مواضيع

1

الهجرة و واللاجئين / خاص لجماعه SIV الواصلين الى اميركا

« في: 11:50 25/07/2009  »

ارجوا من الاخوان جماعه SIV الواصلين الى اميركا شنو البرنامج الي نحطوا عليه يعني همه مشمولين بالماج كراند لو اللولفر لو بس الولفر يعيني شنو المساعدات الي حصلوا عليها من المنظمه يعني الجواب على:-
1- متى وصلت
2- اي ولايه انت
3- على اي برنامج كنت
4- اسم المنظمه
5- ماهي المساعدات
6- ماهي مدتها


تقبلوا تحياتي
اختكم
ساسي

2

الهجرة و واللاجئين / الدراسة المجانيه خاصه الى اصحاب العوائل

« في: 10:07 23/07/2009  »

اخي الكريم حبيت ان اشاركم المعلومه لربما البعض يعرف او تكلم عنها
هذا الموضوع لاصحاب العوائل والي يستلمون كاش اسستنز مساعده مالية كاش من الولفر DHSهناك برامج خاصه تحقلهم ان يدخلون دورات تدريبيه للاختصاصات المختلفه في احد المعاهد التقنيه المتخصصه في ولايتك ودائره الولفر هي  الي تتكفل بمصاريف هذه الدورات

طبعا هاي الدورات مدتها تعتمد على اختصاصك وطبعا ما الها علاقه بشهادتك انت شتريد بس تدخل امتحان لغه مستوى الثالث على اقل تقدير ومدتها اكو بيها ٤ اشهر اكو بيها ٩ او اكثر اكو اقل هاي تفيدك يكون عندك شهاده معهد من اميركا يحقلك تشتغل بكل مكان بكل ثقه وميه بالميه التعيين تستغلها من البدايه وهنا الكل تدعمك من جماعه اللولفر اذا بيها شغله تعلم وراها تشتغل وتستفاد يدعموك ماديا.

ومو شرط نفس شهادتك ممكن تختص بشي ثاني شوف نفسك افظل بي ماله علاقه بشهاداتك الي ماخذها بالعراق واغلب الامريكيين داخلين هاي المعاهد والهم شأن هسه بالشغل مالتهم ومناصبهم.


تقبلوا تحياتي
ساسي

3

الهجرة و واللاجئين / مدينة سياتل

« في: 09:50 23/07/2009  »

طبعا اني مدينه سياتل اول مدينه ازورها بأميركا وهي محطة لقائي بأهلي كما قلت لكم سابقا وانشاءالله اتوجه الى واشنطن بعد أسبوعين انشاءالله احب ان اتكلم عن مدينة سياتل انا الان قي مدينة kent كنت وهي على جنوب شرق سياتل وسوف اتكلم بشكل عام عن سياتل
انك سوف وترى الجنه بام عينك لانك ستاتي الى اجمل المدن الامريكيه على الاطلاق وهي تعتبر العاصمه الصيفيه لامريكا.....
كل شي من حولك رائع وجميل وكما تعتبر نسبة الجريمه في الولايه من اقل النسب في امريكا .الناس مسالمون جدااااا هنا ....الجو رطب ممطر وفصل الشتاء والربيع يستمر لحد الشهر الخامس بعدها ياتي شهر الصيف الرائع من شهر 6 ولغاية شهر 9 . هنا وصلت كان الجو ممطر وبارد ولحد لان الجو بالنهار جميل فيه مرات حراره بس جيده وباليل بااااااااااارد
الولايه تحتوي على مصنع شركة بوينك للطائرات كما فيها مقر شركة مايكروسوفت ، والعديد من البنايات ناطحات السحاب او لا مكتوب عليها مايكروسوفت
بالنسبه للسكن داخل مدينة سياتل غير نافع لانها مدينه تجاريه عملاقه واغلب الناس يفضلون السكن بالمدن الصغيره المحيطة بالمدينه وذلك تجنبا لارتفاع سعر الايجار والضجيج والصخب .
سعر شقه غرفتين وصاله بحدود 800-900 دولار شهريا تستطيع اضافة 150 دولار تسديد فواتير الماء والكهرباء والهاتف.
العراقيين الموجودين بشكل واضح ومن اختلاف الجنسيات من الاتراك و.....،
العمل صعب وجوده بس ممكن تلكي الناس طيبين للغاليه بس الصبر وماكو اكثر من صبر العراقي
احب ان انصح اخواني وخواتي القادمون الى اي مدينه في اميركا ان يتعلموا اللغه الانكليزيه هسه بفتره الانتظار مو يجي ويتعلم علمود من يجي تكون اله دافع اقوى على لاقل يشوف نفسه يعرف كم كلمه ساعده وتخلي عنده جرئه وثقه بالنفس.
انا من اشد المعجبين في هذا البلد العظيم كلشي بي نظام انت حالك حال اي مواطن بعد حصولك على السوشل سكيورتي يعني تكول مواطن مو شرط تحصل على الكرين كارت علمود تكون مطمأن انت مجرد حصولك على السوشل سكيورتي انت صارت حقوقك حالك حال المواطن الامريكي من كافه الحقوق والواجبات.

