عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - مغتربة في الاردن

صفحات: [1]
1
السلام عليكم
الف مبروك اخ ليث والله شوية رجعت الروح بالكروب بهذا الخبر الحلو احنة هم من جماعة 2013 شهر الثامن ان شاء الله يكون فال خير للجميع وربي يفرح الجميع بهذا الشهر الفضيل قادر رب العالمين
نورت اخ ضياء ربي يسهل امرك

2
والله بالنسبة النة من شهر الواحد ٢٠١٤ ننتظر التوطين والى الان ماكو شي ننتظر رحمة رب العالمين الله كريم الله يسهل علينه وعليكم

3
مشكور اخ new day الحمد لله على كل حال الله يسهل علينا وعليكم

4
السلام عليكم
احنة تقديم يو ان الاردن 2013 وننتظر توطين صار سنة وشهرين السؤال هو انو احنة كلما نتصل عالمفوظية حتة نستفسر عالملف يكولونة ملفكم ما عليه اي اجراء بس اخر مرة من اتصلنا عليهم قبل يومين كالو ملفكم بعدة قيد الدراسة هل اكو فرق بين العبارتين بالعمل لو نفس الشي لان الغركان يتعلك بكشاية وشكرا للجميع   مقدما

5
السلام عليكم
مرت سنة وشهرين على المقابلة الثانية ولا جديد يذكر ولله الحمد

6
والله ياريت هذا الشي لان احنة صارلنة سنة ننتظر توطين وعدنة اقارب درجة اولى بأمريكا يعني المفروض اوتوماتيكيا نتحول على ال iom بسس ماكو شي لحد الان

7
مشكور اخي المهندس الزورائي الموضوع رائع انا دائما ابحث عن هكذا مواضيع

8
UP
الله يسهل عالجميع ان شاء الله

9
حسبنا الله سيؤتينا الله من فضله انا الى الله راغبون
ماكو اي اتصال من قبل اليو ان حول التوطين الى الان والله كريم

10
اشكرج جدا اخت مغتربة دزيت ايميل و بلكت تسهل و يطلع عندي ملف يمهم
ادلل اخي الله يسهل عليك وتفرحنا ان شاء الله

11

احب اضيف اكثر على حالتي اني مرجعت للعراق انا كنت في الامارات و هسه رجعت لعمان لانه خلصت عقد عمل كنت ملزم فيه
 اذا ممكن توضحيلي اخو زوجك وين كان واصل بقضيته بال٢٠١٠ هل قابل او كان مقبول كلاجئ؟ لانه انا فقط عملت مقابله تسجيل و اعاد فتح ملفه يعني بشهر الثالت هاي السنة و انطوه ورقة حمايه جديدة بنفس المقابله و منطوه موعد مثلي و مخابروه ؟
و قبل سنه سويت اعادة تفعيل و مليت الفورم من جديد و انطوني ورقه حماية جديدة و كالولي احنه نتصل و مخابروا لحد الان بس هسه بأخر زيارة للمستشارة كالت انتو مقبولين ترة كلاجئين و لازم زيارة منزليه و تنتظرون توطين
يعني ممكن يطلع توطين و هم ميخايروني ؟
اي اخي نفس الحالة قابل مقابلة وحدة وكالولة انتظر من عدنة اتصال وبعد محد اتصل من اليو ان وانطو ورقة حماية جديدة وكانو معترفين بي كلاجيء بالورقة الجديدة وهو بال 2010 كان واصل المرحلة التوطين ورجع للعراق وبالصدفة راسلناهم بشهر السادس وطلع عندة ملف بالهجرة ومتحول للتوطين من ال 2010
المهم انته باجر ان شاء الله اتصل بيهم احسن علمود السرعة وانطيهم رقم الملف مال اليو ان وان شاء الله خير وهذا رقمهم 065625077 وهذا الايميل IC@iom.int واذا اكو اي سؤال اخر اني حاضرة

12
اختي ان شاء الله اهل الخبرة يفيدوج بهذا الموضوع بس موضوع الشخص الي راد منكم فلوس علمود يلغي الرفض فهذا الشي مو صحيح ودير بالكم ليطلع شخص نصاب
الله يسهل عليكم وييسر اموركم ان شاء الله وتخلصون من هاي المحنة

13
السلام عليكم اخوان و اشكركم على هذا الجهد الرائع حتى نتساعد
و ان شاء الله كلنا نخلص من عدم الاستقرار و تسهل امورنا

انا عندي استفسار ملفي صارلي حوالي سنه من قدمت لليو ان و سجلت من هذاك اليوم لا اعطوني موعد مقابله دير غبار و لا شي كالولي احنه نخابرك  ( علما انه انا كان عندي ملف في ال٢٠١٠ لكن لظروف سافرت خارج عمان) بعد مناشدات و زيارات متعدده رحت قبل كم يوم للاستشاره جيكت بالسستم كالتلي انتو معترفين بيكم كلاجئين و انتظروا زيارة منزليه و مكالمه توطين

