عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - ارام كوردى

صفحات: [1]
1
اخي صاحب الموضوع
قبل أسبوع من مرور عام على دخولك أمريكا أبدا معاملة الكرين كارد وأرسلها الى الدائرة و اذكر في المعاملة مدة غيابك او بقاءك خارج أمريكا، نصيحتي لك نابعة عن تجربة شخصية أنا وعائلتي بقينا خارج أمريكا خمسة أشهر وبعد عودتنا قدمنا على الكرين كارد في الوقت المحدد بالرغم من ان بعض الأصدقاء نصحونا بحساب مدة بقاءنا خارج أمريكا و من ثم التقديم ولكنني قررت التقديم و لو حسبوا المدة سوف نقدم بعد خمسة أشهر ، و الحمدلله مشت المعاملة بدون عراقيل او حسبان لمدة البقاء خارج أمريكا ، كما قلت هذه تجربتي الشخصية مع تحياتي

2
صباح الخير

الاخ العزيز عفولي أسف لتأخر الاجابة لانشغالي بامور السفر و انشالله كلكم تسافرون، اخوي من صار حالة السفر أنتظار خابروني على موعد السفر بعد خمسة ايام ومن ذاك ألوكت الموقع نفس الشى ما متغير ، مع تحياتي.

3
السلام عليكم
شكرًا على تبريك صديقنا A fox و للاخت ميريام الحمد لله على وصولكم بالسلامة انشاء لله تكونون بصحة و عافية .

4
صباح الخير
اشكر جميع الأخوة والأخوات على ردودهم واتمنى السفر القريب للجميع، والله إخوان شغلة الفحص مدوخنا يعني إحنا لازم كبل يوم الفحص نسافر من السليمانية لبغداد و ثاني يوم نفحص و نرجع كبل السليمانية و اليوم الجاي نسافر لاربيل و نطير على عمان و باريس و نيويورك ، شلون مرمطة صدك من كال راد يكحلها عماها، بالنسبة إلنا جان أحسن لو سافرنا من بغداد مو هيج؟

5
الف شكر لكافة الأخوة والأخوات على ردودهم انشاء لله الكل يسافرون قريبا، بالنسبة للسؤال السفر مثل ما جانت كبل من بغداد هسة صارت إربيل عمان فرانكفورت نيويورك ، يعني من إربيل اكو طيران مباشر لأوروبا ماادري ليش ما حذفوا عمان؟؟؟؟؟؟؟؟

6
السلام عليكم
احب ابشر اعضاء الجمعية ان اليوم خابروني من عمان و انطونا موعد سفر من أربيل يوم 16-1-2013 مع تمنياتي للجميع بالسفر القريب.

7
السلام عليكم
احب أبشركم اليوم خابروني من عمان و أنطوني موعد سفر 16-1-2013 و من مطار أربيل يمكن هاي لأني ساكن بالسليمانية !!!! بس هم خلوالنا السفر من اربيل بس لازم كبل يوم نروح البغداد نفحص و نرجع نسافر من اربيل وراها بيوم،أني كلشى بالموقع مالي مكتمل و حالة السفر صارت انتظار كبل 5 ايام.
رقم الملف --- 105 ومقابل محلفين شهر 8 2010، فحص طبي 3مرات .

8
مساء الخير
تحياتي لكافة اعضاء جمعيتنا العريقة العتيقة، طبعا أني من زمان ماداخل على الجمعية لأنو بصراحة كلنا ندري بحال بعضنا و الواحد ما بقه عند واهس يكتب اي شي، بس اليوم ردت أبارك للأخ توفي والأخت كالاكسي سلامة الوصول مع تمنياتي لهم بالنجاح والتوفيق،  ثاني شي بالنسبة لملفي هسة الملف فعال وكل شي مكتمل ماعدا موعد السفر غير فعال ، مع تمنياتي للجميع بالسفر القريب.

