عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - Happiness

صفحات: [1]
1
اخي بن البصرة القرارات دائما في تغير  والقرار يخص الي متحولين من يو ان على المنظمة وتوطينهم امريكا يعني ميخص الي مقدمين بشكل مباشر للمنظمة الي هم اصلا اشتغلوا ويه الجيش الامريكي والمنظمات والشركات الامريكية وبقرار ترامب يقبل المضطهدين العراقين الي مقدمين عن طريق الامم المتحدة un نصبر ونشوف شنو تاليه والله كريم ..

2
السلام عليكم ان شاء الله تكونوا بخير اخي بن البصرة اعتقد العراقين وضعهم يختلف عن الجنسيات العربية وان شاء الله مياثر عليك ويبقى توطينك على امريكا واتوقع بعد مدازيلك انت اتصورت حيكون وضعك مثل باقي الجنسيات العربية ان شاء الله يكون وضعك مختلف ..

3
شكرا جزيلا للاخ الفاضل حسين الجبوري جهودكم مميزة ودائما تجدد فينا الامل ادعو الله ان يوفقكم في كل اموركم ..

4
شكرا جزيلا للاخ حسين الجبوري لاجوبته الدقيقة اذا ممكن سؤال اني من اجيك الملف عندي حقلين وهو حالة الملف يتم معالجة ملفك والحقل الثاني خانة المحلفين مكتوب بيه لقد تم الانتهاء من المقابلة الخاصة بك واخر رسالة قبل ثلاث ايام وصلتني من المنظمة كجواب لسؤالي عن حالة ملفي وهي تشير المراجعة الدقيقة للسجلات لدينا هذه الكليشة المعروفه وطبعا اني عندي موافقة مشروطة بالامنية من سنة ٢٠١٦  وطبعا مفاحصة ولامرة  وهذه صورة بالاسفل لملفي فاذا ممكن اريد اعرف رأيكم وتقييمكم لملفي وهل الحالة تبشر بخير مع شكرا الجزيل لكم..

5
السلام عليكم جميعا اخواني واخواتي  ترامب حدد السقف لسنة ٢٠٢٠لدخول اللاجئين ١٨٠٠٠. وقرر حصة للعراقين الي مشتغلين ويه القوات الامريكية حصة  ٤٠٠٠. وهذا معناها السماح بدخول اللاجئين ومن ضمنهم العراقين والحمدلله الملفات حيبدي الشغل  عليه من يوم  ١/١٠  يعني بداية شهر العاشر سنة ٢٠١٩ الى نهاية التاسع من سنة ٢٠٢٠ والف الحمدلله والشكر حتفرج وحتبدي الاجراءات وكولوا يالله  بلطفك وبرحمتك مشي الامور على خير ..

6
السلام عليكم اخي هذه تحديث للموقع وصيانة والكل يظهرلهم نفس الصورة الي منزله حضرتك  واذا اتجيك موقع عمان اتشوف كاتبين بالاعلانات المهمة  خلل تقني وحيصلحوا  ان شاء الله على الفترة القادمة ...

7
الهجرة و واللاجئين / رد: اتصال
« في: 23:27 02/08/2019  »
السلام عليكم كيف الصحة والاحوال اختي ام الجود اني مثل ملف والدك ماعدا الفحص مفاحصة بس قبل سنة تغير من خانة محلفين مكتملة وخانة التجيك الامني يمر بمرحلة المراجعات اختفن الخانتين وبقت خانة وحدة بس وهمات من اراسلهم نفس الجواب الي يدزوا لوالدك تشير المراجعة الدقيقة للسجلات لدينا ..
واني عندي موافقة مشروطة مو تعليق بس معرفت ليش اني خانة وحدة ونفس الرسالة الي تجي لوالدك تجيني رغم والدك عنده خانات واني معندي ان شاء نلكي الجواب عند الاخ حسين الجبوري مشكور ...وهاي صورة لملفي ..

