عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - DR.ENG

صفحات: [1]
1
الهجرة و واللاجئين / SIV, 31 DECEMBER
« في: 12:13 02/12/2013  »
Announcement on Special Immigrant Visas

The U.S. Embassy advises the public that our authority to issue Special Immigrant Visas (SIV) to Iraqi nationals ends on December 31, 2013. For the most recent information regarding the SIV program, please visit: http://iraq.usembassy.gov/siv-special.html

:'( :'( :'(

2
السلام عليكم ...

تحية لأعضاء عنكاوا الطيبين ...

خطر ب بالي انه اشاركم تحليلي لموضوع جداً مهم ...

وهو فترة اكتمال الامنيه من بعد اكمال مقابلة المحلفين ...

واني بطبعي احب انه امشي مع المنطق والواقع ... لا غير

والموضوع حسابات رياضيه لا اكثر ... وراح اذكرلكم عدة امثله للأعضاء الي ويانه والي قابلو مقابلة المحلف واكتملت امنيتهم

أول ما نبدي بصديق مقرب لي ... صديق على ارض الواقع اقصد

مقابلة المحلفين كانت في تاريخ 26\5\2013 واكتملت الامنيه بتاريخ 13\11\2013

نجي نحسب الفتره ما بين الحدثين وهيه  ( 5 اشهر ونصف )

ولمثال آخر ننتقل لعضو ويانه بالمنتدى وهو ( كوستاف )

مقابلة المحلفين بتاريخ 4\5\2013 واكتملت الامنية بتاريخ 5\11\2013

نجي نحسب الفتره ما بين الحدثين وهيه ( ستة اشهر )

ناخذ مثال آخر ايضا العضو ( h.h.k )

مقابلة المحلفين بتاريخ 24\5\2013 واكتملت الامنيه بتاريخ 6\11\2013

الفترة بين الحدثين هيه ( تقريباً خمسة اشهر ونصف )

وللتأكد نأخذ غير مثال العضو ( G R )

مقابلة المحلفين بتاريخ 7\7\2013 واكتملت الامنية بتاريخ 3\11\2013

والفترة بين الحدثين هيه ( أقل من اربعة اشهر ... والسبب انه أستلم موافقة كامله وليس دفرل لتر )

وناخذ أخيراً الاخ ابو الحكمجار الانتظار سابقاً )

مقابلة المحلفين بتاريخ 1\6\2013 واكتملت الامنية بتاريخ 14\11\2013 الحمد لله

والفترة بين الحدثين هيه ( خمسة اشهر ونصف )


المووضووع كلله هسه صار بين ايديكم والارقام لا تخطئ والمنطق موجود ... والكلام عن تسريع الملفات اصبح ملموس


ارجو انه اكون وضحت الموضوع وانه الكل وصلته الفكرة وعن معدل اكتمال الامنيه

واذا اكو شي آخر ... أحب أكول انه الفتره الجايه أعتقد راح يكون اكتمال الامنيه اسرع ... والسبب انه الاعضاء امنياتهم ( تأخرت ) بسبب اغلاق الدوائر الحكوميه والمنظمه بسبب المشكلة الاخيره الي واجهت الحكومه الامريكيه بأقرار موازنة عام 2014 .

تحياتي وتمنياتي للجميع بالموفقية

أخوكم ابو محمد

3
السلام عليكم ...


تحية لأعضاء المنتدى الكرام ...

بشرى سارة لأصحاب المقابلات المحلفين اللي قابلو بالشهر الخامس من سنه 2013

لي صديق قابل في نهاية الشهر الخامس ... واليوم وبعد الساعه الثانيه اكتملت الامنية

وحالة الملف بأنتظار النتيجة ... وحالة السفر غير فعال لا زالت ...

والدليل الثاني ايضا اكتمال امنية العضو كوستاف وتحول خانة السفر الى الانتظار ... وايضا مقابل محلفين بتاريخ 11\5\2013

فأبشرو شباب ... الفرج من الله قادم

تمنياتي للجميع بالموفقية

اخوكمـ ابو محمد

4
السلام عليكم

تحية طيبة لأعضاء منتدى عنكاوا

اخوان بعثت رسالة روتينيه للآي أو أم لأيميلهم الرسمي IC@IOM.INT

وانتظرت يجيني الرد الاوتوماتيكي ... واجاني بعد تقريبا ربع ساعه

فتحت الايميل وصافن ع الرساله حسيت انه بيها شي مختلف ... قلبي لعب منها قريتها واذا بالفاجعه

انه اصبح الرد على الايميلات رسمياً بعد 4 اسابيع !!

عاد خلوها اسبوعين وجاوبونه بعد شهر ميخالف ... بس تغيروها 4 اسابيع وتجاوبونه بعد شهرين ؟؟

يعني قبل كان اسبوع ... وراها صار 10 ايام ... بعدين اسبوعين ... وهسه صار شهر !!

بعد كم يوم يصير بعد 6 اشهر ؟؟؟ ومو بعيده تصير بعد سنه !!

وهذا نص الرساله للتأكد
Thank you for contacting the Info Center at the International Organization for Migration (IOM) regarding the U.S. Refugee Admissions Program (USRAP). This message confirms we have received your email. IOM's Info Center receives a very high volume of emails. Your message will be answered in the order it was received.  The IC center has recently updated the online services, due to this upgrade we regret to inform you that current expected wait time for a reply to your message is four weeks. Please do not re-send your message. We truly appreciate your patience

ما اعرف اذا صار هوايه هذا التغيير بالرد الالكتروني

بس ربي يكون بالعون

والنه الله ... حقيقة الوضع جداً تعبان وتماماً عكس ما كننه نتوقع

استغفر الله


تحياتي للجميع

اخوكم ابو محمد

5
السلام عليكم

حبيت أسوي هذا الكروب للي مقابلين محلف 2013 وبأنتظار التجييك الامني :-\

يرجى من الشباب ذكر تاريخ مقابلة المحلفين وموعد استلام نتيجة المحلف ???

