عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - mohammed1955

صفحات: [1]
1
شكرا اخى .بعثتلك مسج على تلفونك .ارجو الجدية

2
الاخوان الاعزاء لمن لديه المعلومه.سأقوم ببيع بيتي في بغداد .وسيتم تحويل مبلغ نصف مليون دولار الى حسابي في امريكا.سؤالي هو ايهما افضل .ان يكون التحويل الى حسابي الشخصي او حسابي التجاري او العملي .بزنز اكاونت .وهل هناك ضرائب تترتب على استلام المبلغ .شكرا مقدما لمن يملك المعلومة الصحيحة

4
اني اسكن الكهون ساندياكو .واريد ابيع بيتي في بغداد واني موجود هنا .شنو اسلم طريقه للبيع .وهل صحيح اكو يشترون البيت ويسلمون فلوس مجرد انطيهم وكالة عن البيت .وياريت لو عناوين الناس اللي يشترون البيوت في بغداد .اريد ثقة مو مال تقفيص

5
اني اسكن الكهون ساندياكو .واريد ابيع بيتي في بغداد واني موجود هنا .شنو اسلم طريقه للبيع .وهل صحيح اكو يشترون البيت ويسلمون فلوس مجرد انطيهم وكالة عن البيت .وياريت لو عناوين الناس اللي يشترون البيوت في بغداد .اريد ثقة مو مال تقفيص

6
اني اريد احول من امريكا الى بغداد 40000 دولار وحاير ومحتار عن يا طريق اسلم .مع العلم عندي حسابين في امريكا تجاري وشخصي وعندي حساب في بغداد..افيدونا يرحمكم الله

7
استاذي الكريم.
اني عندي شركه تجاره عامه في بغداد .وعندي عقود ستويه لازالت نافذه مع منظمه الامم المتحده يونامي .وحاليا مظطر اروح الى بغدا حتى اكمل التحاسب الضريبي لان تم تغليق حسابي بالمصرف .في الواقع خايف اروخ خاف يمنعوني من الدخول من ارجع .
غلما عندي ترفل دكومنت منتهي الصلاحيه بس ما سافرت بيه ابد وعندي الجواز العراقي ينتهي شهر السادس 2017.
ارجو النصيحه

8
الاستاذ الكريم .
اني عندي كرين كارد .وعندي ترافل دكومنت منتهي الصلاحيه.وجوازي العراقي ينتهي شهر السادس 2017 .عندي شغل ضروري في بغداد .عندي شركه الحساب المصرفي معلق علمود التحاسب الضريبي ولهذا حاجزين فلوسي.
بصراحه خايف اروح لا بعدين ما ايخلوني ادخل الى امريكا وعندي عائله جبيره هنا.
ممكن اروح الى تركيا بالترفل دكومنت ومن تركيا للعراق بالعراقي .لو ممكن يسئلوني رحت للعراق لو لا .خاف اكلهم رحت ويمنعوني من امريكا .لو اكول ما رحت احسن .مع العلم اني عندي عقود تجهيز جاريه مع احد منظمات الامم المتحده.
شاكرين تعاونكم

9
اني خريج هندسه طائرات سنه 1978 من ولايه اوكلاهوما وكانت تسمى مدرسه والان اصبحت كليه طبعا رجعت للعراق وصار سنتين رجعت الى كالفورنيا كلاجئ وسجلت كميونتي كولج هسه يردون اما شهاده اعداديه مصدقه او امتحن GED لان ماكتلهم اني دارس بامريكا خوفي من ان لايقبلوني بالكوميونتي كتلهم اني خريج اعداديه بالعراق وحاير هسه اكلهم اني عندي شهاده امريكيه خاف ايكولون ليش كذبت وايغرموني وهسه دا ادرس لغه انكليزيه ويه العراقيين المبتئين وطبعا اني فارس الصف ماهو رأيك ارجع اكلهم اني عندي شهاده امريكيه علما حاصل على كرين كارد وشكرا

10
الاخ بيتس احنه عائله اب وام وخمس ولد كلهم عابرين 21 صارلنه بكلفورنياالكهون سنه وسبعه اشهر الكل عدنه كرين كارد قبل شهرين الام حصلت على راتب معوقين ssi المشكله مأجرين بيت غالي 21 ورقه والقوائم تكسرالظهر ممكن نحصل على سكن low income اذا ممكن عناوين الدوائر المختصه احنه مقدمين section 8 بس شغلتهم طويله..مع الشكر

11
اني هم ساكن بالكهون ودا انتظر جواب بعدين اشبيهم العراقيين ما شاء الله جيرانه من الناصريه وصلهم كرين كارد مال ابني بالغلط ابني مخربط برقم البيت رحنالهم سألناهم كالو ما استلمناه مع العلم البريد شافوه بالحاسبه حاطيه بصندوقهم - هسه عدنه المعامله من جديد - بشرفكم لو رايح بالغلط البيت يهودي هم جان علسوه علينه بس ما اكول غير ناصريه


13
اني عندي ترافل دكومنت ومحد نصحني اسافر لان مجازفة وبعدني حاير اسافر لو لا واذا سافرت وماكدرت ارجع مهناها عائلتي ايتيهون بامريكا

14
شكرا اخ احمد
اني عندي وكيل لكن اللي ايريدون يشترون كلهم قفاصه ودينطون نص السعر بحجة عملية الشراء مجازفه بيت شخص ما موجود والبيت مرهون للمصرف علما سعر البيت مو اقل من 600,000 دولار

15
شكرا اخ عماد ولله حيرة..تعرف اذا ما كدرت ادخل معناه عائلتي هنا ايتيهون...
طيب اخي ممكن انتظر الكرين كارد واهلي ايدزوه الى تركيا استلمة وادخل بيه؟...
وهل ممكن اطلب السماح للذهاب للعراق من اجل بيع بيتي .هل سيكون هذا عذر قوي وممكن من ارجع اشوفهم اوراق البيع وتحويل الفلوس لحسابي بامريكا...
مع الشكر

