عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - mahmood alani

صفحات: [1]
1
السلام عليكم
شونكم اخواني واخواتي الاعزاء ان شاء الله تمام

احسن شي الواحد يكضية جمعيات لان الشغله مبينه كلش مطوله فكل كم يوم تطلع النه جمعية باسم جديد
اني هم من جماعة ال 112 ومقدم من ال 2009 وكل شي مكمل  ولحد الان .............................

جاري الانتظاررررررررررررررررررررررررررررررررررررررررررررررررررر
تحياتي للجميع

2
السلام عليكم
الف مبروك اختي زهرة وان شاء الله الله يسهل الج كل امر عسير ويرزقج  ويفتحه بوجهج يا رب
نتمنى  الج حياة سعيدة
تحياتي الج ولجميع الاخوه والاخوات
اخوكم محمود العاني

3
السلام عليكم
تعقيبا على كلام الاخت نوسه اليوم صدك بابن البيطار اكو 4 عوائل مو 3 اجو كملوا فحص نهائي واخذو الحبايات الخاصه بالطيران وكان موعد سفرهم باجر ....
اعتقد اكو خربطة بجدول سفر  ال اي او ام!!!!!!!!!
تحياتي للجميع

4
السلام عليكم
يمكن احنه الجماعة ناسينه بس يالله مو مشكله لنشوف وين تاليه
تاريخ التقديم شهر الثالث 2009 وهاي باقي تفاصيل الكيس مالتي
مقابلة اولى /Apr,28,2010
فحص طبي /Aug,3-5,2010
مقابلة ثانية /Aug,26,2010
موافقة محلف /Sep,30,2010

ولحد الان  ماكو اي تطورات
محمود العاني

5
السلام عليكم
شونكم اخواني وخواتي الاعزاء .... ان شاء الله الكل تمام ؟
الف شكر لجميع الاخوه والاخوات الي ديسالون عليه  والله يبارك بيهم جميعا ويحفظهم من كل شر.
اني الحمد الله زين بس الشغل ماخذ وقتي  وبالليل من ارجع لبيت قليل ما افتح نت والحمد الله على كل حال
الف مبروك للاخوة الي سافروا ويارب الله يوفقهم ويفتحه بوجهم ويرزقهم ويسهل الهم كل امر عسير . بالنسبه الي لحد الان ماكو اي جديد دننتظر لنشوف وين تصفه والله كريم اذا الله كاتبه النه نروح واذا لا  فهم الحمد الله  على كل حال قدر الله ما شاء فعل
شكر مره ثانيه للجميع
اخوكم محمود العاني

6
السلام عليكم

شونكم اخواني وخواتي الاعزاء ان شاء الله الكل بخير
شخباركم شكو ماكو  شون العنويات ان شاء الله تمام؟
عذروني على قلة مشاركاتي معاكم بس والله ضروف الشغل والود بالشغل ماخذ اغلب وقتي
حبيت اسلم عليكم واطمن على الكل .............. تحياتي الكم جميعا ادعو من الله بالموفقيه للجميع
اخوكم محمود العاني

7
السلام عليكم
شونكم اخواني واخواتي الاعزاء ان شاء الله الكل بخير ... شكو ماكو اخبار امور شو بعدكم محد مسافر اني كلت ادخل هس الكه نص الجمعية مسافره ؟ بس الضاهر بعدكم بمكانكم واني هم وياكم كاعد على الواهس ودننتظر رحمة الله
اهلا وسهلا بالاعضاء الجدد بالجمعية ونكلهم الف هلا بيكم ويانه وخوش بينه تقبيطه مالت طياره دايركت ال امريكا
اعتذر منكم عن قلة دخولي للجمعية بس والله الشغل ماخذ اغلب وقتي  وان شاء الله اني ادخل كل فترة واطمن على الجميع
تحياتي الكم جميعا يا غالين
اخوكم محمود العاني

8
السلام عليكم

شونكم اخواني وخواتي ان شاء الله تكونون بالف خير . شكرا لسؤالكم عني وممنون منكم هوايه اني الحمد الله زين بس تعرفون الشغل والجماعه شويه كابسين علينه ومدينطونه فكه .
الف مبروك اختي ام زين وانس وان شاء الله الوصول بالسلامه ويارب الله يوفقكم في حياتكم ويحفظكم

تحياتي للجميع
اخوكم محمود العاني

9
السلام عليكم
شونكم اخواني واخواتي الاعزاء ان شاء الله تكونون بالف خير وصحه
اعتذر منكم عن قلت مشاركاتي وياكم وقلت دخولي الى الجميعة وهذا كله بسبب ضغط الشغل . علما انو اني ادخل مرات بسرعه اشوف شكو ماكو واطمن عن اخباركم واتمنى للجميع يارب الموفقية وتحقيق كل الاماني يا رب
تحياتي للجميع
اخوكم محمود العاني

