عرض المشاركات

هنا يمكنك مشاهدة جميع المشاركات التى كتبها هذا العضو . لاحظ انه يمكنك فقط مشاهدة المشاركات التى كتبها فى الاقسام التى يسمح لك بدخولها فقط .


الرسائل - tantonee

صفحات: [1]
1
مكتب الامارات دز ايميلات و الفورم و عبيت كلشي و بعثت بال الارامكس حسب تعليماتهم و لا حس و لا نفس 2009

2
مرحبا شباب ، اني قدمت من الامارات و انتضرت سنتين و بعدبن خابرو يمكن قبل سنه و كالو ما عندكش حاجة عندي .... هههه طبعا اخذو اوراق و استمارة و لا شافونا و لا شي يالبريد و الايميل و لا رقم فايل و لا بصمة و خلص ....
الان عندي جواز جديد اي جديد "و اخيرا:o  و فارغ اريد اطير انزل انقره و اقدم و اني طلعت من بغداد من 97 و ما داخل اوربا بس دول عربية و تدريس و لكن ما اريد توطين.

السؤال الجماعة بتركيا سوف يرفضون اني قادم من الامارات ؟؟؟؟ ... و هل يجب ان اذهب الى العراق و ان كا لا بد يكفي ان اذهب الى اربيل ؟؟؟

شكرا على سعة صدركم و تمنياني للجميع بالموفقيه
http://

4
هي الي حجت ويايه اعتقد مدام "ام" و تكول بكل بساطه انتو منطقتكم خطره زين انتقلو و انت مهنتك مهدده بدلها و هكذا و على انه احنا مو ناخذ كل العراقين و من ها الحجي البارد و اني كلش جنت مؤدب على غير عادتي و لو مشوفلها الوجه العراقي جان سدت التلفون مة اول دقيه بس شحجي.

هسه اني اريد افهم هيه مصدكه حالها انو هنا احسن لان العدد قليل اني من 208 مقدم و جاوبوني بال 2010 و هسه وره اكثر من سنه تخابر تكلي قضيتك ما بيها قضيه لعد ليش اخويه ترك الجامعه و التدريس و كلب و ليش اني محبوس هنا و ليش و ليش شنو عبالهم كاعد نتبطر عليهم و هم شنو عميان اشو كل نص الي راحو اشترو بيوت و محلات لو الي حصلو على فيز مضروبه و تهريب و كل واحد صرف دفاتر هم هذوله المحتاجين لو الي عايشين هنا ملوك و عدهم من السارات اربعه و خدامات و طلعمهم ويه ها الوجبتين الراحت على البلو كارت و الله اني ما اسكت اني اكتب بجرايد معروفة و بالانكليزي و لح افضح ابوهم و كتبت هسة و كتلهم العراقين الطبيعين هم ناس دخلهم محدود و موظفين و كل المواد جانت مدعومه و عايشين قوت لا يموت مو العراقين الي عدهم دفاتر و ملاين و تجار الحرب و الي تحجون وياهم بكل برود و تريدون ينتظروكم سنين على ايميل لو تلفون اني هسه اتمنى يمسحون اي شي قدمته و حتى اسوي جواز جديد و ابدي بالجديد من الاردن لو تركيا. و هذا الحل الوحيد اعتقد لو انسى الموضوع و ارجع اكتب و الحجاره الما تعجبك ...

اني هسة بديت اجمع اسماء و عنواوين و لح اسوي دراسه و ابدي ابعث.
شكرا على تعاطفكم و بالموفقيه و اذا ما تصير هيج كلب على ىكلب ترى لا ينفعنا لجؤ و لا امريكا و لا مرشح و لا حتى نبي

5
اخوان اليوم خايرت المدام و صار حجي هوايه

و من النهايه و بعد كل هذا الانتظار من 2008 هسه تكلي انت ملفك ما بي فضيه و هذا الحجي عام و لذلك ما يفتحولك ملف و اذا ا تريد تضيف حتى تمشي القضيه و لا هيج من تروح يم الامريكان ترفض و انه هيه نصيحة لا غير.

المهم كتلها لعذ كملي النصيحة و كليلي شنو اذا اروح اقدم من الاردن كالت تعتمد و هنا احسن لان العدد قديم ... طبعا اني ما اعرف اضحك ابجي لان هنا العدد قليل صح. بس اشو كل سنه يجي تلفون منهم بلا معنى و الى هسة لا رقم و لا ملف و لحد الان نص الي اخذوهم لا محتاجين و لا مهددين و اصلا يروحون للعراق و يجون و يكلون من راحو الى امريكا اشترو بيوت و محلات و لكن اني سكتت و مشيت المجاملات و انكليزي على عربي و خلصت المكلمه و لا افتهمت شي و لا شياتي

ارجو المساعدة و مراسلتي على الخاص اذا عدكم قصة او شي اضيف على ملفي.

