عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - ابو عبد الله التكساسي

صفحات: [1]
1
سلام
طبعا هاي التجربه هي بحد ذاتهه امتحان لاي عراقي جديد بامريكا ومهم جدا ان اسولفلكم عليهه حتى لا تنصدمون من تصير عدكم
الموضوع معقد بس راح اختصره واوضحه قدر المستطاع ...
جماعتي يعرفون انه اني اشتغل  بشركه ترجمه ماخذه 80 % من شغل الترجمه بالعالم (( يعني شركه جبيره كلش ))واني بالنسبه الهم مجرد موضف لا ازيد ولا انقص وما عدهم اي مانع يصرفوني من العمل وبدون مبررات وهذا الشي مكتوب بالعقد
اكو شركه لوجستيه متوليه الرواتب والاجازات والمعاملات المصرفيه والتعيين والفصل - شركه مستقله - متعاقده ويا شركتنا الاصليه لهذا الغرض, هذولي خسروا العقد مالهم ويا الشركه الام الي راح اسميهه ل ل س , خابرو علينا وكالو راح يتصلون بيكم شركه جديده علمود يسوون تعيين جديد - يابه اوكي احنا ما عدنا شي ينظم - كالونا الشركه الجديده من اتصلوا بينا انه اكو فد شي اسمه (( كنسومر كردت ريبورت)) واهنا بدت المشكله والسبب انه هذا التقرير مو تقرير على الحسابات المصرفيه - الكردت ريبورت العادي. لا هذا تجييك على الموضف من الناحيه الجنائيه و دخوله القانوني للبلد و الحسابات والمعاملات المصرفيه و الممتلكات الغير مدفوعه الضرائب بالاضافه الى تاكيد الوثائق الرسميه المقدمه من قبل الموضف لقبوله في اي عمل !  خوش عمي - لهنا هم ماكو مشكله

الشركه الي تسوي هاي التقارير اسمهه (( هاير رايت)) وهي شركه معروفه بهذا المجال والتخصص - يعني شغلتهم هجمان بيوت العالم فقط-

اجتني ايميلات منهم اتكولي انه السوشيل سيكيورتي نمبر مالتك غير صادر من الحكومه الامريكيه اعتمادا على الكنسومر ريبورت الي احنا سويناه

اني سويت الحل المنطقي الي يكول - اروح للسوشيل واكللهم بهذا الشي - رحت حجيتلهم الفلم كالولي انمت شكد صارلك وياهم - كلت سنه - كالو وهسه يله اتذكروا ؟؟ عموما ابو السوشل الرجال انطاني صحه صدور واخذته ودزيته للشركه مالتي الي هيه ل ل س - دزوا الشركه لجماعه هاير رايتس - احزروا اشصار ؟؟ هم رجعت نفس النتيجه . اتخبلت وكلت هاي الشغله يرادلهه واحد عنده كلبب ما مدشن . رحت للسوشل مره لاخ وانطاني نسخه الولد من الداتا بيس مال الكمبيوتر مالته وبيهه اسمي والسوشل واسم الموضف وتوقيعه وخابرهم لهاير رايت كالهم انه السوشيل صحيح وما بيه شي !
دزيت الورقه مره لاخ , هم اجاني نفس الجواب . وهسه صارلي فتره دا احاول اطلع من هاي الطلابه الي لا عالبال ولا عالخاطر ولا اجتي ابال احد ولحد الان ما محلوله بشكل رسمي .

خلي في بالكم انه اعتمادا على هذا التقرير - الشركه لازم لازم تفصلني لان اكو قانون تشريعي فدرالي اسمه
Federal Fair Credit Reporting Act
هذا القانون يلزم الشركات بعدم تعيين اي شخص داخل بصوره غير قانونيه او اوراقه تعد غير صحيحه .
فالشركه مالتي لحد الان ما مسوين اي خطا ومراح اكدر ارفع عليهم دعوه بالمحاكم المدنيه لان تعتبر ملزمه بالقانون وحتى لو اني اوراقي صحيحه فالريبورت ديكول غير شي
عندي نقطه وحده ممكن ابهذلهم بيهه وهاي على كلام المحامي الي حجيت وياه
اكو شركات هيه تدفع الضريبه مالتك مال السوشل
 الي اكدر اسويه انه احصل على ما يسمى - ايرننغ ريبورت - Earning Report  من مكتب السوشيل - هذا اذا الشركه دافه فلوسي مال التقاعد للسوشيل فمعناها انه السوشيل صحيح واني فقدت وضيفتي بلايا حق  واذا ما دافعين الفلوس للسوشيل فمعناها هم مسوين جريمه فدراليه(( لان موضفيني بدون سوشيل)) وبايكين فلوسي لان هم ديستقطعون الضريبه مال السوشيل
المشكله هسه انه الريبورت مال 2010 لحد الان الشركه ما مجهزته لمكتب السوشيل وما ناشره رواتب الموضفين لحد الان عند الحكومه - وعدهم مجال من بدايه شهر الواحد 2011 الى نهايه شهر كانون الاول 2011
انتبهوا يعني اذا الشركه ما دازه التقارير مالتهه لمكتب السوشيل ممكن اضل سنه كامله دا انتضر ورقه زغيره وانتوا تعرفون انه السنه بلاي شغل ازعاج مو طبيعي .

ادري الموضوع طويل بس تفاصيله جدا مهمه الكم باعتبار احنا دنبدي حياتنا اهنا وصدكوني هاي الشغله مو سهله مثل ما تتصورون لان هذا الريبوت ممكن ايدمر حياتك بامريكا ببساطه
 لذلك حبيت انوهلكم عن هذا الموضوع و خلي ابالكم ماكو حجه اذا ما خليته على باب المقترحات ويا الشركه ولكن للاسف بدون فائده

الي عنده سؤال او صارت الشغله هوسه عليه خلي يسالني واجاوبكم بكل ممنونيه


تحياتي للجميع
 

2
اعزائي؛
 
مؤسسة المركز الثقافي العراقي الامريكي في مدينة هيوستن تحاول جاهدة الوصل الى كل ابناء الجالية العراقية وبطرق مختلفة. و من خلالها نحاول ان نتواصل مع كل ابناء الجالية العراقية. متمنين ان لا ننسى احدً. هناك العديد من العراقيين قد وصلوا الى مدينة هيوستن والى ولاية تكساس خلال السنوات الاخيرة لكن ليس لدينا اتصال بهم
 
لذلك نحتاج لتوسيع شبكة الاتصال الحالية التي لدينا عبر الرسائل الالكترونية. وكبادرة للتواصل معكم، أرغب بدعوتكم لنشر هذه الرسالة بين أصدقائكم في مدينة هيوستن والمدن المجاورة راجياً ان تطلبوا منهم أن يرسلوا لي معلومات الاتصال بهم. أود أن أسال تعاطفكم بأن يرسل كل منكم لي معلومات اتصاله ايضا. أذ كما تلاحظون أما أنه لدينا الاسم وعنوان البريد الالكتروني فقط او في اغلب الاحيان عنوان البريد الالكتروني فقط وليس لدي الاسماء حتى
 
لذلك ارجو منكم ان ترسلوا الاسم الكامل ، وعنوان البريد الالكتروني، واذا رغبتكم رقم الهاتف، وماهو الاختصاص في مجال العمل. اذا رغبتم بارسال اي معلومات تعريفية اضافية فانه محل ترحيب
 
كما قد لاحظتم ان مؤسسة المركز الثقافي العراقي الامريكي في مدينة هيوستن يقوم ببعض الفعاليات بين فترة واخرى ونحتاج ان نقوم بايصال المعلومة الى الجميع بدون استثناء ولكل ابناء الجالية. كما انه لدينا العديد من البرامج التي نهدف الى القيام بها. وكلها في خدمة الجالية العراقية في هيوستن.
 
لطيف اهتمامكم بهذه الرسالة محل التقدير.
الرجاء تقبل عالي التقدير والاحترام
 
 
احترامي؛
فرقد العامري
 
 farqed71@hotmail.com

3
الحمد لله الذي لا يحمد على شي سواه
الحمد لله الذي رحمني بالخروج من العراق الى بلدي الثاني
الحمد لله الذي جعلني مطمئنا في قلبي وفي عقلي
الحمد لله على وجودي في الولايات المتحده (( سنه واسبوعين تقريبا))

تحقق الحلم
وصلت امريكا غريبا العام الماضي في الاول من سبتمبر
واليوم هو 12 سبتمبر 2010


زين خلال هاي السنه شنو الي صار .
تعلمت ان اكون مثالا للاخلاص بالعمل والاجتهاد به لاعطي احسن الصفات عن المسلمين العراقيين في الولايات المتحده
تعلمت بان النظام يمشي على الكل ولا فرق بين امريكي اصلي ولا مهاجر ان كنت تعلم ما تصنع
تعلمت ان الله الرزاق وليس البشر ولم اضن بالله ولو طرفه عين باني ساحصل على عمل في اول يوم لانقطاع المساعدات في الاشهر الثلاثه الاولي
تعلمت بان خير الزوجات هي المدبره الميسره والتي تكون في الغربه (( حزام ضهر مو سجينه خاصه)) والحمد لله على ما اعطاني ربي
تعلمت ان الرزق من الله والتدبير من العبد (( تريد تعيش كريم الله ينطيك تريد تصير ذليل الله ينطيك ما تريد))
تعلمت بان الاشياء الرخيصه ليست بالضروره افضل شي لذوي الدخل المحدود
تعلمت بانك اذا اردت ان تامن شر قوم (( فتعلم لغتهم))

الحمد لله اخواني اخواتي على اول سنه قضت في الولايات المتحده ورائيت بان الانسان انما يقوم بتدريب نفسه بنفسه على اي تقاليد وعلى اي اعراف يريد بان يقوم باخذ الجيد ويترك السيء منها وراء ضهره

هسه بالجلفي
عيوني - احنا الحمد لله الله سبحانه انطانا فرصه ان نخلص مما جرى بالعراق الذي خرب على ايدي الحكام وجابنا لامريكا بعد ان كانت اشبه بالحلم - اوصيكم وصيه اخواني الي اجيتوا بالجديد
احسن شي تسويه هو ان تشوفلك ابن حلال يساعدك بالتعلم على امريكا ويصير صاحبك ولا تكول سمسم اذا ما تلهم وتديرون بالكو من اي شخص يضل يجر بيك يمنه ويسره وهو لا فهم ولا علم بس نفخه عالفاضي لان جماعتنا بعدهم عايشين على هايالنفخه الجذابه مال العراق (( اني واني واني )) وكلشي ماكو بس هببياض
شوفولكم منطقه زينه ويمهه مدارس علمود ولدكم ما ينخرطون بصداقات السوء خصوصا لابو المراهقين لان هذا شغلته انه يقوم بحمايه اولاده وبناته من اصحاب السوء وصدكوني اخوان لا تحسبوها كلشي بالفلوس احسبوها مستقبل وحاولوا تباوعون ليكدام ولا تخلون نضرتكم ضيقه بتحديد الامور لان اصحاب العوائل مسؤلين عن عوائلهم

امريكا اخوان حلوه وجبيره وواسعه فاذا الله ما وفقكم بمكان لا تنتضر شي ولا تخاف من التغيير اتحول لغير مدينه واتوكل على الله
واذا ما توفقت اتحول لغير ولايه ولا تضل تندب وتعوي وبس تبجي على حضك الاكشر ولكل معضله اكو حل ولا تخلون الاعذار الواهيه تخليكم راضين بالي اهو اقل من حقك
بالنسبه للمسلمين
اخوان لا تاكلون لحم حرام على ابو (( سمي واكل)9 تره ماكو هيج بكه وكل مكان تلكي بي لحم حلال ومذبوح على الطريقه الاسلاميه )) وتره خلي بالكم هو دين مو طين ومثل ما باقي الاديان يفتخرون ويحافضون على دينهم انتم لازم تحافضون على دينكم وتخلون الله كدام عيونكم ولا توكلون اطفالكم حرام من باب (( قابل شاسوي ؟؟))
اخوني لا تشترون سياره عتيكه ابد وتضلون تصلحون بيهه وترجعون لي ورا (( اخذوا احسن سياره وحسب ميزانيتكم وحسب حجم العائله مالتكم ولا تستثقل من المبلغ (( على اقل تقدير حاول تقيس اسعار السيارات بغداد)) مو ولا تاخذون بس كامري لان الكامريات تصليحهه كلش غالي ولا تاخذون سالفج لان ما تنباع ولا تاخذون سياره ما بيهه تبريد ولا تاخذون سياره شلون ما جان لاوالف لا
جيكوهه يم الميكانيكي الف مره وادفع 40 دولار فحص ولا تدفع 5000 دولار بلايا فحص على ابو اني ماخذ السياره من امريكي  تره تنغشون لو تحطون روحكم بالسياره فانتبهوا لهاي السالفه

اخوان لا تسكن بمجمع بيه عراقيين هوايه لان سوالف العراقيين المريضه مال النفاق والدجل والغيبه والنميمه قائمه للاسف الشديد وعيشلك ويا 2 او 3 عوائل عراقيين خوش اوادم وحاول لا تكثر من جياتك لان حبييب الي كثر الجيات ملوه

من توصلون مطار امريكا ذبوا كل المشاكل الاجتماعيه التعبانه الي جايبيها من العراق بالزباله وادخلوا الى حياه جديده وكولوا (( يا الله يسير لي امري )) والله والله والله تنفتح والله ييسرها الك واسرع مما تتصور
انصحكم و النصيحه مو استقلال من شخصكم الكريم باتباع الانضمه والقوانين وعلموا اطفالكم الصح ولا تعلموهم الكذب ولا تعلموهم الي احنا تعلمناه وره 91 وانت تعرفون قصدي (( اطفالكم امانه بركبتكم))
*السفرات تخلص والونسه تخلص والفيكات تخلص وما يبقى بحياتك غير الواقع الي راح تنصدم بيه شر صدمه اذا ما تعرف اتدبر امورك وامور اهلك بصوره صحيحه


                                                                                                                                          يتــــبع

4
السلام عليكم
اخواني واخواتي هاي مجموعه ارقام لكنائس ومؤسسات للمساعدات الماليه الطارئه في حاله انه اي شخص بطل من الشغل وما عنده يدفع ايجار
الصراحه ما عندي اي تفاصيل غير اسماءهم وارقام التلفونات
وان شاء الله ما تحتاجوهن وما تمرون بضيم وضيق
تحياتي للجميع بالموفقيه

West Houston assistance Ministries  7139779942
My brother's care 2814989933
Harrison County Social Services   7136967900
Wesley Community center 7132238131
Willa Avenue Baptist Church 7137477101
catholic charities 8666495861
طبعا المؤسسات خاصه بمدينه هيوستن فقط    والرقم الاخير هو لكنيسه وليس منضمه الكاثوليك جارتي المعروفه
واخيرا
اذا احتاجيتوا لاي معلومه عن اي شي باي مجال
خلوا ابالكم رقم التلفون الي هو 211
وهذا مفتاح المعلومات عن اي شي تريده

شكرا وموفقين

5
للشاعر احمد الدليمي
(ابن الانبار)
تجرأ كثيرا في نسخ حروف القصيدة وابتعد كل البعد عن المسار الذي سار عليه بقية الشعراء في الهروب من الواقع المريرالذي نمر به واتخذ مسارا منفردا في نقل الصورة الحقيقية للمأساة الحقيقية التي نمر بها
نعم الصوره الحقيقه التي لم ينقلها احد خوفا من الظلام الذي اجتاحنا
وخيم على قلوبنا وعقولنا

اترككم مع الجرح مع النزف مع الالم
مع الواقع العراقي المرير
واتمنى ان اكون مخطئا
وارجوكم كل من يقرأ هذه القصيدة ان ينشرها
--------------------------------------------
مل مني القلم ومن القلم مليت
عمت عينه قلمنه الما نفع شِعره

تعب حته الشِعر ويه العراقيين
وصار بحال اهلنه وبالعراق ادره

رسمت حروف العراق برسم فنان
وجمعت اربيل والانبار والبصره

وگلت لازم حروفي توحد الخوّان
ما معقوله هيچ تصير فد مره

ورديت ولگيت دموع عالوجنات
حروف الي رسمتهه اليوم متطشره

كردستان تحچي بزودهه وتگول
احنه العاصمه وبغــداد متأخره

والانبار شالت سيف عالخوان
لو ليه الحكم لوفلّش الاسره

والبصره تگول احنه نريد اقليم
ومن نفط العراق الكُم فقط عُشره

وشفت للفتنه والله العراقيين
دون حروف جر يا ناس منجرّه

مذبوحه المحبه وناس تكره ناس
سويه الي يحب والقابض الجمره

حته الورد ما يرضه بعد بالماي
من دمنه تريد الورده والشجره

رقم جبنه قياسي بالقتل والموت
وصرنه اول شعب نص اهله متهجره

نهر دجله يـا ناس من الجثث غرگان
خلي نمد ادينه لدجـــــــــله وانجرّه

على جثثنه ادور هالفضـــــــــــائيات
ياهو الي يصــــور ياخذ الاجــــــره

معصوبه العـــــيون مچتفه الايدين
وانواع الرصاص يچوب بـــــصدره

لا اهله اجوي وچــــــــفّنوا بچـــفان
مجــــهوله الـــهويه ومن درة بأمره

اذا امّه الــــحنونه الصايمه برمضان
ما اكــــلت اكلهه وبقت تـــــــنتضره

تنــــــتضره يرد وتريد تحــجي وياه
اثاري العيـــــــــد لازم ينگطع مهره

لان باعت ذهبهه بشارع الصياغ
حته تزوج ابنهه الما فرح عمره

ما نامت بقت سهرانه كل اليل
ايا ليل العراق الما بزغ فجره

وما جاهه صبر طلعت تدور عليه
مثل طلعة حمامه بعينهه العبره

وما شافت ابنهه وجاهه ملك الموت
تعرف شنهي يعني تموت بالحسره ؟؟

معناها الفرح صاير مثل رجال
شايل ورده بيده وخنجر بضهره

معناها عراقك كاتل ومكتول
سوده گلوبهم وعقول مفتره

وكل هذا ويگلي احنه العراقيين
سنه وشيعه عشنه الحلوه والمره !!