10
السلام عليكم
شونكم اخواني واخواتي الاعزاء ان شاء الله الكل بخير والحمد الله
اخت ميريام الف هلا برجعتج والحمد الله اطمنه عليج
تحياتي وسلامي للجميع

اخوكم محمود العاني

11
السلام عليكم
شونكم اخواني واخواتي الاعزاء ان شاء الله الكل بخير ومرتاحين .
بدايتا احب اشكر كل من سئل عني  وافتقدني بهذه الجمعية الحلوه وهذا ان دل على شيء فيدل على محبت الجميع والاخوه .
اخويه حسن الورده الف الحمد الله على سلامتك وسلامة الاهل ويارب ان شاء الله الله يوفقك ويفتحه بوجهك ويسهل امرك ويرزقك . اخوي اي فوك مبروك جدولة السفر وان شاء الله عقبال السفر الك وللعائلة  ... عذروني اخواني جتي التهاني الكم مني متاخره بس والله مثل متعرفون هاي ضروف الشغل فارجو المعذره من الجميع.
اختنا العزيزه ميريام شو ماكو مشفت اله اي مشاركات عسى المانع خير يا رب وتدخل وطمنه عنه .
مره ثانيه الف شكر الكم جميعا وتحياتي لجميع الاخوه والاخوات
اخوكم محمود العاني

12
السلام عليكم

شونكم اخواني وخواتي الاعزاء ان شاء الله تمام والله مشتاق اسمع اخباركم الحلوه  وافرح  بسماعه واشكر كلمن ديسال عني  ويتفقدنه داخل المنتدى . ان شاء الله  ما بقى شي وهانت وصير اسوالف اخواني ما الكم غير الصبر  ونصيحه مني حالوا شكد متكدرون انو متفكرون بالموضوع لان التفكير الكثير راح يتعب نفسيتكم والله .فاخليه على الله وهو ارحم الراحمين . اني بالنسبه الي من اخر ايميل وصلني لا خابرتهم ولا حتى دزيت ايميل الهم  مخليه على الله اذا صارت الف هلا بيها واذا مصارت شسوي هذا حظي من الدنيا . واسف اذا طولت عليكم بس حبيت اسلم عليكم واطمن على احوالكم واسمع اخباركم الحلوه
اخويه ابو عباس الورده الف مبروك على هذا الخبر الحلو ويارب يوم توصل الى امريكا انت والعائله بالف سلامة وخير وان شاء الله الله يوفقك ويفتحه بوجهك ويرزقك من حيث تحتسب ولا تحتسب.

اخوكم محمود العاني

13
السلام عليكم
شونكم اخواني واخواتي الاعزاء ان شاء الله بخير
حبيت اليوم اسجل حضور يمكم  واطمن على اخباركم

تحياتي الكم جميعا
اخوكم محمود العاني

14
هلو اختي يقطينه شونج عيوني ان شاء الله تمام

بالنسبة الملفي والله ماكو اي شي  ولا حتى اتصلوا بكفيلي ...واني صراحتا مدى افكر بالموضوع لان والله من افكر اتعب كلش فاحسن شي اخليه على الله . تعلمنه على الصبر 

تحياتي الج وشكرا  لسؤالج عني
محمود العاني

15
هلا اختي ميريام الف الف الحمد الله على السلامه  والله اني اعتذر منج بس والله اني مكنت متواجد فارجو المعذره منج اختي الغاليه .
اختي العزيزة ان شاء الله ما عندج الا العافيه وان شاء الله يا رب خفيفه توكلي على الله

اخوكم محمود العاني

16
السلام عليكم

شونكم اخواني واخواتي الاعزاء ان شاء الله بخير  والله مشتاق الكم هوايه ومشتاق اسمع اخباركم الحلوه بس شسوي الشغل تقريبا ماخذ اغلب وقتي و مثل متعرفون بالعراق العظيم  نركض  من الصبح الى الليل حتى نمشي الامور . اسف عن الانقطاع عنكم وعن سماع اخباركم بس ارجو من  الكل ان يعذرني  واليوم صار عندي شويه فراغ فطبيت مباشرتا للمنتدى 

احب ابارك لكل شخص اجاه موعد سفر او ايميل  بي خبر حلو وان شاء الله يا رب الكل ا سافر  والله يوفقهم في حياتهم الجديده
تحياتي الكم جميعا
اخوكم محمود العاني

17
السلام عليكم

شكرا لجميع الاخوان الي ديشاركونا بمعلوماتهم المفيده  واتمنى من الله ان يوفقهم في حياتهم الجديده

بس اذا امكن احد من الاخوان الاعزاء ان يحجي النه عن مدينة وستر ولو نبذه بسيطه عن الحياة فيها من جانب المدراس والعمل والسكن  وعمل المنظمات فيها واكون شاكر للجميع

