عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - روك

صفحات: [1]
1
شكرا اخواني على ردودكم الطيبة
اخي حسين اني ملفي جان معلق والمحلفين كانت فعال والفحص غير فعال
ما ادري شلون اتصرف ياريت الاخوان اصحاب الخبرة يجاوبوني شنو اسوي

2
25 مشاهدة وماكو اي رد ؟؟؟؟

3
محتاج اهل الخبرة والمشورة بخصوص حالة ملفي
اني معلق من ثلاثة سنوات ونص
البارحه فتحت الموقع لكيت حالة الملف مغلق وبقية الخانات فارغه .. علما ما جاني اي ايميل من المنظمة .. اتصلت بالمنظمة اليوم الصبح .. كال انه انته بعدك على التجييك الامني ..
رحمه لاهلكم اريد اعرف هذا غلط بالسايت ؟؟؟ لو اني مرفوض
جوابكم راح يهون عليه لان حالتي حاله

4
الف الف مليون مبروك اخوية
اني نفس حالتك معلق من سنة 2012 ولحد الان
يارب ان شاء الله اطلع من التعليق
سؤال اخوية انته خابروك وانطوك النتيجة لو فجاءة اكتشفتها بالموقع

5
اخواني منو منكم مسجل بهاي الجمعية وبعده ما طالع من التعليق ؟؟

تعليق 2011 .. ولحد الان المحلف فعال وماكو لا مدينة ولا مطار ؟؟

دعواتكم

6
الاخ الكبير والفاضل ابو شموسه
بعد التحية والسلام .. ارجو ان تكون بصحة جيدة .. اخي الكريم بعد التوكل على الله ثم اعتماد نصيحتك حولت ملفي من بغداد الى عمان .. وانا في عمان صارلي تقريبا 6 اشهر
طلبت من المنظمة تحويل الملف واجاني الرد بالقبول وبديت اروح للمنظمة اول كل خميس من كل شهر
المشكلة اخي انه ملفي ما تغير .. خلي اذكرك شوية بحالة ملفي
اني قابلت المحلف بسنة 2011 شهر 11
اجتني الموافقة المشروطة بشهر 3 سنة 2012
سويت فحص طبي واحد فقط في بغداد
حالة الملف هي معلق
المقابلة الاولى مكتمل
المحلفين فعال
الفحص غير فعال
الامنية بالانتظار
وماكو لا مدينة ولا مطار نازلات

اخي اقسم بالله تعبت من الانتظار .. اريد نصيحة منك وتتصور انه ملفي راح ينرفض
وتقبل فائق التقدير والاحترام

اخوك روك

7
اخواني تقبلوا مشاركتي
ومحتاج تعليقاتكم وياريت لو تكلولي انه ملفي بيه امل او لا
اني قابلت المحلف 2011
الملف هولد
المقابلة الاولى مكتمل
المقابلة الثانية فعال
الفحص غير فعال (مرة وحدة فحصت)
الامنية بالانتظار
المدينة والمطار ما نازلات

اني اجاني موافقة المحلف المشروطة بالامنية صارلها عندي ثلاث سنوات ونصف
وحولت ملفي الى عمان قبل ستة اشهر
اكو امل اخواني رحمه لاهلكم وارجو الرد
وماكو لا مدينة ولا مطار

8
اتوقع هذا الخبر يخص فقط اخوانا المسيحيين ((طبعا ان صح)) اني كانت عندي مقابلة ثانية قبل ثلاثة ايام بدير غبار .. واعترفوا بيه كلاجئ وكالوا عود نخابرك على التوطين ..

بصراحة اني شفت اثناء مقابلتي .. اكو ناس جانت توطين بحدود 25 واحد .. ومن ضمنهم ناس من اخوانا المسيحيين .. وحتى اكون دقيق ما انتبهت لهاي العبارة مال  ايقاف الملفات

الله يسهل اموركم وتسافرون باقرب وقت

9
بارك الله فيك على هذا الخبر المفرح .. يارب سهل سفر كل اخوانا في هذا المنتدى

10
بسم الله الرحمن الرحيم
الإخوة الأعضاء في منتديات عنكاوا (( والخبراء منهم ))
 
السلام عليكم

اعمل كــ مدرس للغة الانكليزية في إحدى محافظات جنوب العراق و لظروف خاصة بي تمثلت في  التهديد والاستهداف الشخصي على حياتي لأسباب طائفية أجبرتني على الخروج من العراق و السفر إلى الأردن الشقيق و استقراري هناك  و من ثم تقديم اللجوء من خلال منظمة اليو ان و قد حصلت على ورقة الحماية المؤقتة منهم كـ طالب لجوء ...

وكل هذا يقودني إلى مجموعة من الأسئلة والاستفسارات الملحة علي و التي تحتاج إلى خبراتكم في الإجابة عليها

انه لدي مقابلة ثانية في شهر الخامس في اليو ان فهل سيؤثر تقديمي على برنامج اللجوء الإنساني إلى استراليا على سير ملفي في اليو ان ؟ اعني هل سيكون هنالك تعارض بين الاثنين ؟ 

لا يوجد تعارض بين ملفك في اليو ان وبين معاملة الكفالة .. كل ملف يمشي على حدة

عند التقديم على برنامج اللجوء الإنساني إلى استراليا وبصراحة ليس لدي كفيل  لا أقارب درجة أولى  ولا أصدقاء و لا حتى منظمات إنسانية داخل استراليا (( المنظمات الإنسانية داخل استراليا والمعتمدة من قبل دائرة الهجرة الاسترالية  راسلتهم وابلغوني إن لديهم العدد الكافي من طلبات اللجوء الإنساني حتى ألان و لا يستقبلون طلبات جديدة في الوقت الحاضر )) .