سؤالي احنه موقعنه التفويض يعني اليو ان يكدر يسوي توطين بدون ميقابلونه حتى يكولولنه احنه قبلناكم كلاجئين و وقعوا التفويض حتى نحولكم لدوله توطين

ممكن تفهموني شنو الاجراء اذا احد مار بنفس الحالة يعني اني هسه بس دا انتظر يخابروني حتى يكولولي فلان دوله قبلتكم لو شنو ؟ تاهت عليه الامور كلش

اعذروني اذا دوختكم بس ان شاء الله التسهيل للكل
وعليكم السلام والرحمة اخي
بالنسبة الموضوعك احنة عدنة حالة تشبهه بالضبط . اخو زوجي هم جان بعمان ب 2010 ورجع البغداد وب 2013 رجع العمان ومن راح قدم قابلو مقابلة وحدة وكالولة احنة نتصل بيك والى الان محد اتصل من اليو ان من شهر الثالث بهاي السنة بس بالشهر السادس من هاي السنة بالصدفة راسلنة ال iom عالايميل وطلع عندة ملف هناك وهسة هو ما بقالة شي ان شاء الله فأنته حاول تراسلهم او تتصل بيهم احتمال انته متحول عالتوطين من 2010 وعندك ملف يمهم بس لازم يكون عندك سبب مقنع الرجعتك للعراق وان شاء الله تبشرنا والله يسهل عليك ان شاء الله

14
السلام عليكم
اليوم اخو زوجي اتصلو بي علمود الفحص الطبي وحالة الملف بعدهه معلقة والفحص الطبي صار فعال والتشييك الامني  صار مكتمل وماكو لا ولاية ولا مطار

16
ان شاء الله الموفقية للجميع

17
اخي يوم 13 هم جماعة قيد الدراسة من قبل المحلف بس يوم 12 موافقة مشروطة بالامنية اني قابلت محلفين يوم 3/9/2014 والفحص خابروني عليه بعد استلام النتيجة بيومين
صحيح كلامك اخي بس هو يمكن جان الوحيد بيوم 13 ويمكن واحد وياه استلمو موافقة والموظف كلهه نتيجتك موافقة اولية

18
اختي مغتربة
و الله لعبو نفسنا هذولة المنظمة تدرين كم مرة اتصلت بيهم كل ما اتصل بيهم يكولولي بعد ملفكم لحد الان ما تحول مع العلم احنا بيوم المقابلة بشهر التاسع كلولي تعال وقع على ورقة الحماية وا لتفويض للمنظمة وكالولي ملفك راح يتحول للتوطين وبعد ما نعرف

اختي انتي يمتة تم الاعتراف بيج كلاجيء ؟
اي والله يا اخي خلونة لا احنة بالسمة ولا احنة بالكاع احنة من 20/1/2014 تم الاعتراف بينة كلاجئين ووقع زوجي عالتفويض ولحد هسة ماكو شي الحمد لله على كل حال وربي يسهل علينة جميعا بجاه سيدنا محمد

19
السلام عليكم
ماكو اي جديد بخصوص التوطين وحسبي الله ونعم الوكيل اتصلت عالمفوضية استفسر عالملف دكولي الموظفة ملفكم ماكو عليه اي اجراء هسة وحتة دكولي التوطين مو حق اي لاجيء يعني شنو هاي معناهه نبقه ننتظر مدري شكم سنة ولو يطلعنة توطين لو ميطلع اني خبلتني بهاي الشغلة مع العلم من يفتحون الملف مالتنة يمهم بالحاسبة معترفين بينة كلاجئين وورقة الحماية تقره طالبين لجوء وماادري بعد شسوي لا حول ولا قوة الا بالله

20
السلام عليكم اخي
اخو زوجي استلم الموافقة يوم  13/10/2014 الاولى والمحلفين مكتمل والفحص غير فعال وماكو لامدينة ولا مطار والملف طبعا هولد بس اذا ممكن انته بأي يوم قابلت محلفين وشوكت خابروك عالفحص .... تحياتي والموفقية للجميع ان شاء الله

21
السلام عليكم
طبعا اخو زوجي هسة رجع جان عالوجبة مال الوحدة ونص وكالولة النتيجة مالتك موافقة اولية ومأشرين على هاي الجملة
further review of your eligibility for refugee resettlement in the united states is necessary
يعني هية نفسهه الموافقة الكاملة لو هاي مشروطة بالأمنية ؟؟؟ ........ وطبعا بالمناسبة اكثرهم جانو معلقين او مرفوضين بس هوة كالولة موافقة اولية. الله يسهل للجميع