16
اخوان رجاءا جواب صحيح لان مدا احصل على الجواب.صارلي بامريكا مع عائلتي سنه وشهر وقدمنه على الكرين كارد بس ايطول .اني عندي ترافل دكومنت وعندي جواز عراقي اريد اروح للعراق مده شهر حتى ابيع بيتي لان مرهون للعقاري وراح ينباع بلمزاد وافلس من كلشي .يعني ما اكدر انتظر كرين كارد .دا اسمع اجوبه مختلفه .ناس ايكولون روح تركيا بالترافل دكومنت ومن تركيا البغداد بالجواز العراقي .وناس ايكولون عادي روح للعراق ميسئلوك من ترجع وما ادري شنو الطريقه السليمه للسفر للعراق علما راح اسافر وحدي وتبقه عائلتي هنا.افيدونا

17
شكرا اخ احمد على الرد لكني مظطر الرجوع خلال عشرة ايام كون بيتي مرهون للمصرف وان لم احضر سيتم بيعه بالمزاد العلني وهذه كارثه لان كل مستقبلي وعائلتي في امريكا معتمدين على بيع البيت واستثماره في امريكا

18
اني اكملت معاملة الكرين كارد بس مظطر اروح للعراق حتى ابيع بيتي وعندى ترافل دكومنت نافذ للشهر الثامن علما اني لدي عقد تجهيزي مع احدى منظمات الامم المتحدة العاملة في العراق والعقد ساري المفعول.فما هو اسهل طريق السفر للعراق دون المسائله حين عودتي الى امريكا علما بان عائلتي مكونه من سبع اشخاص موجودين معي في امريكا .سمعت من بعض الاشخاص بان اسافر الى تركيا بالترفل دكومنت ومن تركيا للعراق بالجواز العراقي ثم ارجع الى امريكا من تركيا بالترفل دكومنت فهل يا ترى هذه طريقه امينه ،لان في حال عدم تمكني من دخول امريكا سيكون مصير عائلتي الضياع هنا في امريكا افيدونا بارككم الرب

19
لقد مضىعلى وصولي وعائلتي الى امريكاسنه وشهر واكملت معاملة الكرينكارد والمتوقع استلامه في شهر تموز .الا اني مظطر الرجوع الى بغداد لبيع بيتي علمااني حاصل على ترافل دكوممنت لمدة سنه اكسباير شهر الثامن.سؤاليكيف اسافر للعراق بدونمسائله عند عودتي لانني سمعت من يرجعللعراق يصعب عليه دخول امريكا علما انني ساسلفر وحدي بدون عائلتي وخوفي من عدم السماح لي بدخول امريكا وعائلتي معتمدين على وجودي معهم وبدوني مصيرهم الضياع ..شكرا لنصائحكم

20
شكرااااااااااااااااااا للجميع واي واحد يحتاج مساعده بسانديكو بالكهون اني برسم الخدمة .بس ادعولي اكدر اجدد اجازه السوق اليوم لان اني اصلا سبق وا كنت عايش بالكهون وعندي اجازه سوق بس اكسياير والحمد لله ملاقيت اي صعوبات لان اعرف المدينه اكثر من بغداد وعندي لغه جيده
التوفيق للجميع

21
الحمد لله وصلت جميع العائله الى ساندياكو وعلى ثلاث وجبات .نتمنى للجميع التوفيق والسفر القريب والشكر الجزيل لكل المتعاونين الذين سافروا والمنتظرين كذلك

22
شكرا نورس على المعلومات
حضرتج ساكنه بالكهون؟

23
شكرا um shaheen
بصراحه الكفيل راح ايكلهم يسكنون عنده .بس اقصد اذا راحو للموتيل هل المنظمه راح ايعرفون لو لا اذا ولدي كلولهم احنه ساكنين ويه الكفيل
لان همه كبار والكفيل عنده عائله وهوه مجرد صديق حب ايساعدني لان اني عشت فتره بالكهون وكان جيراني .مسيحين بس ناس جدا طيبين

24
عندي ولدي اثنين راح يوصلون للكهون FEB/5 وعدهم كفيل بس مراح يسكنون ويه الكفيل .وين ممكن يسكنون مؤقت الى ان توصل بقيه العائله .وهل يؤثر السكن في الموتيل على الويل كم وشكرا

25
الاستاذ Eng. Iraqi
اكرر مقترحي كان وجهة نظر فقط.يعني بالعراقي حجارة بالظلمة.
تعرف كثير من اللي بلغوهم مواعيد سفر وبعدين اجلوهم.باعوا الاول والتالي .واكو من كان كاعد بايجار وعاف البيت باعتبار راح ايسافر .اني اعرف ناس عايشين في بيوت متفرقه يعني متطشرين ومبهذلين بسبب التاجيل.
لازم المنظمه والامريكان ياخذون بنظر الاعتبار حال مثل هيج ناس .قبل التبليغ بالسفر كانو يتاملون يوم السفر .الان صارو هم ينتظرون وهم ما مستقرين لو باقين على الانتظار هواي احسن

26
الاستاذ امين عبد الله
اكيد حضرتك تملك معلومات اقتصادية جيدة واللي تهم المنظمه وهذا من حقهم ان ايحصلون على منافع لتغطية نفقات اللاجئين.
اني طرحت مقترح حسب وجهة نظري ان ايسهل عملية السفر لان سبب التاخير والتاجيل هوه مواعيد الطيران وترتيبات السفر.
شكرا على تجاوبك القيم .لكن قلت عسى ان يكون لمقترحي طريق بغيه تسهيل السفر على الكثيرين .لان دا اشوف يوجد هناك من طفح عندهم الكيل..
مع تمنياتي للجميع بالصبر والتوفيق

