عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - رافت العراقي

صفحات: [1]
1
  السلام عليكم ورحمة الله
   بالبدايه احب اسلم على كل اعضاء هذا المنتدى الراقي والله العظيم حيل مشتاقلكم ,,, والحمد لله صارت عندي هاي الفرصه حتى اسلم    عليكم واسولفلكم شويه على الولايه اللي ساكن بيهه

طبعا اني ساكن بولايه ايداهو مدينه بويسي ,,,, المدينه جميله جدا رغم عدم وجود الابنيه العاليه وناطحات السحاب بس الطبيعه هنا كلش حلوه والاهم من هذا الناس هنا ودوين كلش وطيبين كلش والمدينه امنه جدا ,,, نسبة السكان البيض هنا 92%.
والباقي موزع بين الهنود الحمر والمكسيكان والافارقه والعرب ...
المشاكل هنا قليله جدا ,,, يعني اللي يجي هنا راح يرتاح هواي من ناحيه الامان والاستقرار ,,, والله العظيم مرات اني واصدقائي انضل للساعه 3 او 4 الفجر ياله نرجع للبيت وبدون اي مشاكل ,,,
الايجارت هنا تتراوح بين 550 الى 650 بالنسبه لشقه 2 غرف نوم
حسب المنطقه وقربهه من المركز
هسه اني صارلي شهر ونص تقريبا هنا والحمد لله الامور زينه وحصلت اجازة السوق وقريبا راح اشتري سياره ان شاءالله ,,,, لان هنا ماكو باصات بعد الساعه 7 بالليل فالسياره هنا ظروريه جدا 
الجو حاليا زين بالنهار بس بالليل ايصير كلش بارد ومثل ما سمعت على اساس الثلج راح ينزل الشهر الجاي
بالنسبه للشغل لازم الواحد يعتمد على نفسه ويدور اكو ناس اعرفهم اجو وياي بنفس الوقت وهسه حصلوا شغل يعني الشغل موجود بس لازم تحاول وتبحث
 واخيرا احب اكول اللي يحب يجي لهنا ما راح يخسر وخصوصا العوائل وهذا الكلام مو من عندي اكو هواي عوائل اجو من غير ولايات لهنا لان تعتبر  نسبيا ارخص من هواي ولايات وأأمن من هواي ولايات
واللي عنده اي استفسار عن الولايه ان شاءالله ما اقصر واني بخدمة الطيبين
 
 تحياتي الكم حبايبي والله العظيم شكد مشتاقلكم ... ان شاءالله ربي يفرجهه على كل المنتظرين بأقرب وقت ,,, امين
 
 تحياتي للجميع وبالتوفيق ان شاءالله

اخوكم رأفت

2
السلام عليكم جميعا والله مشتاقلكم                                       
 الحمد لله وصلت البارحه لامريكا مدينه بويزي ولاية ايداهو وجانت الرحله متعبه من بغداد الى عمان وبتنه ليله والصبح رحلتنه لشيكاغو مباشرة واستمرت ١٤ ساعه وبعدين اتوزعنه كل واحد الولايته والعدد جان بحدود سبعين شخص    يوم الكم ان شاءالله    وبس ايصير عندي نت بالشقه اطيكم تفاصيل اكثر

مع السلامه

3
 السلام عليكم

 الحمد لله تم تحديد موعد سفري يوم 10/9 ,,, بعد انتظار اكثر من 3 سنوات ونصف

طبعا اخر مره جيكت الموقع قبل اسبوعين وبعدهه رجع ميشتغل  وجانت حالة الملف انتظار النتيجه ,, والمقابلات والفحص كامل ,, والامنيه انتظار ,,, والسفر غير فعال

ولحد هسه الموقع ميشتغل

تفاصيل الملف ,,

رقم الملف ,,,, 111
التقديم ,,, شهر 2 /2009
مقابله اولى,,, شهر 1 / 2010
مقابلة محلف,, شهر 5 / 2010
فحص طبي ,,,  شهر 12 /2010
اعادة فحص,,,,  شهر 4 / 2012

التقديم من بغداد ,, وحدي بالملف ,,, وجهتي ان شاءالله راح تكون ولاية ايداهو ,, مدينه بويــسي


