عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - غيث المهندس

صفحات: [1]
1
اختفت عندي ايضاً والي عندي كله فارغ وكما يلي
رقم الملف:

عدد الاشخاص المشمولين بالملف:

رقم الهاتف:

البريد الالكتروني:

الكفيل:

موعد المغادرة:

معلومات طبية
رسائل مراحل الملف:
الضاهر شكل الموقع راح يتغير ويكون هاي تفاصيله

2
عزيزي هاي يسموها دفرل لتر يعني رسالة تاجيل اتخاذ القرار يعني ملفك تعلق اني بالنسبة اليه اجاني دفرل لتر شهر الخامس 2016 وبنفس اليوم تفعل عندي خانه التجيك الامني بالموقع ولحد الان لا يوجد اي تغيير

3
والله يا اخي محد سافر اذا ما اكتمل عنده التجيك الامني
اشكرك اخوية مساعي
ولو ما اتصور احد من الاخوة ممكن يفيدنه لان ممعروف طبيعه الاجراءات بعد تولي ترامب الرئاسة بس اذا احد يعرف شي عن مده التجيك الامني يا ريت ينورنه

4
عزيزي اني صارلي سنة وشهر بالتجيك الامني بعد رساله الدفرل ولحد لان لا يوجد اي تغيير

5
اخوية العزيز
اذا كان عندك كفيل تملي معلوماته العنوان ورقم التلفون الى اخره اما اذذا مكان عندك كفيل من تروح تكلهم ما عندي كفيل وماكو داعي تملي الورقة

7
رحم الله والديك اخوية انشالله بقية الاخبار كلهه مفرحة

8
ترامب يستثني العراق من قانون الحظر القادم للفيزا والهرة حسب وكالة الاسوشيتس بريس
انشالله الخبر يطلع صحيح والسفر القريب للكل

9
نفس الحالة صار تقريباً سنة بالتجيك الامني بس الفرق اني مفاحص

10
اخويه غيث
بصراحه هم مشكلتهم الاساسيه كانت ولا زالت الغير شرعيين ..
اني عفوا سمعت ان التدقيق الامني بالمطارات عدهم اصبح اكثر دقه من قبل بالنسبه للشرعيين اللي مثلنا
وعن قريب يصدرون شي نتمنى يكون بصالحنه ومشدد لغير الشرعيين

طمني ما صار تطور بالفحص عندك .. ترى اني هم اخوك مثلك عالمغذي اكثر من 3 اشهر و ماكو اتصال منهم

خلي نشوف احد سمع او حركه عند الاي او ام جديد لو كله مغذي
كل التحية
والله يا اخ كلشي ماكو تعليق بشر الخامس واني اصلا مفاحص

11
اخوية Ali-Shack لا خبر لا جفية لا حامض حلو لا شربت
اتصور انوا الاجراءات فعلياً تقريبا توقفت حتى وان لم يتم الاعلان عن ذلك لغاية ان يتم تشديد الاجراءات الخاصة بالتدقيق الامني اتصور وان مشت الاجراءات مستقبلا فا الكل سوف يصل الى مرحلة التجيك الامني و ( ينام ) لمدة قد تكون سنين اذا لم يتم الرفض مباشرةً . 

12
الله يسمع منكم اخوان انشالله خير احنه انتضرنه سنين ومستعدين ننتضر بس المهم يصير خير بالاخير

13
لسومرية نيوز/ بغداد
يخشى عراقيون عملوا مع الولايات المتحدة في العراق خلال تواجد قواتها هناك، أن تكون فرصهم في إيجاد ملجأ بامريكا قد تلاشت في ظل أمر تنفيذي جديد وقعه الرئيس الأمريكي دونالد ترامب بشأن منع لاجئين من بلدان بينها العراق من دخول الولايات المُتحدة مؤقتاً.

ومن المتوقع أن يؤثر الأمر على برنامجين وضعهما النواب الأمريكيون بعد سنوات قليلة من الغزو الأمريكي للعراق في 2003 لمساعدة عشرات الآلاف من العراقيين الذين خاطروا بأرواحهم لمساعدة الأمريكيين.
قائد أمريكي: قواتنا تقوم بعملية اندماج مكثف مع القوات العراقية لاستعادة الموصل
بدر تدعو إلى تكثيف المفاوضات مع الدول المعنية للإسراع في تسليح الجيش


وبحسب "رويترز"، فإن آمل العراقيين الذين يرغبون في اللجوء إلى الولايات المتحدة في إطار برنامج تأشيرات الهجرة الخاصة لهم قد تبدد، سيما وأنه توقف عن قبول طلبات جديدة في 2014 أو برنامج الدخول المباشر للعراقيين المنتسبين للولايات المتحدة.

وتشير أرقام وزارة الخارجية الأمريكية إلى أن قُرابة سبعة آلاف عراقي عمل كثير منهم كمترجمين للجيش الأمريكي أعيد توطينهم في الولايات المتحدة بموجب برنامج تأشيرات الهجرة الخاصة منذ عام 2008، بينما لا تزال عملية فحص نحو 500 آخرين جارية.

ويقول مشروع المساعدة الدولية للاجئين وفقاً لـ"رويترز"، إن "58 ألف عراقي آخرين ينتظرون إجراء المقابلات بموجب برنامج الدخول المباشر، وقد وصل عشرات الآلاف بالفعل بموجب البرنامج الثاني لكن الأرقام الإجمالية غير مُتاحة".

وقال ألين فوت وهو كابتن سابق بالجيش الأمريكي ذهب إلى الفلوجة في غرب العراق عام 2003 في مقابلة عبر الهاتف "كثير من المترجمين حاولوا الفرار سريعاً من هناك لأنهم عملوا مع القوات الأمريكية، وينظر إليهم كمتعاونين (مع المحتل)".

وعبر فوت عن قلقه من أن "يعرض الأمر التنفيذي القوات الأمريكية للخطر لأنه سيصعب من الحصول على دعم محلي في مناطق الحروب وهو اعتقاد رددته جماعات تعمل لصالح موظفين عراقيين يعملون لدى الولايات المتحدة".

وأثناء وجوده في العراق قام فوت بتشغيل خمسة مترجمين عراقيين كانوا يحصلون في بادئ الأمر على خمسة دولارات أسبوعيا ويسافرون مع القوات دون أسلحة أو دروع في بعض الأحيان، وساعد فوت اثنين من المترجمين على القدوم إلى الولايات المتحدة كلاجئين مع أسرهما وفي البداية استضافهم بمنزله في دالاس بولاية تكساس"، مبيناً أن "اثنين آخرين أعدما على أيدي جماعات مُسلحة، فيما لا يزال الخامس غارقاً في عملية فحص اللاجئين التي يمكن أن تستغرق شهورا أو سنوات حتى بعد المقابلة الأولية، وكان فوت يتوقع أن يستقبله في منزله أيضاً هذا العام قبل أن يرى مسودة أمر ترامب التنفيذي".

عراقيون تقطعت بهم السبل

في بغداد تذكر عراقي ينتظر الحصول على تأشيرة جنوداً أمريكيين وهم يهزأون من مخاوفه ويقولون إن الولايات المتحدة ما هي إلا ديمقراطية كبيرة جداً من الصعب أن تتغير بقرار شخص واحد مثل "ترامب"، لكنه يتساءل الآن هل كان الجنود على صواب.

ولا يزال آخرون في العراق يتشبثون بأمل الخروج من البلاد في نهاية المطاف.

وتذكّر عراقي، عمل مع متعاقد دفاعي أمريكي وبعد ذلك مع القوات الأمريكية كضابط متوسط الرتبة في الجيش العراقي- كيف كانت سعادته عندما تلقى مكالمة هاتفية قبل بضعة أسابيع تبلغه بتحديد موعد له ولأسرته في القنصلية الأمريكية بعد الانتظار عامين والتقدم بأربعة طلبات.

وعبر عن أمله في إجراء المقابلة في منتصف شباط المقبل، معتقداً أن المسؤولين الأمريكيين سيهتمون بأمر التهديدات التي تلقتها أسرته، في وقت لم يكن على علم بأن وزارة الأمن الداخلي الأمريكية أوقفت مؤقتاً الأربعاء الماضي (25 كانون الثاني 2017) رحلات الموظفين الذين يقومون بعمل مقابلات المتقدمين.