9
مساء الخير على الجميع ،
الظاهر انو إحنا جماعة فرجينيا راح ينطونا مفاتيح المنتدى على مود نسد البيبان من نسافر ورا الجميع، إحنا أعدنا الفحص بنهاية شهر اب و بعدين صارت مكتملة و رجع الأمنية انتظار وهسة حددوا لنا المطار بس الغريب انو بحقل المدينة كاتبين واشنتن دي سي بس أني على اساس فيرفاكس ، هي صحيح قريبة من دي سي بس ماافتهم سبب التغيير؟

10
الف مبروك أخونا ابن المشتل ، إحنا مخلصين كشلي ومنتظرين موعد سفر و الولاية فرجينيا بس لو مايصير زحمة عليك اسم المنظمة و بيا مدينة حضرتك ؟ مشكور و انشاء لله تشوف الخير.

11
الف مبروك للأخ العزيز وسام، انشاءلله تشوفون الخير ، اخوي اني قضيتي تقريبا مشابهة لقضيتك لأني راح أعيد الفحص نهاية هالشهر و أمنيتي كاملة بس المشكلة انو كفيلي احتمال يرجع للعراق و يبقى هنا فترة و هسة اني محتار شيصير ندور على كفيل جديد او انو مادام وقع الاوراق مراح يفرق، بس اريد أتأكد منك كبل جم يوم من السفر كفيلك غير رأيه و هل  المنظمة بقت هي هي و سكنوك بنفس المنطقة؟ مع تحياتي الك والعائلتك.

12
مساء الخير و مبروك عليك اخوي زا بيست بمناسبة تحرك الكيس مالتك ، اخوي اذا تتذكرني اني من قدماء هالجمعية و بالضبط اخر مقابلة الي جان بشهر 8 2010 و الحمدلله الأمنية مالتي صارت مكتمل من نهاية شهر ايار يعني كبل شهرين و نص تقريبا و كبل يومين خابرونى على اعادة فحص طبي نهاية هالشهر، انشاءلله اني وياك و كل الكيسات القديمة والجديدة تسافر و تخلص من الانتظار القاتل.

13
صباح الخير، اني هم مثلكم من جماعة العصر الجليدي والرقم مالي***105 !!!!!!!!! اكول خل نسوي جمعية و نطالب ال اي او ام بحقوقنا بلكي ينطو كل واحد مننا قطعة ارض 200 متر ركن!!!!!!!!!!!!!!!!!!!!!!!!!!!

14
السلام عليكم، اني أمنيتي كملت من نهاية الشهر الخامس و لليوم ماكو شي ،علما ان الفحص اكسباير من شهر السادس، اي زي ***105 !!!!!!!!!!!!!!!!!!!!!!

15
السلام عليكم، أخوكم مقدم من 2008 اي زي / 105 ، خلصت كل المقابلات والفحص بال 2010 و اعادة فحص حزيران 2011 ، واليوم صار شهرين من اكتمال الأمنية على الموقع و بعد ماكو شي ، اكول راي وبصراحة اني من زمان غسلت ايدي من شغلة ال اي او ام و ما اتصور انو راح يصير اي تقدم بخصوص الملفات القديمة . 

16
الله يكون بعوننا أخوية ، أنى من القدماء وال اي زي مالي ***105 وبعدنا عالشحن، بس صار شهرين من تغير حالة التشيك آلامني الى  مكتمل  و بعدها ماكو شي.

17
ألأخوة وألأخوات: العراقي,ماثيو المهندس,عابر سبيل و ميمي شكرا على ردودكم ندعو من الله يفرجها علينا كلنا, ألأخ ابو شمس وكريستيانو والله اخوان اول وتالي هي صحيح فترة الأنتظار طويلة بس ندعو من الله اذا بيها الخير يقدمه لنا واذا ما صاير النا فيها نصيب فنحمد الله و نشكره على كل شيء,ألأخ العزيز (ملت روحي) حالتنا نفس الحالة اصغر شيء فى البيت مانكدر نغير والله اكو شغلات مأجليها من 2009 على اساس راح نسافر قريبا و نوفر فلوسها لأمريكا, بس مثل ماكلنا ماعدنا غير الصبر والتوكل على الله, ألأخ الشائع شكرا على ردك و انشألله يكون 2012 عام الفرج لنا جميعا .

