عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - وطني العراق

صفحات: [1]
1
انا ساكن بولايه مين وفعلا العراقين يتجمعون بولايه مين في مدينه بورتلاند وفيها المساعدات جيده جدا وكذلك يساعدون في ايجار المساكن وبالنسبه للجو فهو بالشتاء ثلج بس الحياه طبيعيه ومو دائما ثلوج وبالنسبه بالصيف فانا اليوم مشغل مكيف من الحر واي سؤال اني حاضر

2
السلام وعليكم

اخي العزيز انشاء الله ما يأثر على ملف توطينك لان انا مثلك ذهبت لتركيا وماصارت الطلعه مناك فرجعت لسوريا وقابلت وكتلهم انا كنت مسافر لتركيا لاجل الهجره بس ماصرت وهما ما سألو بس ماكتلهم عندي بصمات لان البصمات بتركيا ماتظهر عدهم وهذه المعلمومات عن تجربه شخصيه وانا هسه بامريكا ومأثرت علي بشي والله يوفقك انشاء الله تتوطن بغير بلد وترتاح

اخوك ابو طارق

3
اخي العزيز اعتقد انك تسلم القديمه وينطوك واجازه الولايه الجديده واحنا هنا بولايه مين نفس العمليه

4
الف مبروك اخي العزيز على تحديد موعد السفر بالنسبه للوثائق المدرسيه انا بشهر الواحد وصلت لامريكا من سوريا وترجمت وثيقه ابني وهو كان بصف الخامس بس من وصلت ماااخذو مني اي شي بس امتحن امتحان بسيط وخلوا بنفس الصف مالته لان هما هنا ياخذون حسب العمر وينطون الطالب دروس اضافيه بالانكليزي للتقويه واكو هواي ناس اطفالهم تاركين المدرسه او فاتتهم سنوات من الدراسه وعند وصولهم خلوهم بنفس الصف الي يناسب عمرهم واعتقد هذا الموظوع يعمل به في كل الولايات بالنسبه الي انا بولايه مين مدينه بورتلاند

5
حلووووه عاشت ايدك

نتحملهن هن وقنينه الغاز شتسوي خطيه راح يكسرن ظهرنا

6
مشكور اخويه ضاع الوطن

بس شراح يفكك هسه من حزب النساء هذا اعتراف خطي وهما يدورن الحجه وشيخلصك من الرفيق ابوفابيان عدو النساء الاول

7
شكرا اختي شجره الدر

انشاء الله العراق رمح الله في الارض وسوف يتكسر امامه كل حقد العالم ويرجع اللى قمه المجد وتعود بغداد الى سابق عصرها الذهبي ام الدنيا

8
مشكور اخي العزيز طلعت الكلمات العراقيه كلها مستوره من الخارج بس حلو منك عرفتنا ببعض المعاني انا ما جنت اعرفها

9
ههههههههههه والله حلوه الله

عاشت الايادي

10
حلو اخويه العزيز

حتى يبطلون تفيك

11
شكرا اختي بغداد

والله من نشوف هاي الامور نتحسر على العراق والي يصير بي شوف العالم شلون عايشه وشوفي التطور وين وصل والاهتمام بالاطفال والمدارس

واحب اضيف شغله احنا هنا بولايه مين ينطون الطالب من مرحله المتوسطه لابتوب يدرس بي وياخذه ويا للبيت بعد المدرسه فالطلاب كلش يحبون المدرس ودراستهم سهله والمدرسين حيل يهتمون بالطالب ودائما يرفعون من معنوياتهم

12
الف شكر اخونا ابوانس على هذا الخبر الرائع

13
شكر للاخ siv2007 على هذا الموضوع المهم

وانا احب اضيف ان الكثير من الاجهزه الكهربائيه هنا متوفر وباسعار ارخص مع ضمانات للسلعه اضف الى ذلك انها اصليه المنشأ وتكدر ترجعه خلال شهر من تأريخ الشراء اذا ماعجبتك

انا اشتريت تيشيرت لابني وطلع كبير عليه بسعر 11 دولار وره اسبوع رجعته لكيت السعر صار 8 دولارات بس من قتلهم اريد ارجعه خذو التيشير ورجعولي فلوسي كامله 11 دولار يعني ما قالوا لا مو السعر هسه نزل واحنا راح نبيعه بخساره  ههههه ;D

