عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


مواضيع - mosozo2003

صفحات: [1]
1
الهجرة و واللاجئين / تقديم IOM
« في: 16:50 25/08/2013  »
السلام عليكم جميعا
اذا امكن واحد من الأخوة يشرحلي طريقة التقديم لبرنامج الـــ IOM
وتسلسلها الزمني والمستمسكات المطلوبة واكون ممنون
لان كلش متوازي عالتقديم حاليا
وشكرا للجميع
تحياتي

2
السلام عليكم جميعا
اخوان اني عندي اعادة فحص طبي وحسب ماعرفت ان مستشفى ابن البيطار هو الأفضل بالفحص الطبي على الأقل ماديا
فطلبي اخوان هو عنوان المستشفى وكيفية الحجز يعني اروح مباشرة لو لازم اتصل واحجز الأول وكلفة الفحص الطبي للشخص الواحد
وشكرا للجميع
تحياتي

3
السلام عليكم جميعا
اذا امكن رابط التقديم على برنامج الــــ

IOM

مع جزيل الشكر والأمتنان مقدما

تحياتي والله يوفق الجميع

4
السلام عليكم جميعا

موضوعي بكل أختصار ان عندي صديق ديريد يخطب بنية ... والبنية وأهلها مقدمين على برنامج الـــ IOM

ومقابلين ومبلغيهم على فحص طبي بالجديد ... وهو ناوي يخطبها هالأيام ... فالسؤال هو ...

بعد الخطوبة تكدر تضيفه للكيس مالتهم علما انها فوق الــ 21 سنة ؟

واذا يصير تضيفه هل راح يأثر على الكيس مالتهم ويأخرهم لو لا ؟؟

ومقابلتهم الثانية حتكون الأسبوع الجاي

وصايرة هيجي حالات لو لا ؟؟؟

وشكرا لكل من يتفاعل الموضوع

تحياتي للجميع

5
السلام عليكم جميعا
طلبي وبكل اختصار اني اريد اعرف شلون ارجع جوازي من السفارة وعندي مشكلة صغيرة وياه اني نسيت رقم الوصل مالت الدي اج ال الي سلمتهم بيه الجواز مالتي بالمقابلة الي جانت من زمان كلش ههههههههههه لان مقابل من شهر شباط 2011 ولحد هسة والف الحمد لله ماكو شي ....
فشلون اسحب جوازي وماعندي رقم الوصل .... وتحياتي للجميع والف شكر مقدما

6
الهجرة و واللاجئين / ممكن تفسير
« في: 21:06 12/06/2012  »
السلام عليكم جميعا
مثل مايعرف الكل انه اكو موقع IOM ويكدر الواحد يتابع الكيس مالته بيه
دخلت للموقع عادي وسجلت وتم التسجيل وفتت للموقع وجيكت الكيس مالتي همين عادي
ورة فترة فتت دااجيك الكيس مالتي وجنت ناسي الباسوورد فسويت اعادة ضبط عليه لكلمة السر مرة ثانية وفتت عادي
وراها ظليت احاول افوت للموقع ودائما يطلع عندي خطأ بالدخول حاولت اسجل مرة ثانية نفس الشي ولحد هاليوم مااكدر افوت للموقع
فشنو السالفة وليش هيجي انرفض دخولي للموقع اذا اكو تفسير من الاخوان
ليش الموقع يرفض دخولي علما ان كلشي تمام

7
السلام عليكم جميعا
بكل بساطة وأختصار ان كفيلي الي يعيش بولاية تكساس بلغني انه حيسافر لغير دولة ويرجع بعد شهر ومن يومها انقطع كل اتصال بيناتنا
حاولت اتصل بيه وجهازه مغلق وماكو اي معلومات ومن اي نوع عنه
وهالحجي من حوالي 3 اشهر
فشنو المفروض أسوي منتظر رأيكم ومقترحاتكم
مع التقدير للكل

8
السلام عليكم جميعا

اليوم جيكت عالموقع مالت الأي أو أم عمان وطلعلي هيجي

ممكن تفسير ؟؟؟؟

علما أني SIV


وشكرا مقدما

 (حالة الملف) Pending Result (بانتظارالنتيجة)

Case Size (عدد الأفراد) 1

Prescreen Interview Status (المقابلة الاولية) COMPLETED (مكتمل)

USCIS Interview Status (مقابلة المحلفين) COMPLETED (مكتمل)

Medical Screening (الفحص الطبي) IN PROCESS (فعال)

Security Review (التشييك الامني) Pending (بالانتظار)

