مواضيع

1

الهجرة و واللاجئين / جماعه الاردن بخصوص الغاء الاقامه

« في: 01:30 07/06/2012  »

اخواني و اخواتي الاعزاء

عندي سؤال لجماعه الاردن اذا ممكن

احنه طلعنه اقامه وديعه العام بعد صدور قرار العفو من الغرامات حبيت اعرف كم من الوقت الواحد يحتاج حتى يلغي الاقامه و يكدر يتصرف بالفلوس
يعني معامله الغاء الاقامه و فك الفلوس شكد تاخذ وقت

مع الشكر الجزيل

2

الهجرة و واللاجئين / اعاده لفحص الاشعه ؟؟؟؟؟ ارجوا المساعده

« في: 00:54 22/01/2012  »

مرحبا اخواني و اخواتي

اني الفحص الطبي مالتي صار اكسباير يعني فات على اول فحص طبي 7 اشهر و قبل كم يوم سويت فحص طبي ثاني و الغريب بالموضوع انه اجاني تلفون من المنظمه يطلبون بيه اعاده فحص بس للاشعه مع العلم انه الفحص الاول كان عادي يعني ما اتصلوا بيه مره ثانيه اني الصراحه كلش قلقه ما اعرف حسيت الممرضه مدتوضحلي السبب تكولي صوره الاشعه مو واضحه و الطبيب يريد منج تجين تسوين مره ثانيه صوره اشعه و شافتني شويه ارتبكت و خفت كالت ماكو شي يخوف بس اني ممرتاحه سؤالي اخواني و اخواتي اكو احد صايره وياه طالبين منه اعاده فحص للاشعه فقط بحجه انه غير واضحه علما اني بعمان

مع الشكر الجزيل

3

الهجرة و واللاجئين / منو ممخابرين كفيله بعد 6 اشهر من موافقه المحلف

« في: 19:03 20/12/2011  »

اخواني و اخواتي الاعزاء

اني من مستلمي الظرف يوم السبت 25-06-2011 بس لحد الان ما متصلين بكفيلي و بصراحه موضوع الاتصال بالكفيل شاغل تفكيري يمكن اكثر من الامنيه لان احسه خطوه يجب ان تسبق الامنيه فمعناها شغلتي كلش طويله

علما انه اني غيرت الولايه بعد تقريبا 3 اشهر و نص من استلام الظرف لان جانت فرجينيا و كفيلي كالي تره كلللش قليل ديستقبلون لاجئين هنا فاني غيرت الى نورث كارولاينا بس قبل ما اغير الولايه راسلت الاي او ام و كالو ابدا مياخر معاملتج تغيير الولايه

اريد اشوف طبيعي كل هالوكت ممخابرين الكفيل اشو اشوف النسبه كلش قليله اغلب المقدمين خلال 3 اشهر يخابرون كفيلهم

انتظر ردودكم رجاءا

4

الهجرة و واللاجئين / جمعيه الي ملفاتهم HOLD على الموقع الالكتروني للاي او ام

« في: 00:03 22/11/2011  »

اخواني و اخواتي

حبيت اسوي هاي الجمعيه حتى نقارن بالمراحل الي واصليلها و بحاله الكفيل و التجييك الامني و المده منذ استلام الظرف حتى نشوف العوامل المشتركه و ليش الملف مكتوب عليه تعليق

كذلك اذا استجد اي جديد على حاله اي ملف و تحول من الHOLD الى ال ACTIVE نشوف شنو ممكن يكون سبب تحول حاله الملف

ارجوا منكم اخواني و اخواتي المشاركه للفائده و لكم مني جزيل الشكر

ملاحظه :- اني مخلصه كلشي بانتظار الامنيه و ما متصلين بالكفيل
استلام الظرف كان 25-6-2011

5

الهجرة و واللاجئين / سؤال عن مواعيد الدوره التثقيفيه

« في: 13:30 17/11/2011  »

اخواتي و اخواني الاعزاء

ردت اسال عن مواعيد الدوره التثقيفيه بعمان يعني كل شكد اتصير دوره تثقيفيه لان من الي دا اشوفه هسه الي يخابروه على دوره تثقيفيه بعدها بفتره قصيره ينطوه موعد سفر

و سؤال ثاني المفروض قبل بشكد ياخذون الجواز علمود الفيزه يعني قبل الدوره التثقيفيه لو بعدها

مشكورين مقدما

6

الهجرة و واللاجئين / اكثر ولايه دتستقبل لاجئين ؟

« في: 00:35 09/10/2011  »