لا والله چذب احنه العراقيين
سنه وشيعه مثل الضره عالضره

ملينه الچذب وليمته وليا دوب
واقع حال لازم نخضع لامره

ملينه الچذب وليمته وليا دوب
قصايدنه اجت للناس متأخره

نعم خوان احنـــــــــــــــــــــه
نعم خوّان احنه وياك آني بهاي
بس مو من بعد تفجير سامرّه

بعد تفجير سامرّه العراقيين
مثل فلم الرعب ودمايته الحمره

مو فتنه صحيح الصايره ابّغداد
سونامي الفتن بغداد منتشره

قتل مو عالهويه هواي متوهمين
صارت عالاسم گص راسه ويشمره

واليگلي تبالغ انته حيل بهاي
جبت حجه ودليل وياي هالمرّه

اتحده بكر واتحده ابو الخطاب
افن واحد البيهُم يوصل الثوره

واتحده على واتحده هم حسين
اذا فلوجه طبهه ومنكسر ضهره

صـــــــــفر كل النتايج للعراقيين
بس بالفتنه جابوا عشره من عشره

هذا يگول سني ناصبي اغتالوه
وهذا يگول شيعي رافضي نكفره

ضلّوا بهالسوالف يا خزي ويا عار
واسرائيل علگت نارهه الــــــكبره

يول وين الــــــــشرف گدامكم بغداد
شــــــگّوا ثوبهه واخذوهه متأسره

غتصبوهه الكُفر ... ما تسمعوهه تصيح
آنه ام الــــــــــــشرف واليوم مو عذره

بعد والله ما يــــــــــــــنفعنه قيل وقال
لات كـــلشي انتهه وانكــــسرت الجرّه


مرحوم الـــــــعراق استشهد من سنين
يا وسفه صفـــت أشلائه مـــــتنثره

متنـــثره بمزابل يمـــهه كوم چلاب
اكلت من لــــــحومه وما درت سرّه

صــــير وياي بس هالمره اترجاك
عيب من الــــــــــــعراق اليوم نتبرّه

صعبه بمزبله جثة الــــــــعراق تصير
خلي نشــــــــــيله منهه وندفنه بگبره

6
نكت عراقية جديدة مضحكة جدا



طفل سال ابوه شنو معنى انترنت؟ الاب لا اعرف

الطفل شنو يعني برج ايفل يا بابا ؟ الاب لا اعرف

الطفل شنو يعني عجائب الدنيا السبع ؟ الاب لااعرف

الام اوووووووووووووووي كافي خلي ابوك يرتاح

الاب لالالا عوفيه خلي الولد يستفاد


 
محشش راح لهولندا.. من رجع صديقه گاله احچينه اشفت ما شفت
بالخارج ؟ گله يمعود من كثر المزارع بس يعجبك اصير طلي


 

محشش راح لندن شايلين كاميرا فطلبوا من واحد يصورهم فكللهم الاجنبي سمايل فواحد كال هذا شلون عرفنا زمايل


طالب كاعد بالصف كل شويه يضحك بعدين چان يخرب من الضحك چان المدرس يصير عصبي وصيح عليه : ليش كل شويه تضحك؟؟؟؟؟؟؟؟؟؟؟؟ چان يكول مو چنت دا احچي نكتات لنفسي واخير وحدة ما سامعها گبل



فقير دگ الباب على واحد مصلاوي ... كله اي شي من ال الله ..... كله ما عندي ..... كله اي قطعة ملا بس .... كله ما عندي ... كله اي شي يتأكل .... كله ما عندي .... كله شربه مي .... كله ما عندي ..... الفقير ضاج وكله اكلك ليش متجي تگدي ويايه




مصلاوي عزم صديقه على تشريب لحم ... باوع صديقه عالاكل وسأله قال اشو الاكل بلا لحم ؟ رد المصلاوي ليش شاي الوزة بيه وزة؟؟




محشش يحقق وياه ظابط وسأله وين ساكن ؟؟ كله ويه اخويه .... كله وين ساكن اخوك ؟؟ كله ويايه !! ضاچ الظابط وكله انت واخوك وين ساكنين ؟؟ كله سويه سيدي




- مدرس سال طالب و قال له .. ابني شتصير من تكبر

قال له الطالب .. اصير شايب ...


 

- واحد قالوا له شفنا زوجتك وية صديقك بالمطعم راح ركض للمطعم شافهم و رجع يضرب
ايد بايد و قال ...يا ربي الناس كثير تكذب هذا لا صديقي و لا اعرفه



*احول اشترة ديج طلع الديج هم احول اجة يحطة بالقفص حطة برة...الديج على اساس لوتي
راد ينهزم طب بالقفص




*امريكي انخطف بالناصرية....... ورة فترة هدوه......سألوا الصحفين:ممكن اتكول النا اشفت بالاسر؟
كال:مااكولن.....بكيفي (تحياتي لاهل الناصرية ليزعلون علية)




*واحد مرتة كلتلة :اني احبك....كاللهة:خلي علاقتنة صداقة وبسسسسس





*عجوز شافت جني كالت اعوذ بالله مك ومن شكلك ...كاللها:شلونج انتي عاد ليلى علوي





*محشش يسوق تكسي.......اشرتلة بنية.......وكف وكال:وين تروحين؟؟؟؟؟كالت:للشورجة كاللها:
اوكي بس لتتاخرين





*عجوز تمشي بالغابة طلعلها ذيب...خافت حيل......كاللها الذيب لتخافين .....ماحب النواشف





*واحد يشتغل بشركة بيبسي.....شافة مدير الشركة يشرب سفن اب ....كام طردة





*واحد من المنصور ابوه هدالة كتاب دين......رجع ورة اسبوع لكاه متحجب





*حرامي كمشتة وحدة سمينة حييييييييييل ونامت علية وكالت الزوجها:بسرعة .......خابر الشرطة.....
كاللها زوجها :هوة شكد الرقم؟؟؟؟ كال الحرامي111 بسرعة......يمعود بسرعة






سال المدير مراقب الامتحانات : ليش طردت التلميذ من الامتحان ؟ المعلم : كان يغش .. شفته يعد ضلوعة في مادة العلوم ههههههه







سالو لبنانيه شنو معنى العزاء ؟؟؟؟؟؟؟؟ جاوبت: هو بارتي حزين بيقدمو فيه قهوه دايت






محششين راحو لندن شايلين كاميرا فطلبوا من واحد يصورهم فكللهم الاجنبي سمايل فواحد كال هذا شلون عرفنا زمايل






كردي خابر على صاحبتة جان يطلع ابوها كال الووو الكردي كال طوط طوط طوط






مصلاوي كلولة اتبرع لبناء سياج للمقبرة كال ليش مسمعنة فد يوم ميت انهزم






واحد سال صاحبه .. إذا الله دخلنا للجنة وأنطانا حور العين شنسوي بزوجاتنا ..؟؟ كاله ننطيهم لأهل النار







مره راشد الماجد قال لامه ابا اتزوج وحده حلوه بيضاء قالتله شو رايك تيجي ماي العرس وتلبس عباية يوم راح العرس شاف العروس قالهاوعجبته وقالها تراني انا راشد الماجد قاله اسكت انا جواد العلي






من المظاهر الواضحه في السوق العراقيه هو انتشار بيع صور مقتدى في السوق في احداها يرفع اصبعا امام وجهه والاخرى يرفع اصبعين امام وجهه ذهبت امراه الى السوق لتشتري صوره لمقتدى فسالت البائع: المراه : يمه اريدن صوره لسيد مقتدى البائع: أي يمه تريديهه ام الاصبع لو ام الاصبعين المراه : لايمه لا.. كتلك اريدن صوره مو نعال





واحد متدين كلش دا يتحارش ببنية شمرلها سبحة






الماني وهندي وعراقي --اشتركو بمسابقة انطوهم كل واحد قرد كلولهم الي ايخلي يحجي يربح الجائزة اجوي ورة اسبوع -الالماني كال ماكدرت احجي -الهندي كال بابا اني ما يكدر ايحجي -العراقي كال وكلتة وشربتة واشتريتلة حتى حديقة الحيوان وديتة بس ما كدرت احجي -القرد كال جذاب واللة جذاب








الحــــــب كلمه سهله......معناها صعب......البعض راح فيها ضحيه......والبعض ينتظر المنيه........وانا...عقلي وقلبي وروحي وكل دنيتي "معك ولك وفيك







فد يوم حجية سجلت بمحو الامية وكان اول درس عدهم (جاء سالم ذهب سالم) فالمعلمة كلما تكول جاء سالم الحجية تغطي وجهها بالعباية ومن تكول المعلمة ذهب سالم الحجية توخر العباية من وجهها من رجعت للبيت سالها زوجها ها بشري شدرستو اليوم كلتله هو سالم خلانا ندرس







مصلاوي دا يبني بيت فجاب للعمال علج و كاللهم من تكملون العلج كولولي حتى اجيبلكم الاكل =))







انام على صدرك تطردني, المس خدك تتضربني, ادري بيك متحبني, المرسل: ذبانة






وراء كل رجل مسجون امرأة وراء كل رجل مديون امراة وراء كل مشكلة امرأة وراء كل حرب امرأة وراء كل حادث سيارة امرأة وراء كل عركة جوارين امرأة لا وفوكاها ايسموهم الجنس اللطيف ياطليف يادنية ذوله قنابل مفخخات






محشش راد يصجم بنية كال حليب ماكو بالسوق هالكيمر منين؟ البنية جاوبته جلد ماكو بالسوق هالقندرة منين؟






ها خوتي ها....احنه الاسسنه المرقد واحنه النلطم بيه.. شفتوا لاطم بالملاطم يلطم وايدة على جرحة ... هذا
لطامنا العراقي من الماسي جاب لطمة .... جيبة جيبة جيبة .. جيب الزنجيل جيبة





قال أحد الحكماء ما رأيت أبخل من ثلاثة ـ إنسـان ترك القُصور وسَكن العِشاش ـ وإنسـان نَام على الأرض ولديه الفِراش قيل له فمابال الثالث فأدمعت عيناه وقال إنسـان لا يرسل أيميل وهو ببلاش





فد واح كعد على حجارة فكاتبيلة اقلب الحجارة تلكة ذهب كلبهة لكة مكتوب رجعهة حتة يجي اثول لاخ مثلك





عراقي وامريكي ديلعبون شطرنج الامريكي وصل الجندي مالتة لنهاية رقعة الشطرنج فيتحول وزير, العراقي وصل الحصان مالتة للنهاية وحولة وزير, كلة الامريكي هاي شنو ميصير بقوانين اللعبة تحول الحصان لازم بس الجندي, كلة العراقي ليش احنة كل الحصونة عدنة صارت وزراء





مام جلال ضيع سويج سيارته حمايته فتحوا السيارة بشيش مال تكه اخذ الشيش وسوه عليه نسخة.. مام جلال ضيع سويج سيارته حمايته فتحوا السيارة بشيش مال تكه اخذ الشيش وسوه عليه نسخة





العراق يعلن الحداد لمدة 40 يوم بسببوفاة شيخ يبلغ من العمر 99 سنة علما انه كان مصابا بالسكر و الضغط و ضعف في القلب وتشمع في الكبد و سرطان في الرئة و هذه اول مرة تعلن فيها وفاة مواطن عراقي منذ اكثرمن 13 عاما





سندريلا ليش ضيعت حذائها؟! ثولة ومتعرف تمشي .....الاميرة النايمة ليش نايمة؟! بالعة فاليوم...الحسناء شلون حبت الوحش؟! عمية ......الذيب ليش مأكل ليلى ؟!ذيب نباتي......قطر الندى ليش غصت




بالتفاحة؟زردومها صغير....سندباد ليش طلع من بغداد؟! تهجر..عدنان ليش دائما ينقذ لينا؟! ماكو غيرها تباوع




وحدة تنظر الى زوجها و قالت ياريتني جريدة و تقراني كل يوم

رد عليها و قال يا ريتك روزنامة و ابدلك كل سنة

7
السلام عليكم
هوايه من عدنا من اشترينا سيارات جماعتنا العراقيين نصحونا ان لا نصعد\ على التول رود بدون ما نعرف السبب بالبدايه اتجنبنا الشارع عبالك البعبع (( السبب )) لانه بفلوس مو بلاش
طبعا الي ساكنين بامريكا حاليا يعرفون شنو هاذا الشارع وشنو فوائده
واحنا كناس هاجرنا من بلد متخلف نسبيا لهاي الاشياء عن بقيه بلدان العالم اكيد ما عدنا هيج خدمه

شنو هو التول رود
وهو شارع سريع جدا ما تتوقف بيه ولا بيه ترفك لايت وعموما يصير خمسه لاينات او اكثر بعض الاحيان , التعرفه لهذا الطريق هي بسبب انه الحكومه ما تريد تبني شارع بفلوسهه فتكلف شركه والشركه تبني الشارع وتاخذ فلوس من الي يمشون عليه وتنطي ضريبه للحكومه عليه
الفائده منها
انه يوصلك من النقطه الف الى النقطه باء باسرع وقت واقل جهد واقل بصرف البانزين لان السياره راح تضل تمشي بدون متوكف والسواق يعرفون اشدا احجي
بعد
التعرفه
طبعا ممكن انت اذا تريد تمشي على هذا الشارع بطريقتين
الاولى والافضل هي EZ TAG وهي عباره عن لزكه زغيرونه تلزكهه بالجامه مال السياره الاماميه من جهه اليمين تحت مراة السائق . تشتريهه ب 15 دولار وتحط رصيد بيهه 40 دولار وتمشي على هذا الشارع ابو الفلوس وكل مل تمر من يم الكاميرات  تكطع منك دولار واحد (( في تكساس 1دولار و 8 سنت على الاكزتات الي تمشيهه)) وبعدين يبدي رصيدك ينزل الى ان يوصل 10 دولار وينسحب من رصيدك الي بالمصرف 30 لاخ علمود يصير 40 دولار مره اخرى وهكذا - اقل شي لازم عندك 40

الثانيه  . وهيه عن طريق الدفع المباشر
من تمشي بهذا الشارع ممكن تشوف اكو اكشاك وبيهه واحد كاعد يستلم فلوس من العالم لان مشوا على الطريق وبدون الايزي تاك الي حجينا عليهه بالنقطه الاولى وهم حسب المخارج الي تمشي بيهه ياخذون منك دولار او 2 او 3 .... الى اخره وممكن تدفع بالكردت كارد او الديبت كارد او حتى نقد
احجيلكم هاي السالفه
الول البارحه رحت سويت الايزي تاك وجان تكلي انت عليك مخالفه بيوم كذا بتاريخ كذا بفلان ساعه فايت بالتول رود وطالع من اول اكزت وجان اتذكر هاي الحادثه وبالفعل ومتصدكون قيل شكد (( 6 اشهر من اليوم)) كتلهه هاي عبالي عبرت عليكم
كالت كلشي ما يعبر بس احنه ننطيك 3 فرص وراها اندزلك الغرامه الي هيه 35 دولار لان ما دفعت 3 مرات
يعني ابد ميضيع عدهم اي شي
حبيت احجيلكم على الايزي تاك والتول رود عسا ان تنفعكم بامريكا ومن تجون راح تشوفون هاي الطرق هوايه وبكل الولايات تقريبا واكثرها كاليفورنيا وتكساس وبهيوستن عدنا اكبر اثنين هي (( سام هيوستن تول رود و - ويست بارك تول رود))

