عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - AUS2013

صفحات: [1] 2
1
مشكور دكتور لكيتها اني دكتورة خريجة كلية الطب جامعة ديالى والحمد لله ماموجودة
وماعرف هسه شسوي
اختي مو شرط تكون موجودة ضمن القائمة
لأن اتصور طب ديالى بالفترة الحالية تابعة الى جامعة بغداد من حيث المصادقة على الوثائق
وهذا الحال كان متبع في نظام الجامعات في العراق في بداية نشوءها
مثلا حسب معرفتي كانت كلية الطب في جامعة الموصل تابعة الى جامعة بغداد في فترة الستينات او السبعينات 
قبل أن تستقل بصورة كاملة عنها
لذلك عزيزتي لاتفقدي الامل
وقومي بالتأكد من تبعية كليتك الى جامعة بغداد (او غيرها) وايضا بمراسلة ECFMG  كما نصح أحد الاخوة

تحياتي وبالتوفيق ان شاء الله

2
دكتور جربت هذا الموقع وماظهرت الكلية الي تخرجت منها.. يمكن ماعرفت استخدم المعلومات تمام
ممكن احد يساعدني؟؟؟؟؟؟؟؟
عزيزي انت من يا كلية تخرجت؟ 
اكتبلنا الاسم

4
مستقبل الدكتور بالعراق القتل او الخطف
مستقبل الدكتور بامريكا العيش الرغيد
:- :-* :-* :-**
يا اخي انت صدكـ من الاخر على كولة الاردنيين
طبعا كلمة من الاخر كلمة حلوة مو عبالك شي
بمعنى انت توب كلوب

5
الف مبرووووووووووك اخونا سامي وبالتوفيق يارب

6
الحمد لله على سلامتكم ويارب دوام الموفقية
 بمطار الملكة علياء بعمان اكو انترنت ليش ماكو؟!!
هو بي فيكة
اول شي تسوي كونكت علشبكة الظاهرة عندك
وبعدين تفتح مستعرض الانترنت عندك بالموبايل تطلعلك صفحة خاصة بشركة زين , تسوي كونكت أو كونتنيو (ما اتذكر بالضبط)
وراها يصير عندك نت

على كل الحمد لله على سلامتكم

7
دكتورتنا العزيزة
اولا شهادات الطب معترف بيها بكل دول العالم..واللي يكولك غير هذا الكلام فهو مخطا
لكن..في دول الغرب (امريكا-كندا-اوربا-استراليا) تعيين الطبيب ليس اجباريا
اي ليس مثل العراق (كل طبيب يتعين) وانما في تلك الدول تعتمد على عاملين مهمين جدا جدا
وهما:العمر+نتيجة درجة المعادلة
فكلما كنت صغيرا بالعمر اقل من ٢٨ سنة تزيد فرص حصولك على الاقامة الدوريةوالعكس صحيح
اذ ان الذين اعمارهم فوق ال٤٠ من الصعوبة جدا جدا بل من المستحيل الحصول على تلك الاقامة لانهم يبحثون دوما على الشباب ذي المعلومات الطازجة حتى وان حصلت على معدل ٩٩ في المعادلة
اما بخصوص امتحانات المعادلة فهي ليست بالصعوبة المتوقعة ولكن المنافسة شديدة جدا بين المهاجرين واشد المنافسين ضراوة هم الهنود والصينين الذين يحصلون على معدلات غالبتها بين ٩٨ و ٩٩
وسوءالك عن اسهل المعادلات فهي الاسترالية والاوربية مثل السويد
واصعبها الامريكية والكندية والصوبة كما اسلفت ليس بالنجاح وانما بطريقة الحصول على الدرجات العالية
وتستغرق دراسة Usmle1 و Usmle 2 حوالي بين السنة والسنتين وبمعدل دراسة بين ١٠-١٢ ساعة يوميا
اي انك اذا هاجرت امريكا لن تستطيع ان تعمل وتدرس في نفس الوقت
وبالمناسبة اكثر الناس الذين عادلوا حسب احصاءيات من اصدقاء عراقيين في امريكا هم خريجي جامعة بغداد وجامعة النهرين
فاذا كنت خريجة احدى تلك الجامعتين فلاخوف عليك
ويبقى (من جد وجد..ومن تعب ودرس فقد حصد)
تحياتي
عاشت ايدك
+1

8
السلام عليكم 
شلونكم اخباركم؟
اني هذا الاسبوع رح يصيرلي سنة بالضبط من قدمت وحصلت على الكيس نمبر ولحد الان ماخبروني على الفورمة 80
مع العلم معاملتي كفيل قرابة من بعيد يعني يعتبر صديق

بالتوفيق للجميع ان شاء الله

9
ان شاء الله كلنا نسافر وتصير سوالف

10
الله يكون بعونك اخ سرمد ويارب يتصلح الموضوع وتسافر

11
اللهم صلي على محمد وعلى ال محمد
الف مبروووك اخونا الغالي
وربي يرحم عمك ويجعلها خاتمة الاحزان ان شاء الله

12
أخ سرمد حضرتك في بغداد لو بعمان؟

13
اشكركم اخوان ليث واوس متقصرون والله يفرجها عالجميع وتفرحونا بسفركم
احترامي وتقديري
الله يبارك بيكم اعزائي ويحفظكم جميعا ويسفركم باسرع وقت سالمين 
بالتوفيق للجميع ان شاء الله

14
الاخ المحترم ابو شموسة

اليوم صباحاً وفي تمام العاشرة فتحت موقع عمان وشاهدت نزول المدينة والمطار

شكراً جزيلاً لك ولتحليلك الرائع
والله الموفق والسفر للجميع

اختك /سارة

جيد!
الحمد لله بالتوفيق ان شاء الله

15
حبيبي اوس شلون من كل مكان والصوره مالتك مثبت فيها العراق (iraq).
فاذا اخترنا من كل مكان في الموقع يظهر العدد 473 من 189 كيس مع تحياتي.
حبيبي الغالي المقصود بالعراق هو جنسية اللاجئين الداخلين الى امريكا
وليس البلد المقيمين فيه
وجربت مثلا دخلت الاردن (بدل العراق) من بداية السنة الى اليوم طلعت النتيجة صفر!
يعني
Nationality not the residency  

16
عزيزي اتصور هذي اعداد العراقيين اليوم مو بس من العراق من كل مكان 
حسب الموقع الرسمي

17
اخي غاليلو  اني مريت بنفس ظروفك بالشهر الثاني 2013 او دزيت رسائل جانو ايجاوبوني تلقينا رسالتك وسوف نقوم بمراجعة ملفك او كلشي ماكو  لحد الاول من تموز تحول الفحص الى فعال والرابع من تموز اجريت الفحص والحمد لله
تحول الملف الى فعال خطوة ايجابية يعني اكو تحديث على ملفك او ملفك غير مهمل
الاتصال على المستشفى اذا نفعك فهو لا يضرك  يعني حاول
اخي جربت اتصلت على هذا الرقم  0096265625077  وتطلب الرقم الفرعي 724  هذا رقم قسم الفحص اب عمان واحد الاعضاء بالمنتدى كتبه
اخي العزيز لا تقلق ابدا راح تفحص   المنظمة هل ايام مضطربه  بعملهة بسبب الاوضاع الامنيه وزخم طالبي الجوء 
اللهم يفرجهة عليك او تفحص وتسافر بحق محمد وال محمد
عزيزي استخدم هذا الرقم
+962-6-562-5080
وبعدين الرقم الفرعي
الرقم الي ذاكره حضرتك خاص بالتوطين ومابي ادخال ارقام فرعية

بالتوفيق ان شاء الله

18
العفو عزيزي هذي المعلومة من الموقع الرسمي لو من المطار مباشرة؟

19
طيب وإذا المراه حامل شهرين وعدها موعد سفر وهيه مكايلتلهم انه هيه حامل لان ماكانت تعرف بهالحاله شلون وسيصير
بهل حالة تتوكل على الله وتسافر طبعا

20
هذا بسبب مراحل الامنية كل ملف يمشي لحاله حسب المرحلة الامنية الي واصلها
وخاصة اذا كان الربط ضعيف بين الكيسين

21
ان شاء الله بالسلامة والتوفيق يارب

22
عزيزي انت حاليا على جدولة السفر
اليوم اتصلت بالمنظمة وسالتهم سؤالك بالتحديد
كالو ماكو فترة محددة للانتظار في تحديد موعد للسفر
وهذا بسبب الضغط الموجود عدنا

ان شاء الله بالتوفيق للكل

23
ان شاء الله طبيعي وماشي بالاتجاه الصحيح
بالتوفيق للكل

24
اشو الظاهر ماكو تسريع مثل ماكالو بعض الاخوه والرفوضات اكثر اشلون بينه وين نروح
الله كريم
ماعدنا غير الصبر والدعاء 

25
  صباح الخير
 صحيح بسرعه شالووه التلفون وسالتهم عن ملفنا كالوو ملفكم ع التجييك اﻻمني  .... نصبر والله كريم  ..... والحمد لله على كل شيء.
 وبالنسبه للسفر .. اكيد اكو سفر.... بس مو الكل مشارك بالمنتدى حتى يخبرنا
 اجونه من عمان    .....  ان شالله نسمع خبر سفركم قريب.
اختي يعني دتسمعون احد معارف ...جوارين ديسافرون لو مجرد تكهن؟
ان شاء الله بالتوفيق يارب

26
وداعتك نفس الحطه
يمعودين نريد واحد من الاردن يبشرنا 
اليوم سبحان الله خابرتهم من اول اتصال شالوه
وسالتهم على مواعيد السفر ليش هذا التاخير
قال: علينا لود قوي 
بالتوفيق للجميع ان شاء الله

27
وينكم العراقيين بالاردن؟
ماكو احد سافر؟ موعد سفر ؟ بشرونا
ترة التفاؤل يقرا صفر :-\

الله كريم

28
السلام عليكم
جماعة عمان وينكم؟
شكو ماكو اخبار؟

29
بالنسبه الي  السفر تجول الى انتظار يقريبا  وره شهر ونص.
اضافة...
تحول الى انتظار السفر بعد شهرين تقريبا من اكمال الفحص الطبي
الله كريم

30
الله يسلمج اختي شكرا لدعاءكم
الله ييسر امور الجميع ان شاء الله

31
شكرا عزيزي Joker على هذا الشرح الوافي

32
اتصور جماعة سوريا ميحتاجون دورة ويسافرون
اخويا سافر قبل سنتين 
بس من وصل هناك منظمة الاستقبال نطوه مجموعة ملازم بالعربي هي نفسها خاصة بالدورة التثقيفية وتحجي عن الحياة في امريكا

33
اولا أحب اشكر كل من ساعدني وأخذ من وقته وجاوب على سوءالي ، لله الحمد اليوم وصلني رد السفاره بانه عادي اقدر أسافر وماكو اي اشكالية ان شاء الله بالدخول للأراضي الامريكيه ، مره ثانيه شكرًا جزيلا للمساعده ربي يحفظكم .
بالتوفيق والسلامة مرة ثانية :)

34
بالتوفيق ان شاء الله اخت ضياع

35
لاتنسين استخدمي موبايل مو مسجل يمهم
حتى من يخابروكم همه ميشوفون رقمكم مشغول :)

36
اختي ام الجود هو متحول ملفهم على منظمة الهجرة الدولية لو بعد؟
اذا متحول فهو نفس موقع عمان تسجلين
وسوريا يبدي رقمهم بهذي الصورة
sy-xxxxxx

37
السلام عليكم جميعا والله يا اخي اني صارلي سنتين تقريبا ما متصلين بيه على فحص طبي جديد بس الفحص فعال بالموقع .... وكل ما اتصل يجاوبون انه عادي ملفك وضعه تمام ودا انتظر والله كريم ...
الله كريم اخويا ماعندنا غير الصبر

38
يمكن اتذكر ابن عمي زوجته كانت حامل بالشهر السابع وطلعلهم موعد سفر واتاجل قبل السفر بيومين
والا جابت بعد 3 شهور يللة سافر

39
يابا انتو لاتتعاركون شنو الموضوع؟
انتو اهم شي تابعو اخبار الملكية الاردنية لأن همه الوحيدين حاليا ياخذون مسافرين من العراق الى امريكا

اذا هذي توقفت ذاك الوقت عود نزلو الخبر وخلي يكون اكثر من مصدر (يعني استخدمو اسلوب المحاصصة الطائفية بنقل الاخبار  ;) 
واذا كان مصدر اجنبي يكون افضل

40
اتصلت اليوم  على الرقم الي كتبه اخويه اوس و تكلمت معاهم الموظف كال مواصلنا نتيجة التحليل ليهسه و التحليل ياخذ من شهر ونص الى شهرين اني صارله 71 يوم  :(كال بس توصل النتيجهه يتحدث الموقع  يعني بين قوسين يبقالي بس 3اشهر و الفحص يصير اكسباير راح يخلوني اسافر خلال 3اشهر  ما اصدك و هم تعال عيد هاي اللغوه كلها والله ميصير خمس مرات اسوي تحليل و النتيجه سلبيه  ليش هيج اظل اعيد بي كل مره  >:( من 2009  مقدم و ليهسه دانتظر رحمة الله

الله يعينك ويعينا وياك
والله همه كل واحد يطلعوله شغلة شكل في سبيل يأخروه
اني مثلك من 2007 طالعين لسوريا ومتهجولين وهسة بالاردن وننتظر ...وملفنا نظيف كلشي مابي 
وكاعدين لاشغل لادراسة  ولانكدر نرجع لجحيم العراق
حسبنا الله ونعم الوكيل

الله كريم ماعندنا غير الصبر اخويا الغالي

41
يعني معقولة ماكو احد ديسافر من الاردن؟؟

42
والله ياعزيزي منعرف اذا يصير بالايميل
الايميل تكدر تحصله من الانترنت مو صعب ومسجل على ورقة الحماية
بس الي اعرفه ورا شهر اقل شي يللة يجاوبون وما اعرف اذا هسة تغير هذا الشي!!

43
الله كريم ان شاء الله يخابرون

44
اخوان ٤٤ يوم ملفي فعال السفر غير فعال

كلشي نازل عندي وصارلي من ٢٠١٠ مخلص كلشي وضفت طفل قبل خمس اشهر وفحصت قبل ٣ اشهر ولحد الان ماكو شي مساعدتكم رجاءا
عزيزي حالة الملف لاتتامل منها خير
اني صارلي سنتين الملف فعال !!
بس اتامل خير لأن عادولك الفحص قبل 3 شهور
ان شاء الله يصير تغيير بحالة السفر الى انتظار

الله يوفقنا جميعا

45
اني اشوف لو تغلسين عن هذا الخطأ وان شاء الله تمشي الامور
واذا وكفوج كليلهم مادري هسة يللة شفته وهذا مو خطأي وطلعيلهم نسخة من جواز خطيبج
وان شاء الله بالتوفيق والسلامة

46
يعني خابرت على هذي الارقام؟
+962-6-562-5080,  Ext 724 , 725 , 727
اخاف كنت تستخدم الرقم الخاص بالتوطين هذا 065625077 ؟ هذا مابي ادخال ارقام فرعية!!!
استخدم هذا 
0096265625080 وبعدين واحد من الارقام الفرعية اعلاه

47
الاخ العراب
اتصل بالقسم الطبي مباشرة واتاكد من وصول الفحص الهم
هذا رقمهم الفرعي 724 
ادخله بعد مايفتح الخط بالرقم الرئيسي والانسر مشين تطلب منك ادخال الرقم الفرعي

ان شاء الله بالسلامة والتوفيق ان شاء الله

48
العفو اخوان بس شنو هذا "فحص القشع" اني عندي موعد فحص طبي ودا اقرة بالموقع وشفت الموضوع واستغربت يعني مدا  اعرف شنو قصدكم بيه وبعدين الفحص هو مو يوم واحد لو شنو؟؟
عزيزي اطمئن 
هذا الفحص خاص بالسل الرئوي
ومايسووه للكل
فقط للي يطلع عنده مشكلة باشعة الصدر يسووله فحص قشع حتى يتأكدون من التشخيص

49
والله ياحبيبي شغلة "المضروب" ويا امريكا ما اتصور تنجح
واكيد رح تكون عواقبها وخيمة عليك لاسمح الله

وبكل الاحوال رفع للمساعدة
نشوف رأي بقية الاعضاء

50
اسف ماعندي جواب
بس شوف موضوع الاخ ابو ديمة (حسين الجبوري) عنده موضوع خاص عن كندا والتفاصيل
اذا مالكيت الجواب 
وجه هذا السؤال له
بالتوفيق ان شاء الله

51
السلام عليكم جميعا ان شاء الله تكون جمعية خير للجميع وتوفيق .... بالنسبة ملفي محول يو ان عمان و مخلص مقابلة أولى وثانية ومحلفين وبصمة ومسوي فحوصات طبية فد 7 مرات عايدها ومخلص كل شي من 2008  فقط بأنتظار الأمنية الكشرة وهسة عندي إضافة طفل وكفيل جديد قبل شهر قدمتها ودا انتظر يجوز بعد فد 6 سنوات أخرى ان شاء الله لكل طلب والأمنية سنيتن بعد يعني ان شاء الله توقعي 8-10 سنين ان شاء الله أكون يكمل ملفي ..... ايستكم مو صحيح انا اسف بس انا فعلا كثير مزعوج من هذا الموضوع اعذروني وتمنى السفر القريب للجميع والتوفيق
طبعا عزيزي جاكسون فيل حالتك مثل حالتي
اني تقديم يو ان سوريا من 2008 ومقابل وفد 2010 وانتظر الامنية الكشرة من ذاك الوقت ومحول ملفي على الاردن في نهاية 2011
بس فرقي عنك ماعندي اضافات ولا متزوج اصلا ;D
شوكت اخر مرة عدتو الفحص الطبي؟ اذا كان قريب ومكتمل بالموقع فاستبشر خير ان شاء الله ملفك ماشي
مسالة اضافة الطفل والكفيل ان شاء الله ماتطول
الله يسهل علينا جميعا
بالتوفيق يارب

52
تقديم 2011
مكملين جميع المقابلات
والفحص مكتمل
والكفيل موقع الاوراق
مدينة ومطار نازلات
السفر غير فعال
موافقة مشروطة
بس  حالة الملف  معلقة HOLD  صارلها 48 يوم
اخت سارة ان شاء الله تطلعون من الهولد وتسافرون باسرع وقت بدون انتظار مثل اخونا الغالي Single man
ايضا كان نفس حالتكم بالهولد ومن طلع منه صار عنده السفر مباشرة بدون انتظار
الله يسهل عليكم وعلى الكل يارب

53
ان شاء الله كلكم تسافرون باقرب وقت وترتاحون
حبيبي مختار علي
الله يسهل امورك يارب باسرع وقت ان شاء الله
شكرا لدخولك ومشاركتك ودعاءك يا غالي

54

شكراً اخويه العزيز النور نوركم واشكرك على الاجابه ويارب كل العراقيين اللاجئين يحصلون على توطين وسفر

بس اخويه ممكن تكلي اذا احنه بمنطقه موساخنه نوعاً ما هادئه بس اجانه تهديد بسبب شغل زوجي واجوي ارهابيين دخلو بيتنا وعندي مايثبت من صور وفديو وورقه من الشرطه وورقة تهديد ؟ هل هناك احتمال يقبلون قظيتنا وياخذوها بنظر الاعتبار لو ينظرون للمناطق الساخنه فقط؟
ولو زحمتك وتعبتك ويايه اخويه بس سؤال ثاني / كيفية التقديم لليوان الاردن وعنوانها بالظبط ؟
سؤال ثالث / اشكد الايجارات بالاردن واي منطقه رخيصه وهادئه انريد شقه صغيره  بس تكون منطقه امنه وحلوه بيها عوائل .... وشكراً جزيلاً والله اني خجلانه منك لان هواي سألت
هلا بيج اختي
ج1: بسبب شغل زوجك وعندك اثباتات على التهديد اي ممكن يقبلوكم
ج2: التقديم عليو ان سهل ميحتاجله شي
اول من توصلون تشترون خط موبايل وثاني يوم تروحون تقدمون في منطقة خلدا في عمان اي سايق تكسي يوصلكم
ج3: المناطق الرخيصة بعمان الشرقية (القديمة) بس العراقيين تلكيهم اكثر شي بعمان الغربية (الجديدة وتكون اغلى) والايجارات تتراوح بين 200 الى 700 دينار\شهريا حسب الشقة اذا كانت فارغة او مفروشة وقربها من الخدمات (الاسواق), طبعا بالاضافة الاكثرية يطلبون ايجار لمدة 3 اشهر اقل شي , بس تلكين شهر بشهره.
. البحث عن الشقق اما يتم بالتجوال في الشوارع لأن يكتبون اعلانات على عواميد الكهرباء او الحيطان او المحلات 
او يتم بالبحث في جرايد الاعلانات الي تصدر وتوزع مجانا كل بداية اسبوع (جرايد الوسيط والممتاز) ودائما تابعي الاعلانات المكتوب عنها (من المالك) , او اتم عن طريق سؤال وتوصية المعارف والاصدقاء.
وصراحة اني ماعندي خبرة قوية بايجارات ومناطق عمان.

وتدللين اختي ماكو اي مشكلة اي سؤال اني حاضر
بالتوفيق ان شاء الله

55
واضح ان السفر من الاردن قليل جدا كما وضح احد الاعضاء في موضوعه عن الاعداد الواصلة الى امريكا !!
وايضا من خلال قلة المشاركة هنا
اني استغرب من التعريف الدولي لكلمة لاجئ: هو الشخص الذي خرج من بلده الى بلدا اخر طلبا للامان!

لست بالضد مع من يسافر من العراق مباشرة الى امريكا فهم اناس مهددين ايضا كما هو حال اغلب العراقيين ولكني استغرب من التصرف الامريكي اتجاه اللاجئين بصورة عامة!

بالتوفيق للجميع ان شاء الله

56
السلام عليكم أخواني بعمان
ممكن تفيدوني بأي خميس من هذا شهر آب رح يكون مسموح نروح للمنظمة للأستفسار؟؟ اليوم خميس 7 آب جان أكو ؟؟ وكم خميس بلشهر يصير نروح؟؟ آني سمعت سووهة مرتين بلشهر ؟؟
فيدونا جزاكم الله خير

ممنون للجميع

أخوكم
Baguncero
الي سمعته انه اليوم الخميس كان اكو استفسار
وشغلة الخميسين بالشهر من الاول كانت موجودة واتوقفت فترة وهسة رجعت

نشوف الاخوة الاعضاء بلكي يأكدون الخبر

57
ابد لاتدوخ
استخدم الاول وانطي وقته عادي حتى متندم 
واذا مصار عود ذاك الوقت روح عليو ان
بهذا تكون سويت العليك

الله يسهللك

58
اشكرك على الرد حبيبي AUS2013
والله يا اخويه مو هيه المشكله الكل مقتنعين بالقصه حتى همه بس دينطون رفض بالجمله واليوم شفت واحد مقدم استئناف وجايه رفض ثاني وسجل باليو ان هنا بعمان وراح يحول كندا مدري استراليا.. يعني اني اخاف اضيع الوقت كله انتظر بالرد من 3 الى 12 شهر وتالي يجي رفض ثاني وهالشي هو الارجح و وراها عود اروح اطلب تحويل.. وهم اكول اذا ما استأنف يجوز بعد فترة يهتمون بس بالمرفوضين وتروح عليه يعني والله ماعرف دخت والله
والله يا حبيبي اني اكول لاتقيس قصتك مع الاخرين
قدم استئناف والله كريم
بكل الاحوال تقديم الاستئناف هو اوبشن اول
والتحويل على اليو أن هو اوبشن ثاني ممكن تستغله بعد الاوبشن الاول , يعني مراح تفقده اذا قدمت علاول
بس رح تفقد الاول اذا اختاريت الثاني!

أرجو ان تكون وصلتك الفكرة
بالتوفيق ان شاء الله

59
باريزونا هوايا عراقيين ابو ليونا ان شاء الله ميضيع هناك الطيبين هوايا ان شاء الله

60
والله عزيزي ماكو واحد ممكن يكلك شكد الفترة اذا رجعت ملفك على اليو أن شوكت ممكن يخلوك على غير دولة.
لكن 
نصيحتي الك اذا مقتنع بقصتك فالافضل تسوي استئناف وهذا الشي الاقرب الك 
وان شاء الله تتيسر الامور 

61
اني هم انضم للجمعيه ،تقديم عمان صارلنا اسبوعين ملف فعال  وعملنا الفحص الطبي نهايه السادس ومكملين كلشي والسفر غير فعال وان شاء الله الله يسهل علينا كلنا
مية هلا بيك عزيزي
وان شاء الله يصير تغير بحالة السفر مادام الملف صار فعال معناته اكو حركة 
بالتوفيق ان شاء الله يارب 
شكرا لدعاءك

62
والله حالة جديدة واول مرة اسمع
بس تعرف فعلا ملعوبة شغلة الفيزا السياحية للطفل بدل عن الاضافة
بس تبقى شغلة الاضافة هناك شلون رح تصير!!!
الله كريم الله يسهلك ان شاء الله
بالتوفيق يارب الله يسهلك , اهم شي المنظمة متعرقلك السفر من يشوفون الطفل وياكم بيوم السفر

63
احنة مكملين كل شي بس الملف صارلة 47 يوم معلق HOLD والسفر غير فعال

ساره/عمان

الله يسهل عليكم وتخلصون من هذا التعليق وتسافرون وتبشرونا ان شاء الله باقرب وقت  :)

64
السلام عليكم

اليوم خابرو زوجي وكالولنة طلعتلنة امريكا وكالو الاحد لازم نروح على ال iom

 وناخذ كل اوراقنة والمستمسكات واذا عدنة كفيل نجيب عنوانة وكالو هلمرة بتلاع العلي مو بخلدا

حبيت ابشركم ويارب يتصلون بلجميع ب اقرب وقت وهاي شنو هسة مقابلة محلفين لو شنو

حتى نحضر نفسنة كدام المحلف

تحياتي للجميع

اختكم - ضياع

الف مبرووووووووك اخت ضياع 
هذي خطوة بالاتجاه الصحيح ان شاء الله
وهذي المقابلة يسموها الاولى (ويسموها مقابلة المعلومات)
يعني رح يقابلوكم موظفين الهجرة الدولية 
طبعا رح يسالوكم على قصة التهجير اكيد
وبالاضافة الها رح يسالوكم على تاريخكم الدراسي خاصة واسماء المدارس الي داومتو بيها من عمر 6 سنوات
واذا عندكم اي شهادات دورات وثائق رح تقدموها بهذي المقابلة (اذا موجودة)

بالتوفيق ان شاء الله

65
الشكر موصول الك عزيزي المان يونايتد MUN

66
هذا الموقع يبين اعداد العراقيين الواصلين للولايات المتحدة من كل دول المهجر وليس فقط من مطار بغداد أي اننا لانستطيع الاستغناء عن الاخت ام الجود لانها تعطينا عدد المسافرين من بغداد فقط وهذا هو المهم ، استمري اختنا العزيزة في نقل الاخبار السارة وحفظك الله من كل مكروه
هذا الكلام الصحيح عاشت ايدك
والاخت ام الجود تنقل الارقام قبل تسجيلها بالموقع , والرقم الي تذكره خاص فقط بمطار بغداد
وهذا الموقع ينطي اعداد العراقيين الواصلين الى امريكا من كل مكان مو بس من بغداد
عزيزي ابو صهيب مشكورة جهودك بس على كيفك ويا العالم 
احكم عليهم ورا ماتجمع معلومات كاملة 

بارك الله بالجميع

67
زين تعرف شلون نطلع العراقيين الي يطلعون من كل بلد
لأن واضح انو هذا الموقع يطلع بس مجموع العراقيين بغض النظر منين جايين

68
هسة اني دخلت تاريخ بين 1-8 الى 7-8 وطلعلي العدد 256 ضمن عدد كيسات 99

69
عاشت ايدك عزيزي ابو صهيب
هذا الموقع معروف قبل يعني مو جديد
ومعروف عنه ينطي اعداد وتفاصيل كل شهر!
بس ما اعرف اذا صار ينطي اعداد يومية؟!!

70
سلام عليكم عاشت ايدكم على هذا الموضوع اللي فتحتو والله اني حالياً مشغوله بي ودا افكر اجي بعمان اقدم على الun اني حالياً بالعراق ونويت ان شاء الله اجي للاردن واقدم وردت اعرف اشكد تطول مدة التوطين والسفر حالياً سمعت انه اكو تسريع قوي بالمعاملات هل هذا الكلام صحيح زين هم اكو حالات رفض لا سامح الله واذا جان اللاجئ مو بالمناطق الساخنه بس شيعي ومهدد هم  يقبلون قظيته لو ينطون لجوء بس للمناطق الساخنه والمسيح ؟؟؟؟؟؟؟؟؟
 عفيه اريد احد يجاوبني لان اني كلش محتاره


بالمناسبه احنه عائله ٦ نفرات اني وزوجي واربع ابناء اكبر واحد ٨ سنوات والباقين زغار هل الاطفال يقوون الكيس مال اللجوء لو معليهم لان سمعت العنده اطفال يقبلون قظيته ويسرعون معاملتهم ..... وشكراً
وعليكم السلام ورحمة الله
اهلا اخت Lulu-peral
بالنسبة لفترة التحويل على التوطين محد يكدر يتكهن بيها وتبقى مسألة حظ ...قبل الاحداث الاخيرة كانت معدل سنة ونص الى سنتين ممكن يصير التحويل للتوطين والسفر ..وممكن اكثر وممكن اقل حسب الحظ 
ومسالة القبول بغض النظر عن الطائفة مادام بالمناطق الساخنة ممكن ينقبل 
وشغلة الاطفال هم مو شرط...اكو اعضاء يكولون العوائل على اساس يمشوهم اسرع...بس اني صراحة شفت كدامي عوائل من 2008 و 2007 وبعدهم وشفت سنكل (يعني غير متزوجين) وسافروا من وقت...وتبقى تعتمد على القصة الشخصية لكل حالة ومدى التهديد. والحظ يلعب دور.