تحياتي للجميع

18
السلام عليكم
شونكم اخواني واخواتي الاعزاء ان شاء الله بخير
بدايتا احب اشكر جميع الاخوة والاخوات الي ديسئلون  عني  لان هم فعلا اكثر من اخوه الي بهذا المنتدى الرائع  وان شاء الله دائما هم بخير وصحه وعافيه والله يوفقهم ويستر عليهم  ويحفظهم من كل مكروه وان شاء الله نسمع اخبارهم الحلوه عن قريب يا رب.
والله اني الصراحه مدى ادخل على المنتدى لان والله ملتهي بالشغل وماخذ تقريبا كل وقتي ومن ارجع المغرب للبيت ما افتح نت  لان تعبان كلش  فاعتذر منكم على هذا الانقطاع بس ان شاء الله اني كل كم يوم ادخل واطمن عليكم وعلى اخباركم

اخت ميريام سلامات ان شاء الله وما عندج الا العافيه يا رب دعائي الج بالشفاء العاجل يا رب والله هس اني طبيت للمنتدى وداشوف الردود فعرفت انتي مريضه ان شاء الله ما عندج الا العافيه اختي العزيزة.
 تحياتي وسلامي الحار لكل اعضاء الجمعية 
اخوكم محمود العاني

19
والله هذا الموضوع ايدوخ
واني هس افتر عندي الديلكو خصوصا اني وقعت عقد ويه منظمه انسانيه امريكيه بالعراق مدة سنتين ومكمل كل مقابلاتي بال اي او ام ودانتظر موعد سفر
الحجي بيناتنه يمكن راح ابطل واكعد بمكاني احسن ما اتبهدل وابهدل عائلتي ويايه وراح اعيد كل حساباتي بموضوع السفر
تحياتي الك صاحب الموضوع والله يفرجه عليك وعلى جميع اخوانا العراقيين بالغربه
اخوكم محمود العاني

20
السلام عليكم
شونكم اخواني واخواتي الاعزاء ان شاء الله بخير
تحياتي للجميع .....اخوكم محمود العاني

21
السلام  عليكم  اخواني واخواتي الاعزاء
بمناسبة عيد الاضحى اتقدم اليكم باحلى التهاني و التبريكات سائلا المولى عزوجل ان يعيده علينا وعليكم بالخير والايمان واليمن والبركة و ان يحفظكم و يوفقكم لمايحب ويرضى واسال الله العلي العظيم ان يحفظ عراقنا وامتنا الاسلامية من كل مكروه وان يديم علينا نعمه ظاهرة وباطنة انه ولي التوفيق ..

وكل عام وانتم بخير
اخوكم محمود العاني

22
السلام عليكم
شونكم اخواني واخواتي الاعزاء ان شاء الله تمام
الاخت يقطينة الغاليه الجماعة مقابلين بالتاريخ الي ذكرتيه صح ... وعاشت ايدج على هاي الصوره الحلوه والله ضحكت من كل كلبي  ههههههههههههههههه مسكين هذا الطلي
اخت ميريام الغاليه الف شكر على الكليجة التوب مبين عليه كلش طيبه الف عافيه .
الاخوة والاخوات  الغالين العبير, حسن ,يقضان ,اي فوكس,الانجليل, سويدن,امكرانت........... وعذرا اذا نسيت احد من الاخوه

كل عام وانتم بالف  خير وعيد سعيد على الجميع وان شاء الله يا رب تحقيق كل الاماني ويارب تسهيل امور السفر للجميع
اخوكم محمود العاني

23
عاشت ايدك حبي يقضان على هاي المعلومات الحلوه والمفيده ...
دائما انت مبدع وسباع بالمواضيع الحلوه
تحياتي الك ورده
اخوك محمود العاني

24
الله كريم ان شاء الله الله يسهل للجميع
حضرو االجنط

25
صباح الخير
شونكم اخواني واخوتي الاعزاء ان شاء الله بخير
اليوم اجاني خبر حلو ويمكن راح تتفائلون بيه .....
احد اصدقائي اليوم بلغني انو اجته الموافقه الامنيه ومتصلين بكفيله حت يحضر يوقع الاوراق الخاصه بيه

علما انو هو قابل ورايه اب 14 يوم  فان شاء الله خير على الجميع وبلكت هذا الاسبوع يكون اسبوع خير على الجميع ويه فرحة العيد
تحياتي للجميع
اخوكم محمود العاني

26
السلام عليكم

شونكم اخواني واخواتي الاعزاء ان شاء الله بخير
الاسبوع الجاي ان شاء الله راح توصلكم ايملات الموافقات الامنيه لان راح يبدون بجماعة شهر الثامن وخصوصا العوائل
وان شاء الله الله يسهل على الجميع
تحياتي وسلامي الحارررررررررررررررررررر للجميع
اخوكم محمود العاني

28
السلام عليكم
ممنون الجميع الاخوه والاخوات على ردودهم وبارك الله بيكم جميعا
اخوكم محمود العاني

