عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - فارس الليل

صفحات: [1]
1
اخواني واخواتي اللي واكفين عالسرة
 اول نصيحة مهمة الكم عند الوصول لامريكا انشالله هي التأكد ان الاسم في الجواز يطابق الاسم اللي يخللي الموظف في مطار GFK  على كارت الفيزا . و نفس الاسم تخلوا باوراق طلب البنفت و اوراق طلب ال social secyrity number حتى لا توكعون بمشكلة اختلاف الاسماء اللي صارت بيه . لان اختلاف الاسماء مو بصالحكم ابدا.
شكرا لكل المهنئين ويوم انشالله للكل يوصلون بالسلامة ويخلصون من العلاسة ومن لف لفهم هههههههههههههههههههه

2
الاخت انجي شكرا على المساعدة والنصح .
الاخت ريم صدكيني بساحة الوفود اني واكف اسمع الاسماء بعد ما ذاعوا اكثر من تلاثين اسم صراحة اني وية نفسي كلت اكيد انضربت بوري لان بقوا تقريبا خمسة وياية واني سادسهم كلت معقولة عندي حظ ويصيح اسمي وفعلا بعون الله سمعت اسمي .

الاخ عبادي 75 وشوفرليت وaa12-zz5 و abuhatem و مشلوع كلبي وكرادي مغترب echo 9 و  abu yunes اني اشكركم الشكر الجزيل على مشاعركم الطيبة وانشالله رب العالمين يوفق كل اللي عدهم رغبة حقيقية بالمجئ الى امريكا لان اكو ناس اعرفهم قدموا لاغراض المباهاة فقط لاغير واخذوا مكان غيرهم ومن طلعلهم السفر مسافروا .
اني كنت IOM بغداد قدمت بشهر الاول 2009 ولمدة سنة كاملة ماكو شي الى ان دزيتلهم ايميل استفسار عن الكيس مالتي بشهر الواحد 2010 . مقابتي الاولى 4-4- 2010 والففحص الطبي بشهر السادس والمقابلة الثانية 22-7 -2010 وبعد 45 يوم بالتمام اجتني مو افقة المحلف وراها بيومين او تلاثة اوراقي وصلت الكفيلي .
وقبل شهر تقريبا منظمة المساعدات هنا بامريكا بلغ كفيلي انه موعد وصولي لامريكا راح يكون يوم 13-12 .

علما اني ما استلمت الموافقة الامنية ولا ايميل جدولة السفر ولاحتى اتصال من مكتب عمان بموعد السفر قط اللي صار اني اجاني اتصال من جماعة بغداد لتأكيد الموعد اللي المفروض ابو عمان يبلغني بيه قبل اقل شي اسبوعين من موعد الطيارة  وكان الاتصال يوم الاربعاء والسفر يوم الاحد يعني 3 ايام فقط .
واني هسة الحمد لله بسياتل نفسها( بالنفس) بس يااخوان المكان عجيب اشو ماكو طسات ولا كتل كونكريتية ولا ل T-wall ولا سيطرات مال جيش وشرطة وطنية ولا ولا ولا ولا ولا هواية امور من اللي تميز الواقع العراقي بمره وبمره.
 واني اليوم من رحت  اطلع كارت البتفت وية كفيلي (لان اسرع من انتظار المنظمة هيه اتسويه الي) واللي طلع باقل من عشر دقايق طبعا  بدون دفع رشاوي وعمولات ومصرف جكاير وجاي للموظف.

3
الى الاخت انجي والاخوان والاخوات المتابعين لموضوعي في الايام السابقة . لقد وصلت الى سياتل الثلاثاء تقريبا في منتصف الليل بتوقيت سياتل . وفي نفس نهار اليوم ذهبت لاستخراج كارت البنفت مع كفيلي ومن ثم لتقديم طلب لرقم  social security number الذي سيصدر انشالله بعد اسبوعين حتى اتمكن من تأجير شقة للسكن.
 ومثل ما وعدتكم لقد دعوت لكل من له رغبة حقيقية بالسفر ان يسهل الله امورهم  مثل ما سهل لي امري .

فارس الليل

4
والله العظيم من اصعد بالطيارة واصير بالجو (كولو انشالله) ادعيلكم كلكم حتى رب العالمين يفرجهه عليكم
 اشكر الجميع  انجي وريم ومظلومة وحيدر وA fox  وعبادي وklap again و willpowerو Black angelوالباقين كلهم واختي ريم والله العظيم اني جان قصدي الموضوع الامني  .يابه حيدر صدكني وداعتك اني لاغراض الامنيات ليس الا والله يوفق الجميع.
 واسف مرة اخرى واخرى وهم اخرى وهاي بوسة للكل .بوووووووووووووووووووسسسسسسسسسسسسسسسسسة

5
اخواني واخواتي اني بالبداية مردت اذكر المكان الصحيح خوفا من العلاسة اللي احتمال ديقرون الموضوع ويانه بس المكان هوه بالضبط ساحة الوفود قرب مطار بغداد وهيه مندقة امنة نسبيا .