اتمنى ان الموضوع ينال رضاكم
وهاي صوره العلامه مال التول رود

8
اخواني اخواتي السلام عليكم , صديقي دزلي هاي الرساله وبدا يسالني سؤال وردت رائيكم به لان الصراحه هو الي طلب مني هيج شي
فياريت الي يعرف الجواب مضبوط يساعدنا بالاجابه وجدا ممنون مقدما - تم حذف التواريخ لخصوصيه الموضوع من خط الرحله (( اقتضى التنويه))

حبيبي الغالي ابو عبدالله
شلونك ان شاء الله تكون بخير
عندي استفسار منك لان باعتبار عندك عائله و طلعت من مطار بغداد
ان شاء الله سفري راح يكون   لفليدلفيا يم صديقي 
هذا خط الرحله مالتي
                             
RJ 811             Baghdad            Amman

 11:30 am/ 13:10 pm


LH 693            Amman            Frankfurt   
  02:40 am/ 06:10 am


LH 402          Frankfurt            Newark
 13:15 pm/15:40 pm

لاحظ ان هنالك فتره ترانزيت اكثر من 12 ساعه في مطار عمان و هو هذا اكثر شي مضوجني
لان اني عندي اطفال 2 ث زغلار بالعمر
حاولت ارتب خط رحله مريح بس فشلت لان خلود تكول ماكو مبيت بالفندق لان راح تتحول من الخطوط الملكيه الاردنيه للالمانيه وبهيج حاله مراح يوفرولك غرفه في فندق علمود الراحه الى ان يصير وقت رحلتك لفرانكفورت

اني جيكت  علمود اسافر على نفس خط الرحله من بغداد الى عمان على الملكيه و بعدين من عمان لشيكاغو مباشر همين على الملكيه و مبيت بالفندق بعمان بس خلود تكول ماكو مباشر هالايام من عمان الى في حالتين
الحاله الاولى ان اسافر من مطار اربيل و هذا صعب بالنسبه الى
و الحاله الثانيه ان انتظر لشهر السادس و المشكله الفيزا راح تنتهي بنص السادس و هنا راح يكون بيها مخاطره

اسف على الاطاله بس حبيت اشرحلك الحاله حتى تكون واضحه
سؤالي الك هو:
هل من الممكن ان احجز غرفه على حسابي في مطار عمان الى ان يحين موعد الرحله الى فرانكفورت ؟ وكم التكلفه ؟

الف شكر لكل من راح يجاوبنا بمعلومه مفيده
اخوكم ابو عبد الله

9
بما انه هوايه ناس عبرت مرحله المساعدات الاولى فراح تجيكم بالبريد رساله تجديد للفود ستامب والمدكيت راح اتكون بيهه 3 اوراق
1 الورقه ام التعليمات وهي ورقه وحده بيهه المطلوب منك وبيهه عنوان المكتب الي راح تبعثله الرساله ويخلولك خط تكص العنوان من اعلى الرساله وتخليهه بالضرف ويكون اكو فتحه نايلون لازم عنوان الدائره المرسل لها يبين من هاي الفتحه النايلون الي بالرساله
الورقه الثانيه وهي عباره عن ورقه لونهه لو اخضر لو ازرق وهي طلب منك لتجديد الفود ستامبز 
بيهه جم حقل مو هوايه
الاسم
العنوان
رقم اجازه السوق
الرقم مال السوشيل سيكورتي نمبر
التوقيع والتاريخ

الورقه الثالثه هي الاستماره الرئيسيه والي بيهه عده حقول كل حقل بيه عده اختيارات كل اختيار ما ينطبق عليك تكتب او تختار NO
اتخلي الورقه الثانيه والابليكيشن بالرساله و تدزهه بالبريد
اذا رايح للمقابله بالمكتب فتاخذ وياك الاوراق التاليه
اما اذا المقابله بالتلفون تدز هاي الاوراق بالرساله نفسهه والاوراق المهمه كالتالي

*نسخه من ارقام السوشيل لكل افراد العائله الي تريد اتجدد معاملتهم
*كشف حساب من المصرف الي تتعامل وياه ولازم يكون جديد.
*/ اي بوليصه تامين عندك سواء مال سياره او مال حياه او اي تامين اخر
*اوراق تثبت مصاريفك الشهريه مثل الوصولات مال ((  الايجار و الدي كير مال الاطفال , قوائم الهاتف , ورقه الكهرباء والماء والغاز والمجاري والانقاض, والفواتير الطبيه الغير مدفوعه بالكامل
*اي اثبات في حاله عندك نفقات اطفال مثل النفقات الخاصه بالاطفال في حاله انفصال الزوجين و اوراق المحكمه لاثبات صحه هاي الاوراق
*اذا كانت المراءه حامل لازم اثبات الحمل من قبل تقرير الطبيب وتاريخ الولاده الموتوقع وعدد الاطفال المتوقع ولادتهم مثل التوائم
* ورقه اللقاحات الخاصه بالاولاد والاطفال الذين اعمارهم اقل مكن 19 سنه

ممكن ان ترفض معامله التجديد بالنسبه للفود ستامبز والمديكيت اذا لم ترسل هاذه الاوراق كامله , وفي حال وجود نقص باي ورقه من هذه الاوراق ممكن يخابروك ويكولولك انه لازم تدز هيج ورقه

ابو الاس اي في فقط يضيف نسخه من الكرين كارد على الاوراق اعلاه
بالتاكيد الورقه الي راح اتكصوهه وتخلوهه بالبدايه هي اهم ورقه لان بيهه عنوان المرسل اليه و اسمك ورقم الكيس مالتك ومطبوعه وجاهزه ومو تنسون تخلوهه بالرساله

اي سؤال اخر اني حاضر
تحياتي

10
FFHUSA Home News - Friday March 26, 2010

Shawqi,

Did you hear this mornings news? President Obama announced
new help for people who can’t make their payments by requiring
lenders to temporarily slash or eliminate payments for many
borrowers who are unemployed.


See the next page for more details on how it may work

That means your payment would be no more than 31% of your
income. If your only income is unemployment, your payment
would be 31% of your unemployment check.

Obama also wants to help borrowers who owe more than their

house or condo is worth by asking lenders to cut your loan
balance and refinance you into an FHA loan.

See the next page for more details on how it may work

 


Thanks,

FFHusa Home Team

Family Financial Help USA

8721 Sta. Monica Blvd
Los Angeles, CA
90069
US

11
تحيه الى كل الاصدقاء الاعزاء والي سالوا عنا في الفتره الماضيه وابد ما كطعوا فردا فردا
وبمناسبه رجوع اخونا شبوحي الى المنتدى والقيام (( بسحلي )) يعني من السحل
اهدي اليكم هذا المقطع لكل  المغتربين الي راح ايذكركم بهوايه سوالف

تحياتي انتمنالكم متعهخ المشاهده
http://www.youtube.com/watch?v=JN1YsM6hMqg

12
الحق يقال بان هذا المنتدى كان انيس بالايام الي مرت
شفت بي اشياء حلوه وشفت بي اشياء جديده
تعرفت على ناص غايه بالروعه . وشفت بالفتره الاخيره مع شديد الاسف اكو ناس كاتلتهه الحقد والغيره ويخاول ايخرب مثل الحزبيه واللوكيه والمنافقين والحمير الي وصلوا مريكا ولحد الان ميعرف ايسوي تامين لسيارته وجاي يكلي نصايح والمفرض جان ينصح نفسه قبل لا يتهجم عليه وبدون سبب وبموضوعي الي ماله علاقه الا باللغه

الحمد لله رب العالمي (( الله جل وعلى )) هو الي يقيمني وهو الي يجازيني لا اريد شي من هذا ولااريد شي من هذاك
المنتدى جان مثل المكان الي اختلي بي لنفسي فقط . احب اساعد العالم وهذا الشي الوحيد الي اريده من المنتدى لان الله سبحانه من علينا بالعقل السديد والرجوح بالراي الصحيح وهذا شي احمد الله عليه الف مره

اخواني هذا الموضوع هو
وداعي للمنتدى العزي
واعضاءه المخلصين الي جان همهم مساعده الناس
واخص بالذكر ريم عبد و ابو اندرو و ريفولفر و شبح بغداد و عكعك والاخ الاداري بيرج والاخ الاداري تايكر التلكيفي و انجي واكيد اكيد اكو ناس تساعد لله وما ياخذون اجر واكو ناس... لا... تتصيد بالمنتدى ويقومون بكل الطرق الملتويه حتى يحصلون على الفلوس بتزويد الاعضاء بتلفونات محامين في الولايات المتحده وبعدين هم ياخذون نسبهم (( يعني المساعده مو لله )) مثل ما متصور البعض

اخواني الطيبين ((فقط ))والي تعرفت عليهم من المنتدى الف شكر الكم لان عرفتوني شنو الناس الطيبين من فقدت ثقتي بالناس رجعتولياها
اعذروني بس بعد ما اتحمل . يعني اني اريد اساعد الناس و اكو اعضاء همهم ان يكطعون سبيل المعروف باي وسيله . نفس الاسلوب الي استخدموه الارهابيين من هجرونا استخدمه بعض الاعضاء لاخراجنا من المنتدى . واتصور ابو اندروا اول واحد من الي تعرضوا لهذا الشي
اخواني اني مدا اكللكم اهنا صفكولي ولا هلهلولي علمود الشهره ولا دا اطلب من احد اعتذار
اني اهنا دا ابين سبب انسحابي من المنتدى . وشوفوا شكم واحد اني جنت ممكن اساعد لو ابقى وردت ابقى الى ان تنتهي سنه 2012 لان بوكتهه تخلص برامج الهجره بالعراق . بس مع الاسف مراح اكدر اكمل
اني من دا ابرر لان وعدت هوايه ناس باني راح ابقى بالمنتدى ولكن اخوتي الصراحه الشغله صعبه واني دا اقضي اكثر من 15 ساعه امام الكمبيوتر واهمل شغلي وبيتي علمود الاعضاء وبعدين يجيني واحد يكلي اذا الموضوع ما يعجبك بي لا ترد والاخر يتهمني بمسح موضوع انجي والاخر يكلي ارجع من تكساس لان يتصور اني فاشل مثله

اخواني الاعزاء واصدقائي الطيبين
الف شكر لوقتكم الجميل وبارك الله بيكم والله ياخذ بحقي من هذولي الناس
وهو الي يجازي الي يقطع سبيل المعروف

بيرج
اتاسفلك على العام كما على الخاص لنشري رساله خاصه بينا (( جدا اعتذر منك اخي الكريم ))
اصدقائي كلكم عدكم ايميلي واحنا اتضل اصدقاء واخوه وماله علاقه بانسحابي من المنتدى

واعذروني راح امسح موضوعي مال الهجره لان ما ادري شارح ينكتب ورايه واني ما موجود

تحياتي لاعضاء عين كاوه الاعزاء و دمتم بخير والف شكر لانكم كنتم معي بدرب المنتدى واستفاديت وفدت منكم



13
السلام عليكم
اليوم وصلني تلفون من اخونا الوسمي  يكول انه اني وصلت امريكا فورتوورث قبل اربعه ايام
ويسلم على كل اعضاء المنتدى فردا فردا
ويكللكم مشتاقلكم حيل جدا كلش
وهو حاليا بمكان قريب على اخونا ابو قمر
وبعده ماعنده انترنيت لحد الان بس هو محضرلكم قصه الرحله من دبي الى تكساس
وهو مرتاح وقام بتوقيع العقد مال السكن
كلش يسلم عليكم وراح يتواصل وياكم باقرب فرصه ان شاء الله

الحمد لله على  سلامة اخونا  الوسمي

مراسلكو من تكساس
ابو عبد الله التكساسي  ;D ;D ;D

14
السلام عليكم ورحمة الله وبركاته
والله يااخواني تره مو شغله سهله الي دتسويه الحكومه العراقيه بالعراقيين الي طالبين لجوء بهولندا وباق الدول الاوربيه واتحاد الشنكن وغيرها ما عدا الولايات المتحده الامريكيه
سبب طرحي للموضوع هو الرابط التالي
http://www.youtube.com/watch?v=Lj1kGgYmOzo

طبعا اني حصلت عليه بالصدفه واريد اسالكم اخوان اشلون نكدر انحصل هيج اخبار عن العراقيين بالفيديو

يا ريت الي يكدر ايزودنا بروابط فيديو على احوال العراقيين اللاجئين بالخارج لان الصراحه حالتهم يرثى لها

ممنون لكل من يرفدنا برابط بالفيديو حتى على الاقل نكدر انقيم الحاليه المعاشيه الي بامريكا اعتمادا على قياس حالات البلدان الاخرى

تحياتي

15
السلام عليكم

 بما انه معظم الاخوان الي بالمنتدى اما رايحين لامريكا او كندا او  اوربا... فممكن احنه نتعلم الانكليزي بمنتدانا الموسوم
ممكن وبكل بساطه يوميه اي مشترك يدخل على هذا الموضوع يخلي كلمتين فقط ويشرحهه ونتناقش بيهه (( مو تخلونا روابط)) لا ,,,,انريد جهد شخصي
وممكن الي ميحجي انكليزي زين يسال عن كلمتين بالعربي واليعرف ايجاوبه وهم يصير خزين للكل وهم تعم الفائده

طبعا اكيد المستويات راح تتفاوت بس اني اعرف مراح نبدي من المستوى الادنى ولكن خلي نبدي من المستوى الي فوكاه و احنا ماشين

اخوانه الاداريين
اذا اتشوفون هذا الموضوع اله او بيه اي تجاوز على قوانين المنتدى بالنسبه للهجره واللاجئين
فالكم كل الصلاحيات و التخويل المسبق مني بحذف او نقل الموضوع الى غير منتدى
اما اذا تشوفوا راح يساعد على تدعيم اللغه عن المهاجر او اللاجي ولو بمعلومات بسيطه فاطلب منكم وبكل احترام اتخلونا الموضوع مثبت بالصفحه الاولى لمده اسبوع فقط وراها ابكيفكم شتسوون سوا بس اسبوع
واذا ما بيهه مجال هم مو مشكله


اخواني اريد ابدا وياكم بسم الله الرحمن الرحيم

مو تنسون كلمتين فقط لكل عضو لكل يوم وراح تكسبون بيهه اجر عظيم عند الله لان دتساعدون بناء اهم نقطه للهجره وهي مساله الحاجز اللغوي


تحياتي للجميع
ابو عبد الله التكساسي
م\ الجميع مدعويين وبدون استثناء للمشاركه وبدون تحديد للكلمات والشرح

16
اخوتي الاعزاء [/
size]
قبل فتره كان المنتدى عباره عن حلبه ملاكمه والسبب بعض الاعضاء الجدد والي حاولوا بشتى الطرق زعزعه روح المحبه في منتدانا العزيز وكان  كل الاعضاء يصيحون الاداريين والادارة و وينكم وليش ما تسوون شي وكل احنا خلينا اللوم براس الاداره والمشرفين


لكن الي بديت الاحضه بالفعل انه اداره المنتدى بدت اتكثف كل  الوقت بالحضور المتواصل وتشوف الاداريين موجودين في كل ساعه من اليوم وعلى الاقل اكو اثنين منهم سهرانيين لوقت متاخر او كاعدين من الصبح

صدكوني اني اكعد الساعه اربعه ونص اتحضر للشغل وبالخمسه يبدي دوامي (( بتوقيت السنترال بامريكا )) يعني الساعه 3 الصبح بتوقيت كاليفورنيا ..... الكي اخونا بيرج متصل ويباوع بالمواضيع


اخواني اني عني اريد اكول بانه جهد الاداره وااااااضحه جدا بالاشهر الاخيره وبالفعل رجع المنتدى الى صيغته الطبيعيه من حيث الهدوء والتفاهم على المواضيع بدل العراك وحلبات الملاكمه و لازم علينا مثل ما نذم نمدح ومثل ما نطالب بحقوق لازم نبدا بواجبنا باتجاه المنتدى

اني شخصيا
اريد ان اشيد بمستوى الاداره الموقره واخوانا مشرفي منتدى الهجره واللاجئين


الاخ الغالي بيــــــــــــــــــــــــرج
الاخ الغالي تايكر التلكيفــــــي
اخونا الغالي بولاك كوزمو (( ستافروس))


واشكرهم وبقيه الاخوه المشرفين من غير منتديات على كل الجهد المضني والعمل الجيد الي يقومون بيه واحييهم بكل تحيه ممكنه تخطر على بال احد

الف شكر للاداريين لاعتزازكم بينا وبالمنتدى وحرصكم على تمشيه امور الاعضاء

الف شكر اخواني وبارك الله بيكم

تحياتي الكم اولا واخيرا


http://[move][center]اخوكم ابو عبد الله التكساسي [/center][/move]

 :) ;) :D ;D 8) ::) :-* :-X :-X ;D ;D ;D :D :D :D ;) ;) ;)

17
اخواني السلام عليكم
اهلي عندهم مقابله محلفين ( وهي الثانيه) وكاتبين بالايميل - الاخيره-
سؤالي هو