27
الاخ امين عبد الله
انا لم اقصد الجميع بالمطلق .بل قصدت الناس اللي كلشي عدهم طبيعي وباقين في انتظار موعد السفر فقط.وممكن تشمل المنظمه المقترح على الناس اللي باقين فقط على موعد السفر  .ما اتصور العملية صعبة كلشي يبقى على ماهو عليه .عدا السغر ايكون على مسؤولية الشخص

28
اني اصلا عندي حساب جاري في Bank Of America  من سنه 2009وما عندي اي مخالفه ولازال الحساب فعال بشكل طبيعي.وايضا منتظر سفر قريب .
هل راح ايفيدني الهستوري بشي؟

29
من الواضح ان كل الذين تم تاجيل سفرهم او كملت معاملاتهم وباقي انتظار جدوله السفر وحتى الذين لديهم مقابلات .
لدي اقتراح لمن  يستطيع ان يوصله الى منظمه ال IOM في العراق او مصر او الاردن.
نقترح عليهم لكل من يستطيع القيام بالسفر على حسابه الخاص ويتعهد بالوصول الى امريكا دون مساعدة المنظمه ويقوم بحجز السفر على حسابه الخاص .ان يستلم كامل اوراقه الخاصه باللجوء من فيزا ووثائق اخرى .من المنظمة بشكل مباشر في بغداد
لهذا المقترح فوائد للاجئين والمنظمه.
1- نوفر على المنظمه الجهد الكثير من حجز وجدوله طيران وانتظار المسافرين بالمطارات .
2- الاسراع بعملية السفر وتخليصنا من الانتظار الممل.
3- يختار المسافر خط الطيران المريح بالنسبه له على حسابه الخاص .بدل ان تسترجع مبالغ السفر فيما بعد
4- يختار المسافر وقت السفر مما يتيح له الوقت الكافي لترتيب اموره في العراق وبشكل مريح ومن ثم يختار موعد السفر .
اعتقد لو كان بالامكان تمشية المقترح والعمل به من قبل المنظمه فانه سيسهل سفر اعداد كبيره من المنتظرين ويوفر الجهد الكبير على المنظمه.
يرجى من الجميع العمل بجدّية على ايصال المقترح وخاصه الموجودين في الاردن ومصر .حيث يمكنهم التحدث بالمباشر من المنظمه على عكس المعمول به في بغداد من خلال الايميل فقط.
مع التوفيق للجميع 

30
اخوان ياريت واحد يكدر ايوصل المقترح للمنظمه.او على الاقل الموجودين في عمان او مصر .ايفاتحون المنظمه هناك.لان بمصر وعمان ممكن ايراجعون مباشر.اما في بغداد بس على الايميل وطبعا مجد ايجاوب.اني متاكد راح ايرحبون بالفكرة. لان هذي تفيدنه وتفيدهم.
1- الشخص راح يتعهد بالسفره بنفسه مما ايوفر جهد عليهم.
2- راح نوفر عليهم تكاليف السفر اللي بعدين همه راح يسترجعوهه.
3- يوفرون علينه الانتظار وحرك الاعصاب.
4- كل شخص راح يختار طريق السفر والموعد براحته.يعني ايصفي اموره بالمرتاح وايسافر واعصابه مرتاحه

31
استاذي الكريم.
مقترحي واضح.اني مستعد اسافر على حسابي واحجز طيارة بالرحلة اللي تعجبني وما اريد اي مساعده بالطريق.بس اريد اوراقي كاملة استلمهه في بغداد واوفر عليهم كل عملية السفر من حجز وانتظار وطريق الرحله الى الوصول.بس منين استلم هذي الاوراق والفيزا اللي توصلني امريكا .خل ينطوني اوراقي في بغداد والباقي على ابو داعيك ما اريد منهم اي مساعده بالوصول.اعتقد هذي لعملية توفر عليهم جهد وتوفر علينه وقت.
اما المن نقدم .اكيد لل اي او ام .ممكن نبحث عن الدائره الرئيسيه ونفاتحهم بهيج موضوع

32
عزيزي Ali leo
نفدم المقترح الى منظمه  IOM
اني من كنت اوصل اي مطار في امريكا بفيزا كان اكو ورقه بيضه وبيهه رقم ايكلبسوهه بالجواز ولازم احتفظ بيهه الى ان ارجع لان ما اكدر اغادر امريكا من دونهه .بس اعتقد هاي مو الوايت الكارد مثل مال اللاجئين.
اما عن مقترحي .بالتاكيد راح ايخفف الجهد على المنظمه وايسرع عمليه السفر .اللي يكدر ايسافر ممكن هنا بالسفاره ينطوه فيزا وبقيه الاوراق ويتعهد بوصوله عى مسؤوليته بعد ما يقتنعون انه صحيح قادر من خلال مقابله بسيطه .
والمفروض احنه المزجلين فيزنه موجوده وصادره وموافقه السفر .والا شلون اتصلو بينه وحددو يوم السفر وبعدين اجلونه

33
الاخ ألن في بلاد العجائب
اني مظطر ارجع يمكن بعد اسبوعين من وصولي.بس مجرد اوصل عائلتي واخليهم يستقرون وارجع .وما اطول في بغداد اكثر من شهر وهم ارجع الى امريكا.
هل قصدك ممكن مجرد اقدم على ترفل دكومنت وارجع حتى فبل متصدر وممكن استلمهه من السفاره في بغداد.
واني سمعت اللي اي او ام ممكن يحول اس اي في بس يدفع فلوس السفر والفحص ومن خلال محامي .هل صحيح هذا الكلام .مع جزيل الشكر