يعني هنا من تشتري تكدر اجرب السلعه وبعدين اذا ماعجبتك ترجعه وهما الممنونين ولا تخاف مايضوجون بالعكس يرجعونه وهما يضحكون

14
السلام عليكم

مشكوره على المجهود اخت ريم بس انا هسه داخل امريكا بولايه مين مدينه بورتلاند موخارجها وكذلك اخي غريب اني ايضا دخل امريكا

15
السلام وعليكم

اهلا وسهلا بيك اخي العزيز في ولايه مين بس ماعرفت انته بيا مدينه
 ومن رخصه الاخ ابوخالد راح اجاوب على اسئله الاخ عدي
انا بمدينه بورتلاند صارلي تقريبا 3 اشهر وبالنسبه للمساعدات هنا ماتنقطع اذا عندك اطفال تحت ال18 سنه وكذالك التأمين الصحي واول ماتوصل راح يحولوك على برنامج التنف الي هو فودستام زائد كاش بس الكاش يروح كله للايجار ههههههه ويكمله الك الستي على فكره انته وزوجتك لازم تدرسون لغه حتى تستمر وياكم المساعدات

اما بالنسبه للمدارس فهي جيده جدا ومن احسن المدارس الامريكيه

اما بالنسبه للجو فانا وصلت بشهر الواحد وكان الجو بارد بس مره وحده طاح ثلج وموكلش هوايه ويقولون هاي اول سنه مايطيح ثلح كثير على عينه الجو حلو وهاي الايام الجو كله شمس بالنهار وبارد بليل بس هنا الصيف يقولون حار والمنطقه سياحيه يجون يصيفون بيها من كندا والولايات الاخرى  على فكره هنا الشتا مالهم كله ثلج وبارد بس مثل ماكتلك هالسنه بس الجو غير

وبالنسبه للايجارت فبالنسبه الك ايجارك حوالي 1300 دولار وطبعا يغطيه التنف زائد+الستي

وبالنسبه لنقطه تعلم الانكليزي هنا اكو مدارس تعليم للكبار وهي جيده وبالنسبه للاطفال لاتخاف عليهم بسرعه يتعلمون وراح يخلولهم درس خاص لتقويه اللغه الانكليزيه


وانا حاظر لاي خدمه

16
مشكوره اخت ريم على المجهود الرائع والذي يسهل تواصل الاعضاء في الغربه

على فكره انا هسه في مدينه بورتلاند وجيران الاخ غريب اني بنفس المجمع

والله يوفق الجميع

17
اخي العزيز انشاء الله مابقه شي اذا اتصلووووو عليك على الفحص فهذا يعني المحلف موافق عليك لاتخاف

والله صدقني كلها تصير سوالف وانشاء الله نشوفك بارض الاحلام عن قرب مابقه شي بس الامنيه الكشره

هي المعضله الكبيره واكو ناس خلصت بفتره قاسيه وانشاء الله تكون من اصحاب الحظ القويه وتعبر الامنيه بسرعه البرق الله يوفقك ويسهل امرك

اخوك ابوطارق ولايه مين مدينه بورتلاند

18
الف شكر اخويه والله يبشرك بالخير لا انا وصلت 7-1-2010 ومانطوني غير 425 واحنا ابعه وكلشي ما حصلت منهن مثل ماكال اخويه ماجلان المنظمه كلهن صرفتهن على الاكل والغراض وتأمين الشقه والايجار ماستلمت منهن غير 100 دولار كاش هههه بس هسه راجعتهم قالوا اي الكم بعد لان صارت المعونه دبل فهسه راح استلمهن ومحد ياخذ منهن شي لان كلشي ما اريد منهم بلك اخذلي سياره ;D والله يوفق الجميع

19
الف الحمد لله على سلامه الوصول وانشاء الله الاستقرار وراحه البال


20
شكرا للاخوان الحمل و starxb و  proph1 واتمنى للجميع الحياه السعيده وتحقيق الاماني   

21
الاخ العزيز الخالدي الاصيل اشكرك واتمنى لك الموفقيه والنجاح

22
الف للشكر للاخوان النسر الذهبي وابو ياسين والفراتي وWingo  و violin وعراقي وافتخر 4 والاخت ايات واتمنالكم الموفقيه والنجاح ويارب يحقق كل امانيكم