29
صباح الخير على جميع الاخوه والاخوات

شونكم شخباركم ان شاء الله بخير

30
حبيت اوضح الكم فد شغله النتيجه بالنسبه للموافقه الامنيه او الجدوله او موعد السفر توقاعتي اتبين بعد  شهرين الى شهرين ونص من بعد وصل ايميل موافقة المحلف يعني يمكن شغلتنه على بدايه السنه الجديده لان بهاي الفتره راح يكملون جماعة الاشهر الي قبلنه وهم يسون تصفيه لباقي الكيسات المتاخره وراح اصادف اعياد الميلاد مثل مذكر احد الاخوه وهاي هم راح تاخذ وقت لان الجماعه كله تنخبص بهاي الاعياد . فعليه مثل مكلت قبل مده الواحد ميفكر ولا يحسب ويعتبر نفس هس مقدم على اي او ام ودينتظر المقابله الاولى .................. والله كريم يفرجه على الجميع لحد يزعل عليه هذا مجرد تخمين وتوقعات اني حسبته بدماغي وحسب ما شفت بكيسات سابقه مقدمه
اخوكم محمود العاني

31
السلام عليكم
شونكم اخواني واخواتي الاعزاء ان شاء الله تمام
شون معنوياتكم ؟ ان شاء الله تمام ؟
شكرا اختي ميريام على كل الادعيه والله يتقبل منج وكله ان شاء الله بميزان حسناتج
اكو واحد غياب (يقضان ) عسى المانع خير
تحياتي الكم جميعا
اخوكم محمود العاني

32
مبررررررررررروك اخويه حسن وان شاء الله يوم سفرك انت والعائله وتوصلون بالف سلامه
هلو يقطينه الحمد الله ماشي الحال تمام ............ اللهم امين ويسافرون كل الاخوه والاخوات والله يسهل للجميع

تحياتي الكم جميعا
اخوكم محمود العاني

33
السلام عليكم

شوووووووووووووونكم ان شاء الله بخير
شكو ماكو اخبار امور
شو اليوم الجمعيه صايره دردشه ههههههههههه
ان شاء الله دوم فرحانيين  يا رب
تحياتي للجميع
اخوكم محمود العاني

34
صباح الخير عليكم جميعا
شونكم اخواني واخواتي الاعزاء ان شاء الله بخير

35
هلووووووووو شونكم شخباركم
ليش اليوم مسجليني غياب يمعودين تره اني من الصبح جنت موجود وحتى شوفو الردود مالتي اني كل شي الا الخفاره ما بيه حيل عليه اني ارجع الساعه 5 انوب الزم خفاره يبوووووووووووووووووووو
اخوكم محمود العاني

36
هلو اخويه الغالي (الطير الحر) اولا اهلا بيك بالجمعيه مالتنه وان شاء الله تستفاد  وتفيدنه من كل موضوع ينزل بهذه الجمعيه الحلوه لان اعضاء هذه الجمعيه كلهم وررود  ويتخلون على الجرح يطيب
ثانيا اخويه العزيز انت صارلك شهر من قابلت يعني بعدك باول الطريق لا ضوج مني لان راح احجي الك بصراحه وتكدر انت تتاكد من اجوبتي تحسب بعد المقابله الاولى شهرين راح يدزون عليك على فحص طبي اولي  والثاني بعد 3 الى 4 ايام من الاولي وبعده  تحسب تقريبا شهر يحددون الك مقابله مع المحلف ونتيجة المحلف توصلك تقريبا بعد شهر الى شهر ونص هذا بالنسبه للروتين الي مشينه عليه  ارجو ان اكون قد وفيتك الاجابه وطبعا هذا كله بعد امر الله والتسهيل من ربك توكل على الله اخويه العزيز.
اذا احد عنده جواب ثاني خلي يتفضل بيه
اخوك محمود العاني

37
السلام عليكم
شونكم اخواني واخواتي الاعزاء
ان شاء الله اليوم نسمع اخبار حلوه كولو امـــــــــــــــــين
اخوكم محمود العاني

38
السلام عليكم
 شوووووووووونكم اخواني واخواتي الاعزاء ان شاء الله بخير
ماشاء الله اليوم الجمعيه بيه فد حركه ونشاط  مو طبيعي ان شاء الله دائما يبقى هذا النشاط والحيويه عاليه . ولو اني اتمنى منخلص هاي الصفحه 6 الا واحنه مسافرين هههههههههههههه بس شسوي اليقطونه نازله دك ردود وكوه تريد تخلصه عاشت ايدج اختى العزيزه على هذا النشاط وروح الابداع
سلامي الجميع الاخوه والاخوات وان شاء الله الله يسهل امور الجميع ويفرجه علينا جميعا
اني بالنسبه الي الولايه الي اريد اروح عليه اذا الله قدر وشاء هي(Massachusetts worcester )
اخوكم محمود العاني