34
شكرا للاخوان على الرد.
ليش ما انقدم هذا كمقترح الهم .واكيد ممكن يكدرون ايسوون فد عملية جديده وايكولون الى كل من ايريد ايسافر على حسابه ويتحمل عملية الوصول .ينطوه اوراقه كاملة ويتوكل يحجز ويطلع .وممكن يوصل الى عنوان الكفيل اذا عنده خبره شلون يوصل امريكا .هم راح انريحهم وهم السفر راح احنه ندفعه وهم نقلل عليهم المعاملات وانتظارنه بالمطارات .اما اللي ميكدر يوصل ممكن همه ايساعدوه .
يعني اذا واحد مكمل كلشي ومستعد ايسافر على حسابه .بس اللي ايريده الفيزا وبقيه الاوراق.
اما الوايت كارد فاني من خلال سفراتي مسويه بنفسي وكلش بسيط وياما رحت الى امريكا وحدي.
يلله اخوان خل نوصل هيج مقترح ..شتكولون؟

35
اني من المؤجلين شهر اكتوبر 2013 .ولحد الان ماكو موعد سفر .شلون اكدر اسافر على حسابي واني كلشي مكمل .ولو الامنيه ما مكتملة لكن طبعا كانت مكتملة قبل ورجعت انتظار ورجعت كملت وهسه هم انتظار والكيس فعال .علما اني سبق وان عايش بامريكا يعني كلشي ما احتاج معلومات شلون اوصل امريكا بس ينطوني اوراقي وايريحون بالهم

36
الاخ aljaderi11
شكرا على النصائح .بالنسبة الي .احنه عائلة من سبع نفرات بالغين .واني اصلا خريج امريكا من سنه 1979 وزرت امريكا عدة مرات حتى المدينه اللي راح اروح الهه اني عايش بيهه فتره واعرفهه شبر شبر وعندي اجازه سوق.يعني اني راح اساعد اللي ايسافر ويايه ما احتاج مساعده .
بس اني عندي حساب جاري بالبنك من سنه 2009 وسبق كان عندي بيه رصيد جيد .وحاليا رصيدي فقط 150 دولار لان ما اريد اعزز الرصيد لا اياثر على المساعدات .ممكن اعرف شكد اكدر اعزز الرصيد بدون اي تاثير على المساعدات .لان تعرف هذي الفلوس تفيدني لاي ضرف يواجهني .
هل تتوقع يسالون على bank statement  ويعرفون تاريخ حركة حسابي .هل ابلغهم بمعلومات حسابي اول ما اراجع المنظمه واكلهم اني اصلا عندي حساب . احنه مثل ما كتلك سبع نفرات بالغين هل تتوقع اناجر بيت احسن لو شقه مع العراقيين احسن للامان اكثر لان اكيد البيت راح ايكون مو ويه العراقيين .بينما الشقق مع عراقيين .مع جزيل الشكر

37
بصراحه اني وعائلتي من المزجلين وكاعد ننتظر موعد السفر .واني سبق وان عشت بامريكا وعندي اجازه سوق.زين من اوصل واشتري سيارة غالية مراح اتاثر على المساعدات

38
بس حبيت اعرف شنو الاحراءات من نوصل مطار الاردن.هل ايحبرونه على اعطائهم الجواز .لو ممكن احتفظ بالجواز وابقه بالترانزيت.يعني الاردنيين او ال اي او ام ميسئلون ليش ابقه بالترانزيت

40
رجاءا اللي عنده معلومات مؤكده ايفيدني وايفيد الجميع .اني مقدم على IOM  ودا انتظر السفر بعد التاجيل وسمعت ممكن من اوصل امريكا اقدم على  SIV .هل هذا صحيح وماهي الطريقه ؟.علما اني كلما اراسل المنظمه من بغداد يجيني اوتو ربلاي ايكلي ممكن اقدم على SIV يعني هذا اعتراف منهم ممكن التحويل.بس طبعا اذا  احّول هسه اكيد انتظر فد 5 سنوات اخرى .والسبب اريد الحصول على كرين كارد بسرعه لان احتاج ارجع بعد شهرين من وصولي .علما اني رايح مع عائلتي وراح ارجع وحدي وتبقه عائلتي هناك وابقه في بغداد مو اكثر من شهر .ومن يكون عندي كرين كارد هم اكو مسائله على اللي ايسافر ويرجع لو مسأله طبيعيه.
افيدونه بارككم الرب

41
الهجرة و واللاجئين / رد: طلب عاجل
« في: 09:57 07/01/2014  »
اني ايضا ابن اختي اتصلو بيه وكالوله موعد السفر باجر يوم 1/8 وكالوله التعليمات تلكاهه بالايميل .وبعد ما اتصلو بيه وهسه حاير شيسوي ليكون صحيح باجر السفر ويعتبروه متخلف عن الحضور .وراجع ابن البيطار ما حصل اي نتيجه بس انطوه ارقام تلفونات عراقيه وطبعا محد ايرد
ممكن احد عنده معلومات

42
خابرونه من عمان وكالو موعد سفر يوم 8/1 بس بدون اي تفاصيل .كالو التفاصيل بالايميل .بس ما وصلنا اي ايميل وبقينه حايرين راجعنه ابن البيطار .ما شافو الكيسات الواصله بس انطونه تلفونات كالو خابروهم وهاي التلفونات طبعا صابونه .هسه والله بقينه حايرين شنسوي ليكون سفرنه يوم 8 وايروح علينه.زين شنو جان التلفون غلط .غير المفروض ينطون موعد الحباية والسفر اشو محد بعد خابرنه والله خبلونه

43
الاخوان الاعزاء.هل ممكن تغيير خط سفر وتحويله الى اي خط غير طريق عمان ؟

44
الف مبروك والحمد لله على السلامة.ممكن توضحيلنه الوضع في مطار عمان .لان اني مبعد من الاردن بسنه 2003 اثناء الحرب كنت مطلوب الهم 50 دينار وعفونه من الغرامة على اساس مكرمة من الملك وبعدين اتضح هذا مو اعفاء بل ابعاد .هل تتوقعين ايسوولي مشكلة بمطار عمان .وخوش مكرمة .هاي بمكان النفط المجاني اللي يلفطو كل يوم

