عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - حبيبي عراق

صفحات: [1]
1
السلام عليكم جميعا شونكم انشاء الله الكل بالف خير       
اخباركم اموركم         
ام زين وانس كل مانع وبي خير انشاء الله عن اقرب وقت يخابروج     
والف مبروك اخ ارام يوم تحديد السفر   
ياهلا بحبيبي عراق شونك اخبارك شنو هل الغيبه تعرف اني وانت مقابلين بنفس اليوم  فكلش احب اعرف اخر المستجدات       
حبيبتي شموسه وزهره الصبار  وميريام المهاجر شونكم   
يقطينه شونج حبي اشو ماكو عسى المانع خير
اخي شلتاغ انت ال IZ مالك 110 اذا 110 لايظل بالك لان اني همين 110 وممخابرين الكفيل لحد الان     
تحياتي الكم فردا فردا اخواني بدون ذكر الاسماء لان ماشاء الله الاسماء بدات تزداد اكثر واكثر  امنياتي للجميع بلسفر السريع

السلام  عليكم  شلونكم  احبابي  ان شاء اتكونون بخير وصحة و سلامة 

  حبي  كالكسي  ممكن  اعرف اي  مقابله  منهن  اني  وانت  متقابيلن  اني قابلة  المقابله  الثانية  يوم  30/10/2010 خبيبي  اني  سعيد  ان  اعرف انت وين  وصلت قضيتك 

وتكدر ترسل لي  اميلك  حتى يكوون  اتعارف  اكثر  بلكي  نكون  اصدقاء  والله يسهل  علينا  ونكون سوية بولاية  وحده 

اخوك  حبيبي  عراق 

2
السلام  عليكم 

  اخوتي  الاعزاء 

  اولا  الاخ شلتاغ  انا بداية الكيس  كالتي  هي  107 

والشي  الثانية  انو  هم  كاتبين بالرساله  اريزونا فينكس  وبعدين  الرمز  وما اعتقد  انه  يشيرون  الى  الولاية  متين  في  كتابتهم 


  تحياتي  الكم 



ودي  واحترامي 

  حبيبي غراق

3
السلام  عليكم ورحمة الله  وبركاته

  اخوتى الاعزاء  اولا  انا  اعتذر  عن  هذا الانقطاع  كوني كنت في  عمل  ومشغول  جدا  جدا  وقبل  يومين انهيته هذا العمل  واليوم رجعت الكم  لكن  انا اليوم  جيك  الاميل  مالتي  ولكيت  رسالتين  من  المنظمة  الاولى  تخص  التجيك  الامني  الي يبلغوني بيه  ويكلوللي انت يا  حباب  بعدك  على  التجيك  الامني  اما  الرساله الثانية  الي يكولون  بيها 

يا حباب احنه  حددنا الك الولاية وهي  ولاية اريزونا  فينكس لكن  السؤال هو 


بعد كلمة فينكنس مكتوب حرفين وهن AZ  ماذا يعني هذين الحرفين للي  عنده  خبرة  شنو  هذي  اختصارات للمنطقة او  المدينة الي راح اسكنها

اتمنى الي عنده جواب  يساعدني


اخوكم حبيبي عراق
[/font][/size][/color]

4
السلام  عليكم ورحمة الله  بركاته 


كيفكم  ان شاء الله بخير 

طبعا انا قابلت  محلف  يوم 30/10/2010 ومكمل فحص طبي بس ان اخوكم احب  العجلة  ولذلك ورة  خمس  ايام دزيت رساله  الى المنظمة اطلب  منهم  معلومات عن قضيتي  ودزيت كثر  من رساله  لكن  امس  نا قتحت اميلي  من الموبايل  واذا بالرساله الي جايتني من  الــIOM الي  اتكل  مثل  مايلي 

Thank you for your e-mail.

Please be informed that your case is currently undergoing our security check routine. We cannot anticipate how long these checks will take. Once everything is clear, you will be contacted by IOM regarding the status of your case. Please feel free to contact IOM Info Center for further inquiries.

Kind Regards,

IOM Info Center

 
وما اعرف  شوكت  ينتهي  التجيك الامني والله  كريم ادعولي 
  بس  عندي سؤال

هل  ن ذلك  تم  تحديد الولاية  الي لو  بعد 

اخوك  حبيبي عراق
[/b] [/size]

5
السلام  عليكم ورحمة الله وبركاته


اولا انا احيي صاحب  الموضوع  والكل  الي ابدوا ارائهم  حول  موضوع الاخ لكن لدي  وقفه بسيطة  مع الموضوع  ؟

طبعا  انا مقدم على  نفس برنامح  الــــ IOM  لكن  من قدمت  اشار  لي بعض  الاخوان ان  ادخل الى هذا المنتدى  كي  استطيع  ان اعرف  مجريات الاور  مع الاخوة  الاجئين  والمسافرين  وعن تجاربهم التي مروا بها  في امريكا  او  خرج امريكا 
المسأله  هي مسألة فكرة وهدف كيف  تنشء الفكر  وكيف  توضفها الى الهدف الذي  تصبو ليه انا احجي وياكم  موظف  في  دائرة حكومية واكذب  عليكم اذا اناي  ما جاي اعاني من وضعي بالعراق  من  ناحية  التهديد وخطف ولدي  وتفجير سيارتي  وبيتي يعني  كل  هذا  واني  موجود  حاليا  باعراق وانتظر  موقع  وصول الموافقه  والسفر كل  هذه الواضيع  بصراحة ومع احترامي الى  كاتب الموضوع انت  الان تصف امريكا وتصورها عباره  ن  حش  كاسر سوف يلتهم  كل العراقيين  الذين يردو الذهاب الى امريكا ؟
عجيب !
المسأله ليست  كما تتسصور اخي ان  كل انسان  واعتقد  هذه بديهيه  انتعرفها  من غير  لاشارة اليها وهي ا الله  موجود وهو  الوحيد الذي يقر  الارزاق لماذا لم  تقل  انك لم  توفق  في  هذه الولاية  واله  في القران يقول  الم تكن بلاد الله  واسعه لتهاجروا فيها
هنا  الشي المهم  هو  لا ننظر الى قضيتتك وكأنها  هي  اساس ال  كل العراقيي نعم  ؟
هنالك  تعب وشقاء لكن ليس بمثل  ما  تتصوروه انت انا لي اصدقاء  في امريكا نعم العمل شاق العمل قليل لمورد  لكن  هذه  هي امريكا  نحن العراقيين  تعودنا  ان  نعمل العمل البسيط  ونأخذ الكثير  في امريكا  لا  لايمكن لك  ان تفعل  ذلك انا لي الكثير  منالاصدقاء  في اريزونا  وفي الكثير  من الولايات  يقلون ان العمل  متوفر  وكل شي  منظم اذا انت وضفته بصورة صحيحة اي  ان  تكون كل  خطة  تخطوها بانتظا  وبيس  عفوي لا اريد  ان انطيل  عليكم  و لا اريد  ن  اخرج ن  الموضوع 
كل  مافي  الامر  انت يا اخي  وحسب فهمي للقضية  انت لم  تحاول في تغير  حياتك بل  رضيت  ما مر  عليك  كل ما تسال لماذا  لم تترك الولاية  وتذهب الى  ولاية  اخرى وكأنك تريد  ان تصنع المعجزات بنفسك 