22
السلام عليكم
اخو زوجي قابل محلفين يوم  14/9 وبنفس يوم المقابلة بلغوه استلام النتيجة يكون بيوم 13/10 وورة خمسة ايام من المقابلة تحول حالة الملف من فعال الى بأنتظار النتيجة والمحلفين من فعال الى مكتمل و الفحص الطبي الى الان غير فعال ولم يتصل احد بخصوص الفحص ولا بخصوص تغيير الموعد تحياتي للجميع بالموفقية وربي يسهل امر الجميع

23
إخوان ممكن سؤال ؟؟لقد تم تحديد لنا مقابلة محلفين ببغداد الشهر السادس وبسبب الظروف الأخيرة بالعراق تم إلغاؤه ،،هل يوجد بالوقت الحالي تحديد مقابلات محلفين بعمان إذا سافرنا لعمان ،وهل يوجد احد تم تحديد له مقابلة محلفين بالأشهر القادمة بعمان ومتى إذا اكو ؟؟؟ مع جزيل الشكر للجميع
عزيزتي قلوب بيضاء المحلفين موجودين حاليا بعمان واخو زوجي قابل محلفين قبل اسبوعين وانطو موعد استلام النتيجة في منتصف الشهر العاشر ان شاء الله وحسب ما سمعت ان المحلفين باقين الى نهاية العاشر ويرجعون على الشهر الثاني من السنة الجديدة ..... تحياتي

24
السلام عليكم ورحمة الله وبركاته
احد اقاربنا قدم فيزة علاجية على البر للاردن وسوة وياهه تقرير طبي من احد المستشفيات فميعرف اذا هذا التقرير لازم يصدقه من الخارجية لو عادي يقبلون بي بالحدود اذا كان غير مصدق من الخارجية مع كل الشكر والتقدير لكم

25
دللي اختي هيا بالنسبة للتقديم اول ما يجي يقدم عال يو ان راح ينطو موعد مقابلة اولى بعد اربع ايام او اسبوع تكون مقابلة سهلة ومعلومات بسيطة عن القصة وينطو ورقة الحماية وينطو بنفس المقابلة موعد للمقابلة الثانية وتكون بعد اربع اشهر تقريبا وبهاي المقابلة يناقشو بالقصة بصورة اوسع وتفاصيل اكثر وبنهاية المقابلة يعترفون بي كلاجيء ويكولولة راح نحول اوراقك لبلد التوطين وهاي الخطوة يسموهه بتركيا الفسفورة وطبعا يبقى ينتظر منهم اتصال عالتوطين او الدولة الي راح تقبلة وهنا التوطين ياخذ وقت شوية وطبعا حسب القصة كلما كانت القصة قوية وبيهه اثباتات راح يكون التوطين اسرع وتبقة عالحظ ايضا كلمن وحظة والله يوفق الجميع .... تحياتي الج

26
السلام عليكم .
اخواني واخواتي الاعزاء عندي استفسار بسيط امنى الاجابه من حضراتكم الكرام .
لي اخ سافر الى تركيا في الشهر السادس وسجل في un واعطوا موعد مقابله اولى سنه 2019 سؤالي هل يستطيع ان يحول    ملفه من تركيا الى الاردن وهل اكو فيزا للعراقيين من تركيا للاردن شاكرة اجاباتكم مسبقآ وتمنياتي لكم بالسفر العاجل 
اختكم هيا

وعليكم السلام ورحمة الله وبركاته اختي هيا بالنسبة لأخوج يكدر يجي للاردن ويقدم من جديد لان ما اعتقد لحك ينفتحله ملف بتركيا لان بعده ما مقابل ولا مقابلة وبالنسبة للفيزة اني سامعةاكو فيز للاردن بس شوية صعبة واعتقد من السفارة الاردنية بتركيا خل يظل يقدم الى ان تطلعلة الفيزة والله يسهل عليه ان شاء الله

27
مشكور اخي NEW DAY الحمد لله والشكر على كل حال واذا همة نسونة فان شاء الله رب العالمين مينسه عبده وان شاء الله الفرج للكل
ومشكورة الاخت ضياع على المعلومات وربي يسهل امرج ويخابروج عالمحلفين هالايام ان شاء الله

28
الظاهر قافلين علينة الجماعة حسبي الله ونعم الوكيل

29
مشكور اخي ابو روان ربي يسهل امرك وييسر دربك

30
مشكور اخ ابو شموسة الله يجعلهه بميزان حسناتك ان شاء الله وربي يوفقك ويسهل امرك

