عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - دشتي

صفحات: [1]
1
الهجرة و واللاجئين / صارت سوالف
« في: 18:41 31/05/2015  »
السلام عليكم اخواني و اخواتي اعضاء و زوار عنكاوا المحترمون

في البداية اعتذر عن الأنقطاع الطويل طبعا اني وصلت امريكا صار تقريبا 4 اشهر و صلت مدينة سيراكيوز syracuse - NY و فعلا صارت سوالف كل ألاشياء الي مرينا بيها المقابلات و المعاملات و الأنتظار القاتل و الحمد لله و الشكر.

طبعا هذا الأشياء ما ننساها شلون كنا ننتظر الأتصال من المنظمة بفارغ الصبر و مواعيد المقابلات حتى كنت اخذ التليفون للحمام حتى ما نفوت المكالمه من المنظمة لأن سبق و انت فوتت مكالمات كلفتني اكثر من سنه و نصف من الأنتظار

اليوم نقول الحمد لله و الشكر على نعمة الأمان, كلش فرحت من شفت بعض الأخوه يذكرون انه المقابلات رجعت و ان شاء الله الكل يسافرون و يحققون احلامهم.

اني حاضر لأي سؤال و اعتذر مقدما اذا اتأخر بالأجابه لانه هنا وتيرة الحياة سريعه و ما تنطي مجال.

تحياتي لكم جميعا

اخوكم دشتي

2
صباح الخير جميعا و كل عام و انتم بخير

ابشركم بان موقع الهجرة العشوائية الأميركية فتح و يمكنكم التقديم فيه لغاية 3-11-2014 عنوان الموقع هو https://www.dvlottery.state.gov/ و يجب استخدام متصفح مايكروسوفت انترنت اكسبلورر 8 فما فوق

تحياتي لكم
اخوكم دشتي

3
السلام عليكم اخواني اعضاء و زوار المنتدى الكرام

لدي احد الأصدقاء و هو مقدم IOM بغداد و مقابل محلف و لم يستلم النتيجة منذ اشهر عده و سألني سؤال غريب اول مرة اسمع به و هو هل يؤثر سفره هو و عائلته للسياحه خارج العراق على سير الملف او سفره بعد حصوله على الموافقه؟ و يكون السفر الى تركيا او مصر او لبنان او ايران.

تحياتي لكم جميعا و شكرا مقدما على مروركم و مشاركاتكم

اخوكم دشتي

5
صباح الخير جميعا

الأخوات و الأخوان الأعزاء

ممكن من الي مر بتجربة اضافة الطفل يشارك للفائدة لأن عندي عدة تساؤلات بخصوص اضافة الطفل و مثل ما تعرفون موضوع اضافة الطفل و الوقت المستغرق و تبعاته مسببتلي ارق

. زوجتي على وشك الولادة ان شاء الله قريبا
. اني مقدم بغداد و قابلت محلف 2-2 و وصلتني موافقة كاملة الملف دخل تعليق 12-5 و ما نازلة مدينة و مطار لحد الآن


اسئلتي للي ضافوا طفل هي

1. بالطبع الاضافة تسبب تأخير, كم هي الفترة المتوقعه للتأخير الي راح تسببه الاضافة على الكيس و على السفر؟
2. و ما هي تبعات الاضافة على الكيس و هل يؤثر ذلك على قرار المحلف الي تم اصلا و هو موافقة (eligibility)؟
3. ما هي المستمسكات المطلوبة ارسالها في البداية لكي تبدأ المنظمة بجدولة مقابلة المحلف الخاصة بالأضافة (شهادة ولادة مترجمة, لو جنسية و شهادة جنسية, لو كل الي سبق مع جواز)؟
4. في حالة تحديد موعد مقابلة الاضافة كم هي الفترة المتوقعه لانتظار المقابلة (شهر , شهرين, اكثر) و الفحص بعدها شكد يتأخر.

