عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ابومريومة

صفحات: [1] 2 3
1
زين واحنه الي بعد مقابلة المحلفين بسنه و8 اشهر انرفضنه شنسوي ونازله المدينه والمطار من 2012 وعساس عدنه موعد سفر 2013 وهسه رفضونه واكبر دليل انو همه بكيفهم مدزولنه ايميل رفض او سببب رفض بس استئناف والله مااعرف شنو اسوي دنموت من القهر
نفس اللي صار وية اخوية وازيدج من الشعر بيت دزو القرار بعد ما انتهى فترة الاستئناف بس اتصلنا بمكتب واحد بالكونجرس وخلينا يشوف بعينة شلون عملهم وهو دز رسالة للهوملاند سكيورتي وقدمنا استئناف وهم اجا رفض بدون اسباب واضحة وهسة من خلال نفس المكتب وكلنا محامي هجرة والله كريم

دمتي بخير

2
اخوان اليوم فتحت الرسائل ولكيت رساله ما رفض ..وماشرين على اخر رقم السابع

واستانف وعندك مجال 90 يوم ..واني قبل اسبوعين يتصلون ويكولن انته مكمل كلشي وانتظر السفر ؟؟
متكولولي بيمن اصدك التلفون لو الايميلات لو الرموز لو الايميل مال الرفض وبيه 4 اتاجمنت وشلون اقدم



اذا عندك عرف بأمريكا يوكلك محامي هجرة من هنا افضل الك


3
حتى الاخوة والاخوات ممن ينتظرون مقابلة اضافة طفل او الفحص الطبي للطفل نفس النصيحة اوجهها الكم لا تسكت للأي او ام ومحد يكدر يسويلك شي المهم تلتزم بالادب وعدم التطاول وان يكون دافعك هو الخلاص من تردي الوضع الامني

ودمتم بخير

4
اخواني واخواتي السلام عليكم ورحمة الله

آسف جدا على انقطاعي لمشاغل الحياة هنا ولكن للأمانة ومن خلال تجربتي السابقة مع الاي او ام من خلال اقاربي  اللي عددهم يزيد عن 10 ملفات تبين ان الامنية اللي يحجون بيها الاي او ام كذب تريدوها بالعراقي جذب

اخواني الامنية تبدي من يدزون الملف للهوملاند ويصير الملف فعال بالموقع في 90% من الحالات وتستمر مدتها حتى الوصول لأمريكا من شهرين الى اربع اشهر فقط ( الكلام هذا من الهوملاند سكيورتي من خلال رسالة جاوبها لعضو الكونجرس)

الاي او ام كذابين بكليشة الامنية
مختصر مفيد الامنية تبدي للملف بعد ما يقدم الملف من قبل الاي او ام الى uscis او الهوملاند سيكيورتي والملف يكون جاهز للتقديم بعد اكمال الفحص الطبي ولكن الاي او ام ميقدمة ويقدم الملفات اللي حالاتها مستعجلة كتهديد او قصة او جنص من خلال عدد محدد

نصيحتي لكم اخواني لاتنطون مفكة للاي او ام وتدزون يومية ايميلين على الاقل وميهمكم الكليشة مالت اسبوعين القصد ان تستمرون بالضغط من كم الرسائل اللي توصلهم حتى لو توصل 100 رسالة بالشهر
وبكل رسالة اكتبوا وضعكم من تدهور امن وامان حتى لو تكررت الرسالة مرارا لا تيأس

نقطة ثانية محد يكدر يرفضك بعد ما اكتملت المحلفين عندك ابدا لا تقلق من هاي النقطة وقوي قلبك نفتحلك ملف بالهوملاند ومنتظرين الاجراءات من الاي او ام تكمل والاي او ام غيرة ماعدهم لذا ملفك نايم 

واللي عندة اتصال عن طريق اقاربه باحد اعضاء الكونجرس في ولايته يتصل عليه ومكتبة راح يكون مفتوح للجميع وهو بدورة يتصل على الهوملاند سكيورتي ويمشي ملفك

الهوملاند سكيورتي يعرف تماما بإستهتار الاي او ام من تأخير الملفات ولكن عوامل كثيرة تمنعهم من ان يحاسبوهم على التأخير منها موافقات السفر المحدودة اللي تصدر كل يوم بالنسبة لأعداد الملفات الموجودة

آسف مرة اخرى لعدم مشاركاتي في المنتدى واعذروني مراح اكدر اوعد احد بالرد بس اللي اتمناه ان الله يوفقكم ويوصلكم لبر الامان من غير مضرة او سوء

ابومريومة البغدادي
ويسكنسن

5
مرحبا اختي عطر

الامنية مدة اكسبايرها سنة وبس تصدر من امريكا خلال اسبوع يتحدد موعد السفر وان شاء الله عن قريب تسمعينا الاخبار الحلوة عن ملفكم واذا تحتاجين اي شي هنا اني حاظر


تحياتي
ابومريومة

6
الله يبارك فيكم اخوتي ويوم اللي ترتاحون من ضيم الانتظار وتتوفقون في حياتكم وان يعافيكم ويعافي اولادكم ويفظكم من كل مكروه

طبعا اعتذر لان مدا اجاوب لان المواعيد نزلت بدون لا احم ولا دستور وماكو مجال وكل من يوصل راح يمر بهاي التجربة

بالنسبة للمواعيد
ملفي من القدامى رقم 112 ومقابلة المحلفين بشهر 3/2011
الفحص شهر 7/2012 والملف تحول فعال قبل السفر بحوالي 5 اشهر
الامنية اكتملت رسمياً بتاريخ 20/3 وتحولت بالموقع بعد 7 ايام
طبعا اكسباير الامنية مدته سنة كاملة وكل من يوصل راح يعرف هذا الشي بنفسة من خلال الموافقة اللي تصدر وية I-94
موعد السفر وصلني قبل السفر 25 يوم وعرفت بيه من المنظمة مالت امريكا قبل يوم من تبليغي عن طريق الاي او ام
اكرر بمسألة الفحص الطبي قبل السفر جدا مهم لان راح يمنعكم من السفر رغم انكم ما تحتاجوه لا من بعيد ولا من قريب
بالنسبة لأخوية ميكا اعتقد تقصد ابومريومة اللي كان بمصر واختلطت عليك الامور

اي سؤال حاضر للإجابة وكل التوفيق للجميع
اكرر شكري وامتناني لأخوية دبس وراشي على وقفته المشرفة معي رغم عدم التقاءي به في مطار بغداد لكن كان موقفه شهم ويستاهل كل الخير والثناء وربي يجعل اعماله خالصة لوجه الله وان يجعلها في ميزان حسناته

تحياتي

7
بداية الحمد لله ثم الحمد لله على منه وعطاءه لوصولي الى ارض الولايات المتحدة سالما معافاً مع عائلتي

موعد الرحلة كان يوم الاحد الماضي اي بعد الانتخابات بيوم وكان المطار جدا مزدحم بالمسافرين وكنا احنا جماعة الاي او ام 37 شخص وصلنا الى عمان وجميعنا كانت الرحلة من بعدها الى شيكاغو
من عمان تأخرت الطيارة حوالي ساعتين ونص ومن بعدها 13 ساعة ونص بالجو يعني نطبخنا طبخة معدلة لحد الان دايخين من الرحلة المتعبة
مع الاسف الفرحة لم تكتمل عندي بسبب فقداني لحقيبتين وكان بيها جميع ملابسي وملابس ام مريومة والحمد لله على كل حال
مشاعر اللقاء مع الاهل لا توصف ابدا
الرحلة كانت من بغداد الساعة 9 صباحا ووصلنا الى عمان الساعة 10 ونص تقريبا ومن بعدها اخذونا للفندق بعد ما اعطونا تكتات السفر الى مطار شيكاغو كان السفر من عمان المفروض الساعة 10 ونص صباحا لكن بسبب حالة طارئة في الاجواء اليونانية تأخرت الرحلة حوالي ساعتين ونص ووصولنا الى شيكاغو كان الساعة سبعة ونص مساءاً طبعا المفروض نوصل قبل هذا الوقت بساعتين حتى نكدر نلحك على الرحلة الداخلية والمتوجهة الى ميلووكي لكن شاءت الاقدار ان نفقد الرحلة ونقلنا الى الفندق في شيكاغو وبعدها في اليوم الثاني كانت الرحلة من شيكاغو الساعة 8 صباحا ووصولي الى ميلووكي بعد 15 دقيقة بفضل الله وحمده

موضفي الاي او ام في شيكاغو بلا انسانية ولا يمدون للإنسانية بصلة ولكن الحمد لله على كل حل وادعو الله ان يخلصكم من الاي او ام بأقرب وقت
وأي سؤال حاضر للإجابة وكل التوفيق للجميع ان شاء الله

شكر خاص للأخ دبس وراشي على وقفته النبيلة وكنت اتمنى اتعرف عليه بالمطار لكن شاءت الاقدار أن ما التقي بيه رغم انه كان موجود وربي يوفقه وينصره على كل من يحاول ان يمسه بسوء .. اللهم آمين


8
الى رحمة الله ... عظم الله اجوركم وغفر له واسكنه فسيح جناته
اللهم اجعل قبره روضة من رياض الجنة ولا تجعله حفرة من حفر النار
اللهم الهم اهله الالصبر والسلوان وان يجمعهم به في جنة الخلد

اللهم آمين

9
اختي العزيزة
المنظمة اللي بأمريكا تعرف بموعد السفر قبل الاي او ام مالت عمان بيوم او يومين لذا انطو خبر للكفيل مالتكم يرتب وية المنظمة لان الموعد مالتكم على الابواب وان شاء الله الاثنين يبشركم بالموعد وكل التوفيق ان شاء الله


تحياتي

10
اخي الصابر شايف كل الخير وبالتوفيق

تابع وية كفيلك عن طريق المنظمة اللي هناك يوصل موعد السفر الهم قبل الاي او ام بيوم

تحياتي

12
لا اختي ميحتاج الفيز ما تنختم بالجوازات مسبقا وانما السفر عن طريق حجز التذاكر مع الجوازات وتأشيرة دخول وانتهى

لعد احنا مخلينا سنتين و 3 ننتظر تجييكات امنية على شنو غير حتى يعرفون كل واحد بينا كم شعرة براسة ويستقبلونا بالمطارات ;D

تحياتي

13
الف مبروك اخي على موعد السفر وتوصل بخير وسلامة

لكن الموعد يوم 21 وليس 20 لان يصادف يوم السبت ;)

تحياتي

14
كل التوفيق لاخونا العزاوي وان شاء الله يوصل بالسلامة

15
مشكورين وبارك الله بيكم على الاجوبة

تحياتي

16
اخوية العزيز دبس وراشي الف رحمة على والديك حبيب

اخوية بس اريد اسألك بخصوص الجي ام سي يوم الجمعة قبل اللي راحت كنت بساحة عباس وشفت الجي ام شي كاعد تشتغل وكل وحدة بيها رقم بوقتها سألت الحرس كلي كلها مجانية وكذلك الباص بس اذا تريد تنطي اكرامية بعد يمك ردت اعرف الكلام هذا دقيق لو اكو اجرة بالنسبة للجي ام

ومشكور يا وردة

17
السلام عليكم اخوتي واخواتي

بالنسبة للي سافروا يوم الاحد شوكت ياخذون الحباية يوم الخميس لو يوم السبت

شاكر اجاباتكم مقدما

18
سلمت الايادي اخي العزيز دبس وراشي الله يجعله في ميزان حسناتك

20
الحمد لله على سلامة الوصول اخي ابو بنين

بس ممكن تكولي شكد ضليت تنتظر بعد ما صار السفر بالانتظار ونطوك موعد

وكل التوفيق ان شاء الله

21
اكيد اهمال لان سفرك معتبريه بعدله وقت

اخي حاول اسبوعيا تدز رساله وحاول تدمج بي الاوضاع العامة بالبلد وتخليها خاصة تمر بيها ;) ولح عليهم

22
يارب يكون انضمامي للجمعية فاتحة خير على الجميع

اكتمال الامنية يوم 16/3
تحول السفر انتظار يوم 18/3

23
الف مبروك اخي العزيز دبس وراشي على الموضوع جزاك الله الف خير على الاعداد والاخبار الحلوة اللي تنقلها

بالنسبة للاعداد لشهر شباط من العراق تحديدا هو 592 مسافر اي او ام فقط
الاحصائية حسب موقع الرابس نت

تحياتي

24
اخي العزيز الله يكون بعونك
نصيحة من اخ لأخوه ارسل كلامك هذا كله للمنظمة واحذف الكلام السيء منه ولا تحاول تغير شي بما فيه الاستهزاء عن الامنية وضيف وياه بعض الصعوبات اللي تواجهها من بقاءك بالعراق وربي يوفقك ان شاء الله


تحياتي
ابومريومة

25
منورة سوسو وان شاء الله الامور تتيسر اكثر وياكم والحياة لازم بيها تعب ومواقف صعبة في كل مكان

تمنياتي لك بالحياة السعيدة والموفقية والنجاح

تحياتي

26
ابو زياد الغالي الف شكر على الامنيات الجميلة ويوم اللي اسمع خبر سفرك آمين يارب العالمين

27
شاكر دعواتك اخوية ابوفهد ربي يحفظك وييسر امرك ياطيب

ابومريومة

28
اللهم اشفه وعافه واغفر له

عندة العافية اخونا حسين  وميشوف غير الخير ان شاء الله

29
بصراح اخي العزيز ماعندي علم بهيج حالة بس عندك المحلفين مكتملة؟؟

على العموم الكفيل مالت شنو يكول واصلة الاوراق مالتك لو لا؟

وبكل الاحوال اكو سبب بعدم اضافتها اما اهمال وتقصير منهم او شي يخص موافقة الولاية

وكل التوفيق ان شاء الله

30
الف مبروك لﻷخ ابو مريومه على اكتمال الامنيه .ان شاء الله يوم السفر القريب.
الله يبارك بيج اختي ام اديان وتمنياتي لك بالموفقية

31
اي اخوية كتبت الاي زي نمبر لان ماعندي A#

اذكر تفاصيل المقابلات والتقديم مع الرسالة

وكل التوفيق ان شاء الله

32
الله يكون بعونك اخي العزيز على الانتظار وربي ييسر امرك ويفرج كربك اللهم آمين

بالنسبة لأخوية سنكل الايميل واصلة الرمز DSH وليس DHS والمفروض يكون اسم الموضف ولا يدل على قسم معين

في حال كان المقصود من DHS الهوملاند سكيورتي فيكون العنوان واضح الاجراء كإجراء المقابلات او اعادتها مع DHS

وبالتوفيق

33
السلام عليكم شباب ان شاء الله مرتاحين
طبعا شكر خاص ل ابو سماني على هاي المبادره الحلوه . حبيت انضم الكم لان حالة الملف مالتنه فعال والتشييك الامني بالانتظار
ابو سماني عندي سؤال لو شويه خارج الموضوع بلنسبه اللي اذا اريد اخطب واتزوج هسه الحك لو لا وشنو الاجرائات اللي لازم اسويه وهل يؤثر هذا على سفر العائله كلها لان احنه ثلاثة كيسات والوالد هو صاحب القضيه.
ان شاء الله الكل تسافر وتخلص عذاب الانتضار

من رخصة الاخ ابو سماني راح اجاوبك اخي العزيز مهند
بداية اهلا وسهلا بيك بين اخوتك بالمنتدى بصورة عامة وبالجروب بصورة خاصة

جوابا على سؤالك نعم اخي العزيز يؤثر على سير الملف عند اضافة شخص على الملف اما باقي الكيسات فلا يوجد تأثير شرط ان يكون الربط بين الملفات ضعيف
التأثير اللي يكون
1- اعادة محلفين
2- اعادة فحص طبي
3- انتظار الامنية من جديد

ربي ييسر امرك وتتوفق بزواجك وحياتك

34
اهلا وسهلا بيك اخوية حسام نورت عين كاوة

بالنسبة للاعدا الموضحة هي حسب تقرير مرسل للكونجرس قبل بداية السنة المالية 2013 يعني نهاية شهر ايلول 2012

ومع هذا لا تستبعد السفر خلال هاي السنة لان اكو ناس تطلع من التعليق وتسافر بصورة طبيعية لان مو كل المعلقين اجراءاتهم معقدة لذا كون مطمإن طالما المحلفين مكتملة ونازلة الولاية والمطار عندك بالموقع

تحياتي

35
هذا العنوان اللي كتبتة بالرسالة  ;D
Iraqi Refugee Cases pending at IOM or USCIS

36
طبعا هذا رابط موجود يوضح طريقة الاتصال على الايميل المذكور طبعا الرابط فقط للتوضيح بالاتصال على المكتب

http://www.linkedin.com/groups/USCIS-email-case-status-inquiries-4286626.S.147647776

37
بصراحة اللي صار ويانة ان كتبنا رقم IZ لان ما كدرنا نحصل A#من المنظمة

لذا اعتقد راح يكون الاعتماد على الاسم على الاغلب

طبعا اذكرلة بعض التفاصيل المهمة والمخاطر اللي تواجهك عند رجوعك للعراق وحتى بقاءك بسبب الاوضاع الغير مستقرة اجتماعيا بسبب عدم السماح لكم بالعمل والباقي عليك تضيف اللي تشوفة مناسب

وبالتوفيق ان شاء الله

38
السلام عليكم اخوتي

بصراحة اريد اشاركم تجربة بخصوص طريقة الاتصال مع USCIS وبالذات الفقرة رقم 3 من الطرق الموجودة

بعد الاتصال على الرقم 800-375-5283 طبعا الرقم مقلوب (ماادري شبيه جلب) حاولوا الاتصال يتركز على التأخير مالت الاجراءات والمشاكل اللي تواجهوها في بقاءكم بالعراق او دول الجوار طبعا راح يطلب منكم ارسال ايميل عن طريق ncsc-customerconnect@uscis.dhs.gov
طبعا بالنسبة الي ارسلت ايميل بخصوص اربع كيسات متأخرة على اختلاف المراحل وبعد حوالي 4 ايام صار الاتي
بالنسبة لكيسين من عدنا اكتملت الامنية لذا بصراحة ما اعرف اذا بسبب المكتب او لا
وكيس ثالث كان منتظر مقابلة اضافة طفل والجواب بعد 3 ايام من ارسال الايميل وصلني الرد بأن الملف تحول للجهة المعنية لتحديد المقابلة
اما الكيس الرابع فبقى بدون تغيير حتى الان بإنتظار اجراء الفحص الطبي إعادة

طبعا لحد الان ما وصلني رد من مكتب USCIS يوضح حالة ملفي لكن وصلني اللي استفاد منه وهو اكتمال الامنية ولله الحمد

تمنياتي للجميع الموفقية

39
اخي العزيز
هاي نسخة من قرار المحلف توضح رقم A# وهو يكون مكانه فوق عبارة A File #





40
الاعداد لغاية نهاية شهر شباط يعني بداية شهر آذار كلة تنزل الاعداد من العدد الباقي  ;)

براس الشهر ان شاء الله انزل الاعداد المتبقية اطمإن  :)

تحياتي

41
اشكرك اخي العزيز على دعواتك الجميلة وربي الفرحة دوم مرسومة على وجوه العراقيين

بالنسبة لسؤالك نعم اخي العزيز انت من ضمن الاعداد المشمولة ومنتظر تبشرنا بإكتمال امنيتك عن قريب وكل التوفيق لك ولجميع الاعضاء

تحياتي

42
اخوية العزيز هانت ان شاء الله علينا احنا القدامى

تحياتي

43
اشكركم اخوتي على التبريكات الحلوة منكم وياربي تحصلون موعد سفر وتخلصون من ضيم الاي او ام

اخوية بشار كل الخير والتوفيق اتمنالك ياطيب

ثقتي جزاك الله الف خير ويارب ذكرانه دوم بالخير ويارب تذكرينه نوب وبسرعه وعلى تعليلة تضلين بس تحجين بيه بلكي يجيني موعد سفر ;D ;D ;D

الاخي العزيز wingo ربي ييسر امرك وتتجاوز محنة الاي او ام وتبشرنا بسفرك عن قريب ان شاء الله

44
هههههههههههههه قوية مالت الوزن

طبعا تفؤلك بمحلة والحمد لله البارحة اكتملت الامنية مالتي ويارب لجميع المنتظرين

45
اخوية نيوتن هاي حقيقة مثل ما الواحد من يوصل او يجيلة موعد السفر يكول ما اصدك صار وياية هذا الشي لذا اخي تفاءل بالخير والايام الجاية راح تثبتلك بعد توفيق الله وكرمه

الا اذا محضر للمنظمة مفاجأة وتبشرهم بمولود جديد  ;D ;D

46
الله يبارك بيك اخي العزيز
اشكرك على مشاعرك النبيلة وربي ييسر امرك وتبشرنا بموعد سفر عاجل غير آجل بقوة الله وكرمه


47
السلام عليكم اخوتي
حبيت ابشركم بمنه سبحانه وتعالى باكتمال الامنية بعد انتظار دام سنتين
اسأل الله ان ييسر اموركم وان تبشرونا بمواعيد سفركم عن قريب

علما ان
تقديم Jul. 2009
رقم الكيس IZ-112XXX
مقابلة اولى Nov.2010
مقابلة ثانية Mar. 2011
اعادة فحص Jul. 2012
الملف فعال Oct.2012
ولازال السفر مجهول المعالم وغير فعال

تحياتي

48
المشكلة لو بس احصل على الاسماء المشمولين بهاي القائمة ;D ;D ;D ;D
جان شفت اسمي موجود لو لا. باقيلي تكة واتخبل ;D ;D ;D ;D ;D ;D ;D ;D ;D
ان شاء الله منهم

49
الف مبروك اخي زيد وكل التوفيق ان شاء الله

50
مشكور اخ ابو مريومة
بس اني مدا افتهم ورا مافتحت الفورمة 7001 تطلع قائمة خيارات طويلة
انتو شختاريتو؟ مثلا كاتبين تغيير العنوان او الاسم     يعني ياواحد بيهم نختار؟
اخي العزيز اطلع على موضوع الاخ زيطة موجود الرابط وية الموضوع

كل التوفيق ان شاء الله

51
اول شي اخي عاشت ايدك على الجهود الطيبه
ثانيا هسه اكثر يلي يستلم قرار المحلف دا تصير عنده مقابلة المحلفين مكتمل بس الملف يتحول هولد هاذا انت برئيك شتعتبره مع انه تم استلام الدفرل لتر
مع تقدير

بصراحة اخي العزيز ماعندي جواب صريح موثوق لحضرتك
لكن حسب ما شفت من تجربة شخصية وية ملف اخوية ان المحلفين اذا كانت فعال ممكن يتم الرفض ومن بعدها يتم استئناف وتمشي الامور وممكن لا
اما في حالة المحلفين مكتمل فلا اعتقد وجود اعادة محلفين وان الاجراءات تتم بدون الرجوع لصاحب الملف الا اذا كان شي جديد يضهر اثناء التجييك الامني فممكن يدزون ايميل او تتحدد مقابلة واغلب الحالات تكمل بدون هذا الاجراء
كل شخص يقدم للبرنامج يتم التجييك الامني ويبدي جمع المعلومات عنه لذا كل متقدم ينطي تاريخ حياة مغاير لما موجود عدهم يتم تعليق الملف لحين اكمال التدقيق حسب المعطيات الاخيرة
لذا بعض الاحيان اكو ناس ترتب قصة غير حقيقية وتمشي امورهم وهذا بسبب عدم وجود معلومات دقيقة عن مقدم الطلب لذا يكتفون بالقصة وما يرافقها من تطابق بالرواية مع ماموجود يمهم

ملاحضة
كل اللي ذكرته من وجهة نظري ومن خلال تجربة اخوية وللاسف لم استطع ايجاد مصدر عن طريقة التعامل مع الملف من ناحية التعليق

52
شكرا اختي ام حنين على التوضيح وان شاء الله كل الاعضاء يستفادون من المعلومة

بالتوفيق

53
آسف اخي العزيز لان مجاوبتك بس والله كنت خارج بغداد من الصبح ودخلت البيت قبل شوية

نعم اخي العزيز انت مشمول ان شاء الله

بالمناسبة هذا ثالث رد اكتبه الك  ;D

يعني اتوقع هسة اشوف موضوع ابومريومة  مطلوب حيا او ميتا ;D ;D

تحياتي يا طيب

54
تحياتي اخي الغالي وبارك بيك بس مروتك جاوبني

اني كان سفري المفروض يوم 17/12/2012وتم تاجيلي بعد الحباية يعني قبل السفر بيوم  وهسة حسرة علية المي البارد لان بعت كلشي سؤالي اني مشمول وية هاي الاعداد ...
نعم اخي العزيز انت من ضمن اللي يسافرون ان شاء الله

ويارب تبشرنا بموعد سفرك عن قريب وكل التوفيق ان شاء الله

55
اشكر الجميع على كلماتهم الطيبة ودعواتكم الجميلة اللهم يجعل دعواتكم كلها لجميع اعضاء المنتدى ويسعدكم دوم في دنياكم وآخرتكم


56
اخي ممكن رقم الملف مالتك بدايتة شكد

وحاول لا تستعجل بنقل الملف واستمر بعملك لان الشغلة طويلة صحيح بالسابق من خارج العراق اسرع لكن بالوقت الحالي وحسب التقارير فإن السفر من داخل العراق تحسن

57
هههههههههههه قوية وبعد وحدة راح ابطل والغي السفر

58
اسعدني مرورج ماكنتوشة

كلج ذوق يا اصيلة...