Travel Status (حالة السفر) NO ACTIVITY (غير فعال)

9
السلام عليكم جميعا
بس حبيت أبلغكم اني يوم الجمعة راح اعمل مقابلة مع وفد فرنسي يمثل قناة
EURO NEWS
للتحدث عن احوال المترجمين في العراق بعد الأنسحاب الأمريكي
وراح أحاول أنقل الحالة المزرية للمترجمين في العراق وحالتهم وهم في أنتظار الهجرة الى امريكا
وان شاء الله خير
تحياتي

10
السلام عليكم جميعا
قبل شوية فتت على أيميل صديقي لان هو منطيني الباسوورد مالته حتى اجيكه بين فترة والثانية أله وجان اشوف الخبر الي اتمنى الجميع يسمعه او يقراه

Dear Applicant,
 

We are glad to inform you that we issued your Immigrant Visa!

 

We shipped your visa package via DHL using the prepaid slip you gave us.   Please contact the DHL office where you paid for your shipment to find out when and how you can receive your package.  You can also track your package online by entering your tracking number on your courier's web site:

·            DHL:         http://www.dhl.com

 

As you pack your bags, we remind you of the following:

 

·       Do not open the yellow envelope. Only a U.S. official at the port of entry may open it.

·       Do not pack the envelope in your checked suitcase; keep it in your carry-on luggage.

·       Bring your X-ray results to the U.S.

·       Keep your passport in a safe, easily accessible place at all times.

·       Keep copies of your passport, visa and other identification documents in your possession.


بالمناسبة صديقي مقابلته كانت يوم 22-12-2010
وورة المقابلة صارت وياه مشكلة وصار بلاكي على قول صديقي آرمي سترونك
مبروك لصديقي وان شاء الله الجميع يستلم الفيزا مالته بأقرب وقت
بالمناسبة اني داانتظر الفيزا مالتي ومقابلتي كانت شهر 2 -2011

 

11
السلام عليكم
حبيت اكتبلكم قصة صديقي الي مقابلته كانت يوم 23-12-2010
والي خطية كانت حالته النفسية جدا تعبانه نتيجة تعرضه لمشاكل في العمل (( كمترجم )) والي أدت الى فصله عن العمل
صديقي كان بحالة من الخوف نتيجة هذا الطرد والقصة المفبركة ضده والي كان من المحتمل انها تؤدي الى عرقله سفره او رفضه
قبل فترة اتصل بي هاتفيا لأبلاغي ان شخص تابع للسفارة الامريكية بعمان قام بالاتصال به هاتفيا ليبلغه بضرورة اكمال الفحص الطبي لطفلته الصغيرة التي رزق بها بعد يوم المقابله والحمد لله اكمل الفحص الطبي وقام بأرساله الى السفارة عن طريق مكتب الدي أج أل
في بغداد للسفارة الامريكية في بغداد ,,,,,,, يوم أمس أتصل بي هاتفيا ليبلغني ان شخص آخر من السفارة في عمان اتصل به هاتفيا ليبلغه كالآتي
(( موعد أصدار فيزتك سيكون الأسبوع المقبل والفحص الطبي لك ولعائلتك شارف على النفاذ (( 27-11)) فلك خياران أما ان تعيده أو أن تسافر قبل ذلك الموعد ))
وكان جواب صديقي أعطوني الفيزا وسأسافر قبل ذلك الموعد ......
خلاصة كلامي أن صديقي ستصدر فيزته ان شاء الله الأسبوع القادم وأن على كل شخص من الأخوة الأعضاء ممن موعد نفاذ فحصه الطبي قريب أن يعيد ذلك الفحص تلافيا لأي مشكلة معه في حالة أصدار فيزته
بالمناسبة اني مقابلتي كانت يوم 7-2-2011 وداانتظر وصابر مع الصابرين
تحياتي للجميع والله يسهل على الكل

12
السلام عليكم جميعا ورمضان كريم
اخوان كثرت بالفترة الاخيرة حالات الرفض لبرنامج siv
 وكله بسبب الفشل في السيكيوريتي كليرنس
فياريت واحد من الاخوة الاعضاء يشرح مراحل الكليرنس وهل التجييك الامني يكون بالعراق لو وين بالضبط
وكم مرحلة تفوت بيها الكيس حتى الواحد يفهم شديصير بالضبط