23
الف شكر اخي اعزيز متت من الانتضار واتمنى لك الموفقيه

اخي بالنسبه لهديه اوباما او هديه امريكا ابلغنا الكيس وركر ان لكل شخص 425 $ واحنا 4 يعني يصير المبلغ 1700 بس ماشفت شي منه غير 100$ بصك والباقي يوميه جايب قائمه وتعال وقع عليه يوم جدر تيفال وبطانيات وادوات مطبخ ويوم اكل ويوم تأمين الشقه ويمكن بعدين يطلع يطلبني  ;D وكل الموجودين هنا يقولون ماينطونك شي كله حراميه  >:(

24
اخي العزيز صفاء ما ادري شقول اباركلك على المراحل الاخير وتحديد الولايه لان انشاء الله مابقى شي وتسافر لو اواسيك على الولايه البارده او المثلجه بس اخي انت توكل على الله وروح اكعد اسبوع شوف الوضع اذا ماعجبك تكدر اتقلهم ما اريد والولايه ولا توقع اوراقك وكلهم يحولولك على ولايه اخرى وهذا الشي عادي لان انا بولاية مين واكو هنا هواي عراقين كانو بولايات ثانيه وماوقعوا الاوراق وحولولهم جميع المساعدات على ولايه مين

وانا مثلك بولايه مين مدينه بورتلاند وهم قالوا ولايه بارده والثلج 6امتار بس من وصلت جان الجو كلش حلو صدق اكو ثلج بس مو مثل ماقالو ومن يطيح الثلج ماكو الصبح يشلونه ويفتحون الطرق حتى الي امام البيوت ينظفوه من الثلج
وانا حاضر لاي خدمه حبيبي وراح اسألك على الاسكا شنو بيها مابيها وتددلل

25
الله يبارك بيك اخي hamada2 والموفقيه للجميع

26
اخي الفهد السباح الله يبارك بيك واتمنالك الموفقيه والنجاح

27
الف شكر اخي ابو علاء ويارب الله يوفقك

28
اشكرك اخي العزيز allawe  بالنسنه للسيديات محد سألني عليهم ويمكن انا ماخذ وياي اذا الله ماجذبني 200 قرص من ضمنهم 50 قرص ديفي دي فارغ واقراص بلي ستيشن لابني طارق والبقيه مابين برامج واقراصنا المستنسخه وافلام يعني جميع انواع الاقراص بس وزعتهن على الجنط لان بالدوره التثقيفيه قالو يحق كل شخص فقط 25 قرص وانا سويتهن دبل وزياده لان احنا اربعه اشخاص

29
والله اختي مظلومه ماعدنه غير ندعو الله يفرجها عليه وعلى كل العراقين وانا اتضامن مع اخي عكعك اذا تنحل بالفلوس انا حاضر

30
الف شكر اخويه عكعك والله يسهل امرك ويفرجه عليك وترتاح من مصر والله دائما افكر بيك لان انت ساعدت جميع الاعضاء الي بالمنتدى انشاء الله الفرج قريب والله يوفقك

31
مشكور اخويه العزيز eng.a7med ويارب يوفقك

32
الف شكر اخ اربد واتمنالك الخير والموفقيه

33
عمي ابو عبود شلونك والله مشتاق لمواظيعك والف شكر ويارب يوفقك وانشاءلله تخلص ملفات المنتضرين السفر ويجون يشوف الدنيا

34
اخي لورنس اذا عندك كفيل ولايته زينه فقدم عليها وريح نفسك واذا ماعندك كفيل او مانصحك بالولايه فخليها بدون كفيل وراح يشوفلك ولايه تكدر من تسافر اذا مارتاحيت بيه تغير غيرها لان اكو هوايه بولايه مين جاين من غير ولايات واي شي تريد انا حاضر