59
كلام صحيح لكن هذا مو معناه ان المحلف قادر على تحمل المسؤولية وحدة بقرارة اذا كان ما مقتنع لان القصة راح تكون مكتوبة وكذلك اكو ضابط اعلى رتبه منه يدقق وراه القرار اللي اتخذه المحلف لذا من يطلب اجراءات امنية مكثفة المسألة ليست اعتباطية وانما يريد يخلي مسؤوليته وبما ان الاجراءات الامنية الاضافية غير معلومة النتائج لذا لا تعتبر النتيجة مالت المحلف هي الموافقة النهائية لقبول الملف
اني وانت صح نكول احنا العراقيين ماعدنا شي وماكو داعي للتعقيدات لكن النظام مالتهم يختلف عن ما نكولة احنا لذا تشوف جميع المعلقين تجي موافقة لان ماعدهم شي احنا ناس كاتلنا الضيم يا منظمات ارهابية يا قاعدة واستخبارات عسكرية لذا همة يدققون من هاي النواحي واحتمال بصورة اشمل واعمق لذا يريدون يتأكدون عند عدم اقتناعهم بالقضية اللي طرحها صاحب الطلب وطبعا مو بس هيج وهاي عن تجربة وية اخوية اللي قابل قبل شهر تقريبا بعد التدقيق بالملف مالته عرفوا تفاصيل دقيقة جدا اثناء خدمته العسكرية وهو جندي مكلف ومن ضمن التفاصيل الدقيقة دوامة بوحدة لمدة 9 ايام فقط ومن ثم تم نقله لغير مكان حتى هو تفاجأ من هيج معلومة وحتى مكان التدريب مالته يعرفون كم واحد كان وياه اثناء التدريب اللي مدته 3 اشهر فقط وطبعا شاءت الاقدار في وقته التدريب مالتة استمر 6 اشهر وهم سألوا ليش 6 أشهر وكل الدورات 3 لذا اخي العزيز هاي اللي يسموها تجييكات اضافية يعني لو اخوية عنده شي اثناء الخدمة مالته كإشتراك بالابادة الجماعية مالت حلبجة او الثورة الشعبانية كان اكيد اجاله رفض وهذا اللي اقصدة

اتمنى وضحت الصورة الان وكل التوفيق ان شاء الله

60
أبو مريومة أشو أني خابرت البارحة على ال
FBI
وأخذت الموظفة معلوماتي وتاريخ ميلادي - أسمي الأخير والأول و سووت بحث جان تكلي ماكو الك أي بصمة يمنة !!!!!!!! عيني هاي شتفسرهة ؟؟ وآني صارلي 4 سنين من مقدم وباصم مرتين !!!
هاي كروة تعبانة

Baguncero
هههههههههههههه حتى البصمة شالوها من السستم مالتهم وانت بعدك ما مسافر ;D

اخي العزيز اني بالبداية وضحت مو كل العناوين تشتغل ركز على الفقرة 3 و5 والفورمة مالت مكتب المظالم

وتريد نصيحتي اتصل على الرقم اللي موجود بالفقرة 3

وكل التوفيق ان شاء الله

61
مشكور اخوية العزيز على مجهودك الرائع ومواضيعك الاروع ونسئل الله ان تكون كلها في ميزان حسناتك اخي العزيز افهم من موضعك انه فقط الي اصلا على التجيك الامني مشمولين بهاي الاعداد

بشرك الله بكل الخير اخي ابو مريومه و يا ريت تجاوبنه على استفسارات الاخوات و الاخوان حول ملاحظتك الاخيره ، جزاكم الله خيراً .
وجزاك الله كل الخير
نعم اخوتي اللي على التجييك الامني فقط الاعداد هاي تشملهم اما جماعة التقديم الجديد او اللي ما قابلو محلف او جماعة التعليق فللأسف لا يشملهم الاحصاء الصادر من التقرير المقدم للكونجرس

دمتم بعبير الورد
اخي العزيز ابو مريومة جماعة التعليق مشمولين بهذا العدد لان عندهم قرار التاجيل و ترى هي هم موافقة مبدئية بس مشروطة بتجييك وثائق معينة+التجييك الامني
لا تحبط معنوياتهم يمعود ;D
كلمن مستلم قرار تاجيل يعتبر موافقة مبدئية
تحياتي
كلامك صحيح هي موافقة مبدئية لكن للأسف اكو حالات يتم لها الرفض حتى وان كانت النسبة ضئيلة جدا لذا ما اعتقد يتم تخصيص مبلغ على ملف غير كامل وهذا الامر طبيعي
انت شفت واحد من المعلقين انرفض؟ اصلا اصحاب التعليق نادرا ما يعيدون المقابلة لان المشكلة مو بالمقابلة بل بتدقيق الوثائق
هو قرار تاجيل حالنا حال الكل بس تجييك اضافي على الوثائق و اليوم نزلت موضوع بهالخصوص
تحياتي
اي اخي اكو ناس تعليق عادت المحلفين وجاها رفض وحتى اكو اخت نزلت موضوع وبعدين قدمت استئناف ومشت امورها ولو كانت المشكلة بالوثائق والموافقة ماشية ما كان اكو شي اسمه تأجيل القرار النهائي
ودمت بخير

62
مشكور اخوية العزيز على مجهودك الرائع ومواضيعك الاروع ونسئل الله ان تكون كلها في ميزان حسناتك اخي العزيز افهم من موضعك انه فقط الي اصلا على التجيك الامني مشمولين بهاي الاعداد

بشرك الله بكل الخير اخي ابو مريومه و يا ريت تجاوبنه على استفسارات الاخوات و الاخوان حول ملاحظتك الاخيره ، جزاكم الله خيراً .
وجزاك الله كل الخير
نعم اخوتي اللي على التجييك الامني فقط الاعداد هاي تشملهم اما جماعة التقديم الجديد او اللي ما قابلو محلف او جماعة التعليق فللأسف لا يشملهم الاحصاء الصادر من التقرير المقدم للكونجرس

دمتم بعبير الورد
اخي العزيز ابو مريومة جماعة التعليق مشمولين بهذا العدد لان عندهم قرار التاجيل و ترى هي هم موافقة مبدئية بس مشروطة بتجييك وثائق معينة+التجييك الامني
لا تحبط معنوياتهم يمعود ;D
كلمن مستلم قرار تاجيل يعتبر موافقة مبدئية
تحياتي
كلامك صحيح هي موافقة مبدئية لكن للأسف اكو حالات يتم لها الرفض حتى وان كانت النسبة ضئيلة جدا لذا ما اعتقد يتم تخصيص مبلغ على ملف غير كامل وهذا الامر طبيعي

63
مشكور اخوية العزيز على مجهودك الرائع ومواضيعك الاروع ونسئل الله ان تكون كلها في ميزان حسناتك اخي العزيز افهم من موضعك انه فقط الي اصلا على التجيك الامني مشمولين بهاي الاعداد

بشرك الله بكل الخير اخي ابو مريومه و يا ريت تجاوبنه على استفسارات الاخوات و الاخوان حول ملاحظتك الاخيره ، جزاكم الله خيراً .
وجزاك الله كل الخير
نعم اخوتي اللي على التجييك الامني فقط الاعداد هاي تشملهم اما جماعة التقديم الجديد او اللي ما قابلو محلف او جماعة التعليق فللأسف لا يشملهم الاحصاء الصادر من التقرير المقدم للكونجرس

دمتم بعبير الورد

64
اخوية العزيز ابو مريومه...من رخصتك مفهت الملاحظة كل من حصل IZاو قابل مقابله اولى هو من ضمن العدد لو لا؟ لو الاعداد تشمل الي محصلين موافقة محلف مشروطه ....تقبل تحياتي
اخي العزيز بداية شكري وتقديري لمرورك الكريم
بالنسبة لسؤالك كل بداية سنة مالية يتم عرض تقرير على الكونجرس لكي يتم تخصيص مبالغ مالية للاجئين
واللاجئين الموجودين هم من تمت الموافقة عليهم فعلياً يعني بواقع الحال مالتنا اكمل مقابلة المحلف ووصلت اوراقة للمنظمة في امريكا والقرار النهائي صادر وباقي على التجييك الامني

اتمنى توضحت الصورة

ودمت بخير

65
بداية اعتذر من جميع الاخوة خارج العراق لعدم دقة الاعداد الموجودة في كل بلد

وشكرا جزيلا للجميع اخواني على المشاركات الطيبة ولكن بفضل الله استطعت ان اعرف تحديدا عدد المتبقين في العراق ودول الجوار ومن خلال اعداد المسافرين المعلنة من قبل الرابس نت وسوف يتم تفليس الاعداد بالتفصيل

بالنسبة لعدد العراقيين المقبولين على البرنامج وبانتظار اجراءات السفر من داخل العراق فيبلغ العدد الكلي المتبقي لغاية سنة 2013 هو 4300 طالب لجوء وهذا حسب تقرير مرسل الى الكونجرس وممكن الاطلاع من خلال الرابط صفحة 41
http://www.wrapsnet.org/Portals/1/Reports/Reports%20to%20Congress/Final%20Report%20to%20Congress.pdf

اما بخصوص اعداد العراقيين اللي سافروا من العراق من بداية 2013 ولغاية28 من شهر شباط - الشهر الماضي فيبلغ 2453 لذا المتبقي من طالبي اللجوء في العراق هو 1847 طالب لجوء
طبعا مصدر المعلومة بالنسبة للأعداد المسافرة من العراق للفترة من بداية السنة المالية ولغاية 28 من شهر شباط هو

http://www.wrapsnet.org/Portals/1/Arrivals/12March2013-2.Map_Arrivals%20by%20Country%20Location.pdf

هسة نجي لأعداد المسافرين من العراق لكل شهر تقريبا في ضل التسريع الحالي على سبيل المثال في شهر شباط الماضي عدد اللي سافروا من العراق هو 592 شخص بينما عدد الذين سافروا من العراق لنفس السنة المالية في شهر تشرين الثاني- نوفمبر كان 504
فلو افترضنا ان الاعداد تستمر على هذا المعدل من داخل العراق فيكون آخر مسافر من العراق في يوم 15/7/2013 ان شاء الله


تمنياتي للجميع السفر العاجل والتوفيق

ملاحظة مهمة : الاعداد المذكورة في التقرير هي من تمت الموافقة عليهم فعليا من غير تعليق او تأجيل القرار او من خرجوا من التعليق قبل اعداد التقرير وكذلك اللي حصلوا على الاي زي نمبر او قابلوا المقابلة الاولى فقط لا تشملهم الاعداد المذكورة


الله يبشرك بالخير اخي العزيز ابو مريومة و شكرا جزيلا على هذا الجهد الرائع و اذا تتذكر انا قبل اشهر بديت اسويت احصائيات استنادا على معطيات قليلة بالاضافة الى احصائيات الاخ العزيز دبس و راشي و قمت باستتناجها و الى حد الشهر الماضي قلت العدد التقريبي المتبقي بالعراق هو 2500 شخص و لحد قبل يومين كتبتلك هاي الملاحظة بموضوعك مال الاحصائية و الحمد لله العدد طلع مقارب جدا الى العدد الي ذكرته حضرتك الان بل اقل من العدد الي ذكرته انا و هو هذا الي نريده و نتمناه
تحياتي و الف شكر الك اخي العزيز
بارك الله بيك
شكرا جزيلا اخ سنكل على كلماتك الطيبة وربي ييسر امر جميع المتعبين والمنتظرين ويفرج كرب المهمومين

66
الله يبارك بيكم اخواني واخواتي على الكلمات الطيبة اللهم يجعل كلامكم الطيب في ميزان حسناتكم ويباركلكم في اعمالكم
 

67
اخوية العزيز ابو مريومه...اني مقدم من بغداد بألـ2011-02 ومكمل مقابله اولى وفحص طبي ودانتضر مقابلة المحلفيين صارلي اكثر من ستة اشهر وبصراحه خايف لتنام الطابوكه على ملفي...هذه الطرق الـ12 ممكن اكو بيها طريقه تسرع بتحديد موعد لمقابلة المحلفيين ...واكون ممنونلك يا ورد
شكرا جزيلا اخي العزيز المرور العطر
بصراحة ماعندي الجواب الشافي لحظرتك الا من خلال قراءة الموقع وتقديم انواع المساعدة الموجودة واللي يتم جميعها بعد اجراء مقابلة المحلفين لان اغلب المساعدات تتعلق بإجراءات ما يسمى التجييك الامني

ومع هذا لا تيأس راسلهم وشوف وان شاء الله رب العالمين يقدم اللي بيه خير

68
اشكر جميع الاخوة والاخوات على مرورهم العطر وكلماتهم الطيبة ودعواتهم الجميلة وربي ييسر اموركم ويجعلكم ذخرا لمن تحبون

كل التوفيق اتمناه للجميع

69
شكرا جزيلا عيني أبو مريومة
جزاك الله بكل خير

عندي سؤال:
 شلون اعرف رقمي يمهم ؟؟ ما اعرف غير رقم ال IOM و رقم الأمم المتحدة UNHCR !!? و لحد الان ما جاوبوني على الفورمة 7001 !؟
تحياتي

اهلا وسهلا بيك اخي العزيز وربي يسهل امرك وتتوفق وتجيب نتيجة وياهم
بالنسبة للرقم اللي تسأل عنه اعتقد تقصد اللي عند USCISوهذا متكدر تعرفة الا يجاوبوك على الفورم مالت 7001 اما اذا كان قصدك الاي نمبر فهذا موجود في ورقة قرار المحلف لاصحاب التعليق ترسل بالايميل اذا الشغلة مالت التعليق تستغرق اكثر من 60 يوم اما اللي ما واصلة قرار المحلف فهذا شغلتة صعبه يحصل الرقم مع العلم هو موجود بالمنظمة

كل التوفيق ان شاء الله اتمناه لكم

شكرا عيني
الله يوفقك و ييسر أمرك
بالإستفسار أكيد يريدون رقم ال USCIS و إلا أني غلطان ؟
أما الرقم الثاني فما إفتهمت شتقصد بيه، تقصد ال IZ و JO و إلخ ؟ 
زين هذا الرقم الثاني شلون نستفاد منه بالإستفسار من ال USCIS إذا كان جواي الفورمة 7001 لحد الان ما واصل؟

اخي العزيز مو قصدي IZ لا اخي هذا اصلا ميعرفوه لان هذا خاص بالمنظمة لأجراء ترتيب الملفات هو اللي يهمهم Alain number هذا  موجود بنسخة قرار المحلف هو نفسه مكتوب #A file اما اللي يجي من الدائرة مالت USCIS فيكون بعد مراسلتهم وبصراحة ما اعرف تحديدا هل الرقم المرسل من مكتب التظلم يكون هو نفسة في ملف USCIS برأي لا لان الرقم هذا يكون لأغراض تنضيمية خاصة بالمكتب
ومن الله التوفيق

70
بداية اعتذر من جميع الاخوة خارج العراق لعدم دقة الاعداد الموجودة في كل بلد

وشكرا جزيلا للجميع اخواني على المشاركات الطيبة ولكن بفضل الله استطعت ان اعرف تحديدا عدد المتبقين في العراق ودول الجوار ومن خلال اعداد المسافرين المعلنة من قبل الرابس نت وسوف يتم تفليس الاعداد بالتفصيل

بالنسبة لعدد العراقيين المقبولين على البرنامج وبانتظار اجراءات السفر من داخل العراق فيبلغ العدد الكلي المتبقي لغاية سنة 2013 هو 4300 طالب لجوء وهذا حسب تقرير مرسل الى الكونجرس وممكن الاطلاع من خلال الرابط صفحة 41
http://www.wrapsnet.org/Portals/1/Reports/Reports%20to%20Congress/Final%20Report%20to%20Congress.pdf

اما بخصوص اعداد العراقيين اللي سافروا من العراق من بداية السنة المالية 2013 ولغاية28 من شهر شباط - الشهر الماضي فيبلغ 2453 لذا المتبقي من طالبي اللجوء في العراق هو 1847 طالب لجوء
طبعا مصدر المعلومة بالنسبة للأعداد المسافرة من العراق للفترة من بداية السنة المالية ولغاية 28 من شهر شباط هو

http://www.wrapsnet.org/Portals/1/Arrivals/12March2013-2.Map_Arrivals%20by%20Country%20Location.pdf

هسة نجي لأعداد المسافرين من العراق لكل شهر تقريبا في ضل التسريع الحالي على سبيل المثال في شهر شباط الماضي عدد اللي سافروا من العراق هو 592 شخص بينما عدد الذين سافروا من العراق لنفس السنة المالية في شهر تشرين الثاني- نوفمبر كان 504
فلو افترضنا ان الاعداد تستمر على هذا المعدل من داخل العراق فيكون آخر مسافر من العراق في يوم 15/7/2013 ان شاء الله


تمنياتي للجميع السفر العاجل والتوفيق

ملاحظة مهمة : الاعداد المذكورة في التقرير هي من تمت الموافقة عليهم فعليا من غير تعليق او تأجيل القرار او من خرجوا من التعليق قبل اعداد التقرير اما اللي حصلوا على الاي زي نمبر او قابلوا المقابلة الاولى فقط لا تشملهم الاعداد المذكورة


71
شكرا جزيلا للجميع اخواني على المشاركات الطيبة ولكن بفضل الله استطعت ان اعرف تحديدا عدد المتبقين في العراق ودول الجوار ومن خلال اعداد المسافرين المعلنة راح يتم تصفية الاعداد بالتفصيل

بالنسبة لعدد العراقيين المقبولين على البرنامج وبانتظار اجراءات السفر من داخل العراق فيبلغ العدد الكلي المتبقي لغاية سنة 2013 هو 4300 طالب لجوء وهذا حسب تقرير مرسل الى الكونجرس وممكن الاطلاع من خلال الرابط
http://www.wrapsnet.org/Portals/1/Reports/Reports%20to%20Congress/Final%20Report%20to%20Congress.pdf

اما بخصوص اعداد العراقيين اللي سافروا من العراق من بداية 2013 ولغاية28 من شهر شباط - الشهر الماضي فيبلغ 2453 لذا المتبقي من طالبي اللجوء في العراق هو 1847 طالب لجوء
طبعا مصدر المعلومة بالنسبة للأعداد المسافرة من العراق للفترة من بداية السنة المالية ولغاية 28 من شهر شباط هو

http://www.wrapsnet.org/Portals/1/Arrivals/12March2013-2.Map_Arrivals%20by%20Country%20Location.pdf

هسة نجي لأعداد المسافرين من العراق لكل شهر تقريبا في ضل التسريع الحالي على سبيل المثال في شهر شباط الماضي عدد اللي سافروا من العراق هو 592 شخص بينما عدد الذين سافروا من العراق لنفس السنة المالية في شهر تشرين الثاني- نوفمبر كان 504
فلو افترضنا ان الاعداد تستمر على هذا المعدل من داخل العراق فيكون آخر مسافر من العراق في يوم 15/7/2013 ان شاء الله

تمنياتي للجميع السفر العاجل والتوفيق

72
شكرا جزيلا عيني أبو مريومة
جزاك الله بكل خير

عندي سؤال:
 شلون اعرف رقمي يمهم ؟؟ ما اعرف غير رقم ال IOM و رقم الأمم المتحدة UNHCR !!? و لحد الان ما جاوبوني على الفورمة 7001 !؟
تحياتي

اهلا وسهلا بيك اخي العزيز وربي يسهل امرك وتتوفق وتجيب نتيجة وياهم
بالنسبة للرقم اللي تسأل عنه اعتقد تقصد اللي عند USCISوهذا متكدر تعرفة الا يجاوبوك على الفورم مالت 7001 اما اذا كان قصدك الاي نمبر فهذا موجود في ورقة قرار المحلف لاصحاب التعليق ترسل بالايميل اذا الشغلة مالت التعليق تستغرق اكثر من 60 يوم اما اللي ما واصلة قرار المحلف فهذا شغلتة صعبه يحصل الرقم مع العلم هو موجود بالمنظمة

كل التوفيق ان شاء الله اتمناه لكم

73
الكيسات اللي تبدي في مصر EG-101xxx والعدد اللي ذكرة اخوية كاسبر وصل الى 106xxx

ارقام الكيسات تكون متسلسلة في بغداد وعمان وسوريا

74
شكرا اخي العزيز ابو مريومة
بس حبيت افيدك بمعلومة
عدد اللاجئين العراقيين الي محصلين موافقة المحلف و منتظرين السفر تقريبا 18000 شخص
تقريبا 2500 شخص منهم بالعراق
هاي حسب المواضيع الي نزلتها قبل فترة و بالادلة و اتصور حضرتك اطلعت عليها
حبيت اضيف هاي المعلومة بموضوعك يمكن تفيدك
تحياتي
شكرا اخي سنكل على المشاركة
في حال الاعداد داخل العراق دقيقة معنى هذا يحتاجون الى 5 - 6 اشهر حتى يكملون جميع الموجودين
معنى هذا حتى نهاية السنة المالية 2013

75
شكرا جزيلا اخي كاسبر يعني 6000 كيس موجود بمصر

سلمت الايادي

76
اخواني جماعة سوريا شكد وصل الكيس نمبر مالتكم Sy-101XXX الى وين العدد عبرتوا 140xxx لو اقل؟؟

ومشكورين مقدما

77
جماعة تركيا شكد يبدي رقم الكيس مالتكم رايد اول 3 ارقام وياريت تعرفون اخير واحد مقدم ومحصل على رقم كيس لوين واصل العدد

وكل التوفيق للجميع

78
اخوان جماعة مصر رقم الكيس مالتكم شكد يبدي EG-101XXX واجدد واحد مقدم شكد رقمة؟

وكل التوفيق اتمناه لكم

79
اشكر الجميع على مشاركاتهم ومرورهم العطر وتفاعلهم وية الموضوع

اخواني جماعة تركيا ومصر وسوريا محتاج تفاصيل عن الناس الاوائل بالتقديم واخير ناس قدمت حتى اكدر اعرف الاعداد مالت الكيسات مالتهم بالتحديد


حاليا بالنسبة الى عمان اكبر رقم وصل JO-126XXX مع العلم عندي احساس ان العدد يتعدى 140 محتاج تفاعل اكبر وية الموضوع