يعني احنه عدنه السلام ال الله تمام!! بس محد يسلم على احد والله شنو اني ماعرفه بس هنا تلكيهم الكل سلم عليك ومحد يعرفك وطبعا يبتسم بوجهك انت لا اراديا تكون مرتاح نفسيا كلشي نظام كلشي ترتيب بس يحتاج تتكيف على هذه الانظمه مالتهم

الرايح وعنده عائله يتبنون الطفل متنكطع عنه الغذاء ولا العلاج ومصرفه ماشي الى عمر ١٨ سنه والمدارس مجاني، الام الحامل عنايه ١٠٠٪ هي والطفل من كل النواحي حتى الغذاء والفحص والعلاج الطبي الى ان تولد ورى ٤٠ يوم تنكطع عنها حتى مستلزمات الاساسيه للطفل ينطوها.

انت كلاجئ ممكن دور شغل تبيع بسوبر ماركت سايق شاحنه مترجم مدرس اي شي اخر بصعوبه تحصل بس تلكي لازم دور بكل مكان حتى بالانتر نيت مرات ينزلون اعلان شغل او يحددون مقابلات انت السيفي مجهزه واكثر من نسخه وجوه ايدك. طبعا هنا الاخوان العراقيين الموجودين الطيبين الخيرين الجايين قبلك من تلكيهم كلهم ينصحوك وشدون من عزمك وكلهم نخوه وشهامه يمكن تنزعج من ناس بس مو كل اصابيعنه سوى،

اخي العزيز انت من معاناتك بلدك ومعاناتك بلدان العربيه رح تشعر بالامان بهذا البلد تحس بالاستقرار على الرغم بعدك ممشتغل بس شعورك انت انسان محترم ومقدر والك اهميه هذا الشعور محسيته اله واني هنا بأميركا هذا الحجي مخصص بس للي عانه من بلده وبالبلد العربي مو العاش ملك بالبلدان العربيه.  يحتاج الصبر ثم الصبر لان النتيجه تكون بأذن الله خير وانت ترتاح وتستفاد وتفيد عائلتك

اهم شي تستغل من اول يوم يطلع السوشل سكيورتي ينطوك المدكل كوبون ان تسجلون بدورات الانكليزي وتسون فحص شامل طبي يعني تستغل هذي الفرصه لان هي فرصه لازم تستغلها من البدايه متخلي شي بيك متفحصه لو صحتك ١٠٠٪ زينه جيك مخسران شي.


اكيد رح اقدم موضوع عن واشنطن بمجرد ان اوصل وأستقر وافتهم شكو ماكو بهذا البلد الحلو.


