عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - دبس و راشي

صفحات: [1] 2
1


أأأأأأأأأأأأي
يعني معقولة يجي اليوم الي أخلص بي
,
,
,
,
,
مــــنـــــــك ;) ;)!!!

2

على بختك ابو العبد....كوول غيرها يمعود ,,, يعني معقولة ؟؟؟؟؟؟؟

والله العلي العظيم لو صايرة هااي الحالة بية ما انقهر بكد ما اني مقهور ودمي ديفور هسه .

والله ما اعرف شنو الي اكدر اكوله!!!!

,,,حسبي الله ونعم الوكيل ,,,

4
أبو حمودي الورد. (النعيمي ) سابقا
الف الف الحمد لله على سلامة وصول  ;)( بابا و ماما )  ;) لامريكا . ويارب يوم سفرك وتوصل يمهم ويلتم شملكم.

 :-* وبـــــــــــــــــيــــــــــــــــــــــــك خــــــــــــــــيــــــــــــــــــــر وتدلــــــــــــــــل  :-*
تحياتي ياغالي

5
الاخ العزيز دبس وراشي
كل الي ذكرته  انته سويته ويانه .ويه كل كلمه اقراها اتذكرك من جنت تركض ويانه وتكلنه روحو منا وتعالو منا
الله يبارك بيك وينطيك الصحه والعافيه ويحفظلك العائله وان شاء الله يوم السفر  القريب
يا اصيل يا ابن الاصول الف رحمه على والديك
اخوك  نائل  ابو البطل   

حبيبي الورد (ابو ضحكة تجننننننن) نائل الورد.
والله العظيم اليوم جنت ابالي .. ودا افكر بيك .. يارب تكون بخير وعافية .
اي والله جانت خوووووووش ركضة ههههههههه :) :) :).والحمد لله صارت سوالف وده نسولفها. ;) ;) ;)
بوسة من ( دبس و راشي ) لولي العهد الجديد ( النونو  أكيد شايل خشمه عليكم لان  أمريكي ;D ;D ;D).
وسلامي للعائلة الكريمة .
تحياتي ياغالي



6
صباح الخير أخي ابو عبد الرحمن الورد.
 قيــل في الماضي ( رحم الله أمرء عرف حق قدره)فمن هو ( دبس و راشي ) لتحشره بين هولاء العمالقة ؟؟!!!

( ابو الحكم ) شخص نذر نفسه وسخر كافة طاقته لخدمة ومساعدة البعيد قبل القريب. أي فدوة اروحلك وين نلكة هيج شخص بأيامنا هذي؟؟؟!!!

( ابو الحروف , تويتي أمريكا) دكتورنا الغالي د.محمد , دائما سباق قبل الكل بمساعدة الاخوة والاخوات . اوليس هو من اعتذر عن غيابه خلال الفترة الماضية ( من جان مسافر) واول ما رجع من اجازته نزل موضوع يبلغ بي الاخوة والاخوات بانه سيتواجد في المستشفى ( في اليوم الفلاني ) والي يريد اي مساعدة هو حاضر!!!! اي اخلاق . وأي نكران للذات هذا؟؟

( حسين الجبوري ) رغم الاوضاع السيئة في سوريا ورغم مرضه ومرض ابنته( الله يشافيهم ويلبسهم ثوب العافية) تلكاه حاضر في كل الاوقات !!!! حقيقة هذا الرجل من تفكر بظروفه والحياة والي ديمر بيها. تقف خجلان امام عطاءه.!!!!

( اختنه أم شاهين). بنت الخير والجود..تلكاها دائما حاضرة بأي موضوع بي نوع من ( التشنج ) بين الاعضاء. يعني مثل مايكول ابو المثل ( بلسم للجروح) . ربي يحفظها ويحفظ ابو بيتها وأولادها.

واذا اريد اكتبلك على باقي الاعضاء يرادلي ساعات وساعات . وبالاخير من اقرء الي كتبته عنهم راح الكه نفسي مقصر وياهم والحروف تبقى حايرة بوصف كلمات توفيهم حقهم.
فيا ( ابو عبد الرحمن ) اني وين ؟؟؟ وهولاء العمالقة وين ؟؟؟؟
وصح لسانك  وعاشت أيدك من وصفتهم بـــ ( ملائكة المنتدى) .
وبالاخير ادعو رب العزة والجلالة ان يحفظهم ويحفظ عوائلهم ويحقق مطالبهم . ويبعد ولد الحرام عنهم .ويرزقهم من حيث يحتسبون ولا يحتسبون.
تحياتي

7
مساء الخيـــــر لأبن الخيــــــر ( عراقي نبيل) ابو علي الورد.
دومك سباق بعمل الخير والسوأل عن الاعضاء . ودومك متفضل علينه بكلماتك الرائعة وحنيتك الي قل نظيرها .
فطوبى لك محبة الناس .

وبمناسبة سوألك عن اخونه (awsaws). فاحب ابشرك وأبشر باقي الاخوة والاخوات بان الغالي ( أوس) حاليا وفي هذه اللحظة موجود مع عائلته  في ترانزيت مطار بغداد ودينتظرون طيارتهم الى أمريكا .
وكتله حبيبي ( اوس) تره ابو علي ( عراقي نبيل ) منزل موضوع وديسئل عليك. فكلي بالحرف الواحد. تسلملي على ابو علي وتشكره بالنيابة عني. وتسلملي وتشكرلي كل الاعضاء . وان شاء الله اول ما اوصل اكتبلهم تفاصيل رحلتي .
فخلي نندعيله بسلامة الوصول مع عائلته . ونتمناله حياة كلها أمن وأمان وسعادة ونجاح . لان بصراحة شخص منتهى الخلق ويستاهل كل الخير .


مشكور ابو علي مرة ثانية . وربي يحفظك ويحفظ اهل بيتك يا ذهب .
تحياتي

8
ابو علي الورد
&
برنسو الطيب ابن الاصول
 &
اخي الفاضل mukhtar ali ( ابو فهد)
 &
اختي ام الحلوات.
الف الف شكر على ردودكم . وحاضر لاي سوال او مساعده ممكنة.
تحياتي

9
مشكور أخي العزيز دبس وراشي ، وبالنسبة لكروة السيارات أشوفها مبالغ بيها يعني جمسي تقبل لداخل المطار 70 !!!!! كولش هواية ، وحتى أجرة الحمال هم مكلفة .
تحياتنا الك وشكراً على ما تقوم به للأخوة والأخوات .

مساء الخير اخي يوزارسيف

اتفق وياك 100% بان سعر ( الكروة ) بالــ GMC هو سعر مرتفع جدا . لكن المشكلة ما عدنه بديل !!!!! لان من شروط ادارة المطار ان المسافرين يدخلون للمطار بواسطة هااي السيارات ( وهي سيارات تابعه للهيئة العامة للوفود). يعني حتى هااي الـــ 70 رايحة للدولة!!!!.
ومع  ذلك ممكن يصعد المسافر ( نفرات)بهااي السيارات وبهااي الحالة راح يدفع من عشرة الى خمسة عشر الف دينار. ( يعني مو شرط يحجز الــGMC كلها).
اما موضوع اجرة الحمال فاني كلت اجرة الحمال من خمسة الى عشرة الاف دينار . وهااي تعتمد على الاتفاق بين المسافر والحمال. وصدكني اخي اذا تقارنها بتعب نقل الجنط وتصعيد وتنزيل الحقائب وبهذلتهن فيعتبر هذا المبلغ زهيد. ومع ذلك اكو عرباين ( أبلاش ) في باب الصالة ممكن المسافر ان يستخدمهن.وبدون ما يدفع اي فلس .
اتمنى الصورة صارت اكثر وضوح لجنابك الكريم. ولباقي الاخوة والاخوات .

أخي sadeq78.. ممنون منك . وربي يبارك بيك ويسهل كل أمورك. ويحفظك ويحفظ اهل بيتك. والّلهي يسهل امرك ويعجل بسفرك ياطيب.

تحياتي

10
حبيبي Abu_mouth

الف الحمد لله والشــكر على سلامة وصولك مع العائلة الى امريكا .
واعتذر منك شديد الاعتذار لان ما جنت موجود بالمطار بيوم سفرك حتى اقوملك بالواجب ( وصدكني اخوية حسيت بنفسي مقصر وياك) فارجو المعذرة من جنابك الكريم.وامسحها بلحيتي .
اما عن سر اختفاء كثير من الاعضاء ( الي جانوا فاعلين ) بالمنتدى بعد وصولهم الى امريكا . فاني اتفق وياك 100% بكل حرف كتبته.بالاضافة الى نقطة مهمة وهي . ان بعض الاعضاء بعد وصولهم الى امريكا بدت الشتائم والمسبة تنهال عليهم  بسبب وبدون سبب بمجرد كتابتهم  او مشاركتهم بموضوع ما.!!!!!!!!!!!!!!!!!!!!.
فأثروا الانسحاب من المنتدى .
تحياتي لك وتمنياتي لك ولعائلتك الكريمة بوافر الصحة والامن والامان ومن نجاح الى نجاح .
تحياتي ياغالي

11
مساء الخير اخي العزيز.
بحكم معرفتي بامور السفر والمسافرين . احب ابشرك ومن خلالك ابشر كافة الاخوة الاعضاء والاخوة الزائرين . ان السفر مستمر ( وباعداد كبيرة  ومتنوعة) أي أو أم ( مؤجلين وغير مؤجلين) وأس أي في. بالاضافة تم افتاح خط طيران جديد ( لاستيعاب الاعداد الكبيرة الي منطيها موعد سفر )
 والخطوط القديمة ( والي بعدها  تشتغل ) هي :
1-بغداد-عمان- امريكا
2-بغداد-عمان-فرانكفورت-امريكا
3-بغداد-عمان-باريس-امريكا
4-بغداد-عمان-اسطنبول-امريكا
5-بغداد-عمان-القاهرة-امريكا
والخط الجديد هو بغداد-عمان-روما( ايطاليا)- امريكا.بالاضافة لخط النقل من اربيل الى عمان ومن عمان الى امريكا .
يعني هااي سبعة خطوط نقل من العراق الى امريكا . ولك ان تتخيل حجم الاعداد الي ده تسافر . والي ده تنتظر.
حبيت انقل صورة بسيطة عن العمل الجبار الي امام ( قسم السفر تحديدا) بالمنظمة ( ولست هنا بمحل الدفاع عن هذا القسم) ولكن كلمة الحق تقال ولو على انفسنا. فالله يكون بعونهم والله يصبرنا الى ان تجي اللحظة الي نستلم بيها مكالمة منهم بتحديد موعد السفر.
تحياتي

12
الأخ دبس وراشي
بارك الله بيك وكثر الله من أمثالك وان شاء الله بالموفقية والنجاح في حياتك الجديدة في أمريكا
سؤالي هو: لدي جنطة هاند باك وبيها سلايد واطارات للسحب أبعادها  56 * 37 * 24 سم  فهل أستطيع ادخالها للطائرة أو لا؟ وهل أستطيع وضع اللابتوب والشاحنة في نفس الجنطة بدلا من جنطة اللابتوب؟  وتقبل تحياتي

صباح الخير اخي Ahmediraqi83

جوابا على سوألك حول الجنطة الي ذكرت ابعادها .

( نعم ) تكدر تصعدها وياك بالطيارة ( كهاند باك) . وتكدر بنفس الوقت تخلي اللابتوب + الشاحنه بداخل هذه الجنطة .

اخي ابو قيصر .. ممنون منك ومن كل حرف كتبته بحق اخوك دبس وراشي. وفقك الله وسدد خطاك وابعد عنك كل سوء وهم وغم.
اخي العزيز ابو الوليد... اشكرك يا صديقي يا اصيل ويا ابن الاصول . تحياتي لجنابك الكريم ولابنك البار . واسئل الله ان يوفقه وان تلتحق به باسرع وقت ممكن.

تحياتي

15
السلام عليكم اخواني الاعزاء اليوم فتحت موقع عمان وانصدمت عندما رأيت الامنية مكتملة ولاول مرة منذ خروجي من التعليق ولكن للاسف الملف لايزال بأنتظار النتيجة وربما السبب انه لحد الان لم تنزل لي مدينة او مطار , اخواني الاعزاء هذه الاجراءات هي دليل كلامي بتسريع الملفات سواء للملفات القديمة او الملفات الجديدة او الملفات المؤجلة , لذا اخواني الاعزاء الصبر الصبر وان شاء الله ملفاتكم جميعها تسرع ويارب السفر العاجل للجميع ان شاء الله .




أخوكم أبو الحكم

 
عـــمـــي هيه كووة؟؟ والله تستاهل كل الخيـــر .

دشوف كلام الناس عنك وشوف تعليقاتها.. ما خلولي شيء اكدر اكولة .. واي كلمة او جملة اريد اكتبها الك راح الكا غيري كاتبها .
بـــــــــــس  أكول شيء واحد ..
ابن الخير دائما يستاهل كل الخير .
تستاهل يا بطل يا أصيل.
تحياتي

17
السلام عليكم

اني صارلي اكثر من سنة بامريكا
وجنت اكتب دائما بالمنتدى بس من وصلت امريكا فرمتت الابتوب وانمسح الباسورد الي كان مخزون  بالبراوزر وماكدرت افوت مره ثانية
وجنت دائما اطلب ان ارست الباسورد بس المنتدى ميدزلي ايميل علمود اسوي باسورد جديد
وهسه بالصدفه دا احاول وتذكرته
المهم
اني اخر شي كتبته يمكن استلمت الفيزا
اني استلمت الفيزا مالتي بوقت قياسي وكان تحديد يوم السفر اطول بهواية من وقت المعاملة
وصلت لامريكا وباقي على فيزتي تقريبا اسبوعين
كانت رحلة كلش متعبه طولت 3 ايام وماخلوني بفندق كضيتها انام على الارض
الصراحة طن المعلومات المغلوطة الموجود بهذا المنتدى كبير
واكو اعضاء كانو يكتبون بهذا المنتدى كانو يسببولي ارق الصراحة
بغض النظر عن ماكو سفر ( بوقت استلام فيزتي ) ومن رحت للمطار اني طالع ويه طيارة بيها حوالي خمسين شخص بس اس اي في
وعن الناس الي جانو يكتبون 3 عوائل راجعة للعراق من فلان ولاية
صاحبي رجع للعراق من ولاية... الخ
اكو هواية اشخاص مايتمنون الخير للناس
وعلى الجهه الاخرى اكو اشخاص ييجون يسوون امريكا جنة وربيع
مراح اذكر اسم بس اكو شخص مشهور جدا بالمنتدى وعنده هواية مواضيع الله جابني بنفس المجمع الي هو ساكن بي
من ارجع اقره مواضيعه واشوف حاله يعني الرجال ما شاء الله يسوي اعلانات لامريكا مدري ليش

اني احاول استوعب شلون الناس يفكرون وليش هيج ديسوون مدا اكدر الصراحة . اسف
هذا الموضوع اريد انزله من زمان بس ماكدرت
فخلي نجي نحللهن
ماكو سفر
لا حبيبي السفر موجود وناس بالاطنان دييجون بس انتظر سراك
ولاتكعد تكلي ماعندي حظ
ماكو شي اسمه حظ
كلشي ناتج عن افعالك ( ازرع تحصد ) بالنسبة للمترجمين الله اليعلم انت شجنت تسوي بالمعسكر وشجانو يكتبون عليك
اني اعرف ولد تعارك ويه متعاقد امريكي وشال عليه سجينه وقدم اس اي في وطبعا رفض وكعد يكول اني شمسوي
يا اخي احجي الي الك والي عليك
ثانيا
اني لحد هسه ماشفت احد رجع الصراحة
سمعت اكو واحد رجع قبل شهر بس الولد اجه بوحده بدون زوجته واطفالة واول ساعة بامريكا ماتحمل وكام يبجي اي نعم جان يبجي على اهله وبعد 3 ايام حجز ورجع ( الكلام نقلاً عن صديق ثقة )
اما باقي الناس فالصراحة حته الي ماعنده لغة فعايشين وامورهم ماشيه والحمد لله
واني اتكلم عن الناس الي وصلو امريكا بنفس الفتره ويايه ما اتكلم عن الناس الي وواصلين قبلي بسنة لان همه اصلا مستقرين
الي وصلو ويايه 80% منهم ولاطكه باللغه
وهاي مشكلة الصراحة بس تجاوزوها لان يريدون يعيشون وهمه ناس مجايين من عدم من العراق هواية منهم موظفين وبيوتهم ملك بس يريدون عيشه كريمه
وكانو يكدرون يرجعون بكل سهولة بس شافو الوضع هنا هواية احسن من وضع العراق
وهذا سبب اني اسم موضوعي جذب جذب جذب
لان سمعنه هواية جذب عن امريكا والحياة هنا تختلف للاحسن
اني واحد من الناس من جنت اخابر الي بامريكا بعد ما استلمت فيزا صدكوني هواية ناس سودوها بوجهي
وصلت مرحلة واحده من اصدقائي يكلي لاتجي احسنلك ( ما انساها اله طبعا )
وراح اكتب كم شغله ان شاء الله تفيد الناس وبعدها احجي تجربتي
احب اكول للناس الي يريدون ييجون ان من الافضل لو تبدي تشتغل على لغتك من هسه
ولاتكلي كلشي بوقته حلو وخلي اوصل بالاول
ليش اخي شناقصك
ابدي تعلملك كم كلمة من هسه حتى لاتوصل هناك وتضل تفر باذنك ماتعرف كلشي
ونصيحة ثانية
اذا عندك سن بي مشكلة روح سوي بالعراق ارخص بهواية من امريكا
اني اتعجب على العراقيين الي ييجون لامريكا ويريدون يسوون سنونهم هنا
يمعودين ماعدكم تامين صحي على الاسنان والاسنان هنا تصليحهن غالي فسووهن بالعراق
اني احجي لمصلحتكم فاعذروني اذا  احجي بعصبيه بس والله تنضرون اذا تريدون تسوون سنونكم هنا
شغله لخ لاتصرفون فلوسكم على الملابس بالعراق
اذا تحب تشتري ( للرجال ) اشتري قماصل جلد لان اني شفت قماصل العراق الجلد الزين ارخص واحلى من القماصل الي هنا
غير شي تعال بهدومك
بالنسبة للمحجبات فجيبو هدوم وياكم
واذا عدكم ناس عليهم الاعتماد بالعراق فخلي يدزولكم بالبريد العراقي شغلته مضمونه وتوصل بحدود الشهر
الاجهزة الكهربائية هنا ارخص وبيهن ضمان
اذا عدكم مرض مزمن فجيبو ادوية وياكم لان راح تحتاجون وقت علما تحصلون التامين الصحي المؤقت ( واكول المؤقت لان بعدين لازم تشتغل وتحصل تامين صحي )
سيديات برامج ووندوز وافلام ومسلسلات ( اني ) ما اشوف الهن داعي لان اغلب الحاسبات ييجي وياها وندوز اصلي والبرامج موجوده وبكثرة على النت والافلام والمسلسلات بعد اكثر
كلشي هنا موجود وباسعار معقولة ( حسب المكان الي تشتري منه )

عن تجربتي الخاصة والي 100% تختلف عن تجارب باقي الناس لان كل انسان عنده شخصيته وطريقة تفكيرة الخاصة بي وطريقة معالجته للمشاكل وطموحة
اني وصلت لامريكا عن طريق الاس اي في لان كنت مترجم
حالي حال عباد الله
ماصار عندي هوم سك ولاكعدت اسمع اغاني قديمه ولا ضليت ادخن وكاعد بوحدي بالشارع صافن
وصلت بال 2 بليل اني ثاني يوم بالصبح طلعت مشي اعرف منطقتي وعرفت المنطقة بالي يفيدني
اني صارت عندي هواية مشاكل بالبداية لان جنت واصل بوحدي الروم ميت مالتي هو حباب بس ماعنده راي ثابت وكلش متقلب ومايعرف شيريد
وكان عندي مشاكل بالسوشل والكرين كارد ما استلمت السوشل غير شهرين
المنظمة كانو كابوس كلشي ماسوولي بالعكس ضروني لان جماعة الامريشن يدزولهم بريد علمودي يحتاجون معلومات وبصماتي علمود يكملون الكرين كارد وهمه مغلسين وماشوفوني البريد غير بعد شهر من استلامهم اله وحتى بالمراجعه علمود الكرين كارد اني جنت اروح واحجي واحدد مواعيد
طبعا الشكر لان الكيس ووركر عراقي اصيل
المهم اني مجنت رايد منهم شي هم خلف الله عليهم استقبلوني
مساعداتي طولت شهرين بس الشهر الثالث اني ادفع من جيبي
واني اصلا مجانت عندي فلوس هواية لان اني جنت طالع من العراق ومشتري بيت ثاني ومعمره ومخلص كل فلوسي
بدايتي جانت كارثية بصراحة بس ماخليتها تاثر على نفسيتي ولاضليت الطم
دورت شغل ولكيت الحمد لله اشتغلت ب 8 دولارات بارت تايم جانت بالكوه تكفي الايجار والفواتير ويبقى من الراتب 5 دولارات ماتكفي باكيت جكاير
بس الحمد لله والشكر مابجيت ولا كلت راح ارجع جنت افكر بالحل ما افكر بالمشكلة
اغلب الناس من يكونون بهيج موقف راح يضل يفكر بالمشكلة ويفكر بايام العراق الخالده
واني انصح كل الناس اذا مرو بمثل هيج موقف واشتغلو شغل سد بسد ويه فواتيرهم لايبجون لان الحمد لله مامحتاجين لاحد
بديت ادور غير شغل بس بشكل غير جدي ( بصراحة ) لان اني كان بالي يم شغله ثانية بغير مدينه هم بتكساس
ورحت قدمت هناك وبعد جر وعر وانت مقبول تعال اشتغل واوصل هناك يكلولي البوزشنات انترست حاول مره لخ ها واني بهذا اليوم بطلت من شغلي
وبعدها ضليت شهرين بين كاعد ومو كاعد ( قدمت على شركة توضيف وجانو كل يوم يشمروني بمكان شغل عمالة دك كراب )
الى ان حصلت الشغل الي اريده والحمد لله اموري مشت هاي كلها صارت باول ست اشهر
اول ست اشهر بامريكا مجانت سهله ابداً
بصراحة جنت جحيم واذا اقارن وضعي بالعراق فاني بالعراق جنت كلش كلش مرتاح والفلوس منين ما اميل اغرف والحمد لله
بس يبقى الجانب الامني كان ماثر عليه شويه والبلد والناس مايساعدون ان الواحد يستمر بالعراق
بس مع ذلك مارجعت للعراق لان جنت مرتاح مادياً
يكلك امريكا ارض الفرص وصحيح هذا الشي
انت لازم تشتغل وتكافح الى ان تلكه فرصتك ولاتستسلم
امريكا انت تصوغها حسب مزاجك تريدها جنة تصيرلك جنة تريدها جحيم تصيرلك جحيم
تسمع بازمة اقتصادية والحكومة متوقفة صحيح
بس اذا تجي تسالني شنو تاثيراتها عليك انت
اكلك انت على شنو دتحجي ؟ ليش هو شصاير
حبيبي خلي تحترك الحكومة انت شعليك هذا بلد راسمالي الحكومة لاتودي ولاتجيب
انت شغلك قطاع خاص سكنك قطاع خاص الكهرباء قطاع خاص منين مادير وجهك قطاع خاص
ماكو شي تابع للحكومة
اكثر ناس تضررو بالتوقف مال الحكومة همه الناس الي جوي جديدين لان اسبوعين ياله كدرو يقدمون على السوشل
واني اعرف ولد وصل بفتره التوقف وبعد نهاية الازمة قدم على السوشل واخذه وعادي كلش
ثانيا لاتخاف على امريكا هذولة ناس يعرفون شلون يشتغلون

نجي على الشغل الي هو اهم شي
باعتبارك جديد المنظمة المفروض تحصلك شغل ( اني لان مترجم كالولي انت مالك اولوية لان انت تكدر تلكه شغل بنفسك احنه الشغل ننطي للناس الي مايحجون انكليزي ) هذا نص كلام الكيس ووركر واني كتله احسن
المنظمة راح تجيبلك شغل مال عبيد بس يكفيك وهو يعتبر ممتاز للفترة الانتقالية
ليش اسميها انتقالية
لان اول شغل راح تحصلة هو مجرد ضمان مادي الك وينطيك وقت كافي تدور على غير شغل
لا اكثر لا اقل
اذا جان عاجبك تشتغل بمعمل واكف على رجلك باجر يعتبر مو مجزي براحتك
كتلك هاي حياتك وانت تتخذ القرارات
اكو هواية شغل غير المعامل تنطي اكثر وجهد بدني اقل
لان الشغل الي بي جهد بدني هذا لازم يكون اجره عالي بس المعامل تشغل ناس ماعدهم لغه قوية او مرات حتى يكونون غير شرعيين علمود تستغلهم وتنطيهم اجر اقل بهواية من المفروض
واكرر هواية اكو شغل
اكثر من ان عقلك يستوعبه بس ان دور

شغله ثانية بخصوص السيارات مو شرط انت من توصل تشتري سياره غالية وحديثة بموديلها لان انت ماتعرف باجر شيصير وياك فاشتري سيارة زينه وتمشيك الى ان ترتب وضعك وبعدين اشتري الي يعجبك من تحصل شغل زين

شغله حساسة ثانية الي هيه الكردت
الكردت هو حياتك بامريكا
هواية ناس حاجين على الكردت فاني احب اضيف كم شغله
لاعبالك ان الكردت سكور يزيد بس لان انت تدفع الفواتير
اصلا فواتير المي والكهرباء والانشورنس والايجار والتلفون هذني اذا تدفعهن مايزيدن الكردت بس يقللن من الكردت اذا ماتدفعهن
الي يزيد الكردت هو دفع الديون مثلا قرض الطيارة الي انت جيت بي
هذا يزيد الكردت
من تشتري شي بالدين وتدفعه هذا يزيد الكردت
كل المبالغ الي انت تقترضها وتسددها على شكل اقساط تزيد الكردت
بس الكردت يعتمد على هذني بنسبة 35% بس
زين راح تسال والباقي شنو
شوف خلي ابسطله شغله الكردت سكور شنو
على سبيل المثال اني وصديقي جوني رحنه على صديق اسمه روي
اني وجون اداينه من روي كل واحد 100 دولار وكناله بعد شهر نرجعها الك
اني رجعت الدين بعد شهر بس جون جان عنده ضرف ماسمحلة يرد الدين فخابر روي وكله انطيني شهر لاخ
روي كاله اوكي
وره شهر جون مارجع الورقه والشهر الثالث والرابع والخامس بس بالسادس رجعله الفلوس لروي
وره سنه التاريخ عاد نفسة
اني وجون رحنه لروي نريد نداين منه بس هاي المره الف دولار
روي انطاني الفلوس لان اني كنت عد كلمتي ورجعتله الورقة اول مرة اداينت منه
بس جون اول شي ماحصل الالف من روي
ثاني شي روي كاله اداينك 300 بس من ترجعها الي لازم تكون 350 ووقعو عقد عليها
لان جون صار انسان مو كلش موثوق بي يم روي ومايعرف يتصرف ويدير فلوسه بالشكل الصحيح

اعتبر روي هو البنك
والكردت سكور هو مثل التزكية الك حتى البنك يثق بيك وينطيك فلوس
تقييم الكردت سكور يكون من شركة جبيرة اسمها فايكو ( فير ايزك كوبريشن )
واكو 3 مكاتب تاخذ وتنطي المعطيات من فايكو وتحسب السكور مالتك
تقييم السكور يكون بين 300 الى 850
البنوك والشركات ومعارض السيارات كل منهم يقيم الشخص حسب مزاجه
يعني اكو ناس يكلك 300 - 500 هذا ما انطي اي قرض و 600 الى 700 انطي بس بفائده عالية و فوك ال 700 انطي بفائده قليلة
واكو جهات لا عادي 500 ينطيك قرض بس يزيد الفائدة عليك
كلمن يتصرف حسب مصلحته
وكل جهه عدها تقييم خاص بيها
التقييم العام يكون بهذا الشكل
500 وجوه الكردت مسحوك ولازم تبني وتصحح وضعك
500- 580 كلش حيل ضعيف
580 - 620 ضعيف
620 - 660 مو كلش زين
660 - 700 جيد
700 - 760 جيد جداً
760 - 850 ممتاز
اني الحمد لله من وصلت اشتغل على الكردت وحاليا اني جيد جداً

خلي اوضح هذني شلون ينحسبن
1- تاريخك بدفع الاقساط ( وهاي تاثر بنسبة 35% على طريقة حساب السكور ) بس فايكو اول شي يباوعوله هو تاريخك او التزامك بدفع الاقساط ( مثلا قسط الطيارة او قسط سيارتك او الدفع علمود كارت الكردت )
2 -  انت شكد مديون ( 30 % من الحساب ) لان اذا كانت عليك ديون هواية اوتماتيكيا راح ينزلون الكردت مالتك حتى لاتروح وتاخذ بعد ديون وبعد ماتكدر تسدد ( واضحه مو ) مثلا اذا انت جنت مديون خمسين مليون واتحتاجيت بعد فد 20 مليون ورحت لصديقك ( ويكدر يداينك بس هو يعرف انت مطلوب ) وتكله انطيني 20 . تتوقع راح ينطيك ؟ لا طبعا لان يعرف انت اصلا غركان بالديون
3 - عمر الكردت ( 15 % ) يعني انت صارلك شكد من فاتح الكردت ( لان الي يريد ينطيك قرض ويشوفك انت مصارلك غير ست اشهر من فتحت الكردت و راح يكول ست اشهر موكافية حتى اعرف اذا انت انسان ملتزم بالتسديد او لا ) وبصراحة حقهم
4 - الكردت الجديد ( 10 % ) هو هذا يشبه عمر الكردت بس يفسح المجال ان احجي على نقطه مهمه _ الانكوايري _ اكو هارد انكوايري واكو سوفت انكوايري
الانكوايري يعني التجييك على الكردت
اي نعم اذا احد يجيك الكردت مالتك راح ينزل من نقاطك
اني جنت 730 ونزل صار 714 لان قدمت على كردت وانقبلت و قدمت على ايجار شقه
الهارد انكوايري هو ان احد يجيكك من فوك ليجوه مثلا البنك من تفتح كردت يمهم او من تريد تاخذ قرض او مثلا من تريد تشتري بيت او سيارة
هذني يوكعن بخانه ان واحد ديجيكك بشكل قوي ويريد يعرف انت شعندك ماعندك وخوما عليك ديون وشكد سكورك و خوما عليك قضايا
وصدكوني اني اجيك الكردت مالتي من اكسبيرين صح 40$ على كل مره اجيكه وغالي مقارنه بباقي الشركات بس هذولة ينطوك السكور بالمظبوط مو بشكل تخميني مثل الباقين ومن افتحه اشوف كلشي عني وهاي تفيد تسويها كل 3 اشهر او 6 اني اسويها كل 3 وتفيدك تعرف خوما احد منتحل شخصيتك وماخذ قرض باسمك لان مثل ما ذكرت ( كلشي عنك يطلع كل ديونك كل حساباتك اذا عليك قضية لاسامح الله حتى عناووينك السابقه وانت وين كاعد هسه
المهم اني الي مستغرب منه وبصراحة ما اعرف الجواب عليه ليش من تاجر شقه يسوون هارد انكوايري لان الانكوايري الواحد يضل بالفايل مالتك سنتين  واني هسه عندي انكوايريات اثنين بسبب الشقق وان شاء الله اريد اخابر اكسبيرين واسالهم واذا بيهن مجال احذفهن اجي وانزل موضوع لان الهارد انكوايري ماينحذف لو شماتسوي بس اكو فقره تكول لام تكون انت منطيهم التصريح ان يسوون عليك انكوايري طيب اني همه ماسالوني واني مانطيتهم التصريح
السوفت انكوايري : هذا اذا كنت مقدم على شغل والشركة تجيكك هذا ماينزل بالفايل او اذا انت حبيت تجيك على نفسك هذا هم ما ينزل بالفايل او مثلا انت اصلا عندك حساب كردت ويه بنك والبنك يريد يشوف اذا ينطيك زياده بالفلوس الي بالكردت ويجيك عليك هذا هم مينزل بالفايل

ليش الهارد انكوايرري ينزل السكور مالتك
لان من يشوفون انت مقدم على كردت  من بنك ومقدم على شراء سيارة وراجع مقدم على كردت من غير بنك وووو...  الخ يكولون هذا الشخص مديعرف يتصرف ومتعطش ان يكون مديون
فـ بكل محاولة ينزلون كم نقطه اوتماتيكيا و اي شخص يراجع الكردت ريبورت مالتك مراح يكون معجب بي بصراحة فاحتمال ماينطيك قرض علمود تشتري سيارة او شي

5 - انواع الكردت والديون الي عندك ( 10 % )
مثلا عندك 3 بطاقات كردت من 3 مصارف مختلفه وعندك دين الطيارة البسيط
وكلهن بوضع ممتاز هذا يزيد من سكورك بنسبة 10%


بالنسبة للجديدين لاتروحون للبنك وتطلبون كردت لان راح ييجيكم رفض بسرعة 495 مايل بالساعة
لان ماعدكم اي تاريخ مالي ولا اصلا انتو مسويلكم ريبورت لفايكو
اول شي تسوو تروحون للبنك تسوون سكيورد كردت
وبصراحة اني انصحكم ببنوك مابيها اجور سنوية مثلا بنك اوف اميركا 29 او 39 $ كل سنة ياخذون منك
كابتل ون اول سنة ابلاش بعدين 19 وعدهم كردت ياخذون 39 واكو حتى 75
السكيورد كردت هو ان تدفع مقدم تامينات وتاخذ عليها كردت كارد بحد فلوس نفس مبلغ التامين الي انت دافعه
بعد ماتسوي هذا بسنة و تبدي تسدد فلوس الطيارة روح على بنك اطلب كردت وانصحك بكابتل ون لان هذولة يوزعون كردت على روح المرحوم
يعني حتى لو الكردت سكور مالتك ضعيف هم ينطوك كردت ب 300$
البنوك الجبيرة مثل بنك اوف اميركا و جيس و ولس فاركو و بنك ستي و دسكفر هذولة لازم يكون عندك كردت قوي
بخصوص دسكفر اني هذا اكثر بنك احبه واتمنى يصير عندي كردت وياهم لان عدهم مميزات كلش قوية
وهمه دزولي عرض قبل يومين وشفته بالبريد بالليل بس المشكة الصبح اني جنت ماخذ ابروف على كردت ومن شفت البريد مال دسكفر رحت قدمت عليه وكالو انتظر من 5 الى 10 ايام عمل حته نكلك مقبول او لا
الحلو بدسكفر ان بالمستقبل ينطيك كردت بلا حد
هو الفائدة من الكردت شنو
مثلا لاسامح الله ان وكعت بمشكلة مثلا مرضت وماعندك كاش والتامين يغطيلك 80% من اجور العلاج
فرضا سويت عملية ب 50 الف دولار
التامين الصحي يغطيلك 40 الف
بس اكو عشره الف انت لازم تدفعهن شلون مالون
وخلي نكول انت حظك محلو وهستوك مشتري بيت وعليك دين 100 الف بالاضافة الى سيارتك بعد مطلوب عليها فد 10 الف
وماعندك فلوس لان انت دافع فلوس كلها مقدم للبيت
وهاي ال10 الف للمستشفى ماتكدر تدفعها ومايقسطوها الك لان انت اصلا عليك دين 110 الف
هنا الكردت كارد يلعب دوره

ملاحظات عامة على الكردت
* لاتبقي عليك دين بالكردت كارت ( ادفعهن كل شهر ) ولاتصدك احد يكلي لالا خلي فد خمسين دولار بالكردت كارت علمود تدفع فوائد علمود البنك يفرح لان ديحصل منك ( لالالالالا تصدك هذا الكلام الغبي لان قوانين حساب الكردت مو البنك خلاها والبنك مجبر ان يتبعها وهيه محطوطه لحماية البنك و العميل ) واذا ماتسدد الكردت كارت مالتك بنهاية كل شهر راح تنزل من سكورك
* من تفتح حساب كردت ويه بنك ( لاتسده )
* قرض الطيارة لاتدفعه كله دفعه وحده لان ان يكون عندك تاريخ دفع اقساط بين 12 الى 24 شهر شي ممتاز جدا ويثبت انت ملتزم بالدفع
* من يكون عندك كردت كارد لاتستخدمه كله للحد الاقصى دائما لاتعبر ال 30% او 40 % ( مثلا الكردت مالتك 1000 دولار حاول لاتعبر ال 40% شهريا يعني هذا المثال ينطبق عليه اني كردتي من بنك اوف اميركا الف و اعلى استخدام اله كان 448 $ دولار لشهر من الاشهر طبعا اني مسدده بنفس الشهر قبل الدو بس مكتوب بالريبورت مالته اعلى شي اني موصلة شكد ومكتوب المبلغ 448$ ) لان من تستخدم هواية منه راح يكولون هذا يصرف ومايعرف يدير امواله بشكل صحيح

اكو شي محد حاجي عليه بهذا المنتدى
الكردت يونين
الكردت يونين هو مصطلح يطلق على بنك بس هذا البنك مو لغرض ربح من الناس
مو بنك تجاري
مثلا اني الشركة الي اشتغل بيها اجتمعت ويه عدة شركات ثانية وسوو كردت يونين خاص بالموظفين مالتهم
محد ينقبل بي بس الموظفين وصار بنك تحت حماية فدرالية
هو بي حساب جيكنك و سيفنك وينطي كردت كارت
مابي اي اجور سنوية
خمس دولارات بس علمود تفتح الحساب
كل شغلته ان يضملك فلوس
مثلا انت على مزاجك شكد تريد ينكص من الصك مالتك ويروح للحساب مالتك يمهم
5 بالشهر او 10 او 50 او 100 انت بكيفك
هاي الفلوس راح يضموها يمهم شوكت ماتريدها تستعملها
وهمه بهاي الطريقة هاي الفلوس المضمومه منك ومن غيرك بالاضافة الى راس مال الشركة مالتك والشركات الاخرى
راح يصير مبلغ محترم بالكردت يونين
هذا المبلغ همه مراح يروحون يتاجرون بي
لا
هذا المبلغ هو علمودك
انت من تريد تشتري سيارة وتروح لابو معرض اول شي راح يخابر كل البنوك بالمدينه يطلب منهم قرض وانت احسب كم هارد انكوايري صار عليك
ثاني شي الفائدة لهذا القرض راح تكون عاليه مثلا نكول 8 % او 6%
الكردت يونين تخابرهم قبل ماتروح لابو المعرض تكللهم اني اريد اداين منكم فد 25 الف اريد اشتري سيارة
بدون لف ودوران يكلولك تدلل روح لابو المعرض وخابرنه مناك
وتروح وتحصل القرض وبفائدة 2%
المشكلة بالكردت يونين ان ميقبلون كل احد
مثلا مال شركتنه هو خاص لموظفين الشركة
واني هم ما اكدر اروح اقدم على غير كردت يونين لان مايقبلوني لان ما استوفي الشروط
اكو بنوك كردت يونين هذولة يكونون مثلا مال مدينة يعني الجماعة الي ساكنين بمدينه تلسا باوكلاهوما يكدرون يشاركون بهذا الكردت يونين
غير ناس مايكدرون
بس انت اذا صارتلك فرصه ان تشارك باحد فلاتضيعها ابداً
لان هذولة شغلتهم مو ربحية مايتاجرون بفلوسك وشوكت ماتحتاجهم يكونون موجودين
بس العيب الوحيد بالكردت يونين همه ماعدهم افرع بكل مكان
مثلا اني الكردت يونين مالتي باوكلاهوما بس اني عايش بتكساس بس شركتي قررت تسوي هنا
متستاهل ارفضه لهذا السبب فسالتهم شنو هسه
همه اصلا ديزولك دبت كارت واذا تريد تقدم على كردت وياهم
واذا تحتاج قرض بسيط شخصي او تريد تسحب من فلوسك الي انت ضامها بحسابك يمهم فيحولوها على حسابك البنكي مثلا مال بنك اوف اميركا او ولس فاركو او جيس
بس همه زينين كلش وخدمة الزبائن مالتهم متميزه يعني يشيلوك بالصلوات خاصة اذا هذا البنك يكون تابع لشركتك لان شركتك هيه الي تدفع فلوس المحاسبين هناك وهمه لخدمة موظفين الشركة

وهذا كل الي اعرفه عن الكردت وخلوها ببالكم كلما الكردت سكور مالتك يكون عالي كلما تكون حياتك احسن
امريكا حلوه وجنة للي يريدها
تعالو واشتغلو وعيشو والحياة بسيطة بس شويه صيرو سباع
ولاتعتمدون على المساعدات لان المساعدات تفكركم
وهاي سالفة الجزية و احنه عراقيين احنه اهل الغيرة غصباً ماعلى ابو الامريكان يدفعولنه مساعدات همه مو باكو نفطنه
هاي شيلوها من راسكم
على شنو هو اصلا احنه منو على ثقافتنه على علمنه مايكفي سرقنه المتحف الوطني
فلاتتكبرون زايد عن اللزوم وكونو بسطاء واندمجو بلمجتمع تره الامريكان شعب كلش فطير وعلى نياته لان ماشايفين قهر وحروب
وشتكله يصدك بحيث مرات يدقك هلكد مافطير
المكسيكيين مو كلهم موزينين بس بصراحة همه هواية احسن من عدنه يعني انكسهم ييجي يحجي بوجهك ومايخاف من عندك مو مثلنه النفاق والطعن بالظهر
وراح تتشوفهم تكتلات يعني واحد يساعد الثاني وهم مو مثلنه واحد ينبش كبر الثاني
السود حشاشه مو يعني يحششون حشيش هاي عادي عدهم بس همه ونسه وتحشيش ومن يخاوون واحد يخاوو من صدك مو كلاوات
وبيهم الزين وبيهم الموزين

واتبع القانون ولاتخاف

تمنياتي الكم بالنجاح والموفقية


أبو سمـــر
اخ لو تعرف شكد كسبت ثواب بموضوعك هذا.. وشكد اكو ناس جانت متشأمة قبل كتابتك.. وشكد صار عدها تفائل من بعد قراءة موضوعك.
فبارك الله بيك أخي العزيز. ووفقك رب العزة بما فيه خير لك . وطرح الله البركة بصحتك و بمالك وعملك.
واضم صوتي لاصوات الاخوة الذين طالبوا الادارة الكريمة بتثبيت الموضوع.
تحياتي

18
اولا السلام على اهلنا الطيبين
ثانيا اليوم صباحا تحول السفر من غير فعال الى الانتضار والحمد لله رب العالمين
تمنياتي للجميع بالتوفيق

مبروووووووووووووك سيادة العميــــد

والله تستاهل كل الخير . وماتعرف شكد فرحتلك . عبالك التغير صاير بملفي. هههههههه
ان شاء الله مداخلتك الجديدة تكتبلنا بيها انطوك موعد سفر .

تحياتي

19
واللة جان مصبرنا عل مر upppppppppppppppppppppppppppppppppppppppppp ماكو  احد يعرف اشكد ديسافرون تقريبآ

اخوية العزيز ( عشماوي).
مدام دورت على الموضوع الي صارلة اكثر 3 أشهر مختفي . فهذا ان دل على شيء فهو يدل على حيرتك ولوعتك بمعرفة الاعداد الي ده تسافر .
ولهذا السبب احب اطمئنك وأطمئن كل الاخوة الي دينتظرون .
الاعداد خيررررر من الله . وراح انطيك مثل بسيط . وانته قيس عليــه.
صديقي سافر قبل اسبوع تقريبا والعدد الي سافر وياه بين 70 الى 80 شخص . وبيهمSIV وبيهم IOM . مؤجلين بسبب التوقف الي صار بشهر العاشر وغير مؤجلين.
اتمنى ردي على سوالك طمئنك نوعا ما .
اشكر على كلماتك والله يصبرك ياورد.
تحياتي

20
والله ما اعرف غمرتوني بعطفكم وبمساعدتكم طيله هذه السنين العجاف الشيء الوحيد الذي كان يصبرني ويهون علي المصاعب هو انتم وبدعائكم الصادق  حصل الامر  الحمد الذي يفعل ما ياشاء ولا يفعل مايشاء غيره
جزيل الشكر والامنتنان لاختنا العزيزة الرائعه ساوند التي دائما مانجدها حاضرة في افرحنا واتراحنا شكرا لك من كل قلبيوجزيل الشكر لكل الاخوة والاخوات الذين ساندوني طيله هذه الفترة شكرا جزيلا لكل الاخوة ولاخوات على تهانيكم الجميله ودعائكم ان شاء الله المستجاب شكرا لاخويه وخبيبي الرائع ابو ياسر والشكر الجزيل لاخويه الذهب صاحب الاخلاق الرفيعه وابو المواقف التي لاتنسى ابو عبد الله الذهب دبس وراشي على مساعدته وموقفه وهذه مو جديدة عليك والله واتمنى من الله ان يوفقك ويسر امرك.
اعتذر عن الانقطاع لهذه الايام لانشغالي بتفاصيل الوصول اخواني مع الاسف قرأت كم موضوع من المواضيع المحبطه اخواني يقول امير الامام علي بن ابي طالب عليه السلام مابين الحق والباطل اربع اصابع قيل وكيف ذلك يامير المؤمنين قال بين الاذن والعين اربع اصابع لاتصدقوا كل مايقال الاان تروا باعينكم وساكتب عن الرحله بالتفصيل الممل .تحياتي لكم من كل قلبي وداعائي لكم بالامن والامان والصحه والتوفيق يا اجمل الاصحاب .

حبيبي ابو مصطفى الورد.
كلمة وحدة تختصر كل الي ابالي .
(( خسرناك والله العظيم ))

ومع ذلك اتمنالك كل الموفقية والنجاح ياورد . ولو ما قمتلك بالواجب الي تستحقه ( فاعذرني يا انسان يا راقي) . وان شاء الله تعالى نتلاكة واكمل ما بذمتي تاجاه حضرتك.
مبروك مرة ثانية. والشباب يخصـــوك بالسلام والدعاء ;) ;) .
تحياتي

21
حبيبي ابو حمودي الورد.
اولا:  حبيت اشكرك ( ياورد ) على السوال ...
وثانيا: سلامي لاخوية الغالي (BMW) على تواصله وعلى المسج الي ارسله ..حقيقة خجلني برسالته .ربي يحفظه ويسعده .
 ثالثا :هااي الصفحة مالتك ما ادري وين تروح ؟؟( وخصوصا من أدور عليها ,, ما الكاها) !!!!!!!.
,,,,,,حبيت أبشـــــــرك ,,,,,,
مـــــــاكو شيء جديد بملفي .
ههههههههههههههههههههههههه
وحتى اذكركم بملفي ( للي ناسي )
تقديم شهر التاسع 2010 ( يعني كملت ثلاث سنوات وبديت اكررررط بالرابعه )
رقم الملف IZ-121
مقابلة اولى+ بصمات  شهر السادس 2012
فحص طبي اول شهر السابع2012
مقابلة ثانية ( محلفين ) شهر الثامن 2012
استلام ( الدفررررة )لتر شهر العاشر 2012
اتصال بالكفيل  شهر الواحد 2013
 اعادة فحص طبي شهر التاسع 2013
اكتمال الفحص بالموقع شهر العاشر
والامنية  وحالة الملف بانتظار النتيجة .
اما اخوية اوس فاكوله .. الف الف مبروك اكتمال الامنية  . ويارب يارب مداخلتك الجااية بالمنتدى تبشرنه  بموعد سفرك . لان انته انسان طيب وتستاهل كل الخيــــــر.
واشكركم مرة ثانية

تحياتي

22
صباح الخير اخي العزيز .
اذا انته تريد تسافر من العراق الى تركيا . اعتقد هالمعلومات أدناه توضخلك الفكرة :


الخطوط التركية
السبت: رحلة واحدة ( موعد الطيران من بغداد  9:00 صباح)
الاحد : رحلتين الاولى صباحة بالــ 9:00 صباحا , والثانية بالـــ 4:00 عصرا
الاثنين: رحلة واحدة ( موعد الطيران من بغداد  9:00 صباح)
الثلاثاء : رحلتين الاولى صباحية بالــ 9:00 صباحا , والثانية بال4:00 عصرا
الاربعاء: رحلة واحدة ( موعد الطيران من بغداد  9:00 صباح)
الخميس: رحلة واحدة ( موعد الطيران من بغداد  9:00 صباح)
الجمعة  : رحلتين الاولى صباحية بالــ 9:00 صباحا , والثانية بال4:00 عصرا
وسعر التذكرة للذهاب والاياب يتراوح بين الــ 680$ الى 720 $
--------------------------------------------
الخطوط الجوية العراقية
رحلتين يوميا الاولى بالـــ 11:00 صباحا  والثانية  بالـــ 10:30 ليلا
وسعر التذكرة ذهاب وأياب  563$

تحياتي

23
السلام عليكم اخواني الاعزاء واخواتي العزيزات
في البدايه احب اشكرا جميع اخواني واخواتي في هذا المنتدى الرائع الذي يعتبر هو بيتنا الثاني الي اتشاركنا بيه في همنا وفرحتنا على مدى سنوات كثيره لاكن الحمد لله الشده ما ادوم ودائما مع العسر لازم ايكون فرج باذن الله ... وداعوا من الله ان ايحقق امانيكم وتوصلون بالسلامه الى بلاد العم سام وتعيشون في سلام وامن
احب وبفخر واعتزاز ان اشكر اخي العزيز الراقي الرائع دبس وراشي الي وبحق افضاله لا تعد ولا تحصى وبدونه جان ما اعرف ادبر اي شي لان اني من النوع الى ما امسافر بالسابق وما اعرف شنو الاجراءات وبالاخص في مطار بغداد لاكن سبحان الله ما ينسه احد واشكر ربي كثيرا لان قابلت ناس رائعين امثال اخويه دبس وراشي الى وقف معي وقفه ما انساها طول عمري وبصرحه نادرا ما انقابل اشخاص طيبين ايساعدون الاخرين لله في الله مثل هذا الانسان الرائع ابو القلب الطيب و ابن الكرم والاكابر ...  شكرا اخي العزيز ادعوا من الله ان ايوفقك ويحفظك وايحقق امانيك ويعطيك من فضله وتوصل بالسلامه  يارب ... ورحمه الله على الناس الطيبين الى ربوك لان فعلا انته رجل كريم وطيب وتستحق كل الشكر والتقدير ويشهد الله هذا الكلام مو مبالغه لاكن هذا حقيقه صادقه وكلمه شكر بسيطه لاخي العزيز دبس وراشي المحترم

الحمد لله كثيرا ... الحمد لله دائما وابدا
           اخوكم علي
     


بسم الله الرحمن الرحيم
(ومن يتق الله يجعل له مخرجا )
صدق الله العظيم


علي الذهب ابن الذهب .

الف الحمد لله على سلامة وصولك . وكرة عينك بشوفت الوالد والوالده .
 حبي علي ,, انته من الناس الي تتق الله بكل شيء . ولهذا السبب الله خلاني بطريقك .
ولان انته طيب وتستاهل كل الخير . وبارك الله بيك وبالاهل الي ربوك وربي يديم عمران البيت الي طلعت منه .
جنت اتمنى ان اخليك بايدي بالطيارة ( لكن الله شاهد ظرف طاريء منعني من ان اوصلك لباب الطيارة ) . فتقبل اعتذاري اخي العزيز.

تحياتي لجانبك الكريم . وتحياتي للسيد الوالد.

24
السلام عليكم ورحمة الله وبركاته اخوتي الطيبين الاعزاء ...
بعد قرابة الستة اشهر من المعانات والصبر وصل ابني وعائلته الى امريكا حيث تم سفرنا انا والحاجه ام علي فبل ستة اشهر تقريبا واجهنا خلالها صعوبات كثيره في اللغه والعادات والتقاليد والطعام ونحن كبار في السن وصحتنا ليست على مايرام ...مرضنا ودخلنا المستشفى وطلبو مني اجراء عملية للقلب ورفضت بسبب عدم وجود اي شخص من عائلتي مع الحاجه ام علي ...وقد تحملنا كل ذلك من اجل مستقبل ابناءنا واطفالهم ...
اعتذر عن انقطاعي عنكم طيلة الفتره السابقه لانني عشت ظروف صعبه وايام متعبه ولم يكن لدي انترنيت اسأل الله عزوجل ان يبعد عنكم وعن عوائلكم الكريمة مثل تلك الايام ...
سلامي وتحياتي الخالصة الى كل اخوتي واحبتي في منتدانا الرائع الذي يزهو بمشاركاتكم
شكرا جزيلا لكل من وقف الى جانبي طيلة الفتره السابقه وساعد ابني ولو بمعلومة بسيطة
شكر وتقدير واحترام الى الاخ العزيز الفاضل دبس وراشي على مواقفه الطيبه الاصيله في مساعدتي عندما سافرت ومساعدة ابني في سفره ...والله ان افضال هذا الرجل علينا وعلى كل من يسافر كثيره لاتعد ولا تحصى....نسأل الله تعالى ان يوفقه ويسهل امره بالسفر القريب ان شاء الله...ولن انسى ابدا موقفه الكريم حين حمل حقائبي على اكتافه واوصلني الى الطائره .....لن انسى ابدا موقفه عندما ودعني وقبلني من رأسي كمن يودع والده ...انا ممتن منك ما حييت اخي الكريم الفاضل دبس وراشي  بارك الله بك وكثر من امثالك ....وهذا من اصلك الطيب ...رحم الله والديك على هذه التربيه...
شكر خاص الى اختنا العزيزه السيده الفاضلة ساوند على رسالتها وعلى ادارتها الرائعة لقسم الهجره والمهاجرين وانا اسميها شمعة المنتدى
شكر خاص لكل من راسلني على الخاص عن طريق ابني علي في العراق
اتمنى للجميع بدون استثناء الصحة والسلامة والسفر العاجل ان شاء الله لمن لم يسافر ....والمستقبل الزاهر لكل من سافر
اعتذر لكم جميعا عن اي تقصير بدر مني خلال الفتره السابقه بدون قصد
وفقكم الله ورعاكم وحماكم وابعد عنكم كل سؤ انه نعم المولى ونعم النصير ....