مية هلا بيج اختي ونورتي الموضوع
الله يوفقكم ويسلمكم ويطلعكم سالمين من المكان الي انتو بي

71
السلام عليكم
اني مكملة كلشي بس حالة الملف معلق صارلها٤٥يوم واللي بيها نزلت مدينة ومطار واتصلو بالكفيل
حالة السفر غير فعال
تقديم عمان
وعليكم السلام ورحمة الله
ان شاء تطلعون من التعليق وتسهل اموركم يارب
شكرا للمشاركة

72
الف الف شكر اختنا العزيزة ام الجود . وبالنسبة للاخوان المشككين والاخوة المتخاصمين اخوان هو منتدى وهاي معلومة حرة تحب تاخذ بيها  اوكي دشكك بيها اتركها بدون ان تشكك بمصداقية صاحب المعلومة لانها لاتقدم ولا تاخر باي شي . يعني لازم نختلف (اتفقنا على ان لا نتفق)  . شكرا مرة اخرى ست ام الجود
+100000000000000000000

73
مع الف سلامة وبالتوفيق ان شاء الله بحياتكم الجديدة :)

74
العفو الاخت ام الجود اذا امكن الموقع الرسمي؟ الي نوهتي عليه حضرتج بأحد الردود اعلاه
أكون ممنون
ومشكورة جهودج وان شاء الله السفر العاجل للجميع

75
وينكم جماعة الاردن - عمان؟
معقولة كلكم سافرتو؟

76
العفو اسف:
أي من ابويك في حالة كان عمرك اقل من 21 سنة

77
الاخ الكريم اني اللي اعرفة انه الناس تروح تسجل يو ان وراها ابو اليو ان يحولك على الاي او ام
بس انت دتكول انه اكو تقديم مباشر للناس اللي عدها تعاون ونصحت الاخ صاحب الموضوع انه يروح يقدم مباشر لان عندة اخوه متعاون ...
زين هل لانه الحالة اقارب من الدرجة الاولى لو شنو ؟؟
زين اني عندي عمي جان متعاون وطالع على فيزا SIV هل انه اني مؤهل لان اطب عدل وكبل على برنامج الاي او ام ؟؟؟؟
شوف عزيزي هذي الملاحظة: قبل شوية طلعتها من وحدة من رسائل الـ IOM
IMPORTANT: please be advised that your qualifying family members are the following: parents, spouse, children (any age, married or single), grandchildren (under 21 and single), brothers and sisters (any age, married or single), brothers and sisters’ spouses, and nieces and nephews (under 21 and single.) In order for grandchildren, nieces and nephews to qualify, they must be on the application with their parents.

يعني اكو شرطين:
1- حضرتك تكدر تقدم اذا كان عمرك اقل من 21 سنة 
2- لازم انت تكون مسجل مع احد ابويك (والدك على سبيل المثال) بالابليكيشن
وبكل الاحوال اسال واتأكد بنفسك يكون افضل (حتى اطلع من خطيتك  ;) )

78
الله يكون بعونهم 
ياريت نكدر نساعدهم

79
وعليكم السلام ورحمة الله
جواب السؤال الاول: ما اعرفه
وجواب السؤال الثاني: هم ما اعرفه  ;D ;D ;D ;D
بس حبيت اشارك وارفع الموضوع :) :) :) :)

80
حبيبي الغالي والطيب جراح بغداد
خادم ربك يا طيب
اني كنت احجي على اسم الولاية انت نطيت حتى المدينة  :) :) :)
حبيبي شايف كل الخير 

81
ان شاء لله ماكو ترحيل 
وما سامع لحد الان احد ترحل الا اذا كان هو عنده مشاكل
وبكل الاحوال ماكو احد يمنعكم من التسجيل بالـ UN

بالسلامة والتوفيق ان شاء الله

82
اوووكي هسه نشوفها ونسجل بيها
تسلمين اجونة وشكرا على المشاركة وياريت بقية الاعضاء يشاركون
http://www.ankawa.com/index.php/ankawaforum/index.php?topic=748332.new#new

83
شكرا  AUS 2013  على المبادره بفتح هاي الجمعيه واني اول وحده اسجل بيها بلكي اول وحده هم اطير منها هههه
حالة السفر حاليا غير فعال والفحص مكتمل من 10/7 والحمد لله ع كل شيء
 اختكم اجونه عمان
تسلمين اخت اجونة على التسجيل ويارب تطيرين اول وحدة 
ان شاء الله هذا الشهر تتحول عدكم حالة السفر الى انتظار
لأن احنا كنا ننتظر اعادة فحص لمدة سنتين وهذا كان الفحص الرابع وهذا الشي يبين انه فعلا اكو علاقة بين الامنية وقرب السفر مع اعادة الفحص الطبي
يعني اكو حركة على الملف
ان شاء الله يكون مؤشر جيد ونخلص 
بالتوفيق ان شاء الله

84
اصدقائي جماعة عمان
سويت جمعية جديدة تخص مواعيد السفر ارجو زيارتها على هذا الرابط والمشاركة فيها اذا عندكم اي معلومات جديدة 
تحياتي
http://www.ankawa.com/index.php/ankawaforum/index.php?topic=748332.new#new

85
السلام عليكم 
حبيت اسوي هذي الجمعية حتى نعرف تواريخ تحديد مواعيد السفر ومعرفة الفترة الزمنية المتوقعة منذ تغير حالة السفر الى انتظار
وايضا معرفة علاقة اجراء الفحص الطبي وعلاقتها بالسفر والامنية

ارجو المشاركة والدعم من قبل الاعضاء الي ساكنين في الاردن حصريا.
عندي ملفين ...واحد منهم صارت حالة السفر بالانتظار صارله 20 يوم
اعادة الفحص الطبي في بداية شهر 5

أرجو التواصل رجاءا
بالتوفيق للجميع ان شاء الله

87
بالتوفيق ان شاء الله
انتو من بغداد صح؟

88
الحمد لله على سلامتك ومشكور للمعلومات
بالنسبة للاعضاء اكيد رح يدورون على اسم الولاية الي انت بيها بس اطمئنوا مراح تلكوها علخارطة ;) ;) ;)

بالتوفيق عزيزي

89
والله عزيزي حسب رأيي المتواضع انه من الناحية النظرية "المفروض" ماتتعارض لأن انت بكل الاحوال رح تكون خارج بلدك طلبا للحماية سواءا عن طريق ال UN أو غير طريق , لذلك ماكو شي يمنعك من التقديم على الجهتين.

اني صراحة ماصايرة ويايا ولا سامع بأحد مسويها قبل
وكتلك هذا مجرد رأي 
وان شاء الله بقية الاعضاء يساعدوك اكثر مني

وشكرا لدعاءك ياغالي ويارب ييسر امرنا جميعا
تحياتي

90
بارك الله بالاخت ام الجود على نقل الاخبار المفرحة
وماكو داعي لهذا التشنج من قبل اختنا الدكتورة ايفا

91
عزيزي
اي بهذي الحالة تكون مؤهل للتقديم المباشر وبالتوفيق يارب
وبالنسبة لموضوع الاقامة جاوبتك بالشي الي اعرفه

تقدم على الUN (بالاضافة الى تقديمك على الIOM) وذلك لغرض الحصول على ورقة الحماية والتي تحميك من امكانية العودة القسرية 
وتبقى تسجل عليك غرامات (لعدم وجود الاقامة الرسمية) بعد مرور فترة ال 3 اشهر المسموحة على تأشيرة دخول الاردن

هسة عزيزي انت اول من تجي 
يختمولك على الجواز مراجعة اقرب مركز امني خلال شهر (حسب مكان اقامتك) مثلا اذا انت بعمان تروح على مركز امن صويلح- خلال شهر
توديلهم عقد ايجار وهوية صاحب الملك (الاردني) اذا عندك ملك بالاردن هذا بحث اخر ماعرفه

بالمركز الامني يسجلولك اقامة لمدة 3 شهور من تاريخ دخولك

بعد مرور هذي ال3 شهور تبدي تنحسب عليك الغرامات , وانت مخير تدفعها قبلا تسافر او ماتدفعها وينختملك منع من دخول الاردن لمدة 5 سنوات
ومثلما كتلك الي يحميك من العودة القسرية هي ورقة الحماية الي تحصلها من الUN بعدما تاخذ موعد وتقابل المقابلة الاولى.

هذا الشي الي اعرفه 
وان شاء الله الاخوة الاعضاء يفيدوك اكثر

تحياتي وبالتوفيق ان شاء الله

92
بالتوفيق اخويا
اكثرنا استلمنا رسالة التاجيل
حتى اكثرنا نسميها (الدفرة لتر) للضحك طبعا
وهي تمثل الموافقة المشروطة بالامنية مثلما كالو بقية الاخوة والاخوات

الله ييسر للجميع ان شاء الله

93
للاسف ماعندي سكنر جان شوفتك الفيزا مالتي
ما اعرف عنك عزيزي
احتمال كل بلد وكل وقت اله وضعه 
اني حجيتلك بالشي الي صار كدامي

94
الف الحمد لله على سلامتكم وبالتوفيق ان شاء الله بحياتكم الجديدة

95
اي والله نفس الحالة لحد ما ايست منهم

96
عزيزي انت قبلا انجاوبك بخصوص الاقامة
اول شي انت مؤهل للتقديم المباشر على ال IOM؟ يعني حضرتك مشتغل ويا الامريكان قبل وعندك اثباتات؟
وبالنسبة للاقامة تكدر تبقى بالاردن بدونها بس لازم يكون عندك ورقة حماية من ال UN 
وبالمقابل تبقى تسجل عليك غرامات يومية لحد متطلع (قبل كانت دينار ونص على اليوم وسمعت زادت)

بالتوفيق ان شاء الله عزيزي

97
اي عزيزي espero اتاكدت 
تبقى الفيزا يمك لأن تحتاجها بالمعاملات

99
عزيزي العراب
اكدر اساعدك بموضوع تثبيت الفحص الطبي بالموقع , لأن هذا الشي صار ويايا قبل كم يوم
ايضا سويت اعادة الفحص بس بالموقع اتاخر وضل (ان بروسس) لمدة اكثر من اسبوعين
لذلك اتصلت على القسم الطبي الموجود في منظمة الهجرة الدولية وذكرتهم بموضوع الفحص الطبي وعدم تثبيته بالموقع وفي وقتها الموظف بلغني انو رح يتابعلي الموضوع
وفعلا ورا يومين تثبت بالموقع.
عزيزي القسم الطبي موجود على الرقم الفرعي 724 او 725
طبعا بعد ما تتصل على احد الارقام الارضية للمنظمة ومن يطلب منك ادخال الرقم الفرعي , اتدخل الرقم 724

وان شاء الله اكون ساعدتك بهذا الموضوع مع العلم تفاصيل ملفي تختلف عنك وفقط التشابه موجود احتمال في موضوع عدم تثبيت نتيجة الفحص الطبي على الموقع. وهذا ماوضحه الك احد الاخوة بالردود اعلاه. واذا كان اكو مشكلة عندك بالفحص الطبي لكان اتصلو بيك بعد اسبوعين وهذا ما وضحه لي الطبيب التابع للمنظمة في يوم الفحص.

لذلك عزيزي ان شاء الله ماكو مشكلة عندك بالفحص ويبقى موضوع التثبيت بالموقع من قبل موظفي المنظمة هو المرجح

الله يسهل علينا جميعا
تحياتي

100
ورقه A4 ظلت وياه لحد الان ؟؟؟؟
والله عزيزي علاكثر ورح اتاكد وارجعلك خبر ان شاء الله

101
تسلمين دكتورة 
اكيد نتبادل المعلومات ان شاء الله
تحياتي وبالتوفيق للجميع 

102
اهلا دكتورة مية هلا
استشارات عن الدراسة الطبية في امريكا اني جاهز
تحياتي

103
اني جنت اتمنى اشوف شكلها للفيزه بالجواز ...سافرت ودخلت اميركا ومحدطلب الجواز ولا شفت الفيزه ...طلعت اصلا ماكو فيزا !!!!

عزيزي الفيزا عبارة ورقة A4 رسمية (طبعا ورق خاص)
اخويا من طلع من سوريا استلمها من منظمة الهجرة الدولية وظلت ويا لحد الان
ونفس رقم الاصدار يصير رقم الكرين كارد بالمستقبل

تحياتي

104
ماكو شي اليوم انتهى اليوم و ماكو شي مع الاسف ان شاء الله خير .... ان الله مع الصابرين ... اني بالنسبة الي شغلتي بعيدة لانه شفت صديق اليوم اخوه عندة اضافة طفل صارلة سنة ينتظر حبيت ابشركم انه ان شاء الله صارلي 6 سنين الامنية واقل شي سنتين اضافة طفل وتلحكها سنتين تغيير الكفيل وتلحكها سنتين انتظار سفر و سنتين مالك خالك وعمك ما بقى شي ان شاء الله كلها 10 سنوات بالزايد اني مسافر ..... متفائل هواية مو صح ؟؟؟؟
الله يكون بعونك
وبشر الصابرين
ماعدنا غير الصبر 

105
صباح الخير جميعا اليوم اول يوم دوام رسمي بعد العيد ان شاء الله الاخبار الحلوة للجميع والتوفيق يارب ........
صباح النور اخي جاكسون فيل
الله يسمع منك ويسهلها علينا جميعا

106
بالسلامة ان شاء الله
الله يسهل امر الجميع
شكرا لنقل الخبر

107
هههههههههههه مشكور على الموضوع ويارب انشالله هذا اسبوع خير وايام خير على الجميع وتفرج بحق حبيبنا محمد وال محمد
واليوم جيكت الموقع وعلى كولة عادل امام (ايه رأيك فتحت الموقع ومالئيتش شي متغير) هههههه
التغيير اغلب الاحيان يصير يوم الخميس على الجمعة
ويصير ايام الدوام في امريكا
يعني ابد ميصير بايام الاحد والسبت الا نادرا
وللعلم اني هم افتح الموقع كلسع وبكل الايام ;D ;D ;D
والله كريم

108
وا أسفاه عليكَ ايّها الوطـــن الغالي !
أبناءكَ ( يستجدون ) المساعدة ؛ كي يهاجروا ؛ كي يغتربوا ؛ كي يمضونَ الى المجهول !
ويمكثون بين طيّات هذا الزّمــن القاســــي سنين وسنين ؛ يعيشونَ عيشة كاليتامـى !
ويبقونَ عبارة عــن اجسامٌ بلا أســــماء ؛ مثل بيوتٍ بلا عناويــن !
الله يصبّـر كل عراقـــي ؛ ويسهّل أمورَ حياتهِ ؛ ليستقرّ في أرض الغربـة ؛ ليعيشَ بكرامـة ؟ !
منفــــيّ .. يعـدّ الآعوام العجــــاف ؛ كي تنصلح أمور الوطـن .. ويرجع مرّة أخرى !
اعنــة الله تنزل على من كانَ السّـــــبب !!! .
شنسوي ياخويا احسن من نكون جثث بدون هوية في وطننا

109
الحمد لله بارك الله بيك على هذي البشارة

110
شيل غراضك وروح
باجر عندك سفر حبيبي
هو هذا الصح عاشت ايدك :) :) :) :)

111
صباح الخير جميعا اليوم بداية اسبوع وان شاء الله بي اخبار حلوة للجميع بس اهم شي التفاؤول والتوكل على الله وان شاء الله خير ..
صباح النور 
امين ان شاء الله خير...الله يسهل امور الجميع يارب

112
قصي عبد الله 
 Thumb up! for u
cuz u r right :)

113
الله يكون بعونك
والله صفتني بشغلة الجوازات

114
السلام عليكم اشكركم جميعا احنة موجودين بس من الاعصاب طلعنة من البيت لان منكدر نشوف الجنط وكلشي كامل المهم( رحنة لمستشفى ابن البيطار كالو ب ١٢ انتو بل مستشفى هاذة جان الاتصال من عمان وخط الرحلة يوم٣ بشهر الاحد بغداد عمان المانيا نيو جرسي. توكلنة وطلعنة سلمنة الجوازات دور اسمائنة ماكو العواًئل كلهم طبو شربو الحبايه واحنة طلعنة شتعلت نار بينة خابرت المنظمة كتلة كلي ليييييييش سويتو بينة هيج يكلي ماعرف بس الي داشوفة انو موعدكم انلغة ورح نعمل اقصى جهدنة نحددلكم موعد والله العضيم دعينا على انفسنا بل موت واتمنينا الموت تعبنا تعبنا حسبي اللهونعم الوكيل هدو حيلنة اريد اعرف شوكترح يرجعون ينطونة موعد الله يخليكم الي سامع الي مجرب يكول

لا حول ولا قوة الا بالله
موقف صعب جدا ولاتحسدون عليه
الله يكون بعونكم
الحمد لله على كل حال
الله ييسر اموركم

115
لا حول ولا قوة الا بالله العلي العظيم
يا اخي بالله العظيم انقهرت واني اقرى قصتك لأن معاناتك متابعيها من ايام 
الله يكون بعونك 
موقف لاتحسد عليه ابدا
الله يفرجها عنك وييسر امرك
والله يا اخي خوفتني بشغلة الجوازات
جوازاتنا تنتهي بنهاية السنة وهذولا ميتأمنون

لاحول ولا قوة الا بالله
الحمد لله على كل حال

117
والله اخي اتصلت بيهم وكالوا انتظر وانت على الامنية ومن نحتاجك نتصل بيك والبارحة رجعت دزيت ايميل بي كل معلومات الطفل واوراقهم وكتلهم ضيفوهم وبلغوني اذا تحتاجون اي شي او اي مقابلة حسب اجراءاتكم بس اكيد لا حياة لمن تنادي ماكو فائدة .... هو بالظروف الطبيعية اضافة الطفل شكد وقت تاخذ اذا عندك معلومة اكون ممنون وهل اضافة الطفل تتطلب اعادة محلف لو لا ؟؟ مع الشكر
والله اخويا العزيز كتلك ما اعرف التفاصيل لأن ماماره عليا بصورة شخصية
ما اعرف شكد تطول الفترة للاضافة 
بس الي اعرفه يحتاج مقابلة وفد
اني جاوبتك من خلال متابعتي للاعضاء هنا في عينكاوا
عاشت ايدك زين سويت ودزيت الايميل بكل هذي التفاصيل... بس لومبلغهم بالتلفون همين لأن التلفون يكون اسرع (بالاضافة للايميل)
اتصل بيهم تلفون باجر ان شاء الله وبلغهم بطلب اضافة الطفل واكد عليهم بارسالك التفاصيل بالايميل

ان شاء الله بالتوفيق ومتطول اكثر

118
وعليكم السلام والرحمه اخي اذا تظل تقارن نفسك ويه غيرك تتعب وكل ملف وقصة التهديد او قضيته
 صحيح العيشه صعبه بعمان وحتى هسه صارت اصعب وكل اﻻسعار زادت اضعاف بس شنسوي هذا المكتوب . وشنو سنه ؟! اكو ناس من التسعينات ! زين وسافرو وقسم من 2005 او 2004 وهاي احنا من 2007 قدمنا ع اليوان و2011 حولونه ع اي او ام زين وبعدنا ننتظر والله كريم لعد احنا شنكول معظم العوائل الي قبلنا  او بعدنا جائو لعمان سافرو بأقل من سنه وبالعافيه عليهم وندعوا لهم بالموفقيه واحنا اوﻻدنا حايرين بدراستهم والعمر يجري واﻻمراض تعصف بينه وﻻ اريد احبط معنوياتك اصبر ابني  والله كريم رؤوف ماينسى عبده ومثل ماذكرت ﻻ تقارن نفسك ويه غيرك ماتحصل بس التعب والمغثه وانت مو ناقص صح؟ ومثل ماذكر الك اﻻخ جايسون ظل راسلهم او اكتب مناشده
ومن الله التوفيق
 امك اجونه عمان

هو هذا الصح

119
السلام عليكم
سجل يمك اخويا عندي احد الملفات صار انتظار سفر قبل 14 يوم 
تقديم un 2008 في سوريا
مقابلة وفد امريكي وموافقة مشروطة بالامنية في سوريا 2010
تحويل ملف الى الاردن 2014

بالتوفيق اعزائي

120
السلام عليكم شباب
بس حبيت استفسر منكم لان انتو بصراحه اصحاب خبره وانشاءلله ما اتقصرون عندي اخوي ناوي يقدم على ال iom  الاردن انزين في حاله تقديمه شلون يكدر يقدم علىUN  بس علمود ورقه الحمايه لو اكو حل اخر  لو عادي يضل بدون ورقه حمايه ؟؟


اتمنى منك رد شكر ب التوفيق للجميع

وعليكم السلام شاب
عزيزي جاوبتك على الخاص بالشي الي اعرفه
بالتوفيق ان شاء الله

121
السلام عليكم جميعا وكل عام وانتم بخير انا اسف لاني دخلت متأخر للجمعية بس انا من المخضرمين جدا بعمان انا ملفي متحول من اليو ان الى المنظمة الدولية للهجرة من جانت بالدوار الرابع يعني اني مخلص كل شي و بأنتظار الامنية من سنة 2008 و فحص طبي يمكن اكثر من 10 مرات و لكن الى حد الان بأنتظار الامنية الكشرة وجنة قبل مسوين ايضا كروب و لكن انقطعت فترة و رجعت لكيت الموقع متغير واغلب الاعضاء القدماء سافروا من فضل الله حبيت ... طبعا انا كل ما اتصل الملف عالتجييكات الامنية ويكلي الموظف اجراء جدا عادي حاليا عندي اضافة طفل وتغيير كفيل الله واعلم شكد ممكن تاخذ وقت يجوز 6 سنوات لخ والله اعلم ... الخير فيما يختاره الله واسف اذا احبطتكم واتمنالكم السفر القريب و التوفيق للجميع ......
وعليكم السلام ورحمة الله
عزيزي جاكسون فيل
ارجو حضرتك عملت بنصيحتي واتصلت بالمنظمة بخصوص اضافة الطفل
وان شاء الله ميصير تأخير اكثر من هذا بعد

بالتوفيق ان شاء الله

122
السلام عليكم اخوان طبعا اني جنت من ضمن جماعات سوريا
وضليت 8 سنوات وكلشي ماكو صارت الاوضاع رجعت للعراق
وبعدين اجيت لعمان قدمت بشهر 4 يوم 21 انطوني اثبات صفة لجوء ومن يومها لليوم كلشي ماكو يكوللي دنننظر ملف سوريا
مع العلم ملف سوريا جان بأسم امي واني حاليا كيس وحدي ومحد وياية
اخر مرة اتصلت علمنظمة كالولي تم الاعتراف بيج كلاجئة بس ملفج بعده ما وصل قسم التوطين
يعني شنو فهموني الي عرفته بالعادة بعد اول مقابلة ينطوك موعد ثاني واني ما انطوني موعد
اعتقد منطوج موعد ثاني لأن ملف اليو ان من سوريا وبعده ضمن فترة الصلاحية (احتمال) 
اني ايضا محول ملفي من سوريا قبل 3 سنوات
وهمين مانطوني موعد ثاني من حولت ملفي بوقتها
بس ملفي كان متحول توطين ومقابل وفد في سوريا

الله كريم الافضل تعملين بنصيحة الاخ جاكسون فيل بارسال الرسائل
بالتوفيق ان شاء الله

123
السلام عليكم وجمعه مباركه ع الجميع
ايييييي الحمدلله لكينه الجمعيه الخاصه بعمان وين جنتوو يمعوديين
احنا ملفنا الحمدلله والشكر طلعنا من التعليق 1/7 وسوينا الفحص الطبي 3/7    وبعدنا ننتظر والله كريم وماعدنا غير الانتظار والصبر من رب العباد يعني اذا اكو تحديث ع جدول جمعيتنا هاي اخر اخبارنا وانشالله الكل تسافر ومن الله التوفيق
اختكم اجونه عمان
بالتوفيق اخت اجونة

124
السلام عليكم اخوان 
تقبلوا مروري  على جمعيتكم  واتمنى التوفيق للجميع
لدي سؤال  لاهل الخبرة وان شاء الله مايقصرون
ارغب بالتقديم  على ال iom بغداد    لكن الشغلة طويلة والحديدة حارة  سؤالي
هل يؤثر هذها التقديم  في حال تركته وقدمت على ال un  من تركيا
وهل استطيع ان اضيف مع عائلتي  عائلة اخي
مع خالص تحياتي وامنياتي
وعليكم السلام ورحمة الله
عزيزي مفهمت انت قدمت على iom بغداد لو بعد؟ يعني شلون تريد تتركه وانت بعد مامقدم اصلا؟
والشغلة الثانية الي اعرفه بتركيا ماكو iom 
وموجودة منظمة icmc بديلة عنها وما اعرف اذا يحولون ملفات من iom 
انصحك تجي على عمان وتقدم iom مباشر اذا عندك اوراق تثبت عملك ويا الامريكان
بس اذا ماعندك قدم على الun اما بعمان او بتركيا ميأثر

تعذرني بس هذي المعلومات الي عندي
بالتوفيق ان شاء الله

125
لا تنسى تضيف مفتاح عمان 06 قبل الرقم
واذا تخابر من خارج الاردن يصير بهذا الشكل
+96265625077
طبعا علامة الزائد الخاصة بالمفتاح الدولي تصير قبل 962 بس هنا ينكلب  ;)

126
شكرا اخوية ...... ماهو الرقم الدي اتصلت علية واعطوك هدة اﻻجوبة ؟ وهل هو رقم مباشر او انسر مشين وتطلعلك تكلك للغة العربية اظغط 1 وبعدين لﻻستسفار عن الهجرة اتصل بالرقم 5625077.....الخ شكرا
اي هذا الخاص بالتوطين 5625077

127
هلاو كلكم
شلونكم؟

الف مبروك لكل اللي صارت تطورات بملفاتهم وفرحتنا بالأخبار الحلوة اخ صهيب
وآني آسفة  Aus لسماع خبر مرض والدتك اتمنالها كل الصحة والشفاء السريع والسعادة بسفركم..

أهلاً بكل اللي انضمو جديد للمنتدى.. اعذروني مدا اكَدر اتابع المنتدى ويه مشاغل الحياة، دا اشتغل ورح ابدا دراسة بالسادس

دائماً طمنونا عن اخباركم لمن تكَدرون....

