عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - المهاجر الجديد

صفحات: [1]
1

 اخوان سؤالي هو هو يوجد مكتب للمفوضيه الساميه للامم المتحده في شمال العراق (( اربيل)) وكيفيه طريقه التقديم
وماهي فتره الانتظار. للمقابلات..وهل الانتظار فيه يطول .كما في الاردن وسوريا..ام هناك تسريع بالمعاملات..
لمن لديه ايه معلومه ارجوا ان ينفعنا بها.. وجزاكم الله خيرا.





                                                                                                   ابوحارث

2
الهجرة و واللاجئين / ولاية يوتا
« في: 10:49 19/01/2013  »


 الاخوه الاعزاء..اريد معلومات عن ولاية يونا الامريكيه..

الايجار   الامان  المعيشه  العمل   المساعدات  ..وكل مايخص الاجيء

علما اني صاحب عائله ولدي طفلين..


3
                 


  السلام عليكم

                    كل عام وانتم بخير وصحه وعافيه.. اعاده الله على الجميع .بالايمان والامان والسلامه

                     اخوان اليوم جايبلكم هذه النسخه من دليل المهاجرين الجدد الى امريكا ( نسخه

                      جديده ومنقحه))  وهذا الديلي يصدر عن دائره خدمات الجنسيه والهجره ةالامريكيه

                      اتمنى ان يستفاد منه الاخوه                                                                                                         


http://www.uscis.gov/files/nativedocuments/M-618_a.pdf                                                                                                                                                       ابوحارث ا                                                                                                                                                         
                                             

4
الهجرة و واللاجئين / برنامج لهيب
« في: 08:56 25/07/2012  »
                                               

                                   السلام  عليكم         
كل عام وانتو بخير ورمضان مبارك عليكم ان شاء الله..

اخواني الاعزاء اليوم سمعت  بأنه برنامج لهيب مفتوح والناس دتسجل بيه .هذا بالنسبه لشيكاغو الينوي

ويدفعون مبلغ 150 دولار طبعا هذا يصير رصيد الك لدى دائره الكهرباء.. كلما تجييك قائمه الكهرباء

همه من يمهم يخصمون من رصيدك الى ان يخلص... التسجيل لدى منظمه((Muslim women ))

الواقعه في شارع وسترن...  المكان الثاني المتوى  في شارع بترسن ..وسكان هاي الولايه يعرفون العنوان ..اخر موعد للتسجيل 27 هذا الشهر..حبيت اشارك بهذا الخبر.ان شاء الله يستفاد منه الاخوه... تحياتي لكم وتمنياتي بالتوفيق للجميع

                                   
                                                              ابوحارث

5
الهجرة و واللاجئين / شكر
« في: 10:44 30/05/2012  »
الاسبوع الماضي نزلت موضوع بعنوان الرفض النهائي والزواج من متجنسه
والحقيقه صار عندي ظرف وماقدرت ادخل المنتدى ليومين  على مااعتقد
والموضوع رفع.ومالحكت اقراء الاجابات او اشكر الاعزاء الذين جاوبوني
والان اقدم شكري وامتناني وتقدري لكل من

الاخ البلدوزر
الاخت ريم عبد
الاخ امين عبد الله
الاخ غسان
الاخ ابو غاده..شكرا على الرد الشافي والكافي..ممنون منكم اعزائي
ولكم شكري ودعائي

                                                                                 ابوحارث

6
                            السلام عليكم

 عندي صديق اجاه رفض نهائي من قبل الوفد الامريكي قبل سنه  ..وهسه يريد يتزوج بنيه عدها جنسيه

امريكيه...حتى تسحبه..الرفض الي اجاه من قبل الوفد يأثر عليه شي هسه...يعني اكو مانع  او عائق من سفره

وشيسوي  يروح للسفاره الامريكيه لو لمنظمه الهجره الدوليه  لو لل يو ان ..هو كان مقدم لجوء عل يو  ان  علما انه

في سوريا..والي عنده معلومه او نصيحه لايبخل علينا..ورحمه الله والديكم ..

