عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - TOMMY735

صفحات: [1]
1
السلام عليكم...اريد اعرف كيفية ملئ استمارة آي 131

لأن اخوية رجع من الولايات المتحدة لظرف طارئ بعد شهر من سفره ,وقابل بالسفارة وهسة بقت بس الاستمارة بس بيهة ارقام ورموز مدا اعرف شأخلي بمكانهة مثل ال A Number

Application type لأن هو بالعراق بدون جواز ابيض او شي يعني منطيني 6 اختيارات للابلكيشن تايب

كذلك الجزء الاول بالاستمارة بال Information about you يعني اخلي بيهة عنوان بغداد لو عنوان امريكا لان اكو حقلين طالبين بيهن عناوين بالاستمارة
part 3 processing departure  هذا ايضا ماعرفة..والله هي الاستمارة كلهة دوخة  ;D ;D

part 4 information about your proposed travel

part 5 complete only if applying for a reentry permit

part 6 complete if applying for a refugee travel documentيعني هذا ما افرق بينة وبين البارت القبلة

part 7 complete only if applying for advance parole

دوخة  ;D ;D بس محتاج مساعدتكم لان لازم يدزهة هالاسبوع ....تحياتي عنكاوا

2
السلام عليكم ...اول شي ايامكم سعيدة وكل عام وانتوا بالف خير وانشاء الله الممسافر يسافر..والمسافر يكون موفق بجاه المرسي ابو العباس

اخوان عذروني منقطع عن المنتدى لان مشغول جدا بدراستي..واحتاجيت مساعدتكم بمسألة انه مثل متعرفون عائليتي كلهة حاليا بالولايات المتحدة ..ولو ظروفهم صعبة نوعا ما...

بس واحد من اخواني رجع مع زوجتة وطفلتة للعراق بعد مرور شهر من دخولة الولايات المتحدة..بسبب ظروف خاصة حصلت بالنسبة لعملة والمشروع اللي تركة بالعراق..لان اكو ناس متتأمن وحاول قدر الامكان ميرجع بس رجع حتى يحل المشكلة اللي صارتلة

المهم..حاليا يريد يرجع للستيتس..ولمن سالولة اهلي محامي او هيجي شي..كلهم يحقلة بس اخذ اتعاب كلولة ميخالف تقريبا تكلف 7000 دولار..المهم اخوية كال اني مستعد ادفع..بس كلولة بالايميل مال اي او ام انه لازم خلال 45 يوم واللي بقى منهة 20 يوم على ما اعتقد انه لازم يملي استمارة آي 94 او هيجي رقم ما اعرف ودزولياهة برابط عالنت هسة انزلة..واخوية معتمد علية املي الاستمارة لان انكَليزيتي قوية بس المشكلة مو قصة انكليزي وانما بيهة معلومات ما اعرف امليهة وحقول ما اعرف شأختار بيهة واعتقد يمكن حتى رسوم تندفع بكريدت كارد

اتمنى من اصحاب الخبرة ان يوجهوني كيف املي هذي الاستمارة واكون ممتن الكم http://www.uscis.gov/portal/site/uscis/menuitem.5af9bb95919f35e66f614176543f6d1a/?vgnextoid=b11747a55773d010VgnVCM10000048f3d6a1RCRD&vgnextchannel=db029c7755cb9010VgnVCM10000045f3d6a1RCRD


هذا رابط السفارة..