39
اخويه الغالي حسن الورد
اللهم رب يلم شملك بزوجتك وابنك وترجع الى بلدك الثاني وتستقر وتبدي من جديد ... يا اخي العزيز هاي رجعتك اعتبره تجربه  انت سويته بحياتك ولا تاكل اله هم لان صارت بعد ولاتنسى هذا شي مكتوب الك من رب العالمين ولازم اتمر بيه . فاخوي توكل على الله وها هيه  وين متصفى خليه تصفى
اخوك محمود العاني

40
السلام عليكم
شونك اخويه نور الورده ان شاء الله تمام
حبيبي الغالي عاشت ايدك على هذا المجهود الرائع والشجاع وهذا اذا يدل على شي يدل على انك عراقي اصيل وابو غيره
الك مني اعلى تقدير من الاجلال والاحترام والتقدير لكل مواقفك الشجاعه . واني ان شاء الله بس الله يسهل عليه واسافر من العراق واوصل مدينة  وستر من اصير هيج نقاشات او ندوات تلكاني اول واحد واكف وياك.
تحياتي الك يا ورده
اخوك محمود العاني

41
السلام عليكم
شوووووووووووووووونكم يا حلوين ان شاء الله تمام
شكرا لكل واحد سال عني وبارك الله بيكم جميعا ...
اولا: احب اكول الاخويه رومانو عاشت ايدك على  الاكسل شيت الحلو ومجهود رائع يا اخويه الحبيب بس عندي فد مقرتح صغير نكدر نظيف بعد خليه ونخلي بيه تاريخ وصول موافقة المحلف حتى نكدر نسوي مقارنات او استنتاجات تخص وصول مواعيد السفر والجدوله مع باقي اعضاء المنتدى .
ثانيا: اني صحيح تواجدي قليل بالجمعيه وهذا بسبب شغلي لان دوامي من الساعه 8 الى 4.30 واغلبيتكم يعرف شغل USAIDشكد متعب صحيح اني مرات تلكوني داخل للمنتدى بس اني عايف الكمبيوتر (ههههههههه حتى لحد يعتب عليه ويكول شو داخل بس ميشارك).
اللهم يا رب هاي الصفحة اتكون خير على الجميع وان شاء الله اخر صفحه نفتحه من العراق.
تحياتي للجميع
اخوكم محمود العاني

42
السلام عليكم
شونكم اخواني واخواتي الاعزاء ان شاء الله بخير ...
احب اقدم الشكر الجزيل لكل اعضاء هذه الجمعية لان بصراحه اكوله الكم انتم نعم الاخوه ونعم الاصدقاء الاوفياء لان دائما دتبثون روح التفائل بكل واحد مقدم على الهجرة ودائما دتتفاعلون وياه وتردون على اسئلة الحائرين الي ديطبون هنا .
وهذا كل مثل لروح الشهامه والاخوه الي بيكم .نعم انتم فعلا نعم الاخوه والاصدقاء الاوفياء وادعي من الله ان يسهل لكم اموركم وان يوفقكم ويستر عليكم
شكر خاص للاخت ميريام على كل دعاء دتدعيه النه واللهم رب يجعله في ميزان حسناته واني  اضم صوتي الصوته واكول يا رب ان شاء الله نسافر بطياره وحده ... وعود نتناقش بامور الجمعيه بالطياره بس هاي المره راح تكون مباشر واون لاين.
شكرا خاص للاخوه حسن وابن الناصريه وايفوكس ويقطينه الحلوه والاخ يقضان الي دائما يمتعنه بمواضيعه الحلوه والمفيده.
تحياتي الكم جميعا واسف للاطاله
اخوكم محمود العاني

43
عاشت ايدك على هذا المجهود الرائع ............ وننتظر منك المزيد
تقبل مروري
محمود العاني

44
الف مبروك عليك اخويه العزيز البيت وان شاء الله تسكن بي وتسقر انت وعائلتك الكريمه
نتمنى من الله الموفقيه للجميع
اخوك محمود العاني

45
ان شاء الله اخت يقطينة
اللهم اميـــــــــــــــــــــــــــــن

46
السلام عليكم
شونكم اخواني واخواتي الاعزاء ان شاء الله تمام
مبقى شي على شهر ال 11 الا القليل وننتظر والله كريم ومثل مكلت الكم لاتفكرون بالموضوع وعتبروا انفسكم هس مقدمين ودتنتظرون المقابله الاولى ...

تحياتي للجميع

اخوكم محمود العاني

47
السلام عليكم
شونكم اخواني واخواتي الاعزاء ان شاء الله بخير
يارب نسمع اخباركم الحلوه
اخوكم محمود العاني

48
السلام عليكم
شونكم اخواني واخواتي ان شاء الله تمام

اخويه العزيز يوزارسيف بالخير عليك اكمال الفحص الاولي وان شاء الله الثاني هم سهل ومابيه اي شي بالعكس ابسط من الاول كله شغله ساعه بالكثير واتمنى الك الموفقيه والسفر السريع والسهل والامن  ان شاء الله .