ودمتم بخير

80
اخي العزيز
اعتقد ان لم الشمل يكون عن طريق السفارة وليس الاي او ام لان الاي او ام هي لمساعدة اللاجئين على السفر وترتيب معاملاتهم مع وزارة الامن القومي الامريكية اما لم الشمل للزوجة يكون هجرة ويتم عن طريق السفارة وهذا ما معمول به في اغلب السفارات
خلي يراسل السفارة الامريكية في بغداد ويقدم الفورم الخاص بمعاملة لم الشمل للزوجة وان شاء الله المسالة سهلة ولكن اعتقد تحتاج وقت وعلى فكرة متحتاج محامي الا اذا صار رفض لا سامح الله
خلي يدخل على رابط السفارة ويفتهم منه وكل التوفيق ان شاء الله

81
اولا مشكور اخويه على الموقع
ثانيا .. معرفت شنو اسوي  ;D يعني اني بالنتظار الامنية شدوس شاسوي حتى اعرف حالة ملفي وين واصله ؟؟
ياريت تعلموني :-\
ههههههههههههه الله يعينج اختي العزيزة على الانكليزي

ان شاء الله راح احاول اوضحلج الرابط مختصر مفيد
طبعا الرابط عبارة عن عناوين حكومية مرتبطة بالاجراءات الامنية اللي يمر بيها ملف اللاجيء في مختلف المراحل في امريكا وباختلاف الدوائر المعنية والحصول على الموافقات الامنية من هاي الجهات الحكومية
كل مافي الامر ان تختارين طريقين او 3 من الموجودة بالرابط وهي متمثلة
الفقرة 3 و5 والفقرة 8 ممكن من خلالها تساعدج الايميلات او ارقام التلفون الموجودة بيها لان اغلب الكيسات تكون مشكلتها يم هاي الجهات حلها واللي اقصدها منتظرين الامنية تحديدا
بالنسبة للتجربة الشخصية اللي مريت بيها راح اكتب عن بعض الفقرات اللي جرى الاتصال بيهم
بالنسبة للفقرة 2 تم الاتصال بيهم وتحديد موعد وبالفعل تم اللقاء ولكن للأسف الموضوع اللي يكدرون يقدمون بيها المساعدة في وقتها هي مشكلة السوشيل والكرين كارد او مشاكل قد يواجهها اللاجيء بعد دخولة الى الولايات المتحدة
بالنسبة للفقرة 3 تم الاتصال بالمكتب وبالفعل ابدوا استعدادهم للمساعدة وطلبو ارسال ارقام الكيس او Alain number او رقم الملف في USCISللنظر في سبب تأخير الملف وذلك عن طريق ارسال الايميل على عنوان المكتب
بالنسبة للفقرة 5 تم ارسال الطلب كما موضح في الفقرة السابقة وحسب طلبهم وطريقة ترتيبها
بالنسبه للفقرة رقم 8 ممكن تدخلين على الرابط http://www.ankawa.com/forum/index.php/topic,637452.0.html حيث ان اخونا زيطة ما مقصر بطريقة الشرح الوافي للمراسلة للمكتب المعني

وكل التوفيق ان شاء الله

82
اشكر جميع الاخوة والاخوات اللي شاركوني بالموضوع

واتمنى مشاركات اكبر وخاصة جماعة عمان وتركيا ومصر وسوريا لان الاعداد غير معلومة

ياريت اللي قدموا بالاخير يذكرون رقم الكيس مالتهم
وكذلك القديمين منهم من وين يبدي الرقم مالتهم

تحياتي للجميع

83
حلو خوش طريقة

بس المشكلة الامنية متخلينا نبتعد عن موقع المنظمة وعين كاوة اكثر من 5 دقايق متواصلة ;D

تحياتي

84
السلام عليكم اخواني جماعة الطابوقة الذهبية
احبابي اليوم حبيت اجيبلكم هذا الرابط اللي يشرحلكم الطرق التي ممكن تتابعون ملفكم بيه واللي بالاخص منتظرين الامنية اللي علساس من امريكا


طبعا مو كل الطرق ممكن اتباعها لان بعضها محدد بجهات معينة مثل اعادة البصمة او حصولك على كيس نمبر من دائرة USCIS او فقرات ممكن تتصل بالسيدة زوجة اوباما اللي قد تساعدك مع الشرطة الفدرالية التي قد يكون سبب التأخير من يمهم وهكذا لكن اكو نقاط مهمة وعناوين جديدة ممكن تستفادون منها

اتركم مع الرابط وتكدرون تفلسوه زين وهو شارح لكل جهة طريقة المساعدة مالتها

حتى مكتب المظالم موجود من ضمن الطرق 12 المذكورة واللي يتم مراسلتهم عن طريق الفورم 7001

http://immigrationroad.com/green-card/contact-uscis-fbi.php

وبالتوفيق للجميع

85
السلام عليكم اخواني جميعا
بداية احب من جميع الاخوة الموجودين في العراق والاردن وسوريا ومصر وتركيا والامارات ان يشاركونا بأرقام الكيسات التابعة للمنظمة اقدم رقم واكبر رقم تحديدا
مثال جماعة بغداد IZ- 101XXX واكبر رقم IZ-138XXX
الهدف من المشاركة لمعرفة الاعداد هو لكي يتم حسم اعداد الكيسات المتبقية وتكون الدراسة مقاربة للواقع وكذلك حتى نعرف احنا الباقين والمنسيين تحديدا يلوحنا السفر بهاي السنة او لا
بالنسبة للأعداد جماعة بغداد
IZ-101XXX وينتهي IZ-138XXX
اي مجموع الاعداد 38000 كيس
وكذلك لجماعة عمان يبدي
JO- 101XXX وينتهي JO-126XXX
وسوريا SY- 101XXX وينتهي ؟؟؟؟؟
ومصر يبدي Eg-101XXX وينتهي Eg-106XXX
جماعة تركيا يبدي ؟؟؟؟؟ وينتهي ؟؟؟؟؟
والامارات اعدادهم قليلة ولكن ممكن نضيفهم للاحصائية

العدد الكلي للكيسات الواصلة للولايات المتحدة هي
سنة 2008 المجموع الكلي للكيسات 10898
سنة 2009 المجموع الكلي للكيسات 17008
سنة 2010 المجموع الكلي للكيسات 15847
سنة 2011 المجموع الكلي للكيسات 12180
سنة 2012 المجموع الكلي للكيسات 13421
سنة 2013 المجموع الكلي للكيسات 5565
المجموع الكلي 74919 كيس وصل لغاية شهر شباط 2013

ارجو من الجميع المشاركة حتى نعرف جدية المنظمة وصحة الاخبار اللي نسمعها بتصفية جميع الملفات قبل نهاية السنة واللي المفروض تكون بشهر العاشر


وبالتوفيق للجميع

86
اختي اخذي ياباني صغيرة وية الشيروكي مثل يارس او مازدا او هوندا وحتى الفولفو زينة وخليها استعمال للبيت وكل ما تشتاقين للورشة جربي تصعدين الشيروكي ;D

وبالتوفيق

87
الف مبروك والحمد لله على السلامة كل التوفيق والنجاح اتمناه لك اخي العزيز

88
جزاك الله الف خير اخي العزيز والله يجعله في ميزان حسناتك

89
الف مبروك وتوصلون بخير وسلامة ان شاء الله وكل التوفيق اتمناه لك اخي العزيز

90
الف مبروك وتوصلين بالسلامة

كل التوفيق والنجاح في حياتكم الجديدة

91
أخواني كونكم من القدماء أرجو أفادتي بهذا السؤال
السلام عليكم أخواني

ســـــــــــــــــؤالي لأخوتي من أصحاب الخبرة كالآتي

أخوية عندة كّرين كّارد عن طريق
SIV
هل يستطيع أجراء لم شمل لأمه((والدتي))؟؟ يعني بمعنى آخر
يصير يقدملهة دعوة وتوصل يمة ومن توصل تكّدر تعصة وتحصل الرقم الوطني أو الكرين كارد؟؟؟
علمآ أن والدتي لديها كيس في المنظمة عمّان وتنتظر الأمنية منذ 4 سنوات ....... أي تقديم 2008

أخواني جوابكم السريع في ميزان حسناتكم ولكم مني كل الشكر والأحترام

أخوكم

Baguncero
مع الاسف متكدر تحصل فيزة
حتى لو كانت للزيارة لان اسمها موجود يمهم

بالتوفيق

92
الف الحمد لله على سلامة يوسف
ربي ييسر امركم ويشفي ولدكم ويحفظكم من كل مكروه


93
Meaning  عيني اني رح اجاوبك حسب ما صارت ب ملفي
بعد ما كملت اعادة الفحص الطبي (الي نعرفه انه الشخص الي يعيد الفحص الطبي الامنية الاولى تكون مكتملة)  و بعدها فترة ب الموقع حالة الملف صار فعال  مع بقاء الامنية انتظار , و سألت جماعة كلولي هاي الامنية كملت و بدوا ب الامنية ما قبل السفر و بعد شهر و نص تقريبا اكتملت الامنية
 و لمن كان سفرنا 12-12 و انلغت بعد يومين الامنية رجعت انتظار ف المنظمة كالوا الامنية مال قبل السفر و وراها شهر و 10 ايام تقريبا رجعت اكتملت

تحياتي ماراليانو من سوريا
اخي العزيز الله يخليك اذا كلامك وتحليلك تعتقد بيه دقيق ليش اني لحد الان ما مسافر والملف فعال قبل 6 أشهر ومكمل فحص قبل 8 أشهر

ما اعتقد هذا التحليل منطقي واذا صادف لكم كيس هيج حالة فمو سببها تحليلك وانما التسريع الموجود واللي هو بإنتقائية

تقبل تحياتي

94
الف مبروك اختي تيولب وكل التوفيق ان شاء الله

95
اختي اي معظر اكثر من 75 مل يصادر اذا كان في حقيبة اليد
ومثل مكالت اختي Emerald اصباغ الشعر والمعطرات وكل انواع الكوزماتيك هناك افضل وبنفس السعر اذا مو ارخص

تحياتي

96
اخي اذا طولت حالة الفعال عندك لا تيأس ولا تقلق المسألة طبيعية لان حالتي صارلها 6 اشهر فعال

واحب ابشرك انت ملفك احسن مني لان تقديم 2010 و2011 افضل من 2009

تحياتي لك وكل التوفيق ان شاء الله

97
نفس الحالة صارت وياية لكن اني ملفي من تغير الى فعال وصلني ايميل ان ملفك بالاجراء الطبيعي وبعد حوالي شهر بعثت ايميل رجع الجواب تجييك امني ولحد الان من 4 اشهر وحتى الان

حسبي الله ونعم الوكيل بيهم
الله ارحم الراحمين

98
جزاك الله عنا الف خير ياطيب والله يزيد من امثالك

تحياتي لك

99
احنا صار نفس الشي اتصلوا علينا وما لحكنا عليه ومن خابرت عليهم يكولي دز ايميل ولا يحاول يفتهم اللي جاوبني وكأنه انسر مشين يشتغل وبعدين دزيت ايميل وماكو رد ولا اعادة اتصال لحد الان علما ان الاتصال تم يوم الخميس الماضي ???

100
انا لله وانا اليه راجعون
اللهم ارحمها وتجاوز عنها واغفر لها انك انت الغفور الرحيم
اللهم املئ قبرها ضياءا واجعله روضة من رياض الجنة يا عزيز ويا قدير
اللهم ادخلها الجنة برحمتك يا أرحم الراحمين
وصل اللهم على سيدنا محمد وعلى آله وصحبه وسلم

101
بشروا يا جماعة ماكو شي جديد
شلونك ابو مريومه من المشاركين بس واحد سافر و الباقين يسمعون حسك يارب تبشرنا بسفرك بالمناسبة ما صار تغيير بملفك بالنسبة الي ماكو تغيير بس اجاني رمز جديد بلكت هذا علامة تقدم والله كريم
والله يا عزيزي لحد الان على الفعال اللي صار قبل 5 اشهر وماكو شي جديد
الامنية انتظار والله يسهل على الجميع

102
مرحبا اخونة ابو مريومة .. اذا ممكن تظيفني على جدولك انا مقدم من تموز 2007 واجانا التوطين بشهر الواحد 2010 ومقابلة وفد 4 / 8 / 2010 وعدنا الفحص الثالث 7 / 11 / 2012 والى هسة انتظار الامنية .. وشكرا لك
اهلا وسهلا بيك اخونا ديسكفري ويانا
تمت الاضافة وكل التوفيق ان شاء الله








تم تثبيت الموضوع هنا .......

http://www.ankawa.com/forum/index.php/topic,603190.0.html

 Sound of Soul

شكرا جزيلا ساوند على التثبيت وكل التوفيق للجميع

103
تم تحديث الجدول
اتمنى من بقية الاعضاء يراجعون وياية اخوتنا اللي سافروا حتى نحدث الجدول

بالتوفيق

104
اهلا وسهلا من جديد بجميع اخوتنا اللي شاركونا بالجمعية وان شاء الله ينزل التحديث اليوم

وكل التوفيق للجميع

105
طبعا شكرا على التصويت لكن حبيت اخليك بالصورة لان انت وضحت الهدف من الاستفتاء مدى رضى المستفيدين من عمل المنظمة
طبعا مع الاسف احنا منعرف عدد المتقدمين للسفر ولا العدد المتبقي منه حتى نكدر نعرف نسب الانجاز لذا بالنسبة الي صوتت 50% وعندي احساس يكول اقل

تقبل تحياتي

108
الله يكون بعونكم

109
اي اخي يصير ينطوكم موعد والفحص اكسباير لكن تفحصون قبل السفر بكم يوم وبعدها تاخذون الحباية قبل السفر بيوم او يومين وهذا الكلام عن تجربة امامي صارت بابن البيطار

تحياتي

110
يوم 6/10/2012 صار الملف فعال وحتى الان بدون تغيير بحقل الامنية او السفر ونسأل الله التوفيق لنا ولكم

112
الف مبروك والحمد لله على سلامة الوصول

114
الف مبروك وكل التوفيق والنجاح بحياتكم الجديدة

تحياتي

115
عاشت الايادي
ان شاء الله خير

116
ملفي فعال من يوم9/10/2012 ولحد الان واخير رسالة منهم قبل يومين تكول انت بالتجييك الامني


117
سلمت الايادي اللي كتبت الخبر الحلو

تحياتي

118
خوش شغلة هاي   ::)

لذلك ميقبلون اكثر من زوجة ;D

119
انا لله وانا اليه راجعون
اللهم ارحمه وتجاوز عنه وادخله مدخل صدق برحمتك يا ارحم الراحمين

120
السلام عليكم
ملفي فعال من 6/10/2012 ولحد الان بانتظاااااار ما يسمى اكتمال التجييك الامني
ملفي 112 تقديم 2009

121
اختي العزيزة
ماكو شي يؤثر بالنسبة للي ذكرتي بخصوص زواج اختج او عنوان خطيبج بأمريكا بشرط ان تسوين الربط ضعيف بين الكيسات وهو ان ترسلين ايميل للمنظمة تبلغيهم انكم تريدون الربط بين الملفات ضعيف وان شاء الله خير

بالتوفيق

122
اخويه ابو ايمن الغالي .... فقط ا رسل الهم رسالة بلغهم فيها .... بانك سوف تحضر مقابلة الطفل واذكر اليوم والتاررخ حسب المكالمة الهاتفيه ...وهذا يعتبر تأكيد من حضرتك على الحضور وسوف يجاوبوك خلال فتره قصيره ... وانت من جانبك اذا اتصلو بيك خيرا على خير واذا لم يتصلو فانت ذاهب للمقابلة في كل الاحوال ...لان الهاتف يعتبر تبليغ رسمي معتمد... وانت يا اخويه العزيز لازم تفرح وتحمد الله وتشكره الف مره لأنك تبلغت قبل فوات موعد المقابله وما زال عندك وقت للتأكدوالحضور..بالتوفيق انشاء الله....اخي العزيز والسفر العاجل بأذن الله لك ولكافة الاخوه الاعزاء المنتظرين السفر....

                                                              اخوك... عراقي نبيل
اتفق معك 100%

123
ان شاء الله موافقة

لان بعد 60 يوم تكون النتيجة موافقة حتى وان ما وصلك رد
لكن تبقى الموافقة مشروطة او لا يبقى على الايميل اللي يوصلك منهم وعلى الاغلب تكون مشروطة لان تأخرت

وان شاء الله كل التوفيق

124
الف مبروك اخي وكل التوفيق ان شاء الله

بس ممكن توضحلنا تواريخ ملفك مقابلة محلفين واكتمال امنية

وبالتوفيق ان شاء الله

125
اي اختي مقابلة المحلفين الكيسات كلها تقابل سوة او يوم بعد يوم

واللي صار وياكم طبيعي واحنا مرينا بهذا الشي

توكلي على الله ولا تفكرين بالموضوع اللي عليكم سويتوا والباقي على رب العالمين

وبالتوفيق ان شاء الله

126
اخي العزيز طالما المحلف عندك فعال معناها وحدة من الاثنين اما تعيد مقابلة او بعده القرار النهائي مواصل يعني (تعليق) متكدر تسوي شي غير الانتظار وهي تفرج

حاول تشتغل على الفورم 7001 وان شاء الله اكو نتيجة

بالتوفيق

127
الف مبروك وبارك الله بيك على نقل الخبر

يالله احنا جماعة 2009 فرجت ان شاء الله

128
سلمت الايادي وعاشت ايدك

129
الهجرة و واللاجئين / رد: موعد سفر
« في: 06:39 11/02/2013  »
اخي العزيز
السفر فرصة لو يستغلها او يتركها

ماكو احد مخير بالسفر لأي جهة محددة لان المفروض بيه يكون لاجيء يعني مضطهد في بلده بين قوسين متوازي على السفر والشغلة اللي يسويها صاحبك راح تخليه كاعد ومكابلهم طول عمرة وتاليها راجع للعراق العظيم

خلي يتوكل على الله ويسافر

والله عجيب حال الناس ليش من تحول للتوطين على امريكا ما رفض من البداية ليش ياخذ مكان غيره؟؟؟؟؟؟؟؟؟؟؟؟؟؟؟؟

لاحول ولا قوة الا بالله

130
عاشت ايدك اخي العزيز دبس وراشي على الاخبار الحلوة وربي يسهل عليك وييسر امرك

131
الف الف مبروك اخي العزيز
وكل التوفيق ان شاء الله

بس شوكت الامنية مالتك كملت؟


132
السلام عليكم اخي سنكل
بالنسبة للصورة اللي نزلتها علمود الاخوة يشوفون الموظف وسام خضر اللي داز رسالة من ايميلة الخاص اللي تابع للأي او ام ومجاوب بخصوص كيس اخوية ان الملف تحول للجهة المعنية بالطلب وطبعا الرمز اللي واصل هو نفس مختصرات اسمة الرسالة اللي واصلة بتاريخ 25/7/2012


اما بالنسبة لمقابلة المحلفين فهو قابل سنة 3/2011 محلفين ولكن الملف مالتة وصلة قيد الدراسة ووصلته موافقة المحلف المبدئية والايميل اللي وصلة بالاخير تحديد اعادة مقابلة المحلفين وفي وقتها نزلت موضوع بخصوص هذا الشي
طبعا مقابلة المحلفين من 3/2011 الى حد هاي اللحظة هي فعال وتم تحديد موعد مقابلة بالجديد عن قريب ان شاء الله

وكل التوفيق للجميع

133
طبعأ  اجاني اتصال يوم الجمعة الفاتت. ع اساس واحد من منظمة الهجرة الدولية. وكلي موعدك يوم الاحد بالمناسبة اني نسيت اسالة على رقم ملفي وعلى كلشي بس كتله ماشي ياغالي والي اتصل بيه رقم خاص. والغلط مني ماسالته عن اسمه الثلاثي او اسمي او كتله انطيني رقم ملفي. هذا الخطاء. وثاني شي اكلت بوري معدل كعدت من الصبح الساعة بال5 الصبح والليل كلة منايم خاف يروح عليه الموعد واخر شي رحت اهناك وكلي الموظف.. اخي العزيز نحن  نفتح يوم الجمعة ولكن لا نتصل باحد ولا نعطي مواعيد ابدأ  لا دوام ولا اتصالات واي واحد يكلكم يوم الجمعةاكو دوام كله انت كذاب.  تحياتي الكم اخوكم عمر انضرب بوري هههههههههههههههههههههههههههه ;D ;D ;D ;D
شكرا جزيلا اخي العزيز على توضيح الخبر

واتمنالك مقابلة سريعة وكل الموفقية ان شاء الله

134
السلام عليكم
حلا للاشكال واتمنى يكون الدليل القاطع الصورة اللي جوة وهي جزء من ايميل اخوية

وبالتوفيق للجميع

135
الحمد لله على السلامة وان شاء الله بردا وسلاما

136
اخي العزيز
اتمنالك الموفقية والاستقرار من كل قلبي
لكن وضعيتك بصراحة مو سهلة وخاصة السبب غير مقنع

لذا حاول جوابك يكون مقنع وترتب قصة مرتبة كعذر للسفر لان وضعيتك مو سهلة
اني بالمقابلة الاولى اتذكر وقعونا كلنا على ورقة تعهد بعدم التأجيل للسفر أكثر من مرة وبعكسه نفقد حقنا من السفر واتمنى انك ما موقع هيج والافضل تتذكر هذا الشي وياريت الاخوة يعيدون ذاكرتهم ويوضحون التعهد اكثر

اني احجي على اللي قابلوا مقابلة اولى سنة 2010 قبل الفورمة اللي كاموا يدزوها بالجديد قبل المقابلة الاولى

بالتوفيق وان شاء الله ترضى بما قسم الله لك

تحياتي

137
الف مبروك وشايف كل الخير

تمنياتي لك بالموفقية والاستقرار

138
الف مبروك وبالتوفيق ان شاء الله


139
اخي نزل الرقم مالتهم وان شاء الله تتأكد منه هنا

وانت مخسران شي روح الاحد وان شاء الله خير

وبالتوفيق ان شاء الله

140
اخي عمر يا رموز اللي تحجي عنها هي الناس توصلها كليشة كاملة متعرف شنو يقصدون بيها نوب تدور على رموز

ان شاء الله اكو تسريع ويجيلك موعد مقابلة اولى بس الشغلة بالسابق كانت تطول بحدود سنة حتى يجيلك موعد لذا انت لا تفكر بعدك جديد وية الاي او ام وتحتاج قلب ميت وياهم

تحياتي لك وبالتوفيق

141
السلام عليكم
الموضوع قريتة من اول يوم نزله اخونا عمر لكن مشاركت بيه لان ماشي على مبدأ في المشاركة اما تكون مفيدة او لا تكون ضارة
طبعا لحد الان ما مقتنع بسالفة 7 دولارات مالت شنو ؟؟
اذا هو السكن مجاني فليش اكو 7 دولارات والمسألة الثانية اوجها لكل المشككين
اعتقد ان اساس استمرار المساعدات والفود هو المشاركة في الاعمال التطوعية او تقديم تقرير اسبوعي شنو سويت ووين رحت ومنين اجيت في حال لم تحصل على عمل

واخونا ساحر بغداد من وضح الصورة اعتقد ماكو داعي يسأل الواحد شلون وليش لان اقل اجر بالساعة بحدود 7 دولارات يعني اسبوعياً 280 دولار وبعد التاكس والفواتير تصفالك بحدود 160- 170 ويعني بالشهر بحدود 650 - 700 دولار والسكن طبيعي الواحد يحصلة بهيج مبلغ

الاعمال التطوعية مو مجانية والكل تعرف بهذا الشي صح انت ما متستلم فلوس من صاحب العمل لكن تستلم فلوس من المنظمة اللي هي اجار البيت والفواتير الاساسية وكله بحسابة
اما مسألة العقد فأخونا عمر وكما وضحتوا له ان الموضوع ما مفتهمة بالصورة الصحيحة وان العقد موجود

ارجو ان ما اكون ثقيل على الموضوع ولا اثير جدل حول ردي يخرج الموضوع عن غايته

اسأل الله التوفيق للجميع

142
محلفين شهر 3/2011 ولحد الان انتظر الامنية

وللعلم ما اعتبر نفسي موعد مقابلتي بعيدة

تحياتي

143
الف مبروك وبالتوفيق ان شاء الله

144
للرفع والمساعده

145
اخي المنظمة تعرف شنو السبب من عدم الحظور وياريت توضح السبب حتى الكل تستفاد
اخي مجاوبتني على السؤال
المنظمة تعرف شنو السبب من عدم الحضور وياريت تفهمنا شنو حتى نكدر نفيدك ونفيد غيرك لان حالتك جديدة بالمنتدى ولو اكو احد الاخوة 3 مرات تأجل سفرة بعد تحديد موعد السفر

146
اخي المنظمة تعرف شنو السبب من عدم الحظور وياريت توضح السبب حتى الكل تستفاد

147
الف مبروك اخي العزيز ابو الصبر ربي يفرجها عنك وتتوفق ياطيب

الحمد لله على كل حال

وتستاهل كل الخير

148
الله يسهل عليكم ويجيكم موعد قريب


149
موضوع حلو اخ ستيفن
برأي ان اللي يسافر المفروض يعرف هو وين مسافر بكل معنى كلمة يعرف حتى لا ينصدم بالواقع

طبعا العراقي يكدر يتأقلم بالعيشة هناك اسرع من الامريكي نفسه لان الصعوبة اللي يواجها بالحياة من سنة 90 الى 2013 تخلي عندة قدرة تحمل وتعلم للظروف اللي يعيشها لكن مع الاسف اللي يسافر يتوقع امريكا هي المكافأة اللي منتظرها من ايام الظيم والتعب اللي جانت بالعراق فأول ميوصل ينسى شي اسمه عمل وينسى شي اسمه نظام واعتماد على النفس ومنتظر احد يصرف عليه ويحسبه من اول شهر او شهرين شوكت يشتريلة بيت وسيارة ورصيد بالبنك محترم واذا شاف هاي الامور كلها ماكو ومتتحقق على كعدته بالبيت بدة يفكر شلون يتخلص من الكابوس هذا فيبدي يحن للحياة اللي جان عايشها ومع احترامي لجميع العراقيين اللي هي مو عيشة لذا يقرر يتخلى عن كلشي في سببيل يرضي نفسه لذا تشوف الاعذار مالته اتعس من القرار....

