طبعا برد الاخ العرب اهل الكرم ما يكفي للمدعو "الدكتور" ومعجبيه واللي يكول ماكلمت جاهلا الا افحمني,,فصاحب هذي المقولة هو علي (رض) وهو من افضل العقول واعظم الفلاسفة بالتاريخ حتى ميصير تضرب مثل بهذا الحديث لان ما اعتقد اكو فرق فكري بينك وبين الموجودين كالفرق بين علي (رض) والبشر,,,,,,,,,,,,,,,,,,,
هذا اعجابك بالشعب الامريكي وحديثك عن الوطنية دليل على انه انتة مواصل لراس الشارع وهاي اول سفرة الك,,ولا اكو هواية عراقيين من يسافرون ياهو اليجي يحجي لاهلة ,,يمدحلهم بالدولة اللي جان بيهة وشعبهة سواء كانت امريكا او اوربا او حتى جزر القمر,,,,,,,,
من ناحية الوطنية والارمي والخدمة بيهم,,,,اني ما اعلم الغيب,,,بس اللي شفتة من الجيش الامريكي بكافة صنوفة بالعراق من 2007 ولحد الان,,مابيهم واحد جاي يخدم بلدة ويسبون اليوم اللي تطوعوا بي لخدمة العلم اللي هي اسبابهة(الدراسة الجامعية,التامين الصحي الة ولعائلتة,الراتب المتعاظم),,,,وشفنة حالات الانتحار بالمئات وشفنة الممارسات الرهيبة بالاعلام مثل لوندن السجانة بابوغريب واللي هي (امريكية ابا عن جد)مو مرتزقة مثل ميعللهة البعض,وشفنة برايفت كرين اللي اغتصب طفلة جنوب بغداد عمرهة 16 سنة وقتلهة ورميهة بالبزل وشفنة السارج(العريف)اللي سبب مجزرة حديثة واللي طلعوا من المحاكمة برئ لعدم كفاية الادلة,,لعد بالخفاء شصاير من ذولة المجرمين,,,
الشعب الامريكي بي زينين ومو زينين حالة حال كل شعوب العالم,,ميحقلك تحقر الشعب العراقي امام الشعب الامريكي,,اصحوا على نفسكم ,,مو فرويد صنفنة بالمراتب الاخيرة وانتوا تصيرون ويا,,,دتعلموا شون تنهضون بشعبكم وبسمعتة,,,
والظاهر انتة شخصية علي الوردي حيل عاجبتك,,,يلة ميخالف هو اصلا علي الوردي مهزلة,,,,الشعب الامريكي شعب مادي ويموت عالدرهم واذا مرات كم واحد منهم يسوي عمل تطوعي فهذا بسبب البيئة المحيطة بي(العراق شاف 42 احتلال على مر التاريخ والامريكي الاخير كان رقم 42)
يعني شون تريد امة بمنظومة اخلاق وثقافة وحضارة وبكم من الزمن تنهض لمن هي محتلة 42 مرة,,,
شغلة الز**** وهالسوالف ميصير تذكرهة بكتابتك لان انتة دكتور واكو ملايين العبارات تكدر توصل بيهة فكرة وتكدر تصير كوميدي بنفس الوقت,,
امريكا بلد كان رب العنصرية والخلافات لحد نهاية الثمانينات وانواع الجرائم والاضطهاد لحقوق الانسان حصلت خصوصا ضد الافريقيين الامريكيين,
همة ملتزمين بالنظام حيل لذلك نشوفهم يمردون رصيف توة منبني بالعراق هو والورد البي,,
(شيني هاي)
على ذكر الشيني هاي
شون تتهجم على مدينة الثورة او صدام او مدينة الصدر حاليا,,ذولة عراقيين حالك من حالهم,,بيهم الزين والموزين مثل كل العراقيين,,بس الصفة الطابعة عليهم الفقر,,,اللي يخلي ناس تسوي اشكال
مدينة خرجت اشكال والوان رياضيين وفنانين ومبدعين وحتى طيارين هليكوبتر حاليا
طولت هواية بالحجي,,,,بس راح اكلك سالفة,,,اللي صار عالعراق والعراقيين ,,لو صاير بامريكا,,جان ماكو امرأة بالشارع(مع احترامي لنساء المنتدى بس لازم احجي)
متعرضت للاغتصاب بوضح النهار وامام الناس مشاء الله الcrackheads هواية هناك
وجان صار سلب ودمار وتخريب محد شايفة,,,,
وتحياتي دكتور امين واسمك يذكرني بمصطفى امين
عرض المشاركات
ريم البوادي هو صحيح انسان اني مكايل نبات بحري بس هو منغولي 