14
اكثر من سوه بلبله بالدول الي راحوا الهه هم السورين المفروض يتعاملون بمهنية ويه ملفاتنه مو يروح الاخضر بسعر اليابس ما النه غير الله

15
يجوز ترامب طلع يتشاقة ويانه هههههه
عزيزي طبعاً تمشي الاجراءات طبيعي بس كلي راح تسافر بالاخير او كم سنة راح تاخذ يله تسافر

16
اعتقد ان الكل لازم يرجعون يمارسون حياتهم بدون انتظار للسفر من البداية مبينه ترامب لا يرغب بالمهاجرين القاديمن من دول الحرب على الارهاب

17
وين الاخوان الي كانوا متفائلين بعد قرارات اليوم

18
من الصبح ميفتح اتخيلت الخلل عندي بالنت

19
والله اخ علي تعبنة وايسنه من الانتظار والمنظمة كانما شغلهه ويانة ثانوي من يصير عدهم مجال اني كنت يوميه اججيك الموقع وهسة مليت وعايفهه يم رب العالمين

20
الاخ طلوب 1979 الرقم موجود بالايميل الي يجاوبون بي و هو 0096265625077 طباع انشلع كلبي لو ميحصل لو يحصل للكول سنتر ويفصل الى ان خلص رصيدي ما اعرف الاخوان شلون يحصلون .... تحياتي

21
يا اخوان ترة الولد مكال شي ولو مفتهمين الموضوع زين قبل متجاوبون كان احسن الولد ضرب مثل على انوا الشخص استغرب من لابس قمصله مع العلم انوا البنات الي وياها ايضا لابسات حجاب و ملابس ثخينة يعني مثل ما انوا غير المسلم يتفهم سبب لبس السيدات للحجاب يجب على الشخص هذا ان يتفهم انوا هو لابس قمصله لسبب (هههههه بس يمنه بالعراق يجوز يطلع انتحاري ) هو متطرق للاسلام كدين هو كال الجغرافية الاسلامية واني اتفق وياه بهذا الشي لان احنة للاسف مسلمين لكن ممطبقين اخلاق الاسلام ونتصرف تصرفات عائدة علينة من التقاليد العشائرية وغيرها ... اخوان بدون تعصب مو لان الاخ الي انتقد الحالة مسيحي راح انحولهه مسلم ومسيحي راح نضل بهاي العقلية مسلم مسيحي سني شيعي عربي كردي احنة انشالله اذا الله سهل و رحنة الى امريكا واتصور كل الموجودين هنا هاي امنيتهم لازم يتعلم يتقبل الاخر لان احنة رايحين لمجتمع متعدد الديانات والاعراق والمذاهب واسف اذا احد اتحسس من كلامي

22
صرتو مثل السنافر
غيث المهندس سنفور متشائم
وستيفن سنفور غضبان
مع اعتذاري للتشبيه
حقيقة جاي ألاحظ ستيفن حاقد على كل العراقيين واريد ادليه بولد الملحة شجاي يصفطون من بطولات وياخذون بثار كل مسيحي وكردي وشني وشبكي ويزيدي وتركماني ويحررون مناطهم من دنس داعش تعرف عدد الشهداء باليوم الواحد من الجنوب والوسط 
غيث المهندس يا اخي خفف شويه بكل موضوع تشارك بنفس الرأي رفض رفض رفض يااخي اذكر الشيطان يطلعلك وين تفائلو بالخير تجدونه
ههههههه حلو التشبيه عاشت ايدك ... شنسوي يا اخي نخاف نتفائل والصدمة تكون اكبر ... ننتضر والله كريم انشالله يطلع كلامكم صحيح

23
السلام عليكم اسمحولي ان اعلق
العراقيين صايرين خبراء يحللون بشخصة ترامب وهمة 3 دولارات ينتخبون عالية نصيف
تحياتي
اذا انت تبيع ذمتك ب 3 دولارات فمو كل الناس مثلك واذا انت مستوى ثقافتك ميسمحلك تحلل الموقف فياريت تسكت احسن من هذا حجيك

24
اخي ارجع واكلك انت ممجبور تروح لامريكا اذا معاجبتك واذا انت مهدد بالعراق روح لاربيل روح لدولة عربية مع الاسف الي كايلك هذا الحجي حالة حال اغلب العراقيين يطردون عيون اني اخوية يشتغل شغل بسيط بامريكا حته بيت اشترة بالاقساط ليش تدفع 13 ورقة اذا تكدر تشتري بيت  ( رحمة لاهلك اني هنا بالعراق كم سنة ينرادلي حته اشتري كاع مو بيت ) اكو ولايات رخيصة واكو ولايات غالية والولايات الغالية يكون بيهه الاجور عالية اني صديقي بكلفورنيا صح الايجار كلش غالي بس بنفس الوقت الراتب عندة قوي بحيث يكلي شنو اقساط اني ادفع كاش ( ما شاء الله ) هناك يريدون منك شغل تشتغل تعيش تريد تكضيهه تسخت متعيش وتعرف ليش العراقيين يطلبون من اهلهم بالعراق حته يبينون لاهلهم همة ميتين من الجوع حته لحد بالمستقبل يكلة دزلي فلوس

26
اخ علي كلامك صحيح بس لا يمكن ان ننسى انوا هذي هي الولاية الاولى لترامب ونعرف ان السبب الرئيس الي خلة الامريكان ينتخبوا هي هذه تصريحاته من غير الممكن لترامب التراجع عن الوعود الانتخابية لان هذا معناه انوا بعد ميفكر ينافس على فترة رئاسية ثانية فاتصور راح يلتزم بوعودة مع امكانية التغيير قليلا وليس التراجع

27
عاش ترامب
وعاشت امريكا
بالنسبه لموضوعك اصلا مااله اي علاقه
وماعرف ليش منزله انته
ترامب الرجال رئيس دوله
وراح يستلم مهامه كرئيس في الهر الثاني من السنه الجديدة
انتم شجاين تحجون
لاتجذب محد يرفضك وادخل بعين اكبر واحد يكولي انرفضت بلا سبب الله وكيلك اللي انرفض جذاب ضام شي لو مسوي شي
عزيزي حسن اخلاقك

28
تحياتي
مع كل احترامي لكل الاراء صدقوني الحلم الامريكي ليس حلما وهم نفسهم يصفوننا باننا نطارد الحلم الامريكي الشعب الامريكي وحتى المهاجرين يواصلون الليل بالنهار من اجل سد متطلبات الحياة اليوميه ةهذا ليس قولي بل قول الرئيس اوباما المعروف عنه بدفاعه عن الفقراء الحياة ليست ورديه هناك والذي لديه عمل وسكن وغير مهدد فالبقاء هنا افضل بكثير المشكله هي انهم لايدمجون اللاجئين بالمجتمع الامريكي عن طريق العمل فخم لايعترفون يشهاداتنا حتى وان عادلناهافهي تمهد لك للدخول لسوق العمل الذي يعتبر من اعقد الامور اما الخدمات صحيح متوفره ولكنها غاليه الثمن المشكله الرئيسيه هي العمل وهم لايساعدون اللاجئين غلى الحصول على فرص عمل ويتركوك انت وربك ياموسى برامج الهجره معده لحفظ الحياة والامن وباختصار اللي عنده سكن ووظيفه بالعراق افضل بكثير اضافه الى الغربه والوحشه التي ترافق البطاله ولا تعولو على المساعدات فهي بسيطه جدا وتبقيك على قيد الحياة فقط المشكله الثانيه هي الايجارات فهي غاليه واللذي لايعمل لايستطيع دفع الايجار اللهم الا الذي ياتيه مصدر مالي من داخل العراق فلا تستهويكم ثقافة الصورهصحيح هناك عمران وخدمات ولكنها منضلع المواطن اي من الضلرائب باختصار اللي غير مهدد وعنده وظيفه وسكن هنا هوايه افضل علما ان نسبه كبيره لعلمكم من الامريكيين يعملون over seas بسبب قلة الفرص لذوي الاختصاص اي اصحاب الشهادات شكرا لكم واتمنى ان تتقبلو صراحتي
ارجوك اخوية اذا انت هيج لعبانة نفسك من امريكا شوفلك غير دولة ليش تريد تهاجر الهه ليش انت مامن بالعراق تمشي بالشارع بغض النظر اذا اكو تهديد شخصي عليك او لا مامن تروح لسوك مامن تروح لمكان ترفيهي للاطفال شنو فائدة اذا عندك شهادة عالية وعندك وظيفة زين وعندك بيت وسيارة وغيرة وغيرة وتالي يجي واحد فلسين ميسوة ويروحك بمفخخة وكلنة نعرف كلش زين الواحد لازم يشتغل ليل ونهار حته يعيش بامركا بس على الاقل امن على اطفالة وعائلتة هاي الاراء السلبية خلوهه رجاءاً