مختصر مفيد
اللي ناجح بالعراق وبالاردن وبسوريا فهو ناجح بأمريكا وغيرها واللي يدور يعتمد على غيرة فأمريكا آخر بلد الواحد يلجأ اله من هاي الناحية اذا لكيت بعمان او العراق او سوريا او مصر او غير مكان واحد يجاوبك ويعلمك ويمشي وياك فأمريكا ماكو هيج شي كل واحد ينجاز بنفسة..

ادعو الله التوفيق للجميع

150
هــــنا الكـــارثة .....بعد الانتـــظار والعــذاب تكـــتمل الامــنية والمنـــظمــة ما أسفرك

لـــيــــش.........؟؟؟؟

بالتأكـــيد هــناك أجراءات من قبل المنــظمة غير مهيئة ويأخروك حتى ينجزوها وترجع أمنيتك بالانتـظار

وأما يشوفون بأنه هناك أمنية قريبة راح أصـير أكسباير ويحاولون يكون فايلك بعيد عن الاكســباير

مثل إلي يصير بالكــثير بالمطار ويرجعوهم أو قبل يوم يلغى سفرهم

علماً هناك أجراءات تخص المسافر مثل الفحص ترجع بالانتظار الامنية

تمنياتي السفر القريب


ابو ســماني

ابو سماني العزيز
الله يخليك انت مصدك الامنية تصير اكسباير؟؟؟
طيب تركيا ودبي وماليزيا واوروبا اللي مقدمين اي او ام ليش ميصير عدهم اكسباير؟؟؟
الاكسباير بس بمكتب عمان تتوقع هذا الشي طبيعي يصير على جهة وميصير على البقية؟؟؟

برأي اكو اهمال وعدم متابعة لذا تصير هاي الامور واحنا اللي واكعين بيها

تحياتي لك  ولأخوية Kafas

151
الف مبروك اخوية كمال وان شاء الله مع كل خطوة سلامة

بالتوفيق

152
اخي العزيز عمار

موقف والدك واخوك الجبير صحيح لانهم حاسين بالمسؤولية تجاهكم وخاصة ان امريكا بلد تنولد به من جديد بمعنى الكلمة من قوانين وتعامل ومراجعات وتطور لكن هذا كلة المفروض يعتبر ايجابي ودافع للوالد لاخوك للسفر

بردي مراح اتطرق لأي جواب من الاسألة اللي ذاكرها من قبل واللي جوابها واضح من اخونا المهندس

لكن احب انطي بشارة خير ان شاء الله تكون للوالد لانهم يفكرون بمستقبلكم وعلى تفهم كافي باللي يتوقعون يواجهوا هناك وهذا بحد ذاته كافي للنجاح
اللي اتمناه منك اخي العزيز عمار ان تحاول تفهم والدك الله يخليه عن الحياة شلون ماشية من خلال قراءتك لمواضيع بالمنتدى عن الحياة هناك وان تكون امين بنقل الصورة من ايجابيات وسلبيات ومتأكد ان قرار والدك راح يكون عين الصواب لما يكون في مصلحتكم
النقطة الوحيدة اللي اكدر اذكرها للوالد
ان القانون الامريكي يفرض على ان يعيش الانسان عيشة تحفظ به كرامته وان يحصل على جميع حقوقه كإنسان وهذا الانسان سواء كان مقيم او مواطن لان الفرق بين المواطن والمقيم هو في التصويت بالانتخابات
يعني سكن وطعام وصحة وتعليم
وطالما هاي الامور متوفرة فأكيد مراح تضيعون ولا تفشلون وللعلم الاطفال يتعلمون اللغة اسرع من الكبار بصورة خيالية والحياة نظام وامان لانك تكدر تحفظ حقوقك كإنسان وهذا وحده كافي يسافر الواحد لأجله
آسف ما اكدر اكتب تفاصيل لان الكتابة بالتفصيل يحتاج اجيب نص مواضيع المنتدى

ومن الله التوفيق

نفس الرد موجود في موضوع الهندس

153
من رخصة الاخ المهندس اللي بصراحة ماخلة شي ما كالة وكلامة واقعي وعين الصواب باللي كتبه لان مختصر مفيد ماكو مقارنة بين العراق وامريكا

اخي العزيز عمار

موقف والدك واخوك الجبير صحيح لانهم حاسين بالمسؤولية تجاهكم وخاصة ان امريكا بلد تنولد به من جديد بمعنى الكلمة من قوانين وتعامل ومراجعات وتطور لكن هذا كلة المفروض يعتبر ايجابي ودافع للوالد لاخوك للسفر

بردي مراح اتطرق لأي جواب من الاسألة اللي ذاكرها من قبل واللي جوابها واضح من اخونا المهندس

لكن احب انطي بشارة خير ان شاء الله تكون للوالد لانهم يفكرون بمستقبلكم وعلى تفهم كافي باللي يتوقعون يواجهوا هناك وهذا بحد ذاته كافي للنجاح
اللي اتمناه منك اخي العزيز عمار ان تحاول تفهم والدك الله يخليه عن الحياة شلون ماشية من خلال قراءتك لمواضيع بالمنتدى عن الحياة هناك وان تكون امين بنقل الصورة من ايجابيات وسلبيات ومتأكد ان قرار والدك راح يكون عين الصواب لما يكون في مصلحتكم
النقطة الوحيدة اللي اكدر اذكرها للوالد
ان القانون الامريكي يفرض على ان يعيش الانسان عيشة تحفظ به كرامته وان يحصل على جميع حقوقه كإنسان وهذا الانسان سواء كان مقيم او مواطن لان الفرق بين المواطن والمقيم هو في التصويت بالانتخابات
يعني سكن وطعام وصحة وتعليم
وطالما هاي الامور متوفرة فأكيد مراح تضيعون ولا تفشلون وللعلم الاطفال يتعلمون اللغة اسرع من الكبار بصورة خيالية والحياة نظام وامان لانك تكدر تحفظ حقوقك كإنسان وهذا وحده كافي يسافر الواحد لأجله
آسف ما اكدر اكتب تفاصيل لان الكتابة بالتفصيل يحتاج اجيب نص مواضيع المنتدى

ومن الله التوفيق

154
اخوية طبيعي التأخير وان شاء الله تمشي على خير امورك

اكو كيس ويانا تأخر 45 يوم الى تحديد موعد السفر

و58 يوم الى موعد السفر وطبعا بدون ايميل الاوزان

وكل التوفيق ان شاء الله

155
اخوية دبس وراشي اليوم ماكو ان شاء الله المانع خير

منتظرين التحديث لليوم الاحد وجزاك الله الف خير

156
الحمد لله على سلامتها وشكرا اخوية ياسر على نقل الخبر

157
عزيزي اذا الركومنديشن مذكور اسم المدير والجهة اللي عملت بيها ومدتها ومكانها فهمة راح يتأكدون منها لكن تحتاج وقت وخاصة الجهة اللي عملت بيها فنشت شغلها لان التأكيد بهاي الحالة راح يكون من جهتين الجهة المستفيدة تأكد عمل الجهة اللي كنت تعمل بيها اولا والمدير المباشر مالتك او ال اج ار يؤكدون عملك

تحياتي لك وبالتوفيق

158
نفس الشي صار وية اخوية نطوه موعد وتأجل حوالي 3 اشهر وهسة نطوه موعد جديد

بس الفترة اللي تأجل بيها اخوية كانت اعياد راس السنة يعني حوالي اسبوعين عطلة لذا ان شاء الله المدة مالتك تكون اقل

بالتوفيق ان شاء الله

159
اخي ما اعتقد اكو احد يؤجل السفر الا لظرف طاريء وقوي يمنع السفر وحالة اخوك يراجع ابنة للطبيب الله يشفيه مو سبب الا اذا اكو عملية لا سامح الله اما مسألة علاج وفحوصات فأمريكا موجودة والعلاج مجاني

ومن الله التوفيق

160
الله يعينك الصخونة عندك واصل مرحلة ;D

عاشت ايدك والله ضحكتني وخاصة مالت باب الشرجي يونايتد ومن تدفع لابو الكيا تكولة اريد تكت ;D

161
كلام اخوية مصطفى صحيح لازم تصير عندك مقابلة محلفين مرة ثانية وهية روتينية ومابيها شي

ان شاء الله عن قريب تتحدد المقابلة اذا استجد بالملف مالتك شي


162
اخي العزيز عندك اضافة طفل للكيس لو وحدك

احتمال راح تعيد المحلف وبس تتحول المحلف الى فعال يتحددلك موعد مقابلة وان شاء الله متعيدها وتمشي امورك

الافضل تدز ايميل وتفتهم شنو السالفة والجواب مالتهم راح يفهمك القصة شنو

واتمنى اكون غلطان بخصوص اعادة المحلفين

وبالتوفيق

163
سلمت الايادي كبد

164
اشكرك اخي اوس على الرد ممكن توضحلي صاحبك سافر لو بعدة وهم المشكلة مالتة جانت بمحكومية لو غير شي كخدمة عسكرية او غيرها

اكون شاكر وممنون

165
الرسائل يقروها بنفس اليوم او ثاني يوم كحد اقصى ويتخذ بيها اجراء وهاي عن تجربة
لكن بالوقت الحالي الرسالة اللي متحمل مستجدات على صاحب الكيس يتأجل الجواب عليها اما اللي بيها تأجيل سفر من قبل صاحب الكيس او عدم حظور مقابلة او اي شي طاريء بتهديد او غيرة يتم الاجراء خلال يومين او 3 ايام كحد اقصى

تحياتي

166
هذا الحكم يفيدنا بلعباتنا على النهائي بلكي يجيبون الكاس ;D

167
سلمت الايادي اخي العزيز جاري الانتظار

عسى ان يستفاد من الموضوع الاخوة اللي عدهم اعادة محلفين

واشكر مروركم العطر وبارك الله بجهودكم

169
بارك الله بيج اختي ام شاهين وما قصرتي وربي يفرج عنكم بأقرب وقت


170
شكرا ام الهنا الله يجعله في ميزان حسناتج

171
الف مبروك وشايف كل الخير وموفق ان شاء الله


172
اختي ام شاهين التاجر سافر لو شنو صار وياه بس طمنيني
 

173
اشكرج ام شاهين على الرد والله يجعله في ميزان حسناتج آمين

اني عندي ابن خالتي نفس الحالة صارت وياه وكان بعمان وبعدين دزو عليه وسألوه ونكر وبعدها نطوه الحكم مالته ورقم المادة بس هو في وقتها كاللهم اني ما اكدر احجي كدام زوجتي واولادي لذلك كنت انكر لذا مشت امورة وهسة هو بأمريكا

بالنسبة لأخوية نصحتة يمشي على نفس الوضعية وبعد ما ادري شنو يصير

والشكر موصول لأختي العزيزة ام راما

ربي ييسر اموركم ويفرج همكم وتتوفقون دنيا وآخرة

تحياتي

174
أخوان نصيحة لله, اي واحد عنده عرف او اقارب بامريكا خلي هو يدخل على الرابط الي ميشتغل عدنه يشتغل عدهم و يدخل المعلومات, اني عن طريق اقاربي سوالياها و مااخذت من وقته ربع ساعة و سجل بريدي الالكتروني و وصلتلي من الد اج اس رسالة التاكيد و رقم القضية.
اخوية كالاكسي بلا زحمة من مليت الاستمارة يريد ZIPكود شنو خليتة مالت العراق لو منو؟؟؟

لان الاستمارة ميقبلها الا بيها الكود

وممنون منك

175
شكرا اختي ستار على المرور وان شاء الله خير وتعدي سلامات

واشكر rainy71 على الرد وربي تتوفقون ويسهل اموركم

لكن اتمنة اكو حالة مشابهة يساعدون الاخوة بيها


176
شكرا جزيلا اختي مخظرمة على المرور واشكرج على التفاصيل اللي وصلتني

تحياتي

177
شكرا لمرورك عزيزي سنكل اخوية وصلة موعد اعادة محلفين والسبب المرجح هو علمود المحكومية مالتة لان هو مو ضابط ولا مسافر خارج العراق


178
شكرا ام اديان على المرور

179
موضوع حلو
صح العمل مهم بالحياة لكن الاستقرار اهم

يعني لو فكرنا ان نسافر لبلد احنا مننتمي اله فما اعتقد راح نبقى طول العمر على صحتنا وعملنا الواحد يعني تصير نكبات ومطبات عديدة
واذا ما كنت مأسس لحياة مستقرة وانت بحيلك ما اعتقد تكدر تأسسه وانت كبير او صحتك متعينك وكذلك الاولاد يكبرون والهم توجهاتهم وحياتهم اللي تبدي تكبر يوم بعد يوم الى ان تكون مستقلة
لذا من رأي ان الاستقرار ما بعد الجنسية ان يتم في بلد انت تكدر تشتري بيه بصورة رسمية وماكو قانون يميز بين الوافد وابن البلد ولا بأس ان الواحد يستغل الفرص لعمل افضل
واعتقد ان اللي يحمل الشهادة من امريكا سواء كان في الامارات او امريكا فراح يكون عملة جيد ولا يحتاج للسفر

تحياتي لك ابو رند

180
السلام عليكم اخواني - اخواتي
اخوية عندة اعادة محلفين واعتقد علمود محكومية وهو اخفى هذا الشي بالمقابلة مالت المحلفين وكذلك بالمقابلة الاولى لان كان السؤال امام اطفالة وزوجته ولا زال مصر على اخفاء الموضوع امامهم لان السجن صار اكثر من 20 سنة وهسة اني حاير شلون اخلصه من هاي المشكلة

طبعا هو مستلم الموافقة من المحلف وكان مشروط بالامنية وبعد شهرين يكمل سنتين على المحلفين الاولى

شنو الحل اخوان واخواتي وشنو ممكن يصير اذا بقى الوضع على هذا الحال

181
اخوان الرابط يفتح من امريكا طبيعي

وتحياتي للجميع

182
ما اذكر قريت رسالة تأجيل تختلف عن اللي واصلتك

تحياتي

183
اخوية كمل 23 شهر على المحلفين وهسة حددولة موعد اعادة محلفين

لذا اخوية كلمن وحظه

184
اخوية بنفس اليوم تحولت من غير فعال الى فعال واجة ايميل محددين موعد المقابلة

185
سلمت الايادي على الموضوع والردود الحلوة

186
الف الف الف مبرووووووووووووك ام يس

ان شاء الله الاستقرار والتوفيق

187
عنوان الموضوع صحيح 100%
اما المضمون فالله يكون بعونك وييسر اموركم عن قريب

بس معلومة اضيفه وكذابين
لذا تفاءل بالخير وان شاء الله تمشي امورك عن قريب

189
مشكور اخوية جاك على الخبر
والله كل بالي انت سافرت يالله ان شاء الله السفر القريب وتبشرنا بوصولك

190
بعدهم على نفس الشمرة بلكي هناك يشوفون الفلسطينين والمصريين شلون متكاتفين وينعدون منهم



بس اكيد راح ياخذون دوة مال جينكو  ;D

191
اخواني ارجو عدم الياس  يجب ان نحاول ونجد طريق لمخاطبة رؤساء مكاتب عمان ومصر في امريكا لجعلهم ينظرون مرة ثانية الى كل من تاخر
افضل شي تسويه هو عن طريق الاستمار 7001

192
الف مبروك اخي وتوصلون بخير وسلامة ان شاء الله


193
صحيح ماكو احلى من الجيرة ومرات مواقف يكون بيها الجار اقرب من العمام والاخوال بس الحياة تبدلت هسة وممكن احنا اللي تغيرنا ونجرفنا وية مشاغل الحياة وهملنا عادات أهلنا الحلوة

تحياتي لك يا طيب على التذكير بأهمية هذا الموضوع

194
اذا المعلومات تنقصها الدقة بالزمن وكذلك رقم الملف غير واضح مثل ملفي 112 يبدي فاعتقد ماكو مشكلة وسهلوها خلو الناس تستفاد وحتى وان عرف شي دقيق هل هذا راح يؤثر على سير الملف بشي؟؟؟

اعتقد الاجراءات ليست سرية وماكو ايميل او اتصال يوضح سرية المعومات على العكس جماعة الاي او ام المفروض يحتفظون بسرية معلوماتنا الشخصية لاننا غير مصرحين لهم بالافصاح عنها اما هنا فله مطلق الحرية صاحب الملف ان يوضح اللي يريدة

هذا رأي الخاص

195
مرحبا اخوان اني وياكم
تقديم شهر 7/2009 ولحد الان امنية
الكيس 112

196
الفحص عادة بمستشفى ابن البيطار

198
الف مبروك للاخوة اللي طلعوا من التعليق ومشت ملفاتهم واتمنى من الله ان يتم السفر للجميع بهاي السنة

199
هسة عرفت شنو معنى الفساد الاداري الى ان شفته بعيني ;D

200
عزيزي اني من المؤيدين على المبالغة بوصف التجييك االامني ومدته

هاي سالفة الامنية والاولى والامنية الثانية مختصر مفيد
الامنية الاولى من تصير موافقة السفر من امريكا والثانية من تصير موافقة السفر من الاي او ام

وكل التأخير اللي يصير بالمطارات والغاء السفر سببها مكتب عمان والا ليش بغير مكاتب تابعة للأي او ام ميصير هيج خربطة والغاء

حسبي الله ونعم الوكيل

201
الف مبروك وان شاء الله تكون رحلة ميسرة ومريحة

بالتوفيق

202
عظم الله اجوركم ورزقكم الصبر
اللهم ارحمها واغفر لها وادخلها الجنة برحمتك يا أرحم الراحمين

203
شكرًا أخ سنگل مان والله گاعد تتعب ويانه
اني آخر رساله رسالتها الهم على الفحص ومثل متعرف اي ولا مره فأحصه
رود عليه بهذه الكليشه

Please note that once you are scheduled you will receive a notification from our side informing you about the date, time and place.

Please be informed that your case is in progress. Once everything is clear, you will be contacted by IOM regarding the status of your case.

Please feel free to contact IOM Info Center for further inquiries.

Kindly be informed that if you would like to learn more about the current status of your case, you can visit the following website:

 

https://www.jordan.iom.int/refinfo/

 

This website is designed to provide information to applicants regarding the current status of their cases with IOM RSC Middle East and North Africa.

