية للأخوة يلي وصلوا بالسلامة تقبلوا مروري


ابنكم واخوكم



احمد المضلوم

شكرا لمرورك حمادة الله يتقبل منك الدعاء ياغالي ويسهل امرك وامر الجميع ياطيب

تقبل تحياتي

224
حبيبي عاشت ايدك بس احنة العراقين والله خطية صارت حياتنه مو ابدينه نبنيه بس عسى اتكون ابخته وبصحته الي سوانا هيج نتلهف حته يجي اليوم الي انعوف بي اهلنه لاحول ولاقوة الا بالله

حبيبي اميريو شكرا لردك الطيب ... بس شنسوي هذا حظنة وقسمتنة بالدنيا شعب شاف الويلات ولاسامح الله الجاي ما اتوقع يبشر بخير وهذي حقيقة وواقع حال واحنة هم شباب ونريد حرية وعيشة سعيدة ونحافظ على عوائلنة ونربي اطفالنا ونعلمهم صحيح وهاي الامور مع الاسف كلها مموجودة ببلدنا وما اتوقع راح تصير ببلد فاقد للانسانية ومرتشي ومحسوبيات وغيرها وغيرها

تقبل تحياتي

225
أخوية ألعزيز راح أنطيك رأيي ألشخصي

خلي زوجتك تراجع دائرة الهجرة بالولاية وتطلب منهم تفاصيل عن لم شمل ونوع ألأستمارة ورقمها ألي لازم تقدم بيهة وبالمناسبة كل طلبات ألتأشيرات وألأستمارات موجودة على موقع السفارة الامريكية في بغداد
ألأفضل انه تراجع دائرة الهجرة بالولاية وتبلغهم بالزواج وتشرحلهم الوضع وتشوفهم عقد الزواج وهم راح يفهموها شتسوي

الشغلة الثانية اذا مشت الامور وقدمت استمارة خلي تطلب مقابلة حاكم الولاية الكونكرس مان  وتشرحلة السالفة وتحاول تكون عصبية شوية وتلح علية وتفهمة انه متزوجة ولازم زوجهة ييجي يمها لأن هذا يكدر يساعدها مباشر ... 

الشغلة الثالثة أذا زوجتك مسافرة عن طريق iom ببرنامج الهجرة الى الولايات المتحدة للعاملين مع القوات الامريكية او احدى الشركات المتعاقدة معاها فتكدر تدز ايميل لل iom  وتكولهم اني اتزوجت واريد اضيف زوجي للملف

تقبل تحياتي واذا أخطأت أن شاء الله الاخوة الاعضاء يصححون معلوماتي

226
عاشت ايدك والله اني اقره واضحك لان حجيت الي ينسويه كله
تحياتي الك  وللجميع الموفقه


أنت ألعايش حبيبي كوجاك هههههههه أنطيتها بالمضبوط ... أشكرك لمرورك ألجميل تمنياتي الك بالتوفيق ان شاء الله

227
ألف مبروك أخوية العزيز اتمنالك التوفيق والسعادة والله يسهل دربك ان شاء الله

228
ألف مبروك وبالتوفيق والسعادة الدائمة ان شاء الله

229
امين يا رب العالمين

ابو الوليد

ألله يتقبل دعواتك أخي العزيز سبيس أبو الوليد ألله يسهل امرك وأمر الجميع ان شاء الله تحياتي الك

230
صباح الخير جميعا اشكر ألأخ على موضوعه اللطيف و يارب يستجيب دعواه و دعواتنا و يسهل امرنا قادر يا كريم

صبحك الله بألف خير اخي دشتي شكراً لمرورك ياطيب وألله يتقبل الدعوات منا ومنك تحياتي