شوكت يكون الفحص الطبي ورا المقابله او بعد المقابله مال المحلفين

شلون راح يكون الفحص الطبي ( يعني شراح يسوون بالضبط)) اشعه تحاليل لو شنو السالفه

اذا كان الفحص بفلوس .شنو التكلفه للبالغ و للطفل و للقاصر

اذا اهلي ما ذاكرين مرض بالمقابله الاولى ممكن يذكروهه بالمقابله الثانيه مال المحلف لو لا . وهل يؤثر تغيير المعلومات بين المقابلتين -لان اختي ما كالتلهم عندي حصوه بالكله وتريد تودي وياها تقرير طبي يكول صارت عندي ورا المقابله الاولى

وين مكانات الفحص الطبي في بغداد وشنو عناوينهم بلا زحمه

جدا ممنون منكم مقدما
سؤالي عن IOM بغداد  فقط

تحياتي واحترامي للجميع  ;D ;D ;D ;D

صارت طويله مو ؟؟

18
طبعا الدشداشه اهنا مو الي نلبسهه

لا الها غير معنه بلغه التحشيش هع



ظــهور مصطلح جديد يدعى دشداشة
( بفتح الكاف و الضمة المشددة على النون )
يمكن هاي الحركات بغير كلمة انتو عود شوفوها المهم و ما يزال يستعمل على نطاق ضيـــــق لوصف شخص يحاول ان يفيك و يصير حشاش او حديقة ( مو شغلته هسة كوة؟)

و هذا تعريف الدشداشة :-

الدشداشة :-

شخص هاديء عادة ( طابك على صفحة ديبرد الراديتر يعني ) و ما عنده خفة دم ( يعني وغف و ينرادله 1023 تنكر سفن ) بس من يوكف وية حشاشة يحاول يفيك براسهم و يحاول ان يبين انه هوة هم حشاش عن طريق تحشيشات قديمة لاطشها الأخ منا و منا ( و بس يدعبلهن يخلص الشحن مالته ف انته اربطله اقرب شاحنة و لزكة بالدكمة مال كهرباء بشريط لاصق) و يظل ساكت وراها يحاول يحفظ تحشيشات بينما تعرفون انه الحشاش هوة يرتجل و كل لحظة عندة تحشيشة شكل لأن فنان مو بيده( اعتقد برجله بس ما متأكد هسة اسأللكم)........... .يابة طلعت بخشمه ^_^



شكله العام :-

عادة الدشداشة يكون كلش مرتب شعره يمشطه بطريقة كلاسيكية (فركة من الربع ام الخط ) و ما يحط جل ابد (يستحرم) و دائما يلبس مناظر و بنطرون قماش( متعارك وية الجينز علمود بنية) و يدكم الدكم كلها مال قميص
( و اذا تيشرت ما يدكمه لأن ما بي دكم اي والله و داعتي واحتمال هوه يخيط اله دكم ) و الحذاء مالته كلش يتلامع( يومية يزين عليه بدال المراية ) ويفرج سنونه 17 مرة باليوم بمعجون سانينو (و اذا معوز بال آركو) و اخيرا يمتاز الدشداشة بصفنتة (مو الك يمعود) يحاول بيها يتأمل شغلات ما اعرفها لأنه اني قموجي ويمكن شطحت زايد المهم و من مواصفات شكله انه شواربه مخربطة (جنها لمّة مال حدايق) و أحيانا شوارب ليس(جالطها للنخاع ) و هوة ما يدخن ابد ابد لان يخاف اذا بابا عرف يشدة بدال الجوزة ام ال 10 و يسمط عشيرته . و اذا بنية كفرت و حجت وياه يجاوبها ب ءءءءءء اااااااااا هاااااااااااااااا؟مممممممم
ممممم ما اعرف و يرتبك و يحمر و يزوع عليها.عاد هية تنزع ال 38 و على صماخه .

حياته العامة:-

يبدأ الدشاشة يومة انه ال ماما مالته تكعده بال 8 السبح :يلله حبيبي تعال اريك زبد و مربة (خوما مثل حظي وصيت امي تكعدني بال 8 تالي اني اللي بال 11 كعدتها ) و وراها يبدأ الدشداشة يومه بسكي الطرمة و قراية الجرايد و حفظ النكات القديمة( من جان البعير تاتا ) و مرات يلم جهال المنطقة و يكعد يحجيلهم نكات .و يرجع يغسل ايديناتة بالصابووون و الزاهي حتى يتغدة (شاش مال نظافة حيييل) و العصر يشرب جاي


اللي يتفرجه عالستلايت:-

كاليميرو الكابتن ماجد افتح يا سمسم المناهل ليالي الحلمية و حفلات سيد مكاوي(مكاوي لو نورتن؟ هع هع)

الممثلات اللي يسطروه بجمالهن:- أمل طه سهام السبتي أمينة رزق عائشة الكيلاني انعام سالوفة (اخت انعام سالوسه)


تعليقاته:-

من واحد ضعيف يفوت من يمة ... يفيك و يذب اقوة تحشيشة عنده ههههههههه باعو هذا جنة عودة ههههههه و من واحد يلبس الوان غريبة يكله هاي شنو طالع جنك شجرة ما اعرف شلونها ههههههههههههههههههههههههه و لا يستعمل الدشداشة ضحكات ال (هع هع هع هع هع هع) ولا ال(خخخخخخخخخخخخخخخخخ) لأنها لا تتناسب مع قدراته التحشيشية (الفسكانة للنخاع) و من حشاش يذب حجاية فهو يبدي يضحك عليها ورة ما الباقين يخلصون ضحك ( يضحك يوم الخميس على نكتة انحجت السبت لأن الثلاثاء يلله افتهمها)


أبرز حجاياته:-

مرحبا, أذا ممكن, بدون زحمة ,ارجوك ,نعم, من فضلك, ياريت ,ياترى, آسف للمقاطعة, شكرا جزيلا


و الدشداشة عادة سجاج اكشر(ديرو بالكم من عنده يحرك كيرفات ) و من السهل النصب عليه ( شما تدعبلون عليه ياخذ) ولا يفتح موضوع ابد( عالمكشرات) بل يحاول اقحام نفسه بأي موضوع حتة لو بالكوة و مو لوكي ولا يتبجبج

...............
..........................

اتمنة انو افتهمتو المصطلح الجديد

وبلكي شوية تمشوه بالسوك لان اكو ناس ميعرفوه 

 
مع تحياتي
ابو عبد الله التكساسي

 


19
اخوتي اخواتي الاعزاء بحمد الله العزيز وفضله وصل اثنين من اخوانا اعضاء المنتدى الي هم

ابو دانا الورد

واهلي يا عراقيين يوم امس الى هيوستن
طبعا ابو دانا وصل قبل اسبوع وساكن بمجمع لطيف و في منطقه حلوه وهسه اعتيادي ما عنده نت وميكدر يتصل بيكم ولكن عن قريب ان شاء الله تعالى

اخونا الغالي اهلي يا  عراقيين وصل البارحه بالليل وفقط كلمني من تلفون ابو المنضمه واذا شاء الله اليوم اروح اشوفه واطمان عليه بس هو زين والحمد لله ساكن حاليا بنفس المجمع مال اخونا ستورم 2 و مونكوس وابو جيهان بمجمع قريب عليه واذا كدرت اجيبه يمي باذن الله

تحياتهم وسلامهم الحار لكل اعضاء المنتدى وبدون استثناء

مع تحيات مراسلكم ابو عبد الله التكساسي من هيوستن  ;D ;D ;D ;D ;D ;D

20
السلام عليكم اخوان

صارلي هوايه بالمنتدى وبين فتره والثانيه تنكتب مواضيع يكون فيها سؤال كلش زغيرون بحيث ما نعرف شلون نجاوب او قصه كلش طويله ومابيهه اي سؤال واضح .

تشوف الموضوع انترس اساله من الاعضاء استفسارات عن السؤال

ممكن جدا يكون السؤال بالطريقه التاليه

لازم الحجي اما يكون كليته بالعربي الفصيح لو كليته بالجلفي حتى ما تنلاص على الي يريد ايجاوب

اني مقدم على برنامج كذا وكذا من الدوله الفلانيه وسؤالي كالتالي ........... ويكتب السؤال
والجواب يكون من الاعضاء يكون بنفس الصيغه لو عربي فصيح لو جلفي كليته وباختصار يكتب الجواب وبدون مقدمات ويكون جواب دقيق و واضح للسائل

شغله ثانيه
ليش نكتب مرات   
اسف للاطاله
اذا انت سائل فاكيد تريد تشرح الموضوع مالتك للتوضيح وهذا منتدى خدمي فليش الاعتذار (( ما اتصور تحتاج اعتذار للسؤال عن شي ))
واذا الجواب بي تفسير يتطلب الاطاله (( هم ليش الاعتذار )) لان انت تريد اتوضح للساءل بالتفصيل حتى ما يدوخ
بس اكو ردود يعني صدك تشلع الكلب يرادلهه ساعه ياله تقراها لان حيل طويله وممله ( عبالك تقرير حزبي )
ليش ؟؟ خير الكلام ما قل ودل - لو احنا بس انردد الكلام بدون ما نفكر بيه ؟؟ اختصروا الرد وخلي يكون مركز ودقيق وهذا احلى شي (( بالضبط مثل ردود عكعك التطوى )) مباشره مفهومه ومميزه بالفعل

بعد
شغله روح لصفحه اهم مواضيع المنتدى
اخوان اني جنت اسوي هاي السالفه وبعدين انتبهت انت تريد اتساعد الناس لو تريد اتدوخهم ؟ فاروح انسخ الرابط مال الموضوع المعين من اهم مواضيع المنتدى واخلي بالجواب وابين شنو هذا الرابط علمود اسهل امر السائل لان مو الكل عدهم انترنيت قوي ومو كل الي عدهم انترنيت قوي يعرفون او يندلون هاي الصفحه

مساله الاخطاء الاملائيه علموني الاخوان انه اكو دكمه بصف كلمه ارساله وهي (( معاينه)) اجعص هاي الدكمه راح يطلعلك النص الي انت كاتبه وممكن تراجع الاخطاء وتصلحها بالنص الاصلي وتدز الرساله حتى الكلمات تكون جميله وحلوه و مفهومه (( طبعا اني يمكن اكثر واحد يكتب مزج بالعربي بالمنتدى)) فهاي السالفه الي قبل لا تكون لغيري
 
بعد شنو ؟
ها
اني من اقرا السؤال اكيد مراح اعرف الي كاتبه اشلون ديفكر بذيج اللحضه ممكن هو يحجي بقهر وبعصبيه واني اكتبله شغله او كلمه اتضايقه بالزايد لان الكلمات مرات ما توصف المشاعر بصوره صحيحه وانتوا تعرفون هاي اسئله خدميه مو قصه علمود انترجم المشاعر الى كلمات فالافضل ان ما نتكتب تعليق (( ايا كان اذا ما نعرف الشخص او ما نعرف شنو هو او ما قاريله فد شكم موضوع ))

وانطيكم مثال من اني اخاطب ريم عبد او فنجنزو او عكعك التطوى اسميهم اسماء مال صديق مثال ريومه او فيني او ابو الفناجز او ابو العكاعك .... الخ
زين اذا ما اعرف الشخص ايصير احجي وياه هيج ؟؟
هذا قصدي مو غير شي

ليش انكررر المواضيع اذا اكو نفسهه ليفوك او ليجوه بسطرين ؟؟
يعني موضوعين نفس المحتوى بغير طريقه واحد ورا الثاني بفارق قصير ؟ ما اتصور اكو داعي بس ممكن تكتب برد افكارك الخاصه بيك بالموضوع الي سبقك وماكو داعي تسوي موضوع كامل علمود سطرين او 3 اسطر

ليش مرات نهمل لموضوع المهم ونجلب بالسوالف وينكلب الموضوع جات بدل الفائده العامه ومعضم مواضيع الجات تنتهي بعركه ما بيهه فايده
اذا الموضوع ما عجبني ببساطه ما اجاوب وخلاص راح اتجنب الكلام والعركات والسوالف التعبانه واذا كلنا سوينا هيج ابد مراح تعلك بالمستقبل
اخوان هاي شغلات اجتب بالي من متابعت المنتدى المستمره وهاي افكاري اني ولا دا اعلق على اي شخص ولا اقصد بيهه اي شي ولا اي عضو مهما كان وانما هي اشياء اجتي ابالي وردت اشاركم بيهه

تحياتي للجميع والله يوفقكم لمساعده الناس
اخوكم ابو عبد الله التكساسي

اسف للاطاله  ;D ;D ;D
جذب دا اتشاقه مو اسف للاطاله بس هذا الي اجا ابالي   ;D ;D ;D ;D ;D

21
اخوان
انتبهت انه هوايه ناس توصل لدول الهجره وهم ما يعرفون يسوقون سياره !
الغريب بان العراق هسه مليان سيارات وميحتاج لا اجازه ولا بطيخ مجرد مكاتبه وتحويل

فالافضل وجدا مهم لكل شخص ما يعرف يسوق سياره ان يتعلم سياقه ويضبط الشغله قبل لا يجي وصدكوني راح تعرفون علويش احجي من توصلون
السياره اهنا مثل الاكل والشرب والماؤى (( لا غنى عنها ابدا )) لان مناطق جبيره جدا و متكدر بلايا سياره واذا ما عندك سياره راح اتضيع نص النهار على الباصات (( ما عدا مدينه نيويورك)) لان المواصلات العامه بيهه اكثر وافضل من السياره بالف مره
بس بالنسبه لتكساس وكالفورنيا وميشيكان لاااااااااااااازم سياره

نصيحتي بان تتعلمون سياقه قبل لا تجووووووووووووون

بالمناسبه الف شكر لاداري عين كاوه المتالق تايكر التلكيفي لتغيير الاسم
والله ممنون منك تايكر وما قصرت وصدك كول وفعل حبييب

تحياتي للجميع

اخوكم ابو عبد الله التكساسي shawqi shumran  سابقا  ;D ;D ;D

22
السلام عليكم
اخوان صار جم يوم مدا انشوف كتابات الاخت
سرى

SZSZ المعروفه بهذا الاسم بالمنتدى
ان شا الله تكون سافرت لان اتصور جان سفرهم بشهر الواحد

تحياتي للجميع واليعرف شي بلكي يكلنا او يوصل سلامنا لاختنا الغاليه

23
اخواني الاعزاء هذا اللنك بي فرصه عمل ذهبيه للمترجمين فقط من اصحاب الاختصاص وممكن يفيد العراقيين في كل الولايات المتحده
عذرا لعدم استطاعتي البحث عن رابط كل الولايات ولكن بدخولكم على موقع الكريك ليست واختيار المدينه الخاصه بكم ابحثوا في خانه الوضائف الحكوميه عن نفس العنوان وهي فرصه عمل للمترجمين قي ولايه (( اسم الولايه )) وهكدا تواليك ولا يشترط وجود المواطنه للمتقدم وما يريدون الا شهاده كليه او خبره بالترجمه وهي فرصه اعتقد جيده جدا للمهاجرين العراقيين في امريكا

وهاي رابط ولايتي كاليفورنيا - سان دييكو
و تكساس - هيوستن

http://sandiego.craigslist.org/csd/gov/1550581970.html
  http://houston.craigslist.org/gov/1550547445.html

وهذا هو العمل مع الشروط والمواصفات المطلوبه بالمترجم وباللغه الانكليزيه لان هو للمترجمين مو؟

Experienced Linguists needed in the Houston metro area (Houston)
Date: 2010-01-13, 9:20AM CST
Reply to: job-dthaf-1550547445@craigslist.org [Errors when replying to ads?]

