عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - سيمبا

صفحات: [1]
1
حبيبي دكتور امين

واللة انا منتضرك من زمان انو تباركلي بس كلت يمكن انت كاعد دور على سمسار غيري حتة تشتري بيت واكيد مالكيت واحد زين لو طلب عليك هواي ورجعتلي بس يلا انا بعدني على نفس الطلب انت بس جيبهة حلوة وحامضة والكالك بيت بلاش واشوفك منظمة مساعداتها هواي ههههههههه

تحياتي عزيزي واتمنى اشوفك واسمع اخبارك الحلوة و اي شي تحتاج انا برسم الخدمة

2
شكرا جزيلا اخواني الاعزاء

اخي help يارب يفرجهة عليك بالدنيا وبالاخرة يارب ويفتحهة بوجهك

اخي ظاع الوطن يارب يبارك بيك مليون مرة ويفقك ويزيدك خير اخي العزيز

 :-* :-* :-*

3
الف مليون مبروك اخي العزيز وانشاللة يارب توصل بالسلامة وتكون بداية الخير عليك يارب .....

4
الاخوان والاخوات الاعزاء ....
مهند المهند
عراقية وافتخر
عكعك التطوي
شجرة الدر
مريامي

شكرا جزيلا لرقة وعذوبة مشاعركم ويارب يبارك فيكم احني رأسي امامكم واطلب من العزيز الجليل التوفيق للجميع بوركتوم اخواني واخواتي :-* :-* :-*

5
الاخوة والاخوات الافاضل والاعزاء...

كلمة شكر وكلمة امتنان وكل كلام القواميس مايوصف شعوري لرد الشكر لكم فانا فعلا عاجز عن الوصف...
الفهد السباح
بغداد بقلبي
عراقي صابر
انجي
ريم عبد
نهاد احمد
ا.ج.ت
حمادة 2
ther is hop
fddd
اوماها 2 شكرا لكم جزيلا اخوتي واخواتي ويارب من كل قلبي يوفق الجميع ويسهل امورهم بحق الرسول محمد ويسوع المسيح....

كل التوفيق لهاذ المنتدى الرائع وكل الامتنان للقائمين علية
  :-* :-* :-*

6
الاخ طلعت روحي انشاللة ماتطلع روحك بعد الشر

شكرا لمرورك اخي العزيز انا بمصر ولست بسوريا وانشاللة تسهيل امرك يارب...

7
الاخ العزيز سنايبر خليني اكون اول الشاكرين لحضرتك ولمرورك ويارب يوفقك ...
اخي الحمل شكرا جزيلا عزيزي اود ان اعلمك انو تم تحديد موعد سفري بعد اسبوم من ختم الملف يعني انختم ملفي قبل اسبوعين من هاذ التاريخ لانو انا سنكل ...
الاخ اربد يارب يبارك فيك اخي وانشاللة يوم الك...

 :-* :-* :-*

8
الى الاخوة الاعزاء والمحترمين...

اخواني واخواتي الاعزاء حبيت اشاركم فرحتي لان اليوم وبعد عناء طوال 3 سنين تم تحديد موعد سفر يوم 1\4 الى ولاية انديانا ويارب التوفيق لكل المشاركين في المنتدى الكريم وتسيهل امورهم انشاللة وشكرا جزيلا لكل من ساعدني حتا ولو بكلمة بسيطة  :-* :-* :-*

9
مبروك عزيزي اخ نهاد احمد وانشاللة يوم الاستقرار واعتقد انو يمكن احنة الاثنين راح نسافر سوا لان انا انختم ملفي قبل تاريخك بيومين وانا ايضا بمصر وهسة لازم ندخل في معركة شرسة مع المنظمة بخصوص تحديد السفر لان كل السفريات محجوزة لغاية تاريخ 13\4 ويارب التوفيق للجميع

10
اشكرك عزيزي أ.ج.ت ويارب يبارك فيك والتوفيق للجميع يارب

11
عزيزي دكتور امين

انا اليوم اتصلت على المنظمة بمصر لان انا بمصر اصلا وخبروني انو تم ختم الملف وانا بانتظار تحديد موعد السفر وانشاللة التوفيق من رب العالمين للجميع يارب