                                                                                              عمكم ابو علي ...عراقي نبيل

اخي الغالي ابو علي الورد
الف الف الحمد لله على سلامة وصول ولدكم البار ( علي ) . ربي ما يحرمكم من هاال اللمة . وربي ينطيكم الصحة والعافية ويديمكم خيمة على اهل بيتكم .

ابو علي . انته طيب بكل شيء . باخلاقك وبطيبة قلبك وما انسى يوم سفرك من كتبت عنك وكلت ( انسان تركض عزة نفسه كدامة) .
فياخي الي عظيم الشرف ان اقوم بخدمتك وخدمة ابنك البار علي.
ربي يعطيك من كنوزه حتى ترضى . ويمن عليك بوافر الصحة والعافية .

تحياتي للغالي علي وارجع واكوول (( الله لايحرمكم من هااي اللمة )) .

تحياتي يا رجل ياطيب

25
ابو مصطفى الورد
ولو اني زعلان عليك شوية ;) لان جان اكو اتفاق بيناتنه ان اقوملك بالواجب بيوم سفرك. بــــس فرحة خبر سفرك نستني الزعـل . والي برد ناري سمعت صوتك وتشرفت بالحديث وياك قبل ما تصعد الطيارة  :D :D.

على العموم .. اخي الفاضل ابو مصطفى يا ارقى من مي الذهب.
سفرة سعيدة وموفق بحياتك الجديدة وياااااااااااااااااا رب تلكه كل اسباب السعادة بانتظارك.

وشكري الجزيل للاخت ساوند على نقلها لواحد من احلى الاخبار . بوركتي اختي العزيزة.

تحياتي

26
أخي العزيز  slam hawk . الف شكر على كلماتك الرائعة . وأيدك العايشة ياورد.
اخي وصديقي( ابو الحكم ) الاكثر من رائع بشهادة كل الاخوة والاخوات. ممنون لكلماتك الي لاتقدر بثمن . واعتقد العطاء الي ده تقدمه انت لكافة الاخوة والاخوات لايضاهيه عطاء. فبارك الله بيك وحفظك رب العزة  ورعاك وابعد عنك كل السوء والشر.

اخي علي السلطاني .
الجواب على سوالك (الاسبوع المضى كان اكو رحلات من تركيا للعراق ؟؟) الجواب هو  نعم كان اكو رحلات . والرحلات ما توقفت ابد.


تحياتي

27
صباح الخيــــر اخي علي

اتمنى الاجابة التالية تكون واضحة لحضرتك :

الخطوط التركية
السبت: رحلة واحدة ( موعد الطيران من بغداد  9:00 صباح)
الاحد : رحلتين الاولى صباحة بالــ 9:00 صباحا , والثانية بالـــ 4:00 عصرا
الاثنين: رحلة واحدة ( موعد الطيران من بغداد  9:00 صباح)
الثلاثاء : رحلتين الاولى صباحية بالــ 9:00 صباحا , والثانية بال4:00 عصرا
الاربعاء: رحلة واحدة ( موعد الطيران من بغداد  9:00 صباح)
الخميس: رحلة واحدة ( موعد الطيران من بغداد  9:00 صباح)
الجمعة  : رحلتين الاولى صباحية بالــ 9:00 صباحا , والثانية بال4:00 عصرا
وسعر التذكرة للذهاب والاياب يتراوح بين الــ 680$ الى 720 $
--------------------------------------------
الخطوط الجوية العراقية
رحلتين يوميا الاولى بالـــ 11:00 صباحا  والثانية  بالـــ 10:30 ليلا
وسعر التذكرة ذهاب وأياب  563$

تحياتي

28
دكتورنا الغالي.

الف الف الحمد لله على سلامة الوصول. يارب تتوفق بحياتك الجديدة . واتمنى من رب العزة ان يجعل كل اسباب النجاح بطريقك.
دكتور . طبعا جدااااااااا خجلان منك لان ما كدرت اقوملك بالواجب الي تستحقة . فاعتذر من جنابك الكريم شديد الاعتذار. وامسحها بلحيتي أخوية العزيز.
مرة ثانية مبروك الوصول والحمد لله على السلامة .
تحياتي

29
الهجرة و واللاجئين / رد: google + map
« في: 03:36 24/10/2013  »
اختي العزيزة.
اسمحيلي اكون اول واحد يشكرج علىالموضوع المفيد والرائع.
سلمت الانامل وبارك الله بيج .
تحياتي

30
عموري الورد.
الف الحمد لله رب العالمين على سلامة وصولك ( من بعد انتظار كللللللللللللش طويل) .
والف الف شكر على سوالك عني . بصراحة رديت على رسالتك الي كتبتها على الخاص ( لكن الظاهر اكو مشكلة بالنت ) .

حبيبي عموري
صدكني اني ماسويتلك اي شيء . وجنت اتمنى ان نكون متعارفين قبل سفرك. لان حقيقة انته شخص يتشرف اي انسان بمعرفته.
ادعو من الله ان يوفقك ويجعل كل اسباب النجاح بطريقك . وربي يبعد عنك اولاد الحرام .
سلامي للاخوة الي سافروا وياك ( اذا جنت تتواصل وياهم) .

ممنون منك مرة ثانية
تحياتي يابطل

31
مساء الخير اخي

اخي اذا انته من جماعة الـــ  SIV  فسفرهم ما توقف ابد  ( واعدادهم خير من الله ). ولحد هذا اليوم المنظمة ده تسفرهم.
والتاجيل شمل بس جماعة الـــ IOM  .

تحياتي

32
مســـاء الخيــر أخي الورد أبو الوليد.

حتى اكون صادق بجوابي على سوالك.. كل الي ديسافرون حاليا هم جماعة الــ SIV .

اما اذا اكو حالات ( خاصة جداا ) والمنظمة تعتقد بوجوب سفرهم  فصدكني ما اعرف .

منظمة وبكيفها تسفر الي تريده .. وتشحن الي ما تريده !!!!!!

تحياتي


كل الشكر والتقدير الى صاحب الانسانيه وصاحب الفظل الكبير علينا

اخي لم انسى وقفتك المشرفة مع ولدي عند سفره وزرع الابتسامه

بعد مفارقتهم لنا والله عند اتصلنا به يسأل عنك ويبعث لك التحيه والسلام

اخي الحبيب كما نشكر لكم اجابتكم على سؤالنا ونعرف انكم لا تقصرون

وهذا كرما منكم ونسأل من الله ان يعجل سفركم بس مو قبلنا ههههه

اريد احنه وياكم لنرى هذا الوجه المملوء بالانسانيه عشت ابنن واخا شامخا

يا عسل دجلة ويا كيمر الفرات

ابو الوليد





أخي ابو الوليد.

الف الف شكر على كل حرف وكل كلمة كتبتها بحق اخوك ( دبس و راشي) .
ممنون منك شديد الامتنان . ويجي يوم سفرك ( قبل سفري ) ههههههههههههههه حتى اقوملك بالواجب ان شاء الله تعالى.
تحياتي لجنابك الكريم ولابنك . جعله الله من  الابناء البررة وقرة لعينك . ووفقه الله بحياته الجديدة وابعد عنه كل السوء والشر واولاد الحرام.

تحياتي

33
مســـاء الخيــر أخي الورد أبو الوليد.

حتى اكون صادق بجوابي على سوالك.. كل الي ديسافرون حاليا هم جماعة الــ SIV .

اما اذا اكو حالات ( خاصة جداا ) والمنظمة تعتقد بوجوب سفرهم  فصدكني ما اعرف .

منظمة وبكيفها تسفر الي تريده .. وتشحن الي ما تريده !!!!!!

تحياتي

34

مساء الخيــر .

حقيقة هذا الموضوع تكرر ( مع الاسف الشديد ) اكثر من مرة وية ناس اعرفها حق المعرفة . هم بليلة ويوم انكتب عدهم بحقل  الفحص الطبي غائب!!!!!. مع العلم ما اجاهم اي اتصال من المستشفى باعادة الفحص.
لكن الي لاحظته ( ويجوز اكون غلطان بملاحظتي ) الي يجمع هولاء الناس ان خطوطهم أسيا سيل!!!!!! يعني يجوز اكو اشكال بالاتصال ؟؟؟؟

على العموم اخي الفاضل. اكتب للمنظمة رسالة ( وحتى لو تكتبها باللغة العربية ) واشرحلهم الحالة .. وبنفس الوكت زودهم باكثر من رقم ( اذا جان عندك ) . وان شاء الله يتصلون بيك.

ملاحظة : اذا انته من اهل بغداد  حاول اتعب نفسك وتروح للمستشفى واسئل شوكت ( بأي تاريخ اتصلوا بيك؟؟) .. صدكني مراح تخسر شيء..


ربي يسهل امرك وامر الجميع.
تحياتي

35
شباب معقولة 181 مشاهدة  والردود بس 3 ؟؟!!!!!!!!!
وينهم أبطال الــ SIV ؟؟

36
مساء الخير اخي ابو هبة .

اتمنى هذا الرابط يجيب على كل اسئلتك.

http://www.ankawa.com/forum/index.php/topic,690007.0.html

تحياتي اخي الفاضل

37
UP

بطلب من كثير من الاخوة والاخوات

وموفقين بالسفر يــــارب

تحياتي

38
طبعا اني جان المفروض سفري يوم 6 / 10 الاحد بالخمسة الصبح واخذنة الحباية يوم الخميس
وصباح يوم الجمعة اتصلو بية من عمان وكالولي تاجل سفرك الى اشعار اخر وتعرفون كتلة ترة اني بايع كلشي ومحضر الجنط ومباقيلي شي واخذت الحباية ومن هالحجي وشوية ضبيتة كتلة انتو هم معتبرين نفسكم منضمة انسانية هيج سويتو بية المهم هوة مابيدة شي يسويلي بس كلي فترة ونرجع نتصل بيك وانتو الكم الاولوية للسفر !
وجان اكو احد الجوارين هم عدهم نفس موعد سفري واخذ الحباية وياية بابن البيطار اجاني للبيت كلي اجلوني شلون كتلة نفس الشي والله كريم.
من خلا قراءتي لمواضيع الاخوة واتصالاتي باشخاص عدة في المطار وفي عمان وفي تركيا وامريكا وغير ها استنتجت
انو السفر متوقف عالكل واذا واحد كال اني رح اسافر من اليوم لغاية على الاقل اسبوع فهوة كاذب
ان شاء الله بعد فترة قليلة رح يتصلون بينة وينطونة مواعيد جديدة
اكيد المواعيد بعد يوم عشرين من هذا الشهر
اكو طيارتين يوم الاحد 20 / 10 ويوم الاثنين 21 / 10

بلكي الله نكون على متن احدى هاي الطائرات





للعلم تغير السفر من تاريخ السفر الى انتضار

الله ارحم الراحمين لتايسون من رحمة ربكم وبين ساعه وساعه فرج

تحياتي


مساء الخير عليك اخي ابو ايمن وعلى كل الاخوة والاخوات.

بصراحة اغلب الاعضاء يعرفون عني ما احب اكتب بمواضيع ما تخص السفر والحقائب .

لكن

بما انو اني عندي فكرة عن سبب تاجيل السفر من قبل المنظمة . فحبيت انقللكم الصورة . واتمنى ان تفيدكم هااي الصورة حتى تعرفون شنو الي صار.

اخي الغالي ابو ايمن
سبب تاجيل سفركم هو ان الحكومة الفيدرالية اعطت اجازة بدون راتب لكل موظفيها ( الغير ضروريين) . ومن ضمن هولاء الموظفين هم موظفي الــ IOM في كل دول العالم.
يعني
نفرض انتوا سافرتوا يوم 6\10 من مطار بغداد.اولا مراح تلكة موظف المنظمة الي يوزعلكم التذاكر يم ساحة عباس . ونفس الشيء من توصل لعمان مراح تلكون موظفي المنظمة بانتظاركم بمطار عمان . ومن توصلون الى امريكا مراح تلكه موظفي المنظمة في مطارات امريكا  . وهكذا.
يعني الي صار  هو تاجيل للسفر بسبب عدم موجود من يستقبلكم ويمشي بأجراءتكم بالمطارات.
( وطبعا هذا راح يكلف المنظمة فلوس) لان الي يأجل سفره لازم يدفع غرامة لشركة الطيران . وانته احسب شكد راح تدفع المنظمة فلوس بسبب هذا التاجيل.
وصدكني اخي العزيز الامور راح تمشي بوتيرة سريعة جدا اول ما يتم اقرار الموازنة الفيدرالية .

وخلي اطمئنك بعد اكثر . اليوم اتصلوا بولد ويانة بالمنتدى (وانطوه )موعد سفر يوم 21\10.

اتمنى وضحت لجنابك الكريم ولو بشكل بسيط سبب التاجيل .
تمنياتي الكم بالسفر القريب . وان شاء الله ازمة وتعدي وتصير سوالف .
واعتذر اذا دخلت بموضوع جنابك الكريم كاتب بي ( كلمن تأجل سفره) واني ما متاجل سفري .. لكن حبيت انقل الصورة الي اعرفها من داخل المنظمة لجنابكم الكريم.

تحياتي

39
مساء الخير اخي العزيز.

الف الف مبروك وصولكم الى الولايات المتحدة الامريكية.

يارب تكون محطة انطلاق بحياتكم للنجاح والموفقية . وان شاء الله تلكون كل الامن والامان والخير كدامكم وينتظركم.
صبرتوا والله سبحانه وتعالى ما ضيع صبركم.

اشكرك على كلماتك الرائعة بحق اخوك دبس وراشي ( ولو اني جنت مقصر وياك) وجنت اتمنى اقدملك الاكثر والاكثر.

مبروك مرة ثانية وتحياتي

40
مساء الخير اخي العزيز.

اولا الف مبروك صدور الفيزا لجنابك الكريم . ويارب سفرة سعيدة وسهلة ومو متعبة . وان شاء الله موفق بحياتك الجديدة الي اتمنالك بيها كل الخير والنجاح والموفقية والامن والامان يارب.

الجواب على سوالك . انته ( بحكم قانون الكمارك العراقي) تكدر تاخذ وياك عشرة الاف دولار . واذا كان وياك شخص ثاني بالسفرة ايضا يكدر ياخذ وياه عشرة الاف دولار ( يعني كل شخص يكدر ياخذ وياه عشرة الاف دولار).
اما اذا  كنت انته مسافر وحدك والمبلغ الي تريد تاخذه وياك اكثر من عشرة الاف دولار  فهذا ( بحكم القانون العراقي ) ممنوع . واحتى افهمك اكثر واوضحلك الصورة بكل جوانبها اكتبلي رقمك على الخاص حتى اشرحلك بالتفصيل الممل  ;) ;) ;) ;).
ولا تشيل هم للموضوع ..  ;) ;) ;) ;) ;) ;)
سهلة ان شاء الله

تحياتي

41
السلام عليكم ..... تسلم اخي العزيز على هاي المعلومات القيمة , اني باربيل وصالي 3 ايام اريد احد يعرفلي شكل الحقيبة ال23 كغم محد يساعدني الله يخليك ممكن تنطيني ابعاد الحقيبة وهل اكو ماركة مجربة واكون ممنون منك ...... تحياتي

مساء الخير اخي العزيز.

بصراحة ما اعرف ليش بعض الناس عدها اصرار على ابعاد الجنط!!!! :( :( :( :(

عزيزي حبيبي  انزل للسوك واشتري الجنطة الي تكدر تخلي بيها اغراض و ملابس بوزن 23 كغم . واترك موضوع الابعاد فدوة اروحلك.

والله العلي العظيم اكو عوائل اجتي للمطار وخالة ملابسها بــ( كواني مال شكر) . ( طبعا مو ماعدهم فلوس يشترون جنط . بس لان ماتاخذ وزن  يعني يستغل وزن الــ( الكونية ) الخفيف حتى يخلي بمكانه اغراض !!!!! وانشحنت و وصلت لامريكا !!!. ;) ;) ;) ;)
 اتمنى وصلت الفكرة .
اما بالنسبة للماركات فلا دوخ راسك . اهم شيء الجنطة يكون بيها تايرات ويده سلايد لسهولة سحبها بالمطارات .

تحياتي

42
مساء الخيـــر اخي الفاضل.

خلي أبشرك وأبشر كل الاخوة والاخوات . السفر مستمر وباعداد جيدة جدة ( والنسبة الاعظم راح تكون لاصحاب الــ SIVخلال الاسابيع المقبلة) .

اما موعد توقف السفر . فكل سنة يتوقف السفر( لاغراض المراجعة المالية للمنظمة ) يوم 15\12 . ويستأنف السفر في منصف الشهر الاول من العام الجديد.
 ( يعني يتوقف شهر واحد لا اكثر ولا اقل).

رفعت الاقلام وجفــت الصحــف.
تحياتي
 

43
السلام عليكم شباب

الجواز السفر مالتي A و بية فيزة لتركيا فيزتة و مرحت عادي الموضوع ميثر بس المشكلة انشلعت الورقة الي هية رقم 10 الي بية الفيزة انشلعت من العرج مال الجواز يعني من الحبال مال الجواز و الورفة جديدة ما بية شي و لا مشكوكة بس مجرد انشلعت من عرجة و الورقة بية الفيزة مال تركيا و اسمي بل فيزة و رقم الجواز و الورقة ما اكدر الزكة لزك اخاف اتسوي شاش شنو نصيحتكم الي

1 اخلية هيجي و من ينطوني موعد سفر الاي او ام اكلهم انشلعت و متثر
2 الازكة
3 شسوي بهل حالة نصيحتكم شباب

مساء الخيــر اخي الفاضل.
نصيحة اخ لاخوه واخذها مني ( اني الي شفت العجايب بالمطار)
روح لدائرة الجوازات واخذ وياك الجواز والصفحة المشلوعه . واشرحلهم الحالة .وهم الي راح يقررون ( لان الجواز صادر منهم وبس همه المخولين بحل مشكلتك)
حتى من يجي يوم سفرك تدخل للمطار وانته مسيطر وبحيل صدر .
 لا ضباط الجوازات بالمطار يشكون بجوازك ويسوها طويلة وعريضة عليك ويعتبروك متلاعب بوثيقة رسمية ودولية ذات اهمية عالية. ولا ابو المنظمة يحير بامرك. وصدكني اخي الفاضل صارت بعائلة مسيحية قبل سنة تقريبا ( والعائلة رجعها ضابط الجوازات/ بعد ما وزنت وشحنت جنطها واستلمت التكتات/ لان الاب جان جوازه بي صفحة مفقودة ) وهم زين طلع الضابط ابن اوادم ولا جان يكدر يسويها ظلمة عليهم.

تحياتي

44
مرحبا اخي دبس وراشي ومشكور على مجهودك الذي تبذله من اجل خدمة الناس ونحن جميعا نخدم بعضنا البعض في هذا الكروب العظيم اخي سؤالي هوا هل يوجد عوائل او اشخاص لديهم توطين على استراليا وسافرو من مطار بغداد الى استراليا خلال هذا الشهر او الشهر الفائت طبعا اني قصدي عن الذين مقدمين على استراليا من سوريا ورجعو للعراق وسافرو من العراق تحياتي لجنابك الكريم

مساء الخيـــر
الجواب على سوالك هو

نعم

تحياتي

45
حيييييييييييييل  هااي الى هسه هااي الصفحة موجودة؟؟!!!!!!!!!!!!!!.

على العموم اني مثل ماتعرفون في بداية هذا الشهر رحت سويت اعادة للفحص. وبعد 21يوم بالضبط صار مكتمل بالموقع.
يارب يخابرون على كل واحد الفحص الطبي مالته صار اكسباير .. وتمنياتي بالسفر للجميع.

ابو حمودي خلي يجي البرد المضبوط.. واني اراويكم الـــ( دبس و راشي ) شيسوي  ;D ;D ;D ;D ;D

تحياتي

46
تحياتي الك يااخي العزيز وشكرا على المساعده الي تقدمه انه عندي كم سؤال اولا غيرت الولايه مالتي قبل اسبوعين من لانه كفيلي بتكساس وطلعتلي ايدي ياهو ودزيتلهم رساله سؤالي شوكت ادزولي الخبر مال التغير ثانيا ماذكرتنه كم مسموح من السكاير اقصد كم تكه للشخص الواح :-* :-* وموضوع التجيك الامني اذطول وعبرنه اكسيباير الفحص الطبي لازم انعيد الفحص وشكد مدة الفحص مع تحياتي

صباح الخيــر اخي ahmadsabryahmad

سوالك الي يتعلق (شوكت ادزولي الخبر مال التغير ثانيا). بصراحة ماكو شيء ثابت عند المنظمة . لان صديق لي غير كفيله  وره اسبوع اتصلوا بي ( رادوا يتاكدون منه ) .وكلهم نعم اريد اغير الكفيل. وبالفعل غيروا الولاية والمطار بالموقع بعد عشرة ايام. وعندي صديق اخر كتبلهم ( قبل شهرين ) على تغير الكفيل . والى هسه محد اتصل بي .!!!!!!

اما سوالك الثاني (كم مسموح من السكاير اقصد كم تكه للشخص الواحد). فالجواب اربع تكات . ( طبعا هذا قانون الكمارك العراقي)
راح يجون اخوة بالمنتدى يكتبون  اني طلعت عشر تكات او يجيك شخص يكتب ( اعرف صديق طلع 15 تكة ) . واني اكوولك هذا الكلام صحـــيح.
لان كدامي اشخاص سافروا وجانوا ماخذين وياهم اكثر من 20 تكة ( شفتهم بعيني) . وطبعا تعتمد على موظف الكمارك الي يراقب جهاز السونار الي راح تدخل جنط بي . مرات ( يغلس ) ومرات ( يلتهي وعينه ماتكون على الجهاز ) ومرات يطبق القانون بحذافيره. ( يعني انته وحظك.)
اما موضوع الفحص الطبي . فهم انته وحظك .. بالنسبة الي  الفحص الطبي صار اكسباير وبعد 34 يوم يالة خابروني على اعادة فحص . واعرف ناس صارلها اكثر من ستة اشهر تنتظر اعادة الفحص .
اتمنى الصورة صارت واضحة لجنابك الكريم.

تحياتي

47
شكرا على هذا المجهود الرائع..  عزيزي عندي استفسار وهوة شغلات الابتوب مثل الهادر دسك الخارجي والماوس والفلاش دسك هاي وين توضع مع جنطة الابتوب لو في حقيبة السفر. .والعطور هم نكدر ناخذ ويانة وهم وين نخليها.. تحياتي

مساء الخير اخيmarky

الشغلات الي ذكرتها( الخاصة باللابتوب) ممكن تخليها بالجنط الشحن او ممكن تخليها بجنطة اللابتوب .
اما بالنسبة للعطور تكدر تاخذها وياك . على ان توضع في جنط الشحن ( الجنط الكبار) .

تحياتي

48
مبروك اخي الفاضل.

يارب حياتك الجديدة كلها امن وامان وموفقية ونجاح. صبرت والله سبحانه وتعالى ما ضيع صبرك.

مبروك مرة ثانية.

49
بسم الله الرحمن الرحيم

مع  التدهور الامني الكبير الذي يحصل في عراقنا الغالي
دعاءنا لاخوة الي بخط الخطر الاخ الغالي جار الانتظار
والاخ دبس وراشي وكافة الاخوة الاعضاء خاصة وعامة
كافة العراقيين بان يبعد عنهم الخطر يارب بردا وسلاما
يارب بردا وسلاما على عراقنا الجريح
ندعو الاخوة الي يداومون باماكن حساسة بتوخي الحذر
والي عندهم مقابلات هم ديرو باالكم
وكذلك الي بمحافظات الشمالية وخاصة الي يسكنون  بالموصل وعندهم مقابلات
اولا ترا الطريق مسدود موصل بغداد
ونصيحة بوقت المقابلة لاتشيلون تصريح الدخول معاكم لان خط موصل بغداد خطر وانتشار المسلحيين والسيطرات الوهمية
لذا من توصلون لبغداد اسحبو تصريح الدخول من اي مكتب
او حاولو اخفاءه قدر الامكان

واتمنا منكم ان لاتيبون باجاتكم او هوياتكم الخاصة بلعمل مع الامريكان حاولو ان ترسلوهن  على ايميلكم وم توصلون لبغداد تسحبوهن
 

اسف على الاطالة بس  الوضع مخيف جدا وبما انة نحن جزء من العراق العظيم الخطر على الكل

واخيرا وليس اخرا اتمنا من الله ان يبعد الاذى عن اخوتنا بكل الاطياف والاديان
اخوكم ابو عادل


أخي وصديقي ابو عادل الذهب

يعجز اللسان عن وصف طيب اخلاقك .وتقف الحروف والكلمات خرساء اما نبل وطيب أصلك. الف الف شكر ومليون تحية لك ولرقي اخلاقك.
( رب أخ لم تلده لك أمك) . هذه المقولة تجسدت اليوم بشخصك الكريم بكل شيء باخلاقه باصفاته باصله بحسن تربيته برقي البيت الذي تربيت به.
فلك مني جزيل الشكر وعظيم الامتنان.
ربي يحفظك ويحفظ كل اهل بيتك ويحفظ جميع البشر من كل سوء وشر.

ممنون منك وفضل مراح انساه الك.. وان شاء الله تعالى يجي اليوم الي ارده لجنابك الكريم.

تحياتي أخي وصديقي الفاضل

50
تحية طيبة
المسافر إلى أمريكا عن طريق ال IOM - كم مسموح له أن يأخذ مبلغ نقدي معه ؟ - السؤال عن عائلة أجاها موعد سفر وتريد تجهز نفسها للسفر - ناس قالوا أن العائلة مسموح لها أن تأخذ معها 10.000$ ( عشرة آلاف دولار ) نقدا مهما كان عدد أفراد العائلة - وإذا أخذت العائلة مبلغ أكثر - يعني 20.000$ ( عشرين ألف دولار ) ممنوع ؟ لو تتصادر ؟
ودمتم سالمين

صبـاح الخيــر ياز 7

القانون العراقي يسمح بان ياخذ (كل شخص بالغ) مبلغ 10,000$ عشرة الاف دولار عند السفر.
اما قوانين الولايات المتحدة فاعتذر منك ما عندي علم بيها .

تحياتي

51
احب اشكركم جميعا على هذه الروح الطيبه والاصيله والي تدل على اصلكم الراقي ياعراقيين ويا اهل الاصل
ومتابع كل ردودكم ولكن اليوم ياله سجلت واخويه ابو الحكم جار الانتظار قبل والاستاذ حسين الجبوري والاستاذ دبس وراشي وكل الاخوه مايقصرون عذرا اذا ماذكرتهم لكن الكل على راسي
وســـــــــــــــــــــــــــــــــــــــــؤالي
اخواني هل هذا عادي انو بعد 16 يوم من اتمام المقابله الاولى بعدماكانت فعال قبل يوم المقابله وبعد المقابله تحولت الى غير فعال ولحد هذا اليوم 16 يوم وهل يوجد تحديث بموقع عمان يوم الخميس والجمعه ؟؟ وعلما اكو نقص ورقه كال جيبها على مقابله المحلفين يعني مو ضيج الاهميه شنو توقاعتكم انتو ؟ اني قريت البارحه شخص شهر ونص الاولى ياله مكتمله هل عادي ؟
وشكرا لكم حبيبي ويارب سفركم كلكم وافرح بيكم واحد واحد
ابو زنوبه

الف هلا بابو زنوبة .

شرفتنه اخي العزيز بانضمامك الى عينكاوا .

كلام اخي العزيز ابو الحكم مظبوط 100%. واني رأي الشخصي . ان تسوي (سكان ) لجواز زوجتك وجواز ابنك و(سكان )لعقد الزواج وادزهن على ايميل المنظمة.
ومن يحددون موعد مقابلة المحلفين هم تاخذهن معاك.

اهلا وسهلا بيك مرة ثانية . وعلى راسنه أخي الفاضل.
تحياتي

52
السلام عليكم اخوان
اليوم تلقينا اتصال من مستشفى ابن البيطار بابلاغنا موعد اعادة الفحص الطبي نهاية الشهر الحالي ولكن لايزال وضع الملف كماهو من ناحية الامنية والي هي بالانتظار وصراحة مالي واهس ولا اكو احساس بالفرحة لاعادة الفحص لان احس هم راح اضيع سنة من عمري بالانتظار ونزلت الموضوع عفية اريد تدعولي تكمل امنيتي واطلع قبل نهاية السنة لان ترة والله تلفت اعصابي وادمرت من ورة الانتظار ودعوة الغريب مستجابة , واضافة للمعلومات بان الفحص الطبي  صار فعال بعد مرور سنه من اعادة الفحص بتاريخ 11/9/2013 وبعد 12 يوم اتصلوا بينا عالموعد الجديد
يارب سهل امرنا وامر كل متضايق بجاه الحبيب محمد


وعليكم الســلام ورحمة الله وبركاته.

إلهي
يامن تقول للشيء كن فيكون. اسئلك وأستجير باسمائك الحسنى كلها وبحق أسمك الأعظم الذي احتفظت به انفسك. ان تقدم كل مافيه خير لاختنا الفاضلة . وان تبعد عنها وعن اهل بيتها كل سوء وهم وغم. وان تعجل بسفرهم .
 انك على كل شيء قدير .

وصلي اللهم على سيدنا محمد وعلى اله الطيبن الطاهرين . وعلى صحبه المنتجبين.

53
السلام عليكم  إخوتي الأحبة
قبل سبعة ايام كانت لدي اعادة مقابلة محلفين وكانت المقابلة بخصوص الخدمة العسكرية وعند الانتهاء من المقابلة
تم توقيعي على أقوالي سؤالى لجنابكم هل نتيجة المحلفين تأخذ نفس الفترة الزمنية السابقة ام اقل
ولكم مني كل الود والاحترام
 أخوكم ابو ياسر

مساء الخير اخي الفاضل.
اعتقد ( وهذا اعتقادي الشخصي) ان راح تاخذ نفس الفترة . لان راح يجيكون سجلك العسكري .

واتمنى ( ابو الحكم) الي هو اكثر دراية مني بهذه الامور ينطيك الجواب الشافي.
تحياتي

54
السلا عليكم اخواني الاعزاء طبعا خلال هذه السنين الخمسه من الانتظار صرتو اكثر من اهلي واحبكم واشتاقلكم هوايه
طبعا اني امقدم مثل ما يعرف الكثير من الاعظاء من سنه 2008 ورقم كيسي 102
سوؤالي اعزائي  هل يوجد فندق في مطار عمان يعني ساعات الانتظار في مطار عمان يمكن ان احجز في الفندق وعلى حسابي الخاص وذلك لانه زوجتي تعاني من امراض كثيره ولدي اطفال صغار لا يتحملون عناء الانتظار وانتم تعرفون تفاصيل الاطفال خصوصا الاعظاء الاباء والامهات الكرام
وخيرا ارجو الدعاء لي بلسفر القريب واشكر ابو الحكم وحسين الجبوري على مساعدتي في الاجابة على الكثير من استفساراتي ولاول مره لا اشكر الاخ دبس وراشي لانه يتجاهل رسائلي
اخوكم ابو عبد الرحمن  شيخ المنتدى لاني يمكن اقدم واحد صرت


مساء الخير اخي ابو عبد الرحمن.

اولا ان شاء الله سنين انتظار السفر خلصت. والمنظمة حددت موعد سفر لجنابك الكريم ولعائلتك الكريمة.
وثانيا رب العزة يلبس عائلتك ثوب الصحة والعافية . اينما كانوا .
وثالثا صدكني اخي الفاضل اني رديت على رسالتك .. ولكن لا اعلم لماذا لم يصلك الرد.
ورابعا اشكرك على عدم شكري هههههههههههههههه واشكرك من كل قلبي لانك كنت صريح بمشاعرك ( اموووت على واحد مثلك ,, يحجي الي بقلبه ) على راسي والله العظيم.
وخامسا اشكر اختي الفاضلة ( صبية ) لان هي من قال لي ان (HYTHAM) يكول دبس وراشي ما يرد على رسائلي.

هسه نجي لسوألك.. شوف اخي ابو العبد. اذا بقائك في مطار عمان اكثر من 12 ساعة المنظمة + الخطوط الجوية الاردنية ملزمة بان تحجز غرفة في فندق المطار الك ولعائلتك ( وطبعا هذا مو فضل من المنظمة  او فضل من الخطوط الملكية الاردنية) .لكن قوانين السفر العالمية لكافة شركات الطيران تلزم بان تقوم الخطوط بالحجز للمسافر.
اما اذا كانت فترة الانتظار اقل من 12 ساعة كأن تكون اربع او خمس او ست ساعات فانت ملزم بان تبقى بمنطقة الترانزيت داخل المطار.

اما امكانية حجز غرفة داخل فندق المطار وعلى حسابك الخاص. بصراحة ما عندي فكرة ان كانت السلطات الاردنية تسمحلك بمغادرة منطقة الترانزيت والخروج الى الفندق.
اتمنى من رب العالمين ان تكون رحلتك مسائية ( يعني موعد طيرانك من بغداد بالــ10:00 ليلا) حتى تضمن مبيتك بالفندق في عمان لان رحلتك من عمان الى امريكا راح تكون ( بالــ10:40 صباحا من اليوم التالي ) يعني اكثر من 12 ساعة .

دعائي لجنابك الكريم بالامن والامان والصحة والعافية والسفر المريح والعاجل.
تقبل اعتذاري مرة ثانية .
أخوك ( ألي ما شكرته ) هههههههههههههههه ;) ;) ;) ;)
دبس و راشي

56
السلام عليكم
اخويه العزيز دبس وراشي محتاجك بشغله ضرورية جدا جدا جدا وياريت تسمحلي اراسلك على الخاص واكون ممنون منك يا طيب

صباح الخير اخي الفاضل.

عزيزي .. ما يحتاج تترخص .. اكتبلي راسا ,, وبيك خير وتدلل. واني بالخدمة ان شاء الله.
تحياتي

57
ألسلام عليكم ورحمه الله وبركاته
الاخ دبس وراشي المحترم اكيد تذكرني أني أراز (أبن أ لاكابر)
محتاجك ضروري وياريت تبعث مسج او ايميل اكدر اتصل واتكلم معاك
تحياتي الك ياطيب

صباح الخير أراز الغالي.

دزيتلك رسالة على الخاص.

تحياتي
[/size]

58
الف الف الف مبروك لااحلى واطيب وأرق ابو مصطفى.

والله ابو مصطفى ماتتصور فرحتي بخبر حصولك على الفيزا.. تستاهل كل خيرات الدنيا وكل الموفقية . وربي يجعلها سفرة الامن والامان والنجاح الك ولاهل بيتك ياذهب.
ومبرررررررررررررررررررررررررررررررروك مرة ثاااااااااااااااااااااااااااااااااااااااانية

تحياتي

59
السلام عليكم اخواني:

 عندي بعض الاستفسارات حول الاغراض الخاصة بالطفل اللى عمرة سنة اللى ممكن ات تصعد للطائرة

1- هل يوجد مقعد وغطاءخاص بالطفل بالطائرة
2- هل بالامكان اخذ حليب وماء الى الطائرة
3- هل بالامكان اخذ دواء خافض حرارة للطفل بالطائرة او اى دواء اخرخاص بالطفل
4- هل بالامكان تصعيد عربة الطفل بالطائرة  
شكرا لكل من عندة جواب لهذي الاسئلة      

مساء الخير اخي الفاضل.
كلام اخي تويتي امريكا صحيح 100%. لكن احب اوضح ان النقطة الرابعة او سوالك الرابع (4- هل بالامكان تصعيد عربة الطفل بالطائرة ). الجواب  نعم ..ممكن تصعد العربة وياك بالطائرة ( يعني دكول لموظف الخطوط الجوية من تبدي توزن وتشحن الجنط مالتك ) دكوله  العربة ما اريد اشحنها .. وبالتالي راح ينطيها ( تاك - رقم خاص). وتبقى وياك الى ان تصعد بالطيارة . راح ياخذوها منك .. ومن توصل( لمطار عمان مثلا) راح يسلموك العربة .. وجنطك الكبار تتحول اوتوماتيكا على طيارتك الثانية .

اتمنى هذا الرابط بفيدك ويوضح الكثير من الامور لجنابك الكريم.
http://www.ankawa.com/forum/index.php/topic,690007.0.html
 تحياتي

60
يدرسونا عربي 12 سنة
وبالنهايه لما تقدم على وظيفة يكولون !
,
,
,
,
,
,
,
,
,
,
,
,
نريــد  لغة انجليزية
^ طيب ,,,وقصايد أحمد شوقي ؟؟
^ والظمير المستتر؟؟

61
صباح الخير اخي .

ان شاء الله يجون الاخوة والاخوات وينطوك كل المعلومات التي تحتاجها عن هااي الولاية.

تحياتي

62
السلام عليكم اخي حيدر .
الف الف الف الحمد لله على سلامة الوصول. والله بالي يمك . لان اعرف شكد تأذيت وتعبت بيوم سفرك ( من محافظتك لبغداد لاخذ الحباية الى اربيل والرجوع من اربيل الى بغداد وطيران من بغداد الى عمان( وكلها بــ 24 ساعة). ومن عمان الى المانيا وبعدين الى امريكا!!!!!) يعني صدك الله يساعدك .
على العموم اخي مانكدر نكوول بس الحمد لله على سلامة الوصول . وربي يعوضك عن الصبر والتعب بحياة كلها موفقية ونجاح .لان انته صدك تستاهل كل الخير .
واعتذر شديد الاعتذار منك لان بيوم سفرك جنت مسافر خارج بغداد.

اما بالنسبة لموضوع الحقائب مالتك الي ما وصلت . ضل دور عليهن ( وخلي المنظمة والكيس وركر مالتك) يساعدوك بهذا الموضوع . وان شاء الله يلكوهن الك.

تحياتي لجنابك الكريم مرة ثانية .
اخوك دبس و راشي

63
السلام عليكم اخواني الاعزاء واخواتي العزيزات اعضاء هذا المنتدى الرائع اني اكتملت الامنيه عندي صار اكثر من شهر لاكن حالة السفر غير فعال مع العلم انه اني شايف هوايه اشخاص بعد اسبوع من اكتمال الامنيه حالة السفر تتحول الى بالانتظار ومن بعدها يتصلون المنضمه بيهم لتحديد موعد سفر بس اني عبرت الشهر وكلشي ماكو هل هذا طبيعي من وجهة نظركم ؟؟؟ لو اكو تاخير بالسالفه
واكون جدا ممنون لردوكم اخوكم علي


مساء الخير ابو حسين الغالي .

اولا الف مبروك اكتمال الامنية .والله فرحتلك من كل قلبي . لان انته اصيل واهلك اصلاء.
شوف حبيبي .  اعتقد الي ديصير وياك نوعا ما شيء طبيعي . لان ( بعض ) الملفات تاخر سفرها مع العلم امنيتها جانت مكتملة.
ومرات يصير اهمال ( عن قصد او بدون قصد) لملف من الملفات . فاني نصيحتي الك ان تكتب للمنظمة ودكوللهم ان انته جاهز للسفر . وحاول تشرحلهم كل ظروفك . وان انته اصبحت وحيد بعد سفر اهلك .وان ظروف البلد  اصبحت سيئة وبدت الناس تنظرلك بنوع من الريبة والشك وخصوصا بعد ان عرفوا بسفر اهلك الى امريكا .

اتمنى من العلي القدير ان يسهل امرك ويعجل بسفرك .

تحياتي لجنابك الكريم . وسلام خاص الى الوالد الغالي ( عراقي نبيل) .

64

مساء الخيــــر اخي الفاضل.
اتمنى هذا الرابط يفيدك . وتلكه بــي الــي (  ;D ;D ضــاعــت  ;D ;D) منك.
http://www.ankawa.com/forum/index.php/topic,297583.0.html
تحياتي

65
الف الف مبروك لاختنه جورجيا.
ولو سفرها جان من مطار اربيل. ( يعني الرحلة مالتها شوية متعبة) .
 لكن الف الحمد لله والشكر على انتهاء انتظارها لههاي السفرة.
وتحياتي لناقل الخبر.

66
مرحبا اخوية الغالي.
دزيتلك مسج على الخاص .
تحياتي

67
مساء الخير اخي احمد.

اذا سفرك من بغداد . رجاء لا تشغل بالك بهااي القياسات. انزل للسوك واشتري جنط تتحمل 23 كغم . وخلي غراضك بيها . وتوكل على الله .

تحياتي

68
السلام عليكم

الموضوع حلو ومرتب عاشت الايادي. سؤالي لاصحاب التجارب هل الكامرا الرقمية الكبيرة يعني البروفشنال مسموح بها ام لا ؟

ابو سارة


مساء الخيــــر ابو سارة

جوابا على سوألك ..نعم مسموح بيها . سوء حبيت تخليها داخل الجنط الكبار او بالجنطة الهاند باك او تشيلها بأيدك.

تحياتي

69
اخي العزيز دبس وراشي المحترم

طبعا احب اشكرك على اخلاقك العالية وطيبتك الشاهدة والمقدرة من الجميع عندي استفسار بالنسبة للسفر اذا ممكن من كرمك تجاوبني واشكرك مقدما للجواب ياطيب , بالنسبة للهاندباك يعني بالنسبة الي اذا عندي جنطة ظهر وجنطة لابتوب تنشحن لوتبقى وياي ؟ وبالنسبة للسفرة 18-9 ليلية يعني شوكت لازم اجي لساحه عباس بن فرناس واتمنى اشوفك هناك واشكرك قبل لاسافر ويارب يحقق امانيك وتسافر قريبا وتحياتي الك وللاخوان والاخوات ويارب يسهل سفر الجميع وتحقيق امانيكم يارب امين

اخوكم سامي

مساء الخيــر اخي سامي.
الف شكر لجنابك الكريم ولكل الاخوة والاخوات على كلماتهم الرائعة بحق اخوهم دبس و راشي. ممنون منكم ويارب اردها الكم بيوم سفركم.

اخي العزيز. جنطة اللابتوب تكدر تاخذها وياك وتصعدها يمك بالطيارة وية الهاند باك. اما اذا ردت تشحنها فلازم تليها داخل الجنطة الكبيرة وية الملابس واغراضك الشخصية.
اما بالنسبة لسوالك حول ساعة تواجدك بيوم سفرك يم ساحة عباس . فراح اجاوبك على البريد الخاص بحضرتك.

ومبروك سفرك ويارب توصل بالسلامة.
تحياتي

70
أجور النقل عن طريق سيارات المطار ( الشركة العامة لنقل الوفود)
النقل بوسيلتين. الاولى سيارات صغار ( 4 نفرات) وسعرها من ساحة عباس الى باب الصالة 35 الف دينار ( رايحة للدولة) وتبقى يم المسافر اذا يريد ينطي اكرامية  للسايق او لا ( وهااي السيارة ماتفيد كل مسافر عنده اكثر من 4 جنط كبار ) لان هااي السيارات ما بيهن سيبايات . يعني جنطة السيارة تاخذ بالزايد 4 حقائب كبيرة فقط.
والوسيلة الثانية سيارات ال GMC 2012  وسعر النفر بهااي السيارة عشرة الاف دينار من ساحة عباس  ابن فرناس الى الصالة. وهااي السيارة تتسع لسبعة مسافرين مع حقائبهم يعني ال GMC  تقبط بسبعين الف دينار من ساحة عباس ابن فرناس الى الصالة . اما اذا عائلة( مهما كان عددها ) رادت تحجز الــ GMC  كلها فلازم تدفع اجرة السيارة كلها . وايضاتكدرون تجون يم ساحة عباس قبل سفركم بيومين او اكثر تتفقون وية سايق( طبعا لازم تنطوه بخشيش) حتى ياخذكم من باب البيت  ويبقى وياكم الى ان تستلمون تذاكركم من مسؤولين السفر بالمنظمة وراسا تتجهون لداخل المطار .


اخي العزيز اشو اني اخواني سافرو قبل مدة بالباص ومجانا  فما اعرف شنو الغت لو بعدها موجودة .....شكرا
[/font]


مساء الخير اخي .

الباصات بعدها موجودة. لكن تم تخصيصها للمعتمرين والحجاج والزوار.

تحياتي

71
وعليكم السلام هلا باخوية خلدون .....والله يا صديقي الحال من بعضه كلنا بهالتاخير ومحتاريين وين ننطي وجهني ومانملك غير بس الدعاء انه رب العالمين يفرجها علينا..

ذكرت قبل كم يوم عن عدم الاتصال باهلي حول موضوع اعادة الفحص صاروا اكسباير من 10-7 ويوم السبت 13-8 دزيت رسالة للمنظمة حول نفس الموضوع لان صراحة خفت من شغلة الغائب اللي انتشرت بالمنتدى واحنا مو وحد عن العالم يعني هم معرضيين لهذا الشي وطبعا لليوم ما اجاني رد بس اني ثاني يوم الاحد يوم الازدحام الكبير في بغداد تكولون عندي نذر ههههههه رحت مشي لابن البيطار ولمن وصلت ماصدكت اني واكف كدامهم المهم دخلت وحجيت ويا موظف الاستعلامات حول اللي صار فنطاني ارقام تلفونات كال اتصل عليها وهم يجاوبوك كتله ما استفاد محد يرد كال ما اكدر ادخلك تعذرني ففوضت امري للباري عز وجل واتصلت والله ردوا طلع شخص محترم وكان متعاون الى حد ما وشرحتله الموضوع فرد احنا ما عدنا صلاحية انه نشييك الملف او نستفس من عمان لان تجينه الاسماء من عمان واحنا شغلنا نكمل فحصكم بس انته صارلك اكثر من خمسين يوم اكسباير فهاليومين يتصلون بيك يحددولك موعد وشكرته وسديت التلفون ويابو زيد كنك ما غزيت راح التعب كله على الفاضي هالمشي والحر ولعبان النفس طلع كله (........) المهم اتصلت بالوالد وكتله هيج الموضوع كال شسويلهم وعلى مال من رايح وتعبت نفسك شلون نكتل نفسنا علمود الفحص وبعدني مستمر بالنذر مالتي (المشي) اتصل الوالد مرة ثانية ويضحك كتله خير شكو واني زهكان وهو يضحك كال انته تعبت نفسك على لا شيء بس اني كاعد وبمكاني خابروني عندي فحص بعد يومين وسدة للتلفون اني بقيت !!!!!!!!!!!! فايت بسيطرة بصبة مال سيطرة واني متعب نفسي وتالي هم اتصلوا من وحدهم والحمد لله اجروا الفحص الثاني ولكن بتعب شديد بحكم اعمارهم وحرارة الجو والاسبقية بالفحص لجماعة الحباية لان الاعداد مو طبيعية كانت بالفحص ...والحلو انه نطو لاهلي موعد ورى الاتصال بيومين يعني مو شمروهم عشرة ايام واسبوع والحمد لله على كل حال ...والبشارة الثانية انه اليوم همين احد اعضاء جمعيتنا الصغيرة هم كان مايس من الفحص مالته واليوم راح فحص وايضا نطو الموعد ورى يومين وهسة هو يبلغكم انشاء الله

تحياتي للجميع
ابو احمد



مساء الخير ابو حمودي الذهب .
اولا الف مبروك اعادة فحص الاهل( الحجي والحجية ,,الله ينطيهم الصحة والعافية). ويارب يوم سفركم جميعا.

اني الفحص الطبي مالتي صار اكسباير بنهاية السابع.
وقبل اربع ايام اتصوا بية وكالوا عيني عندك اعادة فحص بعداسبوع .
وبالفعل رحت من الصبح ( 8:00)لابن البيطار . ودخلنه وجان عدد الموجودين لاعادة الفحص تقريبا (30-40) شخص . واكثرهم عوائل .
والاجراءات بالمستشفى جانت سلسة وسهلة وخلصنه بال(9:30)صباحا. لكن مكان اخذ الاشعة صاير خارج المستشفى . وبالتحديد بالجهة المقابلة للمستشفى ( يعني لازم نعبر الشارع) . وضلينه واكفين ننتظر ام الاشعة الى ان اجتي بال(11:00) تقريبا . وجنه اول الناس الي اخذوا الاشعة وفلتو.هههههههههههههه لان وراها انكطعت الكهرباء على عيادة الاشعة.

بالمناسبة سئلت اذا اكو اعداد راح تعيد الفحص.. كالوا الايام الجاية عدنة مواعيد اعادة فحص خييييييييييييييير من الله.
تحياتي وامنياتي الكم بالسفر السريع.

72


مساء الخير اخي الفاضل.

مصدر هااي المعلومة هو قوانين السفر العالمية للخطوط الجوية .

والتي تنص على  ان من حق المسافر ان يصطحب جنطتين وزن كل واحده 23 كغم اذا كان مسافر من بلد المغادرة الى بلد الوصول على شركة طيران واحده. اما اذا  تغيرت شركة الطيران ( خلال خط الرحلة .. او ما يسمى بالترانزيت) فمن حقه ان ياخذ معه جنطة واحده.
اتمنى ان تكون الصورة صارت اكثر وضوح لجنابك الكريم .
تحياتي
[/col



خي العزيز دبسوراشي المحترم
اخي بصراحة بعد اجابتك الكريمةلم اطمأن لان تعرف المسألة مابيهه مجال للمجازفة فاتصلت بمسؤول المنظمة اللي منطينه رقمه بخط الرحلة
وسألته على الموضوع فأجاب كالاتي:
اخي التزم بالتعليمات اللي انطوكياهه بالدورة وقال بالحرف الواحد هذا الكلام مين جبته ,اجبته سمعت من كثير ناس قال لتسمع حجي اي واحد مهما كان ومثل ما فالو لك بالدورة  عدد 2 جنط كبيرة قياس 80x60x20 وزن كل وحدة منهم 23 كيلو غرام بغض النظر عن الترانزيت او غيره.
وشغلة ثانية اخي العزيز لي اقارب سافر الى امريكا قبل حوالي ثلاثة اشهر وهو سنكل وخط الرحله مالته على  عمان فرانكفورت امريكا واخذ معه جنطتين والحمد لله وصل الى امريكا بدون اعتراض.
لذا ارجو التصحيح مع خالص احترامي وتقديري

                                                            اخوكRefugee

مساء الخير اخي Refugee

اخي  العزيز.كل المعلومات الي  اني كتبتها تخص المسافرين العراقيين الي سفرهم من (مطار بغداد حصرااا). وسبق و اكدت ان المسافرين الي يسافرون من ( عمان ) الهم قوانينهم الخاصة.( مثل حالة اقاربك), وخلي اكوون اكثر وضوح . يعني اقاربك لو مسافر من ( بغداد-عمان-فرانكفورت-امريكا) من ساااابع المستحيلات يكدر ياخذ وياه جنط كبيرة عدد ثنين. واستحقاقة راح يكون ( جنطة كبيرة  واحده بوزن 23كغم+ هاند باك).

اتمنى الصورة صارت اكثر وصوحا لجنابك الكريم.
تحياتي

73

ابو فرقان الورد. والله العظيم الك وحشة يا بصراوي يا اصيل.
ويارب سلامة الامورات.
تحياتي لاحلى كريستيانو. والله هذا الولد بطل . وابن خير ونعمة.
واني ويه اخوية ستيفن ( لازم تغير اسمك هسه) هههههههههههههههه.

موفقين يارب
اخوك \ دبس و راشي

74
اللهم يارب الارباب . ويامسهل الاسباب ويامن تقول للشيء كن فيكون . استجير بحق أسمائك الحسنى كلها وبحق اسمك الاعظم الذي احتفظت به لنفسك وحجبته عن باقي خلائقك . ان تحفظ اخي ( حسين الجبوري- ابو ديما) وتحفظ اهل بيته وكل الموجودين في سوريا .
واصلي اللهم على سيدنا محمد وعلى اله وصحبه وسلم

75


مساء الخير اخي الفاضل.

مصدر هااي المعلومة هو قوانين السفر العالمية للخطوط الجوية .

والتي تنص على  ان من حق المسافر ان يصطحب جنطتين وزن كل واحده 23 كغم اذا كان مسافر من بلد المغادرة الى بلد الوصول على شركة طيران واحده. اما اذا  تغيرت شركة الطيران ( خلال خط الرحلة .. او ما يسمى بالترانزيت) فمن حقه ان ياخذ معه جنطة واحده.
اتمنى ان تكون الصورة صارت اكثر وضوح لجنابك الكريم .
تحياتي

اخويه العزيز دبس وراشي التعليمات اللي وصلتنه انو وزن الحقائب 20 كيلو للفرد البالغ زائدا حقيبة يد وزن 5 كيلو يدوية والغريب انهم ماذكروا اي شي عن اللابتوب...!
ما اعرف اذا هذي التعليمات بس اني وصلتني لو كل المسافرين الحاليين علماً ان السفر ترانزيت..!
تحياتي عزيزي

مساء الخير

اكيد ما يذكرون اي شيء عن اللابتوب.. لان ما يعتبر من ضمن الحقائب,,( يعني تكدرون تاخذون وياكم لابتوب) .
ويارب توصلون بالسلامة .
تحياتي

76
حبايبي الحلوين يابنات وشباب احلى منتدى شفته بحياتي . وصلنا لكاليفورنيا قبل يومين وحاسبتي كامت تخربط من الاجواء المعتدلة هنا ووكفت وبعدين من وحدها اشتغلت . هههههههه .