AllWorld Language Consultants is seeking experienced Linguists in a variety of foreign languages to support U.S. Government agencies. Candidates must be capable of satisfactorily performing various linguistic functions and duties, as described below:

• Monitoring, translating, transcribing, interpreting, performing quality control and performing validating services
• Providing reliable and accurate transcriptions, translation or interceptions and/or summaries of source materials or intercepts, into English
• Attend training pertaining to the operation and upgrade of specific equipment and software
• Perform, as required, administrative duties related to tasks
• Attend minimization briefings

Qualifications

• Proficiency in the appropriate language
• An excellent command of the English language with the ability to provide clear and concise oral and written communication
• Ability to understand the basic elements of speech in a standard dialect
• Skills necessary to listen and comprehend the required foreign language(s) with native or near-native ability, and ability to follow accurately the basic elements of conversation
• Skills necessary to read and comprehend the required foreign language(s) with native or near-native ability, and to read and understand various text-types
• Ability to comprehend slang and colloquial expressions in the required foreign language(s) and translate them into their English equivalent
• Effective understanding of face-to-face speech with sufficiently broad vocabulary
• Ability to work well under pressure to meet specific deadlines
• Basic typing/word processing skills of at least 40 wpm
• Ability to understand requirements necessary to perform specific tasks being processed and produced


Desired Education

• Undergraduate degree and Graduate Education where English and the foreign language were prerequisites OR a minimum of 3 to 5 current years of experience in translating, interpreting, or other work requiring the use of English and other languages; or a combination of work (that required English and another language) AND training at the Defense Language Institute, Foreign Services Institute, or comparable training

Security Clearance Required

• Applicant MUST possess a SENSITIVE clearance and be a U.S. citizen, by birth or naturalization, or permanent resident alien status required

Native or near native speaking ability required for the following languages:

Spanish, Albanian, Arabic, Aemenian, Bulgarian, Catilian Spanish, Chinese, Creole, Creole Patois, Dutch, Farsi, French, French, Patois, Fuzhou, German, Greek, Hebrew, Italian, Mandarin, Patois, Pilipino/Tagalog, Polish, Portuguese, Punjabi, Romanian, Russian, Taiwanese, Vietnamese, Afghan Persian Dari, Amheric, Azeri, Bahasa, Indonesian, Balouch, Balouchi, Bengali, Berber dialects, Burmese, Byelorussian, Chimora, Chin, Czech, Ebo, Estonian, Ewe, Finish, Flemish, Dutch, Fukien, Fulani, Ga, Georgian, Hakka, Hakka dialects, Hausa, Hindi, Hindustani variants, Hungarian, Ibo, Japanese, Kachin, Kashmiri, Khumer, Kikongo/Kingiona, Kirghiz (Kyrgyz), Korean, Kurdish, Lao, Lapp, Lithuanian, Luxembourgisch, Macedonian, Malay Malagasy, Malayo-Polynesian, Maltese, Mandalay, Minbei, Minnan, Mon-Khmer, Moshi Dagomba, Norwegian, Papiamento dialect, Pashai, Pashtu, Samoan, Sanskrit, Serbo-Croatian, Shan, Sindhi, Sinhala, Somali, Sriname, Tongo, Swahili, Swedish, Tajik, Taki-Taki, Tamil, Thai, Turkic, Turkish, Turkmen, Twi, Ukrainian, Urdu, Uzbek, Wolof, Wu, Xiang, Yiddish, Yoruba, Yue(Cantonese), Yunnanese

**Interested candidates please send your cover letter, resume, and salary requirements.


    * Location: Houston
    * Principals only. Recruiters, please don't contact this job poster.
    * Please, no phone calls about this job!
    * Please do not contact job poster about other services, products or commercial interests.

   
   
PostingID: 1550547445
تحياتي للجميع وبالموفقيه

ابو عبد الله التكساسي

24
اخواني السلام عليكم

اجتني رساله من اخونا الغالي صفاء الكرخي وهو حاب تقرون هاي الرساله وهي بالنص كالتالي


بسم الله الرحمن الرحيم

أخي العزيز شوقي    بعد التحية والسلام

حدث معي شيء لم يكن بالحسبان وتفاجأت انا منه كثيرا فقد تم حضر دخولي الى المنتدى بسبب ادعائهم انه قد قمت بنشر صور اباحية في المنتدى ويبدو ان الموضوع فيه لبس كبير وانه قد انقلب السحر على الساحر فقد حاولت جاهدا منذ يوم امس ان اتتبع هذا الذي ينشر هذه الاشياء والصور من خلال قدرتي على ملاحقة الاي بي لحاسبته وفعلا مسكت اول الخيط واستطعت كشف الاي بي الخاص به بمساعدة احد الاخوة في مركز الانترنيت ولكن الخطأ الذي وقعنا به هو تركنا لفجوة في الحاسبة التي عملنا عليها ورجعت وسجلت دخولي مرة ثانية فالذي حدث هو انه هذا الشخص يبدو انه من الذكاء بمقدار كبير فقد اخترق الاي بي الخاص بنا واستطاع تحويله لحسابه وهذا مااوهم المنتدى انه حاسبتنا هي التي نشرت المواضيع من خلال الاي بي  طبعا انا انزعجت جدا لهذا الشيء فقد كان من المفروض ان تقوم ادارة المنتدى على الاقل بالتنبيه لي من خلال اية وسيلة على هذا الشيء ولكن كما يبدو ان احدهم نجح في هذا واوقع الاختلاف بيننا   طبعا انا قررت بعد هذا ترك المنتدى نهائيا  والذي اريده منك اخي العزيز ان تبلغ ادارة المنتدى واعضائها عن لساني هذا وتنشر الايميل هذا ليعلم الجميع حقيقة الامر وان لايتم الاعتماد فقط على مجرد اشكوك فلو كنت انا الذي افعل هذا لكان بمقدوري وبسهولة للغاية ان اخفي الاي بي الخاص بي ولايعرفه احد والبرامج الخاصة بذلك كثيرة ومجربة   اليس كذلك ؟؟ على كل حال تقبل تحياتي وارجو ان تنشر الموضوع كي يطلع الاخرين عليه ولهم مني تحياتي واحتراماتي  واخيرا اخي العزيز يقول الله عز وجل   بسم الله الرحمن الرحيم (( ياايها الذين امنوا ان جاءكم فاسق بنبأ فتبينوا ان تصيبوا قوما بجهالة فتصبحوا على مافعلتم نادمين((  والسلام مسك الختام


انتهى

والسلام عليكم

25
اخوان الصراحه وبالخطا البارحه انمسحت كل الرسائل الخاصه الي وصلتني عن طريق الاخوان بالمنتدى وما اعرف اشلون لحد يسالني  ;D ;D

ياريت الاخوان الي جانو متواصلين ويايا على الخاص يدزولي رسائل جديده وياكدون على تلفوناتهم لان صدك انلاصت عليه ومدا اعرف اشلون اتواصل وياهم
وبالنسبه للاخوان الي جايين لهيوستن والمفروض نلتقي بنهايه الواحد و الاخوان الي دزولي استفسارات وارقام هاتف بامريكا ممكن الله يخليكم اتدزوهه مره لاخ لان انمسحت شلع كليتهه

جدا اسف واعتذر عن الي صار بس والله عن طريق الخطا الغير مقصود

اعذروني اخوان وبارك الله بيكم

26
اللهم إني أسالك إيمانا دائما وأسألك قلبا خاشعا وأسألك علما نافعا وأسألك يقينا صادقا وأسألك"
" دينا قيما وأسألك العافية من كل بلية

 

 

لااله الا انت سبحانك اني كنت من الضالمين

 

أتمنى قراءتها ببصائركم لا بأبصاركم

 


الرسالة الأولى:-


لكي تدرك قيمة العشر سنوات .... إسأل زوجين انـفـصلا حديـثاً


لكي تدرك قيمة الأربع سنوات .... إسأل شخص مـتخـرج من الجامعة حديثاً


لكي تدرك قيمة السنة .... إسأل طالب فـشـل في الاختبار النهائي


لكي تدرك قيمة الشهر .... إسأل أم وضعت مولدوها قبل موعده


لكي تدرك قيمة الأسبوع .... إسأل محرر في جريدة أسبوعية


لكي تدرك قيمة الساعة .... إسأل عـشاق ينتظرون اللقاء


لكي تدرك قيمة الدقيقة .... إسأل شخص فاته القطار .. الحافلة .. أو الطائرة


لكي تدرك قيمة الثانية ولكي تدرك قيمة الجزء من الثانية .... إسأل شخص فاز بميدالية فضية في الأولمبياد وفي الأغلب يكون الفرق بين الذهب والفضة أجزاء قليلة من الثانية


لكي تدرك قيمة الصديق .... إخسر واحد


لكي تدرك قيمة الأخت .... إسأل شخص ليس لديه أخوات الوقت لا ينتظر أحد وكل لحظة تمتلكها هي ثروة وستستغلها أكثر إذا شاركت بها شخص غير عادي


لكي تدرك قيمة الحياة .... إسأل عن إحساس من على فراش الموت


لكي تدرك قيمة ذكر الله ..... مت وأنظر ماذا فقدت من عمرك وأنت غافل


الرسالة الثانية:-


يقول عالم  أحياء أمريكي :-


أن هناك طبيب شاهد في طريقه كلب مصاب بكسر إحدى قوائمه فحمله إلى عيادته وقام بمعالجته .... وبعد أن تماثل للشفاء أطلق الطبيب سراح الكلب ....


  وبعد فترة من الزمن سمع الطبيب نباح كلب عند باب عيادته .... فلما فتح الباب وجد الكلب الذي عالجه ومعه كلب آخر مصاب .


فيا سبحان الله ما الذي ألهمه وعلمه هذا ...... إنه   الله جلَّ وعلا ..


الرسالة الثالثة:-


يقول عالم أحياء أمريكي :-


كان هناك قط لصاحب بيت يقدم له الطعام كل يوم .... ولكم هذا القط لم يكتفي بالطعام الذي يقدمه  له صاحب البيت .... فأخذ يسرق من البيت الطعام فأخذ صاحب البيت يراقب القط ..... فتبين له أنه كان يقدم الطعام الذي يسرقه لقط آخر  أعمى

 


لا إلـــه إلا الــلــه


كيف كان هذا القط يتكفل بإطعام قط كفيف ؟؟؟


فاسمع قول الله تعالى :- ' وما من دابةٍ في الأرض ولا في السماءِ إلا على الله رزقها '


سبحان الله وبحمده       عدد خلقه          ورضا نفسه     وزنة عرشه         ومداد كلماته


الرسالة الرابعة:-


وهذا موقف حدث بالعراق يحكيه شاب عراقي قائلاً :-


عندنا في العراق شيء اسمه. حية البيت (( الحية = أفعى )) وحية البيت التي تعيش في البيت لا تؤذي .... في أحد البيوت الريفية كان لأفعى صغار تحت كوم من التبن وعندما أرادت المرأة العجوز صاحبة البيت رفع التبن .... وجدت صغار الأفعى ..... فما كان منها إلا أن حملت الصغار إلى مكان قريب آمن وعندما عادت الأفعى ولم تجد صغارها جن جنونها واتجهت صوب إناء كبير فيه حليب .... وقامت بفرز سمها من أنيابها في الإناء .... وبعد أن بحثت و وجدت صغارها في مكان قريب .... عادت ورمت نفسها في الحليب ثم خرجت منه ....... واتجهت إلى رماد التنور وأخذت تتقلب به ليلتصق الرماد بجسمها .... ثم عادت ودخلت في إناء  الحليب لكي تعيبه ولا يستخدمه أهل البيت .... كل ذلك يحدث والمرأة العجوز تراقب هذا المنظر العجيب من بعيد ....


ولله في خلقه شؤون


 


الرسالة الخامسة :-


تخيل .... أنك واقف يوم القيامة وتحاسب ولست بضامن دخول الجنة


وفجأة ..... تأتيك جبال من الحسنات , لا تدري من أين !!.....


من الاستمرار بقول :- ' ســبـحـان الله وبحمده ســبــحـان الله العظيم'

 


ولتضاعف هذه الجبال فقط قم بإرسال هذه الرسالة

 


لست مجبراً على إرسالها .... ولن تأثم على إهمالها بإذن الله


فإن شئت أرسلها فتؤجر .... أو أمسكها


لا تبخل على نفسك وانشرها


قال رسول الله - صلى الله عليه وآله وسلم -: ' من دعا إلى هدى كان له من الأجر مثل أجور من تبعه لاينقص ذلك من أجورهم شيئاً,ومن دعا إلى ضلاله كان عليه من الإثم   مثل ما أثام من تبعه لاينقص من آثامهم شيئاً '.

 


هذا البريد لا تدعه يقف عند جهازك .... بل ادفعه لإخوانك ليكون لك صدقة جارية في حياتك وبعد مماتك .

 


27
اخواني السلام عليكم
اليوم اجاني هذا الايميل من صديق عراقي في هيوستن حبيت اخليكم على اطلاع بي ممكن تستفادون منه
واعتقد اخونا الغالي ابو دجله ذكره في احدى المواضيع بس مدا اذكر وين بالضبط
    The Iraqi consul to DC , Mr. Alaubidy will office in the ACC (http://www.acc-houston.com/) to conduct consular services on the 3rd and 4th of February, 2010 form 9-5 each day.
     
    Please notify all Iraqis to be prepared if they are interested in having passports, notarized legal documents ( wakala, kafala), or any other matters the consul can help with.
     
    Please visit http://www.iraqiembassy.us/consulate-Arabic.htm for more information.
     
    We will need a volunteer to escort him from and to the airport.
     
     
    Aziz Shaibani

28
السلام عليكم اخوان
نريد نحجي على سلبيات العيش في الولايات المتحده بالنسبه للاجي او المهاجر العراقي الذي تم اعاده توطينه في امريكا للاسباب المعروفه سواء كان مسافر لوحده او بمساعده منضمات اعاده التوطين الي موجوده بامريكا
طبعا اعرف انه موضوع حرج وبيه شوائك ممكن تثير بعض الناس ولكن رجــــــــــــــــــــــــــــــــــــائي الكم ان يكون الحوار موضوعي و دقيق حتى نعرف شنو السلبيات الي ممكن نواجهه في بدايه حياتنا و شلون نلكي حلول لهاي الامور بيناتنا و بالتاكيد النتيجه راح اتكون فائده معلوماتيه للكل

ياريت تفاعل بدون عصبيه وبدون تشنج خلونا اخوه واحباب والي ما يعجبه الموضوع ممكن ينطي رائيه بصراحه ولكن بدون تجاوز واحنا انقدر الحاله

الهدف هو ايجاد الحلول المنطقيه للسلبيات مو نبجي ونوح وندك لان حضنا موزين
وهيه الكم والي بالتاكيد

تحياتي
اخوكم ابو عبد الله التكساسي

الفكره مستوحاه من كلام ماجلان  ;D ;D ;D ;D يعني مو فكرتي وانما خمط!!
Sorry Man

29
اخوان السلام عليكم ورحمه الله وبركاته

اليوم احب اكلكم منوا الي فاز باقتراع الاصوات للعضو المتالق لاشهر اكوبر و نوفمبر و ديسمبر الماضيه
وطبعا اليوم مثل ما كلتلكم راح انطيكم النتائج

ريم عبد وحصلت على 19 صوت من اصل 34 وكانت نسبتها بالاقتراع 45.2%

ريفولفر وحصل على 23 صوت من اصل 34 وكانت نسبته 54.8 %

مبروط للفائز ومبروك للمنافس ومبروك لكل الاعضاء لهذه الاخوه الحلوه والحقيقيه
ومثل ما تعرفون الغايه من الاستفتاء لم الشمل و حث الاعضاء لبذل كل ما لديهم لمنتدانا الغالي

تحيه من القلب للكل
وكل عام وانتم بخير

30
  اخوان لفت انتباهي بعض ردود الاخوه الي مقدمين على برنامج الاس اي في في مراحل التقديم المختلفه لوجود اختلافات صغيره ولكن مهمه  بالبرنامج

فياريت.. يا ريت اي واحد قدم عللى برنامج الاس اي في يقدمنا عرض مبسط للمراحل الي دخل بيهه والاوراق المطلوبه و تفصيل زغيييرووووووووووني للايميلات الي اجته من الجماعه
يعني باختصار

طبعا التواريخ مو مهمه مثل الخطوات والمستمسكات المطلوبه
اكيد ارشيف المنتدى متروس بهاي السوالف واني اعرف بهذا الشي - بس اكو اشياء جديده احنا ما نعرف بيهه  وتم استحداثها مؤخرا -  وكمثال
قبل فتره قليله نبهني اخونا العزيز (( شوو )) الى ان الفيزا تجي بالدي اج ال
اني استلمت الفيزا باليد من السفاره وهذا اختلاف بالموضوع

وعلى هذا المثال اريدكم تطرحون تجاربكم الخاصه عسى ننفع ولو  واحد  من اخوانا الي تايهين في بحر الاس اي في 

شكرا مقدما للجميع وتحياتي بالموفقيه للي مقدمين عالبرنامج

م \   اريد القدامى والجدد يشاركون على حد سواء  حتى انسوي مقارنه وبعدين نوصل لنتيجه نهائيه

شتكولون ؟؟  ;D ;D ;D

يالله

اخوكم ابو عبد الله التكساسي

31
اعتمادا على ارائكم  الجميله في موضوعي السابق وهذا الرابط ماله                                
http://www.ankawa.com/forum/index.php/topic,374434.0.html

اريد همتكم لاختيار العضو المتالق لاشهر اكتوبر و نوفمبر و ديسمبر للعام 2009
والي راح نختم بيها هذا الاستفتاء باخر يوم من هاي السنه او اول يوم من السنه الجديده  

اختياركم لا يكون من الاسماء المذكوره فقط
لا يجوز التصويت مرتين
لا يجوز التعديل بالتصويت
الرجاء مراجعه اعمال العضوين المذكوره اسمائهم ومساهماتهم الفاعله
 
انريد همتكم ويانا وخلي نشوف حبكم لهذا المنتدى شنوا
الام العراقيه مستثناه من التصويت وحسب رغبتها الخاصه (( والله معذوره عمي ))
ولكم مني فائق الحب والتقدير اخوتي الاعزاء

ملاحضه \اني  اقترح هذين الاسمين لقناعتي بهما  واذا كان عند الاعضاء  اسماء  اخرى فلا باس ان يطرحوها ...