واني ممتن الكم

Tommy
Italia

3
السلام عليكم

الحمد لله والشكر وصلوا عائلتي بسلام الى مدينة كولمبوس بعد رحلة مضنية استمريت اليومين ونصف اليوم تقريبا,,,,وكان ابن عمي بانتظارهم بسيارتة الفان بسبب العدد الكبير لعائلتي وايضا الحقائب اللي وياهم

وانشاء الله ياربي اتمنالهم الموفقية وكون تسهل الهم الامور وتتيسر بحق محمد وال محمد والمسيح والسيدة العذراء وياربي كون تتسهل كل المنتظرين للسفر وايضا الموفقية في حياتكم

للعلم والدتي واخي الصغير يوم 27 يسافرون

والله يعني من اطلع الرسائل القديمة اللي كنت انزلهة بالمنتدى كيف انه حصلت كيس نمبر وفرحان بي ووراهة كمت انتظر مقابلة واراسل العديد من الاصدقاء اللي ما اعرف وين اخذتهم الايام وللاسف ما اعرف اسمائهم مثلا او صورهم ...يعني والله دمعت عيني اكول انشاء الله رب العالمين مينسى احد ويشملة برعايتة وين ميكون,,


تحياتي الكم وبالموفقية مجددا للجميع

TOMMY
LORETO,ANCONA_ ITALY

4
اخوان السلام عليكم,,,قبل فترة نزلت موضوع عن موعد سفر لوالدتي واخوية الصغير يوم 27 حزيران,,,وباقي افراد العائلة كالوا يلة ممكتوبة ;D ;D

شو اليوم خابروا كالوا كلكم طلعلكم موعد سفر يوم 21 حزيران :-\ شيني هاااااي !!!!!

المهم الاهل كيفوا بعد,,,بس اكو شغلة ??? ??? ??? ??? اني الوحيد بالكيس ماكو؟؟!!!!!

يعني لان اني متابعلهم الشغلة والوحيد مشترك بعين كاوا من عصر فجر السلالات  ;D ;D ;D ;D

بس يلة مو مشكلة لان اني مرايدهة 8)

حاليا اني بايطاليا بمدينة لوريتو عمي هنا الحياة جنة مصغرة لا امريكا ولا يوغوسلوفاكيا هههههههههههههه

المهم,,,,,,,,

طبعا تمنياتي للبقية بالسفر العاجل واتوقع الكل انشاء الله يسافرون بس مسالة وقت,,اتذكر مرة كتلهم لاهلي انسوهة حتى متحسون بيهة 8)

والله طلعت افتهم ,,بس اذا تل تحرك بروحك وتنتظرهة متصير :D لا جذب ;D

وتحياتي الكم يابة واي شي اي استفسار اي خدمة اني حاضر 8)

اخوكم الطيار العراقي المقاتل

Tommy735 ;D  شون اسم مو يخبل ;D ولا الة علاقة بشكلي هههههههههههههههههههه

5
الظاهر الاي او ام ميجذبون ;D

بس المنظمة خابروا علية وكالوا حصلت الموافقة على 2 بالكيس وهم والدتي واخي الصغير والسفر يوم 27 حزيران والبقية بالانتظار :o وعددهم 7  :o

بس نكول انشاء الله خير :)

طبعا بالمناسبة احنة عتك جدا ومقدمين من 2009 بشهر الواحد حسب ما اتذكر وعائلتي تاملت جدا بالسفر بتلك الفترة بس من ورة المغذيات ناس تزوجت وناس تعينت  ??? والسفرة اصلا نسيناهة وفحص طبي بالكوة سوينا مرة  8) بس الظاهر اللي يكعد حباب وميزعج الاي او ام يسفروا ;D

على العموم بالموفقية لبقية افراد الكيس وايضا اتمنى النجاح والموفقية والسفر لكل المنتظرين بلهفة :)

جانوا اكو اعضاء بالمنتدى عتك وياية بس اختفوا مدري وين خطية لو يسمعون يفرحون  ;D

على العموم اتمنالكم التوفيق مرة ثانية بالمناسبة الوجهة هي مدينة كولمبوس ولاية اوهايو وعندي ابن عمي هناك وايضا بعض الاصدقاء

ونتمناكم السفر العاجل

التوقيع


تومي العتييييييييييييييكَ ;D ;D ;D ;D ;D ;D ;D ;D ;D ;D ;D



6
الله يساعدهم............شونكم عمي...........

شوية استفسارات اذا ممكن تفيدوني........