اما بخصوص اذا كان عندك سؤال فانا بالخدمة اذا عندي الجواب لان انا الحمدللة من سنة 2007 وية المنظمة يعني ناكل ونشرب سوا

اما بخصوص الدولمة فياريت يا اخي العزيز تحضر النوعين حتا يصير حلو حامض لانو مقدار اجوبتي على الاسئلة راح تتوقف على كمية الدولمة ونوعها ونوعيتها  :-*

شكرا للمرور

12
الرواد يارب يبارك بيك ويوفق الجميع وتسهيل الامور على الكل من غير استثناء ....مرسي للمرور

13
اشكرج اختي شجرة الدر التوفيق للجميع انشاللة.....

14
سيدي الفاضل دكتور امين .... 

انا اشكرك شكر الجزيل على تواصلك وعلى معلوماتك القيمة واشكر صديقك الامريكي على معلوماتة الك بصراحة انا عندي اصدقاء اميركان بس للاسف مازاراوا انديانا من قبل وماعندهم معلومات والملفت للنظر انو اكو عراقيين اخذوا جولة بولايات اميركية اكثر من الامريكان نفسهم هي فعلا ولاية صناعية وذات طبيعة كثيير حلوة انا اشوفلهة هواية مناظر على اليوتيوب اما بالنسبة لاسعار البيوت فبصراحة السعر كثير جيد ورخيص بس انا لكوني شخص اعزب فمفارق وياي اي مكان وانشاللة نبقى على تواصل ولو اجيت على انديانا دكتور يمكن اشتغل سمسار عقارات وابيعلك بيت وماكلفك فلوس سمسرة بس يجوز جدر دولمة يكلفك بالتوفيق الك بشكل خاص والجميع بشكل عام  :-* :-*

15
الاخوان الاعزاء

جيب \ابو زينوني ....شكرا جزيلا الكم اخواني الاعزاء ويارب التوفيق للجميع انشاللة

16
اخي العزيز......



ممكن حضرتك توضح انت باي دولة بالظبط ؟ومتى موعد مقابلتك ؟وعموما تكلم بالحقيقة ولاغير الحقيقة ولاتتخوف من اي سؤال او تتردد لثانية كن صريح الى ابعد الحدود لانو مقدار صراحتك مع المحلف سوف تسرع باصدار الموافقة من اللحظة الاولى وسوف تسمع النتيجة انشاللة بعد 15 يوما بالتوفيق يارب...

17
شكرا جزيلا اختي وردة بغداد والتوفيق للجميع انشاللة  ويارب يوم سفرك همين

تحياتي....

18
الاخ ابو ديانا شكرا جزيلا حبيبي ويارب التوفيق الك وللجميع انشاللة يارب

العزيز دكتور امين معلوماتك عن انديانا صحيحة زراعية وصناعية ومع العلم كنتاكي اشهر بالزراعة و انديانا تعتبر صناعية اكثر لكن مع هاذ كمية الزراعة بيهة اكثر من كنتاكي وازيدك من الشعر بيت ولاية انديانا تعتبر قلب اميركا النابض لموقعها ولتصديرها مايزرع فيها الي بقية الولايات شكرا جزيلا الك حبيبي دكتور امين وانشاللة انت همين تجي لهاي الولاية ونزرع سوا هناك  ;D

الاخ العزيز مارون اشكرك جزيل الشكر ويارب يوم سفرك

 :-* :-* :-*

19
الى كل الاحباب في المنتدى الرائع.....

