عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - ابومريومة

صفحات: [1]
1
اخواني واخواتي السلام عليكم ورحمة الله

آسف جدا على انقطاعي لمشاغل الحياة هنا ولكن للأمانة ومن خلال تجربتي السابقة مع الاي او ام من خلال اقاربي  اللي عددهم يزيد عن 10 ملفات تبين ان الامنية اللي يحجون بيها الاي او ام كذب تريدوها بالعراقي جذب

اخواني الامنية تبدي من يدزون الملف للهوملاند ويصير الملف فعال بالموقع في 90% من الحالات وتستمر مدتها حتى الوصول لأمريكا من شهرين الى اربع اشهر فقط ( الكلام هذا من الهوملاند سكيورتي من خلال رسالة جاوبها لعضو الكونجرس)

الاي او ام كذابين بكليشة الامنية
مختصر مفيد الامنية تبدي للملف بعد ما يقدم الملف من قبل الاي او ام الى uscis او الهوملاند سيكيورتي والملف يكون جاهز للتقديم بعد اكمال الفحص الطبي ولكن الاي او ام ميقدمة ويقدم الملفات اللي حالاتها مستعجلة كتهديد او قصة او جنص من خلال عدد محدد

نصيحتي لكم اخواني لاتنطون مفكة للاي او ام وتدزون يومية ايميلين على الاقل وميهمكم الكليشة مالت اسبوعين القصد ان تستمرون بالضغط من كم الرسائل اللي توصلهم حتى لو توصل 100 رسالة بالشهر
وبكل رسالة اكتبوا وضعكم من تدهور امن وامان حتى لو تكررت الرسالة مرارا لا تيأس

نقطة ثانية محد يكدر يرفضك بعد ما اكتملت المحلفين عندك ابدا لا تقلق من هاي النقطة وقوي قلبك نفتحلك ملف بالهوملاند ومنتظرين الاجراءات من الاي او ام تكمل والاي او ام غيرة ماعدهم لذا ملفك نايم 

واللي عندة اتصال عن طريق اقاربه باحد اعضاء الكونجرس في ولايته يتصل عليه ومكتبة راح يكون مفتوح للجميع وهو بدورة يتصل على الهوملاند سكيورتي ويمشي ملفك

الهوملاند سكيورتي يعرف تماما بإستهتار الاي او ام من تأخير الملفات ولكن عوامل كثيرة تمنعهم من ان يحاسبوهم على التأخير منها موافقات السفر المحدودة اللي تصدر كل يوم بالنسبة لأعداد الملفات الموجودة

آسف مرة اخرى لعدم مشاركاتي في المنتدى واعذروني مراح اكدر اوعد احد بالرد بس اللي اتمناه ان الله يوفقكم ويوصلكم لبر الامان من غير مضرة او سوء

ابومريومة البغدادي
ويسكنسن

2
بداية الحمد لله ثم الحمد لله على منه وعطاءه لوصولي الى ارض الولايات المتحدة سالما معافاً مع عائلتي

موعد الرحلة كان يوم الاحد الماضي اي بعد الانتخابات بيوم وكان المطار جدا مزدحم بالمسافرين وكنا احنا جماعة الاي او ام 37 شخص وصلنا الى عمان وجميعنا كانت الرحلة من بعدها الى شيكاغو
من عمان تأخرت الطيارة حوالي ساعتين ونص ومن بعدها 13 ساعة ونص بالجو يعني نطبخنا طبخة معدلة لحد الان دايخين من الرحلة المتعبة
مع الاسف الفرحة لم تكتمل عندي بسبب فقداني لحقيبتين وكان بيها جميع ملابسي وملابس ام مريومة والحمد لله على كل حال
مشاعر اللقاء مع الاهل لا توصف ابدا
الرحلة كانت من بغداد الساعة 9 صباحا ووصلنا الى عمان الساعة 10 ونص تقريبا ومن بعدها اخذونا للفندق بعد ما اعطونا تكتات السفر الى مطار شيكاغو كان السفر من عمان المفروض الساعة 10 ونص صباحا لكن بسبب حالة طارئة في الاجواء اليونانية تأخرت الرحلة حوالي ساعتين ونص ووصولنا الى شيكاغو كان الساعة سبعة ونص مساءاً طبعا المفروض نوصل قبل هذا الوقت بساعتين حتى نكدر نلحك على الرحلة الداخلية والمتوجهة الى ميلووكي لكن شاءت الاقدار ان نفقد الرحلة ونقلنا الى الفندق في شيكاغو وبعدها في اليوم الثاني كانت الرحلة من شيكاغو الساعة 8 صباحا ووصولي الى ميلووكي بعد 15 دقيقة بفضل الله وحمده