اسفه للاطاله
تقبلوا تحياتي
ساسي

4

الهجرة و واللاجئين / الوصول الى اميركا مدينة سياتل

« في: 16:53 14/07/2009  »

اصدقائي واعزائي اسفه للتأخير بس تعرفون فرق الوقت دمرني هههههههههه
طبعا الي يسافر على حسابه الخاص يعيش ملك والميكدر معذور اني حجزت على الخطوط الجويه البرطانية خمس ساعات ونص بين لبنان ولندن ترانزيت ساعتين اله ربع ووراها عشر ساعات اله ربع من لند الى سياتل الرحله مريحه وجيدة جداااا. الحمد الله

وصلت السياتل ويايه الملف مالتي استقبلوني واخذوا الملف يم الكاونتر وكلي تفضلي استريحي ورى اخذ البصمات وراها وقعت على اوراق وبصمت عليها وكلي انتي لتتوترين انتي هسه بأميركا ومعامله جددا راقيه وراها  واخذ العنوان الي رح اسكن بي بواشنطن واكد اذا عندي احد بسياتل كتله اختي ونطاني جوازي وراها رحت استلمت الجنط وستقبلوني اهلي بالمطار وجانت احلى لحظات حياتي.

سياتل منطقه جداااااااااا جميله الخضار مالتها والجبال والشوارع والكلشي بيها جميل يبهرك من انت بالطياره ومن تمشي بأي مكان الكل اسلم عليك وتظحك بوجهك وانشاءالله اول اسبوع من شهر الثامن ارح الى واشنطن لاكمال الاجراءات مال الهجره والمستحقات.

طبعا مدينه سياتل والمدن الي داير مدايرها عباره عن غابه وشاقين طرق بيها طرق هاي وي مو درابين وبيوت وسوبرماركتات وتحس نفسك بين الخضار عايش طبعا جانت مطر من وصلت وبيها برد 

هاي تفاصيل رحلتي الى سياتل وانشاءالله انطيكم تفاصيل اكثر عن هذه المدينه الجميله بس شويه افتهم دربي لان اطلع العصر وياهم بتوقيت بيروت الفجر فشوفوني نص الطريق واني انام هههههههههههه وارجع للفراش راسا اكعد من النوم الكل نايمه وعلى يومين وتتحول نومتي ودنتظر طبعا اني وصلت يوم ١٢ بالشهر الى سياتل

وتقبلوا تحياتي
اختكم
ساسي

5

الهجرة و واللاجئين / باركولي ياجماعه استلمت الفيزه

« في: 21:33 08/07/2009  »

احبائي جميعا
ماعرف شلون اوصف الفرحه من استلمت الضرف والجواز وبي الفيزه طبعا ختمت القرآن من رحت استلمها وارجف الطريق كله عبالي هسه يعرقلوها لان خابروني قبل يومين ورجعت سويت بصمت الاصابع المهم اني حجزت على يوم الاحد وانشاءالله مسافره الى سياتل وبعدين بأسبوعين اروح الى واشنطن الحبيبه ههههههههههههههههه ومن سياتل انطيكم تفاصيل الرحله انشاءالله
سعر التكت ١٢٧٠$ من بيروت الى لندن ترانزيت ٣ ساعات بعدين الى سياتل على الخطوط البرطانيه British Airlines وماكو حجز بالكوه لكيت الحمد الله

تحياتي لكم وانشاءالله تعم الفرحه للجميع

اختكم
ساسي

6

الهجرة و واللاجئين / تفاصيل مقابلتي بالسفاره

« في: 21:29 02/07/2009  »