18
أخواني وأخواتي اعضاء المنتدى ,كل عام والجميع بخيروانشأللة يسافر الجميع قريبا, اليوم اني وعائلتي دخلنا العام الرابع من مشوارنا مع المنظمة والي ابتدا من يوم 6/11/2008 وهو يوم التقديم على البرنامج(من العراق طبعا) وخلال هاي السنوات سوينا كل المقابلات و اعادة مقابلة المحلف شهر 8/2010 و اعادة فحص طبي 6/2011 , طبعا كلكم تعرفون معانات ألأنتظار القاتل و الوقوف مكتوف اليدين بأنتظار الفرج الذي ليس له أثر, ولكن تبقى النقطة الأساسية بالنسبة لنا هي بعد كل هذا ألأنتظار مالحل غير الصبر؟ واعتقد كل الي تقدمو على البرنامج من اول يوم اجرو مقارنة بين ماهم فيه ألأن و ماذا يوجد في الطرف ألآخر(امريكا) وماذا سيتغير في حياتهم و ماذا سيخسرون بأنتظار امريكا, اعتقد ان المقارنة مازالت قائمة بل ان الوضع العراقي يتجه أكثر فأكثر نحو المجهول و الخيار ألأمثل يبقى (برأي الشخصي) هو ألأنتظار و المتابعة مادامت هناك بصيص من ألأمل.

19
صباح الخير:
اول شي الف مبروك للأخت زهرة الصبار , و اسف عن انقطاعي عنكم طبعا تدرون حالتنا النفسية نحن القدماء, كبل اسبوع خابروني من جديد من المنظمة وسالوا وين ساكنين كلت بالسليمانية كال تجون على بغداد على الدورة التثقيفية كلت لا والله صعبة شوية كال مو مشكلة ماراح تأثر على سير الملف كلت اي شي جديد موعد سفر موافقة امنية كال ماكوشي و راح نتصلك بيك من يصير شي جديد, طبعا اني كفيلي بفرجينيا و منظمتنا هي المنظمة الكوردية لحقوق الأنسان الي فلست!!!!!!!! كبل يومين كفيلي أتصل و كال خابروه من منظمة ( ) ألأثيوبية و كالوا انو ملفي تحول يمهم و راح يتصلون بيه من يصير الكيس حاضر للسفر, و هيجي مثل ما تشوفون كنا مقهورين و ضايجين بأنتظار الأمنية هسه زادت عليه شغلة افلاس المنظمات و التحويل بيناتهن , تحياتي و تمنياتي للجميع بالسفر القريب.

20
شكرا على الرد اخوية ابو حاتم, وألأخت الملاك شكرا على الرد و التصحيح.

21
مساء الخير على الجميع:

ألأخت الملاك الحائر و كافة ألأعضاء, تحياتي للجميع و آسف على الانقطاع عنكم ,مثل ماتعرفون اني اخر مقابلة محلف الي جان بشهر 8/2010 واعدت الفحص الطبي 6/2011 و كبل اسبوع خابروني على دورة تثقيفية كلتلهم اني من السليمانية صعبة شوية علينا نجي للدورة كال مو مشكلة مايأثر على سير الملف ، علما انوخابروني على الدورة بشهر الرابع جاوبتهم نفس الجواب, المهم اني على اساس فرجينيا فيرفاكس عن طريق المنظمة الكوردية بس كبل يومين خابرني كفيلي كال خابروه وكالوله الملف مالي اتحول على منظمة ( ECDC) ألأثيوبية و راح يتصلون بيه من يجي موعد سفرنا, ارجو من ألأحبة الي عدهم معلومات عن هاي المنظمة يشاركونا فيها , مع تحياتي وتمنياتي بالسفر للجميع.

