عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - شربوتة

صفحات: [1]
1
السلام عليكم .. اخواتي واخواتي واهلي وناسي في بيتنا الكبير عين كاوه ...اعتذر لهذا الانقطاع الطويل عنكم لظروف قاهره مريت بيها والي راح بيها هوايه من اهلنه واحبابنه .. الي من وره التهديد والي من وره الانفجارات وخلص كلبنه والله والامنيه مالتنه بعدها مخلصانه .. اعتذر مره ثانيه وضوجتكم وانتو مناقصين ضوجه بس ما عندي غيركم انتو اهلي وناسي ورجعتلكم ... وهسه اريد اعرف منو بعده من ربعي باقي ...؟؟؟ اختكم شربوته النايمه عليها البلوكه

2
سلام عليكم ... ممكن سؤال :
يوم الاثنين اتصلو بي من المنظمه وبلغوني بموعد اعاده للفحص الطبي يوم الثلاثاء وطبعا هاي المره الثالثه الي نعيد الفحص ... المشكله وين ؟ اني جنت باربيل وطلبت منه ينطيني موعد غير الثلاثاء وحاولت ارجع بس محاولتي جانت شبه مستحيله لظروف خاصه وشكد حاولت افهمه حتى يأجلي الموعد ولو يومين رفض وكال اذا محضرتو ا بعدين همه يتصلون بينه فعلى حد علمكم شكد ويتصلون ..... وشتكولون اذا اتصل بيهم رح ينطوني غير موعد لو هاي هيه راحت عليه ..علما باني جماعه الطابوكه التقديم 2008 ورقم الكيس IZ 102

3
السلام عليكم اخواتي اخواني المخضرمين .. المنسييين ..الي محد بحالنه شلون تاليها وياهم .. والى متى .مثل متلاحظون بالفتره الاخيره كلها تحجي على حركه السفر المو طبيعيه وعلى التسريع بالسفر وعلى.. وعلى.. وبالنتيجه كلما ادخل للمنتدى اشوفنه احنه نفسنه ودنراوح بمكانه والي ديطلع وهنيئا الهم بس اصحاب الملفات الجديده واحنه القدامى... " اللنّه الله " اريد احد من ربعي يبشرنه باستلام الفيزه او موعد سفر ماكـــــــــو شنو السالفه محد يدري؟؟ احد يكلي من جماعتي طلع غير الاخ فصولي....وحياكم الله

4
السلام عليكم ورحمة الله وبركاتة على اخواني واخواتي الاعزاء...ربعي ورفاق دربي بالنضال والانتظار المرير ...شنو اخباركم يجماعة الخير اشو لا حس ولا خبر , يارب وين الله وكلكم طالعين اخاف اكول نسوي احصائية جديدة لجماعة الطابوكة الماسية لنة تطلعون كلكم هنا بعدكم  .. الله يوفق ويهني الطالعين ويفرجها ويسهلها على الباقين كولوووو اميـــــــــــــــــــــــــــــــــــن

5
اخواني واخواتي الاعزاء .. ساعدوني يمعودين وكولولي .. انلاصت علية لو لا  .. كل مقابلة تصير بمكان عملي عندي مثبتة العناوين الي سكنت بيها وما شالله هية هواية من ورة التهديدات ويومية بمكان مثل ام البزازين . ولدواعي امنية في مكان العمل قبل اسبوع صارت مقابلة تجييك مفاجئة ومن الربكة غلطت بمعلومة من المعلومات الي مثبتة عدهم نطيت رقم  بمكان رقم بخصوص السكن والمصيبة  مداأذكر بيش خربطت ... كلولي شلون هسة اذا صارت عدي مقابلة اخرى شلون رح اصفيها انطيهم المعلومات القديمة والي حافضتها ومثبتتها عندي وبهيج حالة رح يشوفون اختلاف بين المعلومات بين المقابلتين ( الاخيرة والي قبلها ) وشلون  ؟؟؟رح رأسا يلزكوني بالبلاك لست لو لا .. والمصيبة الاكبر من شغلي , هية مسألة سفري اذا دكوني بالبلاك لست شلون رح احصل موافقة وشرح يصير على قضيتي وملفي الله يخليكم نوروني

6
اخواتي واخواني الاعزاء جميعا اقول كل عام وانتو بالف خير .. اعادة الله على الجميع بالخير والبركةوانشالله يسهل امور الكل ويفرجها علينا والسنة الجاية كلنة نحتفل بالعيد هناك بامريكا الي واحد قريب على الاخر والبعيدين نعيّد وياهم عن طريق بيتنا الام عينكاوة..
اخوان لاحظنا بالفترة الاخيرة اختفاء اختنة العزيزة ام مهند العضوة المميزة جدا بحظورها وبارائها الجيدة وبافكارها النيرة وتعليقاتها الحلوة  ومواضيعها المفيدة بالمنتدى .. عسى ان يكون اختفاءها هذا هو بسبب الوضع فلندعو لها جميعا بتسهيل امورها وان يحفظها ويكومها بالسلامة هي وابنتها لتعود مرة ثانية تزهو بالمنتدى

7
السلام عليكم اخواني ورفاقي بالدرب المرير .. عندي اقتراح شتكولون اسحب الملف مالتي واقدم هسة من جديد وبدل ميصير رقم الكيس مالتي 102 تصير 132 مو همة هيج واصلين .. وصدكوني اكمل كلشي من جديد من مقابلات ومحلف وفحص طبي ودورة تثقيفية واطلع واسافر واوصل هناك .. وجماعتي اهل الطابوكة الماسية  مكانك راوح  .. شلون كولولي الله يوفق كل الديطلعون بس همة اكثرهم مال الفين وهسة مو مال 2008 رحمة لوالديكم فهموني شنو القصة