Best Luck  :)

الله يسلمج اخت Lady
تسلمين وشكرا لدعائج
الحمد لله امي جتي للاردن ونطيناها العلاج والحمد لله اتحسنت وان شاء الله عبرت مرحلة الخطر
اني هم صار فترة مافايت على عينكاوا شوية جنا ملتهين ويا الحجية
هلايام رجعت اتابع
الحمد لله عادونا الفحص الطبي بعد اكسباير لمدة سنتين تقريبا
وحاليا ملف الاهل على جدولة السفر 
وملفي بعده بانتظار المرحلة الاخيرة للامنية حسب اخر اتصال قبل 10 ايام تقريبا

والله كريم
ان شاء الله بالتوفيق بحياتج الجديدة صحيح صعبة بس الحمد لله التعب بيها ميضيع ان شاء الله (مو مثل وضع العراق)
بالتوفيق للجميع ان شاء الله

128
يابااااااااه شنو هاي
جمعيتنا صايرة بالاخير
يمكن بس اني والاخ فيصل بقينا بعد ما اتاجل سفره بالشهر الخامس

بالتوفيق للسافروا والي ينتظرون
تحياتي

129
علوا اذا اكو!!
عندي احد الملفات صارله اسبوعين تقريبا اتحول الى انتظار سفر
خابرتهم قبل كم يوم كالولي على جدولة السفر
كتله زين متكدرون تساعدونا وتحددونا موعد سفر؟
كال هذي المسالة تتعلق بـ 3 عوامل :
1- المنظمة في امريكا (اتصور يقصد المنظمة المسؤولة عن استقبال اللاجئين)
2- خطوط الطيران والحجز
3- مكتب عمان (يعني مكتب منظمة الهجرة الدولية الي اتصلت عليه نفسه)

كتله اي اوكي يعني تكدرون انتو تساعدونا بهذا الموضوع
كال: اي احنا دنشتغل بي ومكاعدين

كتله يابا مشكورة جهودكم وبارك الله بيكم اهم شي متنسونا

وننتظر الاخوة الاعضاء بلكي يساعدونا اذا اكو رقم مباشر لقسم السفر مثلما تفضلت حضرتك
تحياتي وبالتوفيق للجميع ان شاء الله

130
عزيزي غاليلو
حاول تتصل على القسم الطبي في منظمة الهجرة الدولية في عمان
على هذا الرقم الفرعي 724 
يعني اول شي الرقم الرئيسي هذا :
 +962-6-562-5080
وبعدين من يفتح خط يكلك ادخل الرقم الفرعي تكتب هذا 724
هذا يفوتك مباشرة على القسم الطبي وتفهمهم بالشي الي صار وياك, لأن هذولا همه المسؤولين على جدولة الفحص الطبي
تحياتي وبالتوفيق ان شاء الله 

131
لا حول ولا قوة الا بالله
الله يكون بعونكم
ان شاء الله عن قريب ينطوكم موعد جديد

132
عزيزي لاتخاف 
هو هذا الرد الخاص بجدولة السفر 
ومو شرط يكون بي نص صريح على انك على جدولة السفر
هذا الرد وصل لأخويا قبلا يسافر قبل سنتين وايضا كان نفس حالتك على جدولة السفر

اطمئن عزيزي وبالتوفيق والسلامة ان شاء الله

133
السلام عليكم وكل عام وانتم بالف خير
استاذي العزيز خليني احاول اساعدك بجوابي عن السؤال الثاني بخصوص اتصال منظمة الهجرة لأضافة الاطفال الله يحفظهم
اني صراحة مصايرة عندي حالة اضافة
بس اتصور حسب اعتقادي انه حضرتك لازم تبلغ منظمة الهجرة الدولية لغرض اضافة الاطفال على الملف
ويمكن يحتاج مقابلة محلف للاضافة
هذا الشي قاري في منتديات عينكاوا عن طريق تجارب بعض الاعضاء

دمتم بخير
وبالتوفيق ان شاء الله

134
ايهههههههههههههههههه واخيرا سنكل مان سافر
بالله العظيم من شفت الخبر فرحتلك ياطيب
انت عانيت هوايا
الف مبروووووووووك وبالتوفيق ان شاء الله بحياتك الجديدة وكل عام وانتم بالف خير

135
عزيزي yasereal
هو اجى بشهر 6 ونطوه موعد زين بالبداية 
بس ظل ينتظر من الصبح لحد الساعة 2 ونص
وارتفع عنده الضغط وعافهم وطلع 
بعدين عد نطوه موعد ثاني 13-7 وهمين اتأجل بس هلمرة بسببهم , تكرمون طفحت المجاري عدهم وصار عدهم اخلاء لكل الموقع 
عد الكل اتاجلو مو بس هو 
ونطوه موعد ثالث علبارحة
اكولك فلم هندي هذا اخويا ماكو هيج

اني ادري بيك دخت بس انت احسب الفترة على كيفك 
واديني بئية حئي  ;D ;D ;D ;D ;) ;) ;)

تحياتي يا طيبين وبالتوفيق ان شاء الله

136
الاخ الطيب New Day
بارك الله بيك على هذا المجهود الرائع والمعلومات الوافية
عندي اخويا اجى من بغداد قبل شهر والبارحة قابل المقابلة الاولى ونطوه موعد للمقابلة الثانية بشهر كانون الاول \ ديسمبر يعني بال12
واضح انو الموعد كلش بعيد صار هلفترة
حبيت اشارككم بهذا الموضوع حتى ان شاء الله نبقى على تواصل بكافة المستجدات من قبلنا ومن الاخوة والاخوات الاعضاء

بارك الله بيكم وكثر الله من امثالكم
ويارب الله يفرج على الجميع
تحياتي

137
عزيزي اكو طريقين بتوقع موعد السفر حاليا
وهذا الشي مبني على كلام اغلب الاعضاء في عينكاوا:
1- ركز على مراقبة حالة السفر هي اهم شي بالموقع
اذا كانت حالة السفر انتظار معناها السفر يكون قريب ان شاء الله
وحسب الموجود في فترة اقصاها شهرين
وضمن معدل 40 يوم
2- الطريق الثاني بتوقع السفر بعض الاعضاء يربطوها ويا الفحص الطبي
قبل لا ينتهي الاكسباير للفحص تكون مسافر ان شاء الله
وهذا يعتمد على تاريخ اجراءك الفحص الطبي 
وبالتوفيق ان شاء الله

138
أخوي في عائلات سورية  استلموا الفيزا من نهارين من سفارة الأردن 23-7-2014
قصدك عائلات عراقية في سوريا؟

139
السلام عليكم جميع الاخوة والاخوات
لو سمحت اخي شنو هوة الموقع بالفيس ياريت لو تكتبلنا اياه
ونكون شاكرين لك ولجهودك
هذا الموقع
https://www.facebook.com/un.iom.siv

140
ايههههههههههه الحمد لله بشرك الله بالخير
وبكل الاحوال حتى لو مراجع كان بقيت على الاتصال هو المهم
واضح انو الموقع فعلا يخربط
ان شاء الله سلامة الوصول والموفقية يارب

141
عليكم السلام اخوية والله صافية دافية  كلشي ماكو  بالنسبة لقضيتك انشالله بشهر التاسع او العاشر يجيك الجواب وانشالله قبول  وتبشرنا بخير  تحياتي 


اشكرك عزيزي tur ankawa
الله يبشرك بالخير دائما يارب
وبالتوفيق للجميع ان شاء الله

142
السلام عليكم اخويه اني هم قدمت ماصار هوايه بس اريد اعرف اشوكت دزولك الكيس نمبر وانت كفيلك شنو صديق لو اقارب


تحياتي الك
وعليكم السلام ورحمة الله
والله بوقتها مباشرة بس استلمو المعاملة من كفيلي باستراليا ورا اسبوع او اسبوعين تقريبا دزوله رسالة بريد بيها تاكيد الاستلام ورقم الكيس نمبر وكاتبين بيها تبقى على الانتظار واحنا نتصل بيكم.
كفيلي اقارب بس من بعيد (يعني تكدر تكول صديق)

والله كريم بالتوفيق للجميع ان شاء الله

143
لا مو خوش خبر!!!
ليش أجلوه؟
الله يكون بعونكم

144
بالتوفيق ان شاء الله 
يارب يحددون موعد سفر باسرع وقت

145
السلام عليكم
شلونك شنو اخباركم؟
صار فترة ما فايت على هذي الصفحة
بشرونا منو سافر ؟

اني بالنسبة الي بعدني كلشي ماكو وماكو اي اتصال من جانب استراليا
وحاليا عندي بس كيس نمبر وغيرها كلشي ماكو
لحد الان متصلو بيا على الفورمة 80 (يعني بعد ما مليتها)
وحتى الكفيل مالتي باستراليا صار فترة محاجي ويا
طبعا اني مقدم ومستلم الكيس نمبر من شهر آب\اغسطس 2013

الله يصبرنا ويصبر كل المنتظرين ويسر اموركم ويحفظكم

146
خلال هل فترة ولا رحله تاجلت بس رحلتنه الي كانت 15\6 ومو شخص وشخصين الرحله كلها وولا واحد من الي تاجلنه لحد هسه اخذنه موعد جديد

العفو عزيزي انتو ببغداد واتأجلتو؟ لو غير مكان؟

147
اخي وعزيزي
انت عليك بالاتصالات 
وانت ماشاء الله تبارك الله تكول 3 مرات اتصلوا بيك!!!
عليه عزيزي : ماعليك بالموقع ...ماعليك بالموقع....ماعليك بالموقع
وعليك بالاتصالات

وبالتوفيق ان شاء الله وشايف كل الخير

148
هوايا ديبقون العالم بانتظار السفر  :( :( ??? ??? ::) ::) :-\ :-\

149
احلى خبر 
بالتوفيق ان شاء الله
انتو بعمان حسب ما اتذكر؟؟!!

150
العفو حضرتك وين ببغداد ؟ لو بغير مكان؟

تحياتي وبالتوفيق للجميع ان شاء الله

151
بالف سلامة ان شاء الله وشايف كل الخير
ويارب الشفاء التام لابنتكم فاطمة

152
اخواني الحمد لله اتصال ثاني وبنجاح ساحق لله الحمد والمنه هسه خابروني المنظمة مرة ثانية وكالو راح انغير طيرانك مو من بغداد ان شاء الله راح يكون من اربيل  والفحص لغيناه بعد ماراح تفحص راح نكتفي بالفحص الي فحصتوه في بغداد بعد الموافقة وان شاء الله راح اخابركم هاي اليومين على الحباية لو تاخذها من اربيل لو من السليمانية موافق  كتلها يمعودة بارك الله بيج وين ماجان بس لا بغداد كالت بس راح اغير موعد طيرانك لو قبل 30\7 لو بعدها ماشي كلتلها وانا موافق وبكامل قواي العقلية بارك الله بيها حيل متعاونه وكالت راح اعتبر الموضوع شخصي الي جزاها الله خير

بالتوفيق اخونا ابو الحسن
يارب بالسلامة وشايف كل الخير

153
لا حول ولاقوة الا بالله
الله يكون بعونه ويشافيه يارب

154
معلش يا بابا اوس سمحنا المرة دي ;D ;D ;D

ههههههههههه ترة والله اليرجع اضربه بالعودة  ;D ;D ;D ;D ;D

155
بالتوفيق ان شاء الله
ان شاء الله تصير سوالف
بس اهم شي متخجلونا وترحون وترجعون بحجة الوضع معجبكم والحياة الصعبة
ترة وديني اكطع عنكم المصروف  ;D ;D ;D

بالتوفيق اعزائي

156
موفق اخويه AUS وشايف كل الخير انشاء الله تسافرون وتوصلون وتصير سوالف
حبيبي الغالي اجمعين ان شاء الله

157
شكرا اعزائي على هذي الردود المطمنة
واني اليوم اتصلت بيهم واكدوا انه احنا على جدولة السفر وقال لي بأن الامنية مكتملة! (تأكيدا على كلامكم)
أما بخصوص تحديد موعد السفر فيعتمد على 3 عوامل (كما ابلغني الموظف):
1- المنظمة في امريكا
2-خطوط الطيران (من حيث التوفر والحجز)
3- هو مكتب عمان (يعني مكتب منظمة الهجرة الدولية في عمان)

أما بخصوص المدينة والمطار فهي نازلات من اكثر من سنتين
وأرجو أن لاتقيس على حالتنا لأن احنا قدماء اصلا ...طبعا بدون اسباب معروفة , لا عدنا اضافات ولا عدنا تأجيلات ولا اي شيء
تأخير لأسباب غير واضحة
فقط مسألة حظ.

بالتوفيق للجميع ان شاء الله وشكرا مرة ثانية على الردود

158
اعزائي بالنسبة للي عدهم السفر بالانتظار 
هل الامنية تظهر عندكم مكتملة؟
لو ايضا انتظار؟

حاليا لدي ملف فيه السفر اصبح انتظار قبل ايام 
والامنية ايضا مازالت انتظار

وحالة الملف تقرا (فعال) منذ أشهر!!

بالتوفيق للجميع ان شاء الله ورمضان كريم

159
بالبداية احب اشكر اختنا ساوند عالمبادرة الجميلة وعن روح المساعدة للاخوانها وخوتها في المنتدى وجعلها في ميزان حسناتج بس احنه من اندز تفاصيل ملفتنا لازم نتاكد من الجهة المرسل اليها على سبيل المثال مكتب المظالم هوه جهة رسمية وعدهم ويب سايت ودخلنا عليه وقرينا واطمئنينا ودزيناله وصحيح ابو المثل يكوول الغركان يتعلك بكشاية بس هم الحذر واجب فدورت عله الويب سايت مال الجمعية هاي ولكيتة بس مع الاسف طلع جديد ومابي شي صفحة خالية ويكولي تحت الانشاءUnder Construction وهذه هوهhttp://www.stritafamilyservices.com/About_Us.html
وعندي بعد فد ملاحظة تكول انو احنه مخولنا مكتب الهجرة الامريكي يجيبولهم تفاصيل الكيسات المتاخرة وباقية بس عالامنية حته يمشيها ؟زين ليش همه ميعرفون ياكيس كملان ومخلصين كلشيي وباقي بس عالامنية يعني ميكدرون يجمعوهن ويكملون شغلاتهم ويحضروهم للسفر وحسب علمي انو الامنية محد يكدر يدخل بيها وهواية اعضاء مراسلين مكانات ومحاميين او واصلين لاشخاص حته بالكونكرس ومن يشوفوها الشغلة يم الامنية راسا يسحبون نفسهم ويكولون لهنا ومنكدر ندخل ويه الDHS بعد انتظرو امنيتكم تكمل وهمه يخبروكم فياريت توضيح عن مصدر هاي الجمعية وشلون تكدر تتدخل بشغل الامنية وتسرعها وخصوصا انو ماعدهم ويب سايت يكدر الواحد يعرفهم قبل لا يدز تفاصيل ملفة.
وتحياتي للجــــــــــــميع

عاشت ايدك عزيزي على هذا التحذير
واني عندي نفس الشعور وكتبته البارحة يمكن على صفحة الفيسبوك تحت نفس الاعلان
الي يثير الشك هو علم وزارة الخارجية بكافة الملفات الواصلة والمتاخرة
واني شخصيا وصلت لعضوين كونكرس ولولايتين مختلفتين ويكون تواصل مكاتبهم مع وزارة الخارجية مباشرة
ومثل ماتفضلت حضرتك بخصوص الامنية محد يكدر يتدخل بيها.

وبكل الاحوال شكرا للاخت ساوند على محاولة المساعدة
ولكن ارجو التاكد من المصادر

161
الف مبرووووووووووووووووووووك وشايف كل الخير
من وين سافرت ؟ من سوريا؟

162
نفس المشكلة الي انتظرها قبلك
وياريت اعرف الجواب

وحسب معلوماتي انه لازم هوية الاحوال المدنية تجدد
بس مسامع بشغلة شهادة الجنسية صراحة

احاول اتصل بشخص واتاكد من المطلوب

تحياتي

163
هلا اخويا فيصل شلونك؟
اني واهلي بعدنا نايمة البلوكة لاتخاف انت مو بحدك

ان شاء الله تفرج على الكل يارب

164
الله يعينك ويساعدك
حسبنا الله ونعم الوكيل عليهم
فعلا انت بموقف لاتحسد عليه

الله ارحم الراحمين اخويا العزيز

165
الف مبروووووووووووووووووووووووووك على سلامة الوصول
يارب تحقيق الاماني ودوام الموفقية والنجاح

طبعا عيني دمعت من قريت اخر جزء بالقصة

تحياتي لكم
ويارب الموفقية والسفر لكل المنتظرين المستحقين

166
السلام عليكم
شلونكم اخويا ؟
اهلي كانوا بسوريا وتحولو للاردن قبل شهر تقريبا
وبعدنا على حطة ايدك من 2010

تحياتي وبالتوفيق للجميع ان شاء الله

167
الف مبروووووووووووووك يارب سلامة الوصول والموفقية والنجاح
خبركم هذا رجعلنا الامل

تحياتي

168
مع الف سلامة حبيبنا ابو عادل
يارب دوام الموفقية والنجاح

169
صديقي ضاحية الرشيد شارع الروضة مجمع البنك الاسلامي اكو هواية شقق فارغة ومفروشة تكدر تجي وتشوف

حبيبي ممنون منك
ان شاء الله اجي لعمان واسويلي طلعة عليهم

170
الف مبروووووووووووك والف الحمد لله على سلامتكم
يارب الموفقية والنجاح بحياتكم الجديدة
ولو ازعجني موضوع ضياع احد الجنط يارب يعوضكم بخير منها

172
اخويه العزيز
اكو شقه مفروشه بالمدينه الرياضيه حلو وزينه تصلح لزوجين او شباب
وبالسعر ال تريده انت 200 دينار


ممنون حبيبي الغالي
والله علواه
واهم شي يكون ابو الملك ابن اوادم وميجي يزيد علينا بالصيف

173
ابشر اخويه
اكو شقه غرفه نوم والصاله مع بعض وحمام والمطبخ
بالمدينه الرياضيه وقريبه عليك كل الخدمات ومنطقه حلوه وهادئ ويريدوه ب200 دينار اردني يعني 300$
واذا انت بعمان دزلي رقمك اخابرك وادليك وين هيه وتدلل

تسلم يا غالي
دزيتلك رقمي علخاص

174
هذا رقم اتصل عليه وانشاءلله عنده اسمة ابو نبيل شقة ب160          0797013178 هذا الرقم اتصل عليه

حبيبي الغالي فيصل
جدا ممنون منك
هسة اتصل واشوف

175
ن شاء االله جماعة عمان يفدوك بس اكو موقعع اسمة سوق اردن مفتوح اكو بي شقق

اشكرك يا طيب
فعلا ذكرتني بهذا الموقع هسة اشوفه

عاشت ايدك وردة

176
الف الحمد لله على سلامتكم والف مبرووووووووووووك
بالتوفيق ان شاء الله

178
رسالة الى الاخت اسراء الوردة وكل من يهمه الامر:

السلام عليكم
شباب طلب سريع ومستعجل رجاءا مساعدتكم

محتاج شقة صغيرة بعمان
غرفة وحدة او غرفتين
مفروشة او فارغة
من 200 الى 300 دينار
اجار شهري واقصى شي شهرين

اكون ممنون جدا

تحياتي يا غالين

179
السلام عليكم
شباب طلب سريع ومستعجل رجاءا مساعدتكم

محتاج شقة صغيرة بعمان (الاردن)
غرفة وحدة او غرفتين
مفروشة او فارغة
من 200 الى 300 دينار
اجار شهري واقصى شي شهرين

اكون ممنون جدا

تحياتي يا غالين

180
السلام عليكم
شباب طلب سريع ومستعجل رجاءا مساعدتكم

محتاج شقة صغيرة بعمان
غرفة وحدة او غرفتين
مفروشة او فارغة
من 200 الى 300 دينار
اجار شهري واقصى شي شهرين

اكون ممنون جدا

تحياتي يا غالين

181
السلام عليكم
شباب طلب سريع ومستعجل رجاءا مساعدتكم

محتاج شقة صغيرة بعمان
غرفة وحدة او غرفتين
مفروشة او فارغة
من 200 الى 300 دينار
اجار شهري واقصى شي شهرين

اكون ممنون جدا

تحياتي يا غالين

182
السلام عليكم
شلون الشباب ان شاء الله بخير؟
اعزائي محتاج شقة بعمان بسعر مناسب
من 200 الى 300 دينار
غرفة وحدة وهول
او غرفتين مو مشكلة
ميهم اذا مفروشة او فارغة

اكون ممنون جدا اذا ساعتوني بهذا الموضوع

183
الف الف مبروووووووووك اخي الكريم لتقر اعينك بهم  وسلامي للعائله الكريمه وكل التوفيق
السلام عليكم
اعزائي جمعية سوريا وكل العراقيين المظلومين في سوريا
حبيت ابشركم بخلاص اهلي من جحيم سوريا
الف الحمد لله والشكر له الذي جمعني بهم في الاردن بعد طول فراق دام حوالي 3 سنوات

نسال الله العلي القدير أن يحفظكم جميعا ويحقق امانيكم

الله يسلمك ويحفظك حبيبي الغالي ابو ديمة
يا ربي يقر عينك بتحقيق امانيكم وسفركم بالسلامة ان شاء الله تعالى

184
شكرا اخونا الغالي ابو ديمة
حبيت ابشرك بوصول اهلي من سوريا الى الاردن
والحمد لله الذي جمعني بهم بعد طول فراق دام لحوالي 3 سنوات

كما تعلم (ربما) , بأصابة امي بمرض اللوكيميا (سرطان الدم) عندما كانت في سوريا منذ شهرين تقريبا , ومنذ شهر تقريبا تم مخاطبة اليو أن في سوريا عن طريق الطبيب المعالج بالفاكس ولم تتم الاجابة عليه حتى لحظة وصول اهلي يوم امس. وقد قمنا في وقتها بالاتصال على الارقام المذكورة في موضوع حضرتك ايضا ولكن للاسف لم يتم الرد علينا من اي منها (فيما يخص الارقام المباشرة لدى اليو ان في كفر سوسة).


شكرا جزيلا لكم...ووفقكم الله وحفظكم واخرجكم سالمين من سوريا ان شاء تعالى

185
الحمد لله شباب حبيت ابشركم بوصول اهلي من سوريا للاردن
والله جمعني بيهم بعد طول فراق لمدة 3 سنوات

يارب يشافي امي من المرض ونسافر بعدها سوية لامريكا

متصورون شكد فرحانين اليوم ولحد الان ممصدكين الله خلصهم من جحيم سوريا

يارب تحقيق الاماني للجميع ان شاء الله
انشاء الله توصلون كلكم بالسلامة وتجتمعون تحت سقف واحد
ان شاء الله ربي يسلمكم ويحفظكم جميعا
شكرا للدعاء

186
السلام عليكم
اعزائي جمعية سوريا وكل العراقيين المظلومين في سوريا
حبيت ابشركم بخلاص اهلي من جحيم سوريا
الف الحمد لله والشكر له الذي جمعني بهم في الاردن بعد طول فراق دام حوالي 3 سنوات

نسال الله العلي القدير أن يحفظكم جميعا ويحقق امانيكم

187
الهجرة و واللاجئين / رد: تبليغ
« في: 20:08 09/02/2014  »
والله يا أخ عمر صحيح اكو سفر هوايا
بس صرنا نسمع ونتحسر

هاي اخر شي امي المسكينة صارت سرطان دم (لوكيميا) بسوريا والعلاج مو موجود...مبقيت واحد مراسلته...من اعضاء كونغرس ومكتب المظالم ومنظمة الهجرة ...يمكن بقى بس اوباما مراسلته...وكلشي ماكو تعيش ...مكتب المظالم احلى شي يكولولي اصبر!!
كتلهم بابا عالصبر سهلة ...صارلنا 4 سنوات من قابلنا الوفد مالتكم وننتظر الامنية الكشرة ...هذي من غير تسجيل اللجوء ب2007..بس هذا الصبر مالتكم شلون ممكن استخدمه بديل عن العلاج الكيماوي حتى نعالج الحالة!!!
جايين تعلمونا علصبر؟ احنا نعلمكم شنو معنى الصبر مو انتو.

والله كريم
الله ارحم الراحمين


اخي انشاء الله يشافي الولاد ابجاه محمد وال بيت محمد ييسر امرك


احمد

حبيبي الغالي ابو شهاب الورد
ممنون جدا لدعاءك ياغالي

حبيبت ابشركم شباب ...الف الحمد لله والشكر... الله اليوم جمعني بأهلي الي كانوا بسوريا وجوي يمي للاردن
متصورون شكد مستوى الفرحة ولحد الان ممصدكين بعد طول فراق لمدة 3 سنوات

يارب الله سبحانه وتعالى يشافي امي ويكمل فرحتنا بسفرنا لامريكا ويجمعنا ويا اخويا هناك

يارب تحقيق الاماني للجميع
ممنون جدا على الدعاء يا غالين ويا طيبين

188
الحمد لله شباب حبيت ابشركم بوصول اهلي من سوريا للاردن
والله جمعني بيهم بعد طول فراق لمدة 3 سنوات

يارب يشافي امي من المرض ونسافر بعدها سوية لامريكا

متصورون شكد فرحانين اليوم ولحد الان ممصدكين الله خلصهم من جحيم سوريا

يارب تحقيق الاماني للجميع ان شاء الله

189
حبيبي الغالي فيصل ممنون منك جدا

الحمد لله ابشركم اليوم الله سبحانه وتعالى حقق امنيتي وجمعني باهلي
الحمد لله اليوم اهلي جوي من سوريا الى الاردن وخلصو من الجحيم هناك

الف مليون الحمد لله والشكر الي جمعني بيهم
ويارب تحقق امنيتنا الاخيرة ونسافر لامريكا بعد منعالج امي من المرض


يارب تحقيق الاماني للجميع

190
أيباهههههههههه...حبيبنا عموري الغالي
الف مليون ترليون كوكليون مبروووووووووووووووووووووووك يا طيب
الف الحمد لله على سلامتك
يارب تحقيق الاماني والموفقية والنجاح الدائم ان شاء الله

تستاهل كل خير يا طيب

191
الله يشفيها ان شاءلله


الله يسلمك ويحفظك وميشوفك اي مكروه ويحقق أمانيك يا غالي
يارب الله يفرجها عليك وعلى كلمن محتاج

ممنون جدا للدعاء أخي الغالي فيصل

192
الهجرة و واللاجئين / رد: تبليغ
« في: 14:29 05/02/2014  »
والله يا أخ عمر صحيح اكو سفر هوايا
بس صرنا نسمع ونتحسر

هاي اخر شي امي المسكينة صارت سرطان دم (لوكيميا) بسوريا والعلاج مو موجود...مبقيت واحد مراسلته...من اعضاء كونغرس ومكتب المظالم ومنظمة الهجرة ...يمكن بقى بس اوباما مراسلته...وكلشي ماكو تعيش ...مكتب المظالم احلى شي يكولولي اصبر!!
كتلهم بابا عالصبر سهلة ...صارلنا 4 سنوات من قابلنا الوفد مالتكم وننتظر الامنية الكشرة ...هذي من غير تسجيل اللجوء ب2007..بس هذا الصبر مالتكم شلون ممكن استخدمه بديل عن العلاج الكيماوي حتى نعالج الحالة!!!
جايين تعلمونا علصبر؟ احنا نعلمكم شنو معنى الصبر مو انتو.

والله كريم
الله ارحم الراحمين





ربي يشفي والدتك ونسمع اخبار حلوة

الله يسلمك ويبارك بيك اخي الغالي احمد
ممنون جدا على الدعاء
الله لا يشوفكم اي مكروه

193
الهجرة و واللاجئين / رد: تبليغ
« في: 14:28 05/02/2014  »
الله يعينك اخ اوس ويشفي والدتك ويعينهه ع المرض يا رب

الله يسلمكم ويبارك بيكم
شكرا للدعاء ...ربي ميشوفكم أي مكروه ويفرج عنكم جميعا
الحمد لله على كل حال

194
الله يشفيها ان شاء الله وما عدها اﻻ العافية

الله يسلمكم ويحفظكم من كل مكروه
شكرا للدعاء اخي العزيز
بارك الله بكم

195
الله يسلمك حبيبي الغالي تدلل
تعذرني ماعندي معلومات اكثر من الموقع الرسمي الخاص بالهجرة الاسترالية

بكل الاحوال خلي الكفيل يتصل بالمنظمة ويشوف التفاصيل منهم بالضبط.

تحياتي يا غالي وبالتوفيق ان شاء الله

196
أفوض أمري الى الله     الحنان  المنان
 

الحمد لله ...الله ارحم الراحمين

197
وبكل الاحوال خلي كفيلك يتصل (حتى اذا كان ليس من افراد العائلة)
مو خسران شي


198
السلام عليكم
هسة اني الحمدالله مسوي مقابله وكاعد انتضر تليفون من الدكتور علمود الفحوصات
عرفت صنف الفيزه مالتنه هو (202) وبحثت بموقع السفارة وعرفت تكاليف السفر تكون علينا
استفساري هو اكدر اخليهم يقصدون هالمبلغ وندفعه الهم دفعات بالمستقبل؟
لان بصراحه احنا عائله جبيره والمبلغ مو قليل بالنسبه النا....
سمعت اكو طريقه عن طريق ال IOM صحيح هالشي؟
اتمنى اي واحد عنده معلومه لا يبخل علينا
ملاحضه :ساكن بعمان وصارلي 20يوم مسوي مقابله ...

عزيزي بأمكان كفيلك الموجود في استراليا مخاطبة مكتب منظمة الهجرة الدولية في استراليا وستقوم المنظمة بتغطية نفقات السفر لحد نسبة 75% من التكلفة فقط (وليس 100 % كما في حالة امريكا) ولكن ولكن ولكن
يجب أن يكون الكفيل من نفس العائلة.

كما في الموضوع التالي:
The Australian Government does not fund travel costs for the holders of Global Special Humanitarian visas (subclass 202). If your application is approved, you or your proposer must pay for you to travel to Australia.

Financial assistance is available to you if your family members come to Australia on this visa. The International Organization for Migration (IOM) No-Interest Loan Scheme provides the following services:

lends up to 75 per cent of the travel costs to Australia to you or your immediate family members entering Australia on a Global Special Humanitarian visa (subclass 202)
arranges the travel bookings
provides advice and support before, during and after your family’s journey to Australia.
Details of the fund and application forms are available from IOM at:

Email: travel.loan.canberra@iom.int
Telephone: 02 6267 6634
Website: International Organization for Migration (IOM)

من الرابط التالي:
http://www.immi.gov.au/Visas/Pages/202.aspx

وبالتوفيق ان شاء الله

199
ان شاء الله بالتوفيق والسلامة عزيزي

200
الله يسلمك ويحفظك
لا اني انسى موضوعي
وحاليا ملتهي بأمي صار بيها سرطان الدم (اللوكيميا) وهي بسوريا والعلاج ماموجود هناك , وحاليا ملتهي بيها شلون اجيبها لهنا للاردن حتى اعالجها

والله كريم
الله ارحم الراحمين

201
الهجرة و واللاجئين / رد: تبليغ
« في: 19:21 04/02/2014  »
والله يا أخ عمر صحيح اكو سفر هوايا
بس صرنا نسمع ونتحسر

هاي اخر شي امي المسكينة صارت سرطان دم (لوكيميا) بسوريا والعلاج مو موجود...مبقيت واحد مراسلته...من اعضاء كونغرس ومكتب المظالم ومنظمة الهجرة ...يمكن بقى بس اوباما مراسلته...وكلشي ماكو تعيش ...مكتب المظالم احلى شي يكولولي اصبر!!
كتلهم بابا عالصبر سهلة ...صارلنا 4 سنوات من قابلنا الوفد مالتكم وننتظر الامنية الكشرة ...هذي من غير تسجيل اللجوء ب2007..بس هذا الصبر مالتكم شلون ممكن استخدمه بديل عن العلاج الكيماوي حتى نعالج الحالة!!!
جايين تعلمونا علصبر؟ احنا نعلمكم شنو معنى الصبر مو انتو.