شكرا جزيلا الاخ ابو بهجت \الاخت السباقة للخير انجي \ ابوخالد الصديق العزيز شكرا جزيلا اخي كنا متفقين انو اوصل لولاية اوهايوا نصيد صبور وناكل بس يلا انشاللة بانديانا نشوي تكة وكباب  :D \شكرا اخي العزيز متت من الانتظار  \دكتور امين شكرا جزيلا الك اخي الفاضل على معلوماتك وعلى رسالتك المنتظرة من الشخص الامريكي بخصوص ولاية انديانا

20
الاخ العزيز ضاع الوطن والاخت العزيزة ريم عبد

شكرا جزيلا على كلماتكم الرقيقة وعلى ردودكم الغالية يارب التوفيق للجميع وتكون حياتكم اكثر اشراقا من اشعة الشمس

21
الف الف الف مبرووووووووووووك اخي الحمل
خوش بشاره ياربي ان شاء الله اتحصل موعد سفر قريب وانشاللة التوفيق بكل المراحل الجاية من حياتك يارب

22
 :-* :-* :-* :-*شكرا جزيلا

انا فعلا اشكركم من صميم قلبي ويارب يسهل على الجميع وانشاللة تحقيق الاماني والكرين كارت والجنسية  ;D
الاخوان الافاضل الحمل\حمادة2\نهاد احمد\ابو سارة\اربد\يارب يسهللكم من كل قلبي وتفرحون واللة بصراحة انا ما اعتقد ب انديانابوليس كثيير عراقيين ولو العراقيين بكل مكان حتا على سطح القمر لالاسف بس هاي الولاية ومركزها الي اسمة انديانابوليس ماسمعت بي عراقيين موقع الولاية فوق الممتاز بس ما اعرف تفاصيل ونوع المعيشة هناك لان تختلف من ولاية لاخرى لهاذ السبب حبيت استفسر حتى اصدقائي الامريكان الي اعرفهم مارايحيين الهة بس يكولون حلوة وصناعية وزراعية ورخيصة على العموم شكرا لكل من شاركني حتا ولو بكلمة بسيطة  :-* :-* :-*

23
مساء الانوار على الموجودين ......

اخواني الافاضل بعد صراع طويل لانهاء معاناة تحديد الولاية تم تحديد ولاية انديانا وبالضبط مركز الولاية انديانا بولوص ارجوا من كافة الاخوان والرجاء الرجاء التفضل باعطاء معلومات حقيقية عن هذة الولاية والرجاء عدم المشاركة من خلال طباعة موضوعات عامة تؤخذ من النت او معلومات سطحية يعني بالعراقي معلومات عن العراقيين الي وصلوا هناك بالتحديد وشافوا وعاشوا الايجابيات والسلبيات .... وشكرا مليون مرة على اي مشاركة بسيطة :-* :-* :-*

24
حبيبي سامر
انا لما قابلت المحلف لكيتة هو حجة وياي وطبعا لان قرا قضيتي ويعرف شنو التفاصيل فيعرف انا كنت مترجم
فلكيتة على طول ماخذ راحتة وياي وكانت ويا مترجمة بالغرفة وطبعا لانو هو موضوع مصيري في ذاك اليوم وموضوع مقابلتك مع المحلف كانو يكون موضوع ولادتك من جديد على الكرة الاضية ولان تحس مستقبلك كلة واكف على هاي المقابلة وبيد الشخص الي كاعد كدامك فانت تنسى حتة اسمك مو بس الانكليزي فانا كتلة راح احجي وياك طول المقابلة واذا اكو شي ما افتهمتة راح اسال المترجمة فكال اوكي عادي طولت بالمقابلة ساعة لان قصتي كانت بيهة تفاصيل كثيرة وطول الوكت انا احجي وهو يسال والمترجمة كاعدة على صفحة تلعب باضافيرهة حتة انا باوعتلة وضحكت وانتبة المحلف وباوعلهة وهمين ضحك يمكن اكو شي واحد ضحكني بالمقابلة لابعد الحدود ردت اكول رقم 24 بالانكليزي ونسيت فسالت المترجمة همين خربت من الضحك كلتلي مقابلتك كلهة انت حجيتهة وصارلك ساعة تحجي وماتعرف رقم 24 كتلهة لاء راح من بالي هههههههههه اخر شي المحلف طلب من المترجمة انو توقع على الاوراق فكالتلة انا ماحجيت ولا ترجمت شي هو حجة قصتة كلهة فليش اوقع كالهة اوكي بس انتي حضرتي وترجمتي رقم 24 هههههههه فوقعت بعدين هاذ الي صار وياي اتمنى تفيدك هاي المعلومات ويارب بالتوفيق  ;)