مشتتتتتتتتتتتتتتتتتتتتتتتتتتتتتتتتتتاق وان شاء الله يوم السفر العاجل للجميع

أولا. تحياتي واعتزازي وحبي الى حبيبي وصديقي الغالي دبس وراشي اللي يعجز اللسان عن وصف اخلاقه وحبه لمساعدة الناس . والله شكد جنت قلق من السفرة كلها لكن بوجوده يمي ويم عائلتي انطاني كل الامان . استلمنا من باب المطار لباب الطيارة والله العظيم وبكل خطوة ويانا ومشفت اي ازعاج باي مرحلة من مراحل السفر بوجوده . الله يوفقه يارب ويحفظه ويحفظ اهله كلهم بجاه كل الرسل والانبياء ويعجل بسفره يارب

ثانيآ . آني اعتذر من الجميع لأن صارت قضيتي مستعجلة جدآ جدآ وسريعة. وتصورت حبيبي دبس وراشي نزل موضوع سفري.
كملت الامنية يوم 30 / 7 وكلشي ماكو تعيشون . حالة الملف انتظار والسفر غير فعال. ونزلت موضوع عن الفرق بين حالة الملف فعال وحالة الملف انتظار النتيجة بعد اكتمال الامنية . وشوصلت الى نتيجة مفادها انه في حالة السفر فعال فكلاهما سيسافر . وضليت بقلق .
إلا ان خابرني شخص من عمان وكلي انت فلان . كتله نعم. كلي عندك استعداد تسافر بعد اسبوع . كتلة عندي استعداد اسافر البارحة اذا تريد  ;D ;D ;D ;D ;D
كلي دز الجوازات لعنواني اللي دزليا على الموبايل. وطبعا اني فزيت وكلش مفتهمت . زين همة موعدهم الجوازات ليش ادزها مرة ثانية. وبعدين الايميل اللي دزليا ايميل شخصي مالته . مو الرئيسي مال المنظمة. فظليت بقلق ومدزيت كلشي ودانتظر ايميل من المنظمة يبلغني بالسفر ويطلب مني نسخ من الجوازات. وماجاني اي ايميل لذلك توكلت على الله ودزيت الصور مال الجوازات على ايميل ذاك الشخص.
ورة يومين خابرت بنية من عمان كلتلي عندك دورة تثقيفية يومين كتلها رحمة لوالديج اي هو اسبوع انطيتوني وتاخذون منه يومين دورة ويوم فحص وحباية . اي شبقالي حتى اصفي اموري. كالتلي مابعرف ولازم تروح تحضر الدورة وإلا الموضوع سيؤثر على اعادة الاستيطان. كتله كلشي ولا اعادة الاستيطان رحمة لليهود. احضر الدورة والحيابة وآني الممنون.

انتوا بعد تخيلوا شلون صار وضعنا بالبيت . والله الكل تركض وواحد يندعم باللاخ وكلشي ممسوين . بس نركض ليش ماعرف. بحيث الجنط جبتها ومنعرف شنخلي بيها يريدون 20 كيلو فقط لكل شخص. ههههه

عمومآ . اني هسة عندي مراجعات مال البداية المزعجة ( السوشيال نمبر والمساعدات وحساب بالبنك ..... الخ ) ومن ارجع اكمل تفاصيل سفرتي ان شاء الله .
يوم سفر الجميع يارب. ونصيحتي الوضع موزين . لحد يأجل السفر . وكلمن كملت امنيته خلي يحضر الجنط .


تحياتي للجميع ياأحلى منتدى


أبو الفوارس الورد.
الف الف الف الحمد لله على سلامة وصولكم الى كاليفورنيا.
وبالعافية على امريكا وصول شخص بصفاتك الكريمة ورقي اخلاقك . وحرامات على العراق الي خسر شخص مثلك.

اخي الكريم  صدقت ( وانته ابو الصدق) من كلت اني جنت طاير من الفرح بيوم سفركم .. لاني جنت اعرف الظروف الصعبة والتهديدات الي مريت بيها. 

وبالنسبة لموضوع سفركم وعدم الكتابة بالمنتدى ( انته تعرفني كلللش زين ) اني ما اكتب شيء الا اذا طلب مني المسافر ان اكتب موضوع سفره.
,
,
مبروك مرة ثانية وصولكم سالمين الى ارض الامن والامان . وربي يكتبلكم بكل خطوة الف موفقية والمليار نجاح .

واعتذر من التقصير يا ذهب .
تحياتي

77
دائما متفاني في خدمة الاخرين ..
بارك الله بيك اخي الفاضل  دبس وراشي والله يسهل امرك ونفرحلك بموعد سفر قريب جدا ان شاء الله
تقبل تحياتي وسلام ابو اديان وان شاء الله نشوفك بامريكا عن قريب يارب 


اختي الفاضلة أم اديان.
اشكرج وشرفني مرورج الكريم على موضوعي هذا.
والف شكر على دعائج الي بالسفر . تحياتي لجنابج الكريم وسلامي لاحلى واطيب ابو اديان. وقبلاتي للاولاد وللامورة أديان.
وفقكم الله بما فيه خير لكم . وجعل في طريقكم كل اسباب النجاح والموفقية .
تحياتي

78
الاخ العزيز دبس وراشي المحترم
اولا شكرا على جهودك الطيبه واهنمامك باخوانك المسافرين وخصوصا اللي اول مرة
اخي العزيز : ذكرت حضرتك في بداية موضوع النصائح انه اللي ماعنده ترانزيت يحقله يصطحب وياه 2 جنط وزن كل وحده 23 كيلو
وذكرت اللي عنده ترانزيت يعني مثلا يطير من عمان فرانكفورت وبعدين الى امريكا
 يحقلة يصطحب وياه جنطه وحده وزنهه 23 كيلو      بس هذا الحجي اخي العزيز ماموجود بالتعليمات اللي كاتبينهه المنظمة بخط الرحله
 وتعرف هاي تعليمات من المنظمة لازم الواحد يلتزم بيهه
اضافة الى الدورة التثقيفيه اللي انطونياهه بالمنظمه ماكالو اللي عنده ترانزيت ياخذ هلكد واللي ماعنده ياخذ هالكد
رجاءا ممكن حضرتك تخبرني منين مصدر هاي المعلومه واكون شاكر الك فضلك وتقبل تحياتي واحترامي

                                           اخوك رفيوجي


مساء الخير اخي الفاضل.

مصدر هااي المعلومة هو قوانين السفر العالمية للخطوط الجوية .

والتي تنص على  ان من حق المسافر ان يصطحب جنطتين وزن كل واحده 23 كغم اذا كان مسافر من بلد المغادرة الى بلد الوصول على شركة طيران واحده. اما اذا  تغيرت شركة الطيران ( خلال خط الرحلة .. او ما يسمى بالترانزيت) فمن حقه ان ياخذ معه جنطة واحده.
اتمنى ان تكون الصورة صارت اكثر وضوح لجنابك الكريم .
تحياتي

79
الاخ العزيز دبس وراشي اذا امكن استفسار عن الادوية لان كفيلي وضحلي ان حبوب المسكنات مسموح بيها بالجنطة المرزومة مو اليدوية وداعيك بيه ربو فاخذت كميات تقريبا20 قطعة بخاخ +مسكنات الام باختلافها على درزنين درزنين +براستول اموكسيل وغيرها حبوب على شكل شرايط هم فد 50 شريط..سؤالي هو: هل يحتاج اخذ بيهن تقرير طبي لو مايحتاج لان الادوية مسكنة لا غير؟؟
شاكراً لك طيب خلقك.
تحياتي

مساء الخير اخي العزيز.
اولا ماعندك الا العافية . وربي يبعد عنك وعن اهل بيتك كل الامراض.

شوف اخي ,, بالنسبة لمطار بغداد ما عندك اي مشكلة بكل الانواع والكميات الي ذكرتهن .
لكن
بمطارات امريكا ( لان الكميات الي تريد تاخذها هي كميات كبيرة) اعتقد لو تاخذ وياك تقرير طبي يبين حاجتك لهذه الانواع ولهذه الكميات من الادوية .
حتى اذا سئلوك عنها . تكدر تنطيهم التقرير الي ياكد حجة كلامك .

طبعا اكو مسافرين اخذوا وياهم ادوية بالجنط الكبيرة . لكن بصراحة ( ماشفت بعيني) هيج كميات .
ومرة ثانية . ربي يشافيك وينطيك كل الصحة والعافية .
تحياتي

80
شكرا على هل معلومات المفيدة .عندي ةسؤال عندي طفل عمرة 3 سنين يحق لي اخذ عربانة طفل لو لا وبل نسبة للوزن من سنتين وفوك 23 كيلو ؟

مساء الخير .
نعم مسموح اخذ عربة الطفل الي عمره ( 3 سنوات) بشرط ان يوضع الطفل في العربة قبل الصعود الى الطائرة ( حتى العاملين يشوفون ان هذا الطفل ده يستعمل العربة ) .

اما بالنسبة للطفل الي عمره اكثر من سنتين . فيعامل معاملة الكبار . يعني جنطة او جنطتين ام الــ23 كغم ( حسب خط الرحلة ) مع حقيبة هاند باك. ومقعد خاص بي داخل الطائرة.
تحياتي

81
أرجوا ان تسمح لي ان اضيف خدمةً للمسافرين :
لكبار السن والذين يحملون جهاز منظم دقات القلب (pacemaker) عليهم ابلاغ امن المطار وخصوصا قبل دخولهم لقوس كشف المعادن A.M.D
لاستثناهم من التفتيش وتحويلهم للتفتيش اليدوي
ثانيا: تجنب وضع اي سوائل او معاجين او مواد هلامية ولأكثر من 100 ملل في حقيبة اليد  ولاننسى الالات الحادة ايضاً
شكراً للاخ العزيز دبس وراشي لاتاحة الفرصة
اخوكم
ابن البلد

كلام سليم وصحيح 100%.
الا ان التعليمات في مطار بغداد ( حصرا) تمنع اي مواد سائلة او هلامية بالصعود الى داخل مقصورة الطائرةحتى وان كانت اقل من 100 ملل. ومسموح وضعها بالجنط الكبار .

وعاشت ايدك اخي ابن البلد.
تحياتي

82
السلام عليكم اخي العزيز دبس و راشي
عندي استفسار بار الله بك

اذا الجنط ام ال 23 اذا صار وزنها 25 مسموح بمطار بغداد وعمان لو غير مسموح  ??? ??? ??? ???

وهل يقبلوا بالغرامة على الوزن الزائد  ??? ??? ???

مشكور مقدما وبارك الله بك.

مساء الخير اخي الفاضل.

بالنسبة للاوزان .. اني دائما انصح المسافرين ان يلتزمون بالوزن. لان (مرات) ابو الخطوط الجوية يقفل على المسافر ويجبره يشيل الوزن الزايد ( وبهااي الحالة لازم ينترك الوزن الزايد بالمطار ) . يعني لو لازم تخابر على واحد  يجي من بغداد حتى ياخذه او يصير من حصة الحماميل!!!!!!!!.

اما بالنسبة لدفع ( غرامة ) للوزن الزايد . فمايصير .. لان انته مسافر عن طريق المنظمة . مو مسافر ده تسافر على حسابك الخاص.
تحياتي

83
بارك الله بيك اخوية دبس وراشي عالموضوع الاكثر من رائع وشكد ما نقدم كلمات شكر وثناء ما نوفيك حقك
اخوية العزيز .. ابني بيه ربو وياخذ بخاخ فهل استطيع اخذ البخاخ وياية للطيارة لو الا تقرير طبي وهذا التقرير امين احصلة من ابن البيطار لو من طبيب المطار

تحياتي وتقديري

مساء الخير أختي الفاضلة.
اولا  سلامتكم وسلامة ابنكم الغالي من كل امراض الدنيا.

اما بالنسبة بالموضوع ابنج( الله يخلي وينطي الصحة والعافية ) . فاذا البخاخ الي يستعملة هو بخاخ الــ( الفنتولين) مثل الموجود بالرابط ادناه. فكلش عادي تكدرون تاخذوا وياكم بالطيارة ( يعني تكدرين تخلي بجنطة الهاند باك او بالجنطة النسائية الخاصة بيج ).
وماكو اي داعي لأي تقرير .
http://www.sk.lung.ca/drugs/images/respiratory/img000257b.jpg

تحياتي

اخوية دبس وراشي اشكرك واشكر كلماتك الطيبة التي تدل على نبل اخلاقك وسلمك وحفظك البار ي عزل وجل من كل شر
البخاخ هو هم فنتولين بس مو نفس الي بصورة غير نوعية ونفس حجم الي بالصورة ويعني هم ميحتاج تقرير ؟



مساء الخير اختي الفاضلة .
أطمئني ما يحتاج تقرير.
تحياتي

84
بارك الله بيك اخوية دبس وراشي عالموضوع الاكثر من رائع وشكد ما نقدم كلمات شكر وثناء ما نوفيك حقك
اخوية العزيز .. ابني بيه ربو وياخذ بخاخ فهل استطيع اخذ البخاخ وياية للطيارة لو الا تقرير طبي وهذا التقرير امين احصلة من ابن البيطار لو من طبيب المطار

تحياتي وتقديري

مساء الخير أختي الفاضلة.
اولا  سلامتكم وسلامة ابنكم الغالي من كل امراض الدنيا.

اما بالنسبة بالموضوع ابنج( الله يخلي وينطي الصحة والعافية ) . فاذا البخاخ الي يستعملة هو بخاخ الــ( الفنتولين) مثل الموجود بالرابط ادناه. فكلش عادي تكدرون تاخذوا وياكم بالطيارة ( يعني تكدرين تخلي بجنطة الهاند باك او بالجنطة النسائية الخاصة بيج ).
وماكو اي داعي لأي تقرير .
http://www.sk.lung.ca/drugs/images/respiratory/img000257b.jpg

تحياتي

85
مساء الخير ابو فرقان.
الف الحمد لله على سلامة وصولك الى عمان .ويارب وصولكم الى امريكا سالمين وغانمين يارب . تستاهل الخير كله والموفقية والنجاح.
والله ابو فرقان من صعدت بالطيارة حسيت هذا البلد خسر خسارة جبيرة اليوم .لان انته انسان طيب ومثقف . لكن للظروف احكام وقوانين. اسئل رب العزة يوفقك ويحفظك ويحفظ اهل بيتك ويطرح البركة ( بالامورات ) فرقان ويارا.
تحياتي لجنابك الكريم واعتذر من التقصير يا احلى ابو فرقان
اخوك
دبس و راشي

86
اخي العزيز دبس وراشي ممكن سؤال اني الكفيل مالي في تكساس ال باسو طبعان هو مكان اشويه بعيد هل سفرتي تكون ترانزيت ام لا وكيف اعرف اذا كانت سفرتي ترانزيت وطبعا انته حسب خبرتك الطويله اكيد مر عليك ناس راححو الي هذه المدينه فتكدر اتكولي اشلون اعرف اذا اكو اترانزيت لو لا وشكرا للك يا اخي العزيز وربي انشاء الله يوفقك يا رب وسؤال اخر اني عندي اصدقائي طلبوا مني بقلاوه وحلويات ممكن اعرف اشون اكدر انقلهن واخليهن في الجنطه الي اني شايله لو بالشحن وشكرا 

صباح الخير اخي the_skull_of_raziel

الي يحدد رحلتك راح يكون بيها ترانزيت او لا هي الخطوط الجوية الملكية الاردنية . لان الـــ IOM  متعاقدة ( الى الان) مع هذه الخطوط الجوية .
وكثير من المسافرين وصلوا الى تكساس بدون ترانزيت .. وكثير منهم وصلوا بوجود ترانزيت. يعني محد يعرف راح تسافر بدون ترانزيت او بوجود ترانزيت الا بيوم الحجز لجنابك الكريم.

أمابالنسبة لموضوع البقلاوة والحلويات .. تكدر تاخذها وياك يعني مو تخليهن بجنطة الشحن. لان اذا خليتهن بالجنط الي راح تشحنهن راح ينلعب بيهن طوبة .. ويوصلن تشرييب. ;) ;) ;) فانصحك ان تاخذهم بايدك.
تحياتي

87
مشكور اخويه والف رحمه على والديك  على هاي المعلومات بس سؤال رحمه لوالديك الذهب يعني  يوزنو لو يعبر  بيه مجال
تحياتي

صباح الخير اخي hpdswat

الذهب ما يوزنوا ( لان ابو الكمارك او ام الكمارك ) ماعدهم ميزان لوزن الذهب .. لكن بحكم خبرتهم يكدرون يعرفون شكد وزن الذهب ( ولو بشكل تقريبي) .ونصيحتي للمسافرين يلبسون ذهبهم , احسن و أأمن. ;)

تحياتي

88
ايبااااه ليش هيج اخويه ليش مو اني احبك


شبسرعه نسيتني ...

عاشت ايدك ع الموضوع المهم والمميز ولازم الكل ايكون دعهم علم

تحياتي

سينااااااا  حبيبي الغالي والعالي ,, انته على الراس يا اصيل.

 والله لا يرضى عليه اذا انسااك هههههههههههههههه ;D ;D ;D

بس العمر اله حوبة .. ومثل ما تعرف واحدنه عمره من يعبر الـــ17 سنه يبدي ينسى !!!!!!!!!!!!!ا ;) ;) ;) ;)
اشكر مرورك العطر وشرفتني حروف كلماتك

تحياتي

89
اخي الغالي دبس وراشي جزاك الله كل خير وربي يسر امرك ويكتبلك بكل خطوة سلامة يالله

                                                      سؤالي
من جنة بسوريا قبل رجوعي لبغداد  جان اكو نوع من الحقائب معروف بحجمة وقياسة حتى بالدورة التثقيفية
شوفونياها كالو مثل هاية لازم تجيب وياك سؤالي السفر من بغداد اكو نوع معين من الحقائب لو اي نوع بس نلتزم بالاوزان
واكو نوع معين في بالك تنصحنا بي لان تعرف معظم الحقائب غير متينة وتتمزق اثناء السفر .


مع شكري الكبير لحضرتك
اخوك
علي العزاوي

أخي الفاضل alazzawi

اشكرك جزيل الشكر على الدعاء الرائع . والحمد لله على سلامة وصولكم من سوريا الى العراق.

اخي علي ..السفر من مطار بغداد الى امريكا ( عن طريق الــــ IOM )  ما يحددك بنوع او شكل حقائب الشحن .. مهما كان شكلها او نوعها .. يعني الحقائب الموجودة بالسوق المحلية ممكن جدا ان تستخدمها بالسفر. ومثل ما تفضل جنابك الكريم فعلا الحقائب الموجودة حاليا مو عملية ( يعني ام السفرة الوحدة )!!!!!!. لكن بدت تنزل بالمولات( في بغداد) حقائب نوعيتها احسن واقوى وسعرها مناسب نوعا ما .

تحياتي

90
الشكر الجزيل للاخ دبس وراشي الذي كان ولازال اليد المفتوحة لمساعدة اخوانه وبارك الله بيك
سؤالي هو تكلفة السفر شكد تكلفتهه لكل شخص ؟ وبعد شكد المده وره مايوصل الشخص لامريكا يبدا يسدد مبلغ وتكاليف السفر من العراق لامريكا؟ وسؤالي الثاني اني عندي طفل واريد اخذله كمية من الحليب يعني اكثر من 10 كيلو بس حليب شلون بهاي الحاله؟ واذا مااكدر اخذله الحليب مالته هناك الكى الحليب اللي هو يستخدمه لو شلون واشكرك يامبدع وتحياتي الك ولكل الاخوه


مساء الخير اخي الـــ مهندس101

تكلفة السفر غير ثابته ( تعتمد على تاريخ السفر ,, مثلا اذا سفرك يوم الاحد يكلف 1200 دولار .. يوم الاثنين ممكن يكون اقل او اكثر ) وتعتمد تكلفة السفر ايضا اذا كان اكو ترانزيت او لا .

لكن بشكل عام تذكرة السفر من بغداد الى عمان على الخطوط الجوية الملكية الاردنية تتراوح بين 720 الى 750 دولار.

واذا تريد تعرف ( ولو فكرة بسيطة) عن سعر التذاكر من بغداد الى امريكا انصحك وانصح كل الاخوة بالدخول الى موقع www.onetravel.com
وتكدر تكتب مطار  المغادرة ومطار الوصول وعدد الافراد ويوم المغادرة ونوع الرحلة ( ذهاب  ويايب لو بس ذهاب). وراح تنزل عندك كل الاسعار من الارخص الى الاغلى .
اما شوكت يبدي تسديد تكاليف السفر . اعتذر منك لاني لااملك الاجابة لهذا السوال . اتمنى من الاخوة الموجودين بامريكا يجاوبون على سوالك.
اما بالنسبة لموضوع الحليب .. فتكدر تاخذ الحليب لطفلك ( الله يخلي) على ان تضع الحليب ( سواء كان في علب حديدية - قواطي- او اكياس بلاستيكية) بالجنط الشحن. واعتقد العائلة الي توصل الى امريكا وعدها طفل .. تقوم المنظمة بصرف حليب ( واكييد أصلي مو مثل حليب السوك مالتنه هههههههههه) للطفل اما مباشرة او عن طريق الفود ستامب .

تحياتي لجنابك الكريم

91

السلام عليكم أخوتي و أخواتي
الف الف شكر ومليون تحية لكم على كلماتكم التي تعادل لدي كل ماهو جميل ونقي واصيل في هذه الدنيا .

اخي iraqlove70 الجواب على سوالك ( كم سعر الحقيبة التي تحمل على الضهر؟؟ بالحقيقة السوك بي انواع وموديلات متعددة . وكل شيء بسعره.( واعتقد افضل الاماكن لشراء الحقائب بكافة انواعها ) 1- سوق بغداد الجديدة 2- سوق الرصافي - 3 كرادة داخل .


 اختي الفاضلة غربة اهل الجواب على سوالج هو : ( نعم ) بالامكان وضع علب الالوان الصغيرة الاكريلك والالوان البوستر بالحقائب الكبيرة .

اخي روي المترجم . من حق كل طفل عمره اقل من سنتين (حقيبة واحدة ام الـــ 10 كيلوات ) .

اشكركم مرة ثاني . ودعائي لكم ولعوائلكم  بالامن والامان . وتحقيق كل ما تصبون اليه .

تحياتي

92
ابو ساره الورد

الشعب الي كدر يمشي سياراته ( على غاز الطبااخ) بوكت الحرب .. مايعصى عليه فايبر او تانكو او واتس اب.

الله وكيلك الشباب هنا بساعتين يلكوله حل .... داده مايكدرون يكضون الليل بدون مايسولفون وية صاحباتهم وحبيباتهم . ;D ;D ;D ;D

الشباب يلكولها حل.. واحنه الشياب النه الصافي  ;) ;) ;) ;)

تحياتي

93
مساء الخير اخوتي واخواتي.

كلنا يعلم مدى المعلومات التي يقدمها هذا المنتدى( البيت ) الرائع لكل  الذين لديهم سفر بصورة عامة ولطالبي اللجوء بصورة خاصة .
من خلال النصائح والتجارب التي يرويها اعضاءه الكرام امثال (  النعيمي وجار الانتضار و حسين الجبوري و تيولب ( الله يذكرها بالخير) وابو مريومه وصفاء الكرخي وستيفن اس اي في ( ابو ليونا الورد) ونور الدين وعراقي نبيل ( ابو علي الرائع) وسنكل مان ( صاحب احلى وارقى التحليلات )و ألن في بلاد العجائب ( والله الك وحشة يا ألن ).واعضاء كثيرون( أقدم اعتذاري الشديد الهم لان ما تحضر اسمائهم في بالي) وصلوا الى امريكا ولا زالوا يرفدوننا بكل ماهو جديد ومفيد للمهاجر الجديد.

وكما تعلمون في فترة من الفترات كنت مواضب على كتابة اعداد المسافرين وبشكل يومي . ولكن لظروف خاصة بي توقفت عن الكتابة في هذا الموضوع.
الان وانا اشعر بواجبي كواحد استفاد من هذا المنتدى ( البيت) وكرد للدين الذي في رقبتي قررت ان اكتب لكم بعض النصائح والتعليمات حول السفر ( خاصة وكثير منا لم يسبق له ان سافر خارج العراق عن طريق المطار) وفي نفس الوقت اجيب على كل اسئلتكم حول السفر من امور الجوازات وامور الحقائب والمستمسكات التي قد تحتاجونها عند السفر . وموضوع اخواتي المسافرات في حال كان هناك ( حمل) والترانزيتات و اجور النقل من والى المطار .

ارجو من الله ان يوفقني بنقل اوضح الصور لجنابكم الكريم .
,,,,,,,,,,,,,,,,,,,,,,,,,,,,,,,,,,,,,,,



السفر بوجود ترانزيت او بعدم وجود ترانزيت:
1- السفر بدون ترانزيت.

في هذه الحالة يكون خط الرحلة ( بغداد-عمان-امريكا). من حق كل مسافر تجاوز السنتين من عمره ان ياخذ معاه جنطتين وزن كل واحده 23كغم+ هاند باك بوزن 5-7 كغم+ لابتوب.ومن حق المراءة ان تاخذ معها جنطتها النسائية.

2- السفر بوجود ترانزيت في خط الرحلة .

الترانزيت يكون بين بغداد-عمان( ترانزيت ) امريكا ( يعني ينزل المسافر باحدى هذه الدول) . اما المانيا(فرانكفورت)او فرنسا(باريس) او تركيا (اسطنبول) او مصر(القاهرة). يعني خط الرحلة ( بغداد-عمان-ترانزيت-امريكا.وفي هذه الحالة من حق كل مسافر تجاوز السنتين من عمره ان ياخذ معاه جنطة واحدة بوزن  23كغم+ هاند باك بوزن 5-7 كغم+ لابتوب.ومن حق المراءة ان تاخذ معها جنطتها النسائية.

____________________________________________________________

السفر بوجود اطفال دون السنتين:
كثير من الاخوة والاخوات يراسلوني ( على الخاص) هل صحيح من لديه طفل عمره اقل من سنتين المنظمة لاتسمح له بالسفر؟؟؟؟
الجواب : كلا . يسافر الطفل ويه اهله ويشبع نوم بالطيارة .
 ونصيحتي للام ان تاخذ وياها عربة الطفل ( العربانه) وتطلب من موظف الخطوط الجوية ان مااا يشحن ( العربانة) وية الجنط الكبار . لان راح تساعد هااي العربانة الام بالمطارات الي راح ينزولون بيها . يعني تكدر الام تاخذ راحتها في فترات الانتظار بحيث تضع الطفل بالعربانة حتى ينام  احسن من ماتبقى شايلته على صدرها وتتعب بشيلته .وتكدر بنفس الوقت ان تاخذ هيه قسط من الراحة من تخلي الطفل بالعربانه.
( وسويتها وية كثير من الاعضاء الي سافروا وجانوا عدهم اطفال ) .

نجي لرضاعة الطفل يعني ( الممه) . انصح كل ام اذا جانت محضره ( ممه ) لطفلها ان تبقى هااي الممه باديها . لان  اذا دخلت هااي الممه وبيها الحليب باجهزة الـــ X RAY  الموجودة بالمطارات لاح يتلف البروتين الموجود بالحليب( اني هيج سامع ) فدائما اوصي الامهات ان بيقون الممية باديهم . أما بالنسبة لباقي السوائل والاكل فمابي اي ضرر من يدخل بهذه الاجهزة.

المراءة الحامل. ابد لاتدخل من خلال اجهزة السونار . لما فيه مضرة على الجنين . ودائما خلي دكول للمفتشين او المفتشات او هي في فترة حمل ( مهما كانت فترة الحمل سواء بالاشهر الاولى او الاخيرة) .
اما بالنسبة لاخواتي اللواتي لديهن حمل بالاشهر ( السادس او السابع او الثامن ) يعني الحمل مبين عليهن .. موظف الخطوط الجوية الملكية الاردنية راح يطلب منهن ان يجيبون تقرير طبي من الدكتورة او الدكتورالموجودة بالمطار   يكتب بهذا التقرير ان المسافرة لديها القدرة على السفر . ( هااي الدكتورة او الدكتور متواجد بالمركز الصحي بالمطار)


الاطفال الي طلعوا جوازات من جانت اعمارهم صغيرة وصار وكت السفر وهمه كبار بالعمر ( يعني صورته بالجواز صارت ماتشبه صورته الحقيقية)

عادي جدااااااااا. يسافر وماعنده اي مشكلة .لان حاسبات المطار بيها نسخ المستمسكات الي قدمها اهل الطفل للحصول على جواز.
وللاطمئنان اكثر .. يكدر اهل الطفل ان يجيبون وياهم هوية الاحوال المدنية او شهادة الجنسية ( بصورة حديثة) ويقدموها لظابط الجوازات ( اذا ) طلبها منهم.. وخلي اطمئنكم  الى هسه ما شفت مسافر رجعوه من المطار لان صورته بالجواز ماخذها من جان صغير وهسه شكله صار يختلف لان ( أكل هوااية وصار جبير ) هههههههههههههه.

________________________________________________

الحقائب:

نصيحتي لكل مسافر ان يشتري حقائب ذات عجلات ( يعني ام الجروخ وبيها يدة سلايد) .  مثل ما موجوده بالصورة
http://www.supplierlist.com/prod_img/modsluggage/2854_Travel_Luggage_Set.jpg
لان سهلة بالنقل وشكد ماتخلي بيها وزن  من تسحبها ما تشعر بتعب .  وبالوان زاهية ( يعني حمراء او زرقاء فاتحة او صفراء او برتقالي ....) الخ. حتى تتعرف عليها راسا من توصل الى امريكا .اما حقائب الهاند باك فنصيحتي الكم ان تاخذون هاند باك الي تنشال على الظهر ( مثل جنط طلاب المدارس) لان حملها سهل + وزنها راح يتوزع على كل جسمك من تخليها على ظهرك . وتبقى ايديك فارغة وماشايل بيها شيء او تكدر تستخدم ايديك وتسحب بيها جنطة او جنطتين كبار( ام الجروخ) والهاند باك مخليها على ظهرك.
مثل الي بالصورة ادناه
http://www.aliexpress.com/item-img/Hot-selling-fashion-Shoulder-bags-men-sports-bags-black-travel-bags-laptop-bags-for-14/484584911.html
ونصيحة ان تكتبون على الجنط عنوان وتلفون وايميل الكفيل . حتى لاسامح الله اذا ضاعت او اتاخرت الجنطة بالوصول يتصلون على كفيلكم .
والي ماعنده كفيل خلي يكتب عنوان وتلفون وايميل المنظمة الي راح تكفله .او ياخذ عنوان احد الاعضاء الموجودين بالمنتدى والي طالب اللجوء راح يوصل لنفس ولايته ويكتبه على حقابئه( واني متاكد الاخوة والاخوات الموجودين بامريكا مراح يقصرون).
ونصيحة ان تخلون بالهاند باك شحاطة خفيفة ( او تكرمون نعال اسفنجي + زوج جواريب) لان ضروري جدا تريحون اقدامكم اثناء السفر ( لان مدة السفرة بين العراق وامريكا يومين تقريبا ) وانتوا طلعوا حاسباتكم واحسبوا اقدامكم شراح يصير بيها !!!!!!!!!!!
اخواني ,, دائما اكوول السفر راحة مو كشخة .. يعني البسوا ملابس تريحكم بالسفر مو تشلع قلبكم .. مرات يجي المسافر وهو لابس قاط ورباط وكاوي شعره او شعرها .. والله وكيلكم اول نقطة تفتيش للجنط ( يعني شيل وحط) تلكة الرباط افتر ونزل يم الحزام .. والحزام افتر وصعد للرقبة !!!!! وراحت الكشخة وضاع كوي الشعر ههههههههههههههه.

________________________

أجور النقل عن طريق سيارات المطار ( الشركة العامة لنقل الوفود)
النقل بوسيلتين. الاولى سيارات صغار ( 4 نفرات) وسعرها من ساحة عباس الى باب الصالة 35 الف دينار ( رايحة للدولة) وتبقى يم المسافر اذا يريد ينطي اكرامية  للسايق او لا ( وهااي السيارة ماتفيد كل مسافر عنده اكثر من 4 جنط كبار ) لان هااي السيارات ما بيهن سيبايات . يعني جنطة السيارة تاخذ بالزايد 4 حقائب كبيرة فقط.
والوسيلة الثانية سيارات ال GMC 2012  وسعر النفر بهااي السيارة عشرة الاف دينار من ساحة عباس  ابن فرناس الى الصالة. وهااي السيارة تتسع لسبعة مسافرين مع حقائبهم يعني ال GMC  تقبط بسبعين الف دينار من ساحة عباس ابن فرناس الى الصالة . اما اذا عائلة( مهما كان عددها ) رادت تحجز الــ GMC  كلها فلازم تدفع اجرة السيارة كلها . وايضاتكدرون تجون يم ساحة عباس قبل سفركم بيومين او اكثر تتفقون وية سايق( طبعا لازم تنطوه بخشيش) حتى ياخذكم من باب البيت  ويبقى وياكم الى ان تستلمون تذاكركم من مسؤولين السفر بالمنظمة وراسا تتجهون لداخل المطار .

______________________________________________
عمال الخدمة ( الحماميل)
في كل نقطة تفتيش ( لازم تنزل بيها الحقائب) اكو حماميل جاهزين وية عرباناتهم ( الي تشيل 4 حقائب كبيرة ). اكثر شيء تنطي لكل عامل هو عشرة الاف دينار .

واذا ما تريد تاجر عامل ( حمال ) العرباين موجودة في باب الصالة وبلاش.

__________________
المبالغ المسموح للمسافر باخذها .
عشرة الاف دولار لكل مسافر + مائة الف دينار عراقي . اما بالنسبة للذهب فالوزن المسموح به هو مائة غرام .

ملاحظة مهمة جدا جدا :
اولا ما تدخل للصالة خلي ( حزامك + مفاتيحك + جكايرك+جداحتك+موبيلاتك) بجنطة الهاند باك . لان كل جهاز كشف معادن موجود بالصالة راح يدك عليك من تمر من خلاله وانته شايل هااي الاشياء . وبالتالي لو المفتش راح يطلب منك ان ترجع تخليهن بجهاز السونار  ( وهذا بي تأخر الك )لو راح يقوم بتفتيشك يدويا .

هذه الخطوط العريضة لكل مسافر ( الله راح يفتحها بوجه ) ويسافر عن طريق المنظمة . وأي سوال يخطر ابالكم ان شاء الله تعالى اجاوبكم عليه . وهنا تجدر الاشارة الى اني موجود على الجات كل يوم خميس من الساعه الــ10 مساءا الى الساعة الــ 12 .

تحياتي
أخوكم \ دبس و راشي

94
مساء الخير اخوتي واخواتي .
موضوع اخونه (  HILLAL  ) جدا مهم . وينطي صورة واضحة للمسافر والاجراءات الي راح يمر بيها  من مطار بغداد ولغاية وصوله الى امريكا.
ولكون الموضوع منشور منذ عام 2009 ( يعني صارلة اكثر من اربع سنوات) تغيرت بعض الامور . فحبيت أبينها للجميع .
من خلال موضوع الاخ هلال .. واضح جدا ان الترانزيت في سنة 2009 كان عن طريق المانيا فقط. اما الان ( ولكثرة اعداد المسافرين ) فان الترانزيت  ( وراح اذكر اوزان الحقائب )يكون عن طريق الدول التالية :-
1-المانيا \فرانكفورت. ومن حق كل مسافر ان ياخذ معاه جنطة كبيرة ( واحدة فقط) بوزن 20 كغم .( الا اذا بلغوه  بالتلفون وكالوله من حقك 23كغم).+ جنطة هاند باك بوزن 5-7 كغم+ لابتوب .
2- فرنسا\باريس . ومن حق كل مسافر ان ياخذ معاه جنطة كبيرة ( واحدة فقط) بوزن 20 كغم .( الا اذا بلغوه  بالتلفون وكالوله من حقك 23كغم).+ جنطة هاند باك بوزن 5-7 كغم+ لابتوب .
3- تركيا \ اسطنبول.ومن حق كل مسافر ان ياخذ معاه جنطة كبيرة ( واحدة فقط) بوزن 20 كغم .( الا اذا بلغوه  بالتلفون وكالوله من حقك 23كغم).+ جنطة هاند باك بوزن 5-7 كغم+ لابتوب .
4- مصر \ القاهرة. ومن حق كل مسافر ان ياخذ معاه جنطة كبيرة ( واحدة فقط) بوزن 20 كغم .( الا اذا بلغوه  بالتلفون وكالوله من حقك 23كغم).+ جنطة هاند باك بوزن 5-7 كغم+ لابتوب .
ـــــــــــــــــــــــــــــــــــــــــــــــــــــــــــــــــــ
اما الي سفرهم من بغداد مباشرة الى عمان ومن ثم الى امريكا ( اي بدون ترانزيت ) فمن حقه جنطتين كبيرة بوزن 23 لكل مسافر تجاوز عمره السنتين+ هاند باك + لابتوب.
ملاحظة مهمة جدا جدا :-
مرات يجيون مسافرين وجايبين وياهم جنطة كبيرة جدا وخالين بيها اغراضهم والي وزنها ( 46 كغم). ومن يسئلهم ابو المنظمة  ليش جايبين وزن زايد؟؟؟ يكولوله ماعدنه وزن زايد .. همه من خابرونه من عمان كالوجنطتين وزن كل وحدة 23 كغم .. فاحنه خليناهن بجنطة وحده !!!!!!!!!!!!. يعني يخلي اغراضه بجنطة وحده ويريد يفضها !!!!!
وتعالوا وشوفوا البهذلة الي يمر بيها طالب اللجوء.. لان هنا يضطر يشتري جنطة جديده ( من المطار) وسعرها مو اقل من 100$ وهية بالسوك بــ50 الف!!!!! . ويبدي ينقل غراضه  ( وقسم منهن ملابس نسائية ورجالية داخلية .. واغراض خااااااصة ) ويقسمهن على الجنطتين.
وهذا غلط اخواني .. مايصير تجمع اوزان الجنطين بجنطة وحده .

اتمنى وضحت الفكرة .
شكري الجزيل للاخ ( هلال) والي اتمنى ان يكون وصل الى امريكا . وشكري لكل من ساعد وساهم برفع الموضوع خدمة للجميع.
تحياتي
أخوكم \ دبس و راشي

95
مساء الخير
راح انطيج نصيحة من اخ لاخته, :) :)
 ابدي حضري امورج للسفر ,,,,, ومثل ما كال اخوية( Abu_mouth) راح يسون الي ابالهم سواء كتبتي او ماكتبتي الهم. ;D ;D ;D

سفركم راح يصير قبل انتهاء الفحص الطبي ( يعني قبل ما يصير الفحص اكسباير). ودائما خلي التلفون قريب يمج لان راح يتصلون بيج لتحديد موعد السفر  :D :D :D :D
وخلي اكون اول واحد يكولج مبروك السفر :D :D :D :D :D
تحياتي

96

مساء الخير ابو علي الورد.
اولا الف الحمد لله على سلامة وصولك مع العائلة الكريمة الى امريكا .
وثانيا . معرفتك زادتني شرف ورفعة . يا اصيل يا ابن الاصول .

اثني على كلامك بان القصة البسيطة ( قصة التهديد) كلما زادت بساطتها قلت الاخطاء فيها .
ومثل ما يكوول ابو المثل ( النجاة في الصدق) وانت من اهل الصدق والبساطة. فهنيء لك ما وصلت اليه. وربي يحميك ويحفظ عائلتك من كل سوء وشر.
تحياتي وتمنياتي لك بالموفقية .
اخوك \ دبس و راشي

97

وبعدني
استقبل
واصعد
المسافرين
بالطيارة!!!
الله عليج أجونه ,,,أني مو استحقيت السفــــــر هسه؟؟؟؟

تحياتي الكم جميعا

99
السلام عليكم أخوتي و أخواتي
السلام عليكم اخي همام.
اخوتي الافاضل .
موضوع الاخ ( همام ) جدا مهم . ومبهم في نفس الوقت لكثير من الي دينتظرون سفرهم .
ولذلك حبيت اسئل الشباب في منظمة الـــ  ( IOM) حول هذا الموضوع . وبالفعل كان سوالي كلاتي :
هل تستطيع العائلة التي اكتملت لديها التجيكات الامنية وتم اعطائهم موعد سفر وكان لديها طفل عمره اقل من سنتين ان تسافر الى امريكا عن طريق المنظمة؟؟
والجواب كان ( نعم ) وشيء جدا عادي وماكو اي مشكلة .

رفعت الاقلام وجفت الصحف .

 هااا اخوية همام ,,, اطمئن واكيد المعنويات صارت 100% .
اشكرك على هذا السوال . الي وضح كثير من الالتباس لباقي الاخوة والاخوات .
تحياتي

100
صباح الخير أخي همام.


للتوضيح أخي العزيز, اني كلت (ماشفت بعيني ) طفل عمره اقل من سنتين سافر وية اهله عن طريق المنظمة .. وهذا مو معناه ماكو اطفال سافروا.. بالعكس .. يعني احتمال كلللللش جبير سافروا بس اني اما ماجنت موجود . او ماشفتهم . هذا الي قصدته ..
 ويوم تفرحني بخبر موعد سفرك يا ذهب .

تحياتي

101
حبيبي ابو حسين
الف الف الحمد لله على سلامة الوصول . ومبارك وصولك لامريكا .
ضل بالي يمك لان اخونه ( احساس عاشق )كتب خبر وصوله . واخونه (omar1979 )ايضا نشر خبر وصوله. وبقيت بس انته و ( وعائلة الاخ ........) من ضمن الي سافر بهذاك اليوم وماكتبتو خبر وصولهم.

بالحقيقة اني الي تشرفت بمعرفتك ( يا اصيل) .ربي يوفقك ويجعل حياتك الجديدة كلها امن وامان ونجاح .
واعتذر منك أخي الفاضل اذا بدر مني اي تقصير بيوم سفركم.
تحياتي

102
صباح الخير أخي همام

اشكرك على كل حرف كتبته بحق اخوك ( دبس و راشي) .وان شاء الله ما اقصر برد افضال هذا المنتدى علية.

أخوية همام

أقل طفل ( شفته ) طلع عن طريق الـــ IOM  جان عمره سنتين.وما شفت ( بعيني) طفل سافر وية اهله عن طريق المنظمة عمره اقل من سنتين.
تحياتي

103
زين اذا جانت جنسية وشهاده الجنسية صوره هم من جان طفل شلون وهسه عمره 4 سنوات هاي شلون لازم نغيير الجنسية او شهاده الجنسية ؟؟؟؟؟
ارجو الاجابه

مساء الخير اخي alialiali10099

يفضل تغيرهن .. لان ما سوينه شيء اذا الصور بيهن هنه نفس الصور القديمة ( يعني من جان طفل ).
حاول تغيرهن ثنينهن( الجنسية و شهادة الجنسية ) او اي ايهما اسهل واسرع  بالتغير .
تحياتي

104
مساء الخير أخوية
اليوم سئلت مدير الجوازات حول موضوعك . وجانت الاجابة كلاتي :-
ماكو اي داعي لتغير الجواز . وكل ما عليك فعله  جلب كل من ( هوية الاحوال المدنية + شهادة الجنسية ) الخاصة بالطفل . ويستحسن ان تكون الصور الموجودة في هذين المستمسكين  او احدهما صور حديثة . وتسلم لضابط الجوازات (اذا )طلب منك ذلك في يوم السفر .
تحياتي

105
أخي الفاضل.
مساء الخير .
انطيني مجال لباجر الصبح ..
 اسئل اهل الاختصاص(  ضباط الجوازات ) وان شاء الله تعالى اردلك الجواب.
تحياتي

106
مساء الخيـــر أخي الفاضل.
اتمنى هااي الارقام تفيدك .

ارقام ابن البيطار

07702503459
07817945794
07904376906
07702504525
07800735533
07904376906
07803389125
07713891482
07817945794
07904376906
07702504525
07906494098
07817945794
07702503459
07702504525
07702503459

تحياتي

107
مســـاء الخيـــــر أخي الفاضل.

حتى ما اطولها عليك .. محد يحاسب الطفل .. ويكدر يسافر ويه اهله .. لان كل اوليات الجواز موجوده بحاسبة المطار .. يعني من يدكون رقم الجواز وياخذون ( سكنر )للاحرف والارقام الموجوده باسفل اول صفحة بالجواز ( الصفحة الي بيها صورة صاحب الجواز) وطبعا هااي (شفرة )تختلف من جواز لاخر . راح تطلع كل اوليات صاحب الجواز وكل المستمسكات الي قدمها في سنة طلب حصوله على الجواز.
تحياتي

108
أختي الفاضلة أسراء الورده ده ( يعني دبل ورده) :) ;)

اولا عيدكم مبارك. وكل عام وانتم بالف الف خير .
 ثانيا الف مبروك وصولكم سالمين وغانمين الى ولاية نيوجرسي . صبرتوا هوااااااااااااااية والحمد لله رب العالمين  الله ماضيع صبركم.
موفقين بحياتكم الجديدة وان شاء الله تلكون كل السعد كدامكم .
تحياتي للاخ الفاضل ابو يوسف

109
مساء الخير أخوي عبد الله.
اولا كل عام وانت بالف الف خير يارب وعيد المبارك عليك وعلى اهلك . وان شاء الله موفق بحياتك .ومن نجاح الى نجاح يارب

ثانيا كللللللللللش فرحت من دا اقره كتاباتك حول اولـــ 12 يوم بامريكا. حقيقة ده تمشي بالطريق الصحيح وان شاء الله يكون طريق سهل امامك وكله موفقية .
تستاهل والله العلي العظيم لان انته طيب ويارب كل الخير  ينتظرك.
تحياتي ودعواتي الك بالامن والامان والتقدم

أخوك \دبس و راشي.

110
شلونهم الشباب والصبايا إنشاء الله الكل بخير حبيت اسأل عنكم أشو  هم رجعنا صنطة ،،،،،،،،،،،،،،،يا الله يا قريب الفرج فرج علينا

اخوية دبس فحصت لو بعدك ؟؟؟؟؟؟؟
لان أهلي لحد الآن مافحصوا وصاروا اكسباير من تاريخ 11/7/2013 وكل اتصال ماكو

والحمد لله على كل حال

ابو احمد الورد.
شلونك أخوية؟؟ وشلونهم الاهل؟؟ يارب كلكم بخير وعافية؟

والله ابو حمودي الفحص صار اكسباير صارله اكثر من اسبوع. وبعدهم مغلسين . كتبلتهم تذكير . والى هسه كلشي ماكو لا ردوا عليه ولا جاوبوني!!!!!!!!!!!!
يعني الحال من بعضه أخوية الغالي.
تحياتي وسلامي لــ بي ام .
 والحمد لله على كل حال .

111
اخيرا انطوني موعد سفر يوم الحميس الفائت والحمد لله

المشكلة من الفرحة ماركزت زين ويا موظف المنظمة

سوألي بخصوص حقائب اليد < الهاند باك > الي المفروض وزنها 5 كيلو غرام  هل يحق لكل فرد من الاسرة بهذة الحقيبة ام حقيبة واحدة فقط

وهل الكمبيوتر المحمول من ضمن ال 5 كيلو لو وحدها وكم كمبيوتر اكدر اخذ

اما بخصوص الحقائب اخبروني المفروض 20 كيلو لكل حقيبة العدد 5
اذا كانت اكثر من 20 ما الاجراءات المترتية على زيادة وزن الحقيبة

وشكرا

مساء الخير اخي الفاضل
اولا الف مبروك موعد سفركم . يارب تلكون كل الخير والامن والامان والنجاح بانتظاركم .
ثانيا. لكل فرد  تجاوز  عمره السنتين حقيبة هاند باك + ( حقيبتين  او حقيبة ) كبيرة حسب خط الرحلة .
اما الكمبيوتر المحمول ( اللابتوب) فما يعتبر من ضمن الهاند باك .وانته لو كاتب اعماركم جان كتلك كم لابتوب تكدر تاخذ وياك. لكن بما ان انتو 5 افراد( الله يزيد ويبارك باعماركم) فتكدر تاخذ وياك 3 لابتوبات. واذا اعماركم اكثر من 12 سنة يكدر كل واحد بيكم ياخذ لابتوب + هاند باك خاصة بي ام ال5 كيلوات.
هسه نسولف على الوزن الزايد. ما انصحك تاخذ اكثر من الوزن الي حددو الك ( لان الظاهر عندك ترانزيت ) وابو الترانزيت يشددون على وزن الحقائب مالته بدول الترانزيت . واذا عندك وزن زايد فأما راح تضطر تتركه بمطار بغداد او جنطتك ( الي بيها وزن زايد)مراح توصل لامريكا لان راح يستبعدوها بالمطار الي راح يكون بي ترانزيتك.
نصيحة اخ الى اخوه ( التزم بالوزن ) اسلم واضمن الك.
اتمنى اجابتي كانت واضحة لكل اسئلتك.
ومبروك مرة ثانية .
تحياتي

112
اخي دبس وراشي السلام عليكم عندي استفسار واتمنى تجاوبني عليه اني امنيتي اكتملت قبل ستة ايام والسفر بالانتظار سؤالي هوة اني منتسب بالداخلية اكو اي اشكالية بالنسبة بمطار بغداد لان قالقني هذا الموضوع بالرغم اني عندي صديق سافر لامريكا وهوة جان يشتغل بالداخلية بس اني شوية قلق اريدك تطمني فدوة رحمة لوالدين اذا عندك اي معلومات بهذا الموضوع او اي احد من الاخوان

مساء الخير اخي الفاضل

... ماكو اي مشكلة بسفرك ,, واني هم  عندي صديق جان بالداخلية ..وسافر من مطار بغداد قبل اكثر من شهرين وية المنظمة. وماكو اي مشكلة ولاتضل تفكر بهذا الموضوع  .

تحياتي

113
صباح الخير اخي Mr.Iraq2011

اولا كل عام وانت واهل بيتك بالف الف خير يارب . ورمضان كريم عليك . ويارب رمضان الجااي تصومه بامريكا .

ثانيا راح اكولك شغلة ,,,
هسه الساعة بالــــ 2:30 من بعد منتصف الليل . وصدكني جنت نايم . وخابرني احد الاخوة الاعضاء الي منطي موعد سفر . خابرني وهو خايف ومرعوب ( من قرءهذا الخبر الي انته ناشره) وطبعا حقه ينرعب . لان بعد انتظار اكثر من 3 سنوات ويوصل لمرحلة ان يحددوله موعد سفر . واذا بخبر ( مثل هذا) يكوله انته سفرك راح يتاجل لمدة شهر لان السفارة مسدودة .
فبدء يحسبها ( يعني ممكن الامنية تصير اكسباير ,,, او الفحص يصير اكسباير او الاوضاع ممكن تسوء ويتاجل السفر بعد اكثر او او او او ...الخ).
 فحتى اوضحلك الصورة . واوضحها لكل الاخوة والاخوات . راح اكوول التالي:-

موضوع اغلاق السفارة . ماله اي علاقة لامن قريب ولا من بعيد لكل من اكمل اجراءات المنظمة  ( يعني الي مكمل مقابلة اولى وثانية وفحص طبي ) ينتظر امنيته تخلص ويسافر .هااي اولا.
ثانيا. اغلاق السفارة ابد ما اله اي دخل للي عنده موعد سفر . تعرف ليش؟؟؟
لان الي عنده موعد سفر .. هذا امنيته جاية ومكتملة والمنظمة حاجزتلة مقعد على خطوط الطيران . واول ما يوصل لعمان راح يستلم ( الترفل دكيونت ) . ويطلع بيها لامريكا .

ممكن موضوع اغلاق السفارة ياثر على كل من عنده مقابلة بالسفارة سواء مقابلة فيزا عادية او ( اي او ام ) او ( اس اي في) .

اتمنى وصلت الصورة واضحة لجنابك ولكافة الاخوة والاخوات .

تحياتي

114
مساء الخير أخي حيدر

بما ان موعد طيران صديقك هو السادس من شهر اب (6\8\2013) . فهذا معناه ان رحلته صباحية .
وان شاء الله يتصلون بي قبل يوم او يومين من موعد الرحلة حتى ينطوه تفاصيل التجمع و وقت التجمع قرب ساحة عباس ابن فرناس.
ومن هسه اكولك.. اذا صديقك كالوله من حقه ان ياخذ معاه جنطيتين كبار ام الــ( 23 كيلو) + هاند باك. فهذا معناه رحلته راح تكون ( بغداد-عمان- امريكا).
واذا جان من حقة ياخذ وياه جنطة وحده ام الــ( 23 كيلو)+ هاند باك. فمعناه عنده ترانزيت بين عمان وامريكا.
تحياتي

115
الف الف الف مليون مبروك يا ورد..
والله العظيم كللللللللش فرحتلك ياطيب .
موفق بحياتك الجديدة.
تحياتي

116
صباح الخير .
صور كلللللللش حلوة . وبالعافية عليكم . تستاهلون كل الخير .
تحياتي

117
السلام عليكم ورحمة الله وبركاته أخي وصديقي ابو اديان. أختي الفاضلة أم أديان
قبل كل شيء. احب ان اقول الف الحمد لله على سلامة وصولكم.
صبرتوا والله سبحانه وتعالى ماضيع صبركم. تستاهلون كل الخير وكل الامن والامان والنجاح .
وثاني شيء . صدكيني أختي أم اديان. انتو ناس تركض ( مو تمشي ) الطيبة بدمكم .وانتم عائلة عراقية اصيلة يتشرف اي مخلوق على وجه البسيطة ان يتعرف عليها . ولهذا السبب الله سهل سفركم وخلاني التقي بيكم .
اشكرج جدا على مشاعرج النبيلة وكلامج الراقي . واشكركم الف مرة لان سمحتولي اساعدكم بيوم سفركم .
لك مني الف الف تحية .
تمنياتي لكم بحياة كلها سعادة وموفقية ونجاح.
(وبوسة مني لأروع طفلة ).أديان الله يحفظها الكم . وسلام خاص للاولاد.
تحياتي
أخوكم\دبس وراشي

118
السلام عليكم ورحمة الله وبركاته أخي وصديقي ابو اديان
قبل كل شيء. احب ان اقول الف الحمد لله على سلامة الوصول لك ولاختنا الفاضلة ( أم أديان).
صبرتوا والله سبحانه وتعالى ماضيع صبركم. تستاهلون كل الخير وكل الامن والامان والنجاح .
وثاني شيء . صدكني ابو أديان . انتو ناس الطيبة تركض ( مو تمشي ) بدمكم .وانتم عائلة عراقية اصيلة يتشرف اي مخلوق على وجه البسيطة ان يتعرف عليها . ولهذا السبب الله سهل سفركم وخلاني التقي بيكم .
اشكرك جدا على مشاعرك النبيلة . واشكرك الف مرة لان سمحتلي اساعدكم بيوم سفركم .
لك مني الف الف تحية .
تمنياتي لكم بحياة كلها سعادة وموفقية ونجاح.
(وبوسة مني لأروع طفلة ).أديان الله يحفظها الكم . وسلام خاص للاولاد.
تحياتي
أخوكم\دبس وراشي

119
مساء الخيـــر اخي الفاضل.
الف الف مبروك موعد السفر . يارب سفرة الامن والامان والموفقية والنجاح لحياة جديدة .
راح اجاوبك على اسئلتك بالنقاط التالية :-

1-عدد الحقائب يعتمد على خط الرحلة ... يعني اذا خط الرحلة (بغداد-عمان -امريكا) فمن حق كل مسافر  تجاوز عمره السنتين ان ياخذ وياه جنطتين وزن كل وحده 23كغم + هاند باك بوزن 7كغم +بتوب.
اما اذا كان خط الرحلة ( بغداد-عمان-فرانكفورت-امريكا) يعني هنا اكو ترانزيت والي هو ( فرانكفورت ) فحق كل شخص  تجاوز السنتين من عمره اخذ جنطة وحدة 23كغم + هاند باك 7كغم+لابتوب.
2- من حق كل مسافر تجاوز عمره 18 سنه ان ياخذ وياه مبلغ عشرة الاف دولار امريكي .
3- من حق كل مسافر ان ياخذ وياه ذهب بوزن 100غرام .