على العموم  انت اخي  حر  في رايك وافعالك  وتروكك وكل  مافي الامر  عليك  ان  تنظر الى  الواقع  ون تفتح عينك  من الحلم  الذي رسمته الى امريكا او  تعيد صياغة  احلامك

وديـــــ  حبيبي  عراق

6
السلام  عليكم 

وكل  عام  وانتم بالف الف  خير  اخوتي  واخواتي  واتمنى  من الله ان يمن  عليكم بالصحة  والسلامة  شنو  هاي  لجمعيه لحد  الان  ما سمعت احد  وصله  اي موعد  ودنتتظر الاخبار الجيده  بس يلا  الصبر  حلو  وكل  شي  بيه  تعب  يكون  الثمر  مالته حلو  ويكون  رهيب  وتحس بالمتعه  وياه 



وديـــــ  حبيبي  عراق
[/size]

7
الحمد لله ع لسلامة  اخوية  ونتمنى  لك  التوفيق  والاستقرار  النهائي وتحياتي الك  وال اخوك 



وديــــــ  حبيبي عراق

8
شكرا  الى  الاخت  انجي  انا  الي اقصدة  المقابلات هل  تتوقف  الى  السنه القادمة  ام  لا 



ودي  واحترامي   حبيبي  عراق

9
السلام  عليكم  ورحمة الله  وبركاته 

كل  عام  وجميع الاعضاء  بالف  الف خير واتمنى  من الله  العلي القدير  ان يحقق كل اماني الاخوان  والاخوات  والاستقرار  والامن  والامان الى الكل وان يجعل  درب عنكاوا  درب اخضر على الجميع 

عندي  استفسار 

متى  تتوقف  العمل  في  منظمة IOM هل في يوم  15/12/2010 ام  في  موقعد او بعد  هذا التاريخ الي اقصدة  عطلة  رأس السنه  للمنظمة الدولية  مو  غير 


وتحياتي للجميع

وديــــ  حبيبي  عراق

10
السلام  عليكم


واللخي حيب فهمي للموضوع مالتك انو  من  خلال الاميلات  الي انت  دازها الهم وهي تحتوي  على عدة  اسأله  هم الان  وصلهم  تحديث الى الكيس مالتك  بتحديد الولاية  هنا لازم يجاوبوك على سؤلك  الي انت ساله بغض  النظر عن  الاميل  واو رقمه  يعني هم  اختارو الاميل الي انت  دازه الهم وتسال بيه  عن الولاية  وجاوبك ولما يكون  هنالك  تحديث اخر  عن الامنية  او  غير ذلك اعتقد سوف يردون  عليه بربلي الى اميل  اخر انت  دازة  والله اعلم 



حبيبي عراق

11
الف  الف  مبروك  اخي  العزيز  واتمنى  توصل بالسلامة  اما بالنسبة الى  الشي المهم الي تاخذه وياك اعتق انو  اكو  مواضيع  بخصوص هذال الموضوع تقدر  تشوفها بالمنتدى  اخي




وديـــــــ حبيبي عراق واحترامي

12
السلام  عليكم الاخ ابو بنين المحترم 


اول شي اود ان اسالك انت  مقدم على اي برنامج SIV&IOM اذا  كنت على الثانية الـــ IOM اني مثلك وعقد الزواج  غير  موجود ولما قابلت مقابله اولى طلبو مني عقد زواج وانا كلتلهم  ماعندي  او بالاحراى ما جايبه وياي ومن  قابلت المقابله الثانية المحلف ماسالني  عن عقد الزاج  وحتى  زوجتي محجه وياها ابد  بس اني صاحوني وسالوني كم سؤال  وكالو  الله وياكم 

وانا هسه  د انتظر  الموافقات واله كريم اخي ما اعتقد انو  العقد شي ضروري  اهم شي عندك جنسية  مغيرها  بانك متزوج للطرفين

واكو  فد  ملاحظة اني شفتها بالمقابله مال المحلف انو الشخص الي متزوج  نسوان ثنين  مايحقله يطلعهن اثنيهن  لازم يطلق وحده  ويجيب ورقة الطلاق الهم الا يستمرون بالكيس مالته


وانا طولت  عليك  وديـــــــ حبيبي عراق واحترامي

13
مساء الخير على  الكل بدون استثاء

شونكم  خواني وخواتي  بهذا الكروب الحلو  والي بيه نسمع الاخبار الحلو  وان شاء الله  ماكو  اخبار موحلو  كل الي اريده  اكوله  انو  احنه  لازم  نخلص الفلم الاكشن  واحنه صامدين لان هذي  قضيتنا  مث  احداث فلم اكشن  البطل بيها يقاتل  حتى يقضي على الاشرار واحنه يومية  نسمع قصة  ونسمع فلم  جديد  والله  العراق  اصبح قاعة مسرح  من المسارح العالمية المشهورة  اصبروا وصابروا  وحافضوا على ربطاط جاشكم انه النصر  والايخسا الخاسئون مع تحيات

اخوكم حبيبي عراق

هههههههه حبيت الطف الجو شوية نضحك تره الدنيا خلصانه

14
يقظان سويتلي واهس راح اشتغل بالمخضر  هناك  تسلم ايدك  على النقل  الجيد





وديــــ حبيبي عراق

15
انا لله وانا اليه راجعون 


اخي العزيز اا  تقدرتسافر  خارج  العراق سافر  لاتبقى  لان بصراحة  انت  الاوراق  الي  عندك  تساعدك 100 المية  وقصتك  جدا مؤلمة  والله يساعدك  عليها  وينطيك الصبر   



وتقبل  مروروي 


وديــــــ  حبيبي  عراق

16
الف  الحمد له  ع السلامة  اخوية العزيز  ونتمنى  منالله  ان يوفقك ويسهل امرك 

وديــــ  حبيبي  عراق 

17
يا  عطر  المسك  شكرا لردك 

انا مثلك  حاير  وانتظر الرد  من الاخوان  اما بالنسبة النه  لا كل  شخص  بــ IZ  وديــــ حبيبي  عراق