اخوكم شوقي
ابو
عبد الله التكساسي
يالله

32
اخوتي اخواتي السلام عليكم
اقترح من والى اعضاء منتدى الهجره (( ومن رخصه الاداره )) لكي نتختار عضو من الاعضاء
نسمي العضو المتالق لهذه الفتره المنصرمه

ياريت نلكي اكثر عدد من المشاركات باضافه اسم الشخص المنتخب بنهايه الموضوع واكيد اكو هوايه اعضاء بهيج مستوى من التالق والابداع بمساعده الاخرين

طبعا انريد مشاركاتكم ويانه لان على اساسها راح نختار الشخص

م\ ميصير ترشحون مرتين خلي الانتخاب بالراي الحر

يالله نبدي بسم الله

واني ارشح

!!!!!!!!!!!!!!!!!! بعدين اكلكم

33
السلام عليكم
اخوان اشلون الواحد ممكن ينقل بيته او اغراضه الى ولايه اخرى اذا ممكن تساعدونا باسماء شركات الي تقوم بهاي العمليه
يعني

اريد
الارخص
الاسرع
الامن
الافضل
بالاضافه الى بعض الشروحات الممكنه والله ايخليكم بلايا لنكات اتعب لان اني تعرفون مو قوي بالحاسبه
مره اخرى للتاكيد
من ولايه الى ولايه داخل امريكا

شكرا مقدما للجميع وبارك الله بيكم وجدا ممنون

اخوكم ابو عبد الله التكساسي

34
اخوان والله ابالي امنا العراقيه صار فتره ماكو ومن ورا الي صار اخر مره
والله يمى بالي يمج وين ما وين لا نشوف كتاباتج لا نقراء دعائج

ان شاء الله الداعي خير يارب

سلامي للام العراقيه
اخوان محد يعرف يوصلله سلامنا منا منا \
بلكي همتكم اخوتي واخواتي بلكي تشوف امنا الموضوع

35
السلام عليكم
قبل سفري الى الولايات المتحد قدمت على هجره Siv ومثل ما يعرفون اصدقائي بانه اني اصلا مترجم قبل الامريكان وكان من اصدقائي الشخصيين الاعزاء كلش اخي الغائب الحاضر شبح بغداد الله يفرج همه ويسدد خطاه
كعدنا مره بالبيت وترجمنا اني وياه الاوراق الخاصه بيه من جنسيه وشهاده الجنسيه
بعد فتره انطلب مني بالمعامله ترجمه عقد الزواج وارساله الى NVC وقمت بالفعل بترجمته وارساله الهم

المهم
اجتني بعض الاستفسارات على الخاص عن مكتب نادر و غيرها من مكاتب الترجمه واللي يعتقدالبعض     (( خطأ )) انه الترجمه لازم من مكتب نادر لانه موثوق ومدري شنو واختام

حبيت اولا ان اطرح فكره على الاعضاء بانه ممكن اكتبلكم الترجمه وتعتمدوهه اذا تحبون وبلاش وبلايا نادر ولا دوخه راس
يعني اخلي الفورمات
افسرها للترجمه حتى تكون مفهومه للكل
وراها نتابع النقاط وكلمن يخلي سؤال معين عن نقطه ما ممكن نفصلهه للنقطه ونشرحهه للبقيه

هسه اريد ارائكم وبعدين نبدي ان شاء الله
عجبتكم السالفه نمشي بيهه , ما عجبتكم نمسح الموضوع
شتـــــــــــــــكولون ؟؟

ملاحظــــه \اني وشبح بغداد وغيرنا من الاخوان اعتمدنا على هاي الترجمه واخنا هسه ساكنين امريكا !

اخوكم ابو عبدالله التكساسي

36
اخواني الافاضل
بدا ت صفحه المنتدى بالثقل اثناء محاوله الوصول اليها قبل فتره قليله وللاسف الان اصبح التصفح في المنتدى شبه معدوم ولا اعلم السبب
اذا كنت محضوضا فسارى موضوع او موضوعين لا اكثر بعدها يبدا المنتدى بالاختفاء ولا اعلم السبب ولكن كل مره يقول
السيرفر اما مشغول او عاطب او لا يستجيب

اخواني ياريت ياريت لو تكـثـفــولنه جهودكم لعمل اللازم لتكبير سعه السيرفر او تصليحه او حتى حذف المواضيع الغيير مهمه او الي ما بيهه معلومات من الارشيف وصولا للصفحه الاولى لزياده سعه السيرفر الخاص بمنتدى الهجره , للعلم بقيه اقسام المنتدى تعمل بصوره طبيعيه

م\ قمت بكتابه هذه الرساله اكثرمن اربعه مرات ولم استطع ارسالها الا بعد عناء

شكرا لوقتكم

اخوكم ابو عبد الله

37
شنو وين السؤال ؟؟

38
السلام عليكم
اخواني الاعزاء اريد انقل لكم اخبار مع الاسف سيئه عن اخونا شبح بغداد
قامت عصابه محليه باقتحام شقه اخونا الغالي شبح بغداد وقامو بسرقه ممتلكاته الماديه والابتوب والهارد الخارجي والبلي ستيشن وما سلم من عدهم غير الكرين كارد والاوراق الرسميه عرفت بهذه الاخبار قبل يومين واخونا شبح بغداد ايسلم عليكم ويسالكم الدعاء وهو اسف ميكدر تواصل وياكم لان حاليا ما عنده لابتوب وهو كلفني انه اوصل الكم هذه الاخبار وان شاء الله الامور الماديه تتعوض :(

 ويسلم على الاخت ريم على موقفها النبيل ويكول شايليج للعوزه

اخواني واخواتي اعضاء المنتدى الكرام اسف لنقل هذه الاخبار ولكنها امانه لابد من ايصالها لكم وايضا اخونا علي يكول الكم كل عام وانتو بالف خير ان شاء الله متشوفون مكروه

اخوكم ابو عبد الله التكساسي

39

احبيتي اخوتي اخواتي
كل عام وانتم بالف الف خير عيد مبارك لكل العراقين وخصوصا رواد المنتدى الكرام واعضاءه الاخيار
اتمنى لكم من الله الصحه والعافيه والخير والطمانينة بالدنيا وحسن ثواب الاخره

ايامكم سعيده اغاتي وكل عام وانتو بخير للجميع و تحقيق الاماني وان شاء الله السعاده الدائمه
اريد اذكر اسماء الاخوه الاعزاء وما اريد واحد يزعل عليه ابد اذاما ذكرت اسمه او اسمهه لان دماغي صاير شوربه لان كلكم اخوتي واخواتي وراح ابديها بالترتيب الانكليزي
السيدات اولا
الاخت الغاليه انجي عيد شكر سعيد وكل عام وانت بخير
الاخت الغاليه ريم عبد
الاخت الغاليه ام يلدا وين ما تكون (( بشينا )) ان شاء الله
الاخت الغاليه الدكتوره ورقاء الغائبه الحاضره
الاخت العزيزه SZSZ لا تزعلين على اخوج الجبير ابد
الاخت العزيزه مضلومه سوادي
الاخت العزيزه سوسن كليانه
الاخت العزيزه روزماري
والى كل اخواني الاعزاء بالمنتدى ومن الجبير للزغير مثل العادات العراقيه
العم الغالي العزيز على قلبي جواريني واخي ابو دجله الفاضل
عمي واخي الاكبر وحبيب قلبي العم الغالي ابو الحسن
اخوتي واصدقائي
الاخ على شبح بغداد الله يفرج همك ويطلعك من مصيبتك وان شاء الله ماتشوف مكروه
الاخ العزيز بلاك واتر لك حيييييييييييييييييل مشتاقلك
ابو العباس حبيبي ايامك سعيده 
الاخوه في كاليفورنيا
ابو اندرو
ماجلان
الاخوه في العراق
اخونا الغالي ايكو 9
خويي الغالي العزيز حيييييييييييييييل ريفو الورده
الخي الغالي ستورم
اخي الغالي فوكس 13
الاخ مهند هادي
الاخ العزيز صفاء الكرخي
الاخ العزيز سولد سنايك
الاخ العزيز شقلاوي
الاخ العزيز اسامه
الاخ العزيز الوسمي الي منتضره بفارغ الصبر
اخي الغالي علينا كلنا عك عك التطوى
الاخ الغالي همر
الاخ الغالي شمعه
والى كل رواد المنتدى وبدون استثناء واعذروني من التقصير اذا نسيت اي احد
احبتي واخوتي الله يستر عليكم ويخليكم وينصركم ويتقبل منكم ويرضا عنكم اجمعين

اخوكم
شوقي ابو عبد الله من هيوستن - تكساس
 

40
اخواني السلام عليكم

اريد اعرف اذا ممكن اشكد الفتره (( تقريبا او تقديرا)) بين المقابله الاولى الي ينطي بيهه المتقدم المعلومات الشخصيه على برنامج الاي او ام وبين المقابله الثانيه والثالثه
والي هيه الامنيه والمحلفين وغبرها من التسميات الي اني ما اعرفهه
ياريت اتوضحونياها
وشكرا جزيلا مقدما للجميع

اخوكم ابو عبد الله التكساسي
;D ;D ;D ;D

41
اخوان
الله يخليكم وبدون زحمه
لا تخشون بخطيه احد وتنطون معلومه خطا لان وراها اكو تبعات ولحد يفتي بكيفه
كل ما هنالك انت تعرف معلومه شارك بالرد
واذا ما متاكد الله يخليكم لا تجاوبون لان بعدين المعلومه اتصيرنقمه على السامع
وهذا طلب من اخوكم الجبير\الزغير
ابو عبدالله

42
الاخوه الاعزاء اليوم اجاني ايميل على ايميلي الخاص من عين كاوه
جان اكو فد واحد من الاعضاء يشتغل باحدى الاذاعات الامريكيه وراد يعرف موضوع السفر والهجره ومن هاي الامور
ولكن للاسف الرساله ما وصلتني كامله وبعدين ما اعرف اشصار وانحذفت الرساله وضليت صافن شنو الموضوع ما ادري

اخوان بلكي واحد يعرفه ويكدر ايوصلله الرساله وخلي يدزلياها مره اخرى الله يخليكم
واكون ممنون

شكرا الكم جميعا

اخوكم ابو عبودي التكساسي

43
اخواني اخواتي  اجمعين
يبلغكم الاخ العزيز
هــــــــــــــــــــمـــــــــــــــــــــر
بالغ التحيات والسلام الحار اجمعين بدون استثناء
وسوف يتواصل معكم عن قريب بعون الله بعد ان يكمل بعض الامور العالقه والتي لابد لكل قادم جديد الانتهاء منها باسرع وقت
اخوان
اني اليوم كنت عنده بالبيت وهو بخير والحمد لله وقد استقر في مكان قريب عن مكان سكني وهو الان جاري العزيز
الجديد

تحيات الاخ همر لكل من سانده في رحلته من مصر الى تكساس

وهاي الامانه مالتكم وصلت وبعد لا تلحون

من
همر
ابو عبدالله التكساسي

44
السلام عليكم اخواني واخواتي بالمنتدى
طبعا من خلال هذا المنبر الحر استطعنا التعرف على بعض الاخيار من اعضاء المنتدى والطيبين من العراقيين
واني صار فتره دا احاول اتصل باي واحد منهم ولكن مع الاسف بدون فائده
فياريت الي يعرف شي عن

ريم عبد
الدكتوره ورقاء
ام يلدا بعد وصولها لامريكا
 
والله مشتاقين لردودكم وتفاعلكم لخدمه المنتدى

سؤال لكل من يعلم

45
تحيه عرفان وتقدير للاخ الغالي ريفولفر الي صدرر المبادره لهذا الموضوع القيم واني شخصيا اهنيك عالفكره الحلوه
واهنا راح يكون تجمع التكساسيين من الشمال الى الجنوب

تحياتي للجميع
ابو عبد الله التكساسي


بسم الله  الرحمن الرحيم __( ولايه تكساس )

46
رتل  /  اذا كنت مواعد السائق الساعة الثامنة  لكي يصطحبك الى مكان عملك وبقيت تنتظره الى ان جاءك في الساعة العاشرة فانك ستفهم سبب التاخير لساعتين ( فقط ) عندما يقول لك كلمة واحدة هي ( رتل )، وهي اشهر من نار على علم، وتعني ان طابورا من السيارات العسكرية قد توسط الشارع ويسير ببطء وحجز خلفه السيارات العراقية المدنية ولايسمح لها باجتيازه!!!.
 
 صبات /  اما اذا واعدت السائق الساعة الثامنة لياخذك الى عملك وجاءك الساعة السادسة فتخرج له بملابس النوم وتساله عن سبب مجيئه المبكر فهو سيقنعك بكلمه واحدة شهيرة هي الاخرى وهي ( صبات )، اشارة الى الحواجز الكونكريتية التي تملا شوارع بغداد والتي تعرقل سير السيارات وتزيد حالة الاختناق المروري!!!.
 
 صكاكة /  كلمة جميلة تشير الى الاشخاص الذين يختطفون المواطنين وبعد ذلك يقررون اما التخلص منهم او اطلاق سراحهم لقاء كم دفتر..وللدفتر حديث!!!.
 دفتر/ بدلاً من أن يتعب الشخص لسانه ليقول جملة طويلة (عشرة الاف دولار)، فان اساتذة السهل الممتنع أخترعوا لفظة (دفتر) لتشير الى هذا المبلغ، الذي تحول الى وحدة قياس يتعامل بها الخاطفون مع ذوي المخطوفين..فيقولون: سنطلق سراح أبنكم مقابل كذا دفتر..وعاش الدفتر الدولاري ولتسقط الدفاتر المدرسية!!!.
 
   شدة / لا يذهب خيالكم بعيداً وتتصورون اننا نتحدث عن أغنية الأطفال الشهيرة ( شدة يا ورد )، بل هي شدة الدولارات التي تبلغ قيمتها عشرة الاف دولار أيضاً، وهي أخت الدفتر بالرضاعة، ولكن لكثرة استعمال مفردة ( دفتر ) من قبل العصابات فقد لجأ التجار الى شقيقتها التوأم ( شدة )..وأحنه لا من جماعة الدفتر ولا الشدة!!!.
 
 علاسة / وهي كلمة لا تختلف عن الصكاكة من حيث طبيعة العمل ولكن الفرق في نوعية الاشخاص، فالصكاك لا يعرف الضحية اما العلاس فهو فهو يعرف الضحية جيدا ويشارك اما بخطفه او قتله وهو عادة يكون اما شريك عمله او ابن ولاية او اقرباء من الدرجة الاولى او في اضعف الحالات صديق مقرب وعزيز جدا جداً!!!.
 
بحارة / انتباه انهم ليسوا طاقم السفن في البحار والمحيطات بل هم ابطال المتاجرة بالمشتقات النفطية، واطلق عليهم هذا الاسم لان المشتقات في الازمات تكون شحيحة في المحطات ولكنها وافرة لديهم ولا تنضب وسياراتهم من نوع خاص اذ يصل الخزان المحور لسياراتهم احيانا ليستوعب 700 لتر من الوقود وهم منتشرين ( على باب الله ) في كل شوارع العراق يمارسون تلك المهنة الشريفة!!!.
 
   فرهود / انه ليس عامل بلدية، بل هو اشارة لعملية النهب التي حصلت بعد اجتياح النظام السابق لدولة الكويت حين حمل ضعاف النفوس كل مايمكن حمله من بيوت الكويتيين الهاربين منها ليصبحوا من المفرهدين المبشرين بالثراء باذن الله، وهي تختلف زمنياً فقط عن (الحواسم) التي سنتاولها في بحثنا القيم هذا!!!.
 
 حواسم /  وتشير الى ضعاف النفوس الذين لم يتحملوا غياب سلطة القانون بعد سقوط النظام السابق فانطلقوا كل في اختصاصه فهاهو الخلفة يفلش معسكرات الجيش لياخذ الطابوق، وهاهو الحداد يقص الحواجز الموجودة في وسط الطريق السريع، اما المواطن البسيط ذو النفس الضعيفة فياخذ هـ القاسمة الله من دوائر الدولة ومستشفياتها، ولا ننسى ان هناك قسم كان له شرف الاستيلاء على المدارس ورياض الاطفال وحوسمة السبورات ورحلات المدارس على العموم كان الهدف الحصول على لقب ( حواسم ) الذي التصق بهؤلاء لحد الآن وبكل جدارة!!!.
 