ملاحظة : بالنسبة للي عدهم ترانزيت.موشرط الترانزيت يكون (فرانكفورت ). يعني مرات يكون أسطنبول او القاهرة .. بهاي الحالة ايضا من حق كل شخص ان ياخذ وياه جنطة وحدة بوزن 23 كغم + هاند باك 7كغم.

واذا عندك اي سوال . ان شاء الله اجاوبك عليه . بكل سعادة وسرور.
مبروك مره ثانية
تحياتي
أخوك\دبس و راشي

120
قريبا في العيد :

الأب : روح سلم ﻋلى أبن بيبيــة عم
امك اللي يصير آخو  عمي
وجد أبوه عم أمك وأمه أخت جدك
,
,
,
,

 وإذا سلمت عليه يكولك : ﺎنت منو  ؟؟؟
عاد هنا الورطه ,,,ابوي بعيد
وﺎلكاتلوك مو يمي !!!!!!

121
صباح الخير اخوتي واخواتي.
اليوم سافرت اختنه الغنية عن التعريف ( أم أديان) مع زوجها الي كان مشارك ويانه بالمنتدى تحت اسم ( الحلم الوردي) .
حقيقة عائلة زادتني شرف ان اساعدهم بيوم سفرهم.
عائلة طيبة واصيلة وراقية بمعنى الكلمة.
وحملتني ( ام اديان) و زوجها ( الحلم الوردي) امانة . وهي السلام لكل الاخوة والاخوات في عينكاوا. وشكرها وشكر زوجها الجزيل للكل.
وتمنياتهم للجميع بالسفر العاجل .

تحياتي
أخوكم \ دبس و راشي

122
اولا الف مبروك موعد السفر.
وثانيا اكتبلي على الخاص . وان شاء الله رب العالمين راح اقدملك كل المساعدة والنصائح الي راح تخفف عليك من تعب السفر والترانزيتات.
وبيك خير وتدلل . ولاتشيل أي هم.

مبروك مرة ثانية.
تحياتي
أخوك \ دبس وراشي

123
اخي العزيز عبدالله الورد.
الف الف الحمد لله على سلامة الوصول . ويارب حياتك الجديدة كلها أمن وأمان وسعادة ونجاح.
تستاهل كل الخير يا بصراوي ياصيل.
اعتذر منك اذا بدر مني اي تقصير .
تحياتي
أخوك \دبس و راشي

124
مساء الخير أخوتي وأخواتي

أخي وصديقي العزيز والغالي Mr.Iraq2011 شلونك ياورد؟؟ ان شاء الله بخير ؟؟
حبيت أطمئنك واطمئن كل الاخوة والاخوات في بيتنا الثاني ( عينكاوا) .
الخبــــــر عــــــاري عــــــن الصحـــــة
. لا اكو صواريخ وكعت ولاهاونات ولا طلقات . الحمد  لله والشكر الطيران مستمر . وطيارات نازلة وصاعدة بشكل طبيعي بالمطار وخير من الله.
ودا اكتبلكم هسه واني بمطار بغداد . وحركة الطائرات طبيعية جدا .
وحتى اطمئنك وبعد اكثر . اليوم عدد لابئس بي من طالبي اللجوء عن طريق المنظمة سافروا .

تحياتي الك ويارب تفرحنه بموعد سفر يكون قريب .

أخوكم
دبس و راشي

125
مســــاء الخير

اتمنى هذا الرابط يفيدكم . وتضيفوه كمرجع لموضوع الاخ Abu_mouth

http://www.ankawa.com/forum/index.php/topic,653084.0.html

تحياتي

126
صبـــــــاح الخيــــــــر يا أهل الخيـــــــر

شلونكم حبايب ؟؟ ان شاء الله بخيــر .

اليوم واني بالدوام وطبعا جان اكو سفر والعدد خير من الله . شفت عائلة  جان موعد مقابلته وياية بنفس اليوم من الشهر الثامن2012( رجل وزوجته + 3 اطفال ) من ضمن الي سافروا . طبعا الكيس نمبر مالته 123 . ومقدم شهر 12\2010.
وعندي صديق هم قابل شهر الثامن 2010. خابروه قبل اسبوع وانطو موعد سفر وأجله.

حبيت انقل الكم هااي المعلومة باعتبار هااي الجمعية للي مقابلين محلف شهر الثامن.
تحياتي

127
مساء الخيـــــر اخassaad2011    

الف الف الحمد لله على سلامة الوصول .
يارب الامن والامان والموفقية والنجاح الك ولكل اهل بيتك يا رجل ياطيب .
تستاهل كل الخير والله . لان انته ابن اصل واصول . صبرت هوااية . والله جازاك بسفر ان شاء الله تحقق بي كل احلامك .

تحياتي
أخوك\ دبس و راشي
[/size]

128
كلام اعجبني جداااااااااااااااااااااااااا

اذا كانت المرأة
درست,تزوجت,حبت,اخلصت,حملت,انجبت,ارضعت,ربت,عملت,تحملت قلق وخوف,
وكانت في الاخر بنصف عقل
,
,
,
,
,
,
,
فكيف لو كان عقلها كامل؟؟؟؟؟

129
رمضان راح يخلص ولحد الآن ما شربت گلاص مي
,
,
,
,
,
,
,
,
,
,
,
,
,
,
,
,
,
,
,

بالغلط!!!!!!!!!!!!!!!!!!!!!!
[/size]

130

مرحبا

طبعا مثل ما تعرفون اني هم مقابل محلف شهر الثامن 2012.
 والى هسه حالي من حالكم, ( بعدني على الشحن) .
بس صديقي هم مقابل العام شهر الثامن والكيس نمبر مالته 124. اكتملت امنيته يوم 17\7\2013. وخابروه يوم 16\7\2013 وانطوه موعد سفر بنهاية هذا الشهر .

يارب سفركم باسرع وقت . وان شاء الله تكملون صيامكم وتعيدون بامريكا.
تحياتي

131
بنيه عمرها 10 سنين وكاتبة على صفحتها بالفيس ,,
(أنوثتي طغت على انوثة كل النساء)
\
/
\
/
\
/
\
/
\
/
\
/
\
/
\
أنتي خلصي لقاحات شلل الأطفال وبعدين اطغي براحتج !!!!!!!!!!!!!!!

132
مساء الخير اختي الفاضلة.

الي افتهمته من هااي الجملة(you must attach the return back Air way bill with passport )  ان السفارة الكندية في عمان رايده اثبات منج بالرجوع الى العراق بعد ان تسلميهم الجواز .وتستلميه ( سواء بحصولج على الفيزا او لا) . لكن انتي اتصرفتي تصرف شخصي منج . وكمتي ودزيتي الجواز عن طريق شركة TNT  للبريد السريع !!!!!!!!!!!!!!!!!. وهنا انتي اخليتي بمطلب  طلبته السفارة منج .
على العموم .. اني ما اعرف شلون راح يكون رد فعل السفارة .
لكن اذا اضطريتي للسفر الى عمان راح اعلمج طريقة موثوق بيها ورسمية  100%.
الطريقة ان تروحين لمكتب الخطوط الجوية الملكية الاردنية قرب فندق الشيراتون وتحجزين ( 2WAY)على هااي الخطوط  من بعد ان تسلميهم الجواز او نسخة منه . وبعد 72 ساعة راح يتصلون بيج ويكولولج تفضلي استلمي التذكرة + فيزا الدخول الى عمان .

اتمنى ان اكون ساعديج بمداخلتي . وربي يوفقج ويسهل امرج.
تحياتي اختي الفاضلة
دبس و راشي
[/size]

133
مساء الخير أخي الفاضل

الجواب على سوالك هو :

لايؤثر الابعاد على سفرك. كونك ستبقى في منطة الترانزيت داخل مطار .
تحياتي
[/size]

134
مساء الخيـــر
ابو احمد ,,, مبارك عليك الصفحة السادسة .  ومبارك عليك الاسم الجديد.

حبيت اشارك بالصفحة الجديدة , وانقل الكم خبر تغير بحالة ملف صديق الي . تفاصيل ملفه كلاتي:
تقديم 2010
كيس نمبر 124
مقابلة اولى \شهر السادس 2012
مقابلة ثانية ( محلف) \ شهر الثامن 2012
فحص طبي \شهر الثامن 2012

تغير ملفه قبل 3 ايام من (بانتظار النتيجة )الى فعال .والتجيك الامني اكتمل عنده البارحة بعد ما كان بالانتظار . وحالة السفر صارت فعال اليوم الصبح .

اتمنى من الله كلكم تمرون بهااي التغيرات باقرب وقت ان شاء الله .
تحياتي

136
مساء الخيـــر اخوية ( اسير الظلام).
اولا ان شاء الله ايامكم الجاية كلها نور وسعادة وفرح .

وثانيا . لاتشيل هم لابنك ( الله يخلي الك).يسافر عادي .. حتى لو شكلة متغير وصايرة عنده لحية .لان الشباب بالجوازات ناس محترفة وداخلين دورات حول كثير من المواضيع الي تخص السفر . ومن ضمن هااي المواضيع تغير شكل الانسان بسبب التقدم بالعمر . فلاتشيل هم ولايضل ابالك اي قلق.
وعندي راي الك ..
ممكن تخلي بالهاند باك ماكنة حلاقة ( استعمال مرة واحده) اذا قفل ابو الجوازات وما اقتنع بان ابنك هو صاحب الجواز من وره اللحية . اكو (تواليت بالصالة ) يدخل ابنك يحلق لحيته .وابوك الله يرحمة.
هسه انته مخير ......
بين ماكنة الحلاقة و بين صوندة WhoAmI ههههههههههههههههههههههههههههههه.
ويارب توصلون بالسلامة .
تحياتي

137
خيتو الريم 2000. شلونج يابة؟؟ ان شاء الله بخير .
برنسو الورد,, حبيبي مشتاقين يا طيب.

بمناسبة رمضان .. راح تكون اكثر النكات حول هذا الشهر .

البنية برمضان تخابر حبيبها بــــ 3 الفجر:
البنية: الو حبيبي
الولد : الوو حياتي
البنية : حبيبي يلا كوم غسل وجهك وتسحر وتوضا حتى نصلي الفجر..
الولد: بس اول شي كوليلي شلابسة؟
... البنية ما اكلك الا تصلي :
الولد: أوكي ,,اتسحر واصلي ونرجع نسولف للصبح.
البنية : اوكي حبيبي ,,,لا تنسى التسبيحات وتدعي.
انطبك التلفون.........

ماشاء الله
وحدوووووووووووووووو

ولكككككم ناوشوني الصونده!!!!!!!!!!!!!!!!!!!

138
ابو اياد الورد
الف الف مبروك سلامة الوصول .. تعبت وتبهذلت وانشلع قلبك من وره الـــــ IOM   و الـــــ SIV . وبالاخير الله جازاك نتيجة صبرك  ومثابرتك ولطيبة قلبك بسفر  ولولاية ان شاء الله تتوفق بيها وتلكه بيها كل سبل الامن والسعادة والنجاح.
هنيئا لك ما انت عليه الان ..
 والي انزل القران على صدر محمد فرحتي  ماتنوصف . عبالك اني الي وصلت لولاية يوتا . تستاهل ( ابن ولايتي ) يا ابن الخير والحسب والنسب . والله بيوم سفرك حسيت بتقصير وياك. يعني شما اريد اقدملك تبقى انته المتفظل على الكل واولهم دبس وراشي .فعذرا اخي الفاضل ان لم اكن بمستوى مقامك العالي . وكرم اخلاقك الرفيعة.
تحياتي
اخوك \دبس وراشي

139
 



مجرد سوأل :- يجمع بين رمضان وبين بعض شباب الفيس بوك


الولد اللي مسوي فيس بوك بأسم بنية
.
.
.
.
.
.
.
.

.
.
.
.
.
.
.
.
.
.
.
.
.
.
.
.
.
.
.
.
.
.
.
.
.

رمضان يصومه كله لو بس 23 يوم؟؟؟؟؟؟؟؟؟؟؟؟ ;D ;D ;D ;D ;D ;D

140
إماراتيه كاتبه :
الناس بـ لندن وباريس متونسة
 وانا ما عندي إلا دبي مول اتصور مع القروش ....
لعد احنا شنكول؟؟
,
,
,
,
,
,
,

قرود الزوراء كامت تقدملنا جاي كل منروح!!!!!!!!!
حفظونة الله وكيلكم !!!!!!!!!!!!!!!!!

141
(ديفيد) من اوربا :
ﺩﺧﻞ ﺑﻴﺘﻪ ﻭلكاه مظلم
وفجاه اضيئت الانوار
لكه اهله مسويلة عيد ميلاد
... ... .
.
... (سلمان) من العراق:
ﻭﺻﻞ ﺑﻴﺘﻪ بليل:
ولكه الكهرباء مطفية طبعا المولده عطلانه
ومن دخل ما يحس اله شحاطة بوجهه
واخوانه يكولولة بالظلمة ؟
اذا انت زلمه احزر منو ضربك ؟
شعب يموووووووت على الحزورات !!!!!!!!!!

142
اختي الغالية ام يوسف .....
الاخ دبس و راشي الذي اغرقنا بافضاله هذا النموذج الاصيل الذي تعجز الكلمات عن وصف طيبته وسعيه في مساعدتنا ووقوفه الى جانبنا في هذا الموقف
 اخوتي واخواتي الاعزاء في المنتدى الاصيل بيتنا الثاني (عين كاوة) اشكر لكم عبارات التهنئة الطيبة ومشاعركم الفياضة بالاخلاص وخجلتوني بطيب اخلاقكم ودعواتكم الصادقة
بفضل الله ورحمته وصلت الى ولايتي ولاية يوتا بتاريخ 3/7/2013 بعد رحلة طويلة  من الانتضار منذ شهر السابع  2009 وحتى السابع 2013  مليئة بالفحوصات الطبية واعادات المحلفين وهواجس الرفض حتى من الله علينا بلسفر في نهاية المطاف السفر لامريكا يستحق عناء الانتضار ادعو الله ان يتمم فضله علي بسفركم جميعا الى ارض الاحلام

شكري واعتزازي لجميع اعضاء المنتدى واخص المهنئين بالشكر والعرفان على مشاعركم الغالية وادعو الله ان يسهل اموركم وتسافرون باسرع وقت

تحياتي وامتناني للجميع

 


 ابو اياد الورد
الف الف الف الحمد لله على سلامة الوصول . والله كلللللللللللللش فرحت من شفتك داخل للمنتدى وده تبشرنه بسلامة وصولك لولايتك .
يا اخي انته الي تعجز كل كلمات الشكر والثناء عن أيفاءك حقك . كلنه جنه نقرء مداخلاتك الطيبة ونصائحك الرائعة. وكثيرررررررررر من الاخوة والاخوات الي ساعدتهم ( باستمارة المظالم) . فانته الي الك فضل علينه كلنه .
هنيء لك هذا الحب وهذا الاحترام .
اعتذر منك اذا كنت قد قصرت وياك بيوم سفرك . وخجلان منك اشد الخجل يا طيب يا اصيل يا ابن الكرم والجود.
تحياتي لك ولعائلتك الكريمة . وموفق بحياتك الجديده . وياربي يفتح كل اباب الامن والامان والسعادة والنجاح بوجهك.
تحياتي
أخوك \ دبس و راشي

143
مساء الخير أخوتي و أخواتي

قريت كل ردودكم وكل كلامكم . بالحقيقة يدمي قلبي  وعيني تدمع على كل تعليق تفضل جنابكم الكريم بكتابته .
والله العلي العظيم مو عبالك امتناع عن كتابة اعداد . ولكن كأنما فقدت واحد من اولادي.

صدكوني يا جماعة الخير من اتخذت هذا القرار هو لحماية اصدقاء اقرب الي من اهلي . لان حسيت من خلال كلامهم ( كتابة التفاصيل والاعدادبالدقة الي كنت اكتبها  ) من الممكن ان تخليهم بمواقف محرجه. وهذا الشيء اني ارتضي لنفسي ولكن لا ارتضيه لهم .
فخوفي عليهم دفعني لهكذا قرار .
ولــــــــــــــــــــــكــــــــــــــن
سأستمر بنقل ان كان كان هناك سفر او لا .وهذا كل ما باستطاعتي ان اقدمه لكم . ( فرجائي ان تتقبلوا هذا مني)
واعلنها على الملء .. اي شخص منكم محتاج اي مساعده او استفسار او سوال ممكن ان يكتب لي على الخاص . وراح يلكاني ان شاء الله ما اقصر بخدمته .

شاكر فظلكم وسعة صدركم وتقبلكم لقراري هذا .

ملاحظة : اليوم ما كان اكو سفر للمنظمة .

تحياتي
 أخوكم دبس و راشي

144
مساء الخير اخوتي  الاكارم واخواتي الفاضلات.
حبيت أبلغكم بعدم قدرتي واستطاعتي بالاستمرار بكتابة اعداد المسافرين عن طريق الـــ IOM . ولظروف خارجة عن ارادتي  ولسلامتي الشخصية وسلامة من هم حولي . ممن يساعدوني بنقل الاعداد لكم .
قرار اتخذته مرغما . ولكني ساستمر بكتابة ان كان هناك سفر او لا.بدون التطرق لاعداد المسافرين وارقام الكيسات .
اعتذر منكم مرة ثانية .واتمنى ان تقدروا وتضعوا بين اعينكم سلامتي الشخصية وسلامة من حولي .
تحياتي لكم . وتمنياتي لكم بالامن والامان والسفر العاجل ان شاء الله .
أخوكم
دبس وراشي

145
لان الساعة عبرت الـــ( 12:00 مساءا) مضطر اكووللكم .....
صبــــــــــــاح الخير

اليوم الاثنين والمصادف 1\7\2013. الرحلة كانت مسائية وقت الاقلاع من مطار بغداد كان بالـــ( 10:00مساءا) .
عدد الي سافروا اليوم 37 شخص . 14 شخص كانوا SIV  مقابلين سنة 2011 وقسم منهم مقابلين سنة 2012 .
من ضمن الي سافروا اليوم اخونه (sattory ). فدوة الى الله شلون ستوري . رجل الضحكة والنكته ما وكعت من حلكه .. حتى الكاع الي مشى عليها جانت تضحكله . موفق بحياتك يا احلى واطيب (sattory ). وربي يفتحها بوجهك ويحفظ عائلتك يا ذهب .

تحياتي

146
اختي الفاضلة ( اســــــراء الورده ده) يعني دبل ورده
الف شكر لكتابة الموضوع والخاص بسفر اخونه ( زيطة = ابو اياد).
بصراحة كانت بيناتنه اتصالات قبل سفره ( وبالظبط من تحدد موعد سفره) .
والتقيت بي مع عائلته الكريمة بالمطار بيوم السفر ..
ما اعرف منين ابدي و وين انتهي بوصف هذا الرجل . الي هو عبارة عن كتله من الاخلاق الرفيعة والنبل الصافي ( ابن عشاير وابن اجاويد) هنيال البيت الي تربيت بي . ومباركة الام التي انجبتك يا ابو اياد.
مع الاسف وكتنه خلانه نخسر هيج ناس طيبة واصيلة .
ابو اياد ( ابن ولايتي ) ..
مبــارك لـــك السفر ولعائلتك .. وفقك الله بما فيه خير وصلاح لكم.وادامك ذخرا وعلما شامخا وخيمة ابدية لعائلتك.
اختي ( اسراء الورده ده ده ده ده ده ده ه ده ده) يعني بستان الورود....
دائما صاحبة المبادرات الحلوة ودائما سباقة بعمل الخير. الف الف شكرمره ثانية على موضوعج هذا
تحياتي

147
تحية طيبة إلى جميع أعضاء المنتدى الكرام  حبيت أبشركم  بسفر عائلتي يوم الأحد تم سفر الأهل  وبمساعدة الأخ العزيز على قلوبنا دبس وراشي المعروف بأعمال الخير أني  ما اعرف شلون أجازيك لان الي سويته ويه أهلي  عمل عظيم والله يجازيك خير انشاء الله وكون على ثقة مثل ما تزرع تحصد و احب أحييك على هذه المبادئ        واحب اذكر تفاصيل المعاملة iz-112. تقديم الشهر السابع لسنة 2009  وتم إعطاء اول موعد قبل ستة اشهر وتأجل  وتم إعطاء موعد ثاني قبل ثلاثة اشهر وتأجل  وتم إعطاء موعد ثالث قبل شهر وتأجل  وتم إعطاء الموعد الرابع قبل أسبوع والحمد والشكر لله لم يتاجل والأهل  الآن في الأردن بانتظار السفر غداً صباحا بمشيئة الله  فيا إخواني أصعب انتضار عاشوا أهلي لان من ينطوك موعد اليوم يصير بشهر وانتوا اتخيلوا اربع مواعيد  وناس كبار بالعمر والوضع التعبان بس الحمد الله تم تيسيير الأمور  أتمنى أن  متعبون نفسكم بالانتضار والي كاتبة الله يصير تمنياتي للجميع بالموفقية أخوكم البيروتي

أخي وصديقي البيروتي .
حبيت  اكوولك الف الف مبروك سفر عائلتك الكريمة . حقيقة قصتهم محزنة جدا ( 4 مواعيد سفر و 3 تاجيلات ) يعني حقيقة الله يساعدهم على هل الانتظار وحرق الاعصاب . بصراحة اني التقيت وتشرفت بشوفت عائلتك . عائلة من اروع ما يكون .. والدك ...هذا الانسان الطيب البسيط العفوي والي على نيته
( الرب ينطي الصحة والعافية ويحفظه الكم ) .
مبروك سفرهم ويارب تكحل عيونك بشوفتهم .
دعائي الهم بسلامة الوصول .والامن والامان .
موفق بحياتك . وشاكر فضلك مقدما على كل شيء يا طيب .
تحياتي

148
مساء الخير أخوتي وأخواتي

قبل كل شيء . حبيت اشكركم من كل قلبي على دعائكم الي ولاهل بيتي بالامن والسلامة ..بارك الله بيكم ..وشاكر فضلكم .
واحب استغل هااي المداخلة ( الي هي بعيدة عن كتابة اعداد المسافرين ) . حبيت استغلها وابشركم بوصول اخوتنه ( زيطة \ ابو اياد و ثائر و عائلة اخونه البيروتي )  وصولهم الى عمان بخير وسلامة .

وثانيا احب انقللكم سلام ودعاء رجل سبق وان قلت عنه ( رجل تركض عزة نفسه كدامه) أخونه الرائع والكبير بكل شيء ( عراقي نبيل\ أبو علي ) . هذا الصرح العالي بكل شيء يسلم عليكم واحد واحد. ويدعو لكم بالسفر العاجل . ويخص بالسلام اخواتنه ( اسراء الوردة - ام اديان- ام شاهين) . وبنفس الوقت يعتذر عن عدم مشاركته ( بالوقت الحالي) بالمنتدى لعدم توفر الانترنت لديه .
تحياتي

149
صباح الخير يا اهل الغيرة  والكرم والخيـــر

قبل كل شيء احب اشكركم من كل قلبي على سوالكم عني . وعلى كلماتكم التي ان دلت على شيء فهي تدل على اصالة تربيتكم . وعلى كرم البيوت التي تربيتم بها .وعلى رقي العوائل التي ربتكم .
شكري وامتناني لكم في كل يوم وكل لحظة. . وربي يقدرني وينطيني الصحة والعافية ان ارد هذا الجميل الكم بيوم سفركم

شكري وامتناني الى اخي ( وينها الغربة علوااااااا),, ابو حسين الورد . خجلتي بكرم اخلاقك واصالة تربيتك . ربي يوفقك ويحفظك ويحفظ اهل بيتك ويعجل بسفرك .
شكري وامتناني الى اخي ( النعيـمي ) ,,ابو احمد الطيب الاصيل ابن الخير والجود .
جزيل الشكر وعظيم العرفان الى الغالي ابو النكتة والضحكة الحلوة ( BLACK OPS ) . طيب واصيل وابن اجاويد كما عهدناك دائما وابدا.

أختي الرائعة . زهرة المنتدى ( question ) الف الف شكر على سوالج . ربي يوفقج بحياتج الجديدة ويحفظ كل اهل بيتج .


اخوتي وأخواتي
اليوم هو الاحد والمصادف 30\6\2013. الرحلة كانت صباحية وموعد الاقلاع كان بالـــ( 9:00 صباحا) . عدد الي سافروا اليوم هو 34 شخص . كلهم IOM . ومن ضمن الارقام الي سافرت 110 و111و121و132 واكو بعد كيسات ما كدرت اسئل على ارقامهم لان التهيت وية ( THAEER) و (   زيطة , ابو اياد) و ( عائلة اخونه البيروتي ) الي كانوا من ضمن المسافرين .
اتمنالهم سلامة الوصول . والامن والامان والموفقية بحياتهم الجديدة.

ملاحظة : سلام خاص من اخونه ( زيطة ,ابو اياد) لكل من : سنكل مان و اسراء الوردة و الى اخونه الشايع . وسلامة ودعائه لكل الاعضاء بالسفر العاجل ان شاء الله.

شكري لجانبكم الكريم مره ثانية .
تحياتي

 



150


تهنئة وتبريك للكوكبة الجديدة من مبدعي ونجوم منتدانا الاعزاء
وللاخ دبس وراشي الذي نال وسام الهجرة واللاجئين لجهوده الاخوية الحقة مع اخوته اعضاء منتديات عنكاوا
املين لهم دوام الابداع والعطاء المستمر والنجاح بكل مجالات الحياة
بالتوفيق للجميع ...

الاسماء الجديدة تشمل جميع اعضاء قسم دردشة الهجرة بكامل ارشيفها منذ تأسيسها الى يومنا هذا
مع بعض الاسماء من ارشيف الهحرة العام بجزء من ارشيفه وسيكون هناك مرحلة او مراحل
اخرى لتكملة باقي الاسماء من ارشيف الهجرة
الضخم وتنقيح الاسماء المميزة من المشاركين فيه منذ تأسيسه


الف مبروك اخوتي واخواتي الاحبة الاعضاء

_______





(((قائمة الاسماء الجديدة لنجوم الهجرة واللاجئين)))

---------------------
Mark_usa, ماجلان, كندا ,ســـرى




(((قائمة اسماء المبدعين الجدد)))
--------------------


(بغدادي)
(strawberry)
** AL SHAEEA **
*George*

ملك الحيرة
ملكة الورد
AbEr SbiL
Abo Andrew

AboDiana
Abu_mouth
مالايكي
أبو الفوارس
أبو توفي
أبن خير
أبن زيونة


AL BAGHDADIA5
alazawi
Ali leo
alialrobe3e
aliz

مراد علمدار
مريم ضياء

Antonios
مشلوع كلبي
أسراء الوردة
Attum Rose

مغامر
مغترب بلا وطن
aws2006
مــودي
مهاجرين بلا حدود
مهندس عراقي

ام لميس
ام اتنا
ام اديان
ام راما
الملاك الحائر
الله...محبة
المهــــاجــر
الام الطيبة

موزارت
موناليزا70
beautiful angel
bhabhan
Black Ops


الذكي
البحار68
البصراوي المحب
البغدادية2
الحياوي
اليسا2
الحـلم الوردي

الحطاب الروسي
العقيد
الفضلي

النورس جوناثان
القرش
ابــن الرافدين

ابو الحسن
ابن الناصريه
ابو ايمن المياحي
ابو بنين
ابو خالد
اسامة الهاشمي
ابو رند
ابو سماني
ابو سالين
ابو هفال
احلامك هية المستقبل
CivilEngineer122Amman
اينشتاين العراقي
اجونة

اسراء بغداد
Cpt_Ali
اوتافيا
ذاكر ابو فابيان
DEFA-AL-AIRAQI
dr.marla
dying to leave

بتر فلاي2
ترتيل
eng ali
برشلونة
برنسيسة

بسمة امل
esmengx
espero
بغداد بقلبي
بنت حواء

Falcon1982
firas baghdadi
Gilgamish 78
Glory girl
good sniper

Gray wolf

hawkmemo
heart_0f_baghdad

حامل المسك
داليا الوردة الوردة
جاوين اهلنا
ديفيد بغداد
ددوفي
حزيران
حسين الجبوري
IRAQIDOCTOR

jack black

MARK edward
migrant
momoturath
mustafa ahmad
National

روزة اليرموك
شموخ عراقية
شموسه123
ساحر بغداد

Odisho Youkhana
شجرة الدر
omaha2
سرب الطيور

شغيدل

سندريلا
سوسو اسو
سوسن كليانه

Schwany
Shebo
single man
sparky
speeder jet
star_2000
steven_siv
storm2000
suzie83


THE DIPLOMAT
THE SENATOR
tofy

علي النعيمي
علشحن
عبسي
um amy
um shaheen

عراقي وافتخر 4
عراقي نبيل
عراقي كرادي

windtalker
Writer
y.a.r.a

فارس العراق 90
فداء الروح
فيض خالد

zozk
هنوة
وينهه الغربه علوااااااااا
ورد
نورالمصطفى
ضـاع الوطن
طه القيسي
قيد الدراسة الى الابد
كلي امل

كابتن الحب
كنداوية
كوسوفي

رسيــRــل
alzandawi


❤❤ RoLa ❤❤
★AbN✰BaGhDaD★
★IRaQI JEALOUS★
★M a r t i n a★




تهانيننا القلبية للجميع .




Sound of Soul

الاخت العزيزة والراقية ساوند
الادراة الكريمة لموقع عينكاوا
اخوتي واخواتي في بيتنا ( الذي اصبح الاول ) بالنسبة الي .

اشكركم من صميم قلبي على منحي وسام الهجرة واللاجئين. والله خجلان منكم جميعا . وما اعرف شلون راح اكدر اردلكم هذا الفضل . وهذه الالتفاته.
وفقكم الله وثبت خطاكم بما فيه خير لنا ولباقي ابناء بلدنا الجريح.

مبارك التميز للاخوة والاخوات. دعائي لكم بالموفقية والسعادة والنجاح .

تحياتي
أخوكم دبس و راشي

151
صباح الخير أخوتي وأخواتي

حبيت اشكركم وابشركم بنفس الوقت .

اشكركم على كل الكلمات الرائعة والادعية الاروع الي ده تكتبوها بحق اخوكم ( دبس و راشي) .
حقيقة يعجز لساني عن التعبير عن مدى شكري وتقديري الكم . وامتناني لجنابكم الكريم .
وفقكم الله . وحفظكم وابعد السوء عنكم وعن أهليكم . وعجل بكل ماهو خير لكم .

وابشركم بقرب سفر كوكبة من اعلام هذا المنتدى ( البيت ) المملوء بالحب الاخوي . والدفء الأسري.
 بشرى حبيت انقلها الكم . لازيد من تفائلكم . واحثكم على الصبر .
سائلا الباري عز وجل ان يحفظكم . ويقدم كل مافيه خير لكم . انه فعال لما يريد . وللدعوات مستجيب .

تحياتي
أخوكم دبس و راشي

152
اخوتي المنتظرين حبيت ابشركم انه صديقي خابرني اليوم العصر وجان كلش متفاجئ (يعمل كيس ووركر في المنظمة) وقال ان العشرات من الكيسات ستصل الينا خلال الشهرين القادمين وهذه اول مرة تحدث منذ اكثر من سنة.. وذكر لي ان اثنين من الاصدقاء اللي احنه الانكور مالتهم سيصلون ضمن هذه الوجبات.
فحبيت ابشركم وان شاء الله سفر جميع المنتظرين.


هذا الكلام
صحيح
%100

تحياتي الك

153

صبـــــاح الخيـــر أخي القبطان
الف الف الحمد لله على سلامة الوصول. بصراحة ضل بالي يمك . لان سفركم جان بي شوية معرقلات !!!!!!( والحمد لله عدت على خير ) .
 ولان انته انسان طيب قلبا وقالبا. فالله سبحانه وتعالى سهل امرك.
وتستاهل كل الخير انته واهل بيتك.
موفق بحياتك الجديدة . وربي يسهل امرك  وامر اهل بيتك.
صدكني كل الي سويتى الك لا يساوي فرحتكم  من شفتكم تتنفسون الصعداء ( وره الركضة الي ركضناها )قبل ما تصعدون  للطائرة .
فالف الف مبروك وصولكم سالمين لامريكا. واعتذر اذا بدر مني اي تقصير .
تحياتي يا طيب .
أخوك \ دبس و راشي

154
الســــلام عليكم

اسف جدا على التأخير بكتابة الاعداد ( لان جنت كلللش مشغول ) .

اليوم هو الاربعاء والمصادف 19\6\2013. الرحلة كالمعتاد مسائية لهذا اليوم .
موعد الاقلاع جان بالــ( 10:00 مساءا) .
عدد الي سافروا اليوم هو ( 36 شخص ) كلهم IOM . سنكل وعوائل .
ولان جنت مشغول ماكدرت اسئلهم على ارقام كيساتهم . فاعتذر منكم مره ثانية .

تحياتي

155
صباح الخير ..
اليوم هو الثلاثاء والمصادف 18\6\2013. الرحلة كانت صباحية  . وموعد الاقلاع كان بالـــ( 9:00 صباحا)
عدد الي سافروا اليوم ( 63 شخص ) كلهم IOM . ومن ضمنهم اخونه ( القبطان ) مع عائلته الكريمة  وان شاء الله من يوصل يكتبلكم تفاصيل رحلته . واعتذر منكم لان ما كدرت اسئل على ارقام الكيسات لان جنت مشغول .
يارب يوصلون بالسلامة .
تحياتي
أخوكم دبس و راشي

156
مساء الخيـــــر أخوتي وأخواتي

اليوم هو الاثنين والمصادف 17\6\2013. الرحلة كانت مسائية. وموعد الاقلاع كان بالـــ( 10:00 ليلا) .
عدد الي سافروا اليوم ( 9 أشخاص ) .(4 اشخاص  IOM ) ورقم الكيس مالتهم 112و ( 5اشخاص SIV) مقابلين سنة 2011.
ان شاء الله يوصلون بالسلامة .
تحياتي
[/color][/size]


157
السلام عليكم ورحمة الله وبركاته
,
اخواني اخواتي اعضاء منتدى عنكاوا شلونكم لخاطر الله
,
اليوم فجراً سافر اخي الغالي الى بلاد العم سام متمنياً له كل التوفيق والوصول بسلامة ان شاء الله
,
خلي نحجي بالجلفي هسه
,
الاخ دبس وراشي تعجز الكلمات عن وصف هذا الرائع
ياخي انطيكم معلومه يمكن الكل مايعرفها الاخ دبس وراشي يبات بالمطار علمود الشخص الي يريد يسافر مثل ماوصيته على سفر اخي اليوم
طبعاً يجوز مايقبل احجي هالحجي بس خلي اكللكم الرجل يخابر ومن اكله دبس سده اني اخابرك لان راح اطول بالاسئله مايقبل, قلائل مثلك اخ دبس والله مو مجامله بس حبيت اكتب والكل تشوف
الله يوفقك اخويه ويسهل دربك مثل ماتسهل درب الناس وتساعدهم
اخوك بلاك..

مساء الخيـــر أخوية العزيز بلاك

أولا ,,الف الف مبروك سفر أخوك . ( يارب يجي اليوم الي اخليك بالطيارة بأيدي ) .

وثانيا ,, والله خجلان منك ومن أخوك .. لان ما كدرت ابقى وياه لساعة الاقلاع ( والله جااان عندي شغل وماكدرت اضل وياه ) فا استميحك العذر.

ثالثا ,,صدكني  بلاك و ( صدكوني يا اهلي بعينكاوا) . حتى من ابات بالمطار لان اكو بيكم من عنده سفر . صدكوني عندي احلى من الشهد..
ولكم انتوا اخوتي واهلي وناسي .( كافي عليه دعائكم الي مغركني ) .. يعني اذا ما اوكفلكم بهيج يوم  المن الخوة لعد؟؟؟؟

بيكم خير وتدللون ,, وارجع واكول ( خيري الكم ,,,, وشركم عليه ) واذا ما شالتكم كاع المطار ..اشيلكم على راسي .. وبيكم وخير وتأمرون أمر .

تحياتي الك وللحجية الوالدة واعتذرلي منها لان قصرت ويا اخوك.

اخوك الدبس و راشي

158
صباح الخيــر
أختي الفاضلة أسراء الوردة.( يا اسم على مسمى )
الف الف شكر على كتابتج لهذا الموضوع . الي اكيد اخذ من وكتج .
بالحقيقة خجلان منكم . وما اعرف شأكتب وأكول!!!!!!!!!!.
لكن بمختصر مفيد ..انتوا كلكم تستاهلون الخير والمساعدة , لان تعبتوا هوااية من وره المنظمة وانتظار السفر الي اقل واحد بيكم صارلة اكثر من 3 سنوات ينتظره.
فعلى الاقل خلوني اكمل فرحتكم بيوم سفركم . بمساعدتي الكم.
وصدكوني ياجماعة الخير . كل الي اقدمه الكم لايساوي شيء مقارنة بدعائكم الي ولعائلتي بالسفر العاجل. و لوالدي بالرحمة .
أخي انسام المهندس. صدكني اني ما امسوي اي فضل على اي احد .. هااي طبيعتي لاهل المنتدى ولباقي المسافرين الي يسافرون .
الحمد لله اهلنه علمونه من جنه صغار مساعدة الناس واجب اخلاقي . قبل ما تكون واجب شرعي . والحمد لله كثير مثلي بالمطار وبغير اماكن يقدمون مساعدات اكثر مني  .
وفقكم الله جميعا . وسدد خطاكم . ويسر أموركم . وحفظكم واهليكم من كل سوء وشر .
شكري لكم جميعا مرة ثانية .
تحياتي



159
صباح الخير
حبيت اشكركم على كل الكلمات الرائعة الي كتبتوها بحق أخوكم ( دبس و راشي) . والله خجلان منكم . وافضالكم صارت هوااية عليه . اتمنى من الله ان يجي اليوم الي تسافرون بي حتى اكدر ارد هااي الافضال .
شكري الجزيل مره ثانية لحضراتكم.

ــــــــــــــــــــــــــــــــــــــــــــــــــــــــ
اليوم هو الاحد والمصادف 16\6\2013 . الرحلة صباحية وموعد المغادرة بالـــ( 9:00 صباحا) ان شاء الله. عدد الي سافروا اليوم هو ( 33 شخص ) وكلهم IOM . عوائل وسنكل . وخطوط رحلاتهم بيها ترانزيت الى تركيا  وقسم منهم الى فرانكفورت
( يعني المشكلة بين المنظمة وترانزيت فرانكفورت انحلت والحمد لله) .
من ضمن ارقام الكيسات الي سافرت اليوم ( 102 و 105 و 109 و 117 و 123 و 131 و 135) ومن ضمنهم اخو  احد الاعضاء بالمنتدى.
ان شاء الله يوصلون بالسلامة .
تحياتي الكم جميعا

160
مساء الخير يا اهل الخيـــر
حقيقة تفاجئت من شفت الوسام موجود تحت اسمي ..والله ما اعرف شلون اشكركم على نبل وكرم ورفعة اخلاقكم.
الف شكر ومليون تحية وترليون تقدير لكل من ساهم وكتب وطالب لنيلي هذا ( الشرف العظيم) .
اشكركم جزيل الشكر . وان شاء الله تعالى ارده لكم بيوم سفركم .
تحية خاصة للانسان المبدع والرجل الكريم بكل شيء ( ابو علي \عراقي نبيل).
وتحية خاصة للاخ( firas baghdadi ) الذي لم يكل او يتعب من الرد على كل مشاركات الاخوة والاخوات في هذا الموضوع.
اشكركم من كل قلبي يا ادارة هذا المنتدى ( البيت ) الذي اقل ما يقال عنه انه رائع.
أختي الارمنية ,,جزيل الشكر لجنابك الكريم. وفقك الله وسدد خطاك. وجعل ايامك كلها ايام فرح ومسرة ونجاح.
تحياتي وامتناني لكم جميعا.
أخوكم دائما وابد
دبس و راشي

161
حبيبي ابو حسين الووووووووووووووووورد.  حياااااااااااااااااااااك الله .

الف الف الف الف الف مبروك سلامة الوصول يا ورد الورود . يا بطل يا ذهب يا بصراوي اصيل يا من مستحيل انسى سوالفه الحلوة .

والله العظيم جنت دا انتظر تفاصيل رحلتك . لان عرفت راح تلاقي شوية مشاكل بالسفر ( لان الحمد لله انته حويت كل المشاكل ,,من سالفة الجواز الى مواعيد السفر الي يومية تاجلها بسبب جوازك التالف ) بس الحمد لله والشكر اجتي بس على هااي الكينية .( عجبتني شغلة من تدخل للحمام وهيه تبقى واكفة تنتظرك بالباب) يعني لكيتلك ( بدي كارد) ابلاش اول ما وصلت لامريكا ههههههههههههههههههههه. بالعافية عليك امريكا لان تعذبت وصبرت هواية يالة وصلتلها .
ممنون من كلامك الطيب بحق اخوك واخونه ( عراقي نبيل) لان حقيقة كل كلمات الثناء تقف خجولة بجانب هذا العملاق الكبير .
الحمد لله على سلامة الوصول مره ثانية . وموفق بحياتك .

تحياتي

162
السلام عليكم والف شكر اخوية الطيب والله منعرف شون نجازيك ويومية ادعيلك بتسهيل الامور وربي يحفظك انت وعائلتك يارب
والله الاخ دبس وراشي وكفته ابد متنوصف  استقبلنة من باب المطار لحد باب الطيارة ويركض ويانه
 وحتى الجنطة مقبل الا يشيلها وشنو احجي مااكدر وصفلكم طيبته واخلاقه العالية ياربي بحق الحبيب محمد يسهل كل امورررك
ويحفظ عائلتك يارب ويوم سفرك القريب ان شاء الله يارب ويفتح كل ابواب الخير بوجهك امين رب العالمين
ويوم السفر لكل المنتظرين ان شاء الله

[/b][/color][/size]

مساء الخير أختي الفاضلة

الف الف الحمد لله على سلامة الوصول الى امريكا .
والله العلي العظيم مو كدامكم . عائلة اتشرفت بمعرفتكم . وابو بيتج ( هذا الانسان ) الوردة والذهب الصافي ( الله يخلي الج ويحفظه ويخلي خيمة على راسكم) انسان يستحق ان ارفع له القبعه في كل محفل وكل موقف. واولادج ( ملائكة الرحمن ) الله يخليهم ويحفظهم الكم . كل هذولي يستحقون التقدير والثناء.
صدكيني خيتي اني ما سويتلكم اي شيء . بالعكس حسيت بنفسي مقصر وياكم لان بيومها جنت انتظر وصول الحجية من الديار المقدسة . فاعتذر عن اي تقصير بدر مني .
مره ثانية . الف مبروك سلامة الوصول . وموفقين بحياتكم الجديده ان شاء الله.
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ابو المثل يكوول السلام أمانة,,, وابو علي الورد ( عراقي نبيل) ,( وبأتصال هاتفي )حملني اليوم أمانه لكل اعضاء المنتدى . وهي السلام للكل . والدعاء لكم بالسفر العاجل .وبالاخص لكل من :

1- firas baghdadi. ويكولك يا اخ فراس يوميه اندعيلك بالسفر . ويكول كل ما  أطلع اتمشىهنا بامريكا  اتخيل حاط ايدي بأيدك ونتمشى سوية .
2- أم أديان . يخصج ابو علي بالسلام ويشكرج على كل شيء . ويندعيلج بالسفر العاجل .
3- ام شاهين. يكولج ابو علي . ابد ما انسى وكفاتج ويايه . ويندعيلج بالموفقية وسلامة ابو بيتج وسلامة ابنج وبناتج .
4- حيد الطائي. يكولك ابو علي .. حجيت وية المشرفة الرئيسية الي بالمنظمة على ملفك . وبالفعل طلعت ملفك وخلت عليه نجمة . حتى تقوم بتسريع ملفك . وبالتالي سرعة أجراءات السفر.

هااي أمانة ابو علي الطيب ( عراقي نبيل) الكم . اتمنى وصلتكم الامانة . واعتذر من التقصير

تحياتي
[/size]

163

الســــلام عليكم أخوتي وأخواتي
قبل كل شيء أحب أرحب بالبطل( علي ) أبن البطل ( عراقي نبيل) , واكولك والله نورتنه بمداخلتك . وأشكرك على كل حرف كتبته بهااي المداخلة.
تحياتي الك وللانسان ألاكثر من رائع السيد الوالد. الله يجمعك بالعائلة باسرع وقت ممكن .

 أخوتي و أخواتي
السفرة اليوم كالمعتاد مسائية , يعني موعد الاقلاع ان شاء الله بالــ ( 10:00 مساءا) . عدد الي سافروا اليوم هو ( 26 شخص ) . عوائل وسنكل ولم شمل كلهم IOM . ومن ضمن ارقام الكيسات ( 105 و 107 و 120 ) .
ربي وصلهم سالمين غانمين .
تحياتي

164

صباح الخيـــر أخوتي و أخواتي

أشكركم من كل قلبي على مداخلاتكم الرائعة . وكلامكم الجميل.الي يعبر عن أصالة انفسكم . ورقي تربيتكم .
واعتذر منكم لعدم قدرتي على الرد على مداخلة من مداخلاتكم, ( والله ماعندي الوقت الكافي للرد على كلامكم الي دائما يخجلني ) .
الله يحفظكم ويحفظ كل عوائلكم . وربي يعجل بسفركم ويسهل قضاء حوائجكم . انه سميع مجيب .

اليوم هو الثلاثاء والمصادف 11\6\2013. السفرة جانت صباحية . وموعد الاقلاع جان بالـــــ ( 9:00 صباحا) . عدد الي سافروا اليوم ( 9 اشخاص ) كلهم  SIV . مقابلين سنة 2010 و 2011.
يعني نكدر نكوول اليوم جان يوم الــــ SIV . يستاهلون والله . هوااية انظلموا بموضوع السفر والانتظار .
يوصلون بالسلامة ان شاء الله.
تحياتي يا غالين

165
صبـــاح الخير يا أبن الخيـــر .
حبيبي الغالي ( علي ) .
الف الف الف الحمد لله رب العالمين على سلامة وصول الوالد الى أمريكا. والله هسه يالة اطمئنيت . الله يطمن قلبك. ويوم تلتحق بيهم ويجمعكم الله سوية وترجع لمتكم من جديد.
 ( علي ) بدون مبالغة او رياء , والدك من الاناس الي صعب صعب صعب الواحد ينساهم . رجل كله طيبة ورقي ( ومثل ما كتبت عنه يوم سفره ) رجل عزة نفسه تركض كدامه .
الله يحفظه الكم . ويخلي خيمة على راسكم.

اما بالنسبة لــ ( علي ليو ) . فهذا الانسان ورده ده ( يعني دبل ورده ) . ابن خير ومتربي على تقاليدنه القديمة . وابن عشاير وابن حسب ونسب ( ابن البصرة وعندك الحساب) وحقيقة جنت كللللللللش فرحان لان سفر الوالد جان بنفس يوم سفر ( علي ليو ). وصدكني راسا بلشوا ثنينهم بالسوالف .كأنما واحدهم يعرف الثاني من سنين. وهذا الشيء طمنني على السيد الوالد.

على العموم مبارك مره ثانية سلامة وصول الوالد. وامانة الله تسلملي عليه من يخابر . وتعذرلي منه عن اي تقصير بدر مني .

تحياتي


166
مساء الخير أخوتي وأخواتي
اليوم هو الاثنين 10\6\2013 . السفرة جانت مسائية ,وموعد الاقلاع جان بالـــــ ( 10:00 ليلا). وعدد الي سافروا اليوم ( 41 شخص ) . من ظمنهم ( 6 اشخاص SIV ) . ومن ضمن الكيسات ( 105 و 128) واعتذر عن كتابة باقي ارقام الكيسات لان بصراحة جانت كللللللللللللش مشغول . وبعد ما خلصت شغلي ضليت وية عائلة اختنه ( بتر فلاي ) الي سافرت اليوم مع عائلتها .
يارب يوصلون بالسلامة
تحيات اخوكم دبس و راشي

167
صبــــــــاح  الخير أخوتي و أخواتي

اليوم هو الاحد والمصادف 9\6\2013. والرحلة طبعا صباحية. عدد الي سافروا اليوم( 42 شخص ) وكلهم IOM .ومن بين الي سافروا اليوم (اخ عزيز علينه بالمنتدى)  . العوائل جانت خيـــر من الله . والسنكل أعتقد جان عددهم 3.
يارب يوصلون بالسلامة .

تحياتي

168
اخوية العزيز والغالي DEFA-AL-AIRAQ

الــــــف مبروك سلامة وصولك مع العائلة الكريمة الى امريكا. يارب تشوف كل السعاده والنجاح بحياتك الجديدة.
وعفية عليك لان ما وقعت على الاوراق اول ما وصلت ( يعني شفت بعينك سان فرانسسكو) وتأكدت ان هااي الولاية ماتناسبك . وبالتالي قررت ان تغير ولايتك. عفييية عليك والله طلعت اشطر من كثير من الي سافروا .
حبيت اسئلك . انته قررت تغير ولايتك , السوأل هو :
هل تكلفة السفر والانتقال من ولاية الى اخرى راح تصير على حسابك الشخصي؟؟ يعني تكتات السفر للانتقال من سان فرانسسكو الى ميشغن راح تكون على حسابك؟؟.
 ان شاء الله موفق بحياتك وبكل خطوة تتخذها . لان انته طيب وتحب الي تعرفه والي ماتعرفه.
تحياتي ياغالي

169
السلام عليكم أخوتي وأخواتي
أشكركم على كلامكم الرائع . ودعائكم المتواصل لي ولأهل بيتي . ( يا جماعة الخير والله ده تخجلوني وده تحرجوني ) لان ماعندي الوقت الكافي للرد على كلام كل واحد منكم. فياريت لو تعذروني وتسامحوني لان مدا اكدر أرد على كلامكم  الي أني متأكد ده يطلع من قلوبكم .
مداخلتي اليوم ليست لنقل أعداد مسافرين ( لان اليوم جمعه .ويوم ألجمعه والسبت ماكو سفر عن طريق المنظمة) .
لكن دخولي اليوم هو لنقل خبرين ( أن شاء الله تكون مفرحة الكم) .

الخبر الأول هو سلامة وصول كل من ( سنيور و غريب الروح و علي ليو و عراقي نبيل ) إلى الولايات المتحدة الأمريكية.

والخبر الثاني .هو عودة افتتاح خطي  الترانزيت ( بغداد-عمان-فرانكفورت-أمريكا) وخط (بغداد-عمان-باريس -أمريكا).

من بعد أن كان الخطين متوقفين لأسباب شرحتها سابقا. يعني إلي راح تكمل أمنيته وإجراءات سفره مراح يتأخر بالسفر .
تحياتي  وشكري الكم مرة ثانية

170
أخوية العزيييييييييييز DEFA-AL-AIRAQI
يااااااااااااااااااااااااااااا حياااااااااااااااااااااك الله. ابو محمد يا مي الذهب .يا بصرواي يا اصيل . كأصالة نخل المدينة الي ربتك على عروبتها وطيب اخلاق اهلها. ورده من ورود الرب على ارض عباده انت ياابو محمد.
شما أريد احجي و أوصفك سأبقى مقصر بحقــك. يـاخوي هنيالك حب الناس . اكيد تنحب وتنشال كتاج على الراس لانك بصراوي اصيل وشارب من مي شط العرب .
( الله عليك شلون لمه حلوة جانت للاعضاء
بالمطار , من كعدنه وضلينه نسولف . دكوول واحدنه يعرف الاخر من سنين طويلة ).

الحمد لله على سلامة وصولك مع العائلة الكريمة ,وبالعافية عليك امريكا .
وان شاء الله يدخلون بقية الاعضاء الي سافروا وياك ويطمنوني على سلامة وصولهم .
اعتذر عن أي تقصير بدر مني . والله خجلان من كرم اخلاقك.
موفق بحياتك . وربي يرزقك من حيث تحتسب ومن حيث لاتحتسب .
تحياتي


171
صبــاح الخير أختي الفاضلة.
الف الحمد لله على سلامة الوصول . ان شاء الله تشوفون كل الخير والموفقية بحياتكم الجديدة.