18
انا لله  وانا  اليه راجعون  


اخي العزيز  انا اضم  كلمة الى  كلمات بعض  الاخوة جزاهم الله  خير ان  الشجب  والاستنكار  لايشترط بان يكون  مسحي  او  مسلم لا بل  نحن  جميعنا  حمل اسما  واحد  وهو  عراقي فذاك هو العراقي  بات  على بساط  من  جمر  وبين  المطرقة  والسندان  من  لا يعلم  ماذا  تفعل الان  الامم  من راحة  شعوبها  ومن منا لايعلم  كيفة  تقاتل الامم  من اجل  ان يسود الامن  في بلادهم  وعلى العكس  نحن  الان  في العراق  نبيع ونشتري بالدم  العراقي هذي هي الفرحة وهذا  هو الانتصار الذي  كان  ينشد له  العراقيين  حن  نجعل  من انفسنا لقمة سهله ونحن  واقولها مرارا  وتكرارا  نحن  من  ساعدهم على  هذا  الشي الم  ننتخبهم  ونجعلهم قادة  علينا  الم  نسفق  لهم  الم  نشجعهم  ونقول  لهم  زيدو  علينا  المكم  ووجعكم  وضعوا  اوزاركم علينا  العراق  الان  هو بذمة كل العراقيين  علينا  الان  نضع ايدينا بايدي بعض  ونغلق  كل الابواب بوجه  كل  من يرد بالعراق  سوء  اما بالنسبة الى المجزة  فهي  تكون  سببا لنا  ودافعا يدفعنا لنصرخ بقول  كلمة  عراق  لنا اخرجو  من عراقنا ودعو  الاطفال  تعيش بسلام  وعذرا  عن  الاطاله بس  بصراحة  كنت اكتب  وما اشعر  وينوصلت بالكتابه  


وديــــ  حبيبي عراق

19
السلام  عليكم  ورحمة  الله وبركاته 



اخوتي  واحبائي  في  عنكاوا  الكرام

طبعا اني راح اسولف قصتي  وانتم  انطوني رأيكم شنو الي اسويه  ؟

اني اول شي قدمت  اني  واخواني 2  وعائلتي  بس بعد فترة  احد  اخوتي  بلغني انه  ما يرغب  في  السفر  علما  انه كانو  اخواني مسوين  مقابلة اولى  واني  مكمل مقابله اولى وفحص طبي من طلب اخوي  الالغاء  دزيت اميل  للمنظمة  الـــ IOM الي  في بغداد  وبلغتهم  بالطلب  وطلبو  مني رقم  التلفون وبعد  ما وصلني اي  اميل  يبلغني انو هم  كنسلوا الملف الخاص باخوي  ويم 30 بالشاهر العاشر كنا  موجودين  في بغداد اني واخواني وعائلتي  ومن ظمنهم اخوي الي طلب الالغاء لمقابلة  المحلف وكملنه  قضية  المحلف يعني  كل  عائلتي وبدون  استثناء ولكن  هنا القضية  بعد  عودي  الى البيت  وكان  عندي نقص  بعنوان الكفيل فبلغوني  انو لازم  اسلمهم العنوان في موعد اقصاه 3 ايام فكلت  يلا  خليها  حار بحار فتحت  النت  ثاني يوم  الصبح دزيت اميل الهم ابلغهم بالعنوان  ورقم  التلفون الخاص بالكفيل  مالتي الي  والى اخواني  ايظا  من دون استثناء لكن  المفاجئ  انه انا وردني اميلين  الاول بيقول  انه  تم استلام رسالتك الي هو  اميل  الاتو  والثاني الاميل  الي يكنسل  ملف اخوي ؟
هنا السؤال  انا طلبت  منهم  لماذ  لم يتم  ابلاغي في قوت  غير هذا  علما  ان  اخي  قد  اكمل  معي  مقابلة المحلف يوم  امس  لكن الى الان لم يرد لي اي  اميل  من  المنظمة
هنا السؤال 
 هل يعتبر  ملف اخي ملغيا وعليه  عمل استأناف  من  جديد  ؟

ام يكون  هنالك  حل لهذه  القضية واعتماد المقايله  الاخيرة ةيتم الغاء الرساله الوارده منهم  الي بالالغاء ؟

وهل يؤثر هذا  على  ملفي انا كوني ابلغتهم  بالالغاء  وعند اتصالهم بي لم  ابلغهم بملف اخي الذي طلب الالغاء 


الرجاء الي عنده  خبرة  يفيدني  رجاءا  انا  دايخ  من يوم 30 بالشر  الى  اليوم يعني صار يومين  وانا  تعبان  من التفكير جدا 



وديــــ  اخوكم حبيبي عراق
[/size]

20
شكرا لك الاخ ابو بنين  والاخ الامل 2 
بصراحة  اني بالعراق  وقبل المقابله  ب يومين  اتصلو  بيه  اتصال اما الاميل  لا قبل شهر  حددو لي الموعد


وشكرا الكم 

وديـــــ حبيبي عراق

21
شكرا  الا   الاخت  غزالة  البصرة على ردها  على  موضوعي




وديــــ  حبيبي عراق

22
اخوان   اني  كملت  مقابلة  المحلف  في يوم  30/10/2010  ويزمامس  كانيوم  صعب عليه  جدا  جدا  



انا  نزلت  موضوع  حول  مقابلتي مع المحلف وانا انتظر  الموافقه  والله كريم  





وديـــــ  حبيبي عراق

23
مشكور  اخي  يوزرسيف  على  ردك  والصبر  موجود  ان شاء الله  والله  كريم 



وديــــ  حبيبي  عراق

24
شكرا لك  انجي  على  هذا  الرابط 


ودمت بود  واحترام 



وديــــ حبيبي عراق

25
السلام  عليكم 


اخوتي الاعزاء  الي  عنده  معلومات  عن  ولاية  اريزونا فينكس يفيدني  بيها  يعني  عة  المنظمات  هنالك  الشغل  العلاج  التعليم  كلشي الرجاء 



وديــــ  حبيبي  عراق 

26
اشكرك  اخوية  كابتن  على ردك  على  موضوعي




وديــــ  حبيبي عراق

27
شكرا الى كل  من  نور  مستصفحي  المتواضع  


اولا  اني  اقول  الى الاخ  مراد البغدادي  وحقك  لا تخف  دركا  ولا  تخشى  هم  اول شغله  انهم  راح  تخلي  الورقة  الي  بيها كلامك  الي في المقابله  الاولى  ومن  خلالها  تسالك يعني  كل شي انت سألوك  عليه بالمقابله  الاولى هو  يساللوك بيه بالثانية بس اهم شغله لا تكون مرتبك  وحاول ان ترسم الابس=تسامة  على وجهك  والتفاءل لان   هذا الشي ينطيك نوع  من القوة  علا  التركيز  والتفكير  باسترجاع  معلوماتك  السابقه  اما  
بالنسبة الى اي  مستمسكات  ماخذو  مني الجنسية  والجواز او الشاهده  