35
مشكور اخي لورنس العراق وانشاء كل العراقين يعيشون حياه سعيده ويارب يوفقك

36
اخي taif_alsaad1982 الف شكر واتمنالك الموفقيه

37
شكرا اخي العزيز Echo 9 وانشاء الله يوفق الجميع ويسهل امركم

38
مشكور اخي ابو امنيه ويارب يفرجها على كل المنتظرين السفر وعلى كل العراقين

39
الف شكر عيني ابوماجد واتمنالك الموفقيه

40
السلام عليكم

اخوان انا وصلت ولايه مين 7-1-2010

واخبرني الكيس وركر مالتي ان لدي 2700 دولار واحنا اربع اشخاص يعني كل واحدج 425 دولار بس مانطاني شي بس صك 100 والباقي يوميه يوقعني على اوراق يوم اغرض المطبخ والفراش ويوم اشترالنه اكل واخرشي وقعت على 985 دولار تأمين الشقه يعني خلصن وكلشي ماشفت منهن
فاعتقد ماكو هيج شي واذا اكو احد مستلم خلي ينطينه خبر حتى نراجعهم خاف يقفصونه  ;D

41
شكرا اختي يارة والاخوان نهاد ابوعلي واحمدطاهر ويارب يوفقكم والله يحقق الامنيات للجميع

42
الف شكر اخي  alwismy

43
شكرا اخواني abo abo وراهب الحب على التهنئه ويارب يوفق الجميع

44
الف شكر اختي انجي ودائما سباقه بالتهاني والخير الله يوفقك

ويمي ام طارق تسلم عليج وتريد تتعرف عليج

45

السلام عليكم
 
والله حيل مشتاقلكم وللمنتدى الرائع
الحمد لله وصلنا الى امريكا ولايه مين مدينه بورتلاند واسف لتأخري بالكتابه ولكن عدم وجود نت والمرجعات هي التي اخرتني بالكتابه واحب ان اشكرجميع الخوان الاعضاء والمشرفين وادراه المنتدى على مساعدتنا بجميع المعلومات التي اخذناها من هذا المنتدى الرائع :-*
والذي يعد منبرا للمهاجرين ومساعده الجميع فلكم مني تحيه حب واعزاز بالجميع


وانا مستعد لاي سؤال يخص بورتلاند واي مساعد اخرى

ملاحضه

وصلنا امريكا 7-1-2010

قادما من سوريا  ::)

46
الف الف مبروك اخي عاشق تراب العراق
وانا انشاء الله انا وياك بنفس الرحله ونلتقي بالدوره النثقيفه ونتعارف لان الرحله طويله خلي انقضيها بالسوالف
ويارب الله يوفق وتحقق احلامك

اخوك ابو طارق

47
هلا ابن ولايتيي البصره والله شكد مشتاقلها

احب اقلك الف مبروك لان انشاء الله ماراح اطول شغلتك وتروح الارض الاحلام

وادعيلك انشاء الله توصل بالسلامه وتتوفق بحياتك الجديده

سلم على بصرتنا الله يوفق الجميع

وانشاء الله نلتقي بامريكا لان انا مثلك انتضر السفر انشاء الله قريب

48
البقاء في في حياتك اخ باسل انا لله وانا اليه راجعون .

الله يصبرك ويسكنها فسيح جناته

49
الف الف مبروك اخويه ابو خالد اخيرا تحقق حلمك وحلم العائله وانشاء الله توصلون بالسلامه الى ارض الاحلام والحريه والله يوفقكم في حياتكم الجديده وادعيلنه حتى نوصل بعدكم لارض الاحلام


اخوك ابوطارق

50
عمي ابو عبدالله مشكور جدا على الموضوع القيم وكل مواضيع شيقه وتعبان عليها وتريد بس تخدم العراقين الله يوفقك وانا جدا راح استفاد منه خصوصا اني على موعد سفر عن قريب الى امريكا وياريت اشوفك واتعرف عليك واشكرك على كل ماقدمته للاعضاء لان انت اخ عزيز وكل واحد يفتخر بيك

الله يوفك لكل الخير وصالح الاعمال


اخوك ابوطارق

51
مشكور اخي العزيز ابو عبدالله على طرحك للموضوع وانت مميز في خدمه الاعضاء وايصال المساعده لهم بكل الطرق الله يبارك بيك وانشاء الله الجميع يستفاد ويدعيلك بالخير والله يوفقك لكل الخير