سؤالي هل بالإمكان من الإخوة الأعضاء  تزويدي بعناوين منظمات إنسانية داخل استراليا تستطيع كفالتي ودعم قضيتي كـ طالب لجوء ؟ و باريت تكون  منظمات موثوقة بها ولديها اهتمام باللاجئين و كفالتهم ويوجد ناس استطاعوا الحصول على لجوء إلى استراليا عن طريقها

اذا كان سؤالك عن اللجوء الى استراليا .. في هذه الحالة يجب اقناع اليو ان ان لديك اقارب او اصدقاء في استراليا حتى يحولون ملفك من امريكا الى استراليا على فيزا رقم 200 .. مع ملاحظة انه معاملة الكفالة رقم الفيزا مالتها هي 202 .. ممكن تراجع موقع الهجرة الاسترالي وتقره الشروط خصوصا انته تدرس انكليزي فراح تعرف شروط التقديم

سؤالي الأهم لو نفترض إني بعد التوكل على الله قدمت على برنامج اللجوء الإنساني إلى استراليا بدون كفيل .. الله كفيلي ( ادري صعب أنقبل بس شسوي هذا الموجود )  هل اذهب و أقدم أوراق معاملتي إلى السفارة الاسترالية في عمان مباشرة أم أرسل أوراق معاملتي إلى دائرة الهجرة في ملبورن ؟ الرجاء كل الرجاء الدقة في تقديم الإجابة عن هذا السؤال

اولا : سحب استمارة من موقع الهجرة والي رقمها form 842 وبعد ما تملي الفورم تدزه للكفيل عن طريق الايميل مع المستمسكات المطلوبة والي هي صورة من الجوزات + صورة عقد زواج + صورة من شهادة الجنسية مع الترجمة المصدقة + صورة من الجنسية العراقية مع الترجمة المصدقة + قصة تهديد بالعربي والانكليزي تثبت انه تعرضت الى تمييز عنصري وهاي اهم شي + صورة من ورقة حماية اليو ان

ثانيا : الكفيل مالتك بدوره يملي الاستمارة form 681 الخاص بالكفالة .. ويدز الفورمات الاثنين مع المستمسكات المطلوبة الى دائرة الهجرة بملبرون
   

عندي أقارب درجة ثانية تقريباً صار لهم أسبوع من حصلوا على إقامة دائمة مدى الحياة في بريطانيا بعد كانوا لاجئين تحت حماية اليو ان في سوريا لأكثر من 5 سنوات  وتم ترحيلهم الى رومانيا بسبب الأوضاع السيئة في سوريا و مناك طلعلهم توطين في بريطانيا و الحمد لله  هسه همه مستقرين هناك ... سؤالي كيف استطيع الاستفادة من وضع أقاربي هذا  ؟ هل يستطيعون فعل إي شي لي في ما يخص اللجوء بعد مدة من الزمن كان تكون سنة أو أكثر ؟

اذكر هذا الشي وانطي عنوان اقاربك عند المقابلة الثانية باليو ان
وان شاء الله الموفقية

وأسف على الإطالة عليكم



الاجوبة باللون الاحمر اخي الفاضل .. واي استفسار ثاني اني حاضر

اخوك
روك

11
اخي الكريم sydneylive
الكفيل بمعاملة هجرة الكفاءات مو ضروري وغير مطلوب اثناء سير المعاملة .. لكنه ضروري من الناحية المعنوية والمادية كونك تحتاج وقت باستراليا حتى تحصل شغل باختصاصك وهاي الفترة هي فلوس بالتالي تحتاج احد تستند عليه وانته هناك

12
اخي احمد
ارجو التمييز بين الهجرة واللجوء
ممكن تطلع لاستراليا من بغداد عن طريق الهجرة .. واكو انواع للهجرة اشهرها هجرة الكفاءات .. هذا الامر يتطلب معادلة شهادتك وسنوات الخبرة من قبل اللجنة المختصة بالتقيم في استراليا .. اذا وافقت اللجنة على تقييم سنوات خبرتك وكان اختصاصك مطلوب حينها تبدي بأجراءات الهجرة والي تتضمن تقديم استمارة الهجرة لدائرة الهجرة الاسترالية .. وهذا النوع ما يطول بس اكو مشكلتين
الاولى هي وجود طلب لاختصاصك خلال السنة المالية الحالية ... تكدر تجيك موقع الهجرة الاسترالي immi.gov.au عن المهارات المطلوبة خلال السنة الحالية .. مع ملاحظة انه كل محافظة تطلب اختصاصات مختلفة عن المحافاظات الاخرى .. يعني مثلا ممكن سدني ما تريد اختصاصك هاي السنة بينما بيرث تريده .. بكل الاحوال انته تحتاج تجيك اختصاصك هو مطلوب او لا وبالتالي لازم تسوي تقييم .. واذا كان اختصاصك بالفعل مطلوب يتم منحك شهادة من دائرة التقييم في وزارة الهجرة وتكدر تقدم ملفك
بعد هذا راح تواجه مشكلة ثانية والي حسب رأيي -وتجربتي الشخصية في هذا المجال اعتبرها مقبرة الهجرة لاستراليا والي هيه شهادة الايلتس IELTS
هنا لازم تمتحن وتجيب على الاقل سبعة من تسعه بامتحان الايلتس ((بجميع اقسامه الاربعة)) طبعا اذا انكليزيتك زينة فممكن تعبره ((وهنا اركز على كلمة زينة)) لازم تكون ممتاز باللغة لان الامتحان صعب وما ممكن الغش او التزوير كونه يتم من قبل المركز البريطاني british council والي مراكزه موجودة ببغداد واربيل .. ولاحظ انه نوع الامتحان هو عام General مو اكاديمي والي المفروض يصير اسهل بس حسب رأيي سبعة من تسعة ((بجميع فروع الامتحان الي هي الاستماع والقراءة والكتابة والمحادثة)) صعبة وتحتاج قراية هواية .. مع ملاحظة انه بعض المحافظات تطلب ثمانية من تسعه مثل سدني .. وملاحظة ثالثة نوع الاختصاص المطلوب يطلب معدل ايلتس معين مثلا الطبيب لازم يجيب ثمانية من تسعة .. بينما اختصاصات اخرى مثل اللحام او النجارة فأقل شي لازم سبعة من تسعه.. وبأسهل الحالات ستة من تسعة بس مو اقل من ستة
نجي هنا اذا كان اختصاصك مطلوب وحصلت شهادة من دائرة التقييم وكدرت تاخذ الايلتس .. عدنها تقدم معاملتك لدائرة الهجرة بالتالي تاخذ سره وما اتصور تطول اكثر من سنه ينطوك فيزة هجرة .. بس للعلم تروح على حسابك بدون مساعدات .. ويمكن تعرف او لا انه الحياة باستراليا جدا غالية لواحد يجي على حسابة.