موضفي الاي او ام في شيكاغو بلا انسانية ولا يمدون للإنسانية بصلة ولكن الحمد لله على كل حل وادعو الله ان يخلصكم من الاي او ام بأقرب وقت
وأي سؤال حاضر للإجابة وكل التوفيق للجميع ان شاء الله

شكر خاص للأخ دبس وراشي على وقفته النبيلة وكنت اتمنى اتعرف عليه بالمطار لكن شاءت الاقدار أن ما التقي بيه رغم انه كان موجود وربي يوفقه وينصره على كل من يحاول ان يمسه بسوء .. اللهم آمين


3
السلام عليكم اخوتي واخواتي

بالنسبة للي سافروا يوم الاحد شوكت ياخذون الحباية يوم الخميس لو يوم السبت

شاكر اجاباتكم مقدما

4
بداية اعتذر من جميع الاخوة خارج العراق لعدم دقة الاعداد الموجودة في كل بلد

وشكرا جزيلا للجميع اخواني على المشاركات الطيبة ولكن بفضل الله استطعت ان اعرف تحديدا عدد المتبقين في العراق ودول الجوار ومن خلال اعداد المسافرين المعلنة من قبل الرابس نت وسوف يتم تفليس الاعداد بالتفصيل

بالنسبة لعدد العراقيين المقبولين على البرنامج وبانتظار اجراءات السفر من داخل العراق فيبلغ العدد الكلي المتبقي لغاية سنة 2013 هو 4300 طالب لجوء وهذا حسب تقرير مرسل الى الكونجرس وممكن الاطلاع من خلال الرابط صفحة 41
http://www.wrapsnet.org/Portals/1/Reports/Reports%20to%20Congress/Final%20Report%20to%20Congress.pdf

اما بخصوص اعداد العراقيين اللي سافروا من العراق من بداية السنة المالية 2013 ولغاية28 من شهر شباط - الشهر الماضي فيبلغ 2453 لذا المتبقي من طالبي اللجوء في العراق هو 1847 طالب لجوء
طبعا مصدر المعلومة بالنسبة للأعداد المسافرة من العراق للفترة من بداية السنة المالية ولغاية 28 من شهر شباط هو

http://www.wrapsnet.org/Portals/1/Arrivals/12March2013-2.Map_Arrivals%20by%20Country%20Location.pdf

هسة نجي لأعداد المسافرين من العراق لكل شهر تقريبا في ضل التسريع الحالي على سبيل المثال في شهر شباط الماضي عدد اللي سافروا من العراق هو 592 شخص بينما عدد الذين سافروا من العراق لنفس السنة المالية في شهر تشرين الثاني- نوفمبر كان 504
فلو افترضنا ان الاعداد تستمر على هذا المعدل من داخل العراق فيكون آخر مسافر من العراق في يوم 15/7/2013 ان شاء الله


تمنياتي للجميع السفر العاجل والتوفيق

ملاحظة مهمة : الاعداد المذكورة في التقرير هي من تمت الموافقة عليهم فعليا من غير تعليق او تأجيل القرار او من خرجوا من التعليق قبل اعداد التقرير اما اللي حصلوا على الاي زي نمبر او قابلوا المقابلة الاولى فقط لا تشملهم الاعداد المذكورة