ان شاءالله يوم الكم وتبشرونه بسفركم بجاه محمد وال محمد

 تحياتي

4
السلام عليكم جميعا
اخواني واخواتي في منتدانا الرائع

اتقدم بالاعتذار لما بدر مني من كلام جارح في احد ردودي  تجاه بعض الاعضاء في المنتدى واتمنى ان يقبلوا اعتذاري ..طبعا اني كان بنيتي اذكر الاسماء لكن خوفا من نسيان البعض وبالتالي لا يحقق الموضوع هدفه وايضا ليكون الاعتذار موجه للجميع ,,,

 اخواني اني اعترف اني اخطأت بحقكم واطلب منكم ان تسامحوني لأن والله العظيم هذا مو اسلوبي بالتعامل مع الاخرين ابدا ,,وا ن شاءالله ما راح يتكرر هذا الخطا
الله شاهد على كلامي بالنسبه الي ما عندي ضغينه او مأخذ على أي عضو كلكم احبكم واحترمك واتمنالكم الخير  وكلكم على راسي والكلام هذا من كل كلبي والله العظيم

حتى وان اختلفنا بألاراء وألافكار ,,لايجب ان يتطور الامر لحد الاهانه والسب ,, لان الحمد لله كل الاعضاء على درجه عاليه من الاخلاق والثقافه..
ان شاءالله تبقه روح المحبه والاخوه والتعاون هي السائده ,,, وأفضل صوره يعكسها الشخص لتربيته واخلاقه هيه الكلمه الطيبه الصادقه,,
اعتذر مره ثانيه واتمنالكم الموفقيه ,,, اللي سافروا انشاءالله ربي يوفقكم واتمنالكم حياة سعيده ,, واللي ينتظر ان شاءالله يسافر  عن قريب  ويخلص من هم الانتظار المر ,,,

تحياتي الكم جميعا وموفقين ان شاءالله

اخوكم رأفت

5
  تحيه طيبه للاخ العزيز دزمند وان شاءالله ترجع وتنور المنتدى بأقرب وقت لان بصراحه مكانك خالي ومفتقديك هواي وان شاءالله تكون بصحه وعافيه

 
 اخوك  رافت

6
السلام عليكم احبائي في عين كاوه
اليوم وصلتني رساله من السفاره بيهه موافقه رئيس البعثه (الكوم) ,,اني لحد هسه ما مصدك يعني معقوله بهسرعه ما صارلي ثلاث اسابيع من قدمت ,,ان شاءالله هاي من بوادر تسريع المعاملات
بس عفيه اخواني عندي بعض الاستفسارات عن مكتبي الدي اج ال و الفيدكس اللي بفندق فلسطين:
اولا/ شكد المبلغ المستقطع عند ارسال الوثائق النبراسكا بالنسبه لل دي اج ال و الفيدكس؟؟؟؟؟؟
ثانيا/هل اقوم بتغليف الوثائق بنفسي وعمل الباكيج او فقط اخذ الوثائق للمكتب وهو يقوم بالتغليف؟؟؟؟؟؟؟؟؟؟
ثالثا/محتاج العنوان البريدي لل دي اج ال و الفيدكس؟؟؟؟؟؟؟؟؟؟؟

اسف عاالاطاله و مشكورين مقدما بس الله عليكم لاتنسوني بالردود

اخوكم رافت

7
السلام عليكم جميعا
قبل فتره اشتركت بالموقع الجديد مال IOM وشفت المعلومات يس اكو شي دوخني هو مقابلة المحلفين امخليهه فارغه كلشي مكاتبين
بلا زحمه الي يعرف هاي شنو معناتهه خلي ينورني
للعلم ان المقابله بعد 5 اشهر اصير اكسباير والفحص الطبي اكسباير صار فتره او كاتبين بالموقع complete
 شكرا جزيلا

8
السلام عليكم
اخوان اريد اقدم على SIV بس عندي سؤال
لنفترض قدمت او حصلت على( COM ابروفال ) بعدها راح يلغون معاملتي مع ال( IOM) لو لا . لان اني سمعت انه المقدم على البرنامجين وبسبب الزخم على IOM راح يوقفون معاملته تلقائيا وي IOM, 
علما اني  مقدم على IOM من 2009 بغداد او صارلي سنه وسبعة اشهر انتظر الموافقه الامنيه ,

وشكرا جزيلا مقدما اعرفكم مراح تقصرون يا اطيب ناس باحلى منتدى ان شاء الله يوم السفر للجميع

صفحات: [1]