اكو طريقة ثانية انه يكون عندك عقد عمل offer من احدى الشركات العاملة باستراليا .. بالتالي راح تجتاز مرحلة التقييم بس يبقى الايلتس مطلوب وتمشي المعاملة مثل الاولى

الطريقة الثالثة .. انه يكون عندك مبلغ ربع مليون دولار تذبه وديعه باحد البنوك الاسترالية وما تلعب بالمبلغ .. ممكن تحصل على اقامة ..و صراحه اخي ما اعرف اذا ممكن تحصل جنسية عليه او.. قله المعلومات بخصوص هذا المجال هو لانه ما عندي ربع مليون دولار .. من يصير عندي عود استفسرلك :P :P :P

لاحظ انه الحالات الثلاثة هيه تندرج تحت بند الهجرة .. والي ممكن تسويها وانته كاعد ببغداد.. وانصحك اذا تحب تمشي بهذا الطريق انه توكل مكتب هجرة مو محامي لان مكتب الهجرة هو راح يتابع الموضوع عوضا عنك .. صح راح يجبحوك بالفين دولار .. بس احسن من المحامي الي يذبحك بخمسين ورقه وانته طالع

هنا الملاحظة المهمة .. اي نوع لجوء لاستراليا سواء كان بالفيزا 200 الي تم عن طريق اليو ان .. او الفيزا 202 الي يسموها الكفالة .. ما تكدر تمشي بيها وانته داخل العراق لان ببساطه تحتاج ورقة اليو ان والي يسموها ورقة الحماية الي تثبت انك مهدد .

طبعا اكو تفاصيل ثانية بخصوص اللجوء .. وكل نوع فيزا سواء 200 او 202 او حتى 201 الي ذكرها الاخ sydnilive مشكورا ((طبعا كلامة مية بالمية صح وجاي عن خبره )) الها تفاصيل ممله ..

نصيحتي .. اولا أنوي .. ثانيا ادرس ظرفك .. ثالثا صلي استخارة .. رابعا توكل على الله ثم اصدقائك هنا بالمنتدى راح يجاوبوك على اي سؤال انته ببالك

تحياتي وامنياتي الك براحه البال
اخوك روك

13
استلام الفايل نمبر شهر 11-2014
الكفيل اقارب
ننتظر الفورمة 80

اخوكم من عمان

14
ربي يسهل للجميع وان شاء الله بالقريب العاجل كلكم باسترليا وتنسوه هذا الهم باسم الواحد الاحد

15

وهو في الاجراءات كما اسلفت وقد يكون التحديث للملف لم يأخذه الكفايه للايضاح
[/color][/size][/color][/size][/color][/size]

اشكرك اخي ولكن لم افهم ما تقصد بهذه العبارة .. يارب يكون تحليلك صحيح . وجزيت خيرا وياربي يسهل امورك ويحفظ اهلك

16
اخواني يعجز اللسان عن شكركم واثني على مشاعركم يارب من كل قلبي ان يسهل الله من اجراءات سفركم

جوابي للاخ الكبير حسين الجبوري
اخر رسالة هيه نفس الكليشة الي تجي للمعلقين
Your case has been put on hold by U.S. Citizenship and Immigration Services (USCIS). Please understand that this hold does not mean that your case has been denied. Decision holds indicate that further review of your eligibility for refugee resettlement in the United States is necessary. Your case will continue to be processed.  When there are updates on your case, and a final decision is made, you will be notified.

اما اخر الرموز فهي كالاتي
HFS-JO
HFS-JO
SAM-JO
SAM-JO
AHN/IZ

تحياتي لكم جميعا

17
شكر للاخوان Tur Ankawa و Maha79 على تعليقاتكم

سؤالي للاخي تور عين كاوه.. اخي عندك معلومات عن عدد الفيز الممنوحه خلال هاي السنة ؟؟

18
سبحان الله سبعين مشاهدة وماكو اي تعليق او نصيحة ؟؟ الظاهر وظعي مأساوي

19
بعد التحية والسلام
هو مجرد سؤال يدور في ذهني .. هل من الممكن ان تكون حادثة اختطاف المدنيين في سدني التي تمت على يد المهاجر الايراني تاثير على سير ملفات الهجرة .. هل تتوقعون اخواني ان التجييك الامني سيطول على الملفات الحالية بسبب هذا العمل التافه والمشين الي عمله هذا المهاجر الايراني

موضوع للنقاش


20
ارجو من اخواني في عين كاوة ان ينصحوني بخصوص ملفي الذي لازال قيد التعليق منذ ما يزيد على ثلاث سنوات
اني تقديم بغداد وكملت المحلف بشهر 11 سنة 2011
وحالة الملف عندي معلق
وحالة المحلف بالموقع انتظار النتيجة
والامنية انتظار
وما عندي لا ولاية ولا مطار نازلات بالموقع

نقلت ملفي الى عمان منذ شهرين والوضع على ماهو عليه

نصيحتكم اخواني الله يسهل اموركم والكلمة الطيبة صدقة

21
اخواني اصحاب الخبره
اني كان عندي ملف عند منظمة ال IOM ببغداد
خلصت المقابلة الاولى وخلصت ايضا مقابلة المحلفين وكملت الفحص الطبي هذا كله ببغداد
استلمت الديفلر لتر واصبح بعدها ملفي معلق
انتقلت لعمان وقابلت باليو ان واخذت ورقة الحماية
انطوني موعد مقابلة ثانية في شهر 2 من السنة القادمة علما انه بمقابلة اليو ان ابلغتهم انه عندي ملف في الاي او ام ومخلص بيه كل المقابلات
سؤالي هو : هل المقابلة الثانية مال اليو ان هي نفسها مقابلة المحلفين مال IOM ؟؟؟ واذا مو هيه فشنو هيه طبيعة هاي المقابلة ومدى علاقتها بالكيس مال ال IOM الحالي ؟؟؟
شكرا لمروركم
روك

22
اخوية العزيز اني جان ملفي ببغداد وحولت لعمان

23
اخواني المقابلة الاولى في الـ UN عمان تكون بالعربي لو بالانكليزي ؟
وشنو المستمسكات الي لازم اخذها وياية ؟
علما انه اني مخلص المقابلات ببغداد الاولى والثانية وحالة ملفي معلق
شكرا لمروركم

24
شكر جزيل للاخوان الي جاوبوني واخص بالذكر الاخ lfzoro .. راح اتصل بيهم على رقم التلفون بكرا ان شاء الله واروح يوم 30 بالشهر الي يصادف اخر خميس بالشهر الحالي

الاخ predator.. ملفي قديم اني تقديم 2008 .. وكملت مقابلة المحلفين سنة 2011 واجتني ال deferral letter بعد اربع اشهر .. ومن يومها حالة الملف معلق

الاخ sindbad2014 .. حالة الملف هيه معلق hold طيلة الفترة الماضية وخانة المحلفين فعال in process