 
شنو ردك على الموضوع شنو توقعاتك
مع انو بل الموقع الفحص فعال
الحلفين فعال
الملف انتضار النتيجه  ???
اختي راح يعيدولج مقابلة المحلفين
بس اريد اعرف شوكت قابلتي محلفين؟
وانتي ماخذة قرار المحلف بعد مقابلتج لو لا
حالة الكيس مالتج مثل كيس اخوية نفس الشي وهو مقابل محلفين شهر 3/2011 وهسة وصلة هذا الايميل
اخوية تحددلة موعد اعادة محلفين شهر 11/2012 بس تأجلت منهم لاسباب فنية

تحياتي لأخوية سنكل مان على الموضوع

204
اني وياك بغداد على نفس الحطة

واكو بعد 3 كيسات وياية

205
مشكور وردة على المعلومة وتوضيحها

يعني الواحد لازم يمشي فاتح فول لايت لعيونة  ;D

تحياتي

207
وينهم اهل الجمعية معقولة الكل سافر

اخوية استلم التاجيل من الرابع 2011 ولحد الان مقابلة المحلفين غير فعال والفحص فعال

208
وياك نفس الشي بس السفر غير فعال والملف فعال صار 3 اشهر ولحد الان ماكو شي بانتظار الامنية

ملفي 112 ومحلفين 3/2011

تحياتي

209
يوم 16 من هذا الشهر اكو رحلة من بغداد

210
اخوان منو بقى من الشباب هنا وشنو آخر المستجدات

من عاد المقابلة ومنو بعدة ينتظر النتيجة

بالنسبة لملف اخوية تحددلة اعادة محلفين وبعدين نلغت فهل يعني مشت الاجراءات لو راح يعيدون المقابلة

211
الله يبارك بيكم ويوفقكم وان شاء يوم اللي اسمع خبر سفركم

213
فانت ليش تستبعد اكتمال الامنية الاولى بعد اعادة الفحص ؟ لانه بعدك تنتظر؟ يعني انت ما جاي تشوف اغلب الي جاي يعيدون الفحص يسافرون؟
عموما انت براحتك و كلمن و قناعته
تحياتي
ليش هو اكو احد سافر والفحص الطبي عندة اكسباير؟؟؟؟
الفحص الطبي مجرد اجراء لازم يتم
حالة حال الامنية والمقابلة وغيرها اما تسلسل المراحل فتبقى يم الاي او ام بتنسيق وية DHS
الفحص الطبي خطوة جيدة لكل من يخطيها
ونفس الحالة من تكتمل الامنية وارتباطها وية السفر مالها اي علاقة لا من بعيد ولا من قريب
الربط الوحيد ان السفر يتم بعد اكتمال الامنية
عزيزي صاحب الموضوع مو بعيدة تسافر قبل اللي فاحص قبلك بشهور لذا استبشر بخير والله يسهل

تحياتي

214
اشكر الجميع على امنياتكم الجميلة

اتمنالكم الموفقية وتحقيق امانيكم كلها

تحياتي

215
اخي يكولون ان البرنامج حتى تقدم عليه لازم تكون عراقي وعملت مع القوات الامريكية انت او اي احد من اقاربك من الدرجة الاولى وبعدها راح تقدم على اساس عمل قريبك

اما اذا تريد تروح لأمريكا فتكدر تقدم للسفارة على فيزة اللي تناسبك

واذا تريد تتوطن من جديد فلازم تراجع مكتب اليو ان وهمة يجرون اللازم حتى يعيدون توطينك

بالتوفيق

216
اشكر الجميع على امنياتهم الطيبة

تمنياتي للجميع بتحقيق امانيكم

217
من يعبر الشهر حاول تعرف اما هسة ماكو مدة محددة

تحياتي

218
المفروض الاي او ام ميعرفون بعمل السفارة طيب شنو الربط وياهم قبل اصدار الفيز
الله أعلم

لو الموظف دايخ لو بالموضوع اكو إن ;D

ان شاء الله خير وكل التوفيق

219
جمعة خير على الجميع ان شاء الله

اليوم حبيت انقللكم خبر بموعد سفر لعائلة اختي يوم 16/1 من مطار بغداد الى عمان - المانيا - شيكاغو

موعد السفر كان عن طريق اتصال تلفون يوم امس

الوزن 20 كغم للشخص الواحد والاطفال تحت 8 سنين مالهم حق بالهاند باك

تفاصيل الملف
112xxx
السفر انتظار من 6 أسابيع تقريبا بعد اكتمال الامنية بيوم
محلفين 3/2011

تمنياتي للجميع السفر القريب

220
شكرا لنقل الخبر وعاشت ايدك

221
العبارة قديمة بس احنا كلنا عيونة على الامنية وبعدها كبل نسدة من الاكس فمحد يتمعن اكثر بالموقع

بس اليوم يبين ملاك جاها حلم يقظة ان تشوف الامنية كملانة  ;D


222
السلام عليكم اخواني الاعزاء اني حصلت على الكرين كارت اقل من 20 يوم ورجعت للعراق بس مسويت اي شي اخر لان اني رحت على حسابي الخاص يعني مسويت شوسل سكيورتي او تامين الصحة او فوت ستام اريد اسال اكو مشكلة بموضوعي يعن هذني لازم اسويهن قبل لا ارجع للعراق لو عادي اكدر اسويهن من اسافر مرة الثانية رجاءا ساعدوني لا يكولون شلون رجعت قبل لسويهن ميصير
عزيزي ماكو مشكلة اذا ما سويتها لكن المشكلة تكمن شنو تبريرك بالعودة السريعة من تريد ترجع بالمطار
لان انت من قدمت على الاي اي في ذكرت قصة التهديد مالتك

بكل الاحوال ماكو شي ضعب

ان شاء الله الاخوان هنا ميقصرون بالاجابة بخصوص لم الشمل والفورم الافضل
اتذكر هي فورمين تقدمها واحد يتأخر والثاني اجراءاته على امل تكون اسرع

وبالتوفيق

223
معاملة لم الشمل من امريكا اكو موضوع هنا بالمنتدى بخصوص لم الشمل

اخي اسمحلي اوصلك معلومة بأن النظام بأمريكا يحتم عليك تكون دقيق وواضح وياهم بكل تعامل حتى تكدر تحفظ حقوقك

يعني انت من طلعت المفروض تنطيهم خبر لان اكو اجراءات هواية المنظمة لازم تسويها وانت ماكو

صح امريكا بلد الحريات لكن القانون يحتم عليك تتبع خطواته بكل تفاصيله وانت بعدك ما كملت كل متعلقاتك هناك وياهم

بعد السوشيل والاشورنس والفحص الطبي اللي المفروض يسووه يعني هواية شغلات

زين اكو اجار شقة واكو الولكم مالتك يعني متعلقات هواية طيب مثبت عنوان الك في حال رادو منك شي بفواتير او بمقابلة او غيرها؟؟

اخي المفروض تسأل قبل لا تخطو خطوات تخسرك وقت ومال وصحة

تقبل نقدي وشاكر لتفهمك

تحياتي

فد شوية انزلك الرابط مالت الموضوع اللي يخص لم الشمل

224
اخي قدملهم وكلش عادي ميؤثر بالعكس لو مقدمين سوية احتمال وارد يسافرون وانت تبقى تنتظر

هواية صايرة صاحب الكيس الرئيسي يبقى والتابعين اله يسافرون

اما هسة تكدر تقدملهم والربط وياهم خليه ضعيف من يستلمون الاي زي

تحياتي

225
عزيزي نصيحة اذا لا تطول اكثر من 6 اشهر خارج امريكا لان راح تتعرض للمساءلة


226
السلام عليكم ورحمه الله وبركاتـــه،

أخوان وأخوات المنتدى اتمنى ان يكون الجميع بخير وان يقضي الله حاجاتكم ويسهل امركم انه سميع مجيب.

أذا سمحتوا عندي استفسار وياريت اي احد يجاوبني:

اريد اعرف اشكد مصداقية موقع ال اي او ام وكل اشكد يتحدث...يعني اكو احد صارت عنده حاله انه قابل محلفين ولحد اسبوعين ورة المقابله خانه المحلفين مصارت مكتمل ضلت فعال وحالة الملف بانتظار النتيجه؟...علما ان نتائج المحلفين هذه الوجبة يوم 16-12-2012.

المعروف عن هيجي حالات معناهه المحلف منطي تأجيل وليس موافقه.

شفتو احد مر بمثل هالتفاصيل تاليتهه اخذ نتيجة موافقه لو خلص مبينه تأجيل  ، من خلال متابعتي الحالات بعض الاخوان انه ورة 20 يوم صارت عدهم مكتمله بس اجاهم لو رفض لو تأجيل ياستار...بالايميل او بالاتصال موظفي ال اي او ام مينطون اي جواب.

علما انه اكو ناس قابلو او ورة يومين صارت عدهم خانه المحلفين مكتمله.

بانتظار اجابتكم وتعليقاتكم ...ودعاءكم ايظأ.

أختكم حزيران.

 
تستمر الى 60 يوم يالله تجي النتيجة مالت الموافقة وممكن قبلها
والموقع ممكن يتغر بعد يومين وممكن بعد شهر او 5 اسابيع وهذا الشي طبيعي

اهم شي عندج موافقة المحلف اللي تجي بالايميل اذا حصلتيها يعني انتي تشافرين ان شاء الله والباقي كله انتظار

بالتوفيق ان شاء الله

227
اخي العزيز
مبلغ 1000$ هي للكيس الواحد سواء عائله او فرد هذا ما حصل معي في المطار
واذا مهما كلت محد راح يفتشك
بس وين راح تظم الفلوس ؟
لان اول ماتوصل ماتكدر تظم بالبنك
ووضع اكثر من 2000$ كاش بالشقه يعتبر مخالفه؟ ومجازفه بنفس الوقت

احترامي
المبلغ 10 الاف للفرد لو للعائلة؟؟؟؟؟؟؟؟؟

الاخ دبس وراشي نطاني المعلومة غير هاي القيمة

ياريت اخوية دبس وراشي تتأكد من الموضوع وتنطيني الخبر الفصل بخصوص المبلغ المسموح للعائلة

ودمتم بخير

228
عزيزي اذا انت عملت وية الامريكان فهاي الحالة مالتك تكون تأييد واثبات الك مو ضدك

اما اذا ما عملت وية الامريكان فالمفروض مهيء جواب لدائرة شك حولك بأن تكون الاصابة من القوات الامنية

بس حبيت اوصلك نقطة جائز مخفية عنك

ومابيها اي شي العكاز او اصابتك وبالعكس راح يكون الاهتمام بيك اكثر بالخارج قبل المحلف لان الانسانية تحتم على الواحد ان يعمل بإنسانيته

لكن يم المحلف فهو مكان شبه تحقيق واللي ميعرف العواطف بكد ميريد اثبات

هذا اللي اعرفه من حالات مختلفة وما حاولت اوصلة الك

وكل التوفيق ان شاء الله

229
الهجرة و واللاجئين / رد: شهر صفر
« في: 11:44 20/12/2012  »
كل الايام وكل الشهور هي ايام الله وماكو بالاسلام شي يميز يوم عن يوم او شهر عن شهر
ما اعتقد هذا التشاؤم صحيح والمفروض ان الواحد يكون دائم الصدقة بكل الايام لدفع البلاء وللشفاء ولاطاء غضب الرب
كلام صحيح
كل الايام من الله
قال تعالى
ما أصابك من حسنة فمن الله وما أصابك من سيئة فمن نفسك

وما هنا تجي عامة

لا محددة بيوم ولا بشهر ولا بمكان ولا بزمان

230
اي شغلة 100 غرام ذهب نسيتها والله

زين ذكرتها تعيش وتسلم

231
عاشت ايدك اخوية دبس وراشي وتعيش وتسلم

حتى المعلومة تكون واضحة للجميع
 
كل شخص بالغ له حق ياخذ وياه 10 الاف دولار من بغداد بصورة رسمية وبدون مساءلة قانونية

والتوفيق للجميع

232
اشكركم رفاقي واخواني على الاجوبة

بالنسبة لكابتن علي من مطار بغداد اكو مشكلة يعني الجنطة من تنزل بالسونار شلون وياها

لو على رأي الاخوة تتوزع بين العائلة

اني مو شايل هم بنيويورك لان اقصى شي يصير راح تتسجل بالمطار وانتهت المشكلة لكن بمطار بغداد شلون بيهم خايف لا يسووها ضارب اقتصاد البلد 

بس بقى مطار بغداد الامور ماشية لو بيها تفتتيش السالفة من يعرفونا على الاي او ام

233
عاشت ايدك اخوية ياسر
والشكر موصول للاخ الشبح

234
اشكر كل اللي شاركونا بمعلوماتهم

هسة المفهوم من كلامكم ان اي واحد بالغ اله حق يشيل 10 الاف دولار يعني العائلة تشيل 20 الف بصورة رسمية

طيب بالنسبة للأطفال يعني ممكن احنا نشيل عن الاطفال لو ميصير ;D

ياريت احد مار بهاي التجربة ينورنا


235
اشكرك ابو شمس بس هو اكيد مراح اشيلها بمكان وحدة بس ردت اعرف من الجماعة اللي مارين بهاي التجربة


236
الاخوان اللي سافروا

اول شي الحمد لله على السلامة

اريد اعرف الواحد شكد يكدر يشيل وياه فلوس اذا عائلة

اللي اعرفه 10 الاف بس هذا للعائلة لو للفرد

واذا للفرد متحدد بعمر ادنى حد لو مفتوحة الشغلة

وشكرا مقدماً

237
اطلع لتركيا وقدم على امريكا والتساهيل من رب العالمين على الاقل من البداية تعرف النتيجة والفلوس مالت الفيزا والطيارة تعيش بيها سنة هناك

تحياتي

238
اخي ممكن تحللي الامنية مكتملة والسفر انتضار صار 25 يوم؟؟

ولحد الان بدون موعد

اذا التجييك بالموقع يكمل من يكون الواحد على الجدولة شنو تسمي هاي الفترة ( مرحلة انتقالية) ;D

وشكرا لك مقدما
اخي العزيز ابو مريومة اتذكر انت ملفك جان تعليق قبل مثلي بس انت طلعت من التعليق من زمان فصرت بس عالامنية و الظاهر كملت عندك لان صرت على جدولة السفر
بالنسبة للامنية مكتملة و السفر انتظار معناها انت على جدولة السفر
بالنسبة للفترة اكو ناس بقوا شهر و نص او شهرين على جدولة السفر فوين المشكلة؟
عزيزي احمد الله و شكره و ان شاء الله تسافر عن قريب
تحياتي
شكرا على الرد عزيزي
بالنسبة للتعليق الملف غير معلق ولا مرة كان بانتظار النتيجة وبعدها فعال ولازال فعال
رقم الملف 112 والتقديم 2009

اما بالنسبة لجدولة السفر يستمر 26 يوم شوية صعبة الواحد يقتنع بيها لان اخونا nemro بخلال 5 ايام كملت امنيتة وصار موعد السفر واقصى مدة صار بيها السفر بالانتظار هو 16 يوم وبعدها الامنية ترجع انتظار مثل ما صار وية اخونا العزاوي
لكن الكيس مالتنا لحد الان الامنية مكتملة والسفر انتظار وبدون تحديد موعد سفر ولا ايميل اوزان

ودمتم للنضال


239
عاشت الايادي على هاي الاخبار الحلوة

240
شكرا على الموضوع

موقف جميل ومعبر

241
اخي ممكن تحللي الامنية مكتملة والسفر انتضار صار 25 يوم؟؟

ولحد الان بدون موعد

اذا التجييك بالموقع يكمل من يكون الواحد على الجدولة شنو تسمي هاي الفترة ( مرحلة انتقالية) ;D

وشكرا لك مقدما

242
اخي العزيز كيسك بعده يحتاج صبر

وطالما مكمل الفحص الطبي الاعادة معناتها ماكو شي تحتاج تكملة غير الامنية

لذا اصبر وكلنا وياك على نفس الطريق

بالتوفيق ان شاء الله

243
الف مبروك اخي العزيز والحمدلله على السلامة

244
ضليت تدك الا اجلت  :)
يالله بيها الخير ان شاء الله وانت اعرف بعد

موفقين ان شاء الله

245
شكرا عطر المسك

وشكرا زميلي eng.mechano
هي اجزاء من الامنية تصير اكسباير وبعضها يطول يوم وبعضها شهر واحتمال نفس الاجراء ممكن يكملوه بيوم وممكن بشهر لكن اللي اقصدة طالما الملف مكتمل وجاهز المفروض يمشون حسب الاولوية من يصير وقت السفر يعني افتهمنا ماكو انصاف بسير الملف ومراحل الامنية لكن مو بكل شي ماكو انصاف

بس هو من البداية شغل بلا ضمير فطبيعي ايصير اللي كاعد نشوفه من تأخير

246
اشكركم اخواني على المداخلة

والله طمنتني اخوية فارس الحمد لله لكيت وضعية مشابهة ;D

247
اني ملفي صارلة شهرين ونص فعال وماكو شي الامنية انتظار

بس الكيس اللي وياية بنفس الوقت صار فعال كملت الامنية قبل 3 اسابيع واني بعدني

للعلم التقديم وياه سوة والفحص الطبي اعادة سوية ورقم الملفين وراه بالتسلسل

248
الف مبروك اختي البغدادية

موفقين

249
شكلك اخوية ابو شمس بعد

طبعا الكيس من المغضوب عليهم جماعة 112 وفوكاها بغداد بس كلنا اسبوعين بيها مجال هسة داخلين على الاسبوع الرابع وحتى دورة ماكو
الامنية ماضللها شي وتصير اكسباير

الله ينتقم منهم ان شاء الله

251
اخوان السفر انتظار لأحد كيساتنا صارلة 22 يوم

الامنية كملت وبعدها بيوم السفر انتظار

اكو احد مثل هاي الحالة؟؟؟

زين ليش مينطون موعد سفر  ??? والله خبلونة بشغلهم

252
لمنو نشتكي او نبلغ منو

يعني عدنا كيس صارلة 22 يوم السفر انتظار والامنية مكتملة ولحد الان بدون موعد ومتأكد بس ينطوه موعد راح يؤجلوه لان راح يصير اكسباير بتجييك معين بس ما اعرف عد منو اشتكي

الله ينتقم منهم لا يجاوبون ايميل ولا يردون على تلفون

253
اللابتوب بالفديكس 245$ تقريبا
وعلى البريد الحكومي ممنوع اللاب توب ينشحن للعراق لان الحظر بعدة

الاعتماد بالشحن على الابعاد مالت الشحنة والوزن

وفوك هذا كلة من توصل الغراض عليها ضريبة من جماعتنا

اكو لابتوبات اصلية بالصناعة وتكدر تسجلها بشركة اج بي والضمان يسري عليها لمدة سنة ونفس السعر اذا مو ارخص بإعتبار بيها كيبورد عربي وهذا الشي متلكيه هناك

تحياتي

254
شكرا جزيلا رنا على نقل الخبر

255
اخوية التأجيل يصير لمرة واحدة

لكن متكدر تحدد المدة شوكت

يعني يجوز اسبوعين ويجوز 6 اشهر او حتى سنة

وبذاك الوكت تكوم تندب وتكول ياريت الجرى ما صار

توكل بالله وبالعراق ماكو شي حسافة عليه

تسوي وكال للشغلات الصعب تصفيها (املاك) وغراض البيت تتعوض بيها ان شاء الله

الكل تبيع بفلس ونص من يجي السفر

وانت اعرف بظروفك

257
الف مبروك وكل التوفيق ان شاء الله
طالما تغيرت المعلومات قبل موعد السفر يعني الشغلة ماشية اوكي وية الموقع

المدة الممنوحة قبل السفر قليلة

احتمال اكو عائلة تأجلت بسبب اكسباير او طلبوا تأجيل وصرت بمكانهم وهذا شي وارد

258
شكرا جزيلا على نقل الخبر

الله يحفظج

259
انا لله وانا اليه راجعون

لاحول ولا قوة الا بالله

عظم الله اجوركم واسكنه الله فسيح جناته

260
موضوع جميل والردود اجمل

 جميع وجهات النظر مطروحة من كل الجوانب تقريبا

ماعندي شي اضيفه سوى هاي العبارة لكل من يريد يسافر ونسة على حساب غيرة

"تقبل يكون وضعك بمكانه"

وجواب على جوابك

اللهم آمين


261
تعيشون وتسلمون على الاخبار الحلوة

الله  يبارك بيكم ويكثر من امثالكم


262
رفيقي


تحيه حزبيه


تكدر تجيب اختك وزوجها عن طريق التقديم من ال iom بغداد بغض النظر عن وجود الكرين كارد


وبغض النظر عن وجودك داخل الولايات المتحده اصلا


يقدمون من بغداد استنادا على عملك مع القوات الامريكيه سواء انت بامريكا او لاع



ودمتم للنضال

ابو عروبه
امين سر تنظيمات كاليفورنيا للحزب والثوره
   تحية رفاقية

رفيقي هذا كلامك فقط لل siv لو يشمل ال اي او ام ..ودمتم للنظال

الحجي يخص جماعة الاس اي في فقط
جماعة الاس اي في ممكن يقدمون لعوائلهم واخوانهم واخواتهم المتزوجين همة وعوائلهم ولاولاد اخوانهم واخواتهم الغير متزوجين ودون سن 21
وطبعا الاب والام وياهم
العوائل والتقديم يخص من طرف صاحب الكيس اللي هو اس اي في فقط

يعني اذا انت اس اي في تكدر تجيب نص العشيرة تقريبا ;D
لكن زوجتك متكدر تسحب احد

والشرح وافي بالانكليزي وواضح
كل اللي عليك تدز نسخة من الفيزا مالتك اذا مستلمها او تدز رقم الكيس مالتك للاي او ام سواء بغداد او عمان وياها جواز اللي تريد تقدمله والاي او ام يفتحولة رقم ملف

تحياتي

263
ماكو رد من 14 يوم

لكن على كيس ثاني علمود اضافة مولود جاوبوني بأيميلين واحد للاضافة والثاني للامنية

الظاهر الايميل اللي بيه شغل يجاوبوه واللي سؤال وغيره عن الامنية او المقابلة يتكنسل

حسبي الله ونعم الوكيل

266
شو صار السؤال عن الاعادة  ???

كولي غيرها يمعودة ما ضل شي ان شاء الله :) ومسألة الربط وية الوالدة شو ميلتزمون بنوع الربط ويمكن فلم سووه حتى ينطون تبرير عن التأخير

توكلي على الله وسوي اللي بيه خير الكم ورب العالمين يسهل


268
الهجرة و واللاجئين / رد: موعد سفر
« في: 12:15 08/12/2012  »
اللي سامع بيه ان المفروض الكل تسافر بنفس الوقت

بس شغلة الجواز ميتأخر

حاول تطلع واحد جديد ولو هي فرة بسبب تبليغ الشرطة ومحكمة

الله يسهل على الجميع

اذا عندك عرف بالعامة يلغي القديم ويصدر جديد

269
شكرا على نقل الخبر

بعمان اكو اوراق لا زم تتوقع واللي هي شغلة القرض وكذلك المكتب الرئيسي بعمان

ياترى يكدرون يمشوها من العراق

العراقيين على شغلة الفحص الطبي مضبطوها نوب اجراءات سفر وترتيب من مطار بغداد واربيل  ??? اشوفها صعبة تتطبق ::)

270
عاشت ايدك خبر كلش حلو الله يسهل على الجميع ان شاء الله

272
الف مبروك للجميع التألق والابداع

والف مبروك لمنتدانا بالتميز

273
بارك الله فيك اخي وجعله في ميزان حسناتك

274
زين  واحنا  جماعة 2009  شنو  مصيرنا   :-[ :-[ :-[ :-[
ميخصنا الحجي
احنا ملفاتنا باقية جوة وتجي الجديدة يمشوها وكل خانة تكمل بيها الملفات الجديدة يطلع كم ملف من القديم يمشوه وبعدها تجي وجبة جديدة وهم تنام ملفاتنا

تشبيه للواقع اللي نمر بيه

275
الف مبروك الحياة الجديدة

موفقين ان شاء الله

276
الف الف مبروك ابو مرتضى صبرت ونلت

كل التوفيق ان شاء الله وتوصل بخير وسلامة

تحياتي

277
اشكرك جدا اخي العزيز على نشر الخبر لكن التاريخ متأكد منه لو نمشي على يوم السبت القادم

بالتوفيق ان شاء الله

278
بالعراق حضور الشخص حصرا علمود بصمة العين والاصابع

280
الف مبروك اخوية رعد موفق وتوصل بألف سلامة

281
دائما وابدا منتظرين ..... لا تنسوني تسجلوني بنظر الاعتبار وياكم

282
الف الف مبرووك
كل التوفيق ان شاء الله

284
ماكو هيج بطة ::)

285
بالنسبة الي احاول اكمل ماستر بعد اكمال الجي ار اي
ان شاء الله

286
الف الق مبروك لاخونا شنايزر يستاهل كل خير

موفق ان شاء الله وتوصل بخير وسلامه

287
الف مبروك وان شاء الله السفر القريب

288
السلام عليكم جميعا حبايب

اول شي احب اهني اختنا تيولب على الاشراف في غرفة الجات

والتهنأة موصولة لجهود اختنا الارمينية على عطاءها وابداعها المتواصل لانجاح منتدانا وبيتنا الثاني عين كاوة

وبهاي المناسبة احب ان نتواصل بالجات ونتعارف بعد اكثر بالتهاني والافراح وخاصة مواعييد السفر اللي مدوخة الاغلبية

لذا خلونا متواصلين هناك ونحصل على الاجوبة اللي نحتاجها بسرعة ويصير النقاش والتواصل احلى

والميزة الحلوة بالموضوع منحتاج لا لتسجيل جديد ولا ادخال اي معلومات جديدة لانه فد شي بسيط وحلو

وهذا رابط الموضوع

http://www.ankawa.com/forum/index.php/topic,619792.0.html

والدعوة عامة للجميع

290
هههههههههههههههههه

خايف لا بوقت السفر مالتي يؤجلون السفر علمود يصلحون السقف :'(

291
الهجرة و واللاجئين / رد: جماعة 2009
« في: 17:47 23/11/2012  »
اي ماشاء الله جماعتنا خير من الله واني واحد منهم بعدني بس على الاكتف اللي صار قبل شهر ونص

الله يسهل على الجميع

292
ان شاء الله خير

حالة السفر مالت الكيس اللي تابع النا صارت بالانتظار

اتمنى للجميع السفر القريب


293
الف الف مبروك وكل التوفيق ان شاء الله

والحمد لله على السلامة

الاستقرار والنجاح الدائمين

تحياتي

294
الف مبروك وكل التوفيق ان شاء الله

تستاهل كل خير

295
اللي واضح عندي ان كل ملف له خصوصيتة

لكن الاجراء فعال بعد انتظار النتيجة مؤشر جيد وبعدها تكتمل الامنية وما قريت مرة ان الملف فعال رجع بانتظار النتيجة بالنسبة للي مكملين فحوصات ومقابلات

عادة بعد الفعال من اسبوع الى 4 اشهر تكتمل الامنية وطبعا الاغلبية وليس الكل


تحياتي
ابومريومة البغدادي

296
الف الف مبروك والحمد لله على السلامة

297
الف الف مبروك والحمد لله على السلامة

298
طبعا اليوم احد الكيسات مالتنا كملت الامنية مالتة وهو فعال من قبل شهر ونص تقريبا وبالسابق كان بانتظار النتيجة