8
السلام عليكم اخواني واخواتي الاعزاء  ... محد سمع اي خبر من اخونة العزيز ابو ايمن حيث وعدنا يوم 13 بالشهر عندما تعذر علية الوصول الى اخواننا المسافرين وسؤالهم عن معلومات تخص كيساتهم ...  واخبرنا بانة سوف ينقل لنا كافة المعلومات التي تخص المسافرين  من ارقام كيساتهم وتاريخ تقديمهم واوقات مقابلاتهم الاربعاء اي اليوم وهو موعد السفرة الثانية , فأكو احد سمع اي شي ؟؟؟؟ مع تحياتنا وتقديرنا لجهود اخونا العزيز ابو ايمن

9
اخوان مثل منتذكر قبل فترة نشرت النيويورك تايمز مقال ونزلو الرابط مالتة الاخوة بالمنتدى بس الي مفتهمتة هوة هذا الجزء الي يكول هولد لعملية اعطاء الفيز للعراقيين لهالسنة

As The Times’s Tim Arango reported, there is now a virtual hold on visas for all Iraqis in the wake of the Kentucky arrests and the new requirements. A senior State Department official recently acknowledged that admittances will drop this year even for Iraqis who are at risk of persecution. Iraqi Refugee Assistance Project officials say they fear that approvals will drop by half, with most rejected — falsely — as security risks.


فممكن احد يكولي هالشي رح يأثر علينة لولا ولو بقية ماذكر تة النيويورك تايمز هوة من صالحنة بس هالتعليق بالفيز مالتنة الة صحة من الخبر لولا  بالوقت الي دنسمع بية قسم من الاعضاء ديحددولهم موعد سفر مثل الاخت بنهاية التاسع وقبلها الي بالثامن .. اشو شي ميشبة شي  ؟؟؟؟ اكون ممنونة من كل واحد ينورني ويبرد كلبي

10
 اخواتي واخواني الاعزاء .. هاي هية كافي عاد بطلت احلم وطلعت روحي  .. بعد منطتني الموظفة المسؤولة عن الدورة التثقيفية امل بان الي يحضر هسة ويسوي الدورة معناها امنيتة طالعه دزيت ايميل للمنظمة قبل يومين داأستفسر على الكيس مالتي شحل الدهر بيه واجاني الرد  المعتاد ... وين حجيهم لعد ؟؟؟

 

Thank you for your email.

 

Kindly please be informed that we have checked your cases , and found that they are currently undergoing our security check routines, we can’t anticipate how long these checks will take once everything is cleared IOM staff will contact you for updates.


Kind Regards,

IOM Info Center


 بس اكو شي مفتهمتة بالردعلى الايميل وهو: RE: IZ-102xxx/ Case Update/MSA/IZ

هذي الاحرف الدازيها  MSA شتعني ؟؟ فاذا ممكن من الاخوان الي يعرف شنو معناها يجاوبني ويريحني بلكت بيها امل ..ولو يبقى املنا بالله جبير ...

اختكم الأ يّست فدنوب ....

11
اخواتي اخواني الاعزاء .... واخيرا خابروني على دوره تثقيفية هذا الاسبوع  , ففي الساعة الواحدة ظهرا اجاني اتصال من عمان على الرقم  0096265625423 وسألوني اني من بغداد فأجبتها بنعم فقالت لديك دوره تثقيفية هذا الاسبوع فيجب الحضور .. الف حمد وشكر ياربي الي تحرك الملف مالتنا والي جانت نايمة الطابوكة علية احنا جماعة ال2008 و2009 والي رقم الملف مالتنا يبدي ب102XXX فياخواني وربعي الي الهم نفس رقم ملفي والي قريب اله ابشركم ان الفرج اجانه باذنة تعالى ..اخواني قبل كم يوم كلت  ((اني من اشتركت بهذا المنتدى واني حسيت البشائر حتهل علينة)) وفعلا بفضل الله وبفضل تصبيره الطيبين امثالكم هانت علينه والله فرجها ومن اجتني الدورة التثقيفية اكيد اكو وراها موعد سفر  , شكد بعد وشوكت الله كريم لان اني من شهر ال11 /2010 واني على الشحن مال الامنية

12
السلام عليكم ورحمة الله وبركاتة .. اخواني حبيت بس اعرف اكو احد من جماعتي النايمة الطابوكة عليهم والي رقم ملفهم يبدي ب iz 102xxx وبعدة ديراوح بمكانة ,  لو بس اني الي داأرواح وماكو نتيجة مع العلم اني مقدمة من  2009  ومقابلة اولى جانت 4/11/2009  ومقابلة ثانية محلفين  24/3/2010   وفحص طبي  31/11/2010   واتصلو بالكفيل مالتنا هناك بشهر ال2/2011 والى هسة لا حس ولا خبر ولا دورة تثقيفية   ,, وقبل كم يوم دزيتلهم ايميل وهم اجاني الرد المعتاد بعدنة على التجييك الامني شلون اخوان  مو والله رح انجلط   اذا اكو احد مثلي خلي يدخل ويكلي حتى بلكت يصير عندي امل ولواحنا كلنا املنا بالله جبير . اختكم البائسة

صفحات: [1]