6
هاي شنو الاخبار الحلوه و اخيرا شويه تحركت الشغله يله بالموفقيه و للجميع و شكرا للمعلومات المفيده و المتابعه|.

7
هاي شنو الاحبار الطيبه يوم للكل انشاء الله .... يس نريد ناسال هم الي قابلو هسة من جماعة 2008 لو 9 اني على السره من 2009 يعني مو هسه لو بعدين لو شلون لو خلص ما يريدون بعد بلكي الي قابلو ياكدون هم على يا دور 8 لو 9 او اقدم.

و بالتوفيق للجميع و نسمع اخبار طيبه

8
يا جماعة يمكن اللجنة موجوده هنا خلو تلفوناتكم مفتوحة اتصلو بي اليوم و هسة يله شافو انو اني اقامتي خلصانه و رادو تفسير بالفاكس و اني شكلي لو هرا لو ورا ... ههههههههه

يعني هنا يريدون اقامه على الجةاز و بالاردن يريدون ما عندك اقامه و بين حانه و مانه ... ضاعت لحانا .... اني مثل ما كلت شكلها الى اطلع منا بابعاد مدى الحياة و ارجع العراق و اسوي جواز جديد و ابدي بالجديد على الاردن لو تركيا و العمر هو بي جم سنه مو شيبنا لو دائما احنا العراقين تجينا الاشياء متاخر و هذا اذا جتي.

سلام و حب لكل عراقي من صدك و كل اصيل
و قبل ما انسا خليكم صوت واحد و تابعو و زنو و ما كو شي اسمه اجراءات و روتين اكو شي اسمه زن و متابعة و علاقات و يكذب عليكم الي يكول ما كو شي شخصي و عمل مثل هذه المنظمات حرفي و منظم و لا تدخل لاي موءثرات. لا كلشي بالحياة حرفي روتيني بس بنفس الوكت تدخل المشاعر و الاشياء الشخصية و التدخلات الغير الاهية. و كولو تنتوني كال ....

9
شكرا اخوان على الاجابه و اني شكلي اقتنعت برايكم ، و اروح اكنسل اقامة دبي و اقدم من الاردن او تركيا بس السؤال هو:

هل ممكن ان ادخل الاردن مباشرة بكنسلة من الامارات و بجواز اس لو لازم اروح العراق و اطلع جواز "فيثاغورس" و اقدم على فيزا اردن و اطلع لو تركيا.

و هل ممكن يحولون ملفي على عمان او تركيا لو اروح و هم يرتبون التحويل و اذا اروح العراق ما يتعارض مع طلبنا انو احنا مهزومين من العراق ؟؟؟؟؟ شنو هاي صار مو سؤال هذا صار مقرر امتحان هههههههههه

يلة عود عدكم سؤال ترك و سؤال يمكن ان تستعين بصديق.

و شكرا طبعا على كل التعليقات و بالتوفيق للجميع و يخليكم كَلب على كَلب انشاء الله دوم.

10
زين هذا الخبر قديم و هسة شلون اني عندي جواز اس يعني اسافر تركيا بي لو اطلع جواز جديد و اسافر من الامارات لو اجي اربيل و اطلع احسن ارجو التفسير و شكرا للجميع

عمان: علمت سبكة اخبار العراق من مصادر مطلعة ان تركيا وسوريا وايران لاتسمح للعراقيين من  حملة الجواز العراقي الجديد(( اي)) الدخول الى اراضيها بسبب احتواء الجواز على حقل الاسم مكتوب باللغة الكردية . وعزت هذه المصادر موقف هذه الدول من الجواز الجديد(( اي)) الذي بدأت السلطات الامنية في جوازات بغداد واقليم كردستان باصداره قبل حوالي اكثر من شهرين الى عدم الاعتراف باللغة الكردية كلغة عالمية اسوة باللغات الخمس الحية وهي العربية والانكليزية والروسية والفرنسية والالمانية. واوضح المصدرفي وزارة الخارجية العراقية في تصريحة لشبكتنا ان وزارة الخارجية تجري تنسيقا مع وزارة الداخلية لمعالجة الموضوع حيث يوجد خيار مطروح ويتمثل بتأجيل العمل بهذا الجواز والاستمرار باعتماد الجواز من فئة(( ج)) او حتى ارجاع الجواز من فئة(( اس)) مؤقتا لحين استكمال اصدار جوازات لجميع العراقيين من فئة((ج)) وكانت وزارة الداخلية العراقية قد تعاقدت مع احدى الشركات الاوربية وبمبلغ(10) ملايين دولار على اصدار الجواز الجديد( اي) وفقا لاحدث الطرق والمواصفات بحيث يصعب تزويره خاصة وان الجوازات القديمة جرى تزويرها بطرق سهلة او سرقتها    حيث تم سرقة اكثر من (10) الاف جواز عراقية من فئة( ج) . ويذكر ان الجواز الجديد من فئة( اي) مكتوب بالغات العربية والانكليزية والكردية وهو جواز يخالف جميع جوازات العالم المكتوبة بلغتين لغة البلد ولغة اخرى معترف بها عالميا