                                                                                                                 ابوحارث

7
                                                        السلام عليكم


احد الاصدقاء سألني عن ولايه يوتا... المساعدات ... الايجارات..العمل .. المدارس .. التامين الصحي...وكل مايتلعق بالحياة

هو في ولايتي شيكاغو  ويريد ان ينتقل الى يوتا .. طبعا الرجل متزوج ولديه بنت وولد لم يتجاوزا ال 8 سنوات.. حتى الصوره

تكون واضحه بالنسبه للمساعدات ... اخوان كلمن عنده معلومه او يعرف شي عن هذه المدينه لايبخل علينا.. اني كتله

مااعرف شي عن هذه المدينه بس اسال اخواني في عين كاوا...  شكرا للجميع



                                                                                                               ابوحارث

8
عليكم
كتبت هذا الموضوع رد على سؤال من احد الاعضاء..وحبيت انزله كموضوع حتى يستفاد منه كل الي جايين الى شيكاغو
اني صارلي سنه بشيكاغو. الينيوي.الولايه بصوره عامه شي على شي زينه..
بس دائما يكولون الحلو ميكمل.اولا بالنسبه للجو.. في الشتاء بارده جدا..جدا ثلج وهوا يكص  كص ويدخل بالعظم..رغم انه هذه السنه ماكوا هذاك البرد والثلج لكن سمعت انه السنه المضت اجتي عاصفه وصار الثلج كلش هوايه ونطوا عطله كم يوم
السكن غرفه وصاله 700 وانت صاعدغرفتين 850-900 طبعا حسب التفاق مع صاحب الشقه..بس نصيحه الواحد اذا يأجر هنا بس يتأكد من الهيت( التدفئه)على صاحب الشقه لو على المستأجر..لان الشتا بارد وراح تستعمل التدفئه هوايه ويطلع بالشهر من 200 دولار وانت صاعد
البناء السكني بالينوي بصوره عامه قديم..بس انت تشوف البنايه او الشقه جديده. بس هو مبني من زمان..
المواصلات:
متوفره وعلى طول قطار  او باص التذكره 2.25 دولار وممكن تاخذ بطاقه فري مال يوم  اسبوع شهر كيفك.اليوم سعرها5.75  الاسبوع23 دولار
الشهر 86 دولار هاي طبعا فري شكد متصعد اصعد.. والاحسن من هذا كله تاخذ سياره وتريح نفسك
اجازه السوق:
هناك اسئله وامتحانتقدم على  واذا جاوبت على الاسئله راح تحصل على ورقه تسمحلك تقود سياره بس يكون وياك واحد عنده اجازه سوق على الاقل صادره قبل سنه. وبعدها انت تمتحن على الخطه مالهم وتحصل على الاجازه وهاي تكلفك 20 دولار.. وتقدر تطلب مترجم اذا متعرف انكليزي ( مثلي يعني)
اهم شي هنا..اللغه( اللغه.. اللغه)
العمل..هنا تختلف الاراء ..العمل بصوره عامه موجود وخصوصا اذا عندك لغه..بس اكو بعض الناس يكلك ماكو شغل(( وهذا مثلا شيريد اني هوايه شفت ناس هنا هيج تفكيره  وهذا كلامه-- يمعود هو هذا شغل  اذبح نفسي على 8دولارات بالساعه-- شصار عليه شنو اموت روحي
هيه هاي شغله-- تدري اني شجنت بالعراق--بيتنا-- سيارتي--اهلي --ووووو..وهذا الحجي هنا ميمشي وميوكل خبز))
شغله ثانيه لاحظتها هنا وللاسف كثير من الاخوه العراقيين يقول لك اي شي تريده احنا اخوتك  واحنا بغربه وتدلل وشنريد تأمر..مثلا هو ديشتغل تكله زين بلكي دبري شغل وياك  او على معرفتك..راسا تنكلب الخلقه ويلبس الوجه الجنكواا(هههههه)وتشوف الخدمه الي يقدمها الك من صدك..وهيه يمعود  هاذا الشغل يموت وتعب والله مااعتقد ادبرها..وبعيده يعني تذبلك كل اسبوع 30-35 دولار بنزين قابل انت شراح تاخذ  والله متصرف  وووو  وكام يبجي...  اذا اكو شغله بيها خير يركضلها وميدلي احد بس تخلص وتنتهي يكلك بيها .. طبعا مو الكل بيهم اصلاء  ويحبون الخير ويقدومن المساعده.
الاسواق هنا شيخطر ببالك تلكاه كل الامور الاسلاميه والعربيه والحلال..محلات اسلاميه  وعربيه كثيره وعراقيه..يعني اجوني خطار من غير ولايه قدمتلهم كيمر وكاهي وصمون عراقي وراشي ودبس.. استغربوا  كالوا هاي انتو وين كاعدين بغداد..كل شي موجود الاكل والاعراض يعني  اني من اجيت جبت وياي استكانات جاي وقوري لان كثير من الاخوان نصحوا بهذا الشي لان هنا ماكو...ولمن وصلت هنا لكيت القواري انواع واشكال وكذلك الاستكانات..القصد كل شي موجود(((( والكلام على شيكاغو--- الينوي )))غير مكان مااعرف
بالنسبه للملابس  والاثات  شتريد اكو..اكو غالي واكو منسب واكو رخيص  ..طبعا بالنسبه للعمله هنا.. من توصل لاتقارن بين العراق وهنا.. او سوريا  او مصر... انت صرت بأمريكا خلاص كيف نفسك عليها لان من راح تشتغل راح تاخذ دولار   مو دينار او ليره او جنيه ؟؟؟؟
اكو مثل الكراده.. واكو مثل الشورجه..
المجتمع  :
هنا راح تكلى من كل بلاد العالم ..الينوي ..بيها عرب هوايه  ومسلمين هوايه... نسبه السود كبيره هنا  .. وكذلك المكسيكان.. المكسيان تارسيها لامريكا همه ...شلون جانوا المصريين بالعراق  هنا نفس الشي.. يشتغل اي شي  وبأي سعر  وهمه هذولي السبب بتدني اسعار ساعات العمل وخصوصا من يعمل بالكاش  فهناك من يعمل ب3 دولار بالساعه كاش و4 و5  حسب علما ان الاجر الادنى رسميا هو 8دولارات ونصف 
الديانات:
تجد كل الديانات..مسلم والجاليه الاسلاميه كبيره جدا هنا وتوجد مساجد كثيره جدا.. ومراكز اسلاميه  تقدم مساعده للمحتاجين..
وكذلك كنائس.. وتوجد جمعيات ايضا..
 هذا مايحضرني الان.. اسف ان اطلت عليكم.. واعتذر ان نسيت شي... واي سؤال انا بالخدمه... 