اعزائي ماعرف شلون اصف فرحتي الكم بس خلي احجيلكم شنو صار ويايه
اليوم رحت للسفاره وطبعا موعدي بالعشره واختكم رايحه بثمانيه ونص ههههههه المهم حصلت على رقم وجنت ثاني وحده وودخلونه بقاعه ويصيحون رقم رقم
ومن رحت جانوا موضفين ثنين اخذوا المعلومات كلها والاصلي بس اني بقت يمهم جنسيتي والهويه عاااادي مو وياها الجواز بالله الجواز عادي ذني ليش المهم وظلينه كملوا الكل طبعا الكل لبنانيين بس اني عراقيه وصارت مقابله الامريكي وجانت حلوه وسهله تأديه القسم واخذ البصمات الاصابع وحجيتله سالفتي بالمختصر وعلى كم سؤال منو عندي منو ماعندي بمريكا وشنو جان شغلي بالعراق وشنو الشركات الي اشتغلت بيها ومن هل السوالف
ورها كتب اوكي على الفايل مالتي يعني ok for her issue وكلولي يوم ٨ بالشهر تجين ونطوني كارت برتقالي مال الموعد

اني جدااا فرحانه وانشاء الله يوم الكم كلكم يارب وتفرحون فرحتي

تحياتي للجميع
اختكم
ساسي 

7

الهجرة و واللاجئين / الى جماعة SIV المسوين مقابله بالسفاره والي عدهم الخبرة المساعده راجاءآ

« في: 13:08 29/06/2009  »

 عندي كم سؤال يمكم وارجو ان اجاوبوني لان كلش حايره
اني مقابلتي بعد ٣ ايام بالسفاره الامريكيه بالبنان. سؤالي هو هم رادوا مني اجيب  ويايه مستمسكات اصليه من ضمنها
DS-157 & Biodata form السؤال هو اني مشكلتي ماعندي الاصلي مال هذني الصراحه كلها تلفتها توقعت رح يريدون ٢٣٠ زين اني عندي الدازته الهم بالايميل يعني ممكن اطبعه واخذه ويايه يعني هم هم ينكنكون بهاي السوالف هسه اكيد تكلولي طلعي الفورم وكتبي  وطبعي هم فكرت بيها بس فورم DS157 مكدرت الكي النسخة نفسها لان هسه الموجود مال هاي السنه لان ينطبع التاريخ فوك على جهة اليمين واخاف ينتبهون شأسوي بهيجي حالة؟؟؟؟

ارجو منكم المساعدة مع جزيل الشكر

اختكم
ساسي

8

دردشة منتدى الهجرة واللاجئين / اخوااااااااااان باركولي

« في: 21:28 04/06/2009  »

طبعا فرحتي مدعرف شلون اعبر عنها اليوم اتحارشت بجماعه SIV وبجيتلهم جان يكولون انتي كملتي ومقابلتج ويا السفارة ٢ بشهر السابع واني مدعرف شسوي من الفرحه انشاء الله يجي الايميل الحلو هذا لكل العراقيين اخواني وخواتي وتفرحون فرحتي

اخ فنزو طبعا انت فتحتي خوش فال بس اني طلعت من بحر الظلمات ههههههههههه مرح احتاج للبروجكترات
لاخ البصير هاي اخباري انت دائما جيك ويايه


تحياتي للجميع

اختكم
ساسي

9

الهجرة و واللاجئين / اليوم قابلة المحلفين في لبنان

« في: 23:17 03/06/2009  »

