عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - 3a8eraweya

صفحات: [1]
1


قصيدة للشاعر العراقي عباس جيجان .....

البارحة شفت الوطن بالطيف اجاني البارحه ..
قتله هلا ومية هلا يابو الخيول الجامحه ..
مديت اديه تسالمه شفت القلب قبل الجفوف يصافحه ....
شلونك قلت ياموطني وظنوني ظلت سارحه ..
وانقطع وسطي من الخجل من الخجل وعيوني ظلت شابحه ..
قال اطمأن ياولدي كفتنا هي الراجحه ..
قلته الْيِرد ياموطني لحضنك الدافي تسامحه !! ..
قال اْليِرد وإلْما يِردْ وحتى الْيِفكر بالوطن ذنوبه كلهن طايحه ..
بس الْيِخون اُمّيِتهْ ما يستحق نقرا على روحه الفاتحه ..
قلته يبه ياموطني عندي حجي بغزر الدموع المالحه ..
قال احجي قول شما قلت طبع الوطن مثل الابو واجب عليك تصارحه ..
قتله يبه ياموطني ليش انت من دول الدول صاحت عليك الصايحه ؟؟
وليش انت من دون الدول اطفالك الحلوين بالدم سابحه ؟؟
وليش انت من دون الدول بكل بيت عندك نايحه ؟؟
وليش انت من دون الدول ناسك إتْصبّح نازحه ؟؟
وليش انت من دون الدول جيرانه كلها تواقحه ؟؟
وليش انت من دون الدول يا ثور بالعالم قوي تركض عليه تناطحه ؟؟
متْقلي منهو الْخبلك يا بو العقول الراجحه !! ..
شفته ضحك .. شفته ابتسم لمن حِجى و جاوب اجابه واضحه ..
قال اعتقد يا ولدي .. المشكله مو بالوطن .. المشكله بصدام هو الذابحه ..
يبقى الوطن هو الاصل والناس هي الرايحه ..
كفكف دموعك ياولد ادري بغريب الدار شوقه الجارحه ..
وادري بغريب الدار كل ما يِعتلي وكل ما صعد وشْما كسب خسران كل ما رابحه ..حتى الطيور إلها وطن تهاجر لجل لمن يهزها الشوق ترجع طافحه ..
وحتى النخيل إلها وطن ما تنشتل إلا بأرضنا المالحه ..
بس إحنا نبقى لِشْ وقت يا موطني نحلم وطنا نصافحه ؟؟ ..
وخلاف الوطن تبقى البشر مثل البهايم دايحه ..
والبارحه شفت الوطن بالطيف أجاني البارحه ..

مع تحياتي الخالصة لكم



2
زاوية الشباب / احنا منو؟؟
« في: 00:46 08/04/2006  »
هاي  ان شاء الله زينين ؟؟


طبعا هذا اول موضوع الي و اني حبت اشاركوم و اتمنى ما اكون ثكيلة على كلوبكوم

القصة و ما فيها
انو اني فد يوم جنت اني و صديقاتي بل مدرسة و جان عدنا درس التاريخ و شويا شويل طلعنا عن الموضوع الي جنا دا ندرسا.. فا بعدين اجت المعلمة عليا و كالت ....انتي كلدانية اشورية صح ؟؟  كلت و بكل فخر اي
و بعدين كالت الي اوكي....انتو منو ؟؟ و من وين اصلكوم؟ و ليش السريان شي و الكلدان و الاشوريين شي ثاني.. و اني بعدين سالت نفس نفس السوال؟؟؟و بعدين سالت بعد و اني ما جان عندي اي جواب ..كل الي اني كلتاها جان انو السرين و الاشوريين و الكلدان نفش الشي.. و بعدين كالت شنو انتو القصة مالكوم؟؟ و اني سكتت .... ما جان عندي جواب... و من هيجي اريد منكوم تكولولي احنا اصلنا و فصلنا من وين؟؟... طبعا اني الي اكول لني كلدانية و الكلدان و الاشور و السريان هما اقدم شعوب العالم و نا ماعرف قصتهم...و اني اتصور بان اكو هواية مثلي بس يعرفون انو هوما الة سريان لو كلدان لو لشور.. بس الحقيقة ما يعرفون قصة بلدهوم و ملوكهم

و اني يمكن تعبتكوم ويايا بس اني اريد اعرف احنا منو و شنو قصتا و الخ....
شكرا الكوم و ما راح اطول عليكوم بعد
و احنا لازم نكون مفتخرين بان نكون شعب واحد

3
مرحبا

ايامكم سعيدة !
 هويلى ماران
اني عضوة جديدة  و حبت اعرف عن نفسي
ان عمري 17 سنة و العربيا مالتي مو هوايا قويا
بس ماشي الحال.  انا من العراق من محافضة نينوى
 حاليا اعيش بل السويد منطقة اسمها Västerås
اني معجبا بهل الموقع هوايا و حبت اشارك وياكوم و ما اكون ثقيالة
الله منوخوم ملخون      
  نسيت شي         اني 24 ساعا اهنا بعنكاوا حتى كول اخواني صايرين مثلي هاهاها

Bye

صفحات: [1]