231
موضوع حلو ذكرتنه بايام المعاناة في عمان ....كل الي كلته مسويه واكثر ...ننتظر الاحد ...ونفتح الايميل على وجه الصبح ...وننتظر دكة التلفون وننتظر اول خميس بالشهر حتى نغبش اباب المنظمه ..
لكن يجيك يوم وتفتح موقع عمان وتفرك عينك زين ...خاف نايم ..خاف تحلم ..خاف غلطانين ...الامنيه مكتمله ..!!!!
ويدك التلفون ..عندكم موعد سفر يوم القيامه الساعه ثنعش باليل تسافرون ؟؟؟؟؟ اي طبعا نسافر ....
تبدي مراحل الجنط ...والتسوق ..وتروح للمنظمه غير كل مره ...تروح وجهك يضحك ومرتاح ...وتستلم خط الرحله ..وتمشي الايام ركض ..وتروح للمستشفى تاخذ الحبابه ...وتنتظر اليل يجي وتروح للمطار وتركب الطياره وانت تضحك والناس كلها تضحك ...حتى الاردنيين يضحكون ....تخيل ..اردني يضحك !!!!!
توصل بالسلامه .......
كولوا ممسويها !؟؟؟؟؟
الي ممسويها ان شاء الله يسويها كلها بحق محمد وال محمد وبحق كل الانبياء والاولياء والصالحين ....
تصير سوالف
عذروني على الاطاله بس الموضوع حلو وذكرنه بمعاناة الله يعلم بيها ...الحمد لله صارت سوالف


حبيبي أسبيرو شكرا لردك ألجميل ورفع ألمعنويات ألله يسمع من حلكك ونمر بهالسعادة أن شاء الله أضافة جميلة وحلوة تحياتي ألك وألله يوفقك وشكرا لمرورك ألرائع

232

اللهــــــ  يا ـــــــــــ  رب ــــــــــــــــــــــــــــــــــــــــــم امــــــــــ العالمين ــــــــــــــــــــــــــــــــــــــــــــن




مشكووور اخي على موضوعك الله يسمع منك ونرتاح كوولنه

أشكرج أختي غريبة ألله يتقبل منج الدعاء ويسمع منج يارب

233
اخي العزيز توقيع الكفيل ميدل على السفر القريب بس هو اجراء روتيني يعني مثل منكول عبرت خطوة وكملت الموافقة مال الولاية الي راح تستقبل اللاجئ ومو بالضرورة يكون السفر قريب وماريد اخمن المدة للسفر شكد بس حسب توقعي وتجارب الاخوة الاعضاء صديقك يكدر يخلص امتحاناتة لان اجرائات السفر تطول والتجيك الامني لحالة ياخذ 3 اشهر

تقبل تحياتي واذا اكو خطأ بالمعلومة ان شاء الله الاعضاء يصححو او يأيدوني

234
عاشت ايدك عالموضوع وعالوصف الاكثر من واقعي...هههه لو تشوف حال زوجي كل ثانية يسوي لوگن على موقع عمان....بحيث اتفقنه اسبوع هو يتابع الموضوع واسبوع اني من كثر التوتر العايشين بي...الله يسمع منك ويسهل علينا كلنه بحق الحبيب المصطفى صلى الله عليه وسلم

تحية طيبة اختي ام يوسف والله نفس الحال ام علاوي زوجتي تكلي شبيك كل شوية تفتحة للموقع شنو قابل برمشة عين يتغير هههههههههه شنسوي بلكي تفرج علينا وعليكم ان شاء الله

تحياتي

235
ماشاء الله الكل طلعت نفس الشكل اني موقع عمان راح يخبلني بالتالي

ههههههههههههه موقع عمان جامد ولايمة السالفة الله كريم تتسهل ان شاء الله عالجميع
شكرا للمرور الجميل اختي همسة

تحياتي

236
عاشت ايدك اخوية العزيز على الموظوع الجميل جداً جداً و فعلاً كل الي حجيتهن صح  اني عبالي بس اني بية واهس اسمة iom كل يوم الصبح طلعت كل العالم نفس الحالة
وانشاء الله منك لباب السماء و الله يسهل امرك و امر كل الناس بجاه محمد وآل محمد

 اطمئن اخوية ديفد كلنا نفس الفلم ونفس التصرف ونفس الحركات شكرا لمرورك والله يتقبل منك الدعاء