تحياتي وشكرا مقدما

13
السلام عليكم
لاحظت بالفترة الاخيرة زيادة في اعداد المرفوضين من برنامج siv ولاسباب اغلبها مع احتراماتي تافهة او مبهمة
فالقصد من موضوع هذا معرفة العدد الحقيقي للمرفوضين حتى لاتصير ضجة كبيرة والكل يعرف ان مثل هيجي مواضيع تدمر الحالة النفسية المدمرة اصلا

وبكل الاحوال اخوان اقول الله موجود والي يجي منه نعمة بكل الاحوال
والله كريم

14
الهجرة و واللاجئين / DS_260 مهم جدا
« في: 19:10 17/11/2010  »
السلام عليكم اخوان
مثل مايعرف الكل انه بالجديد بدأ العمل بفورم DS_260
واني شفته لهالفورم وبصراحة مبيه شي صعب بس بنفس الوقت مادام فورم جديد اذن الكل راح يتحير بيه
واني حاليا داانتظر الفنويس نمبر حتى أمليه لهالفورم فطلبي من الاخوان الي ملوه لهالفورم ان يشرحون أهم النقاط الواردة بذلك الفورم والنقاط الي لازم الكل ينتبهلها ويركز عليها أن وجدت
وشكري الجزيل مقدما لكل من يرد على هذا الموضوع
تحياتي

15
السلام عليكم اخوان
اكو شغلة اليوم ولد صديقي كالي عليها وهي ....
واحد من أصدقائه مقابل مقابلة بالسفارة وهو مقدم على برنامج الـ siv
وهناك مطلعيله شغلة على الريكمونديشن مالته وكايليله الأسم ممتطابق ويا الجواز ومطالبيه يعيد العملية من الأول
أريد أفهم شنو السالفة أكو هيجي شي لو حالة أستثنائية لأن اني أول واحد الأسم بالريكمونديشن ممتطابق وعلى هالحسبة شغلي الي فات كوله فاشوش .....!!!!!!!
أخوان أي واحد مقابل مؤخرا وعنده معلومات مؤكدة عن هالشي أتمنى يفوت ويشرحلنا الوضعية لان فعلا دخنا من هالشغلات والأخبار هاي
وشكرا مقدما لكل من يرد على الموضوع

16
السلام عليكم جميعا
اليوم وصلني ايميل من جماعة nvc وطلبو مني ادزلهم باقي الاوراق من الفورمات وعدم المحكومية وصورة القيد وغيره
ومن ضمن الفورمات الي طلبوها DS_157
واني هسة بحيرة لان الفورم الي دزيته للسفارة حتى احصل الكوم جان بيه السبيلنك مالت اسم الجد غلط يعني مو نفسه الي بالجواز ومااعرف شسوي هسة ادزه نفسه لو اصححه وادزه ارجو الجواب من كل الي عنده جواب لهالتساؤل لان فعلا متخوف من هالشغلة اخاف على تاليها وتتعرقل الشغلة كلها علمود شي مااانتبهتله وقتها
تحياتي للكل وشكرا مقدما لكل من يرد على تساؤلي هذا

17
السلام عليكم اخوان
مشكلتي بأختصار اني قدمت على طلب الهجرة SIV وبقيت انتظر الرد ووصلني بعد فترة وكالوا غيرنا حالتك الى حالة ثانية وهالحالة لازم احصل بيها على موافقة الـ  Chief of Mission وبعد مراسلات وياهم وكل مرة يطالبوني بأوراق شكل وصلني منهم هالايميل



We are writing to confirm that we have received all of the necessary documentation to process your Special Immigrant Visa Chief of Mission approval application.   Your case is currently under review at the U.S. Embassy in Baghdad.  Please be advised that  the US Embassy may request additional information in order to complete the processing of your application.  We will contact you in the event we need additional documentation or clarification or as soon as a decision has been made.  If you have questions, please email us at IraqSIVApplications@state.gov.

 
واني حاليا داانتظر ردهم مع العلم اني استلمت هالايميل بتاريخ

23-6-2010

وقبل مااستلم هالايميل وصلني ايميل من مركز الهجرة الي بنبراسكا يكولون ان فترة الانتظار مالتي انتهت لان انطوني شهرين واني خلصت 4 اشهر بس ايميلات ويا السفارة على الاوراق

اخوان رحمة لوالديكم بس اريد اعرف اني حاليا بيا مرحلة هسة وشحيصير وراها ومركز الهجرة الي بنبراسكا في حالة حصولي على الابروفال حيرفقه بأوراقي لو لازم ادز مرة لاخ علما اني مشتغل ويا الامريكان سنة و8 اشهر وتركت العمل وياهم من حوالي شهرين
ورحم الله والديكم
تحياتي

صفحات: [1]