ان شاء الله التوفيق للجميع

299
شكرا لكل من شارك وان شاء الله الاخبار المفرحة دوم موجودة

بالنسبة للاردن سافروا منها خلال شهر اكتوبر 446 شخص متألفين من 195 كيس

300
اخوية ليش المجازفة بالتأجيل لان احتمال تصير الامنية اكسباير او ترجع المشاكل مثل الاعوام السابقة لا اكو ثقة بالمنظمة ولا بالتجييك الامني

طالما شغلتهم خلصانة يسوون توكيل احسن واسلم


301
الف مبروك وشكرا على نقل الخبر

302
هسة كعدت ماعندي شي كلت خلي اسوي احصائية للعراقيين اللي وصلوا امريكا خلال شهر اكتوبر ولكيت العدد 1825 شخص

طبعا 498 واحد منهم متألفين من 211 كيس من داخل العراق والباقي متوزعين على بقية الدول ( الاردن - سوريا - تركيا - مصر - لبنان - ... الخ)

وهذا الرقم لو قسمناه على 23 يوم للشهر باعتبار الجمعة والسبت ماكو طيران حسب ما سامع من الاخوة اللي سافروا

يعني يصير العدد اليومي بحدود 22 واحد سافروا يوميا خلال الشهر العاشر

وان شاء الله كل شهر ننزل احصائية للسافروا من العراق بصورة خاصة وبقيت الدول بصورة عامة ( طبعا العراقيين )

تمنياتي للجميع السفر القريب

303
تقصد التجييك الامني بالانتضار والملف فعال

طيب شوكت كملت الفحص الطبي وشوكت قدمت ممكن توضح اكثر

تحياتي

304
الف مبروك والحمد لله على سلامة الوصول

ان شاء الله السفر القريب للجميع

305
بيها الخير ومشكور على نقل الخبر

306
الف مبروك وكل التوفيق بحياتك

307
مو بعيدة نصيف هنا  ;D

308
والدي كمل وكالة من ديترويت قبل شهر ما احتاج وياه غير الجواز

وعلى فكرة الوكالة بالعراق بعد متمشي وحدها الا وياها جنسية الموكل واذا بيع او شراء فتكون الجنسية والشهادة وياها


309
احد صار تحديث بوضع الملف مالتة لو على نفس الحطة نراوح بمكانه

310
اخوية بدر الفحص الطبي مالتك اكسباير لو بعدك ما فاحص؟

311
اخوان الملحة تفيد وياهم؟

احد مجربها لو نتائجها اتعس من الحال اللي احنا بيه

312
اخوية سيف انت ما رجع انتظار الملف مالتك من تغير بشهر الخامس وصار فعال؟


313
اني احب انظم وياكم الملف فعال من الشهر الخامس وانتضر والله كريم
اخوية سيف ابو الغيرة كول غيرها ;D ;D

شوكت عدت الفحص الطبي او شوكت قابلت

زين قبلها جان بانتظار النتيجة لو هو فعال من البداية

314
عزيزي OK H.K مو اني اللي عملت مع الجانب الامريكي وانما معاملة لم شمل

وبالنسبة للملف كنت مثل وضعيتك حتى من عدت الفحص كان بانتظار النتيجة من اول ما اشتركت بالموقع ولحد قبل 5 اسابيع تقريبا تغيرت

بالمناسبة تقديمي 2009 والكيس 112XXX والمقابلة مالت المحلف صارت 3/2011

اتمنى استفاديت شي من هاي المعلومات


315
الف الف مبروك اخوية العزيز ابو هجران وكل التوفيق ان شاء الله

يارب تكون بادرة خير والرجل الخضرة علينا


316
السلام عليكم اخوتي جميعا

اتمنى نتواصل سوية بمتابعة ملفاتنا واللي صارت حالة الملف فعال بالتحديد حتى نعرف شنو راح يصير للبقية
 

وابدي بحالة ملفي فعال من يوم 9/10 ولحد الان

اكملت الفحص الطبي يوم 5/7 وصار مكتمل بعد شهر

الامنية بالانتظار
محلفين  اولى + ثانية مكتملة

التوفيق للجميع
ابومريومة البغدادي

317
سمعت من ولد كان في زيارة لوالدي بأمريكا وهو من اهل عمان وصل قبل 3 اسابيع ان الحكومة الاردنية راح تفرض غرامات على الاي او ام اذا لم يتم تسفير العراقيين المحصلين حماية من قبل الاي او ام هذا الخبر الولد قراه بجريدة

وطبعا ما اعرف المدة اللي محددتها الحكومة الاردنية للمنظمة عسى ان يفيدكم هيج خبر وتحاولون تشوفون مدى صحته

فياترى صحيح غلط الباقي على الشباب الموجودين بعمان يؤكدون الخبر

تحياتي

318
عزيزي الاسألة مالتك عامة وهي تنطبق على جميع الولايات

بس المهم من هذا كلة يكون عندك احد بالولاية اللي رايحلها يسهل عليك استكشافك للواقع من خلال تجاربه

تحياتي

319
اول شي الف مبروك على اكتمال الامنية وان شاء الله ايميل الاوزان يوصلك عن قريب

بالنسبة للموقع انت محاول اكثر من مرة بالباسوورد القديم ومقفول عندك الحساب دز الهم رسالة واطلب اعادة تفعيل الحساب وهمة راح يدزولك رسالة بإعادة التفعيل

طبعا الباسوورد اكثر من محاولتين خاطئة بأقل من نص ساعة راح يقفل عندك الحساب

تحياتي

320
الله يكون بالعون يعني اني 2009 تقديمي وكاعد تاكل وتشرب وياية الامنية انتم الله يساعدكم وينطيكم صبر وييسر اموركم


الله يسهل علينا أجمعين

321
الف الف مبروك على سلامة الوصول والاستقرار

كل التوفيق والنجاح

322
112 لسنة 2009

لا جديد بإستثناء الفعال قبل شهر

323
الحمد لله اختي على سلامة الوصول والحمد لله على نعمة الاستقرار والامان

بالتوفيق ومن نجاح الى نجاح


324
اختي لبغدادية انتي ملفج فعال حاليا؟

اذا فعال فإن شاء الله اجراءات الامنية ماشية تمام

وان شاء الله تكون بشارة خير للجميع

325
ان شاء الله خير

وبالتوفيق

326
انا لله وانا اليه راجعون
نسأل الله ان يتجاوز عنها ويرحمها وان يجعل قبرها روضة من رياض الجنة


328
تم الارسال من ايميلين مع خاصية تقرير قراءة الايميل

لحد الان ما وصلني تقرير القراءة للأيميل يمكن بعده الدوام ما بده ;D لان هسة عدهم الساعة 5 ونص الصبح


329
حسبنا الله ونعم الوكيل

330
الف الف مبروك اخوية ويلبور

الحمد لله هسة نكول نفكت الجبسة من صدك

الله يسهل امرك ويوفقك بحياتك

تحياتي

331
لحد الان بالعراق العظيم  :o :o

332
كل التوفيق ان شاء الله

لا تنسى الجواز تاخذه وياك

333
اهلا جورجيا

بس اريد اعرف ملفج هم فعال واذا صار اي تغيير قبل بسبب احداث كنتاكي لو من فتحتي على الاي او ام على نفس الحطة مثلي ;D

334
حيالله بكل من شاركنا بالجديد واحب اكوللكم ربي ان شاء الله تسمعونا بخبر سفركم بأقرب وقت

وان شاء الله الكل راح تكون مضافة بالجدول

تحياتي

335
اخواني ممكن تفيدونا بالموضوع اذا اكو احد يكدر يضيف معلومة اضافية

بالنسبة للوضع مالتنا لحد الان نفس الوضعية بدون سفر

4 كيسات عادت الفحص الطبي
3 من اللي عادو الفحص الطبي حاليا وضع الملف فعال
والكيس الاخير حددولة اعادة محلفين واللي هو من الاول كان تأجيل

تحياتي

336
الله يكون بعونك

ان شاء الله منا لنهاية الشهر يصير تغيير

همة صارت مودة عدهم كل 3 اشهر او 4 يغيرون شغلة لو بكليشة ايميل او بالموقع حتى يلهون بيها العالم علساس كاعد يشتغلون ومتابعين الملفات


337
موضوع حلو وان شاء الله يتغير شي من الواقع

على الاقل نحاول نسوي شي حتى لو منغير شي

339
الهجرة و واللاجئين / رد: قرار رفض
« في: 20:20 04/11/2012  »
الله ييسر امورك ويعوض عليك بالخير

341
طالما تغير الملف اكو احد متابعة يعني وان شاء الله خير

تفاءلوا بالخير تجدوه

اما مسألة الوقت والموعد للسفر فعلمها عند الله

343
اخوية اصبر هاي الفترة الجاية على الاقل لحين اعياد راس السنة يصير شوية فتور بالسفر بسبب العطلة وبعدها اطلب نقل الملف

وانت ان شاء الله ملفك ماشي طالما فعال

اني هم وياك نفس السنة وصار اقل الشهر فعال وكاعد انتظر

الله يقدم الللي بيه الخير

344
ان شاء الله ملفك ماشي تمام التمام
وبالنسبة للمحلف بعد مدة 60 يوم اذا ما وصلك رفض معناها موافقة

وانت طالما بالموقع عندك مكتمل المحلف ان شاء الله يعني موافق عليك

وبالنسبة للمطار والمدينة بس توصل اوراقك للكفيل ويوقعها تكمل عندك بالموقع

واذا ماكو كفيل فراح يختارولك ولاية ومنظمة تكفلك

وبالتوفيق ان شاء الله

346
اخي العزيز السفر املي
 شنو المشكلة وياك بالمقابلات ليش كل هذا التأخير ؟؟ اكو تأخير بالركومنديشن لو تأجيل من قبلكم؟؟؟
وبالنسبة للمحلف اطمأن ان شاء الله موافقة طالما اكتملت وحاول تدزلهم ايميل وراح يجيلك الجواب


اختي ام الحلوات
نفس الحالة وية السفر املي شنو المشكلة ليش كل هذا التأخير بالمقابلات ؟؟

الله يسهل على الجميع وان شاء الله السفر القريب

تحياتي
ابومريومة البغدادي

347
زين اخوان اني ماعندي كفيل وانضاف المطار والمدينه بالموقع معناها المنظمة الي كافلتني موقعه اوراق الكفاله ؟
تمام معناتها المنظمة اختارت الولاية والوجهة الاخيرة مالتكم

مرحبا...فحصنا مرة وحدة بعد المقابلة الاولى بس قبل مقابلة المحلف شون يصير مو الفحص الطبي مرتبط بقبول المحلف :-\ ::)

الفحص الطبي الاول لازم يصير حتى يتأكدون من مرض يمكن هو (السفلس ) ما متأكد منه
بس هو مرض معين لازم يتأكدون خلو افراد العائلة من عندة

348
اخوية نيويورك تهانينا

منتظرين البشارة منك بسفرك

تحياتي لك ياطيب


صديقي العزيز كمال

شكرا لتحديث معلوماتك


349
اهلا وسهلا بيك mastermind ويانا

ان شاء الله تبشرنا بموعد السفر قريبا  :)


اخوية العزيز المهاجر
كل التوفيق ان شاء الله والله يقدم اللي بيه الخير
 
تحياتي

350
كل الهلا بيج اختي star_2000 ويانا

ان شاء الله رجلج خضرة علينا ونسافر كلنا شلع

تمت الاضافة

بالتوفيق

351
شكرا نيوتن على نقل الخبر وبالتوفيق لأخونا البصراوي المحب ومراد البغدادي

352
الف مبروك والحمد لله على السلامة

353
اشكرك اخوية ابو زياد على المداخلة والرد

اتفق وياك لكل قضية حالتها الخاصة لكن فيما يخص الديفر لتر فتقريبا اغلب الموجودين استلم هاي الرسالة بالبداية الديفر( بعد المحلف ) ومن ثم بدت توصل الكيرفل رفيو مالت التجييك الامني

لكن للأسف في حال لم تنتهي التجييكات الامنية وتجاوزت السنة ونص او سنتين على هذا الوضع يتم اعادة مقابلة المحلفين

اشكرك مرة ثانية وبالتوفيق

تحياتي
ابومريومة البغدادي

354
السلام عليكم اخي ابو قمر
شكرا جزيلا على الموضوع الرائع والشرح المفصل والواضح
حبيت استوضح منك معلومة بالموضوع القادم واتمنى تمر عليها فيما يخص الطلبة الذين لا يزالون مستمرين في الدراسة بالعراق طلبة الكليات هل يكون وضعهم مثل الطلبة الخريجين ويريدون يعادلون شهادتهم ام وضعهم يختلف؟

وشكرا جزيلا مرة ثانية على الموضوع

تحياتي
ابومريومة البغدادي

355
الله ييسر اموركم ويسهل عليكم

والله يا أخي اذا همة بس يريدون حجة حتى يؤجلون السفر لعد ليش ميسفرون اللي ماعدهم شي؟

ماكو انصاف ولا اكو احد يشتغل بأمانة يتابع البروسس مالت الملفات

الله كريم تفرج ان شاء الله

356
عزيزي زيطة

ان شاء الله يكون التسريع شامل للكل وان تنحل مشاكل الانتظار وحالة القلق اللي عايشيها


اخوية سندباد
اتمنى اكدر اجاوبك لكن للأسف ما أملك معلومة دقيقة بس أكو عدد لا بأس بي من الاعضاء اللي مروا بمثل هذه التجربة وان شاء الله يقرون ردك ويجاوبوك

لكن برأي ان مقابلة المحلف اذا مكنت مسويها راح يؤثر بالنسبة لوقت المقابلة مالتك يعني احتمال تتأخر لان جدول المواعيد والمقابللات تكون تابعه للأي او ام مو مثل التجييك الامني اللي يكون من داخل امريكا واللي مراح يؤثر عليك في وقتها بأي مكان انت


357
اخويه ابو مريومه اني قبل ايام نزلت موضوع عن اعادة المحلف لانه اني همين عندي اعادة محلف بهاية هذا الشهر بس المضحك بالموضوع مع احترامي الك الكل كام يستهزأ بكلامي ومن ضمنهم الاخ روان والصابر ويكولون ماكو اعادة محلف وهذا مستحيل ومن سابع المستحيلات دا استغرب هسه شلون دا يجاوبوك على نفس سؤالي الي سألته قبل ايام .

عموما اني صارلي سنتين وشهر من استلمت الديفيرال لتر ورقم ملفي يبدي 112

واني اكول عوفها على الله ما يصيبك الا نصيبك
شكرا جزيلا نوسة على المداخلة
واتذكر كان جوابي انه يوجد مقابلة محلف اذا ما كان الملف داخل مرحلة التجييك الامني وهذا ما صار وية ملف اخوية بالوقت الحاضر لان كنت متوقع حدوثة بصراحة وحدث وية حالات عديدة بالمنتدى
مع العلم كانت اعادة مقابلة المحلفين في خارج العراق سنة ثابتة لكل اكمل السنتين على اجراءها اول مرة

لكن الان اقتصرت على اللي واصلهم الدفر لتر فقط دون الكيرفل رفيو

اشكرج مرة ثانية وبالتوفيق للجميع ان شاء الله

358
والله اخويه ابو مريومه انشالله خير ولا تشيلون هم بلكي بيها صالح او وراها يسافر بسرعه احسن ما يضل ينتظر واكو غلط بملفه يعني الظاهر اكو فد نقص او استفسار وتخلص انشالله . وضجت من شفت هالموضوع صدكني لان متستاهل ومانكول غير الله يسهل امر الجميع حبيبي...تحياتي يا ورد
الله يسمع منك اخوية وزميلي ميكانو

والله هو حيل بحالة ماسة للسفر وان شاء الله بيها صالح وكلشي مقدر والحمد لله على كل حال

شكرا لردك

359
اخوية العزيز اني قابلت محلفين 3 مرات
اول مرة هي المقابله الي يسأل  المحلف كل شي بيها و الكل مروا بهاي المرحلة
و الثانية هي اضافة مولود جديد و استمرت 10 دقائق بس شافوا الطفل و طلبوا مستمسكاته
و الثالثة هي عند وصول الكيس الى مرحلة الاكسباير بعد 18 شهر من اخر مقابله و اخر مقابلة هي كانت مقابلة اضافة المولود الجديد و استمرت حوالي ربع ساعة و الاسئلة كلها عامة يعني سافرتوا لاي بلد, عندك جنسية ثانية, اي معلومات اتحب اتضيفها و الاجابة لا .
و هذا هو و مابها رفض للكيس ان شاء الله

و اي سؤال اني حاضر
تحياتي
اشكرك جدا اخي خالد القيسي على الجواب المطمأن بصراحة
لكن هل كان وضع الكيس مالتك كذلك توصلك الديفر لتر لحين المقابلة الثانية ام كانت تجييكات امنية لحين انقضاء 18 شهر؟

لان بصراحة حيل شايلة هم من هذا الموضوع

تحياتي لك

360
اخي جماعة بغداد اكسباير المحلفين من سنة ونصف الى سنتين اذا الشخص لم يسافر (والتأخير بسبب الاجراءات والامنية) فيتم استدعائه الى مقابلة اعادة المحلف وحدثة مع الكثيرين من القدماء ومعي من قبل السفر .
المقابلة روتينية وسريعة.
وكذلك الحال مع البصمة فترة وتصبح اكسباير .
فلا تقلق وانشاء الله خير ... مع تمنياتي لكم بالسفر القريب .


اخي ابو ديانا شكرا جزيلا على المشاركة
بس حبيت استوضح منك هل المقابلة كانت متركزة على شي وكم المدة بعد المقابلة الثانية الاعادة انتظرت حتى اكتملت الامنية

لان المفروض همة كملوا التجييكات الامنية عليه وباقي ما يتعلق في الاشياء الغامضة

تحياتي

361
كل كيس وحسب بس شلون صار 19 شهر ع مرور المقابلة وانته تكول المقابلة كانت بتاريخ 2012/3
أكيد قصده 2011 لان فعلا صار 19 شهر  ::)
شكرا جزيلا ازابيلا على المداخلة

تحياتي

362
كل كيس وحسب بس شلون صار 19 شهر ع مرور المقابلة وانته تكول المقابلة كانت بتاريخ 2012/3
شكرا على التنبيه 3/2011

363
وعليكم السلام ورحمة الله وبركاته ...

أخي العزيز " ابومريومة " بصراحه موضوع إعادة المحلفين نادر جداً وميصير إلا ويه الكيسات القديمه على حد ملاحظتي يعني على حسب علمي أعرف إثنين بهذا المنتدى يمكن همين نزلو موضوع قبل كم يوم عن إعادة مقابلة المحلفين بس إلي لاحظته من خلال ملفهم إنه رقم الملف مالتهم أيضاً قديم يعني إذا الله ليكذبني واحد جان 113 والثاني 118 على حسب ما أذكر يعني إعادة المحلفين دتصير ويه إلي أرقام كيساتهم جوه ال120 بس إن شاء الله يكون خير عليهم وتتسهل أمورهم ويقابلون ويسافرون يا رب ... تحياتي


يعني اخوية اعتبرة جديد لان تقديمة 2010 شهر السادس وانت تكول تقديمة قديم لعد اني وضعي المفروض منقرض ;D

اسعدني مرورك يا غالي

364
اسف كان غلط بلارسال

اي نعم ابو مريومة 

صديقي عادوله المقابله   قبل شهر تقريبا

المقابله تنعاد للي بلعراق اله اذا شاكين بشي  اني اكولك شلون

هاذا الرجل اخته انقتلت قتلوه ارهابيين لان هوه مشتغل ويه الامريكان فدزلهم وشرحلهم   باقي الاصدقاء اخذو التقرير مال المستشفى

ودزو رسائل لل iom   وعلى اثره سافرو

المهم من عادوله المقابله 

كلوله انته محكوم كال لا  ؟  كلوله انته محكوم بتاريخ الفلاني 

كلولهمتوقف  كال لا؟ كالوله  متوقف بتاريخ كذا وكذا  كال اي مامحكوم بهذني ؟ كلوله اي انته نكرت 

لهذا السبب عادوله المقابله

وكل كيس يختلف عن الاخر مو قياس تره

اتمنه اكون فتك بلمعومه

تحياتي ابوفهد
اشكرك جدا اخي على نقل حالة صديقك

اعتقد بسبب المحكومية مالتة لأن هو محكوم قبل 18 سنة بسجن سنتين مع انه ما سألوا في وقتها هل محكوم ام لا

ومسألة عمله مع الجانب الامريكي فهو لم يكن يعمل معهم

وان شاء الله خير

365
اخوان محد مار بهيج حالة يعني حتى لو معلومة صغيرة تنورونا بيها ???

366
شكرا جزيلا وبارك الله فيك والله يجعل سفرك بأقرب وقت

وبشرك الله بالخير

367
ممكن كل واحد يدخل للموقع ومن ينفتحلة البيج خلي يقرة شنو مكتوب  ::)

صح حالي من حالكم مالي واهس اكعد اقرة ربش ;)

بس اللي يريد تفاصيل يدخل مرة ثانية ويشوف

وشكرا اخت تيولب على التوضيح

تحياتي

368
على الخير اخوية المهاجر على هاي الاخبار الحلوة

وان شاء الله متطول الاجراءات اكثر

بصراحة اخي العزيز عن رأي ما انصح تروح وحدك وتشتت العائلة وخاصة ابنك الله يحفظة بعده طفل

لا انت راح ترتاح وحدك هناك ولا الاهل يرتاحون وحدهم هنا

انت صبرت وما ضل شي طالما انت اس اي في لذا مراح تتأخر ان شاء الله

والقرار الاول والاخير الك

تحياتي

369
السلام عليكم اخواني واخواتي

اليوم وصل لكيس اخوية ايميل اعادة مقابلة المحلفين مع DHS وما ادري اذا الشغلة طبيعية او لا او على الاقل متكررة وية احد قبل؟

ياريت اللي مار بهيج حالة ينورنا وشنو طبيعة المقابلة الثانية راح تكون

بالنسبة لكيس اخوية يحمل رقم IZ-116XXX ومقابلتة الثانية كانت بتاريخ 3/2011 والان وبعد مرور 19 شهر وصله ايميل اعادة مقابلة ثانية

بس حبيت اوضح شي حتى لا الكل تهبط وتأيس وضع الكيس مالت اخوية مختلف شوية وتكدر تشوفها ادناه

لان حالة الملف مالتة بالانتظار
المقابلة الاولى مكتمل
والمقابلة الثانية ان بروسس
والفحص الطبي ان بروسس
والامنية بالانتظار
اما موضوع المدينة والمطار فبقيت فارغة

وبالنسبة لأوراقه لم تصل الى الولاية حتى الان

طبعا هو الفحص الطبي الاول كملة ولكن الفحص الطبي الاعادة لم يستدعى عليه حتى الان

ارجو من كل من مر بهيج حالة ان ميبخل علينا ولو بمعلومة مفيدة اثناء المقابلة

وهل ستكون النتيجة رفض لا سامح الله ???