أختي الفاضلة صدكيني ما سويتلكم اي فضل .لان كلمة  (الفضل ) تنذكر بين الاناس الاغراب . و أحنه هنا كلنا أخوة .ومابينا واحد غريب .
مره ثانية اكوول الحمد لله على سلامة الوصول. واعذريني خيتي من أي تقصير بدر مني . وتحياتي للانسانة الرائعة والمربية الفاضلة الوالدة الله يطول بعمرها ويخليها خيمة على راسكم . ويحفظكم الها .
تحــياتي

172

الســـلام عليكم أخوتي وأخواتي
اليوم هو الاربعاءوالمصادف 5\6\2013.طبعا الرحلة كانت مسائية وموعد الاقلاع كان بالــ( 10:00 ليلا ).
عدد الي سافروا اليوم (35 شخص) كلهم IOM .ومن بين ارقام الكيسات 112و117و122.
واعتذر عن كتابة باقي ارقام الكيسات لان جنت مشغول بسفر كل من :

ali leo-1  . ذهب صافي .درة مال الله . شاب من تكعد تسولف وياه ما بودك تعوفه .شايل طيبة اهل البصرة . حلو بكلشي من معشر واخلاق وشهامة حلو مثل تمر البصرة البرحي . ربــي يوفقه ويعطيه الى ان يرضيه.

2- عراقي نبيل ( ابو علي ) . والله حاير شأكتب عن هذا الانسان . الي كل كلمات المديح تقف صغيرة بجانبه. عملاق بكل شيء . ولكم عمري كله ما شفت هيج طيبة وهيج حنية وهيج رقي . انسان عزة نفسه تركض كدامه .والله من وصلته للطيارة حسيت العراق خسر جوهرة.
دعائي لك يا من سميت نفسك ( عراقي نبيل) وانت كذلك . ان يوفقك ربي ويمد بعمرك ويحفظك من كل سوء وهم وغم.وان يلتم شملك بولدك باسرع وقت ممكن .
اخي ali leo  و استاذي الفاضل عراقي نبيل. أعتذر عن اي تقصير بدر مني .وفقكم الله ورعاكم وحفظ اهليكم .
تحياتي

173
السلام عليكم اخي alimohammad
جدا اسف لان ما رديت على الاسئلة الي تفضلت بطرحها . ( بصراحه مثل ما كال الاخ العزيز WhoAmI جدااااااا مشغول) يعني اخلق الوقت حتى اكتب اعداد المسافرين وراسا اطلع من المنتدى) .

بالبداية اشكرك على سوألك . لان دائما ما يصير سوء فهم بايام سفر طالبي اللجوء عن طريق المنظمة . وهااي فرصه حتى اوضح بيها ايام السفر وساعات الطيران وساعات التواجد يوم السفر.
اخوتي وأخواتي
الايام الي يكون بيها سفر هي كلأتي :

الاحد  :موعد الاقلاع بالـــ( 9:00) صباحا .
الاثنين:موعد الاقلاع بالـــ( 10:00) ليلا .
الثلاثاء :موعد الاقلاع بالـــ( 9:00) صباحا .
الاربعاء :موعد الاقلاع بالـــ( 10:00) ليلا.
الخميس والجمعه والسبت لايوجد سفر لطالبي اللجوء عن طريق المنظمة.

وفي بعض الاحيان ( عندما تكون هناك مشاكل فنية او عدم تواجد مقاعد شاغرة ) يتوقف السفر بواحد من هذه الايام الاربعة.

اما جوابي على سوالك (اكو زياده باعداد المسافرين؟؟). صدكني لا اني ولا اي شخص يكدر يجاوبك على هذا السوال ( لان في بعض الايام اكو 100 مسافر . وفي بعض الايام مسافر واحد فقط). بس خليني اطمئنك واطمئن باقي الاعضاء . الي دا اشوفه المنظمة ده تشتغل والسفر موجود بهذه الايام والاعداد تبشر بخير . وحتى اريد اطمئن الاخوة اصحاب الــ SIV . بدت ارقام سفركم بالظهور . وان شاء الله بازدياد .
وكونك من اصحاب الطابوكة 108 . فالله يساعدك . وصدكني البارحة سافر شخص ( عضو ويانه بالمنتدى ) مع عائلته رقم الكيس مالته 102. وان شاء الله يوصل بسلامة ويكتبلكم . تفاصيل ملفة وتفاصيل رحلته.

أعتذر مره ثانية على التأخير بالرد على جنابك الكريم.واتمنى تعذروني .
تحياتي


الله يبارك بيك اخونا العزيز دبس وراشي
فقط كمقترح مني ولاتعتبرها فد شي
بسبب الوضع الامني عدنا ببغداد أفضل لو حضرتك متذكر التوقيتات بالتفصيل, حفاظا على سلامة الناس

أرجو ان تتقبل هذا الطلب مني , مجرد هاجس أمني لا اكثر

تحياتنا الك ياغالي ويديمك ويستر عليك
ويارب السفر العاجل الك خاصة وخصوصا
لأن انت انسان طيب وتستاهل كل خير

اخوية العزيز WhoAmI
جدا جدا جدا أشكرك على هااي الملاحظة . فاتتني والله .
رفعت اوقات التواجد .ياريت لو ترفع الاوقات بالاقتباس من يمك .
تحياتي الك يا ذهب . وبارك الله بيك.

حبيبي وعيوني وسنوني Abu_mouth. شخبارك يابة ؟؟ افتقدتك وافتقدت تعليقاتك الحلوة . تم التصحيح من صباحا الى ليلا .
تحياتي

174
السلام عليكم اخي alimohammad
جدا اسف لان ما رديت على الاسئلة الي تفضلت بطرحها . ( بصراحه مثل ما كال الاخ العزيز WhoAmI جدااااااا مشغول) يعني اخلق الوقت حتى اكتب اعداد المسافرين وراسا اطلع من المنتدى) .

بالبداية اشكرك على سوألك . لان دائما ما يصير سوء فهم بايام سفر طالبي اللجوء عن طريق المنظمة . وهااي فرصه حتى اوضح بيها ايام السفر وساعات الطيران وساعات التواجد يوم السفر.
اخوتي وأخواتي
الايام الي يكون بيها سفر هي كلأتي :

الاحد :موعد الاقلاع بالـــ( 9:00) صباحا .
الاثنين :موعد الاقلاع بالـــ( 10:00) ليلا .
الثلاثاء :موعد الاقلاع بالـــ( 9:00) صباحا .
الاربعاء :موعد الاقلاع بالـــ( 10:00) ليلا .
الخميس والجمعه والسبت لايوجد سفر لطالبي اللجوء عن طريق المنظمة.

وفي بعض الاحيان ( عندما تكون هناك مشاكل فنية او عدم تواجد مقاعد شاغرة ) يتوقف السفر بواحد من هذه الايام الاربعة.

اما جوابي على سوالك (اكو زياده باعداد المسافرين؟؟). صدكني لا اني ولا اي شخص يكدر يجاوبك على هذا السوال ( لان في بعض الايام اكو 100 مسافر . وفي بعض الايام مسافر واحد فقط). بس خليني اطمئنك واطمئن باقي الاعضاء . الي دا اشوفه المنظمة ده تشتغل والسفر موجود بهذه الايام والاعداد تبشر بخير . وحتى اريد اطمئن الاخوة اصحاب الــ SIV . بدت ارقام سفركم بالظهور . وان شاء الله بازدياد .
وكونك من اصحاب الطابوكة 108 . فالله يساعدك . وصدكني البارحة سافر شخص ( عضو ويانه بالمنتدى ) مع عائلته رقم الكيس مالته 102. وان شاء الله يوصل بسلامة ويكتبلكم . تفاصيل ملفة وتفاصيل رحلته.

أعتذر مره ثانية على التأخير بالرد على جنابك الكريم.واتمنى تعذروني .
تحياتي

175
السلام عليكم أخي الفاضل

جوابا على سوالك راح اشرحلك بالتفصيل موضوع الحقائب.
أ- اذا جان خط الرحلة مالتك بي ترانزيت .يعني( بغداد-عمان-اتاتورك- امريكا). فمن حق كل شخص تجاوز عمره السنتين ان ياخذ وياه ( جنطة ام 23 كيلو + جنطة هاند باك ام الــ7 كغم). يعني هنا  بحالة السفر ترانزيت جنطة كبيرة وحدددددددددة ام الـــ 23 كيلو+ جنطة هاند باك.
ب _ اذا جان خط الرحلة مالتك  مباشر. يعني ( بغداد-عمان-امريكا) فمن حق كل شخص تجاوز عمره السنتين ان ياخذ وياه ( جنطتـــــين ام 23 كغم ( انتبه جنطيييييين ) {مو جنطة وحده ويخلي بيها 46 كغم} . + جنطة هاند باك ام الـــ 7 كفم .

ملاحظة: كل ما كتبته يخص المسافرين من بغداد الى أمريكا .


تحياتي

176
أولا ...مبارك عليك وان شاء الله تسافر بالسلامة وتتحق جميع احلامك وتصبح حقيقة وواقع .
هسه اجاوب عل اسئلة وبلخدمة بحسب ما اعرف:
1.هل احتاج. أخذ عمله عراقيه.   وشكد بالضبط.  هاي بخصوص الحمال. واجره الباص للمطار.   ؟
نعم تحتاج . الحمال ناوشة 5 الاف لكل واحد. الباص 15 الف للنفر الواحد = 20 الف ، وربما تحتاج تشتري داخل المطار فد شي لان بطل الماي الصغير بالفين فخلي هذا ببالك وحسب حاجتك بس باعتقادي ليزيد المبلغ عن 50 الف دينار عراقي للنفر الواحد باي حال .
2- صديقي عنده سايق عنده باج يدخلني للمطار. لحد مكان التفتيش. ويريد 90 الف    يفيدني. لو. لا ؟.  لان بصراحه. موظف اي او أم. ما اعرف وين ينتظرنه. ؟. اذا ينتظرنه جوه بالتفتيش. حتى اجر تكسي.       وإذا. لازم. انتظر. بساحه عباس.    أخلي صديقي يوصلني ?
ما اريد ادخل بينك وبين صديقك . لكن اذا كنت انت من سكنة بغداد انصحك بالاتي تاجر تكسي من بيتك لحد ساحة عباس بن فرناس ما اتصور راح تزيد الاجرة عن 5 1 الف ، المسألة تعتمد على بعدك عن المطار الاماكن القريبة في الكرخ 10 الاف والبعيدة نسبيا 15 او 20 بالزايد ....موظف الاي او ام ينتظرك بالساحة (عباس بن فرناس).... ومناك اجر باص راح يكون ارخ من 90 الف بالتاكيد.
3- عندي الحقيبة الكبيرة وزنها 30 كيلوا  .... شكد. يأخذون على كل كيلوا إضافي.  ؟.  بالعراقي لو. الدولار اوكي.  ؟
صدك ما اعرف ....تعذرني ;D
4 - حقيبه الظهر. مثلا وزنها.  مثلا 10 كيلوات.   هم يوزنوها.  لو. بس الحقيبة الكبيرة ؟
شخصيا لم اشاهد احدا وزنوا حقيبة ظهره ....وهم ما اعرف ...وهم تعذرني

وتوصل بلسلامة ان شاء الله

كل كلام الاخ web.Man صحيح 100%. ونصيحتي الك ان تسوي الي كاله اخونه web.Man .
اما بالنسبة لموضوع الاوزان فالجواب كلاتي :
اذا كان خط الرحلة مالتك بدون ترانزيت يعني ( بغداد-عمان-امريكا) فمن حقك ان تاخذ وياك حقائب عدد 2 وزن كل وحده 23 كغم + حقيبة ظهر بوزن 7 كغم+ جنطة لابتوب .
اما اذا كان خط الرحلة مالتك بي ترانزيت كأن يكون مثلا ( بغداد- عمان -القاهرة -امريكا ) او ( بغداد-عمان-تركيا -امريكا) . فمن حقك ان تاخذ وياك جنطة وحده .وزنها (23كغم) +حقيبة ظهر بوزن 7 كغم+ جنطة لابتوب .

اما بالنسبة اذا عندك وزن زايد وتريد تدفع فلوس عليه . فهذا ما مسموح الك باعتبار المنظمة هي من قام بحجز التذاكر الك وقامت سلفا بدفع تكاليف رحلتك. ( يعني ما مسموح الك ان تاخذ وزن زايد وتدفع فلوس عليه).
اتمنى الصورة صارت اكثر وضوح الك.
تحياتي

177
ابارك لأختنه الراقية والرائعة (رسيــRــل ). واكوللها . مبارك السفر . وان شاء الله توصلين بالسلامة . ويارب تكحلين عيونج بشوفت اطفالج.وأبو بيتج . صبرتي هوااية والحمد لله والشكر الله ما ضيع صبرج.
خيتي والله خجلان منج . لان ما قمتلج بالواجب  مثل ما جنت مخطط وخال ابالي , شفتي بعينج وضعيتي بيوم سفرج ..وشفتي شلون جنت مخبوص بوالد زميلتنه بالمنتدى ( الرجل الي جان عنده كسر بايده) .
على العموم مبارك عليج السفر . وموفقة بحياتج الجديده .
تحياتي

178

صبــــاح الخيـــر أخوتي وأخواتي
شلونكم يابة ؟؟ ان شاء الله بخير وصحة وعافية .

اولا ابارك لأختنه الراقية والرائعة (رسيــRــل ). واكوللها . مبارك السفر . وان شاء الله توصلين بالسلامة . ويارب تكحلين عيونج بشوفت اطفالج.وأبو بيتج . صبرتي هوااية والحمد لله والشكر الله ما ضيع صبرج.
خيتي والله خجلان منج . لان ما قمتلج بالواجب  مثل ما جنت مخطط وخال ابالي , شفتي بعينج وضعيتي بيوم سفرج ..وشفتي شلون جنت مخبوص بوالد زميلتنه بالمنتدى ( الرجل الي جان عنده كسر بايده) .
على العموم مبارك عليج السفر . وموفقة بحياتج الجديده .

ــــــــــــــــــــــــــــــــــــــــــــــــــ
نجي على اعداد اليوم والي هو الثلاثاء والمصادف 4\6\2013 . طبعا الرحلة جانت صباحية وموعد الاقلاع بالـــ( 9:00 صباحا) ان شاء الله.
عدد الي  راح يسافرون اليوم هو ( 37 شخص) وكلهم IOM . بس العدد الي جان المفروض يسافر هو 45 شخص . ولكن بسبب قطع الشوارع ( 8 اشخاص ما كدروا يوصلون للمطار ) وراحت عليهم الرحلة مع الاسف الشديد.وطبعا اكثر الي سافروا اليوم جانوا بايتين يم ساحة عباس من البارحة  . واتصوروا حالتهم من وصلوا اليوم لداخل المطار . من ضمن ارقام الكيسات 104و107و113و117 . وهم اكو كيسات اصحابها ماقبلوا يكولون ارقام كيساتهم .
دعائي الهم ان يوصلون بالسلامة

179
 
السلام عليكم أخوتي واخواتي
يعني شلون بيكم ؟؟ والله حاير شأكتب الكم ,, وشلون أرد على كلماتكم . ماضل كلام رائع . ارد بي عليكم !!!!!!( عمي ابو علي وين لكيتلي هااي السالفة !!!ههههههههههههههههه).
بالبداية اشكر  أخوية الغالي firas baghdadi على وقته الي ديقضيه بالرد على كل اخواني واخواتي بالمنتدى . واشكر كل من ادلى بدلوه في هذا الموضوع . وارفع القبعة لكل أخ و أخت اطلق او اقترح ان يكون أسمي الخاص في هذا المنتدى ( البيت ) الذي كلمة رائع هي قليلة بحقه.
أهلي(والله العظيم صرتوا بمعزة أهلي ) العينكاويين, راح أختصر عليكم كل الالقاب بلقب واحد ( طبعا اذا سمحتولي ). هذا اللقب هو

(( دبس وراشي))
لسبب واحد بسيط بفكرته كبير بمعناه وهو:
تخيلو  ( كلا على حدة)السنه دبس و الشيعة راشي  أو العكس
المسلمين دبس و المسيحين راشي أو العكس
الاكراد دبس والتركمان راشي أو العكس
اصحاب البشرة البيضاء دبس و اصحاب البشرة راشي أو العكس

واخلطوا الدبس والراشي بصحن سموه ( العراق ) .اريد أشوف اي قوة على وجه الارض تستطيع ان تفصل الدبس عن الراشي وتجعل كل واحد منهم يعود لحالته الاولى قبل الخلط .
بمعنى بسيط اكثر (( اني ابن السني وابن الشيعي , وابن المسلم وابن المسيحي وابن الازيدي وابن الصابئي , اني ابن الكردي وابن التركماني, اني ابن الابيض وابن الاسمر )). بأختصار ,,,
اني ابنكم يا عراقيين .
خيري الكم .وشركم عليه . اشيله على راسي واتحمله .
اتمنى وصلت الفكرة .

تحياتي

180
مساء الخير يا اهل الخيــر
أخوتي وأخواتي
اعتذر عن التأخير بكتابة الاعداد . والله هسه يالة رجعت من الصالة .
اليوم هو الاثنين والمصادف 3\6\2013 . الرحلة كانت مسائية يعني موعد الاقلاع كان بالــ ( 10:00 ليلا) .عدد الي سافروا عن طريق المنظمة ( 72 شخص ) . ( 70 شخص  IOM) و ( شخصين SIV). ارقام الكيسات من عوائل وسنكل .من ضمن ارقام الكيسات 102 و107و112و117و120 . واعتذر عن كتابة باقي ارقام الكيسات لان بصراحة التهيت ويه ( 4  اعلام   يشار اليها بالبنان من المنتدى سافروا وية عوائلهم الكريمة),( وحدة من الاعضاء   SIV  ) عانت ما عانت من الاتنظار لسنين طويلة بانتظار هذا اليوم .
 حقيقة اليوم كل المسافرين تعبوا جدا جدا جدا ياله وصلوا للمطار . بسبب قطع معظم الطرق في احياء بغداد.
تصوروا الي راح يسافرون باجر بايتين يم ساحة عباس من هسه !!!!!!!!!!!!!!!!!!!!.
يارب يوصلون بخير وسلامة الى امريكا .وvfd  وفقهم وبارك باعمارهم وبأهليهم وبارزاقهم .
تحياتي

181
صبـــاح الخيــر يا أهل الخيــر
أخوتي و أخواتي .
حبيت ابشركم بان السفر عن طريق ترانزيت تركيا , يعني ( بغداد-عمان -تركيا- امريكا) قد رجع انفتح . وهذا معناه ان المنظمة قامت بتلافي الاشكال الي صار  بينها وبين الخطوط الجوية التركية .
وان شاء الله عن قريب راح يرجع افتتاح خط ( بغداد-عمان-فرانكفورت - امريكا) .

اما بالنسبة لسوال الاخ ali2009, صدكني اخي الفاضل اكو مسافرين ما يقبلون يكولون ارقام كيساتهم ( طبعا خايفين ) . واني متأكد 100% اكو كيسات تبدي بــ 104 سافرت واصحابها ما قبلوا يكولن عن ارقامهم. ومع ذلك احاول قدر المستطاع اسئل ( واركز ) على اصحاب هااي الكيسات.


اخي ابن الاكابر ان شاء الله اليوم اسئلك عن تفاصيل الحقائب والاوزان . وبيك خير وتدلل.

تحياتي
[/size]

182
صباح الخير يا أحلى ابو علي بالدنيا

قسما بذات الله . صارلي اكثر من نص ساعه صافن ومتفاجيء بالموضوع الي كتبه جنابك الكريم .
يعني شلون ارد عليه ؟؟ وشنو الي ممكن أكوله ؟؟
أبو علي الورده . كلها متوقعها الا هايه!!!!!!!!!.
صدكني يا ذهب . اني كلشي ما مقدم للاخوة والاخوات .
اعداد المسافرين ؟؟؟ يمكن اذا عندك اي موظف بالمطار تكدر توصي وبامكانه ان ينقل الاعداد الك ( حتى لو بشكل مو يومي).
مساعدة الناس الي ده تسافر ؟؟؟ متأكد اني اي شخص عراقي عنده غيره على اهل بلده وناسه يقوم با أكثر من الي دا اقدمه اني للناس .

ابو علي . يا طيب يا أصيل يامن نكعد ونحجي ونكول عليكم انتوا أهل كبل, أهل الخير والبركة . واحنه الى هسه عايشين ببركة دعائكم .
 يامن ربيتونه على القيم الصحيحة , وعلمتونه حب مساعدة الناس . والغيرة على بنت الجيران .وشلون من جنه صغار نلعب بالدربونه( اكيد صارلكم هواية مسامعين هااي المفرده  ههههههههه) .شلون من جنه نلعب بالدربونه ونشوف جيرانا المره العجوز جاية وشايله بأيدها علاكة المسواك , شلون جنه نركض ونتسابق حتى نشيل وياها ونساعدها .
كل هااي تعلمناها منكم .
كل هذا يجعلني اطالب أدارة المنتدى وخاصة الاخت الارمنية بان تمنحكم لقبا متميزا بالمنتدى .
دمتم لنا ذخرا . والله لايحرمنا منكم ومن انفاسكم العطرة . وحفظكم الله لنا خيمة وذخرا .
تحياتي يا أنسان يا طيب .

183
لا حبيبي داني انت ما تبالغ لان نفس الشيء عمله مع وانا بعدني ما مسافر ضل يتابع قضيتي من البصرة الى نهاية طريقي وهو مستشفى ابن البيطار ولحين خروجي من المستشفى وتاجير سيارة لي شوفوا الشهامة ( تاجير سيارة جمسيي) شنو من بشر لا مو بشر هو ملك الله دازة لمساعدتننا حقيقة الوصف يعجز عنه والكلام وكل معاني والكلمات الغالية والمعبرة عن هذا الشخص النبيل واترك التعليق لجميع الاعضاء لشكر مثل هذا النموذج النادر وجوده في مثل هذه الايام فالف تحية وشكر وتقدير الى الاخ دبس وراشي لما حصل علية انا اقول انه قليل بحقة اي وصف يوصف ....................


اخوكم
ديفا البصراوي
من احدى فنادق بغداد الحبيبة
أخوتي وأخواتي  صباح الخير يا أهل الخير
الف الف شكر على مداخلاتكم الجميلة وكلامكم الرائع .الي يعبر عن اصالة ورقي البيوت التي تربيتم بها ,والعوائل الكريمة التي قامت بتربيتكم .
 يعجز الكلام وتقف الحروف حائرة عن شكري وامتناني لكم .
بارك الله فيكم . وحفظكم وأبعد الله عن عوائلكم كل هم وغم وسوء وشر . وعجل  بسفركم وقضاء حاجاتكم وشفاء مرضاكم .
.................................
ديفا حبيبي .صباح الخير والورد على أحلى بصراوي
اشكرك جزيل الشكر على مداخلتك الاكثر من رائعه .
حبووب . شنو جمسيي ؟؟؟ والله لو بأيدي اجيبلك الطيارة لحد باب بيتك . وهم احس بنفسي مقصر وياك .
اشكرك مره ثانية على مداخلتك . ربي يحفظك ويحفظ كل اهل بيتك ويشافي مريضك .وان شاء الله الرسالة الثانية تكتبها النا من امريكا .
تحياتي





184
صبـــاح الخير اخي داني
اولا وقبل كل شيء . الف الف الحمد لله على سلامة وصولك مع العائلة الى عمان . ويارب تكمل رحلتك الى أمريكا بسلامة . وربي يجعل بكل خطوة الك الف نجاح ومليون موفقية .
حبيبي داني ...خجلتني بموضوعك هذا ومدا اكدر اعبر عن شكري الجزيل لجنابك الكريم .
صدكني أخي الفاضل ترحمكم لوالدي ودعائكم الي بالسفر العاجل  والابتسامة العريضة والفرحة الجبيرة الي اشوفها على وجوهكم وانتو تصعدون بالطيارة تنطيني شعور بالسعادة ما اكدر اعبر عنه ابدا .
وصدكني انته تستاهل كل الخير ياورد الورود.
موفق بحياتك الجديده .
سلامي للعائلة الكريمة و( بوسه للأمورة الصغيرونه) .
واعتذر عن أي تقصير بدر مني
تحياتي

185
صبــــــــاح  الخير أخوتي و أخواتي

اليوم هو الاحد والمصادف 2\6\2013. والرحلة طبعا صباحية. عدد الي سافروا اليوم( 52شخص ) وكلهم IOM .ومن بين الي سافروا اليوم (اخ عزيز علينه بالمنتدى) هو وعائلته الكريمة . والعوائل جانت خيـــر من الله . والسنكل قليلين جدا . ومن بين ارقام الكيسات ( 102 و 103 و 106 و 105 و109 و111 و116 و118 و119 ) واكيد بعد اكو ارقام ما كدرت اسئل اصحابها لان بصراحة التهيت بأجراءات السفر  وية زميلنه الي بالمنتدى .
يارب يوصلون بالسلامة .

تحياتي

186
الف مبروك اختي الفاضلة
 صبرتوا  والحمد لله الله ماضيع صبركم
ويارب توصلون بالسلامة
تحياتي
[/size]

187
السلام عليكم حاج هاني
حاج.. راح اجاوبك على سوألك ضمن المكان الي اني اشتغل بي ( مطار بغداد) .واترك باقي التحليلات لسوألك لباقي الاعضاء المختصين بأمور المنظمة .
من الاسباب الي تؤدي الى انخفاض اعداد المسافرين هي :
1-الايام الي تقوم بيها المنظمة باخراج طالبي اللجوء هي( الاحد \صباحا و الاثنين \مساءا و الثلاثاء\ صباحا و الاربعاء مساء) يعني 4 ايام بالاسبوع . يعني السفر مو كل ايام الاسبوع .
2- تم الغاء خط طيران ( فرانكفورت – امريكا ) و( باريس – امريكا) و ( اسطنبول امريكا) يعني الي احنه نسمي ترانزيت . ولسببين ,
الاول .هو قيام دول الاتحاد الاوربي بمطالبة المنظمة بفيزا ( شنغن ) للعراقين الذين يمرون باراضيها . ( مع العلم بقائهم بفرانكفورت او باريس ) هو للترانزيت لا اكثر ولا اقل .
       ( والمنظمة تحاول الان حل هذا الاشكال عبر قنوات الاتصال الخاصة بها مع هذه الدول)
والسبب الثاني .اعتراض هذه الدول على ( وزن ) حقائب العراقين . يعني المنظمة دائما دكول  يابه فدوة لعيونكم واروح فدوة لتراب رجليكم لاتتجاوزون على الوزن المحدد ( 23 كغم) . ومع ذلك يجيك المسافر( طالب اللجوء) وجايب جنط وياه اقل وحده وزنها ( 30 كغم) !!!!!!!!!!!!!!!!!!!!!!!!. ( وهااي اني دا ئما أشوفها ) ويكعد يتوسل بابو المنظمة حتى يمشي الوزن الزايد اله ( وشباب المنظمة ) انسانيين بكل ما تعني هااي الكلمة من معنى . فيمشون الوزن الزايد اله .ومن يوصل طالب اللجوء الى عمان ماعنده مشكلة بس من يطير من عمان ويوصل لمطار فرانكفورت او مطار باريس يبدي تطبيق القانون الدولي الخاص بالاوزان . وتبدي المشاكل بين  أدارة المطارات وبين المنظمة  والاعتراضات وجيب الكتاب و ودي الكتاب وووووووالخ . فامتنعت هااي المطارات والدول بانزال اي طالب لجوء عراقي بمطاراتها . مما ادى الى الغاء خطين طيران مهمين الى امريكا . وضل بس خط ( بغداد- عمان – امريكا ) وخط ( بغداد – عمان – القاهرة – امريكا ) .

هذا ما نوهت اله  في بداية كلامي من كلت (راح اجاوبك على سوألك ضمن المكان الي اشتغل بي – مطار بغداد) . واترك باقي التحليلات للاخوة الاعضاء.
وبالاخير  احب ابشرك وابشر باقي الاعضاء.كثير من الاعضاء سافروا ( وبنفسي وصلتهم للطيارة . بس لحد هااي اللحظة ما كاتبين اي موضوع عن سفرهم )!!!!!!!!!!!
وبشرى ثانية ترة  الشهر السادس راح يشهد سفر كثيررررررررر من الاعضاء .
( وان شاء الله يسافرون ويوصلون بالسلامة ويكتبون تفاصيل رحلتهم )
يعني السفر موجود والمنظة ده تشتغل .

تحياتي الك حاج . ولباقي الاعضاء .

188
مساء الخير
اليوم هو الاربعاء والمصادف 29\5\2013. الرحلة كانت مسائية يعني موعد الاقلاع بالــ( 10:00 مساءا) .
عدد الي سافروا اليوم هو 37 شخص وكلهم IOM . الغالبية العظمى عوائل . ومن ضمن ارقام الكيسات 103 و 109 و 111 و 118 و  119 و 124.
ان شاء الله يوصلون بالسلامة .
تحياتي
[/size]

189
السلام عليكم
اليوم هو الثلاثاء والمصادف 28\5\2013. الرحلة كانت صباحية. يعني موعد الاقلاع كان بالــ( 9:00 صباحا) .
عدد الي سافروا اليوم ( 10 اشخاص) وكلهم SIV.  مقابلين سنة 2011
يعني اليوم جان يوم الــــ SIV. يستاهلون والله. لان انظلموا بموضوع السفر . وان شاء الله فاتحة خير على الباقين.
يارب يوصلون بالسلامة .
تحياتي

190
العزيز دبس وراشي الله يحفظك ويرعاك وانشاء الله عمرك طويل وتبقى منور المنتدى باخبارك الحلوه اتمنالك العمر الطويل والصحه والسعاده ويحفظ اهلك وناسك وكل الي تحبهم
تحياتي الك
اختك صبيه

أختي العزيزة صبية .
شرفني وزادني رفعة مرورج على موضوعي. الرب يبارك بيج ويحفظج ويحفظ كل اهل بيتج.
 ممنون على  على الدعاء والكلمات الرائعة .ربي يسهل اموركم ويعجل بسفركم .
تحياتي

191
مســاء الخير أخواني و أخواتي .
حبيت اشكركم على كلامكم الرائع ودعواتكم والي حسها  طالعه من كل قلبكم . حقيقة مدا اعرف شلون اجازيكم .بس ان شاء الله ( اذا جنت عايش ) اردها الكم بيوم سفركم .


اليوم هو الاثنين والمصادف 27\5\2013. الرحلة لهذا اليوم مسائية ( يعني موعد الطيران بالـــ10:00 مساءا) . عدد الي سافروا اليوم (62 شخص)كلهم IOM . عوائل وسنكل . من ضمن ارقام الكيسات 101و102و105و107و113و117و119و126و127و129 . واكو ارقام كيسات اصحابها ما قبلوا يكولون على ارقامها .
ان شاء الله يوصلون بالسلامة
تحياتي الكم . وربي يحفظكم ويحفظ كل عوائلكم .

192
صباح الخيــــــــر

اليوم هو الاحد والمصادف 26\5\2013. لم يحضر الى المطار أي من المتقدمين للسفر عن طريق المنظمة
( يعني اليوم ماكو سفر عن طريق الــIOM )
تحياتي

193
مســاء الخير

الف شكر لكل من كتب كلمة او حرف اراد منه الدعاء لي ولعائلتي . او سئل الله ( سبحانه وتعالى) بتعجيل سفري.

اليوم هو الاربعاء والمصادف 22\5\2013. لم يحضر الى المطار أي من المتقدمين للسفر عن طريق المنظمة .
( يعني اليوم ماكو سفر عن طريق الــIOM ) .
ان شاء الله تعالى السفر راح يكون يوم الاحد القادم.
تحياتي

194
صبــــــــاح  الخير

اليوم هو الثلاثاء والمصادف 21\5\2013. والرحلة طبعا صباحية. عدد الي سافروا اليوم( 23شخص ) وكلهم IOM. وارجو ان تتقبلو اعتذاري لان جنت كللللللللللللللللش مشغول وما كدرت اسئلهم عن ارقام كيساتهم.
ادعوك ربي ان تسهل سفرتهم . وان يوصلون بالسلامة .
تحياتي

195
السلام عليكم أختي الفاضلة
الف الف الحمد لله على سلامة الوصول. يارب موفقيـــن بحيـــاتكم الجــديده . تحياتي للسيدة الاكثر من رائعة ( الوالدة ) الله ينطيها الصحة والعافية .
 واعتذر عن اي تقصير بدر مني.
تحياتي

196
مســاء الخير يا أهل الخيــــــر

اليوم هو الاثنين والمصادف 20\5\2013. الرحلة جانت بالـــ ( 10:00 مساءا) . عدد الي سافروا اليوم 24 IOMو شخص واحد SIV مقدم من سنة 2011 وتاريخ مقابلته شهر الثامن سنة 2012.يعني العدد الكلي (25 شخص ) ,ومن ضمن ارقام الكيسات 103 و 111 و114 و 119.
ان شاء الله يوصلون بالسلامة
ملاحظة : اخواني واخواتي من اكتب ( من ضمن اعداد الكيسات) يعني هااي مو كل ارقام الكيسات الي سافرت . لان بعض المسافرين من اسئله شكد رقم الكيس مالتك.. يكوولي والله ما حافظة !!!! او نسيته!!!!. يعني تره اكو ارقام كيسات ده تسافر واني مدا اذكرها لان اصحابها مايقبلون ينطوني  أو ( يخافون)ارقامها . وطبعا اني اعذرهم .
و هااي الملاحظة كتبتها للي مدا يشوفون ارقام كيسات ده تسافر وهمه عدهم نفس الارقام ( مثل اخوية العزيز alimohammad
صاحب الكيس نمبر 108).

تحياتي

197

صبـــــاح الخيــــــــر أخوتي وأخواتي
اليوم هو الاحد والمصادف 19\5\2013 . طبعا المسافرين بعدهم ما سافروا ( لان الاجواء مغلقة بسبب الأتربة ) . لكن كلهم شحنوا جنطهم وختموا جوازاتهم . وهسه كاعدين بمنطقة الترانزيت . وعدد الي ان شاء الله راح يسافرون الى امريكا عن طريق الـــ IOM  هو ( 73 شخص ) . ومن بين ارقام الكيسات ( 102و103و105و106و109و112و115و117و119و127) وطبعا اكو بعد ارقام كيسات . بس ماصار عندي مجال ان اعرفها .
ان شاء الله يوصلون بالسلامة .
تحياتي

198
تحية خب و تقدير الى الاخ دبس و راشي ... فضلك عليه ابد ما انساه ... طبعا اتعرفت عليه بالصدفه بصالة مطار بغداد و ساعدني كلش كلش و ابد معافني لحين صعودي الى الطائره مع عائلتي ... الله يبارك بيك و يكثر من امثالك و يحقق امنياتك ... تحياتي

صباح الخير اخوية amoor66

اولا الحمد لله على سلامة الوصول .
ثانيا صدكني كل الي قدمته الك لاشيء .وجنت اتمنى ان اكون متعرف عليك قبل سفرك . حتى على الاقل اقوملك بالواجب .
اعتذر عن اي تقصير بدر مني .
تحياتي

199
مســـاء الخيــــــر أخوتي وأخواتي

اليوم هو الاربعاء والمصادف 15\5\2013 . عدد الي سيغادرون  الى امريكا هو ( 38 شخص ) كلهم IOM .
 عوائل وسنكل .ومن ضمن ارقام الكيسات 102و105و106و109و115و119و120و121و130و131.
اندعولهم بسلامة الوصول .
تحياتي

200

السلام عليكم .

حبيت اسلم عليكم أخوتي وأخواتي . وابشركم بان الي سافروا البارحة 14\5\2013 كان عددهم بين ( 65 الى 70 شخص) كلهم IOM.
واعتذر منكم لان الي خابروني ماسئليهم على ارقام كيساتهم.

واليوم ان شاء الله اكو سفر . ولان اني بعدني خارج بغداد فوصيت اصدقائي ان يجيكون العدد بالمظبوط ويحاولون يعرفون ارقام كيسات الي راح يسافرون اليوم . واذا اكو من ضمن الي راح يسافرون SIV  .
تحياتي

201
صبـــــاح الخيــر أخوتي و أخواتي

الف شكر والف تحية لكل من ضغط على الكي بورد لكتابة كلمة او جملة طلب بها من الرب  ان يعجل بسفري او يحفظ عائلتي او ترحم على والدي .
واعتذر منكم  عن التأخير بكتابة اعداد المسافرين ليوم الامس . ( بصراحة مجان عندي انترنت ). واليوم الصبح صار عندي سفر خارج بغداد . وهسه يالة كدرت احصل انترنت . ( وبالكووة ) .
على العموم
البارحة هو يوم الاثنين والمصادف 13\5\2013 وجانت الرحلة مسائية . يعني موعد الرحلة بالـــ ( 10:00 ليلا ) . وكالمعتاد التجمع جان يم ساحة عباس بالـــ( 6:00 العصر) . وعدد الي سافروا البارحة هو ( 51 شخص ) . ومن ضمن ارقام الكيسات 104و105و107و114و119و120.من ضمنهم ( 9 اشخاص SIV ) .
واعتقد الطابوكة الي نايمه على الــــ SIV بدت تتحرك .

ومثل ما كتلكم اليوم اني خارج بغداد. واتصلت بالاخوة والاصدقاء بالمطار حتى ينطوني ( ولو بشكل تقريبي ) اعداد المسافرين لهذا اليوم . ودا انتظر جواب منهم .

حبيبي سبيس ( ابو الوليد ) الذهب . اعتز بيك كأخ وصديق . والاسم الي تحب الاخوه والاخواتي ينادوني بي (عسل النحل) اعتز بي وممنون منك .لكن شاءت الظروف ان يكون اسمي بالمنتدى دبس وراشي . ومشى الحال على هذا الاسم ( ولو هسه بلش الحر وبعد ما يفيد ) ههههههههههههههههههه. اشكرك واشكر كل الاخوه والاخوات .وممنون منكم وشاكر فضلكم.
تحياتي 

202
السلام عليكم أخوتي وأخواتي
اسف على التاخير . اليوم لان الجو تراب . فأجواء المطار جانت مغلقة . والطيارة وصلت متاخرة ثلاث ساعات ونصف .
وموعد الاقلاع من بغداد الى عمان بدل من ان يكون بالــ 9:00صباحا . تغير الى الـــ 12:30 ظهرا .
على العموم . الي سافروا اليوم ( 83 شخص ) كلهم  IOM . ومن ضمنهم Question والاخ بروفسور مورياتي . وعائلة ولد صديق النه بالمنتدى .
والعوائل الي سافرت اليوم اعدادها خير من الله . وطبعا اكو سنكل وياهم.ومن ضمن ارقام الكيسات 103و105و107و111و117و119و120و125و127

يارب يوصلون بالسلامة
تحياتي

203
هاي شنو ابو حمودي!!!!!

هااي هسه ياله راح تنسى  موضوع التقديم على اللجوء؟؟؟؟!!!!
مو كتلك خليك مثلي ..
اني نسيته اول ما قدمت قبل اكثر  3سنوات.. و جنت اول ما اطلع من المقابلة الاولى او الفحص الطبي او  المقابلة مال المحلف  . انسى اللجوء. وراسا اعيش حياتي .
مع العلم اني تقريبا يوميه اشوف الي ديسافرون ( وبدت الارقام تشير لطالبي لجوء مقدمين وراية. وبدو يطلعون \ قسما بالله العلي العظيم بالعافية عليهم . هم صبروا والله انطاهم ثمرة صبرهم\) .
وصدكني ابو حمودي . اذا نربط كل حياتنه ومشاريعنه بهذا الموضوع . راح ندمر نفسنه وعوائلنه .وراح نعيش ونعيشهم بجحيم الانتظار . وتوقف الحياة.
طولت عليكم بالكلام . بس قاعدة ماشي عليها حبيت تستفادون منها .
اشكرك على موضوعك الجميل .
تحياتي


204
مساء الخيـــر يا أهل الخير
اليوم اني ما عندي دوام . بس خابرت قبل شوية للمطار( لان الرحلة اليوم بالـــ9:00 ليلا). وسئلت  ان كان اكو سفر عن طريق المنظمة لهذا اليوم ؟؟. وكالوا اجه شخص واحد SIV  .
يعني عدد الي سافروا لهذا اليوم هو شخص واحد ( كما قيل لي ) .
تحياتي

205
أأأأأأأأأأأأأأأأأأأأأأأألف شكر الك يأخ دبوس على هذه المعلومات الحلوة.
وعندي موعد سفر في الاسبوع القادم انشاء الله . متى استلم تذاكر السفر والفيزا.


صباح الخير اخوتي واخواتي
الف شكر على كل حرف وعلى كل كلمة كتبتوها بحق اخوكم ( دبس و راشي). ممنون منكم وشاكر فضلكم .
الرب يحفظكم ويحفظ عوائلكم . ويسهل كل اموركم . ويعجل بسفركم .
بالنسبة للاعداد. ان شاء الله راح تبدي بالزيادة من الاسبوع المقبل . لان قبل فترة كتبت بحصول مشكلة فنية بين المنظمة وبين احدى شركات الطيران. وان شاء الله هااي المشكلة تم حلها .

وجوابا على سوأل الاخ المهاجر علي . تذاكر الطيران تستلمها بنفس يوم السفر . يعني اذا جان عندك موعد سفر .من تجي يم ساحة عباس راح تستلم التذاكر . واما الفيزا الى هسه ماسمعت اكو 1 مقدم IOM استلم فيزا . يعني مو مثل الـــ SIV يستلم فيزا قبل سفره .
تحياتي

206
صباح الخير اخوتي وأخواتي
اعتذر منكم شديد الاعتذار لعدم تمكني من كتابة اعداد المسافرين ليوم البارحة . رجعت متأخر للبيت . ومن بلشت اكتب الاعداد ( مشعول الصفحة ) النت فصل . وضليت انتظره للوحده بالليل ( وما اجه الشفية) . والي يطلبني عشى اني حاضر . وعيوني اله. وابو البكلوريا .. ان شاء الله نتيجة سفرك ..اقصد شهادتك قريبة وناجح وان شاء الله طبوب = طبيب !!!!!!!!!!!!!!!!!!. بالمناسبة Abu_mouth. كل تعليقاتك اني متابعها ,, صار بية واهس اركض على تعليقات . ربي يحفظك . ويعجل بسفرك .
النعيمــــــي  ابو حمودي الذهب . اذا اني الضلع فأنت القلب النابض( يعني  الي يدك .. مو النابض الي معناها السبرنك ) الي جوه الضلع  .تحياتي الك ولكل الاهل . والحمد لله على سلامة الاطفال ياورد.
فاعتذر منكم . واحسبوها عليه .

أخوتي وأخواتي  .
رحلة البارحة 6\5\2013 جانت بالــ9:00 مساءا . وعدد الي سافروا (8 اشخاص ) كلهم  ( أي أو أم) . والي ماحضروا ( 13 شخص ) . وسئلتهم على ارقام كيساتهم وجانت. 103و108و111و118و119.
ــــــــــــــــــــــــــــــــــــــ
رحلة اليوم المصادف 7\5\2013 وطبعا الرحلة صباحية بالــــ ( 9:00 صباحا). وعدد الي سافروا  اليوم ( 12 شخص) كلهم أي أو أم .ومن ضمنهم شخص واحد أس أي في .وارقام كيساتهم 105و110و11و114و122 و124
تقبلوا اعتذاري مرة ثانية .
تحياتي الكم . وربي يحفظكم ويحفظ عوائلكم[/color]
[/size]

207
بأنتضار اعداد اليوم وانشالله تفرحنة صارلنة هواي مفرحانين

صباح الخير
بيكم خير وتدللون .
اليوم الرحلة بالليل .
وان شاء الله اكتبلكم الاعداد
تحياتي

208
صباح الخير اخوتي واخواتي
اليوم هو الاحد والمصادف 5\5\2013. لم يأتي أي شخص للسفر عن طريق منظمة الـــ IOM . يعني اليوم مجان اكو سفر لطالبي اللجوء.
اعتذر منكم لان اخباري اليوم ما بيها خبر حلو الكم.
تحياتي

209
مساء الخير يا أهل الخير
اليوم هو الأربعاء . والرحلة كانت مسائية ( يعني موعد المغادرة من مطار بغداد راح تكون بالــــ0 10:00 ليلا ) أن شاء الله. عدد الذين  سافروا  لهذا اليوم هو ( 52 شخص ). سنكل وعوائل. وكلهم IOM  . أرقام كيساتهم ( 101و103و107و108و109و111و113و116و117و119و121و128) وكان من ضمن ألي سافروا اليوم عائلة رقم كيسها ***SY113 . وأسئلتهم انتوا من جماعة سوريا ؟؟ كالوا نعم .
يا رب كلهم يوصلون بالسلامة .
تحياتي


اخي دبس احنة نشكر جهودك المبذولة على تواصلك ويانة وامدادنة باعداد السفر ..
بس عندي ملاحظة ..عندي صديق يشتغل سايق بمطار بغداد الدولي ..اتصل بي البارحة ساعة 5:30 مساءا وكلي حاليا عدد المسافرين على الطيران الملكي 50 شخص وحجيت وية موظف ال IOM واستفسرت منة على قضيتي وكال جاري العمل في المنظمة على قدما وساق ..بس بعد ماعرف هل هو هذا العدد الي اخبرني بي نفسة ام انه هناك كانت وجبة ثانية بنفس اليوم ..تحياتي

صباح الخير ابو جاسم الورد.
حبيبي مع احترامي وتقديري العالي  لصديقك . بالــ 5:30 مساءا المسافرين جانوا بعدهم واكفين يم ساحة عباس دينتظرون الشباب الي بالــIOM  حتى يجون ويوزعون التكتات الالكترونية عليهم. يعني المسافرين جانوا بعدهم ما داخلين للمطار . ومع ذلك احتمال بالاخير اجوي الشخصين . وبالتالي اصبح العدد الكلي ( 52 شخص ) واني متأكد من هذا العدد 100% . لان حسبتهم واحد واحد.
تحياتي

210
عاشت ايدك دبوسي

بس كولي سافرو على الاردنيه همين لو عل الامارتيه ؟

تحياتي

صباح الخير Mr.Iraq2011

الي سافروا البارحة بالليل جانوا على الاردنية
تحياتي

211
ألف شكر للاخ دبس وراشي على هذه المعلومات التي ترفع المعنويات .
واستفساري اليك هل صحيح ان المنظمة تقوم  بتأجيل في موعد السفر لاي شخص او تأجيل موعد الرحلة قبل السفر بأيام معدودة     
وماهي المدة المتوقعة لأستئناف السفر لهذا الشخص او استئناف موعد الرحلة المؤجلة نفسها
ولك جزيل الشكر

صباح الخير ابو حسين الورد

نعم . هذا الكلام صحيح .اذا تقوم المنظمة ( في بعض الاحيان) بتاجيل السفر . ويكون التاجيل قبل الموعد بحوالي اسبوع .حيث يتم الاتصال بصاحب الملف ويبلغ بتأجيل السفر.اما المدة المتوقعة بستئناف السفر . فعلمها عند الله . راح اسولفلك قصة . صديقي وهو ( سنكل ) وماعنده كفيل . يعني المنظمة مختاره الولاية اله . خابروه بمنتصف الشهر الثامن 2012. وحددو له موعد سفر بنهاية الشهر الثامن العام. قبل موعد السفر باربعة ايام اتصلوا بي وكالوله سفرك تأجل !!!!!!!!!. صديقي الى هسه حاط ايده على خده . وده ينتظر موعد السفر الجديد . وبالمناسبة الفحص الطبي مالته صار اكسباير.!!!!!!!!!!!!!!!!!!!.
 واكو اجلوا سفرهم من سنة الـــ2011  وهسه يالة اجاهم موعد سفر جديد. واكو  قسم تأجل سفرهم  وتم الاتصال بيهم بعد شهرين وسفروهم .يعني ماكو قاعده ثابته .
تحياتي

212
مساء الخير يا أهل الخير
اليوم هو الأربعاء . والرحلة كانت مسائية ( يعني موعد المغادرة من مطار بغداد راح تكون بالــــ0 10:00 ليلا ) أن شاء الله. عدد الذين  سافروا  لهذا اليوم هو ( 52 شخص ). سنكل وعوائل. وكلهم IOM  . أرقام كيساتهم ( 101و103و107و108و109و111و113و116و117و119و121و128) وكان من ضمن ألي سافروا اليوم عائلة رقم كيسها ***SY113 . وأسئلتهم انتوا من جماعة سوريا ؟؟ كالوا نعم .
يا رب كلهم يوصلون بالسلامة .
تحياتي

213
هلووووووووووو  BMW
هااي شنووووو ؟؟؟ اشو الفره خلصت بسرعه!!!!!!!!!!!!!!!!!!
عفية فرني بعد.. والله مراح انزل من VW ... 
يلة فرني بعد,, تره اصيح والم كل اهل سان أنتونيو عليييييك!!!!!!!!!!!!!!
هههههههههههههههههههههه

حبيبي .. قسما بالله العلي العظيم تستاهل اكثر من الي انته بي هسه.
موفق بحياتي . وياااااااااااااارب يلتم شمل العائلة وياك باقرب وقت .
تحياتي
دبس و راشي

214
السلام عليكم

منظمة الـــ IOM  هي المنظمة الدولية للهجرة . يعني كل من انطبقت عليه شروط الهجرة تقوم الــIOM  بالتنسيق  بين هيئه المحلفين والمستشفيات التي تقوم بفحصه طبيا  وحجز مقعد له على خطوط الطيران لهذا اللاجيء.الى ان يصل الى البلد الذي هاجر له . ولايتوقف عمل المنظمة عند هذا الحد. بل تقوم بالتنسيق من المنظمات والجمعيات الانسانية في البلد الذي استقبله لتقوم هذه المنظمات والجمعيات بتوفير سكن ملائم له وادخاله في دورات ليندمج مع مجتمعه وبيئته الجديدة . وايضا محاولة ايجاد فرص عمل له هناك.
وللعلم ايضا في كثير من الايام تقوم المنظمة باستقبال العراقيين الذين لم يتمكنوا من الحصول على صفة لاجيء او فيزة اقامة في الدول الاوربية .
يعني الي احنه نسميهم طلعوا تهريب وما منحتهم الدولة الي دخلوا بيها اي اوراق رسمية تسمح لهم بالبقاء على اراضيها ( وهااي اني شايفها بعيني) واكثرهم يجون ( مبعدين ) من السويد والنروج والنمسا والدنمارك وهولندا . فيجون الشباب الي بمنظمة الــ IOM لأستقبال من تم ابعادهم من الدول الي جانوا بيها .يعني تقوم المنظمة بدفع تذاكر عودتهم .

هذا بشكل عام عمل المنظمة الدولية للهجرة او الــــ IOM.
اما بالنسبة للشباب الي شفتهم اليوم فهم كانوا طالبي لجوء عن طريق الـــ UN . ورجعوا وحولو  ملفاتهم الى بغداد بعد عودتهم  . والدوله الي قبلت باستقبالهم هي استراليا. وهاي مو اول مرة تحدث . اذا ترجعون لايام سابقة راح تلكوني كاتب اكو اشخاص سافروا الى كندا والى استراليا والى لندن عن طريق المنظمة الدولية للهجرة  الـــ IOM .
اتمنى ان تكون الصورة صارت اكثر وضوح لعمل المنظمة  .
تحياتي

215

السلام عليكم
ربي يوفقكم ويحفظكم ويحفظ كل اهاليكم . يا طيبين ويا أصلاء .

اليوم هو الثلاثاء والمصادف 30\4\2013 . الرحلة جانت بالـــ(3:55 ظهرا) وعلى الخطوط الجوية الاماراتية . وجان عدد الي سافروا ( 3 اشخاص ) كلهم شباب من جماعة تركيا . وتم توطينهم في استراليا. يعني خط رحلتهم (بغداد - دبي - ستراليا).
يوصلون بالسلامة ان شاء الله

تحياتي

216
السلام عليكم
اليوم هو الاثنين والمصادف 29\4\2013 . والرحلة تنطلق بال( 10:00 ليلا).وجان عدد الي سافروا بين ( 50 الى 60 شخص ) اعتذر لان الرقم مو مضبوط 100% ,لان التهيت وية اخت ويانه بالمنتدى  قمة الادب والاخلاق العالية . سافرت وية عائلتها الى امريكا .
طبعا اليوم الي سافروا كلهم IOM  وارقام كيساتهم ( 106و107و110و112و117و119و121و127) وهم اكو كيسات ماقبلوا ( يخافون ) يكولون ارقامهم.
يارب كلهم يوصلون بالسلامة .
تحياتي
 اخوكم دبس و راشي

اخ دبس وراشي انت انسان راقي المفروض تكون سفير النوايا الحسنة والاخلاق العالية والقلب الطيب ان شاء الله ربي يرزقك من اوسع ابوب الرزق ويحميك ويحفظك لناسك ولمحبيك واسال الله العلي القدير ان يكتب لنا السفر واللقاء بك سواء في العراق او في امريكا.

اخي الكريم تقبل مروري ودعواتي الخالصة لكم بالتوفيق

اخوك يوسف البصراوي

( ملاحظة) اذا اجاك مسافر اجلح املح بصراوي يعني انا هههههههههههههههههههه

صباح الخير .
الف الف شكر لكلماتكم الرائعة . اردها الكم بيوم سفركم ان شاء الله
اخوتي واخواتي
اليوم المنظمة قامت بتغير بسيط. وهو ان السفر لهذا اليوم راح يكون على طيران الامارات( يعني مو على الخطوط الجوية الملكية الاردنية) وهذا دليل على ان المنظمة ده تحاول تلكي اي خطوط طيران حتى تقوم بتسفير طالبي اللجوء.
ولان رحلة طيران الامارات اليوم راح تكون بالــ(3:55 الظهر) . فاعداد اليوم راح شوية تتاخر . يعني ان شاء الله وره هذا الوقت راح اكتبلكم الاعداد ان شاء الله.