25
اخواني .. اني جنت ببغداد وحولت لعمان .. دزيت رسالة للـ IOM لغرض تحويل الملف وأجاني بس Auto reply
المفروض بيه انتظر الجواب مالتهم .. لو اكدر اروح للمنظمة او اخابرهم

علما انه اني مكمل مقابلة المحلف .. ومخلص فحص طبي .. بس حالة الملف معلقة من 3 سنوات ولحد اليوم انتظر قرار المحلف والخروج من التعليق

ياريت ما تبخلون عليه بردودكم الطيبة

اخوكم روك

26
لا ادري ما المشكلة .. هل هي في حسابي ام في الموقع بشكل عام

من غير الممكن ان هذا الرجل الطيب يقوم بحجب رسائلي ؟؟

27
اني 102 من جماعة 2008  والله ارحم الراحمين

28
ملاحظة استاذي الفاضل .. الرمز SAM اجاني عند استفساري بخصوص نقل ملفي من بغداد لتركيا
تحياتي 

29
ممنون اخوية الورد ابو ديمة
case status / AHN ----- date:  August 20,2014 
Processing locations / SAM-IZ ---date: August 5, 2014
case update/HFS/IZ ---- date: August 3, 2014
Case Update/MSS/IZ ---- date : June 23, 2014
case status/FIS/IZ -------- date: May 26, 2014
case status / HFS/IZ  -----date: March 23,2014
case update / AHN / IZ ----date: December 9, 2013
Case Status / SAM-IZ  ---- date : July 22,2013

اشكر وقتك وجوابك يا طيب

30
اخي العزيز ابو ديمة .. اليوم اجاني رد من المنظمة وهو لم يختلف عن سابقاته 
اني قابلت المحلف بشهر 11 سنة 2011 .. والملف معلق من ذلك التاريخ لحد اليوم

اخر ثلاثة رموز اجتني هي
AHN
SAM
HFS

تقبل مروري 
روك

31
ما اريد احبط معنوياتكم اني ملفي معلق صارله تلث سنوات 
دعواتكم بلكي الله يفرجها

32
اخواني شنو القوانين الجديدة ياريت لو تنورونا 

الاخ kyky77 .. بشرني اخوية وصلت لعمان بالسلامة وشلونها جانت دخلتك لعمان وعلى اي خطوط ؟؟


33
اني اضم صوتي لصوتكم وفكرة جميلة جدا بس اختلف وياكم على صيغة التنفيذ اقتراحي كالاتي
نوكل احد الاخوة ( واني ارشح صاحب الموضوع ) ان يكتب ايميل on behalf جميع الاعضاء الموافقين على الفكرة بادراج رقم الكيس مع سنة التقديم وهذا الايميل يتم ارساله للصحافة الامريكية CNN, Washington post وللبيت الابيض ولمجلس الشيوخ .. بهاي الطريقة راح نستخدم الراي العام للضغط على المنظمة بالاسراع بقضايانا
اما ارسال ايميل للمنظمة اني اشوفة بدون فائدة .. واني هم معاكم
اخوكم روك

34
اهلا وسهلا بك اخي العزيز في كروب جماعة تركيا منتدى عين كاوة . اخي اولا تذهب لل UN  وتسجل وتقدم انت والعائلة الكريمة ومن ثم هم سيحددون لك المحافظة التي ستسكن بها من بعد ان يرشحولك اكثر من محافظتين وانت تختار واحدة منهم . تحياتي .
اشكرك اخوية على الرد وان شاء الله راح اخذ بنصيحتك وابدي اقره مواضيع الكروب ممنون مرة ثانية

35
اخواني واخواتي الاعزاء ارجو قبولي كعضو جديد بهذا الكروب الرائع 
واتمنى ان يتسع صدركم لسؤالي 
اني ناوي اجي اقدم من تركيا خلال الايام القليلة القادمة بس اريد اعرف هل من الممكن انه اختار السكن في المحافظة اول ما اوصل وااجر لعائلتي شقة ومن ثم اروح لليو اقدم معاملة لو لازم اكمل المعاملة اولا وهمه يحددولي مكان المحافظة الي لازم اسكن بيها ؟؟ 
شكرا الكم 

36
اخواني الافاضل .. اني عندي ملف IOM ومخلص المقابلتين الاولى والثانية علما انه ملفي معلق .. سؤالي هو : في حالة نقل ملفي الى تركيا هل ستستمر الاجرائات على الملف ام ساخسر ثلاث سنوات انتظار ويبدا التقديم من جديد

37
اخي حسين الجبوري تحية طيبة 
ارجو تحليل حالة ملفي 
اني ملفي معلق من شهر 11-2011 
خانة المحلفين فعال صارلها ثلاث سنوات الا اربع اشهر
الفحص مرة واحدة وبالموقع غير فعال
المدينة والمطار فارغات
اخر ثلاث رموز اجتني هي 
Case update/ HFS
Case update/ MSS
Case status/ FIS
امون ممنون منك استاذي الفاضل

38
مبروك اختي خروجك من بحر التعليق ... واتمنالك السفر باذن الله

39
الف مبروك خروجك من التعليق .. والسفر العاجل باذن الله تعالى

يوم الي النا كولوا امين


اخوك روك

40
الف مليون بليون ترليون مبروك .. يارب تبشرنا بسفرك بالقريب العاجل باذن الله تعالى

تحياتي

روك

41
والله يا اخوية اني صراحة مليت من كثر التحليلات وقررت ادخل للمنتدى كل اسبوعين .. واجيك الملف مالتي مرة كل اسبوعين .. لان اتعس شيء بالحياة انتظار المجهول ..

ثانيا هو كلشي بالقسمه .. اذا ربك كاتب انه نطلع .. فراح نطلع واذا لا فالخير في ما اختاره الله

اتمنى كلام الاخ ابو الحكم صحيح .. اني بالضبط صارلي سنتين وشهر على مقابلة المحلف .. وما تغير اي شي .. اي تحديث الاحظة خلال فترات دخولي راح ابلغكم بيه

تحياتي ..