370
اهلا وسهلا بيك ويانا اخ موزارت

تمت الاضافة للجدول

ان شاء الله ينزلك اللون الاخضر بأسرع وقت

بس المهم تبشرنا بموعد سفرك حتى نكدر نلون  ;D

تحياتي

371
اخوية الدبلوماسي الله يساعدك

مسألة قيد الدراسة حالها حال الامنية

لا تستبعد تمشي امورك وتكمل الامنية وابو الامنية من 2009 بعدة يراوح بمكانة

بالنسبة لقيد الدراسة كيس اخوية قيد الدراسة من 3/2011 ولحد الان قيد الدراسة والمحلفين بعدها بالبروسس

لا تأيس وكل واحد ونصيبة

372
شكرا اخي نيويورك على هاي المعلومة

الظاهر جماعة الاي او ام بالجديد الموديل مالتهم تكتمل الامنية وبعدين يسوون الفحص حتى يتقلى الواحد زين بالضيم

وتعال انتظر مرة ثانية اكتمال الامنية 

حسبي الله ونعم الوكيل بيهم

العصفور يتفلى والصياد يتقلى
 ;D ;D ;D

373
هاي من كد البجي على الامنية مالتنا صار حتى على الموقع تجييك امني

شنو انت يالعراقي حظك صبوه بقالب وما طلع عدل :'(

374
يعني مدة 20 يوم مو قليلة وهسة مضت مدة طويلة راح تصير سنة والله حيرة

الله يسهل على الجميع

بالتوفيق ان شاء الله

375
هلو ايزابيلا شنو احنا جماعة 2009 ناسينا لو طافرين من القائمة

يعني ولا مرة الامنية اكتملت حتى لو بالغط حتى شوية يبيضون وجه

376
السلام عليكم

عاشت ايديكم خوش موضوع وخوش جدول مفصل
شكرا دمروني على المرور اسعدتنا طلتك

دمت بود

377
اخوان بشرونا صار تغيير بالملف مالتكم او احد سافر

شو المنتدى هدوء وينكم جماعة 2009 و2008 شو ماكو حس منكم

اكيد الكل مسافرة ومخليها سكتة 8)


378
و الله وجهة نظر منطقية
بس ليش أكو ناس مححديلهم وقت وصول متأخر من أمثالنا ؟
بينما اكو ناس من سنوات سابقة حتى من 2008 و 2009 كملو المقابلات و الأمنية و سافروا خلال فترات قصيرة و من دون أي تأخير؟!
على أي أساس ؟!


يعني اخذني مثال من 7/2009 ولحد الان بانتظار حجية امنية ماوصلت

تحياتي

380
أني صرت أفتحه مرة الصبح او الظهر فقط
و قبل ما أفتحه أعمل جلسة تحضير لنفسيتي فد نص ساعة حتى لا أتفاجأ لانه الموقع مثل ما هو ما ممتغير نهائياً  ;D
بس السؤال إذا التحديث يصير بأمريكا ليش لكن يغلطون بإملاء الكلمات البسيطة مثل Destination , Airport ؟؟

;D ;D ;D ;D ;D ;D ;D ;D
قوية مالت جلسة التحضير النفسي

هاي راح احتاج اسويها لان كاعد يدمرني الموقع ميقبل يكلب خلقته اتخيلة واحد طافرة روحه مني ;D ;D

381
شكر جزيلا اخ ياسر على الشرح وبارك الله فيك
بس حبيت استوضح منك امور
بالنسبة للرسوم 39 هل هي ثابتة ام حسب المبلغ المودع

وبالنسبة لرصيد الكردت هل من الضروري السحب والايداع ام من الممكن ان يبقى المبلغ كما هو دون تغيير؟ وفي حال السحب هل تكون هناك رسوم على السحب؟

وكذلك عند استعادة المبلغ Secured Credit هل تبدأ العملية من جديد بإضافة قيمة جديدة اعلى لكي يكون التعامل اكبر؟

وفي حال رغب الزبون بتصفير المبلغ الموجود وعدم التجديد ماهو التأثير على التعاملات المالية او التاريخ المالي بعد.... ( 5 سنوات من التعامل المالي عن طريق الكردت على سبيل المثال)

مع جزيل الشكر والامتنان للجواب مقدما

382
الحمد لله على السلامة

تحياتي لك ابو سمر وموفق ان شاء الله


383
اللي عندة موافقة محلف وواصلة ايميل التجييك الامني فهذا كملت المقابلة مالت المحلف وبعد متنعاد اما اللي ماواصلين لقرار توطينة اللي هو التاجيل فممكن ان يعيد مقابلة المحلف لان لم يتم حسم التوطين بالنسبة اله
اما مسالة اضافة الطفل فطبيعي اكو مقابلة

طبعا واضحة بالموقع هاي الحالة وتكون مقابلة المحلف حالتها  فعال

هذا كل ما في الامر

384
الحمد لله على السلامة والف مبروك وبالتوفيق ان شاء الله


385
بالتوفيق ان شاء الله

الله يسهل امرك وييسر طريقك

386
الف لف مبروك ام عمار والله فرحتيني لان اني نفس الوقت مالت ابنج الله يخليه بالتقديم والفحص بس المقابلة الثانية شوية متأخر عنه

بالتوفيق يارب وان شاء الله هاي بارقة امل الي

شكد ضل الملف فعال واكتملت عندة الامنية؟

387
الف مبروك توصل ان شاء الله بخير وسلامة

بالتوفيق

388
حبي أستر على نفسك و لا تسويلك سالفة , التشييك الأمني من امريكا اذا ما يكتمل ما يفيدك 100 سنة اعتصام .

أخذ بنصيحتنة و لا تسوي شي , خليك عايش حياتك و أنسى .اذا عندك شغل ألتهي بالشغل و طلع موضوع السفر من راسك ترة تشبع قهر

و القرار قرارك .

تحياتي حبيب قلبي

+1

390
سلمت الايادي ابو قمر على الموضوع

بلا زحمة ابو قمر شنو يحتاج لتكملة الماجستير اذا كنت مكمل البكالوريوس بالعراق

اني محضر الوثيقة مترجمة ومصدقة واحاول اطلع السيلبس ( المنهاج العلمي) وما اعرف بعد شنو احتاج كثر اذا امكن تنورنا

تحياتي لك
ابومريومة البغدادي

391
منو ضل يراوح وياية

العمر خلص واحنا نكول ماضل شي

الله يسهل علينا وينور طريقنا

392
الف الف مبروك مشوار الدراسة وبالتوفيق ان شاء الله

موضوع راقي مثل باقي المواضيع اللي عرفناها عنك لانك متابع لمعاناة اللاجيء المغترب منذ اول وصوله وتحاول تشرح الطريقة بحيث ميحتار

بارك الله فيك ومحتاجين تكملة للموضوع بالنسبة للطلبة المستمرين بالدراسة الجامعية واتمنى تمر عليه ولو مر الكرام تتطرق لهذا الموضوع

393
يالله ان شاء الله كل التوفيق يارب

اتمنى نسمع اخبارك الطيبة عن قريب وتجي تبشرنا بموعد السفر

تحياتي

394
التأجيل مرة واحدة فقط وبعدها الكيس يغلق اذا ما سافر صاحب الكيس

396
شكرا جزيلا على نقل الخبر واتمنى ان يشعرون ولو بربع القلق اللي عايشين بيه

الله يفرج هم الجميع آمين

397
وعليكم السلام اختنا Isabella نورتي الجمعية

تمت الاضافة للجدول ويارب نسمع الاخبار الحلوة بملفكم عن قريب

تحياتي

398
ههههههههههه اخوية نيويورك ان شاء الله كل الجدول يكون خطوط خضر

تحياتي ياوردة وبالتوفيق ان شاء الله

399
الحمد لله على السلامة

بالتوفيق ان شاء الله

400
الف شكر اخوية Meaning على نقل الخبر

الحمد لله فرجت وما ضل شي ان شاء الله

كل التوفيق للجميع

401
الف الف مبروك لاخونا سهم يستاهل كل الخير

اتمناله التوفيق والاستقرار ان شاء الله

402
تم تحديث الجدول

تمنياتي للجميع السفر القريب


403
الحمد لله على السلامة وانت معذور اكيد بسبب الحياة الجديدة اللي دخلت بيها

كل التوفيق والتسهيل من رب العالمين

دمت بخير

404
السلام عليكم اخواني اخواتي بالمنتدى SIV & IOM

بالسابق كان الموضوع الغاية منه هو لمعرفة علاقة الامنية بالفحص الطبي اليوم احاول اعادة صياغة الموضوع الى احصائية لأعداد المسافرين بعد اتمام اعادة الفحص الطبي

اكتفي بالاستفتاء الموجود في الموضوع والذي يعبر رأي الاعضاء المشاركين من خلال متابعاتهم لملفات اصدقائهم او اقاربهم

اتمنى من الجميع الاستفادة والمشاركة في الموضوع

دمتم بخير

ابومريومة البغدادي





اني عدت فحص قبل شهر ونص
وسئالت الطبيبة الي بالمنظمة شنو هذا الفحص كالت فحص قبل السفر يعني خاف احد عندة مشكلة صحية يعالجوه قبل ميسافر
يعني مو اعادة فحص
شكرا جزيلا على نقل المعلومة leesaber

امتنى نعرف موعد المقابلة الثانية وتاريخ التقديم حتى نضيف المعلومات للجدول

بالتوفيق

405
اخوان 30/9 يعني قبل اسبوع عدت الفحص السابع وهسة انتظر ملفي يصير مكتمل الفحص الطبي صار منتهية وراح اتخبل بس اعيد وعندي الصمات منتهية من 5شهور طبعا دا اعيدها للمرة الثالثة من 2009 اني مقبول ولهسة بس اكرر واعيد الله يخليكم اذا اكو خبر حلووو بشرونا بي لان كلش تعبت
الله يكون بعونك اخوية
مقدم من عمان لو بغداد؟؟

الله يفرج على الجميع ان شاء الله

406
السلام على جميع اعضاءالجمعيه راجية قبول انتمائي

التقديم :  2009/8/4
مقابلة المحلف : 2010/10/30
اعادة الفحص الطبي :2012/7/18
     
         مع الشكر والتقدير

   تحياتي
 
        ام عمار

اهلا وسهلا بيج اختي ام عمار

بالتوفيق ان شاء الله ونسمع الاخبار الطيبة عنج ان شاء الله

تمت الاضافة للجدول

ابومريومة البغدادي

407
اخوية الغالي ابو مريومة

شكرا على الجهود المبذولة من قبلك ومن قبل كل الاخوة والاخوات في منتدانا الرائع

رقم الملف  116
تقديم  3/ 2010
مقابلة اولى 4/ 2011
فحص طبي 5/ 2011
مقابلة ثانية 8/ 2011
اعادة الفحص ان شاء الله  10/10/2012

والتوفيق للجميع
اهلا وسهلا بيك اخوية ابو شهاب نورت الجمعية

تمت الاضافة للجدول وكل التوفيق ان شاء الله

تحياتي

408
الله يفرج عن ويوفقك وان تتجاوز كل العقبات اللي تمر بيها

بالتوفيق ان شاء الله

409
الف مبروك ماكنتوشة وبالتوفيق

اتمنالج الحياة السعيدة والاستقرار

410
اشكرك اخوية على نقل المعلومة وكل التوفيق لاخونة رأفت

وبالنسبة للجدول يكفي مشاركتك ويانا وان شاء الله باستمرار يتحدث الجدول

امنياتي للجميع السفر القريب

411
النور نوركم اخوية بدر

شو يبين ماكو احد من الجماعة

ما معقولة الكل طفرت ;D

412
بيها الخير وكل التوفيق ان شاء الله

413
بالسابق اغلب الاعضاء المشاركين واصلتهم هاي الرسالة وبعضهم سافر والبعض الاخر لا زال وما مرت عليه حالة بعد هاي الكيشة يصير رفض

لا تدير بال وهي المحصلة اثنيناتنا على نفس مركب الامنية


بالتوفيق

414
الف مبروك وكل التوفيق ان شاء الله

عاشت ايدك على الفديو

ربي يسهل طريقك ويرسيك على بنت الحلال اللي تاخذ بإيدك ويبارك الله بذريتك

415
تدلل اخوية ان شاء الله الخطوات واضحة

تحياتي

416
الف مبروك وكل التوفيق ان شاء الله


417
السلام عليكم جميعا

هاي الطريقة للي يحب يعمل جدول بالمنتدى او بجمعيتنا

اول شي تحتاج لثلاث برامج رئيسية تتعامل وياها

اول شي عندك Excel وموجود وية مجموعة الاوفيس
وبعدها عندك برنامج Acrobat professional ولاي اصدار  لكي نتمكن من طباعة الملف الاكسل
وبعدها برنامج paint لكي نحصل على الصورة النهائية للجدول وتكون جاهزة للرفع


اول شي نبدي بالاكسل ممكن تكتب بيه المشاركين عن طريق تنظيم جدول وبعدها تختار print



ومن ثم اختيار مكان لحفظ الملف المطبوع


وبعدها يكون الملف على صيغة PDF ومن ثم نقوم بتضليل الجدول ونقوم بعملية النسخ


وبعدها نذهب لبرنامج Paint ونلصق ما قمنا بنسخه في الخطوة السابقة ونختار حفظ الملف على صيغة Jpg




وبعدها تكون صيغة الملف النهائي على شكل صورة ومن ثم نذهب لأي موقع لرفع الصور ونرفع الصورة


وبعدها نجي للمنتدى ونخليها بالمشاركة مالتنا


ودمتم بخير
تمنياتي للجميع السفر القريب


419
شلونك ابو مريومه الورده ممكن اضيفني بالجدول اعادة فحص 27-5-2012
كل الهلا بيج ويانا اختي البغداديهooo

مو تدللين تمت الاضافة للجدول


السلام عليكم .الاخ ابو مريومة حبيت اشارك بالموضوع انا عضو جديد بالمنتدى ارجو ان تقبلوني كصديق تم اعادة الفحص الطبي يوم 28/6/2012 بغداد رقم الكيس 103xxx

اهلا وسهلا بيك نيوتن نورت المنتدى وجمعيتنا

تمت الاضافة للجدول

بس ياريت تكمل المقابلة الثانية والتقديم شوكت

وكل التوفيق للجميع يارب

420
صباح الخير ابو مريومة  اني هم ما ده اعرف اضيف معلومات بالجدول ماتعلمني شلون الله يسهل امرك ان شاء الله
اخوية العزيز ذو المعاني الاصيلة

الاضافة بالجدول تكون طبيعية بادخال المعلومات بالحقل التالي

لكن الصعوبة التي قد تواجهها هي عرضها على شكل صورة في المنتدى

طبعا اعذرني هسة مراح اكدر اوضحها لان عندي سفرة صغيرة لكن ان شاء الله انزلها بالصور حتى تعم الفائدة للجميع

تحياتي لك وردة

421
الحمد لله قبل يومين  تم تحديث ملفي و اصبح الفحص الطبي  مكتمل بعد تقريبا شهر من اعادة الفحص الطبي و الملف فعال و حالة السفر غير فعال بانتظار  الفرج من رب العباد تحياتي ابو مريومة و شكرا
الف مبروك اخوية نيويورك والله تستاهل كل الخير

يارب نسمع سفرك بأقرب وقت

تحياتي لك ياطيب

422
أبو مريومه مشتاقين تذكرتني لو ناسيني شلونك ياذهب . ممكن ندخل وياكم بالجدول وتضيفني لأن ماأعرف ؟
تاريخ التقديم 2009
المقابلة الثانية 04/2011
أعادة الفحص 06/2012
حالة الملف والأمنية أنتظار والباقي كومبليت
وتحياتي ألك وبالموفقية ألك وللجميع .
حبيبي العراقي كل الهلا بيك ويانا

يعني والله ما ادري شنو اكولك نصبر والله كريم

احنا جماعة 2009 شوكت يلتفتون على ملفاتنا مدا افتهم شلون يشتغلون يعني موازين الضمير والنظام تختلف عدهم

ماعدنا غير الصبر والدعاء ونرجو من الله احسن من عدهم

اتمنى يكون اشتراكك ويانا فاتحة خير النا والك

بالتوفيق

423
شلونك ابو مريومة الورد اني ما عرفت شلون ادخل معلومات للجدول ياريت تكولي الطريقة حتى اساعدك الى ان نمليه بمواعيد السفر لكل الاعضاء ان شاء الله
اخوية العزيز ذو المعاني الاصيلة

الملف المرفق تكدر تضيف بيه الاسماء وتحدث عليه


424
ان شاء الله عن قريب تبشرنا بموعد السفر

لا تشيل هم طالما تغيرت يصير خير ان شاء الله


426
الف مبروك وتستاهلين كل الخير

427
مريت بنفس المشكلة لحين ما لكيت حاسبة بالدوام الوندوز مالتها اكسباير (XP)وكل شي بيها اكسباير

بحيث الايميل بالياهو من افتحة ميشتغل الا يرجعني على النسخة القديمة

المهم كلت طالما جماعة الاي او ام شهادة السيرفر مالتهم قديمة كلت خلي اجرب وبالفعل تغير الباسوورد ل3 كيسات واحد ورة الثاني

بس هسة ما اعرف اذا المشكلة نحلت لو بسبب الوندوز لو وين المشكلة


428
اخواني انا عدت الفحص الطبي بمنتصف الشهر الثامن وبعد 35 يوم اكتمل الفحص بالموقع

وهاي حاله الملف لحد الان.

 Case Status (حالة الملف)   ACTIVE (فعال)   
Case Size (عدد الأفراد)   1   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   COMPLETED (مكتمل)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)

 تحياتي.

كل الهلا بيك ويانا
تمت الاضافة للجدول

بس وضحلنا التقديم والمقابلة الثانية مالتك شوكت

429
مرحبا اخواني الاعزاء حبية ابشرم اليوم اكتمل عندي الفحص الطبي بلموقع بعد 33 يوم
الف مبروك اخوية وكل التوفيق ان شاء الله
 
منتظر منك تبشرنا بموعد السفر عن قريب  ;)

430
عزيزي alnassry اهلا وسهلا بيك

يقال والعهدة على القائل ان اعادة الفحص يعني اكتمال الامنية لمرحلة من المراحل المهمة

وبكل الاحوال طالما عدت الفحص الطبي فهذا اجراء مهم لابد منه وهي مرحلة كملت وانتهى الانتظار منها

بالتوفيق ان شاء الله

431
السلام عليكم مقدم على اليون في عمان سنة2003 شهر الثالث توطين شهرالسابع 2010 مقابله اوله ثانيه بالهجره15-1-2011 مقابلة محلف شهر الرابع 2011 استلمت المغلف 25-6-2011  فحص الطبي الاول كان 25-5-2011 والفحص الثاني كان بتاريخ 17-7-2012 وهاي كل التفاصيل ودعينه ياابو مريومه
اخوك

ابو هجران
كل الهلا بيك ابوهجران

شكرا جزيلا على المعلومات وان شاء الله كل التوفيق والخير نسمعه عنك قريبا

تمت الاضافة للجدول

432
اهلا وسهلا بيك اخوية DEFA-AL-AIRAQI ويانا
هاي وين انت الك وحشه ولو جنت اتمنى تكون مسافر

الله يسهل عليك ويكون السفر من نصيبك بس طمني عليك الموقع وياك ما متغير بيه شي



طبعا الجدول راح اضيفة على شكل اكسل بالمرفق للي يحب يضيف معلوماته

433
عاشت ايدك اخوية على المعلومات

ياريت الاحبة اللي مشاركين ويانا بالجدول يبينون وضع الكيس مالتهم ويحدثون معلوماتهم

تمنياتي للجميع بالسفر العاجل


434
عدنه الفحص صارثلاثة اشهر وسبعة ايام


تمت الاضافة للجدول

تحياتي

435
شكرا اخي Meaning على التنبيه والمتابعه  :)

تم تعديل الجدول




437
السلام عليكم

التقديم شهر 7 من عام 2008 وعدت الفخص قبل 3 ايام علما الفحص السابق كان قبل سنه و 8 شهور ولازلت انتظر رحمة الله

تحياتي لكم

الله يكون بالعون حجي

ان شاء الله كل الاخبار الزينة نسمعها عنك عن قريب

اهلا وسهلا بيك ويانا وكل التوفيق اتمناه لكم

438
ابو مريومة
تحياتي ياغالي

ألتقديم سنة 2010
محلفين سنة 2011 شهر 4
أعادة ألفحص الطبي شهر 7 سنة 2012


.................. أخوية أبو مريومة أسم سالي مكرر مرتين في ألجدول

كل الهلا بيك ياروحي

تمت الاضافة للجدول ومشكور على التنبيه

تحياتي
ابومريومة البغدادي

440
الف مبروك والحمدلله على سلامة الوصول

442
[تحية وسلام الى جميع اخواني واريد اسأل كم الفترة الي عادة يبقى الملف فيها فعال ؟؟ وماهي الخطوة اللاحقة ؟؟

Case Status (حالة الملف) ACTIVE (فعال) 
Case Size (عدد الأفراد) 4 
Prescreen Interview Status (المقابلة الاولية) COMPLETED (مكتمل) 
USCIS Interview Status (مقابلة المحلفين) COMPLETED (مكتمل) 
Medical Screening (الفحص الطبي) COMPLETED (مكتمل) 
Security Review (التشييك الامني)  Pending (بالانتظار)   
Travel Status (حالة السفر) NO ACTIVITY (غير فعال) 
 
مع العلم اني اخر فحص كان في 14-5-2012 وهو الفحص الرابع وعدت بصمات مرتين اخرها العام وانصال بالكفيل في 6-6-2012 وبدون دورة تثقيفية لحد اليوم ومستلم الظرف 4-9-2010
وصار فعال يوم 30-8-2012

ان شاء الله خير
على الاغلب الامنية اكتملت ان شاء الله

بالتوفيق

443
فكرة حلوة حتى الكل يستفاد ويعرف مشكوور وضيفني للجدول
تاريخ التقديم 2008
مقابلة المحلفين 6-12-2010
اعادة الفحص للمرة الرابعة كان في يوم 28-8-2012
تمنياتي لحضرتك وللجميع بالسفر العاجل

اختكم كليوباترا

اهلا وسهلا اختي كليوباترا ويانا

تمت الاضافة للجدول

444
عدت الفحص الطبي تقريبا شهر الرابع 2012
اشكرك اخي العزيز

كل التوفيق ان شاء الله

445
اهلا وسهلا Meaning ويانا

تمت الاضافة للجدول

ان شاء الله كل الخير نسمعة منج عن قريب


شباب اذا الفحص الطبي اكسباير
من تعيدون الفحص بعد كم يوم يصير بالموقع complete ؟


عادة بعد شهر ممكن اكثر او اقل بشوية

تحياتي
ابومريومة البغدادي

447
اهلا وسهلا بيج زميلتي مهندسة وسن

تمت الاضافة للجدول

ان شاء الله كل الخير تسمعيه عن قريب

تحياتي
ابومريومة البغدادي

449
كل الهلا بيك عزيزي bashar73 ويانا

تمت الاضافة للجدول

بالتوفيق

450
الف الف الف مبرووووك رفيقي وعزيزي الغالي ابو مريومة

تستاهل كل الخير والتوفيق

فرحتلك هواية والله ليكول الموعد الي حيل ارتاحيت من سمعت هذا الخبر

الله يفرجها عليك دوم وعلى كل اللي متغربين والمنتظرين المصير


تحياتي لك ياطيب

ابومريومة البغدادي

451
مبروك علينا الصفحة الجديدة وان شاء الله فاتحة خير على الجميع

تم تحديث المعلومات

وان شاء الله ينزل التحديث عن قريب


كل التوفيق للجميع

452
احييكم على اللي سويتوا وبارك الله فيكم

ابد ماقصرتوا باللي عملتوا وان شاء الله كل التوفيق للجميع

تحياتي لكم

ابومريومة البغدادي

453
السلام عليكم
من عدت الفحص الطبي قبل شهرين تقريبا اكو عائلة جاية تعيد الفحص وبنفس الوقت عدها موعد سفر بعد اسبوع ولازم يرجعون قبل يوم من السفر علمود الفحص

بس اسرع من هيج ما سامع بان من اول فحص يجوز كلشي يصير

ولو فترة الفحص عادة يكون قبل المقابلة واذا صار بعد المقابلة فيكون بفترة قليلة لكن على العموم نكول خير ان شاء الله


تحياتي
ابومريومة البغدادي

454
بصراحة ما اطلعت على الموضوع بعدني بس احنا شنو نتيجتنا العلم عند الله

شكد حلو نستقبل الاعضاء منا ونودع اعضاء منا

شوكت يجي الوقت اللي تودعونا بيه ???