8
الف مبروك والله فرحتنا وجددت الامل ان شاء الله يوم الي تبشرنه بسفرك انت والوالدة اخي الكريم بن البصرة احنه بغداد سنطة ماكو اي تغير بملفي متحدث صار سنة وباقي خانة وحدة بس بعد مكان خانتين المحلفين مكتملة والتجيك الامني يمر بمرحلة المراجعات الامنية ولحد هسه ماكو تغير بهاي الخانة ولااكتمل عندي التجيك معندك اخي بن البصرة اي معلومة تصبرنه بيه ونكدر نتحمل مرارة الانتظار للعلم اني تقديم ٢٠١١ ومكملة محلفين ٢٠١٦ وعندي موافقة مشروطة بالتجيك الامني  والخانة الوحيدة مثل متظهر بالصورة وصارله سنة من تغيرت ولحد الان لاحس ولاخبر ومن اخابرهم يكلون انتي تحت التجيك الامني ..

9
الف مبروك اخي الكريم فرحلتك كلش هوايه ان شاء الله بوادر خير وماباقيلك شي وتسافر اخي الكريم سؤال اذا ممكن اني تغيرت حالة  ملفي من خانة المحلفين مكتملة وخانة التجيك تحت التجيك الامنى تغيروا الى خانة وحدة بس وهي حالة الملف : يتم معالجة ملفك وصار تقريبا سنة متحدث ملفي بقه على نفس الخانة ماعرف شنو معنى هذا التغير وليش لحد الان ماكو اي تحديث ومن اتصل عليهم يكلون انتي تحت التجيك الامني ومن اراسلهم تجيني رسالة امنية ماقبل السفر : تشير المراجعة الدقيقة في السجلات لدينا هاي الكليشة اكيد تعرفه معندك معلومة تفيدني بيه وتحل هذا اللغز ليش اختفت الخانات ماعدا حالة الملف يتم معالجة ملفك عن طريق مركز اعادة التوطين لشرق الاوسط وشمال  افريقيا  وصورة لملفي بالاسفل  . واكون ممنونه منك ...

10
السلام عليكم جميعا ورمضان كريم عليكم ..
شكرا جزيلا اخي الكريم  بن البصرة دائما تجدد الامل وترفع معنوياتنه باخبارك الحلوة ان شاء الله تكون اول المسافرين وتبشرنه بسفرك بحق النبي واله الاطهار وفي هذه الايام المباركة  يستجاب الدعاء تقبل تحياتي ...

11
اخي الكريم اتصل على المكريشن وكلهم الرسالة لموعد القسم  ضاعت لاي سبب كان هاي اذا الرسالة تجيك على البريد بس اذا على الاميل الالكتروني كلهم انمسحت  عن طريق الخطا وارجو ارسال رسالة ثانية بموعد القسم هاي افضل واحسن طريقة وتصير هيجي شغلات مسالة طبيعية بس اتصل وانطيهم خبر حتى يدزولك مره لاخ ..

12
وعليكم السلام اخي اني اول البارحة شفت منشور منزله شخص على كروب فيس بوك هو اي او ام انطوه  فحص  يوم الاثنين يعني البارحة واليوم شخص كال ان صديقه انطوه مقابلة محلفين باجر الموعد  واكو همات شخص منزل منشور بنفس الكروب يكول الاي او ام والاس اي في ديتصلون بيهم وينطوهم مواعيد ومعرفت مواعيد سفر لو مقابلات  فنتأمل خير وتتسرع الاجراءات على الفترة الجاية ان شاء الله ...

13
شكرا جزيلا اخي الكريم على ردكم اذا ممكن تجاوبني الفرد الي سافر من عائلتك هو iom  تقديم بغداد وسنكل. لو عائلة  وشوكت حصل موافقة امنية يعني شوكت اكتملت عنده التجيكات الامنية  واشكرك جدا على المعلومات الي كتبته تقبل تحياتي ....

14
السلام عليكم اخي العزيز الف الف مبروك  واللهم صل على محمد وال محمد والله فرحتنا وانطيتنه امل اكو سفر لان قطعنا الامل كمت مااصدك اكو ناس دسافر والله خبر كلش حلو اخي العزيز الفرد من عائلتك الي سافر سنكل لو عائلة  هو اي او ام تقديم بغداد  لو بلد ثاني واذا ممكن تفاصيل الملف وشوكت جتي الموافقة الامنية بالضبط واذا ممكن تحجي كل التفاصيل مع التواريخ اذا ممكن
 ان شاء الله يوم الك  ولعائلتك ولكل المنتظرين السفر بحق النبي واله الاطهار ...