اني قابلت محلف يوم 25\6\2013 واليوم والحمد لله اجتي اللي نتيجة المحلف :-X

وكانت النتيجة مثل منسميها احنه ( موافقة مشروطه بالامنيه ) ;)

ياربي يكون على هذا الكروب فاتحة خير على كل الي منتظرين اكتمال التجييك الامني :-*

تحياتي للجميع ::)

اخوكم ابو محمد

6
السلام عليكم

تحية طيبه للجميع

بعد 103 يوم من مقابلة المحلفين ... اليوم وقبل ساعة تحديداً استلمت قرار المحلف

103 يوم فتره طوووويله جداً ... لكن الحمد لله والشكر إنه الامور ماشيه طبيعيه

وقرار المحلف هو ( موافقة مشروطه بالامنيه ) الحمد لله والشكر

شكراً لكل من ساندني من اعضاء المنتدى

شكراً للأخ ابو الحكم ( جار الانتظار )

شكراً لكروب جات عينكاوا ...

شكراً للأخ مهجر وأفتخر على موضوعه اللي خلانه نعرف شنو امور المنظمه خلال هايه الفتره

تمنياتي للجميع بالموفقية

وربي يسهل امر المعلقين واولهم الاخ جار الانتظار والاخت هيا

تحياتي

اخوكم ابو محمد

7
مرحبا شباب

طبعاً من كثر الصفنات على موقع عمان ... يخليك تتأمل بالحياة كولش هوايه

ومن كثر صفناتي على هذا الموقع ... كل يوم مكتشف بيه شغله جديده ... واليوم شفت خطأ املائي بكلمة اللي هيه

بدل ما يكتبون تفاصيل الملف ... مكتوب تقاصيل الملف هههههههه

ومن هالمال حمل جمال يا عراقيين على خربطة المنظمه ههههههه

الموضوع للترفيه لا اكثر شباب


تحياتي للجميع

اخوكم ابو محمد

8
السلام عليكم

حبيت اسهل امر اللي عنده سفر وحاير بموضوع النقل

تمنياتي للجميع بالموفقية ياربي



اخوكم ابو محمد

9
الســلام عليــكمـ

الاخت الفاضلة ساوند

تحية طيبة

أرجو تغيير الاسم لعضويتي إلى

DR.ENG


تحياتي لحضرتج

10


السلام عليكم



تحية طيبة من القلب الى جميع اعضاء منتديات عين كـــاوا
تحية خاصة لأعضاء اتشرف بتعرفي عليهم من خلال هذا المنتدى الاكثر من رائع

واسمحولي انه اتكلم معاكم بالعاميه لسهوله ايصال الفكرة لبعض الاعضاء

موضوعي اليوم هو رد دين لمنتدى ثقفني واسعفني وافادني وجمعني بأعضاء اكثر من رائعين

موضوعي راح يكون بخصوص تقديم IOM بغداد ... وبيه راح اخلي كل المعلومات اللي اخذتها من هذا المنتدى الرائع لعلي اوفي الدين اللي عليه وارد الخير اللي اجاني من خلاله

اول شي لازم نعرفه هو : منو اللي يحقله التقديم للهجرة من خلال منظمه IOM ؟
الجواب هو : أي شخص عمل أو تعامل أو تعاقد مع القوات الامريكية أو احدى الشركات الاجنبيه المدعومه من قبل الولايات المتحدة الامريكية وأللي استلم راتبه أو اجره من الجيش الامريكي.

بس نجي نوضح شلون ؟؟ مثلا موظف اشتغل ويه القوات الامريكيه او اي شركه او منظمه تابعه للولايات المتحده ... ياخذ منهم رسالة تزكية ال (recommendation letter ) ومن خلال هذي الوثيقه يقدم للمنظمه. زين هسه نجي نكول ... اذا واحد ما عنده أو فقد رسالة التزكية ... شلون ؟ الجواب هو انه يكون عنده ايميل او رقم هاتف من خلاله يكدر يتصل بقسم الهيومن ريسورس (HR) او المسؤول المباشر عليه. وراح تكولولي واذا ما عنده ؟ بهايه الحاله والامل الاخير انه يستعين بالاخوان هنا بالمنتدى انه ينطيهم اسم الشركة أو شخص كان مسؤول عليه ولعلى احد يكدر يساعده بهذا الموضوع . واذا مدبره ... ف عذراً اني لا اجامل مثل هيج ناس واحب اكول الهم انه همه ظلمو نفسهم قبل لا اي احد يظلمهم. وهيه مو نهاية الدنيا ,,, سافر لاي دول الجوار وقدم للجوء.

السؤال الثاني: هو كيفية التقديم ؟
طبعا التقديم من بغداد عن طريق الانترنيت عبر مراسلة الايميل IC@iom.int

زين حيجي واحد يكول شنو المطلوب مني انه ابعث الهم ؟
الجواب هو: اللي مطلوب منك بالتالي مثل ما موضح بالنقاط ادناه:-
1- ارسال نسخه من رسالة \ رسائل التزكية من الشركة او المسؤول المباشر. وكتب الشكر والتقدير والشهادات ( إن وجدت )
2- ارسال نسخه من الباجات.
3- ارسال نسخه من الجواز والمستمسكات الاربعه.
4- ارسال وثيقة تأكيد العمل اللي هيه VOE. وسيتم الشرح على هذي الوثيقه ادناه.
5- توضيح بالرساله عن المطالبة بحقك بتقديم اللجوء من خلال هذي المنظمه وانه ( حياتك في خطر وانته مهدد )
6- وسائل الاتصال المتاحه عندك , اقصد الايميل ورقم \ ارقام الجوال.