اخويه Romano   ان شاء شهر ال 11 يكون خير علينه وعلى جميع الي منتظرين سفر ويارب يكون موعد السفر قبل شهر ال 12  لان على حجايتك راح تكون سنة ماليه جديده بعد هذا الشهر. اهم شي الواحد ميفكر بالموضوع ويتركه على الله وهي تصفى

سلامي الحار الى جميع اخواني واخواتي بتجمعنا هذا لان والله وبكل صراحه هم مثل للاخوه والاصدقاء الاوفياء (رب اخ لم تلده امك) وهذا هو الصديق الوفي ..

اسف للاطاله عليكم

اخوكم محمود العاني

49
السلام عليكم
هلا اخويه حسن شونك  انت شخبارك ان شاء الله تمام .. اني الحمد الله زين اشكرك للسؤال عني يا ورده
بالنسبة الكلامك اخويه A-FOX  صحيح  اني اتفق وياك حسب ما شفته الباقي الاعضاء الي اتحدد الهم مواعيد  سفر او خلوهم على الجدوله تكدر اتكول من شهرين الي شهرين ونص يعني من بعد وصول موافقة المحلف...
فا خليه على الله والواحد ميفكر بيه نعتبر انفسنه هس مقدمين ودننتظر المقابله الاولى وهذا طبعا كله بعد امر الله والي كاتبه الله يصير .
تحياتي للجميع
محمود العاني

50
السلام عليكم

شونكم اخواني واخواتي الاعزاء ان شاء الله تمام
مشكور اخويه يقضان على هاي المعلومات الحلوه وعاشت ايدك

تحياتي للجميع
اخوكم محمود العاني

51
السلام عليك

شونكم خواني واخواتي الاعزاء ان شاء الله بخير

ان شاء الله اليوم نسمع اخبار حلوة من جميع الاخوه والاخوات

مشكور اخويه يقضان على هذا المجهود الاكثر من رائع

تحياتي للجميع
اخوكم محمودالعاني

52
عاشت الايادي مجهود رائع

تقبلوا تحياتي

محمود العاني

53
السلام عليكم

اخواني الاعزاء فعلا هذا الموضوع يستحق المتابعة ونريد من جميع الاخوان الي سافرو ا وستقرو ان يكتبون النه وبتوضيح اكثر ولو اني اعرف راح ناخذ من وقتهم بس مو مشكله خلي يتحملونه شويه لان مثل متعرفون الواحد اول ميوصل اذا عنده معلومات ولو بسيطه يكون شويه مرتاح ويعرف شون يتصرف .واذا اكو واحد يعرف عن ولاية  ومدينة  massachusetts worceter   خلي يكتب النه عنه شي ايفيدنه .
تحياتي للجميع
محمود العاني

54
السلام عليكم
شونكم اخواني واخواتي الاعزاء ان شاء الله بالف خير...
بالنسبة الشغلتج اخت ميريام اني اشوف ماكو داعي للقلق لان شغلت التاجيل صايره شغله روتينيه عند الجماعة .واني من خلال متابعاتي للمواضيع استنتجت انو احنه الي مقابلين بشهر الثامن  والي اجتنه موافقات مبدئيه يعني اذا اكو موعد لتحديد السفر فاعتقد راح يتحدد بعد شهر ال 11 والسفر يكون قبل نهاية 2010 بس هي مثل متعرفون مسالت وقت والجماعة عليهم لود كلش قوي . فنصبر وعليك يا الله والصبر مفتاح الفرج مثل ميكولون
تحياتي الكم جميعا
اخوكم محمود العاني

55
هلو حبيبي حسن

عاشت ايدك على هاي الصور الحلو الي تفتح النفس ............. بس احلى صوره بيهم الاخير اويلي على الجاي اموت عليه

تقبل مروري

اخوك محمود العاني

56
السلام عليكم

الف هلا ابن الناصريه الورده وحمد الله على سلامتك وان شاء الله عقبال فحص ما قبل السفر 

تحياتي الك ورده

اخوك محمود العاني

57
السلام عليكم

شونكم اخواني ان شاء الله بخير
اشكركم على ردكم على سؤال  الاخ حسن والاخ A-FOX
اي صح اذا اكو ضغط على منظمة معينه يتحول بس انت تعرف يعني اني مرتب ويه كفيلي  وهو الرجال كل يوم او بين يوم ويوم يتصل بيه وحيل مهتم للموضوع واني بصراحه هم حاب اروح يمه الولايته والمدينتة  الي هي وستر واكيد تعرفوه . فالبارحه من شفت صاير هيج ويه الاخ اموت على العراق الحجي بيناتنه بكت طن هوة ورجعت اضرب اخماس باسداس لان تعرف انت اذا تلكه مباشرتا واحد ينتظرك هناك ومرتب الك امورك خصوصا من ناحيه السكن وكل شي شويه نفسيتك ترتاح بينمى اذا الجماعه فروه علينه فيا مصايب الله ........ اسف للاطاله