ملاحظه اخيره))) شيكاغو قياسا بغير ولايات تعتبر غاليه..وخصوصا الايجار وهيه ولايه كبيره جدا  فيها حوالي 12 نسمه
ان شاء الله الكل تسافر وتوصل بالسلامه ...

9
                                السلام عليكم


شلونكم اخوان...

حبيت اسال عن ولايه كالفونبا.. شلونها  من كل النواحي  المعيشه العمل المساعدات..  

 سمعت انه مساعداتها زينه وعيشتها حلوه  .. علما اني موجود في امريكا  يعني اريد تغيير ولايتي

واني مع عائلتي وعندي اطفال .. الي عنده معلومات لايبخل علينا  وشكرا  للجميع..

10
                                         السلام عليكم

 اخوان  ممكن احد يوضحلي ماهي الفيزا السياحيه لامريكا.؟.وكم مدتها.؟.وممكن واحد ياخذها من سوريا؟ وهل ممكن ان يبقى الشخص بعدها بامريكا؟

وشكد تطول لمن تطلع..؟؟ وشكد تكلف؟؟ واذا اجا شخص لامريكا بفيزا سياحيه..وعند اخ هنا  ..يكدر يقدم لجوء واخوه  يكفله..وشنو التبعات الي تترتب عليه اذا بقى دون علم السلطات؟

شكرا لكم تقبلوا تحياتي...