اهلي قابلوا مقابلة ثانية برمضان بتاريخ 17 \8

والبارحة اتصلوا بالكفيل مرتين ...اول مرة ردولة نص اسماء الكيس وورة ساعتين خابروا عالبقية...وكلولة مستعد تتكفلهم اذا يجون...وهو كالهم اوكي..........

هسة شنتظر الامنية؟؟؟؟؟؟؟؟؟؟؟؟؟ واكيد تطول هي....بس همة من سالهم على سير المعاملة كلولة منا لشهرين تخلص اوراقهم والله كريم

طبعا اجتني بيوم الاتصال بالكفيل هاي الرسالة واللي قريتهة للاسف ورة منزلت الموضوع وحاولت تعديلة واللي اعتقد بيهة بنج موطبيعي وهذا نص الرسالة


defferral letter
Dear Sir/Ma’am,

The International Organization for Migration writes to inform you that a final decision about your case has not yet been made. Your case has been deferred by U.S. Citizenship and Immigration Services (USCIS) for the reason indicated in the attached letter. 

Please understand that this deferral does not mean that your case has been denied. Decision deferrals indicate that further review of your eligibility for refugee resettlement in the United States is necessary.

Your case will continue to be processed.  When there are updates on your case, and a final decision is made, you will be notified. Moreover please note NOT to sell your belongings, quit your job etc, since the International Organization for Migration will be contacting you two weeks prior to your departure date, as we can’t expect how much time it can take till you depart.

You will find a scanned copy of your decision deferral letter attached to this email.

It is very important that your reply to this email (do not send a new, separate email) to confirm that you have received this email and the attached letter.

When you reply please write the following:

 “I confirm that I have received this email and the attached decision letter for my refugee case with the United States Refugee Admissions Program.”

Kindly include your full name in your reply.

  Please note that if your case is approved you do not have the option of picking a departure date or delay your case for any reason, and once you receive a date for departure, you must make plans to leave the country you are currently residing in for the United States on the assigned date.

 واهلي مقدمين من بغداد وايضا بالاتاجمينت مكتوب (please be advised that a final dicision regarding your application for refugee status in the united states has been deffered for one of the following reasons further review for your eligibility for refugee ressetelment in the united states is neccessary)


شنو السالفة..........جنة تأجيل معدل.......ونقاش عالكيس هههههههههههه الله اليستر 

7
واخيرا قابلت محلفين بعد 3 حالات تأجيل...(طبعا لظروف خاصة ولا جان هسة مسافر) المهم....شخبصونة بمقابلة المحلفين....سهلة اسهل من الاولى...بس المحلفة(طبعا وردة ) كالت شيل ايدكم ليفوك واحلفو بالعباس خخخخخخخ المهم حلفنة وظلت تسالنة اسالة من المقابلة الاولى وتاكيد عالقصة اللي كلناهة بالبداية(الحمد لله محد خربط) بس ابن اخوية ويانة بالمقابلة..سوى ضجة هوة عمرة سنتين....شنو....صيح صياح مصاير نكللهم نطلعة كالت لا خل يبقى عادي راح كعد بحضنهة وطكطك بالكومبيوتر كالت هذا مدري شسوى بالسستم(لتكول سستم الة تلهم )..المهم..شتلونة للخمسة العصر...علما ناقشت الكيس وية السوبر فايزور ...ورراهة كالت وقعوا وروحوا الله ومحمد وعلي وياكم....

هسة شنو الوجبة......جنهة مغذي قوي مال الامنية مو  ;)

وبالنسبة للولاية ...انطيتهم عنوان كفيلي بكولمبوس باوهايو....والله كريم.

TOMMY

8
حبيت اسأل على حالة انه اذا صاحب الكيس ميريد يسافر وباقي افراد عائلتة يريدون يسافرون ...فهل من المعقول ان ينلغي الكيس كللة...لان عندما اتصلوا بالموظفة كالت خل يجون يقابلون...وصاحب الكيس يسوولة ريموف remove من الكيس......هم اكو هيجي شي لو لا...........احدى حالات الاي او ام.