11
شكرا على كل اجوبتكم و مساعدتكم لاخواننا في المهجر و الوطن.
كنت قد بحثت عن جواب عن جواز فئة الاس و لكن اريد توضيح اكثر اذا امكن.

الان انا عندي جواز فئة اس و هنا في الامارات لا يوجد سوى هذا الجواز حاليا و قد تم الاشارة الى السفارات بان تجدد اي جواز الى ان يتم عودة العمل باصدار جوازات جديدة و قد سمعنا هذا الكلام من اخواننا في عدة دول و منها امريكا.
انا لا يوجد عندي اقامة سارية حاليا و اريد ان اذهب الى الجوازات و اختم خروج بلا عودة من الامارات و لكن و بهذا الجواز اس هل استطيع ان ادخل اسافر الى تركيا و اقدم نفسي الى المفوظية السامية علما اننا قد قدمنا من الامارات و اخذو الاوراق المطلوبة بعد سنتين انتضار و هذا كان رمضان الماضي و لم ياتي منهم اي خبر. او يجب عليه ان اذهب الى اربيل او بغداد و في حال ذهبت الى العراق هل وجب عليه اصدار جواز جديد للسفر الى تركيا او استخدم نفس جواز الاس. و شكرا و اسف للاطاله.

12
حبايبي الحلوين ،

سلام عراقي اصيل

مرحبا شلونكم  شنو الاخبار مشتاقين،

هسة اني تعبت من العلس مال المنظمة هاي صار اخر مرة خابرو رمضان الي فات و اتاكدو انه استلمو الفورم و الاوراق و ذاك يوم و هذا يوم و من كلت هاي ما يصير لان احنا هسة لا مقدمين و لا ما مقدمين على اي اساس ياخذون اوراقنا و لا ينطونا رقم و لا ورقة و هسة احنا اذا اسمائنا بالكمبيوتر  يعني هاي مشكلة بالمستقبل على اي تقديم الى هجرة او لجؤ او عمل بالخارج و حتى الشنكن فيزا لان الاسم يربط بالانتربول و بكل

زين اريد اروح مباشرة الى تركيا مكنسل من الامارات و جواز "اس" و اريد رد فعل مبشر الله يخليكم

اني بعد ما اتحمل هنا و هذوله بالمنظمة اقل شي اكول عليهم نايمين بالعسل و بعد جم يوم يصير الضغط مال الليبين و السورين و غيرهم و احنا ينسونا ترى هاي اخر سنة يقبلون لجوء للعراقين

13
ارجو ان تكون المواضيع الشخصية بالرسائل المباشرة ايضا و انا مع هذا الراي و يرجو تبليغ المراقب ما دون ذلك

اخوان السلام عليكم

اتمنى تكون المواضيع التي تطرح خاصة بشغلتنا مع الامم المتحده؟ لان الاحظ المناقشات خرجت بعيد عن هذا الاطار


و شكرا و احترامي لكل الاعضاء و الموفقية


14
شكرا على جوابكم و شكر الى الاخت شجره و الله يوفق الجميع.