ماكو غير نكول

الله كريم

تحياتي لك اختي كوكي

وكل التوفيق والسفر القريب ان شاء الله

455
شكرا المهاجر2 على المشاركة

نتمنى نسمع موعد سفرك عن قريب

تمت الاضافة للجدول

بالتوفيق ان شاء الله

456
طبعا اشكرك اخي كالكسي على محاولتك معي للوصل الى حل

طبعا حتى مسألة الانتي فايروس وقفتة والفايروول كذلك وقفته علمود تتغير الباسوورد وماكو فايدة

طبعا  الباسوورد اكيد متطابق لانه راح ينطيك غير تطابق اذا كنت تتنقل عن طريق التاب

ومو هنا المشكلة لان صارلي 12 سنة عدل اشتغل على الكومبيوتر  ::) ولو مو بعيدة اخطأ بالباسوورد بالتكرار شكد ما خبلونة الاي او ام  ;D

بس وداعتك حاولت لغير كيس ونفص المشكلة

اشكرك مرة ثانية

تحياتي

457
شكرا ورد الشام على المعلومات

ان شاء الله كل التوفيق والاخبار الطيبة نسمعها عنك قريباً


تمت الاضافة للجدول


ابومريومة البغدادي

458
شكرا اخت تيولب على البحث والشرح

لكن عندي ملاحظة صغيرة بخصوص الامنية

مع الاسف السفر مرتبط بحجة الامنية

والامنية تكتمل حصرا من الجانب الامريكي

والجانب الامريكي غير ملتزم لا بوقت التقديم ولا الحالة الامنية للمتقدم ولا ايضا الحالة الصحية للمتقدم

وهذا ما لمسناه من بعض الاخوة المشاركين في المنتدى على مدى سنتين من المتابعة

لذا مسألة تخمين الاعداد المسافرة للشهور القادمة شبه مستحيلة

اما مسألة معرفة الكيسات التي من المحتمل تكون مستهدفة بالسفر فهذا شي مستحيل

طبعا معلوماتي كما طلبتي لكي تعم الفائدة للجميع
التقديم شهر السابع 2009 واستلام الكيس نمبر
المقابلة الثانية شهر الثالث 2011
وبأنتظار ما يسمى بالامنية
والافضل تسمى تصريح السفر

تحياتي
ابومريومة البغدادي

459
الف مبروك rayanchase

كل التوفيق ان شاء الله


460
ممكن اضافة معلومة  اعادة الفحص الطبي يوم 29 - 8 - 2012  يعني غدا   و شكرا
ان شاء الله كل التوفيق اخوية نيويورك الفحص

السفر القريب ان شاء الله

461
مرحبا اخواني الاعزاء
اليوم قرية خبر ساحر بغداد سافر فارجو اضافة ذلك على الجدول وفرصة هم الصفحة متروح بعيد
مع تحياتي اخوم رعد
شكرا اخي رعد على التذكير

طبعا اخوية ساحر بغداد التقيت بيه يوم 26 بابن البيطار
كل التوفيق وياه ان شاء الله

تحياتي لكم

462
السلام عليكم
طبعا موضوع مهم فقرة تغيير الباسوورد
لكن ممكن توضحلنا اذا اكو علاج لهاي المشكلة

الصفحة تظل صافنة بدون تغيير

علما استخدمت متصفح الاكسبلورر والكروم؟؟

واخير مرة غيرت الباسوورد خلال دقيقة من وصول الايميل مالت تغيير الباسوورد

فقرة الرموز ال8 طبيعي ماشي عليها

واول مرة اعيد الباسوورد للعلم

تحياتي


ممكن الحل  :-*

465
الف مبروك اختي ام حنين

كل التوفيق والاستقرار ان شاء الله

وكل عام وانتم بخير

466
السلام عليكم
طبعا موضوع مهم فقرة تغيير الباسوورد
لكن ممكن توضحلنا اذا اكو علاج لهاي المشكلة

الصفحة تظل صافنة بدون تغيير

علما استخدمت متصفح الاكسبلورر والكروم؟؟

واخير مرة غيرت الباسوورد خلال دقيقة من وصول الايميل مالت تغيير الباسوورد

فقرة الرموز ال8 طبيعي ماشي عليها

واول مرة اعيد الباسوورد للعلم

تحياتي

467
الف مبروك وان شاء الله يتم على خير وتوصلون بالسلامة


بالتوفيق

468
السلام عليكم اخي ابو مريومة

طبعا مليون بالمية وهم وشماعة لفشلهم في ادارة ملف اللاجئين والتقصير يتحمله كلا الطرفين أمريكا + المنضمة لان التقصير يكون من الاثنين اما قد يكون بالتنسيق بيناتهم او ربما بعدد الكيسات المسموح لهم بالدخول في كل شهر واللي تكون من الجانب الامريكي

كل التوفيق للجميع



469
السلام عليكم جميعا

اشكر كل من تذكرني وسأل عني بسبب غيابي عنكم

بصراحة رمضان له خصوصية وما عندي الوقت الكافي ادخل بيه للمنتدى

شكرا جزيلا لكل من شاركنا بمعلوماته وان شاء الله تكون مضافة بالجدول الجديد

حبيبي eng.mechano ان شاء الله ينضاف حقل جديد اذا المكان يكفي واتمنى تزودنا انت اولا بمعلومات الفحص الطبي مالتج وتاريخ المقابلة حتى نظيفك ويانا للجدول

ام شاهين ان شاء الله خير ماعندج غير الصبر والانتظار الله يسهل اموركم عن قريب

بالتوفيق للجميع

ابومريومة البغدادي

470
الف مبروك وتوصل بالسلامة ان شاء الله

471
اصرف مافي الجيب يأتيك ما في الغيب ;D

472
عيني اخي ابو مريومة اليوم صار النه شهرين من عدنا الفحص الطبي اي تمت الاعادة بتاريخ 23-5 ولحد الان كلشي ماكو واعرف ناس سافروا بعد 15 يوم من الاعادة و جماعة بعد شهر ضبط و الله كريم.
كل الهلا بيك MIKHAEL* سررنا بمشاركتك

ممكن التقديم والمقابلة الثانية توواريخها

من ساعة لساعة فرج

رمضان كريم

473
اخوية ابو مريومة

تحية عطرة

يمكن اني وانت راح نسافر بنفس الطيارة كول ان شاء الله
احب اوضح اني تقديم جان بشهر 3 2009
وتحددلي موعد اعادة فحص بهذا الشهر السابع

يعني التواريخ اني وياك متوافقة بلكي السفر هم يتوافق الي الشرف اسافر ويه شخص مثلك

الكاتب
الله يسمع منك واتشرف بمعرفتك واكيد السفر وياك احلى

ان شاء الله كل التوفيق وان تتيسر امورك بأقرب وقت

رمضان كريم

474
السلام عليكم اعضاء عين كاوة الكرام ورمضان كريم يعيده الله علينا وعليكم بالصحة والعافية وشكرا يا ابو مريومة على الموضوع الرائع

اني مقدم من بغداد iom في سنة  2009 -- >>>IZ110
المقابلة الاولى : شهر 9-2010
المقابلة الثانية :شهر 11-2010
الفحص الطبي الاول: نهاية شهر 12-2010
توقيع الكفيل على اوراقي :شهر 3-2011
الدورة التثقيفية : may/01/2011
اعادة الفحص الطبي : يوم Jul/05/2012

علما اني قد قدمت لاخي معي ولاكن هو في كيس اخر يعني مسويت انكلود خليته كل واحد كيس واكملنا المقابلات في بغداد معا في نفس اليوم ما عدى الفحص الطبي في يوم مختلف بس نفس الكفيل وهو قبل 7 اشهر انتقل للعيش في الاردن وعاد الفحص الطبي كبل شهرين والامنية مالتة مكتملة وتصلو بالكفيل على ان يجدو احد يسكن معه والكفيل سوة الي رادو وكبل 5 ايام تقريبا دزولة ايميل بانه على السكجولت مال السفر.

سؤالي هو انو اني هم الامنية مكتملة بس ميكولون  الموقع مدة يشتغل يمي من غيرت الباسورد دزيتلهم ايميل ردوني بعدك بالسكيوريتي جيك الاكشر علما رقم الايزي مال اخي ***119 اتمنة اخواني الكرام اذا احد عدة رائي ويكدر يجاوبني اكون ممنون .

تحياتي لكم
اهلا وسهلا بيك اخوية ويانا بجمعيتنا وان شاء الله تكون فاتحة خير علينا

تمت الاضافة للجدول

رمضان كريم

475
السلام عليكم
اخوية عندة تأجيل من بغداد وتقديمه 2010

لكن بالموقع مقابلة المحلفين مكتوبة بالانتظار وهو مقابل محلفين قبل سنة و4 اشهر فهل هذا طبيعي للجميع؟؟؟؟ ??? ??? اللي جايتهم رسالة التأجيل علما هو استلم موافقة المحلف المبدأية وية رسالة نتيجة المحلف

476
السلام عليكم اختي

هاي الرسالة توصل لكيس اخوية من سنة 4 اشهر وحتى قبل اسبوع

من تكمل الامنية يتم موعد السفر مباشرة ان شاء الله

حالكم مثل حالنا كلنا ننتظر الامنية حتى نسافر

477
هههههههههههههههههههه والله طلعة قوية


كل مرة اخطأ بهاي الشغلة حتى بالشغل انسى احدد الحقول من البداية ;D

مشكور على التنبيه  ;D

478
انشالله رمضان يكون شهر الفرج على الكل


آميــــــــن

479
الف مبروك اخوية وكل التوفيق ان شاء الله

480
السلام عليكم اخوية الشبح

كلي بلا زحمة جماعة الشهر الثالث 2011 شوكت لو راحت عليهم الاجراءات الجديدة ويبقون على النظام القديم ???

بالتوفيق لكل من سافر او تحددله موعد سفر

تحياتي

481
شكرا جزيلا دكتورة على كلماتج الجميلة

ودمتي بعبير الورد




482
دككتورة جوابي لك سوف يكون على الخاص لكي لا يخرج الموضوع عن مضمونه

بارك الله بيج على مجهودج وحرصج للخير

وكل التوفيق ان شاء الله لجميع الاعضاء


تحياتي
ابومريومة البغدادي


483
الدكتورة العزيزة
لا تستغربي الاستعانة بالكذب في حل المشكلة بين الزوجين وخاصة من الزوج لانها رخصة من رب العالمين وليست مني او هي طريقة معتادة

بكل الاحوال حاولت تقديم طريقة ممكن الاستعانة بيها وهي قصيرة المشوار والطاقة ;D

كلامك جميل بخصوص الطاولة والاجتماع وانا اتمناه بشدة لكن اعتقد كلامه الاخ ابو سيف بتكرار الطلب مرارا يعني اكيد كاعدين مسولفين  :o

الله يصلح شأن ابو سيف وام سيف ان شاء الله



484
دكتورة اقري ردي بوضوح

اني ما طلبت من ابو سيف يفترقون وانما يبلغها بأنه يفكر بالموضوع اللي هي رادتة ( يعني يقشمرها) وهذا الشي اكيد راح يسكتها لان بناءا على طلبها
واذا العبارة
ووضحلها انها فترة وتنقضي لحين السفر افتهمتيها خطأ قصدي وضع العمل الحالي وتقصيره تجاه البيت


دكتورة الرجل يفكر بعقله والمرأة بقلبها لذا الامور تؤخذ بحكمه

عافانا الله واياكم شر الامور

تحياتي

485
السلام عليكم اخي ابو سيف

برأي وحسب ما تفضلت بيه بموضوعك ان تصبر على هذا الوضع وعسى ان تكرهوا شيء وهو خير لكم

اخي خلي ام سيف تتيقن انك تفكر بالطلاق واكيد راح ينجر بوشها وتخفف عليك شوية من الضغط ووضحلها انها فترة وتنقضي لحين السفر

اخي العزيز
حتى لو لا سامح الله حدث الطلاق فالافضل ان يكون بأمريكا لكي تضمن حياة جيدة لولدك وتحت عينيك وان شاء الله يبقى الشمل دائم وان تسعدون بحياتكم

الكثير من المشاكل المتكررة تحدث بسبب العمل او الغيرة او اي شيء آخر

العصمة في يد الرجل لحلمه وصبره وادراكه للأمور لذا نصيحتي ان تفكر في بيتك اولا وان تحافظ عليه حتى وان كان من اراد هدمه هو زوجتك

اصبر اخي العزيز وادعوا الله لك ان يفرج همك ويصلح امرك

الحكم الاول والاخير لك


486
السلام عليكم اخي
بالنسبة للشق الثاني من السؤال تأثير اخوتك على المعاملة لا تؤثر طبعا لان كل شخص متزوج او عمرة اكبر من21 سنة راح يكون بكيس مستقل

اما بالنسبة للشق الاول واللي يخص المعاملى اللي تريد الوالدة تسويها بصراحة ماعندي جواب اكيد

تحياتي
ابومريومة البغدادي

488
السلام عليكم
التقديم  9/2009

اعادة المحلف   2011/ 9
اعادة الفحص 2012 /7

اشكرك ابو مريومة، وياريت وضعت مكان التقديم بالجدول للفائدة
ابو محمد - عمان
كل الهلا بيك ويانا رفيق سنين الانتظار  ;D

بس عندك المحلف تأخرت بيه صاير عندك اضافة لو بكيقهم ::)

تمت الاضافة بنجاح ;)

489
ابو مريومه شكرا على تحديث الجدول بس ارجو تصحيح اعادة الفحص الطبي الى 7-2012  مو 2011
سقط سهوا ;D ;D ;D

490
ممنون منك عيني ابو برهوم

بس يلا زحة تواريخ التقديم والمحلف حتى نضيفها بالجدول

تمنياتي لك بالسفر القريب

491
زين اخوي والي ماعنده شيسوي؟




هههههههههههههههههههه  هو لو الشعب عنده فلوس يطلع جان مابقت غير بس الحكومه
;D ;D ;D ;D ;D ;D ;D ;D ;D ;D

492
ولا يهمك عزيزي ومشكور على التوضيح

لكن نطيتني انطباع هذا اليوزر مبارك كل واحد يفتح بيه يجيلة سفر ويروح ;D ;D ;D
حتى انت موعد سفر وتأجل وان شاء الله عن قريب تمشي امورك

متدايني اليوزر اسبوعين بس يجيني موعد وارجعة وفوكاه بوسة من راسك ;D ;D ;D

تحياتي ياغالي

تدلل بس تستلمة بساحة عباس ;D ;D

ابو مريومة بلكت اني وراك آخذ اليوزر  .... ترى من هسة حاجز مو تنطيه لواحد ثاني  ;D ;D ;D

493
ممنون منك ياغالي BUCCA

تدري الواحد من الانتظار شيصير بيه ;D

الله يسهل على الجميع
 
آمين

494
الله يسهل عليكم ان شاء الله

وجهتكم للمكان اللي بيها اهلي ميلووكي

ان شاء الله كل التوفيق وان يلتم شلمكم وشملنا مع احبابنا واهلنا عن قريب


تحياتي
ابومريومة البغدادي

495
شنو صار من الموضوع سافرت اختنا لو بعدها ??? ::)

496
السلام عليكم.اخوي ابو مريومة الك حق اذا يصير ارباك عندك هذا الرد بنفس هذا الحساب وهذا الرد من اخوي الي صادف صارلة اسبوعين من واصل لامريكا فانة قريت الموضوع مال الاخ الي جان يسال عن وزن الحقائب وجان اخوي يحجي وياي عل الاميل فسالتة عن وزن الحقائب فكلي هسة اترك وزن الجنط عندي سالفة وياك فكتلة اوكي بس من تخلص السالفة رد على هذا الولد لان اخوي يعرف username و password مال هذا الحساب وعلى فكرة هذا الحساب مال الاخ بوكة الي سمحلي مشكور استخدمة اذا احتاجيت لان بالابتوب مالي ما كدرت اسوي حساب بعينكاوة واخوي الي بامريكا هم اكثر من مرة استخدم هذا الحساب ونزل اكثر من موضوع مثلا من اجة يغير ولايتة الي هية بنسلفانية واذا ترجع للارشيف راح تلكة اكثر من موضوع بنفس هذا الحساب وصاحب الموضوع يكول انة بامريكا فالي يقراء المواضيع مال الحساب الي باسم bucca  راح يدوخ يكول شني السالفة هو bucca مسافر بعدة شو مرة يكول انة بامريكا اريد اغير ولايتي ومرة يكول لغوا موعد سفري والحقيقة ان الاخ bucca بعدة ما مسافر رغم انة الامنية مالتة كاملة صارلهة سنة على العموم انة اشكرك اخوي ابو مريومة على ردك وانطيتني فرصة اوضح هذا اللبس .تحياتي للجميع ويوم سفركم جميعا ان شاء اللة
ولا يهمك عزيزي ومشكور على التوضيح

لكن نطيتني انطباع هذا اليوزر مبارك كل واحد يفتح بيه يجيلة سفر ويروح ;D ;D ;D
حتى انت موعد سفر وتأجل وان شاء الله عن قريب تمشي امورك

متدايني اليوزر اسبوعين بس يجيني موعد وارجعة وفوكاه بوسة من راسك ;D ;D ;D

تحياتي ياغالي

497
مرحبا كاندي
الفرق من صاحب الكيس يؤجل ممكن واكيد الامنية راح تعاد واجراءات هواية تتغير لذا راح يتأخر بالوقت الغير يسير اما من المنظمة تأجلة فالمشكلة راح تكون يسيرة لان المنظمة ادرى باكتمال الملف لذا مراح يتأخر صاحب الملف

تحياتي
ابومريومة البغدادي

498
ابو مريومة اني زعلان ليش ماكو بالجدول اني مكمل الموافقة الامنية و منتظر موعد اعادة فحص طبي صار اكسبتير من شهر 5 
اخوك
نيويورك
اخوية نيويورك منكدر على زعلك

اكيد سقط سهوا ;D

تم التعديل والاضافة

تحياتي

499
الله يكو بعونك ويوفقك لعمل الخير

بس ممكن توضحلنا شنو هذا الرد من نفس الاسم مالتك بشهر الثالث المضى ???

http://www.ankawa.com/forum/index.php/topic,567730.msg5531158.html#msg5531158


500
بسم الله الرحمن الرحيم والصلاة والسلام على سيد الخلق والمرسلين ابا القاسم محمد وال بيته الطيبين الطاهرين واصحابه الغر الميامين

بادئ ذي بدء اتوجه بهذه الاسطر الى الاداره وليس المشرفين. 

الى الاداره هل يصح ان تستخدمو نهج الطغاة في تعاملكم مع اعضاء المنتدى؟! 
هل يصح تكميم الافواه لا لشيء الا لانهم يتغنون بحب من لا تستسيغونهم من اعضاء سابقين، من بناة سمعة هذا المنتدى؟
تذكروا منتداكم قبل ان تتوجه له الاف من طالبي اللجؤ. يكفى ان نرى ان عدد "الضيوف" في منتدى الهجره وحده يوازي عدد اعضاء منتدى بأكمله. 

على كل، تم حظري لمرتين هذه السنه خلال 24 ساعه وبإسمين azizaliraqi و azizaliraqi+10 ولن اطلب منكم الغفران والعفو حتى ترفعو الحظر للعلم يعني. 
وكم من مئات المرات كنا ننشادكم لحظر بعض الاعضاء الذين اساؤو لرب المسلمين وللرسول ولبعض الاعضاء ايضا ولكن لم تستحيبو
وفجأه تم حظر رموز كثيره من رموز منتدى الهجره لا مجال لذكر اسمائهم ولكن كمثال بسيط جدا تتذكرون حادثة حظر ابوقمر العام الماضي، لا لشيء الا لانه كان يعطي المعلومه الصحيحه. 

مغزى كلامي انتم اداره تكيل بأكثر من مكيال وابتعدتم عن الحياديه والمهنيه منذ زمن وليس الان. وما بقينا ندخل للمنتدى الا لأن لنا اصحاباً تعرفنا عليهم هنا ويعز علينا صراحةً ان نفارقهم. 
واصبحتم كأنظمة الدول العربيه تدعون الديمقراطية والحيادية ولكن تصرفاتكم تدل على حبكم للديكتاتوريه. انتهينا من الاداره هسه

اتوجه الآن للمشرفين:
كلنا نتذكر اخت عزيزه علينا وكم تحملت منا اصناف العداوه لا لشيء الا انها كانت تدير المنتدى خسب تعليمات الاداره
اختنا العزيزه انجي كم ظلمناكِ، والادهى والامر انها كانت قبل ان تمسح رد او تحذف موضوع تراسلنا ع الخاص وتطلب منا طلب اخوي ان نعدل الرد او نمسحه قبل ان تتجه الا الحذف من جانبها. الله يذكرج بالخير انجي 
ولا يمكن ان انسى اخونا كوندا الورده الي تحملنا همين الله يوفقه بحياته بامريكا هسه ويرزقه من حيث لا يحتسب. 
مايحز في نفسي صراحة هو ماحدث لي قبل ايام قليله هنا حيث تم حظري بلا سبب واشدد على قولي " بلا سبب". ربما لاني تغنيت بأسماء عمالقة المنتدى القدماء! الله اعلم. 
بعدها سجلت باسم ثاني باضافة رقم وليس اسم غير اسمي كما يفعل البعض. 
وتم حظر النك الثاني خلال ساعتين فقط والأدهى والأمر من الحظر هو مسح ردين كتبتهم في المنتدى الاول في موضوع عمنا الجبير ابوخالد الله يحفظه ويرجعه لاهله سالم معافى والثاني في موضوع الاخت بهاء وهي تسأل عن الدراسه حيث نسخت لها رابط منتدى الحياة العامه في امريكا. خل احجي جلفي شويه
بله اريد المشرف ليش مسح الردين!! جانت اكو اساءه بردودي مثلا؟؟؟
وشغلة اللخ من كتبت هنا بصفحة الشكاوي ليش مسحتو الشكوى!! لعد شكو فاتحين صفحة شكاوي؟!!
هل هو عداء شخصي او كره!! فعلا كان تصرف طفولي من ناحية المشرف الي مسح الردود او تصرف عدائي. 
ما راح اتهم اي مشرف لان بصراحه ماعرف منو الي مسحها. لكن احب اكول لكل مشرف ترى انته همين حضرتك جنت عضو حالك من حالنا وماتقبل احد يظلمك صح لو اني غلطان!!
ورد الاخت CANDY على تساؤل الاخ المتميز العراقي على انو تم حذف الشكوى بحجة انو محد ينحظر بدون سبب كان رد مضحك بصراحه، يعني تنحظر ومايحقلك تسال ليش انحظرت ومايحقلك تشتكي هههههه
فيا اختي كاندي خليج عادله بتعاملج ويه الاعضاء وانتي مميزه من قبل لاتغيرين اسمج ياعيني
واني متأكد راح ينحذف ردي قبل لاتقراه الناس. 
وللعلم اني الحمدلله مامجبور افوت المنتدى لاني مامقدم لجؤ ع امريكا فلاتصورون راح اتوسل حتى ترفعون الحظر ياعيني
وتحياتي لكل انسان طيب تعرفت عليه بهالمنتدى

باي
اخي العزيز
ان ليس جميع المشرفين على قلب يد واحد او تفكيرهم وتقديرهم للمسألة الواحدة متساوي فمنهم من هو حازم القرار ومنهم من هو عكس ذلك وبينهم كذلك يتدرج الطباع
بالفعل من يسيء باتخاذا القرار يسيء للمنتدى بصورة عامة لان المشرف مؤتمن بأن يؤدي دوره لكن اعيد كلامي ليس جميع اسنان المشط متساوية

اتمنى من الادارة (الاداريين والمشرفين) عدم التعليق على الموضوع وان يكون التعليق من جانب المشرف الذي قام بمسح الردود او قام بحضر العضو
واتمنى بنفس الوقت عزيزي ان لا يكون هناك دليل قاطع على مخالفتك ويكون القصاص هو الحضر من المنتدى

لذا اكرر طلبي ان يقوم من هو مطلع بالموضوع فقط بالتعليق

ولكم جزيل الشكر والتقدير

دمتم بخير

صفحات: [1] 2 3