5
السلام عليكم اخواني جماعة الطابوقة الذهبية
احبابي اليوم حبيت اجيبلكم هذا الرابط اللي يشرحلكم الطرق التي ممكن تتابعون ملفكم بيه واللي بالاخص منتظرين الامنية اللي علساس من امريكا


طبعا مو كل الطرق ممكن اتباعها لان بعضها محدد بجهات معينة مثل اعادة البصمة او حصولك على كيس نمبر من دائرة USCIS او فقرات ممكن تتصل بالسيدة زوجة اوباما اللي قد تساعدك مع الشرطة الفدرالية التي قد يكون سبب التأخير من يمهم وهكذا لكن اكو نقاط مهمة وعناوين جديدة ممكن تستفادون منها

اتركم مع الرابط وتكدرون تفلسوه زين وهو شارح لكل جهة طريقة المساعدة مالتها

حتى مكتب المظالم موجود من ضمن الطرق 12 المذكورة واللي يتم مراسلتهم عن طريق الفورم 7001

http://immigrationroad.com/green-card/contact-uscis-fbi.php

وبالتوفيق للجميع

6
السلام عليكم اخواني جميعا
بداية احب من جميع الاخوة الموجودين في العراق والاردن وسوريا ومصر وتركيا والامارات ان يشاركونا بأرقام الكيسات التابعة للمنظمة اقدم رقم واكبر رقم تحديدا
مثال جماعة بغداد IZ- 101XXX واكبر رقم IZ-138XXX
الهدف من المشاركة لمعرفة الاعداد هو لكي يتم حسم اعداد الكيسات المتبقية وتكون الدراسة مقاربة للواقع وكذلك حتى نعرف احنا الباقين والمنسيين تحديدا يلوحنا السفر بهاي السنة او لا
بالنسبة للأعداد جماعة بغداد
IZ-101XXX وينتهي IZ-138XXX
اي مجموع الاعداد 38000 كيس
وكذلك لجماعة عمان يبدي
JO- 101XXX وينتهي JO-126XXX
وسوريا SY- 101XXX وينتهي ؟؟؟؟؟
ومصر يبدي Eg-101XXX وينتهي Eg-106XXX
جماعة تركيا يبدي ؟؟؟؟؟ وينتهي ؟؟؟؟؟
والامارات اعدادهم قليلة ولكن ممكن نضيفهم للاحصائية

العدد الكلي للكيسات الواصلة للولايات المتحدة هي
سنة 2008 المجموع الكلي للكيسات 10898
سنة 2009 المجموع الكلي للكيسات 17008
سنة 2010 المجموع الكلي للكيسات 15847
سنة 2011 المجموع الكلي للكيسات 12180
سنة 2012 المجموع الكلي للكيسات 13421
سنة 2013 المجموع الكلي للكيسات 5565
المجموع الكلي 74919 كيس وصل لغاية شهر شباط 2013

ارجو من الجميع المشاركة حتى نعرف جدية المنظمة وصحة الاخبار اللي نسمعها بتصفية جميع الملفات قبل نهاية السنة واللي المفروض تكون بشهر العاشر


وبالتوفيق للجميع

7
السلام عليكم اخواني - اخواتي
اخوية عندة اعادة محلفين واعتقد علمود محكومية وهو اخفى هذا الشي بالمقابلة مالت المحلفين وكذلك بالمقابلة الاولى لان كان السؤال امام اطفالة وزوجته ولا زال مصر على اخفاء الموضوع امامهم لان السجن صار اكثر من 20 سنة وهسة اني حاير شلون اخلصه من هاي المشكلة

طبعا هو مستلم الموافقة من المحلف وكان مشروط بالامنية وبعد شهرين يكمل سنتين على المحلفين الاولى

شنو الحل اخوان واخواتي وشنو ممكن يصير اذا بقى الوضع على هذا الحال

8
جمعة خير على الجميع ان شاء الله

اليوم حبيت انقللكم خبر بموعد سفر لعائلة اختي يوم 16/1 من مطار بغداد الى عمان - المانيا - شيكاغو