والله اخواني احب اعلق عالموضوع من باب انه انا اقدم وحده من جماعة الامارات ومن قدمنه اللجؤ انتظرنه ستة سنوات ياله حنوا علينه وخابرونه وانطونه موعد لقابلة التوطين واذا ردت تحجي يصيرون همه اصحاب الفضل عليك ما يعجبك روح سوريا او الاردن اصلا احنه يكولولك ما نوطن منا وزين منا استقبلنه معاملتك بصراحه انت اذا شايف نفسك تكدر تغير شي فأبدي
وبالنسبه للموضوع الثاني فالاخوان بالمنتدى هم اللي طلبوا منا توضيح الحياة والعمل ومشاكل المنظمه وكلها تريد تعرف هنا شديصير وهذه الامور مرينه كنا بيها ونتحدث عن كل شي واذا يعجبك فهلا والف هلا بيك واذا ما يعجبك فهاي مشكلتك والله يقدر الجميع على فعل الخير ومثل ما كال الاخ ملك الحيرة احنه حاضرين للطيبين

15
شكرا اخوان و شكرا على المتابعة و هاي شغله شويه تحير مال يومية تغير بالقرارات و هذا يخلينا كلنا نتابع و نحدث المعلومات اول بالول ،لان بالبداية جان عدهم مجموعة و المعاملات نايمه هاي قبل ال2009 و بعدين تحركت شوية و سفرو مجموعة او اثنين و بعدين دزولنا بالايميل و على الاساس الجواب بس بالايميل و بعدين خابرو و كالو لا تغير البرسيجرس و دزو على البريد و بعدين كامو ينطون الفورمات مباشر من المكتب و هسة لازم محاضرة و ما ادري شنو الي يجي.

بس الشي الزين انو المكتب بدا يكبر و ياخذ الامور يجدية و انو حصلو على موافقات منا و هاي زينه و انشاء الله خير و لكن يبقى احنا كلنا نخلينا على اتصال و نتابع و نحدث و هاي اضعف الايمان و شكرا للكل الي يكتبون و الي يقرون و بالموفقيه.

16
سلام لجميع اسف على الانقطاع و لكن تعرفون الامور و بيقى الحال على ما هو عليه و .....

يعني شا احجي الكمبيوتر الي يطفى من كيفه لو لالنترنت لو الديون لو الشغل الي كاكو و الخ ....

هسة المهم شكرا على تواصلكم اخر الاخبار خابر واحد يحجي عربي ها المرة ورا ما خابر عبد السلام بالانكليزي كال ترى التعليمات تغيرت و لا زم تبعث الفورم بالبريد و من بعثت واحد خابر و كال انت منو كالك تبعث هذا البريد و حجيتله القصة و كال اولا لازم تطبع الايميلات لعذ شلون نعرف و نحطك بالسره من وكت المراسله

و كال اكو اشياء فارغه لازم تكتب على الاقل بلا او شي و كتله مو مشكله هاي اني على النت و خلي انطيك تاريخ اول رساله و جوابكم و كال ما يخالف و ذاك يوم و هذا يوم صار اسبوعين او شي

و اليوم اسمع انه صار ما ينطون الفورم مباشر الا تحضر محاظرة يمهم و يكلولك وره ما ينطوك الفورم ما نبدي بالمعامله مالتك الا وره 8 اشهر .... السؤال اكو هيج حجي و احنا ويه الي وره 8 اشهر لو هسه و اذا احد عنده جواب خلي يشفي كلبنا مو لوعونا

و شكرا و السلام على اخواني و اخواتي و احد واحد و الي يريدني يخلي اسمي على النت تنتوني و يلكاني

17
lما شاء الله الجماعة نشطين و الرسائل هواية و بلكي امورنا تسهل و بعد السلام على الكل اني اشوف الصفحات صارت هوايه و هاي صار ساعه اقرا بس رسائل الاخيره و بلا زحمه اني اكول نصفي الرسائل و نخلي الرسائل الي بيها الزبده و ارجو ان لا يتصور البعض هذا تدخل و لكن اذا اخوانا الي وصلو هم يكتبون هنا مو تصير هوايه و يراد ايام حتى واحد يقرا و يعرف و اكول الى حد المقابلات و الوصول و يخلي اخر شي اني وصلت و بعدين يتنقل الى صفحة متخصصه بالقادمون الى امريكا او شئ. و شكرا و اني ترى هم يعز عليه واحد يتركنا و لكن هم لازم نتنقل بالمواضيع و الموقع ما شاء الله بي كلشي بفضل الكل و بي كال جواب شافي و من اختنا انجي و انته شوف عدها جواب لكل سؤال عن امريكا و هاي رساله للي وصلو عليكم ب انجي ... هههههه