45
روح للكهون الى main street كلهه محلات ومطاعم عراقيين ممكن تسال اي محل اكيد راح ايدلوك واكو هواي عراقيين تلكاهم بالشارع ممكن ايساعدوك او ممكن تتصل باي كنيسه للعراقيين هم مراح ايقصرون وياك . لو اني بالكهون جان اجي اخذك من اي مكان

46
الاخ الكريم كلامك جميل وورارد .لكن المثل العراقي ايكول اشجابرك على المر غير الامر منه .اني شخصيا درست وتخرجت من امريكا رحت من عمري عشرين سنه .وبعدهه رحت عدة سفرات حتى السفره الاخيره قبل سنتين تعمدت اروح الى الكهون في ساندياكو وسكنت قرابه ثلاثه شهور مع اللاجئين وتعرفت على ناس طيبين وكنت قريب من حياتهم ومعاناتهم .حتى كفيلي هوه كان جيران الي من العوائل المسيحيه الطيبين جدا وكنا على علاقه جيده بهم كعائله .حتى من كتلهم يمكن اقدم على لجوء اني وعائلتي .فرحوا وكالو ياريت وابوهم كال اني كفيلك وهذا ما حصل بالفعل واتصلو بيه واتعهد بكفالتي والان همه في انتظاري مع عائلتي .واني كان من 30 سنه ممكن ابقه في امريكا لكن وضع العراق كان قبل جيد والحيات بيه حلوه وعاديه .لكن الان قررت ان ابعد عائلتي من العراق ليس حبا في امريكا لكن خوفا على عائلتي .اليوم كل عراقي مهدد مهما تكون من دين او طائفه او عرق لا توجد فئه امنه والاخرى مهدده.الكل مشروع جاهز للقتل .يعني مهما تكون حالتك فقير او غني انته مو مرتاح خاصه اذا تكون صاحب عائله وولد شباب طابين طالعين .اني حالتي جيده والحمد لله وعندي سيارات اخر موديل .لكن وين الامان .تعرف من يطرقون الباب علينه ساعه 6 الصبح وطرق بشكل استفزازي ويكلك تفتيش .شيصير بيك .تحسب كل الحسابات ويدخلون شكولات كانهم مو من كوكب الارض وتبدي تقره ايات اللي حافظهن وتدعى ان تتم عمليه التفتيش بسلام .ناهيك عن سيطرات الشارع عدا الجيدين منهم .ممكن اي واحد ايكلك اطبك وجيب السياره .واذبح ذبيحه اذا اخذ بس السياره وعافك لان تعرف بكل بساطة ممكن ياخذك وبعدين يعثرون عليك جثه بالطريق ولا احد ممكن يشتكي وعليمن يشتكي .اني عندي بيت يسوه مليون دولار راح اعوفه بدون ان ااجره الى اي واحد لان متامل اي يوم يرجع الامان ونرجع مهما كانت امريكا من بلد عظيم .وما ادري من راح اعوفه راح يبقه لو راح يستولون عليه .لكن عندي امل يرجع الامان ونرجع انشاء الله .مع العلم اني عندي شغل تجاري خير من الله .وحتى راح يستمر الشغل واني بامريكا واقل دخل ممكن يجينه واني هناك 5000 دولار .اقصد من كلامي الي ايخلينه نترك البلد لا الشغل ولا الجوع ولا الجو ولا الكهرباء .هيه مساله وحده شغله الامان وبس شنو فايده الفلوس والسيارات والبيوت وانته عايش قلق 24 ساعه ما تعرف باي وقت ترمى بالسجن او تفتل او اي واحد من افراد العائله ايروح باعتقال او انفجار او اي حادث اخر .والله مهما اكون غني في امريكا ومهما تكون رفاهيتي .اول يوم ايصير امان العراق ارجع الى بلدي ومهما تكون العيشه بس بامان .واحنه العراقيين اذكياء وهذا اخر تقرير على العراقيين اكيد سمعتو بيه العراقي اذكى واحد بالوطن العربي .يعني العراقي ايعيش مهما كانت الظروف الاقتصادية والدليل مرينه بحصار لم يمر على شعب مع ذلك عشنه وصارت سوالف .
اللهم ارجع الامان للعراق وما اريد اقامة حتى لو بالجنّه والتوفيق للجميع

47
يا جماعة الظاهر الكل انشالت منهم المدينه والمطار .يعني الشغلة عامة مو فردية خل ننتظر ونشوف شنو السالفة لحد يتشائم

48
اني ايضا اليوم يلله كملت الامنيه الصبح والعصر شالو المدينة والمطار .والله ما ظل صبر

49
اليوم اكتملت الامنية مرة ثانية مع العلم اني كنت من المؤجلين لكن اجلت الموعد الاول اللي كان في 7/10 وبعدين تعرفون انلغت كل المواعيد .لكن اني فى وقتها كان كلشي عندي مكتمل وره التاجيل صارت الامنية والكيس بالانتظار .اليوم كملت الامنية لكن الكيس بعده بالانتظار .اللي عندة معلومه ياريت ايفيدنه وشنو يعني هذا التطور والموفقية للجميع.اني مدينتي الكهون .ساندياكو وبصراحه هذي المدينه اني سبق وان رايحلهه زياره وعشت يهه مع الاخوان اللاجئين لمده اربعة اشهر وعندي اجازه سوق يعني كلشي اعرف عن المدينه وانشاء الله من اوصل راح اكون متطوع لكل من يحتاج مساعده لان اعرف اللي ايروح امريكا لاول مره اكيد راح ايدوخ بالبداية ويتمنى احد ايساعده