اخوك ابو طارق

52
الف الف الحمد لله على سلامه الوصول ويارب الله يوفقك وتعيش حياه سعيده



اخوك ابو طارق

53
السلام وعليكم

انا نفس الشغله قالو بالمراحل الاخير واتصل عليهم وره اسبوعين قالوا  انه كلشي كامل وباقي بس ختم الملف وهاي صار شهر وماكو شي مع العلم اكو هوايه كانوا ايضا بالمراحل النهائيه من التجيك الامني بنفس وقتي وهسه انطوهم موعد سفر حتى لا تهبط معنويات بس حبيت اخليك بالصور علما انا بسوريا والله يوفق الجميع وياريت ايسافرون اهلك باسرع وقت

54
الف مبروك وانشاء الله يوفقك وتحقق جميع احلامك

56
السلام وعليكم
مشكور اخي ابو اندرو والله هجرونه وطشرونه بكل دول العالم الله لايوفقهم

وصدقت ابو عبدالله حتى الجزيره الواق واق ??? وهذا رابط لرحله اخونا ابو خالد الى جزيره الواق واق  ??? كلش حلوه وقصه مضحكه وشوفوا شلون يسوي الباجه وشلون تبهذل هههههههه

http://www.ankawa.com/forum/index.php/topic,364902.0.html


مع تحياتي للجميع اخوكم ابو طارق

57
الف مبروك اختي ناردين وانشالله ايدنه بيدج والله يوفقج وترتاحين في بلدج الجديد ارض الاحلام

58
اختي العزيزه كل عام وانت بخير والحمد لله على سلامة الوصول ويارب تتوفقون وتحقق كل امنياتكم

59
مشكور اخي العزيز هيثم على هذه المعلومات وانشاء الله تبقى درجات الحراره معتدله والجو حلو وهاي مال النت جطل كلش حلوه ذكرتنه قبل كضيناها بالعراق كل جطلات على الكهرباء من منطقه الى منطقه لغرض اخذ اكبر حصه من الكهرباء هههههههههههههه لا ويوميه مكطعين الوايرات بس زين نكضيه اول ايام جطل والله كريم
 اتمنى لك الموفقيه والنجاح في حياتك


اخوك ابو طارق (منتظر ختم الملف)

60
شكرا للاخوان ginger  والقرش  وزيوس على المساعده والمعلومات القيمه التي احتاجها ويحتاجها جميع الاعضاء
وشكر خاص لجميع العاملين على المنتدى لمل يقدمه من معلومات ومساعده للجميع في تخطي مراحل السفر والاستعداد لحياة جديده في بلد جديد  واتمنى للجميع من اعضاء ومشرفين ومراقبين الموفقيه والنجاح

61
الحمد لله على سلامه الوصول والله يوفقك ويريح بالك

62
مشكور اخي ابو اندرو على هذا الموضوع هاي شنو وين مانروح نلزم سره ههههههههه ;D

يارب الله يوفق وتحصل الكمبيوتر بس ماكلتنه شكد سعر الكمبيوتر قبل وبعد العيد  :D

63
 اخويه العزيز كلمن وظروفه اكو ناس توفقت ويمدحون بامريكا بس اكو البعض الله ما وفقه ورجع بس انا اكو شغله محيرتني للبعض من الاخوان الذين يذمون امريكا وهم لايزالون هناك لم يرجعوا وهذا تناقض يعني امريكا مو زينه عوفوها ورجعوا مع العلم هناك اعداد قليله جدا من الذين رجعوا والاغلبيه باقين فانت توكل على الله وانشاء الله تنجح بحياتك ولاتشغل بالك كثيرا لان الي بيه الخير الله يقدمه

اتمنى الموفقيه للجميع

اخوك ابو طارق (منتظر ختم الملف )

64
 والله اخويه الكل ماينصحون بالروحه بس راح انا قابلت محلفين وجنت قيد الدراسه ورحت للعراق اسبوع ومن رجعت صارت عندي مقابله محلفين مره ثانيه لان عدهم استفسار بس الحمد لله محد شاف جوازي  ;D بس هم ماانصحك لان الشغله حظ يمكن محد يشوفه او حظ موحلو ويلاحظون الشغله بس اذا مهمه كلش روح بس كون اتحضر عذر قوي تقنعهم بي اذا حسوا بالشغله اتمنى لك الموفقيه