9
السلام عليكم....اطلب مساعدة الاعضاء اللي يعرفون ايميل شركة كي بي ار اللي كانت عاملة بالعراق لاجل صديقي اللي كان يعمل وياهم لفترة طويلة وترك العمل لاسباب امنية وحاليا يحتاج يراسلهم حتى يعرف ارقام ومعلومات عن عقد التوظيف ورقم الباج اللي سلمة اثناء تركة للعمل ويتمكن من التقديم على التوطين............

10
السلام عليكم.....شونكم زينين

اني ابحث عن كفيل لعائلتي في مدينة بوفالو نيويورك لان اني اشوف انها الافضل بالنسبة للاجئ العراقي حسب رايي المتواضع

اني بصراحة عندي اصدقاء مقربين لكن في كوينز ومنهاتن وليس في بوفالو وايضا اريد اسال عن وجوب الكفيل ان يكون بنفس المدينة حتى وليس في الولاية فقط

فاذا اكو واحد في بوفالو حتى اتصل بي واكون جدا ممتن


11
اشو من اجة رمضان لليوم الاعضاء بس يحجون بالاكل كال الشوي وحجى السلك (سلك الشرطة خخخخخخخخ)

احنة دائما لازم نخلي فد زاوية للنكات حتى واحد اذا ضايج شوية يضحك فكل واحد يدخل يكتبلة نكتة واذا ما عندة مو مشكلة اني اكتبلة وحدة خخخخخخخخخ

نبدا.....اكو واحد راح للدكتور كلة دكتور الحكني اريد حل يومية احلم بقرود يلعبون طوبة فوك راسي الدكتور كلة خلص لاتنام يومين
كلة ما اكدر باجر يلعبون عالنهائي....خخخخخخخ

اكو 3 شياطين خبثاء رادوا يعذبون صاحبهم الشيطان الرابع جان يحبسوا بغرفة ويشغلولة قران بالمسجل خخخخخخخخخخخ

 اكو واحد ماشي بجنازة زوجتة ويضحك كلولة ليش تضحك كللهم اول مرة اعرف مرتي وين رايحة....هع هع هع هع

اكو جريذي سكران كال كل البزازين جوة قندرتي جان يلتفت ويشوف ورا عتوي اسود جان الجريذي يكول بس ابو سمرة على راسي نيوها ها ها ها

اكو واحد وهابي كلولة شلون تتمنى زوجتك كللهم العياذ بالله العياذ بالله تشبه هيفاء وهبي

عراقي ولبناني مضيعين نسوانهم
راحو يدورون عليهن العراقي سال اللبناني شنو اوصاف مرتك
كله زغير شكره لابسه جينز قصير وبدي خفيف وانت مرتك
كله عيفه ملك علاقه بيهه خل ندور مرتك ها ها ها ها

فد يوم واحد ضوجته ذبانه بس تفتر يم اذانه وززززززززززززززززز
لزمهة شلع اجنحتها وكلها يلا دكيها مشي


ذبانة سكرانة طارت فوك صينية الجاي جان تصيح افسح للنسر افسح للنسر
 


12
اني كاعد بمنطقة السيدية منطقة حلوة وناسهة طيبين (بس اكو علاسة)المهم يومية اطلع بالليل وية اصدقائي وارجع ساعة 11
بالليل ومرات تعبر......

المهم البارحة اني وراجع للبيت والدنية ظلمة وشارعنة طويل ويخوف بصراحة لان ما اكدر انسة وجوه الشباب الخيرين من اصدقائي اللي انكتلوا هناك....