15
السلام عليكم جميعا وكل عام وانتم بالف خير ...
اخي الكريم تكدر تقدم استئناف واذا ممكن تضيف معلومات جديده على ملفك  اقصد احداث و معلومات تقوي موقفك وهمات تساعد ان شاء الله  في تغير قرارهم وقبول الاستئناف والموافقة ان شاء الله ... 
 واذا ممكن سؤال اخي الكريم انت تقديم بغداد لو عمان  وتاريخ الرفض  شوكت وشنو كان ملفك  كم خانه تظهرلك من تجيك الموقع قبل الرفض وبعد الرفض  وشكرااا جزيلا وتقبل تحياتي

17
السلام عليكم اخي الكريم اجراء طبيعي لاتقلق اطمئن  مو بس حضرتك رجعت السفارة اله الجواز كل  siv الي عدهم اجراءات ادارية رجعوا جوازاتهم الهم نتامل ان شاء الله قبل نهايه السنه او شهر الواحد من السنة الجديدة تتحرك الملفات ويبدون يسفرون ان شاء الله مو بعيده على اكرم الاكرمين ...

18
السلام عليكم اخي الكريم اطمئن مثل مكال الاخ abed  حالة طبيعية جدا والكل يستلم مثله بعد مقابلة المحلفين  ويبقى بانتظار التجيك الامني وان شاء خير مثل مبشرنه الاخ بن البصرة الله يرزقه السفر باقرب وقت لان دائما يزودنا بالاخبار السارة  وان شاء الله الكل يسافر ويصير تسريع بالاجراءات ...

19
شكرا جزيلا اخي بن البصرة على المعلومات القيمة لكني لم افهم اذا ممكن توضيح يعني تسريع الملفات ووعد  الوفد الامريكي بان  اللاجئين  سيكونون بامريكا خلال اشهر هل هذا الاجراء او التسريع خاص فقط باللاجئين الموجودين في الامارات او كان قصد الوفد الامريكي التسريع يشمل كل اللاجئين واسفة للاطالة تقبل تحياتي ...

20
شكرااا جزيلا اخي بن البصرة لهذه الاخبار السارة ندعو لك بقرب السفر حقيقه دائما اخبار ايجابية ومطمئنة ترفدنا بها واذا ممكن سؤال اخي هل هذه الاخبار تشمل فقط اللاجئين في الامارات ام تشمل كل الملفات حتى التي في بغداد واحب انقل لكم معلومه قبل فترة من جيكت حالة ملفي وجدت فقط خانه واحدة وهي حالة الملف : يتم معالجه ملفك من قبل مركز دعم اعادة التوطين والاجئين  ...
وهذه الخانه صارله موجوده ٣ شهور وعندما اتصلت بالمنظمة قالوا لي ان التعليمات الجديده هي ان يجمعوا كل من لديه موافقة مشروطه ويرسلوها الى امريكا لزيادة التدقيق على موافقة المحلفين  وبعد انتهاء التدقيق   سيحددون مواعيد سفر ثم سئلت موظف المنظمه بالاتصال قلت له وهل يستغرق وقت طويل حتى ترجع موافقات المحلفين من امريكا قال نتأمل قبل نهاية السنة ترجع الموافقات ويحددون مواعيد سفر وسؤال اخر اذا ممكن انا قابلت محلفين ٢٠١٦  واخذت موافقة مشروطة بالتجيك الامني هل سوف يتم مقابلتي  كما حصل مع بعض العوائل الذين قابلوا محلفين ٢٠١٦ لان انا كما قلت وقابلت محلفين ٢٠١٦ هل سيتم مقابلتي من قبل ممثل عن الحكومةدالامريكية ومن قبل الاي او ام ومن قبل المفرضية  ام هذه المقابلة خاصة فقط للمقيمين في ابو ظبي وانا من تقديم بغداد اي او ام  وان شاء الله امنياتي ودعائي بالسفر لكم ولجميع اللاجئين بحق النبي واله الاطهار ....