روك

42
ورده ابو مصطفى يستاهل كل الخير .. بس ما ادري سافر على الاي او ام لو اس اي في .. اخر شي عرفته انه سوه اعتراض على نتيجة الاس اي في واجاه الكوم ابروفال وانكطعت اخباره عليه

توصل بالسلامة اخوية العزيز

اخوك Rock

43
يا ألله .. رفعت معنوياني .. الف مليون ترليون مبروك وان شاء الله السفر العاجل باذن الله تعالى

روك

44
شكرا للسيد العميد على كتابة الرد .. بس للتنويه مكتب شؤون اللاجئين داخل السفارة الامريكية ببغداد ايضا يطلق عليه اختصارا مصطلح الـ RIDPA

وهذا المكتب هو الجهة الرسمية المخولة بنقض قرارات الرفض من قبل برنامج الـ SIV وايميلهم هو

RIDPA-Baghdad@state.gov

ولمزيد من المعلومات هذا الموقع

http://iraq.usembassy.gov/refugeesidpaffairs.html

تحياتي للسيد العميد

روك

45
اختي العزيزة ..

RDPA هي مو برنامج .. هيه جهه رسمية حكومية ارتباطها المباشر ببرنامج الـ SIV .. تقوم هذه الجهه باستلام طلبات الطعن في حالة تم رفض الكيس من قبل برنامج الـ SIV

طبعا همه جهه عدهم صلاحيات جبيرة .. ودائما يجاوبون على الايميلات بجدية تامة .. بس يتعاملون بحزم شديد .. اتصور همه الجهه الوحيدة القادره على اصدار قرار بقبول الكيسات المرفوضه من الـ SIV

روك

46
أخواني بالجمعية .. ماكو اي تحديث بخصوص الملفات المعلقة ..

راح اكمل سنتين بالتمام والكمال بعد مقابلة المحلف ومقابلة المحلفين بالموقع بعدها فعال

والمدينة والمطار .. هب بياض

والتجييك الامني المقرف بالانتظار

47
اخي العزيز .. هذا المنتدى خاص بالناس الي تريد تهج من العراق ووضعه التعيس .. موضوعك (مع احترامي الكبير لقرارك ولرأيك) ما يفيد اعضاء المنتدى ومراح يزيدهم غير قلق و تفكير ..

اني (وطبعا هذا رأيي الشخصي) اشوف موضوعك استفزازي اكثر من كونه يهدف لخدمة اعضاء المنتدى .. كونك مقتنع انه العراق يصير براسه خير (وهاي امنية كل عراقي) بس اقولها والقلب يبكي دم على بغداد انه معظم الناس تخالفك الراي انه الوضع الامني راح يرجع يستقر .. اليوم بالتحديد وبعد مرور عشر سنوات من النكبة الي اصابت العراق ضربت بغداد تسع سيارات مفخخه وحصدت ارواح الابرياء ..

رأيك بعودة الامان للعراق في ظل الظروف الحالية والي دنشوفه ونلمسها كل يوم .. بحد ذاته هو استخفاف بأرواح الابرياء الي يومية تصعد ارواحهم للسماء وما تعرف ليش انقتلت..

اخي واستاذي الفاضل .. الناس هنا بالمنتدى تحتاج شخص يرفع معنوياتهم .. ويسعدهم بخبر يرفع عدهم سقف الامل .. حتى يحافظون على حياة ابنائهم وبناتهم من هجمات تترية مقيته ..

تجربتك على عيني وراسي .. بس ياريت لو تعيد النظر او على الاقل تستشير احد عايش بالعراق بخصوص عودتك ..

تحياتي والله يوفقك

روك

48
رحمه لوالديكم لا تنسوني بالدعاء .. امانة عليكم تذكروني وان شاء الله اذكركم بظاهر الغيب ..

ياربي عجل سفر كل المنتظرين في عين كاوة ..


كولوا امين

49
عيوني القول الفصل يمي .. واسمعوه من روك ..

بعد التعليق .. يدزون الكرنك للرايمر .. الي هيه الـ DHS

الجماعة يجيكون الكرنك مالتك اذا بيه مشكلة ويصلحوه وراها ينزلون رنكات جديدة للكيس .. وره الرنكات يسدون اليطغات .. وينطوك موعد سحك

موعد السحك يطول من خمسة ايام الى شهر .. لازم تمشي بالملف اقل من ثمانين كيلو متر بالساعة ..

وراها ينطوكم موعد تسافرون .. تستلمون الهاي وي .. وسيده بنيده .. اقفل كروس السرعه على ال120


تحياتي
روك الفيتر

50
اخي الكريم تقدم استئناف وضمان قبولك بالاستئناف كبير جدا جدا ونسبته كبيرة جدا ولاتيأس اخي الكريم اذ ان الاستئناف ليس به تعليق مرة ثانية بس كول يالله وخلي ايمانك بالله جبير وقدم استئناف من جديد وهذا البولي كراف ترى مو سبب امني يمنعك من دخول الولايات المتحدة الامريكية , بس سؤال اخي انت عندك رفض برنامج الاس اي في SIV ؟



أبو الحكم

استاذي ابو الحكم .. سؤال يرحم اهلك

رفض الاس اي في يأثر على موضوع الاي او ام ؟؟؟

51
السلام عليكم
اني دزيت رسالة لل أي او أم استفسر بيها عن تحول الفحص الطبي من منتهي الصلاحية الى غير فعال بس الحد الان ماكو اي رد أن شاء الله بس يجي الرد اني راح ابلغكم حتى نعرف شنو الموضوع
نعم اخي العزيز انت اول واحد صارت وياه هاي الحالة و الاخ روك كذلك و حالة غريبة
خل نشوف بقية المعلقين و نشوف شنو الرد الي راح يوصلك
تحياتي و شكرا الك

مضبوط كلامك اخوية .. اني قابلت بشهر الـ 11 محلفين .. وسويت الفحص الطبي بشهر الواحد تقريبا بداية 2012 .. واجتني الدفرل لتر بعد اربعة اشهر

تحول عندي الفحص الطبي الى مكتمل وبعد مرور سنة بالتمام والكمال صار الفحص اكسباير وبقى اكسباير لحد قبل اسبوعين تقريبا تحول الى غير فعال ؟؟

اني عندي رفض اس اي في .. واليوم موضوع الرفض لاحد الاخوان حبط معنوياتي .. خصوصا عندما سالة الاخ ابو الحكم اذا جان عنده رفض اس اي في .. المعنويات اليوم هابطه مليون ...

والله تعبت من التفكير

تحياتي

روك

52
كل المؤشرات بملفك تدل على انه الرسالة خطأ .. هاي الكليشه تجي للمعلقين امثالي الي المحلف قرن موافقته بالتجييك الامني..