والله كريم
الله ارحم الراحمين

202
الف مبرووووووووووووووووك اخونا الغالي ان شاء الله سلامة الوصول
والتوفيق والنجاح في حياتك الجديدة

تحياتي الك

203
واللي مقدم صارله 8 اشهر وليهسه ولا كيس نمبر ولا اتصال ولا خبر ولا حامض حلو ؟ اروح اسئلهم يكلولي انت كلش جديد اللي بال2011 بعدهم ملفاتهم مافاتحيها !! ها همسة شنو رايج؟ على الاقل انتوا بديتوا باول خطوة اني شكول ؟

هههههههههه مرحبا عليكم اثنينكم
اعزائي اني واهلي الي بسوريا رح نخلص السنة الرابعة على انتظار الامنية الكشرة
من بداية 2010 احنا مقابلين وفد
وبنهاية 2007 سجلنا لجوء يو ان
وعليكم الحساب

204
الف مبروووووووووووووووووك وصول الاخت ام راما بالف سلامة يارب
وبالتوفيق بحياتكم الجديدة
والحمد لله ماضيع صبركم
انتو من الناس المرابطين على الصبر والتحمل في سوريا في هذه الاوقات الصعبة

شكرا للغالي ابو ديمة على زفّ الخبر
يارب يوم للبقية

تحياتي

205
طيب يا جماعه يعني الي مدزولهم رساله تفعيل انروح انفعل لو لا يعني الكل لازم يفعلون لو بس الي دزولهم رسائل واخ ابو سلسبيل انت رحت فعلت لو بس خابرتهم

+1

206
مساء الخير
أنا مواطن عراقي أحمل جواز السفر العراقي.
تعرضت للإضطهاد والتهديد في العمل والسكن من قبل بعض المتطرفين في الإسبوعين الأخيرين
حالياً أنا أسكن خارج محافظتي لدى منزل احد الاقارب وقررت الهجرة من العراق نهائياً.
علماً أنني كنت أعمل كطبيب أسنان في مجمع تخصصي
..
لدي بعض المعارف والأقرباء في لبنان ولقد نصحوني بالهجرة الى هناك
هل بالإمكان الحصول على إقامة دائمية وعمل (أو ربما إكمال دراسة) في هذا البلد (لبنان) للعراقيين ؟

ليس لدي أي خبرة في هذا الموضوع وأحببت الإستفسار منكم
وأرجو الرد لإن الموضوع خطر الى درجة ما

وشكراً جزيلاً

عزيزي بصفتك جديد
تابع مواضيع المنتدى الخاصة عن لبنان ...ابحث بنفسك عن الاجوبة وبعدين ابدء بطرح بقية الاسئلة الي متلكالها اجوبة
تحياتي وبالتوفيق ان شاء الله

207
مقابله اولى لان اني رايح  زياره
بس اشوف اخواني صارلي سنين مشايفهم

ها قصدك مقابلة فيزة زيارة!!
اي مودا اكول , حسبت مقابلة وفد

بالتوفيق ان شاء الله خيرها بغيرها

208
اني عايش بالعراق و كفيلي بهيوستن قبل يومين التقيت ب امريكان اثنين كانوا يدورون على صيدلية فبقينا نحجي وهمة من Indiana وكتلهم اني اريد اطلع لهيوستن طبعا هو اول شي كلي عليه "oooh yeah the weather is same here but man its one of the most violent cities "
سألتة كتلة احتمال اروح لواشنطن الستيت... هو كلي كلش خوش اختيار وفرق كبير عن هيوستن !!!!!!!!!!!
طبعا هذا حجي امريكي انوا يكول المدينة خطرة والصراحة كلامك مقنع لان تناولت الايجابيات والسلبيات يعني خلي نكول حيادي


+1
طبعا اهل مكة ادرى بشعابها...طبعا اكيد الامريكي ينصحك عن المكان الزين والموزين

209
الف مبرووووووووووووووك لاخونا الغالي محمد الفاتح ويارب سلامة الوصول والموفقية في حياته الجديدة

وشكرا الك حبيبنا الغالي ابو ديمة على زف الخبر
وان شاء الله يارب يوم سفركم
وسفر كل اهلنا المظلومين في سوريا

210
السلام عليكم ورحمة الله وبركاته
تحية حب وإحترام لكل من الأخوة والأخوات في هذا الكروب وكل من سأل عني في فترة غيابي عن المنتدى وأخص بالذكر الأخوة أبو يوسف المحترم وأخي شكو ماكو  والأخ العزيز أكرم العزاوي وكل الأعضاء في هذا الكروب لكم مني فائق الشكر والتقدير ...
وأعتذر عن الإنقطاع وعدم الإستمرارية في المشاركات بسبب الظروف التي تطرأ على الإنسان وخاصة ونحن في الغربة ولله الحمد على كل حال .. وسبب إنقطاعي كان بسبب مرض طفلي الصغير والحمد لله والشكر ( الحمدلله الذي يفعل ما يشاء ولا يفعل ما يشاء غيره ) ..
تمنياتنا بالسفر القريب لجميع الأعضاء وربي يفرجها علينا جميعا


تقبلوا خالص تحياتي وإحترامي لكل أعضاء الكروب
أخوكم Mohammed Altaee
ماليزيا / كوالالمبور


حبيبنا الغالي محمد الطائي الف الحمد لله على سلامتك وسلامة ابنك
يارب يحفظكم ويحقق امانيكم

211
يارب سلامة الوصول والتوفيق والنجاح الدائم لبلبل المنتدى (كما احب ان اسميه دائما) الاخ الغالي عموري الوردة

تحياتي الك يا غالي
والف شكر للمهندس وطن المغتربين على هذه المبادرة الجميلة
ويارب التوفيق والسفر وتحقيق الاماني للجميع

212
السلام عليكم
شلونكم انشالله كلكم زينين
حبيت استفسر هن اسعار التكت من عمان لسدني
وشنو الاجراءات اليسويها الواحد اول ميصل؟
وشكد الراتب الراح يشمله؟
اتمنى العنده معلومات لا يبخل علينا
حتى الواحد يكون عنده فكره
وبالنهاية اتمنى الاخبار الحلوة والسفر للكلللل

بالنسبة للتكت من عمان لسدني :
اول شي دورتلك على الملكية طلع ماعدهم خط من عمان لسدني
بعدين دورت على القطرية السياحي بـ 810 دينار اردني
طبعا خط واحد (مابي مرجع)

هذا الرابط اذا تحب
https://booking.qatarairways.com/qribe-web/public/showBooking.action?widget=BF&selLang=en

وبالنسبة لبقية الاسئلة, المبلغ ينطوك الشي الي يكفيك حسب غلاء المعيشة بالمكان الي رح توصله...يعني بكل الاحوال سد بسد (مو مال تفكر تجمع بدون شغل)
وسؤالك عن  شنو اول شي تسوي ..هم لاتشيل هم , همه يفهموك عود بوقتها

تحياتي وبالتوفيق ان شاء الله

213
بالتوفيق ان شاء الله والف مبرووووووووووك

شكرا للنصيحة

214
اي صح عزيزي
هذا الشي جديد مدخلي بالسيستم

اني ايضا جددت في شهر 12 وهذا الشي كان موجود
وفعلا اول مرة

215
يا من أمره بين الكاف والنون يامن تقول للشيء كن فيكون
حقق امانينا واجمعني بأهلي المتواجدين في سوريا وشافي امي من مرض اللوكيميا آمين يارب العالمين

برحمتك نستغيث يا الله
ربي اني مسني الضر وانت ارحم الراحمين

اللهم حقق اماني الجميع ان شاء الله

اللهم اشف   الداعي الى امه بالشفاء العاجل   ويسر امرة
ويشف صدور قوم مؤمنين

شكرا جزيلا للدعاء
اللهم ربي يحقق كل أمانيكم ويديم عليكم الصحة والسلامة
بارك الله بيكم والسفر العاجل لجميع المستحقين بأذنه تعالى

216
يا من أمره بين الكاف والنون يامن تقول للشيء كن فيكون
حقق امانينا واجمعني بأهلي المتواجدين في سوريا وشافي امي من مرض اللوكيميا آمين يارب العالمين

برحمتك نستغيث يا الله
ربي اني مسني الضر وانت ارحم الراحمين

اللهم حقق اماني الجميع ان شاء الله

اللهم شافيها وعافيها يارب

الله يبارك بيك حبيبي Coral
الله يحقق كل امانيك يا غالي

شكرا جزيلا للدعاء

217
يا من أمره بين الكاف والنون يامن تقول للشيء كن فيكون
حقق امانينا واجمعني بأهلي المتواجدين في سوريا وشافي امي من مرض اللوكيميا آمين يارب العالمين

برحمتك نستغيث يا الله
ربي اني مسني الضر وانت ارحم الراحمين

اللهم حقق اماني الجميع ان شاء الله

218
This is a nice idea, why not!

شكرا لهذا الموضوع الهادف

219
احنا مقابلين وفد صار قرن وشنو الفايدة؟
يمكن لو مامقابلين هوايا اشرفنا
اقلها كان تحولنا على غير دولة

الله كريم
بالتوفيق للجميع ان شاء الله

أخوية كول يااللة الي شوف مصيبت غيرة تهون مصيبتة صح لو لا لعد اني اخوك مكمل وباقي على الفيزا بس صار عندي اضافة ورجعوني  من البداية يابة ليش لان عندك زوجة وطفل

وهذا تغير جذري كتلهم وأني كالوووو كلكم يعني تعب سنين راح بشط وهسة عفتة على ربك وأني واثق أنو اللة سبحانة وتعالى ماراح يخذلني وراح ينجيني واستقر للي اللة كاتبة الي

يعني اني هسة رجعت الى قيد الدراسة لو مشمول لو لأبالتوطين وارجع أكول اللة الكاتبة أنشوفة ومالنة غير الصبر

فاصبر أخوية والكاتبة اللة اللك ميصير الغيرك

بالتوفيق

الله يسلمك حبيبي الغالي
الحمد لله والشكر على كل حال
"لعل الله يحدث بعد ذلك امرا"

شكرا للنصيحة اخي الغالي
الله يفرجها على الجميع ان شاء الله

220
احنا مقابلين وفد صار قرن وشنو الفايدة؟
يمكن لو مامقابلين هوايا اشرفنا
اقلها كان تحولنا على غير دولة

الله كريم
بالتوفيق للجميع ان شاء الله

221
تحياتي لكم اخواني جميعا

انا طلعت من سوريا الى لبنان عن طريق نفس المكتب  اللي بجرمانا وبدووووون فيزا بس حجز الطائرة  وننزل ترانزيت بالاردن بمطار الملكة علياء و عن طريق الخطوط الملكية الاردنية وبمطار رفيق الحريري الفيزا حتكون عبارة عن حجز فندقي وعن 2000 $ فقط هذا كان بسنة 2012 بعد ماعرف شنو الاجراء الجديدة

تحياتي

شكرا عزيزي (على حب الله)

السؤال الاول : بس اريد أفهم شنو موضوع الــ 2000$؟
هل هي تأمينات تدفعها وترجعلك؟ هل هي خاوة مثلا؟ هل هي اجور دخولية (هاي صدك جديدة مني اجور دخولية  ??? ??? ???)
لو مثلا تأكيد انه انت عندك هلكد مبلغ ممكن تفوت تصرفه على السياحة بلبنان مثلا (هاي بيها باب وجواب)

الله يحفظك بس اريد افهم شنو سالفة هاي الــ2000 دولار؟

السؤال الثاني: اذا دخلت الى لبنان بفيزة اردنية ...يعني اني اريد ادخل لبنان ترانزيت ومنه اروح للاردن طيران من رفيق الحريري الى الملكة علياء , شنو الاجراءات بدون زحمة؟

ملاحظة: الاجابة على سؤالين اجباري , السؤال الثالث ترك لعيونك  ;D ;D ;D ;D


تحياتي يا غالي

اخوية العزيز تدلل اني راح اذكرلك الاجراءات  لما توصل للمطار راح يسألوك شنو سبب الزيارة اما سياحة او علاج ولازم ترفق وياها تقارير طبية  اما اذا سياحة فلازم يكون وياك اقل شي مبلغ 2000 دولار بس مجرد يشوفوهة بالمطار وبنفس اللحضة ينطوكياها دليل انو راح تصرفهة على سياحتك بلبنان وبالنسبة للاقامة حتكون لمدة شهر او 15 يوم تنختملك بالجواز وبعد انتهاءها تكدر تجددهم بمركز الشرطة بنفس المنطقة اللي انتة بيهة وحينطوك  مدة اعتقد شهرين مع دفع رسوم 50 الف ليرة لبناني عالجواز
اما بالنسبة انو قصدك من سوريا وتدخل ترانزيت لبنان ومنهة للاردن فليش هالتعب هية كبل الطائرة من سوريا للاردن  بس لازم تشوف شركة طيران تكون ترانزيتهة لبنان وتطلع للاردن وماعتقد اكو هيجي شي بس مع هذا لازم تسال لانه بصراحة مسامع بهيجي فقرة هههههه

وينهة السؤال الثالث بلكي اسهل من الثاني واجاوبك عليه واترك  ;D ;D ;D


تدلل اخوية تحياتي الك

الله يبارك بيك حبيبي الغالي
جدا ممنون منك
كفيت ووفيت عاشت ايدك يا طيب  :-* :-* :-* :-* :-*

222
اي صح متاخر لان اني اصلا صار سنة كل ما اروح اخذ موعد يئجولي 4 اشهر وعندي موعد شهر الجاي ماخذة من شهر 11 بس حسب ميكولون  انو عادي ما يعتبروني متاخر لان هم دينطون مواعيد بعيدة

اي اذا هيجي عادي
لأن هذا الكارت الازرق الي ينطوه على موعد التجديد همين بي بار كود ورقم يتسجل اسمك بالكومبيوتر انه انت جاي تراجع ويتسجلك تمديد على ورقة الحماية

بالتوفيق ان شاء الله

224
تحياتي لكم اخواني جميعا

انا طلعت من سوريا الى لبنان عن طريق نفس المكتب  اللي بجرمانا وبدووووون فيزا بس حجز الطائرة  وننزل ترانزيت بالاردن بمطار الملكة علياء و عن طريق الخطوط الملكية الاردنية وبمطار رفيق الحريري الفيزا حتكون عبارة عن حجز فندقي وعن 2000 $ فقط هذا كان بسنة 2012 بعد ماعرف شنو الاجراء الجديدة

تحياتي

شكرا عزيزي (على حب الله)
السؤال الاول : بس اريد أفهم شنو موضوع الــ 2000$؟
هل هي تأمينات تدفعها وترجعلك؟ هل هي خاوة مثلا؟ هل هي اجور دخولية (هاي صدك جديدة مني اجور دخولية  ??? ??? ???)
لو مثلا تأكيد انه انت عندك هلكد مبلغ ممكن تفوت تصرفه على السياحة بلبنان مثلا (هاي بيها باب وجواب)

الله يحفظك بس اريد افهم شنو سالفة هاي الــ2000 دولار؟

السؤال الثاني: اذا دخلت الى لبنان بفيزة اردنية ...يعني اني اريد ادخل لبنان ترانزيت ومنه اروح للاردن طيران من رفيق الحريري الى الملكة علياء , شنو الاجراءات بدون زحمة؟

ملاحظة: الاجابة على سؤالين اجباري , السؤال الثالث ترك لعيونك  ;D ;D ;D ;D


تحياتي يا غالي

225
ماكو شي فيصل لاتخاف
هذي الحالة تقريبا صارت يومية ويا الموقع يطفى كم ساعة ويرجع يشتغل

226
انت على كلامك يعني متأخر عن التجديد!!

التجديد كل 6 شهور عزيزي
حاول تراجع تشوف شنو الموضوع

هذا الكلام موجود على ورقة الحماية ??? ??? ???

227
ممنون اخوية AUS2013
بس اخوية يوم 2/1 جان عندة موعد تسجيل جديد راح الدير غبار كلولة التسجيل صار بخلدة وراح هناك واني من 2009 لحد قبل سنة اجدد بدير غبار

اني ايضا قديم قبل شهر رحت جددت في خلدا , وبالشهر الثالث 2013 جددت في ديرغبار
معنى كلامك حتى التسجيل الجديد صار على خلدا

يعني بالنتيجة تسجيل جديد + التجديد صاروا بمكان واحد

228
اخوان اني اعرف التسجيل بخلدا بس التجديد بدير غبار انتو متاكدين تحولت الخلدا لان اني عندي تجديد بعد كم يوم

أخي العزيز معلوماتك معكوسة تماما
التسجيل في دير غبار
والتجديد في خلدا

229
الله كريم اخي الفاضل هسة يتصلون بيك عن قريب جدا

على شنو يتصلون؟

صارلنا اكثر من 3 سنوات و8شهور ونفس النتيجة؟؟!!

230
اسف عزيزي ليست لدي معلومات
الله يوفقك ان شاء الله ويجمعك بأمك

رفع ومساعدة

231
شكرا لنشر هذا الموضوع
الذي يعلمنا بتفاصيل بسيطة كيفية واهمية الاندماج بالمجتمعات الغربية

بوركتم

232
شكرا جزيلا اختي الغالية
بارك الله بيكم

233
السلام عليكم
هذا السؤال طرحته سابقا عليكم وبوقتها الاخوان ماقصروا وجاوبوني بالتفاصيل ولكن اعيده عليكم الان لأن اتمنى يكون هناك تغيير بالاجراءات
السؤال هو:
ماهي اجراءات دخول العراقيين من سوريا الى لبنان
طبعا اقامة في سوريا على ورقة اليو أن

سؤال ثاني ملحق: اذا كان العراقي يحمل فيزة اردنية مثلا, ممكن يدخل الى لبنان ترانزيت بدون تعقيدات (ان وجدت في جواب السؤال الاول)؟

تحياتي وشكرا جزيلا لكم مقدما
وبالتوفيق للجميع ان شاء الله


اخي اني طلعت من سوريا الى العراق وبعدها سافرنا الى لبنان جوا 420$ الشخص الواحد
لكن من خلال الصدفة التقيت بعائلة عراقية طالعة من سوريا الشهر الماضي عن طريق مكتب بجرمانه  هو تكفل بطلعتهم الى لبنان
والمكتب بساحة السيوف بجرمانه  هو متخصص بتحصيل الفيز للعراقيين الى لبنان
هذا بالنسبة لطريقة دخول العراقي الى لبنان من سورية
وبصراحة اني لو كنت اعرف كان ما تعذبت وطلعت للعراق وطرت جوا الى لبنان لان كولش تبهذلنا لانو اني حتى مكان سكني مكدرت اوصل
حتى بقيت بفندق لحد ما صار موعد الطيران الى لبنان

اما بالنسبة للسؤال الثاني الي حضرتك طرحته فما عندي اله اي اجابة او المام بالموضوع 

اتمنى تكون وضحت الصورة لديك

 



شكرا جزيلا على هذا التوضيح
اذا أمكن اعرف اسم المكتب الي بجرمانه بالضبط وكم هي تكلفة الفيزة الى لبنان؟

اذا أمكن تسألين هذي العائلة عن التفاصيل

أكون ممنون جدا

بارك الله بيكم والله يحفظكم من كل سوء ويحقق أمانيكم

234
سمعت بنهاية الشهر
يعني الاسبوع الجاي على اساس

235
السلام عليكم
هذا السؤال طرحته سابقا عليكم وبوقتها الاخوان ماقصروا وجاوبوني بالتفاصيل ولكن اعيده عليكم الان لأن اتمنى يكون هناك تغيير بالاجراءات
السؤال هو:
ماهي اجراءات دخول العراقيين من سوريا الى لبنان
طبعا اقامة في سوريا على ورقة اليو أن

سؤال ثاني ملحق: اذا كان العراقي يحمل فيزة اردنية مثلا, ممكن يدخل الى لبنان ترانزيت بدون تعقيدات (ان وجدت في جواب السؤال الاول)؟

تحياتي وشكرا جزيلا لكم مقدما
وبالتوفيق للجميع ان شاء الله

236
احتمال بعد شهر أو اقل
هذا ماحدث مع صديقي قبل 3 أشهر تقريبا

238
الى خلدا عزيزي
بالتوفيق ان شاء الله

239
شكرا عزيزي واخي الغالي ابو شذى الوردة على نقل هذا الموضوع
وارجو معكم من الادارة أن تخصص قسم خاص يتم حفظ هكذا مواضيع فيه
وذلك بعد نشره في منتدى الهجرة واللاجئين لكثرة المتواجدين فيه

بوركتم ووفق الله جميع العراقيين لخدمة العراق والعالم أجمع بالعلم والمثابرة.

240
ما شاء الله تبارك الله
وانا أقرأ هذا الموضوع الشيق اتساءل مع نفسي وأقول لماذا لم تأتي هذه الكفاءات الى العراق بعد 2003؟ ولكن عندما أرى المتأسلمين ومن يحكم العراق اليوم تحت الغطاء الديني والبلد مكبل بالطائفية والقتل والارهاب وعدم توفر الخدمات فضلا عن عدم احترام ذوي الشهادات العلمية من امثال الدكتور موفق وترأس ذوي الشهادات المزورة والمتحزبين في اركان الدولة, أقول لهذا المثل والصرح الشامخ اياك أن تأتي الى العراق لا انت ولا عائلتك ولا امثالك فبلدنا للاسف لا يستحق تحت طائلة هذه الظروف.

شكرا لكم ابو شذى الوردة على هذا الموضوع القيّم

تحياتي لجميع العراقيين العلماء والشرفاء والاصلاء اينما كانوا

241
السلام عليكم
اني وصلت امريكا الحمد لله وتحديدا كالفورنيا
الولاية عبارة عن جنة والجو معتدل طول السنة
يوم الي الكم وتتيسر اموركم والسفر قوي جدا فتأملوا خير
تحياتي

حبيبي الغالي
الف الحمد لله على سلامتك
والف مليون ترليون مبروووووووووووووووك
شايف كل الخير ويارب دوام الموفقية

الله يبشرك بالخير دائما

تحياتي يا غالي  :-* :-* :-* :-* :-*

242
هلو فيصل
والله اني بعدني عل حطة ايدك
وملفي نايم وعليه كومة تراب وطابوك وبلوك  ;D ;D ;D ;D ;D

والحمد لله والشكر
وهسة موقع المنظمة مغلق قبل ساعتين من الان تقريبا
الساعة 3:51 am

تحياتي

243
اي والله دكتور صاحبتنا بيكا غركانه بالعسل حاليا وعايفتنا ههههههههههههه ;) ;) ;)

244
شكرا لك استاذنا الغالي ابو شذى الوردة على هذا الموضوع الرائع
وشكرا جزيلا للكلمات الرائعة التي اضافها الاخ العزيز حامد العيساوي (ابو نور) الى الموضوع , فليس بأستطاعتي اضافة كلام شكر وتقدير بعده

بارك الله فيكم ووفقكم لما يحب ويرضى

245
(بيكا) اليوم دزيتلها ايميل على عنوانها
ووصلني منها اوتوربلاي يكول هي بشهر العسل حاليا ومترجع غير 21 كانون الثاني \جانوري
وخاله ايميل المنظمة ...تكول اذا عندك شي راسل المنظمة مباشرة

الاتوربلاي عربي وانكليزي

تحياتي

246
بارك الله بيك استاذنا الغالي على هذا الموضوع القيم الذي يوثق مايحدث في بلدنا الان

وحسبنا الله ونعم الوكيل

247
تسلم حبيبي الغالي دكتور
ممنون جدا منك على هذي التفاصيل واني مستعد لهذا الشي

واشكرك جدا على الدعاء لوالدتي يا غالي

248
الله يسلمك ويحفظك حبيبي الغالي ابو ديمة
تعبتك ويايا اليوم
الله يديمك يارب
جدا ممنون منك حبيبي الغالي
الله يفرج على كل اهالينا بسوريا

249
عزيزي السياسة الجديدة للحكومة كما عرضها الاخ الغالي ابو يوسف بكل صدق ومن مصدرها الموثوق لاتعني انهم سوف لن يقبلو اللجوء عن طريق الكفلاء من غير الاقارب من الدرجة الاولى
ولكن
هناك اولوية للكفيل من الاقارب

أرجو أن تفهموا معاني الكلمات والمصطلحات المستخدمة

ومن جهة اخرى من قال ان هذه الدول لاتغير سياساتها؟
تغير سياساتها بكل تأكيد ولكن غالبا يكون التغيير ببعض البنود وليس تغييرات جذرية بالقوانين.

شكرا لكم وبالتوفيق للجميع ان شاء الله

250
الحمد لله على السلامه و شرفتنا من جديد، عندي سؤال متعلق بالفحص الطبي و بما انه صار اكسباير من منتصف شهر 11 و لحد الان اكسباير و كلما اسال الاي او ام مال الكه جواب ، و اخيرا جاوبوني البارحه و كانت الاجابه كالتالي :

In response to your inquiry, Kindly note that your case will be scheduled for medical appointment once the security checks on your case are cleared

فالظاهر هذا اجراء جديد انه ما يعيدون الفحص الطبي الا ما تخلص الامنيه. سابقا كنا كل سته اشهر نعيد الفحص الطبي. بالمناسبه الرمز اللي اجاني مع الجواب كان SAM>

ان شاء الله رب العالمين يفرج عن الجميع

نفس الشي صار معانا ونفس نموذج الرد بخصوص الفحص الطبي
وذلك منذ اكثر من ستة اشهر تقريبا
لذلك قررت بعد ذلك عدم سؤالهم عن مسالة اعادة الفحص الطبي

بالتوفيق للجميع ان شاء الله

251
الله يسلمك ويحفظك حبيبي الغالي ابو ديمة
اني صراحة سألت وكيل الطيران السوري هنا في عمان وهمه بلغوني بوجود الرحلات
وبالفعل اتاكدت عن هذا الشيء على موقع الطيران السوري الرسمي على الانترنت
وعرفت وجود بقية الرحلات من مطار دمشق

واكون ممنون جدا منك اذا تأكدت أكثر من هذا الموضوع واهم شي مسالة الطريق الى المطار

تحياتي يا غالي رح اتعبك ويايا

252
تسلم دكتور بارك الله بيك
رح اتصل بيهم والله كريم



حبيبي الغالي انا بخدمتك في اي وقت تحتاجه اني حاضر

الله يسلمك يا غالي , خادم ربك
والله والنعم منك ماتقصر
اني البارحة دزيتلهم رسالة وشرحت بيها حالة التاخير وذكرت تاريخ المقابلة ويا الوفد والحالة المرضية الاخيرة لوالدتي وشنو تحتاج لكن بدون رقم الملف
لحد الان ماجاوبوني لأن اعتقد خارج اوقات الدوام وبعدهم ماشافوها (الرسالة).

شكد معدل وقت ويجاوبون؟ (يعني كم يوم عمل ويجاوبون؟)

تحياتي يا طيب

253
الف الحمد لله على سلامتكم
ونشكر لكم عودتكم الى عائلة عينكاوا

بارك الله فيكم وفرج عنكم كربتكم باسرع وقت ان شاء الله تعالى

254
الله يبارك بيك اخي الغالي ابو ديمة
اول شي الحمد لله على سلامتك

وشغلة ثانية اريد اسالك على وضعكم بسوريا
واهم شي اريد منك توضحلي طريق مطار دمشق شلونه؟
لأن عرفت انه اكو 3 رحلات بالاسبوع الى الاردن
ورحلتين للعراق بالاسبوع (وحدة لبغداد والثانية للنجف)
وايضا رحلة لبيروت كل اسبوع

يعني المفروض يكون طريق المطار آمن للمسافرين
انت تعرف اني بالاردن واريد اجيب اهلي يمي من سوريا
يعني مسالة حياة أو موت

تحياتي يا غالي

255
والله يابا ما اعرف شكلك , ادري مصارلك سنة من رحت وافتريت هيجي بامريكا!!
على كل حال
شايف كل الخير وبالتوفيق ان شاء الله
وان شاء الله تستقر بتكساس وتلكي شغل
نشكرك على هذا السرد الحلو للقصة

تحياتي

256
تسلم دكتور بارك الله بيك
رح اتصل بيهم والله كريم


257
طيب اوكي دكتور عاشت ايدك...لكن وين عنوان هذي المنظمة حتى نقدم الها؟؟ ??? ???

258
يا حبيبي يادكتور الله يحفظك استمر وجاوبني على وضعية اهلي بسوريا

حبيبي الغالي اني بخدمتك يا غالي ..... طبعا التقديم راح يفيدك على اساس انه جنابكم من سوريا مو من العراق وعلى اعتبار سوريا احداث بيها ومتكدرون تبقون وبنفسا الوقت متكدرون ترجعون للعراق



تسلم دكتور الله يحفظك ويسلمك
ومسألة مرض والدتي بسرطان الدم (اللوكيميا) ويحتاجلها علاج كيمياوي باسرع وقت , ولا يمكننا تأخير العلاج اكثر من 3 اسابيع كما اخبرني اخصائي السرطان وامراض الدم هنا في الاردن. هل تسرع من السفر خلال ايام مثلا؟!