                                                                                                ابوحارث

11

صديقي بسوريا واجاه رفض نهائي لامريكا..يريد يتزوج البنيه بامريكا ..تحمل كرين كارد بعدها مماخذه
الجنسيه..تكدر تسحبه لامريكا؟؟ وشلون؟ وشكد تطول السالفه؟  لو اكو غير طريقه ممكن يوصل بيها لامريكا
فيزا...سياحه.. عمل...ارجوا من الاعضاء اصحاب الخبرهان يتفضلوا ويجاوبوني ...
وشكرا لكم جميعا..




                                                                                                     ابوحارث


                                         

12
                        السلام عليكم

اخوان اكو شحن من بغداد الى شيكاغو؟  وشلون الاسعار؟ وشكد يحق للواحد ان يشحن؟
وشكد يطول بين ميوصل من بغداد الى شيكاغو؟ وهل يوصل للعنوان ؟
شكرا للجميع ..وجزاكم الله خير

13
                                                السلام عليكم


 احبابي كل اعضاء عين كاوا شلونكم  كلكم.... عندي فد سؤال ورحمة لوالديكم  الي عنده جواب يريحني والله يجزيه كل خير

 اخويه اجاه رفض عدما قابل الوفد الامريكي بسوريا ... بعدها قدم استئناف خابروه  وانطوه الظرف كللوه نفتحه حتى تشوف

النتيجه كللهم اي ( جانت النتيجه  رفض نهائي) هذا قبل كم شهر  اني هسه بامريكا صارلي 3 شهور اقدر اسوي فد شغله  تفيده ؟؟؟  اقدر اسحبه الى امريكا؟؟؟ اكو فد سالفه .. دالغه.. زاغور.. الواحد منه يكدر يسوي فد شغله ارجوا من الاعزاء ان يمخمخوا  ...اكيد راح يلكون فد دالغه تفيد... اخوكم  بسوريا وانتوا تدرون شلون وضع سوريا  والله الستار
ورجعه للعراق همين زحمه.. رحمه لوالديكم الي عنده معلومه؟ مساعده؟ ارجوا ان لايبخل بيها علينا  وجزاكم الله خيرا
تقبلوا خالص شكري وتقديري..


                                                                                  ابوحارث

14
                                                         السلام عليكم ورحمة الله وبركاته


الى كل اعضاء المنتدى المحترمين ........اسف على التاخير والسبب ؟؟؟ الوضع الصحي والحياة الجديده مشاغلها

وصلت امريكا قبل شهرين ونصف تقريبا ....كنت متابع دائم للمنتدى وكنت اسمع كثير من الاخوان الذين يحذرون من الذهاب الى امريكا.....( يمعود  شنو امريكا  مساعداتها تعبانه ....شغل ماكو..... شهر ويعوفوك . عمي لاتتورط  وتجي  ؟  لو اعرف هيج جان مااجيت ؟؟؟؟و و و و و  الخ) وانا اقول عكس هذا ....امريكا بلد الفرص تريد ان تعمل بكد واجتهاد  .......تريد ان تكون نفسك  وتضمن مستقبلك.....تريد حياة افضل ومستقبلب مضمون لاولادك تعال الى امريكا.... تريد ان تبقى جالس بالبيت  وتعيش على المساعدات ذلك بحث اخر ... وللاسف واكثر ماحز في نفسي هو عدم حب الخير للعراقيين فيما بينهم .ياتيك احدهم يحذرك من هذا  . وهذا يحذرك من ذاك ....والكل يطعن بالكل  والكل يحذر من الكل..طيب منو الزين . هذا مالمسته للاسف كثير من العراقيين  غير متعاونيين مع بعض بل يكيدون لبعض ولايقدمون النصح لاحد  ........ منهم  من يتلقاك ها خويه انت جديد  ي  والله اني جاي جديد؟ الله يساعدك هسه انت تشوف بعينك  والله الوضع تعبان   شغل ماكو   المساعدات مو زينه   الكاش قليل   3شهور ويكطعوه...... ويخليك تكول اني شورطني  شجابني....والحقيقه ربما فيها بعض الذي يذكره لكن الصوره ليست بهذه القتامه .....من يريد ان يعمل  ولايدور فيكات ولا من جماعه تدري اني منو  وابويه منو  واني شجنت بالعراق من لم يكن من هذا النوع  يعيش ويعمل ويحصل واحسن عيشه هنا .......تمنياتي للجميع بالتوفيق والسعاده..........اسف طولت عليكم