51
الاستاذ ابو الحكم .شكرا على المعلومات القيمة بارك الله فيك.لكن حضرتك ذكرت ان ال SIV  خاص بالمترجمين واني من المتعاقدين ولهذا قدمت على IOM واني وعائلتي من اللي تاجلنه من السفر بعد ما انطونه مواعيد شهر العاشر .لكن من خلال مراسلاتي معهم في الوانه الاخيره .حصلنه على رد فيه امكانية التقديم على ال SIV  وما حبيت اوافق خوفا من ان نرجع الى نقطه الصفر واحنه بانتظار السفر باي لحظة ووصل  ايميل لقسم من العائله بانتظار جدوله السفر وقسم بانتظار الامنية مع العلم كلنه كانت الامنيه مكتملة .واني مره سئلتك هل بامكان التقديم على ال SIV  من اوصل امريكا كان جوابك مستحيل.هل ما رايكم بعرضهم التحويل على ال SIV هل معناها نبدي من الصفر وتجر سنين اخرى.وعندي سؤال ايضا هو هل ممكن تحويل خط السفر لان ما ارغب اطير عن طريق الاردن ومستعد اذا وافقو على تغيير خط السفر ان اسافر على حسابي .
وهذا عرض التحول الى  SIV
قد ترغب أيضاً بالتقديم الى برنامج الفيزا الخاصة للهجرة (SIV). للمزيد من المعلومات يرجى زيارة الموقع التالي:
http://travel.state.gov/visa/immigrants/info/info_3738.html  أوhttp://travel.state.gov/visa/immigrants/info/info_4172.html
You may also wish to consider applying to the Special Immigrant Visa (SIV) Program.  For further information please visit the following website: http://travel.state.gov/visa/immigrants/info/info_3738.html orhttp://travel.state.gov/visa/immigrants/info/info_4172.html.
 


 


52
اني عندي اعفاء سنة 2003 اثناء القصف الامريكي .وبعدين اكتشفت هذا الاعفاء عبارة عن ابعاد لان ردت اسافر عن طريق الاردن خلال الحدود البرية .رجعوني قابضا للحدود العراقيه ولحد الان مبعد مع العلم غرامتي 50 دينار .وهسه قلق لا ايسوولي مشكله من اريد اسافر امريكا عن طريق IOM

53
رجاء اللي عنده معلومه ايفيدني .اني سبق وان زرت امريكا عدة مرات وعندي حساب جاري .حاليا رصيده قليل .اذا بعثت حواله وزيدت رصيدي قبل ما اسافر هل اياثر على المساعدات

54
شكرا اخ ابو الحكم على الرد .اني بصراحه كنت اروح الى امريكا فيزB1,B2  وارجع على قدر المده المسموحه .فما عندي معلومات عن الترفل داكومنت .مع الشكر

55
اخ ماركي .شكرا على الايضاح .بس اني راح احاول ابقه بالمطار ترانزيت وما اشوف جوازي دفعا للاشكال .لو برايك راح ايجبروني اشوفهم جوازي .ممكن توضيح اكثر.مع العلم اني ويايه عائلتي

57
الاخوان الاعزاء.اني وعائلتي من المؤجلين وعرفنه سفرنه عن قريب انشاء الله .عندي مشكلة مع الاردن .وهي اني كنت في عمان سنه 2003 واثناء الحرب رجعت الى بغداد .لكن كنت مطلوب 50 دينار للاردن عن غرامة تاخير بالاقامة .ومن ردت ادفع الغرامة .كالو  كل العراقيين معفيين من الغرامات وممكن ايغادرون الاردن وهذا اعفاء مكرمة من جلاله الملك .وفي سنة 2009  حصلت على فيزا الى امريكا وردت اسافر عن طريق عمان .لكن بالحدود البريه مع الاردن تفاجأت بان اني مبعد وممنوع من دخول الردن وهذا طبعا حال كل اللي تم اعفائهم وغادرو الاردن اثناء الحرب سنه 2003
وارسلوني مع شرطي وكتاب الى الحدود العراقية .والعراقيين ما اخذو اي اجراء مزقو الكتاب وكالو روح الله وياك وسافرت عن طريق سوريه .
اني هسه عرفت من احد الاخوان اللي سافرو كال ايجيكون الجوازات بالترانزيت بعمان وممكن ايسوون مشكلة الى عراقي حتى وان كان تحت حمايه الامم المتحده .بصراحه اني قلقت من هذا الموضوع وخايف لا ايسوولي مشكلة بمطار عمان وشنو موقف الاردنيين اذا كان هذا الابعاد ساري المفعول .هل ايرجعوني او يحجزوني والله بقيت متردد .ياريت لو احد اكو او سامع مثل حالتي يسعفني بمعلومات .والسلام للجميع

58
الاخوان الاعزاء.اني وعائلتي من المؤجلين وعرفنه سفرنه عن قريب انشاء الله .عندي مشكلة مع الاردن .وهي اني كنت في عمان سنه 2003 واثناء الحرب رجعت الى بغداد .لكن كنت مطلوب 50 دينار للاردن عن غرامة تاخير بالاقامة .ومن ردت ادفع الغرامة .كالو  كل العراقيين معفيين من الغرامات وممكن ايغادرون الاردن وهذا اعفاء مكرمة من جلاله الملك .وفي سنة 2009  حصلت على فيزا الى امريكا وردت اسافر عن طريق عمان .لكن بالحدود البريه مع الاردن تفاجأت بان اني مبعد وممنوع من دخول الردن وهذا طبعا حال كل اللي تم اعفائهم وغادرو الاردن اثناء الحرب سنه 2003
وارسلوني مع شرطي وكتاب الى الحدود العراقية .والعراقيين ما اخذو اي اجراء مزقو الكتاب وكالو روح الله وياك وسافرت عن طريق سوريه .
اني هسه عرفت من احد الاخوان اللي سافرو كال ايجيكون الجوازات بالترانزيت بعمان وممكن ايسوون مشكلة الى عراقي حتى وان كان تحت حمايه الامم المتحده .بصراحه اني قلقت من هذا الموضوع وخايف لا ايسوولي مشكلة بمطار عمان وشنو موقف الاردنيين اذا كان هذا الابعاد ساري المفعول .هل ايرجعوني او يحجزوني والله بقيت متردد .ياريت لو احد اكو او سامع مثل حالتي يسعفني بمعلومات .والسلام للجميع