259
يا حبيبي يادكتور الله يحفظك استمر وجاوبني على وضعية اهلي بسوريا

260
رقم الملف SY-110
سنة التقديم على اليو أن نهاية 2007
مقابلة محلف 2010
سبب التعليق ( بانتظار الامنية)
في اي سنة تم استلام رسالى التاجيل (  (  Deferral Letter  2010
مكان التقديم من العراق او سوريا او تركيا او عمان ؟ ( سوريا )
هل تم رفضكم من قبل ؟ ( لا)
هل تم استلام موعد للسفر ام لا ؟ لا
هل تم اكتمال الامنية ولو لمرة واحدة ( لا)

بالاضافة لتشخيص والدتي باللوكيميا قبل اسبوع تقريبا!! وتحتاج للعلاج الكيماوي باسرع وقت ممكن
وما يزالون في سوريا

261
اي والله ياريت يادكتور
لأن هسة كلش محتاج هذا الشي

ان شاء الله احجي وياك علخاص اليوم

262
هلو حبيبي الغالي دكتور محمد
شلونك اخبارك؟
وين هلغيبة يا طيب

مية هلا برجعتك :-* :-* :-* :-*

263
يارب يشافيها ويشافي والدتي في سوريا من مرض اللوكيميا

264
بالتوفيق والسلامة ان شاء الله حبيبي (هاهية لعد)

شكرا لرفع المعنويات

تحياتي

265
ان شاء الله بالخير حبيبي الغالي

اني الحمد لله زين
بس ملفي نايم كلش ولا طكه  ;D ;D

والله كريم

266
هلو فيصل شلونك؟ بشر وين وصلت؟

اني بعدني وياك لاتخاف ...نايمة الطابوكة والحمد لله

أخي العزيز فتى المدينة
اي عزيزي
اتصور تكدر تقدم بمستمسكات الوالد ويا الادلة الي عندك

بالتوفيق ان شاء الله

267
مساء الخير
يجب ان تبلغ المنظمه و هو لن يكون من اولويات تسريع الملف لكن قد يحددو موعد فحص طبي
 و هو مهم غي تثبيت الحاله المرضيه
التي في حالة السفر تكون اوليا ت لها لتخضع للعلاج
اما الامنيه فهي لن تحركها و لو قيد انمله
 تحياتي

شكرا جزيلا للمرور والنصيحة
تحياتي يا غالي وأبعد الله عنا وعنكم كل الشرور والامراض

268
الله يبارك بيك ويحفظك Dr.Kemo
شكرا جزيلا على تقديم المساعدة والدعاء  :)

269
شكرا لنقل المعلومة
 :-* :-* :-*

270
حبيبي Dr.Kemo وين رحت؟ ارجو الاجابة على سؤالي الثاني  ??? ??? ???

تحياتي يا طيب


اني اسف والله قليل افتح نت لانه جدولي حيل مزدحم والله تعذروني

حبيبي الغالي اكولك شغلة تفيدك

لاتحجي على مرض الوالدة لانه المنظمة راح تفكر انه انت تريد تسفر الوالدة علمود العلاج - وبالتالي تنسه فدشي اسمه سفر
نصيحتي الك وداسولفلك على الشي الي ديصير عندي بالفحوصات والي هو انه انت تسافر او الحجية تسافر وهناك من تاخذ المديكير خلي الحجية تسوي فحص طبي ومن يطلع عدها المرض عدهم تكوللهم ما كنت اعرف بالمرض هاي اول مرة ادري بيه وبعدين راح تضمن علاجه بالمستشفيات الامريكية

اتمنى اكون ساعدتك ---- بالتوفيق

حبيبي الغالي دكتور
اني الي لازم اعتذر منك لتخصيص وقتك الي, أرجو أن تعذرني لأن شوية مضروبين على راسنا ومنعرف شنسوي تعرف...بس الحمد لله على كل حال ..هذا قضاء الله وقدره.

الله يبارك بيك يا غالي ...شكرا لهذي النصيحة الثمينة ..لأن فعلا كان عندي شك حول موضوع الازمة المالية كما ذكر الاخ الغالي (حبيبي العراق) ومتوقع عرقلة السفر ... وحضرتك اكدت هذا الشي لأن بصفتك بقلب الحدث مع المنظمة.

جدا ممنون منك

271
اخي العزيز اسأل الله الشفاء للوالدة وربي يحفظها ويطول بعمرها وكلشي بيد الله بس احب اطمنك عن هذا المرض عندي زوجة ابن عمي عدها نفس المرض وصار تقريبا 7 سنوات بالعراق ومستمرة على حبوب معينة تاخذها من العيادة الشعبية مال الامراض المزمنة وكل فترة تسوي تجييكات والحمد لله مسيطرين على المرض وتحت رحمة الباري.

اما بالنسبة تخبر اليوان وهذه الحالة تسرع بالملف لو لا؟؟؟؟
راح احجيلك عن حالة احد الاصدقاء  بالامارات وابنة عندة فشل كلوي والمسكين وضعة كلش خطر وصعب لان يحتاج تبديل الكلية لان الاثنين تالفين (اجاركم الله من هذة الامراض) وراح وودة كل التقارير والصور مال المستشفى  لليو ان وملفة كان تقريبا خلصان واجاه رفض . اخوية حاليا الازمة المالية تلعب دور كلش كبير بامريكا لان المريض يحتاج علاج والعلاج هناك كلش غالي .
حبيت انقل ما حصل مع هذا الشخص وانت بكيفك لان هذا مجرد رأي .

اخوك حبيبي العراق

حبيبي الغالي ممنون جدا منك على الدعاء والنصيحة
الله يبارك بيكم ويحفظكم من كل شر

272
حبيبي Dr.Kemo وين رحت؟ ارجو الاجابة على سؤالي الثاني  ??? ??? ???

تحياتي يا طيب

274
اخي AUS 2013 تعرف شي عن جماعة التحويل من امريكا الى استراليا عن طريق اليو ان ؟؟
صار هواية اسئل هذا السؤال ومحد دينطيني الجواب
ماعرف سئلتك انت بلكي انت تعرف شي لانه انت هم مثلنة بسوريا بلكت سامع شي خبر بخصوص هلموضوع
تحياتي الك

لا والله يا اختي ما اعرف شي بخصوص التحويل
اني بالنسبة الي قدمت بنفسي على استراليا عن طريق كفيل, يعني اليو أن مالهم شغل بوضعي.

الله يحفظ كل اهالينا بسوريا

275
اهلا اخي العزيز

الاجابات المقترحة:
1- طبعا اخي خلي يبلغهم برغبتك بالعمل
2- السكن بكل الاحوال يكون باختيارك انت مع المنظمة وضمن قطر 100 ميل على الاكثر (وربما اقل لا اعلم) عن موقع المنظمة الكفيلة باستقبالك
, وبكل الاحوال تحديد السكن ايضا رح يعتمد على مدى استعداد اخوك بتقديم المساعدة الكم. وهذا "الاستعداد" سيتم توقيعه على اوراق بين المنظمة واخوك الكفيل.
3- طبعا يبلغهم باستقبالك بالمطار
4- الاسئلة الاخرى : حضرتك ذاكرها بسياق السؤال . واكيد تأثر على المبلغ المعطى لكم بالبداية , وهذا الشي متعلق بالنقطة ثانيا وهي درجة الاستعداد.
5- لا اعلم
6- ايضا لا اعلم

تحياتي وبالتوفيق ان شاء الله

276
هذا الجواب المضبوط من شخص يشتغل بالمنظمة وطبيب , انصحك تمشي على كلامه لان اكيد هو اعرف بهيج امور




اخويه الغالي بحكم عملي كطبيب وعملي بالمنظمة اذا ترسل تقاريرك راح تتاخر لانه راح يحسون بيك تريد تطلع علمود تعالج والدتك
فلاتبلغهم ومن توصل هناك روح سوي فحص وامشي بعلاج الوالدة

شكرا لمرورك وكلامك عزيزي
اي طبعا اكيد الدكتور كلامه اضبط شي ولا يهونون البقية

277
اخويه الغالي بحكم عملي كطبيب وعملي بالمنظمة اذا ترسل تقاريرك راح تتاخر لانه راح يحسون بيك تريد تطلع علمود تعالج والدتك
فلاتبلغهم ومن توصل هناك روح سوي فحص وامشي بعلاج الوالدة

أشكرك دكتورنا الغالي

اني بالنسبة الي ملفي مفصول عن اهلي
وهمه بسوريا واني بالاردن
يعني قصدي ما اريد اطلب منهم يسفروني الي ..وانما بس اهلي بسوريا

شنو رأيك هذا الكلام يمشي عدهم ؟ لو نفس الشي يؤخروهم بالزايد؟

ممنون على الاجابة

278
الله يبارك بيك عزيزي سلام

بانتظار تكملة بقية النقاط الخمسة من القانون  ;) ;) ;)

279


اكيد اخي لازم تبلغ المنظمة وتنطيهم التقارير الطبية لوالدنك
ممكن يكون عامل مساعدة بتسريع ملفك لكن تبقى الامنية محد يكدر يتكهن بيها
لوما حصل عندك تاخير بيها فانت وين مالشكلة ان تقدم التقارير والباقي على الله
سلامات للوالدة ربنا يشافيها ان شاء الله
ساوند .



تسلمين على النصيحة
وشكرا جزيلا على الدعاء اختي الغالية ساوند

281
شكرا للموضوع
وبدون تجربة
تحياتي

282
بارك الله بيك عزيزي ابو ادم على هذا الجواب!

المشكلة الناس الي يتندمون على السفر واضح انهم غير مهددين عندما كانوا بالعراق, اي بمعنى اخر سفرهم كان بطر ومجرد تجربة ومزاحمة الاخرين المهددين والمضطهدين ومستحقين للسفر بحق.

اعزائي احنا تركنا العراق مو لأنه بطرانين لو ماعدنا شغل زين لو ماعدنا بيوت
احنا تركنا العراق لأسباب الامن والاضطهاد والتمييز العرقي وفقدان الكرامة.

فاذا تحسون بنفسكم مافاقدين هذي الاشياء ميحتاج تقدمون على لجوء وتضيعون نفسكم وتتندمون بعدين.

تحياتي وأرجو تقبل كلامي برحابة صدر.

284
اولا الشفاء العاجل لوالدتك يارب

اخي العزيز

التهديد بالقتل هذه اولايتهم في تسريع الملف

اذا حصلت على تقرير يثبت لا وجود علاج في هذا الضرف التي تمر به سوريا

هذا يسرع من قظيتك ان شاء الله

ابو الوليد


الله يبارك بيك ويحفظك من كل شر

شكرا جزيلا للمرور والاجابة

287
رفع!
رفع  انشاءالله يجون و ايجاوبوك الاخوه تحياتي الك

أشكرك
الله يسهل امورك وتسافر بالف سلامة ان شاء الله

289
السلام عليكم

أعزائي مرتادي منتدى عينكاوا الطيبين
حبيت اليوم استشيركم بموضوع وهو مسألة تشخيص حالات الاورام (يعني السرطانات) وامراض الدم , هل تسرع من تحديد موعد السفر أم لا؟ بالعكس تؤخر اكثر؟

فللأسف فقد تم تشخيص والدتي مؤخرا بمرض سرطان الدم (اللوكيميا) وهي الان في سوريا , ونحن بأنتظار اكتمال الامنية منذ اكثر من ثلاثة سنوات ونصف.

فما هو رأيكم؟ هل أقوم بتبليغ منظمة الهجرة الدولية بهذا الموضوع لكي ربما يقوموا بتحريك الملف وتسريع السفر؟ أم نخفيه عليهم؟
وهل لديكم مواضيع مماثلة وتم تسريع سفرهم؟

شافانا الله واياكم وأبعد عنكم جميع الامراض ان شاء تعالى

أرجو أن تدعو لوالدتي بالشفاء

290
شكرا للموضوع

رفع  :) :)

291
رجعوا اعزائي .... والبوري بانتظاركم  ;) ;) ;) ;) ;)

لعد شكو سافرتوا وطلبتو لجوء؟؟!!


طبعا بالتوفيق والسلامة لليرجع
لكن اني مامقتنع بهذا الكلام

292
عزيزي
بالاضافة لنصيحة الاخت الكنداوية
نصيحتي الك هي الاتي:

افضل مكان ممكن تسال بي وتتاكد من صحة كلام هؤلاء هو اقرب سفارة كندية قريبة عليك

تحياتي لكم جميعا
وابعدنا الله عن اولاد وبنات الحرام

293
بارك الله بيك اخي AUS2013 
اني مسجل لاجيء في منظمة  UNHCR في الامارات وعندي رقم تسجيل فقط وليس ورقة حماية ومنتظر الموافقة انشاءالله على التوطين فهل هذا الرقم كافي لتسجيله بالفورم

تحياتي
ابو محمد

عزيزي ابو محمد
شوف هذي الفورمة رقم 842
http://www.immi.gov.au/allforms/pdf/842.pdf

تروح على صفحة رقم 11 بداخل هذي الفورمة (يعني الاستمارة) , اكو جدول يخص موضوع التسجيل بمفوضية اللجوء , اوكي؟

اكو عندك حقلين:
1- عنوانه  Mandate number
2- والثاني عنوانه Registration number

انت اختار واحد منهم يتوافق لما موجود عندك

حسب علمي اكو ناس عدهم الرقمين سوية , اكو ناس عدهم واحد منهم , مثلا اني عندي ثاني واحد الي كان مكتوب على ورقة الحماية , انت احتمال عندك اول واحد. لذلك شوف انت التسميات شنو متوافق ويا حالتك.

اتمنى تكون هذي المعلومات مفيدة الك
تحياتي وبالتوفيق ان شاء الله




294
ممكن يكون كفيلك ولا شرط للقرابة
وكفالته رح تكون معنوية

اتوكل على الله وقدم

بالتوفيق ان شاء الله

295
السلام عليكم عزيزي

اولا : انت عندك كرين كارد , لذلك هذا الموضوع حاليا يخص اهلك واولادك فقط, يعني انت مينعاد عليك شي
ثانيا: لا يمكن تخمين فترة اصدار الفيزة (تُصدر الفيز بعد اكتمال الامنية , كما في برنامج الــ SIV بالضبط)
ثالثا: اتصور حملك للكرين كارد معناها حضرتك لا تحتاج الى الترفل دوكيمنت, الترفل دوكيمنت يحتاجوه اللاجئين الي دخلو امريكا وخرجو منها قبل الحصول على الكرين كارد. الكرين كارد هي وثيقة اثبات اقامتك الدائمة في امريكا...وفي حالة ان ردت ترجع لامريكا ما عليك الا سؤال السفارة الامريكية عن تفاصيل الذهاب وما تحتاج اليه...وحسب علمي لا تحتاج حتى الى فيزة دخول ثانية...ولكن اسال السفارة عن التفاصيل افضل الك

رابعا: جميع المستمسكات السابقة التي قدمتها في معاملة الــ SIV بالاضافة الى مستمسكات اهلك واطفالك.

وطبعا يوجد هناك مقابلتين في منظمة الهجرة الدولية :
1- مقابلة تسجيل المعلومات والمستمسكات والقصة
2- مقابلة الوفد الامريكي (المحلف) , بعدها

ولا توجد فترة محددة بين المقابلتين, همه بكيفهم


بالتوفيق ان شاء الله
ارجو أن أكون فدتك بهذي الاجابات

296
عزيزي انت
واضح من كلامك انت مقابل في اليو ان , واليو أن فقط!!
 (المقصود بيها مفوضية الامم المتحدة لشؤون اللاجئين , مختصرها UNHCR , يعني United Nation High Commissioner for Refugees )

لكن ليش كاتب منظمة الهجرة ؟؟!!
(والمقصود بيها منظمة الهجرة الدولية , مختصرها IOM , يعني International Organization of Migration)

منظمة الهجرة هي جهة ثانية ومرحلة ثانية بعد اليو ان
فيما اذا لو حولوك على التوطين

بالتوفيق ان شاء الله

297
الهجرة و واللاجئين / رد: Emails from IOM
« في: 21:22 05/01/2014  »
good evening
from 14 nov to 26 dec
this is so so much isn't it ?

God bless you
your bro
Eng.saif

Yeah, unfortunately it is.
But better than nothing

Greetings bro

298
الهجرة و واللاجئين / رد: Emails from IOM
« في: 20:14 05/01/2014  »
Yes, I'm on Dec.26, as a response to my message on Nov.14 ??? ??? ???

299
ممنون اخويا الغالي Dr.Kemo

وبالنسبة للتوقيع الخاص بيك اني هم دائما انتبه عليه
وخاصة اول ما اقرى حجم الكيس 172
اكول الاخ جايب العشيرة كلها ههههههههه
ومن اقرى ميسان الجبايش الضحك يصير اكثر هههههههههههههههههههههههه

تحياتي اخي الغالي

300
شكرا للتوضيح اخي الغالي ابو يوسف

وان شاء الله الاتصال يكون خير عليكم وعلى الجميع ان شاء الله

301
والله احنة حتة حطب وتنكة ماكو ضالين هيج
زين يعني هي اليو ان كالت ماكو لو شنو؟؟
عفية اذا سمعتو خبر عن هالشي ياريت تكتبو النة وبالنسبة للراتب مال شهر الواحد والثاني هم وذا اكو تفعيل لو لا
احنة منعرف كلشي عن هالاخبار
تحياتي الكم

ان شاء الله اختي
الحال من بعضه , احنا نفس الشي وياكم

الله يفرجها علينا جميعا ونخلص

302
مساء الخير كروب سوريا
عندي سؤال  يا ريت تجاوبوني علية لان مو فاهمة السالفة

الي مقابل مقابلة اولى وعندة ورقة الاعتراف بصفة اللجوء يعني مقبول بي كلاجىء هل هذا يعني انة ملفة واصل لل iom وا لا ؟؟

تمنياتي لكم بالسفر العاجل يااااارب


لا اختي مو شرط
لازم اول شي اليو ان يتصل بيكم ويسويلكم مقابلة في قسم التوطين التابع الهم
ويسموها مقابلة التوطين
خلال المقابلة هذي يبلغوكم انه مثلا امريكا طلبت ملفك , توافقون؟
انتو رح تنطون رايكم بالموافقة من عدمها وتوقعون
اذا وافقتو ورا هذا رح يحولون ملفكم الى منظمة الهجرة الدولية وتنتظرون مقابلة اولى
بالمقابلة الاولى بمنظمة الهجرة رح ينطوكم الكارت الاخضر ومسجل بي رقم الكيس الخاص بيكم
وهذا الرقم يكون مختلف عن رقم ورقة الحماية الخاص باليو أن

طبعا بعدها يبلغوكم على مقابلة الوفد (وليس كما بين الاخ العزيز جبار)
وللاسف هذي المقابلة غير متوفرة الان في سوريا بسبب الاوضاع

بس عندكم احتمال السفر الى رومانيا وهناك يقابلوكم

هذا كله في حالة كانت دولة التوطين هي امريكا
اذا غير دول مثل كندا واستراليا
اعتقد مقابلات وفودهم اتم في نفس بناية اليو ان في كفر سوسة على شاشة الكومبيوتر كما اعلم

تحياتي وبالتوفيق للجميع ان شاء الله
حمى الله جميع اهالينا في سوريا

303
والله عزيزي ما اعرف اذا اكو امكانية تقديم مباشر على السفارة او القنصلية!!

اتصور فقط حالة "النساء المضطهدات" يمكن!!
كما هو مذكور في اول وثاني صفحة في الاستمارة رقم 842
بعنوان:
Woman at Risk (subclass 204)

اما 202 لا اتصور ممكن!!

تحياتي وبالتوفيق للجميع ان شاء الله

304
والله عزيزي dkz
اني نفس الحالة
المشكلة الاخ العزيز Dr. Kemo
كتب الموضوع وعافه  ??? ???

هسة نريد توضيح !! شنو الموضوع؟ وين بيا مكان؟ شنو الوظيفة بالضبط؟ عنوانها رقمها؟؟!!

تحياتي

305
شكرا جزيلا اختي الغالية ساوند
الحمد لله تمكنت الان من الدخول :D :D :D

306
بالخير عليه ان شاء الله

اي ممكن يصير , صايرة قبل

وشكرا على الخبر الحلو
وفعلا حلو مثلما تفضلت :D :D :D :D

307
السلام عليكم
الله كريم الله يفرجها علينه يارب العالمين اني المشكله من 2010 وهسه نسينه الامنيه كمنه نفكر بلفحص الطبي صارلي سنه بلضبط المفروض افحص الفحص الرابع ولسه اني فاحص بس مرتين وبلموقع بس فعال وكلما اخابرهم يكولون متحتاجون ادري شوكت لعد نحتاج والله ماعرف هذوله شنو فلمهم بس نكول الله كريم

احنا نفس حالتك على الفحص الطبي الرابع
لكنه فعال من شهر 6
يعني عبر الـ 6 شهور

وهمين من 2010 وبانتظار الامنية

والله كريم

308
اتصور موضوع قرض الطيران من منظمة الهجرة يشمل فقط الكفيل اذا كان من نفس العائلة , كما مذكور هنا:
Immediate Family members

وبكل الاحوال همه خالين عنوان اذا واحد يريد يستفسر اكثر,,في الوقت المناسب بعد ما تصد الفيزا وتتم كافة الاجراءات قبل السفر

309
اخت نونا اتصور حجينا بهذا الموضوع مسبقا

واتفقنا معلينا بالقيل والقال

وبكل الاحوال هو اسمه لجوء انساني وليس هجرة

فهناك فرق بين الهجرة و اللجوء

الهجرة لازم (المتقدم على فيزة الهجرة) جميع المصاريف المالية من طيارة الى ضمان صحي الى ايجار منزل الى الى ...الخ
كلها على نفقة المهاجر

وبينما في اللجوء الانساني هناك فئات
1- فئة اللجوء بتحويل من اليو ان (200) : هذا جميع النفقات على الحكومة الاسترالية (حتى الطيارة)
2- واما فئة التقديم المباشر عن طريق الكفيل (202): هذه ايضا جميع النفقات على الحكومة الاسترالية ماعدا اجور الطائرة

Cost
There is no visa application charge for this visa, unless you are applying under the Community pilot.

Other costs

The Australian Government does not fund travel costs for the holders of Global Special Humanitarian visas (subclass 202). If your application is approved, you or your proposer must pay for you to travel to Australia.

Financial assistance is available to you if your family members come to Australia on this visa. The International Organization for Migration (IOM) No-Interest Loan Scheme provides the following services:

lends up to 75 per cent of the travel costs to Australia to you or your immediate family members entering Australia on a Global Special Humanitarian visa (subclass 202)
arranges the travel bookings
provides advice and support before, during and after your family’s journey to Australia.
Details of the fund and application forms are available from IOM at:

Email: travel.loan.canberra@iom.int
Telephone: 02 6267 6634
Website: International Organization for Migration (IOM)

هذا الكلام من الموقع الرسمي لوزارة الهجرة الاسترالية هذا:
http://www.immi.gov.au/Visas/Pages/202.aspx

طبعا هنا كاتبين امكانية اخذ قرض (بدون فائدة) عن طريق منظمة الهجرة الدولية حتى نسبة 75% , وذلك بعد قبول الفيزا وقيام الكفيل هناك بالتنسيق مع مكتب منظمة الهجرة الدولية في استراليا , ومذكور عنوان الايميل والتلفون

اقري هذا الموضوع على كيفك

وبالتوفيق للجميع ان شاء الله

310
اخواني الاعزاء  هل هناك فرق بين ورقة الحماية والفسفورة لان كما علمت انه بمجرد التقديم للUN يعطوك ورقة الحماية تراجع بها الامنيات ثم بعد ذلك تستخرج مايسمى بالفسفورة  فايهما ترفق مع الفورمه وترسل الى دائرة الهجرة في استراليا مع جزيل الشكر

والله ياعزيزي ما اعرف بشغلة تركيا كما هو واضح من خلال كلامك عن الفسفورة

هذا نظام اليو ان بالفسفورة موجود فقط في تركيا حسب علمي المتواضع

المهم عزيزي اتصور اهم شي رقم الملف باليو ان

عندك بالاستمارة الخاصة بالتقديم للجوء الى استراليا (استمارة رقم 842) اكو مصطلحين مذكورات بجداول في صفحة رقم 11 من الاستمارة فيما يخص التسجيل باليو ان (او دليل تسجيلك باليو أن)
1- الاول بعنوان Mandate
2- والثاني بعنوان Registration

شوف اي واحد من التسميات يكون موجود عندك على ورقة الحماية (او الفسفورة) وسجله بالجدول
وطبعا لازم ترفق نسخة منه ويا المعاملة

أرجو أن تكون هذه المساعدة المتواضعة مفيدة لك

تحياتي وبالتوفيق ان شاء الله

311
حلو خوش رقم
ما شاء الله
ان شاء الله نكون من ضمنهم الاشهر القادمة
يا الهي والله تعبت  :-* :-* :-* :-* :-* :-*
الحمد لله والشكر على كل حال

312
قبل فترة احد الاعضاء سأل على الاخ حسين الجبوري وكالوا الله فرجها عليه وسافر من يوم 15 لامريكا , ان شاء الله يكون الخبر صحيح لان الاخ حسين الجبوري ساعد هواية ناس وقدم مساعدة كبيرة وجليلة للكثيرين .

ان شاء الله يكون الخبر صحيح
ابو ديما يستاهل كل خير

وكل عام وانتم بالف خير

شكرا لصاحب الموضوع

313
والله ضوجه وملل
مومعقول كل ما افوت اريد خبر عن سوريا ماكو شنو هلمنتدى  ياربي

اي والله عزيزي

314
وعليكم السلام ورحمة الله

لا عزيزي لاتروح للسفارة ولا شي

1- يحتاجلك ورقة اليو ان (وهي موجودة عندك كما هو واضح)
2- يحتاجلك كفيل باستراليا
3- تكمل الفورمات (يعني الاستمارات) فورم رقم 842 الخاصة بيك والفورم 681 الخاصة بالكفيل

هذي التفاصيل والفورمات تلكاها على موقع وزارة الهجرة الاسترالية الرسمي (مجانا)
هذا الموقع:
http://www.immi.gov.au/Visas/Pages/202.aspx

اي اسئلة ثانية: اول شي حاول تقرا بهذي الجمعية من بداية مواضيعها واطلع على كلام وتجارب الاعضاء بعين كاوا

وبعد ذلك يللة قدم اسئلتك اذا ملكيت جواب الها بالمنتدى

تحياتي وبالتوفيق ان شاء الله

315
الف الف مبروك عزيزي
مثل ما بلغتك قبل شوية على موضوعك السابق
هذا ماحدث مع أخي بالضبط
الآن أنت على جدولة السفر أن شاء الله
والأمنية ستكتمل لديك وتسافر بإذن الله تعالى

بالتوفيق ان شاء الله

316
الف الف مبرووووووووووك عزيزي
يارب الله يتمملك بالخير وتسافر بالسلامة يارب

317
العفو عزيزي هذا بيا مكان؟

بالعراق لو بالاردن قصدك؟


318
وبكل ألاحوال أرجو أن لا تقيسوا على وضعي ويصيبكم التشاؤم

فأنا قد تجاوز انتظار الامنية لدي مدة الــ3 سنوات والنصف

من الملفات المتراكم عليها التراب والبلوك والطابوق والحمد لله


بالتوفيق لنا جميعا
وان شاء الله وضعك زين صاحب الموضوع


319
عزيزي صارلي سنة فعال وكلشي ماكو




مستحيل حالة الملف متطول الة اكو خلل واذا هذا الكلام انت متاكد منة لازم تتصل بالمنضمة وتحجيلهم وهم راح يعدلولك المشكلة انشاء الله .



 اخوكم قحطان البياتي

أشكرك عزيزي قحطان البياتي

اكيد انا على تواصل معهم
لكن حبيت اوضح نقطة
وهي أن حالة الملف لاتقدم ولا تؤخر
والاهم هي حالة السفر
ومن ثم بعد ذلك حالة الامنية

فبالامكان أن يحدد لك موعد سفر قبل أن تظهر لديك اكتمال الامنية على الموقع
فهذا ماحصل مع اخي على سبيل المثال.

وقد تبقى حالة الملف بانتظار النتيجة حتى وصولك الى امريكا

ولكن بالفعل انا حالة الملف عندي صارلها سنة (فعال) وبدون مبالغة


تحياتي وبالتوفيق للجميع ان شاء الله

320
عزيزي صارلي سنة فعال وكلشي ماكو


321
She is asking for the UNHCR not the IOM!

322
اعزائي
اني ماعندي راتب
وماوافقولي على الراتب قبل 3 شهور تقريبا

وين انطي وجهي بهذا البرد؟

شغلة ثانية سمعت اكو شي اسمه كوبونات غذائية ؟؟!! هاي منين احصلها؟ وهل اني مشمول بيها لو لا؟

مع العلم اني سينكل وكلشي مامستفاد من المنظمة من يوم الي سجلت بيها لحد الان
صارلي اكثر من سنتين بالاردن

تحياتي

323
اي اختي هذا الكلام موجود على موقع وزارة الهجرة الاسترالية وبالفورمات ايضا
فقط تذاكر الطيران مكتوب اما اللاجئ نفسه يتحملها او الكفيل

والفحوصات الطبية وكل بقية الاشياء تكون على الحكومة الاسترالية

تحياتي وبالتوفيق ان شاء الله


 لان اهنا بسوريا الحجي غير شكل يقولون بأن من نوصل كفالة نعيش على حسابنا الخاص الحكومة مالها علاقة بينا لان احنا كفالات مو un

الله يوفق الجميع ويفرجها علجميع     >>>>>>>>>>>>> اختكم من سوريا

كلامهم مو صحيح ومو منطقي ومو رسمي وهذا هو الاهم

تحياتي وكل عام وانتم بالف خير
يارب تحقيق الاماني

324
اي اختي هذا الكلام موجود على موقع وزارة الهجرة الاسترالية وبالفورمات ايضا
فقط تذاكر الطيران مكتوب اما اللاجئ نفسه يتحملها او الكفيل

والفحوصات الطبية وكل بقية الاشياء تكون على الحكومة الاسترالية

تحياتي وبالتوفيق ان شاء الله

325
ان شاء الله اخويه تجيك الموافقة ...بس اني حسب اتصالي مع السفارة حاليا يكولون الاولوية حاليا للي كفيلهم متعهد يدفع مبالغ التذاكر واللي عدهم اقارب في استراليا هذولا التركيز عليهم بالدرجة الاولى هذا على لسان موظفة السفارة واكو وجبة تحولت بشهر ال 11 للسفارة وان شاء الله الكل يتحول ....