ولأخوية يوسف البصراوي اكوله.
يااااااااااا حياااااااااااااك الله.
أشكر أملح أحمر , مسلم مسيحي يهودي صابئي عربي كردي تركماني

الكـــــــل علـــــــــى راســـــــــــــــــي


217
السلام عليكم
اليوم هو الاثنين والمصادف 29\4\2013 . والرحلة تنطلق بال( 10:00 ليلا).وجان عدد الي سافروا بين ( 50 الى 60 شخص ) اعتذر لان الرقم مو مضبوط 100% ,لان التهيت وية اخت ويانه بالمنتدى  قمة الادب والاخلاق العالية . سافرت وية عائلتها الى امريكا .
طبعا اليوم الي سافروا كلهم IOM  وارقام كيساتهم ( 106و107و110و112و117و119و121و127) وهم اكو كيسات ماقبلوا ( يخافون ) يكولون ارقامهم.
يارب كلهم يوصلون بالسلامة .
تحياتي
 اخوكم دبس و راشي

218
السلام عليكم ورحمة الله وبركاته.

أخوتي و أخواتي
اليوم هو الاحد والمصادف 28\4\2013 . لم تقم المنظمة  هذا اليوم بأجراءات السفر لأي من الطالبي اللجوء . ( يعني اليوم مجان اكو سفر للعراقيين في العراق  ).

والسبب لوجود مشاكل فنية بين المنظمة وبين شركات الطيران . وان شاء الله تم حل المشكلة .وباجر راح يبلش السفر من جديد بعونه تعالى .


تحياتي

219
مساء الخيــــر
الف شكر مرة ثانية على الكلام الرائع  والدعوات الي ده تندعوها الي . ممنون منكم . وأردها ألكم يوم سفركم ان شاء الله

اعتذر منكم اليوم ..وجدا اسف لان المنظمة اليوم مجان عدها اي مسافرين على الخطوط الجوية الملكية الاردنية .
ان شاء الله يوم الاحد راح يبلشون بالسفر .
اسف مرةثانية .
تحياتي

220
صباح الخير اخوتي وأخواتي
الف شكر على كلماتكم . بصراحة يا جماعة الخير تره اني مدا اسوي أي شيء الكم. مجرد دا انقللكم الي ديصير كدامي  لاا اكثر ولا اقل . ومع ذلك ممنون منكم . ربي يجعلها في ميزان حسناتكم .

اخوية البيروتي .. صدكني وثق بالله العظيم موضوع اهلك كلللللللش غثني وقهرني . ومراح اترك هذا الموضوع . وكل ماتصير فرصة كدامي راح افتح موضوعهم . ( على الاقل اني اتحرك منا . وانته اتحرك\مثل ما فهمتك\ من يمك) الى ان يصير موعد سفرهم . ومراح ارتاح الا واني خالهم بالطيارة . كول ان شاء الله.

هسه نجي لاعداد هذا اليوم
طبعا اليوم هو الثلاثاء والمصادف 23\4\2013. والرحلة كانت صباحية ( موعد الطيران بالــــ 9:00 صباحا) وكان عدد الي سافروا ( 44 شخص ) كلهم IOM  عدا عائلة SIV اعتقد متكونه من 4 اشخاص. بعض ارقام الكيسات 101و105و106و111و112و117و118و121و125.
ان شاء الله يوصلون بالسلامة يارب
تحياتي

221
مساء الاخير أخوتي و أخواتي
أسف على التاخير . لكن قبل شوية رجعت من المطار .
الف الف شكر لكل الاخوة والاخوات على الكلمات الرائعة . والادعية والترحم على روح والدي . ممنون منكم . وجزاكم الله الف خير . وجعله في ميزان حسناتكم.


اليوم هو الاثنين والمصادف 22\4\2013 كانت الرحلة مسائية طبعا  ( موعد المغادرة بالــــ10: ليلا ) وكان عدد الي سافروا ( 70 شخص) عوائل  خير من الله وسنكل. اما ارقام كيسات الــ IOM فهي و108و112و116و117و118و119و121و27و129. واكيد اكو ارقام كيسات بعد . بصراحة ما كدرت اسئلهم . لان جانوا هوايه .
ان شاء الله يوصلون بالسلامة .
وان شاء الله باجر هم اكو سفر . والسفرة راح تكون صباحية
تحياتي وتصبحون على الف خير يارب

222
UP .  للفائدة ولاضافة بعض التحديثات.

223
UP  تمت أضافة بعض المعلومات ( باللون الازرق) للفائدة العامة

224
توصلون بالسلامة يارب .
تحياتي للشباب . اصحاب الكيسات 112و117 . وكوليلهم ( دبس و راشي ) يسلم عليكم . وسلام خاص لاخونه( عضو المنتدى ) . ;) ;) ;).
اختي الفاضلة اكو أمراءة كبيرة بالعمر وياكم . فدوة ديروا بالكم عليها .
تحياتي

225
شكرًا آخ دبس وراشي
اني عندي أطفال عمر 7وعمر 3
يعني أخذ الهم جنط ام 23وهاند باگ مسموح الهم يعني ام 5كيلو لكل وحده
؟

مساء الخير 
 الف شكر لكلماتكم الرائعة.  وبالخدمة وحاضر لاي سوال يتعلق بالحقائب .
وجوابي الى اخوية كاري ميرو
نعم اخي الفاضل .لان اطفالك اعمارهم اكثر من سنتين .
تحياتي

226
صباح الخير اخي الفاضل
بحكم شغلي بالمطار . راح انقلك تجارب المسافرين وقوانين سلطات الطيران العالمية. وقوانين الحكومة العراقية.
1-   اذا كان خط الرحلة مالتك ( بغداد-عمان- امريكا) يعني بدون ترانزيت
أ\ من حق كل شخص تجاوز عمره السنتين ان يصطحب وياه جنط عدد ثنين وزن كل واحده 23 كغم + جنطة هاند باك بوزن 5كغم+ لابتوب.+ جنطة لحمل الاوراق الرسمية والجوازات ( ممكن تكون جنطة دبلوماسية او اي جنطة تشبها )
ب\ من حق اي طفل عمره اقل من سنتين ان يصطحب اهله جنطة هاند باك بوزن 5كغم + عربة طفل .( طبعا هنا اني انصح العائلة ان تاخذها وياها  لعربة الطفل,, يعني لاتشحنوها  وية الجنط الكبيرة  ) لان راح تكون مفيدة لعائلة الطفل( يعني مكمن ان ينام الطفل بيها  ويريح امه من حملة طول فترة الانتظار بالمطارات) خصوصا اذا جان الانتظار لفترات طويلة في المطارات.
2-   اذا كان خط الرحلة مالتك ( بغداد –عمان \فرانكفورت او باريس او القاهرة او اسطنبول\ امريكا ) يعني هنا اكو ترانزيت بهااي الدول قبل الوصول الى امريكا .
أ\ من حق كل شخص تجاوز عمره السنتين ان يصطحب وياه جنطه وحدة بوزن 23 كغم + جنطة هاند باك بوزن 5كغم+ لابتوب.+ جنطة لحمل الاوراق الرسمية والجوازات ( ممكن تكون جنطة دبلوماسية او اي جنطة تشبها )
ب\ من حق اي طفل عمره اقل من سنتين ان يصطحب اهله جنطة هاند باك بوزن 5كغم + عربة طفل .( طبعا هنا اني انصح العائلة ان تاخذها وياها  لعربة الطفل,, يعني لاتشحنوها  وية الجنط الكبيرة  ) لان راح تكون مفيدة لعائلة الطفل( يعني ممكن ان ينام الطفل بيها  ويريح امه من حمله طول فترة الانتظار بالمطارات) خصوصا اذا جان الانتظار لفترات طويلة في المطارات.
الممنوع والمسموح :
كل انواع العطور والمعطرات وسوائل الاستحمام ومانع التعرق والقداحات ( الجداحة ) واي سوائل او غازات  مضغوطة في قناني بلاستيكة او معدنية ممنوع ان توضع بجنطة الهاند باك . ومن الممكن جدا ان توضع في الحقائب الكبيرة ( ام الــ23 كغم).
كللللللللللللل ما له صلة بالاسلحة والمتفجرات ممنوع منعا باتا ان يوضع في الهاند باك او الجنك الكبيرة . كل انواع السكاكين او الشفرات او الالات الحادة والجارحة .ممنوع منعا بات ان توضع في جنطة الهاند باك.
مسموح لكل شخص عراقي ان ياخذ معاه ( 4تكات جكاير )
مسموح اخذ كافة انواع البهارات ( توضع في جنط الشحن)
مسموح اخذ الادوية ( توضع في جنط الشحن ) ويفضل ان ترفق بوصفة باللغة الانكليزية ( يعني لغة ابو ناجي) هههههههههههههه
مسموح لكل مسافر تجاوز عمره الــ18 سنة ان يأ خذ معه مبلغ لايتجاوز العشرة الاف دولار امريكي كحد اقصى ( هذا القانون العراقي هيج يكوول).
مسموح لكل شخص عراقي او اجنبي ان ياخذ معه مصوغات ذهبية على ان لا يتجاوز وزن الذهب (100غم) . ( هذا القانون العراقي هيج يكوول).
من حق كل مسافر ان يصطحب معاه ( قنينتين شراب – كحوليات).
القائمة طويلة وعريضة ومتداخلة بين هيئة الكمارك وبين سلطات الطيران وبين وزارة المالية وبين وزارة الداخلية .. يعني اذا اريد اكتبلك كل الممنوع والمسموح لازم اضل اكتب لباجر الصبح ..!!!!!!!!!!!!!!!!1 ( وانته ما ترضاها الي فدوة اروحلك) ههههههههههههههههههههههههه.
اني افضل انته تسئلني ( اذا فاتني شي من الي كتبته ) واني ان شاء الله اجاوبك على العام للفائدة العامة.
اويلي يابة ..ايدي تعبت والكي بورد حمى وكام يطلع دخاااان. !!!!!!!!!!!!!!!!!!!!!!هههههههههههههههههه
تحياتي



من رخصة صاحب الموضوع

اخي دبوسي ورشروشي

بالنسبة لعربانة الطفل يصير تصعد بالطيارة  ??? ??? ???

لان كلش تفيدني اذا تصير



حبيبي سوناتا
نعم عربانة الطفل يصير تصعد بالطيارة.وكللللللللللش مفيده للام .خصوصا اذا كان الطفل ما يكدر يمشي .وتفيد العائلة ( وخصوصا الام) من الانتظار لساعات طويلة بالمطارات .. يعني خلي الطفل بيها وانساه حتى ينام ومرتاح. وامه هم مرتاحة من شيلته .
تحياتي

227
صباح الخير اخي الفاضل

بحكم شغلي بالمطار . راح انقلك تجارب المسافرين وقوانين سلطات الطيران العالمية. وقوانين الحكومة العراقية.
1-   اذا كان خط الرحلة مالتك ( بغداد-عمان- امريكا) يعني بدون ترانزيت.

أ-
من حق كل شخص تجاوز عمره السنتين ان يصطحب وياه جنط عدد ثنين وزن كل واحده 23 كغم + جنطة هاند باك بوزن 5كغم+ لابتوب.+ جنطة لحمل الاوراق الرسمية والجوازات ( ممكن تكون جنطة دبلوماسية او اي جنطة تشبها )
ب- من حق اي طفل عمره اقل من سنتين ان يصطحب اهله جنطة هاند باك بوزن 5كغم + عربة طفل .( طبعا هنا اني انصح العائلة ان تاخذها وياها  لعربة الطفل,, يعني لاتشحنوها  وية الجنط الكبيرة  ) لان راح تكون مفيدة لعائلة الطفل( يعني ممكن ان ينام الطفل بيها  ويريح امه من حمله طول فترة الانتظار بالمطارات) خصوصا اذا جان الانتظار لفترات طويلة في المطارات.

2-   اذا كان خط الرحلة مالتك ( بغداد –عمان \فرانكفورت او باريس او القاهرة او اسطنبول\ امريكا ) يعني هنا اكو ترانزيت بهااي الدول قبل الوصول الى امريكا .

أ-من حق كل شخص تجاوز عمره السنتين ان يصطحب وياه جنطه وحدة بوزن 23 كغم + جنطة هاند باك بوزن 5كغم+ لابتوب.+ جنطة لحمل الاوراق الرسمية والجوازات ( ممكن تكون جنطة دبلوماسية او اي جنطة تشبها )
ب- من حق اي طفل عمره اقل من سنتين ان يصطحب اهله جنطة هاند باك بوزن 5كغم + عربة طفل .( طبعا هنا اني انصح العائلة ان تاخذها وياها  لعربة الطفل,, يعني لاتشحنوها  وية الجنط الكبيرة  ) لان راح تكون مفيدة لعائلة الطفل( يعني ممكن ان ينام الطفل بيها  ويريح امه من حمله طول فترة الانتظار بالمطارات) خصوصا اذا جان الانتظار لفترات طويلة في المطارات.

الممنوع والمسموح :

كل انواع العطور والمعطرات وسوائل الاستحمام ومانع التعرق والقداحات ( الجداحة ) واي سوائل او غازات  مضغوطة في قناني بلاستيكة او معدنية ممنوع ان توضع بجنطة الهاند باك . ومن الممكن جدا ان توضع في الحقائب الكبيرة ( ام الــ23 كغم).

كللللللللللللل ما له صلة بالاسلحة والمتفجرات ممنوع منعا باتا ان يوضع في الهاند باك او الجنك الكبيرة . وكل انواع السكاكين او الشفرات او الالات الحادة والجارحة .ممنوع منعا بات ان توضع في جنطة الهاند باك.

مسموح لكل شخص عراقي ان ياخذ معاه ( 4تكات جكاير )
مسموح اخذ كافة انواع البهارات ( توضع في جنط الشحن)
مسموح ان تاخذ العائلة الي عدها طفل حليب لهذا الطفل ( وتكدرون تخلون قوطية الحليب بجنطة الهاند باك).
مسموح اخذ الادوية ( توضع في جنط الشحن ) ويفضل ان ترفق بوصفة باللغة الانكليزية ( يعني لغة ابو ناجي) هههههههههههههه
مسموح لكل مسافر تجاوز عمره الــ18 سنة ان يأ خذ معه مبلغ لايتجاوز العشرة الاف دولار امريكي كحد اقصى ( هذا القانون العراقي هيج يكوول).
مسموح لكل شخص عراقي او اجنبي ان ياخذ معه مصوغات ذهبية على ان لا يتجاوز وزن الذهب (100غم) . ( هذا القانون العراقي هيج يكوول).
مسموح لكل مسافر ان يصطحب معاه ( قنينتين شراب – كحوليات).

القائمة طويلة وعريضة ومتداخلة بين هيئة الكمارك وبين سلطات الطيران وبين وزارة المالية وبين وزارة الداخلية .. يعني اذا اريد اكتبلك كل الممنوع والمسموح لازم اضل اكتب لباجر الصبح ..!!!!!!!!!!!!!!! ( وانته ما ترضاها الي فدوة اروحلك) ههههههههههههههههههههههههه.
اني افضل انته تسئلني ( اذا فاتني شي من الي كتبته ) واني ان شاء الله اجاوبك على العام للفائدة العامة.
اويلي يابة ..ايدي تعبت والكي بورد حمى وكام يطلع دخاااان. !!!!!!!!!!!!!!!!!!!!!!هههههههههههههههههه

نصائح  مهمه:

يفضل ان تكون الجنط من النوع ( القوي) سواء كانت من القماش القوي او البلاستك.لأن العمال بالمطارات يتعاملون وية الجنط مثل ما يتعامل عامل البناء وية الطابوق ( شيل وأشمر)!!!!
واني انصحكم بالجنط ام التايرات . ويكون بيها مفبض ( يده سلايد) لتسهيل عملية سحبها عند المشي.
اما بالنسبة لموضوع تقفلون الجنط او لا ,, فهذا شيء عائد الكم . كلمن وحريته الشخصية .( يعني اذا متاكدين جنطكم ما بيها ممنوعات ) بالامكان ان تقفلوها بقفل صغير موجود بالاسواق المحلية .( وداخل الصالة بمطار بغداد اكو ماكنة لتغليف الجنط بالنايلون الشفاف) . واعتقد ياخذون على الجنطة الكبيرة عشرة الاف دينار عراقي.
اما جنطة الهاند باك . فانصحكم بالنوع الي ينشال على الظهر ( مثل جنط اطفال المدارس) . حقيقة كللش مريحة بالسفر . ومن الممكن ان تستخدموها كمخده في حالة الانتظار لساعات طويلة  بالمطارات اثناء الترانزيتات.
بالنسبة لموضوع الاسم . اني رأي ان يكتب اسم الكفيل وعنوانه وايميله على الجنطة( بخط واضح) . حتى اذا ضاعت الجنطة ( لاسامح الله ) اول اتصال راح يكون بالكفيل . في حالة العثور عليها . وبما ان اول من راح يستقبلك بالمطار هو كفيلك . فاعتيادي راح يكون اول من تبلغه انته بفقدان او عدم وصول جنطك .  
او ان تقوم بكتابة عنوان كفيلك على ورقه وتقوم بكبس هذه الورقة ( مثل ما تكبس هوية الاحوال ) . وتثبت هااي الورقة المكبوسة باحكام على الجنطة..

كل عائلة عدها اطفال صغار بالعمر ( يعني يرضعون من الرضاعه \ المه ميه\). هذه المه مية يجب ان لاتدخل في اجهرة الكشف الاشعاعي ( X.RAY). يعني ااذا جانت هااي المه ميه بيها مي وحليب لازم تبقى بأيد احد افراد العائلة . وميصير تدخل وية الجنط باجهزة الكشف الاشعاعي .
واذا دخلت .راسا يتفرغ الحليب الي بيها وتغسل جيدا بالماء العادي .وبالامكان استخدامها مرة ثانية .


ملاحظة مهمه جدا : اني دائما اكوول السفر راحة ,,مو كشخة......يعني شنو؟؟
مرات اشوف مسافرين يجون وهما لابسين قوط واربطة وقبابيط.!!!!!!!!!!!!!!!!!!!!!!!!!!. والله هذا الشيء مو بصالحهم. البسوا ملابس تكونون مرتاحين بيها . خصوصا اذا جان اكو ترانزيت لساعات طويلة بالمطارات ( يعني نومه بالصالة  وعلى الكراسي ).
ودائما خلوا ( شحاطة خفيفة اسفنجية ) بجنطة الهاند باك. وحاولوا تلبسوها  اثناء ساعات الطيران الطويلة . يعني ريحوا رجليكم وخففوا ( ضغط الحذاء عنها ) اثناء ساعات الطيران الطويلة . ولابئس تكومون تتمشون بالطيارة بين فترة واخرى. يعني حركوا الدم برجليكم .
واي سوال  او استفسار اني حاضر.

تحياتي

228
صباح الخير يا أهل الخيـــر
شلونكم يابة؟؟ ان شاء الله بخير ؟؟ وان شاء الله كل اهاليكم بخير وعافية .

مثل ما كتلكم بان المنظمة راح تستأنف السفر يوم الاحد ( يعني اعتبارا من اليوم )وموضوع التفجيرات الي صارت في بوسطن مراح يكون الها التأثير ( القوي) على عمل المنظمة .
وبالتالي . اليوم هو الاحد والمصادف 21\4\2013 كانت الرحلة صباحية  ( موعد المغادرة بالــــ9:20 صباحا ) وكان عدد الي سافروا ( 37 شخص) عوائل وسنكل ومن ضمنهم ( 6 أشخاص SIV) مقابلين سنة 2011 وسنة 2012 . اما ارقام كيسات الــ IOM فهي 103و106و112و114و117و118و119و121و124. خلي نندعيلهم بسلامة الوصول .
ملاحظة : من ضمن الي سافروا اليوم اخ عزيز علينا بالمنتدى . شاب قمة الرقي ومعنى وعنوان للاخلاق . يارب يوصل بالسلامة .
تحياتي

229
مساء الخير اخوتي واخواتي
قبل كل شيء احب اشكر اخي الفاضل اوس على موضوعه . واحب اشكره على  الايضاح الي كتبه. بان المنظمة لاتقوم بالحجز للمسافرين للايام( الخميس والجمعه والسبت ) من كل اسبوع.
خلي اوضح شغلتين لكل القراء
الاولى : الايام المذكورة اعلاه ( بالرغم مابيها سفر ) لكن المنظمة  ماتبقى كاعده . كم من يوم خميس كان للمتقدمين موعد فحص او موعد لاخذ حباية ما قبل السفر؟؟ اذا الخميس ما نكدر نعتبره يوم عطلة او كسلة للمنظمة .
الجمعه هو اصلا يوم عطلة .
السبت . بالرغم من كونه يوم عطلة رسمية . لكن المنظمة بهذا اليوم تقوم باجراءات الحجوزات على خطوط شركات الطيران .وتقوم بالاتصال بالمتقدمين لتاكيد موعد السفر ( اذا يعتبر يوم عمل لموظفي المنظمة).
في بعض الايام  . واكرر واقول ( في بعض الأيام) لايوجد سفر . وهذا له أسبابه العديدة . منها :
1-عدم وجود مقاعد شاغرة على خطوط شركات الطيران  سواء( الملكية الاردنية او الخطوط الجوية التركية  او الوفت هانزا او الخطوط الجوية بمختلف مسمياتها داخل الولايات الامريكية .......الخ)
2- عدم وجود  غرف شاغرة  في الفنادق التي من الممكن ان يبات بها اللاجىء . وسمعنه كثير من الاخوة والاخوات انهم باتوا باحد الفنادق في امريكا بانتظار موعد رحلتهم الى الولاية التي سيذهبون إليها .( يعني قسم من المسافرين يحتاجون حجوزات في فنادق ).
3- ارتفاع اسعار التذاكر لشركات الطيران. مثل ما تعرفون المنظمة هيه منظمة انسانية ( يعني تستلم معونات مالية  وعينية ) من عدة دول . يعني اذا اسعار التذاكر كانت غالية . راح تاثر على ميزانية المنظمة . وبالتالي تحاول المنظمة جاهدة ان تحجز مقاعد على شركات الطيران وان تحجز غرف بالفنادق باسب الاسعار . حتى ما ياثر على ميزانيتها .
4- التنسيق بين عدد المسافرين وعدد المقاعد الشاغرةوالمتوفرة على شركات الطيران. مثلا  عدد المسافرين من بغداد 70 شخص . اذا المنظمة يجب تحجز 70 مقعد على الخطوط الجوية الاردنية . وتحجز 70 مقعد . ومن يوصلون إلى عمان هولاء الــ70 مسافر . المنظمة لازم تكون حاجزة  الهم مقاعد على باقي الخطوط الجوية  العالمية لنقلهم الى الولايات المتحدة .( يعني مو سفرهم من بغداد واتركهم  بمطار بعمان . وانتظروا  الى ان تتوفر مقاعد !!!!!!!!!!!!).
5- الايام الي ما يكون بيها سفر من بغداد  .هذا مو معناه ماكو سفر لطالبي اللجوء العراقيين في كل من سوريا وعمان ومصر ودولة الامارات العربية وتركيا وماليزيا.
الخلاصة: موضوع السفر مو سهل. يعني حتى أني من أريد أسافر إلى أي دولة هم ابدي احضر لسفري قبل أسبوع بالقليل . من حجز الطيارة وحجز الفندق . فكيف بمنظمة تقوم بكل هذا لمئات المسافرين .
وهسه نجي للبشارة ,, من يوم باجر راح يستأنف السفر ( وعندي كثير وكثير من الرسائل الي على الخاص .من اخوة واخوات انطوهم موعد مواعيد سفر . راح يبدي اولها من يوم باجر ..وان شاء الله من يوصلون بسلامة راح يكتبون تفاصيل رحلاتهم,,,,,يعني هذا المنتدى راح يبدي ينكتب بي كثير من عناوين ( من أمريكا احييكم .......) .
أتمنى أن الصورة تكون وضحت أكثر شوية لاخوتي  واخواتي . واعتذر جدا وبعنففففف على الاطالة .
تحياتي



اخونا العزيز دبس وراشي الف شكر على المشاركة الرائعة ..

اخي عندك معلومات او اخبار على الSIV ؟؟؟

مثل ما تعرف الاشهر الاخيرة يعني جفاف بشكل غريب عجيب !!!!

الى متى نضل هيجي مرح تمشي معاملاتنا ؟ طيب شوكت نبدي نشوف اصدار فيز بكثرة ..

تحياتي حبي واحترامي

مساء الخيـــــــر أخي Sensie
للاسف الشديد ما عندي معلومات عن الـــSIV أكثر من المعلومات الي دا اكتبها ( بموضوع أعداد المسافرين). وبصراحة اني اتفق وياك بانوا اعدادهم قليلة جدا مقارنة باعداد الـ IOM  الي ديسافرون . لكن الي عرفته ( وما متاكد منه 100%) اعداد الــSIV راح تبدي بالتصاعد بشكل تدريجي في بداية الشهر الخامس.
اتمنالك ولكل المتقدمين على الــ SIV  بسرعة السفر .
تحياتي

230
كل اشكر والاحترام والتقدير الى الاخ العزيز دبس وراشي على هذه المداخلة الرائعة التي تبعث الامل في كل النفوس التي اتعبها الانتظار لدرجة عدم تقبلها اي رد يدعو للصبر وعدم التشاؤوم اللهم ربي يوفقك ويسهل امرك ويرزقك من حيث لا تحتسب اخي الفاضل دبس وراشي والف رحمة على والديك على هذا الجهد الاكثر من رائع ...ونرجو ان تتحملنه فانت اخ عزيز وطيب بارك الله بك على اخلاقك الراقيه وعملك وجهدك الراقي نسأل الله لك العفو والعافيه وان يسهل امرك بالسفر القريب ان شاء الله ...جزاك الله خيرا يا ذهب ...شكرا للاخ اوس على الموضوع وفي هذا الوقت بالذات الذي تحس ان المنتدى قد اصابه الجمود لولا بعض المواضيع المهمة للاخوة الاعزاء امثال مواضيع الاخ مصطفى نور الدين واخرين جزاهم الله خير الجزاء ...

                                                                                                                     اخوك ابو علي


نبيل ... بيكم خير وتدللون ..واذا ماشالتكم كاع المطار يوم سفركم ,,,, قسما بالله العلي العظيم اشيلكم على راسي . وكبل للطيارة .

231
مساء الخير اخوتي واخواتي
قبل كل شيء احب اشكر أخويه العزيز اوس  على  الايضاح الي كتبه. بان المنظمة لاتقوم بالحجز للمسافرين للايام( الخميس والجمعه والسبت ) من كل اسبوع.
وبصراحة كتبت هذا الرد على موضوع نشره الاخ اوس تحت عنوان ( التشائم + اعداد الاخ دبس وراشي) . واعيد ردي هنا للفائدة العامة .حتى يقراه ويستفاد منه اكثر عدد ممكن من القراء الكرام.
خلي اوضح شغلتين لكل القراء
الاولى : الايام المذكورة اعلاه ( بالرغم مابيها سفر ) لكن المنظمة  ماتبقى كاعده . كم من يوم خميس كان للمتقدمين موعد فحص او موعد لاخذ حباية ما قبل السفر؟؟ اذا الخميس ما نكدر نعتبره يوم عطلة او كسلة للمنظمة .
الجمعه هو اصلا يوم عطلة .
السبت . بالرغم من كونه يوم عطلة رسمية . لكن المنظمة بهذا اليوم تقوم باجراءات الحجوزات على خطوط شركات الطيران .وتقوم بالاتصال بالمتقدمين لتاكيد موعد السفر ( اذا يعتبر يوم عمل لموظفي المنظمة).
في بعض الايام  . واكرر واقول ( في بعض الأيام) لايوجد سفر . وهذا له أسبابه العديدة . منها :
1-عدم وجود مقاعد شاغرة على خطوط شركات الطيران  سواء( الملكية الاردنية او الخطوط الجوية التركية  او الوفت هانزا او الخطوط الجوية بمختلف مسمياتها داخل الولايات الامريكية .......الخ)
2- عدم وجود  غرف شاغرة  في الفنادق التي من الممكن ان يبات بها اللاجىء . وسمعنه كثير من الاخوة والاخوات انهم باتوا باحد الفنادق في امريكا بانتظار موعد رحلتهم الى الولاية التي سيذهبون إليها .( يعني قسم من المسافرين يحتاجون حجوزات في فنادق ).
3- ارتفاع اسعار التذاكر لشركات الطيران. مثل ما تعرفون المنظمة هيه منظمة انسانية ( يعني تستلم معونات مالية  وعينية ) من عدة دول . يعني اذا اسعار التذاكر كانت غالية . راح تاثر على ميزانية المنظمة . وبالتالي تحاول المنظمة جاهدة ان تحجز مقاعد على شركات الطيران وان تحجز غرف بالفنادق باسب الاسعار . حتى ما ياثر على ميزانيتها .
4- التنسيق بين عدد المسافرين وعدد المقاعد الشاغرةوالمتوفرة على شركات الطيران. مثلا  عدد المسافرين من بغداد 70 شخص . اذا المنظمة يجب تحجز 70 مقعد على الخطوط الجوية الاردنية . وتحجز 70 مقعد . ومن يوصلون إلى عمان هولاء الــ70 مسافر . المنظمة لازم تكون حاجزة  الهم مقاعد على باقي الخطوط الجوية  العالمية لنقلهم الى الولايات المتحدة .( يعني مو سفرهم من بغداد واتركهم  بمطار بعمان . وانتظروا  الى ان تتوفر مقاعد !!!!!!!!!!!!).
5- الايام الي ما يكون بيها سفر من بغداد  .هذا مو معناه ماكو سفر لطالبي اللجوء العراقيين في كل من سوريا وعمان ومصر ودولة الامارات العربية وتركيا وماليزيا.
الخلاصة: موضوع السفر مو سهل. يعني حتى أني من أريد أسافر إلى أي دولة هم ابدي احضر لسفري قبل أسبوع بالقليل . من حجز الطيارة وحجز الفندق . فكيف بمنظمة تقوم بكل هذا لمئات المسافرين .
وهسه نجي للبشارة ,, من يوم باجر راح يستأنف السفر ( وعندي كثير وكثير من الرسائل الي على الخاص .من اخوة واخوات انطوهم موعد مواعيد سفر . راح يبدي اولها من يوم باجر ..وان شاء الله من يوصلون بسلامة راح يكتبون تفاصيل رحلاتهم,,,,,يعني هذا المنتدى راح يبدي ينكتب بي كثير من عناوين ( من أمريكا احييكم .......) .
أتمنى أن الصورة تكون وضحت أكثر شوية لاخوتي  واخواتي .
تحياتي

232
مساء الخير اخوتي واخواتي
قبل كل شيء احب اشكر اخي الفاضل اوس على موضوعه . واحب اشكره على  الايضاح الي كتبه. بان المنظمة لاتقوم بالحجز للمسافرين للايام( الخميس والجمعه والسبت ) من كل اسبوع.
خلي اوضح شغلتين لكل القراء
الاولى : الايام المذكورة اعلاه ( بالرغم مابيها سفر ) لكن المنظمة  ماتبقى كاعده . كم من يوم خميس كان للمتقدمين موعد فحص او موعد لاخذ حباية ما قبل السفر؟؟ اذا الخميس ما نكدر نعتبره يوم عطلة او كسلة للمنظمة .
الجمعه هو اصلا يوم عطلة .
السبت . بالرغم من كونه يوم عطلة رسمية . لكن المنظمة بهذا اليوم تقوم باجراءات الحجوزات على خطوط شركات الطيران .وتقوم بالاتصال بالمتقدمين لتاكيد موعد السفر ( اذا يعتبر يوم عمل لموظفي المنظمة).
في بعض الايام  . واكرر واقول ( في بعض الأيام) لايوجد سفر . وهذا له أسبابه العديدة . منها :
1-عدم وجود مقاعد شاغرة على خطوط شركات الطيران  سواء( الملكية الاردنية او الخطوط الجوية التركية  او الوفت هانزا او الخطوط الجوية بمختلف مسمياتها داخل الولايات الامريكية .......الخ)
2- عدم وجود  غرف شاغرة  في الفنادق التي من الممكن ان يبات بها اللاجىء . وسمعنه كثير من الاخوة والاخوات انهم باتوا باحد الفنادق في امريكا بانتظار موعد رحلتهم الى الولاية التي سيذهبون إليها .( يعني قسم من المسافرين يحتاجون حجوزات في فنادق ).
3- ارتفاع اسعار التذاكر لشركات الطيران. مثل ما تعرفون المنظمة هيه منظمة انسانية ( يعني تستلم معونات مالية  وعينية ) من عدة دول . يعني اذا اسعار التذاكر كانت غالية . راح تاثر على ميزانية المنظمة . وبالتالي تحاول المنظمة جاهدة ان تحجز مقاعد على شركات الطيران وان تحجز غرف بالفنادق باسب الاسعار . حتى ما ياثر على ميزانيتها .
4- التنسيق بين عدد المسافرين وعدد المقاعد الشاغرةوالمتوفرة على شركات الطيران. مثلا  عدد المسافرين من بغداد 70 شخص . اذا المنظمة يجب تحجز 70 مقعد على الخطوط الجوية الاردنية . وتحجز 70 مقعد . ومن يوصلون إلى عمان هولاء الــ70 مسافر . المنظمة لازم تكون حاجزة  الهم مقاعد على باقي الخطوط الجوية  العالمية لنقلهم الى الولايات المتحدة .( يعني مو سفرهم من بغداد واتركهم  بمطار بعمان . وانتظروا  الى ان تتوفر مقاعد !!!!!!!!!!!!).
5- الايام الي ما يكون بيها سفر من بغداد  .هذا مو معناه ماكو سفر لطالبي اللجوء العراقيين في كل من سوريا وعمان ومصر ودولة الامارات العربية وتركيا وماليزيا.
الخلاصة: موضوع السفر مو سهل. يعني حتى أني من أريد أسافر إلى أي دولة هم ابدي احضر لسفري قبل أسبوع بالقليل . من حجز الطيارة وحجز الفندق . فكيف بمنظمة تقوم بكل هذا لمئات المسافرين .
وهسه نجي للبشارة ,, من يوم باجر راح يستأنف السفر ( وعندي كثير وكثير من الرسائل الي على الخاص .من اخوة واخوات انطوهم موعد مواعيد سفر . راح يبدي اولها من يوم باجر ..وان شاء الله من يوصلون بسلامة راح يكتبون تفاصيل رحلاتهم,,,,,يعني هذا المنتدى راح يبدي ينكتب بي كثير من عناوين ( من أمريكا احييكم .......) .
أتمنى أن الصورة تكون وضحت أكثر شوية لاخوتي  واخواتي . واعتذر جدا وبعنففففف على الاطالة .
تحياتي


233
من ينفتح نقاش وية اصدقائي ( الي واحدهم ) مسوي نفسه هارون الرشيد او كازانوفا . واريد انهي هذا النقاش لصالحي اكوللهم :
إذا كانت المرأة : ” درست ، تزوجت ، و أحبت ، وأخلصت و حملت وأنجبت و أرضعت و ربت وعملت و تحملت القلق و الخوف و كانت في الأخير بنصف عقل ف بربك لو كان عقلهآ كامل ، ماذا ستفعل ؟!!!!

راسا يسكتون . ويطلع الدبس و راشي هو المنتصر .

يعني ابساطة هذا مختصر للمراءة
تحياتي أخواتي

235
شنو خوش تحشيش؟؟؟؟؟
اصلا يجنننننن ,,, راح تخلوني اعوف المطار . وأكابلكم واكعد
 ;D ;D ;) ;)
دعاء
دعائي لرب الارباب .ان يعجل بسفركم . وينطيكم على كد نيتكم .
تحياتي

236
النور نور عيونج بعد اخوج
سرور
ربـــي يجعل كل ايامج فرح وسرور

237
ضد
كثير من حالات العشق التي حدثت بين غرباء انتهت بزواج ناجح .
فكم من زوج تختلف جنسيته عن جنسية زوجته؟؟
وهذه امريكا ( عمة عيني على اسمها ) خير دليل على ذلك .

هل انت او انتي مع  او ضد تدخين المرأءة للشيشة ( النركيلة )؟؟؟

تحياتي

238
يابة مرحبا

اكوول من تختفون وين تروحووووون؟؟؟؟؟؟؟؟؟؟؟؟؟ أثاريكم تجون هنا تحششون!!!!!!!!!!!!!!!!!!!!!!!!!
 ;) ;) ;) ;) ;) ;) ;) ;) ;) ;) ;) ;)
على العموم .. خلوني احشش وياكم .. تره اخوكم دبس و راشي ملك التحشيش  ;D ;D ;D ;D ;D ;D

أخر كلمة كتبتها اختي وتاج رأسي ( اجونة) هي علل.

وردي على كلمتها
لورد
تحياتي

239

مساء الخير اخوتي واخواتي

حقيقة دا استغرب من كلامكم!!!!!!!!!!!!!ا
يابة كل ما هنالك ..الحجوزات على الخطوط الجوية الملكية جانت مقبطة ( يعني المنظمة ما كدرت تحصل حجوزات على الطيارة ) وصارت قبل فترة ,,مرة او مرتين . ارجعوا للايام السابقة وراح تشوفون اكو ايام ما صار بيها سفر .

هااي أولها وهااااي تاليها .

والسفر موجود. والمنظمة كااعد تشتغل بكل طاقاتها ( ومو دفاعا عن المنظمة. بس كلمة الحق يجب ان تقال ).
وصلوا على النبي .
تحيات اخوكم دبس و راشي

240
مساء الخير

اليوم هو الاربعاء والمصادف 17\4\2013 . لم تقم المنظمة باجراءات السفر لاي من طالبي اللجوء في العراق لهذا اليوم .
( يعني اليوم مجان اكو سفر )
تحياتي

241

صباح الخيــــر
شلونكم يابة؟؟ ان شاء الله بخير يارب .
مثل ما تعرفون اليوم هو الثلاثاء المصادف 16\4\2013 وجانت الرحلة صباحية . يعني موعد الاقلاع من بغداد بالـــ 9:20 صباحا . وعدد الي سافروا اليوم (بين 30الى 35 شخص ) . وكلهم IOM وكيسين SIV  مقابلين سنة 2011.
من ضمن ارقام الكيسات    (102-106-107-109--115-117-120)
اندعولهم بسلامة الوصول
تحياتي ياغالين

242
يامن كنتم ولازلتم اكثر بكثير من اخوتي واخواتي
السلام عليكم ورحمة الله وبركاته

وقفت الحروف وعجزت كل مفردات الكلمات بالتعبير عما في داخلي .

قسما بالله العلي العظيم اكتب لكم وعيني يملؤها الدمع . من صدق مشاعركم  التي وصلتني واضحة كوضوح نور الشمس .
والله ما اعرف شأحجي وشأكول والمن اشكر والمن امدح وعليمن اثني بكلماتي .عمري كله ما امريت بهيج موقف . انوا اشخاص يخجلوني بعظيم فضلهم ( لايعرفونني ولا اعرفهم ) . كل ما بيننا حروف وكلمات تكتب على موقع ( بيت ) من مواقع الانترنت.
حملتوني فضل اتمنى من الله ان يجي اليوم الي ارده الكم .
ربي يوفقكم ويحفظكم ويحفظ كل اهاليكم وعوائلكم . ويستر على نسائكم ويحفظ شبابكم ورجالكم . بارك الله ببطون الامهات الي حملتكم .
والله ما اعرف شكوول وشأحجي . والله العظيم ياجماعة الخير الدنيا بعدها بخير . مدا اكو ناس مثلكم .
اشكركم جزيل الشكر .كلكم بدون استثناء . من الي كتب موضوع يخصني بالسوأل الى الذي كاتب رسالة على الخاص الى الذي اتصل على هاتفي من خارج العراق ومن داخله.( والله العظيم كرايبي ما سووها!!!!!!!!!!!!!).
الف الف شكر .
ورحم الله من سقط بهذا اليوم الدامي . اللهم الهم ذويهم الصبر والسلوان . وشافي الجرحى . واعدهم الى ابنائهم وبناتهم وازواجهم وزوجاتهم موفوري الصحة . يااااااااااااااااااا رب . انك سميع مجيب للدعاء .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوتي واخواتي
اعتذر عن التاخير بكتابة الاعداد لهذا اليوم . ولكنه كان يوم طويل وشااق بمعنى الكلمة . وهسه يالة كدرت ارجع للبيت وافتح النت .

اليوم هو الاثنين . والمصادف 15\4\2013 وكانت الرحلة مسائية ( يعني الانطلاق من مطار بغداد بالـــ10: ليلا) وكان عدد الي سافروا هو 57 شخص . كلهم IOM  . عوائل وسنكل . والغالبية كانوا عوائل من بغداد ومن بعض المحافظات. من ارقام الكيسات ( 101-103-106-107-110-111-113-114-116-117-125).
ان شاء الله يوصلون بالسلامة

اشكركم مره ثانية . وارجع واكوول .. اذا ما شالتكم كااع المطار يوم سفركم . اشيلكم على راسي .

ملاحظة : صحيح الاخت رنا موظفة في مطار بغداد. لكن بصراحة اني الى هسه ما متشرف بمعرفتها ( يعني كل الي يجمعني وياها ) هو هذا المنتدى ( البيت ) الرائع. ان شاء الله هيه بخير وصحة وسلامة .
تحياتي

243
يامن كنتم ولازلتم اكثر بكثير من اخوتي واخواتي
السلام عليكم ورحمة الله وبركاته

وقفت الحروف وعجزت كل مفردات الكلمات بالتعبير عما في داخلي .

قسما بالله العلي العظيم اكتب لكم وعيني يملؤها الدمع . من صدق مشاعركم  التي وصلتني واضحة كوضوح نور الشمس .
والله ما اعرف شأحجي وشأكول والمن اشكر والمن امدح وعليمن اثني بكلماتي .عمري كله ما امريت بهيج موقف . انوا اشخاص يخجلوني بعظيم فضلهم ( لايعرفونني ولا اعرفهم ) . كل ما بيننا حروف وكلمات تكتب على موقع ( بيت ) من مواقع الانترنت.
حملتوني فضل اتمنى من الله ان يجي اليوم الي ارده الكم .
ربي يوفقكم ويحفظكم ويحفظ كل اهاليكم وعوائلكم . ويستر على نسائكم ويحفظ شبابكم ورجالكم . بارك الله ببطون الامهات الي حملتكم .
والله ما اعرف شكوول وشأحجي . والله العظيم ياجماعة الخير الدنيا بعدها بخير . مدا اكو ناس مثلكم .
اشكركم جزيل الشكر .كلكم بدون استثناء . من الي كتب موضوع يخصني بالسوأل الى الذي كاتب رسالة على الخاص الى الذي اتصل على هاتفي من خارج العراق ومن داخله.( والله العظيم كرايبي ما سووها!!!!!!!!!!!!!).
الف الف شكر .
ورحم الله من سقط بهذا اليوم الدامي . الهم الهم ذويهم الصبر والسلوان . وشافي الجرحى . واعدهم الى ابنائهم وبناتهم وازواجهم وزوجاتهم موفوري الصحة . يااااااااااااااااااا رب . ان سميع مجيب للدعاء .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اخوتي واخواتي
اعتذر عن التاخير بكتابة الاعداد لهذا اليوم . ولكنه كان يوم طويل وشااق بمعنى الكلمة . وهسه يالة كدرت ارجع للبيت وافتح النت .

اليوم هو الاثنين . والمصادف 15\4\2013 وكانت الرحلة مسائية ( يعني الانطلاق من مطار بغداد بالـــ10: ليلا) وكان عدد الي سافروا هو 57 شخص . كلهم IOM  . عوائل وسنكل . والغالبية كانوا عوائل من بغداد ومن بعض المحافظات. من ارقام الكيسات ( 101-103-106-107-110-111-113-114-116-117-125).
ان شاء الله يوصلون بالسلامة
اشكركم مره ثانية . وارجع واكوول .. اذا ما شالتكم كااع المطار يوم سفركم . اشيلكم على راسي .


ملاحظة : صحيح الاخت رنا موظفة في مطار بغداد. لكن بصراحة اني الى هسه ما متشرف بمعرفتها ( يعني كل الي يجمعني وياها ) هو هذا المنتدى ( البيت ) الرائع. ان شاء الله هيه بخير وصحة وسلامة .
تحياتي

244
مساء الخير اخواني واخواتي .
( الله شاهد علية ) يمكن لو عندي اخوان او اخوات ما يتمنولي كل هذا الخير الي ده تتمنوا الي . وما يندعولي بكد دعواتكم الي ,,دعوات احسها طالعه من قلوب كلها صفاء وطيبة .
ربي يحفظكم ويحفظ كللللللللللللللللللللللل عوائلكم . ويوفقكم دنيا وأخرة.
حقيقة تعجز الكلمات ان تعبر عما في صدري .
ممنون منكم ( وهااي كلماتكم ودعائكم) فضل ودين راح يبقى برقبتي الى يوم القيامة .

ملاحظة:-
1- الاخ سنكل مان .
بالحقيقة اني دا اكتب اعداد الي ديسافرون . وبصراحة اني مو خبير او محلل ( مثل جنابك الكريم) بالاعداد الي بقت . حقيقة هذا موضوع اكثر من شائك . انته وبعض الاخوة مختصين بي . لكن معلومة من الممكن ان تفيد جنابك الكريم . الي اعرفه برنامج سفر طالبي اللجوء من العراق ( يعني السفر للمتقدمين ) باقي لغاية سنة 2015 . هذا الي اني سامعه من اشخاص عاملون في المنظمة .
2- حبيبي Mr.Iraq2011 .
ان شاء يجي اليوم الي تكتب بي خبر وصولك الى امريكا .( وبيني وبينك اعتقد اعداد المسافرين الي رقم  الكيس ما لتهم 117 ) كثيرين . فصبرا جميل . وداعتك تصير تسوالف .
3-اخوية  المهندس البغدادي  .
شلون الصحة مهندسنه الغالي ؟؟ يارب تكون بخير وصحة وعافية؟جوابا على سوالك . بالحقية اني ما اعرف من وين تجي الفيز. من امريكا او من بغداد. بس الي عرفته اليوم .بهذا الاسبوع وصلت كمية لابئس بيها من فيز وموافقات سفر لعدد جيد جدا من اصحاب ال SIV. اتمنى ان الرب ان تكون من ضمن هااي الاعداد .
تحياتي الكم جميعا . واعتذر من اي تقصير بدر مني .


245
مرحبا اخوية الغالي
شلونك يابطل ؟؟ ان شاء الله انته بخير
حبيبي الغالي جيك بهذا الموقع  ( اكتب مدينة المغادرة ) و( اكتب مدينة الوصول ) والتواريخ ( تاريخ المغادرة والعودة ) وعدد الاشخاص . وعدد الحقائب .
راسا راح تطلعلك كل الرحلات من الارخص الى الاغلى . وعدد الترانزيتات وساعات الانتظار . واسماء المطارات الي راح تصير بيها الترانزيتات ..وكل التفاصيل .
http://www.skyscanner.net/

اتمنى هذا الموقع يفيدك او ينطيك فكرة بسيطة عن الاسعار .
تحياتي

246
صباح الخيــــر
شلونكم يابة؟؟ ان شاء الله بخير يارب .
مثل ما تعرفون اليوم هو الاحد المصادف 14\4\2013 وجانت الرحلة صباحية . يعني موعد الاقلاع من بغداد بالـــ 9:00 صباحا . وعدد الي سافروا اليوم ( بين 100 الى 107 شخص ) . وكلهم IOMعدا 3 اشخاصSIV . مقابلين سنة 2011.
من ضمن ارقام كيسات الــ IOM (103-106-107-109-110-112-114-115-116-117-119-122-125-127) واكيد اكو ارقام بعد,, بصراحة ما كدرت اعرفها لان جانوا خير من الله . يعني تصوروا  العدد الكلي للركاب الي سافروا اليوم على الخطوط الملكية هو 152 اكثر من ( 100) جانوا أي أو أم . يعني تقريبا ثلثين الطيارة  لل IOM.
وعندي بشارة لجماعة الSIV . ان شاء الله هل الاسبوع والاسبوع الجااي راح يسافر كثير منهم .. لان فيزهم وصلت .
الله يسهل اموركم . والرب يحفظكم ويحفظ كل عوائلكم.
تحياتي

247
بالكككككككككككم ما كو برييييييييك

حبيبي BMW
شلونك ياطيب . ويا أصيل.
الف شكر على كل حرف وكل كلمة كتبتها .بحق اخووووووك الصغيروني دبس و راشي  ;) ;) ;) ;) ;)
حقيقة سوالك على الولد ان دل على شيء . فهو يدل على كرم اخلاقك ورقي تربيتك ورفعة وحنية قلبك ,,,,,( من يومك ابو قلب الجبيييير). ابو الحب  ;) ;) ;) ;)
اما بالنسبة للولد ضليت اخابر على اهله وكل ما اخابر يكولولي اموره ماشية والحمد لله .. واعتقد لكالة شغلة وده يشتغل واموره عال العال .
امنياتي الك بالسلامة والامن والامان والنجاح يا احلى BMW .ولكل اهلك ان مايطول التحاقهم بيك .
تحياتي

248
الحمد لله اتصلوا عليه اليوم الساعة 4:30 وعطوني موعد سفر يوم 12-5 يوم السفر الى الكل و الله اكو تسريع مثل ما كال اخونه سنكل مان
بشرو خير اني تقديم بغداد يوما للكم و لا تنسونه بدعائكم

دع المقادير تجري في أعنتها**** ولا تبيتن الا خالي البال
ما بين طرفة عين وانتباهتها****** يغير الله من حال الى حال


مبروووووووك موعد السفر يا غالي
والله تستاهل كل الخير .
اي شيء تحتاجه اني حاضر .
تحياتي

249
اخي نور الدين مصطفى
جنت اتمنى التقي بيك بالمطار ..
على الاقل ارد ولو جزء بسيط من كرم تحليلاتك ورقي كلامك بهذا المنتدى( البيت ) الرائع.
تحياتي الك يا أخي الأكرم

250
مساء الخير اختي
جاوبتج على اسئلتج على الخاص .
واي سوال او مشورة بخصوص الجنط او الاوزان او موعيد الرحلات اني حاضر .
تحياتي

251
حبيبي BMW
الف الف الحمد لله على سلامة وصولك يابطل ( بطل=HERO) يعني مو ( بطل= ابو السيفونه)  ;) ;) ;)!!!!!!!!!!!!!!!!ا
حبيبي والله ضل بالي يمك ,, كلت مدام تاخر بكتابة قصة وصوله ..فوحدة من ثنين ..لو لكالة شغل والتها بي .. لو تزوج  ( أمريكية شكره)وتحجب وكعد بالبيت  يمها = ( كابلها وكعد ) ;D ;D ;D ;D!!!!!!!!!!!!!!!!!!!!!!!!!!!!!!!!!!!!!!!.
المهم
الف الحمد لله انته مرتاح ومبين عليك فرحة الوصول ( والله العظيم تستاهل كل الخير ) لانك اصيل والبيت الي طلعت منه ,,( طلعت منه شنو؟؟؟ اي قابل هيه زفه) ;) ;) ;)!!!!!!!! البيت الي تربيت بي وطلعت منه بيت اصلاء وأجاويد.
صبرت هواااية .. والله جازاك صبرك بحياة ( ان شاء الله تعالى ) كلها أمن وأمان ونجاح وموفقية .
يارب يوم الي اقوم بالواجب لاخوك مي الذهب والغني عن التعريف .. ابو الاصول ( النعيمي) ابو حمودي الورد.
تحياتي الك ياورده ده = دبل ورده .
اخوك دبس و راشي

252
مساء الخيـر اخوتي وأخواتي
اعتذر عن التأخير بكتابة اعداد الي سافروا البارحة ( لان بصراحة جنت مجاز ) وما رحت للمطار .
اليوم سئلت على عدد الي سافروا البارحة وجان الرد كلاتي :
الاربعاء 10\4\2013 وجانت الرحلة بالــــ( 10:00 ليلا) وكان عدد المسافرين 63 من شخص .   
طبعا العدد اكده الي اكثر  شخص . وان شاء الله يكونون صادقين .وطبعا ما يعرفون اذا جان بيهم أس أي في او لا .. وبنفس الوكت ما يعرفون ارقام الكيسات.
تحياتي

253
حبي دبوسيييييييي شنو البارحة معزلين يوم 10 بالشهر شو مغلس هههههههههههههههههههههههههههههه
صباحوو حسام
شلونك ياورد؟؟ ان شاء الله بخير .
حسام ,,اخوك البارحة فالت من الدوام ( يعني مغلس على الدوام ) هههههههههههه.
بس ان شاء الله اليوم اسئل شكد سافروا البارحة .
ربي يحفظك وكل اهل بيتك ياورد.
تحياتي

254
صباح الخيــــــر
اخوكم دبس و راشي حالة ملفه هم تغيرت. من ( معلق ) الى ( بانتظار النتيجة) !!!!!!!!!!!!!!!!ا
وباقي تفاصيل الملف بعدها على حالها.
بس اذا انتبهتوا شايلين التحذير الي كان يحجي على عدم دفع فلوس .
تحياتي

255
مساء الخير اختي question

مبارك موعد السفر  الي تحدد من قبل المنظمة . يارب توصلون بالسلامة .

ان شاء الله يكون سفرج بنفس سفر الوالدة( اطال الله عمرها ) .
واذا لا سامح الله ضل الموعد كما هو عليه الان ( يعني انتي سفرج قبل سفر الوالده بيوم ) . فلا تشيلين اي هم . ولا يضل ابالج .اني موجود . وخطية بــ( رقبتج). بيج خير وادللي انتي والوالدة . قسما بذات ألله  ادزلها سيارة تجيبها من باب البيت للمطار والا اشيلها على راسي واصعدها بأيدي بالطيارة . وما يضل خاطرج الا طيب .
تحياتي

256
صباح  الخيـــــــــر أخوتي و أخواتي

 اليوم  هو الثلاثاء المصادف ( 9\4\2013)والرحلة صباحية موعد المغادرة ( بالــ9:00 صباحا) . والمسافرين كانوا  يم ساحة عباس ابن فرناس من ساعة بالــ( 5:30 صباحا)وكان عدد الي سافروا ( حوالي 60شخص) . وكتبت كلمة (حوالي ) لان بصراحة اني اليوم ما رحت للدوام . لان صار عندي شغل خارج المطار . لكن خابرت للمطار وسئلت اكثر من شخص على اعداد اليوم وكلهم اكدوا على هذا العدد . وجدا اسف لان ما كدرت اعرف ارقام كيساتهم .
.يارب يوصلون بالسلامة.