29
الاخت المحترمه ام فراس  الاخ  Ali-Shack شكرا لاطرائكم الجميل ..
الواجب الاخلاقي والانساني يحتم عليَّ ان ابين الحقيقه .. ان السيد ترامب هو اختيار الامريكان وعلينا ان نحترم هذا الاختيار . الرجل يهاجم الاسلام الظلامي  الوهابي وكل قوى التطرف واحيانا يشدد في هذا الجانب لدوافع انتخابيه .. اسمعوه في الايام القادمه فستجدون خطابه مختلف تماما .وامريكا ما خايفه من احد بموضوع الهجره اذا ما ارادت تقنينها !وانا وضعت صوره تفسر كل الواقع .. واعيد واكرر لن ولن ولن تتغير سياسة امريكا اتجاه اللاجئين وليس المهاجرين !!.. مع الاسف بعض الاشخاص يحاول ان يجلد العراقيين اكثر ما هم فيه  من ظيم وظلم !!... وتذكروا كلامي هذا جيدا ولا تحملوا اي هم .... حامد العيساوي .

شكرا اخي مقصرت وانشالله تمشي امورنة وامور الكل والسفر للجميع

30
اخوية غيث بكل الاحوال احنة مراح نتأثر بالاجراءات الي ممكن يتخذهة ترامب,
لان البرنامج فاتحي النة كرد جميل على عملنا معاهم
الله يسمع منك اخوية انطيتني شوية امل

31
 اخواني  ترامب كان واضح جدا بالنسبة للهجرة القانونية وغير القانونية وذكر بالتحديد انه سوف يمنع دخول المسلمين الى امريكا ولا ننسى ان الحزب الجمهوري سيطر على مجلس النواب والشيوخ وكما نعلم امريكا دولة قانون ممكن بسهولة تشريع قوانين للحد من هجرة المسلمين او في احسن الاحوال فان التجيك الامني ممكن يطول سنين وكما ذذكر الاخ Zeus Greek فان العديد من الامركان من انتخب ترامب مامن ان الاسلام خطر على امريكا وهذا يجعل ترامب يثبت على موقفة تجاه معاداة المسلمين ومنع دخولهم الى امريكا

32
اسمحولي اخالفكم الراي اخواني ... ترامب كان واضح جدا بالنسبة للهجرة القانونية وغير القانونية وذكر بالتحديد انه سوف يمنع دخول المسلمين الى امريكا ولا ننسى ان الحزب الججمهوري سيطر على مجلس النواب والشيوخ وكما نعلم امريكا دولة قانوني ممكن بسهولة تشريع قوانين للحد من هجرة المسلمين او في احسن الاحوال فان التجيك الامني ممكن يطول سنين

33
اتصور انو الرفض راح يجي بالجملة بعد ما فاز ترامب بالرئاسة ... الحمدلله والشكر على كل حال

34
الاخ علي اني جداً اشكرك وراح احاول اتصل بيهم على امل احصل شي
الاخ iraq9 كلامك صحيح المنظمة وخصوصاً بالاونة الاخيرة متيهه اتذكر احد الاخوة نسوا يبلغوا بموعد السفر وراح عليه بس شنسوي بلكي نسمع كلمة تساعدك على الانتظار احنة صرنه نقسم الانتظار فترات شهرين بعد المقابلة 5 اشهر بعد الدفرل 3 اشهر بعد الفحص وهيج هههههه حته لنحس المدة طولت نقشمر على نفسنه

35
اخي العزيز لمن نزلت الموضوع راساً عرفت عندك غاية من وراء السؤال وتوقعت انوا المشكلة صايرة وياك مو ويه صديقك ... كلامك منطقي 100% اخوية يسكن حالياً بالولايات المتحدة بعد سنة قطع علاقتة مع كل العراقيين بسبب المشاكل الي تحصل معهم للاسف اغلب العراقيين ميكدر يتخلص من الاشياء السلبية الي يحمله معه من المجتمع العراقي اكيد مو قصدي على المثقف والمتربي والذي يكدر يندمج مع المجتمع الجديد وثقافته ... هههه يمعود جماعتنة لو بيدهم حته فصول يسون بامريكا

36
رحم الله والديك اخوية ... شكد رقمهم و يا وقت افضل شي واحد يتصل بيهم

37
عزيزي اني مسوي هاي الشغلة على الرغم من انوا كنت اعمل مع القوات الامريكية لكن مكدرت احصل على تاكيد العمل لذلك رسلتلهم ايميل كلتلهم عندي اخ يسكن الولايات المتحدة وهذا كان الكيس نمبر الخاص بي بالاضافة الى المستمسكات والمعلومات الخاصة بعالئتي وبعد فترة تم القبول وتم اعطائي كيس نمبر مستقل وبديت الاجراءات .

38
شكرا الكم اخ فاضل و اخ حسين مقصرتوا
اني ميال لرايك اخ علي صحيح الي كلته .. سؤالي انتوا بالفترة بين الدفرل وبين الفحص شنوا جان جوابهم الكم من تسالون على الفحص والسؤال الثاني شنو العبارات الي ممكن اضيفهه للايميل وشكرا

40
الاخو الاعزاء
اني محصل دفرل لتر شهر 5 وبنفس اليوم تفعل عندي التجيك الامني بدون فحص طبي ولحد الان لا يوجد تغيير راسلتهم قبل فترة استفسر عن عدم اجراء فحص طبي لحد الان وكان جوابهم كما في الصورة .... سؤالي عل هذا الجواب ستندر معناه ان الكل يخضع للفحص الطبي او انوا ممكن اكو فحص قريب ...

41
عاشت ايدك موضوع مهم و مفيد للكثير

42
الحمدلله على السلامة انشالله سفرك السريع والاستقرار

43
نفس الحالة تم حذف جميع الخانات المعلومات غير متوفرة علماً الخربطة الوحيدة الي كانت عندي بالموقع المقابلة الاولى كانت معلومات غير متوفرة

44
اخ غيث هاي المعلومات بالضبط نفس اللي قبل كانت عندي بعد المحلف ..
واستمرت 5 اشهر على هالحطه مثل ما نكول
بعدين اتفعل الفحص الطبي وبدأ الملف يتحرك و يتأخر !!.. ثم وصل لموعد سفر ..
وبعدين اتراجع .. اعاده تجييك امني والحمد لله
الله يسهل امرك انشالله والسفر القريب يا رب

46
قصدك .. على نفس الخربطه ؟ عندي بعده نفس الخربطه مثل ما كالوا الاخوة سابقا
لا والله اخ علي نفس المعلومات القديمة قبل متصير الخربطة مصار عندي تغيير

47
عودة الموقع الى العمل ولا يوجد تغيير على المعلومات

48
الهجرة و واللاجئين / رد: فحص طبي
« في: 14:16 22/10/2016  »
انشالله الاخوة الي فاحصين يجاوبوك ليضل بالك انشالله يتصلون بيك ... حضرتك مقابل محلف لو لا واذا مقابل شنو النتيجة

49
عزيزي اكو ناس تطول سنين يله تقابل وحسب قناعة المنظمة ونوع التهديد على الحياة بالنسبة اليه تقديم شهر 4 2014 كيس نمبر شهر 6 2014 و مقابلت اله شهر 1 2016 يعني بعد مرور سنتين علماً اني عندي تهديد قوي على الحياة ... سجل بموقع المنظمة وتابع قضيتهم لمن يدخل الملف جدوله مقابلة راح يبين عندك