تحياتي

237
عاشت ايدك اخويه العزيز على الموضوع طبعاً شي أكيد هاي كلها مسويها بس اكو فقرة اني اسويها مرات افتح الموقع بنص الليل علمود اجيك ويطلع ماكو شي وارجع انام ههههههه ربي يسهل أمرنا ويفرجها على اخواني واهلي العين كاويين تحياتي اخوك اسير سوسو

هههههههههههه اسير سوسو ..... بس كلي ورة متفتح الموقع مو تكوم تخلي راسك بالثلاجة تاكل نستلة وتشرب ببسي مثلي مو ... الله عليك كولي مسويهة

238
اجمعييييييين ...ياربي
بجاه محمد وال بيت محمد
تقبل سلاامي



الله يسمع منج اختي سما الياسمين تقبل الله الدعاء وشكرا لمرورج الطيب

تحياتي

239
الله عبالي بس اني عندي هيج ادمان طلع الربع  كلهم هههه (  اللهم فرج وسهل على كل من عنده حاجه او ضيق بجاه حبيبك النبي امين يا رب العالمين  )

ههههههههه اختي العزيزة صار ادمان مثل المخدرات الله يتقبل ويسمع منج الدعاء

تحياتي

240
موضوع لطيف من شخص لطيف
انا مشترك جديد
عندي رقم ملف ICMC
وين ممكن ادخل واتأكد من حالة ملفي
مع الشكر

اشكرك اخوية العزيز .... وبالنسبة لرقم الملف اعتقد على موقع عمان نفسة لازم تسجل وتجيك ملفك بس ممتأكد من هالشي
ولكيت هذا الموقع مال icmc يمكن تكدر منة تعرف حالة الملفhttp://www.turkey.iom.int/traveldates/USRP.aspx

بس الافضل نتأكد من جماعة تركيا

تحياتي الك

241
عاشت أيدك أخي الكريم ( نيو دي ) فعلاً أحنه محتاجين تغير من جو التوتر الي عايشيه
ويارب بجاه كل نبي مرسل خلصنا من عذاب الدنيا الي دنعيشه وأنعم علينا بغداً مشرق تكشف فيه عن كربنا وهمنا وغمنا وما فعله الزمان بنا ياربنا أنت مولانا فانصرنا على من ضلمنا وحقق لنا أحلامنا ياقدير ويامقدر سلامناك أمرنا فختار لنا لما فيه خير لنا.


اشكرك اخي الملك ادوارد الله يتقبل منك الدعاء واتمنى استمتعتو بهذا الفاصل الواقي الي دنمر بي جميعا وان شاء الله رب العالمين سامعنة واحنا ندعي بتسهيل امورنا

شكرا لمرورك وتقبل تحياتي

242
امين يارب العالمين

دعاء مقبول اخي المهندس الزورائي شكرا لمرورك ياطيب

243
اللهم امين يا رب العالمين وان تفرج عن الجميع وتحقق امنياتهم

الله يتقبل دعائك اخي ابو الامراء شكرا لمرورك

تحياتي

244
هههههههههههههههه كلهن مسويهن وحتى الايميل مال ابل هم عاشت الايادي

هههههههههههه حبيبي سكيورتي مار بالظرف مال ايميل ابل كلش زين 

تحياتي


245
والله اني صارت بيه سولة ما ادري ادمان يمكن باليوم 4 مرات اطب على الموقع الله لا يكذبني.

والله موخوش سالفة بس نريد ولو شغلة صغيرة تنطينه امل.