 عظامة / انهم ليسوا علماء الحيوان ومكتشفي عظام الديناصورات ايها السادة، بل انهم مرتادوا الفواتح والاعراس ومجالس الفصل العشائري باستمرار من اجل ضرب الثريد واللحم دون ان يعرفوا زفة منو او فاتحة منو!!!.
 
 جماغة  /  وكانت سابقا تدعى جواديد وهي تشير الى الزلم الخشنة الذين لا يملون من العمل ويصلحون لجميع الاعمال ويذب
ون لحم عالشغل أي ( يطيح ميت )!!!.
 
 خماطة  /  الخفة والسرعة شعارهم، انهم يسرقون الكحلة من العين، مركزهم الرئيسي في برج باب الشرقي العالمي وحديقة الامة العربية، مهمتهم افراغ الجيوب دون ان يشعر اصحابها وهم والشهادة لله بارعون في عملهم كثيراً!!!.
 
 تلافة /  ومفردهم ( أبو تلف )..انهم ابطال صرف الاموال بدون وجع كلب ومعظمهم لم يكن سابقاً ابو تلف ولكنه تحول الى تلاف بعد ان حصل على احدى الحسنيين ( الفرهود او الحواسم ) ليلعب فجاة وبقدرة قادر بالفلوس لعب!!!.
 
 كاب /  لاتعني هنا ان الشخص قد خاف من شيء وفز منه، بل انهم ابطال الكبسلة سابقاً، والكابين حالياً، وتعني ان الشخص قد تناول كمية من حبوب الهلوسة تكفي لابعاده عن هذا العالم المحزن ليلتجيء الشخص الكاب الى توزيع اراضي سكنية واعطاء تقاعد للفقراء في مخيلته!!!.
 
 ترميش /  لاتعني هنا الغمز للفتيات الجميلات ولا استخدام اضواء السيارة بصورة سريعة لابعاد السيارات التي امامك بل هي تشير حالياً للاتصال بصديق وفور حصول الاتصال تفصل بنفسك الخط لكي تحافظ على الكارت ابو العشرة التراثي ولكي لاتصل الى مرحلة بدون رصيد!!!.
 
 ولا سنت/ اذا عاتبت صديقك لعدم اتصاله بك لفترة طويلة فسوف يجيبك على الفور بجملة ( ولا سنت )، ومعناها ان رصيد موبايل المتحدث خالي من الرصيد وليس فيه ولا سنت واحد..حفظ الله أرصدتنا وأرصدتكم من كل مكروه!!!...
 
 هفتي /  تعني بيع املاك معينة باضعاف سعرها ولكن لمدة ستة اشهر او عام على الاقل، كان تبيع سيارة سعرها 50 ورقة ب150 ورقة على ان يسدد لك المبلغ على شكل اقساط طويلة الامد ليضاف المهفتون الى قائمة المصطلحات في عراقنا الجديد!!!.
 
 حديقة /  كلمة جميلة تدل سابقا على الخضراء والماء والورود الجميلة، اما اليوم فهي تدل على البطالة والجيوب الفارغة وتصفير الجيوب وعدم وجود فلس احمر في الجيب، ويبدوا انها مستوحاة من حدائق العراق لانها عبارة عن صحاري فارغة من الزهور واي شيء اخضر!!!.
 
  صاكة/ أختفت الكلمات الجميلة، وذهبت ايام الشعر ومغامرات قيس وليلى، فقد أصبح الشاب يبدي اعجابه بجمال حبيبته بقوله ( أنتي صاكة حيل )، وصاكة لا تعني شدة الانجماد، بل روعة الجمال بنظر شباب هلوكت!!!.
 
والله أعلم


تحياتي للجميع وانشاءالله تعجبكم

47
اعزائي احبابي
اليوم وصل الغالي ابن الغالي




العزيز ابن العزيز






الحبييب على قلوب العراقيين في المهجر




مفتاح ابواب الحياه الجديده في امريكا العراقيه ((عن قريب انشاءالله))





اليوم وصل فرج الله تعالى علينه




اليوم وصل الي دا انتضره بفارغ الصبر






ما احلاه ....... ما اجمله ,............. ما الطفه





م اشد فرحتي به





اني اليوم مولود جديد وعسى الله ان يوفقني في حياتي







اخوان الحبييب وصل
وصل وصل وصل





تعرفون هو شنو ؟؟؟؟؟؟؟؟؟؟؟








احزروا











راح انتضر اجوبتكم






اريدكم اتشاركوني الفرحه مالتي يا اغلى الناس






عين كاوه الحبييب





واعضاءه الغالين كلشششششششششش







شنو الي وصلي اليوم بعد انتضار طال ................؟؟؟؟؟؟



اليوم وصلي ال (( ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟)) 

48
اخواني واخواتي الاعزاء في عينكاوه الموقر
تحدثنا كثيرا على امور عديده واهمها السفر والامنيه واعادت التوطين  وما الى ذلك من الاشياء المهمه التي يجب على الاخوان لمهاجرين واللاجئين معرفتها , وقد تسلحنا بالمعرفه المفصله من منتدانا الموسوم عن كل هذه الامور
لحد هسه محد ذكر بالتفصيل شي عن الكيس ووركر الي راح ايكون ايدك ورجلك وعيونك من توصل للبلد الجديد
ليش
لان انت
1. كلشي ما تندل من تجي
2. متدري وين راح ايذبوك
3. احيانا الكفيل كلش بعيد عليك بحيث بينك وبينه ساعه بالسياره فشراح اتسوي ؟
4.متعرف احد يمك مثل ما صار ويا بعض الاخوان
5. ما تعرف لغه وهايه طامه كبرى
6. شنو الحل للمشاكل الفوريه الي تواجهك وانت جديد بالبلد ؟

زين الكيس ووركر شنو موقعه من الاعراب وشراح ايسويلك وشنو مسولياته اتجاهك وهل هو مجبر ام هي مسؤليته

اريد الاعضاء الي واجهو صعوبات ويا الكيس ووركر بالاخص الي انضربو دبه مال اوادم منهم
لان اكو بعضهم كلش مو خوش اوادم وتسببوا بضياع الوقت والجهد والاوراق لبعض الاخوه العراقيين في بلاد المهجر والبعض الاخر اتحطهم عالجرح ايطيب

وياريت اتذكرونه بعض المعلومات البسيطه عن منضماتكم همين عالواهس يمكن اتفيد احد
واني راح اتابع الموضوع انشاءالله
نبدا
بسم الله الرحمن الرحيم
مين يزوود
 ;D ;D ;D ;D ;D ;D ;D ;D
اخوكم ابو عبد الله التكساسي




49
محيط : أكد مدير جوازات السليمانية أن شركة كريفن أنترناشيونال الألمانية تقوم الآن بطبع نموذج جواز السفر من فئة "G" باللغات الثلاث العربية والكردية والإنجليزية، بعد موافقة الحكومة الحالية وسيتم العمل بالجواز الجديد وتوزيعه اعتبارا من العام المقبل.
وكانت مديرية جوازات السليمانية قد نظمت مؤتمرا حول الأوراق الأمنية وجوازات السفر والبطاقة الذكية ومنها إقليم كردستان، بحضور عدد كبير من المختصين وضباط الشرطة والأمن والمطارات والجوازات ، وذلك وفقاً لما ورد بشبكة " أخبار العراق ".
وقال وائل صالح زوقري المدير التنفيذي لشركة "كريفن" ومقرها الرئيسي في العاصمة اليمنية صنعاء :" إن المؤتمرين ناقشوا التقنيات الجديدة لطباعة الأوراق الأمنية ومنها جوازات السفر والبطاقة الوطنية والنقود وشهادة الجنسية والأوراق الأمنية بشكل عام ".
وقال زوقري حول التقنيات الجديدة التي تطبق عالميا لطباعة الأوراق والبطاقات والعمل على تطبيقها في العراق :" تحدثنا عن المنظومات الجديدة لعمل الجوازات والبطاقات الموحدة باستخدام تقنيات الليزر برينتنغ عبر حفر المعلومات والبيانات داخل البطاقة وإدماج السمارت كارت داخل البطاقة، وهذه كلها أمور جديدة ".


يعني خلصت مشاكل العراق و بعد ما عدهم الا الجواز
وليش بالكردي هيه مو نفس الحروف
هاي صار ثالث مره مو ؟

50
اردت المشاركه معكملا زيح بعض الهموم العالقه في قلبي من ايام زمان من جنت بالعراق العضيم وشفت انه هذا وقت مناسب

شرح الامثال في واقع الحال 
 
عليه وعلى اعدائي                                              تنظيم القاعدة
تيتي تيتي مثل ما رحتي جيتي                               معاناة العراقيين
ان اكرمت الكريم ملكته, وان اكرمت اللئيم تمردا             الاردن
لا حظت برجيلها ولا خذت سيد علي                        جبهة التوافق
من تمشي تتعثر بيه .. ومن تريده ما تلكيه                  الشرطة
غراب يكل لغراب وجهك اسود                          اتهامات بين اعضاء الحكومة
يركض والعشا خباز                                      العراقي الشريف
المنحوس منحوس حتى لو حطوا براسة فانوس     معاناة العراقيين مع الفيزا
بيدر الذهب هم يحتاج بيدر الدخن                       احنا اهل النفط ... نستورد مشتقاته
جيب الليل ........ وأخذ عتابه                              اذا عندك معتقل اتريد تعرف وينه
حضٌر المعلف ... گبل الزٌمال                        المعلف ما حضروه بس جابولنه زمايل
حظي بكل شي اسود بس بالرگي أبيض             عراقي مو بالحكومة 
ابرد من ..... السقه                                    الامريكان باعادة اعمار العراق
الفكرلو فوك البعير يعضه الجلب                      عراقي راح للصومال ما حصل فيزا
ما لقو بالورد عيب قالو خده احمر                     الكهرباء تنتل مو زينه عليكم
ابن عمة الخياطة اللي خيطت بدلت العروس      هذا حصل وظيفة من يم المسؤولين
أبن الحلال بذكره                                      الانف
أحبك وانت لابسني                                  التبريد
أحترك الأخضر بسعر اليابس                          مفخخات الاسواق تقتل السنه والشيعه
أتعلّم الواوي على أكل الدجاج                     شوكت يعوفون الكراسي
أكل ومرعى وقلة صنعى                          البرلمان والوزارات
باب النجار مخلع                                    ناس تحجي بالدين ولا دين لهم
تمخض الجبل و ولد فار                         صرفوا مليارات والكهرباء بالقطارة
حجيك مطر صيف ميبلل أليمشون               القمة العربية
خراعه خضره                                       رئيس الجمهورية
درب الجلب عل القصاب                           الاردن
راح الاكو والماكو                                   العراق وثرواته
راح دمه هدر                                         الشعب العراقي
روحه بلا رده                                       انسحاب اي شخص من الحكومة
شوفوني نجوم الضحى                            خطط امنية خمس نجوم
عامي شامي                                          رصاصات الجيش والشرطه
شتحط الها وتطيب؟                                 الوضعية الامنية
شعره من جلد خنزير                               الحصة التموينية 
شعيط معيط وجرار الخيط                       حثلكية يقررون مصير العراق
الركعه زغيره، والشك جبير                      توحيد صفوف العراقيين
شكينا الدف، وبطلنا الغنا                           بعنا بيوتنا وسافرنه
الشمس ماتتغطى بالغرابيل                 يطلعون دعايات (يمضون ونبقى)
شن هل اللذة من هالفكر                    حواجز كونكريتية و فردي وزوجي
شوفته حزن، وفراكه عيد                          السيطرات مال علاسه
شافنا سود عباله هنود                              على ابو ديمقراطية وحرية
صار تاليها انكس من اولها                        والحمد لله
الصبر مفتاح الفرج                                 حتى المفتاح مولس 
..... بسوك الصفافير                           حقوق العراقيين
الطبيعة تغلب التطبع                                 كركوك عربية
طرطميس لا جمعه ولا خميس                   الجامعه العربية
طماطه، ترهم على كل شي    تغيير التشكيلة الحكومية مجرد مداورة اسماء
عادت المياه الى مجاريها                           وكل المجاري طايفه
علج المخبل ترس حلكه                             كل مسؤول شكد حاط حماية
عند البطون تعمى العيون                           من يلغفون كلها تغمض
غاب الكط ، العب يا فار                            والله دتلعب الجريدية 
فص ملح وذاب                                       عزة الدوري
فوك حكة دكه                                   يخطفون وياخذون فدية ويكتلون
كل لشه تتعلك من كراعينها                        الحكومة
الميعرف يركص يكول الكاع عوجة           تبرير سوء الاوضاع بوجود الارهاب
كومه حجار ولا هل الجار                         ايران
ياكلون تمري ويضربوني بالنوة                  الاردن
يشتري من عدّنا ثلج و يبيعلنا مّي بارد          كل الدول المجاورة
تالي الليل تسمع حس العياط                       الله يدري شضاميلنه بعد



اخوكم ابو عبد الله التكساسي

 

51
السلام عليكم اخواني واخواتي في منتداي الحبيب عين كاوه
في البدايه اريد اكول الف شكر على الردود ال 64 الي مراح اكدر اعبر عن مدا اعتزازي بيها وا كدرت ارد على كل الاعضاء الي وصل دعائم والحمد لله
اسف لاني محصلت على الانترنيت الا اليوم واني متاخر جدا عليكم (( اسف مره اخرى))

بعد وصولنا يوم 2 - 9 الى هيوستن بداءت عندي الهوم سك وكانت مقرفه الى ابعد الحدود الامر الي خلاني افكر بالعوده للعراق لكن شي واحد صحاني انه اني اعرف انكليزي فخلي استفاد من الموضوع - دكيت الباب على جواريني بالسكن وعرفته بنفسي وكتله موضوعي وسالته منين اشتري تلفون - الرجل جان كلش ودوود وساعدني والابتسامه مافاركت وجهه وبالفعل التلفون خلاني احسن شويه لان كدرت احجي ويه اهلي بالعراق وارتاحيت جدا لهذا الشي
طبعا حياتكم بالبدايه راح اتكون كلش رتيبه وممله وراح اتضوجكم حتى النمله من تمشي يمكم بس الذكي يحاول يصبر اشويه لان وره هذه المرحله راح اتكون اسهل بهوايه (( ابد لا تستعجلون لاي شي )) ابد ابد
ويكولون الي ما يفتهمون بانه العراقيين ما يساعدون العراقيين بالغربه (( اقسم بالله )) اهم شي ادور عليه من توصل هو العراقيين لان هم الوحيدين الي راح بساعدوك بالبدايه علمود تفتهم الاشياء الديده والحمد لله اني جواريني من المنتدى 2 الاخ مون كوس الي زركته تلفون من اشتريت واحد وحجالي عالمسواك والاشياء الاخرى والجار الاخر هو الاخ بلاك واتر وهو قريب على بيتي كلش وهم ساعدني هوايه هوايه
المهم لازم اتكون عدكم فلوس بالبدايه لان را ح تعتمدون عليهه كلش خصوصا اذا ما عدكم سوشيل سيكيورتي نمبر بعد ((مثلي))
الامريكان ناس كلش بسطاء وحبابين ومالهم علاقه بيك اذا ما الك علاقه بيهم  و من يعرفون بيك مهاجر واكو يمك كنيسه او جامع فانت اعتبر نفسك غركان هدايا - كلساع جايك واحد (( ذس از فور يو سير فروم ..)) ويكلكم اسم مال جامع لو كنيسه لو موسسه
كل المنضمات اهنا قي تكساس متوسطه الخدمات يعني لا زينه ولا شينه ولكن المشكله في الكيس وركر واهنا المشكله الوحيده اذا اكيس وركر مالتك ما يفتهم  شيسوي
طبعا الجو في ولايه تكساس حار لكن مو مثل العراق و بمدينه هيوستن الجو كلش رطب
كل المنضمات تعتمد نضام كلشي علينه وعليك القائمه مال الكهرباء
الايجارات - غرفه وصاله وخدمات من 500 الى 600 دولار واذا غرفتين وصاله 750
الكهرباء كلش غاليه و ممكن توصا القائمه الى 300 دولار شهريا والدفع كل شهرين ((بمنطقتي ))
المواصلات في هيوستن قليله (( اكو بس الباصات )) وتجي كل 20 دقيقه وغيرها اذا ما عندك سياره فمراح تكدر كلشي اتسوي
الاكل متوفر بشكل كبير و بكل مكان
اجره العمل في هيوستن هي  7,25 بالساعه هو الاجر الادنى
افضل تلفون في الفتره الاولى للقادمين الجدد هو (( كريكت )) و ياه كارت ابو الدةلارين اتخابر بيه للعراق يوفرلك 20 دقيقه بس
الحاسبات ارخص
الملابس اغلى من بلدنا
و كلشي اتريده موجود
انشاءالله راح اتواصل وياكم احبابي من احصل انترنت لان لحد الان ما عندي خط
وانشاءالله اكون فدتكم
بالمناسبه اليوم وصل اخونه من المنتدى ابو العباس والحمد لله وهو ايضا جيراني