31
الف شكر للاخت اجونة عمان ولونة محمود والاخ Baguncero عالمعلومات وشرفني مروركم وان شاء الله اراجع السفارة العراقية واشوف المطلوب بس حبيت اعرف قبل لينتهي الجواز بشكد لازم اروح اجدد وشنو المستمسكات المطلوبة

32
السلام عليكم اهلنا الطيبين
ممكن اعرف طريقة تجديد الجواز العراقي بالاردن شلون والاجراءات اللازمة وقبل شكد من تاريخ انتهاء الجواز لازم نروح نجدد لان بصراحة ما عندي اي فكرة عن الموضوع واكون ممنونة منكم مع جزيل الشكر

33
لا حول ولا قوة ألا بألله وانا لله وانا اليه راجعون الله يرحمه ويجعل مثواه الجنة ويلهمكم الصبر والسلوان ربي يجعلهه اخر الاحزان ان شاء الله

35
والله يا اخي ماكو شي جديد لحد هسة ومدري ليش خالينة هيج شينتظرون ما ادري مع العلم احنة خابرناهم قبل اسبوع نستفسر عن الملف وكالت الموظفة راح ادز الاستفسار مالج لقسم التوطين وهمة يخابروكم وبالفعل ورة 3 ايام خابرتنة موظفة كالت ملفكم ما عليه اي اجراء هسة انتظرو وننتظر والله كريم الله ارحم الراحمين الله يسهل علينة وعليكم امين ربي

36
الاخت العزيزه
ملفكم قيد الدراسه لدوله ما وهنا يأخذ وقت طويل من اجل التوطين  في البلد ويكون 12 شهرا وبعدها تكون المقابلات فاذا مره عليه اكثر من ثلاث اشهر فأن الدوله  التي رشح لها اني اقول  نعم يتم الموافقه عليه لو كانت تلك الدوله غير راغبه لكان الرد خلال ثلاثة اشهر

اما بخصوص والد زوجك لا يستطيع عمل اي شيء فقط لم شمل  وهنا تأخذ وقت طويل جدا تلك الاجراءات

ربي ينطيك الصحة والعافية ومشكور عالرد السريع
ولو ازعجتك بس يعني اكيد احنة راح يحولونة ان ىشاء الله على ال iom لان والد زوجي هناك زين احنة شلون نعرف همة موافقين علينة واحنة كلما نراسل ال iom يكولونة ملفكم بعدة مواصل يمنة راجعو اليو ان واليو ان يكولونة ملفكم ماكو عليه اي اجراء واني كلش اسفة عالالحاح وربي يسهل امرك بجاه الحبيب محمد

37
السلام عليكم اخ حسين الجبوري الله ينطيك الصحة والعافية عالمجهود الي دتبذله لمساعدة الاخرين
حبيت استفسر منك احنة مقدمين على يو ان عمان المقابلة الاولية 8/11/2013 والمقابلة الثانية 20/1/2014 وتم الاعتراف بينة كلاجئين في المقابلة الثانية ووقع زوجي على اوراق وكالو راح نحولكم لبلد التوطين انتظرو منة اتصال وبعد ماكو شي ليهسة وبشهر السادس جددنة ورقة الحماية وبقت كما هي صفة طالب لجوء علما اتصلنة عليهم قبل اسبوع للاستفسار عن الملف وكالت الموظفة ملفكم ماكو عليه اجراء هسة المهم بس حبيت أسالك انو والد زوجي هو بامريكا طلع عن طريق اليو ان وعندة الكرين كارت يعني ميكدر يراسل ال iom حتة يسحبون الملف من اليو ان او اي شي يكدر يسوي يخليهم يحولونة للتوطين اتمنى تفيدني بأي معلومة ولك جزيل الشكر والاحترام واسفة عالاطالة

38
الف مبرووووووووووك ان شاء الله يوم السفر

39
يعني اني ما اعرف شلون اشكرك اخ ابو شموسة بصراحة كفيت ووفيت ووضحتلنة هواي امور كانت مبهمة اسأل الله ان يجعلهه بميزان حسناتك ويسهل امرك وينور دربك امين ربي لان والدي من زمان يدور هيج توضيح وشكرا جزيلا الك مرة ثانية

40
ممممممممممم  بآجر موعدنه مو  تنسووون

ولو آني غآسله آيدي محد رآح يجي .. بس لنشووف  بلاآآآ
[/qu
حبيبتي علوشة يعني بيش الساعة التجمع وبدير غبار يصير مووو .... زين شو ما مبين اكو مظاهرة يعني محد متحمس للموضوع يعني يجوز كليتنه يلة نطلع عشر نفرات واذا هيج منكدر نسوي شي لان العدد كلش قليل