                                                          ابوحارث


                                                                                

15
                                                                  السلام عليكم


اعزائي واحبابي  ...... بس  حبيت   اعرف   اكو   احد  من  الاعضاء  سفره  يوم 27-4

لان  سفري  بهذا  اليوم  ........ حتى  نتعرف  على  بعض تعرفون  الرحله  طويله

 علما   ان وجهتي   الى  شيكاغوووووووووووووووووووووووووو


                     لكم  تحياتي   ودعواتي بالتوفيق

                                                                              ابوحارث

16
                                                    السلام عليكم


الى كل الاخوه والاخوات الاعضاء والاداريين بمنتدى عين كاوا هذا المنتدى الاكثر من رائع والذي يقدم النصح والارشاد

لكل من يسال ويطلب المساعده انا شخصيا استفدت الكثير من اجوبه الاخوه والاخوات .......بارك الله بالجميع

انا  حالي حال الكثير من العراقيين انتظرت السفر  لمده طويله جدا....جدا واليكم الجدول بالتفصيل

التقديم شهر 5-2006 عندما كان مقر اليو ان في المالكي واعتقد الاخوه القدماء يعرفون مكانه هذا طبعا في دمشق

المقابله الاولى مع الوفد                  16-2-2009

جاءني رفض بتارخ                          8-4-2009

قدمت استئناف بتارخ                      22-4-2009

المقابله الثانيه بعد
قبول طلب الاستئناف                       19-8-2009

الموافقه على السفر                       30-8-2009

الفحص الطبي                                2-9-2009

اعادة البصمات                                8-6-2010

اعادة الفحص                                 20-9-2010

وصول الامنيه(الكشره)                       12-2-2011

دوره تثقيفيه                                     27-3-2011

موعد سفر                                        18-4-2011

تاجيل الى يوم الاربعاء                            27-4-2011


واليوم ولله الحمد  والمنه استلمت الفيزا ونسخه عن تذاكر الطيران وخط سير الرحله

وان شاء الله  كل من ينتظر مقابله يقابل وينقبل وكل من ينتظر الامنيه توصل امنيته  بسلام

وكل من ينتظر موعد سفر يسافر باقرب وقت ويوصل بسلامه ويستقر ويرتاح...........

امنياتي للجميع بالخير والنجاح والتوفيق ........ والله يستر على جميع العراقيين  الي بالعراق وخارج العراق وبكل مكان في هذه

المعموره........ اسف طولت عليكم  وانتظر دعواتكم لي ولعائلتي بالوصول  بالسلامه

تحياااااااااااااااااااااتي لكم جميعا
                                                                                   
 
                                                                                 اخوكم

                                                                                 ابوحارث


17
                                                             
                                                السلام عليكم

اخواني الاعزاء.......انطوني موعد سفر 18-4  واقامتي  خلصت 1-4  وتجديد الاقامه  دوخه ولعبان نفس فمجددت الاقامه

اكو مسائله في حال التجاوز على الاقامه غير الغرامه الماليه ؟

الي عنده معلومه عن هذا الموضوع ارجوا التوضبح مع جزيل الشكر  ( علما  اني بسوريا)