65
اخي العزيز الله يسهل امرمك وانشاء الله يحولوك باقرب وقت وتحقق حلمك بالسفر والله يوفق الجميع

بس ياريت تنطينه الايميل حتى الجميع تستفاد لان هنا بسوريا اكثر اخوانه نايمه عليهم الطابوقه بلك الايميلات تحرك المعاملات

66
شكرا للاخوانRevolver  و y.a.r.a   لتفاعلهم مع الموضوع وانا هم هشكل اكيد اخذ نركيله جديد وشويه معسل يكفيني كم يوم واخذ عده الشاي والقهوه والله يسهل بعدين

67
مشكور اخي العزيز اسد موضوع جيد ويستفاد منه الجميع وخصوصا الي ينتضرون سفر قريب لانه يشرح لنا الحياه هناك 

الله يوفق الجميع

68
مشكور اخي العزيز volca على المعلموات المهمه والقيمه

وارجو من الاخوان الذين متواجدين في امريكا ان يردو على الموضوع وحسب خبرتهم السابقه لكي يستفاد الجميع

وشكرا لكل من يحاول المساعده

اخوكم ابو طارق (منتضر ختم الملف)

69
مرحبا اخي
يعني تجيك امني في امريكا للاسم والبصمات وهاي الاجراءت طول من شهرين الى ماربك يسهل يعني مو محدده اكو ناس اجتها بشهرين واكو بسنين وانشاء الله انت من جماعه الشهرين
بس حبيت اوضحلك الشغله مو قصدي اضوجك بس هذا الي جاي ايصير والله يوفقك اخي العزيز

70
الف مبروك اخويه العزيز وانشاء الله توصل بالسلامه

71
الف مبروك اخي العزيز وانشاء الله توصل بالسلامه واتمنى لك الموفقيه بس هسه بعد عوف الوكاحه وصير عاقل  ;D

72
اخونا العزيز انا مريت بهذي المرحله قالو اجت الامنيه وباقي تجيك البصمات واتصلت وره اسبوعين فقالو اجت الامنيه كامله وباقي بس ختم الملف وهذه عن تجربه شخصيه الي اتمنى لك الموفقيه وانشاء الله مايطول التجيك وتسافر وتريح بالك

73
مرحبا اخواني واخواتي اعضاء المنتدى الرائع

اود ان اسأل عن بعض الامور مهم التي يستفاد منها الاجىء الى ارض الاحلام

علما اني انتظرختم الملف ومن بعدها السفر انشاء الله الى ولايه ماين الثلجيه

بالنسبه الى مدارس الاطفال هل هناك مدارس يوجد فيها مدرسين يجيدون العربي لغرض افهام الطلاب لان بصراحه اطفالنا ولاطقه بالانكليزي لغرض افهامهم ما مطلوب منهم لحين اجادتهم للغه .

بالنسبه الى الشقه التي سوف تأجر لنا من قبل المنظمه من حيث حجمها وقربها من الخدمات وانا اسرتي تتكون من 4 اشخاص انا وزوجتي وابني عمره 11 سنه وابنتي عمرها 5 سنوات.

بالنسبه الى اجازه السياقه هل مهم احضار الاجازه العراقيه القديمه وهل سوف تسهل اجراءات الحصول على الاجازه
الامريكيه خصوصا ان نعرف ان اجازه الاجىء غير معترف بها حتى لو كانت دوليه الا في بعض الولايات .

هل قاموس الانكليزي الناطق ضروري لمن لا يجد الانكيزي خصوصا انه يترجم فقط كلمه وليس جمله كامله .
البلي ستيشن هل اقراص الموجوده في امريكا تشتغل ام فقط الاقراص الي نجيبه ويانه لان الي اعرفه هناك اقراصهم اصليه واحنا كلها استنساخ .

الجنسيه والشهاده ضروريه انجيبها ويانه لو نتركها بالعراق حتى الاهل يستفادون منهم في استلام الكميه وبعض المعاملات .

وبصراحه انا مدمن ناركيله وراح اجيب وياي ناركيله جديد بس اريد اسأل اكو معسل لو اجيب وياي كميه زينه ؟؟؟؟ والفحم اكيد موجود  ;D  هل توجد مقاهي فيها نركيله  :D.