موعد السفر كان عن طريق اتصال تلفون يوم امس

الوزن 20 كغم للشخص الواحد والاطفال تحت 8 سنين مالهم حق بالهاند باك

تفاصيل الملف
112xxx
السفر انتظار من 6 أسابيع تقريبا بعد اكتمال الامنية بيوم
محلفين 3/2011

تمنياتي للجميع السفر القريب

9
الاخوان اللي سافروا

اول شي الحمد لله على السلامة

اريد اعرف الواحد شكد يكدر يشيل وياه فلوس اذا عائلة

اللي اعرفه 10 الاف بس هذا للعائلة لو للفرد

واذا للفرد متحدد بعمر ادنى حد لو مفتوحة الشغلة

وشكرا مقدماً

10
اخوان السفر انتظار لأحد كيساتنا صارلة 22 يوم

الامنية كملت وبعدها بيوم السفر انتظار

اكو احد مثل هاي الحالة؟؟؟

زين ليش مينطون موعد سفر  ??? والله خبلونة بشغلهم

11
السلام عليكم جميعا حبايب

اول شي احب اهني اختنا تيولب على الاشراف في غرفة الجات

والتهنأة موصولة لجهود اختنا الارمينية على عطاءها وابداعها المتواصل لانجاح منتدانا وبيتنا الثاني عين كاوة

وبهاي المناسبة احب ان نتواصل بالجات ونتعارف بعد اكثر بالتهاني والافراح وخاصة مواعييد السفر اللي مدوخة الاغلبية

لذا خلونا متواصلين هناك ونحصل على الاجوبة اللي نحتاجها بسرعة ويصير النقاش والتواصل احلى

والميزة الحلوة بالموضوع منحتاج لا لتسجيل جديد ولا ادخال اي معلومات جديدة لانه فد شي بسيط وحلو

وهذا رابط الموضوع

http://www.ankawa.com/forum/index.php/topic,619792.0.html

والدعوة عامة للجميع

12
هسة كعدت ماعندي شي كلت خلي اسوي احصائية للعراقيين اللي وصلوا امريكا خلال شهر اكتوبر ولكيت العدد 1825 شخص

طبعا 498 واحد منهم متألفين من 211 كيس من داخل العراق والباقي متوزعين على بقية الدول ( الاردن - سوريا - تركيا - مصر - لبنان - ... الخ)

وهذا الرقم لو قسمناه على 23 يوم للشهر باعتبار الجمعة والسبت ماكو طيران حسب ما سامع من الاخوة اللي سافروا

يعني يصير العدد اليومي بحدود 22 واحد سافروا يوميا خلال الشهر العاشر

وان شاء الله كل شهر ننزل احصائية للسافروا من العراق بصورة خاصة وبقيت الدول بصورة عامة ( طبعا العراقيين )

تمنياتي للجميع السفر القريب

13
السلام عليكم اخوتي جميعا

اتمنى نتواصل سوية بمتابعة ملفاتنا واللي صارت حالة الملف فعال بالتحديد حتى نعرف شنو راح يصير للبقية
 

وابدي بحالة ملفي فعال من يوم 9/10 ولحد الان

اكملت الفحص الطبي يوم 5/7 وصار مكتمل بعد شهر

الامنية بالانتظار
محلفين  اولى + ثانية مكتملة

التوفيق للجميع
ابومريومة البغدادي

14
السلام عليكم اخواني واخواتي

اليوم وصل لكيس اخوية ايميل اعادة مقابلة المحلفين مع DHS وما ادري اذا الشغلة طبيعية او لا او على الاقل متكررة وية احد قبل؟

ياريت اللي مار بهيج حالة ينورنا وشنو طبيعة المقابلة الثانية راح تكون

بالنسبة لكيس اخوية يحمل رقم IZ-116XXX ومقابلتة الثانية كانت بتاريخ 3/2011 والان وبعد مرور 19 شهر وصله ايميل اعادة مقابلة ثانية