و هسة ترى اني على اعصابي 10 7 2009 قدمت و من بومها كل شهر شهرين ادز ريمايندر و هسو قبل شهر دزو رد اول مره و بي فورم و كالو حلينا رفونس و عبي و دز و صار شهر اعبي و اسال و من دزيت و ره 20 يوم خابر عبد السلام و بالانكليزي كال تره الاجرائات تغيرت و لازم تبعث بالبريد و بعثت بالارمكس و هسة خابر واحد عربي يكول منو كال ابعث و انت شوكت استلمت و خوفني و بعدين كال ابعث كلشي و اطبع الايميل و منا منا كال زين اقرا الايميل و همزين جنت على النت و كتله التفاصيل و كتبها و كال خلص. :-\

هسة اني بكت طن  هوا يعني يعني اذا اموري تروح جه امنيه و يربطوها بالاقامه الي مستويه يمكن يعلسوني باي وكت و هاي اني مثل البيت الواكف و ما مستعد و لا عندي اروح محكمه و لا اشتر اقامه لان عايش قوت لا يموت و درس منا و ترجمة منا و ماشيه بس مال ارجع للعراق لو ادخل سجن ما ارجع و هاي حجاية و شولوها من بالكم و حتى جوازي اس و ما اريد جواز جي و لا اي حتى لو بلاش.  ::)

و لكن اني اشوف الموضوع دا يتحرك و احنا لازم تلح بالايميلات بس لا تخابرون بلا اسباب و خلي يعرفون انو احنا اصحاب حق مو منيه و بالموفقيه. و اي ترجمه تريدون اني جاهز بالخدمه.

18
شكرا للجميع و ابو الزوز و فايو و الكل بالنسبه للاخت شجرة الدر طبعا هي من النفذين لهذه الصفحة و طبعا هي صفحة و بفضل المشاركين اصبحت و في فترة تمثل المرشد لموضوع العراقين في الامارات و موصوع اللجؤ و في الايام القادمة سوف تحفل بالمزيد من المعلومات عن الموضوع و هنا ايصا اطلب من كل تعليق لا يمت للموضوع و لا يفيد ان يلغى من صاحبه و نحن طبعا ما نستغنى على اختنا شجرة بس اكول لو تفتح او تشارك بموضوع جديد للقادمين الى امريكا و هي المرحله الاخرى و الله يكتبنا انشاء الله و خلي هنا فقط تنويه او اشاره الى الصفحة التي سوف تنتقل لها و طبعا احنا هم بالمستقبل نلحكها و نريد ها ايضا اتابعنا بس حتى المواضيع تتجمع بمكان و انتو بعد ما ادري شنو رايكم و انشاء الله خير .



السلام عليكم اخواني وانا اشكركم جميعا على مشاعركم النبيله وتعهدت لكم امام الله بكتابة التفاصيل للفائده لان من جماعة الامارات نادرا ما يكتبون تفاصيل الرحله والوصول فقط اعتقد اخونه الوسمي كتب اما الباقي فلا هل تحبون طرح اجراءات السفر بنفس جمعيتنا ام بموضوع جديد وهذا متروك لكم ارجو الرد عليه ومشاركتي بأتخاذ القرار لان هذا لمنفعة الجميع

اختكم شجرة الدر


19
طبعا و في البداية الفرحة فرحتين اولا وصول الاخت شجرة الدر الى بر الامان و بداية مشوار جديد و ايضا وصول اخي بعد انتظار سنه و نص في تركيا بدون ا ي مصدر للعيش و بالنسبة للناس الي وصلو بالسلامة ينتقلون الى صفحات اخرى و هي غالبا تتعلق بالحياة في امريكا و غيرها و انشاء الله يوم النا جميعا و بما ان هدفنا واحد و صريح انشاء الله نوصل الى بر الامان ايضا.

بالنسبه الي اني هسة دزيت الفورم كان دزو قبل شهر تقريبا و على ايميل خاص و هذا بعد الملحة و بعث رسائل من اكثر من ايميل و منذ اكثر من سنه و كان الايميل يكول لا تعطي الفورم الاي احد و اني ما شاء الله حتى امي نطيتها واحد .. هههه
و ايضا انه لا ناخذ بنظر الاعتبار الا الايميل الي يجي رد على هذا اليميل و لكن اني سمعت و من هواية ناس و هنا انه بدو ينطون الفورم مباشرة من المكتب في ابو ظبي و لا ادري ما هي الطريقة و انشاء الله خير.