مرحبا اخويا ........ شنو القصد من ان الكفيل يتعهد بان يدفع مبالغ التذاكر الطيران ؟ يعني الكفيل هو راح يصرف علينا من نصل لاستراليا تكون على نفقتنا الخاصة المعيشة اهناك حتى رواتب مراح يصرفون علينا لو بس اجور التذاكر الطيران احنا ندفعها زين واذا الكفيل ماعندا امكانية شون راح نعرف منوا يبلغنا احنا بلنسبة النا الكفيل من اول ساعة قال حضروا فلوس التذاكر هو مراح يدفع شيء لان ماعندا امكانية زين اذا وصلنا المعيشة شلون لان حسب م\دا نسمع استراليا غالية والايجارات كذالك اسعارها مرتفعة الحكومة متصرفلنا رواتب ؟؟؟؟؟؟؟؟؟؟

وشكرآ اختكم من سوريا

عيني بس فلوس التذاكر انتو تدفعوها مثل مابلغكم الكفيل
بس سجلوها بأسم الكفيل حتى الحكومة تسهلها عليكم

اني هيجي فهمت الخبر
وبقية الاشياء حالها حال بقية انواع فيز اللجوء

326
الحمد لله اني ايميل واحد دزيته ونسيته اصلا
وجاوبوني ورا 43 يوم تقريبا

327
السلام عليكم
اعزائي العينكاويين المظلومين حبيت ابشركم

قبل شوية فتحت الايميل وشفتهم مجاوبيني على الايميل الي دزيته بتاريخ 14\11 , وشغلة حساب الايام خليتها عليكم لأن اصلا حتى الايميل نسيته.

طبعا الرد بكليشة الامنية المعتادة كلشي متغير
بس ضايفيلي صورة اتاج فايل ب3 لغات
(انكليزي وعربي وكردي)
مكتوب بيها "خدمات التوطين الى الولايات المتحدة مجانية"

من قريتها اتذكرت مسرحية "العيال كبرت"
من سلطان السكري "سعيد صالح" يرجع يعتذر للرجال الي ضربة اول مرة وياخذله نفس الكتلة (طبق الاصل لا ئلم زاد ولا نئص)

المهم ربّاط السالفة ويا المنظمة الكشرة:
"منا عارف انها شريفة"
يعني نعرف انه الخدمات مالتكم مجانية ميحتاج تذكرونا.

تحياتي للغالين

328
الحمد لله المفلس بالقافلة امين ههههههههه ;D ;D :D :D ;) ;)

329
مبروك اليوم نزلت الغذائيه والله متكلفين الجماعه


شكرا جزيلا لنقل الخبر

حضرتك استلمت لو بعد؟ وكم شهر؟

331
السلام عليكم جماعة سوريا
عفية فلوس الغذائية والمالية نزلت لو بعد لجماعة سوريا؟؟ مسمعتو شوكت تنزل ؟؟

اي والله ارجو الاجابة
شكرا للموضوع

رفع ومساعدة رجاءا

332
السلام على الجميع :بعد ماكمل كلشي واستلمت قرار المحلف نهاية شهر 10 تحول الملف الى انتظار النتيجة  ويوم 12-11 نزلت المدينة والمطار وراها يومين يله خابروا  الكفيل وبعد مخابروا الكفيل نص شهر ال11  تقريبا وراها بيوم او اثنيين  تحول الملف من انتظار النتيجة الى فعال .وقبل كم يوم  رجع الملف الى انتظار النتيجة .بالنسبة للامنية بالانتظار يعني متحول مكتمل ولاشي من المقابلة الاولى. فشنو هالتغيير بحالة الملف ؟؟؟؟؟؟؟؟؟؟؟

عيني حالة الملف مالها قيمة
لاتهتم بيها
اهم شي عندك الامنية وحالة السفر

اني ملفي صارله اكثر من سنة فعال وبدون فائدة
So what!

تحياتي وبالتوفيق للجميع ان شاء الله

333
بالتوفيق عزيزي
الله يتمملكم بالخير

334
السلام عليكم

خليني اجاوبك على سؤالك الاول
اتصور لأن انتو بمرحلة التشييك الامني وبالمراحل النهائية لذلك مقبلو يفصلون

هذا الشي الي صار ويانا
ايضا رفضوا الفصل لنفس السبب

تحياتي وبالتوفيق ان شاء الله

335
اشكرك Hillawi  على سرعة الاجابة ...

والله حجيك صحيح وحقك بس شسوي غير من القهر والصبر والغركان يتعلق بقشة .

هسه عندي سؤال الك ... هل ممكن ينطون موعد سفر قبل متكتمل الامنية ؟ اتوقع الجواب negative

بس اذا صارت وسافرت وهناك طلعت الامنية غير مقبول لا سمح الله ... يرجعوني لو شلون ؟

تحياتي

ابو علاوي حبي اعتقد ميصير اذا لم تكتمل الامنيه ويصبح السفر بالانتظار فلايوجد هناك اي اجراء اما ان تحصل على موعد سفر والامنيه بالانتظار فهذا شي لايعلمه إلا الله والمنظمة لان كلشي بكيفهم

تحياتي الك

عزيزي عندي اخويا قبل لايسافر صار عنده السفر انتظار والامنية كانت بعدها انتظار
وبوقتها اتصل بيهم وبلغوه انه هو على جدولة السفر
وبلفعل ورا كم يوم اتصلو بي وبلغوه بالسفر

بس ما اتذكر بوقتها الامنية اذا كملت او لا
بس اهم شي نطوه موعد سفر وطفر الحمد لله

336
الف الف مبرووووووووووووووك وصولكم
والف الحمد لله على سلامتكم
يارب دوام الموفقية والنجاح بحياتكم الجديدة بوطنكم الجديد

تحياتي لكم

337
اخوية اوس 2013ؤ انت تقديمك من العراق؟

عزيزي اني كاتب تقديم يو ان سوريا

قدمنا نهاية 2007

واتحولنا توطين 2009
وقابلنا وفد 5\2010

338
اني أييد شغلة علاقة اعادة الفحص بالامنية
وهذا كلام المنظمة نفسهم
بالاضافة الى تجارب الكثيريين بالوقت الحالي
يعني من سنة ونص او اكثر

وفعلا الكثير من من اعادوا الفحص تم اكتمال امنيتهم وسفرهم بعد فترة
طبعا هذا الكلام مايظهر على موقع عمان الا بعد ما يتم الفحص الطبي

وانما مناقلات داخلية بين المنظمة وامريكا

وايضا الي فهمته من هذيج الفترة اثناء ماكنت اتصل بيهم وبوقتها حصلت التلفون الداخلي للقسم الطبي بالمنظمة, انه تحديد جدولة الفحص ايضا تحدد من امريكا حالها حال بقية اجراءات السفر والامنيات.

والمنظمة مجرد جهة تنسيقية لا اكثر ولا اقل.

والله كريم على الامنية الكشرة

تحياتي بالتوفيق لنا جميعا

339
عزيزي اني اقدم منك
من شهر 12 \2012 انتظر اعادة الفحص
يعني صارلي سنة وكم يوم

وللعلم هذا الفحص الرابع
اني مقابل وفد في شهر 5\2010
تقديم يو ان من سوريا
وحاليا بالاردن
ومن كنت اتصل بيهم ايميلات كان جوابهم مثل جوابهم الك بالضبط
وحاليا صارلي تقريبا 5شهور مامندك بيهم
خالهم براحتهم

تحياتي
ترة والله تعبنا

340
الف الف مبروووك حبيبي
والحمد لله على سلامتكم
وشايفين كل الخير بحياتكم الجديدة

تحياتي

341
للعلم فقط مجرد التلميح للمنظمة بانكم ستقومون بالشكوى ضدهم سيكون رادع كافي لهم باعطاءكم حقوقكم
بمعنى آخر "التهديد بالقانون وليس استخدامه".

342
شكرا أخوية أوس على مشاركتم بس هم الناس هستوهم واصلين ميعرفون عليمن يروحون و يجون و من أوله يبدون بالشكوى متكولي شنو هذا البلد اللي أول ما يوصله الواحد يبدي يشتكي ؟



اخي الغالي ابو زيد
من المعروف عن المجتمع الامريكي انه مجتمع يحب المقاضاة بالانكليزي يسموه
Litigious Society
لذلك ولكون الواصلين الجدد يعتبرون ضعفاء من هذه الناحية , أقصد الناحية القانونية, ليس لوضعهم الانساني والقانوني ولكن على مستوى الثقافة من الناحية القانونية يكونون ضعيفين لذلك يكونون عرضة للاستغلال من قبل الكثير من هذه المنظمات وغيرها من الاشخاص وذلك لعدم معرفتهم بما يدور حولهم.

عزيزي نعم اقول لك : ليكونوا ولتكن "امريكي" من اول يوم وصولك الى وطنك الجديد

يعني بالعراقي "خليك مفتح باللبن دائما" خاصة فيما يخص القوانين.

تحياتي لكم وابعد عنكم اولاد الحرام اينما كانوا.

344
السلام عليكم
عزيزي المبالغ المخصصة لهذه المنظمات هي ضمن تعاقد بينهم وبين وزارة الخارجية الامريكية وهم ملزمين قانونا باعطاءه كافة المستحقات للاجئ المسجل لديهم.
وبامكانك رفع شكوى ضدهم


اما بالنسبة لموضوع التبرعات فهذا فلم هندي يسموه
موضوع التبرعات يتوقف على بعض الاشياء الاضافية ان توفرت مثال على ذلك الملابس المستعملة او الجديدة ادوات منزلية اجهزة كهربائية ربما.... الخ
ولا تشمل الويلكم والفودستامب والضمان الصحي والكاش الشهري

تحياتي

345
يعني اني اوياهم


احمد
بالخير عليك عزيزي
يارب دوام الموفقية والنجاح بحياتك الجديدة

346
;D  شكرا اخي على المعلومة والموضوع الحلوو

الله يسلمك اخي الغالي
شكرا لمرورك الجميل

347
اختي اني اهلي بسوريا نفس الحالة وشغلتهم أصعب وافرض بالسفر بسبب الأوضاع هناك وكذلك كثير ناس ديسفروهم من سوريا الا اهلي ما اعرف ليش.

وإني أيضا بالأردن وبعدني انتظر صارلي أكثر من 3 سنوات ونصف!!

وأنا لله وانا اليه راجعون

349
اخي العزيز كلنا مثلك نبعث رساثل او ماكو اي رد

عندي رساله باعثها قبل 40 يوم والى حد اليوم ماكو اي رد

نسال الله ان يرزقنا الصبر
Same to you
اني هم مثلك

350
كما هو واضح من الصور ان العدد الكلي المخصص لاستقبال اللاجئين لهذا العام لمنطقة الشرق الادنى وجنوب اسيا سيكون اكثر بمقدار 600 شخص.

حيث كان 32400 وتم استقبال 32390 منهم في السنة المالية 2013

ولهذا العام مخصص 33000

وتحتل حصة اللاجئين العراقيين اكثر من 60 % من بقية الجنسيات في هذه المنطقة

351
اعزائي العينكاويين

الصورة الاولى : تمثل السنة المالية 2013 وتشمل شهر 10 2012 الى شهر 9 2013
وكان عدد العراقيين الداخلين الى امريكا هو 19487

الصورة الثانية : تمثل اول شهرين من السنة المالية 2014 ( شهر 10 وشهر 11 )

وكان العدد 564 و 1675 على التوالي. ويظهر العدد في شهر 10 هو الاقل بسبب التوقف الحكومي الذي حصل بسبب مشكلة اقرار الموازنة للسنة المالية الحالية 2014.

352
شاهد هذي الاحصائية من الموقع الرسمي


353
عزيزي شلتاغ
هذي ال800 من مكان واحد لو كل الاماكن؟

اذا قصدك العراقيين من كل المناطق فمعناها هذا العدد قليل

لأن الاعداد بالاشهر السابقة قبل الشهر العاشر كانت تتراوح بين 1500 الى 1800

وفقط في شهر عشرة كانت الاعداد 550 تقريبا بسبب التوقف الحكومي الي صار

تحياتي

354
هذا التحذير من موقع الوزارة

http://travel.state.gov/visa/immigrants/types/types_1749.html

355
نتائج اللوتري بشهر السادس وليس الان

بالشهر الخامس من كل سنة
ويشمل سنة التقديم التي قبلها فقط وفقط لاغير
والتي تتم ف الشهر العاشر

مثال : تعلن نتائج التقديم عن سنة 2015 , التي تم التقديم لها في شهر اكتوبر\تشرين الاول من هذا العام 2013 , في شهر مايس\ايار 2014.

وبعد ذلك تتم المقابلات والاجراءات بما فيها الموافقات الامنية والقبول او الرفض واصدار الفيز للمقبولين لحين نهاية شهر سبتمبر \2015 ولا يتم اصدار اي فيزة من الفيز المخصصة لسنة 2015 بعد تاريخ 31 سبتمبر 2015 حيث يمثل هذا التاريخ نهاية السنة المالية للعام المذكور.

وللعلم ايضا ان وزارة الخارجية والسفارات الامريكية التابعة لها في مختلف دول العالم لاتقوم بارسال اي ايميلات عن نتائج قرعة الفيزة المتنوعة وانما تكون مسؤولية الاستفسار على عاتق المتقدم وذلك ضمن التعليمات والمواعيد المذكورة اعلاه.

لذا ارجو توخي الحذر لكثرة ايميلات الاحتيال عن هذا النوع من الفيز.

لمعلومات اكثر تابعو موقع وزارة الخارجية الرسمي
www.state.gov

والبحث عن موضوع الفيزة المتنوعة ومتابعة التحذيرات المنشورة على الموقع فيما يخص هذا النوع من الايميلات.

تحياتي

356
شكرا للموضوع عزيزي عموري الغالي

فعلا اليوم فتحت الملفات ولكيتهن راجعات

357


اخوان تختفي الامنية والمطار ترجع الامنية المطار
كل اللي مقدمين لجوء وتم قبول طلباتهم كلاجئين ومعاملاتهم ماشية لابد ما يسافرون
لو رفضتهم امريكا يتحولون لغير دول ولابد ما وحدة من الدول تستقبلهم .
اللي من حقه يخاف همة اللي مقدمين بالجديد ولم يتم قبول طلبات لجوئهم لحد الان
او اللي عنده سبب امني هذول من حقهم يخافون بحال صار اي تباطؤ بالقبول او السفر او حتى تم ايقاف برنامج استقبال اللاجئين
في اسوء الاحتمالات عدا ذلك فمعاملاتكم ما تتوقف بسبب اختفاء خانة بالويبسايت الخاص بالمنظمة ربما يكون خلل فني او تحديث
او حتى لو انرفعت الخانة نهائيا مو معناها انه معاملات المقبولين تتوقف او ترجع طلباتهم هي كلها مسألة وقت وتبقى كل ملف وخصوصيته
اكو حالة حصلت كدامي قبل سنوات عائلة كان عدها سفر قبل الموعد باسبوع اتصلو بيهم لغو موعد السفر وورا كم يوم اجاهم رفض نهائي
بسبب اكتشاف بصمة لصاحب الكيس في سجن ابو غريب هيج ملفات من حقهم يخافون .
لكن وحالة اخرى ملف تم رفضهم من امريكا بال2007 لانه اسباب طلب لجوئهم ماكانت مقنعة للمحلف
واتحولو الى استراليا ايضا تم رفضهم والان اتحولو الى كندا وقابلو الوفد وينتظرون موعد سفر اتصورو من 2007 واحنا الان بال 2013 !اخيرا رح يسافرون .
فالماعنده شي ليخاف ويكول يا الله
نتمنى السفر القريب لكل اعضاء منتدانا الطيبين .


شكرا جزيلا اخت ساوند على هذي التوضيحات
الله يطمنج دائما يا رب

358
نفس الحالة ويايا عموري الغالي

ادري همه اذا عطلة ليش يخلون التلفونات مفتوحة!! بس يخسرونا رصيد

359
شباب اليوم رجعوا المدينة والمطار
جيكوا ملفاتكم

360
اي شباب اليوم رجعت عندي همين

تحياتي

361
توقعي هو وجود اعادة ترتيب و تنظيم للموقع بصورة عامة لانه غير دقيق كما يجب ان يكون و الذي حصل هو جزء من هذا التنظيم
و اذا كان كذلك فهذا شئ جيد

+ 100
انا معك بهذا الرأي

362
اتصور هذا سياق جديد بالمنظمة
واحتمال على كولة الشباب ديسوون لوك جديد
حتى يحسسونا انه الموقع شغال مو بس صورة وحاطيها بوجوهنا

وحسبنا الله ونعم الوكيل

363
انا همينه اختفت المدينه والمطار ،اناماعتقد تحديث التحديث. يصير بيوم وليله اناتحدث موقعي الخميس والثلاثاء ماله وكت التحديث ،الاكيد مشكله بالاتصال لان الجو يؤثر مثل ماكال haithm
اخواني الاعزاء اني كذلك لا تخافون ولا تقلقون مجرد مشكله بلسيرفر لانه عدهم بعمان ثلوج وعواصف ودائما الخط الناقل للمعلومات ينضرب مجرد ايام ويرجع كلشي في مكانه احجيلكم عن خبره لانه اني صارلي خمس سنوات انتظر ومرت علينه هيج حالات
اخوكم ابو عبد الرحمن


كلامكم اثنينكم غير منطقي للاسف
الجو والاوضاع كان ممكن توقف الانترنت والسيرفرات بصورة تامة
ولا يحدث تغير محدد وانما تغير شامل وعام
هذا حسب تفسيركم

تحياتي وتقبلو تصحيحي ومودتي  :-* :-* :-*

364
احنا اقدم منكم
مقابلة الشهر 5
2010

وفات علينا الفحص الرابع من شهر 6 بهذي السنة
ولحد الان متصلو بينا
وبانتظار الامنية الكشرة
حتى لو مال ابن لادن هم كان خلصت ??? ??? ???

والله كريم

365
السلام عليكم

احنا بعدنا ممسافرين
ملفين مقابلة وفد 2010

تحياتي

366
نفس الشي قبل شوية عزيزي

عندي ملفين

367
عاشت ايدك حبيبي ابو سارة على هذا الكلام الحلو

اني المواضيع السلبية بطلت ما افتحها اصلا
كبل من العنوان واعوفها
واذا اقراها ما ارد عليها واكلف نفسي ارد على الكلام الفارغ

عزيزي المثل يكول القافلة تسير ولا يهمها نباح الكلاب

تحياتي للطيبين الي يستحقون وجودهم بامريكا

368
السلام عليكم
والله اني نفس الحالة قبل شوية فتحت الملفات مالتنا وشفت المدينة والمطار ماكو
وراسا جيت على المنتدى اريد انزل موضوع اسال بي شنو السالفة

والحمد لله لكيت موضوعكم

والله يعينا على المنظمة وامريكا
نشوف وين تاليها رح تصير

تحياتي الى كل واحد انحذفت عنده المدينة والمطار مثلي

369
الف الف مبرووووووووووك اخي العزيز والحمد لله على سلامتكم

يارب تشوفون كل الخير بحياتكم الجديدة

370
هلا خويا فيصل
اني ملفي جامد مثل الجو على حطة ايدك


بالتوفيق ان شاء الله

371
الف مليون تريليون كوكليون مبروووووووووووك
يارب الله يتمملكم بالخير وتوصلون بالسلامة

372
السلام عليكم
اني على حطة ايديكم بعدني اراوح بمكاني
بانتظار الفحص الرابع  والامنية الكشرة

تحياتي

373
السلام عليكم
انا اخي في مدينة بتسبرغ والحمد لله مرتاح بيها.
وهذه المدينة من المدن الكبرى في امريكا
وفيها بنايات عالية مثل الموجودة في نيويورك. وتعتبر المدينة من المراكز التجارية والصناعية
تطل المدينة على نهر اوهايو ومنظر الجسور التي تقطع النهر مع النهر والبنايات المحيطة والطبيعة جميل جدا

اذا شايف فلم (جاك ريتشر) لتوم كروز تصويره كان في هذه المدينة

ومن ناحية الشغل الحمد لله متوفر والاسعار زينة مثل متفضلو الاخوة الاعزاء

وهي ايضا ان شاء الله تكون مدينتي اذا الله سهل وسافرت.
تحياتي عزيزي وان شاء الله بالتوفيق لنا جميعا

375
ما شاء الله تبارك الله

اليوم خوش 3 بشارات بالمنتدى

شايفه كل الخير اخت الملاك

يارب الله يتمملكم بالخير وتسافرون

بالتوفيق للجميع ان شاء الله

376
اخوان سؤال اني بالمغلف اللي وصل بالكفيل طلبوا مني ان املي فورم 80 باقصى سرعة وارساله للسفارة ..زين السفارة يتقبلون انو انطيهم فورم 80 لو لازم هما يتصلون وبعدين بالمغلف منطين عنوان السفارة الايميل والبريد مالتهم ارجو المساعدة في هذا الموضوع

حبيبي اولا شايف كل الخير وبالتوفيق ان شاء الله

ثانيا شنو الي تنتظره بعد؟

قدم الفورمة وتوكل على الله ...مينطوك اكثر من هذا الاتصال.

تحياتي يا غالي

377
الف الف مبروووووووووووووووووووووووووووووووووووووووووووووووووووك
والحمد لله على سلامة الوصول
وشايفين كل الخير يارب

بالتوفيق في حياتكم ووطنكم الجديد

تحياتي

378
مساء الخيـــــر لأبن الخيــــــر ( عراقي نبيل) ابو علي الورد.
دومك سباق بعمل الخير والسوأل عن الاعضاء . ودومك متفضل علينه بكلماتك الرائعة وحنيتك الي قل نظيرها .
فطوبى لك محبة الناس .

وبمناسبة سوألك عن اخونه (awsaws). فاحب ابشرك وأبشر باقي الاخوة والاخوات بان الغالي ( أوس) حاليا وفي هذه اللحظة موجود مع عائلته  في ترانزيت مطار بغداد ودينتظرون طيارتهم الى أمريكا .
وكتله حبيبي ( اوس) تره ابو علي ( عراقي نبيل ) منزل موضوع وديسئل عليك. فكلي بالحرف الواحد. تسلملي على ابو علي وتشكره بالنيابة عني. وتسلملي وتشكرلي كل الاعضاء . وان شاء الله اول ما اوصل اكتبلهم تفاصيل رحلتي .
فخلي نندعيله بسلامة الوصول مع عائلته . ونتمناله حياة كلها أمن وأمان وسعادة ونجاح . لان بصراحة شخص منتهى الخلق ويستاهل كل الخير .


مشكور ابو علي مرة ثانية . وربي يحفظك ويحفظ اهل بيتك يا ذهب .
تحياتي


حبيبي الغالي دبس وراشي
هذي احلى بشارة سمعتها اليوم

يارب يوصل الاخ اوس هو واهله بالف سلامة
وشايفين كل الخير

ويارب السفر العاجل الك اخونا العزيز دبس

بارك الله بيك
تحياتي يا غالي

379
[quoteﻻ author=AUS2013 link=topic=689167.msg6156633#msg6156633 date=1385388833]


ابشركم اليوم خابر زوجي على المكتب في جبل الحسين الي قدمنه منه المعامله قال لزوحي بدت توصل المعاملات من البارحه يوم الاحد واليوم ايضا وصلت معاملات حتى يملو الفورمات 80 الف حمد الله ان شاء الله الايام القادمه تبشر بخير ياريت يا اخوان ويا اخواتي ان شاء الله الي يصير معه جديد خلي يكتب النا ...اتمنى الكم الموفقيه للجميع

الله يبشركم بالخير اختي ام طلال
اذا أمكن ممكن أعرف الناس الي وصلت معاملاتهم حتى يملون الفورمة 80 بأي وقت كانوا مستلمين الفايل نمبر؟

وممنون مقدما

اخي حسب ماقال صاحب المكتب الي مستلمين فايل نمبر بشهر 5 ....نقول الله كريم ﻻن حتى الصبر مل من عدنا ان شاء الله خير يارب ﻻن  بدت تمشي المعاملات
تحياتي اختكم ام طلال
عمان الاردن
[/quote]

شكرا جزيلا أختي الغالية
ونكول يا الله اهم شي بدت المعاملات تمشي
علوا يمشونا بالسرة حسب التقديم وميعذبونا مثل الامريكان
حتى الواحد يعرف راسه من رجله

بالتوفيق للجميع ان شاء الله

380
بارك الله بيك عزيزي هيثم على هذا الموضوع الحلو

وليس باستطاعتي أن أضيف بعد الكلام المعطر بالورود الذي سطره عمنا الغالي عراقي نبيل ابو علي النبيل بكل ماتحمله الكلمة من معنى

تحياتي لجميع الطيبين في عينكاوا

381
اخي بالنسبة للدخول شوية صعبة . اني مخلوني افوت الا بكفيل وكان زوجي الكفيل لانو سوري لان العراقي يعتبرو سائح .وميقبلون الا ب2000$ للشخص +حجز فندق .واهلي هم من اجوي للبنان عن طريق حدود المصنع هم مقبلو وزوجي ايضا كان الكفيل .حاليا مصعبين الاجراءات كلش لكثرة السوريين بلبنان .بالنسبة لليجارات الايجار حسب المنطقة اكو مناطق رخيصة اكو مناطق غالية مثلا بالاول كنت بجونية كانت غرفة وحدة ب 450$ حاليا بجبيل 2 غرفة هي المنطقة بعد جونية 500$  مع كلشي ماء وكهرباء ونت وتعتبر غالية ايضا لان ايضا سياحة بس احنة مضطرين نقعد لان اجينا وقت السياحة والشغل كان متوفر .حاليا نفضل الانتقال ابعد من جبيل الايجارات تصبح ارخص يعني بيت 2 غرفة ب300$
الشغل صعب شوية بس للعراقيين  اهون من السوريين لان هنا ميثقون بالسوريين قد العراقيين واحنة يعتبرونة اجانب وسمعتنة احلى من سمعة السوري لان السوريين مو مرغوبين هنا بسبب السوابق وسوء حال الوضع بلبنان
ايضا هنا يوجد مساعدات عندك مساعدات كريتاس ومخزومي
كريتاس مو عطول يعني اني من اجيت لهسة مااخذت كريتاس ولا مرة بس مخزومي اي تنطيك كابونات غذائية وبعض الاحيان تنطي نصف الايجار في حال الوضع السيئ للعائلة وتنطي مساعدات للحامل بكل الانواع
بالنسبة للسوري غير المعوق والحامل ينطوهم مساعدات
بالنسبة للمعاملة ( الكيس ) اني كنت بسوريا من 2008 لحد 2013 شهر 2 ومقابلت محلف
وكانت عالاساس استراليا اما هنا اجيت شهر 4 \2013 كل شهر ونص تقريبا مقابلة  حسب الي داشوفة هنا العراقيين صعبة يجو مو مثل عمان ممكن سهل يروحو سيارة هنا صعب شوي فابعتقادي اهنا العراقيين اقل
بالنسبة للاقامة هنا المشكلة بعد الدخول حيعطوك فيزة 3 شهور وبس تخلص قابلة للتمديد وبعدها تصير مواطن غير شرعي
لانك تعتبر داخل يصورة غير شرعية تدفع غرامة لو مسكك الامن العام
يعني هالشغلة مو حلوة هنا
انشالله اكون فدتك  :)

تسلمين اختي الغالية
مشكورة جدا على هذي التفاصيل
وبالتاكيد فديتني , لأن صراحة كلشي ماكنت اعرف عن الاوضاع بلبنان

الله يفرج على الجميع ان شاء الله

382
بالتوفيق حبيبي فيصل والله العظيم فرحتلك

كنت كلما اشوفك تسال عن المحلفين حيل انقهر وادعيلك

بالتوفيق ان شاء الله عزيزي

383


ابشركم اليوم خابر زوجي على المكتب في جبل الحسين الي قدمنه منه المعامله قال لزوحي بدت توصل المعاملات من البارحه يوم الاحد واليوم ايضا وصلت معاملات حتى يملو الفورمات 80 الف حمد الله ان شاء الله الايام القادمه تبشر بخير ياريت يا اخوان ويا اخواتي ان شاء الله الي يصير معه جديد خلي يكتب النا ...اتمنى الكم الموفقيه للجميع

الله يبشركم بالخير اختي ام طلال
اذا أمكن ممكن أعرف الناس الي وصلت معاملاتهم حتى يملون الفورمة 80 بأي وقت كانوا مستلمين الفايل نمبر؟

وممنون مقدما

384
شكرا على الجواب والله ما اعرف شلون اشكركم
طبعا قبل شويه دزيتلك رساله aus2013 على الخاص سألتك على ورقة اليو ان ;D

اهلا عزيزي ياسر تدلل

وتم الرد على رسالتك

تحياتي

385
شكرا اخويه على الرد بس فهمني اكثر شويه  ;D
الي عرفته هيه اسمها الهجره الى استراليا اروح للمحامي انطي المستمسكات مالتي ويسولي ملف ويدزه لدائرة الهجره الاستراليه او للسفاره ما اعرف بالضبط
والمصاريف قصدي بيها السكن يعني ومصاريف المعيشه عليه لو عليهم يعني حالها حال اليو ان ؟؟؟ لو كلها على حسابي لان اذا بس ادفع فلوس الطياره بسيطه الشغله
 وشكرا مره ثانيه
اخي اي مصاريف ماكو عليك بس الكفيل يوفرلك سكن لمده اسبوعين وحسب ماسمعت عن موظف بالسفارهلازم ايكون عندك ملف باليوان ويربطون ملفك بالبوان والسفاره يعني الشغله حالها حال اليوان وماكو اي مصاريف عليك حتى اجور الطيران عليهم

+100
أحسنت عزيزي ليث سعد
لأن ذكرت ورقة اليو أن
صراحة نسيت اذكرها للاخ العزيز ياسر لأن اعتبرتها من بديهيات التقديم

تحياتي

386
ياسفارة وياكيس نمبر تقصد ؟ اكو بحالتك شي واحد بس وهو قرعة اللوتري , اخذ صورة للرسالة وللايميل اللي وصلتك منه حتى نعرف شنو الموضوع ونجاوبك جواب دقيق قبل لانسبق الاحداث ونكول قفاصة .......