25
مساء  الانوار على كل الموجودين والي ماموجودين همين 

بصراحة اخي انا هاذ الموضوع مضايقني لابعد الحدود انا بمصر وقابلت محلف وطلعت النتيجة قيد الدراسة وبعدين طلعت موافقة المحلف وطلعت الامنية وخلصت الفحص الطبي كلشي خلصت ب 4 شهور وانطيت ولاية اوهايو وضليت انتظر بيهة شهرين وماجت الموافقة طلع الاخ الكفيل الي بااوهايو يشتغل بالعراق وما موجود ورحت بتاريخ 27\1\2010 انطيت ولاية كاليفورنيا يعني ضفت ولاية ثانية وبعدني كاعد انتظر وكل ما اتصل ع الكفيل يكول محد خابرني ولا احد اتصل بية تخيل انو الناس كلهة تتوقف مشكلتهة على موافقة امنية او موافقة محلف وانا موافقتي الامنية اجت باسبوع وكاعد انتظر بس موافقة الولاية صارلي من شهر 11\2009 وما ادري شلون راح تخلص

ع العموم الخيرة فيما اختارة اللة سبحانة واسأل التوفيق للجميع ::)

26
الى الاخت جورجيا

انا رحت الاسبوع الي فات الى الاي او ام وكنت مقدم على ولاية اوهايو كولمبوس وايضا عرفت انو الولاية تعبانة وصارلفي اكثر من شهرين انتظر الموافقة وما اجت واخر شي رحت للمنظمة وانطيتهم عنوان ثاني بكالفورنيا واعتقد انو الوضع عادي جدا انو تنطيهم عنوان ثاني وراح يضيفوا ع السيستم وتبدي اجراات جديدة بالنسبة للعنوان الثاني هاي بالنسبة الى مصر واعتقد نفس الاجراات بكل المنظمات بقية الدول ارجوا ان تفيدك المعلومات

27
حبيبي ابو خالد الورد
الف مليووووووون مبرووووووووك واللة فرحتلك من كل قلبي ويارب تسافر وتوصل بمليون سلامة وتتهنا بس لاتنسا ترا هاي امانة لاتاكل صوبر من وراي ترا الصبور صاير صغار ع البرد وبعدين هاذ صبور عندة جنسية امريكية يعني مايردالة لاتمر هند ولا شي طلع الصبورة تلكاها ماخذة كرين كارت من كاعهة هههههههههههههه

يارب يهنيك وتكون ايامك كلهة فرحة وسعادة وكل الموجودين انشاللة

28
مساء الخير على كل الاخوان والاخوات الي موجودين بهاي الجمعية والجمعيات الاخرى .........

بالبداية انا مؤسس جمعية انتظار موافقة الولاية وختم الملف يعني مالي علاقة بهاي الجمعية ويارب يسهل على هاي الجمعية كلها بالخير والفرحة بس حبيت اكتبتلكم لان اكو احد منظم لهاي الجمعية باسم الفارس واليوم خابروا وبلغوا انو الموافقة الامنية وصلت وهو تاريخ مقابلتة كان يوم 23/6/2009 واليوم يلا وصلت الموافقة الامنية بس انا حبيت اخبركم بهاذ الشي حتا شوي ينطيكم بصيص امل وتفرحون وتحسون انو انشاللة يوم الي تجي موافقتكم لان بصراحة صديقي ماعندة نت فحبيت انا اكتبلكم  بمكانة يوم االكم

29
مساء الخير على كل الاخوان والاخوات الي موجودين ........