الله ارحم الراحمين ان شاء الله تفرج

حبي نايت وولف يا 4 اني كمت ما احسب اتيه صار الموقع مثل الدوة كل شوية اخذ منة ههههههه الله يسهل امرك وامر الجميع ان شاء الله

246
احسنت عاشت ايدك اخي على هذا الكلام الجميل وان شاء الله امورك تتيسر او تمشي بحق محمد وال محمد عليك او علينا او على الجميع بس هاي مال اجي وبسطك حلو هههههه بس كلي شيجيبك مناك هههه



      مع تحياتي لك
     اخوك المشتاق

حبيبي المشتاق نورتني بمرورك الجميل .... والله للطيب وابن الاصول اتعنة علية وابسطة ههههههه *** لا دكول ماسويهة

وكلكم طيبين واهل الاصول دوم ان شاء الله

247
عاشت ايدك اخي العزيز على الكﻻم الجميل واحنه كالعادة من نقرأ هيجي موضوع حلو نثتي عليه((( وهم كولوا ما مسويهه.... )))

اخوك كالوني البصرة

ههههههههه حبيبي تحياتي الك اخوية كالوني البصرة والله مسويهة وكدهة وكدود

248
تحية طيبة الكم ومساكم الله بالف خير

طبعا بالبداية حبيت اخفف جو التوتر عدكم وابعث الامل بقلوبكم ... اكيد طبعا يوم الاحد عدنا هو من اهم الايام بأعتباره بداية الدوام الرسمي لل IOM و UNHCR وICMC والسفارات وكلنا بهذا اليوم اول منفز من النوم الصبح نباوع عالتليفون نشوف اكو علامة مال ايميل فوك جايتنة لو لا واذا اكو اني بالنسبة الي ايدي تكوم ترجف بس اريد افتحة واشوف منين بالتالي يطلع لو من ابل لو من طيران الامارات لو مال دعاية لشي وبعدين ثاني شغلة نسويهة اذا مجان واصلنة ايميل فأكيد راح نفتح موقع الفرج ((موقع عمان)) وهم نشوف طبعا نباوع عالجدول ونردد بصوت ناصي انتظار النتيجة معلق فعال غير فعال انتظار مكتمل طبعا نقراها عالسريع لان حافظيهة **ها لتكولون ممسويهة** واذا اكو تغيير راح نبدي نسوي زوم عالجدول حتى نصدك عيونة دتباوع صح لو دتسورب **وهم كولو ممسويهة** بعدهة راح نقفل موقع عمان ونبلش بالسجل اخاف جاية مكالمة واحد فاصلهة لو طفل لاعب بالتليفون وبعدين الي عندة خدمة رسائل لمعرفة المكالمات المتصلة بيك اذا جان تليفونك مغلق او شبكة ضعيفة راح تدز رسالة وتعرف اكو اتصالات لو لا **وهم كولو ممسويهة** زين بعد هاي السالفة اكيد راح نرجع للملجأ ومصدر الاخبار والعلوم ((عين كاوا)) ونشوف شصاير مصاير منو مبشرنا بخبر حلو حتى نفرحلة ونباركلة والي عندة مشكلة نواسي ونساعدة **وهم كولو ممسويهة**
زين دقيقة اكو سالفة ... اذا دك عليك رقم وانكطع شلون ..! راح تبقى بقلق اكيد ... اهنا لازم ترجع لبرنامج ترو كولر حتى تشوف الرقم بأسم منو حتى تتاكد **لا دكولو ممسويهة**
**طبعا راح نظل الاسبوع كلة اكيد مكابلين التليفون وكاعدين وننتظر بس يدك حتى نكمز نشوف من اتصل علينة وطبعا لازم التليفون مينقص شحن ونتابع الشبكة اخاف تضعف **والله الي يكول ممسويهة اجي ابسطة**

**المهم وخصم الحجي ... باجر هو يوم ((الاحد)) .. الهي وسيدي ومولاي بحق محمد وبجاه كل واحد عندة جاه عندك سهل امرنة ويسر دربنة ودبر حالنة والطف واعطف علينة وفرحنة بخبر حلو يشفي جروحنا وكلوبنة ...يارب اجعل هذا الاسبوع بشارة خير علية وعلى اخوتي الاعضاء ومشاهدي ومتابعي هذا المنتدى الجميل ((اللهم امين يارب العالمين))