21
شكرا جزيلا اخي الكريم على ردكم السريع عفوا اني كان قصدي هل مواعيد السفر من منظمة iom لو من un حبيت اعرف  ان منظمة الاي او ام هي الي انطت هاي المواعيد للاربع عوائل العراقية مع شكري الجزيل لكم وامنياتي  القلبية للعوائل  بالوصول بالسلامة الى اراضي الولايات المتحدة الامريكية .....

22
شكرا جزيلا اخي الكريم kunda على الاخبارالحلوة  اذا ممكن اخي سؤال  مواعيد السفر للi iom لو لل un مع تقديري لمجهودكم ....

23
شكراا جزيلا اخي الفاضل حسين الجبوري على ردكم ومعلوماتكم القيمة اخي حسين اتصلت بالمنظمة وسئلتهم عن حالة ملفي قالوا انتي تحت التجيك الامني لكني مستغربة اذا انا تحت التجيك الامني لماذا خانة التجيك الامني مختفيه بعد ان كانت موجودة اذا عندك اي معلومة تفيدني اكون شاكرة جدا مع العلم ارسلت لهم اكثر من رسالة ولم يردوا لحد الان مع تقديري وشكري الكبيرين لكم ....

24
اخي الكريم الف مبروك تستحق كل الخير اخي الكريم دزيتلك رسالة على الخاص اسئلك سؤال؟ اذا ملكيت الرسالة اسئلك هنا اذا ممكن...

25
شكرا جزيلا اخي بن البصره على الاخبار الحلوه ان شاء الله  تتيسر كل امورك وتبشرنه بخبر سفرك ....

26
شكرا جزيلا اخي بن البصرة على ردكم وان شاء الله تفرح بسفرك القريب اذا ممكن اخي هل صادفك ان ملفك يكون خانة واحده فقط قبل ميتحدث وينزل تغير والخانة الواحدة  هي حالة الملف كما في الصورة انا الان عندي خانة واحدة فقط كما في الصورة ...

27
السلام عليكم اخي الكريم حسين الجبوري ارسلت رسالة الى المنظمة ولحد الان  مرجعولي جواب تقريبا صار اكثر من شهر من راسلتهم ولحد هاي الحظه ماكو جواب المهم قبل ثلاث ايام رجع ملفي من خانتين الى خانة وحدة فقط كما في الصورة ...

28
الف مبروك اخي ان شاء الله تطور ايجابي ممكن تنزل حالة ملفك قبل وبعد التحديث مع شكري الجزيل لكم....

29
شكرا جزيلا اخي حسين الجبوري السان  يعجز عن شكرك اني مدزيت اي رسالة للمنظمة لان من شفت هذا التحديث انزعجت لاني حسب معلوماتي والله اعلم اغلب الي يتغير ملفه لهذه الخانات ينطوه رفض للاسف اليوم ان شاء الله  ادزلهم رسالة استجابه لطلبك ومن احصل الجواب انزله بالمنتدى مع الشكر والتقدير لكم ...

30
شكرا جزيلا اخي حسين الجبوري صاحب الروح الجميله لاهتمامكم بالرد على سؤالي كما عهدناك دائما متعاون ومبادر للعطاء شكرا شكرا وبالفعل اخي هو تحديث لكن التحديث والله العالم ميبشر بخير كما في الصورة  اذا عندك معلومة او رائي احب اعرفه واكون شاكرة جدا ...

31
اخواني الاعزاني ب٩٠مشاهدة ولاتعليق بس ردت اعرف اكو احد تغير ملفه مثل التغير الي صار لي  ومامعنى هذا التغير مع الشكر الجزيل لكم .....

32
السلام عليكم اخوتي واخواتي ان شاء الله تكونوا بخير وسلامة اخوتي واخواتي اليوم جيكت الموقع ولكيت بس خانة وحده وهي حالة الملف ومن كنت اجيك البارحه وطول الفترة الي فاتت يظهر لي حالة الملف وهي يتم معالجة ملف مع خانتين وهي خانه المحلفين وهي مكتمله وخانة التجيكات الامنية وهي يمر ملفك بمراجعة للتجيكات الامنية يعني فقط تظهر ثلاث خانات اما الان فقط حالة الملف يتم مراجعة ملفك كما في الصورة اذا ممكن اكو احد مثل حالتي وشنو معنى هذا التغير اذا احد عنده معلومة ياريت يكلي وان شاء الله  الكل يسافر باقرب وقت ..