59
الحمد لله على السلامه وبالتوفيق .بس انته قلقتني على شغله مطار الاردن لان اني كنت بعمان سنه 2003 واثناء الحرب رجعت الى بغداد بس كنت مطلوب 50 دينار كان عندي تاخير .وسنه 2009 ردت اروح الى امريكا فيزا عن طريق الاردن .لكن بالحدود ما خلوني ادخل كالو عليك منع .وفهمت كل واحد كان مطلوب وطلع صار عليه منع مع العلم كالو في وقتها هذا اعفاء جاكم من جلاله الملك .حتى في وقتها اخذوني بسياره وبكتاب وسلموني للحدود العراقيه بس طبعا جماعه الحدود العراقيه ما اتخذو اي اجراء ويايه وكالو روح الله وياك وطلعت عن طريق سوريه .هسه اني قلق لان سفري مع عائلتي عن قريب واكيد عن طريق الاردن .ما اعرف شنو اجرائاتهم ايرجعوني ايمنعوني يسجنوني الله واعلم .وشنو موقف المنظمه  هل راح ايدافعون عني.صحيح خليتني بقلق

60
الف مبروك .اني خابرو تلاثه من ولدي وكالولهم انتظرو السفر قريب واني ابوهم وامهم  كالو بعد .وما ادري شلون ولدي راح ايدبروهه مع العلم اني المدينه اللي راح اروح الهه اني اصلا سبق وان عايش بيهه مده مدينه الكهون بكلفورنيا واعرف المنطقه شبر شبر حتى حجزت بيت من هسه لان احنه سبع نفرات بالغين واني عندي اجازه سوق يعني من اوصل راسا تكون عندي سياره ومحضريلي سياره من اوصل .ادعولي اروح ويه ولدي واللي رايح للكهون اني برسم الخدمه ممكن اتعاون وياه .تحياتي

61
الاخ ابو يعسوب
اني سبق وان درست بامريكا واعرف 7/11 وحسب معلوماتي ادفع 80 الف دولار والباقي همه ايقومون بكل شي اني عليه الاداره .عندك معلومات .لان اني رأسمالي 100 الف دولار وشكرا

62
ما هو احسن استثمار ل مائة الف دولار في سان دياكو وشكر

63
شكرا جزيلا على الاجابة صحيح انك عراقي نبيل..بصراحه اني حالتي المادية ممتازة لكن بنفس الوقت ليش ننحرم من المساعدات مثل منكول بالعراقي حرامات

64
المعروف المسافر العراقي من حقه ياخذ عشرة الاف دولار .لكن اكو حذرونه من اخذ اي مبلغ ويانه ومو اكثر من خمسين دولار كل شخص.لان اذا عرفو الاي او ام اللاجيء عنده فلوس ينحرم من كل شي ممكن توضيح لان اكيد نحتاج فلوس ناخذ ونفس الوقت منريد ننحرم من فلوس اللجوء

65
شكرا اخ انيس.اني اصلا عندي اجازة سوق وهويه كلفورنيا لان اني سبق وان رحت زيارة 2009/2010 للكهون وعشت هناك اربع شهور  .كنت اماجر شقه .بس كنت فيزا زيارة مو لجوء بس حبيت اكون  قريب على اللاجئين واتعرف على المدينه لان كنت ناوي اقدم على الاي او ام وهسه كملنه كلشي وخايرونه على السفر بس تعرف احلونه ودننتظر موعد سفر جديد.واني اصلا متخرج من امريكا سنه 1979 .يعني امريكا مو جديده عليه وكلشي اعرف عنهه من نيو يورك الى كلغورنيا .شكرا على التعاون

66
شكرا اخ سلفر على التعاون.بس ما عرفت ممكن ارجع قبل حصولي على الترفل دكومنت .وممكن بعدين يستلموهه عائلتي ويبعثوهه للعراق ارجع بيهه.بصراحه اني عندي شغلتين مهمه .الاولى اني ماخذ قرض على بيتي ولازم ارجع اجدد القرض او البنك ممكن ايبيع بيتي.وثانيا اني عندي شركة وعندي عقد تجهيز سنوي مع احدى منظمات الامم المتحدة واحتاج ارجع كل فترة اتابع شغلي وعندي طبعا العقد والباج مال الامم المتحدة.هل تتصور هذي حجج مقنعة تخليني ارجع للعراق وبعدين ادخل امريكا .هل ممكن واحد يرفضوه يرجع امريكا وعائلته موجودين بامريكا .علما اني اصلا خريج امريكا وحاصل على شهادة في سنه 1979 وسبق زرت امريكا سنه 2009/2010 وسبق ان حصلت على فيزا امريكا مرتين .واني اصلا اللجوء مع عائلتي راح ايكون بالكهون .سان دييكو .وهذي المدينه اني سكنت بيهه اربع شهور وعندي عقد ايجار واعرف الكهون شبر شبر .يعني شغلة امريكا مو جديدة عليه واني عندي اجازة سوق وهويه كلفورنيا