اتمنى اني كنت خفيف الظل عليكم وماطولت عليكم وهذا دعائي الكم والي من قلب صافي ونظيف وطيب ومع اذان المغرب اللهم تقبل مني هذا الدعاء ومن جميع اخوتي يامسهل الامور يا الله عليك توكلنا وانت نعم الوكيل

تقبلو تحياتي

249
اخي راح يراجعون اوراقك ويتصلون بيك مرة ثانية
واذا كان اكو نقص بالاوراق راح يبلغوك واذا كاملة راح يعطوك رقم ملف كيس نمبر وان شاء الله تمشي الامور تمام بس خلي ابالك الشغلة تحب صبر

تقبل تحياتي

250
اخي ميجوز نقل الملف لتركيا لان المنظمة في تركيا تختلف عن الي في بغداد في تركيا اسمها icmc اما بالنسبة لل un فأكيد يحقلك تسجل باعتبارك لاجئ خارج ارض بلدك ... اما بالنسبة لملف iom يحق لك نقله الى الاردن -عمان فقط

تحياتي

251
اخي بالنسبة لتحويل المرفوضين من قبل امريكا فقط للاجئين المسجلين في المفوضية السامية لشؤون اللاجئين unhcr في دول الجوار (الاردن-تركيا-مصر-سوريا سابقا)... اما برنامج iom في العراق هو برنامج الهجرة الى الولايات المتحدة حصرا للعاملين وذويهم مع القوات الامريكية او احدى الشركات التي كانت متعاقدة معها

252
والله يا اختي اخذي افراد العائلة كلهم افضل واحسن وللأمان حتى ماتبقى حجة عليج واتمنالج كل التوفيق ان شاء الله

253
والله يا اخي غريبة سالفتك مندري شنحجي وشتكول..... بس لتكول كم مرة يحقلك تأجل كول شوكت راح يتذكروك ويخابروك عالفحص مرة ثانية

عجيب غريب امور قضية ... اني حتى كلبي سويتلة رنة ورجاج حتى يدك وية التليفون بس اريدهم يخابروني حتى لو بس يسلمون علية

254
تحية طيبة

هذي الكليشة الامنية الي تكول ... ملفك بالمراجعة الامنية من قبل الحكومة الامريكية وهذا الاجراء متبع لكل الاجئين قبل المغادرة الى الولايات المتحدة ... وهذا الاجراء ماعدنا علم بي شوكت يخلص لان خارج عن سيطرة المنظمة ومن يصير عدنا علم نتصل بيك

الله يسهل امرك ان شاء الله السفر القريب العاجل يارب

تحياتي

255
تحية طيبة اخ احمد

اني هم مثلك تقديم جديد وطلبت نقل الملف لعمان ولحد الان ماكو شي بس ايميل يكول حولنة طلبك للقسم المختص وماكو بس الصبر والله كريم

256
تحية طيبة لكم

اللهم اجعل يوم الجمعة هذا بداية فأل الخير لجميع الاخوة واعضاء ومشاهدي هذا التجمع وان تيسر وتدبر امورنا وتفرج همومنا بالسفر العاجل والاستقرار والحياة السعيدة ((اللهم امين يارب العالمين))

* واوجه الشكر لادارة المنتدى واود معرفة سبب حضر حسابي للمرة الثانية لساعات ومنعي من الكتابة والرد وارسال الرسائل وكذلك حذف موضوعي الذي طرحته يوم امس الذي تسائلت فيه عن نفس السبب

مع جزيل الشكر والاحترام

تحياتي

257
السلام عليكم اخوان تحيه طيبه
اخوان اذا واحد امقدم على iom ايصير ايقدم على هذه القرعه لو لا اكون ممنون مع الشكر الحزيل لكم والى الاخ العزيز المهندس الزورائي.