تحياتي

257
مساء الخيـــــــــر
الف شكر للاخوة والاخوات على كلامهم الرائع وعلى مرورهم العطر . ممنون منكم وشاكر فضلكم .
 اليوم الرحلة مسائية موعد المغادرة ( بالــ10:00 ليلا) وكان عدد الي سافروا ( 40 شخص) كلهم أي أو أم.
من ضمن ارقام الكيسات 103-109-111-114-119-127. ( من ضمنهم عائلة ( من 3 نفرات ) طالعين الى كندا .يارب يوصلون بالسلامة.

تحياتي

258
صبـــــاح الخيــــــر أخوتي وأخواتي
صباح الانوار اخوية اسير سوسو
 الف الف شكر لكل الردود والكلمات الرائعة التي كتبت تحت عنوان هذا الموضوع. يارب يجي اليوم الي اجازيكم بالخير على الكلام الرائع . والامنيات الي احسها صادقة وطالعة من اعماق القلوب .
تحياتي الكم . وربي يحفظكم ويحفظ كل عوائلكم وأهليكم .

اليوم هو الاحد والمصادف 7\4\2013 طبعا الرحلة كانت صباحية والعوائل كانت متجمعه يم ساحة عباس ابن فرناس من ساعة بالــ5:30 فجرا .
وكان العدد الي مفروض يسافر هو 60 شخص . لكن  الي حضروا ( 43 شخص فقط) لان باقي الاشخاص الي ماحضروا .. قسم تم تاجيل سفرهم ( لعدم اكتمال التجيك الامني ) والقسم الاخر ( أجلوا سفرهم بطلب منهم) .
من ضمن ارقام الكيسات 103و107و109و114و117و123و127 وكيس واحد أس أي في مقابلته كانت سنة 2011.
تمنياتي الهم بسلامة الوصول والموفقية في حياتهم الجديدة.
تحياتي

259
مساء الخيـــــــــر سفر
اولا وقبل كل شيء الف الحمد لله رب العالمين على سلامة وصولك .
وثانيا قسما بالله العلي العظيم خجلان منك . وما اعرف شلون اعتذر منك. بس صدكني صار عندي ضرف طاريء بيوم سفرك .
المهم ,,وصلت والله جازاك صبرك وانتظارك بوصولك لارض العم سام .
تمنياتي ودعائي الك بالموفقية والنجاح لان انته اصيل وابن اصول وتستاهل كل الخير .

اجونه
سفر سافر يوم 2\4 ( وهو كاتب التاريخ) وبيومها اني كتبت :


(صبــــــــــاح الخيـــــــــــر اهلي وناسي بهذا المنتدى ( البيت ) الاي كلمة رائع قليلة بحقة .
شلونكم يابة ؟؟ ان شاء الله انتوا واهلكم بالف الف خير يارب .
اليوم هو الثلاثاء والمصادف 2\4\2013 وجانت الرحلة صباحية
طبعا اني ما جنت موجود بالمطار ( لظروف قاهرة ) منعتني من الذهاب للمطار .
لكن اتصلت بالمطار وسئلت عن الاعداد وجان العدد الي سافر اليوم ( 48 شخص ). وكلهم أي أو أم. عوائل وسنكل .
ومن ضمنهم عضو من اعضاء هذا المنتدى الرائع . وطبعا اعتذر منه وكلللللللللللش خجلان لان جان المفروض اني الي اقوم بتوديعه بالمطار بس الظرف الطارىء منعني .
اندعوله واندعوا لكل الي سافروا بسلامة الوصول .)

والمسافرة الوحيدة سافرت البارحة يعني يوم 3\4.
هااي نقطة عليييييييييييييييج هههههههههههههههههههههههههههه.
تحياتي

260
وعليكم السلام ورحمة الله وبركاته أختي .
 اعداد المسافرين دا اكتبها يومية تحت عنوان((((( أعداد المسافرين))))) مثل ما تفضلت اختنه رسيــRــل .
وبس ايام( الخميس والجمعه والسبت) ما اكتب الاعداد لان بهذه اليام ماكو سفر عن طريق المنظمة .
ومع ذلك هذا رابط الموضوع.
http://www.ankawa.com/forum/index.php/topic,652448.0.html

تحياتي

261
مساء الخير
 قبل كم يوم(وتحديدا يوم 31\3) مجان اكو سفر ..ومن سئلت الشباب كالوا جان يوم عطلة . ولهذا السبب مجان اكو سفر.
واعتقد ( وهذا رأي الشخصي) الحجوزات على الخطوط الجوية الملكية(بغداد-عمان) اليوم جانت مقبطة. او الترانزيتات مزدحمه ومابيها مجال . يعني يجوز العدد الي راح يسافر من عمان عدد لابئس بي . ولهذا جان اكو مقعد شاغر واحد من بغداد الى عمان . وصدكوني أخواني( مو دفاعا عن المنظمة ..لان اخوكم هم منجوي بنار الانتظار وهااي طبيت بالسنة الرابعه ) بس والله ده يستغلون اي فرصة وأي مقاعد شاغرة حتى يسفرون بيها طالبي اللجوء.
تحياتي

262
مساء الخير
اليوم هو الاربعاء والمصادف 3\4\2013 وكان عدد الي سافروا الى امريكا( مسافرة واحده فقط).
اتمنالها سلامة الوصول.
تحياتي

263
مشكور اخي دبس وراشي

الله يجازيك الف خير ، ويزوجك يارب بنت الحلال

سوناتا ,, ادعي على سيارتك ( السوناتا ) يكووم الفيت بمب مالتها ؟؟؟؟؟!!!!!!!
ليش هيج اخوية!!؟؟
عمك دبس متزوج وابني بطولي ..
هسه لاتسمعك المره.. ودكوم تدعلي عليك يتاجل سفرك بيوم سفرك ههههههههههههههههههههز
ممنون منك على الدعاء . بس لو قبل 18 سنه .من جنت بعدني ما متزوج.
تحياتي ويوم سفرك واقوملك بالواجب .

حبيبي دبوسي شكو بيها اتزوج مرة ثانية ، ليش خايف  ;D ;D ;D

وبالنسبة للسوناتا فدوة اروحلك دا اريد ابيعها لاتدعي عليها  ;D ;D ;D

موديل 2012 بـ 21,000$ بس ألك (كبع وأخذ)
الله يحفظك.. ويجعلها عامرة بسلامتك. ويديمها نعمة عليك ويحفظها من الزاول.

264
الحمد لله الذي لايحمد على مكروه سواه
وانا لله وانا اليه راجعون
نحتسبه في جنان الخلد.
سائلين الباري عز وجل ان يلهم اهله الصبر والسلوان .

265
صبـــــــــاح الخير أخوتي وأخواتي
اليوم السفر عن طريق المنظمة الى امريكا راح يكون بالـــــ 10:00 ليلا . وان شاء الله انقللكم اعداد المسافرين لهذا اليوم.
تحياتي

266
تحياتي الك يا غالي و الله يحفظك

سؤال اخي العزيز الجماعة المسافرين يكون التبليغ  لهم من عمان لو من بغداد و الف شكرا

مساء الخير بروفسور

التبليغ بموعد السفر  وعدد واوزان الحقائب يجي من عمان ( قبل اسبوعين او اسبوع او عشرة ايام او خمسة ايام) يعني ماكو شيء ثابت. ويكون التبليغ باتصال هاتفي . ومرات يكون بمسج على تلفون صاحب الكيس (المتقدم الرئيسي).اما فرع المنظمة في بغداد فيتصلون قبل موعد السفر بيومين او يوم  حتى ياكدون على السفر ويوصفون وين راح يكون التجمع (وهو كالعادة )قرب ساحة عباس ابن فرناس.
اتمنى اكون جاوبتك بشكل وافي على سوألك.
تحياتي

267
صبــــــــــاح الخيـــــــــــر اهلي وناسي بهذا المنتدى ( البيت ) الاي كلمة رائع قليلة بحقة .
شلونكم يابة ؟؟ ان شاء الله انتوا واهلكم بالف الف خير يارب .
اليوم هو الثلاثاء والمصادف 2\4\2013 وجانت الرحلة صباحية
طبعا اني ما جنت موجود بالمطار ( لظروف قاهرة ) منعتني من الذهاب للمطار .
لكن اتصلت بالمطار وسئلت عن الاعداد وجان العدد الي سافر اليوم ( 48 شخص ). وكلهم أي أو أم. عوائل وسنكل .
ومن ضمنهم عضو من اعضاء هذا المنتدى الرائع . وطبعا اعتذر منه وكلللللللللللش خجلان لان جان المفروض اني الي اقوم بتوديعه بالمطار بس الظرف الطارىء منعني .
اندعوله واندعوا لكل الي سافروا بسلامة الوصول .

جوابا على سوال الاخ ahmed k falah . كثير من الي ديسافرون هم من جماعة تقديم سنة 2010 يعني وصل السرة الهم .وبدوا يسافرون
تحياتي

268
الهي بحق اسمك العظيم الاعظم ان تسرع وتوفق وتبارك بلاخ العزيز دبس وراشي على نقلة للاخبار المفرحة والتي تبعث فينا الامل بلسفر القريب
انك سميع الدعاء.
لانملك سوى الدعاء يا عزيزي دبس وراشي حتى نجازييك بما تقوم بة

اخوية العزيز The Duke
شاكر فضلك .وممنون منك على هل الدعاء الرائع . ربي يحميك وكل اهل بيتك من شر الاشرار . ويوفقك ويرزقك ويسهل امورك. انه سميع مجيب .
تحياتي يا أسم على مسمى

269
الهي بحق اسمك العظيم الاعظم ان تسرع وتوفق وتبارك بلاخ العزيز دبس وراشي على نقلة للاخبار المفرحة والتي تبعث فينا الامل بلسفر القريب
انك سميع الدعاء.
لانملك سوى الدعاء يا عزيزي دبس وراشي حتى نجازييك بما تقوم بة


+++100000000000000000000000
والله العظيم هم قليله بحقك  يا اخويه دبس وراشي


حبيبي نائل
كل عام وانته بالف خير . يارب عيد فصح سعيد عليك وعلى عائلتك. ويارب سنة خير وسعادة ونجاح الكم .
ممنون منك يا طيب ويا اصيل .
سلامي للاهل يا غالي .

270
مشكور اخي دبس وراشي

الله يجازيك الف خير ، ويزوجك يارب بنت الحلال

سوناتا ,, ادعي على سيارتك ( السوناتا ) يكووم الفيت بمب مالتها ؟؟؟؟؟!!!!!!!
ليش هيج اخوية!!؟؟
عمك دبس متزوج وابني بطولي ..
هسه لاتسمعك المره.. ودكوم تدعلي عليك يتاجل سفرك بيوم سفرك ههههههههههههههههههههز
ممنون منك على الدعاء . بس لو قبل 18 سنه .من جنت بعدني ما متزوج.
تحياتي ويوم سفرك واقوملك بالواجب .

271
مساء الخير والعافية عليكم
اعتذر عن كتابة التاخير بكتابة الاعداد لهذا اليوم ..لان الرحلة جانت بالـــ 10:00 ليلا ..وقبل شوية يالة خلصت الشغل وكدرت افتح النت .
المهم
اليوم هو الاثنين والمصادف 1\2\2013 . وكان عدد الي سافروا (61شخص )  وكلهم أي أو أم.عوائل وسنكل . ومن ضمن الكيسات 103و109و110و111و116و119و121و122و127
وطبعا واحد من الي سافروا اليوم عضو واخ ويانه بالمنتدى.
يارب يوصلون بالسلامة.

واسف مره ثانية على التاخير بكتابة الاعداد
تحياتي
1/4/2013   لو   1/2/2013   ;) وشكرا" ع نقل الاخبار الحلوه  :D

اجونه خيتو .. وتالي وياج!؟؟؟ كلما اغلط بالكتابة تلكفيني !!!!!!!!!! ههههههههههههههه بس لا انتي مدرسة مال عربي !!!!!!!!!!!
ممنون منج خيتي . ومرة ثانية راح اراجع الي كتبته مرة وثنين وثلاثة .. والا انعفي بدرسج.

وممنون منكم اخوتي واخواتي  على ردودكم الرائعة

تحياتي

272
مساء الخير والعافية عليكم
اعتذر عن كتابة التاخير بكتابة الاعداد لهذا اليوم ..لان الرحلة جانت بالـــ 10:00 ليلا ..وقبل شوية يالة خلصت الشغل وكدرت افتح النت .
المهم
اليوم هو الاثنين والمصادف 1\4\2013 . وكان عدد الي سافروا (61شخص )  وكلهم أي أو أم.عوائل وسنكل . ومن ضمن الكيسات 103و109و110و111و116و119و121و122و127
وطبعا واحد من الي سافروا اليوم عضو واخ ويانه بالمنتدى.
يارب يوصلون بالسلامة.

واسف مره ثانية على التاخير بكتابة الاعداد
تحياتي

273
صبــــاح الخيـــــر

اولا وقبل كل شيء احب اكول لكل  وأخواتي أخوتي المسيحين "كـــــــــل عام وانتم واهليكم بالف الف خير "وعيد فصــح سعيــد .اسئل الله ان يجعله عيد كله افراح ومسرات .وان شاء الله ينعاد عليكم بالامن والامان والسلام .
ثانيا

اليوم هو الاحد والمصادف 31\3\2013 . لم تقم المنظمة باخراج اي شخص الى امريكا ( يعني اليوم ماكو سفر ) .
ان شاء الله باجر ( بالليل ) راح يكون سفر .
تحياتي .

274
اختي الفاضلة زينب,,, يا حياج الله.
 حقيقة ما عندي الخبرة الكافية بموضوع الموقع الي ما ينفتح.. وبصراحة عندي صديق  حالته نفس حالتج.. والموقع ما ينفتح عنده .. وما ضل شيء ما سواه .
اتمنى من الاخوة والاخوات يساعدوج بهذا الموضوع.
تحياتي

275
مساء الخير
اعتذر جدا على التاخير بكتابة الاعدادلهذا اليوم. لان اليوم اني مجاز من الدوام. وجنت معزوم خارج البيت ( بس خابرت للمطار ) وسئلت على اعداد الي سافروا اليوم وجان الرد كلاتي:


اليوم هو الاربعاء والمصادف 27\3\2013 .  الرحلة كانت بالـــ( 10:00 ليلا )وكان عدد الي سافروا ( بين 70 الى 75 شخص ) اكثرهم عوائل .
ان شاء الله يوصلون بالسلامة.
تحياتي

صباح الخيـــــــــر
الف الف شكر لكل من ترحم على روح والدي..ممنون منكم . و الرب يجعلها في ميزان حسناتكم.
ربي يسهل ويعجل بسفركم .
تحياتي

276
مساء الخير
اعتذر جدا على التاخير بكتابة الاعدادلهذا اليوم. لان اليوم اني مجاز من الدوام. وجنت معزوم خارج البيت ( بس خابرت للمطار ) وسئلت على اعداد الي سافروا اليوم وجان الرد كلاتي:


اليوم هو الاربعاء والمصادف 27\3\2013 .  الرحلة كانت بالـــ( 10:00 ليلا )وكان عدد الي سافروا ( بين 70 الى 75 شخص ) اكثرهم عوائل .
ان شاء الله يوصلون بالسلامة.
تحياتي

277
اليوم اتصلو المنظمة مرتين بس التلفون جانت سايلنت شنو راح ياجلونة ؟؟؟ لان اكو جماعه كالو المواعيد الطويلة مو ثقة ششتتوقعون ؟
دنخابرهم وماكو جواب
صباح الخير
ان شاء الله ده يصححون موعد السفر .. لان يوم 20\4 يصادف يوم سبت.. والسبت ما كو سفر عن طريق المنظمة .
تحياتي

278
صباح الخير اختي الفاضلة

ممكن تتاكدين من الموعد مره ثانية؟؟؟
لان حسب طبيعة شغلي بالمطار .. يوم السبت ماكو سفر عن طريق المنظمة الى امريكا ( اني دا احجي عن مطار بغداد).. وبما ان يوم 20\4 راح يصادف السبت .. فاريدج تتاكدين من موعد السفر . ولكن اذا كان سفركم من مطار اربيل فهذا حديث أخر
تحياتي

279
الف مبروك اختي الفاضلة
يارب توصلون بالسلامة.. صبرتوا ونلتوا ثمرة هذا الصبر .
اي سوأل او مساعده تحتاجوها بالمطار اني حاضر .( ان شاء الله).
موفقين وتحياتي

280
اخوية العزيز دبس وراشي الف رحمة على والديك حبيب

اخوية بس اريد اسألك بخصوص الجي ام سي يوم الجمعة قبل اللي راحت كنت بساحة عباس وشفت الجي ام شي كاعد تشتغل وكل وحدة بيها رقم بوقتها سألت الحرس كلي كلها مجانية وكذلك الباص بس اذا تريد تنطي اكرامية بعد يمك ردت اعرف الكلام هذا دقيق لو اكو اجرة بالنسبة للجي ام

ومشكور يا وردة

حبيبي ابو مريومه
جوابا على سوالك..النقل بالباصات مجاني
ولكن من اليوم وصاعدا  اكو 50 جي ام سي سمحولهن بالدخول الى المطار .. والي عرفته من السواق ( 45 جي ام سي ) بفلوس و( 5 جي ام سيات ابلاش ) + الباصات ابلاش .
تحياتي


281
حبي دبس راشي اخبار الرحلة مال البارحة بالليل.......  ومشكور على المجهود الرائع ايخليك الكل المظلومي وانشالله السفر ولو اريدك انت تودعني.......ههههههههههههههههههه

صباح الخير حسام ..
اخبار رحلة البارحة مكتوية في وسط الصفحة .. ومع ذلك هااي اعداد الرحلة مال البارحة .
مساء  الخيـــــــر
اليوم هوالاثنين والمصادف 25\3\2013 . وكان عدد الي سافروا ( 40شخص ) اكثرهم عوائل . واكو سنكل وياهم .  وكلهم أي أو أم . وبعض ارقام الكيسات 101و103و107و111و126و127و129. واكو بعد ارقام بس ما قبلوا ينطوها ( خايفين ) وحقهم طبعا.
يارب يوصلون بالسلامة.
ملاحظه : اكو عائلة من ( 3 نفرات ) ام واب وابنهم ( ولد شاب ) من وصلو لساحة عباس وده يستلمون التذاكر الولد ابو المنظمة انتبه على جواز من جوازاتهم لكاه نوع S !!!!!!!!!!!!!!!!!!!!!!!!!!!!!! وفوكاها منتهي الصلاحة . ورجعوا للبيت جابوا الجواز الجديد ( الي ناسي بالبيت ) يعني تبهذلوا خطية .
رجاء انتبهوا على هااي الحالة ... جيكوا جوازاتكم قبل ما تطلعون من البيت .

تحياتي[/color][/size][/b]

282
مشكورة اخت رنا على هاي الجهود واذا ممكن تسالينه على طيارة البارحه بالليل شكد جان العدد لان البارحة اخ دبس وراشي كال اكو طيارة بالليل اذا كدرتي طبعا  واني جدا اشكرج على اخبارج الحلوة

صباح الخير حسام
هااي اعداد المسافرين لطيارة البارحة ,
http://www.ankawa.com/forum/index.php/topic,652448.0.html
تحياتي الك وللاخت الاكثر من رائعة .. رنا

283
صباح الخيــــر
اليوم هو الثلاثاء  والمصادف 26\3\2013 .  الرحلة كانت بالـــ( 9:00 صباحا )وكان عدد الي سافروا ( 36شخص ) اكثرهم عوائل   ( من ضمنهم 9 اشخاص أس أي في) اغلبهم مقابلين بال2011.. .
ان شاء الله يوصلون بالسلامة.
وحبيت ابلغكم ادارة المطار قررت السماح  بعودة ( 50 سيارة جي ام سي ) للعمل داخل المطار ,, يعني نوعا ما المسافرين راح يرتاحون شوية ..والتاخير بالدخول الى المطار راح يكون اقل .
تحياتي

284
مساء  الخيـــــــر
اليوم هوالاثنين والمصادف 25\3\2013 . وكان عدد الي سافروا ( 40شخص ) اكثرهم عوائل . واكو سنكل وياهم .  وكلهم أي أو أم . وبعض ارقام الكيسات 101و103و107و111و126و127و129. واكو بعد ارقام بس ما قبلوا ينطوها ( خايفين ) وحقهم طبعا.
يارب يوصلون بالسلامة.
ملاحظه : اكو عائلة من ( 3 نفرات ) ام واب وابنهم ( ولد شاب ) من وصلو لساحة عباس وده يستلمون التذاكر الولد ابو المنظمة انتبه على جواز من جوازاتهم لكاه نوع S !!!!!!!!!!!!!!!!!!!!!!!!!!!!!! وفوكاها منتهي الصلاحة . ورجعوا للبيت جابوا الجواز الجديد ( الي ناسي بالبيت ) يعني تبهذلوا خطية .
رجاء انتبهوا على هااي الحالة ... جيكوا جوازاتكم قبل ما تطلعون من البيت .

تحياتي

285
السلام عليكم إخوان اليوم صديق   سألني عن كمية الذهب المسموح بيها اذا سافر          مع تمنياتي لكل الإخوان والأخوات بالسفر.       شكرا
مساء الخير اخي الفاضل .
جوابا على سوألك ..
القانون العراقي يكوول
من حق كل شخص عراقي مسافر  ان ياخذ معاه عشرة الاف دولار امريكي + 100غم من الذهب . هذا الي يكووله القانون العراقي.
لكنننننننننننننننننن
اذا تسئلني هل هذا القانون مطبق في المطار 100% جوابي راح يكون لالالالالالالالالالالالالالالالالالالالا.
تكدر السيدة او البنية ان تلبس الذهب وان تخفيه  تحت الحجاب. واذا كانت اساور ( سوارات) ممكن تلبسهن بايديها وتحاول تخفيهن .
ونصيحة لوجه الله تعالى .. لا تحاول ان تضمهم بأي جنطة .... لان راح يبينون بجهاز الـــــ( X RAY ) مثل الشمس بعز الظهر بشهر تموز .
تحياتي




ههههههههههههههههههههههههههههههههههههههههههههههههههههههههههههههههههههههههههه منور اخونا دبس وراشي مثل نور الشمس بعز تموز و ياريت لو توضحلنا شنو اﻷشياء الي ما مفروض نضمها و عبالنا مرح تبين بلجنط و تالي متالي تنور نور الشمس ........
الله يستر عليك و يحميك من كل شر و يسهل سفرك يا اروع شخصة عراقي يشتغل بمكان مهم و عندة معلومات او معرفة بشئ مفيد و يساعد غيرة من اهلة و ناس العراقينن .

مساء الخير خيتووووووووووووو

من الاخير وراح اطلعلكم بالنظيف  ههههههههههههههههههه
كل شيء كل شيء كل شيء كل شيء كل شيء كل شيء كل شيء ( يمه تعبت ,,,,,,,) !!!!!!!!!!!!!!!!
يبين بجهاز الـــــــــ(X RAY).
يعني اصفنوا وحاولوا تتخيلون اي شيء بالدنيا .. والنتيجة راح تكون .....يبين بهذا الجهاز
هاااا يابة شلونه النظيف ؟؟!!!!!!!!!!!!!!
تحياتي

هااااااا نسيت اكولكم .. ترة هذا الجهاز مو مثل جهاز الاشعة الي بالمستشفيات والعيادات الطبية ,,,, لاعيني لالالالالالالالا.
هذا شغلته يطلع البلاووووووووي . ويطلع الحية من الزاغووووووووور ;) ;) ;) ;) ;). ههههههههههههههههههه

286
السلام عليكم اخونا العزيز ..  انا  اريد اسئلك ويارب تجاوبني  .. انا رقم الكيس مالتي ووالدتي يبدي 107 .. اشو محد يجيب سيره هاى الرقم  .؟؟؟  صارلنا  3 سنوات ونص مخلصين محلفين ودورات وفحص طبي للمره الثامنه  ... ممكن  يكون عندك  معلومه ....  شكرا جزيلا  اخوي العزيز  .. اختك زازو
مساء الخير اختي الفاضلة
والله لو عندي جواب لسوالج ..جان جاوبتك.
ومنو يكوول الي كيساتهم 107 مدا يسافرون ؟؟ احتمال من ضمن الي يسافرون اكو كيسات بهذا الرقم .. بس المشكلة مو كل المسافرين يحجون بارقام كيساتهم .. ومو كل المسافرين اعضاء بمنتدى عينكاوا. يعني اني متاكد اكو عوائل سافرت وارقام كيساتهم 107 بس ما حجو  وما كتبوا تفاصيل ملفهم ..لسبب بسيط,,,, همه مو اعضاء بهذا المنتدى الرائع.
تحياتي

287
السلام عليكم إخوان اليوم صديق   سألني عن كمية الذهب المسموح بيها اذا سافر          مع تمنياتي لكل الإخوان والأخوات بالسفر.       شكرا
مساء الخير اخي الفاضل .
جوابا على سوألك ..
القانون العراقي يكوول
من حق كل شخص عراقي مسافر  ان ياخذ معاه عشرة الاف دولار امريكي + 100غم من الذهب . هذا الي يكووله القانون العراقي.
لكنننننننننننننننننن
اذا تسئلني هل هذا القانون مطبق في المطار 100% جوابي راح يكون لالالالالالالالالالالالالالالالالالالالا.
تكدر السيدة او البنية ان تلبس الذهب وان تخفيه  تحت الحجاب. واذا كانت اساور ( سوارات) ممكن تلبسهن بايديها وتحاول تخفيهن .
ونصيحة لوجه الله تعالى .. لا تحاول ان تضمهم بأي جنطة .... لان راح يبينون بجهاز الـــــ( X RAY ) مثل الشمس بعز الظهر بشهر تموز .
تحياتي

288
مساء الخير اخي دبس وراشي ممكن تسأل موظف ال iom  على السفر على الاعداد الباقيه لدى المنظمه وانتظر منك جواب لجميع الاخوه لكي يتم التعرف على العدد الذي سوف يبقى تحياتي الك والى الاخت رنا  وممنون من حضرتك

مساء الخير اخي الفاضل
هذا السوال اني سائلة للشباب بالمنظمة ... والجواب كان :
مانعرف
لان وظيفتهم بالمنظمة ( مساعدين ومنسقين ) بقسم السفر .
وهمه يستلمون الايميلات من عمان باسماء وارقام وعدد الجنط وخط الرحلة للمسافرين قبل موعد السفر بحوالي 10 ايام ..يعني اذا سئلهم عن عدد الاشخاص الي راح يسافرون بعد 15 او 20 يوم ..مراح يعرفون . .. اتمنى وضحت الفكرة.
تحياتي

289
تسلم دبوسي الوردة  على الاخبار وسجلتك غياب هههههههه


مساء الخيــــــر اختي رنا
ترة اني موجود اليوم بالمطار .. ومن الصبح ..
واذا ما تصدكين جيبي صمونه احلفلج عليها . هههههههههههههه
تحياتي

290
زين خويي دبس وراشي ... اليوم شنو ماكو سفر ...؟؟؟؟؟؟؟

 مساء الخير اختي warda laith

ليش دكولين هيج؟؟؟؟
اليوم اكو سفر ( ان شاء الله) . بس الرحلة اليوم بالــ 10:00 مساءا.
وراح اكون موجود حتى اكتبلكم اعداد هذا اليوم .
تحياتي

291
صباح الخيـــــــر
اليوم هو الاحد والمصادف 2024\3\2013 . وكان عدد الي سافروا ( 53شخص ) اكثرهم عوائل . واكو سنكل وياهم . { حسب ما نقله صديق الي بالصالة} واعتذر منكم  .. لان بصراحة وصلت متأخر للمطار .
ان شاء الله يوصلون بالسلامة.
تحياتي
ليش هيج خوية دبوسي 2024 كاتب ما بينه حيل ننتضر هيج اموت والله ههههههههه عاشت ايدك عالاخبار وممنون حبي

حبيبي dying to leave

اشكرك على التوضيح.. (  والله من كتبتها جنت نص ربع ) نايم هههههههههههههههههه ;) ;) ;) ;) ;) ;)
وتم التعديل يا ورد


اخوتي وأخواتي .. اشكركم من كل قلبي على كلماتكم الرائعة.
يااااااااااااااااااااااااااااارب  يوم سفركم .
تحياتي

292
صباح الخيـــــــر
اليوم هو الاحد والمصادف 24\3\2013 . وكان عدد الي سافروا ( 53شخص ) اكثرهم عوائل . واكو سنكل وياهم . { حسب ما نقله صديق الي بالصالة} واعتذر منكم  .. لان بصراحة وصلت متأخر للمطار .
ان شاء الله يوصلون بالسلامة.
تحياتي

293
مساء الخيـــــــر اخوية سينا

الف الحمد لله على سلامة وصولك مع العائلة الى امريكا.
واكيد جانت رحلة متعبة ..بس بالاخير وصلتوا بسلامة  من بعد طول انتظار  وتعب.
موفق بحياتك ياورد. وان شاء الله الامن والامان ( الي الكل تحلم بي) تلكاه امامك . ويارب الموفقية بحياتك الجديدة.
واعتذر من اي تقصير بدر مني بالمطار .
تحياتي

294
مشكور اخي دبس وراشي على نقلك الاخبار الرائعة والمشجعة ويوم سفرك وسفر كل 
المنتظرين كان امنيتي اتشرف بمعرفتك بالمطار  بس انخبصنا خبصة الله يدري بيها هناك
ولكن الحمدلله مشت الامور بصورة جيدة والحمدلله ما عدا تعب السفر والانتظارخاصة في مطار عمان
 شكرا للمعلومات اللي قدمتها ورغبتك الصادقة في مساعدتي وعائلتي وهذه من شيمك واخلاقك الراقية
وشكرا لكل من قدم تهانيه لمناسبة وصولي ارض الولايات المتحدة واتمنى الموفقية لك ولجميع اعضاء منتدى
عنكاوة الاعزاء ويارب يسهل اموركم ويعجل بسفركم امين يارب العالمين

اختتتتتتتتتتتتتتتتتتتتتي ام الحلوات

الف الف الف الف الف الحمد لله على سلامة الوصول .
والله يا اختي ضل بالي يمكم لان جنت اعرف بموعد سفركم  وجنت اتوقع واتمنى ان اقووووووووم بمساعدتكم . بس من ما اتصلتي بية صدك ضل بالي .. وخصوصا بيوم سفركم  جان وياكم الاخ سيناتور  وعائلته والاخ نمرو وعائلته .. والى ان وصلوا الى عمان اني ضليت اسئلهم عليج وعلى العائلة .. ويكولولي ما نعرفها او نعرف عائلتها .
هسه من قريت انتي والعائلة الكريمة وصلتوا ارتاح بالي وأطمئن قلبي .
الف الحمد لله والشكر على سلامة الوصول .موفقين بحياتكم الجديدة اختي الفاضلة .
تحياتي

295
مساء الخير

الف الف شكر وتحية اكبار وامتنان لكل من ترك تعليق او ثناء او ترحم  لي والى والديّ. ممنون منكم وشاكر فضلكم وان شاء الله  دين برقبتي ارده الكم يوم سفركم .
مثل ما تعرفون المنظمة توقف السفر للايام ( الخميس و الجمعة و السبت ) هذا نظام المنظمة . فان شاء الله راح يستأنف السفر يوم الاحد المصادف 24\3\2013.
وان شاء الله راح ابقى متواصل معاكم بكتابة اعداد المسافرين .
تحياتي

296
مساء الخير

الف الحمد لله والشكر على استلام  (السوشل نمبر والفود ستامب وبطاقة الباص). والله ابو احمد مو لان بي ام اخوك.. بس هذا الولد يدخل للقلب بدون استأذان .

موفق بحياته الجديدة ان شاء الله . وسلامي الحار اله .
ويوم  سفرك وسفر باقي افراد العائلة ان شاء الله .
تحياتي

297
شكرا جزيلا الك اخي العزيز دبس و راشي على تواصلك ويانا و تزويدنا بالاعداد مال المسافرين
لكن الي طلبك يمك انت و الاخت رنا انه تجمعون الاعداد من بداية الشهر الثالث الى الان
لان الاخ العزيز ابو مريومة نزل موضوع بخصوص العدد المتبقي ببغداد لعد شهر الثاني 2013 و كان العدد المتبقي من الي مستلمين قرار التاجيل هو 1847 فحتى نعرف شكد بقى من هالعدد نحتاج العدد الكلي لفترة العشرين يوم الي مضت اخذين بنظر الاعتبار عدد تخميني كما عدوتكم بمواضيعي السابقة بخصوص الاعداد يعني مثلا اذا الشهر سافروا 500 نطلع منهم 100 كعدد تخميني للي محصلين موافقة محلف بالجديد
و راح يبقى عندنا 400 ننقصهم من العدد 1847
و العدد التخميني ضروري لانه قبل استخدمته و نجح و طلعت العدد التقريبي للمتبقين وكان 2500 ببداية شهر 2 على ما اتذكر يعني ما حسبت الي سافروا بشهر 2 يعني يبقون 2000 و هذا العدد كان قريب جدا الى العدد الحقيقي الي ذكره الاخ العزيز ابو مريومة و هو 1847
تحياتي و لكم جزيل الشكر مقدما

مساء الخير اخي single man

عدد الي سافروا من بداية الشهر الثالث  ولغاية يوم 20 لنفس الشهرلسنة 2013 هو ( 730 شخص )  زائد او ناقص عشرين شخص .. لان اكو يومين اني ما جنت بالمطار .. وصديق الي انطاني اعداد هااي اليوم .
ملاحظة: اكو سفر من اربيل .. بصراحة ما عندي فكرة عن الاعداد!!!!!!!!!!!ا
تحياتي الك ولمجهودك الرائع.

298
عاشت ايدك اخي العزيز دبس وراشي وتحيه الك ولاختنا رنا لنقل هذه الاخبار الحلوه عن استمرار السفر ويوم الي تفرحونا بسفركم ان شاء الله واحب اشكرك مره اخرى على موقفك الحلو معي بالمطار ولكل مواقفك الشهمه مع الكثير من اعضاء المنتدى

تأمر أمر
واعتذر مرة ثانية من التقصير

299
مساء الخيـــــــر والامن والامان على كل العراقين.
  اخوتي وأخواتي
بالنظر لكثرة الرسائل الي استلمها على الخاص . والي تطلب مني ان انزل اعداد المسافرين الى امريكا ( عن طريق الــ أي أو أم )  تحت  عنوان خاص بهذا الموضوع.اضطريت ان البي طلبكم . وهااي اول الاعداد الي اكتبها تحت هذا العنوان الجديد.

اليوم هو الاربعاء والمصادف 20\3\2013 .  الرحلة كانت بالـــ( 10:00 ليلا )وكان عدد الي سافروا ( 42 شخص ) اكثرهم عوائل  ارقام كيساتهم 102-109-111-113-115-117-121-127.. وبيهم كيسين  أس أي في  مقابلين سنة 2011 .
ان شاء الله يوصلون بالسلامة.
تحياتي

300

والله  العظيم سوالفج نستني تعبي وهمي. والي صار بالبلد البارحة .
موفقة بحياتج خيتو .. والرب يحفظج ويحفظ ابو بيتج .
تحياتي

301
وين البشارة مالت اليوم ولو السفر بلليل

صباح الخيــــــــــر ابو حمودي
 اليوم الرحلة مسائية  واني ان شاء الله راح اكون موجود.
فصبرا جميل ابو حمودي الذهب .... والله المستعان .
تحياتي يا غالي
   السلام عليكم اول ماقريت الخبر (واني راح اكون )أصورت انت  راح اتسافر وكلت ويه نفسي يالله وانشالله سفرك قريب اخونه العزيز دبوسي  المحترم والف رحمه ع روح والديك على كل ماتقدمه لاخوتك العراقيين

والرب يرحم اهل بيتج الطيبين اختي الفاضلة .
ممنون منج .. وعلى راسي
تحياتي

302
وين البشارة مالت اليوم ولو السفر بلليل

صباح الخيــــــــــر ابو حمودي
 اليوم الرحلة مسائية  واني ان شاء الله راح اكون موجود.
فصبرا جميل ابو حمودي الذهب .... والله المستعان .
تحياتي يا غالي
   السلام عليكم اول ماقريت الخبر (واني راح اكون )أصورت انت  راح اتسافر وكلت ويه نفسي يالله وانشالله سفرك قريب اخونه العزيز دبوسي  المحترم والف رحمه ع روح والديك على كل ماتقدمه لاخوتك العراقيين

والرب يرحم اهل بيتج الطيبين اختي الفاضلة .
ممنون منج .. وعلى راسي
تحياتي

303
صباح الخير  والامن والامان ( ان شاء الله ) على عراقنا الجريح . وعلى كل العراقين .

بصراحه شفت بعض الصور عن التفجيرات الي صارت البارحة ..... ضليت ساكت ما اعرف شأكوول وشأحجي !!!!!!!!!!!!
بس لكيت هااي الصورة .. الي اعتقد اختصرت كل الكلام الي من الممكن اكولة .
وبالاخير . حبيت اكوول
حسبي الله ونعم الوكيل
والجنه للشهداء الي سقطوا البارحة ( وما الهم اي ذنب ) . والصبر والسلوان لذويهم . والشفاء العاجل لكل الجرحى.
وسلامتـــــــــــــــــك يـــــــــــا وطـــــــــــــــــــــن.
اخوكم دبس وراشي

304
وين البشارة مالت اليوم ولو السفر بلليل

صباح الخيــــــــــر ابو حمودي
 اليوم الرحلة مسائية  واني ان شاء الله راح اكون موجود.
فصبرا جميل ابو حمودي الذهب .... والله المستعان .
تحياتي يا غالي

305
اخ دبس وراشي ............. اني عندي كرستالات فازات اريد اخذهم ويايه اكدر اخليهم بالهاند باك لان اخاف عليهم لينكسرون بالجنطه الكبيرة بلكي اتجاوبني وبارك الله بيك

 مساء الخير اختي الفاضلة.
جوابا على سوألج ..ممكن جدا تخليهم بالهاند باك( اذا جان حجمهم صغير و وزنهم ما يتعدى الــ 7 كغم) , بس اذا تريدين رأي اخوج دبس وراشي . خليهم بالجنط الكبيرة .. وحاولي ان تلفيهم بأي شيء يحميهم من الكسر ( اكو نوع من والنايلون تكون بي فقاعات هوائية ) هذا كلش مفيد لهيج نوع من الكريستالات. واذا عندج وصل شراءهم يكون بعد افضل . لان اخاف مسؤول الكمارك يكولج هذني اثريات  وتراث و و و و الخ . هذا رأي دا انطي الج  بناء عن خبرة عشرات الحالات الي تمر علية بالمطار .
تمنياتي بسلامة الوصول لجنابج الكريم وللكريستالات . هههههههههههه.
واني حاضر ( ان شاء الله )لأي سوأل
تحياتي

306
دبوسي شنو السبب برايك معقوله من وره الوضع الامني مال اليوم الصبح اتاجلت كل الرحلات ولو همه اكيد عدهم علم باي شي ممكن يصير ابغداد عاتي عاتي عاتي  ;D رغوده هههههههه

حبيبي Mr.Iraq2011

عاااادي ,,, مرات تصير ( ولو نادرا) المنظمة ما يكون عدها سفر .. واعتقد هااي الحالة صارت قبل شهر او شهرين ..( اذا ترجع للايام الماضية ) راح تشوف صارت مرة او مرتين .
وما اعتقد للوضع الامني اي علاقة بعدم السفر عن طريق المنظمة .( والدليل اكو سفر لاهلنه الي بسوريا ) .
وبالمناسبة اليوم اكو سفر لباقي المسافرين على كل الخطوط الجوية . بس المنظمة ما طلعت مسافريها .
تحياتي

307
صباح الخير اخوتي

اخوية kafas كتبتلك على الخاص .
 حبيبي علوااااااااا . شعندي غيركم .. هااي وحده .. والثانية اتنوا اخوتي  واني اخوكم .. بيكم خير وادللو .. الي اكدر عليه اسوي  وان شاء الله ما اقصر وية أي واحد بيكم .
تحياتـــي

308
صباح الخير حبايب

اليوم هو الثلاثاء  والمصادف 19\3\2013 لم تقم المنظمة باخراج اي شخص ( يعني اليوم ماكو سفر ) .

اما يوم امس ( واني جدا اسف لان ما كدرت اكتبلكم ..لان جنت مسافر خارج بغداد) فجان عدد الي سافروا ( 50 شخص ) من ضمنهم اس اي في . والحقيقة ما عندي تفاصيل او ارقام الملفات . لان مثل ما كتلكم جنت خارج بغداد.
والف شكر لارقى حمامة ( اختنا رنا ) . يارب يوم نسمع بسفرها .
تحياتي

309
صباح الخير حبايب

اليوم هو الثلاثاء  والمصادف 19\3\2013 لم تقم المنظمة باخراج اي شخص ( يعني اليوم ماكو سفر ) .

اما يوم امس ( واني جدا اسف لان ما كدرت اكتبلكم ..لان جنت مسافر خارج بغداد) فجان عدد الي سافروا ( 50 شخص ) من ضمنهم اس اي في . والحقيقة ما عندي تفاصيل او ارقام الملفات . لان مثل ما كتلكم جنت خارج بغداد.
والف شكر لارقى حمامة ( اختنا رنا ) . يارب يوم نسمع بسفرها .
تحياتي

310
دبوسي عمي ههههههههههههههه اني وين اكدر اطلع عليك دعايات لو على المنظمة اني كلت ماكو اخبار قوية غير بس موعد سفر واعداد الواصلين من دبوسي يعني عمي انته اللي مفرحنا واحب اهديلك اغنية

العزيز انته العزيز انته    يا شمعتنه واملنا
وكل كلوبنا تحبك يا دبوس      والعزيز انته


رحنه ستة باسود والله !!!!!!!!!!!!!!!!!!!!!!!!!!!!!
ابو حمودي خلينه على درب اليمرون .. اريد اكعد وانادي

311
مرحبا أخوية ابو حمودي الذهب .

ليش هيج اطلع دعايات  على المنظمة وعلية !!!!!!!!!!!!!!!!!!

خالووووو... السفر موجود وهااي اعداد البارحة ..

صباح الخير

اليوم هو الاحد  والمصادف 17\3\2013  موعد الرحلة جان بالـــ ( 9:00 صباحا)وكان عدد الي سافروا (حوالي 76 شخص  ) عوائل وسنكل . واكو 3 اشخاص تاخروا بالوصول وراحت عليهم الرحلة .


تحياتي

313
صباح الخير

اليوم هو الاحد  والمصادف 17\3\2013  موعد الرحلة جان بالـــ ( 9:00 صباحا)وكان عدد الي سافروا (حوالي 76 شخص  ) عوائل وسنكل . واكو 3 اشخاص تاخروا بالوصول وراحت عليهم الرحلة .

تحياتي

314

مساء الخير اخوية
مثل ما تعرف اني اشتغل بمطار بغداد. و جوابا على سوألك حول الحقائب فالجواب كلاتي :-
1- اذا جان خط السفر ( بغداد- عمان - امريكا ) فمن حق كل شخص ان ياخذ جنطتين وزن كل وحده 23 كغم + هاند باك بوزن 7 كغم + لابتوب .
2- اذا جان خط السفر ( بغداد - عمان - {فرانكفورت او باريس او اسطنبول او القاهرة} - امريكا ) فمن حق كل شخص ان ياخذ جنطة وحدة وزنها 23 كغم + هاند باك + لابتوب .

وان شاء الله من يجي موعد سفركم اني مستعد ان احجي ويه موظفي الخطوط الجوية حتى يتساهلون وياكم بالوزن ( يعني ممكن ان  نزيد وزن الجنط )

ملاحظة
كل العطور + معجون الحلاقة + المعطرات + الجداحات + معطرات الجسم  او اي قنينة مضغوطة . يجب ان تخليها بالجنط الكبيرة ( يعني الي راح تنشحن ) يعني ميصير تخليها بالجنطة الهاند باك .

واذا خطر ابالك اي سوال .. اي سوال  حول الحقائب  او اجراءات السفر او اي سواااال فاني حاضر للاجابة.
تحياتي ومبارك السفر .

315
مرحبا نائل
حبيت اشكرك ( على الرسالة الي دزيتها الي على الخاص)
حقيقة فضل مراح انساه الك طول عمري .
ودين برقبتي الى يوم القيامة.
ممنون منك جدا . ربي يوفقك ويستر عليك ويحفظ كل اهل بيتك.
تحياتي يا طيب .

316
أخوية  Grey Goose

صورة ( البطل ) مالتك  مثل الــــ  X RAY  . لان بينت  كل الخبرات  بالمشروبات الروحية ..والاراء بالمزات .. ههههههههههههههه.
روح اخوية رضيت عليك .. لا تخاف بعد .

317
اخي وصديقي Grey Goose( أبو البطـــــــــل) المحترم .
 الف الحمد لله على سلامة وصولك الى ارض ( البّطالة) جمع بطل !!!!!!!!!!!!!!!!!ا
من قريت تفاصيل ملفك دخت .. لان انته المنظمة مودية وجايبة بيك ومخربطة وياك . فحقك اخوية تاخذ البطل وياك وين ما تروح لان هذا احسن دوه  ينسيك خربطة المنظمة ..
وبالنسبة للي سويته الك +وكفتي وياك بايام سفرك فصدكني يا اخي اني ما سويت الا الي اسوي وية الكل ..وانته طيب وتستاهل كل الخير .والدليل المنظمة ضافوا اهل زوجتك على قضيتك . تستاهل كل الخير والنجاح .موفق بحياتك وسلامي لكل الاهل واعتذر على التقصير .
تحياتي

318

المضحك والمبكي بنفس الوقت
عندما يجلس احدنا و( ويبدي ) يتفلسف عن تأريخ العراق .. حين يقول( تأريخ هذا البلد يمتد الى  اكثر من ثلاثة الاف سنة.. واثار الحضارة الاشورية والكلدانية شاهد على ذلك!!!!!!!!) .
وهو ميعرف حضرت جنابة ديحجي على سكان هذا البلد الاصلين ( الاشور و الكلدان ) يعني اجداد اجداد........ اجداد اجدانة. !!!!!!!!!!!!!.
يعني .. شئنا ام ابينا اصلنننننننننه اشوري وكلداني . لو اني غلطان؟؟؟

على العموم ..
غمضوا عيونكم لثانيتين لا اكثر ( سوها لخاطري ) وتخيلوا حديقة جميلة بدون ورد ...
( هذا حالنه بدون المسيحيين )
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
تحياتي

319
مساء الخير حبايبي

اليوم هو الارعاء والمصادف 13\3\2013 المفروض يسافر ( اكثر من سبعين شخص ) بس مع الاسف كثيرررررررررر منهم ما حضروا والي اجوي وسافروا ( 42 شخص ) وكلهم اي او ام .
والارقام 110-103-108-117-119-121-114 واعتقد اكو بيهم كيسين 127

تحياتي .

320

 مساء الخير اختي الفاضلة .

العدد الي كلتي ( اكثر من سبعين صحيح) بس مع الاسف كثيرررررررررر منهم ما حضروا والي اجوي وسافروا ( 42 شخص ) وكلهم اي او ام .
والارقام 110-103-108-117-119-121-114 واعتقد اكو بيهم كيسين 127

تحياتي وشاكر فضلج .

321
تسلمون  والله اني من 12 خلص دوامي والى هسة بعدني بالمطار اريد اعرف العدد بالمضبوط والله اني افرح من اشوفكم فرحانين الله يجعلكم فرحانين ومتفألين دائما والسفر للكل  واني هم
وكل عام وانت بحير ايهاب وان شاء الله العيد ميلاد الجاي انت بأمريكا


مساء الخيــــر يا حمامة الخيــــــر.
خيتو رنا .. اذا تحبين توكلي على الله وروحي للبيت .. اني موجود اليوم بالمطار .. واكدر انقل من خلال موضوعج ( اذا سمحتيلي) الاعداد بالمظبوط..
الرحلة راح تكون بالــــ( 10:00 مساءا). والمسافرين راح يبدون يدخلون للصالة بالــــ( 7:00 مساءا) واعتقد الوكت راح يكون متأخر عليج.
تحياتي وبارك الله بيج . يا بنت الاصل والاصول

322
صباح الخير اخوية محمد.
مبروك موعد سفر الوالدة ( الرب يطوول بعمرها ) ويوم سفرك ان شاء الله.
اخوية اني حاضر للمساعده بمطار بغداد.
اكتبلي على الخاص اذا تحب اي مساعده
تحياتي

323
صباح الخير اخوية نمرو
الف الحمد لله على سلامة وصولك مع العائلة الى بلاد العم سام ( هم يجي يوم واحضنه لهذا العم ) !!!!!!!!!!!!!ا
موفق بحياتك الجديدة . الرب يحفظك ويحفظ اهل بيتك .
جدا ممنون منك لان طمنتنه على باقي اخوانه الي وصلو وياك . وخصوصا اختنه العزيزة ( ام الحلوات) .
تستاهل كل الخير اخي نمرو .. واعتذر من اي تقصير بدر مني .
تحياتي

324
عاشت ايدك عيني دبوسي بس لو اعرف تقصد 2012 لو 2013  يا معود مو احتركت اعصابنا .


اسف جدا فرندو
  2013

325
روح اخوية طبكت وياكم بالسره .
دبس و راشي
IZ-121  بغداد
من  سنة 2010
والملف هولد من شهر العاشر 2012
تحياتي الك ولكل الاخوة والاخوات .

326
دبوسي بما انو اني حمامة الخير رح اسميك صقر المطار لان الصقر دائما يرصد الاشياء من مسافات بعيدة وبما انو انت دترصد اعداد المسافرين فأتصور هاي التسمية حلو طبعا اذا قبلت
تحياتي الك  شنو رائيك ابن البلد

ما اكدر ارد طلب لأخت عزيزة وتاج على الراس .. صقر بس لابس مناظر ههههههههههههههه.
ممنون منج خيتو .
تحياتي

327
سينااااااااااااااااااااا  هههههههه واخيرااااااااااااااااا صارلنه شكد ننتظر
مليون الف مبرووووووك وصولك بالسلامه وتحياتنا لدبوسي وبارك الله بيه ع مواقفه ويوم سفره ان شاء الله
 وننتظر سينااااااا تفاصيل الرحله والاشياء المضحكه الي صارت  ;D ;D تستاهل كل خير سيناااااا وان شاء الله تتوفق بحباتك الجديده

 عاشت ايدج Ray
تستاهل كل خير سيناااااا وان شاء الله تتوفق بحباتك الجديده
 هههههههههههههههه
تحياتي

328
ابن البلد
راح استعمل ( حمامة خبر الخير ) لتسمية اختنه العزيزة والاكثر من رائعه . رنا

عاشت ايدك اخوية على هل التسمية .
تستاهليها والله .

329
واخيرا كوكي سافرتي
كلو لو لو لو لو لو لو لو لو لو لو لو لولو لو لو لو لو لو لو لو ش
يمه صعد ضغطي صالي هواااية ما مهلهل
والله خيتو تستاهلين  لان انتظرتي هوااااااااااااااااااااية . وتعذبتي هوااااااااااااااااية .
والحمد لله الله عوضج هذا الانتظار وهذا العذاب بسفرة ميمونه . وان شاء الله الخير تلكي كدامج  يابنت الخير .
تحياتي  اختي الغالية .

330
السلام عليكم اخوية ابن الصويرة .
الف الحمد لله على سلامة وصول اخونه ابو فهد( والله قلبي ضل مشتعل نار عليه ) لان انقطعت اخباره عني قبل سفره بيومين .. وضل بالي بس لا ما لحك يرتب اموره او صار شيء عليه بالطريق .
بشرك الله بالخير  اخوية وعاشت ايدك على هل الخبر .
تحياتي الك وللاخ ابوفهد . واعتذر على اي تقصير بدر مني .
تحياتي

331
صباح الخيــــــــر اختي رنا . اولا كل عام وانتي بالف الف خير .. يارب الصحة والسعادة والموفقية الج ولكل اهلج  يا اصيلة يا بنت الاصول.
ثانيا . الحمد لله على سلامة الوصول .. للمطار
ثالثا ..لان جنتي متاخرة ( والمفروض انتي اليوم مجازة ..لان البارحة عيد ميلادج ) ههههههههههههههههه. العدد جان اكثر من 100 شخص .. وجانت هوسه يم كاونتر الملكية .. وقسم منهم ما اجه لاسباب معينه .
تحياتي وتحيات كل اعضاء المنتدى الج .. الرب يوفقج وينطيج كل الي تريدي .