وهذي  كل الحكاية  

ودي  اليكم  

28
السلام  عليكم  ورحمة  الله وبركاته 


اخوتي  الاعزاء 

طبعا اني قدمت  على الــــ IOM سنة 2008  في الشهر 12  واجتني مقابله اولى  في الشهر الــــ 5 /2010  وبعدها بالشهر الـــ7/2010 اجاني تلفون  على الفحص  الطبي  وكملت  والحمد لله  ويم  امس  الي  هو يوم  30/10/2010 كملت  مقابلة  المحلف واليكم  مجريات المقابله 

طبعا  اني  مشتول  اني  والعائلة  من الساعه 7:30 الصبح الى الساعه  5 العصر  وهذا  انتضار  يموت بين الوقتين ولكن  ما ان صاحو  باسمي انا  اتوجهت  الهم  كالو خلي العائلة  تجي وياك 

المهم  دخلت  اني  والعائلة  وكانت المحلفه شخصية  مو طبيعية  اني اباوع الها  واتباوع للشرطي  الي  اني  متزوجه  هههههههههههه
المهم  سألتنا  كم سؤال  وبعدين  طلبت  من العائلة  تطلع  واضل  بس اني  وياها  وبدت المعركة كانت الاسئله بيه نوع من الاستفزاز  يعني يخلوك تعيش بقلق  ومن  هذي  الانواع  انها  تكرر عليك  الاسئله  يعني لو  اول شي سالتك سؤال وكالتلك انت  شتعتقد  منو   الي  يهدد  الي يشتغلون  وي  الاجيش الامريكي  وكلتلها  مثلا  ع مثلا  لازم  انت  من  ترجع  وتسالك سؤال  هذا  مرة ثانيه  تجاوب  نفس  الجواب لان  هي سالتني  واني جاوبت   ومن رجعت  عليه السؤال  كلتلها  اني  اعتقد  انا  جاوبت على هذا  السؤال  كالت  تكد  تعيد  الاجابه  مالتك كلتلها  بالطبع ورجعت  الاجابه  الها  بس  تردون الصدك هي المقابله  فد شي سهل  ما يخوف بس  انت  خليك طبيعي  ولا تتوتر
وبعدين  صاحو  العائلة  وسألوهم  كم سؤال  وكالو انتظروا  وه يلانتظار  الي  دام  اكثر  من 3 ساعات  الى  ان  صاحو باسمي ورحت  وسلموني الدليل  وبصمت واخذولي صورة  وكالو  روح  الله  وياك  الى ان  احنه  نتصل بيك بس هم  طلبو  مني  نوان  كفيل  واني كلتلهم  على  كفيل  باريزونا  بس  كان  العنوان   ناقص رقم  تلفون 
كالو  لازم  تعطيني العنوان قبل  موقع  اقصاه 3 ايام والا  سيتم  المضي بقضيتك  من  دون  كفيل  والمنظمة  هي تعتمد الك  مكان

وهذا  وانتهت  الحتوته وعاشو  عيشه سعيده 


وديــــــ  حبيبي عراق 
[/size]

29
بصراحة  موضوع يستحق  الشكر  الوافر  وان  كانت  هنالك  بعض المبالغة  لو  كانت كل  النقاط  التي  ذكرتها  موجوده  لكانت  امريكا  الان  جنه  خالياه  من  الجريمة



وديـــــ  حبيبي  عراق

30
السلام  عليكم 

  اخي  والله صحيح  اذا  هذا هيج  موجود  خويه الله  وايدك  دلينه بيه  ونشوف  على العموم شكرا للنقل 



وديـــــ  حبيبي  عراق

31
السلام  عليكم 


اشكركم  على  ردكم  ايل وانا  بصراحة  اخي بعد  للمقابله  كم يوم  6  ايام يعني  واني  مقابلاتي في بغداد 


وما اعرف الحك  اذا  انزل  منوضوع  اطلب  بيه  كيفيل 


ما ادري بس خليها على  الله  مثل  ميكولون  الاخوان  هو  خير  حافظ  وخير  انيس 



شكرا لكم  مره اخرى 


وديـــــ  حبيبي عراق

32
شكرا  لكم اخوتي  على اضافتكم بصمة  على  متصفحي المتواضع  ونتظر  رد  الاوان  ونشوف 


وديـــــ  حبيبي عراق

33
السلام  عليكم  اخوتي  الاعزاء 


اولا انا احب اكول الكم  اني  عندي مقابلة  محلف  في نهاية هذا  الشهر  اني  وعائلتي  ولكن انا في  حبرة  من امري بخصوص  موضوع  معين  انا لا يوجد  لدي  كفيل  فما  هو العمل  هل ابقى  بدون  كفيل ؟
وهذا الموضوع قالقني  كثيرا لان  انا سمعت  كثير عانوا لانهم بدون  كفيل وفي نفس  الوقت  اكو اشخاص عانوا ايظا  لان الكفيل  كان  كثير التنقل  وهم  ما حصلو  الكفيل وبصراحة صارت  هوسة  عليه 

واذا فكرت بالكفيل انا لا يوجد  لدي  كفيل


ارجو  منكم  النصيحة  رجاءا  ماذا افعل  في مثل  الامر علما  نا بالمقابله  الاولى  قلت  الهم  اني  ممكن ان  انطيهم  عنوان  شخص  في امريكا  وهو هذا صديقي باريزونا  ولكن صار اكثر  من شهرين  اني  مشايفه  ولا سامع عنه  شي  واتصل بيه لكن  مايرد  عليه واكول اني هاي اني  مارايح الى صديقي هيج  اذا  رحت شون  اخاف  تصير  مشكلة وبصراحة  تعبت  من التفكير 

ففكرت ان اترك الامر   عند مجلش الشورى في  عين كاوا  لان انا  مقتعن  بقرارت ونصائح الاخوان  هنا 