22
مرحبا على جميع متابعي عنكاوة, طبعا منتظري الأمنية يعرفون انو من يستفسرون عن الكيس مالهم يكون الرد مو اكثر من سطرين ,التجييك الأمني الروتيني و مانعرف هاي شكد تطول, بس اليوم اكو أختلاف و من خلال متابعتي لمشاركات الأعضاء تبين انو اكو صيغة رد جديدة واني استلمتها اليوم و كذلك اخوان اثنين من الأعضاء وهم كل من ابو زيد و لورانس العراق, راح انزل الرد الجديد الي استلمناها احنا الثلاثة اليوم, تحياتي للجميع.

Dear Sir/Ma’am,

 

Thank you for your email,

 

A careful review of our records indicates that your case is currently pending U.S. Government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you with update accordingly.

 

Kind Regards,

IOM Information Center


23
الأخ ابو زيد
تحياتي لك و أدعو لك بالسفر القريب, اني مقابل المحلفين بشهر 8/2010 و الرقم مالي 105 ,دزيت ايميل استفسار للمنظمة واليوم جاني الرد نفس صيغة الرد الي اجالك و انشأللة بشارة خير.

24
تحياتي لجميع اعضاء الجمعية:

اسف على انقطاعي عن جمعيتنا في الفترة الماضية, كلكم تدرون حالتنا النفسية, مثل ما تدرون اني الكيس مالي ماشأللة عامرة, فحص طبي مرتين 6/2010 و 6/2011 و كذلك مقابلة محلفين مرتين 6/2010 و 8/2010 و اليوم مر سنة على مقابلتي الثانية للمحلفين, كبل يومين دزيت ايميل استفسار للمنظمة واليوم اجاني الرد بس شكل الرد مختلف عن سابقاتها و بيها صيغة جديدة و يذكر بيها انو قضيتي محتاجة مراجعة امنية ضرورية قبل السفر!!!!!!!!!! وراح انزل الرسالة خل اشوف راي اعضاء الجمعية.
مع تمنياتي بسفر الجميع و نهاية الأنتظار.

Dear Sir/Ma’am,

 

Thank you for your email,
 

A careful review of our records indicates that your case is currently pending U.S. Government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you with update accordingly.

 

Kind Regards,

IOM Information Center


25
مساء الخير على الجميع
حبيت اشارك بجمعيتكم , اني همينة من جماعة شمال فرجينيا مدينة فيرفاكس و كفيلي وقع الأوراق بشهر 3 هالسنة وانشأللة يوم النسافر كلنا, تحياتي للجميع.

26
صباح الخير عزيزي توفي ,شكرا على ردك واسف على اجابتي المتأخرة لأني ماشفتهة لحد هالصبح, اخوية هاي الرموز مال الرسالة بلكي تكون مثل بشارتك أمنية ماقبل السفر, تحياتي
security check/EHF/IZ

27
مساء الخير على الجميع تحياتى لكافة اعضاء المنتدى ,القدماء و الجدد ايضا, اليوم صار شي غريب البارحة دزيت ايميل للمنظمة للأستفار عن قضيتي ,اليوم اجاني الرد نفس السالفة مالت الثمن الشهور السابقة منذ موافقة المحلف وهي (تحت التجييك الامني الروتيني) بس مع فارق غريب والي اتمن منكم تساعدوني اذا عدكم تفسير, بنهاية الرسالة اكو هالأضافة الجديدة:

Please note that once you are scheduled for the travel, you will be contacted

طبعا المعنى واضح انو متى ما رتبولي السفر راح يتصلون, بس الغريب انو هاي اول مرة تجينى هيجى رسالة, ما ادري هل هذا دليل على شي معين ام انو صرنا مثل الغريق بكل قشة نتشبث.