41
السلام عليكم
ممكن اعرف شروط الاقامة والعيش في الاردن للعراقيين يعني اذا واحد اشتره شقة ينطوا عليهه اقامة لو الا مبلغ بالبنك بحيث يكون هذا الشي بعيد عن اليو ان والتقديم وشكرا جزيلا

42
السلام عليكم

اليوم خابرو زوجي وكالولنة طلعتلنة امريكا وكالو الاحد لازم نروح على ال iom

 وناخذ كل اوراقنة والمستمسكات واذا عدنة كفيل نجيب عنوانة وكالو هلمرة بتلاع العلي مو بخلدا

حبيت ابشركم ويارب يتصلون بلجميع ب اقرب وقت وهاي شنو هسة مقابلة محلفين لو شنو

حتى نحضر نفسنة كدام المحلف

تحياتي للجميع

اختكم - ضياع
الف الف مبروك اختي ضياع الله يبشرج بالخير ان شاء الله بشارة خير علينة وعليج وعالجميع الله يسهل عليكم ان شاء الله ويوم الالنة امين ربي

43
تسلميييين عيني علوشششة الله يسهل علينة امين ربي واني راح ابلغ كل الي اعرفهم ومقدمين عال يو ان وان شاء الله خير

44
الله يسهللكم يارب اي والله عمان جهنم غاليه وصعب الواحد يطول بيهه
الله يسلمك اخوية بارك الله بيك اي والله صعب احنة الكبار نتحمل بس خطية الاطفال شنو ذنبهم ينحرمون من ابسط الاشياء

45
ست مع اخترامي لشعورج  بالفتره اللي انتي دتنتظرين بيهه !! بس تدرين اني وره 5 سنين يله تحددلي موعد سفر ؟  وتره اقل وقت متوقع  هو سنه ونص !!
اي اخي صحيح بس احنة غير نريد نسوي النفسنة حل حتة لنوصل للمرحلة ألي انتو وصلتولهه يعني هسة احنة صارلنة سنة بالاردن بس الله اليعلم احنة شلون عايشيهه ومنعرف بعد شكد ننتظر والحمد لله على كل حال

46
السلام عليكم اختي اني احييج على هاي الخطوة وان شاء الله بيهه صالح للجميع بس ممكن اعرف المظاهرة راح تصير على منو على ال UN لو علىIOM لان بالنسبة النة ملفنا نايم بالتوطين صارلى سبع اشهر وان شاء الله احنة وياكم

47
وعليكم السلام اخي
اذا مو همة مخابريك على مقابلة فلتروح ولاتعب نفسك لان ميخلوك تدخل ومرتين زوجي يروح يريد يستفسر عالملف وميدخلوه السكيورتي الي بالباب وبس يخلي مناشدة بالبريد ويرجع واخر مرة اليوم راح هماتين وما دخلوه طبعا اكيد الي بدير غبار نروحلهه .... وبالمناسبة اني سامعة هاي المقابلة مال اول خميس بالشهر بس الجماعة ال iom يمكن

48
الله يصبركم على هذا الموقف الصعب وربي يسهل امركم بجاه الحبيب محمد

50
السلام عليكم اخوية
طبعا انتة اكييييد كلش متأخر بالمقابلة الثانية بصراحة ماسمعت اكو احد مثلك هلكد مطول ومامقابل مقابلة ثانية خصوصا بهاي السنة حتة ألي اجوي بهاي السنة ورة شهر قابلوهم اولية وورة شهر اللاخ قابلوهم ثانية وقسم هواي انطوهم ثانية عالتاسع يعني لازم اكو غلط بالموضوع حاول تتصل عليهم وتستفسر على ملفك او تخلي مناشدة بصندوق البريد بدير غبار ....زين انتة بالتجديد ما سألتهم ؟؟؟؟؟؟؟؟ الله يسهل امرك ان شاء الله

51
مشكور اخي نيو داي الله يسهل علينا وعليكم بجاه هذا الشهر الفضيل ............. بالنسبة للأتصال احنة نتصل على ال iom لأن والد زوجي بأمريكا واحنة اكيد راح يحولون ملفنا لامريكا على اساس هذا الشي
تحياتي

52
السلام عليكم تحية طيبة الى مؤسس هذا الكروب والى كل الاعضاء الكرام
احنة دخلنا للاردن بتاريخ 24/8/2013 ومقابلة اليو ان الاولى بتاريخ 8/12/2013 والمقابلة الثانية بتاريخ 20/1/2014 تحولنا بيهه على قسم التوطين ومن ذاك اليوم لهذا اليوم ماكو اي خبر والحمدلله... لحد قبل يومين اتصلنا على ال iom وكالو بعد ما واصل ملفكم يكولونة راجعو اليو ان واليون اتصلنا بيهم قبل شهر كالو احنة نتصل بيكم وبعد كلشي ماكو ... بس رب العالمين يحلهه والله يسهل علينا وعليكم امين ربي