ودي  واحترامي 

34
السلام  عليكم 

حقيقة  اخي  انا  من المهتمين  بهذا  الموضوع  المميز  واضم صوتي الى صوتك  واقول  ان  كل الشعوب  تعمل على  منطلق  الانسانية  الا نحن  فنعمل على  منطلق  المصلحة  الخاصة  ها هي الحكومة الان  مضت  على الانتخابات اكثر من 7 اشهر  وقارت  انتكون  ال 7 ولم يتم  تشكيل الحكومة  والسبب المصلحة  الخاصة  وليست  الشعب  بينما السودان  التي لا تملك  مثل  الكفاءات  ولا تملك  مثل  القدرات السياسية  تشكل  الحكمة  اخاصة بهاب 7 ايام فقط  اذن لم يبقى الى  الشعب الا الله  وتراحمهم بينهم  وتواددهم فيما بينهم  لذلك  يجب اننكون يد  واحده  انا اعمل في  الرمادي  في القائم ولمدة 6 سنوات  ولم  اعرف  سني وشيعي  ولكن  لا اعرف  ماذا  حل  بالناس  فاصبح سنة وشيعه  ومسيح وكرد  وتركمان  وووو اذن  لم يبقى  الى الكلمة  الطيبة  التي  نبحث  عنها  دعونا  نضم  اصواتنا الى صوت  اخونا  وكفنا على  يده  ونشد على ساعده  كي  نقف في  الغربه  او  في العراق  تحت  شعار  الانسانية فوق  كل شيء  هذه  هي  حياتي


تقبل  مروري  المتواضع

وديـــــ  حبيبي  عراق

35
ها  خوية  kunda   روح  جدم  اخضر  ان شاء الله 


بس خلي بالك  على روحك  لان  هاي السالفه سوتك  هيج لو  موعد سفر  شسوي   ؟؟؟؟؟؟؟



ودي  اخوك  حبيبي عراق

36
الف  الف  الف الف  الف  الف  الف  الف  الف  الف  كل  هذا بمكان  المية  دولار الي انطيتها  انته  هههههههه  اخي  اتمنى واسال من الله  ان يوفقك  ويم  السفر ان شاء الله 

وتقبل  مروري المتواضع 


اخوك  حبيبي  عراق 

37
اشكرك يا  عم 


ولكن  انا بصراحة  ما  عندي اي  شخص  في  امريكا  ومخليها على  الله  الاسكا باي  مكان بس نخلص  من  هذا  الهم  وانا  عندي  كفيل شخص  وهو  حاليا باريزونا والشخص  دزيلي عنوانه  وتلفونه  وكالي عادي انا اصير كيفلك بس اني متردد  بصراحة  من  هذا الشي لان  ما اريد  اكون ثقل  على شخص  واريد  اكون بعيد  عن  كل المعارف واشوف  صحيح  الواحد  محتاج  بس نتكل على  الله  والله  مايقصر  مثل  ما تفضلت يا  عم  انو  صديقك  الله ماتركه وهو  ححاليا  نيو جرسي  اذن  الله  احسن  من كل شخص 

وتحياتي للجميع  وديــــ  اخوكم  حبيبي عراق 

38
الحمد  ع السلامة  اخي  العزيز  ونتمنى  من الله  العلي  القدير ان يوصلك الى  دارك  الجديد  بكل يسر  وصحة  وعافيه 


ودي  اليك  حبيبي  عراق

39
شكرا لك  اخي  عمر


واتمنى  من الله  ان يعينه على هذا  الشي  وفعلا  الصبر  فوق  كل شي  وخلي شخص يكتب الي يكتبه     




وديـــ  حبيبي عراق

40
شكرا  الى  الاخوة الكرام  الي نزلو  ارائهم على الموضوع  واتمنى  ان يدوم  هذا الصرح الى  مالانهاية  حتى يكون  نور  الى كل  من يريد يشارك  بهمه  ويحب  الناس  تشاركه  احزانه  لو بالنصيحة 

اخوكم  حبيبي عراق

41
الاخوان  الاعزاء 

اولا  انا اشكل  كل من  نور متصفحي  بكلماته   واشكر   الاخت  نور  والاخت  عبير والاخ  العزيز  حسين السالم  وعراقي  هواي  والاخ  الحمزة   ابو  نور 

لكن  انا عندما  كتبت  هذا  الموضوع ليس  استنقاصا بالاخ  الكاتب لا بالعكس  انا في  كل  كتاباتي اقول  ان هذا  المنتدى  هو  رابط  اخوي  جميل يربط  كل الاخوان  لكن اردت ان  انوه الى  مساله   انو  يتكلم  عن  الموضوع بوضوح  ولو  تراجعون الموضوع  اعتقد  انا  كاتب ان يذكر  كل شارده  ورارده  حتى يتسنى لنا  معرفة  الواقع  هنالك والا فانا  من اكون  حتى  امنع  او  احاو لان امرر  راي  على  الاخرين  لذلك اود  الاعتذار  الى  كل  من  فهمي قصدي  بصورة  غير صحيح 

وتقبلو  مني  كل  الود  حبيبي  عراق 

42
الاخ  عمر 

  انا  كلامي اعتقد  واضح  انا قلت  وطلبت  من  الناس  ان  لا يتكلمو  بهذه الكلمات  لان  لا  نريد  ان  يزيد  الالم  عند   الناس  واشرت الى موضوع  معين  وهو  اني قلت  ان اناس  لديه  هذه  المشاكل لكن ليس  كل  ما يعرف يقال 



وديــــ  حبيبي عراق

43
الى  العبير 

اتمنى  من الله  ان يسهل امركم  وجعل  طريقكم  منور مثلما  نورتم  متصفحي  واتمنى  ان   تفرج  عليكم  وتتبلغون بالسفر القريب 



وديـــ  حبيبي  عراق

44
راين

  شكرا الك  للااضافة  نورك   من  نورك الى  متصفحي  المتواضع 



وديــــ  حبيبي عراق

45
السلام  عليكم  ورحمة الله وبركاته 


اخوني  وخواتي ......


 اتمنى  وانتم  تقرأون هذه الكلمات  وانتم بأحسن صحة  وعافية ، كل  ما اريد قولة  انا بصراحة  عندما  ادخل الى  هذا المنتدى  ادخل لكي  افرغ  عن  همومي ليس بانزال  موضوع او رد  لا ؟ بل  عندما  واقراه ما تخطه اناملكم اشعر  بالراحة  واقول  واسال الله  ان يشملني برحمته  كما يشملكم  ولكن  انا في بعض الاحيان  اتفاجئ  عندما اجد البعض  من الاخوان يقومون في  انزال  مواضيع  فيها  احباط  وغير  موثوقه انا  اليوم قرات  موضوع  عن شخص انه سرق  في امريكا  من قبل المنظمه  هنا اود  الاشارة  الى  نقطة  مهمة وهي  .
اولا  ان  ليس كل ما يعرف يقال ؟
من باب انه هذا المنتدى  وجد لزرع الامل  والايضاح  وانا  اقول قد  تكون  في  كلامك صحيح  لكن  هنالك  عدة  وجوه للقضية  هو ماذا  اعطيت  انت  حتى تقول  انهم سرقوك ؟
هذه  نقطة  فانت سفرك  من العراق  او  عمان هو  وتوفير  سكن  وعمل وكل المستلزمات  وان  كانت  هذه  الاموال  انت  مطالب بسدداها  مستقبلا لكن  لو   ذهبت انت  من  غيرهم  لم تجد  ما يفروه لك 
الامر الاخر  هو  ان الموجودين  الان يطالبوك بوضع  شرح  موضح فيه  كل شارده  ووارده  عن قضيتك  حتى تكون صورة  واضحة عن المساله فانك لو فعلت  ذلك  توفر الى  اخوانك  وخواتك فرصة  معرفة  منهو المقصر  واي الولايات التي  تعمل  وفق  هذا المضمون والشي المهم  هو  انت لماذا  لم تقدم بطلب شكوى الى المنظمة نفسها  وعتقد  انك لو فعلت ذلك سوف   تأخذ  حقك بالكامل