اشكر الجميع مقدما على مروركم و مشاركاتكم و ياريت ما تبخلون علي بمعلوماتكم لأني ما وجدت موضوع كامل خاص باضافة الطفل او يحوي تجربة الاضافة من البداية للنهاية و اوعدكم ان اشارك بتجربتي لفائدة الجميع ان شاء الله

شكرا و ادعوا لزوجتي و للجنين بالسلامة

تحياتي

اخوكم دشتي



6
الأخوان اعضاء و زوار منتدى الهجرة المحترمون

تحية طيبة

ارجوا الأنتباه بالنسبه الى الذين قدموا على الهجرة العشوائية حيث حصل خطأ في الموقع الخاص بمعرفة النتيجة و بالنسبة للذين دخلوا على الموقع يوم 1-5-2014 يمكن ان يدخلوا مره اخرى و يعيدون العملية للتحقق فربما يكون قد تم اختيارهم بالفعل و هذا الأيميل وصل الى المقدمين على الهجرة


This e-mail is addressed to any Diversity Visa 2015 (DV-2015) entrant who attempted to log into the Entrant Status Check (ESC) website on May 1, 2014.  For a brief period on May 1, the ESC website experienced a technical problem.  As a result, some people who logged into the site to check the status of their applications were shown the wrong information.  If you logged into the ESC website on May 1 and saw a notice of selection that did not include your name, or if you saw a notice that you were not selected, you must re-check your status to find out whether or not you were selected.

You must see a notice that is addressed to you by name as proof of selection to process further in the DV-2015 program.  We regret any confusion this technical problem may have caused.

Please note that the Kentucky Consular Center (KCC) will not send you unsolicited e-mail that includes your confirmation number or that asks you to provide any personal information.  You must log into the ESC website to check your status.  If you have further questions about the ESC website or the content of this e-mail, you may contact KCC by e-mail at KCCDV@state.gov.  The KCC telephone number is 606-526-7500 (7:30 a.m. until 4:00 p.m. EST).

و هذا هو لنك الموقع

https://www.dvlottery.state.gov/

مع التقدير

7
صباح الخير جميعا

اخواني و اخواتي اذا امكن الي صار معاه حالة مشابهة يفيدنا بخبرته

اني قابلت محلف 2.2.2014 و بعد 30 يوم صارت المقابله مكتملة و الفحص فعال و الملف بقى انتظار البارحة الصبح فتحت الملف و لكيت حالة الملف فعال و لحد الان ما تلقيت مكالمة حول تحديد موعد اعادة الفحص. علما انه الملف يكول مقابلات مكتملة فحص فعال و الأمنية انتظار و السفر غير فعال و ما نازل مدينة و مطار

شنو يعني الملف فعال؟ لأن الي اعرفه يبقى الملف بالأنتظار لحين اكتمال الفحص هل هذا معناه قرب موعد الفحص لو شنو

تحياتي الكم جميعا و ان شاء الله الفرج القريب للجميع و شكرا

اخوكم دشتي

8
بسم الله الرحمن الرحيم
الهم صلي على محمد و اله و صحبه و سلم

السلام عليكم اخواني و اخواتي
اني قابلت محلف بشهر 2 و بعد 30 يوم بالضبط تحدث الموقع و صارت المقابلة مكتمل و الفحص فعال, هذا راح يكون الفحص الثاني لأن سويت فحص السنة الماضية 18-3

سؤالي رجاءا لأصحاب الخبرة بالموقع
1. شنو الي ممكن افهمه من هذا التحديث يعني موافقة محلف؟
2. شكد و يتصلون على الفحص؟
3. و شنو الي ممكن اسويه حتى اسرع العمل بقضيتي او اسرع الفحص؟