اخواني اليوم قابلت المحلفين في لبنان وكانت كل تالي :
١١ صباحا انا في مقر UN الى الساعة ١:٣٠ ظهرا نصاذح وارشادات قبل الذهاب الي هي :
جاوبوا على كد السؤال لان ممكن يودوك الي اسأله متكدر تطلع منها جوابك واضح ودون اي زياده او نقصان او تفاصيل
الفكاها والجدل ميفيد وياهم لان ممكن ميقبلوكم او يطولون وياك وماكو نتيجه.
ينطوك اكل مثل القصعه مال الجيس لفتين وحده حبش والثانيه جبنه وبسكت وعصير وعلج بجيس والعائله علاكه بنفس الشي بس اكثر.
الزياده بالقصه مو بصالحك عيد نفس الحجي الاول ممكن متنطي اي تاريخ بالضبط يعني بشهر الثالث لتحدد يايوم لان اذا غلط مو بصالحك واذا ممتأكد مابيها شي تكول ممتأكد بس لا غلط.
ويمضوك على اوراق الي مضيتها قبل هاي المقابله واكو امضاء ثالث قبل السفر اذا صار انشاءالله.
المهم وخذونه للسفاره الامريكيه ٢ الظهر ودخلوا العوائل اول (يدخلون كلهم وراها يبقي صاحب القضية والعائله تنتظر بره) بعدين العزابي وطبعا ياخذون بصمت الاصابع وصوره هاي بالسفارة وبالنسبه الي كان التالي
بالستة وثلث صار موعدي ودخلت مع المترجم وبالصدفه جان رئيس البعثه هو الي يسألني من شافني اجاوبه وافهم عليه كال اذا منحتاج مترجم وظلت المترجمه مرتاحه واني تفاهمت وياه وطبعا انت تحلف بالبدايه يالله يبدي وياك  ويمضيك هم على الورق وخلصت مقابلتي بأقل من نص ساعه لان سؤال وجواب سريع والاسأله عباره عن هل شارك بالحزب هل عندك انتماء سياسي هل تعرضت للسجن ومن هذي الاسأله العادية وراها يدخل بقضيتك ويسأل ويجيك انت شحاجي يعني مثلا منو اول شركه شتغلتي وياها منو فلان.... طبعا الي مكمل عسكريه الاسأله اكثر.
وبالتالي يكلك روح اكعد وانشاءالله خلال ٤-٥ اسابيع يجيك الجواب
الجواب مقسم الى ٣ اقسام الاول موافقة مبدئية الثاني لم يتم القرار والثالثه الرفض
الاولى معروفه الثانيه معناها اكو اوراق نقص وميكتمل الفايل اله بيها وظل النتيجه معلقه
الثالثه هي رفض وخلال ٩٠ يوم من حقك تستأنف

هذا الحجي مال UN كالوا من ضمن النصائح الي حجوها بالبدايه هو بس يكلك انتظر جواب
هاي اللجنه رح يسافرون نهايه الشهر وراها يجي الرد

ومطلعنه اله ٨ونص واكو وجبه ورانه بعدها.
اني سويت هاي المقابله وداتمنه تكون مال SIV لان ذيج الاهم بس شسوي عثره بدفره مثل ميكولون.

وشكرا واسفه للاطالة

اختكم
ساسي

10

الهجرة و واللاجئين / تم تحديد مقابلهIMO لي مع السفاره

« في: 15:36 30/04/2009  »

لقد تم الاتصالي بي جماعه ICMC اليوم وحددوا لي مقابله مع السفاره يوم ١٥/٥ بالمقر الرذيسي الجديدلي UN بيروت
اني فرحانه ومو فوحانه لان اريد مقابله السفاره مال SIV بس بالكم احصل مقابله مال  SIV بعد او قبل هاي المقابله
طبعا المقابله عباره عن اخذ كل المستمسكات الاصليه وسرد القصه على السفير وفي حاله السفير يقتنع بالحجي مالتي يقبل الكيس وندخل مرحله السكيورتي وراها يحددون السفره والفحص  يعني مو اقل من 3 اشهر اذا مو اكثر

زين اقابل وتوكل على الله لو انتظر جماعه SIV

اختكم
ساسي

11

الهجرة و واللاجئين / جماعة   SIV  خبرتكم فدوه

« في: 23:03 27/04/2009  »

رجاءااااااا احتاج المساعده اتصلت ودزيت ايميل علي شغلتي صار منها حسب متعرفون اني كملت كلشي وجان الجواب التالي :
اخي البصير هذا جوابهم بالتلفون وبالرساله

Thank you for your email dated April 24th, 2009.