لا تدوخ ملفك ماشي بصورة صحيحة وان شاء الله تبشرنا بسفرك

روك

53
يارب انشالله يجي العيد وكلنا عدنا اخبار حلوة
كولووووو اميييين

أمين ياربي

54
اذا معلومات الموقع غير دقيقة .. هذا شي اني جنت متاكد منه من زمان ... بس المشكلة ماعدنا غيره ... جماعة عمان يكدرون يتصلون بالمنظمة .. بس احنا جماعة بغداد من المغضوب عليهم

أكو الله


55
اني نفس حالة الاخ nonenone ...

الفحص الطبي جان اكسباير او منتهي الصلاحية .. اليوم فتحت الموقع متحول الى غير فعال ؟؟؟


يا الله .. بلكت الله يلفت النا ويخلصنا من هاي المعاناة ..

اني بالنسبة الي اي تحديث حتى لو حرف واحد يبعث بيه الامل

اخوكم معلق صارلي سنة وتسع تشهر .. يعني طلعت سنون  ;D ;D ;D

روك

56
الله يكون بالعون اخي العزيز ..

اولا .. توكل على الله في الدعاء والاستخارة

ثانيا .. حاول وضع خطة بديلة (( واني كلش انصحك بشغلة جديدة وهيه انه تحصل على اوراق تثبت انك سوري .. وروح لاي بلد وراح يستقبلوك بكل رحابة صدر))


ثالثا .. لا تنسانا بالدعاء

اخوك روك

57
ضيفوني وياكم على الخط..

مقابلة المحلفين يوم 6 بشهر 11 سنة 2011

خانة المحلف فعال
المدينة والمطار ((هب بياض))

اخر ايميل اجاني بالرمز HAS
Your case has been put on hold by U.S. Citizenship and Immigration Services (USCIS). Please understand that this hold does not mean that your case has been denied. Decision holds indicate that further review of your eligibility for refugee resettlement in the United States is necessary. Your case will continue to be processed.  When there are updates on your case, and a final decision is made, you will be notified.

58
التجييك الامني بجميع مراحله سواء كان ثقليا او تجييك امني خفيف على بعض الدوائر التي لايتأخر بها الملف هو للاثنين معا اي المعلقين وغير المعلقين وهذا الرمز لانستطيع تصنيفه مثلما تفضل الاخ مهجر وافتخر اذ ليس هناك رمز جيد ورمز غير جيد لان هذه الرموز هي اقسام في المنظمة وجميع الملفات تمر عليه , اخي صاحب الموضوع اود ان اطمئنك ان التعليق سوف يعالج وتعالج جميع ملفات المعلقين عند الانتهاء من برنامج الاس اي في في 30-09-2013 وتحويل متقدمي البرنامج على الاي او ام لان الملفات ستكون كثيرة جدا جدا والاعداد ستزيد والمنظمة تريد ان تعالج جميع الملفات ولاتبقي شيئا معلقا وانا سمعت هذا الكلام من داخل المنظمة نفسها ومن اصدقاء لي بداخل المنظمة لذا فليطمئن من كان ملفه معلقا او قيد الدراسة فأنتظار السنوات سينتهي عن قريب بأذنه تعالى .



أبو الحكم ( جار الانتظار سابقا )


مبروك اسمك الجديد .. بالمناسبة اخوية ابو الحكم .. الامنية الثقيلة هيه الامنية الي تكون وزنها عشرة طن وفوك .. اني الامنية مالتي 220 طن.

يا ربي لا سهل الا ما جعلته سهلا ..


59
اني بعد شهرين بالضبط .. راح ادخل بالسنة الثانية من التعليق

الله يعين الجميع ويسهل اموركم وتصير سوالف باذن الله


روك

60
مشكورين اساتذتنا في عين كاوه الاخوان جاري الانتظار وسنكل مان

اذا القول الفصل في معرفة حالة ملفك هي بايجاز شديد

اذا مقابل محلفين وعندك رسالة تاجيل اذا ترجع للموقع :

حالة الكيس داخل الموقع :

مقابلة المحلفين : مكتمل  (( ملفك مو معلق .. ملفك داخل التجييك الامني))

مقابلة المحلفين: فعال
المدينة والمطار : فارغات  ((ملفك معلق .. ملفك داخل تجييك امني اضافي ))

روك

61
ايباخ .. شكد العراقي اصيل والعراقة تمشي بدمة ..

شوف ردود الاخوان كلها تكلك ابقى مع العلم اغلاق ملفك ممكن يسرع من اجراءات ملفاتهم .. شكد اصيل العراقي

بالمناسبة اني عكس كل الاخوان احتمال شوية اناني

اني مو بس اشجعك .. اشجع كل واحد متردد بالسفر باغلاق ملقة حتى يتيح الفرصة للناس الي ناوية تهج من العراق باسرع وقت ومعلقين نفسهم يومية على خيط رفيع من الامل

اشد على ايدك وروح بفالك

62
تحياتي الك اخي سنكل مان وتحليلك بمكانة ..

بس اكو نقطة كلش جوهرية .. المفروض اكو سقف زمني للخروج من التعليق .. يعني مو من المنطقي انه ملفات تبقى سنتين معلقة مثل حالة ملفي .. يعني سنتين كاملة والمحلف ما متخذ قرار بسبب طلب تجييك امني على نقطة معينة

المفروض بينا نرفع هذا الموضوع للناس اصحاب القرار .. ونبين انه الناس الي مقدمة على اللجوء حياتها بخطر .. ومدة انتظار سنتين لغرض دراسة جزء من الملف واتخاذ القرار شي مو منطقي

المشتكى لله وحدة .. هو القادر على حل هاي الازمة

ياربي يفرجها علينا وعليكم

63
حبيت انوه الى سؤال طرحته في المنتدى بخصوص موضوع التعليق وجاوب عليه مشكور الاخ حزيران ..

سؤالي كان :
اني ملفي معلق من تاريخ 1-11-2011 .. يوم الي قابلت بيه المحلف .. ولحد هسه مقابلة المحلفين بالموقع ((فعااال)) .. اني تقديمي بغداد
سؤالي ... اذا اطلع من التعليق .. تصير الامنية مكتمل .. لو راح يخابروني على اعادة فحص وادخل تجييك امني ثاني ؟؟؟؟

جواب الاخ حزيران
اخي الكريم...