50
مشكور اخ علي ما قصرت وانشالله راح اخذ بنصيحتك

51
الاخوة اصحبا الخبرة وينهم محد انطاني رأيه

53
شكرا للردود اخواني الاعزاء المحقق العدلي و Ali-Shack
اخوان انا اعمل موظف في دائرة امنية كنت قد تعرضت سابقاً لتهديد عن طريق ورقة مكتوبة بسبب عملي مع us فقمت بتغيير سكني وبعدها عن طريق الهاتف وقمت بتغيير الهاتف وبعدها بفترة ولدى خروجي من مكان كنت منسب للعمل فيه تعرضت لمحاولة قتل بعيد الشر عنكم والحمدلله فشلت وعدت الى مكان عملي الرئيسي ... المشكلة اني المحلفة عند انتهاء الاسئلة الروتينية سالت باستغراب (لم افهم طريقة سؤالها هل هو تشكيك ام تعاطف ) ارى انك تعرضت لكثير من المخاطر .. مع العلم ان المقابلة كانت سلسلة وروتينة اكتفت المحلفة بطرح اسالة بسيطة وطلب مني سرد القصة .... اما بالنسبة للتهديد الجديد فجاء من قبل شخص يعمل معي وبعد انتقادي للفصيل السياسي الذي ينتمي اليه ولم اكن اعرف انه موجود لعلمي بتشددهم قام بتهديدي واخربني انه يعلم اني كنت اعمل مع القوات الامريكية مع اضافت انتقاداتي فمن السهل اني ارسل لك جماعة على حد قوله لتصفيتك ولكوني اعمل في دائرة امنية قمت بالشكوى الى رؤسائي ولاكن لسبب او لاخر طلبوا مني تجاهل الموضوع وانهم سوف يتكلمون معه وقمت بتقديم طلب نقل وتتم دراسته الان ... هاي كل التفاصيل شنو رايكم

54
اخواني الاعزاء بعد السلام اود الاستشارة منكم انا تقديم شهر 4 2014 وقابلت المقابلة الاولى شهر 1 2016 و مقابلة المحلفين شهر 2 2016 اجاني دفرل لتر شهر 5 2016 علماً اني مفاحص فحص طبي ونفس اليوم اتفعل عندي التجيك الامني بالموقع ولحد الان لا يوجد تغير . قبل كم يوم اتعرضت لتهديد مباشر من قبل شخص معي في العمل لسبب ما .. سؤالي هل اخبر المنظمة بهذا التهديد هل يؤثر سلباً ام ايجاباً على سير الملف

55
عزيزي غيث .. ومن رخصه الاخ احمد
دزلهم ايميلات كل اسبوع 1 او 2 ..وطالبهم باجراء الفحص الطبي حتى يكتمل ملفك .. ترى ذوله ينسون ومشغولين
كول الهم ..تتحملون مسؤليه تاخير سير الملف ...وبالاسفل ..اسمك \ رقم الكيس \ ارقام اتصال بك ..الخ
عالاقل تعرف امورك ..وربي يسهل عليك بالخير
شكرا اخ علي على اهتمامك والله دا ادزهلم كل فترة بس تعرف ياخذون تقريبا 20 يوم يله يجاوبون ودائما جوابهم على اي ايميل مهما تكون صيغته (لقد تم وضع ملفكم قيد المراجعة من قبل دائرة خدمات الهجرة والمواطنة الأمريكيه قطاع شؤون اللاجئين (USCIS) راح ادز اليوم على الصيغة الي حضرتك كلت عليهه والله كريم

56
عزيزي اني هم دفرل من شهر الخامس مقابل بالثاني بس الفرق اني مفاحص لحد الان ننتضر والله كريم

57
عزيزي اني مقابل محلفين شهر الثاني استلمت قرار المحلف (دفرل) شهر الخامس ولحد الان ماكو شي

58
الف مبروك حبيبي الغالي ياريت اعرف انت بأي ولاية وشنو عمل المنظمة بالضبط بعد وصولك لأمريكا وسؤال أخير حسب معرفتك الفحص الطبي بعد الدفرال لتر يعني وراه سفر مؤكد
اخي العزيز fadhil1974 عودتنا ال iom على عدم وجود شئ مؤكد او سياق عمل ثابت .... عدد من الاخوان الذين قاموا بالفحص الطبي بعد الدفرل قد سافرا وعدد منهم ينتظر انا شخصياً دفرل بدون فحص لحد الان وكنت امني نفسي باتصال يخبرني بموعد للفحص على اساس ان هذا الاجراء يعني الخروج من التعليق وسير الملف باتجاه السفر ولكن صدمتنا الكبرى بالرفض الذي تلقاه الاخ العزيز ابو ميس عادت وخلطت الاوراق من جديد اكرر لا شيء مضمون مع الiom

59
لا حول ولا قوة الا بالله
والله العظيم يا اخي انصدمت كانما اني اجاني رفض

60
الف الف مبروك اخوية العزيز وانشالله تتوفق بالحياة الجديدة

61
اخي العزيز Rokka
يعني شنو قبول مع تجييك امني النتيجة استلمتهه بايميل يعني موافقة لو دفرل لتر ؟؟؟

62
الله يسهلك اخ مساعي وانشالله سفرك قريب باذن الله انت وكل واحد محتاد السفر

63
والله يا اخي انشالله تتنفذ وتستفاد منها
بشر اخ مساعي وين صار ملفك سافرت بعدك

64
الاخوة الاعزاء iraq9 و predator
احب اكلكم انوا انتوا غلطانين الكل استلموا قرار المحلف حته الي سافروا قسم استلم موافقة وقسم استلم دفرل لتر لاكن بحالة الدفرل لتر الي هي معناها تاجيل اتخاذ القرار ممكن بهاي الحالة الشخص يسافر وهو بعدة ممستلم قرار المحلف تكملة سير خطوات الملف هي بمثابة قرار المحلف لاكن كل شخص قابل المحلف لازم يستلم قرار اما بالنسبة للي فاحص و الكفيل موقع اوراقة ممكن ينرفض عادي وصارت هواية ممكن ترجعون لمواضيع قديمة اكو حته بعض الاخوان كان عدهم موعد سفر واتاجل الموعد قبل يوم من السفر وبعدهه جاهم رفض 

66
الله يساعدك اخوية حقك والله ندعيلك انشالله بالخير منكول غير الله يهديهم عليك وانشالله رب العالمين اعلم بكل واحد محتاج يطلع من هاي الخرابة وانشالله ميضيع صبرك

67
ليش ابو علاوي اتعاركت وياهم شعجب شنو استفزوك لو امشيهه على مبدا ان كانلك عند الكلب حاجة

68
حضرتك عدت الفحص الطبي لان اتصور صار انتهه

69
مبروك اخ صليل السيوف وانشالله يوم السفر

70
اخي اني اتاجلت شهر الخامس بس متكدر تجزم انك مؤجل بسبب التجيك الامني او انك تنتظر طيران

71
اخي العزيز حسب معلوماتي وحسب الي مر علينة من الكيسات الي شفناها بالموقع اذا من تستلم الدفرل من ال iom وتتغير عندك خانه المحلف الى ان ملفك قيد المراجعة من قبل مكتب المواطنة الامريكية وخدمات الهجرة للتوصل الى قرار نهائي وبنفس الوكت يتفعل عندك التجيك الامني هذا معناه موافقة مشروطة بالامنية اما اذا استلمت الدفرل بدون تغيير بخانة التجيك الامني هذا معناها المحلف اجل القضية الى ان يتخذ قرار وهي بالحالتين اخي تعليق الى ان تكمل الامنية او الى ان يتخذ قرار

72
اخي هاي معناه راح يجيك دفرل لتر مسالة وقت وال iom يدزولك رسالة التعليق ومنكول غير انشالله خير

73
والله يا اخي العزيز ابو ميس ندعوا لكم وندعوا لانفسنا الله يفرجهه عليكم وعلينا
الحقيقة نحن نفرح اذا سافر احد الاخوة او الاخوات ونحزن اذا حصل على رفض
نصبر وان طال الصبر المهم تكون النتيجة ايجابية في النهاية

74
الهجرة و واللاجئين / رد: 206xxx
« في: 15:35 05/09/2016  »
اخي العزيز مالهه علاقة برقم الكيس اكو اشياء لازم تتوفر عندك حته تدخل جدول المقابلات مثل تاكيد العمل او ان يكون وضعك الامني حرج كثير من الاخوة ممن يحملون كيس نمبر اكثر من 200000 قابلوا وحته سافروا