هذي النقاط بأختصار شديد


نجي نوضح نقطه مهمه جداً ذكرناها قبل شوية اللي هيه ( VOE ) اللي هيه (verification of employment )واللي هيه بالعربي .. وثيقة تأكيد العمل ... وهيه الوثيقه الاهم لضمان حقك بالالتحاق لبرنامج الهجره من داخل العراق وبيها ينذكر ايميل ورقم تلفون وفاكس وبريد للجهة اللي تؤيد عملك معاهم


وبعد ما ترسل هذي الوثيقه اللي هيه الاهم الى المنظمه ... هنا راح المنظمه تتأكد بنفسها من مكان عملك .. وبعدها ينطيك رقم قضية تسلسلي يدعى ( Case Number ) اللي هو بالعراق يتكون من 6 ارقام يترأسها الرمز IZ اختصاراً ل ( International Zone ) ويختلف رمز بغداد عن رمز عمان اللي هو JO)) وعن رمز سوريا ((SY وإلخ ولكل دولة رم خاص بيها.

بعد استلام الكيس نمبر راح تنتظر المقابلة الاولى . قسم تطول وقسم متتأخر. وسبب التأخير بأنه المنظمه تتبع انه يبدي التجييك الامني ( Security Checking ) من البداية وحتى قبل اجراء المقابلة الاولى . ومن يوصل التجييك الامني لمرحله انه يسمحلك بإجراء المقابلة الاولى المنظمه راح ترسلك ملف وورد ( Microsoft Word File ) والاسم المتداول عليه بالمنتدى هنا هو الفورمات ( فورمة المعلومات ) . وبالفعل هيه عباره عن فورمه تملي بيها معلوماتك ومعلومات عائلتك. وما بيها اي صعوبه .. وتجي باللغتين العربيه والانكليزيه .. وانته اختار الي اسهلك.


وهنا يجي سؤال, وهو: منو الاشخاص اللي يحق لصاحب التقديم الرئيسي بشملهم باللجوء وياه؟
الجواب هو , الاقارب من الدرجه الاولى واللي همه ( الاب , الام , الزوجه, الابناء, والاخ والاخت وازواجهم وابنائهم اللذين دون سن ال 21 سنة.
وبعد املاء الفورمات وارسالهم (  واللي اني انصح أملائهم وارسالهم بأسرع وقت )  يتم الاتصال بيك من المنظمه \ عمان لتحديد موعد المقابلة الاولى.


الكثير يخافون من يسمعون مقابلة .. بس للعلم المقابلة الاولى هيه مقابلة للتعرف على المتقدم لطلب الهجره وعائلته إن وجدت. ولمعرفة سبب التقديم للهجره والسبب الاكثر هنا يجي هو الظروف الامنيه اللي يعاني منها صاحب الطلب.

اخوان نصيحة مهمه جدااااااااااا اخذو الكلام هذا مني واحفظو زين , اني احب الناس الاذكياء, اللي يعرف شلون يتكلم بالمقابلة ويكون ( مرتب ) قصته ( قصة التهديد ) وما يعقدها على نفسه, بس بالتالي اني ما اكول اكذبو , ولا اكول احجو الصدك كلله , الافكار اللي عند الاميركان الها بعد ابعد مما نتصوره احنه, يعني انته تكذب كذب مصفط , اهون مما تحجي الصدك المخربط , او الكلام اللي غير منسجم وغير منطقي وغير مرتب, يعني كون ذكي ( ورتب امورك )وخليك كلك ثقه من تدخل المقابلة لانها راح تكون اول خطوه بقبولك للهجره. يعني اكتب احفظ ادرخ . واكتبو كولشي واحفضوه مثل القصيده و لا تستهينو بالكتابه ورقه وقلم كولشي واهم شي التوايخ وهايه الامور مبيها مجال للخطأ . لان كلامكم اللي راح تكولوه بالمقابله الاولى راح تنسألون عليه بالمقابله الثانيه ( مقابلة المحلفين )


طبعا المدخل للمنظمه كل فتره يتغير , ومن يجيكم موعد المقابله اذا مفتهمتو من العنوان اللي يجيكم بالايميل اكتبو موضوع هنا بعين كاوه والشباب مراح يقصرون ابدا وياكم.


المقابلة الاولى بالنسبه اللي اني طولت 7 ساعات تقريباً. وهيه اطول وأسهل مقابلة تشوفوها بخلال مسيرتكم ويه المنظمه. وما بيها اي قرار يتخذ في حق طلبك


هنا راح تنتظرون لفتره لحين ما يتم استدعائكم للمقابلة الثانيه , والسبب ايضا التجييك الامني لقبل مقابلة المحلفين , والفتره غير ثابته وغير معروفه ابدا, لأسباب يطول شرحها. بس اول وتالي راح يتصلون بيك عن طريق الايميل او الهاتف لتبليغك بموعد المقابلة الثانيه ( مقابلة المحلفين ) واللي هيه المقابلة الحاسمه , يعني انته لو جنت قاري زين بمقابلتك الاولى وبعدك حافظ اللي قريته , مقابلتك متطول نص ساعه ... بالنسبه اللي ما طولت 20 دقيقه. اما اذا اختلفت اقوالك بين المقابلتين ؟ ف الرفض لا سامح الله راح يكون هو ردهم لمقابلة المحلفين.

خليك واثق من كلامك , لا تنفعل , اتصرف بهدوء , كلامك خليه منطقي , لا تكثر من الكلام وبالتالي راح تفتح عليك وابل من الاسئله اللي انته بغنى عنها. غير هايه النقاط ماكو, اذا تلتزم بيها , القبول والسفر لا محال.

وبعدها وغالباً خصوصا هذه الفتره يتم تحديد موعد للفحص الطبي بعد يوم واحد من مقابلة المحلفين ... وهو بمكانين معتمدين لدى المنظمه ( مستشفى ابن البيطار أو مستشفى بغداد الاهلي )

وبعد الاجرائات الاخيره تكون انتهت مهمتك,وهنا تأتي مؤشرات القبول أو التعليق ( الملفات قيد الدراسه ) او الرفض لا سامح الله.