28
مساء الخير

البارحة رحت اني وعائلتي على ابن البيطار و اعدنا الفحص الطبي لأنو صار اكسباير بعد مرور سنة وعشرة ايام على الفحص الاول، الجديد انو صار اسهل من كبل هسة الاشعة صايرة مقابيل ابن البيطار يعني الفحص والأشعة كلها خلصت بساعتين، الغريب انو ورا ساعتين خابروني المنظمة من عمان و البنية سألت كملتوا الفحص؟ كلت اي نعم كملناها, كالت خلاص بس ردنا نتأكد, كلت اكو عندج اي معلومة عن موعد سفرنا ؟ كالت اي شي جديد راح نتصل بيك, هسة الكيس مالتي ماشأللة صايرة تحفة ,
مقابلة اولى 3/2010
مقابلة ثانية   6/2010
فحص طبي   6/2010
اعادة مقابلة ثانية 8/2010
موافة محلف       8/2010
اتصال باكفيل و توقيع الاوراق 3/2011
اعادة الفحص الطبي           6/2011
موعد سفر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
 

29
صباح الخير على الجميع:
سلامات للآخت كالاكسي، اليوم الصبح اجاني ايميل من المنظمة كلت هاي هي موعد سفر ,طلع يكول انو راح يتصلون بي قريبا لآجراء الفحص الطبي وانو الكيس مالتي في تقدم ومنتظرين نتائج الأمنية, هاي جنت اتوقعها لأنو الفحص مالي صار اكسباير و جنت مسويها كبل سنة و 4 ايام بالتحديد, تحياتي لكم جميعا.

30
السلام على الجميع:
دعما لمبادرة الأخ عفولي اني همينة راح اجدد معلمات قضيتي العريقة جدا والي بيها مواصفات خاصة يعني فول مواصفات.
IZ-105xxx
اول تقديم لل اي او ام  11/2008 !!!!!!
مقابلة اولى   3/ 2010  !!!!!
مقابلة ثانية وفحص طبي 6/2010
اعادة مقابلة ثانية 8/2010  !!!!!!!!!!!!!!!!!!!!!!!!!!!!!!
موافقة محلف 8/2010
الأتصال بالكفيل و توقيعه للأوراق 4/2011 ولاية فرجينيا /فيرفاكس
كبل اسبوع خابروني على مود الدورة التثقيفية كللتلهم ما اكدر اني في السليمانية كالو مو مشكلة , سألت عن اخبار او مواعيد كالا ماكو شي جديد.

تحياتي وتمنياتي بالسفر للجميع

31
مساء الخير على الجميع

اخوي العزيز عفولي مشكور عيني وانشألله السفر القريب ,عينى اذا نحسبها برقم ال اى زى يمكن اكون اقدم عضو بالجمعية اني رقمي بدايته IZ-105

32
مساء الخير
الاخوان توفى زرزور و رايان والاخت سارة :
شكرا على اجوبتكم ,اني هم اتصور انو يمكن ماله علاقة بموعد السفر بس على الاقل الواحد يحس انو ديمشون معاملته و يشتغلون عليه و هذا دينطيك جرعة امل و انشألله يأتي الخبر المفرح للجميع, تحياتي للجميع.

33
السلام عليكم كافة اعضاء المنتدى:

اني قابلت محلفين بداية شهر 8 2010 و وراها بشهر حصلت موافقة المحلف, كبل شهر اتصلوا بكفيلى وراح وقع الاوراق, اليوم خابروني على مود الدورة التثقيفية في بغداد بس اني بعيد 4 ساعات من بغداد فكالوا مو مشكلة الدورة ما تشملكم، هسة اني اريد اعرف من اهل الخبرة هل انو الدورة التثقيفية معناها قرب السفر او انى على جدول السفر ؟ او بمعنى آخر شكد تطول المدة بين الدورة و السفر ؟  مع تحياتى و تمنياتى للجميع بالسفر القريب. اخوكم ارام كوردي

34
تشكر اخوى توفي والله حجيك طلع صح اليوم خابرونى من جديد بس من غير رقم ,البنية كالت انت و زوجتك عدكم دورة تثقيفية كلتلها احنا حوالي 4 ساعات من بغداد مانكدر نجى, كالت خلاص مدام انتو خارج بغداد ما يشملكم , سألتها عن موعد سفر كالت ماعندي معلومات، هسة اني ماادري هل الي يخابروا للدورة معناها انو على جدول سفر او شكد يطول السفر من ورا الدورة التثقيفية؟ مع تحياتى للجميع.