مرحبا اخواني و اخواتي

طبعا اني موضوع الكفيل نرفزني و الصراحه اني ممرتاحه نفسيا لان صار من شهر السادس لحد الان ممتصلين بيه و الي مزيد الطين بله انه هو كافل 4 عوائل و ما متصلين بيه على ولا عائله يعني الخلل اتصور لو بالكفيل لو بالمنظمه علما اكو عواءل صار سنه و نص من مستلمه الظرف فاريد اغير الكفيل حتى ارتاح نفسيا

اي ولايه دتشوفون دتستقبل لاجئين لان اني الصراحه اعرف هوايه اصدقاء و اقارب بمعظم الولايات فكلت اشوف ياهو الاحسن بلكت عندي احد هناك

من بين الولايات التاليه ياهو الافضل ؟

تكساس
اوريغون
فلوريدا
كاليفورنيا
نورث كارولاينا
كولورادو
فرجينيا
نيويورك

انتظر ردودكم قبل لا اخذ الخطوه
شكرا مقدما

7

الهجرة و واللاجئين / هل يوثر تاريخ الكفيل على قبول الملف او ممكن يؤدي للرفض

« في: 02:39 29/09/2011  »

اخواني و اخواتي

هل يوثر تاريخ الكفيل على قبول الملف او ممكن اذا الكفيل كان بعثي كبير او من مؤيدين النظام السابق ان يؤدي هذا الى رفض الملف او نسيانه مثلا

لان كفيلي كافل اكثر من عائله و اكو صارلهم اكثر من سنه من مستلمين موافقه المحلف و الغريب بالموضوع ما متصلين عليه علمود اي ملف

شكرا مقدما

8

الهجرة و واللاجئين / اشكد اطول عمليه استلام الظرف

« في: 02:17 25/06/2011  »

مرحبا اخواني و اخواتي

حبيت اسال بما انه كل الاعضاء نايمين الي بجمعيه الي ينتظرون النتائج باجر كلت بلكت اكو من جماعه الشهر ال3 احد كاعد

باجر اشكد اطول السالفه مال توزيع النتائج يعني هم شتله لو سريعه و احتاج اخذ اكل و شرب اني عندي طفل عمره سنه و نص لو ماكو داعي

و شكرا

9

سجل الزوار و باب الاقتراحات / تغيير اسم اذا امكن رجاءا

« في: 17:20 07/06/2011  »

مرحبا و سلام الى كل الاداريين المحترمين

ممكن طلب بدون زحمه عليكم احب اغير اسمي من مهندسه ز الى ريحانه اذا ممكن

مع الشكر الجزيل مقدما

10

الهجرة و واللاجئين / تفاصيل مقابلتي ويه المحلفين (عمان)

« في: 14:15 07/06/2011  »

اخواتي و اخواني الاعزاء

حبيت اليوم اشاركم تفاصيل مقابلتي ويه المحلفين طبعا اني مسبق ان كتبت خابروني على موعد كلت فد مره انطيكم الصافي يوم المقابله

اول شي رحنا الساعه 7 و نص الصبح و كانت القاعه الخارجيه مليانه عواءل خير من الله بحيث بالكوه لكينا مكان نكعد بيه و استمرت العواءل بالدخول الحمد لله الامور تبشر بخير

دخلونا بعدها بالتدريج الى بنايه الاي او ام طبعا تعرفون العراقيين اجتماعيين كعدنا نسولف و ناكل و نلتهي بالاطفال منشوف الساعه اله صارت بالوحده احنه بقينا من اخر العواءل طبعا و جانت كلش متعبه شغله الانتظار بعدين صاحونا دنروح نبصم

بصمنا و كال رجعوا انتظروا بالقاعه بعد انتظار تقريبا نص ساعه اجه المترجم صعدنا بالمصعد و رحنا على الطابق الي بيه المحلفين
طبعا غرفه المحلف شويه تخوف لان شويه ظلمه و هذا الزجاج الفاصل شويه يخوف اشو
المهم طبينا للغرفه تفاجأنا بوجه جدا لطيف و طفولي وحده كلش لطيفه حبابه كالت تفضلوا كعدوا ظلت اول شي تتشاقه ويه ابني الصغير و نطته مصاصه و اصباغ و اوراق

حاولت اتزيل التوتر لان شويه سولفت ويانه باشياء عامه قبل المقابله و اتشاقت ويانه
بعدين كالت اوكفوا دنأدي القسم

المهم اني صاحبه الكيس فسالت زوجي كم سؤال عن العسكريه و اخذت دفتر الخدمه و عن انتماءه للحزب و كالتله تكدر تتفضل انت و الطفل و عوفلي المدام طبعا اني صخنت كلت استفاد

بما انه لغتي الانكليزيه زينه كتله للمترجم ماكو داعي اني اكدر احجي وياها مباشر كلي براحتج