علامة الرفض: انه يجيك رد من المحلفين برفض القضيه بأقل من 20 يوم. وبعدها تكدر تعمل الاستئناف ( وهناك مواضيع كثيره تعلم الاعضاء طريقة الاستئناف )


علامات التعليق: بقاء حالة مقابلة المحلفين ( فعال ), شيئ مؤلم انه للمترجمين الحصة الاكبر من التعليق ... ربي يفرجها عليهم وبالاخص الاخ ابو الحكم ( جار الانتظار سابقاً )


علامات القبول هي نقطتين:-
اكتمال خانه المحلفين وتغييرها الى ( مكتمل )  (Completed) وبالتالي ايضا تتحول حالة الملف الى Pending Result (بانتظارالنتيجة)
الاتصال بالكفيل ( إن وجد ), وبعدها نزول المدينه والمطار بالملف.

وبعدها استلام نتيجة المحلفين بعدحوالي 90 يوم ( قبل كانت 60 يوم ) ولكن بسبب الضغط على المنظمه اصبحت الفتره طول ,واللي هيه يتم استلامها غالباً بعد حصول النقطتين اللي ذكرناها بالاخير. راح تكون نوعين وهما:-


الموافقة المشروطة بالامنيه (Deferral letter) وهيه الشائعه ولها النسبة الاكبر من القبول

الموافقة الكامله ( وهيه نادرة الحصول )


النوع الاول يتم سفر مقدم الطلب بعد اكتمال الامنيه, اما النوع الثاني فأنه يكون تحت المراجعات الاداريه فقط وبعدها يكون على جدولة السفر.


اما عن اصحاب الموافقة المشروطة بالامنيه, واللي همه حيسافرون بعد ما تكتمل امنيتهم انصحهم بأنه يراسلون المنظمه اسبوعيا ويبلغوهم دوماً انهم متعرضين للتهديد. لضمان انه المنظمه متنساهم ويبقى دائما ملفهم على الطاولة ولا يهمل.


وهنا نجي موضوع ثانوي لا يقل اهميه ابدا عن ما سبق من كلامي

هو كيفية مراسلة المنظمه ؟

اكثر الاعضاء هنا اشوفهم يتداولون انه المنظمه تجاوبهم كوبي بيست !!
يعني هل انه من المعقول منظمه دولية موظفيهم يراسلون كوبي بيست ؟؟

طبعا غير معقول... والحقيقه انه المنظمه لديها سستم الكتروني لأرشفة الرسائل .. والاولويه للرسائل المنظمه عند ارسالها كالتالي, يعني مثلا تجي تريد تراسلهم , اني ما عليه بمضمون الرساله , بس الاهم منه هو موضوع الرساله, واللي هو لازم يكون بنفس صيغة جوابهم على رسائلنه, يعني مثلا لازم يكون موضوع الرساله كالتالي:-


IZ-XXXXXX / Family Name , Full Name / Urgent

يعني مثلا لو اسمك احمد محمد علي العبيدي والكيس نمبر مالتك  IZ-123456 لازم يكون موضوع الرساله كالتالي:-

IZ-123456 /AL UBAIDY, Ahmed Mohammed Ali / Urgent

وهنا ضفنه كلمة أرجنت ( يعني طارئ ) لحصول ايميلكم على الاولوية للرد عليه لان مثل ما ذكرت انه السستم المعتمد لدى المنظمه هو سستم الكتروني يعطي الاولوية للرسائل الوارده لديهم حسب موضوع الرسالة.

والى هنا انتهيت بتقديم لحضراتكم كل ما عرفته من خلال منتديات عين كاوه, لكن هنا كلام بيني وبينكم هو انه لحد يعتب على المنظمه انه أخرت ملفه وما سفرته وهو خله قضيته تمر بنقطة ضعف... وهيه متعددة مثلا:-

1- الربط القوي (Strong Bond ) واللي هو يكون بين الملفات ربط بحيث لو كل الملفات تسافر لو لا ... وهنا راح يصير اختلاف بأكتمال الامنيات وبالتالي لو اكتملت امنية قسم منهم والاخر اثناء انتظار اكتمال امنيتهم اصبح اكسباير بالامنيه. وهكذا تصير معاناة. فلا انصح به نهائياً. وانصح بتحويل الربط الى ( Soft Bond ).


2- عدم مطابقة الاقوال بين المقابلات الاولى والثانيه.

3- التعذر من حضور المقابلات, وبالتالي راح يعتبرك شخص غير مهتم بالهجره.

4- اهمال مراسلة المنظمة اسبوعياً.

5- كل يوم اضافة شخص أو الغاء شخص من الملف .

وبهذا اكون قدمت افرغت ما بجعبتي من معلومات لأضعها بين يديكم عسى الله ان يسهل امر سفركم ويوفقكم

وبنهاية موضوعي احب ان اشكر الاخ ابو الحكم ( جار الانتظار ) لتشجيعي لكتابه هذا الموضوع داعياً الله عز وجل ان يسهل أمره ويسرع سفره .
والموضوع قابل للنقد وتصحيح اي معلومه قدمتها وما نيتي إلا الفائدة العامه لأعضاء هذا المنتدى الاكثر من رائع.