33
السلام عليكم جميعا
اخي الكريم ان شاء الله تسهل امورك وتترتب اذا تكدر تسافر  للاردن افضل بالنسبة لمعاملات الزواج افضل بكثير من تركيا خاصة هناك اقصد بتركيا معوق اللغة فهم لايفهمون باللغة الانكليزية الا اذا كنت متمكن من اللغة التركيه تسهل الامور اكثر هذا رائي وانتم اخي الفاضل لك حرية الاختيار وادرى بوضعك ....
واذا ممكن عندي سؤال بالنسبة للمحامي الي تتعامل معه باجراءات زواجك هل ممكن رقم هذا المحامي لان بحاجه لذلك مع شكري الجزيل لكم والموفقيه تقبل تحياتي ...

34
السلام عليكم اخي ان شاء الله خير اني مره قريت معلومه من شخص بالمنتدى ان احد معارفه طلبوا منه نفس المعلومات وسافر بعدها بفترة  اتامل خير ان شاء الله واذا ممكن تفاصيل ملفك مع شكري لكم .....

35
السلام عليكم
اختي  ان شاء الله تغير جبير حيصير  مدام سوت فحص اختج  يعني الملف ديتقدم بالاجراءات ومن تختفي الامنيه هذا مؤشر جيد وان شاء الله سفر اختج ميطول  واذا ممكن سؤال اختج بغداد لو عمان  واذا اختج عده علم العوائل الي جاين فحص اشكد صارلهم من قابلوا مقابله ثانيه  ؟

36
شكرا جزيلا اخي الكريم على ردك ان شاء الله يوم سفرك...

37
اخوتي واخواتي ولارد لحد الان بس احب اعرف اكو احد مثل حالتي فقط معلومات الكفيل اختفت هذا شيء ايجابي ام سلبي  ؟مع شكري الجزيل لكم ....

38
السلام  عليكم جميعا
قبل كم يوم اختفت كل المعلومات الي تتعلق بالكفيل ؟ اكو احد صارله نفس الشيء وفقط معلومات الكفيل الي اختفت ماهو السبب الي عنده معلومه ياريت يخبرنه واكون شاكره تقبلوا تحياتي ....

39
إعلانات هامة
18 تموز, 2017
تحديث بخصوص الأمر التنفيذي
بتاريخ 26 يونيو / حزيران، وبعد صدور حكم المحكمة العليا في الولايات المتحدة بشأن الأمر التنفيذي رقم 13780، وحمايةً للشعب من دخول الإرهابيين الأجانب إلى الولايات المتحدة، دخل إيقاف سفر اللاجئين إلى الولايات المتحدة لمدة 120 يوما، والسقف المحدد والبالغ 000 50 لدخول اللاجئين للسنة المالية 2017 حيز التنفيذ. بعد 12 يوليو / تموز، سيتم استثناء اللاجئين الذين لديهم علاقة مباشرة على اساس من المصداقية وحسن النية مع شخص في الولايات المتحدة من التعليق والموافقة على السفر إلى الولايات المتحدة.

سيعتبر اللاجئ الذي يتمكن من تقديم وثائق كافية أو معلومات يمكن التحقق منها تدعم ادعاءه بالارتباط بأي من العلاقات التالية بشخص موجود بالفعل في الولايات المتحدة الأمريكية مستحقاً للاستثناء: أحد الوالدين (بما في ذلك والدي الزوج/الزوجة)، الزوج، الخطيب/الخطيبة، الطفل، الابن، الابنة، زوج الابنة، زوجة الابن، الاخوة سواء كانو أشقاء أو غير أشقاء. وهذا يشمل ابناء الأزواج. ويشمل أيضا الأجداد، الأحفاد، الأصهار (أزواج الأخوات وزوجات الأخوة)، العمات والأعمام، أبناء الأخوة والأخوات، بنات الأخوة والأخوات، وأبناء العموم في الولايات المتحدة.