سالتني شوكت طلعتوا من العراق
ليش
شلون اثر التهديد عليج نفسيا او معنويا و على حياتج

هل قمتم باي زياره للعراق بعد دخولكم  الاردن

ليش برايج هاي الجماعات هيج دتسوي شنو هدفها و منو هاي الجماعات ممكن تسميهم

شوكت انتميتي للحزب و هل عندج اي نشاطات او تدفعين اشتراكات

هل انتي حامل (طبعا هذا السؤال سالته مرتين مع انه اني تره كلش ضعيفه هسه عبالكم كلش سمينه اني و دتشك)

شنو يصير اذا رجعتوا للعراق

الغريب بالموضوع ما ركزت ابدا على القصه و تفاصيلها سالت سؤالين كلش مباشره و سهله عن القصه و اني جنت محضره ميه سؤال افتراضي

هاي اغلب الاسئله الي اتذكرها المقابله بصوره عامه جانت زينه الحمد لله و طولت تقريبا 25 دقيقه و لا تستدعي اي خوف او قلق انشاء الله نصيحتي كون جدا هاديء و مسيطر و كون مبتسم و بشوش بس مو تضحك و انت تحجي على قصه التهديد قصدي يعني كون بشوش
سلم على المحلف قبل المقابله باتسامه و من تخلص شكرا على وقتكم و مع السلامه (اصلهم بحبوا الحاجات دي)

تواريخ التقديم
مباشر اي او ام شهر السابع 2010
مقابله اولى منتصف الثالث 2011
مقابله محلف بدايه السادس 2011

اي سؤال اني حاضره و احب اكلكم كل الي ينتظرون مقابله اولى و ثانيه او مقابله محلف استبشروا خيرا لان الامور الحمد لله مسهليها انشاء الله

11

الهجرة و واللاجئين / مدا احصل الاي او ام على تلفوناتهم

« في: 03:22 03/05/2011  »

مرحبا اخواني و اخواتي

صارلي تقريبا اسبوع اخابر على الاي او ام من عمان و مدا احصلهم من تطلع الانسر مشين و تكول ادخل الرقم الفرعي الي هو 828 او 829 وره ما ادخل الارقام الفرعيه يكولي مره ثانيه نفس الكليشه" اذا كنت تعرف الرقم الفرعي ادخله الان" او مرات يطلعلي اوقات الدوام من الساعه الفلانيه الى الساعه الفلانيه مع انه اني مخابره خلال وقت الدوام و مو بساعه الاستراحه اي احد صاير وياه هيج طبعا للامانه اني خلال الاسبوع مخابره 4 مرات باوقات مختلفه

مشكورين مقدما على جوابكم

12

الهجرة و واللاجئين / ممكن الحصول على اعفاء من الغرامات في الاردن؟

« في: 04:52 26/04/2011  »

مرحبا اخواني و اخواتي

عندي سؤال و اتمنى تساعدوني بالاجابه عنه خصوصا جماعه الاردن

احنه اجينا و ما سوينا اقامه على اساس الشغله مو هلكد اطول بعدين دنشوف السالفه طويله و زوجي مديكدر يحصل شغل بدون اقامه ففكرنا نطلع اقامه بما انه احنه محلفين ما مقابلين بعد يعني ورانا مشوار طويل

سؤالي هو : بالنسبه للغرامات ممكن نحصل اعفاء منها باي طريقه يعني بتقديم طلب او هيج شي لان صارت مبلغ لا يستهان به و اتصور لا يمكن نقدم على اقامه بدون دفع الغرامات المتراكمه علينا

شكرا للجميع مقدما

13

الهجرة و واللاجئين / هل الموظف الحكومي مشمول بطلب اللجوء

« في: 03:38 27/02/2011  »

اشلونكم اخواني واخواتي الاعزاء

انشاء الله الجميع بخير

عندي سؤال سالتني اياه صديقتي من بغداد زوجها يشتغل باحد الوزارات الي تعرضت لاعمال ارهابيه و كلش اثر هذا الشي على نفسيته لان الكثير من زملاءه بين متصوب و اصابته بليغه ملازمته مدى الحياه و بين شهيد و شهيده الى رحمه الله

سؤالي هو هل من الممكن اذا ذكر هذا الشي لليو ان او الاي او ام يقبلوه علما انه هو اخذ اجازه بدون راتب لمده سنه و تكول نفسيته تعبانه ميكدر يرجع يشتغل و ميريد اصلا يبقى بالعراق

شكرا لكم مقدما

14

الهجرة و واللاجئين / ملفات العائله الي تكون Soft Connected

« في: 02:30 26/02/2011  »