اســــألكم الدعــــــاء

تحياتي لكم

اخوكم ومحبكم

أبــو محمـــد





11
كثرت في الاونة الاخيرة الاحاديث حول مدة بقاء صاحب الكرين كارت خارج الولايات المتحدة وتضاربت الاراء حول ذلك مابين من يقول انها ستة اشهر وبين اخر يقول انها سنة طبعا دون ان يكون للطرفين اي دليل قانوني ملموس غير انه سمعت او اكو واحد اعرفه او اقاربي سافر او قالوا لي وبما ان هذا الموضوع مصيري للكثير فانني ارتأيت ان اقطع الشك باليقين للجميع ومن موقع دائرة الهجرة والجنسية الامريكية …
اولا… حامل الكرين كارت يحق له السفر خارج الولايات المتحدة لفترة ستة اشهر او اقل بدون اية مسائلة قانونية له … ركز معي على عبارة (بدون اية مسائلة قانونية له) ..
ثانيا … يحق لحامل الكرين كارت السفر لفترة لاتتعدى السنة والرجوع الى الولايات المتحدة قبل نهاية السنة ولكن في هذه الحالة يمكن ان يسائل قانونيا حول ذلك بمعنى عليه تقديم اثبات بانه لايريد ان يكسر اقامته في الولايات المتحدة وانها محل اقامته الدائم وله فيها متعلقات قوية كضريبة التاكس وحساب بنكي مستمر او روابط اسرية واجتماعية او عقار .. بمعنى عليه البرهنة بانه ليس فقط ياتي اسبوع او اسبوعين الى امريكا ويطلع وراهة لمدة سنة .. في هذه الحالة من صلاحية الضابط في المطار ان يكسر اقامته السابقة ويجعله يبدأ من جديد لحساب الاقامة ..
ثالثا .. فترة التغيب عن الولايات المتحدة لاكثر من ستة اشهر تؤثر على حصولك على الجنسية الامريكية بعد ثلاث او خمس سنين..
رابعا .. في حالة رغبتك البقاء خارج امريكا اكثر من سنة عليك التقديم على مايسمى بالريي انتري قبل سفرك بفترة واستلامها او على الاقل ان تكون قد اتممت جميع المتطلبات اليها من بصمات وماشابه ذلك وانت داخل امريكا ومن ثم الطلب من دائرة الجنسية والهجرة ان يبعثوها اليك الى اية سفارة او قنصلية امريكية انت تختارها .. علما بان الريي انتري لايمكنك التقديم عليها مطلقا وانت خارج الولايات المتحدة..


وشباب الموضوع منقول للأمانه ... واني نقلته لان اني حسيت الكلام منطقي ...

تحياتي للجميع
 

12
السلام عليكم شباب

عندي اقاربي مقدمين يو ان سوريا ( بس ما قابلو وفد ) ...  وبال 2011 رجعو لأسباب خاصة

وحاليا حياتهم بخطر نظرا للظروف الامنيه الي يمر بيها العراق

سؤالي هو ... هل اكو طريقة يرجعون يفعلون ملفهم ؟

اكو طريقة ينقلون بيها الملف الى بغداد ؟

ياريت الاخ حسين الجبوري بتفاعل ويايه بالموضوع لكونه صاحب خبره بقضايا يو ان سوريا

وادري بيكم متقصرون شباب

تحياتي الكم

اخوكم ابو محمد
[/size][/font]

13

ببالغ الحزن والاسى يؤسفني ان ابلغكم بوفاة والد العضو والاخ العزيز

ahmed k falah

تغمده الله برحمته واسكنه فسيح جناته

وربي يصبركم على ما بلاكم

الفاتحــــــــة


[/b]

14
السلام عليكم شباب

بالبدايه اشكر كل اصدقائي بهذا المنتدى الاكثر من رائع

اخص بالشكر كل من

الاخ عراقي وافتخر دائما
الاخت صبية
الاخ كيو
الاخت راي
الاخ دايينك تو ليف
الاخ علوااااا
والاخ جار الانتظار
الاخ دبس وراشي

اشكرهم لدعائهم لي اشكرهم لمساندتهم اشكركم يا اطيب ناس يا عائلتي الثانيه
واسف اذا مذكرت الباقيين لان هسه الساعه 6 الصبح ومنايم من الفرحه

اليوم وبعد مرور 23 يوم على مقابلة المحلفين ،،، اكتملت الخانه الى مكتمل والحمد لله

وبعد هسه انتظر تنزل المدينه والمطار ولا زالت الامنيه بالانتظااااااار وللعلم ايضا لم استلم نتيجة مقابلة المحلفين الى الآن والله كريم

اسأل الله ان يسهل امر الجميع بحق محمد وآل محمد وبحق هذا الشهر الكريم ،،، بحق كل حرف بالقرآن

اشكركم اخواني ما قصرتو

تحياتي تسبقها امنياااااتي بالموفقيه للجميييييييييع

اخوكم ابو محمد

15
السلام عليكم

شباب مثل مدتشوفون اكو اعضاء كاعد يدخلون هنا ويشاركون مشاركات محلوه ... مثلا غسان العبيدي مدري منو يكول ببباااااي البند السابع وظلو بالعراق ومدري شنو ... شنو انته من بشر لخاطر الله ... يعني العراقيين متصيرلكم جاره ؟

لو يجي واحد من الاخوان عنده سؤال ... ويجيك واحد يخلي اول رد ... ورده يكون مال واحد مقفله الدنيا بعينه والدنيا انتهت ويبينله انه لو يموت متصير شغلته ويخلي صاحب الاستفسار يموت من القهر ... يا اخوان ليش ؟؟؟ مو اكو ناس عايشه على الامل ؟؟؟

ارجو من الاداره الانتباه على هذا الموضوع وحضر العضو غسان لان كاعد يسيئ للاعضاء ويوجه الهم كلام محلو كولش

تحياتي للجميع

اخوكم ابو محمد
[/size]

16
شباب هسه الساعه 7 المغرب و وكف الموقع ... ابشرو خيرررررررر ياربي اكو بشاره للي منتظرين


دعواتتتتتتتتتتتكم

ابو محمد
[/size]

17
السلام عليكم اخوني الاعزاء

تحياتي للجميع بدون استثناء

عندي صديق كردي من اهل خانقين ... مشتغل ويه الاميركان 3 سنين ... بال 2009 بطل منهم

طلب مني انه اسال سؤال لحضراتكم ... انه هو لو راد يقدم على اللجوء وهو ما متهدد اصلا ... يكدر يسوي ورقة تزوير يثبت بيها انه هو تعرض لمحاولة اختطاف ؟ بس الورقة بيها اختام ومصدقه من اكثر من 3 دوائر ... بس الورقة كلها مزورة