خروجك من التعليق لايعني اكتمال امنيتك ...لكن يعني انه جزء كبير من امنيتك اكتملت وماضل شي ...اكو ناس ورة شهر من الخروج كملت واكو ناس اقل واكو ناس اكثر بس حسب الاحصاءيات اللي دا اشوفهه فمدتطول اكثر من 3 اشهر من الخروج من التعليق.
بالنسبه للفحص الطبي فالاغلب حاليا ( ولكل قاعده شواذ) انه الديطلع من التعليق ديخابرو مباشرة على فحص او يطلع من التعليق و ورة اسبوعين يخابرو على فحص.

64
شكرا للاخوان التوكل على الله والاخ سنكل مان على مشاركاتهم

يعني حاليا عدنا 3 حالات

سنكل مان .. مدة التعليق سنة وثمانية اشهر
جيسون .......مدة التعليق خمسة اشهر
توكل على الله ..مدة التعليق سنة وشهرين


البارحه الاخ كاري ميرو.. نزل موضوع بخصوص خروجة من التعليق ((الف مبروك)) يكول الاخ بموضوعة انه خروجه من التعليق اجاه عن طريق رسالة من الـ IOM تحت عنوان case approved .. بلغوه بيها انه المحلفين وافقوا على الكيس مالته ..


اتمنى مشاركاتكم اخواني .. وكل عام وانتوا بخير

روك

65
مرحبا بيك اخ جيسون .. ياريت لو يشاركونه الاخوان البقية حتى نعرف شكد راح تطول هاي السالفة

66
اخواني اخواتي ..

هاي الجمعية هي فقط للافراد الي مقدمين من بغداد .. والي خانة المحلفين عدهم ((فعال)) بعد استلام قرار المحلف

اتمنى مشاركاتكم حتى نتواصل ونشوف شكد المدة التقريبية للخروج من التعليق

اني راح ابدي ..

مقابلة المحلفين بشهر 11-2011

استلمت قرار التاجيل او ما يسمى بالموافقة المبدئية المشروطة بالتجييك الامني بعد ثلاثة اشهر

خانة المحلفين لحد اليوم ((فعال))


تحياتي
روك

67
اخي صاحب الموضوع ..

انته حالتك تشبه حالتي لدرجة كبيرة بس اكو اختلاف بسيط ارجو انه ما يحبط معنوياتك

الفرق بيني وبينك انه اني قابلت محلفين بتاريخ 1-11-2011 .. واجتني الدفرال لتر بعد ثلاثة اشهر .. وخانة المحلفين لحد يومك هذا هو فعال ..

الفحص الطبي صار اكسباير .. يعني الفرق اني صارلي انتظر سنة وثمانية اشهر على نفس الحالة .. انته صارلك تنتظر سنة

الي افتهمتة من الاخوان انه المفروض تنتظر تلفون .. يتصلون بيك من عمان يبلغوك بانك طلعت من التعليق .. ولازم تعيد الفحص الطبي

وراها تدخل مرحلة التجييك الامني .. وهنا اختلفت الاراء حول مدة اكتمال التجييك الامني .. كون حالتي وحالتك دخلنة تجييك امني اضافي فالمفروض ما تطول حالتك بعد الاتصال اكثر من ثلاثة اشهر

اي استفسار انطيني خبر .. واذا عاجبك راجع الرسائل القديمة مالتي راح تلكه مواضيع سالت بيها الاخوان وهمه ما قصروا بالاجابة

تحياتي
اخوك روك

68
ممنون منك اخوية سنكل مان .. دومك سباق بالاجابة

يعني الي افتهمته من جنابك اذا الملف طلع من التعليق مباشرتا تكتمل الامنية مالتي وما انتظر ادخل تجييك امني ثاني ؟؟
هذا قصدك لو اني مفتهم غلط

69
اخواني سؤال رحمه لاهلكم ..

اني ملفي معلق من تاريخ 1-11-2011 .. يوم الي قابلت بيه المحلف .. ولحد هسه مقابلة المحلفين بالموقع ((فعااال)) .. اني تقديمي بغداد

سؤالي ... اذا اطلع من التعليق .. تصير الامنية مكتمل .. لو راح يخابروني على اعادة فحص وادخل تجييك امني ثاني ؟؟؟؟



أخواني مراح الكه عدكم جواب ؟؟ رحمه لاهلكم

70
اخواني سؤال رحمه لاهلكم ..

اني ملفي معلق من تاريخ 1-11-2011 .. يوم الي قابلت بيه المحلف .. ولحد هسه مقابلة المحلفين بالموقع ((فعااال)) .. اني تقديمي بغداد

سؤالي ... اذا اطلع من التعليق .. تصير الامنية مكتمل .. لو راح يخابروني على اعادة فحص وادخل تجييك امني ثاني ؟؟؟؟


71
شكرا للاخوان بغداد وفراس على جوابهم ..

اخي فراس البغدادي .. اخر جواب من المنظمة بخصوص حالة الملف مالتي كانت كالاتي :

Dear Sir,

Thank you for your email, kindly note that your case is still under review, a final Decision was not issued yet by the Deputy of Home land Security. Your case can not travel until this check is complete. Unfortunately we do not know how long it will take. You will be contacted once a final decision is issued.

We appreciate your patience and understanding.
 
Regards
Info Centre
RSC Middle East and North Africa

للعلم فقط حالة الكيس عندي تقره ((انتظار النتيجة )) وليس التعليق
ارجو النصيحة وابداء الراي مع الشكر الجزيل لمداخلاتكم


72
اخواني اريد جواب شافي رحمة لاهلكم ... اني مخلص محلفين شهر 11 سنة 2011 .. ومستلم رسالة التاجيل .. بس خانة المحلفين لحد اليوم تقره فعال؟؟؟

73
اخواني الاعزاء سؤال شاغل بالي كلش ياريت الاخوان الي الامنية مالتهم كاملة يجاوبون

اذا طالب اللجوء مخلص مقابلة المحلفين وعندة رسالة تاجيل وخانة المحلفين بالموقع يقره فعاال
هل من الممكن تتحول الامنية الى مكتمل مباشرتا ؟؟ لو لازم خانة المحلفين تصير مكتمل ووراهاالامنية تصير مكتمل ؟؟؟

شكرا مقدما الكم

74
اشكركم على الردود..

الي افتهمته انه لازم احصل على موافقة المحلف .. بعدين يالله ابدي بالتجييك الامني ..

زين اذا اني المحلف الـ ......... راح يصيرله سنتين يالله يتخذ قرار

والامنية راح تاخذلها فد سنتين .. يعني معقولة احرك اربع سنوات من عمري حتى اروح للمجهول ؟؟؟؟؟؟؟؟؟؟؟؟؟؟

تره ماكو هيج لغوة

75
اخي العزيز Hussein86 شكرا على جوابك..