بالنسبه لقرارات الامم التحدة بخصوصو الاجئين العراقين موجودة في موقعهم الرسمي و قريتها كلها و بادية من التسعينات انه الجنوب و الشمال منطقة غير امنه و بعدين بعد ها الحروب صار العراق كله غير امن و يجب توفير الحماية للعراقين و لكن الان و مع التغيرات الي هم يعتقدوها انه يعتبر الشمال و الغرب و الجنوب امن و يقبلون من المنطقه الوسطى او يفضلون و هي خمس محافظات بغداد و موصل و ديالى و تكريت و ان حالة الخوف او التهديد او فقد الامان يمكن تحدث و الشخص خارج العراق و يسمون هذه الحاله سوغ بلاس و ليس من الضروري ان يكون الشخص في العراق قريبا و انهم ايضا يفضلون بعض الحالات مثل الاضطهاد الجنسي و الاكادمين الاساتذه و كل الاعلام و ما يتعلق به.
و من الفقرات انه حتى لو تم رفض او تجاهل الطلب يجب التقديم مجددا و الى ان يتخذون الازم و ان حالة الخوف هي حاله غير مرئية و في هذه الحالة لا حاجة لتلفيق القصص و السجون و ممكن ان يطول المقلبلات و خاصة اذا كان هناك تفاصيل اعتقال و تهديد و غيرها و لكن القصص البسيطة تكفي و هم يعرفون جيدا و بالمناسبة هم يفضلون الناس الي بعد بيها حيل و صفحتهم العسكرية و الحزبية و المدنية واظحة و بيضه و طبعا يفضلون العوائل و خاصة مع الاطفال و هكذا

و هسة اريد منكم تبقون على اتصال بالنسبة للناس الي سافرو ارجو لهم التوفيق و كانو فعلا ابطال و شاركونا همهم و فرحهم و خلي كلماتهم هنا تفيد اي من اخوتنا العراقين و انشاء الله يوم نلتقي كلنا و تخلي هنا اجتماعات بالخارج و بالمناسبة نكدر ايضا نعمل هذا هنا بالامارات في المستقبل انشاء الله.

بالنسبه لاقامتي و حالتي مع الكفيل لا تقلقون لان القضية عماليه و تفرق على التجاوز و حتى لو هي بيها سقف و تعزير و عندي يمهم فلوس و اصلا اقامتي مترجم و من حقي حتى انقل اقامتي و لكن اني بعذ الضلم من كل الشركات الي كفلتني شفت هاي احسن شي و من اريد اطلع هيه طمغة و السلام. و يلجا المتضرر للقضاء او يبقى الحال الى ما هو عليه و اني طلابي ما شاء الله حتى بالمحكمة و شكرا على السؤال و اصلا اعتقد اني ما دزولي اليو ان الا شافو حالتي العسيرة و هي دليل على حالة الخوف من العوده.
و هسة اشوف هاي شوكت يجاوبونا على الرساله و بالمناسبة اخوية من وصل سالو هناك منو تريد يجي وراك كال اخوية و حتى اني اسحب ابي و امي من بغداد انشاء الله و نترك الجمل بما حمل .... ههههه و موضوعنا بسيط هو منطقتنا ساخنه و احنا ما النا بالطلايب.
و دوختكم و شكرا
اخوتي واخواتي هذه الصفحه تكون للاجئي الامارات ويتم فيها طرح المده من التقديم الى السفر لكي تعم الفائده للجميع طبعا مع الاحتفاظ بسرية القصه لان كل واحد وله قصته وخصوصية موضوعه يعني فقط التقديم وتواريخ المقابلات وانتظار الامنيه والدوره التقيفيه واجراءات السفر ومواعيد السفر لكي يكون موجود والجميع يستفاد حتى في حالة سفر العضو وانشغاله بأمور الحياة بامريكا وانقطاعه نوعا ما من المنتدى فيكون مرجع للاخوه الباقين في بداية مشوارهم واسوة بأخوتنا الاعضاء جماعة مصر وجماعة سوريا ولو اكو قسم من الاخوه العراقيين ما يحبون يفصحون عن مراحل اللجؤ ويستعينون بقضاء حوائجهم بالكتمان بس اخوتي لمنفعة الجميع ومصلحة الكل فوق مصلحة الفرد اختكم شجرة الدر

20
اخوان اعزاء لا داعي لتشتيت المواضيع في موضوع اسمة اليو ان و الهجرة من الامارات

21
شكرا ابو الزوز لان اني بنفس المرحلة و دزو الفورم و انطوني شهر ارد و بالنسبة موضوعي الخاص خلي بيناتنا و شكرا للجميع و انشاء الله تلتقي في يوم في مكان في زمن