18
السلام  عليكم  احبائي اعضاء  المنتدى  الرائع  عين  كاوا

موعد  السفر  قبل  الدوره  التثقيفيه   ؟       لو  بعدها  ؟

وشكد  مدة الانتظار اذا  كان  بعد  الدوره  ولكم  مني  كل  الحب  والتقدير

 الله يسهل  امور   الجميع  يارب



                                                   ابوحارث

19
اخوان  شغله  ايقاف  السفر  مالها   اي   صحه  مع  تحياتي  للاخوان  الي  نزلوا  موضوع  بهذا  الخصوص

 انا  انصلت  البارحه بقسم  السفر  في سوريا  وسالت  هل هناك اي  ايقاف  للسفر   اجاب الموظف مافي  اي  شي

من  هذا  القبيل  والسفر  ماشي  حسب المواعيد


  والاخوان  الي  يردون دليل  او  رابط   هذا  التلفون وبمقدورهم  ان  يستفسروا     0988100610

بس حبيت  اطمئن  الاخوه والاخوات الي  غثهم  الموضوع مثل  ما موع  روحي من سمعته هههههه

هذا  بالنسبه  لسورياغير  دول  مااعرف

 تحياتي  للجميع وان   شاء  الله  الكل  يسافر باقرب وقت

                                                                                                                    ابوحارث

20
السلام عليكم شلونكم  اخواني  واخواتي  اعضاء  المنتدى  الرائع والبيت  الذي  يضم  جميع  العراقيين

بعد صبر ومعاناة مع الامم المتحده  ومن ثم  iom  سوريا طبعا استمرت منذ عام 2006  ولحد الان

اخيرا وبعد  كل هذا الصبر  قبل  حوالي اسبوعين  اتصلت  بالمنظمه  وبشرتني  الموظفه  انه الامنيه واصله

 والحمد  لله وقالت ان ملفكم  كمل وهسه  راح  نخليكم  على جدول  السفر   وبعد يومين  اتصل بينا  موظف  بس من غير  قسم واخذوا  ارقام  الجوازات وتارخ نفاذها .......                                                 
 
وبعد اسبوع اتصلت  بيهم الموظفه   قالت لسه مافي  جديد  واذا استجد  شي احنا  نتصل  بيكم

بعد  كم يوم اتصلت  بالرقم  الي  طلبو  بيه ارقام الجوازات جاوبني الموظف  انه  لسه  في اجراءات ؟ يابه  شنو  هاي الاجراءات

الحكومه  الامريكيه  عم تدقق ملفاتكم ؟؟؟  زين  شنو  وصلت  الامنيه  شنو   تدقيق

واليو م اتصلت  بيهم  الموظفه  قالت لسه  في اجراءات كتلها  يابه  مو كلتي   الامنيه   وصلت  وانتو  راح  نحطكم على جدول  السفر 

قالت هله في اجراءات جديده  مو على  ملفكم  بس  على  كل الملفات  يابه   شنو هل اجراء  قالت  مافيني  اخبرك

وطبعا  شنو  تحجي  من ورا  خشمها  عبالك  جايبيها سخره والمشتكى  لله  بس الواحد  شيكدر  يكول

وهسه  شنو هل اجراءات  مانعرف لو  همه  هذوله  الموظفين ديلعبون  باعصاب  الناس

شكرا  للجميع                                                                       


                                                                                                             ابوحارث

21
السلام عليكم شلونكم  احبائي  اعضاء المنتدى جميعا

 سؤال  صغيروني  بس  يتحدد عليه  مصير  صديق  الي ؟؟؟؟؟؟؟ سالني  واني  بدوري اسالكم
  صديقي  قابل المحلفه واجاه رفض  وقدم استئناف ؟ وقبل يومين اتصل  بيهم  يسال لانه قدم الاستئناف  قبل 11 شهر
 
كلوله  هسه  نشوف  ونتصل  بيك  بعد الظهر اتصلو  بيه  وكلوله  تعال  استلم  النتيجه؟؟؟؟؟؟؟؟؟؟؟؟

كانت النتيجه بظرف  فتحتها الموظفه وكلتله  اننا اسفه جداااااا  رفض  قطعي؟

 السؤال يقدر  ان يقدم مره  ثانيه؟؟؟؟؟؟؟؟  او  شنو الشغله  الي  تفيده  ويكدر  يسويها علما  انه  في سوريا