75
السلام عليكم
الاخوة المعلقين مصار عدكم تطور هواية من الاخوة المعلقين مختفين
اني بالنسبة اليه معلق من يوم 17 \ 5 وبدون فحص طبيولحد الان لا يوجد اي تطور

76
انشالله الله يسهل امرك ويحسن وضع ابنك وتسافر عن قريب يارب
ممكن سؤال حضرتك شوكت حصلت قرار المحلف وشنو جان القرار

77
الله يساعدك اخوية
من اجاك الدفرل متفعل عندك التجيك الامني

78
اخي العزيز اذا عند استلامك رسالة التعليق (الدفرل لتر) تم تفعيل التجيك الامني معناها انو هذه موافقه مشروطة بالامنية وعادة تاخذ من 5 الى 6 اشهر اما في حالة انو عند استلامك الدفرل لتر ولم تتفعل عندك التجيك الامني معناها تاجيل اتخاذ القرار والمدة غير معلومة

79
مساء الخير اختي
انشالله خير همه عادة يتصلون قبل تحديد المقابلة من اجل ملء فورمة المقابلة واخذ خطوط عريضة عن القصة التي تملكونها واخذ بعض المعلومات المهة وبعدها تدخلون جدول مقابلات انشاء الله

80
اخي هذا الجواب يتم ارساله للي محصلين دفرل لتر انت شنو جان جواب المحلف الك على مقابلة المحلفين ؟؟؟

81
خبر مثل سفر ام الجود يبعث فينا الامل وخبر مثل رفض ابو شيلان يجعل الشك يتسلل الينا ونحن بين مد وجز ولا يوجد لدينا غير الصبر

82
وياك اني اخوية شهر الخامس استلمت دفرل واتصور المدة هي بين 5 ال 6 اشهر يخلص التجيك الامني وممكن يطول اكثر

83
والله يا اخي اكو ناس دتسافر واكو ناس تصير عدهم تطورات لاكن مع الاسف الاخوان قليل منهم يتفاعل الاغلبية ميذكر الموقع الا من عندة مشكلة او استفسار يا اخي حته اكو بعض الناس ميبقي ملف ميسال عنه ومن تساله تكله انت وين واصل ملفك يغلس ميجاوب اما بالنسبة لملفي دفرل شهر الخامس وحاليا داخل فترة السبات الي بعد الدفرل الي تتراوح بين 5 ال 6 اشهر ننتظر والله كريم

84
اخي العزيز اني احد الان مواصل مرحلة الفحص الطبي بعد التعليق صار 3 اشهر انشالله بتسهيل من رب العالمين اوصل مرحلة الفحص الاشهر القادمة والي اتصور هي تكون من 5 الى 6 اشهر بعد الدفرل وبالنسبة لتجيك الامني اتفعل بيوم الي استلمت بي الدفرل لحد الان بالمراجعة يعني ما عندي اي جديد بملفي من يوم الي استلمت بي الدفرل لحد الان
اتمنه من كل الاخوة الي معلقين يشاركون باستمرار حته اذا ما عدهم تغيير

85
الله يسمع منك يارب وان شاءالله سفركك قريب اذا بعدك ممسافر

بس اثناء انتظارك للقرار اتصلو بالكفيل او اتفعلت الامنية يمك لو مثلي كلشي ماكو كان؟

لا اخوية جانت سنطة كلشي ماكو الى ان اجاني القرار دفرل وراها اتفعل عندي التجيك الامني علما اني مفاحص لحد الان

86
انشالله خير اخوية احتمال هليومين يجيك القرار اني اجاني القرار 3 اشهر الا يوم

87
الله يسهلك وانشالله تمشي الامور بسرعة ... زين شنو فائدة الاستقاله اني مفكر اذا الله سهل انقطع عن الدوام

88
اشكر مرورك اخي غيث المهندس اني هم فكرت وكلت خلي من يجي قرار المحلف يالة استقيل بس هناك فقرة وهي الكثير من الاخوان الي سافروا حالة المحلف مالتهم مثل حلة ملفي وماتغير بس اني كلت من يكتمل التجييك الامني ويكتممل خانة الفحص ويتصلون بالكفيل يالة استقيل شسوي راح اخليهة على الله تعالى والله كريم .
الاخ العزيز ابو محمد
يحدث بعض المرات خلط في الامور ان كليشة سيتم الاتصال بك عند الحصول على القرار تختلف بحالتين بحالتك عزيزي تعني ان القرار لم يتخذ لحد الان وعند اتخاذ القرار يتحول اما الى مكتمل وهذا معناه الموافقة واما ان تتحول الى كليشة التعليق اما الحالة الثانية هي بعد الخروج من التعليق تتحول حالة المحلف من كليشة التعليق الى سيتم الاتصال بك عند اتخاذ وهذه الحالة معناها الموافقة وهي تشبه ملفك من حيث الشكل ولاكن تختلف في المضمون  وهذه الحالة هي التي يسافر اصحابها دون الحصول على قرار 

89
مقابلة محلف شهر الثاني واجاني تعليق يوم 17\5 ومفاحص فحص طبي ولحد الان لا يوجد شيء جديد

90
والله اخ علي ما عندي علم الحالاتالي مارة علينة بعد ميكون التجييك الامني مكتمل يختفي لاكن بالانتظار وتختفي مشايف هيج شي

91
للاسف كثير من الاخوة يشارك فقط من يصير عندة مشكلة لاكن لمن يكون ملفة ماشي بشكل طبيعي وسلس يغلس خوفا من الحسد يعني اتذكر على سبيل المثال وليس الحصر اكو واحد من الاخوان لمن صار عندة مشكله في موعد السفر نزل موضوع والكل اتفاعل وياه ودعاله ولاكن على غفله اختفه واكثر الضن يكون سافر ما اتذكر شخص سافر غير الاخ احمد المتنبي كان يشاركنة خطوات ملفة ..... يا اخوان من يسافر ويشاركنا بخطوات ملفه هو اولا راح يكسب اجر كبير كونه سوف يبعث الامل في نفوسنا طوال فترة الانتضار الصعب

92
السلام عليكم اخوية حيدر مختفي شو ماكو وين صار ملفك اكو شي جديد ولا ماكو

93
الاخ العزيز ابومحمد علي
اخي ما احب اقلل من معنوياتك لاكن انت ومن خلال متابعتي لتعليقاتك متفائل زيادة عن اللزم ملفك لحد الان لا يوجد شيء يوحي بالسفر القريب انت لحد الان لم تستلم جواب المحلف ممكن جواب المحلف يكون موافقة او ممكن يكون تعليق واني بالنسبة اليه بعد 3 اشهر من المقابله اجاني قرار المحلف تعليق وهاي راح يصير 3 اشهر بعد القرار والمدة ممكن تطول وطبعا اني هم حالي من حالك الاستقاله صعبة جدا وحته الاجازة الطويلة صعبة راي المتواضع لا تتسرع وتضيع منك المشيتين السفر غير مضمون لاكن الوظيفة بيدك اخاف تستقيل وتصير مثل ميكول المثل ( لا حضت برجيلهه ولا خذت سيد علي ) انشالله اذا الله راد واجتك موافقة المحلف بخير وسلامة ممكن تتصرف مثل متريد لاكن اخي لحد الان انت وضعك غير معلوم لانك ممستلم قرار محلف اكو هواية اخوان مقابلين وفاحصين واجاهم القرار تعليق حالهم من حالي وشكرا

94
اي الحمدلله والشكر اول واحد من افراد عائلتنة الكبيرة على عين كاوة سافر وانشالله البقية قصرت المدة ام طالت المهم تحقيق الحلم الف مبروك اخوية احمد المتنبي

95
اعتقد راح يدخلوك بجدول المقابلات اخي عدهم استمارات لازم يملوهه اني صار هيج وياية ورة فترة اتصلوا بيه على موعد مقابلة

96
بالنسبة الية اخوية دفرل شهر الخامس التجيك الامني متفعل و مفاحص ومنازلة عندي وكالة التوطين

97
امين انشالله ربي يسهل امرك وامر كل الاخوة وانشالله يبشروك بموعد السفر وتوصل بالسلامة

98
يعني المحلف انشالله من يتخذ قرار يدزولك ايميل بالقرار الي هو اما الموافقة او الدفرل لتر (التاجيل او التعليق ) واكو بعض الاخوان يكول هذي موالفقة مشروطه باكتمال التجيك الامني او الرفض لا سامح الله وانشالله خير مدام فحصت بعض الاخوان يكولون ان الفحص علامه على موافقة اولية والله كريم