عيوني فايو

1. امليها بالعربي واذا انكليزيتك اوكي براحتك بكيفك انته اكتبها بالانكليزي
2. معليك بهذا الحقل لانه مخصص الهم همه يملو
3. حسب تصوري ايجابا الوضع الصحي ياثر لانه حيعتبروك حاله انسانيه
4.الفقرات التي ليس لها اجابه اتركها فارغه
5.اذا انته مترجمها اتسهل الهم امر واذا لا ممترجمه همه الي راح يترجموها ويحيرون بيها ..
6.عيني كله الوضع نفسه ومتغير شي والدليل هل تفجيرات والاختطافات والقتل واخرها جريمه البياع وغيرها وغيرها وشفت شسوو حصد وبكاتم الصوت هسه الموده الجديده..
7. جنسيه شهاده جنسيه اي وثيقه رسميه شهاداتك عقد زواج كلش مهم دفتر خدمه عدك وتشوف انته انها حتفيدك بقضيتك واذا لا سامح الله ماعدك الوثيقه الي رايديها منك تكدر تكللهم راحت لو انعلست لو ماعدي احد يدزلي ياها ...
8 تدلل يمعود واي شي تحتاج تامر امر

ومااعرف اذا هاي المعلومات حتكون كافيه الك او لا واذا اي احد عده اي ملاحظه او اضافه اني بالنسبه الي هشكل سويت وهذا الي اعرفه ...

اخوك ابو الزوز

22
شكرا اخ فايو و ابو الزوز  و شجرة الدر و الكل بالنسبة للمخالفات سهله لان القضية منازعة عمالية و مو تجاوز على فيزا و على كل حال الغرامات بيها سقف و بيها تخفيف و ناهيك على مستحقات نهاية الخدمة و شي. و هي بكل الاحوال طلعة وحدة و لكن الشيءال الان انه بالنسبة الامم المتحدة انهو بعثو الفورم الى بعضنا فقط و نحن قدمنا من اكثر من سنة و انا راجعت كل فقرات القانون على النت بخصوص العراقين و طلب اللجؤ و فيه اشياء مهمة و الان اريد فقط اعرف هل من الممكن ان اضع اسماء الوالد و الوالده ببغداد لان في خلنات الاهلي هنا و اخرى الاهلي في بغداد و اخرى للاهل في اي مكان ؟؟؟؟؟
http://www.unhcr.org/cgi-bin/texis/vtx/search?page=search&query=iraq&x=0&y=0
هذا كل الكتيبات بيها قرارات الامم المتحدة بالنسبة لحق اللجؤ للعراقين

23
أخواني الاعزاء
أولا - شكرا لكل الساهمين و على هاي المعاومات و ثانيا - ارجوكم لا تفتحون موضوع جديد و خلو كل موضوع الامارات بمكان واحد و ثالثا هسه احنا مجموعة قدمنا على الايميل و حسب تعليماتهم من سنة و اكثر و هسة دزو لبعضنا الفورم و على ان نعبي و نرسل الى نفس العنوان.

يعني الي عرفنا انه لازم يرسلوللك فورم على الايميل و ترد على نفس العنوان مو لو يصير مباشرة ؟؟؟

و بعدين بالفورم اكو مكانات تخلي افراد العائلة و اني اعزب يصير احط اسم الوالد و الواله بغداد و لا شنو اخلي لسمي و بس ؟؟؟؟

و شكرا و خليكم هيج قلب على قلب و انشاء الله نفرج على الجميع

24
شكرا على الرد و بالتوفيق

25
احبابي هسة بما انه هذا موضوع جديد و على اساس نبدي بالجديد و موضوع جديد و وجبة جديدة من الامارات

خلي نراجع هسة احنا اهل الامارات و الي نعرفه لحد الان انه وجبة واحدة فقط و كانو مقدمين ومن زمن طويل و قد تم اعادة توطينهم بعد التي و التية ... و هناك العشرات و كثر من مقدمي الطلبات و الذين لم يحصلو على جواب وافي

و الان يقولون انه الموضوع بدا يتحرك و بالفعل بدو الناس تستلم على الايميل الفورم على اساس يعبون و يبعثون على نفس الميل و هذا ما حصلت عليه ايضا.

ارجو تلخيص الموضوع و مشاركة التطورات مع الجميع و بالتوفيق.

26
يا اخوان شكرا جزيلا على الرد و هسة ابدي اعبي احتاج مساعدنكم ابو الزوز يمعود و عيني شجرتنا و فايو الكل يمعودين خليكم وياية اريد واحد يقرا القصة مالتي قبل ما اقدمها ترى اني لا اريد اكذب و لا اعرف اكذب بس هم اريد بعض التوجيه من ذوي الخبرة.