والله اني ما عندي خبره بالموضوع انه المنضمه تتأكد من صحة هيج مستمسكات او وثائق ... او يعتمدون ع الكلام اللي موجود بالوثائق ومدام بيها اختام اذا هاهيه ف كلت اسأل حضراتكم ... واني اشوف مبيها شي انه هيه مساعده انسانيه ... وبصراحه ماكو واحد ما متعرض للخطر وهو بالعراق ... وفوكها قريب على ديالى ... ف شنو تكولون حضراتكم مثل هيج وثائق يتأكدون منها بالوزارات العراقيه ؟\


تحياتي لكم

اخوكم ابو محمد
[/size]

18
السلام عليكم ورحمة الله وبركاته

بالبدايه اسف لان البارحه كتبت الموضوع وخليتكم تنتظرون هوايه ... بس صدكوني وضعي تخربط بسبب التعب اللي شفته وقبل يوم كنت منايم من وره القلق

اني موعدي كان يوم 25-6 الساعه 10 صباحاً ... وبسبب الظروف اللي اعيشها حاليا ... كلت خلي اكون من وكت بالسفاره اامنلي ... وصلت بال 8 ونص ... طبعا بوابة الدخول اللي هيه صايره من جهة جامع ام الطبول ... وصلت والجيش ساعدوني شلون اكدر اوصل للسفاره ... وابشركم وصلت واشوف عدد هائل ... يعني اكو جماعه جايين من ال 6 الصبح ... واني وصلت بال 8 ونص وصدكوني ما ابالغ اذا كلت الكم العدد بال 400 شخص !!!

ومو كلهم اي او ام ... لا قسم طلب فيزا دراسيه ... وقسم أس آي في ... وقليل جدا جايين علمود شغل ... ويجيكم العدد التقريبي لجماعه الاي او ام

طبعا مثل مكلت الكم موعدي اني بال 10 كان بس مصاحو اسمي غير الساعه 11 ونص ... وخلف الله ع المبرده العملاقة اللي خاليها ب بداية الممر لا جان العالم اغمى علها من الحر ...

دخلت وتفتشت التفتيش الروتيني ... ودخلوني للقاعه اللي بيها جماعة ال آي أو أم فقط ... اللي بيها الناس جماعة المقابلة الاولى والثانيه ... وهنا هم اخترعت ... العدد التقريبي 250 الى - 300 شخص ... بس للعلم عوائل كووووووولش هواية ... واكثر من السنكل ... يعني نسبة العوائل تكاد ان تصبح 90 بالميه من المقدمين اذا مو اكثر ...

المهم انطوني رقم تستسلي وانتظر احد ينادي برقمنه علمود نفوت اني وعائلتي من اجل مقابلة المحلفين ... اللي هيه لحد الان كانت رعب بالنسبة اللي ...

اكو موضوع يمكن تستهينون بيه ... بس صدكوني كولش مهم واللي هو من تروح لأي مقابلة آي أو أم ... لازم تاخذ وياك اكل ... اي شي ... المهم تسكت بيه معدتك لان عبالك الواحد من القلق يجووووع ... وللعلم هناك ماكو اي ماركت ... ف تشوف الناس كلها جايبه سناكس وياهم وعصاير ... ( نقطة جدا مهمه وخاصة لأصحاب العوائل )

وما نادو اسمي الا بعد ان اصبحت الساعه 2 ونص الظهر ... المهم طبيت للمقابلة وكانت المحلفه شابه متوسطة العمر ... نازكه لطيفه الابتسامة متفارق وجهه ... وهذا ينطيك نوع من الامل وتقليل الضغوطات اللي بيها ... طبعا الغرفه اللي قابلوني بيها تقريبا 2.5 متر × 2.5 متر وبيها سبلت ابو الطنين ... تخايل شنو البرد ... يعني اني وعائلتي كمنه نتراااااااااااااااااجف ههههههههههه

المهم .. عندي نقطة وهيه المهمه لموضوع مقابلة المحلفين ... بعض الشباب يجي بالمنتدى ويكول انه مقابلة المحلفين جدا صعبه ... والبعض يكول اصلا مقابلة اسهل من المقابلة الاولى ... شباب الموضوع نسبي صدكوني ... اول جزء من المقابلة يكون للتحقق من معلومات الشخص وبمطابقته بالاوراق اللي كدامهم ... اسمك مواليدك سكنك الحالي اسماء عائلتك ومن هالامور ... بعدين تجاوبك اساله روتينه اللي هيه تجاوب ب نعم او لا مثلا خدمت بالجيش العراقي ... او انظميت لمجموعه ارهابيه ... ومن هيج امور الاجابه عليها سهله جدا ...وبعدين توقع على اجاباتك

بعدين يجي سرد قصة التهديد وهنا تكتبها هيه بالتفصيل واظن انه الموضوع لمطابقتها مع الكلام اللي انكال بالمقابلة الاولى ... المهم الحمد لله والشكر اني كملت المقابلة وجانت كولش اوكي ... ولله الحمد وحده

طولت المقابلة ساعه ونصف وراها تشكرت مني ورجعت لقاعة الانتظار وبعد فتره نادوني لاخذ عناوين الكفلاء وراها اخذو باج الانتظار مني

وبهالفتره ... كلت لازم انتزع اكبر كم من المعلومات من الموظفين هنا ... وكافي بس اباوع

سالت شخص مسؤول عن اجراء المقابلات الاولى وسالته

اولا : هل هناك تسريع على الملفات ؟
الجواب : ماكو شي هنا اسمه تسريع عام ... وانما لكل شخص وحالته والمحلف هو الشخص اللي يكدر يتنبأ تقريبا بموعد سفرك

ثانيا: هل صحيح برنامج أس آي في راح ينغلق ؟
الجواب: نعم الخبر صحيح ومؤكد

ثالثاً: هل هناك كميه كبيره من المرفوضين ؟
الجواب: لكل مقدم وحالته والنسبة الاكبر اكيد المقبولين قبول اولي من المحلف

رابعا: هل كلام المحلفة دقيق  من حيث الاجرائات اللي حتصير ع الكيسات من حيث التجييك الامني وفترته والي كالته راح يصير ؟
الجواب: المحلف كلامه صحيح بس العائق الوحيد هو الاجرائات اللي تسويها المنظمه ... والكميات الكبيره من المقدمين هيه سبب تأخير اجرائات الجميع

..................................................................