Your case has been documentarily completed and is currently under review
for administrative processing. Unfortunately, we do not have a timeframe
for this procedure.  As soon as an interview appointment is scheduled
for you, you will be notified, via email.

سؤالي هو اكو احد جاوبوا هيجي وشوكت جان موعد المقابله وراها

اختكم
ساسي

12

الهجرة و واللاجئين / SIV ارجو المساعده

« في: 05:33 23/04/2009  »

اجاني ايميل من Refugee Processing Center يكلي
Your case has been assigned an RPC case number:  LE-300001
اني اعرف معنى الحجي بس ممكن افهم شنو الموضوع هنا هم جان،ا سائليني على تسلسل الكفيل لان عني ٤
هسه هذا الرقم شنو ؟؟؟ ارجوكم فهموني وخاصه جماعة الي سافروا او الي عدهم معلومات
اخي عكعك اريد خبرتك

اختكم
ساسي

13

الهجرة و واللاجئين / سؤالي علي الكفيل جماعة SIV

« في: 01:09 21/04/2009  »

اخواني ممكن سؤال
الكفيل شنو دوره اني عندي كفيله صديقه قريبه جدا الي بيش تنصحوني اني مفاهمه شنو كفيل معنوي هو الكفيل غير بس يكول هذا زين ما اله اي خطر ممكن توضحولي هاي النفقطه علمود اكدر افهم الكفيل مالتي

اشكركم
اختكم
ساسي

14

الهجرة و واللاجئين / ارجو المساعده

« في: 16:06 15/04/2009  »

اخواني رجاءااا المحلة والزقاق شلون نكتبها بالاستمارة بالانكليزي

شكرا

15

الهجرة و واللاجئين / جماعةSIV رجاءا خبرتكم محتاجه مساعده

« في: 01:39 12/04/2009  »

اجاني ايملين ثنين واحد قبل ارع ايام من جماعهSIV يكولولي انه الاستماره مال ١٥٧ اذا ممكملتها كمليها ومتركين اي حقل واني متاركه وسآلوني على العسكريه وانتمائي الى اي سياسه وعلى الصوره واني جاوبتهم وكتلهم هاي الاستماره واني دازه الصوره وهم رجعت دزيتها الهم وجاوبت بالايمل على الاسآله المهم مدفهم شنو الفلم هاي واحد
الرساله الثانيه اجتني البارحه يكولون اني منطيه ٣ اشخاص عندي بأميركا كالوا كتبي الافضليه بالتسلسل
ززين يعني هاي الرساله اني طلعت من بحر الضلمات؟؟؟؟ لو شنو السالفه
على فكره اني كملت كلشي كل الاستمارات ودنتضر موعد المقابله واني وحدي محد ويايه
فممكن خبرتكم بهذا الشي يعني هم عاي يدزون ويجيكون علي الاستمارات القديمه؟؟؟
على فكره اني كفيلتي امريكيه واختي بميركا وبت عمي وابن عمي

اختكم
SASY

16

الهجرة و واللاجئين / اررجو المساعدة جماعة SIV

« في: 22:39 17/03/2009  »

اخواني ارجوا المساعدتي بهذه الشغله الي فرت دماغي
اولا اني مقدمه على SIV  وكانت الاسمارات الي مليتها هي
D157
i-360
DS0234
وراها دزيت مسج الهم علي الاستفسار وجاوبني كالوا احنه عدنه نقص بستمارة DS0230 والفاملي فورم اني اصلا مدازيلي اي استمارة من هاي ومن فتشت بهذا الموقع اكتشفت هاي الشغله انه اكو صح استماره وافتهمت الفملي فورم هي صورة قيد زين مشكلتي انه اني خارج العراق عايشة شللون ممكن احصل علي صورة قيد؟؟؟؟؟؟ وشلون احصل هذي الفودمDS0230
الله يخليكم ساعدوني