332
سينااااااااااااااااااااااااااا  حبيبي ,, الف الحمد لله على السلامة .
يابة والله انته العلم .. ونيتك صافية .. وابن خير وقلبك طيب ..
 مشتاق اسمع المواقف المضحكة .. سلامي الك ولاخونه ( نمـــــ......) الي ويانه بالمنتدى .
بشرني  الاخت ( .......) الي دزيتلك مسج اسئلك عليها جانت وياكم ؟؟؟؟.
والف الحمد لله على السلامة مره ثانية .
تحياتي يا اصيل

333
صباح الخيـــــــــــــر اخوتي وخواتي

حبيبي ابو احمد الورد,, كلشي ولا الضغط فدوة اروحلك .. توبة بعد اذا اخذ اجازة .. احسبها علية هههههههههههههههههه
Mr.Iraq2011  حبيبي بدون ما دكصون من راتبي ,, بعد ما اخذ اجازة .. راح افرش وانام بالصالة . ههههههههههه

هسه نجي للخوش اخبار
اليوم هو الثلاثاء والمصادف 12\3\2013 وجان عدد المسافرين اليوم الى امريكا ( اكثرررررررررررررررررر من 100 شخص ) ضااااااااااع الحساب علية  لان جانوا خيررررررررررررررر من الله  وقسم من الكيسات ( 101و104و109و111و112و119و117و121و131) وبيهم اس اي في مقابلين بال2011..وقسم منهم ما اجوي!!!!!!!!!!!!!.
ملاحظة : اليوم عائلتين اضطرت تفتح جنطها وتذب من غراضها  لان الجنط جانت اكثر من الوزن المسموح بي بكثير ... يعني تصوروا اقل جنطة جان وزنها 30كغم .. يابة مو هييييييييج !!!!!!!!!!!!!!!!! خلوا الله بين عيونكم ( والله شغلات ما تسوه خاليها بالجنط ) .. يعني الوزن المسموح 20كغم .. خليلك فد 5كغم بالزايد فوكاها .. ممكن تمشي ..بس مو 10 او 15 كيلو وزن زايد..!!!!!!!!!!!.
على العموم يوصلون بالسلامة ان شاء الله .
تحياتي

334
صباح الخيــــــــــر اختي رنا
كل عام وانتي بالف الف خير .. يارب سنه  جديدة مليئة بالأمن ,الأمان الج ولكل افراد العائلة .
ان شاء الله عيد ميلادج السنه الجاية تسوي بامريكا ..
كولي أميييييييييييييييين.
تحياتي

335
مســـاء الخيــــر اخوتي واخواتي

أولا  وقبل كل شيء .. احب اكوول للاخت زينب .. اهلا وسهلا بيج بين اخوتج واخواتج وعودة ميمونه.

ثانيا اليوم هو الاثنين والمصادف 11\3 . وكانت الرحلة مسائية . وعدد الي سافروا اليوم ( اكثر من 60 شخص ...حسب ما نقلي صديق  بالمطار) لان اني اليوم  مجاز .

تمنياتي للكل بسلامة الوصول .
تحياتي

336
مرحبا... اسطنبولي.

والله الك وحشة يا طيب ويا اصيل..

حقيقة كلللللللللللش فرحت من دا اسمع اخبارك ( ملتهي بالدراسة ) يعني ان شاء الله اول الخطوات بطريق النجاح والرقي المهني والاجتماعية بديت تخطوها.
 وكلمة ( اتعب تلعب ) ..مثل ما كتلك ومثل ما يعرف الجميع هااي الجملة تنطبق بكافة الدول ( واولها امريكا) لكن مع الاسف بالوقت الحاضر ما تنطبق بالعراق !!!!!!!!!!!!!!!!!.
حبيبي ,, ان شاء الله ما يضيعلك اي تعب .لان انته تستاهل كل الخير والنجاح.
موفق بحياتك .
تحياتي

337

 مساء الخير اختي تيولب .

الف الحمد لله على سلامة الوصول ..
شكد ما اريد اكتب  اني او الاعضاء . مراح نوفيج حقج . وتعاونج ومساعتج الي والى اي عضو طلب النصيحة او المشورة منج . لان انتي انسانه يعجز الكلام وتقف الحروف امام تواضعها وحب مساعدتها للناس .
واعتقد الي سويته وياكم بالمطار لاشيء للي سويتي وقدمتي للخوة والاخوات بهذا المنتدى ( البيت ) الرائع .
انحني اجلال لتوضعج ولطيبة قلبج. واقدم اعتذاري على اي تقصير بدر مني .( وشغلة البقلاوة . والله حسبيها وصلت . ولا يضل ابالج )
موفقة اختي الفاضلة بحياتج الجديدة .
تحياتي الى كل العائلة الكريمة .
تحياتي

338
الحمد لله ع سلامه تيولب ومشكور الاخ دبس وراشي لمواقفك الحلووه ويه الاخوه الاعضاء

 اهلا والف هلا باختي Ray

وين هل الغيبة ؟؟ اشو لا خبر لا جفية لا حامض حلو لا شربت؟؟؟

ان شاء الله سبب الغياب يكون خير .
تحياتي
 

مشكور اخويه دبس ع السؤال  خير و الحمد لله شويه الملف تحرك خطوه ليكدام 
دبس عيني ما تسويلك تنسيب لمطار تركيا فد شهر  ;D

راي ,,,

الف مبروك تحرك الملف ..يارب يوم السفر .لان انتي تستاهلين كل الخير . وصبرتي هوااية .
 اذا اجيت يمكم بمطار تركيا . راح اعوف المسافرين .. والتهي اصالح بنور ومهند..لان الشفية يومية مزعلها ( عمة عيني عليها ) .
فخليني هنا خيتو . اساعد الي ديسافرون .
بالمناسبة .. اليوم علم من اعلام المنتدى سافر .
تحياتي

339
الحمد لله ع سلامه تيولب ومشكور الاخ دبس وراشي لمواقفك الحلووه ويه الاخوه الاعضاء

 اهلا والف هلا باختي Ray

وين هل الغيبة ؟؟ اشو لا خبر لا جفية لا حامض حلو لا شربت؟؟؟

ان شاء الله سبب الغياب يكون خير .
تحياتي

340
خير الكلام ما قل ودل
يعنييييييييي
 من الاخير

تيولب وصلت الى امريكا
تحياتي الج اختي الفاضلة وموفقة بحياتج . لان تستاهلين كل الخير . يا بنت الاصل والاصول .
تحياتي واعتذر من التقصير .

341
تسلم دبس وراشي  ويارب يوم الي تبشرني بموعد سفرك علمود اوصلك للطيارة
ههههههه

تسلمين خيتو.. والله ادري بيج ما تقصرين .. بس اليوم اني هم جنت بالمطار . وصلت اعضاء من المنتدى  همه وعوائلهم لباب الطيارة .. ههههههههههههههه
وان شاء الله اوصلج قبل ما توصليني .. ( صرنه واحد يعزم الثاني على باب الطيارة) هههههههههههههههههه.
تحياتي خيتو

342
صباح الخيـــــــر اختي الفاضلة رنا
 .
الف الف شكر على المعلومات الي والاخبار المفرحة الي ده تنقليها للاخوة والاخوات الاعضاء .

بارك الله بيج وباهل بيتج يا اصيلة يابنت الاصول . تمنياتي الج وللعائلة الكريمة بالسفر والامن والامان.
تحياتي اختي العزيزة.

343

صبــــــــاح الخيـــــــــر

اليوم هو الاحد والمصادف 10\3\2013 كانت الرحلة الى عمان بالــــ( 10:00 صباحا) وكان عدد الي سافروا عن طريق المنظمة ( اكثررررررر من 90 شخص) عوائل  وسنكل وبيهم أس أي في ,,بالحقيقة اعتذر لان ما كدرت اكتب عدد الي سافروا بالمظبوط لان التهيت ويه عضوية رائعين ويانه بالمنتدى . كان سفرهم اليوم مع عوائلهم . وارقام كيساتهم 117 و 123 .  وخط رحلتهم ( بغداد-عمان-فرانكفورت-امريكا) .
تمنياتي الهم بالوصول بالسلامة والموفقية والنجاح.
تحياتي

344
مساء الخيـــر اخوتي واخواتي
حبيت ابشركم باستمرار السفر عن طريق المنظمة . وان شاء الله باجر ( 3 من الاعضاء المحترمين ) سيكون سفرهم من مطار بغداد. الى الولايات المتحدة الامريكية.وان شاء الله سيكتبون تفاصيل ملفاتهم وتفاصيل رحلتهم عند وصولهم . نسئل الله ان يصلون بالسلامة . وان يوفقهم بحياتهم الجديدة.
تحياتي

345
  مرحبا اختي انامل
 اخونه او اختنه @LOVED & ANAS@ . الاسعار الي ذكرتها صحيحة ..لكن هااي قبل شهرين . حاليا النقل مجانا من ساحة عباس الى الصالة ( سواء بالباصات او بالجمسيات ) لكن بعض المسافرين يدفعون بخشيش ... وهااي تعتمد على امكانية المسافر . وعلى نفسية السايق .. صديق الي قبل اسبوعين جان مسافر الى امريكا .. صعد بالجمسي وجانت وياه عائلته و6 حقائب .. دفع 25 الف دينار الى السايق ( كاكرامية ) . لكن السايق رفض ياخذها . يعني كلمن ونفسيته وطباعه.
اتمنى الصورة صارت اوضح الج .
 وأي سوال اني والاخت رنا ( جزاها الله عنا الف خير ) حاضرين للاجابة عنه .
تحياتي



بارك الله بيك  اخي دبس وراشي   كفو منك

اني اخوك دمروني كلش 

تحياتي 

أخوية دمااااااااااااااااااااار
شلونك حبيبي ؟؟ هااي شنو ؟؟؟؟ اشو غير اسم وغير شخص  ونيو لوك!!!!!!!!!!!!!!!!!!!

زين هذا ابو الالكلينكس والبسكت والجراوية والخشممممممممم  . وين لكيته ؟؟؟؟؟؟؟؟؟؟؟؟؟؟؟؟. فدوة بس لادكول بواشنطن دي سي !!! تره هسه احول ملفي لموزنبيق .
 
اأأأأأأأأأأأأأأأأأأأأأأأأأخ لو تعرف منو سافر البارحة ؟؟؟؟ الا ينقلب المنتدى .. بس مراح اكولك .خليها مفاجئه  ههههههههههههههههههههه.

تحياتي حبيبي


346
مساء الخيــــر يا اهل الخير
اليوم هو الاربعاء والمصادف 6\3\2013 .( جانت الرحلة بالــ10:00 مساءا) وكان عدد الي سافروا اليوم (51شخص ) عوائل وسنكل .. واكو (16 شخص ) اخذوا الحباية البارحة . واليوم تاجل سفرهم ( لعدم اكتمال التجيكات الامنية. يعني حددولهم موعد السفر اليوم  وراحوا البارحة اخذو الحباية . واليوم خابروهم من عمان بتاجيل سفرهم لعدم اكتمال التجيكات الامنية !!!!!!!!!!!!!!!! .

وحبيت ابشركم اليوم من ضمن الي سافروا  اخت بالمنتدى عزيزة علينا كلنه وانسانة رائعة من عائلة نبيلة وراقية  وما فد يوم واحد من الاعضاء دك بابها بسوأل وبخلت عليه بالاجابة .  سافرت وية عائلتها ( شلللللللللع) . وان شاء الله من توصل راح تكتبلكم تفاصيل رحلتها .
اندعولهم بسلامة الوصول

تحياتي

347
  مرحبا اختي انامل
 اخونه او اختنه @LOVED & ANAS@ . الاسعار الي ذكرتها صحيحة ..لكن هااي قبل شهرين . حاليا النقل مجانا من ساحة عباس الى الصالة ( سواء بالباصات او بالجمسيات ) لكن بعض المسافرين يدفعون بخشيش ... وهااي تعتمد على امكانية المسافر . وعلى نفسية السايق .. صديق الي قبل اسبوعين جان مسافر الى امريكا .. صعد بالجمسي وجانت وياه عائلته و6 حقائب .. دفع 25 الف دينار الى السايق ( كاكرامية ) . لكن السايق رفض ياخذها . يعني كلمن ونفسيته وطباعه.
اتمنى الصورة صارت اوضح الج .
 وأي سوال اني والاخت رنا ( جزاها الله عنا الف خير ) حاضرين للاجابة عنه .
تحياتي

348
صبــــاح الخير اختي الفاضلة .

الي كالته اختنه الاكثر من رائعة  (رنا )كله صحيح.
وحتى ادخل بتفاصيل هذا الموضوع اكثر . راح اكتبلج الي من الممكن ان تلاقي بعملية دخولج للمطار .
شوفي خيتي,,,,
اذا اكو شخص من العائلة يقوم بتوصيلج الى ساحة عباس ابن فرناس ( موقف السيارت الجديد) فهذا خير على خير . واذا ماكو تأجرين تكسي من البيت الى ساحة السيارات يم عباس ابن فرناس . ومناك راح تلكين الخيارت الاتية :
1- اكو ( 4) جمسيات مسموح الها ان تدخل للمطار . اذا كدرتي تصعدين مع حقائبج بوحدة من هااي الجمسيات عملية دخولج الى المطار راح تكون اسهل واسرع .
2- باصات او كوسترات . هنا العملية راح تكون بطيئة ومتعبة نوعاما  لان بين ما يقبط الباص ويطلع يستغرق وقت .. وعملية تنزيل الجنط وتصعديهن اثناء التفتيش بنقاط التفتيش خارج الصالة .هم راح تكون نوعا ما بطيئة ( يعني توقعي الباص بي مسافرين كبار بالعمر  وانتي احسبيها شلون الكبار بالعمر يصعدون وينزلون الجنط من والى الباص او الكوستر . والى ان توصلين الى الصالة راح تكون العملية بالباص مستغرقة حوالي ساعة . واحسبي حساب التفتيش داخل الصالة فد نص ساعة .

 واذا عندج اي سوال . فاني والاخت رنا حاضرين للمساعدة .
تحياتي اختي الفاضلة واعتذر على الاطاله .

349
صباح الخير
اخوية الغالي ابو احمد الورد..
الف الحمد للرب على سلامة وصول اخونه بي ام ( بااااااالك لا ادعمك ههههههههه) . ويارب الموفقية والامن والامان والنجاح اله بحياته الجديدة.
حبيبي ابو حمودي .. صدكني جنت حاس بنفسي مقصر وية بي ام .. لان ما لحكت اتعرف عليه قبل السفر .. بس ان شاء الله اعوضها يوم سفرك وسفر العائلة ( الرب يحفظهم ).

وحتى اطمئن باقي الاعضاء من خلالك ومن خلال هذه البشارة . السفر اخوتي واخواتي على قدم وساق وبوتيرة متصاعده . لان المنظمة فتحت خطوط طيران اضافية عن طريق القاهرة وتركيا بالاضافة الى الخطوط القديمة ( عمان وفرانكفورت). وان شاء الله راح نسمع اخبار عن سفر كثير من الاخوة والاخوات ويانه بهذا المنتدى( البيت ) الرائع.
تحياتي الك يا ابو احمد الورد . وسلام الى الوالد .
مبروك مرة ثانية واعذروني من التقصير .
اخوكم دبس وراشي

350
صباح الخير اختي الفاضلة .
بارك الله بيج وبمجهودج الرائع .
يارب يوم نقرء على المنتدى خبر سفرج .
تحياتي .

351
صباح الخيـــــــــــر

شكري الجزيل على كل الكلمات الطيبة الي ده تخجلوني بيها .. وان شاء الله يجعلها بميزان حسناتكم وحسنات اهليكم .


اليوم هو الثلاثاء والمصادف 5\3\2013 .( جانت الرحلة بالــ9:00 صباحا) وكان عدد الي سافروا اليوم (43شخص ) عوائل وسنكل ..
واعتذر منكم لان جنت مشغول وما كدرت اسئلهم على ارقام كيساتهم .
تحياتي

352
مساء  الخيـــــــــــر اخوتي واخواتي

اليوم هو الاثنين والمصادف 4\3\2013 .( جانت الرحلة بالــ10:00 ليلا) وكان عدد الي سافروا اليوم (63شخص ) عوائل وسنكل .. وبعض ارقام الكيسات الي سافرت ( 103,111,105.127,130),وطبعا هااي مو كل الكيسات الي سافرت.. اكو غير ارقام  بس هذا الي لحكت اعرفة من بعضهم. وكان من ضمن الي سافروا اليوم  اخوة النه من محافظات الجنوبية . وكان قسم من  الكيسات خط الرحلة مالتهم.......    \بغداد-عمان-تركيا-لوس انجلس \.
اندعولهم بسلامة الوصول .
تحياتي

353
مساء الخير اخوتي وأخواتي.
الف الف الف شكر على الكلمات الرائعة الي كتبتوها بحق اخوكم دبس وراشي.. والله ياجماعة الخير افرح من اشوفكم فرحانين .
وصدكوني كل الي دا اسوي الكم او لاي شخص ديسافر هو شيء عادي .. واني متأكد اي واحد بيكم لو هو بمكاني راح يسوي نفس الشي . ويمكن اكثر .
مره ثانية اشكركم واندعي من الرب ان يحفظكم ويحفظ عوائلكم من كل سوء وشر .

حبيت انقللكم خبر ( اني اعتبره) طفرة نوعية بحركة السفر للمقدمين اي او ام .
الخبر ( واني متأكد منه) يكول. المنظمة فتحت خطوط طيران ( كونكشنات) جديدة . وهي كلاتي :
بغداد -عمان -القاهرة - امريكا
بغداد -عمان -تركيا -امريكا

بالاضافة للخطوط القديمة
بغداد-عمان- فرانكفورت -امريكا
بغداد-عمان -امريكا
اربيل -عمان-امريكا

يعني اعداد المسافرين ( ان شاء الله ) راح تستمر . وبوتيرة اذا مو متزايده . فراح تكون مستمرة .

تحياتي


دبوسي بشنو تريدني احلفلك انو اني من وراك باقي عايش بصحه ... لان وصلت مرحله يأس فد مره وحالتي النفسيه تعبانه جدا
بس من دا اقره هل الردود مالتك ديرجع عندي امل بالحياة وامل انو حيصير شي عل شغلتي ... حبيبي الله يوفقك ويفتحها بوجهك وتسافر
يااااااااااااااااااااااااااااااااااااارب

تحياتي وتقديري الك يا اعظم اخ
مساء الخير اخوية العزيزMr.Iraq2011

صدكني اعرف بيك تحس ( وباقي المقدمين على السفر) بظلم المنظمة واجراءاتها ( المملة),, بس صدكني بلحظة وحده يتغير كل شيء . تصور صديق الي اليوم سافر رقم ملفة 103 . وصالة اكثر من خمس سنوات مقدم  وعايد فحص خمس مرات !!!!!!!!!!!. ومن خابروا على موعد سفر عباله واحد ناصب عليه ( لان ما مصدك .. ونسى اصلا موضوع السفر) بس هي ارادة الرب . شاءت ان يسافر بهذا اليوم من بعد انتظاااااااار طويل .
نصيحتي الك اخوية الغالي ان تعيش حياتك .. ولاتفكر بموضوع السفر والمنظمة . الى ان يشاء الله أمرا كان مقضيا.

اشكرك على الكلمات الرائعة الي كتبتها ..ممنون منك . وحياك الله وحفظك واهل بيتك من كل شر وسوء.
تحياتي

354
مساء الخير اخوتي وأخواتي.
الف الف الف شكر على الكلمات الرائعة الي كتبتوها بحق اخوكم دبس وراشي.. والله ياجماعة الخير افرح من اشوفكم فرحانين .
وصدكوني كل الي دا اسوي الكم او لاي شخص ديسافر هو شيء عادي .. واني متأكد اي واحد بيكم لو هو بمكاني راح يسوي نفس الشي . ويمكن اكثر .
مره ثانية اشكركم واندعي من الرب ان يحفظكم ويحفظ عوائلكم من كل سوء وشر .

حبيت انقللكم خبر ( اني اعتبره) طفرة نوعية بحركة السفر للمقدمين اي او ام .
الخبر ( واني متأكد منه) يكول. المنظمة فتحت خطوط طيران ( كونكشنات) جديدة . وهي كلاتي :
بغداد -عمان -القاهرة - امريكا
بغداد -عمان -تركيا -امريكا

بالاضافة للخطوط القديمة
بغداد-عمان- فرانكفورت -امريكا
بغداد-عمان -امريكا
اربيل -عمان-امريكا

يعني اعداد المسافرين ( ان شاء الله ) راح تستمر . وبوتيرة اذا مو متزايده . فراح تكون مستمرة .

تحياتي

355
صباح الخيـــــــــــر حبايبي واخوتي واخواتي

اليوم هو الاحد والمصادف 3\3\2013 . وكان عدد الي سافروا اليوم (85شخص ) عوائل وسنكل .. وبعض ارقام الكيسات الي سافرت ( 103-117), واعتذر منكم لان التهيت ويه اصحاب هااي الكيسين . لان واحد منهم  ( علم من اعلام المنتدى ) والثاني صديق الي . فلتهيت بالسوالف وياهم وما كدرت اسئل على ارقام باقي الكيسات   ومن ضمن الي سافروا اخ وصديق النه بالمنتدى ( انسان راقي ومؤدب .. واهلة جدا تعبانين عليه وبتربيته)
وان شاء الله من يوصل راح يكتبلكم تفاصيل رحلته .
اندعوله بسلامة الوصول . وبالموفقية والنجاح بحياته الجديده .
تحياتي

356
صباح الخيـــر اخويـــة Grey Goose

الف الحمد لله على سلامة الوصول الك ولعائلتك الكريمة.
حبيبي صدكني من صعدتوا بالطيارة حسيت بنفسي مقصر وياكم . وما اديتلكم الواجب الي جنت راسمه ابالي .لان جنت اعرف وضعيت العائلة الي وياك محتاجة رعاية خاصة .. خصوصا بيهم كبار بالعمر واكو اطفال وياك + وضعية اهلك بيتك الطيبين والي اخليهم على راسي .
اما بالنسبة لموضوع التمثال .. فدوة اروحلك خلي ابن فرناس بمكانه .. لان الرجال كمز من السطح واستحق هذا التمثال . واني لو امووووووووووت ما اكمز من حايطططططططط.

اما بالنسبة لموضوع شيشة الراشي . صدكني اخوية العزيز اني اعتبرتها وصلت . وممنون جدا منك. وبنفس الوكت اعتذر مرة ثانية على التقصير .

بشرني .. غراضك كلها وصلت ؟؟

تحياتي  وامنياتي الك ولاهل بيتك بالامن والامان والموفقية والنجاح .
اخوك دبس و راشي 

357
السلام عليكم
ها خويه دبس وراشي اليوم واحد بالشهر صار اربع ايام محد سافر شو سكته تحياتي لك

صباح الخيـــــــــــر اخوية ابو جاسم .
 المنظمة تقوم بتسفير المتقدمين بالايام ( الاحد, الاثنين, الثلاثاء, الاربعاء) فقط . يعني ان شاء الله السفر راح يكون يوم 3\3  . وللعلم كثير من اعلام المنتدى راح يسافرون بهذا الشهر . ولان طلبوا مني ما اعلن اسمائهم .فاني ملزم ان البي رغبتهم. ومن يوصلون راح يكتبون تفاصيل ملفاتهم  وتفاصيل رحلتهم .
يوصلون بالسلامة ان شاء الله .
تحياتي

358

مساء الخيـــــــــــر حبايبي واخوتي واخواتي

اليوم هو الاربعاء والمصادف 27\2\2013 . وكان عدد الي سافروا اليوم (63 شخص ) عوائل وسنكل .. وبعض ارقام الكيسات الي سافرت ( 112-114-115-127-111-103-119) وبيهم كيسين اس اي في . ومن ضمن الي سافروا اخ وصديق النه بالمنتدى ( حقيقة شفته بالصدفة ) عرفني من كلت الهم (روحة بلا ردة ) كلي بس لا انته ( دبس وراشي )هههههههههههههه كتله اي نعم اني . كلي اني ( ......)  كتله لعد ليش ما كتبتلي على الخاص ؟؟ كال مو انته اختفيت وما دا تكتب بالمنتدى!!!!!!!!!!! كتله حبيبي اني دا اكتب تحت عنوان للاخت تيولب اسمه( لكل المتعبين والخائفين ....الخ) كلي والله ترة اكثرنه منعرف بهذا الشيء.
المهم ..ان شاء الله من يوصل راح يكتبلكم تفاصيل رحلته .

ملاحظة: صارت اليوم لاكثر من عائلة يخلون كل امتعتهم بجنطة وحدة !!!!!! والله شنو همه  كالولنه بالتثقيفية من حق كل شخص يشحن وياه 46 كيلو.
يمعوديييييييين 46 كيلو تخلوهن بجنطييييييييييييييييين مو بجنطة وحدة .
فالله يخليكم حتى ما تمرون بهيج حالة  وزعو غراضكم يعني( الـــــ46 كيلو ) على جنطييييييييين
تحياتي

359
ارجع واكوول
ممنون منكم وشاكر فضلكم .

hpdswat تسلملي يا اصيل

single man حبيبي ما اعرف اندعيلك بالسفر لو بالزوااااااااااج !!!!!!!!!!!!!
ههههههههههههههه تسلم يا علم يشار له بالبنان في هذا البيت ( المنتدى ) الاكثر من رائع
تحياتي

360
سينا
دزيتلك مسج على الخاص

361
الاخ الغالي دبس وراشي الف الف شكر الك على نصائحك ويايه وعلى فكره كل الشغلات الحجينه بيها كدرت اطلعها سلامات ههههههه وصدوووك فرحانه يارب يبارك بيك اخويه الغالي يعجز لساني على شكرك لنصحي وتطميني بفتره بس الله يعلم بيها اشلون جانت يارب يوفقك بكل خطوه بحياتك ويحفظك من كل شر
تحياتي
يا غالي
اختك ام شاهين

اختي الفاضلة
يعني سويتي الي كتلج عليه؟؟؟
لبستي المحروسات ( الـــــ,,,,,,ب) ومن وصلتي اخذتي منهن ؟؟؟
بس  لا  زعلن عليه يا الله !!!!!!
هههههههههههههههه

362
اخوتي واخواتي
ممنون من كل مر على موضوعي قراءه ( سواء ترك تحليل ) او لا .
اعتقد الصورة بدت اكثر وضوح بالنسبة الي الان.
ممنون مره ثانية منكم . تمنياتي وامنياتي الكم ولعوائلكم بالامن والامان .
تحياتي

363
مساء الخير اختي الفاضلة ام شاهين
الف الحمد لله على سلامة الوصول .. الرب يجعل الكم بكل خطوة الف امن والف امان ونجاح.
بارك الله بيج وبعائلتج لان راح تنقلين معاناة اهلنه الطيبين بسوريا .. ما اوصيج خيتي .
تحياتي للعائلة الكريمة

364
اخوتي واخواتي ..
اكثر الي يعرفوني بالمنتدى يعرفون حالة الملف مالتي والتي هي :
تقديم 10\2010
استلام كيس نمبر -121- بعد شهر من التقديم ... طبعا عائلتي ويايه بالكيس (4اشخاص)
مقابلة اولى 6\2012
فحص طبي 7\2012
مقابلة محلفين 8\2012
استلام موفقة مرتبطة بالتجيك ( دفلرلتر ) 11\2012 وتحول الملف الى هولد .
اتصال بالكفيل 2\2013 واضافة المدينه والمطار .

سوألي هل الاتصال بالكفيل يعني اكو تقدم بالتجيك الامني ؟؟ والى اي مرحلة ؟؟لان اسمع من بعض الاخوة اكو مرحلة اولى وثانية ...الخ.

ممنون من كل الردود والاجوبة والاستنتاجات .

تحياتي

366
كلو لو لو لو لو لو لو لو لو لو لو لو لو لو لو لو لو لو لو لو لو لو لو لوش

اويلي يابة طبككك حسي

مبروووووووووووووووووووووووووووووووووووووك يا احلى سينا .
ان شاء الله راح الكثير وبقى القليل. ويوم الي اشوفك بالمطار .
تحياتي يـــــــــــــــــــا بطـــــــــــــــــل

367
حي الله عمي الدبس ومنكال
ويا الراشي يغتمس وينكال
فوك الراس خليتك عكال

واتمنى شوفك بكل صبح ومسية ....................وعليهم هههههههههههههههههههههههههه

صدك ليش نحجي على المنظمة ؟؟؟؟؟؟؟؟؟

ههههههههههههههههههههههههههههههههههههههههههههههههههههههههههههههههههههههههههههه
والله ما اعرف شكولك ... بس صدكني من قريته ضليت اضحك الى ان نسيت التعب

بارك الله بيك وباهلك يا اصيل يا ابن الاصول .
بس فدوة جوز من كلمة ( عمي) هههههههههههههههههههههه

368
صباح الخيــــــــر دكتور ..

الحمد لله على السلامة . وموفق بحياتك دكتور . ربي يجعلك بكل خطوة الف سلامة والف نجاح .
واعتذر اذا بدر مني اي تقصير . تحياتي وسلامي للعائلة الكريمة . الرب يحميكم ويحفظكم .
تحياتي
[/b][/color][/size]

369
صباح الخيــــــــــــــــر  يا جماعة الخيـــــــــــــــــر
اليوم هو الثلاثاء والمصادف 26\2\2013 . وكان عدد الي سافروا اليوم (86 شخص ) عوائل وسنكل .. واعتذر منكم جنت جدا مشغول وماكدرت اعرف ارقام بعض الكيسات الي سافرت . وكان عدد الي ماحضروا هو ( 16 شخص ) . الله اعلم بضروفهم . الرب يسهل سفرهم .

ملاحظه: دا استلم على الخاص كثير من الرسائل الي ده تحجي على توقف السفر ... اخواني واخواتي .. قسما بالله العلي العظيم .  السفر موجود والمنظمة ما موقفة السفر . وما مجبور الحلفلكم بهذا الشيء .. بس انجبرت احلف ( واني اكره هذا الشيء) . فرجاء رجاء رجاء . لاتصدكون الي يكوول السفر متوقف . واذا كالولكم السفر توقف او متوقف ..كولوله ماشي رحم الله والديك وسدوا الموضوع وياه .
تحياتي

370
جزاك الله الف الف خير يا ورد الورود والف رحمه على والديك والله يجعل الجنه مثواهم ويجمعنا وياهم
اخي العزيز دبس وراشي عندي سؤال اريد اشتري احسن نوع راشي ودبس شتنصحني الله يخليك
لان اكيد انت خبير بيهم 



هههههههههههههههههه اوس .. مه تكعد راحة هههههههههههههه

371

اريد اشوووووووف ليش يحجون على المنظمة؟؟؟!!!!!!!!!!!!
هااي حسنه جديدة انظافت للمنظمة
راح تبدي تسفر شعراء !!!!!!!!!!!!!ا
روووووووووح اخوووووووووووية العب  وخلي الهوى يلعب بظهررررررررك

372

اخواني ,, اخواتي
قسما بالله العظيم اكو سفر عن طريق المنظمة
والسفر كل يوم احد,اثنين,ثلاثاء,اربعاء
وعلى الخطوط الجوية الملكية الاردنية
 ارجعوا الى الايام السابقة وشوفوا شكد ناس سافرت .
تحياتي

373
مساء الخيــــــــر
احب اشكر كل اعضاء هذا المنتدى ( من اخوة واخوات) على كلماتهم الاكثر من رائعة ,,, والله ياجماعة الخير ترة اني كلشي ما مسوليكم  مجرد دا اكتب الي اشوفة كبالي بالمطار من اعداد الي ديسافرون على المنظمة,,,


اليوم هو الاثنين والمصادف 25\2\2013 وكان عدد الي سافروا الى امريكا عن طريق المنظمة ( 6 اشخاص) وكلهم  اس اي في .
تحياتي

374

 حلوة هااي  (اختكم ام شاهين في طريقها الى نيويورك) ههههههههه

على العموم الف الحمد لله  على سلامة الوصول .
يارب الامن والامان والموفقية والنجاح

تستاهلين كل الخيـــــــــــــــر يا اطيب  وارقى اخت ..ام شاهين .
تحياتي

375

اني الدبـــس و راشـــي

وحبيت اكوول
مصطـــــفى
اظمنه بركبتــــي
الى
يوم
القياااااااااااااااااااامة

376
 صباح الخيـــــــــــر
اليوم هو الاحد والمصادف 24\2\2013
وكان عدد الي سافروا عن طريق المنظمة ( 73 شخص) عوائل كثيرة اليوم .  وطبعا المفروض  العدد اكثر من هذا ..بس بعض العوائل تكنسلت رحلتهم لان اجة بيهم ايميل من عمان !!!!!!!!!!!!!!!!!!!!!!!!!!.
ومن ضمن العوائل الي طلعت عائلة  اخ وصديق ويانه بالمنتدى ( تصدكون خطية جايبلي شيشة راشي وياه  ههههههههههههههه).. ان شاء الله من يوصل بالسلامة راح يكتبلكم تفاصيل ملفة ورحلته + عائلة ولد صديق شخصي الي .
موفقين بحياتهم الجديدة ان شاء الله .
تحياتي

377

مرحبا اختي رنا ..

اعتقد الي مسافر لعدة دول ( يعني الي مسافر هوااية) يأخر ( نوعا ما ) التجيك الامني .
تحياتي

378
شكرا اخي العزيز دبس وراشي 
التذاكر شوكت نستلمها؟احنا IOM  و ماكلولنا ليهسة على استلام التذاكر
فشنو الطريقة اللي ندخل بيها المطار في حال عدم توفر التذاكر لدينا؟
تحياتي

مساء الخير اختي ام الحلوات
قبل يومين من موعد السفر  راح يتصل بيكم شخص( عراقي ) من المنظمة . وراح يحددلكم الزمان والمكان  يم ساحة عباس ابن فرناس  بيوم السفر . وبالموعد الي حدده وياكم راح يجي ويوزعلكم التذاكر . وتبدن تصعدون بالسيارات او بالباصات وتدخلون الى المطار .
تحياتي

379
اختي ام الحلوات

مثل ما كلت ( شرررررررررط يكون عدكم تذاكر سفر ) لان اذا ماعدكم تذاكر سفر . ابو السيارة ( حتى لو كان عنده باج يسمح له ان يدخلكم للمطار )  السايق مراح يكدر يسويلكم اي شيء . يعني بدون لالتذاكر مدكرون تخلون .
تحياتي

380
الف رحمة على والديك عزيزنا دبس وراشي على كل شي دتقدمه لاخوانك سواءا في المنتدى
او بالمطار وهذا يدل على معدنك الاصيل واخلاقك العالية
اخي ردت اتاكد من شغلة السيارات الخاصة التابعة للمكاتب واللي تحمل باج دخول المطار
ممكن الواحد يحجز عليها يعني تاخذنا من البيت للمطار؟؟ لو هاي همين ممنوعة؟
والف شكر  ودعواتي الك  بالسفر العاجل
صباح الخير اختي العزيزة

اعتقد ادارة المطار سمحت لبعض ( سيارات الوفود) والي هي عبارة عن جي ام سيات  بالدخول الى المطار,,, يعني اذا كدرتي تتفقين وية احد سواق هااي السيارات ( شرط يكون عنده باج يسمح له بالدخول الى المطار ) وكان عندج تذاكر سفر .من الممكن جدااا ان يدخلكم الى المطار مباشرة .

رأي المتواضع بهذا الموضوع ان تجين الى كراج السيارات قرب ساحة عباس ابن فرناس .. وتتفقون وية ابو جي ام سي .وتتبادلون ارقام التلفونات حتى يجيكم الى البيت وياخذكم الى دااااااااااااااخل المطار .يعني من باب البيت الى باب الصالة
 
تحياتي

381
القانون العراقي يكوووول( من حق كل عراقي تجاوز الـــــ 18 سنه ) ان ياخذ معاه عشرة الاف دولار .. وهذا قانون يعني محد يكدر يكولك انته ده تخرب اقتصاد البلد  وكاعد تهرب عملة اجنبية ومن هل العفتريات ( واني مسؤول عن كلامي ) ..ومن حق كل عراقي ان ياخذ معاه 100 غرام ذهب من يسافر ( بس موظف الكمارك راح يسجلها باخر ورقة من الجواز ( حتى من ترجع للعراق ) يسئلك عليها.

وهذا ماعون الدبس وراشي  هدية من اخوك  دبس وراشي

تحياتي

382
مساء الخير اخي الفاضل.
باعتقادي احسن من يجاوبك على سوالك . والجواب يكون رسمي هو هذا العنوان .

scopsscata@dhs.gov

دزلهم ايميل وبي كل اسئلتك واسمك ورقم جوازاك وصارلك شكد من دخلت الى امريكا . وباي تاريخ حصلت الكرين كارد .

حتى من يجيك الرد منهم راح يكون معنون الك وباسمك وبرقم جوازك. يعني تكدر تحتفظ بهذا الايميل ( الي هو جااي الك حصرا) كوثيقة قانونية .
تحياتي

383
طبعا حبيت اول رد اكتبه بهذا المنتدى هو بهذا الموضوع واقدم جزيل الشكر لشخصك الكريم ولحسن وجميل اخلاقك
انا حاليا اكتب باستعجال لاني وصلت للولايات المتحدة الامريكة قبل ساعات قليلة لكن شوقي لشكر الاخ دبس وراشي جعلني استعجل الكتابة
احمد الله على الوصول وان شاء الله في اقرب وقت اكتب عن سفرتي والطريق في موضوع منفصل
اكرر شكري وتقديري للاخ دبس وراشي لان كلش كلش كلش هواية خجلنا باخلاقه في المطار وما فاركنا الى باب الطائرة وحتى الحقائب هو يدفعه ما ادري شلون اجازيه بس اكول رحمه الله والديه والله يوفقه في حياته


اخي الغالي وصاحب الاخلاق العالية والراقية  د.توفي
اولا وقبل كل شيء الحمد لله العلي الكريم على سلامة الوصول لك ولعائلتك الكريمة.
ثانيا اقدم اعتذاري عن اي تأخير و تقصير بدر مني في استقبالك في المطار .
ثالثا ادعو من الله ان يوفقك في حياتك الجديدة . واسئله ان يتم نعمته عليك بالامن والامان والموفقية والنجاح .
 مره ثانية اعتذر منك شديد الاعتذار ان بدر مني اي تقصير بحق شخصك الكريم .

اخوتي واخواتي
اليوم هو الاربعاء والمصادف 20\2\2013
وكانت الرحلة الى عمان مسائية  اي ان موعد الرحلة في تمام الساعة الـــالعاشرة ليلا ز وكان عدد الذين سافروا الى امريكا عن طريق الــ أي أو أم هو ( 41 شخص ) .

تحياتي


384
راح اجيبلك من قرى الموصل( الحمدانية) طشت راشي بس  شوكت راح اسافر ؟؟؟
ههههههههههههههههههههه ممنون منك ياورد.. خليها على الرب, وهو يدزلكياها ملبلبة .

385
صباح الخيــــر

اليوم هو الثلاثاء والمصادف 19\2\2013 . وكانت الرحلةصباحية( يعني المغادرة بالـ9 صباحا  )كان عدد الي سافروا الى امريكا ( 27شخص ) أي أو أم  من ضمنهم كيسين أس أي في .  .

اما بالنسبة لسوال الاخ Meaning  . اعتذر منك اخوية .لان بصراحة هذا الموضوع دا الكة بي صعوبة ..لان اصحاب الكيسات من احاول اسئلة على رقم الكيس  يتهرب من الجواب ( اعتيادي يخافون ينطون ارقامهم) واني اعذرهم .. فتجنبا للاحراج ,كمت نادرا ما اسئل , بس البارحة صديقي سافر وجان رقم الكيس مالته ***121 .
تحياتي

386
مساء الخيــــــــــر
 بالبداية اشكركم لسوألكم عني .. وبنفس الوكت اعتذر لان البارحة ما كتبت اي شيء . لكن مثل ما تعرفون البارحة الاحد17\2\2013 مجان اكو سفر. واهذا السبب ما كتبت اي شيء.
بس اليوم الاثنين والمصادف 18\2\2013 جانت الرحلة بالــ10 ليلا وجان عليها ( 51 شخص ) من ضمنهم 4 اشخاص أس أي في. ومن ضمن الي سافروا اليوم شخص عزيز علينه بالمنتدى وذو اخلاق عالية وراقية جدا سافر مع عائلته الى امريكا وهو أي أو أم  .. وشخص الغيت الرحلة مالته من عمان  لعدم اكتمال الامنية .

تحياتي الكم والرب يحفظكم ويحفظ كل عوائلكم .


387
مساء الخير اختي الفاضلة
مبروك . ويارب الموفقة والنجاح بحياتكم الجديدة .
وحاضر لأي مساعده تحتاجوها بيوم سفركم
تحياتي

389

حبيبي Mr.Iraq2011

لا ما غلطان بالطباعة تاريخ المقابلة الاولى .. لان هيه فعلا تاخرت  حوالي سنتين !!!!!!!!!!!!!!!!!!!!!
بس غلطت بتاريخ الاتصال بالكفيل يعني اتصلوا بكفيلي يوم 14\2\2013  هههههههههه
تحياتي

390

صباح الخير شباب
أخر اخباري   اتصال بالكفيل يوم 14\2\2012  والحديث الي صار بين المنظمة والكفيل هو:

صباح الخير
صباح النور
تعرف ,,,,,,؟
اي نعم اعرفه
سيصير منك؟؟؟
كرايبي
مستعد تستقبله من يوصل .؟؟
نعم مستعد .. واذا البحث عن سكن اله ياخذ وقت ,فمن الممكن ان يجي يسكن هو وعائلته عندي بالبيت لمدة شهر او شهرين الى ان تلكوله بيت
مستعد تستقبلة بالمطار؟؟
نعم وبكل سرور
شكرا جزيلا . باي
وللتذكير  ..اني مقدم شهر العاشر 2010 الكيس نمبر ***121
مقابلة اولى شهر السادس 2012!!!!!!
فحص طبي شهر السابع 2012
مقابلة محلف شهر الثامن 2012
استلام موافقة مشروطة بالتجيك الامني شهر العاشر 2012
الملف هولد بعد يومين من استلام موافقة المحلف


391
مساء الخير اخي

راح اجيك من الاخير ..

اذا سفرك اربيل - عمان- امريكا
فمن حقك تاخذ جنطين وزن كل وحده 25 كغم +جنطة هاند باك 7كغم
وخش بعينه لابو المكتب
لان هذا حقك . وهذا قانون الخطوط الملكية الاردنية
بس اذا سفرك اربيل -عمان-فرانكفورت او باريس - امريكا
فمن حقك جنطة وحدة بوزن 25كغم+جنطة هاند باك7كغم
تحياتي

392

 في المجتمعات الأمنــــة
تظهر الافكار  الغير رائـــجة

هلووووووووووووووو دبوسي الورد  ??? ??? ??? ???

اهلا بيج اختي
والحمد لله على السلامة . وعودة ميمونه ان شاء الله

394
مساء الخير اخواني واخواتي

مثل ما يعرف البعض منكم اني خارج بغداد حاليا ,, بس  كلفت صديق ان يحسبلي عدد المسافرين الى امريكا عن طريق المنظمة لهذا اليوم . وكانت الاعداد كالتالي:
اليوم هو الاربعاء والمصادف 13\2\2013  وكان موعد المغادرة لهذا اليوم ( الساعة 10:00 ليلا ) وكان عدد الي سافروا ( 63 شخص )  عوائل وقسم منهم شباب ( كيسات سنكل).
لكن مع الاسف ماكدر يعرف ارقام الكيسات وكم عدد ال اس اي في .
تحياتي

395
مبروك

ويوصلون بالسلامة يارب

تحياتي

396
 
زعلالالالالالالالالالالان عليك اني داده عذاب

لان جنت اتمنى اقوملك بالواجب بالمطار و اكوولك روحة بلا ردة وجها لوجه .. وخصوصا بيوم سفرك اني جنت وية احد المسافرين الي طلعوا وياك الى امريكا .

حلوة هااي مال عريس بدون عروس هههههههههههههههههه
لاتستعجل راح تلكة هوااااااية نسوان ينسنك الــــ عـــــــــــــــــذاب
 على العموم  اخذها بالكصة ,,,

اخوية  روحة بلا رده
تحياتي

397
نسيت اكولك
بما ان الرسالة الي اجتك دكوول من حق كل شخص ان ياخذ جنتين بوزن 23 كغم لكل شخص .. فهذا يعني ان خط الرحلة مالتك راح يكون كلاتي : بغداد -عمان- امريكا .
تحياتي

399
الف مبروك اخي العزيز
ويارب توصل بالسلامة
 تعرف اذا اجتمع الدبس وراشي وية الفودكا شيصيرررررررررررررررررررررر؟

تصير بلاوي زركككككككككككككككككككة .ههههههههههههههههههه
تحياتي
[/b][/color][/size]

400
يـــــــــابة ,,,, صباح الخيــــر

اليوم هو الثلاثاء والمصادف 12\2\2013 . وكانت الرحلةصباحية( يعني المغادرة بالـ9 صباحا  )كان عدد الي سافروا الى امريكا ( 17شخص ) وكلهم أس أي في . وعدد الي غايبين هو ( 3 اشخاص ) اي او ام .
يعني اليوم جان يوم الـــ  أس أي في . يستاهلون والله لان اعداد الي ديسافرون منهم بالايام الماضية  جانت كلللللللللللللللش قليلة !!!!!!!!!!!!!!!ا.
تحياتي

401
مســـــاء الخيـــر
اليوم هوالاثنين والمصادف 11\2\2013 . وكانت الرحلة مسائية ( يعني المغادرة بالـ10 ليلا )كان عدد الي سافروا الى امريكا ( 47 شخص ) عوائل وسنكل  ولم شمل  .

تحياتي

403
الف شكر ياغالي على هل الاخبار الحلوة والله يبارك بيك ويكثر من امثالك  وندعو لك بتيسر كل امورك انشاء الله  .(لي رجاء عندك اذا متصير عليك زحمه نريد نعرف هل مع المسافرين اكو من العائدين من سوريا الى بغداد  لنطمئن  ****     الف رحمه على والديك واكون جدا ممنون لك  اذا ساعدتنا بهذا الامر )   الله يديمك لعمل الخير


صباح الخير
هااي اخر عائلة  اني شفتها جاية من سوريا  ,,
اليوم هو الاثنين والمصادف 4\2\2013 اول رحلة طلعت اليوم وبيها مسافرين عن طريق المنظمة جانت رحلة بغداد - اسطنبول وطبعا على الخطوط التركية. وسافر عليها عائلة ( عن طريق اليو ان ) هااي العائلة جاية من سوريا وسفرتهم الى كندا والعائلة متكونة من ( 4اشخاص) اب وام + اطفال اثنين.
تحياتي


اخويه دبس وراشي المحترم   اليوم 11/2  مو 4/2  يمعود رجعتنا اسبوع واحنا نحسب الايام يوم يوم
 وهسه خسرت الرهان ! وين تنكة الدبس؟؟؟؟   ههههاااييي  تحياتي ياغالي ;)

مساء الخير اجونة
خيتو  اعرف اليوم 11\2 من سنة 2013 ,,
 بس هذا جان ردي على سوال الاخ طيارة ورقية . لان سئلني اذا اكو عوائل راجعت من سوريا وقامت المنظمة بتسفيرهم الى خارج العراق بعد عودتهم !!!!!!!ا

هسه انتي الي طلعتي خسرانة الرهان ,, دكومي عيني البسي عباتج وكبل للسوك روحي اشتري طشت دبس  وانجانتين راشي هههههههههههه.
تحياتي

404
الف شكر ياغالي على هل الاخبار الحلوة والله يبارك بيك ويكثر من امثالك  وندعو لك بتيسر كل امورك انشاء الله  .(لي رجاء عندك اذا متصير عليك زحمه نريد نعرف هل مع المسافرين اكو من العائدين من سوريا الى بغداد  لنطمئن  ****     الف رحمه على والديك واكون جدا ممنون لك  اذا ساعدتنا بهذا الامر )   الله يديمك لعمل الخير


صباح الخير
هااي اخر عائلة  اني شفتها جاية من سوريا  ,,
اليوم هو الاثنين والمصادف 4\2\2013 اول رحلة طلعت اليوم وبيها مسافرين عن طريق المنظمة جانت رحلة بغداد - اسطنبول وطبعا على الخطوط التركية. وسافر عليها عائلة ( عن طريق اليو ان ) هااي العائلة جاية من سوريا وسفرتهم الى كندا والعائلة متكونة من ( 4اشخاص) اب وام + اطفال اثنين.
تحياتي

405
أخوتي وأخواتي ..صباح الخير
اليوم هو الاحد والمصادف 10\2\2013 . وكانت الرحلة صباحية ( يعني المغادرة بالــ9 صباحا)كان عدد الي سافروا الى امريكا ( 76 شخص ) والغالبية العضمى عوائل .ومن بين المسافرين اكو 5 كيسات اس اي في .

اما لاختنا الغالية تيولب  فحبيت اكولها الحمد لله على السلامة ومبروك اتمام الفحص ويارب يوم سفرج .
تحياتي

406
شمعه , فله , منوره

الحمد لله على السلامة يا ارقى اخت بالدنيا

والف مبروك اعادة الفحص

يارب نقره خبر موعد سفرج يا طيبة يا بنت الاصل والاصوول

والله الج وحشة خيتي .

تحياتي

407
مساء الخيــــر حبايب

اولا وقبل كل شيء اني جدا اسف على هذا الانقطاع بصراحة جنت مسافر واليوم رجعت.
ثانيا حبيت اطمنكم واكوللكم ( يومي الثلاثاء  والاربعاء ) جان اكو سفر  والاعداد خير من الله  وكثير من العوائل جانت من ضمن المسافرين ( نقلا عن صديق الي بالمطار) بس ماكدر يحسبهم .
اعتذر مرة ثانية على الاغياب.

تحياتي

408
أخوتي وأخواتي .. مساء الخير
اليوم هو الاثنين والمصادف 4\2\2013 . وكانت الرحلة مسائية ( يعني المغادرة بالــ10 ليلا)كان عدد الي سافروا الى امريكا ( 74 شخص ) والغالبية العضمى عوائل .ومن بين ارقام الكيسات 117 و 115 و112و110
تحياتي

409

 حبيبي بي ام ..
لعد اني شأكوول؟؟ مقابل  المحلف وكلشي مخلص بالثامن.. والملف ( هولد) والى هسه ما متصلين بكفيلي وخانة المدينة والمطار فارغة!!!!! .. ويومية اشوف الناس تسافر .. وفوكاها بأيدي اخليهم بالطيارة !!!!!!!!!اههههههههههههههههههههههه
تحياتي ياغالي

410
صباح الخير اخوتي وخواتي
اليوم هو الاثنين والمصادف 4\2\2013 اول رحلة طلعت اليوم وبيها مسافرين عن طريق المنظمة جانت رحلة بغداد - اسطنبول وطبعا على الخطوط التركية. وسافر عليها عائلة ( عن طريق اليو ان ) هااي العائلة جاية من سوريا وسفرتهم الى كندا والعائلة متكونة من ( 4اشخاص) اب وام + اطفال اثنين. وان شاء الله الرحلة الثانية اليوم بالليل الى عمان - أمريكا. ان شاء الله اكون موجود واكتبلكم اعداد رحلة الليل .
تحياتي

411
مساء الخير اخوتي وخواتي

اعتذر على التاخير بكتابة اعداد هذا اليوم. ( بصراحة جنت مسافر خارج بغداد).
على العموم  الاعداد لهذا اليوم ( نقلا عن صديقي ) هي :
اليوم هو الاحد المصادف 3\2\2013 وكان عدد الي سافروا هو ( 32 شخص ) اغلبهم عوائل وبيهم اس اي في . وكانت الرحلة بالــ9:00 الصبح .
اعتذر مرة ثانيا منكم .
تحياتي

412
مساء الخير اخوية البابلي.

اسف جدا على التاخير بالرد عليك ,,بصراحة ما جنت اعرف  عندك سوال او استفسار  تريد توجها الي . لو  لا الاخوة والاخوات ( وعن طريق الصدفة ) كالو لي عن موضوعك وسوءالك.
على العموم بهذا التاريخ والي هو 17\12 \2012 شخص واحد ما حضر الى السفر .. يعني مو عائلة  . هااي اولا
وثانيا صدكني اخي الفاضل صارت كثير مثل حالتك . والادهى منها عندي صديق بلغوا بالغاء رحلته وهو داخل المطار يعني قبل يوم كان رايح للمستشفى وماخذ الحباية . وثاني يوم اجه للمطار وحقائبه وياه وخابروا وكالولة رحلتك تاجلت ( وهذا  الحجي جان بشهر الثامن من العام 2012) والولد الى هسه ده ينتظر موعد سفره الجديد.
فيا اخي العزيز صدكني الي ماحضر بهذاك اليوم هو شخص واحد مو عائلة . وتاجيل سفرك ( مع شديد الاسف) من المنظمة مو لان انته ما حضرت بيوم السفر .
على العموم خليك على تواصل وية المنظمة ودائما اكتبلهم . وبنفس الوكت جيك الموقع . احتمال اكو شيء استجد بحالة الملف مالتك.
اعتذر منك مره ثانية لعدم الاجابة بالسرعة . وبالمستقبل اكتبلي على الخاص واني حاضر .
تحياتي

413

صباح الخير
كان عدد الي سافروا يوم الاربعاء والمصادف 30\1\2013 . كان عددهم ( 3 اشخاص) .وجانوا همه نفس الاشخاص الي تاخروا بالوصول الى المطار يوم الثلاثاء 29\1\2013 . وجانوا  ( عائلة وحده )أس أي في .

طبعا شكري الجزيل لكل من كتب كلمة اطراء  وترحم على روح والدي. اني ممنون منكم . والرب يجعلة في ميزان حسناتكم .
وان شاء الله استمر بكتابة الاعداد .الي على الاقل تنقللكم ( ولو بشكل بسيط) عما يحدث داخل صالات المطار .
تحياتي الكم والله يحفظكم ويحفظ كل اهلكم يا طيبين .

414
الف شكررررررررر اخوية دبسسس الله يوفقك ويحقق كل امنياااااااااااااتك

حبيبي برنسو
تأمرني  أمر .. وبين الاخوه ماكو شكر ياورد.
تحياتي

415
حبي سينا
الف مبروك اعادة الفحص . ويارب يوم سفرك وتخلص من كل الانتظار ,, وعد عليه سينا .الا اهلهلك بنص الصالة يوم سفرك الى امريكا .
تحياتي

416
حبي دبس وراشي ممكن سؤال الي ممكن تشوفهم وياك ممكن؟؟؟ الناس الي دتابع موضوعك الحلوه وين من هذا السفر ...سؤا