وسمعت اكو هناك من لم يستطع الحصول على قوري شاي فهل هذا صحيح هههههههه فقررت اجيب معاي وقوري للشاي ودله للقهوة لان ما استغني عن الشاي بدل ما اقعد ادور بالمولات  .

بالنسبه الى كارت الستلايت ومدى فائده في امريكا حيث نريد ان نعرف ما اهميته وهل نستطيع التقاط اشاره النيل سات والعرب سات او حتى الهوت بيرد وهل نستطيع وضع صحن الستلايت فوق المنزل لان حسب معرفتي ان هناك بعض المناطق لاتسمح بوضع الصحون فوق المنازل  وعموما كارت الستلايت لا يعمل الا من خلال وصله بال LNB   الذي يربط في الصحن وكيف نستطيع مشاهده القنوات العربيه فقط عن طريق الانترنيت .

عند  LNB اربع مداخل اخذه معاي لامريكا هل استفاد منه لو موجود بامريكا وما اجيبه احسن .

اسرع طريقه للحصول على انترنيت والهاتف النقال للتواصل مع الاهل باسرع وقت .

واتمنى من اخواني اصحاب التجربه والمتواجين في ارض الاحلام ان يسدوا لنا النصيحه لما مر به وماهي الشغلات الضروريه التي يحتاجها المسافر خصوصا اول الايام لان لايعرف شيء عن البلد .
 
ويمكن اكو بعض المواضيع تتحدث عن هذه الامور لكن بصراحه لم اجد الجواب الشافي وهو كذلك فائده لنا وللاعضاء الجدد لمعرفه هذه الامور ولكم مني فائق الحب والاحترم والموفقيه للجميع

74
مشكور اخي العزيز امير الاحلام على هذه المعلموات القيمه  واسف على تأخير الرد لان صارلي كم يوم ماداخل للمنتدى بس اخ امير حبيت اسأل انت ايضا ساكن بماين لو عندك معلومات من الاخوان والله يوفق الجميع

75
اخويه ابو خالد الاخ هيثم مابين الظاهر شرد من البرد مال الولايه لان يقولون حتى اعظام تقوم اتزيط من البرد هههههههههههههههههه

76
اي الحمد لله حصلنه احد ويانه مشكور ابو خالد الورده

77
معقوله ماكو احدعراقي ساكن بولايه مين  يعني انا اول عراقي راح اروح هناك  ???


78
اخي العزيز انا من جماعه 11-4 وكنت قيد الدراسه وهسه الحمد لله باقي بس ختم الملف والله يوفق الجميع ويسافرون

79
مرحبا اخي العزيز الكل يقولون من تروح للعراق تأثر على شغلتك بس انا راح اخبر تجربتي طبعا انا صاحب الكيس ومن حددونا مقابله التوطين انا كان عندي 3 مرات رايح للعراق بس انطيتهم عذر مقنع وره مقابله المحلف قالوا مايصير ترجع للعراق يأثر على ملفك وعلى فكره جان قرار المحلف هو قيد الدراسه فصارت عندي شغله فرحت للعراق لاجل عمل ومن رجعت وره 4 اشهر اتصلوا علي مقابل محلف مره ثانيه فانا قلبي خليته بشيشه  >:( لان اكيد راح يسأل على سفرتي ولو انا محضر عذر بس بصراحه جنت خايف بس دخلت يم المحلف 5 دقايق سؤال واحد وطلعت وحتى الجوازات ماشافهن ولو طلولتها عليك بس هذا الصار وياي فأنت وحظك بس اهم شي يكون عندك عذر قوي تقنع بي المحلف اذا سألك

80
الف مبروك اخي العزيز
وانا نفس شغلتك هم كالو كامله الامنيه وباقي ختم الملف وسألتهم كالوا خلال شهر اتصل علينا بس انا قبل فتره انطوني الولايه انت اسألهم لان هما اذا متسأل مايقولون انا اتصلت بمصر وانطوني الولايه فحاول الاتصال بيهم بلكت محددين الولايه وانشاء الله نسافر بفس اليوم  ;D :D