فنصيحتي  يا اخوان   واعود  واقول  لييس  كل  ما يعرف يقال لان  هنالك  ناس  تريد ان  تعيش بجو  خالي  من الخوف  والقلق والرهبة تريد  ان تشعر  الطمأنينه  ولو لمرة  واحده في حياتهم  رغم  كل  ما  هو موجود  من الم  وتعب في  داخل  العراق الا انه  لايوجد بديل غير العراق  كاب  يحتضن  اولاده  لكن الامر ليس بيد  الشخص  فهنالك ظروف  تمنعه  من  البقاء  في  العراق  تجعل  منه  مضطر للسفر  والخروج  خارج  العراق يا اخوان  لا اريد  ان اطيل  عليكم  كل  ما  اريد قوله  انه  حافظوا على  هذا الصرح بلم  الاخوة  والالفه  بين  الناس

وديـــــ  اخوكم  وخادمكم  حبيبي عراق

46
السلام  عليكم 


الاخ  العزيز  kunda بصراحة  كل  كلمة  صدرت  مني  في  هذا الصحر  العملاق  هي  نابعه  من اعماقي  وكأنها  هي  ولدت هذه  الكلمات  اليكم  (  وبصراحة   وبشكل  عادي  مو  كلمات  فصيحة  وتصطير  لا  وحق لا اله االله  انا لما  اكون ضايج بالبيت  اطلع  حتى ادخل على  عين  كاوا  لان احس بالامل  واحس بكل شي حلو  لان اعرف  الكثيرين  من الاصدقاء واني   منهم  الي  اقل  شي  ماعنده  عنده فد  تهديد  وخوف  وقلق وحالة  هيستريا عايش بيها  اني  بالعراق  والمفاجئه العضمة  انو  اني  خسرت  كل ما املك  يعني  على   البلاطة بقيت  والمشتكى لله  بس بقي عندي شي واحد  وبس  هو  عائلتي اني  تركت  بيتي واثاثي تمت  مصادرته  من قبل المليشات  الي  ما اريد  ان اذكر اسمهم هنا بهذا المحل الطاهر اخاف  عليه  من ان يتنجس بنجاستهم  وبعدين صرت  مثل ام  البازازين  من ببيت  البيت  ومن  منطقة   المنطقة  وكل  هذا  على  شنو  انا  عميل الى  قوات  الاحتلال هذا  كل ذنبي اني اشتغلت  وي  الامريكان  وانا  الي  منطنين الصبر  والقوة  هو  وجودكم  وياي بنفس  الدائرة  ومصائب  قوم عن  قوما فوائد كل هذا  وانا اتحمس كل يوم  وانا  ادخل على  النت  حتى  اعرف اخبار  اخوتي  واصدقائي  الي يحين الفرج   الهم  ويخلصوا  من  هاي  المعمعه اي ادري  قابل  احنه الي حررنا العراق احنا  ناس  لكينه  باب  للرزق بهذا  المجال بس يالله  مادام احنه  نؤمن  ان الله  هو  حي  وموجود  وقادر على  كل شي اذن  احن بخير  والشي  الثاني  والاهم  هو انا  اشوفكم كل يوم واسمع  اخباركم واشعر باني موجود فعلا  مو  مهمش

ولكم  مني  كل الود  والا حترام


وديــــ  حبيبي عراق

47
السلام   عليكم 

 اخوي ابن الناصرية اني  ابن  ولايتك 


اني  قابلت  مقابله اولى  في  الشهر الخامس  2010  وسويت فحص  طبي في  الشهر السابع 2010 وامس  اجاني   موقع  مقابلة   محلف  بهذا  الشهر  والباقي  على الله  ادعولي بالتوفيق 

وديــــ  حبيبي  عراق

48
السلام  عليكم 

بارك  الله فيك  اخي  الغالي  على  هذه  المبادرة  ونتمنى  كل  من  الموجودين  في  امريكا  يبادرون نفس  المبادرة  واقول  الي يقدر على  المساعدة  لان الي  اعرفه  انو  كثير  من  الناس  ما يقدرون  لان  اوضاعهم المادية بس يلا  اتكفيهم  بس  احيانانا  تكون المساعده  مو مادية  بس  هي  المقصودة  انو تحتاج  استشارة  او  تكون  قريب  من الشخص  المحتاج  مساعده  حتى  تكون  اله سند  لى  ان يكون  قادر  على  الاعتماد  على  نفسه  وتحياتي  الك  الكريم 



وديـــــ  حبيبي  عراق

49
شكرا  لك   من  كل  قلبي  واحترامي  الشديد  اليك  يا  عم

وديـــ  حبيبي   عراق

50
السلام  عليكم  احبتي  الاعزا ء


بصراحة  انا  البارحة  كنت دايخ فد  مسأله  معينه  انو   متى يتم  تحديد  الولاية  ؟

هل بعد  مقابلة  المحلف  ام  في يوم  المقابله  ؟

واود  الاستفسار  لو   انه تم  تحديد  لي  ولاية  مثلا ولاية  اريزونا  وانا  لا اريد  هذه  الولاية   مثلا  اريد  تكساس  هل  استطيع  ان اتقدم بطلب قبل  السفر  واطلب  فيه  تغير  الولاية  ؟