حبيت انطي مختصر مفيد عن الي صار وياي.... البارحة اتصلوا علي منظمة الهجرة وانطوني موعد فحص طبي على مستشفى الانجلوا اميركان ورحت اليوم الساعة 11 وكلتلي الموظفة انت اول عراقي تجي بالموعد كتلهة يمعودة اصلا لو تخابرون على العراقيين علمود السفر يجون قبل شهر يباتون يمكم بالمستشفا لان بس يردون يخلصون ويطلعون من هاي الحفرة ضلت تضحك فحصت الفحص الطبي... وبصراحة حتى الدكتورة كانت بقمة الحقارة واسئلتني اسئلة استفزازية ومن سالتها ليش هشكل الطريقة الي مو لطيفة بالكلام تجاوبني تكلي انا مسوؤلة عن الامن الامريكي وعن الحالة الصحية طلعت يمكن هاي الدكتورة همين محلفة وانا ما ادري ههههههههه
واللة ما ادري شوكت اللة سبحانة وتعالى يرضا ع العراقيين ويخلصهم من هيج اشكال ما اعرف اللة ارحم الراحمين

وباجر عندي فحص اشعة بعمارة رمسيس وتبقى بس موافقة الولاية وختم الملف واخلص انشاللة

30
اقوى شخصية حمضية بهاذ الموقع

حبيت اخذ منكم كرسي الرئاسة وابلغكم انو انا اقوى شخصية حمضية و احد اشهر اشجار الحمضيات بالدنيا

اول مقابلة بتاريخ 18\12\2007وبعدين صار هدوء نسبي لان الي اشتغلت ويا مارد على ايميلات منظمة الهجرة وضليت محمض وادور بالشبكات العنكوبتية على واحد ثاني يرد لمدة سنة ونص لحد ما لكيت واحد ثاني وكملت الاجراأت وكانت اول مقابلة بتاريخ 21\6\2009 وطلعت قيد الدراسة وبعدين اجة الفرج وطلعت الموافقة بشهر 11\2009 ومنتظر موافقة الولاية والكشف الطبي وحتة الامنية جاهزة .....
هسة شتكولون تنطوني الكرسي لو لاء

31
اختي جوهرة بغداد بعد التحية والسلام

ترا انا همين من سنة 2007 ولحد الان باقي وانا لازم اسافر من غير لاتوطين ولا شي ومع هاذ اكول اللة كريم بس نصيحتي الج انو تروحين على منظمة الهجرة الدولية اذا انتي بلبنان وتسويلج هوسة وياهم لان الموظفين مايخذون بالحسبان الحالة الشخصية لصاحب القضية وبعدين اكو خطوات بيروقراطية يعني امور كثير تختلف من ولاية لولاية يعني اول خطوة تسويهة تراجعين بالمنظمة مالتج اكثر من مرة ونصيحتي الج انو تضوجيهم بمراجعاتج حتا يستعجلون ويدزون اكثر من ايميل لاستعجال طلب الكفيل والرد بسرعة .....
ولاتكولين ضايجين بالعكس يارب نكدر نخدمج ونساعدج وتنتهي قصتج بالفرحة والسعادة يارب

32
اختي جوهرة بغداد ....

ماكو شي اسمة يخلوج بغير ولاية انا انسان معتق مع منظمة الهجرة الدولية ومن خلال شغلي التقي بكثير من الموظفين التابعين للهجرة الدولية فرع مصر ماكو شي اسمة يخلوج بغير ولاية هو كفيل ولان كفيل معناها واجباتة انو يستقبلج بالمطار ويوفرلج مكان للسكن لمدة اسبوع او حسب ماتحبين لحين توفير السكن الملائم الج واذا ماعندج كفيل اصلا فالمنظمات الخاصة المدنية هي كفيلة ان تستقبلج على حسب اختيار منظمة الهجرة الدولية للولاية الي تشوف انو فيهة استيعاب لحضرتج يعني بالعراقي ياولاية بيهة عراقيين هواي وبيهة منظمة ممكن تساعدج ....
وحتة تتطمنين اكثر لازم تخابرين خالتج وتتأكدين منها اذا اتصل بيهة احد بخصوص الكفالة لان اذا اتصلوا عليهة يعني تحسبين اسبوع انشاللة ويتصلون عليج ويارب طيرين بالطيارة وتخلصين ...بالتوفيق