99
هههههههه عمي انت ينراد تسوي كتاب تسمي كفاحي مع iom

100
الله يساعدك اخوية يله المهم انشالله مينسوك هلمرة ويبلغوك بالموعد بس كون كتلهه للموظفة انو الموقع عندك ميشتغل حته يخابروك وميعتمدون على الموقع

101
الاخوة الاعزاء لحد قبل فترة بسيطة مجنت اتخيل انوا اللود على المنظمة ممكن يسوي مشاكل خطيرة في متابعة ملفاتنا كان كل ضني انوا التقصير ممكن يصير بالتحديث على الموقع او التاخر في الجواب عند ارسال ايميل لاكن ممكن بعض منكم تابع حالة الاخ باكوديلوسيا وعدم تبليغة بموعد الحباية او السفر اتصور مشكلة خطيرة منعرف شنو التقصير الي ديصير ويانه من قبل المنظمة وشلون ممكن نتلافاه منكول غير الله يستر

102
الله يسهلك اخوية وانشالله يتصلون بيك وتسافر وتوصل بالسلامة زين انت منزل عندك بالموقع موعد السفر

103
افتهم من كلامك اخوية انو موعد السفر مالتك جان صحيح بس المنظمة نسوا يبلغوك بالموعد لو شنو

104
واسف نسيت اباركلك على الفحص وانشالله السفر القريب لحضرتك وللكل

105
اخي الفحص الطبي جزء من الاجراءات وجزء مهم ودليل على سير الملف بالاتجاه الصحيح لاكن بتصوري الجزء الاهم هو التجيك الامني

106
عاشت ايدك ابو ميس الورد لحد الان ماشين بالتسلسل ونشوف وين توصل

107
اخي ابو احمد ممكن تشرحلة شنو جان نص قرار المحلف

108
ماكو شي اخ احمد يوم استلام الدفرل 17 شهر 5 اتصور حسب مدا اشوف اقل شي شهر العاشر او الدعش يله تتحرك اذا الله سهل و مشت الامور طبعية

109
لا هذا تغيير روتيني معناه انكم انهيتوا المقابلة وبانتظار الحصول على النتيجة بعد مدة تتراوح بين الشهر الى 3 اشهر من المقابلة تحصل على جواب المحلف اما الموافقة او التاجيل او الرفض لا سامح الله

110
الف الف مبروك اخ احمد المتنبي واني احب بنفس الوقت اشكرك على نقلك حالة الملف باستمرار لان واحد من يشوف شخص واصل مراحل متقدمة والله يتمملك بالوصل لارض الاحلام على خير وسلامة ويشوف نفسه يمر بنفس الخطوات والظروف يصير عندة امل في وقت اكو بعض الاخوة من يصير ملفة ايجابي يسكت وكلشي منفتهم منه الا وهو واصل امريكا ( يخاف من الحسد ) واحنة وجبة الدفرل شهر الخامس متابعين حضراتكم الي اقدم من عدنه ( مهندس حسين , ابو ميس , الاخ علي شيخ , احمد علي , ام الجود ) نتمنه دائما ترفدونه بتطورات ملفاتكم لتجديد الامل وانشالله السفر للكل

111
الله يسهل امرك اخوية ابو محمد علي اني شفتك كاتب بديت تصفي غراضك عبالي جاك قرار محلف ايجابي ما اريد اخرب واهسك وانشالله امورك تمشي بسرعة بس ال iom مو سوة ومتعرف شنو اجراءاتهم ذكرتني بنفسي من على غفله حددولي موعد محلفين حته قبل ميحددولي موعد مقابلة اولى والاجراءات صارت بسرعة كلت يمكن مراح الحك اسوي شي واتخيلت ايام ويكولي تعال سافر وتاي ورة 3 اشهر من مقابلة المحلف اجاني دفرل وكاعد انتضر هاي صار شهرين تقريبا من القرار وماكو شي وما اتصور يصير اجراء قريب مثل مكتلك ما اريد اخرب واهسك انشالله تمشي بسرعة شغلتك هلى كولت واحد من الاخوان ال iom وية ناس مثل السلحفاة و وية ناس مثل هذا البيب بيب هههههه مثلا اني اخوية بال 2010 وصل امريكا وصديقة مقدم وياه قبل شهر وصل واتمنه الفر القريب للكل واسف على الاطالة

112
اخ ابو محمد علي اجاك جواب المحلف لو بعد الي اعرفة انت مقابل نهاية السادس

113
والله اخ مساعي هي هاي ال iom متنحزر ناس تكول الفحص اله علاقة وناس تكول هذا شي روتيني زين انت شونو جواب المحلف عندك دفرل لو شنو واذا جان دفرل شوكت اجاك وبالنسبة لموعد السفر من ينزل بالموقع تحديث على موعد السفر يتصلون بيك واتصور الي نزلت عندة وكالة اعادة التوطين سفرة قريب انشالله

114
ممكن نعرف تفاصيل ملفك اخ مساعي حته نعرف نجاوبك

115
اني هم رجع كلشي مثل قبل رجع اسم الكفيل ورجع التجيك الامني ورجع قرار المحلف

116
اخ حيدر المحلفين شوكت اكتمل عندك وهل معناها انت طلعت من التعليق

117
هذي حالة الملف اخ حسين

118
الجديد اختفاء اسم الكفيل و رجوع الامنية الى  معلومات غير متوفرة

119
نفس الحالة اخوان هم اختفى اسم الكفل ورجعت الامنية غير متوفر علماً اني معلق بشهر الخامس ومافاحص

120
الاخ العزيز
هل الامنية عندك من البداية المعلومات غير متوفرة او جانت يمر بمرحلة المراجعات الامنية

121
الاخ العزيز علي
اشكرك على الدعاء اليه والى باقي الاخوة
بالنسبة اليه وللاخوة الي حصلوا دفرل بشهر الخامس اتصور انوا طريقنة بعدة طويل لان مثل مدا اشوف انوا المنظمة دتعمل بشكل وجبات اكو الوجبة الي حصلت دفرل بشهر الواحد اجاهم الفحص سوية واجراءاتهم هم سوية اما احنة الي اجانة الدفرل شهر الخامس اتصور مو اقل من 6 اشهر يله تمشي الاجراءات حالنة حال جماعة شهر الواحد ننتضر والله كريم انشالله نسمع احمد من الاخوان الله سهل عليه واجاه موعد سفر حته يصير عدنة امل شوية

122
زين اني عندي تاريخ المقابلة هل معناه الي مكتوبلهم تاريخ المقابلة انوا المحلف متخذ القرار بنفس اليوم

123
اصبر والله كريم اني بعد سنة ونص يله اجتني مقابلة ومتحرك ملفي الا بعد تعرض حياتي لخطر شديد

124
السلام عليكم اخوان
احب اسال الي جته الدفرل لتر من فتح الرسالة المرفقة اكو بالاعلى التاريخ هل التاريخ عدكم هو نفس تاريخ المقابلة ام يختلف ام هل هو تاريخ قرار المحلف  ؟؟؟؟؟

125
نتشرف بيك اخوية ابو العبد وطبعا احنه نحتاج لخبرتك وخبرة باقي الاعضاء المحترمين امثالك

126
الاخ ابو محمد العزيز
اولا مبروك هسه انت دخلت على السكة الطويلة من الاجراءات وثانيا مثل مكالوا الاخوان المستمسكات والباجات اني بالنسبة اليه اخذوا مني نسخة اني مسويهه وحته هوية نقابة المهندسين اخذوهه واذا اكو عندك رسالة تهديد او اوراق تحقيق تخص القصة مالتك الى اخرة واني جان الولد موظف اي او ام الاردني كلش متعاون ويايه يسالني واجاوبة ويكتب من كمل قرة عليه الي كتبة بالعربي وقعت على اقوالي واخذوا صور للعائلة اهم شي اخوية اهم شي تحفظ الي كلته كلمة كلمة وانصحك من ترجع للبيت اكتب كل سؤال سالكياه وكل جواب جاوبته لان مقابلة المحلف راح يكون مطلع افادتك وماشر تحت بعض من اقوالك بالاحمر و مكون عليهه اسالة لا تتعمق بالجواب بهاي المقابلة وخصوصا مقابلة المحلف لان التعمق بالجواب يخلق للمحلف اسالة جديدة واخيرا احب اكلك انوا هذي المقابلة مقابلة روتينية لكن بنفس الوق هي الي تحدد مسار قضيتك اياك والغلط بالاحداث والتواريخ لان عند مقابلة المحلف بعد متكدر تغير الي كلته