سيعتبر ارتباط اللاجئ بعلاقة مع أي كيان في الولايات المتحدة ارتباطاً ذا مصداقية عند تقديم وثائق كافية أو معلومات أخرى يمكن التحقق منها تدعم هذا الادعاء. هذه العلاقة يجب أن تكون رسمية، موثقة، متشكلة ضمن الظروف الاعتيادية. اللاجئ الذي حصل على تعهد من وكالة إعادة التوطين المحلية يعتبر أن لديه علاقة مباشرة مع كيان أمريكي.

سوف يبقى مركز دعم إعادة التوطين محتفظاً بجميع المعلومات المتعلقة بالقضايا والمعلومات الشخصية في ملفاتها لجميع اللاجئين الذين أحيلوا لإعادة توطينهم في الولايات المتحدة. مركز دعم إعادة التوطين سوف يتصل بك على الفور إذا كان هناك اي معلومات مطلوبة لقضيتك أو إذا تم اعطاؤك أي موعد.
11 كانون الثاني, 2017
تغيير رقم هاتف قسم مركز دعم اعادة التوطين للشرق الأوسط وشمال أفريقيا !
نود اعلامكم بأنه بامكانكم الاتصال بقسم معلومات التوطين للمنظمة الدولية للهجرة للشرق الأوسط وشمال أفريقيا من خلال رقم الهاتف 5206130 6 962+
يرجى العلم بأن الهاتف القديم لم يعد في الخدمة.

40
السلام عليكم اخوتي واخواتي ان شاء الله تكونوا بخير ....
اخي حياتي 1   واخي علي ان شاء الله يكون تحديث ايجابي يارب بالنسبة لملفي قريب من ملف حياتي 1 قبل التحديث  (تحت التجيك الامني ) بس  هسة اني باقي بدون اي تغير متحدث عندي شيء رغم ان مجموعة من الملفات دتتحدث ماعرف شنو السبب لحد الان ماكو تغير بملفي اذا احد يعرف السبب او عنده معلومة اكون شاكرة ...

41
هل الجميع مختفيه البيانات  لان ولا مرة اختفت البيانات ورجعت وصار تحديث


نعم اخي عندي مختفية كل البيانات بس هسه دااريد ادخل مااكدر ادخل لملفي ماعرف شنو القصة ميفتح رغم اليوزر نيم والباس وورد مضبوطة

42
عندي نفس الموضوع اختفاء كل المعلومات احتمال تحديث


ان شاء الله اخي SkyLine تحديث بصالحنه ويكون خير النه كلنه والسفر يارب للمنتظرين بحق النبي واله الاطهار

43
السلام عليكم جميعا
اخواني واخواتي قبل لحظات جيكت الموقع ووجدت هذه الحالة

Case No:
Case Size:
Phone Number:
Email:
US TIE:
Date of Departure:
Medical Information
Case Stage Messages
If your Case Status displays “Information is not available at this time”, please note that we are still in the process of updating your case information. You may check back in the next few days.

If you wish to speak to someone about your case, please schedule a Case Consultation or contact the RSCMENA Information Center
 كل المعلومات اختفن منو مثلي صارله هذا الشيء وشنو معناه مع الشكر لكم

44
الفحص عملناه منذ 25/12/2015 لكن ردود الايميلات من المنظمة للمرة الثالثة تكول ( لطفا يجب اجراء فحص طبي لك ولافراد قضيتك وسيتم الاتصال بكم متى مايتم ادراج ملفكم على جدولة الفحص) .. ذهبت للمنظمة في القاهرة ابلغتني باننا لازلنا لم ينتهي التجييك الامني علما بان في الموقع قد انتهى ولم يتم وضعكم عالجدولة الفحص لحد الان
 

السلام عليكم اخي يوسف البياتي والاخ مساعي والاخ حياتي 1
ان شاء الله حيكون تغير سريع بملفاتكم وان شاء الله الفترة القادمة لان التغيرات الي بملفاتكم  بمرحلة متقدمة وخاصة التجيك الامني مكتمل او تحت المراجعات يعني قريب جدا من الاكتمال خاصة مع اكتمال خانة المحلفين  اني اتوقع الاسابيع اوالايام القادمة ان شاء الله حسب قرائتي لكثير من المواضيع الي تخص التغيرات والتحديثات بالملف  بمثل حالتكم ان شاء الله سفركم قريب وان شاء يحددولكم فحص طبي وبعدها اكيد السفر القريب باذن الله