53
السلام عليكم اخي اسلام دتصير مقابلات اولية هسة  وخابرو على اقاربنا وراح قابل الخميس ونعرف شخص هم راح يقابل الاحد ان شاء الله وشخص ثالث هم راح يقابل الاحد ان شاء الله يخابروك هالايام عالمقابلة والله يسهلك

54
شكرا جزيلا لتعاونك وربي يسهل امر الجميع وميبقة واحد محتار امين ربي

55
مشكور اخي رحم الله والديك بس طلب اخير ممكن الرقم الي اتصلت عليه وبأي وقت اتصلت بلكت اخابرهم ويكولولي تحولتي لان اني راسلتهم عالأيميل وكالولي بعدكم ما متحولين ......... اني كلش اسفة عالاطالة وربي يسهل امركم 

56
السلام عليكم اخي اسلام الف مبرووووك تحويلك على ال iom  واحنة بعدنة والله ما تحول ملفنا ولا احد خابرنة ان شاء خير وبس يتصلون بينا ابشركم ان شاء الله بس حبيت أسألك صار شكد من خابروك ال iom  وشوكت جددت ورقة الحماية اخر مرة ومن رحت جددت ورقة الحماية هم تغيرت الصيغة عندك من صفة طالب لجوء الى معترف به كلاجيء اني كلش اسفة على كثرت الاسئلة بس اكيد انته تعرف الحالة الي احنة بيهه هسة واتمنى تعذرني.... وبالتوفيق ان شاء الله

57
مرحباً لجميع لاجئين عمان خاصة والجميع من أعضاء عنكاوا :)
أختي مغتربة في الأردن بعد المقابلة الثانية  توجد مقابلة ثالثة وهي أيضاً في دير غبار وتكون فوق مثل ما كالت اختناكوكي بعد هاي المقابلة تتحولون الى iom  وهاي المقابلة عبارة عن مترجمة اردنية وموظف اجنبي وهي مقابلة مهمه جدا  مثل ما صار ويانا احنا قابلنا مقابلة ثانية ورآها بشهر تقريبا قابلنا المقابلة الثالثة  وورا المقابلة الثالثة خابرونا وتوطينا صار على السفارة الكندية وقالولنا بعد فايلنا اتحول للسفارة فانتظروا اتصال منهم وهسه هم دننتظر الاتصال و ماكو اي اتصال من السفارة  والله كريم وييسر للجميع  :)
احنا تقديم ١١/٢٠١٣
مقابلة أولى ٢/٢٠١٤
مقابلة ثانية ٤/٢٠١٤
مقابلة ثالثة ٥/٢٠١٤
توطين ٦/٢٠١٤  وتحياتي
حبيبتي اخت الماضي انتهى اشكر اهتمامج والرد عالموضوع بس ما اصور اكو مقبلة ثالثة شو اني ما سامعة بيهه زين حته لو اكو مقابلة ثالثة معقولة تظل ليهسة ميقابلونة لان هسة احنة طبينة بالشهر السادس بعد المقابلة الثانية بعدين احنة كالونة راح نحول ملفكم البلد التوطين ووقع زوجي عالاوراق بس بعد الله اعلم نخليهه على رب العالمين والله كريم ومشكورة مرة ثانية

58
السلام عليكم جميعآ
الأخت العزيزة مغتربة
حضرتج ذكرتي بأنه تم الأعتراف بيكم كلاجئين وهذا معناها أنه تم مقابلتكم بقسم التوطين وبنفس اليوم بنهاية المقابلة رح  يخلوكم توقعون على أوراق التوطين والمقابلة تتم بالطابق الثاني بمبنى ال UN
أما اذا كانت المقابلة بالطابق الأسفل هاي معناها المقابلة بقسم التسجيل أو قسم الحماية .. لأنه ماممكن يعترفون بيكم كلاجئين وبالوقت نفسه الملف مامتحول للتوطين على حسب ماذكرتي حضرتج
أختي العزيزة
أكو فرق بين منح طالب اللجوء وثيقة الحماية ( الي هي الورقة البيضاء )  وبين الأعراف به كلاجئ
ولهذا
أتصلي بل UN واسألي موظف خط المعلومات ملفكم وين حاليآ وشنو الأجراءات الي رح تصير على الملف وهسه هو يفهمج