127
جدا اشكرك اخ علي
معناها الحالتين معلق لحين اتخاذ القرار
انشالله الله يسهل للجميع والسفر القريب

128
الاخ العزيز علي
your case has been put on hold by U.S. Citizenship and Immigration Services (USCIS). Please understand that this hold does not mean that your case has been denied.
او Your case is pending review with USCIS for a final decision. You will be contacted by RSCMENA when a final decision has been made
هذي الصيغتين شنو رايك

129
السلام عليكم اخوان
حالة الملف   يتم معالجة ملفك عن طريق مركز دعم اعادة التوطين في الشرق الاوسط وشمال افريقيا.
الدخول الى البرنامج   المعلومات غير متوفرة في هذا الوقت
المقابلة الاولية   لقد أكملت المقابلة الاولية مع مركز دعم اعادة التوطين في الشرق الاوسط وشمال افريقيا.
مقابلة المحلفين   لقد تم الانتهاء من مقابلة المحلفين الخاصة بك. ان ملفك قيد المراجعة من قبل مكتب المواطنة الامريكية وخدمات الهجرة للتوصل الى قرار نهائي. سيتم الاتصال بك من قبل مركز دعم اعادة التوطين في الشرق الاوسط وشمال افريقيا عندما تم اتخاذ قرار نهائي.
التقييم الطبي   المعلومات  غير متوفرة في هذا الوقت
وكالة اعادة التوطين   المعلومات غير متوفرة في هذا الوقت
التشييك الامني   يمر ملفك بمرحلة المراجعات الامنية التابعة للحكومة الامريكية. ليس لدى مركز دعم اعادة التوطين في الشرقالاوسط   
            وشمال افريقيا أي دور في عملية المراجعات الامنية حيث انها تخضع لسلطة وكالات مختلفة من حكومة الولايات المتحدة.
السفر       المعلومات غير متوفرة في هذا الوقت
هذي حالة الملف مالتي سوؤالي ليش اكو مكتوب بدل قيد المراجعة (pending) كلمة تعليق (hold) يعني اكو فرق بين الاثنين

131
اتصور انوا اكتمال الامنية مو بالضرورة يكون شي ايجابي ممكن تكتمل لاكن نتيجة التجييك الامني تكون سلبيه وتكون سبب في الحصول على قرار الرفض

134
وعليكم السلام اخ ماجد اتصور تحديد الوكالة شي كلش ايجابي اتصور باقيلك فقط التجيك الامني قبل السفر انشالله الله يسهلك والسفر القريب

135
اي عرفتهه الاسيوية شفتهه وقت المقابلة الله كريم انشالله تفرج

136
الاخ العزيز ابو ميس اولا الف مبروك الفحص وانشالله يوم تحديد موعد السفر والسفر والوصول بالسلامة وثانيا احب اسال هل الي يكونون اقل من 15 سنة هم يتم سحب دم منهم

137
الله يسهلك اخوية حيدر احنة الضاهر ماشين سوية بس الفرق انت فاحص انته منو قابلك اني قابلتنة بنيية شابة شكرة توقيعهه على رسالة القرار LH

138
مبروك اخوية ابو شمس وانشالله السفر لجميع

140
مسا الخير والبركه ... جاوبتك اخي باحد مواضيعك
اشكرك اخ علي قريت ردك ممنون منك بس حبيت اتابع حالة ملفي بموضوعك وياريت كل المعلقين اتابع هنا

141
وعليكم السلام اخ ماجد اشكرك على الجواب

142
مساء الخير اخوان
مقابلة محلف شهر الثاني ولا يوجد فحص طبي اليوم انضميت الى القافلة واجاني الدفرل لتر

143
اخوتي واخواتي الاعزاء
البارحة الصبح اجاني دفرل لتر وبنفس الوقت اتفعل التجيك الامني بالموقع هل هذا الامر جيد ام هو شيء روتيني يحدث مع كل الي تجيهم هذي الرسالة

144
عزيزي حيدر اني هم بنفس الوقت اجتني رسالة تاجيل (دفرل لتر) بالضبط الساعة عشرة ونص البارحة اليوم تفعل التجيك الامني بالموقع ما اعرف هذا شي زين لو لا

145
السلام عليكم اخواني واخواتي الاعزاء
اني مقابل محلف شهر الثاني وصار 3 اشهر تقريبا على المقابلة ولا يوجد فحص طبي او جواب هل هذا طبيعي او هل هي بوادر دفرل لتر وشكرا على الجواب مقدماً

146
الف مبروك اخ ابو ميس وانشالله السفر القريب

147
اخ يوسف يعني بعد كم يوم من المقابلة اجاكم التاجيل

148
نفس الحالة اخ حيدر 84 يوم ولا يوجد قرار لكن الفرق اني مفاحص والخانات مال التجيك والفحص لا يتوفر معلومات

149
الاخ دوميز مختفي انشالله سبب اختفائة خير

150
لا اخوية ابو زيد متاثر فقط للتاكيد

151
الف الف مبروك اخ ابو زيد وانشالله خير للكل والسفر القريب

152
والله ما اعرف بس الظاهر عدهم اجراءات جديدة

153
مساء الخير اخوان
الاخوان حيدر دوميز اكو شي جديد

154
اكثر من 70 يوم على مقابلة المحلف ولا يوجد قرار او فحص

155
مساء الخير شباب اكو شغلة اذا هم دتصير هدكم قبل جنت من ادز ايميل للمنظمة ورة اسبوع او اكثر يله يجاوبون حالياً من اد اسال عن حالة الملف ثاني يوم يجي الرد شنو معناها هل ماكو لود عليهم لو شنو اذا مارين بهيج حالة

156
نفس الحالة مقابلة يوم 19 شباط مع العلم بدون فحص طبي

157
اخ دوميز شلونك
سالتك قبل فترة انت فاحص لو بعدك ومجاوبتني

158
انشالله خير

159
اكثر من 60 يوم وماكو شي ولا فحص الاخوان البقية اكو اي تطور

160
اخ دوميز احنه لحد هسه منعرف انت فاحص لو بعدك

161
الهجرة و واللاجئين / رد: Case update
« في: 16:23 18/04/2016  »
اخ دوميز انت فاحص لو بعدك

162
ها اخوان لا جديد

163
الاخ ابو احمد
مقابلة محلف 19 شباط بدون فحص وبدون نتيجة لحد الان

164
خطية الاخ سيد الشمس كاتب بغير موضوع انوا اجاه رفض بعد مطلع من التعليق

165
اخ حيدر اني يجيني الايميل الثاني دائما لكن الايميل الاول وحسب رايي الشخصي معناه انوا انت حصلت على موافقه مشروطه بالامنية وحالياً يتم التدقيق لامني بالنسبة الك واحتمال القرار وصل للمنظمة باقي بس يدزوا الك انشالله الله يسهلك
كلي على اي رقم تخابرهم وهل يشيلوا راسا او بعد عده محاولات يله يتحصلون وهل ان الموظف الي يتكلم معك ملم بالكيسات او مجرد يراجع حالة الملف عن طريق الموقع لديهم وشكرا

166
الله يوفق الجميع
بس معناتها احنا الي مفاحصين شغلتنه مكيسه
منكول غير الله كريم صار 53 يوم انتضار للنتيجة وفحص ماكو

167
ما اعرف اخ دوميز
بالنسبة لسؤالك عن جواب iom علي ايميلي الي سالتهم بي عن سبب عدم تحديد موعد فحص طبي لمفي كان جوابهم بغير اتجاه كان الجواب سوف نبلغك حال الحصول على رسالة المحلف وكانما كنت اسال عن جواب المحلف لم يتم اجابتي عن موعد الفحص الطبي
اني اسال اخ غيث ,  شوف بهذا الموقع اش مكتوب:http://www.ankawa.com/forum/index.php?topic=612094.0
الأخ حسين الجبوري كاتب: هذا الاجراء هو في الربع الاخير من الاجراءلت الامنيه وبعدها يصبح الملف في المراجعات ومن ثم اي بعد اكتمال المراجعات وختم الملف يتم الاتصال بالكفيل لتوقيع اوراق الكفاله ليس هناك وقت محدد لهذه العمليه وكما اسلفت هو تاكيد الكفاله
وشوف الأخت ام كوكو اش كاتبة:
اني متكفله قريب من 1 نيسان وقعت الكفاله والى هسه ماكو شي الكفاله مالهة علاقه بالامنيه