33
اخواني واخواتي الي موجودين بجمعيتنا يارب التسهيل عليكم والتوفيق للجميع

سلامي الخاص لكل الي موجودين اخي العزيز الصبر طيب انا من جماعة 11\7 يارب تكون المعلومات الي كتبتهة تفيدك ولو كاتبنا تفاصيل اكثر عن تواريخ مقابلتك اعتقد راح تكون مفيدة اكثر للموجودين......
اخي علي رسول طبعا انت صاحب بيت وهاي الجمعية بيتك واحنا ضيوف عندك واذا ماتشيلك الجمعية تشيلك العين قبل الراس بس اعتقد انو انت لو متواصل بجمعية انتظار الموافقة الامنية راح تكون كثيير احسن الك لانو راح تعرف معلومات اكثر تفيدك لان حسب ماعرفت انو انت منتظر الموافقة الامنية واعتقد الي منظمين لهاي الجمعية منتظرين موافقة الولاية وختم الملف يعني انا اكول يجوز مانكدر نفيدك بمعلوماتنا ولان انت تبحث عن شي معين وهو الموافقة الامنية عموما مليون اهلا وسهلا بيك...
حبيبي ابو خالد اخيرا كتبت وحنيت علينا بس اكول اخاف هناك اذا نصيد صبور ماكو عندهم تمر هند مال الحشو لو اكلك بعد احنا بارض الاحلام نخلي جوز هند مبروش بدل تمر الهند ههههههههه
يارب يكون عيد الخير والفرحة على كل العراقيين الطيبين ويارب التوفيق للجميع مرة ثانية :-* :-*

34
حبيبي حسين علي مليون اهلا وسهلا بيك وتدلل على تأسيس الجمعية ويارب انشاللة تأسيس مطعم مسكوف باميركا ههههههه....ابو سرمد اهلا وسهلا بيك ومنور الجمعية ...ابو خالد مشتاقين يارب تكون بخير الاخت جوهرة بغداد شكرا على ذوقج  العالي وكرم كلماتج الرقيقة يارب التوفيق والسفر للجميع ...... الاخت دمعة يارب باحسن حال انشاللة ...متذرعين لنبي الاسلام وطالبين بحق مريم العذراء تسهيل امورنا يارب العالمين  :-* :-*

35
عيد الخير والبسمة على كلمن حلو اسمة خفيف بخفة النسمة كمر ماينوصف رسمة.......
كل عام واعضاء الجمعية وكل المغتربين بالف مليون خير ويارب انشاللة يوم الي نتعايد بارض الاحلام ونصيد صبور سوا انا وياك ابو خالد .....دمعة يارب توكنين بخير ويارب تحولين الاسم الى ضحكة يارب دائما انشاللةجوهرة بغداد انشاللة دوما متالقة وتضلين جوهرة ويارب  بنفس الطيارة سوا وياج ويا ابو خالد ويا دمعة
شكرا للاعضاء على المساهمة بهاي الجمعية ويارب التواصل دائما .....

الدولة ...مصر
مقابلة المحلفين بتاريخ 21\6\2009
الموافقة الامنية بتاريخ  1\7\2009
استلام النتيجة بتاريخ  14\7\2009 وكانت قيد الدراسة
موافقة المحلف 18\11\2009
الفحص طبي...بالانتظار
موافقة الولاية...بالانتظار

يارب تكون هاي المعلومات مفيدة للاعضاء وحبيت اهديلكم صورة خاصة بالنسبة لاعضاء هاي الجمعية يعني هاي صورة بس للي طلع من قيد الدراسة اتمنى تعجبكم :-*

36
بعد التحية والسلام ...

اخواني واخواتي اعتقد بعد طول الانتظار ولتفكير وبعد انو طلعنا من جمعية قيد الدراسة من غير جروح او كسور والنتيجة كانت( 1-0 )يعني الي طلعت موافقتة  اخذ واحد والمحلف طبعا صفر ويارب الي موجودين بجمعية قيد الدراسة كلهم يتـأهلون للنهائي بطولة العاب القوى وشد العضلات بين المحلف وبين صاحب القضية  ;D ;D
فكلت نأسس هاي الجمعية لغرض متابعة اخبار بعضنا البعض ويارب يوم السفر والاستقرار :-*