6
او كي willpower
راح التزم بالخطة حرفيا والله كريم بلكيييييييييييييييييي تطلع الشغلة صحيحة

7
الاخت ريم
ردج هواي معقول لان اجاني من ال اي او ام ايميل قبل شهر ونص تقريبا انهم ديحاولون يتصلون بيه بس مديحصلوني فرادوا ارقامي وطبعا اني دزيتهن

8
اخواني واخواتي الاعزاء
اخويه حيدر سليم اني اسف على سوء الفهم اني اببغداد
باجر الصبح انشالله اخابر عالرقم واسأله على رقم الكيس مالتي .اني ما اعرف اشلون فاتتني هاي الشغلة
والاخوان والاخوات الباقين شكرا على ردودكم واهتمامكم

 فارس الليل

9
اخوان مشكورين عالرد بس المشكلة باالايميل انهم اذا جاوبو فبعد اسبوعين الى تلاثة وتلفون مصر ميحصل وابو عمان يحجي من وره خشمه وصوته ناصي واللي افتهمته منه كان ( حبيبي راسلنا عالايميل) علما ان منطقة الانتظار هي في منطقة امنة قرب مدخل المطار.

10
البارحة صباحا خابرني شخص مؤدب كلش من رقم اسيا سيل و كال اني من الاي او ام وانته سفرك بعد 3 ايام وتنتظر بالمكان الفلاني والموعد الفلاني حتى تستلم التكت مالتك. علما اني لحد هسه ما اجتني الموافقة الامنية او ايميل جدولة السفر .
السؤال هو هذا الشي صاير قبل لو اني  اول المضحين؟ ???

11
اخوان اني اجاني رد المحلف بعد 45 يوم بالتمام والكمال

12
بارك الله بيكم عالتوضيح اخوية ددوفي واختي انجي
اني حاولت على ارقام ددوفي واحد منهم حولني عالبريد الصوتي اللي (مقبط) وما بيه مجال للرسائل الصوتية
 والثاني محصلت شي
وارقام الاخت انجي ايضا ماكو رد ما عدا الرقم الثاني اللي اجاني الرد يكول مو بالخدمة
 وباجر انشالله اتصل برقم عمان (065625225) وعسى ولعل يحنون عليه ويردون علما اني مراح اجوز منهم الا يجاوبون

اخوكم

فارس الليل

13
الاخ ددوفي والاخت انجي
 مشكورين عالرد السريع والحلو  راح اخابرهم على عمان بالبداية وامري على الله و انشالله  يصير خير.

14
 اخواني واخواتي السلام عليكم
 بلكي اي احد يعرف احدث ارقام عمان او مصر  حتى اتصل بيهم على موضوع موعد سفري لاني دزيتلهم ارقامي وهمه جاوبوني بهذا الايميل:

Dear Sir,

 Thank you for your email.

 

Please note that your contact information has been updated

 

Please feel free to contact us for further inquiries.

 

Kind Regards,
IOM Info Center

 



15
السلام عليكم اخواني واخواتي
سمعت اكو موعد للسفر IOM بغداد يوم 11 او 13 -كانون الاول-  2010  .اكو احد بيكم سمع نفس الشي؟
 ارجو الافادة
 
فارس الليل ???

16
اخواني المتميز العراقي و لورنس العرب 2

اشكركم على ردودكم الطيبة . اتمنى يدزولي ايميل  او مسج لان الشبكة يمي بالدوام ضعيفة لاسباب معروفة الكم.

17
اخواني في النضال
هل ان تبليغ  موعد السفر لازم وحتما بالتلفون فقط ام اذا لم يتم الاتصال لاي سبب يرسلون ايميل؟

18
اخوان السلام عليكم
اني عضو جديد بالمنتدى لكني متابع صارلي فترة. اني مقابل محلفين بغداد يوم 22-7-2010 وبعد 45 يوم ضبط اجاني الدفرل او(موافقة المحلف) ووراه بيوم او يومين اتصلوا بكفيلي . وقبل اسبوع تقريبا اتصل بيه كفيلي وكال انه موظفة بمنظمة اعادة التوطين بامريكا المكلفة بالكيس مالتي بلغتة انه موعد سفري بشهر ديسمبر . بالاضافة الى الى انه اجاني ايميل من ال IOM قبل 3 ايام انهم ديحاولون يتصلون بيه بس مديكدرون ورادوا ارقامي .فهل هذا يعني انهم يريدون يبلغوني بموعد السفر ؟ لو شتكولون اخوان؟

سؤالي هو: اذا لاي سبب من الاسباب مكدروا يتصلون بيه عالتلفون , راح يدزون ايميل بموعد السفر؟

اخوكم بالنضال

فارس الليل

صفحات: [1]