و شنو هاي يردون ذكر اسماء من الاهل اني وحدي اعزب بس عندي اخوية صار سنتين خايس بتركيا و انشاء الله هاي النهاية و اني هسة لح ابدي يعني منو اذكر بالفورم؟؟؟؟
و شكرا اخوان و بالموفقية.

27
و لو اني كلش متاخر بس اكول بالتوفيق لشجرة الدر و للكل انشاء اللع الصحة و الامان و لمتكم حلوة و ارجو ان تقبلوني كا صديق. اني اخوية انشاء الله بقى بس موعد الطيران من تركيا و اني هسة حصلت على استمارة من الامارات هسة اذكر اخوية بالفورم و منو ايضا و شوية معلومات على الفورم اذا امكن.

28
هلا بالحبايب و الاخوان الاعزاء و شكرا على المعلومات القيمة و انشاء الله بالموفقية للجميع هسة اريد اشكر بالاخص شجرة الدرو ابو الزوز .

هسة اني و بعد ان بعثت عشرات الرسائل و من ايميلات مختلفة اليوم و بالص
فة و بدون توقع و اني مريض و خشمي يخرر هههه جاني رد و فورم و على اساس اعبي و ارجعلهم خلال مدة اقل من شهر
و هسة اترس الفورم مباشرة بالكمبيوتر و ابعث اكدر اخلي الصورة و اكتب عربي و انكليزي لو اطبع و اعبي و ارسل بالسكان لو شنو

شكرا على كل المعلومات و انشاء الله خير لان اني كاعد بلا اقامة من 2007 و اقدم و هسة لا شغل و لا قلوس و لا جواز و لا اقامة

29
السلام احبابي و شكرا على الرد اني اول مرة كتبت هنا عبالي ماكو احد و فقدت الامل و هسة دا اشوف ما شاء الله الردود و التفاصيل و شكرا لشجرة الدر و ابو الزوز و اسف للانقطاع
الموضوع كلش تعبان عندي من فقدت الشغل الى الان لا اقامة و لا لاعمل و لا جواز غير الاس و على العموم
من قدمت شهر سبعة 2009 الى الان ما كو لا حس و لا نفس . و قبل جم يوم سمعنا بعض الاشاعات انه الامجموعة الاولى سافرو و هسة دا ياخذون بالكوترة .. هههه
و لكن اكو بعض الناس الي قدمو نفس الوكت معي و انا رسائلهم خابروهم وكتها و سالو على جوازات بقية الاهل و شي و لكن انا كل شهرين ثلاثة ارجع ادز نفس الايميل و لا خبر و حامض شلغم و لا خاشوكة|. هههه
هسة اريد اعرف اني احسن ابطل

عيني ابو الزوز اني اسف بس ترى و الله هسة يلة شفت الرسائل الامور عندي كلش لا تسر اخو و لا عدو.
و شكرا و بالتوفيق للجميع  :-*

31
نرجو المشاركة

بعد بحث عميق في الانترنت كان هناك القليل النادر عن هذا الاسم العراقي العروف في الوسط و لكن هناك الكثير من المدعين في سوريا و مصر و غيرها على انهم محمد فاضل و يعرضون اعواد و يسموها بهذا الاسم لغرض كسب بعض المال او شهرة و لذلك اطلقنا الشهر الحالي صفحة جديدة باسم الاسطة محمد فاضل جسين العةواد و اولاده.

نرجو ةالى من يملك اي صورة او معلزمة او مقال او شي ان يشاركنا فيه و شكرا

32
شكرا

33
اخوان اعزاء اشو اني هم هنا رحنا ابوظبي على اليو ان و كلو الا عن طريق الميل و كتبنا رسائل عربي و انكليزي و نخابر يكلون الله كريم و هذاك يوم و هذا يوم صار يمكن سنة و نسمع اشاعات ناس طلعت و جتي وجبة جديدة و ناس بالفحص بس الصدك شنو ؟؟؟؟ ما ندري و شكراً.  :-\

34
و الله ضحكيتنا و حنا محتاجين نضحك الله يفرح قلبيك.. انت بهولندا لو وين هسة

مصطفى فائق
دبي

35
ارجو المساعدة ابحث عن سوزان ترخان و اختها شمران و حنان و كامران لكن لم اعرف كيف استخدم محرك البحث ارجو المساعدة فقدنا الاتصال بهم من ايام بغداد 92 و هم خرجو الى هولندا و هم اصلا من عين كاوة و لكن من سكنت البتاويين ارجو المساعدة  :-\

تنتوني مال سالا. :o

صفحات: [1]