وفجاة.....اسمع صوت بكاء ونحيب لطفل يكسر الكلب وكانه شايل هموم الدنية على راسة
كتلة شبيك عمو....جان يطكهة ببجية....كلت اهووووووووووووووووو هذا متيه ووين اودي هسة

كتلة عمو شبيك منو ماذيك وين اهلك...........
كام يبجي النوب بالزايد............
لي ورة شوية سكت........
كتلة وين ابوك كال ابوية ذبني هتا......زين امك وين كال ابوية طردهة بالشارع......
بس هاي الحجي بالكوة افهم منة لان يبجي وصغير ......
المهم ما اطول عليكم السالفة كتلة شسمك..........
كلى نعمة...
جان ابوسة واخلي عالحايط.............


13
كثيرا ما نسمع هذه الايام عن رياضيين عراقيين يحققون انجازات في الغربة وفي مختلف الرياضات لكن هناك بعض الرياضات يكون فيها تحقيق الانجاز يكاد يكون مستحيلا في ظل غياب الدعم الحكومي او على الاقل الرعاية الرسمية للاندية الشهيرة.

  الرياضة هي رياضة كمال الاجسام وبطلنا هو عباس فاضل.
عباس فاضل من مواليد بغداد 1978تدرب منذ عام 1993 حيث كان عمره 15 سنة في الاندية العراقية بعدها تغرب الى بعض الدول العربية مثل الاردن والامارات في زمن النظام السابق ثم الى السويد والتي مقيم فيها الان.

 الميزة التي يتمتع بها بطلنا هي فئة الوزن التي ينافس بها والتي هي فئة الوزن فوق الثقيل والتي يكون منافسيها قلائل بالاخص في محيطنا المحلي والعربي والاسيوي بسبب صعوبة المنافسة في هذا الوزن حيث يبلغ وزن بطلنا 125 كيلو من العضلات الصافية وبنسبة دهون تبلغ 4% وايضا هذا ليس كافيا للفوز اذا لم يتوفر التناسق بين العضلات والجمالية

 والاصعب من ذلك عندما تجد ابطالا اكثر منك خبرة وقد استعدوا للبطولة بينما لم يكن استعدادك كاملا
وتاتي المفاجاة عندما يذيع المعلق اسم الفائز بالمركز الاول
بل هي ليست مفاجاة
لان عباس كان افضل بكل المقاييس
وقد نال بجدارة واستحقاق المركز الاول وتسمية السوبر الستار للوزن الثقيل لمملكة السويد

كان هذا قبل اكثر من عام
ويطلنا يستعد الان للقب جديد لان الطريق الى المجد لاينتهي
http://www.youtube.com/watch?v=zO3jHUqAkOs
http://www.youtube.com/watch?v=Z1gyi1xXYho
   http://www.youtube.com/watch?v=FRA6bzOQIVE

14
شونكم واخيرا طلعوا مناسيني

حددولي موعد مقابلة يوم 20 \7
 
بس قسموا عائلتي قسمين ناس يوم 19 وناس يوم 20

لان احنة 11 نفر بالكيس

مسالة ثانية

كالوا لازم الكل يجون للمقابلة واذا واحد ما اجة تنلغي المقابلة واني ما اريد اروح اريد بس اهلي يروحون

لان اني حاليا دورة ضباط طيارين وما اريد اسافر

خوما اكو اشكال بهالشي

tommy the machine gunner

15
شونكم....
قبل كم يوم سمعت من ولد مقابل مقابلة ثانية بس ممشترك بالمنتدى انه الاي او ام موكفين المعاملات لمدة 3 اشهر لاسباب غير معروفة ويكول انه متاكد من الخبر

فد لا صدك  :o

16
السلام عليكم..............
حبيت بهذا الموضوع اشوف ارائكم و معلوماتكم وامنياتكم بالنسبة للولاية اللي تتمنون تعيشون بيهة واللي تعتقدون المعيشة بيهة سهلة وفرص العمل متوفرة واكو كهرباء ونفط وغاز وامان وبدون صبات  ;D
ورجاءا لحد يجيب طاري مكانات مثل منهاتن وهولي وود

صفحات: [1]