بس سؤال الله يحفظك .. موافقة المحلف الها علاقة بالموافقة الامنية .. لو لازم احصل على موافقة المحلف يالله تبدي الامنية ؟؟؟


76
رقم الملف  103xxx

مقابلة الحلفين 11-2011
الفحص الطبي   12-2011

حالة الملف : انتظار النتيجة
المقابلة الاولى : مكتمل
مقابلة المحلفين : فعال
الفحص الطبي : اكسباير ( سبعة اشهر بعد السنة )
الامنية : انتظار

كل ما اراسلهم يكولولي انه المحلف ما متخذ قرار بخصوص ملفك لحد الان واخر ايميل منهم اجاني اول البارحه بنفس الكليشة

77
اخواني الفحص الطبي صارله بالضبط سبع اشهر اكسباير ؟؟؟ معقولة راح نبقى بهاي الدوامة ؟؟؟ رحمه لاهلكم اريد نصيحة ؟؟ واكو واحد مثل حالتي ؟؟

78
أخي سؤالين حتى نكدر نسااعدك
انته صاحب الملف الرئيسي ؟ عندك تزكيات ؟
مقابلتك وية الحلف كانت سهلة لو حسيت روحك خربطت وياه؟

الله يعينك ويفتحلك أكثر من باب

79
اخواني عندي سؤال محيرني .. الفحص الطبي بالموقع ( اكسباير ) صارله حوالي شهرين ونص.
المفروض اني اتصل بابن البيطار ؟ لو انتظر تلفون منهم ؟ لو انتظر ايميل من المنظمة ؟
مع العلم انه دزيت ايميل واجاني جواب انه من الطبيعي يصير عندك الفحص اكسباير ؟؟ وما افتهمت هالجواب السخيف والي ماله قيمه شنو معناه؟؟
ممنون من اجاباتكم مقدما

رقم الملف 103
مقابلة المحلف 11-2011
الفحص 12-2011

حالة الملف بانتظار النتيجة
مقابلة المحلف فعال
الفحص اكسباير

80
الف رحمة على والديك .. راح اراسلهم واشوف شنو الي يصير ..


81
اخواني رحمة لوالديكم سؤال ارجو ان الكه الاجابة يمكم

اني صارلي بالضبط سنة و3 اشهر من مخلص مقابلة المحلف .. اجاني دفرال لتر بعد خمسة اشهر ..

سؤالي الاول : جانت حقل المقابلة ( مكتمل ) وره فترة قصيرة رجعت بانتظار النتيجة .. ولحد اليوم بعد مرور سنة وشهرين الحقل مال المقابلة هو انتظار النتيجة ؟؟ اكو هيج شي ؟؟

السؤال الثاني : الفحص الطبي بعد مرور سنة صار اكسباير ( منتهي الصلاحية ) دزيت ايمل استفسر جاوبوني جواب سخيف ما بيه اي فائدة !!! اريد اعرف شنو لازم اسوي بخصوص الفحص

علما انه اني مقدم من بغداد

82
اشكر جميع الاخوان على ردودهم الطيبة .. والسفر القريب للكل

اخواني سؤالي حسب ما افتهمت .. اني مقابلة المحلف عندي بعدها بانتظار النتيجة على الرغم من مرور سنة واستلامي لموافقة المحلف المشروطة..

هل هذا يعني ..

اني بمرحلة انتظار الموافقة النهائية للمحلف ؟؟؟ ووراها يالله تبدي مرحلة الامنية ؟؟؟

لو اني دا انتظر الامنية ؟؟؟

ارجو البيان ولكم  جزيل الشكر والامتنان

83
تونسوا اني الكيس مالتي يبدي 103

يعني جنت واكف بالفلكة من كسروا الاصنام بمكة

84
تونسوا اني الكيس مالتي يبدي 103

يعني جنت واكف بالفلكة من كسروا الاصنام بمكة

85
اخواني سؤال الله يخليكم..

صار عندي تغير بحالة الفحص الطبي .. اصبح "منتهي الصلاحية" .. علما انه حالة ملفي كالاتي ..

Case Status (حالة الملف)   Pending Result (بانتظارالنتيجة)   
Case Size (عدد الأفراد)   2   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   IN PROCESS (فعال)   
Medical Screening (الفحص الطبي)   Expired (منتهي الصلاحية)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)


شنو المفروض اسوي ... قصدي انتظر اتصال من المنظمة لاعادة الفحص لو ادز ايميل ؟؟

صارلي بالضبط سنة من مقابلة المحلفين .. شكرا

86
شكرا لردودكم الطيبة ..

بس عندي استفسار صغير .. بعد المقابلة مال المحلف صارت مكتمل ... وبعدها بشهرين رجع بالانتظار ؟؟؟؟؟؟ وهاي الحالة صارلها سنة ما تغيرت مع العلم مكمل فحص طبي ؟؟؟

هاي الحالة طبيعية لو خلل بالتحديث ؟؟؟

87
زين اختي هي الحالة طبيعية .. يعني موافقة المحلف تطول سنة .. علما انه اجاني دفلر لتر بشهر الثالث ؟؟؟

88
ابو مصطفى .. ممكن تراسلني على الخاص .. تدزلي الياهو ايدي مالتك

اخوك Rock المحظور من الكتابة من ستة اشهر

89
اخواني محتاج مساعدتكم .. ممكن احد يكلي اذا حالة ملفي طبيعية

اني مقابل مقابلة اولى .. ومقابلة محلفين بشهر الـ 11 سنة 2011 .. واجاني Defferal letter بشهر الثالث 2012

حالة ملفي كالاتي :

Case Status (حالة الملف)   Pending Result (بانتظارالنتيجة)   
Case Size (عدد الأفراد)   2   
Prescreen Interview Status (المقابلة الاولية)   COMPLETED (مكتمل)   
USCIS Interview Status (مقابلة المحلفين)   IN PROCESS (فعال)   
Medical Screening (الفحص الطبي)   COMPLETED (مكتمل)   
Security Review (التشييك الامني)    Pending (بالانتظار)    
Travel Status (حالة السفر)   NO ACTIVITY (غير فعال)

سؤالي ليش مقابلة المحلفين عندي (فعال) علما انه راح يصيرلي تقريبا سنة الا شهر من اكمالي المقابلة ؟؟؟؟ واكو حالة مثل حالتي ؟؟؟

Rock سابقا

صفحات: [1]