37
شكرا جزيلا الك حبيبي ابو خالد انا كنت دائما اقرا ردودك ومتابعتك المستمرة للموجودين ومحاولة شد ازرهم يارب ينطيهم الصبر ويريح بالهم ويارب التوفيق للجميع ..... بس انا غيرت راي اليوم لان لكيت اوهايو باردة بس ماكو شط ولانو انا من البصرة وصارلي 3 سنين ما اكلت صبور فقررت اروح لولاية ماساتشوستس(بوسطن) لان اكو صديقة الي امريكية تريدني اروح هناك ولانو اكو شط كلت همين اسبح وهمين اصيد صبور امريكي هههههههههههههههههه... وعلى فكرة هي همين باردة يارب يوفق الجميع مرة ثانية وشكرا ع الرد :-*

38
مساء الخير لكل الي موجودين انا مااخفيكم السر انو ترددت اكثر من مرة حتا اكتب بهاذ الموقع لانو كنت دائما مشاهد لكل ماكان مطروح من مواضيع بس لسبب او ظرف مريت انا في ولاسباب اخرى تهم الكثيير من العوائل والاخوان حبيت اشارك واكتب انا احد الاشخاص الي قضيتهم بمنظمة الهجرة من سنة 2007 ولسبب ما ماكملت بقية الاجراءات لكن اجريت المقابلة مع المحلف في 21-6-2009وطلعت النتيجة قيد الدراسة مع العلم انو موافقتي الامنية حصلت عليهة بعد اسبوع من مقابلة المحلف وقبل 5 ايام من هاذ التاريخ اتصلوا علي من منظمة الهجرة من مصر وبلغوني بموافقة المحلف وكان فرحتي كبيرة بس الي خلاني اكتب بهاذ المنتدى هو وجود الكثيير من الناس الي تفكر بانتهاء معناتها بمصر وسفرها الى برا الحل الوحيد انو تشغل نفسك وماتفكر بالموضوع اعرف الطلب صعب بس هو هاذ الواقع انا كنت اشتغل بوظيفة بارقى مكان في مصر ويمكن هي السبب الي راح تشيرون علي انو خلاني ملتهي بس حبيت اكلكم انو هي كلها غربة بغض النظر عن المكان الي انت في وحصولك على جنسية محترمة :'( وانا باقي انتظر بس موافقة الولاية وختم الملف والفحص الطبي لان انا طلبت ولاية اوهايو ولان انا من البصرة ردت ولاية اموت بيهة من البرد لان الشرجي قتلني ههههههههه
يارب التوفيق للجميع  :-*

39
مساء الخير لكل الي موجودين انا مااخفيكم السر انو ترددت اكثر من مرة حتا اكتب بهاذ الموقع لانو كنت دائما مشاهد لكل ماكان مطروح من مواضيع بس لسبب او ظرف مريت انا في ولاسباب اخرى تهم الكثيير من العوائل والاخوان حبيت اشارك واكتب انا احد الاشخاص الي قضيتهم بمنظمة الهجرة من سنة 2007 ولسبب ما ماكملت بقية الاجراءات لكن اجريت المقابلة مع المحلف في 21-6-2009وطلعت النتيجة قيد الدراسة مع العلم انو موافقتي الامنية حصلت عليهة بعد اسبوع من مقابلة المحلف وقبل 5 ايام من هاذ التاريخ اتصلوا علي من منظمة الهجرة من مصر وبلغوني بموافقة المحلف وكان فرحتي كبيرة بس الي خلاني اكتب بهاذ المنتدى هو وجود الكثيير من الناس الي تفكر بانتهاء معناتها بمصر وسفرها الى برا الحل الوحيد انو تشغل نفسك وماتفكر بالموضوع اعرف الطلب صعب بس هو هاذ الواقع انا كنت اشتغل بوظيفة بارقى مكان في مصر ويمكن هي السبب الي راح تشيرون علي انو خلاني ملتهي بس حبيت اكلكم انو هي كلها غربة بغض النظر عن المكان الي انت في وحصولك على جنسية محترمة :'(وانا باقي انتظر بس موافقة الولاية لان انا طلبت ولاية اوهايو ولان انا من البصرة ردت ولاية اموت بيهة من البرد لان الشرجي قتلني ههههههههه
يارب التوفيق للجميع

صفحات: [1]