تحياتي الكم جميعا و ان شاء الله الفرج القريب على الجميع و شكرا مقدما للأجابه

9
الأخوان جميعا و كل من يقرأ الموضوع
تحيىة طيبة و اتمنى ان تكونوا بخير

انا تقديم IOM بغداد 2010 و لحد الآن لم اقابل المحلفين. و اود السفر الى تركيا مع عائلتي لمتابعة القضية من هناك . ارجوا نصيحتي يعني كم تطول القضايا للحسم و السفر من تركيا علما ان تهديدي غير مباشر.
شنو ضروف المعيشة بتركيا و مثل حالتي سامعين؟ شكد طولوا يالله سافروا؟
اتمنى من الي عند معلومات يشارك رجاءا لأن سفري معناه التخلي عن وظائف و تصفية امور و بيع ممتلكات ( يعني بلا رجعه)

شكرا لكل كم مر على الموضوع و كل من ابدى رأيه

تحياتي
اخوكم دشتي

10
السلام عليكم اخواني و اخواتي

ممكن استفسر من الأخوان الي ديتواصلون ويه المنظمة من خلال الأيميلات و التليفون صار اكثر من شهر من دزيت ايميل للمنظمة و ماكو رد بعد ان كنسلوا مقابلة المحلفين لأسباب تقنية و طبعا دزيت اربع ايملات من 12-8 لحد الآن و ماكو جواب . هذه الحالة بس عندي لو اكو ايظا اخرين يعانون منها؟

و ايظا شنو حال المقابلات هذه الأيام اكو مقابلات ماشية لو متلكئة و قليلة؟

تحياتي الكم و شكرا
اخوكم دشتي

11
مساء الخير جميعا و كل عام و انتم بخير

اليوم الظهر اتصلوا المنظمة و بلغونا بتأجيل موعد مقابلة المحلفين الي كان المفروض تتم يوم 12-8 بعد ان تم تبليغي قبل شهر تقريبا. الموظفة اتصلت بزوجتي و بلغتها بانه اكو خلل تقني و اذا رحنا ما راح نلكا اسمنا بجدول المقابلات و انه راح يحددون موعد اخر. و مباشرة ارسلوا ايميل بهذا الكلام.

طبعا اني اصبت بخيبة امل بس مع ذلك كلت هذا موضوع خارج عن سيطرتي و ان شاء الله يكون خير. و قبل شوية دزيت ايميل اذكرلهم المخاطر الي يسببها تأجيل العمل بقضيتي و انه هذا شي يسبب زيادة التهديد المحتمل عليه و على سلامة عائلتي و انه لازم يحددون موعد بسرعة. طبعا ما اقدر اعلق على اخطأءهم لأن هذا مو من صلاحيتي.

ارجوا من الأخوان النصيحة بعد شكد متوقع يحددون موعد مقابلة ثانية و اني اعرف انه ماكو تزحيف بجدول المقابلات يعني لازم موعد جديد.

تحياتي و شكرا
اخوكم دشتي

12
ألأخ جار الأنتظار المحترم
الأخت ساوند و ألأخوان الأداريين المحترمين

تحية طيبة من القلب لكم جميعا

لما لموضوع غلق السفارة من اهمية على سير معاملات و مقابلات العديد من الأخوة اعضاء المنتدى و بغض النظر عن الأسباب اذا كانت سياسية او تهديدات او غيرها ارجوا تثبيت هذا الموضوع و اتاحة الفرصة للأخ جار الأنتظار و اي من الأخوان الذيت ستكون لديهم معلومات اكيدة عن اخبار فتح او غلق السفارة لأظافة تعليقاتهم حيث سيتمكن بقية الأعضاء من مطالعة اخبار السفارة من موضوع واحد. حيث كثرت التعليقات و الأراء مؤخرا.