علما  انه  انا  لايوجد  لدي  اي  شخص  في  امريكا الرجاء  الايضاح  رجاءا 


وديــــ  حبيبي عراق

51
السلام  عليكم   ورحمة الله  وبركاته 


اخوتي  الاعزاء 

بصراحة  لقد  اثلجتم قلبي  بكلماتكم  وجعلتم   مني  قالبا  من  الايمان بان  الله  وحده  القادر  على  كل  شي  انتم  عززتم  بهذه  الكلمات  ايماني  وقويتم  وشددتم  على ساعدي  ولا اعرف  كيف  اوصوف شعوري وكأن كلماتي  تكاد  تقصر معكم  كونها  لا تصل  الى  الايجاب الذي  اعطيتموني  اياه  فكل  ما  اسطيع  قولي  قدرني  الله  على  قول  كلمة  شكرا لكم  ووفقكم   الله  وجعل  هذا  الصرح بابا لرفد  قوة الاخوة  والمؤخاة  والتعارف  والتقابل  بصراحة  فالمنتدى  يحمل  على   اكتفه  المسيحي  والمسلم  والشيعي  والسني  كل  هذه  الاشكال  قد  اختفت  ولكن   بقيت  كلمة  واحدة  وهي  كلمة  عراقي انا وهي  كلمة  يصعب  على اي  شخص ان يتجاهلها فليكم  مني  كل  الود  والاحترام

اخوكم  وخادمكم 

ابن  الجنوب حبيبي  عراق

52
السلام  عليكم

شكرا الى  كل  من  نور  متصفحي  وانا  صفحتي  المتواضعه  بكل  حرف  وكلمة  وشكرا لكم  لانكم  زرعتم  الامل  عندي  انا  كل  ادخل  واشوف  جروب  المرفوضين احزن  بالزايد  لكن  مثل  متكولون  هو الله  الي قاسمه  قاسمة والله  كريم  والحمد لله  على كل شي 


وديـــ  حبيبي  عراق

53
والدي  المفدى  بوركت  اناملك وطأن  الله  قلبك بالايمان  وجعلك  ممن يرضى  عنهم يوم  القيامة  بصراحة  انا شاكر  اليكم  يا والدي  على  هذه  الكلمات الجميله  التي  جعلت  في  نفسي  الطمأنينه واتمنى ان يجمعني الله بك  كي اشكرك وجها لوجه 



=======

kunda 

اخي  العزيز  اشكرا  للاضافتك  نورا  من انوارك  على  متصفحي  المتواضع   واحب  ان  ابلغك  اني  اكو  ثنين  من اخواني  لحد  الان  ما مسوين فحص  طبي  وهم  حاليا  وياي بالمقابله واتمنى  ان يوفقكم  الله  وحقق  امانيكم 


وديــــ  حبيبي  عراق

54
السلام عليكم  ورحمة الله وبركاته


بصراحة انا الان اعتقد  الكثير  منكم  يكول  شنو  السالف  راح يسافر  هذا  من  العنوان  لان  انا ادري  الكل  متحمسين  لمعرفة  نهاية  الانتظار  وشنو القصة واليكم  القصة  كالاتي 


انا  قدمة  على  برنامج الــــ IOM   بــ 2009 بس  بنهايتها 

اجتني  اول  مقابله بشهر 5 2010

وبعدها  بشهرين  اجاني اتصال فحص  طبي  وكملت  الفحص وقبل يومين  دزولي اميل يردون بيه  تلفون  واحد  من اخواني  ال يمقدم  وياي اني الكيس  مالتي  بي 8 اشخاص 

 الــــ IZ 111 هذي بداية  الـــــ IZ   ولكن  اليوم  وانا  كنت  ضايج  لان  عندي  ولد صديقي  اتصلو  بيه  ححدو  اله  موعد سفر  واذا  بي افتح  اميلي  والكي  المفاجئه الكبرى

حددو  لي  مقابلة  محلف  بموعد قريب  اعذروني  ما اكدر  اكوله شوكت  بس  اخوان  اني  هسه اريد  منكم  نصيحة اخو  الى  اخو  لان اني  متخوف  من  المحلف  شنو  راح  تكون  الاسئله  وشراح  اجاوب  واخاف  انرفض  والله  خايف  اخوان  ادعولي  بالتوفيق لان  والله  مليت  من  الايجارات  كل شوية  شارد  بمنطقة  وهسه صار  المثل  ينطبق  عليه الي يكول  مثل  ام  البزازين ههههه 


وديــــ  للجميع  حبيبي  عراق
[/size]

55
اخي عندما تقدم انسحاب احد الاشخاص من ملفك
لازم يتصلون بيك تلفونيا حتى يتاكدون انه الشخص المنسحب هوه ايريد ينسحب بكامل ارادته وبعدها يتم الفصل ويمشي ملفك اعتيادي بدونه
فهاي اجراءات عاديه مابيها اي غرابه


عاشت الايادي انطتكياها اخت ريم بالمضبوط

اولا شكرا  على  ردك  لكن  اختي  هم لم يتصلو بنا  واانا فعلا سابقا  كان  اخي  الاصغر  حذته  وتم  الاتصال بي  الان  هم يطلبون  رقم  تلفون  اخي  وليس رقم  تلفوني

 ودي 

56
السلام  عليكم 

  اخوتي  الاعزاء  قبل فترة  ارسله  رساله  الى  المنظمة  بالغاء  ملف  اخي  الذي  ضفته  معي لكن  لم يصلني  اي رساله  منهم  حتى  رساله  الاتو ربلي لم  تصل  الي اليوم  اتفاجئ  بوجود رساله  ربقم  الايز نمبر  الخاص باخي  يطلبون رقم تلفونه حتى يتم  المضي  بالملف  مالته  بصرحة  لا افهم  شو  قصدهم  بهذا  الشي  هل  ان ملف  اخي لازال  يعمل  وياي ولم يتم  حذفه ارجو  الايضاح  الي  عنده  خبرة 



وديــــ  حبيبي  عراق 

57
السلام  عليكم  اخي  العزيز 

  اولا  حبيبي  انا مقدم  من الـــ 2008 والى  الان  سويت  مقابلة  اولا  وفحص  طبي  ومن الشهر الـــ 5 2010 ولحد  الان  انا  انتظر  يدزولي  اميل عل  مقالبة  المحلف  وما اعرف  صار  اكثر  من شهر  وانا  ادخل  على  موقع عين  كاوا  وما الكه  شخص  كاتب  انو  دزوله  مقابله  يعني  اليوم  الا شفت شخص  دايزله موعد سفر  عجيب  شنو سبب  هذا  التأخر 

وديـــــ  ابن  الجنوب  حبيي عراق

58
السلام  عليكم 

اخي  انا قدمت  في الـــــ 2008 وقابلت اولى  في الشهر الخامس 2009  وكملت الفحص  في الشهر الــــ 7 2010 وانتظر  محلف الى  الان


والله  كريم

[/size]

59
السلام  عليكم ورحمة الله وبركاته 

اولا  احب  ان  ارحب بكل   الاخوه  والاخوات الموجودين  والموجودات الواصلينالى  امريكا  والواصلات  والمشمولين والمشمولات