اخوية المشتاق بالنسبة للقرعة الامريكية متتعارض نهائيا مع اي برنامج هجرة





                                                                                      مع تحياتي
                                                                                     اخوكم المشتاق

258
تحية طيبة

عندي سؤال مهم ... اذا كنت مسجل من العراق على اللوتري الامريكي وسافرت لعمان ومستقر بيها حاليا في حالة الفوز ممكن اكمل الاجراءات من عمان ولا لازم ارجع لبغداد واكمل مناك

259
الف مبروك وبالتوفيق في حياتك الجديدة لك وللعائلة الكريمة

تحياتي

260
تحيه طيبه بعد هذا الرد اجاك رد ثاني اتصال بنقل الملف وكم المده لو بعدك تنتظر واني طلبي مو نقل الملف على التهديد وشكرا

والله يا اخي بعد لحد الان ما اجاني رد ايميل ولا اتصال دا انتظر والله كريم

261
اخي العزيز

تحية طيبة لك واتمنى لك السفر بالقريب العاجل ... وبالنسبة لهذا الايميل هاي كليشة بدت تستخدمها المنظمة وحسب تحليلي وقرائتي لمواضيع الاخوة الاعضاء تدل على ان الملف او الطلب ماشي بالصورة الصحيحة الروتينية لان اني بعثت ايميل بطلب نقل الملف الى عمان والمنظمة ردتلي ايميل بنفس الكليشة قيد المراجعة والتنفيذ .

مع الاحترام
تحياتي

262
الله يصبرك اخي العزيز ... ان شاء الله تمشي الامور تمام ويحددولك موعد قريب لان اكو شخص صديق اجلو يوم 27 بهالشهر وانطو موعد بداية الرابع فأنشاء الله خير

263
تحية طيبة لك اخي

فرص العمل في الولايات المتحدة متوفرة ولكل الاعمار .... لكن في شرط واحد انه يكون الشخص المتقدم للوظيفة غير مريض بمرض يمنعة من اداء عملة بصورة صحيحة وملتزمة (طبعا بعيد المرض عن الجميع والله يكفيكم شرة) يعني على سبيل المثال الجلطات القلبية والاعاقة البدنية وبعض الامراض الي تحتاج راحة وعناية خاصة ... لان بكل الاحول لما تقدم على عمل راح يسالوك عن حالتك الصحية ولازم تبلغهم بالحقيقة وان كنت لاسامح الله عاجز عن العمل وحسب تقرير وضعك الصحي والسن القانوني الك حق تقدم على التقاعد سواء بحالة السن القانوني للعمل او الحالة الصحية

واتمنى افدتك بشي بسيط واذا في خطأ الاخوة الاعضاء ان شاء الله يصححون المعلومة

تحياتي

264
الف مبروك والحمد لله على سلامتكم اتمنى لكم كل الموفقية والنجاح

265
تمام اختي العزيزة اسف اتصورت انت من عمان المهم الله يسهل امركم ان شاء الله السفر القريب العاجل امين يارب العالمين

266
اخي العزيز

الف مبروك عليك وان شاء الله السفر القريب بس حبيت انطيك نصيحة من صديق الي صاحب تجربة .... بخصوص فورم 80 حاول تروح لاي مكتب ترجمة بعمان يشتغل بأمور الهجرة وخلي المكتب هو الي يمليلك الفورم لان هذا الفورم غير قابل للخطأ اطلاقا واذا تحب اسالك على مكتب اني حاضر

تحياتي الك واتمنالك كل التوفيق لك وجميع الاخوة الاعضاء والمشاهدين

267
اخوان الخبر صحيح ... بس اضافة للخبر مع الاسف طبعا سمعت انه راح تصير الغرامة 3 دنانير اعتبارا من 1/5/2014

268
الف مبروك اخي العزيز .... بالنسبة لمدة اتصال بلد التوطين غير معلومة  عسى ماتطول عليك ان شاء الله وبالتوفيق

269
اخوية العزيز احسب خمسة اشهر الى ستة مثل ماصار معي

270
شنو اسم الشركة  حتى نكدر نساعدك

271
هذا الخبر اني اليوم سمعتة من ولد صديق وكان متأكد منة واعتقد الخبر صارلة 3 ايام

272
نفس الايميل اجاني بس اني كنت طالب نقل الملف من بغداد الى عمان وكان الرمز باسم الموظف sam-jo