خلصت من عنده واتشكرته ... و وره محجيت وياه شفت المحلفه واكفه وحده رحت وبطريقة دبلوماسبة اتشكرت منها وحاولت اسالها ع القضيه مالتي

سالتها انه اني حاليا اعيش ظروف صعبه  ... واعرف انه سؤالي صعب بس هل تعتقدين انه انه بامكانج ولو تقديريا انه تنطيني ممكن بعد شكد يتم قرار حضرتكم على قضيتي  ... والجواب الصاعقه كان هو ... اليوم يتم القرار على قضيتك بانه اذا كانت تستحق السفر او لا ( طبعا هنا ما اسولفلكم الصخونه اللي صارت عندي من كلتلي هيج )

وسالتها كتلها تتوقعين لو تمت الموافقة بعد كم ينتهي التجييك الامني و اسافر ... ولو وقت تقريبي ( الجواب الصاعقه كان ... ما اكدر اتنبأ بالضبط بس اعتقد بعد 4 اشهر  !!!!!!!!!!!!!!!!!

موتتني اجوبتي تسوي توحد ههههههههههههه ... تشكرتها وكتلها ذاتس فري الوت انفورميشن ذات اي كن تيك ان ذس فيو منتس ... ماي ابلتي ايندس هير ... وضحكت وكالتلي لا تقلق واتمنالك الموفقيه


وراها طلعنه من السفاره ورحنه لبيوتنه ... وصدكوني هستوني كعدت من النوم وكتبت الكم الموضوع ... واي احد عنده اي استفسار على اي كلته يسالني وعيوني اله

واتمنالكم يا اعضاء هذا المنتدى الاكثر من رائع انه تتوفقون وتسافرون باقرب وقت وتخلصون من وضع البلد اللي يوم عن يوم تسوء حالته

ملاحظه : اصحاب الكيسات اللي تبدي 141 بدو بالمقابللات الاولى ... وهايه بشاره لاصحاب التقديم الجديد

ارجو انه اكون ما قصرت معاكم وحاولت اردلكم ولو جزء بسيط من اللي قدمه اللي هذا المنتدى الاكثر من رائع بأعضائه وادارته

تحياتي للجميع

اخوكم ابو محمد



19
السلام عليكم ورحمة الله وبركاته

بالبدايه اسف لان البارحه كتبت الموضوع وخليتكم تنتظرون هوايه ... بس صدكوني وضعي تخربط بسبب التعب اللي شفته وقبل يوم كنت منايم من وره القلق

اني موعدي كان يوم 25-6 الساعه 10 صباحاً ... وبسبب الظروف اللي اعيشها حاليا ... كلت خلي اكون من وكت بالسفاره اامنلي ... وصلت بال 8 ونص ... طبعا بوابة الدخول اللي هيه صايره من جهة جامع ام الطبول ... وصلت والجيش ساعدوني شلون اكدر اوصل للسفاره ... وابشركم وصلت واشوف عدد هائل ... يعني اكو جماعه جايين من ال 6 الصبح ... واني وصلت بال 8 ونص وصدكوني ما ابالغ اذا كلت الكم العدد بال 400 شخص !!!

ومو كلهم اي او ام ... لا قسم طلب فيزا دراسيه ... وقسم أس آي في ... وقليل جدا جايين علمود شغل ... ويجيكم العدد التقريبي لجماعه الاي او ام

طبعا مثل مكلت الكم موعدي اني بال 10 كان بس مصاحو اسمي غير الساعه 11 ونص ... وخلف الله ع المبرده العملاقة اللي خاليها ب بداية الممر لا جان العالم اغمى علها من الحر ...

دخلت وتفتشت التفتيش الروتيني ... ودخلوني للقاعه اللي بيها جماعة ال آي أو أم فقط ... اللي بيها الناس جماعة المقابلة الاولى والثانيه ... وهنا هم اخترعت ... العدد التقريبي 250 الى - 300 شخص ... بس للعلم عوائل كووووووولش هواية ... واكثر من السنكل ... يعني نسبة العوائل تكاد ان تصبح 90 بالميه من المقدمين اذا مو اكثر ...

المهم انطوني رقم تستسلي وانتظر احد ينادي برقمنه علمود نفوت اني وعائلتي من اجل مقابلة المحلفين ... اللي هيه لحد الان كانت رعب بالنسبة اللي ...

اكو موضوع يمكن تستهينون بيه ... بس صدكوني كولش مهم واللي هو من تروح لأي مقابلة آي أو أم ... لازم تاخذ وياك اكل ... اي شي ... المهم تسكت بيه معدتك لان عبالك الواحد من القلق يجووووع ... وللعلم هناك ماكو اي ماركت ... ف تشوف الناس كلها جايبه سناكس وياهم وعصاير ... ( نقطة جدا مهمه وخاصة لأصحاب العوائل )

وما نادو اسمي الا بعد ان اصبحت الساعه 2 ونص الظهر ... المهم طبيت للمقابلة وكانت المحلفه شابه متوسطة العمر ... نازكه لطيفه الابتسامة متفارق وجهه ... وهذا ينطيك نوع من الامل وتقليل الضغوطات اللي بيها ... طبعا الغرفه اللي قابلوني بيها تقريبا 2.5 متر × 2.5 متر وبيها سبلت ابو الطنين ... تخايل شنو البرد ... يعني اني وعائلتي كمنه نتراااااااااااااااااجف ههههههههههه