شكرا لأدارة الموقع للنظر في هذا الأقتراح

تحياتي لكم جميعا و يا رب بحق هذه الأيام المباركة يكتب السلامة على جميع الأخوان و ألأخوات

اخوكم دشتي

13
الأخوة الاعزاء

هل لديكم مشكلة في الدخول على الموقع حيث انني احاول منذ ساعة 2.15 بعد الظهر و لحد الآن و لكن لا يمكن الدخول مع انني استعمل نفس الباسوورد

تحياتي
اخوكم الي يتمنى يقابل محلفين
دشتي

14
السلام عليكم جميعا

طبعا بعد عدة ايميلات ابعثها و شكوى دزيتها الى HQ لل IOM لأن الكيس صايرة ترفكلايت يومية مقابلة المحلفين فعال و غير فعال و توجد ايظا تفاصيل اخرى لا يسعني الوقت ذكرها و ذكرتها سابقا في رسائل اقدم . وصلني رد يحمل العنوان

IZ-131XXX-My Name, case inquiry, SAA,IZ

و يكولون بيه من يحين موعد مقابلتك ننطيك علم

ممكن الي يعرف شنو معنى الرمز SAA  يشارك و ينطينا المعنى؟؟

شكرا

اخوكم دشتي

15
السلام عليكم جميعا  :) :) :)

اخواني و اخواني رواد منتدى الهجرة و اللاجئين انا مقبل ان شاء الله على مقابلة المحلفين و ارغب في طلب المساعدة الممكنة منكم من خلال المشاركة بخبراتكم و ارائكم

ممكن اعرف شنو حالات التهديد الي تم رفضها من قبل المحلفين بالسابق و شنو السبب و هل هنالك حالات اخرى و ايظا ممكن نصائحكم بخصوص المقابلة بالتحديد فيما يخص موضوع التهديد لأن الحمد لله اني كل شي مضبط بس موضوع التهديد عندي الحجة ضعيفة

شكرا للجميع و دمتم بخير

بأنتظار اجوبتكم

اخوكم دشتي   ::) :'(

16
السلام عليكم جميعا

اخوان كفيلي بامريكا ساكن بنيويوك و شجعني على هذه الولاية و منطقة سيراكوز و يكول منطقة حلوة و محترمة. شنو معلوماتكم عنها من حيث فرص العمل و الأيجارات و اي معلومة اخرى ممكن تكون مفيدة

شكرا جزيلا

اخوكم دشتي

17
السلام عليكم جميعا

اخواني الأعزاء طبعا هذه اول مشاركة الي بالموقع و اتشرف بالجميع و اتمنى ان تساعدوني بردودكم

اني قابلت المقابلة الأولى يوم 9/1/2012 و الفحص الطبي كان يوم 18/3/2013 ، تم الأتصال بي من قبل المنظمة يوم 30/4/2013 و لكن للأسف ما تمكنت من استلام المكالمات لأن كان الهاتف صامت و اتصلوا بي 4 مرات متتالية طبعا قبلها بكم يوم غيروا حالة المقابلة الثانية الى فعال على الموقع. و طبعا حاولت اتصل بيهم و جاوبوني قالوا احنا ما نستلم مكالمات من العراق ابعث ايميل و بعثت ايميلات جاوبوني قالوا

Please note that once you are scheduled for your second interview you will receive a notification from our side informing you about the interview date, time and place.

Please be informed that your case is in progress. Once everything is clear, you will be contacted by IOM regarding the status of your case.

و طبعا بعد اسبوعين غيروا حالة مقابلة المحلفين مره ثانية الى غير فعال و اني ما سكتت بعثت بايميل اخر  و طلبت ان يتم ابلاغي بالموعد القادم بالهاتف و الأيميل و كان الجواب

 Dear Sir,

Thank you for your e-mail.

Kindly note that we have forwarded your case to the concerned department.

Once you are scheduled for the interview, you will be informed via e-mail and phone.

Kind Regards,
IOM Info Center
//LKH//



السؤال او الأسئلة هي: بالنسبة  لمقابلات المحلفين هل يتم التبليغ عادة بالهاتف ام بالأيميل  و في مثل هذه الحالة بعد شكد راح يعيدون جدولة المقابلة؟ و هل هناك نتائج سلبية على عدم استلامي للمكالمات و تأجيل موعد المقابلة؟


شكرا للجميع

اخوكم دشتي :)


صفحات: [1]