45
السلام عليكم اخوتي واخواتي جميعا ان شاء الله تكونوا بالف خير ...
اني همات صار اكثر من اسبوعين من اكتملت خانةالمحلفين ونزلت بالملف بعد ماكانت مختفيه اخواني ياريت نبقه على تواصل حتى نعرف اي مستجدات على ملفاتكم واي احد يتغير عنده شيء يخبرنه بي وحسب متابعتي واطلاعي على كثير من المواضيع الي تخص اكتمال خانة المحلفين شفت بعد اكتمال خانة المحلفين ب25 او شهر تبدي التغيرات ومنها الفحص واكتمال الامنية بعده ونزول المطار والمدينة يعني تغيرات حتكون ان شاء الله لان اكتمال خانة المحلفين مؤشر جيد ويدل على بداية تقدم الملف وقطع شوط من الاجراءات بسير الملف ان شاء الله وبالنسبة الي راسلت المنظمة واحاول اتصل واذا حصلت اي معلومة ان شاء الله انطيكم خبر  أول بأول وأتمنى السفر القريب لكل المنتظرين ....

46
اعتقد اكتمال المقابله مع المحلف يعني ان المحلف وافق على الملف بعد حصوله على التجييك، علما باني في الموقع القديم كانت قد اكتملت ، وعادت في الموقع الجديد باكتمال المقابله وسيرسلون لي القرار ، والان وقبل ايام قليله اكتملت مره اخرى ، لكن خانه التجييك ظهرت قبل ١٠ ايام تقريبا


شكرا جزيلا اخي حياتي 1 على جوابك اني مكتملت الامنية عندي ولامرة يعني قصدك حتكمل الامنية عندي ان شاء الله بعد منضافت خانة المحلفين ولأكتمال خانة المحلفين تتوقع يكتمل التجيك الامني عندي؟ الله يسمع منك وان شاء الله تبشرنه بسفرك باقرب وقت ممكن ....


شكراااا جزيلا اخي حياتي1  على جوابك وان شاء الله  ملفك في تقدم  واكيد ان شاء الله  تبشرنه   بسفرك باقرب وقت تقبل تحياتي

47
بالنسبه الي صارلنا سنتين ونص تجييك بعد الموافقه فماعرف حضرتج


السلام عليكم اخي حياتي 1   اني صارلي اكثر من خمس سنوات انتظر المقابلة الثانية وبشهر العاشر من سنة 2016  يلة قابلت وبشهر 12 اجاني الدفرال لتر وراها تفعل عندي التجيل الامني وهو Security Review   Your case is undergoing United States Government security reviews. RSCMENA has no role in security reviews as it is under the authority of various agencies in the U.S.   ولحد البارحة يله صار تحديث وانضافت خانة المحلفين بس الفحص لحد هسه مفاحصة هذه تفاصيل ملفي اذا ممكن اذا عندك معلومة تفيدني بيه حتى اعرف شديصير وهل ان ملفي في تقدم ان شاء الله

48
السلام عليكم جميعا كيف الصحة والاحوال ان شاء الله تكونوا بخير اجمعين  (اني عضوة قديمة بس مكدرت ادخل لان نسيت الباس وورد دخلت بحساب جديد حاليا ....
اني همات صار عندي تحديث البارحة اضافوا لي خانة المحلفين وتقريبا مشابه لملف الاخ حياتي 1 بس الفرق ماعندي خانة التقيم الطبي لان اصلا اني مفاحصه والملف حاليا كما يظهر :
 Case Stage Messages
    Message
Case Status   Your case is being processed by RSCMENA. You will be contacted by RSCMENA concerning next steps at the appropriate time.
USCIS Interview   Your USCIS Interview has been completed.
Security Review   Your case is undergoing United States Government security reviews. RSCMENA has no role in security reviews as it is under the authority of various agencies in the U.S.

ماذا يعني هذا التغير ارجو الاجابة مع شكري الجزيل لكم

صفحات: [1]