بس حبيت اوضح شي حتى لا الكل تهبط وتأيس وضع الكيس مالت اخوية مختلف شوية وتكدر تشوفها ادناه

لان حالة الملف مالتة بالانتظار
المقابلة الاولى مكتمل
والمقابلة الثانية ان بروسس
والفحص الطبي ان بروسس
والامنية بالانتظار
اما موضوع المدينة والمطار فبقيت فارغة

وبالنسبة لأوراقه لم تصل الى الولاية حتى الان

طبعا هو الفحص الطبي الاول كملة ولكن الفحص الطبي الاعادة لم يستدعى عليه حتى الان

ارجو من كل من مر بهيج حالة ان ميبخل علينا ولو بمعلومة مفيدة اثناء المقابلة

وهل ستكون النتيجة رفض لا سامح الله ???



15
السلام عليكم جميعا

هل من الممكن التوضيح بالنسبة للي سافروا ووصلوا بخير وسلامة الى بلد العم سام ان يوضحلنا الوزن المسموح اذا كان ترانزيت او اذا كان مباشر وهل يوجد اختلاف بين ايميل المنظمة والواقع وفي حال الوزن زاد عن الحد المسموح هل يتم دفع مبلغ الشحن ام لا يسمح بالوزن الاضافي حتى وان كان على النفقة الخاصة

اعلم ان شركة الطيران هي لها الكلمة الفصل في الوزن المسموح لكن ممكن الواقع يختلف عن المعروف سلفا في بعض الاحيان

اتمنى من كل من سافر او من اقاربه ان يوضح لنا النقاط التالية

1- الوزن المسموح
2- السفر من بغداد /عمان / تركيا / سوريا
3- مباشر الى امريكا/ ترانزيت المانيا-امريكا
4- هل يقبل دفع مبلغ بدل الوزن الزائد في اول مطار؟

تمنياتي للجميع بالموفقية

16
السلام عليكم اخواني

رايد اعرف من حضراتكم اللي عندة اكثر من عائلة لها ارقم كيسات مختلفة وتابعين لنفس الشخص (صاحب العمل) هل احد الكيسات سافر بفترة طويلة قبل باقي الكيسات

ارجو التوضيح والاستفادة وكذلك التواصل هنا في كل جديد لحالة الكيسات مالتنا


أبدأ بنفسي
نحن 5 كيسات ربط بيناتنا ضعيف ولحد الان الكل بدون اعادة فحص طبي ثاني للعلم ان الفحص الاول مضى عليه حوالي 5 أشهر أكسباير

احد الكيسات عندة تأجيل

تحياتي
ابومريومة البغدادي

17
السلام عليكم

بداية نزل التحديث بأعداد المسافرين من منطقة جنوب آسيا والشرق الاوسط اللي احنا من ضمنهم وكان العدد 2556 محظوظ دخلوا الى الولايات المتحدة لشهر آيار الحالي بعد ما كان في شهر نيسان 2417 محظوظ

اود ان تشاركوني الرأي في الاستفتاء اللي طرحتة في الموضوع ونحاول نجد آراء تطرح هنا لكي يستطيع القاري من الاستفادة من رأي الآخر

الرجاء اخي قاريء الموضوع لا تحرمنا من رأيك لأنه يهمنا


ابومريومة البغدادي


18
السلام عليكم اخوتي

رايد اعرف بلا زحمة منكم احد واصلته هاي الكليشة بالجديد

صار مرتين ادزلهم ايميل ويردون بنفس الكليشة واكو كيس اخ وياية بنفس الوكت الكليشة مالته الاعتيادية زين شنو الحل

طبعا هذا الايميل (الكليشة) جان يوصلنا قبل المقابلة الاولى ??? ??? ??? ??? :o

بالمناسبة الموقع ولا يمة السالفة نايم على هاي الوضعية من اول ما سجلت بيه
Dear Sir/Ma’am,

  

Thank you for your email.