          تحياتي لحضرتج
          أختج كوكي
وعليكم السلام والرحمة جميعا
بداية اني اشكر اهتمامج بالموضوع اخت كوكي بس حبيت اوضحلج انو احنة قابلنة المقابلة الاولى الي هية مقابلة التسجيل في مفوضية خلدا والمقابلة الثانية في مفوضية دير غبار بس مو بالطابق الثاني قابلنة بالطابق الاول ( يعني ما صعدنة درج نهائيا ) وبالمقابلة الثانية وقع زوجي على اوراق وكالونة انتو تم الاعتراف بيكم كلاجئين وانتظرو من عدنة اتصال يعني اني اقصد غير وراهه نتحول على ال iom وهمة يخابرونة بس لحد الان ماكو اي شي اسفة على الاطالة ومرة ثانية اشكرج شكر جزيل

59
السلام عليكم
بالنسبة الى لاجئين عمان شو ماكو اي اخبار ماكو احد طلعلة توطين شو خلوهه سكته علينة جماعة التوطين نرجو من اي شخص عندة معلومة ترفع المعنويات ان يوافينة بيهه مع العلم اني تفاصيل ملفي كالتالي
تقديم 9/2013
مقابلة اولى اليو ان 12/2013
مقابلة ثانية يو ان 1/2014 تم فيهه الاعتراف بالجوء والى الان لم يتحويلنا عالتوطين
تحياتي

60
اهلا بيج اختي العزيزه باجر ماكو عدهم دوام ولا يوم الاحد روحي يوم السبت يعني الساعه 10  او 11 صباحا واذا ماعندك مجال السبت روحي يوم الاثنين لان هم عطلتهم يوم الجمعه والاحد وان شاء الله اي شي جديد منقصر على اخوانه واخواتنه



اخوكم ابو وطن
مشكور شكر جزيل على الاهتمام بالموضوع وان شاء الله اروح السبت ويصير خير وحشاك من التقصير

61
السلام عليكم
اولا مشكور اخي ابو وطن على هذا الخبر الحلو وثانيا اريد اسأل باجر الجمعة كاعدين همة لو لا وشوكت ينتهي دوامهم  والك جزيل الشكر

62
ان شاء الله جمعية خير عالجميع وان شاء الله ماتنتهي الا وكل اعضائهه مسافرين وبأسرع وقت امين ربي

63
ماكو اي تطور والحمدلله

64
السلام عليكم
ان شاء الله ماطول حولو الورقة مال الحماية من طالب لجوء الى صفة لاجئ معناتهه ملفك تحول على iom حاول تراسل ال iom على ايميلهم وان شاء الله تلكة جواب همة خلال خمس ايام او اسبوع راح يردون عليك والله يسهل امر الجميع

65
السلام عليكم.... اختي المغتربة اني همات قابلت بنفس اليوم الي انتي مقابلة بي وهمات وقعت اوراق وكلولي حنحولك ع iom وكلولي وانت انقبلت ونفس الشي ادز ايميلات واتصل ع iom يكولولي ملفك مواصل وادز ايميلات ع un ميجابون واتصل ع رقمهم ميردون ومدااعرف شنوووووو الفلم
ياربي يسهل عليكم وعلية واخلص منا -_-

الله يسهل علينة وعليك اخ اسلام لعد الظاهر احنة المجموعة الي قابلنة بذاك اليوم كلنة منيمين ملفاتنة بس الله كريم ما عدنة غير الصبر

66
اختي العزيزه مغتربه بالاردن
تحيه طيبه
احب ابلغج انو اخي ايضا وقع الاوراق مال التوطين بالمقابله الثانيه وبشهر الواحد وهم كالوله رح نتصل بيك قريبا وليهسه متصلو بيه وياريت اذا اجاكم بالمستقبل اتصال تنطينه خبر بالمنتدى وكذلك نحن اذا اجانه اتصال سوف ابلغ عنه بالمنتدى
مع خالص التحيات
KOJAK
ان شاء الله اخي بس يتصلون بينة راح انطيكم خبر والله يسهل علينة وعليكم وعالجميع امين ربي

67
تقريبا 6 اشهر يخابرون اليو ان
ان شاء الله المحيط الهادي لان مابقة شي وتصير ست اشهر والله كريم

68
اختي اذا الورقه ماغيروها معناها بعدكم بال يو ان ماتحولتوا للهجرة ....!
ارجعي لليو ان واكتبي مناشده وخليها بصندوق البريد الي في باب المفوضيه
مشكور اخ اسبرو عالمعلومة بس احنة بالفعل كتبنة رسالة وخليناهه بصندوق البريد وان شاء الله خير وربي يسهل امركم جميعا

69
اختي بالبداية تغيرت عندكم ورقة الحمايه بالمقابلة الثانية ؟؟؟ يعني صار العنوان لاجيء وليس طالب لجوء ؟؟؟
لا والله اخ اسبرو ماتغير بقة نفسة طالب لجوء بس ممكن اعرف شنو الفرق بيناتهن بدون امر عليك