مع الشكر والتقدير للجميع

22
االسلام عليكم

الاخوه الاعزاء عندي سؤال زغيرون ماهيه الاجراءات بعد حصول الموافقه الامنيه؟

وشكد تطول ؟ علما ان اجراءت الفحص والبصمات  كامله من 7شهور ؟

شكرا  مقدمااااااااااا  للجميع


                                                                                    ابوحارث

23
السلام عليكم اخواني

كل عام وانتوا بالف  الف خير  عيد سعيد ان شاء  الله على الجميع

البارحه اتصل بيه موظف من منظمه الهجره الدوليه وكلي جوازاتكم منتهيه  كتله  بس اني مددتها وانطيتكم نسخه من الجوازات قبل شهرين؟

كال زين انطيني ارقام الجوازات وتاريخ التمديد انطيته الارقام سالته زين  استجد شي على الملف مانطاني اي جواب؟

الاخوه الاعضاء  يعني هذا  شنو اني  ناطيهم نسخه قبل شهرين  و هسه يردوها مره ثانيه  وبالعيد رجاء الي يعرف شي او عنده اي معلومه لايبخل عينا

علما اني مقابل يوم 9-8-2009 وفاحص يوم 2-9-2009 وعدت الفحص بشهر التاسع2010

24
الهجرة و واللاجئين / مابعد الرفض
« في: 13:57 25/09/2010  »
الاخوه العزاء صديق لي جاءه رفض وقدم الاستئناف  كم من الوقت ينيظر الى ان يتصلوا به   وشكرا  للجميع

25
جوازاتنا تنتهي بشهر التاسع اولادي مضافين على جواز امهم بس عندي طفل انولد  في سوريا طلعتله بيان ولاده من سوريا  واخر من السفاره العراقيه  وانضاف ويه امه على جوازها بس ماعنده هويه  سالت السفاره كالو مانصدر هويات لازم تروح  للعراق وتصدرله هويه  وهنا المشكله اني ماقدر اروح للعراق لاني انتظر الموافقه الامنيه ومكمل كل اجراءاتي واذا بقى الطفل من غير هويه شلون راح اضيفه على الجواز الجديد اخوان الي مر بهيج حاله  بلكي  يدليني على طريقه او حل  وشكرا  للجميع                                                                                                                                                                                                                                        ابوحارث

26
السلام عليكم  اعزائي انا قابلت يوم 19-8-2009 وخابروني واعلموني نتيجه القبول 30-8 -2009 وفحصت يوم 2-9-2009 وتم تحديد الولايه  ولحد الان لم يطراء اي تغيير على الملف وتقريبا كل اسبوع اتصل بالمنضمه  وتجاوبني الموظفه لسه  في اجراءات ماخلصت  اقول لها وماهيه الاجراءات تقول  لاادري واحيانا تقول لانقدر ان نقول ماهيه  طيب  هذه الاجراءات من اين  تقول من المنظمه  في امريكا ؟؟  اخوان  رحمه  على والديكم  احد  يعرف  شنو  هذه الاجراءات وشكد  تطول  والله ملينا من الانتظار    وشكرا  للجميع

27
السلام عليكم  اخوان باركولي  واخيرا  الحمد  لله  تم  تحديد  الولايه ( شيكاغو  -النوي ) ارجوا من الاخوان  الي موجودين  بهاي  الولايه  ان ينطونا  فد  نبذه  عنها   الايجارات  المعيشه   المساعدات  وبارك  الله  بيكم   واتمنى  القبول   للجميع  يارب                                                                                                                                                                                                                     ابوحارث