81
الف مبروك اخي العزير وانشاء الله يوم السفر واتمنى لك الموفقيه

82
والله اختي الجوهره انا اخاف على نفسي واطفالي من البرد لان زوجتي مضبطه ملابسه انتي اكيد نفس الشي بس الا يساعد زوجك عليك اكيد مخلصه فلوسه ;D بس يله هو اكيد مامقصر على نفسه وترى البرد مو طبيعي درجات الحراره كلها جوه الصفر يعني انجماد وانا اشوف تالي احنا وياكم رايحين لتكساس :D :D

83
مشكور اخي القرش الاسود  واتمنى الك الموفقيه

84
مرحبا بجميع الاعضاء الاعزاء

اخواني انا محدديلي ولايه مين مدينه نور ويه وما عندي اي معلومات بس البسيطه واكثر شي اعرفه انها من

 الولايات البارده جدا واخبرني ابو قمر الورده انها من افضل الولايات من ناحيه التعليم

 الحمد لله اطمأنيت على تعليم الاطفال  :D.


فياريت اتساعدوني ببعض الملومات مثل

 معلومات عن المدينه والمساعدات المقدمه هناك وهل يوجد عراقيين وعرب بكثره فيها
 
 وماهي الجنسيات الاخرى الموجوده في هذه الولايه

والاشغال المتوفره او التي تكون موجود للاجىء وهل المنظمه توفر الاشغال لرعاياها

وبعض المعلومات العامه مثل كيفيه استخراج رخصه القياده وتعليم اللغه وطرق التنقل بالولايه

 وماهي سلبيات هذه الولايه وايجابياتها وياريت يكون الجواب من الاخوان الموجودين بالولايه

 او الذين قد ذهبوا اليها ليكون النقل دقيق للمعلومات


وشكرا جزيلا لكل من يساهم في مساعدتي

85
مشكورين اخواني جميعا على اهتمامكم ومباركتكم لي وانشاء الله تفرج على الجميع

وهاي ارقام مصر للاخت الي طلبتهم وانا منون للجميع

0020223595060

0020223582054

طبعا من تتصلون راح اما يكون مشغول او يدق محد يشيله بس انتو لحو شويه بالاتصال بعدين ايجاوبون بس يرادلها تعب   ::)

86
الف مبروك اخويه وانشاء الله تستلم الموافقه ويرتاح بالك والله يوفقك


تحياتي

87
الف مبروك اخويه وانشاء الله توصل بالسلامه والله يوفقك

88
مشكور اخي Revolver  واتمنى لك الموفقيه والنجاح ب حيبت اعرف شكد المده اذا اكو احد مار تمثل ها الحاله

وشكرا

89
مرحبا تجميع اعضاء هذا المنتدى الاكثر من رائع

اليوم اتصلت على مصر للستفسار على ملفي حسب نصيحه الاخوان في المنتدى

واخبروني ان الامنيه كامله  ;D وبس باقي ختم الملف  >:(

اخواني اريد افتهم شنو يعني ختم الملف وشكد يطول  ???

والجماعه يوميه مطلعينه سالفه مره تجيك البصمات وهسه ختم الملف والله يعلم شنو اكو بعد والله طكت

 روحنه من الانتظار

واخير الله يسهل للجميع

90
مشكوربن اخواني على ردودك وراح اخذ بالنصيحه واتصل
يلكت اكو شي جديد

91
السلام عليكم

مرحبا بجميع اعضاء هذا المنتدى الرائع ارجوا ان تقبلويني عضوا بينكم

اخواني عندي بعض الاستفسار والاسأله ياريت الاخوان يساعدوني

انا مقدم على التوطين وانقبلت على امريكا واخر مخابره على مصر قالو انت بالمراحل الاخيره باقي بس تجيك البصمات وسألت على الامنيه قالت واصله واستفسرت شكد اطول قالت اتصل بعد اسبوعين ولحد الان صار 14 يوم من اخرمخابر

(طبعا انا مقدم من سوريا) فأريد اعرف شنو يعني واصله الامنيه وباقي تجيك البصمات هي المفروض من الاجراءت الامنيه تتضمن تجيك البصمات وشكد اطول هاي السالفه

وعلى فكره انا محدديلي ولايته مين فياريت الي عنده معلومات عنها

وشكرا لجميع الاعضاء والمنتدى الرائع

صفحات: [1]