67
صار عدة مرات اسال ومحد ايجاوبني.اني وعائلتي من المؤجلين واحتمال نسافر عن قريب.سؤالي شلون اكدر ارجع للعراق بعد ما اوصل عائلتي .عندي شغل مهم بالعراق .وبعد شهرين ارجع الى امريكا.اني سمعت اقدم على الكرين كارد والترفل داكومنت سوه .وممكن ارجع وعائلتي يستلمون الترفل دكومنت وايبعثوهه الي وارجع .هل هذا الكلام صحيح

68
صار عدة مرات اسال ومحد ايجاوبني.اني وعائلتي من المؤجلين واحتمال نسافر عن قريب.سؤالي شلون اكدر ارجع للعراق بعد ما اوصل عائلتي .عندي غل مهم بالعراق .وبعد شهرين ارجع الى امريكا.اني سمعت اقدم على الكرين كارد والترفل داكومنت سوه .وممكن ارجع وعائلتي يستلمون الترفل دكومنت وايبعثوهه الي وارجع .هل هذا الكلام صحيح

69
الاخ ابو الحكم .عندك رد على سؤالي .تحياتي

70
الهجرة و واللاجئين / ممكن جواب
« في: 07:15 23/11/2013  »
اني وعائلتي من المؤجلين شهر العاشر واحتمال عن قريب نسافر .سؤالي شلون اكدر ارجع بسرعه بعد ما اوصل عائلتي .ممكن احتاج ارجع بعد شهر وابقه شهر بالعراق وارجع الى امريكا .ممكن احد يعرف اسلم طريقه

71
اخواني رجاءا .اني من المؤجليم من السفر جماعه شهر العاشر .طبعا حالة السفر والامنية صارت انتظار هذي عرفناها لان السفر اتاجل .لكن اليوم حالة الملف صار انتظار بعد ما كانت كاملة ولفتره طويله .ممكن احد يعرف ليش وشنو قصدهم .لو ايريدون ايزحلكونه

72
اخوان احنه اللي اجلونه كلنه نفس الحاله .الكل رجعت الامنية والسفر تاجيل وهذا بسبب تغيير موعد ومسار السفر .كل المؤجلين راح ايسافرون خلال شهر 11 وهذا الحجي من الاي او ام كلفورنيا

73
اخوان ارجوكم جواب .اني راح اسافر امريكا على الاي او ام عن قريب .اريد اوصل عائلتي وارجع وحدي الى بغداد بعد شهر مو اكثر لان مرتبط بشغل مع احدى منظمات الامم المتحده عندي عقد تجهيز مو موظف اني.اشلون اكدر ارجع بغداد وبعدين اجي الامريكا واني ما عندي كرين كارد لان الكرين كارد ايطول سنه

74
الاخوان الاعزاء .اللي عنده معلومه ايجاوبني اذا ممكن.
احنه عائله سبع اشخاص بالغين اب وام وخمس ابناء .تقريبا راح نسافر عن قريب .وعدنه كفيل بالكهون بكلفورنيا .
اشلون نكدر ننتظر بعظنه الى ان ننجمع سويه لان مراح نسافر نفس اليوم اكو كم يوم فرق .هل فلوس المساعدات تكفي اناجر بيت اذا جمعنه مساعده سبع اشخاص بالغين .اني كنت مقاول مع الامريكان وما قدمت على الاس اي في .لان كالو بس للمترجمين .قدمت على الاي او ام .وسمعت الكرين كارد مال الاس اس في سريع .ممكن اغير الكيس على الاس اي في وره ما اوصل .
لان اني عندي شغل بالعراق مع احدى منظمات الامم المتحدة مقاول مو موظف يعني لازم ارجع بعد شهرين .شلون يسمحولي ارجع وابقه اروح وارجع على عائلتي بامريكا .واخيرا افضل اشتري بيت بمقدمه 20000 دولار احسن من الايجار .هل ايحاسبوني على فلوس المقدمه وايقطعون المساعدات .مع العلم اني اصلا خريج  امريكا وقمت بزيارات عديده الى امريكا وعندي اجازه سوق وحساب جاري فب بنك اوف امريكا من سنه 2009 وماعندي اي مخالفة .انتظر الجواب مع الشكر

75
الاخ العزيز.احنه عائلة مكونة من سبع نفرات بالغين .خابرونه وانطونه موعد سفر 20/10 وبعدين خابرونه اجلونة.
عندي بعض الاسئلة المهمه.علما اني اصلا خريج امريكا في نهاية السبعينات .وزرت امريكا مرتين 2009/2010 وسكنت كم شهر في مدينة الكهون في ساندياكو وعندي اجازة سوق ولغتي جيده جدا.يعني اصلا المنطقة اللي راح اروحلهه اعرفهه اكثر من بغداد.
الاسئله
1- اني صاحب شركه واشتغلت عقود ويه الامريكان .بس قدمت على الاي او ام مو الاس اي في لان كالو الاس اي في للمترجمين فقط واني كنت مقاول .سؤالي هل اكدر من اوصل اتحول على الاس اي في حتى احصل على الكرين كارد بسرعه.؟
2-اني عندي مقاولات حاليا سنويه مع احدى منظمات الامم المتحده بالعراق يعني اريد اوصل عائلتي واخليهم يستقرون وارجع على عملي وابقه رايح جاي.هل اكدر ارجع الى بغداد قبل ما احصل على الكرين كارد اذا شوفتهم عقودي مع الامم المتحده حتى يقتنعون .
3- اني عندي كفيل راح يستقبلنه .هل الاي او ام همه اياجرولنة شقه لو بكيفنه اناجر مع العلم احنه سبع نفرات بخمس كيسات ممكن ناجر بيت مو شقه
لو همه كل كيس ايكعدوه وحد.
4-هل صحيح مرات ايخلون الواحد ايوقع على الويل كو اللي هيه 11 ورقه ومن يجي ثاني يوم ايريد يستلم ايكولوله انته موقع ماخذ .يعني نصب

صفحات: [1]