تحياتي




أبو الحكم

حبيبي ابو الحكم هذي الامور متفوتك
وعيونك قفاصة

راجع تعليمات وزارة الخارجية الامريكية فيما يخص التقديم على الفيزة المنوعة
دائما يأكدون على موضوع الايميلات من هذا النوع

http://travel.state.gov/visa/immigrants/types/types_1749.html

تحياتي يا غالي

387
عزيزي حسب الي سمعته من الاخوة بعين كاوة قبل فترة

كالو دير غبار يبقى للمسجلين الجدد

وخلدا فقط للتجديد (يعني المسجلين سابقا)

وبكل الاحوال خلي يروحون على العنوان الي بلغوهم عليه بالاضافة الى ان كلام المفوضية يؤكد كلام العينكاويين الاعزاء


تحياتي

388
السلام عليكم
اخواني جتني رساله عالايميل من موقع السفارة الرئيسي وليس من اي ايميل
منطيني رقم كيس نمبر
وكالو انت فائز ومدري شنو مفهمت كلش
ونوع الاستمارة ds 230

والاستمارة مرفقه
بصراحة اني مستغرب وممصدك

اكو هيج شي ؟

طبعا قبل لا اسالك على تفاصيل الرسالة
لأن ما احتاجها
هذا جوابي ونصيحتي الك :
لا عزيزي ماكو هيجي شي
هذولا قفاصة

تحياتي والله يبعد عنا اولاد الحرام

389
السلام عليكم
طبعا كثرت مواضيعي بخصوص الهجره الى استراليا والمحامي الي بجبل الحسين بس استحملوني شويه  ;D
صديقي راحله وكله تره اني مابيدي شي بس اسويلك قصه على الاثباتات مالتك على كولته قصه قويه واضبطلك اوراقك وادزها بس صديقي يكول الهجره مالته المصاريف كلها عليهم يعني على استراليا هوه ميدفع شي حالها حال اليو ان ؟؟؟؟؟ اكو هيج شي لو لا؟؟؟
وشكرا مقدما

عزيزي اول شي انت حسب كلامك موضوعك يتحدث اللجوء وليس الهجرة الى استراليا

وشغلة المصاريف الي حضرتك ذاكرها اي مصاريف تقصد بالضبط؟

بالنسبة للتقديم المباشر (أو عن طريق المكتب المذكور) ويسمى تقديم اللجوء الى استراليا عن طريق الكفيل فيتحمل اللاجئ اجور الطيران الى استراليا فقط
وبقية الامور داخل استراليا نفسها مع بقية الانواع ومنها اللجوء عن طريق اليو ان

تحياتي وبالتوفيق عزيزي

390
الله كريم عزيزي مهجر وافتخر

كلشي بالقسمة

الله يفرجها عن كل المنتظرين المستحقين ان شاء الله

391
شايف كل الخير عزيزي زياد البنا
ويارب توصل بالسلامة
والف الف مروووووووووووك

وان شاء الله السفر لأهلي ولك اخي العزيز ابو ديمة الغالي لأن انتو كلش هوايا صبرتو في سوريا ولسنوات كثيرة

الله يبشرك بالخير دائما يا رب

تحياتي يا غالي


392
والله يااخي الي لمسته انا من اقاربي
انة يسرع السفر تسريع غير طبيعي
احد اقاربي كان مقدم من سوريا من عام 2006 وكمل كل شيء ولكن لم يسافر
حول على الاردن وبعد شهريين سافر هذا مايخص اقاربي وهنالك المئات من الحالات المشابه
اخوك ابو عادل
شكرا على الرد جزاك الله كل خير

+ جيد جدا
ليش مو ممتاز  ;D ;D

عزيزي الغالي مهجر وافتخر
انا حولت ملفي من سوريا في شهر 11\2011
الى الاردن
ولحد الان باقي في الاردن  :'( :'(
لذلك مو ممتاز
this is why!

تحياتي يا غالي وشكرا لمرورك

393
السلام عليكم

اعزائي الغالين :
ابو سماني
اسراء الوردة
Dark Angel
um Shaheen


بالنيابة عن اختي كاردينيا

شكرا جزيلا لكم ولنصائحكم ومروركم الكريم

مع امنياتنا لكم بدوام الموفقية والنجاح ان شاء الله

394
اخي العزيز للواحد وحده 75 دينار  واذا للعائله حسب العائله وعلى النفرات

  اشكرك اخي على جوابك . يعني اذا عائلة مكونة من اب وام وثلاث اطفال شكد يكون الراتب؟ وهل هو راتب شهري ؟وهل يمنح لكل عراقي يقدم على اللجوء في اليو ان بصورة تلقائية؟ اشكركم مقدما

لا عزيزي مو بصورة تلقائية
لازم تبلغ الباحثة الاجتماعية بمكتب اليو ان
وورا شهرين تقريبا يطلعون كشف على محل سكنك
ويشوفون شعندك ماعندك وشكد تصرف واذا عندك مصدر مادي
ويكعدون يسوون ميزانية ويشوفون اذا تستحق او لا
وبعدين يرفعوها للمنظمة
والمنظمة تقرر اذا تحتاج او لا

والمسالة اتطول اشهر

اني بالنسبة الي قدمت ولأن سينكل رفضوني

تحياتي وبالتوفيق ان شاء الله

395
والله يااخي الي لمسته انا من اقاربي
انة يسرع السفر تسريع غير طبيعي
احد اقاربي كان مقدم من سوريا من عام 2006 وكمل كل شيء ولكن لم يسافر
حول على الاردن وبعد شهريين سافر هذا مايخص اقاربي وهنالك المئات من الحالات المشابه
اخوك ابو عادل
شكرا على الرد جزاك الله كل خير

+ جيد جدا

397
وعليكم السلام ورحمة الله

مشكور اخويا الغالي

هو اني اهم شي عندي دخولهم للبنان من سوريا يكون سهل

مسالة البقاء مو مشكلة...لأن ان شاء الله ناوي بنفس اليوم اجيبهم للاردن بالملكية طيران


ممنون عزيزي
يارب يفرج عن الجميع

398
السلام عليكم
شلونك عزيزي سلام سمير؟

طبعا اني حاليا بالاردن
بس اريد اسالكم على مسالة دخول اللاجئين العراقيين من سوريا الى لبنان

هل يخلوهم يدخلون من الحدود السورية اللبنانية؟

اكون ممنون منكم اذا جاوبتوني
لأن الوضع بسوريا جدا سيء واريد اجيب اهلي من سوريا الى الاردن عن طريق لبنان طيران

تحياتي يا غالي

399
الله يبارك بيك
ويبشرك بالخير دائما عزيزي

يارب الخبر صحيح

400


ما اله علاقة  Disclaimer ............. هو مجرد تنبيه عن اخلاء مسؤلية الموقع من بعض المشاكل اني اكثر من مرة قاريته وما صار عندي اشكال

اكو بالموقع فقرة

اذا كان لديك اي استفسار عن الموقع او عن ملفك يرجى مراسلة مركز المعلومات على البريد الالكتروني IC@iom.int

راسلهم واشرحلهم المشكلة  وهمة يحلوها وان شالله يفتح عندك

سما



+1100001010101000

Disclaimer ماله علاقة عزيزي

401
عزيزي ابو ديمة الغالي
عزيزتي ام عبد الله

قبل شهرين تقريبا رحت راجعت منظمة الهجرة الدولية يمنا في عمان الاردن
وسالت الموظفة الي قابلتني هذا السؤال بالتحديد

س\ لماذا اكتملت الامنية لي قبل سنة وتحديدا بالشهر التاسع من العام الماضي لمدة 10 ايام فقط وعادت مرة ثانية انتظار؟

ج\ لأن الامنية عبارة عن مراحل وربما قد اكتملت أحد المراحل وظهرت لك بالموقع مكتملة.

انتهى جواب الموظفة.

اضافة رد للاخت ام عبد الله:
حالة الملف كانت فعال في وقتها , أي في وقت اكتمال الامنية وعاد الى انتظار النتيجة مع عودة الامنية انتظار

وللعلم ان حالة الملف لدي عادت الى فعال منذ شهر نيسان\ابريل \2013
ولحد الان في شهر تشرين الثاني\نوفمبر\2013
ولا جديد :'( :'( :'( :'( :'(

الان وصلت الى نتيجة:
لاتصدق بالموقع والمنظمة ورموزها  مواعيد الفحص الطبي واكتمال الامنية وبمواعيد السفر الا بعد وصولك الى امريكا

وتعيشون
تحياتي

402
مو هو دا اشوف اني كتبتلها هالسطرين هاي وبس شنو يعني ؟؟؟ يعني فد نصيحة من عدها لو شنو ؟ اكو اعضاء كتبوا صفحات وصفحات بهذا الموضوع وتعبوا تعب كلش جبير والست هنا كتبت سطرين مبهمات وكلشي مفتهمنا منها وبموضوع ثاني كاتبة اريد مساعدة عاجلة عندي صديق بسوريا اريد اجيبه يمي ...!!!!






مو عبالي تحجي صدك انت جنت  ;D



رجعت عالموضوع اربع مرات اريد اشوف وين الدلائل


جيكت الداونلود خاف معّلك عندي شي

جيكت خاف اكو اتاجمنت هم ماكو  :D




شككتني بنفسي هههههه

لا اني عرفت قصد ابو الحكم الغالي من الصورة المعبرة الي خالها. :D :D :D :D ;) ;) ;)
عاشوا

403
القضــية القديــمة الجـــــــديدة

أنــي أريــد أفـــتــهم بعض المصطــلحــات بأن بعض الاعضــاء

من يســمع الكلام عـن أمـريكـــا يخـــرب واهسه

ليش هــو رايــح ســـياحة وله رايـــح يكــون نفســه

أذا هــذا السبب فالله ويـاه ويسوي فضل على إلي حياتهم

مــتهــددة وجــاي يعد الساعات من ســـنين حتى يــنجــو هو

وعــائلـــته من المجــرمــين ولي مــيخـــافون الله

وهــــــــو جـــاي يزاحـــمهم بسبب كثرة الفايلات

إلي مضطــر على الســفر لو يــرموه بالشـــارع هم يســـافر

لأنــه أنســــــــــــان بحق مــهدد ويحتــاج الســـــــفر

هــذا لا يــمــنع أن الانســان يريد بعض من الاطــمئــنان والتشــجيع

ولــكن المــــــــهـدد والصــادق مــع الهجــــــــرة الـدولــية

 لو كــانت أمريكــا مثل القارة الافريقية ....يســـافر

والتـوطــين مخصص  لهــذه الفئــة

أمــا البعض مـن النـاس تعلم على العيش بالحيلة والكذب

فأبشره ... إلــي يعـيـش بالحــــــــيلة يمــــوت بالفقــر


                                                       

ابو سـماني


صدقت ابا سماني الغالي
انا اتفق معاك في كل ما كتبته ...
الذي يقرر ان يسافر نتيجة ظروف صعبه يختلف تماما عن الذي يريد يجرب اذا عجبه يبقى واذا ما عجبه يرجع ويبدا بلعن الهجره وامريكا والمعيشه فيها ....يمكن لان المساعدات ما وفرت له نفس معيشته بالعراق وبدا يصرف من جيبه بالتالي اصبحت الرجعه واجبه ...الله يكون بعون الجميع...


+10001001010010100001010010

صدقتكم اعزائي ابو سماني وعراقي نبيل

بارك الله بيكم

404
بارك الله بيك عزيزي ابو عمار

نشكرك على هذه النصائح الرائعة
ويارب التوفيق في حياتكم
والنجاح الدائم ان شاء الله تعالى


فقط للتصحيح حضرتك قصدت grade point average=GPA بدلا عن
GPS

تحياتي

405
شكرا ع الرد يعني ارسل كوبي من كارت باميل مع ورقه الحمايه افضل من بقائي خائفه لان الانتظار صعب وخاصه بعد اكتشافي ورقه الحمايه مدتها انتهت شنو رايكم وشكرا ع هل منتدى والجميع الموجودين
تحياتي الكم
Maha

+1000
مو غلط اخت مها
اوكي كارد التجديد + ورقة الحماية

ماكو خسارة بالموضوع ان شاء الله

406
اخواني استفسار رحمة لوالديكم اريد اتأكد بخصوص التقديم الجديد على اليو ان  يعني هسة مقابلات الجدد اقصد الغير مسجلين بعدها بدير غبار  مو لو همين تحولت بخلدا لان زوجي تقديم جديد على استراليا عن طريق الكفالات الي عنده اي معلومة صحيحة ياريت يساعدنا بيها
رانيا

أخت رانيا صراحة ما اعرف الخبر اليقين بالموضوع
لكن ناس يكولون التسجيل الجديد بعده في دير غبار (نفس المكان القديم)

ورغم هذا اتصلي باليو ان على هذا الرقم 065502141

تحياتي وبالتوفيق ان شاء الله

407
مرحبا اختي
مااصور تأثر لان انت اصلا راح تروحين اجددين بشهر 12 ودائرة الهجرة الاسترالية او السفارة راح تكون على تواصل مع اليو ان  وراح يكولولهم انه حضرتج قمتي بالتجديد شهر 12 وراح تستمرين حضرتج بالتجديد كل 6 اشهر  وذا الاخوان عندهم راي ثاني اكيد هسة راح يدخلون وينطوج رايهم

رانيا

+ كلام صحيح
وبالاضافة بامكانك ارسال كارت التجديد (صورة سكانر) عن طريق الايميل

408
اني بالنسبة الي ايضا بعدني على حطة ايديكم
بانتظار التجييك الامني
وبانتظار اعادة الفحص الرابع
وبدون دورة تثقيفية

تحياتي للجميع

409
نحن لدينا نفس تفاصيل الاخ
اي بمعنى في فترة مابعد مقابلة الوفد وبانتظار الامنية
ولدينا احد افراد العائلة من تجاوز سن ال23 سنة

ولم يتم فصل ملفه والحمد لله

اكرر لم يتم فصله, رغم الاستفسار عن ذلك من قبلنا الى المنظمة!!


تحياتي وبالتوفيق

410
يا الله يا الله

الله يبشرك بالخير اخي الغالي ابو ديمة

يارب اسمع خبر سفرك انت واهلي بيوم واحد

اهلنا جميعا في سوريا ...الله يستر عليكم ويحفظكم ويفرج عنكم ان شاء الله


تحياتي

411
والله والنعم من الاخ العزيز ابو الحكم

ويستاهل كل خير

يارب السفر القريب بأذن واحد أحد

شكرا عزيزي صاحب الموضوع للالتفاتة الجميلة  :D :D :-* :-*

412
اخوية العزيز هذا اللنك واني اسف على التأخير ولا منتبه هذولة خلونه نزبهل

http://www.state.gov/documents/organization/88056.pdf

http://www.uscis.gov/about-us/contact-us

واني الممنون

تسلم حبيبي عاشت ايدك
طبعا شوية قريت بيها ودخت وكمت انعس
يعني فعلا نمت على روحي من وراها  ;D ;D ;D

هذي غير عملية معقدة  ??? ??? :o :o

اني الي افتهمته انو هذي الخطوات تخص جماعة لم الشمل
بس بصورة عامة اتصور نفسها

عاشت ايدك مرة ثانية
ينرادلها مراجعة كذا مرة يللة افهمها :-\ :-\

413
لاحظت في الفتره الاخيره بعض الاعضاء الجدد يسجلون في الموقع لغرض السؤال عن موضوع او مشكله شخصيه
وعند حصولهم على اجابه ورد حتى لا يكلفون نفسهم بالرد على من اعطاهم جواب حول موضوعهم!!!
اقول لهذا النوع من الناس هذا المنتدى هدفه مساعدة الناس والاستفاده من تجارب الاخرين وليس فقط الفائده الشخصيه والمحدوده!!!
وإذا شربت من بئر لا ترمي فيه الحجر

وتحياتي للجميع

صح لسانك
+100100101

414
موضوع حلو
وردود احلى

شكرا اصدقائي

415
حبيبي حاله الملف ماكو اي فرق بين الفعال وانتظار النتيجه لان اني انطوني موعد سفر والملف بانتظار النتيجه

+111010010101001

هذا هو الصح

416
اني اشكر جميع الاخوة والاخوات اللذين ابدوا آرائهم واهتموا بالموضوع واشكر جميع من قرأ واطلع عليه.
الموضوع كان للمناقشة لان بكل صراحة اني احس هذا المنتدى متنفسي في الغربة  بوجود العراقيين الاصلاء.
اخواني اني كتبت هذا الموضوع لان شفت بحياتي تجارب لاقرب الناس لي وهم والدي ووالدتي واجدادي من الطرفين الام والاب وكيف اولادهم شالوهم بكبرتهم .وعذرا اخوية الفرج 2 الابناء ليس ملك طابوا للام والاب ولا نريد نخنقهم بس هذه هية سنة الحياة لربما تكبر وتحتاج من يجيبلك كلاص مي كلها بيد الله لعد ليش العالم تخلف وتسهر الليالي على اولادها صح احنة نؤدي رسالة بس الاولاد مثل ما الهم حقوق انتة تنطيها الهم همة هم عليهم واجبات اتجاه اهلهم.

وارجوا ان لايفسر كلامي انه اني احرض على عدم السفر بالعكس انا من المقدمين وصار انتظر سنين .

لي جيران في بغداد خرج من العراق سنة 1986 الى لندن وعمل هناك واكمل دراستة وطبعا عائلتة كانت وياه واولادة كانوا اطفال وقمت انا بزيارة الى بغداد وكان الرجل موجود حتى يطلع المستأجرين لبيته منذ سنين وكان عمرة تقربا 65 سنة والتقينا بيه وكلمنا عن وضعة انه بنتة الكبيرة بعد ما خلصت جامعة تزوجت من بريطاني وللاسف (ملحد) وابنة الكبير كذلك تزوج من بريطانية ويكول من اشتاقلهم اروح اشوفهم ببيوتهم همة ميجوني لان ملتهين بالحياة وبنتي الثانية راحت لسكوتلندا تدرس ومتقبل تجي الى لندن وكلمنا عن التفكك الاسري وكال بالحرف الواحد خسرت كلشي واهم ماعندي اللي همة اولادي وكال بعد ما اكدر ابقة بلندن لان مظل بالعمر شي وما اريد اموت واندفن اهناك وعاش وحدة هوة وزوجتة ببغداد بعدما عاشو قرابة 25 سنة بلندن .وهوة عن لسانة يكول محسبت حساب لهذا اليوم التهينة بالحياة.

اخواني اني ما اريد اسوي احباط للاخوان في المنتدى بس لازم نحسب حساب باجر شيصير مو بس نعيش يومنة يعني حسب ما كلي هذا الرجل انصحك بس تأخذ الجواز واولادك بعدهم صغار لتبقة هناك حتى لتخسرهم وايروحون من ايدك.
 اسف على الاطالة واكرر شكري وتقدري لكل من رد او قرأ الموضوع



كلامك صحيح اخونا الغالي
وفعلا لازم الواحد يفكر بهذا الشي حتى اذا كان عمره صغير وببداية حياته
لازم الواحد يفكر لبعيد قبل أن يوكع الفاس بالراس

مشكور جدا على النصيحة اخونا العزيز
وأعاننا الله على مصاعب الحياة

تقبل مروري

417
الف الف مبروووووووووووووووك عزيزي ابو الحكم
متصور شكد فرحت من قريت الخبر

تحياتي يا غالي
الله يتمملك على خير ان شاء الله

418
اولا تحياتي الك وعلى موضوعك الرائع
اني هم مثلك اعرف عائله اجوي زيارة لبغداد هم واولادهم وصدكني الاولاد وحتى الاهل مكدروا يتقلمون بالواقع اضطروا باقل من اسبوعين يرجعون رغم انه مصارلهم 6 سنين من مقيمين بالخارج يعني باختصار وبالعاميه(رجعوا وشافوا واقع العراق مثل اللي تخبلوا  ونصدموا بيه  :o بس يريدون يرجعون ويخلصون)...
 صدكني الطبع يغلب التطبع يعني انه من الاولاد من هم واصغار عاشوا في بيئه تختلف عن البيئة الاهل دراسه تختلف وتعامل الناس يختلف فلمن هو يقررون يرجعون الاهل للعراق راح ينصدمون اولادهم بالواقع وطبيعه الناس فميستحملون ويردون يرجعون الحياة اللي جانوا عايشين بيها فمن الصعب بذاك الوقت قناعهم بالعودة  بسبب طبيعه الحياة اللي عاشوها
فما اتصور هاي تعتمد على التربيه والاخلاق ويريدون يكسرون كلام الاهل بالعكس لانهم عاشوا في بيئه تختلف عن البيئه اللي يردون يرجعولها الاهل فيقررون يبقون


+1000100101000

كلام راقي ومنطقي
عاشت الايادي

419
مساء الخير
فعلا موضوع شيق ومهم
ولكن اني برأيي الخاص كانسان اولا واب لاسرة ثانيا اعتبر مصلحة ابنائي وبناتي وعائلتي ككل
ان اعيش في مجتمع حضاري يسود فيه القانون افضل من ان اعيش في مكاني ومكان اهلي
اللي كل لحظة بيه يمكن لكثير من الناس ومن ضمنهم اسرتي ان تهان أو يحدث ما يحدث بها
(( والى ان تلحك على روحك لايحك ميت اهانة! ))
انا لا اقول باني استخف باهلي وبلدي بل انا اقدس وطني و شعبي ولكن
دائما اقول المستوى الحضاري الذي وصلنا اليه بسبب أو آخر متدني
وليس هناك بريق أمل على المستقبل القريب للتغيير نحو الافضل...
قد يبدو كلامي متشائم أو مبالغ فيه ولكن هذا واقع الحال
فيبقى رأيي ان نجد بيئة أفضل للحفاظ على ما تبقى من أملنا في الحياة كسائر البشر في مستوى حضاري عالي.
تحياتي
Gamma :D

+1001010101010

عاشت ايدك عزيزي على الرد الحلو

420
عزيزي اذا امكن اللنك الرسمي المباشر لهذا الموضوع

وشكرا مقدما

421
يعني اذا على كلامهم اني صارلي 3 سنوات بالمرحلة الاخيرة  :o :o :o :o :o ??? ??? ??? ??? :'( :'( :'( :'(

423
احنا تقريبا كل سنة الشهر السادس كانوا يخابرونا علفحص
يعني 6\2010 -- الاول
6\2011 --  الثاني
6\2012 -- الثالث

بس هذي السنة اتعطلو علينا

والله كريم
الله يحفظكم اهم شي ويفرج عليكم ان شاء الله

424
بارك الله بيك عزيزي ابو سمر
موضوع رائع
واسلوب جدا حلو ومبسط

فعلا استفاديت منه

بارك الله بيك ونفع بك


يرفع لأطلاع اكبر عدد ممكن

تحياتي ياغالي

425
الاخ حسين الجبوري ملفنه يبدأ ب 110 وبعثتلك رساله علخاص بلتفاصيل مع العلم اكو ناس ايضا من جماعة 2010 وايضا فاحصين بس مرتين سافرو قبل اكثر من شهر

اخت ام نجم نحن ايضا من جماعة 5\2010 مقابلة وفد
وبانتظار الفحص الرابع من شهر 6\2013
يعني صار 5 شهور

426
شكرا لكم لنقل الخبر ورفع المعنويات

بالتوفيق للجميع ان شاء الله

427
هذا موقع الشركة
واسف اذا اكو اختلاف عن الشي الي كتبته

http://www.straighttalk.com/

تحياتي

428
اكو شركة ستريت توك Straight Talk
هذا سيم كارت
اشتراكه الشهري ب50 دولار ويا التاكس
طبعا مكالمات داخل امريكا مفتوح (غير محدود استقبال وارسال) ورسائل ايضا غير محدود استقبال وارسال داخل امريكا ودولي
الحلو بالرسائل يدعم اللغة العربية
بي انترنت 5 كيكا (طبعا همه يكولون غير محدود بس كذب...من تجاوز ال5 كيكا يفصلون النت عنك)

ويشتغل على اي سمارت فون
وبكل مكان بامريكا

هذه الشركة طبعا مابيها ابراج وانما تعتمد على ابراج اغلب الشركات المشهورة بامريكا
لذلك تغطيتها اوسع واحسن من بقية الشركات.

429
وعليكم السلام ورحمة الله
عزيزي

اني ايضا اول مرة اسمع بهذا الموقع
لكن دخلت على اللنك الي ذاكره حضرتك
والشي الفهمته انو هذولا عبارة عن وسطاء (او احنا نسميهم دلالين) يعني حالهم حال مكاتب الهجرة والترجمة الموجودة في بعض الدول.

انت تكدر متحتاجهم
تكدر تدخل على موقع EducationUSA وتفتهم هوايا تفاصيل عن خطوات الحصول على الدراسة وكذلك المنح الدراسية في امريكا
وايضا يوجد مستشارين ثقافيين في كل سفارة امريكية (حسب مكانك)...ممكن تراسلهم او تتصل بيهم وتسالهم اي شي تحتاجه لاكمال هذي الخطوات.

تحياتي وبالتوفيق ان شاء الله

430
اخي يمكن ينسون نتيجة زخم اللاجئين

يمكن !!! بس بلكي واحد من الاعضاء عنده نموذج ممكن نتطلع عليه .

السلام عليكم
موجود اخويا ..نشره الاخ العزيز تويتي امريكا بهذا الرابط
http://www.ankawa.com/forum/index.php/topic,708254.msg6144924/topicseen.html#new

اتصور هو هذا نفسه ولاتؤخذونا اذا مو هو

تحياتي

431
الاخت كات: تدللين وبلتوفيق ان شاء الله

الاخت كنداوية: بشكل عام اصبحت مواعيد التجديد قريبة جدا اني ورقتي
تنتهي يوم 12/12/2013 وانطوني موعد يوم 15/12/2013
وصديقي ورقته تنتهي يوم 05/12/2013 وكذالك انطو نفس موعدي
وكل الي شفتهم انطوهم مواعيد قريبة جدا مو مثل قبل
جانو ينطون مواعيد بعيدة ورا خمسة اشهر او ستة اشهر بعد تاريخ انتهاء الورقة

الاخ AUS2013: شوف اخوية انته جاي من دوار الواحة راح توصل ل اشارة البشيتي
اتصير اشارات البشيتي على يمنتك خليك ماشي كبل راح تلاكيك على يمين افران بارادايس
وحتى الافران لافته مالته لون احمر مقابل الافران تقع المفوضية وطبعا راح تشوف تجمع ناس
وهوسه فاعرف انو هيه هاي المفوضية  ;D بلمناسبة لمن تصعد بلتكسي كله للمفوضية
الي بخلدا مال السوريين

تحياتي

أشكرك حبيبي الغالي دارك اينجل على ها الوصف الدقيق.

وبالنسبة لردي على موضوع توقيت المقابلات في الشهر الـ 12 كان صحيح. يعني اني نطوني موعد 5\12 مع العلم اني رحتلهم بتاريخ 9\9 , وكذلك بالنسبة الكم ايضا بنفس الوقت بغض النظر عن قرب الموعد. يعني اكو وقت مخصص للمقابلات حسب وضع المفوضية وجدولتها بغض النظر عن وضع اللاجئ.

وممنون جدا مرة ثانية على العنوان حبيبي الغالي

بالتوفيق للجميع ان شاء الله

432
السلام عليكم
شباب اذا امكن وين العنوان بالتحديد في خلدا؟ اريد نقطة دالة في خلدا وين بالضبط؟

عندي موعد مقابلة يوم 5\12
اخذت الموعد من موقع المنظمة في دير غبار (الموقع القديم) قبل شهر ونص تقريبا

تحياتي

433
برأيكم الواحد من يطلب تجديد قبل لا تخلص صلاحية الورقة بشهر  يعطوه موعد بعيد
عكس لو راح وهي ساقط تاريخها ؟؟


لانه صارت لنا الحالتين وبالمره الثانية جددوها في اليوم الثاني من طلبنا لانها كانت ساقطة عكس الاولى اللي اعطونا موعد
ثلاث شهور للتجديد!!



أختي بحسب رأيي حسب ايام المقابلات المخصصة بغض النظر عن فترة الصلاحية اذا كانت قبل او بعد

434
وعليكم السلام ورحمة الله

خليني اشاركك التجربة الي صارت معانا
طبعا اول شي احنا 3 ملفات

قبل اكثر من سنة تقريبا وتحديدا بالشهر 9 , منظمة استقبال اللاجئين في امريكا اتصلو بالكفيل لغرض التوقيع والاتفاق على تفاصيل الاستقبال لنا جميعا (الثلاث ملفات)

والذي حصل بعدها هو وصول اخي فقط (ملف واحد) الى امريكا وذلك بفترة اقل من شهر تقريبا (من تاريخ توقيع الكفالة مع المنظمة)

أما بالنسبة لنا (الملفين الباقين) فقد أخبرت المنظمة الكفيل بمجيئنا بعد اخي بفترة اقصاها 6 أشهر , بمعنى اخر حسب هذا التقدير كان يجب أن يتم سفرنا ودخولنا الى امريكا في الشهر 3\2013

لكن هذا الشيء لم يحدث لحد الان!!  ??? ??? :'( :'( :'(

بالنتيجة:
كلام منظمة الاستقبال في امريكا غير مضمون ولايعتد به ابدا
لأن المسالة بيد الحكومة الامريكية اولا واخيرا

الامل: قد يكون كلامهم صحيح وقد يكون غير صحيح (50\50%)

بالتوفيق لنا ولكم ان شاء الله

تحياتي

435
اني صديقي من بغداد سافر قبل كم يوم بدون دورة تثقيفية
حتى كان خايف قبل السفر باسبوع لان مخابروه عليها

436
بارك الله بيج اختي اسراء الوردة على هذي المعلومات

لكن بالنسبة لشركات التامين هناك مسالة مهمة
وهي مسالة درجة تغطية التامين فهي تحدد قيمة اقساط التامين ايضا

437
السلام عليكم والله اخوان ان شاء الله بعد هذا الصبر فرج قريب
 احنه الفحص صارله سنة وشهرين فعال ومحد اتصل بينه مع العلم فاحصين مرتين وكلما نسألهم يكلولنه ماعدكم فحص شنو السالفة محد يعرف
الله اعلم
2010

والله احنه نفس حالتكم بلضبط فاحصين مرتين وصار سنه وشهرين ننتضر فحص وهم الله كريم

احنا مقابلين وفد 5\2010 وفاحصين 3 مرات
وبانتظار الفحص الرابع منذ 4 شهور!!!