اسف طولت عليكم
سلامي للجميع
اخوكم ابو عبدالله التكساسي  ;D




52
السلام عليكم يا احبابي في عين كاوه
اليوم وصلت وعائلتي الى الولايات المتحده الامريكيه بعد طيران دام بمجموعه مع التفتيش والمطارات دخولا وخروجا 48 ساعه
الحمد لله اني هسه بشيكاغو وباجر اطير الى المقصد الاخير في ولايه تكساس - هيوستن
وراح احجيلكم على الرحله بس اوصل واعذروني لان ما حصلت على انترنيت بعمان , واني هسه صاير خرده من التعب
تصبحون على خير وانشاءالله اشوفكم باجر
اخوكم ابو عبد الله

53
السلام عليكم في عين كاوه اجمعين
نساءا واطفالا و رجال ................
اليوم ساكتب لكم وللمره الاخيره من العراق العظيم بلدي الذي ولدت فيه ... وارض الاباء والاجداد  والاحفاد
ارض السواد ........ مرقد الانبياء والاوصياء والاولياء ..... بلد الخير والحضارات .... بلد دجله والفرات وعين كاوه وشلال كلي علي بيك
اليوم ساكتب قصيده الوداع الخير لهذا البلد الحبييب ... الغالي ... الجريح
                    الوداع يا بغداد
الوداع ايها النجف الاشرف
الوداع كربلاء المقدسه
الوداع سامراء
الوداع الى الاعظميه والكاضميه المقدستان
الوداع للبرصره
الوداع للموصل
الوداع لمنطقتي الحبيبه (( منطقتي البياع وحاليا بغداد الجديده
الوداع لجيراني
الوداع لاصدقائي و اخواني
الداع لاهلي وناسي واقاربي

الوداع من بغداد لاجمل واحلى واول منتدى (( عين كاوه))


اليوم يبداء العد التنازلي لرحله المجهول لارض الاغراب .. ليس لي فيها من معين الا الله عز وجل واخواني في هذا المنتدى
اخواني اريد اوصيكم وصيه (( بدات البكاء هنا))
هلله هلله بغداد , والله احبهه واحب ميهه
اخواتي واخوتي اليوم ساكتب لكم من بغداد لاني حزين جدا لعدم استطاعتي من زيارة مرقد الامام علي (ع) بعد ان اغلقت جميع الطرق الى مدينة النجف من بغداد والسبب هو مراسيم دفن (( حرامي جبير كلش )) وتنصيب خليفه له حرامي جديد مما ادى الى حرماني من وداع ابي وامي واختي الصغرى وجدتي وفوقهم حبيب قلبي الامام علي (ع) والله ما ادري شسوي (( دموعي تنهار الان ))
اخوتي واخواتي الي بالمحافضات المقدسه ارجوكم لا اتوسل اليكم واقبل الايادي والارجل زورولي الاضرح بالنيابه عني الله يخليكم

اليكم اكتب من بغداد وقلبي ناقم على حكامها وخدامهم الامر الذي جعلني نافرا لابعد الحدود والذي حدث اليوم هو كالتالي واعذروني للاطاله لاني ملئ بالهموم ولا مجال للشكوى لغير اعضاء عين كاوه الاحباب
اليوم
انضربت سيارتي من الخلف بواسطه شخص مرعبل من هذوالي الي ما شايفين وطكو بالجديد ورى ما ضرب السياره نزل وتعارك ويايه وكلي الصوج بيك واني جنت كلش ضايج لا سقت مسافه وكلولي المغاوير - عند مفرق الدوره - الطريق الى النجف مسدوود ارجع عيني كتله بس احجي وياك كلي ارجع اليوم الفاتحه مال الس... ي.... د   الفلاني يعني ماكو طريق
اخواني هذا الموقف خلاني اتمنه اطلع من العراق بنفس الدقيقه واني هسه دا اعد العد التنازلي لان سفرتي اتقدمت يوم كامل من قبل المنضمه الامر الي خربط جدول مواعيدي والشغلات الي اريد اسويهه
وايظا اليوم انتهى اشتراك الانتر نيت وهسه اني دا اكتبلكم بالدين

اخواني انشاءالله راح اكتبلكم كل المستجدات اوا باول من ابداء الرحله
وهسه اريد اسلم على بعض الاخوه والاخوات وخلي ايعذروني الباقين لان اني كلش راسي ديوجعني من انقهره الي انقهرتهه

سلامي الى كل العضاء بالمنتدى الحبييب
اخويه العزيز ابو العباس في امان الله .. اشوفك بهيوستن انشاءالله
الاخت الدكتوره ورقاء وعائلتها المحترمه  في امان الله
الاخت ريم عبد في امان الله
الاخ شقلاوي في امان الله
الاخ فنشينزو في امان الله
ا لاخ شادو مان في امان الله وبالتوفيق انشاءالله
الاخ العزيز ونكو في امان الله
اختنا المخضرمه ام يلدا في امان الله
الاخ كمال الشاطئ في امان الله
الاخ ابو مريم star xb في امان الله
الاخ ميثم عضله في امان الله
الاخ الضايع في امان الله
الاخ غريب اني في امان الله ويوم الي القريب الك حبييب
الاخ فادي ازير في امان الله وانشاءالله نتلاكه بعمان
الاخ كيبورد في امان الله وراح اكتبلكم كلشي انشاءالله بالتفصيل الممل جدا
العم الغالي كل ابو كلب الطيب ابو دجله في امان الله ( لا تنسانا بدعائك عمي ))
الاخ القرش الاسود في امان الله
والى كل الاعضاء في المنتدى العزيز في امان الله
جماعة امريكا الغالين جايكم انشاء الله
الغليه كلش انجي
علاوي شبح بغداد
عمار موون كووس جاري
بلاك واتر جاري
ابو انس القرش
 ماجلان
غسان الاشقر
نور
يوجد امل (( ما ادري انته وين هسه ))
اخواني السلام عليكم جميعا واستودعكم الله  هو حسبي ونعم الوكيل
اخيرا الى بلدي
اقول   الوداع يا عراق










54
السلام عليكم اهلنا في عين كاوه
اليوم جبتلكم قصه مترجم نص استاو (( يعني مترجم موكلش زين باللغه))
هذا الشخص سافر الى امريكا بعد حصوله فيزا ال siv
ولكنه حن الى حبيبته في بغداد وقرر ان يكتبلها شعر يكلها ني بعد ما اجي للعراق و اسم القصيده
                                              ((البوي الطاح باللاف ))
يكول اخونا
اني احبهه وهيا لوف مي           لاكن التايم كصير
هير بزنس شلع كلبي               وخلله سليبي اعلا الحصير
هير ايز جنهه خرزه                    كريين تلمع بالضلام
هير فويس از فري نايس              احلى من صوت الحمام
اهوايه بيبل اكراي مثلك              لست وحدك بالغرام
انتي ول نوت تخدعيني               بذالك الفويس النغوم
الذي كومنك تو مــــــي               كــالرين ثروه الغيوم
فانا بعد ما الايك الكت كات           ولا الايك حتى الحلقوم
            لانكط جست قشة قد حشرت ان ذه بلعووم



              تحياتي لكم
اخوكم ابو عبدالله

باقي 7 ايام على السفر

55
الاعزاء في منتدى عين كاوه
قامت دراسه امريكيه عراقيه باكتشاف نوع جديد من انواع الادويه والتي تسبب لمدمنها باشد حالات الهووم سك والتاخي والنخوه والحب بين العراقيين داخل وخارج العراق وقد اطلق عليه (( عين كاوه)) وقد قام البحثين بدراسة موسعه لمعرفة سبب الادمان لهؤلاء الاشخاص
وقد ضهرت النتائج بنوع مضمور جدا من ال دي ان اي ويسمى
    ا      ل    ع      ر      ا      ق
وقد سبب هذا الدواء لمستخدميه الجدد حاله هيام لا وصف لها الا الدخول على منتدى الهجره واللاجئين
وعند مقابلة احد المصابين قال
اسمك ؟ ابو عبدالله
شنو المشكله الي عندك ؟ والله ادمان على عينكاوه
شنو السبب ؟ والله اذا مو عراقي مراح تفتهمني
زين وهسه شراح اتسوي
راح اخذ جرعه مضاعفه واروح انام لان صارلي كاعد بالضبط 15 ساعه بيهه 2 راحه وبس
هل لديك نصيحه للاعضاء الجدد ؟ مو نصيحه بس قول بسيط
شنو اخي ابو عبد الله ؟؟ لك احنه وين جننه عن هذا المنتدى
والعاقل يفتهم
تقبلوا تحياتي

اخوكم ابو عبدالله .
[/b][/size]

56
الموضوع وصلني قبل يومين ولكن شاسوي للانترنيت التعبان . بس اوصل امريكا الا اجيب هاي سبيد ;D ;D ;D
اخوان اذا الموضوع قديم فاني اعتذر لان اليوم يالله كدرت اوصللكمياه
مع تحياتي
ابو عبد الله
[/b]

قامت بعض الدول الاوربية بفتح باب اللجوء واستقبال عدد ليس بالقليل من العراقيين مما دفع بعض اخوانه العرب بقصد هذه الدول بعد ان قاموا بتزوير مستمسكات ووثائق عراقية مستفيدين من مبدأ الديمقراطية الذي يتيح للشخص الحصول على اي وثيقة حتى لو كانت شهادة وفاة (يا ستار) وطلب اللجوء عند هذه الدول بحجة انهم عراقيين ... يعني ولاول مرة في التاريخ وبعد مضي 35 سنة اصبحت الجنسية العراقية مطلوبة حتى وصل سعرها وحسب ميكول ابو علي صاحب اشهر كشك تزوير بمريدي الى 50 الف دينار عراقي يعني 40 دولار تقريبا  ( صلوا على محمد ..صلوا على محمد .. ) .
 
الا ان داوئر الهجرة لدى الدول الاوربية انتبهت الى هذا الموضوع لذلك ولكي تميز العراقي عن العربي قامت بوضع اختبار تطلب فيه من طالب اللجوء ان يقوم بترجمة الجملة التالية :
 
فد هتلي جهره سز مشنبخ على تيغة البيتونة ديستصرم ويباوع على الفخاتي المكنبصات براس الدربونة اجتّه كفخة على علباته طيرت جريشه وإتصركع وكام يدردم " سليمة تكرفني على هل دكة الكشرة" وكمز مثل العتوي خش جوّة علمود لا يجييه راشدي  او عجل على علباتة المعتورة او جلاق يفتك  بنطرونه الجارلس .
 
ولكون ماكو شخص على الكرة الارضية ممكن ان يفهم هذه اللغة  غير العراقيين انفسهم فقد فشل الكثيرين من طالبي اللجوء في هذا الامتحان الصعب واستطاعت دائرة الهجرة ان تميز العراقي عن غيره


57
اخواني واخواتي الاعزاء كلش
طبعا هذا الموضوع اجه وره تفكير لان بيه خصوصيه وماكو داعي ذكر الاسباب 123456789 الخ
انشاءالله اني و زوجتي وابني الزغير عبودي را ح انسافر وتبدي رحلتنه الى ارض الاحلام في نهاية الشهر الجاري ففكرت كلت اني اشلون راح اعرف من الاعضاء بالمنتدى ؟؟ والحقيقه اجتني افكار غريبه عجيبه (( من نصعد الطياره اصيح عاش منتدى عين كاوه .. يا ...واي واحد ايكول,, يعيش ,, معناها من المنتدى وراح نتعارف , او اشيل قطعه اسويهه يم الخطاط اكول بيهه اعضاء منتدى عين كلوة من هنا وارسم مربع واكعد بيه وياهو الي يجي اساله عن اسمه بالمنتدى واني تقريبا اكدر امييز كل الاسماء والي اعرفه اكلله اتفضل اهنا , او اخلي ام عبدالله اتطرزلي عينكاوه على التيشيرت بلون فسفوري واسم المستخدم Ankawa.shawqishumran مالتي وراح يكن هو وسيلة التعارف ))
بعدين ارتايت ان اكتب هاذا الموضوع للي حيسافرون راس الشهر بلكي يطلع جم واحد من المنتدى وننتعارف وبلكي جم واحد رايحين لهيوستن ونصير جوارين .. فاخواتي واخواني الاعزاء هذا شي عائد الكم انتو فصلوا واني البس, بالمناسبه اني طالع من بغداد
كل ما هنالك اريد ونس وحزام ضهر للطريق لا اكثر ولا اقل ((علمود القفاصه مال المطار وشدة مطار عمان والاخوااااان الاردنيين وغيرها من الاشياء الي انذكرت بالمنتدى ))

مع فائق حبي وتحياتي للجميع
اخوكم ابو عبدالله

58
السلام عليكم جميعا اخواني اخواتي بالمنتدى الموسوم عينكاوه
لاحضت اسماء كثيره وقريت عناوين رنانه لبعض الاعضاء في وقت سابق من جنت ظيف على المنتدى والى لاحظته قبل فتره قليله انه العضو منت يصير ((عضو فعال جدا)) ههههههه راسا دتطلعله الفيزه وموعد السفر ويروح الى مقصده والغريب بالامر انه توصلنه منهم رسالتين اتكول اني وصلت والحمدلله وراح احجيلكم التفاصيل وراها يروحون وبعد ما انشوفهم ابد !!!
يا ترى شنو السبب ؟ وهل احنه الباقين اهنا راح انسوي نفس الشي من نوصل لامريكا ((اني احجي عن نفسي)) ؟
ياريت واح من الواصلين القدامى والجدد يكدر ايكلنه السبب ومثل ما كال شبح بغداد - اعرف جيرانك من المنتدى- هل ياترى راح نتعارف اهناك واحد منا ايوصل اخبار الثاني للمنتدى ؟ مثل ما صار ويه اخونا المهاجر والعزيزه كلش اختنا الغاليه ام الشهامه انجي ؟؟
جاوبونا يرحمكم الله


اخوكم ابو عبدالله
ممو عتب هذا اشتياق




59
اخواني السلام عليكم
اني بديت ادوخ اشويه من الاوزان والاعداد مال الجنطك الي راح ناخذهه ويانه بالسفر انشاءالله
طبعا اني طالع من بغداد انشاءلله وعندي عائله من 3 نفرات ((ابني عمره سنتين ونص واني وزوجتي))
واحيد ايكول 20 كلغ واحد ايكول 23 كلغ كحد اقصى واحد يكول 25 كحد اقصى واحد يكول 21 ميصير

زين بعدين عدد الجنط اشكد وحده كبيره لو اثنين لكل نفر واشكد وزنهن اذا اثنين
والطفل يحبوله هم مثل الجبير لو هوه يحبوه جنطه
الهاند باك بيهه وزن محدد لو لا وشكبرهه وشنومواصفاتهه وشنكدر انخلي بيهه
الله يخليكم الي يجاوب خلي اتكون اجوبته دقيقه بلا زحمه وياريت الى سافروا هسه عن قريب

مع حبي وتقديري للجميع
اخوكم ابو عبدالله

60
اخواني واخواتي السلام عليكم
يمكن ان نسال السؤال التالي ((شلون راح نعرف اتجاه القبله وشلون نعرف مواقيت الصلاه في امريكا)) طبعا اولا الامور هاي احنه ماخذيهه بساطه بالعراق او اي بلد اسلامي لان راح تلكي واحد يكللك وبكل سهوله اما في امريكا فالوضع مختلف تماما وخصوصا بعد احداث 11 سبتمبر لان الحكومه الامريكيه مثل ما تعرفون اتشددت كلش على المسلمين في كل انحاء امريكا وهيج سؤال بالتاكيد راح ايثير حفيضة بعض الناس والي بالتالي يمكن راحايأدي الى بعض التساؤلات الغير مرغوب بيها
احجي عن نفسي اني اخاف اسال هيج سؤال بامريكا لاي احد مو عراقي لان حتى لو مسلم بس من غير جنسيه ما ممكن اظمنه واكرر اني احجي عن نفسي فقط
طبعا اني مو كلش قوي بالتصفح بالانترنت وهاي السالفه اكلت من عندي هوايه وقت كاعد اكلب وبدون فائدة كل الاماكن الي زرته تنطيني اوقات الصلاه ببلدان اسلاميه !!!!! ومحد كدر ينطيني شي على امريكا (( ولاية تكساس تحديدا مدينه هيوستن)) زين شنوحال الولايات الاخرى واخوانه اشلون مدبرين هاي السالفه ما اعرف
هذا الموضوع اشويه بيه تحفض لان المنتدى مو  للعراقيين المسلمين بس , ياريت تقبلون بي وتساعدوني وكل من ايريد الفائده عسى ان انفيد ونستفيد

هذا الموضوع مهم جدا بالنسبه الي لان سفرتي راح اتصير انشاءالله 10 رمضان - زايد ناقص-
والسلام ختام
اخوكم ابو عبدالله

صفحات: [1]