35
صباح الخير على الجميع

اخوانى وأخواتى اعضاء الجمعية قبل حوالى 3 اسابيع اتصلوا بكفيلى وراح وقع الاوراق و لحد الان ماكو شى جديد, بس صارت وياى شغلة غريبة البارحة الصبح شفت على موبايلى مكالمة لم يرد عليها من هذا الرقم 0096265625020 و بعد ما خابرتهم كالوا دز النا ايميل و راح نجاوبك اذا اكوشى جديد بقضيتك , تحياتى للجميع.

36
مساء الخير للجميع:
الف مبروك عودة الجمعية انشألله الكل يسافر قريبا, كبل 4 اسابيع خابروا كفيلى فى فرجينيا و راح وقع الاوراق و ليهسة انى ماسامع اى شى جديد.

37
مبروك على الجميع افتتاح الصفحة 21 انشألله نكون مستلمين اخبار حلوة بآخر هالصفحة.

38
مساء الخير على الجميع, الأخ شلتاغ تحياتى لك ,اخوى انى رقمى بدايته 105 واستلمت ال اى زى في شهر 11 2009 مع تمنياتى لك و لآهلك بالسفر القريب.

39
صباح الخير على كافة اعضاء المنتدى, تحياتى للجميع, عيونى كالاكسى مشكور على ترحيبك, احبائى بالرغم من موجة التأجيلات و جماعة الهجرة المعاكسة بس خل افرحكم شوية البارحة باليل خابرنى كفيلى من واشنطن و كال اليوم اتصلوا بية جماعة المنظمة وكالوا استلمنا ملف جماعتك و راح يجون يمك قريبا, انشألله الاخبار الحلوة تجى عليكم كلكم و نسافر كلنا بالسلامة.

40
مساء الخير للجميع

الاخت ميريام تحياتى الج والأهلج شكرا على الاستفسار ,أختى يوم 31/8/2010 اجانى الى يسمى رسالة التأجيل او موافقة المحلف بس الأمنية مثل مانكول يمنا صايرة مثل قطار السليمانية بعدنا منتظرينها,الآخ توفى الورد تشكر عينى و مقبولة منك الوردى وسلامى و شكرى ل اىفوكس ع التصحيح.
الله يفكها علينا كلنا و نسافر بأقرب وقت.
 

41
الاخت العزيزة ميريام تحياتى لكى,
والله اختى قضيتى مثل معضمكم كلها دوخة و قهر, انى و زوجتى طفلين سوينا المقابلة الاولى يوم 26/3/2010 ببغداد, المقابلة الثانية والفحص الطبى 26/5/2010,وراها بشهرين انقهرنا بورود ايميل تطلب منا الحضور يوم 2/8/2010 من اجل (اعادة المقابلة الثانية) و كما قالوا يريدون تفاصيل اكثر عن قضيتنا, وبعدها كلنا يالله راح الكثير و بقا القليل و فرحنا اكثر من اجانا الموافقة يوم 31/8/2010 ومن وكتها اختى لهسة عالشحن ,وآخر ايميل دزيتة كبل اسبوعين واجانى الرد يوم 3/3 (تحت التجييك الامنى الروتينى)
والله يفرجها علينا كلنا.

42
مساء الخير على الجميع:
آنى من المتتبعين لجمعيتكم واتمنى ان تقبلونى فيها مع تمنياتى للجميع بالسفر والسلامة.

اخوكم ارام كوردى

صفحات: [1]