وتحياتي

438
الله كريم

تفرج ان شاء الله ميضل شي على حاله

439
الف الف مبرووووووك
والحمد لله على سلامة الوصول
بالتوفيق ان شاء الله

440
لعد امريكا شيسموها

هههههههههههههههههههه اجمل دول العالم واثقف شعوب الارض تسموها عنصرية لعد هنا الجراوة شسموهم ههههههه والله يالله
غسان قريت موضوعك عن امريكا قبل شوية
الله يعينك كلش مضوجيك
بس يللة من لكه احبابه باوربا نسى امريكا  ;) ;)
هذا مثل جديد بالباكيت ينطبق عليك اخويا ;) :D

441
اخ هاي ليش يا بلاد ماوراء الشمس تعبتوا منة حقكم عمي مو صوجكم صوج الي وصلنة الهاي المرحلة.. زايدة عدهم العنصرية بشكل مخيف خاصة بين المراهقيين وكبار السن .. اوربا اكسباير صارت .. تحاتي

هي يسموها القارة العجوز حجي

442
عمي اني كتله انطيك مو600 دينار انطيك 1000 دينار بس على المضمون وما قبل وانتم براحتكم

ماكو شي مضمون اخويا مثل ماوضحت الاخت رانيا

هو كل ماهنالك يرتبلك الاوراق ويرسلها والكفيل اذا ماعندك كفيل

443
وعليكم السلام ورحمة الله

444
أتذكر قبل سنة تقريبا من كنت اراسلهم كان يجيني دائما NMN,  NSH
صارلي تقريبا 4 شهور مامراسلهم ﻷن صراحة ايست من الموضوع كلش

والله كريم
بالتوفيق للجميع يارب

احسب فترة قصيرة و تكتمل عندك الامنية وبعدها يخلوك على جدولة السفر

عزيزي سلام صارلي اكثر من سنة من وصلتني هذي الرموز !!!

445
أتذكر قبل سنة تقريبا من كنت اراسلهم كان يجيني دائما NMN,  NSH
صارلي تقريبا 4 شهور مامراسلهم ﻷن صراحة ايست من الموضوع كلش

والله كريم
بالتوفيق للجميع يارب

446
الله يعينكم اخوانا المؤجلين على هذي المعاناة
فعلا انتو بموقف لاتحسدون عليه


قلوبنا معكم

447
يمكن اخي صحيح تكول بس بصراحة سحبت الموضوع من الموقع التعليم الامريكي للتعريف بالتعليم الامريكي لباقي طلاب الدول

الله يسلمك ممنون منك حبيبي الغالي

448
يارب يسلمكم ويحفظكم جميعا اخي الغالي ابو ديمة

449
بارك الله بيك عزيزي الغالي سلام

صراحة اليوم مواضيعك الثلاثة جدا حلوة
وموضوع احلى من موضوع

عاشت ايدك ياطيب

451
Regular Admission
and
Rolling Admission

أتصور وحدة صايرة بمكان الثانية؟؟؟

شكرا جزيلا مرة اخرى

453
اخواني واخواتي الي انتم حاليا عايشين بسوريا اود ان اقول لكم الله ينصركم ويحميكم ويحفظكم ويرحمنا ويرحمكم

الله يبارك بيك اخي العزيز سلام هووك
يارب يتقبل دعاءك الصادق

454
تعقيبا وتاكيدا لكلامك اخي ابو مودي
هنا في الاردن ايضا بدات حملة واسعة ومكثفة باللقاحات من قبل وزارة الصحة الاردنية ومدعومة من قبل مفوضية اللاجئين ضد مرض شلل الاطفال والحصبة والحصبة الالمانية

نسال الشفاء من الله سبحانه وتعالى

455
عيني جماعه 2010 اصبروا جايكم الدور ان شالله لان مابقه غير القليل  حسب اعتقادي لان كل الي دنشوف من الي بقوا اكثرهم اصحاب الكارت الاخضر يعني الي امقابلين الوفد ديمشوهم وديسافرون فان شالله الدور واصلكم ومابقالكم شي لان السفر مستمر

الله يسمع منكم يارب

بالتوفيق للجميع ان شاء الله

456
الف الف مبروووووووووووك عزيزي ابو مودي ومليون الحمد لله والشكر على سلامتكم

اسلوب سرد القصة لديك جدا حلو ومشوق

بارك الله بيك على هذه المعلومات

وفعلا رفعت المعنويات

تحياتي لك اخي الكريم
وامنياتي بالسفر لكل المنتظرين وخاصة وخصوصا اهالينا الطيبين في سوريا

457
اخواني الاعزاء بس تحديث للجدول:

1- بالنسبة للاخ Wesamy هذا صديقي واليوم خابرني من امريكا الحمد لله وكان موعد سفره يوم 28\10 مثل ما بلغنا بنفسه سابقا بالمنتدى

ومسالة التاجيل يوم 7 كان بايرادته هو مو بارادة المنظمة لذلك ارجو حذفه من الجدول

2- بالنسبة للاخت البغدادية2 اليوم سافرت وذلك حسب الخبر الي نشرته الاخت ساوند

تحياتي والتوفيق للجميع ان شاء الله

458
السلام عليكم
اخواني سمعت خبر انشاءالله يكون مو صحيح
انو اكو عائله عراقيه من اخوانه الصابئه مقابلين يوم الخمس الي فات
وكايليهم انو تكت الطياره عليكم يعني على الكفيل وعلى صاحب الملف
وحته انو على اساس ماخذين بصمه ايده وعدسه العين
اخواني اي واحد عنده اي معلومهالرجاء لا يبخل عنه
     

                          اخوكم ابو مصطفى

حبيبي ابو مصطفى والله هبطتني

حبيبي الغالي هذا الشي مكتوب بالمعاملة وماكدين همه عليه
وهذا هو الفرق الوحيد عن بقية انواع الفيز الانسانية مثل ماوضحلك الاخ الغالي عمر ايكو

عمي مو مشكلة خلي التيكيت علينا بس خلي يمشونا حتى لو نداين فلوس الطيارة

تحياتي يا غالي
ان شاء الله بشارة خير بارك الله بيك

459
هي كل امريكا يحتاجلها ناس مفتحه مو بس هذي المنظمة او الموظف لأن عراقي

بس الحلو بامريكا انه اكو قانون يحميك وبنفس الوقت اذا متعرف حقوقك والواجبات الي عليك ممكن نفس القانون يدوس عليك لا سمح الله.

بس اهم شي الواحد يكون منتبه وبقية الامور تصير سهلة ان شاء الله.

460
اخويا اول شي الحمد لله على سلامتكم

ثاني شي اكدر اجاوبك على جزء من اسالتك واتصور هو الحل لكل بقية الاسئلة

المنظمة الي استقبلتك نفسها ينطوك مجموعة اوراق ومن ضمن هذي الاوراق اكو معلومات وعناوين الجهات الي ممكن تشتكي بيها على المنظمة الي استقبلتك كلها مو بس الموظف. واتصور هي جهات رسمية تابعة لوزارة الخارجية الامريكية مباشرة.

عزيزي : انت في بلد يحترم القوانين مو مثل ماكنت بالعراق
وهذي المنظمات (الي تستقبل اللاجئين) عدهم تعاقد ويا وزارة الخارجية لأن وزارة الخارجية هي المسؤولة عن توصيلك واقامتك الاولية في امريكا
لذلك على هذي المنظمات اتمام جميع شروط التعاقد , واذا ما اتمو هذا التعاقد كما منصوص عليه بامكانك رفع شكوى ضدهم مع وزارة الخارجية.

ومثل ماذكرتلك العناوين الي تتصل بيها او تراسلها موجودة في احد الاوراق الي اخذتها من المنظمة نفسها. بس همه يحاولون يتغاضون عنها وميفهموك حقوقك قدر الامكان. بس انت اسال ودور وخليك مفتح عينك وعقلك وياهم.


تحياتي وبالتوفيق ان شاء الله

461
الف الف مبروووووووووووووك اخونا العزيز داينمك

الف الحمد لله على سلامتكم

يارب دوام الموفقية والنجاح في حياتكم الجديدة وبلدكم الجديد


تحياتي وامنياتي للجميع بالسفر العاجل ان شاء الله

462
حبيبي الغالي الفرج2

هذا مثال بسيط جدا عنما يدور الان في العراق
وهذي النظرة على الناس الي تروح لامريكا ولاوربا لحد الان موجودة
والغريب بالموضوع انه اصحاب الخسة والدنائة والجهل هم من يتكلمون فيها
ومن اقرب الناس للاسف

اتكلم معك عن تجربة شخصية صارت معي يوم امس مع ابن عمي...ولا اقول لك بأنه خسيس ودنيئ من حيث فعل مثل هكذا موبقات فلا اعلم عنه شيء بهذا المجال والله اعلم بما في النفوس ولا ازكي على الله احدا

لكن يكفي ان اقول لك بأنه لم يكمل شهادة المتوسطة ولا يفقه من امور دينه شيء

وفعلا كما تفضلت لديه هذه النظرة الضيقة لكل من يذهب الى امريكا

والله المستعان على حمية الجاهلية الاولى.

تحياتي لك اخي العزيز

463
بارك الله بيك أخي الكريم برنسو وجزاك الله الف خير على هذا البرنامج الرائع والمفيد .. انشاء الله يستفاد منه الجميع . والله أني أقره أنكليزي وعندي مفردات لابأس بها لكن مشكلتي أخاف أحجي أنكليزي رغم قدرتي على الرد لكن ما اعرف ليش هذا التردد والخوف ، أعتقد البعض يشكو من هاي الحاله أيضاً .. التوفيق للجميع .

فعلا اني عندي نفس المشكلة
والكلام الي يكوله الاستاذ A.J. ضمن هذا البرنامج فعلا صحيح
فعلا يحتاجلنا استماع بالانكليزية كلش هوايا يللة نكدر نحجي

التوفيق للجميع ان شاء الله

464
المزوجين وعالكرين كارت وفلم وتصاوير وكل هذا تاكللها من سنه الى 3 سنوات حسب التسهيلات
أما بالنسبة للمخطوبين هاي كلش صعبه بالنسبة للي جاين جدد أو حته لو عدهم كرين كارت
اله حامل الجنسيه يجيبها اب فيزا زياره اتطول 3 شهور بالنسبة الك شغلتك صعبه
تحياتي

+++
فعلا انا كذلك قاري بالموقع
الخطوبة ممنوع التقديم عليها الا بعد الحصول على الجنسية الامريكية

465
عزيزي الاكتيف حاله حال البينديغ

صارلي 6 شهور اكتيف وكلشي ماكو
وقبل سنة ايضا استمرت اكتيف واكتملت الامنية لمرة واحد ولمدة 10 ايام فقط ورجعت انتظار

يعني الاكتيف مالها اي قيمة
مجرد قشمريات وضحك على الذقون مع احترامي الك اخي الكريم

واكو ناس ضلو بيندينغ وسافروا وملفهم بيندينغ

مختصر مفيد الموقع معلوماته غير معتمدة

بالتوفيق ان شاء الله

466
الاخت العزيزة لاتهتمين اني مثلج ونفس رقم الملف وتقريبا نفس تواريخ المقابلات اذا مو سوية خابروني البارحة والحمدلله على موعد سفر هسه مهتمين بالكيسات القديمة 2008-2009-2010-2011
والتوفيق للجميع



يا الله يا الله

الله يسمع منك اخويا سنان العزاوي

بشارة خير ان شاء الله

467
الله يبشرج بالخير اخت رانيا

بالتوفيق للجميع ان شاء الله

468
و عليكم السلام اختي العزيزة
و الله احنا اصحاب الملفات القديمة كلش مظلومين خاصة المعلقين >:(
ننتظر و كلشي ماكو حتى ابسط تحديث يفرحنا شوية هم ماكو >:(
الله كريم ان شاء الله تفرج
تحياتي


والله يا اخوية اني بالنسبة الي انت حالتك للاسف تقهر حيل يعني لا اني بالسما ولا بالكاع التعليق يشلع الكلب صدك والله من صدك الله يساعدك
يا ربي وهسة دا ادعيلك ان شاء الله الله يفرجها عليك ويوفقك ويكتبلك كل الخير
بس احب ابشرج ترى عدد القدماء كلش قليل و انتي قديمة و ان شاء الله يمشون ملفج قريب
شكرا على دعائج اختي الكريمة و ان شاء الله تفرج
تحياتي

الله يعينكم ويعينا جميعا

طبعا اخويا سينكل هذي الصورة الاخيرة فعلا جاية علجرح
صدك والله لو مجذبين عليهم كان مشت امورنا راسا

والحمد لله والشكر على كل حال

469
حلو دكتور محمد هذي بشارة ثانية اليوم

شايف كل الخير اخويا

الحمد لله الحمد لله

بالتوفيق يارب

470
بالتوفيق ان شاء الله اخونا العزيز ابو الحكم

الف الف مبروووووووووك

ان شاء الله يوم سفرك باسرع وقت

تحياتي يا غالي

471
الف الف مبروووووووووك
يا رب سلامة الوصول

بالمناسبة ردا على صيغة السؤال في اسمك

اكولك ان شاء الله غدا هو موعد سفركم  ;D ;D ;D

ان شاء الله السفر لجميع المنتظرين واني منهم

تحياتي

472
الهجرة و واللاجئين / رد: سؤال
« في: 14:58 29/10/2013  »
الحمد لله صفت بين الدكتور محمد والاخ اوس صراحة اني جنت مقررة اذا زاد التعصب بيناتكم اطلب من الادارة ان تحذف الموضوع لان ما احب ايصير تجاوز بين الاعضاء يااخوان احنا بشر والبشر معرض للغلط او عدم توضيح الفكرة خل يكون صدرنا رحب ونتقبل فكر الاخر ونتناقش ليش دائما ناخذ الانطباع السيء من الطرف الاخر ونبدي بالهجوم بحالة عصبية,  شوية تهدو بالرحمن والحمد لله على كل حال ومثل ما يكول المثل (المسامح كريم )

تحياتي الكم ولكل من اجاب على موضوعي وهنئني باكتمال الفحص الطبي

اولا انتي اخت عزيزة ومحترمة
ثانيا الاخ اوس اخ طيب وصراحة اخلاقه عالية وما شفنا منه غير كل ادب واحترام
ثالثا انا سبق وان وضحت (( انا لما اتكلم ... اتكلم بصفة المنظمة لكي لا تكثر الاطراف بالموضوع ... يعني ما اريد اكول انه افراد المنظمة المسؤولين على الفحص اليوم كالولنا انه الفحوصات كولها مكتملة ........ يعني الي اكولله بالمنتدى انه  يا اعضائنا اليوم الفحوصات كلها اكتملت !!!! وضحت الفكرة ))
وارجو ان تنتبهو على فقرة لو الفحص الطبي بيدي مو كان انتضرت اني شهر و 29 يوم على اكتماله واخويه صارله شهرين فعال والبارحة صار غير فعال مع العلم هو فحص وياي بنفس اليوم !!! شنو رايكم ؟؟؟؟

الي اتمناه منكم ان تتفهمون الموضوع وانه اني حاضر لاي خدمة وباي وقت وحته لو تردون اجيكم من مستشفى بغداد الى ابن البيطار واحضر فحوصاتكم بس كولولي واني بالخدمة
وانتم تتدللون ........... اتمنى انه ما يضل بخاطر احد مني

تحياتي الكم بالتوفيق

الله يسلمكم ويحفظكم اعزائي اختي واخي الغالين

فعلا اختي اني اتسرعت بحكمي على اخويا الغالي دكتور محمد رغم معرفتي بمواضيعه الحلوة والرائعة

اعتذاري منكم جميعا مرة ثانية

واكيد احنا كلنا اخوة واحباب

تحياتي ياطيبين

473
مرحبا اخي ابويوسف اني متاكدة من كلامي مليون بالمية انه المقابلات بكفر سوسة بالمفوضية وهاي صار سنيتن هيج المقابلات والفحوصات بالهجرة وللعلم مو بس استراليا حتى مقابلات كفالات كندا واسال الاخت نونا وهسة اتاكد كلامي تحياتي ,,,,اختكم ام يوسف /سوريا

الله كريم اخت ام يوسف
مهما كانت اي جهة المهم يمشون اموركم ان شاء الله

بالتوفيق ان شاء الله

474
الهجرة و واللاجئين / رد: سؤال
« في: 20:51 28/10/2013  »
حبيبي الغالي دكتور محمد

واني اعتذر منك جدا
واني من المعجبين جدا بمواضيعك الحلوة بس كتلك شوية من قريت كلامك "احنا انكلهم يومين وهي شهر" شوية انصدمت

اسف جدا مرة ثانية

الله يبارك بيك ان شاء الله وييسر امرك باسرع وقت ممكن
الله يفرجها عن كل المنتظرين يارب

تحياتي يا غالين

لا حبيبي الغالي حياك الله وهذا الدم الحار مالتنا ما يوجد بامريكا  ;D ;D ;D بس شنسوي الله المستعان واني جدا ممنون من رايك الكريم ... ارجو تقبل اعتذاري واكرر اسفي يا اخويه الغالي ..........
حياك الله وبالتوفيق

الله يسلمك يا غالي
والله يابا يمكن هذا دمنا الحامي هو الي عم علينا

والله المستعان على انفسنا قبل كلشي
واني اعتذر منك كذلك
والله والنبي محييك

تحياتي اخويا الغالي

475
الف الف مبرووووووووووك اخويا العزيز

توصلون بالسلامة ان شاء الله

الحمد لله هذي بشارتين اليوم من الطيبين في عينكاوا


تحياتي وامنياتي بالسفر لجميع المنتظرين

477
الهجرة و واللاجئين / رد: سؤال
« في: 20:01 28/10/2013  »
حبيبي الغالي دكتور محمد

واني اعتذر منك جدا
واني من المعجبين جدا بمواضيعك الحلوة بس كتلك شوية من قريت كلامك "احنا انكلهم يومين وهي شهر" شوية انصدمت

اسف جدا مرة ثانية

الله يبارك بيك ان شاء الله وييسر امرك باسرع وقت ممكن
الله يفرجها عن كل المنتظرين يارب

تحياتي يا غالين

478
الهجرة و واللاجئين / رد: سؤال
« في: 19:07 28/10/2013  »
اخي العزيز دكتور محمد

اي واحد يقرا كلامك الاولي هذا
"اختي العزيزة ملاك التقارير تندز خلال شهر مو خلال يومين بس احنا نكول للناس خلال يومين والفحص الطبي يكون عندج مكتمل خلال هاي الفترة وبحدود 3/11/2013 يكتمل عندج وانا مسؤول عن كلامي لانه احنا لحد الان ما دزينه التقارير مال IOM و اي شي تحتاجين اني بالخدمة بخصوص الفحص الطبي

بالتوفيق"

اتوقع منه ياخذ عليكم نظرة سيئة فالكلام صفة المتكلم , لا يمكن أن تطلب من شخص يبدي لك الاحترام وانت تظهر له سوء العمل.

لكن بعد التوضيح من حضرتك, الان وضحت الصورة واني اشكرك على ردك الانفعالي والتهجمي

لكن مراح اعتذر منك لأن ردك كان سيء قبل ماتوضح التفاصيل


تحياتي الك ويارب الله يفرجها عليك وعلى كل المنتظرين

479
الف الف مبروووووووووووك
يارب التوفيق وسلامة الوصول

الله يبشرك بالخير
احنا اخوتك القدماء

تحياتي يا غالي

480
اي والله يا سينكل
موت بطيئ بالله الكريم

هسة لو بس يسفرون اهلي بسوريا كان ارتاحيت

الله يفرج علينا جميعا

481
اخي aus 2013  لان ماكو سفارة بسوريا فعن طريق اليوان المقابلات على الشاشة وبعد والله مصارلي سنة بعدلي 3 اشهر يلة اصير سنة والله كريم ان شالله يطلع الحجي صح الي كالته ,,,, اختكم ام يوسف /سوريا

تسلمين على التوضيح اخت ام يوسف

انتو بكل الاحوال بسوريا لازم يسوولكم استثناء من هذا الانتظار
الله يكون بعونكم

بالتوفيق للجميع ان شاء الله

483
احنا راح نشيب هنا

حجي اني خلص شيبت

من 2007 اني مسجل عللجوء ولحد الان
6 سنوات ترة عمر مو شوية


اخي العزيز في هذا الموضوع مالنا علاقة بتاريخ التقديم على اليو ان و مالنا علاقة بالمقابلة الاولى شوكت صارت
المهم تاريخ مقابلة المحلف و القدماء عددهم جدا قليل من كل الدول ما بيهم 1500 و يجوز اقل
تحياتي

اي حبيبي سينكل كتبت سابقا انو مقابلة الوفد عندي في شهر 5\2010 ورقمي يبدي 110
ملفين مو واحد

تحياتي

484
مرحبا اخواني بشهر التاسع اتصلت على السفارة كالولي بدك تستني اصدار قرار تنزلي على جدول المواعيد وهدا الكلام صار مرتين بشهر التاسع اتصلت بشهر العاشر بدايته كالت لسة مافي شي جديد وكالت اللجوء الانساني الفترة القانونية سنة ونتصل بيج والبارحة اتصلت كالت المفوضية عدها الجدول وهي تتصل بالدور  فياترى كلامها صح لو بنج اني قبلها شفت هنانة بسوريا الي مقدمين بشهر الثامن وفوك بسنة 2012 سنة على تسليم النعاملة ويتصلون بيهم ورة الفحوصات شهر ويسلمون صور وجوازات .... اختكم ام يوسف /سوريا

طيب اخت ام يوسف انتي صارلك سنة لو اكثر؟

شغلة ثانية انتي شو علاقتك بليو ان اصلا؟ انتي تقديمك خارج اليو ان!!

بالتوفيق ان شاء الله

485
ولله ياعمر افكر انو ارجع لسوريا يمعود التفكير ايتعب هواي 9 اشهر واني مالي فورم 80


الله يكون بعونك ابو يوسف حبيبي، اني الاعرفه انه كل معاملة الها سقف زمني سنة واحدة، انته صارلك شكد من مقدم؟؟



اخوم عمر

حلوة والله هذي شغلة السقف الزمني
علوا لو تكون فعلا موجودة

على الاقل مو مثل امريكا
الواحد يندل دربه

تحياتي اخويا الغالي

486
الهجرة و واللاجئين / رد: سؤال
« في: 09:49 28/10/2013  »
السلام عليكم اعزائي عنكاويين

بعد 3 ايام راح ايصيرلي شهر على اعادة الفحص الطبي الثالث ولحد الان ما متغيرة حالة الفحص الطبي وبعدهة فعال شكد برايكم المدة المتوقعة للتحديث لان حسب ما افتهمت من الدكتور التقارير تندز خلال يومين والتحديث يصير خلال 15 يوم بالزايد

اختي العزيزة ملاك التقارير تندز خلال شهر مو خلال يومين بس احنا نكول للناس خلال يومين والفحص الطبي يكون عندج مكتمل خلال هاي الفترة وبحدود 3/11/2013 يكتمل عندج وانا مسؤول عن كلامي لانه احنا لحد الان ما دزينه التقارير مال IOM و اي شي تحتاجين اني بالخدمة بخصوص الفحص الطبي

بالتوفيق

السلام عليكم

دكتور محمد ليش اتأخروها هلكد؟
وليش متصارحون العالم بهذا الشي؟

شحال لوما انت عندك نفس المعاناة
متعرف يعني شنو تأثير هذا التاخير؟

الحمد لله اني مو ببغداد

الله لايسلط اي عراقي على عبد مسلم
ماكول غير شي

وبكل الاحوال الاخت الملاك الحائر كمل عدها الفحص بالموقع اليوم بس انت منتبهت ...الحمد لله

488
حبايب اليوم دخلت عموقع الامم المتحده ودخلت الكيس مالي كله فعال وكومبليتد عدا الترافل شكد يطوول تقريبا؟ علما انو الولايه والمطار نازلات وهمه كليفلاند هايتس، منو بكلفلاند هايتس او كليفلاند او اوهايو خلي نتواصل واتعرف عليكم،


حبيبي حبيبي حبيبي

بس اريدك تعلمني شلون دخلت على موقع الامم المتحده

واني ممنون الك يا ورده

ابو الوليد

على الاغلب الاخ سيف غلطان
هو قصده موقع منظمة الهجرة الـ IOM
لكن كاتب موقع اليو ان

وشتان ما بين الاثنين اخ سيف العزيز

489
الفحص اكسباير حاليا انت حاليا ارسل رسالة للمنظمة وبلغهم بنهاية فعالية الفحص الطبي حتى يخلوك على جدولة الفحص

Negative

الرسالة لاتفيد بهكذا حالات
والمنظمة يجيها جدولة الموعد على الفحص الطبي من امريكا ايضا

الكلام عن تجربة شخصية والفحص الطبي عندي فعال (يعني اكسباير) صارله 11 شهر
وقمت بارسال اكثر من رسالة واتصال على طول تلك الفترة لكن دون نتيجة

تحياتي

490
الف الف مبرووووووووووووك اخويا صفاء الصحفي

طبعا فرحت من شفت تاريخ مقابلتك للوفد في 5\2010

لأن اني مقابلة الوفد نفس الشهر والسنة لكن من جماعة لجوء يو أن في سوريا

وبعدني اناضل في عمان حاليا

شايف كل الخير

تحياتي

491
احنا راح نشيب هنا

حجي اني خلص شيبت

من 2007 اني مسجل عللجوء ولحد الان
6 سنوات ترة عمر مو شوية


492
اي والله علوا لو اكو

493
اخي العزيز حسين الجبوري
ماذا عن المقابلين الوفد وبانتظار التجييك الامني منذ اكثر من 3 سنوات وداخلين بالرابعة ؟

اني دا اشوف الموضوع هنا فقط على الناس الي مامقابلين الوفد
ماذا عن الي مقابلين الوفد منذ سنوات!

تحياتي

494
يعني اعتك واحد بيكم 5\2010

طبعا ملفين مو بس واحد

بالتوفيق للجميع ان شاء الله

495
عاشت ايدك اخ برنسو على هذا البرنامج الحلو

496
اخي العزيز الفرج2
ﻻ املك الا ان اقول لك كأنك في قلبي
فأنا دائما ما اتحدث بنفس المنطق

بالمناسبة الي يقره القران الكريم ويفهم الاسلام كما يجب ﻻزم يوصل لنفس النتيجة

تحياتي وشكرا لكم

497
اسف اختي المنظمة الي قصدتها اني هي USCCB
CATHOLIC CHARITY

هذي غيرها ما اعرفها

بس بكل الاحوال هذي المنظمات تاخذ نفس السياق

تحياتي

498
وعليكم السلام ورحمة الله

شبيها هذي المنظمة اختي؟

اسمها الكاثوليك جاريتي
هي نفس المنظمة الي متكفلتنا , لكن في غير ولاية
عادي حالها حال بقية المنظمات

اخويا جرب حظه وياهم , يعني نوعا ما زينين بس بكل الاحوال يحتاجلهم متابعة , بس فرقنا عنكم انو اخويا كان بولاية ثانية وكان عنده كفيل , الكفيل  بوقتها كان السكن عليه , لذلك كان الويلكم تقريبا 850 دولار

الكلام قبل سنة تقريبا

ما اتصور المعلومات عن اي منظمة رح تفيدكم بشي لأن كلهم تقريبا نفس الشي

تحياتي وبالتوفيق للجميع ان شاء الله

499
السلام عليكم
اخي العزيز Single man
حسبتك منطقية جدا وواضحة جدا

الله يبارك بيك صراحة من قريتها استوعبتها ورجعتلي الامل

اخوك من جماعة مقابلة وفد 5\2010

تحياتي وبالتوفيق للجميع ان شاء الله

500
مساء الخير أعضاء الجمعية الكرام


اليوم مثل ماكتلكم كان عندي استلام خط رحلة واستلهمته والحمد الله في منتصف شهر 11 انشاء القدير المهم اخواني الي اتاجل سفركم أحب أبشركم انو اليوم كان اكو عدد لابس به من الماجلين استلموا موعد جديد وأكثرهم بداية الشهر القادم ولكن طلبت من بعضهم يروحون يسون فحص طبي اليوم وكانوا كبار بلسن والبقية الي كانوا موجودين مثل حالتي اول مره بس والله كانت قاعة الانتظار الخارجية  مليانه تقريبا هذا كل الي صار اليوم وانشالله يوم الكم

يا الله يا الله
شايفين كل الخير اخويا ANGEL81

بالتوفيق للجميع ان شاء الله

صفحات: [1] 2