مرحبا اخواني و اخواتي الاعزاء

انشاء الله الجميع بخير

عندي سؤال و ارجوا من اعضاء المنتدى مساعدتي

احنه عائله مقدمه ملفين و مربوطين ربط ضعيف اني و زوجي و ابني بملف و اهلي بملف ثاني حاليا اهلي مو بعمان و ما اتصور رح يجون عن قريب بس نطوا رقم تلفوني للاي او ام و كالو اذا اتصلوا علمودنا انطينا خبر بلكت نكدر نجي الصراحه همه مقدمين مو بواهس يعني اذا مصارت مو مشكله

اني كاعده بالاردن انتظر موعد مقابله اولى سؤالي اذا خابروا المنظمه و نطوا موعد لاهلي فقط و ما كدروا يجون هل ياثر هذا على ملفي باعتبار الربط ضعيف

سؤالي الثاني هل من الممكن ينطون موعد للملفين بيوم واحد و اذا اهلي مكدروا يجون ما يجوز احنه وحدنا نقابل و هل يجب تبليغ المنظمه مسبقا بعدم امكانيه اهلي بالمجيء لو نروح و نكولهم بالمقابله ؟

اشكركم مقدما

15

الهجرة و واللاجئين / هل يمكن اضافه تفاصيل بسيطه على القصه

« في: 04:06 22/02/2011  »

اخواني و اخواتي الاعزاء ,

طبعا دا اضوجكم هالايام بالاسئله اتحملوني والله لان ماكو غير موضوع شاغل بالي

سؤالي : هل يمكن اضافه تفاصيل بسيطه او متوسطه على القصه في المقابله الاولى للاي او ام مثلا لو حسينا انه القصه تحتاج تفاصيل تخليها شويه اكثر مقنعه علما انه القصه موثقه في مقابله التوطين

شكرا الكم مقدما

16

الهجرة و واللاجئين / سؤال عن برنامج ال USRAP

« في: 03:34 21/02/2011  »

اخواني و اخواتي الاعزاء ,

اكثر الي مقدمين مباشر على هذا البرنامج اكيد يعرفون ال6 مجموعات المشموله بالبرنامج

سؤالي هو هل اي شخص او عائله مشموله بالبرنامج يجب ان تكون الها قصه تهديد مقنعه او كافي انه همه مشمولين بالبرنامج و حاسين بخطر

17

الهجرة و واللاجئين / سؤال عن دفتر الخدمه العسكريه

« في: 17:55 06/02/2011  »

مرحبا جميعا اعضاء المنتدى الكرام

اذا ممكن سؤال و الي عنده جواب يساعدني

زوجي ما خادم عسكريه بس هو هسه ما عنده الدفتر مال الخدمه يعني ضايع ابغداد هل هذا يسبب اشكال اذا استدعونه لمقابله مال اي او ام احنه حاليا بعمان دننتظر مقابله اولى اي او ام يخابرونه عليها

شكرا مقدما

18

الهجرة و واللاجئين / كم يوم قبل موعد المقابله الاولى يتم الاتصال من قبل الاي او ام

« في: 02:24 29/01/2011  »

مرحبا اخواني و اخواتي,

حبيت اسال قبل كم يوم يتصلون الاي او ام لتحديد موعد مقابله اولى يعني قصدي اشكد المده الزمنيه بين المكالمه للابلاغ عن الموعد و موعد المقابله

يعني لو شخص عنده احد افراد عائلته مو بمكان المقابله يلحك يجي لو لا

شكرا

19

الهجرة و واللاجئين / سؤالين ارجوا المساعده فيهم

« في: 00:52 03/01/2011  »

مرحبا اخواني و اخواتي,

اني عضوه جديده بالمنتدى احب اولا اشكر القائمين على هذا الموقع على جهودهم في مساعده العراقيين و خصوصا طالبيي اللجوء

سؤالي الاول : اني قدمت تقديم مباشر على الاي او ام عمان من شهر السابع و لحد الان ماكو اي خبر منهم بس بنفس الوقت قدمت على اليو ان , دزوا عليه باليو ان على مقابله توطين هل فايلي الي رح يروح لقسم التوطين من اليو ان ياثر على تقديمي المباشر لو الى اي فايل تكول الاولويه

سؤالي الثاني : اثناء مقابله التوطين سالتني الموظفه الاميركيه اذا اني كنت منتميه الى حزب البعث سابقا و اني من النوع احب اكون صادقه فكتلها اي اثناء فتره الاعداديه كان الانتماء شبه اجباري و بضغوط بس اني كنت مؤيده و بقيت و ما كنت احضر اجتماعات و لا اي شي مجرد انتماء اسمي هل هذا رح ياثر على عمليه قبول قضيتي

شكرا جزيلا مقدما
مع التقدير