تحياتي للجميع
اخوكم محمود العاني

58
السلام عليكم
شونكم اخواني وخواتي ان شاء الله بخير
اليوم جنت اصفح بجمعية الي مقابلين شهر ال 5و6و7 ولكيت احد الاخوه منزل موضوع متصلين بي  اليوم ومحددين اله موعد سفر .بس الغريب بالموضوع والي بصراحه ادهشني وخوفني والي هو موضوع الكفيل لان يكول اني عندي كفيل بس اليوم من مخابريه طالع اله غير ولايه مو الي بيه كفيله ف شنو الفلم معرف ؟؟؟

اخوان الي عنده معلومة اتفيدنه بهذا الموضوع خلي يكتبه النه

تحياتي الكم

اخوكم محمود العاني

59
السلام عليكم

شونكم اخواني واخواتي الاعزاء ان شاء الله بخير .....

مبروك عليكم فتح الصفحة الرابعة وان شاء الله اتمنى من الله  ان تكون الاخيره يعني بين متكمل هاي الصفحة ان شاء الله الكل مسافرين وخلصانيين من هذا الهم والقهر

تحياتي للجميع

اخوكم محمود العاني

60
السلام عليكم
زين هس اريد نعرف الولايه زينه لو لا لان اكو ردين متناقضة واحد يكول زينه واحد يكول متفيد اخواني لاتحيرونه والله احنه دايخين من غير كل شي

تحياتي للجميع

محمود العاني

61
السلام عليكم

عاشت الاسامي اخوي حسن واتشرفت بيك
ممنون الك على الرد

تحياتي الك يا ورده
محمود العاني

62
السلام عليكم

والله عمي كلامك صحيح وهي هاي الحقية المره الي لازم نعترف بيه وللاسف ضيعنة كل شي . ونطلب من الله ان يبدل حالنا هذا الى احسن حال  تمنياتي لك بالموفقيه والنجاح

اخوك محمود العاني

63
السلام عليكم
شونكم اخواني وخواتي ان شاء الله بخير .اتمنى من الله العلي القدير ان يكونون الجميعباتم الصحه والعافيه ومرتاحين البال.بدايتا احب اشكر الاخ يقضان على هاي المعلومات الي ديتعب ويجيبه النا لان راح نحتاجه, اكيد واشكر جميع الاخوه والاخوات الي ديسئلون عليه الله يبارك بيكم جميعا .
وهنا حبيت اوجه سؤال للاخ حسان اني بالنسبه الي كتبته حسان فاذاقراتي لاسمه غلط ارجو منه ان ايكلي حتى بالموضوع الجاي اكتبه . سؤالي هنا ان الوثائق المدرسية بالنسبه للاولاد ابتدائية ومتوسطه ومالت الاعدادية بالنسبة الي هل لازم انجيبه معانا او هل من الضروري انو اتفيدنه في امريكا ؟ وهل اذا صدك احتجناها لازم تكون مصدقه من التربية  ومترجمه ومصدقه من وزارة الخارجية ارجو ان اذا عندك معلومات بهذا الخصوص ان اتفيدنه وتفيد باقي اعضاء المنتدى  واكون ممنون الك يا ورده.

تحياتي لجميع الاخوه والاخوات
اخوكم محمود العاني

64
السلام عليكم
شونكم عيوني ان شاء الله بخير وشون المعنويات ان شاء الله توب
اخويه يقضان عاشت ايدك على سرد ونقل  هاي الحلقه الحلوه وما فيها من معلومات مفيده اكيد الواحد راح يحتاجه ان شاء الله من يوصل الى امريكا . واني راح انتظر منك الحلقه الثانيه

تحياتي لجميع الاخوه والاخوات

محمود العاني

65
السلام عليكم

شونكم شباب ان شاء الله تمام . ان شاء الله باجر بداية اسبوع جديد وان شاء الله نسمع اخبار حلوه من الجميع .
حبيت هنا انبه على شغله مهمه ويمكن قبل فتره  احد الاخوان هم نبه عليه اخواني الاعزاء اي واحد يتحدد اله موعد فحص طبي او مقابله رجاءا لا يذكر مكان الفحص ولا الموعد وهذا حفاظا على سلامته هو خاصتا لان مثل متعرفون المنتدى مفتوح للجميع واي واحد يكدر يجي ويطب ويطلع على كل التفاصيل . فا خواني الاعزاء حافضو على سرية الموضوع .