  

Kindly be informed that we have checked your case and found that it is in processing and you will be contacted for any updates.

  

Please feel free to contact us for further inquiries.

19
السلام عليكم اخواني اخواتي بالمنتدى SIV & IOM

بالسابق كان الموضوع الغاية منه هو لمعرفة علاقة الامنية بالفحص الطبي اليوم احاول اعادة صياغة الموضوع الى احصائية لأعداد المسافرين بعد اتمام اعادة الفحص الطبي

اكتفي بالاستفتاء الموجود في الموضوع والذي يعبر رأي الاعضاء المشاركين من خلال متابعاتهم لملفات اصدقائهم او اقاربهم

اتمنى من الجميع الاستفادة والمشاركة في الموضوع

دمتم بخير

ابومريومة البغدادي

20
السلام عليكم اخواني

اليوم الاهل اتصلوا بيه وبشروني ان alien number الخاص بيه صدر وان المدة المحددة لتكملة الاجراءات مالتة خلال 6 اشهر

حبيت افتهم منكم (الخبراء خاصة) المقيمين في امريكا والمتابعين للمنظمات

هل معنى هذا ان الامنية اكتملت؟

طبعا الموقع عندي ميقبل يفتح ???

هل صحيح ان السفر اقترب؟ اعتمادا على اصدار alien number


الرجاء الافادة


ابومريومة البغدادي

21
السلام عليكم
كثر الحديث والتكهنات عن الرموز اللي توصل في كل مرحلة يوصلها الكيس من التجييك الامني او الاجراءات الادارية وبما انه ما نكدر نعرف يقيناً ما يعنيه كل رمز الا من خلال تجربة كل حالة منفردة وية الرمز لذا اقترح ان نتعاون بيناتنا ونثبت الرموز اللي توصل لكل مرحلة ما بعد المقابلة الثانية حتى موعد السفر حتى الواحد على الاقل يعرف وضعه وين من هاي الدوامة مالت الامنية واعتقد ان الجميع مارة عليهم نفس الرموز وراح نسوي جدول نجمع بيه انواع الرموز بالتدرج حتى موعد السفر

وراح ابدي بنفسي
بعد المقابلة الثانية 3 أشهر وصلني الرمز EHF
وبعدها 3 اسابيع صار تحديث وصل الرمز MSA
وبعدها بيومين صار تحديث ايضا وصل الرمز HMJ

والمحصلة بعدني بالتجييك الامني

منتظر منكم مشاركاتكم حتى نستفاد ونفيد الجميع


ابومريومة البغدادي

22
السلام عليكم اخواني
محتاج مساعدتكم بمعلومات عن البرنامج لان اني مسجل بيه نهاية شهر التاسع 2010 وهسة وصلتني رسالة بيها تفاصيل المعلومات اللي كنت ناطيها بالموقع نفسها ومنتظرين ادفع رسوم الفيزا لازم قبل يوم 25 بالشهر وكاتبيلي بأنه اني مقبول على هذا البرنامج
سؤالي هو اخواني احد يكدر يساعدني كم من المدة تحتاج حتى تكمل الاجراءات من دفع الرسوم الى السفر وهل تذكرة الطيارة تكون من ضمن المساعدات لو السفر يكون فردي؟