273
السلام عليكم شباب اني قدمت الاهلي 12-2013 واستلمت الكيس نمبر مالهم 147 وسجلت بالموقع والملف انتضار النتيجة والله كريم
علما اني في امريكا صار 6 اشهر

ابو فرقان
مورهيد منيسوتا
اني هم مثلك عزيزي 147 وكلة انتظار النتيجة وغير فعال الله كريم

274
تحية لك اخي العزيز

بالنسبة لتركيا حاليا وصلت مواعيد المقابلات لسنة 2018 بس هذا الموعد تسلسلي
يعني قابل للتقريب من قبل المفوضية بعد اشهر من التسجيل ممكن
وبالنسبة لعمان حاليا دينطون موعد مقابلة اولى بعد التسجيل بشهر او شهرين والمقابلة الثانية هم تقريبا نفس المدة الا اذا صار بيهة تأجيل لاسامح الله ويبقى التسهيل من رب العالمين
وبالنسبة للمصاريف اعتقد نفس الشي يك حساب مثل مانكول

اتمنى افدتك بهالمعلومات العندي وأسألك الدعاء

277
تحية طيبة لكم

منو صار عندة تأجيل للمقابلة الثانية un عمان هاتفيا الاسبوع الماضي .... وهل حددو موعد مقابلة جديد وكم الفترة المتوقعة ... خلونا نتواصل والي عندة معلومة يفيدني

جزيل الشكر لكم

278
نعم حصلت الحمد لله 147 بس حسب معلومات الاعضاء الكيس نمبر بدون تأكيد وظيفي هم بدون فائدة بس مجرد خطوة اولى المهم الله يسهل امري وامركم اجمعين ونسألكم الدعاء
التقديم شهر 8-2013
استلام الكيس 1-2014

279
الف الف مبروك وتحية من القلب لك وادعو من الله التوفيق لك في الحياة الجديدة

280
الف مبروك اخوية العزيز ادعو من الله ان يوفقك ويسهل امرك وامر جميع الاخوة الاعضاء وزوار المنتدى

تحياتي

281
تحية لكم احبتي كروب 2014

حسب الي صار معي المدة المتوقعة للحصول على كيس نمبر هي 4 أشهر ومن الله التوفيق ويبقى بس التأكيد الوظيفي الي هو اهم شي لان بعض الشركات متنطي تأكيد بس نتمنى من الله ان تمشي الامور بسلاسة وبدون تعقيد لان بصراحة اني لحد الان ما اعرف هل تأكدو من الوظيفة ام لا لان اني خاطبت الشركة اكثر من مرة ومحصلت شي منهم وبلغت المنظمة وانطيتهم كل عناوين الشركة وارقام التليفون والله كريم

282
اخي العزيز ((( النمر الجريح ))) هذا العنوان الي نزلتة خطأ ... أسم الشركة ((ساتكو )) الشركة العربية السعودية للتجارة والانشاء وليس ((سابتكو))

مع جزيل الشكر لمرورك الكريم وحب المساعدة

للتوضيح

Husseinhah سابقاً

283
والله يا اخوية راسلتهم اكثر من مرة واتصلت بيهم وماكو جواب ولا رد

Husseinhah

284
اي توقف شوية ورجع اشتغل

285
اي صحيح لان رأسا يطلع ايرور ميتأخر... المرة القبلهة بالتحديث الشامل كان يتأخر وبعدين يطلع ايرور

286
رجع الموقع وكف مع العلم قبل نص ساعة فتحتة شغال ان شاء الله خير

Husseinhah

287
اخوية هذي ايميلاتهم والويب سايد ورقم التليفون حاول جرب اني راسلت على كلهم وماكو فايدة

info@satco.sa
info@satco.me
info@satcosa.com

رقم التليفون: 00966112937555
رقم قطر : 0097444674481

288
والله ياصديقي كلشي ماحصلت منهم الله وكيلك الف ايميل دزيتلهم وخابرتهم وحجيت وية ال hr  وماكو فايدة

صفحات: [1]