28
اخواني اعضاء المنتدى الاعزاء  اقامتي تنتهي يوم 14-2 يعني بعد كم يوم وختمولي  مغادره  واني  طالعلي  قبول وانتظر  السفر اتصلت بIOM الموظفه كلتلي  اذا انتهت اقامتك وبعدك  ممسافر اتصل بالمحامي الخاص بالامم المتحده وهو يجي وياك  للهجره  والجوازات  علما ان المحامي لايقدم  ولا ياخر  وكلشي ميكدر  يغير من الموضوع بهل  حاله شسوي ؟؟؟  رجاء الي  مر بهيج  حاله  او الي  اي معلومه  ممكن  تفيد  ارجوا ان يسعفني  بيها حتى كل من يمر  بهيج  حاله  يستفاد  من الموضوع  اخواني اصحاب الخبره  بيش تنصحوني ؟  وشكر ي وتحياتي لكم اخواني  الاعزاء                                                                                                            اخوكم ابو حارث

29
اخوان صديقي  هنا ويايه  بسوريا طلب مني ان اسالكم  عن اخذ البصمه  خابروه IOM كلوله ممكن  تجي  حتى ناخذ  بصمتك علما  انه  ممقابل الوفد الامريكي بعد؟ يعني  شنو معناها   رجاءا  كل من عنده معلومه  عن هذا الموضوع  لايبخل  بالاجابه  وشكرا للجميع  مقدما                                                                                                                                                   

30
تحيح طيبه  للجميع  اخوان  اخيرا  اتصلو بكفيلي  في شيكاغو ووقع  على الكفاله  والمنظمه  هيه   هيرتلند  او ارض القلب  الي  عنده  اي  معلومه  عن هذه المنظمه  ارجوا  ان  لايبخل  بيها  علينا  اي  شي  يعرفه  عنها  المساعدات  شكد  يدفعون الايجار   واني  سمعت من الكفيل  ان التامين  الصحي  بهذه المنظمه  مدى الحياة  الاخوان الي بشيكاغو  هل  هذا  صحيح  اخويه  ابو  انس   اكو  هيج  شي
   

31
السلام عليكم اخواني  واخواتي  اعضاء  المنتدى الطيبيبن  البارحه اتصلت  بمنضمه  الهجره  في سوريا  للاستفسار عن ملفي كلتلي  لسه في اجراءات وملفك لسه ماجاهز  للسفر  كتلها زين  كل شي  مااستجد  تحديد ه   امنيه  كلتلي  لا  في  تحديد  ولايه  ولايه كنتاكي  واني كفيلي  بشيكاغو وناطيهم  العنوان  كتلها  بهذا  الشي  كالت  ماعدنا عنوان  واذا  تريد  تغير   جيبلنا العنوان  وانتظر من  شهر  الى  شهرين  زين اكو   هيج  شي  انا  ناطيهم   العنوان  ويحددون ولايه  بكيفهم  ؟  اخوان الي  بكنتاكي  ممكن  فد  نبذه  وبعض المعلومات  عن  الولايه ؟  واصحاب الخبره  شنو رايكم  اقبل بكنتاكي  لو  اغير  على شيكاغو   وانتظر  ؟  علما  ان الامنيه  بعدها  مااجتي اني  مقابل  يوم  16-8-2009

32
السلام عليكم  اخواني  اذا الجواز  ينتهي السنه الجايه  يحتاج الواحد اذا وصل لامريكا  ان يجدده   ؟  وشكد  تكاليف التجديد  بامريكا؟ ا خوان    شتنصحون اذا بيها  مجال  يتجدد بسوريا  اجدده  لو  اعوفه  واجدده بامريكا  اذا وصلنا انشاء الله  لو  اصلا بعد  الواحد  مايحتاجه من يوصل  لامريكا  وشكرا لكم

33
http://اعزائي اعضاء هذا المنتدى الاكثر من رائع اتمنى للجميع التوفيق والاستقرار  والحياة الكريمه  التي يطمح كل منا ان  يعيشها اعزائيانا مريض بالقلب هل اخبرهم  بمرضي عند المقابله  ام اخليها  سكته  وهناك  اكللهم وهل  اكو رعايه صحيه  حقيقيه الي عنده معلومات ارجو الافاده  ولكم الشكر الجزززززززززيل

صفحات: [1]