منتظر الاجابة من كل الخيرين

تحياتي
ابومريومة البغدادي

23
السلام عليكم اخواني لي ابن خال قدم على الاس اي في ووصل لمرحلة الاتصال بالمدير

طبعا هو عمل من سنة 2004 وية بكتل وبعد بارسنز وغيرها وضل وياهم الى اخير شي SBH وكان مكان عملة على قسم الكهرباء واخير مديرين اله كان جون برادي والاخير كان جون الستر واثنينهم طافرين فص ملح وذاب واخير شي انتهى عملة وياهم بشهر السادس 2009 وطبعا عندة ركومنديشنات من الاثنين والمشكلة العويصة ان العقود مالت العمل اللي كان يوقعها فقد نسخها وهسة هو بحيرة لان جماعة الاس اي في يريدون تأكيد من المدير
طبعا اللي اشتغلوا بالجي ار دي يعرفون انهم كملو شغل وطفروا زين يريد يعرف ظلت اكو قاعدة بيانات الواحد يكدر يطلع منها تأكيد بالعمل للعلم ان نسخ من الباجات موجودة
همة من خلال الايميلات كاللهم ما اكدر اعرف مديري وين هسة جاوبوه احنا نساعدك بس المشكلة رجعوا كالولة منكدر نحصل مديرك ونحتاج تأكيد من أحد عندة ايميل رسمي طيب العمل شلون؟؟؟

رجاءا اهل الخبرة افيدونا

تحياتي
ابومريومة البغدادي

24
السلام عليكم اخواني
عندي استفسار من حظراتكم وياريت اللي عندة معلومة اكيدة ينورني بيها
زوجتي كانت مقيمة في السويد لمدة سنتين وبعد عمليات نزاع مع دائرة الهجرة صار رفض في معاملة لم الشمل ولكن بقى الاستئناف موجود وهذا طبيعي المحامي يطول ويعرض بالقضية على العموم زوجتي طلبت من دائرة الهجرة ان تسحب اقامتها وترجع للعراق وبالفعل الغت اقامتها بعد ما عانينا ما عانينا من مصاريف سفرها ذهاب واياب من العراق الى السويد وهكذا حتى رزقنا الله سبحانه وتعالى بمريومة الله يحفظلكم اولادكم
طبعا ولادة مريومة صارت بالسويد والجواز مالتها العراقي مكتوب الولادة سويد وكذلك الجنسية والشهادة وعدها رقم برشون هي وامها طبعا ... لهنا الشغلة اوكي وماشية تمام

سؤال هو
هل نكدر نقدم على فيزة زيارة الى السويد وهل تكون مضمونة للعلم ان اهل زوجتي موجودين في السويد ومقيمين

ممكن اهل الخبرة يفيدوني بالمعلومة

25
السلام عليكم اخواني
ردت اعرف جواب على سؤالي وهو ما يسألة الكثير من الاخوة المناضلين بمنتدى عين كاوة حلوة كلمة مناضلين كبت العجة اكييييد ;D ;D ;D هسة معلينا شوكت سافرت بعد ما اتصلوا بكفيلك او حددولك موعد للسفر حتى شوية يتكشف الغموض عن هاي الفترة بالنسبة الي ولجميع الاخوة المنتظرين مثل حالتي
للعلم اني اتصلوا بكفيلي من يوم 5 نيسان ولحد الان ماكو شي
هواية حجيت بس ياريت تفيدونا حتى نوصل لنتيجة

تحياتي
ابومريومة البغدادي

26
السلام عليكم اخواني

قبل حوالي 3 اسابيع اكملت المقابلة الثانية والحمد لله عدت على خير وقبل اربعة ايام تم الاتصال بالكفيل وقام بتوقيع بعض الاوراق سؤالي هو معنى هذا ان الموافقة الامنية محتمة ام مازال هناك خطوات قبل البت بالموافقة الامنية

وما الذي يعني ادعاء المسؤولة بالمنظمة وهي جارة كفيلي بأنها بدأت بالأجراءات لحصولي على السيكيورتي نمبر؟؟؟؟

ممكن تفيدوني شنو القضية علما بانه لم يصلني حتى الان رد من المنظمة يبين وضعي


ابومريومة البغدادي

27
حبيت اسوي هاي الجمعية واللي تخص جميع اللي قابلوا مقابلة اولى ومنتظرين مقابلة المحلف المقابلة الثانية وابدي بنفسي قابلت يوم 7 نوفمبر ولحد الان ماكو اي خبر منهم


انتظر مشاركاتكم




ابومريومة البغدادي

صفحات: [1]