168
اخي الهارب
لم يتم ذكر اي شي عن الفحص الطبي ليش اغلب الناس حالياً تفحص بعد المقابلة واني وبعض الملفات مثلي لم نفحص رغم مرور اكثر من 50 يوم على المقابله

170
اخ هيثم شوكت جتنت مقابلتك الاولى

171
حسب ما قريت بالموقع من مواضيع يكون الاتصال بالكفيل قبل السفر اخ دوميز انت فاحص فحص طبي لو لا

172
والله يا اخوان ال iom محد الضاهر يكدر يحزرهم وما عدهم الضاهر سياق عمل ثابت

173
اخي ابو زيد شوكت جانت مقابلتك الاولى وشكد او 3 ارقام من كيسك بله زحمه

174
والله يا اخوان شو اني بديت اخاف الكل فاحصة فحص طبي واني شو كلشي ماكو دزيتلهم اسالهم عن الفحص الطبي كان جوابهم من يجي قرار المحلف راح ندزة الك

175
الله يسهلك اخي ابو زيد

176
انشالله السفر القريب للجميع
اخ دوميز الي سالته وكلك كلهن على غفله كملن اكيد فاحص فحص طبي مو

177
السلام عليكم اخوان
والله موجود اخوية دوميز ننتضر والله كريم لا نتيججة ولا فحص
معقوله بس احنه ال3 ننتضر نتيجة محلف ماكو غيرنه

178
الله يساعدك

179
الله يسمع منك اخ علي . نتضر والله كريم

180
اخي العزيز شكد رقم الكيس مالتك

181
اخ حيدر اني الكيس مالتك شكد رقمة بدايتة يجوز اله علاقة بالفحص الطبي اني كيسي رقمة 205

182
الاخ العزيز اني صار اكثر من 40 يوم من قابلت ولحد الان محددولي موعد فحص طبي واكو بعض الاخوان عند المقابلة او قبلهه حددولهم موعد فحص طبي مينعرف شنو الموضوع ناس تكول مؤشر خير وناس تكول ماله علاقة

183
اخي سيد الشمس اكو ناس حته اقل من شهر اجتهم النتيجة

184
افتهم من موضوعك اخ حيدر انوا التحديث يكون الساعة 7 الصبح واذا بال7 ماكو تحديث معناها منتوقع يخابورن لو شنو ؟؟؟

185
منزلت موضوعك اخ حيدر

186
اني لحد الان ماكو شي اخواني ننتضر والله كريم صار 40 يوم انتي كم يوم صارلكم اخ دوميز انت قبلنه لو ورانه

187
اني هم دزيتلهم كالولي من توصل رسالة الجواب من دائرة الامنى الداخلي الامريكي سيتم اعلامي

188
السلام عليكم شباب
الاخوة الذين قابلوا المحلف سنة 2016 رجاءاً للفائدة كل واحد قابل سنة 2016 يكولنه شوكت قابل وشنو جانت النتيجة . والي يحصل على نتيجة انشالله هم يذكرهه تعرفون الواحد اثناء مدة الانتظار ما عنده غير يتابع الاخبار وكل خبر ممكن يرفع معنوياتنه
اني بالنسبة اليه رقم الكيس مالتي (205) قابلت يوم الجمعة 19\2 ولحد الان انتظر النتيجة

189
الله يسهلك وانشالله تجيك اخبار تفرحك على نتيجة المحلف اخ دوميز انت مسوي فحص طبي ولو مبين من كلامك ممسوي

190
اخ دوميز انت مكتلنه شنو وضعك مقابل لا

191
اخ حيدر شوكت جانت مقابلتك الاولى بيا شهر

192
شكرا اخواني على الجواب

193
السلام عليكم اخوتي واخواتي من اصحاب الخبرة في الموقع
عندي استفسار حول الفحص الطبي اكو ناس قبل مقابلة المحلف حددولهم موعد فحص طبي وناس عند المقابله حددولهم موعد وناس مثلي خلصوا مقابلة محلف ولحد الان ماكو موعد فحص شنو السبب ...ياريت تفيدونه بخبرتكم وشكرا مقدما

194
الف مبروك اخي انشالله توصل بالسلامة
ممكن نعرف شوكت جانت مقابلتك للمحلف بيا تاريخ

195
اخوية دوميز لا والله منطوني موعد فحص طبي انت حضرتك وين واصل الكيس مالتك
اخوان المحترمين غيث وحيدر سويتم فحص طبي لو بعد
مع التقدير

196

الاخ حيدر
اني محددولي موعد فحص طبي لحد الان بس ممكن استفسار هل كل الي جانوا وياك بالمقابلة انطوهم موعد فحص لو بس حضرتك .

197
بالنسبة للاخوان حيدر وغيث المهندس. ماهي ارقام كيساتكم وبيا سنة مقدمين ارجوا الاجابة حتى نستفاد كلنا وتحياتي الكم .
اخي اني الكيس مالتي (205)

198
الاخ حيدر اني مقابلتي ويه المحلف كانت يوم الجمعة 19\2
حضرتك سويت فحص طبي لو بعدك

199
السلام عليكم شباب
اخواني اني قابلت المحلف قبل شهر ولحد الان كلشي ماكو نتيجة شكد الوقت المتوقع انوا يردون واذا عبر هذا الوقت ابدي اقلق وشكراً ...

201
السلام عليكم اخواني
اني مهندس مدني وانشالله الله يسهل واروح للولايات المتحدة حاب استفسر عن كيفية معادلة الشهادة علما اني خريج جامعة بغداد كلية الهندسة المدنية وشنو يحتاج اخذ وياية من العراق

202
عيوني اني مقدم بشهر السادس 2014 ورقم الكيس مالتي 205 الف وجان نايمة عليه طابوكة بس بوم 23 \ 11 تحرك ودزولي موعد مقابلة محلفين لزك

203
اني رقم الكيس مالتي 205 وهسه على غفله يوم 23 دزولي موعد المقابلة مال محلفين ويوم 31 دزولي موعد المقابلة الاولية واكو ولد نبهني انو كاتبين بايميل مقابلة المحلفين كاتبين انو سيتم تحديدموعد للمقابلة الاولى

204
السلام عليكم
اخوية اخذ وياك جهاز اي ستار هذا الجهاز بي اشتراك سنوي على قنوات ال ip tv هاي القنوات تشتغل على الانترنيت الي هي نفس قنوات النايل سات بالاضافة الى المشفر موجود بي هواي انواع والاشتراك السنوي اتصور 55$

205
صحيح اخوية اشكرك هسه انتبهت عليهه بس المشكلة كاتبيلي خطا عدد افراد الاسرة ناسين يضيفون بنتي الي عمرهه شهرين مع العلم موجودة بمقابلة المحلفين فهل همة ميحتاجون وجودهه بالمقابلة الاولى

206
السلام عليكم شباب
اني قبل فترة حددولي موعد مقابلة المحلفين بنص الشهر الثاني واني ممقابل مقابلة اولى وكتبولي بالايميل تم انهاء المقابلة الاولى وتم تحديد موعد مقابلة المحلفين لكن اليوم تفاجئت بايميل يخبرني بتحديد موعد مقابلة اولية نهاية الشهر الاول مفتهمت شنو الموضوع خل انلغت مقابلة المحلفين ام الاثنين شغالة

207
السلام عليكم شباب
اني قبل فترة حددولي موعد مقابلة المحلفين بنص الشهر الثاني واني ممقابل مقابلة اولى وكتبولي بالايميل تم انهاء المقابلة الاولى وتم تحديد موعد مقابلة المحلفين لكن اليوم تفاجئت بايميل يخبرني بتحديد موعد مقابلة اولية نهاية الشهر الاول مفتهمت شنو الموضوع

صفحات: [1]