وبعد

رسال  من العبد  الفاني الى كل  شخص 

عذرا عن  هذه  المقدمة  للفكاهه بس  الي  ردت  اكوله  انالموقع  هذا  موقع يزرع  الامل  والبسمة   ويغطي  كافة  الاحتياجات  العقلية  والنقلية الي  جاي  ادور  في اذهان  الكثيرين والمهم  هو  ان  كليتنا متحمسين  للسفر  ومتحمسين  لسماع  الخبر الحلو  والجيد واعتقد  ماكو  اي شخص  ما يتمنى  ان يكون اليوم قبل  باجر في  امريكا  مو  لان  العراق  موزين  لا بالعكس  هذا البلد اشرف بلد بالعالم  واطهر بقعه بالعالم بس  الامر كالاتي 
الكثير  من اتعرض  لتهديد  من  جماعات لا عدها لا ذمه  ولا ضمير  ومنيحجي وياك يصير  هو  اية الله بجامتي  ومن تسكت  عنه  يكوم يلتغ بيك  مثل العقرب الحياة  بالعراق  صعبه بناسها  مو بارضها  وما اعتقد اي شخص  من  عندنا مايحن للعراق ومهما يمر او يكون بيه من ظرف  زين الي اني اطلبه  منالجميع  ان  من  الي  عنده  خبره  ولازم يكون  موجود  ف يامريكا  ومنالي  طلعو  على البرانمجين  الس اي في  والاي  او ام  ولازم يكون  صار اله  هناك  اكثر  من سنه  يوض موضع  للي  ما عدهم  فكر  عن  الجو  في امريكا  او بداية  عن  التقديم  واالمقابلات  والسفر  والتوطين  والحياة الاجتماعية  للمهجر  وطبيعة استقبال الناس  الك  هناك وطريقة تعاملهم  وي  العراقي الي  جاي  مهجر والتسوق  والبيع  والشرة  ييعن التفاصيل  الي  يكدر  ان يسردها  في  هذا المنتدى  الجميل  واعتقد انو هاي المواضيع  هي  موجوده  بس  بشكل  منفصل  واتمنى  ما اطلت  عليكم

تقبلوا  مني  كل  الود  والاحترام

اخوكم  حبيبي عراق
[/size] [/color]

60
الف  مبروك اخي  ونتمنى  من الله  ان يوفقك  ويجعل  من  طريق  النور


واما بالنسبة  الى  كلامك  عن  العراقيين  الي  هم  يضلمون  الدنية  على  الشخص  الجديد  هذا  واضح  لان العراقي  مضروب بيه المثل وهو ما يحتاج  ان  تعرف بيه  الاخرين


وتقبل  مروري  لمتواضع 


وديـــــــ العراقي

61
الف  الف  مبروك  اخي  الغالي  

 بالمناسبة  اخي  انا قدمت  معاملتي بسنة 2009 واجتني مقابله  اولى سمنة  2010 بشهر الخامس  يوم  24 /5 علما  انو انا قدمت لخوية  بشهر السادس 2010 واجته  مقابله اولى 13/7 2010 وانا هسه  كملت  الفحص  الطبي يوم 23/7 ومنتظر  رحمة الله  عالمحلفين  والله  كريم

ادعولي  اخوان لان  اني بمنطقة  وكل  ساعه  واصلني   تهديد شكل  ويمكن شركة زين ربحو بس منعندي لان انا بالشهر اغير  خطي  الى عشر ارقام

  واعولي شباب

  حبيبي عراق[/b]
[/color][/size]

62
عمي  ابو  الحسن  اني  جدا  ممنون  منك  على  هاي  الدعوه  واتمنى  ان تكون  مقوبله  من الله  عز  وجل  وشكرا  لك  لتطريز  متصفحي بحروف  قلمك  وابداعك  يا  عم 



ابن  الناصرية 

63
الف الف  الف  مبروك  اخي  الغالي  ونتمنى  من الله الموفقية  لك  والى  كل الاخوان 




ابن الناصرية 

64
السلام  عليكم اخواني  واخواتي  الاعزاء




واخيرا  تم  اتمام الفحص الطكبي بتاريخ 1/8/2010 وبأنتظار  المقابله  الثاني  واللله  الموفق 



اخوان  ادعولي  بالتوفيق 


ابن  الناصرية 


65
السلام  عليكم  اخواني  واخواتي  الاعزاء



واخيرا  تم وبعون الله انهاء الفحص الطبي  الثاني في يوم  1/8/2010 وبأنتظار المقابلة الثانية والله المعين



ادعولي بان اتم المقابله الثاني باقرب وقت



اخوكم ابن  الناصرية 
[/color] [/size]

66
شكرا  اخت ريم  على الاضافة 



وتقبلي  ودي  واحترامي



ابن  الناصرية 

67
اخي  انا لحد  الان لم لم  اقابل  المقابله  الثانية  فقط اولى  وسويت  فحص  طبي 





اخوك ابن  الناصرية  وشكرا الى  من نور  متصفحي 

68
السلام  عليكم 


المقابله الاولى 23/5/2010

الفحص الطبي الاول اليوم  28/7/2010
الفحص الطبي  1/8/2010

ومنتظر الفرج للمحلف


لكن  عندي سؤال 

اذا  لم يذكر  لي اي  شخص  في امريكا يعني  ما عندي اي كفيل في امريكا هل  يتاخر  الموعد  مثل  ما  مذكور 




وديـــــــ   ابن  الناصرية 
[/color]

69
السلام  عليكم 


  اخوتي الاعزاء  واخيرا تمت  عملية الفحص الطبي بنجاح  ومنتظرين المحلف  والحمد لله 


  اخوكم  ابن الناصرية 

70
شكرا الى كل من نور متصفحي راجيأ من الاخوه الذين تم فحصهم في هذا المكان ارسال العنوان الكامل برساله خاصه الي كوني لاتوجد لديه معلومات عن الاماكن في بغداد لكوني من الناصريه

71
السلام  عليكم

اخوتي الاعزاء قدمت على بنامج الـــIOM وقد تمت مقابلتي الاولى ولكن المعتاد يكون الفحص الطبي في  مستشفى ابن البيطار مثل ما هو معروف حيث ان لدي الكثي من الاصدقاء تم فحصهم في مستشفى ابن البيطار ولكن اليوم تم الاتصال بي  وتم تحديد موعد الفحص الطبي لكن في عيادة ويمر في الجادرية وبصراحة انا متخوف من المكان الرحاء من لدي خبر في هذا المشال نصيحتي اخوكم



ابن الناصرية

صفحات: [1]