تحياتي للجميع
محمود العاني

66
خلوووووووووووووووووووه على الله وين مصير خلي اصير لحد يدوخ راسه
تحياتي للجميع

67
السلام عليكم

مبروك ميريام اكمال الفحص وان شاء الله عقبال موعد  السفر

تحياتي الج يا ورده

محمود العاني

68
الف مبروك اخويه حسن وان شاء الله عقبال الموافقه الامنيه والسفر
والله يسهل امرك وامر جميع الي مقدمين
تقبلي تحياتي
اخوك محمود العاني

69
السلام عليكم
شونكم شخباركم ان شاء الله تمام

مبروك افتتاح الصفحه الثالثه وان شاء الله يا ربي صفحة خير على الجميع

تحياتي الكم ..... محمود العاني

70
السلام عليكم

شونكم اعضاء جمعيتنا الحلوة ان شاء الله تمام ؟ اهم شي معنوياتكم تبقى عاليه ويبقى املكم بالله  لان كل شي بيد الله واللي كاتبه الله يصير ولا زم نرضه بيه سواء كان خير او شر ........ واهم شي انك بكل صلاة تدعي من الله هذا الدعاء

اللهم ربي ان كان سفري هذا لي بيه خيرا فقدمه لي وسهل لي من امري ما تعسر , وان كان بيه شرا  لي فبعده عني

ويارب كل تمنياتي بالموفقيه للجميع

اخوكم محمود العاني

71
اخويه  رمانو بخصوص الفحص الطبي المفروض انت امسويه قبل المقابله مالت المحلفين هذا الي اعرفه  اني

اما اذا انت مقابل وبعد ممسوي فحص يجوز شغله عاديه هم ال اي او ام بكيفهم ياجلون الفحص ويقدموه 


والفحص الطبي على مرحلتين الاولي فقط للكبار  وميطول  ان شاء الله وكلش سهل وبعده بيومين لو ثلاثه اسوي الفحص الثاني  والي يشمل جميع افراد العائله وهم شغلته سهله وميطول بامر الله.
ارجو ان استفاديت من تعليقي على سؤالك
تقبل تحياتي

72
السلام عليكم  .......
شونكم اخواني وخواتي ان شاء الله تمام وشون معنوياتكم ...
بشرونه ماكو اخبار حلوه ؟؟؟؟؟

73
الف مبرررروك اخويه سامي وان شاء الله يوم تحديد موعد السفر وهم اتبشرنه

وان شاء الله الله يسهل امور جميع اعضاء الجمعية وتوصلهم ايميلات القبول والسفر


تحياتي للجميع

74
تسلم اخويه العزيز الله يبارك بيك وان شاء الله الله يسهل امرك وامر اخوك واتمنى الكم التوفيق جميعا

تحياتي الك ورده

75
هلو ضرار

اشكرك اخويه العزيز .. اني جنت مفتهم الايميل على انو تاجلت القضيه ؟
فاذا عندك مجال ندردش شويه على الايميل وافتهم منك
تقبل تحياتي

76
هلوووووو شباب شونكم ان شاء الله تمام
اليوم حبيت انضم  وياكم واتواصل حتى انشوف ايمته الله يفرجه علينه ...اخواني اخواتي اني قابلت المقابلة الثانية بيوم 26/8/2010 طبعا اني مكمل فحوصات واجاني ايميل من IOM بتاريخ 30/9/2010 والايميل يكول محتاجين بعد وقت للدارسه وان الشغله متاجله واني يمكن شفت شباب هم واصلهم نفس ايملي  فاذا اكو احد وصله ايميل بخصوص هذا الموضوع خلي اينزله حتى انشوف شنو الفلم والله يفرجه على الجميع وان شاء الله يا رب الكل اسافر والله يوفقه .... تحياتي للجميع .
The Baghdad Info Center writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter.

 

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

 

Your case will continue to be processed.  When there are updates on your case, and a final decision is made, you will be notified. It is not possible to estimate how long this will take.

 

You will find a scanned copy of your decision deferral letter attached to this email.

 

It is very important that your reply to this email (do not send a new, separate email) to confirm that you have received this email and the attached letter.

 

We can not proceed with your case until we have received a reply from you. When you reply please write the following:

 

“I confirm that I have received this email and the attached decision letter for my refugee case with the United States Refugee Admissions Program.”

 

Please write your name at the end of your reply.

 

After we receive your reply, we can proceed with your case.

 

Please note that if your case is approved you do not have an option about when you can depart or delaying your case for any reason.

 

Once you receive a date for departure, you must make plans to depart Iraq for the United States on the assigned date

77
السلام عليكم
طبعا كل الشكر الجزيل للاخوان الي منزلين هذا الموضوع وعاشت الايادي  ومجهود رائع لكل من ساهم بيه اني اخوكم محمود العاني بالنسبه الي اني بعد مسافرت كملت مقابلاتي والفحوصات كله وانتضر الموافقه او الرفض او التاجيل . بخصوص ولاية Massachusetts وبالتحديد مدينة Worcester اني عندي كفيل بهذه المدينه بس حبيت اعرف من الي ساكنين بهذه المدينه ان ينطوني معلومات اكثر عن هذة المدينة عن طبيعة العمل وعن المساعدات وعن السكن  واذا امكن عن كل شي يتعلق بهذا الموضوع. خصوصا اني عندي عائله عدد افراد عائلتي 6 فحاب اعرف كل شي عن هاي المدينة . تحياتي للجميع

صفحات: [1]