المهم .. عندي نقطة وهيه المهمه لموضوع مقابلة المحلفين ... بع

20
السلام عليكم شباب

اليوم الحمد لله قابلت محلفين

وعندي تفاصيل كووومه الكم

بي خلي انام لان من البارحه منايم والله

تحياتي للجميييييع

21
تحياتي للشباب الطيبين

مثل مقريتو اسم الموضوع .. باجر الصبح هو موعد مقابلة المحلفين ... حبيت اعرف هل هناك اي نصائح ممكن تقدموها اللي ... لان بالله صاير اعصاب حيل وشكلي مراح انام اليوم الليل كلله

دعائكم اللي شباب ... لان حاليا دا اعيش اتعس ايام حياتي من بعد ما قامو الارهابيين بمداهمة بيتي وحرموني من بيتي

تحياتي لكم

اخوكم ابو محمد

22
السلام عليكم شباب

كثير ما كنت اسمع منكم انه المنظمه شغلها غير مرتب و وضعهم تعبان

قبل دقائق اجاني اتصل من عمان وحكت معي بنت

خبرتني بأسمي وكلت الها صحيح والكيس نمبر صحيح

بعدين كلتلي اسم زوجتك وابنك والاسماء خطاأأأأأأأأأأأأأأأأأ .... وهايه اولا

ثانيا جاوبتني انها للاسف لحد الان ما محددين موعد مقابلة المحلفين اللي .... واني محدديلي ومباقي غير اسبوع .... وهايه ثانيا

ثالثا ...اتصلت وراها تكولي حضرتك متهدد ؟ كلت الها اني بيتي هجمو هجم الارهابيه وبعثت الكم المستمسكات اللي تثبت ... والله ظليت صافن

اكو هيج شي ؟؟؟؟؟؟؟؟؟؟؟

وبعدين وراها اجاني ايميل وهذا عنوانه Case status/JGR/IZ

ممكن احد يكولي شنو هذا الرمز ؟ ولو بديت اقتنع انه هو مجرد اختصال لاسماء موظفين

اشكر لكل من يعلق ويشاركني بمووضووعي

تحياتي لكم

اخوكم ابو محمد
[/size]

23
السلام عليكم اخواني

بما انه اني موعد مقابلة المحلفين بعدلها اسبوع ف اني محتار بموضوع الكفيل ... بصراحه اني اللي عندي 5 يكفلوني مو واحد ... بس مره سمعت من احد الاخوان هنا انه اذا واحد جاب كفيل يخليه سفره يكون مو سريع مثل ما المنظمه هيه نفسها تكون كفيلك وتحير بالموضوع ... هل هذا الكلام صحيح اخواني ؟

ارجو تزويدي بمعلومات اكثر حول هذا الموضوع

وبالنهايه شاكر فضلكم عليه بقرائتكم لموضوعي المتواضع

تمنياتي للجميع بالموفقيه

اخوكم

ابو محمد
[/size][/b]

24
مرحبا شبببااااااب

عندي سؤال كوني جديد ع موضوع الهجره انه اني عندي موعد مقابلة محلفين بنهايه هذا الشهر بس الغريبه انه بالموقع لحد الان غير فعال كدام مقابلة المحلفين ؟؟؟

يعني هذا شي طبيعي ؟

تحياتي لكم

ابو محمد

25
السلام عليكم شببباب

اني قبل كم يوم نورني احد اصدقائي بوجود هيج منتدى واشتركت بيه وللاسف ملحكت اتشارك وياكم بفعاليه كبيره لاسباب كثيره خاصه ... ويؤسفني انه انقل الكم ما صار ويايه اليوم

قامت احدى القوات الارهابيه بمداهمه بيتي والسبيل منه اعتقد انه يلكوني ولكن الحمد لله البيت كان فارغ بس للاسف كنت جدا قريب يعني بنفس المنطقة وما ادري اصلا حاليا طابين ب بيتي فدا اتمشى بالمنطقة وما اشوف الا سياره بيكم نفارا جايه سريع باتجاهي و واحد ملثم وطالع من السياره وبده يرمي عليه بصراحه اني ابدا متوقعت انه جاي عليه وكل اللي كدرت اسوي انه اركض بشكل عشوائي ومو بخط مستقيم والحمد لله لكيت باب بيت مفتوح لكيت بابه مفتوحه ويصيوحولي تعال طب جوه

وطبيت وطلعو ولد المنطقة ع السياره وراهم ولكن للاسف ملحكو بيهم ... ظليت صافن وراها بدقائق اجاني تلفون من جيراني انه داهمو بيتي وفلشو غراض بيتي جماعه يكولون همه عدهم القاء قبض وجايين بسياره خصوصي ... اني ذبيت التلفون وظليت صافن شنو اسوي ... والله ماكو شي يتحرك بيه بس عيوني تتحرك وحسيت الم بكتفي الايسر مصاير ... لكن الحمد لله حالتي تحسنت وما اشوف اله جيراني الي طبيت ختلت عنده كللي كوم نسوي بلاغ بالشرطة ... وسوينه البلاغ وانطوني ورقة وطلعت ويايه مفرزه سوو كشف ع بيتي ورجعت لهناك واخذو اقوالي واقوال الشهود ... وانطوني ورقة بيه البلاغ مالتي

اني بس احمد ربي واشكره انه ماكو احد كان بالبيت عائلتي سفرتهم لبيت اهل زوجتي خارج بغداد بسبب الاوضاع الامنيه

الحمد لله والشكر على كل حال ... والله ما اعرف المن اسولف غيركم ... ما اعرف المن اشكي والمشتكى لله

شباب اني عندي مقابلة محلفين بعد كم يوم ... تتوقعون انه الورقة مال البلاغ اللي انطونياها الشرطة راح تنفعني وتسرع من سفري لو قدمتها الهم ... لو لا ؟؟

ما اعرف حاليا تفكيري جدا مشتت وما اعرف شنو اكتب

تحياتي لكم يا اعضاء منتدى عين كاوه الطيبين

تحياتي الكم

ابو محمد

صفحات: [1]