70
السلام عليكم جماعه عمان تنصحوني اقدم على اليو ان بعمان ولو اني قدمت بال2005 ولل2008 كلشي ماحصلت المهم اني حاليا بالعراق بس ان شاء الله راح اجي للاردن هل اليومين وسمعت انو الوضع مو مثل قبل بالنسبه لل يو ان ف شتنصحوني اجيكم لو اطلع على تركيا وشنو الاوضاع يمكم بالنسبه للعراقيين
وعليكم السلام ..... والله اخي يعني اني ماعندي خبرة قوية حتة انصحك بس ألي اعرفة انو بعمان ينطون مواعيد للمقابلات الاولى والثانية قريبة بس بتركيا يشمرون الموعد على 2016 و2017 اذا مو اكثر عندي اقاربي راحو التركيا بداية هاي السنة وانطوهم على 2018 والباقي ان شاء الله اهل الخبرة يفيدوك بي

71
اختي الموضوع قد يطول من 3 اشهر الى سنة
محد يعرف يجوز يخابروكم بعد اسبوعين او شهر
ملفكم عابر مراحل متقدمة وهو بالمرحلة النهائية
لايجاد دولة ترضى تاخذ ملفكم
اتمنالكم الموفقية

تحياتي
مشكور اخي انفزبل  الله يجبر بخاطرك ان شاء الله بس اعتقد انو يحولون ملفنا الى امريكا لان والد زوجي محصل لجوء هناك

72
والله يااختي الي اعرفة انو اكو زخم قوي

على الملفات ف انتو راجعوا ال un دائماً بس عذرا على اي موقع تراسلون ال un

وال iom لان اني نفس حالتكم بس قابلت مقابلة ثانية بتاريخ 5/4 والله اعلم شوكت يتصلون بية

ويارب يتصلون بيكم ب اقرب وقت
مشكور اخي عمر النعيمي على الرد بالنسبة لل يو ان نراسلهم على الايميل الموجود بورقة الحماية الي هو joram@unhcr.org  بس لحد الان محد جاوبنة وال اي او ام على IC@iom.int ردوا علينة بس للأسف طلع الملف بعدة ما واصللهم اصلا

73
بعدج بالبداية اختي ناس صارلها سنتين وتلاث واربع وممحصلة توطين
واحنه من ضمنهم
ورطة تورطنه مرضينه بحالنه وتبطرنه وهاي تالها مهانين ومكادي ابلاد الجوار
ربج كريم

مشكور اخي رماد العمر الله يسهل عالجميع بس المشكلة انو ملفنة نايم بال يو ان واحنة خلصنة شغلتنة يمهم يعني خل يدزو لل اي او ام وخلي ينام هناك هم ميخالف بس الله كريم

74
السلام عليكم
احنة مقدمين على يو ان عمان في شهر الثامن 2013 قابلنة مقابلة اولى في شهر 12 2013 ومقابلة ثانية في شهر الواحد 2014 في نهاية المقابلة الثانية وقع زوجي على ورقة وكالونة انتو انقبلتو كلاجئين وراح نحول ملفكم الى بلد التوطين انتظروا من عدنة اتصال والى الان محد اتصل علينة راسلنة منظمة ال اي او ام على الايميل قبل اسبوعين فجاوبونة انو ملفكم بعدة ما واصل يمنة راجعوا منظمة ال يو ان زين منظمة ال يو ان راسلناهم عالبريد الي بدير غبار وعلى الايميل مالتهم ماكو اي رد زين هسة اريد اعرف ليش منيمين الملف مالتنة يمهم وشوكت يحركوا وهو صارلة اربع اشهر ونص تقريبا طبعا اسفة جدا على الاطالة بس ياريت اذا احد عندة معلومة تخلي الملف يتحرك اكون ممنونة منة مع جزيل الشكر الكم

75
السلام عليكم
يعني يصير الي مقدمين على اليو ان يراسلوهم لو بس ال اي او ام
مع جزيل الشكر للجهود المبذولة

76
مشكورين وجزاكم الله خير وربي يسهل امركم اجمعين وان شاء الله راح نتصل على الرقم ونحصل نتيجة

77
السلام عليكم
ممكن احد يفيدنة بأي معلومة يعرفهه بخصوص حالتنة مقدمين على يو ان عمان وقابلنة مقابلة اولى ومقابلة ثانية وكالونة انتضروا من عدنا اتصال علمود التوطين وصارلنة تقريبا شهرين ماكو شي يعني برأيكم الشغلة تطول بعد اكثر وعادي يعني لو ناسين الملف مالتنة واكو شي واحد يكدر يسوي يعني مثلا اكو رقم تلفون واحد يكدر يتصل عليهم لو نخليهه يمهم ولكم جزيل الشكر

صفحات: [1]